بوست عبدالله حمد العالى عن الطفل (وائل ) ونقل الدم

سلام يا عبد الله
اليك البوست من الارشيف
مازال وائل يموت بين خطابات وزاره الصحه المتسؤله وأحتيال... الانسانيه(توجد صور)

Quote: باالامس خرجنا الي العمل انا وصديقي وشريكي(حيدر) وعند الساعه11 صباحا وقفنا جنب عماره التامينات في شارع الحريه في انتظار بعض الاشخاص وطلب مني ان اذهب معه ورفضته وانتظرت في العربه قرابه ساعه الا ربع وبعدها اتصلت عليهو فقال لي سوف اتاخر 10 قائق تانيه وانتظرت العشره دقائق الاخري واتصلت تاني عليهو فقال لي انا بفطر والناس ديل اصرو عليهو لاكن جاي خلاص فقلت له تم فطورك خلاص وانا بمشي افطر وارجع واتفقناعلي ذلك. ونزلت من العربه ابحث عن اقرب كافتريااو مطعم فلم اجد سوي بقاله صغيره وامامها قدره فول فطلبت منه فول فقال لي خلص ومافي الامويه فول فقلت له اوكي بوش يعني قال لي اي فااعطاني صحن وعيش وبديت اقطع في العيش فجاه شاب سوداني يبلغ من العمر بالتقريب 43سنه وبرضو عايز شوف اي حاجه تسد رمقو ومن ثم الانطلاقه في مشاكل الحياه اليوميه فقلت له انتظر اعمل الفطور ونفطر سوا بدل افطر براي فرحب الرجل بالفكره وبالفعل عملنا الفطور وفي اثناء الفطور بدات الونسه والكلام والضحك والرجل بشوش خالص وطلع في جيران مشتركين بينا وسالت من احد الاشخاص فقال لي بعرفو وتلفونو معاي وفي تلك الاثناء ظهر الصديق حيدر واستعجلني في المشي فقام قال لي الشاب الطلع اسمو محمد ماعايز التلفون فكتبت تلفون الجار المشترك بينا وذهبت طوالي فشعرت بي احراج انو ما اخذت تلفونو ولا علي الاقل علي سبيل الاحترام فرجعت واعتزرت له وطلبت التلفون واعطاني له بكل بشاشه وطيبه سودانيه وعند ركوبي العربه سالني حيدر ده منو فقلت له اتعرفت عليهو قبل شويه وفي جار مشترك بينا فسكت حيدر واخذنا نتناقش في مواضع الشغل وفي اليوم الثاني الهوه اليله انا منتظر الصديق حيدر في البيت الساعه 7 صباحا حوالي الساعه سبعه وربع اتصل حيدر وانو عمل حادث خفيف فوصف لي مكان الحادث فمشيت لقيتو سليم والحمدلله بس العربه فيها مشكله فقال لي خلاص انا بمشي اصلح العربه وانت امشي كمل باقي شغلك وكنت مواعد الصديق تخميس سفيان نابري وحرمه فطلعت الموبايل كي اضرب لي شخص عندو عربيه او اي بتاع امجاد اجره ان شالله فاتصلت علي صديق يدعي محمد فرد علي مانفس الصوت المالوف علي فقلت له معليش انا عايز محمد فقال لي انا محمد فقلت ليهو محمد منو فقال لي ماعرفتني شكلك فقام زكرني انو اتقابلنا امبارح وكده فضحكت واعتزرت مره تانيه وعلي الفور اتزكرت انو هو امبارح قال لي انا شغال في امجاد فقمت قلت ليهو انت يازول شكلك كده الله كاتب ليك رزق معاي وحكيت ليه بالحاصل فقال لي ربع ساعه بكون معاك وبالفعل جاني واخذته ومشينا لي الصديق نابري ومن ضمن المشاوير المشيناها جهاز المغتربين لانو سفيان بعمل في اجرات السفر وفي انتظار جهاز المغتربين وسخفو داك قعدنا نتونس انا وسفيان مع شاب صاحب البسمه الطيبه . وطلع اسمو محمد محجوب من امدرمان الثوره متزوج واب لي اربعه اولاد وبنت وكل ولدين تؤام وكان تاجر من تجار سوق امدرمان المعروفين جدا ولاكن الظروف بدات في تدهورت بعداكتشاف مرض ابنو (وائل محمد محجوب)بعد ولادته بي اربعه شهور فقط التؤام صاحب الفصيله النادره والمختلف عن كل اخوانو وحتي تؤامو الثاني الطفل الذي ينقل له الدم مره في الاسبوع علي الاقل الطفل الذي يبلغ حاليا من العمر تسعه سنوات ولم يعرف حتي اللحظه القراء او الكتابه او حتي يحفظ اي سوره من القران الطفل الذي كان في الرابعه من عمرو وتم استصال الطوحال له علي يد المستر عمر الامين الطفل الذي ياتيهو الدعم من فئه قليله من الناس الطفل الذي لم تتكرم الدوله في في مساهمه علاجه ولو بشي بسيط والدوله ممثله في وزاره الصحه الاتحاديه. كان الطفل يرقد في مستشفي البلك لعمليه نقل الدم وكان وفد من وزاره الصحه بقياده الوزيره يمر علي المستشفي فوجدت المريض فقال لها الدكتور متولي عبد المجيد حسين استشاري امراض الدم في الاطفال يحتاج عمليه زرع فااعطت الوزيره الكرت بتعاها وذهب الاب كي يستلم دعم الدوله الذي انتظره ولم يصل وجاهو في محلو يتفاجاء بي خطابات (شحده)لي كبري الشركات السودانيه والي وزير الصحه المصري الدكتور حاتم الجبالي كي يساهم في علاج الطفل الذي لم تساهم ولو بي جزء قليل منه وزاره الصحه الكل يعرف امتيازات الوزير شنو فيها شنو لو اعتزرتي سعاده الوزيره وتعللتي باي سبب او ساهمتي باي شي ولو من جيبك الخاص كيف يسهام الجبالي وحتي المريض لايمتلك قيمه تزكره طائره توصله الي الجبالي سبحان الله.. ناس عايزه الجبالي وناس عايزه العلالي وناس سهرانه اليالي تحلم في فرج بكره. هذا الرجل اخذ الخطابات وسعي ولم يجد سوي الاحراج والوعود الكاذبه الي ان ظهر برنامج البيت السعيد بالصدفه وفي اثناء تصوير من مستشفي البلك وبدات من هناء مسلسل المنظمات المحتاله والناس البلعبوا بي مشاعر الاخرين والصحفيين البرفضوا ينزلوا الاعلان او يتكلموا عن خطابات الوزاره الا صحفي واحدوسوف انزل ماكتب عن وائل ان شالله فبعد ما سمعنا ماسمعنا انا وصديقي سفيان عن ماساه وائل سالناهوما نزلت الحاجه ده في النت لي قال لينا كان مفروض تنزل قبل فتره طويله وكان من المفروض ينزلها احد بورداب سودانيز اون لاين لاكن قال قال ليهو الموقع فيهو مشكله فقلنا ليهو كان تضرب ليهو تاني وثالث قال خجلت وذي الحسيت انو الحاجه تكون بي قروش فضحكنا انا وصديقي سفسفه لما اتعقد الراجل فقمنا حكينا ليهو قصتي وقصه ود الصائم مع البوردابي الجديد الجاء قالوا لي ود الصائم وقال ليهو انا اشتركت في سودانيز اون لاين وعايز اعرف الاشتراك الشهري بدفعوه وين؟ فماعارفين انو القصه حقيقه ولا منسوبه فقط وقصتي مع احدالاصحاب في القاهره قال عايز يعمل ايميل ضروري عشان اتكلم مع خطيبتو وبقي لي في حلقي فقلت ليهو بي مائه جنيه وهو راجل بخيل جدا فدفع المائه جنيه وعملته ليهو الاميل وسكتو هو والشباب ومشينا اتعشينا وبعد اك كلمتو وحكينا كثير من القصص والراجل بيضحك معنا ذي التقول هو يملك الدنيا كلها ولا عندي اي مشكله ولا مفروض انو ماشي المستشفي عشان ابنو عايز عمليه نقل دم وبتستمر قرابت 12 ساعه بعد سمعنا كل قصص ابو وائل وعمليات النصب والاحتيال مشينا وشفنا وائل وصورناهو وصورنا التقارير والخطابات المتسؤله ماعشان حاجه عشان نساعد وائل والله لانو علي يقين تام انو وائل ليهو رب بشوفو وانو في ناس بتساعد كل الناس لي وجه الله تعالي وانا علي يقين تام بل اقسم انو وائل مابتطلع فاضي الوفاض من سودانيز اون لاين فماسمعت بي شخص دخل سودانيز اون لاين وطلب مساعده وطلع فاضي منظمه تنادينا وائل يناديكم

شكرا ليك ياعزيزي

قاسم المهداوي

وباين كده وصلك اللوم

وانا حقيقه استغربت انو يكون

في عمل انساني في القاهره

وقاسم بعيد منو

ده ما شكر كيبورد لاكن حقيقه عايشناها فيك من قرب

وليك العتبي حتي ترضي

والطفل وائل بخير وحاليا في الاستعداد لي الرحيل اليكم

في قاهره المعز

وعارفكم قدرها ونص وقول لي سفيان ومطر قادم وبهاء عيسي وحبيب نوره

استعدوا