باسم مليونين شهيد تبقى قدامنا 240 يومآ فقط ونرافع رأى استقلالنا

انه من الضرورى ان يكون للشعب جنوبى السودان وطن قومى بعد ان عانى كثيرآ ولعدة اعوام.
نعم من الضرورى وطنآ من اجل دؤمانا التى روينا بها النصر فى فترة النضال
وشعور العالم اننا شعب لها من الحضارة الحربية ما لها من الحضارة التاريخية
واننا اقوياء ننشد السلام لا مهازيل فرار نبغى عفوآ عند المقدرة


الاستفتاء قضيتنا بذلنا فيها الدم والمال وعانينا من اجلها شظف العيش وضيق الشعب
واحاطت بنا فى سبيلها الازمات المالية التى ما كانت لتحيط بنا لو اننا نأينا بأنفسنا عن قدرنا الذى نعرف انه قدرنا.


والعام المقبل وبعد هذا مكر الجلابة هل لنا ان نلمح فى الافق القريب شاعآ من التفاؤل تهتدى به خطواتنا الى الاستفتاء.

كرامآ موفورين نذهب اليه تضافرت ايدينا فى قضيتنا وتوحدت قلوبنا...
فالحب العام المقبل هو شريعتنا عليه اجتمعناوانتصرنا وبه دائمآ نجتمع وبه دائمآ ننتصر.

يا زول مبروك ..

بس المهم تكونوا مبسوطين ...

الف مبروك للدبلوماسية الجنوبية انتصار مابعدو انتصار

Quote: الف مبروك للدبلوماسية الجنوبية انتصار مابعدو انتصار

Good ID

نسأل الله لكم وطناً معافاً يحقق طموحات شعب جنوب السودان
استحقيتم تقرير مصيركم بجدارة سلماً و حرباً

بس ما تنسوا حق الجيرة

اكوي يا حبيب للاسف لن يكون هنالك انفصال

وصدقني انت ما عارف حاجه.

الخلا سلفاكير يطلع في الشوار يقول مؤتمر وطني ووويييي


حيخلي سلفاكير يطلع في الشوار برضو ويقول وحده وووويييييي.




وقريشن ده شوفته لسه ما أشتغلوهوا

قريشن ده حيطلع برضوا في الشوارع يقول وحده وووويييييي

وتشوف براك.

هؤلاء سحره يا اكوي

السحر انتو ما بتعرفوا في الجنوب وما بتصدقوا لكنه حقيقيه

وهؤلاء يتعاملون معه.







لذلك نحن غاضبين من سحب سلاكير لترشيح عرمان

رغم اني لم اوفق في الاول...ولكني ارفض احتقار ارداة الجماهير.

كنا وما زلنا نريده وطن حدادي مدادي
من نمولي لحلفا
ومن الجنينة لسواكن
بالفيه نتساوي
نحلم ونقرا نتداوي
مساكن كهربة وموية
وتحتنا الضلمة تتهاوي

بس

لو أن إرادة الإنفصاليين فازت في إستفتاء (حر ونزيه.... لقيتها كيف دي؟؟؟)
حنحترمها
وحنرجع في ما تبقي من سودان
لا نتلاوم
ولكن نحاسب من فرط في جزء عزيز وغالي من وطنا البإسمه كتبنا ورطنا
وبرضو حنبني ما تبقي من وطن
بسلم وطيد
وتنمية مستدامة
وديمقراطية
وحقوق إنسان

من حق الجنوبيين أن يفرحوا بتحقيق حلمهم في إنشاء وطنهم

من حقهم أن يحصلوا على الفرصة الكاملة لإدارة أنفسهم وحكم اراضيهم

من حقهم أن يحصلو على كل اعتذار لازم عمّا أصابهم من الآخرين طوال السنين الماضية

وأتمنى أن تسود بين الدولتين علاقات حسن الجوار

الآخ أكوى دينق

تفرتق وطنا والله أصلوا ما كان عشمنا فى يوم من الآيام

ربنا يجازى الكان سبب.

رغم كل شئ أملنا فى الله قوى.ولإيماننا بوحدة وطنا سنعمل لذلك
ما دمنا على قيد الحياه.

إقليم أتوا والناطق بالفرنسيه فى كندا منح حق تقرير المصير
لكن تحكيم العقل على العاطفه جعل فوز وحدة كندا ممكنا, وأتوقع
من غالبية أهلى فى جنوب البلاد بالوقوف مع وحدة الوطن بغض النظر
عن المآسى والتى نعايشها جميعا.
ولنجعل من مؤتمر جوبا 1947 نراسا لنا, ولنتذكر القيادات السياسيه
والتى شاركت فيه:-
بوث ديو
كلمنت امبورو
فلمون مجوك
وغيرهم

الآخ أكوى
فى الشمال والجنوب هنالك من يدعم الإنفصال لكن هنالك الكثيرين
من يؤمن إيمانا فاطعا بوحدة الوطن وترابه وأنا منهم,

وبقول :-

أنت سودانى وسودانى أنا
ضمنا الوادى فمن يفصلنا

منقو قل معى لا عاش من يفصلنا.

Quote: هؤلاء سحره يا اكوي

سلام ياتراجى
والله ياعزيزتى تراجى المرة دي كنجور جدنا دينق ديت فاتح عينه تنج
ولا خوف من سحر الجلابة, الله اكبر والعزة لجنوب السودان.

حاربتم بشرف أخي أكوي تحت راية القائد د.جون قرنق الذي لولا القدر لكنا قادرين أن نفاخر به الأمم كزعيم وطني وهو على كرسي الرئاسة، ووقعتم سلاما مشرفا، وسنبارك لكم يا أكوي، والغصة في حلوقنا خاصة نحن الذين عشنا طفولتنا هناك في الجنوب وأصبح منا بمثابة الدم الذي يجري في العروق.
لكننا سنعترف بشجاعة يا أكوي أننا نتحمل القسط الأكبر من الأذى الكبير والمظالم الهائلة التي حاقت بأهلنا في الجنوب.

Quote: حاربتم بشرف أخي أكوي تحت راية القائد د.جون قرنق الذي لولا القدر لكنا قادرين أن نفاخر به الأمم كزعيم وطني وهو على كرسي الرئاسة، ووقعتم سلاما مشرفا، وسنبارك لكم يا أكوي، والغصة في حلوقنا خاصة نحن الذين عشنا طفولتنا هناك في الجنوب وأصبح منا بمثابة الدم الذي يجري في العروق. لكننا سنعترف بشجاعة يا أكوي أننا نتحمل القسط الأكبر من الأذى الكبير والمظالم الهائلة التي حاقت بأهلنا في الجنوب.

الاخ خالد عويس
سلام
من اجل حرصنا على مبادئ واساس السودان الجديد قدم الحركة الشعبية ياسر عرمان.
ولكن استهبال واستفزاز الجلابة , يجبرنا نقول.. جنوب السودان

Quote: نسأل الله لكم وطناً معافاً يحقق طموحات شعب جنوب السودان استحقيتم تقرير مصيركم بجدارة سلماً و حرباً بس ما تنسوا حق الجيرة

لك كل التقدير ولاحترام
لحديثك الامين الصادق

وحق الجار فرض.وعلى العين والرأس

Quote: يا زول مبروك .. بس المهم تكونوا مبسوطين ...

السرور والمحبة هى شريعتنا, وكتابنا المقدس يعلمنا... حب اخيك كما تحب نفسك
ونحن شعب نستطيع ان نخلق السعادة فى نفوسنا وونشيعها حولنا..ولا نحتاج الى كثير جهد لنصنعها.



المهم يازول نحن فى دولتنا.. مبسوطين على اطول ان شاءالله

.




تقرير أمريكي : 260 ألف نازح ومتشرد في جنوب السودان بسبب انعدام الغذاء
http://www.sudaneseonline.com/ar1/publish/article_6706.shtml


.

ان اختار شعب الجنوب الانفصال نسأل الله لهم التقدم والازدهار
وجيرة طيبة مع باقي السودان..وان اختاروا ان يبقوا ضمن عقد الوطن
فالف مرحبا بهم فهم اساسه وفي كل الحالتين امنيتي ان يعبر السودان
واهله بحر المرارات والمظالم والاستبداد الى حيث الديمقراطية والامن
والامان والسلم والسلام

.
.

مع خالص الأمنيات والدعوات لكم بالتوفيق والنجاح في بناء دولة مؤسسات تكفل العيش الكريم لمواطنيها .
.
.

Quote: من حق الجنوبيين أن يفرحوا بتحقيق حلمهم في إنشاء وطنهم من حقهم أن يحصلوا على الفرصة الكاملة لإدارة أنفسهم وحكم اراضيهم من حقهم أن يحصلو على كل اعتذار لازم عمّا أصابهم من الآخرين طوال السنين الماضية وأتمنى أن تسود بين الدولتين علاقات حسن الجوار

كامل الاتفاق يا هاني ....


تستحقون وطنا ويلادا تحترمكم وتحترم انسانيتكم ي اكوي ....

رحم الله الزعيم جون قرنق..

Quote: من حق الجنوبيين أن يفرحوا بتحقيق حلمهم في إنشاء وطنهم من حقهم أن يحصلوا على الفرصة الكاملة لإدارة أنفسهم وحكم اراضيهم من حقهم أن يحصلو على كل اعتذار لازم عمّا أصابهم من الآخرين طوال السنين الماضية وأتمنى أن تسود بين الدولتين علاقات حسن الجوار

خير ما قلت هاني

مبروك مقدما اكوي

وصدقني سنحزن لفراقكم

ولكنها الاقدار يا صديق

مودتي الاكيدة

Quote: تقرير أمريكي : 260 ألف نازح ومتشرد في جنوب السودان بسبب انعدام الغذاء

ويعنى الجديد شنو فى ذلك
اهو فى قلب الخرطوم اكثر من نصف السكان نازحين

الاخوة الجيران
1-Nasr
2-Hani Arabi Mohamed
3-ABDALLAH ABDALLAH
4-نيازى مصطفى
5-ALazhary2
6- الوليد محمد الامين
7-Salaha Abdulla

خليكم على ثقة بيننا حقوق الجار والعلاقات الكريمة ان شاءالله

Quote: ويعنى الجديد شنو فى ذلك اهو فى قلب الخرطوم اكثر من نصف السكان نازحين

جبت المفيد!

المعنى يا أكوي يا أخوي وبالواضح كدا سقف أحلامكم ما تعلوهو شديد
وتنخدعو بشعارات رنانة ساي، إذ لا يوجد فرق بين مؤتمر وطني أو حركة شعبية
حين يأتي الأمر لمواطنين مطحونين .. وووو.. إلخ .. إذ إنو كلو محصل بعضو!
وحتى قرار إنفصالكم من عدمو محكوم بمصالح ساستكم ومكاسبهم الشخصية!

عشان كدا خليكم قاعدين معانا نحن الجلابة المهمشين ديل
نلوك في حبل الصبر مع بعض لمن نموت!


______________
اللهم ارحم القائد جون قرنق!

Quote: والعام المقبل وبعد هذا مكر الجلابة هل لنا ان نلمح فى الافق القريب شاعآ من التفاؤل تهتدى به خطواتنا الى الاستفتاء

والله يا أكوي الناس الانت مسميهم جلابة ... دايرنكم تنفصلو بزعامة شيخهم الطيب مصطفي..... الا اذا اصابك عمي الالوان زي سلفاكير بقي خاتي راسو مع البشير....
باقي الشماليين الما دايرننكم تنفصلو.... ما عندهم معاكم مشكله من اساسو....
...
الحاجة التانية .... ما تتخيل إن الغرب سيحيل الجنوب الي جنة.....
كل ما تكون عندك ثروات في أفريقيا .... ستجلب لك اللعنه و الحراميه ....
الناس الماشين صاح ... العندهم تعليم ...و مستثمرين في ثروتهم البشرية......
و انتو بسبب الحرب و التجاهل من الحكومات المتعاقبة مشواركم طويل....
افريقيا فيها دول اغني من الجنوب ... و ما فيها رحمة...
الكنغو مثلا صاحبة الرقم الاعلي في الاباده الجماعية و القتل....
أوربا و الغرب لن تكون انت أعز عليهم من رواندا او الكونغو ودي دول مسيحيه او نيجيريا الشغالة تصدر بترول و تستورده في نفس الوقت.. و لو انت حاجز في طياره ما تسافر اذا ما دفعت....أو الصومال البقومو الطيارة قبل مواعيدها.....
يعني لو الله أداكم ..... يجيبوكم في النيوز... كناس محتاجين اعانه و يمكن يرمو ليكم الاكل بالطيارات..., just another nigger
و إحتمال لو جاءكم زلزال يجو يسرقو شفعكم و تلقي الناس متعاطفه مع الحرامية زى ما حصل في هايتي
الاوربي و الغربي عندما تذكر له أفريقيا يتكلم لك عن أن ساعد و دفع و يتحسس جيبه.....
كدي امسك اي ذو اصول اوربيه و قول ليهو "المفروض امريكا و اوربا يدفعو مليارات لافريقيا تعويض عن العبودية زي ما دفعو لليهود عن الحقبة النازيه...
أو اتكلم ليهو عن أسود كان عالم مشهور او طبيب او مخترع اسود... ستجد انه لا يشارك الحديث و عايز يغير الموضوع.....
او قول ليهو بارك اوباما من ناحية الذكاء أذكي من بوش بمراحل و اتكلم ليهو عن الاي كيو بتاعو ....
فيا خي ما تبقي زول طيب زي ما بيقولو المصريين "
علي العموم الله يوفقكم....

http://www.youtube.com/watch?v=MPtoSogR_zQ&feature=related

المجد والخلود للراحل جون قرنق
فقد كان للرجل موقف وحدوي واضح وصريح
وكان محبا للسودان الكبير...
واخاف ان تاتي الرياح بما لاتشتهي روح الخالد جون قرنق

يعني نحنا يا أكوي ديتق زنبنا شنووووو؟
الورطه الحالية دي بسبب المؤتمر الوطني....

قرنق الله يرحمو وحدوي , فبلاش تجدعو كلام و افكارو في الواطه....

ما تنسو نصائح قرنق.

أكوي أنت هلالابي و لا مريخابي.....
هسع كان انفصلتو الهلالاب بتاعينكم بسو شنو؟
هسع الليلة ناس سيف مساوي و سادومباو أمبيلي ما كيفوك....

Quote: أكوي أنت هلالابي و لا مريخابي..... هسع كان انفصلتو الهلالاب بتاعينكم بسو شنو؟ هسع الليلة ناس سيف مساوي و سادومباو أمبيلي ما كيفوك....

انا مريخابى لانو قائد فرقة المريخ نوبى اصيل من جبالنا.. الحبيب
والعجب حبيب ان شاءالله سوف يقود المشوارة الشعبية لشعب جبال النوبة
من داخل القعلة الحمراء لانضمام الى انقسنا والجنوب

Quote: الله اكبر والعزة لجنوب السودان

ده شنو ده ؟

Quote: : الله اكبر والعزة لجنوب السودان ده شنو ده ؟

ده صلاح غربيه بتاع جنوب...
أو داك أكوي بتاع مندكورو

Quote: باسم مليونين شهيد تبقى قدامنا 240 يومآ فقط ونرافع رأى استقلالنا

قششششششششششششششششششششششة ما تعر ليكم

اكوي العزيز
اقول كما قال من سبقوني لقد استحقتتم الاستقلال بنضالكم البطولي
اتمنى ان يبقى بين دولتي السودان الاحترام و الصداقة فيكفى اهل هذه البقعة من الارض ما سفك فيها من دماء

-------

ويبقى الحلم في الوحدة قائما
ربما يوما ما

وهكذا دولة السودان الشمالي
ويبقي دولة الاماتونج حديث السودان الجنوبي

قششششششششششششششششششششششة ما تعر ليكم

يلا جعلى ياظلامى خارجنا..منكم كدا مبسوطين ولا.

يازول والله ألف مبروك..وانا عندي إعتقاد إن أهل الجنوب لو ركزوا شويه ممكن تكون الدوله الجديده أحسن من الشمال..بس الخوف من الحرب الأهليه بين قبائل الجنوب...دينكا ،شلك،نوير،تبوسا،منداربى،باريا،لاتوكا،مورلي،زاندي،فرتيت،زاندي ...وتطول اللسته.....

Quote: .بس الخوف من الحرب الأهليه بين قبائل الجنوب...دينكا ،شلك،نوير،تبوسا،منداربى،باريا،لاتوكا،مورلي،زاندي،فرتيت،زاندي ...وتطول اللسته.....

شيلوا الوهم ال فى رأسكم دا ياجلابة,وان شاء الله يكون الاستفتاء سبب توحيدنا للابد الدهر.

..
.
يا زول مبروكـ ودا حق طبيعى ..
وقشة ما تعتر ليكم ..

--------

بس عليك الله اتخارجوا سريع
حقيقة كثافتكم السكانية فى الشمال
فايته الحد ..

أكوى

يا عنصرى بغيض .


أتمنى ينط فيها عسكرى أخر ويديكم علقة عشرة سنوات تانية قبل ما ..

لا تمن علينا بنصر كسبتموه حين غفلة ..


بريمة

الاخ اكوى وكل الوحدويين فى هذا المنبر
اهديكم اغنية النعام آدم الاخر ( ابراهيم دينق)

دا كلام انبياء عديل من آدم لى ابراهيم


http://www.youtube.com/watch?v=6I4nl20jHtU


واخر كلمات الاغنية دى:
محصول الخراب مافيهو غير الزاد مضبلن

الترجمة حتكون يوم الوقفة فى يناير 2011

اريتك (م) تبقى(وا) طيب (ين)
وانا البى كلو هين

ملاحظة البين اقواس الفوق ديل يمكن لحمها مع ما قبلها
اذا انتصرت وحدانية السودان على تشظيه ونهشة وتهشيمة.

وعموما فى كل الاحوال
ابراهيم دينق دا
خلو لينا

اصلو قليبا لينا ما بحمل هوين

تسلمو
هاشم احمد الحسونى

وحدوى مزمن.
سيدنى
5/ابريل
2010

Quote: تمنى ينط فيها عسكرى أخر ويديكم علقة عشرة سنوات تانية قبل ما ..

بريمة

يامراحيل, يامجرم
ياحاقد ياحاسد ,دي اتفاقية يحرسه انيانيا2
ومن يريد تكرار شريط نميرى فى اتفاقية اديس ابابا

ونقضه لاتقافية 72 بقوله.. المشهور ان الاتفاقية ليست نسخة من القرأن الكريم
نقول.. ان اتفاقية نيفاشا 2005 كتابها فوق القرأن زاتو
وموش يجئ عسكرى للانقلاب ... لو جاء نبى زاتو لا يستطيع على نيفاشا

Quote: بس عليك الله اتخارجوا سريع حقيقة كثافتكم السكانية فى الشمال فايته الحد ..

يازول انت موش بقارى مسيرى من جنوب كردفان
خلينى انقاش اسيادك الجلابة,لانو من انت فى الخارطة الشمالية.
الا مجرد خادم مامور يخدم ويقاتل من اجل سيدو الجعلى والشايقى

يابليد الجنوب دا كانت رحمة بنسبة لكم, اكتر من الشمال .
انا هسع فى المنبر العام دا لدى ملحوظة اي بوست تختص بالشأن قبيلة المسيرية
ما فى جلابى بجيب خبره.والمسيرى المليشى الذى فتح البوست يناقش روحه زى المجنون فى مستشفى التجانى الماحى
واذا وجد من يشاركه فى الرأى لابد يكون مسيرى مليشى مثله . او نجامهم نحن.. الجنوبيين انا شخصآ والاخ جوك بيونق

أكوى

يا عنصرى .. بغيض
أحسن ليك تمسك الخشب ..

ونحن ذاتنا ماسكين الخشب معاكم ..
أخر لحظة ممكن ينط فيها عسكرى .. وتقعدوا للجرى فى الغابة مثل الجكن البرى

هدأ اللعب ..

أرجو أن لا تلم معك جوك بيونق ..
جوك عندو قضية وأنت محرج ساكت ..


بريمة

Quote: اتفاقية نيفاشا 2005 كتابها فوق القرأن زاتو

دا البخلى المتطرفين من الشمال يعلنوا فيكم الجهاد تانى ..


وهذه المرة عندهم طيران عدييل .. الصافات ..
البراميل بتاعت الأنتى نوف مافى هذه المرة ..

شوف يا عنصرى .. الناس ديل ما عندهم رأفه
أنظر ماذا يفعلون فى دارفور ..

أنت عايز دا يحصل تانى فى الجنوب
الناس ديل لا يهمهم أن يموت كل سكان الجنوب وليس مليونى جنوبى
صدقنى ..
أحسن تلبد ..
وأدعو الرب ..
عشان يكضب الشينة
..
للعلم المثقفين الشماليين الواقفين من أجل حقوق الجنوب أكثر من سكان الجنوب جميعهم
أوعاك تبخس مواقفهم ..

أنت زول حيوان ساكت

بريمة

Dear Akoy,

I wish your budding country all the best, you will lose nothing by separating from a failed state like the current Sudan, in fact you will escape living under the the shadow of a criminal regime whose leader is wanted by the ICC with all the expected sanctions and international isolation, and whose politicians to date can not figure out how to take a serious decision about preserving the flimmsy hope of a united Sudan, like the traffic light they change their minds three times day about a simple act like participating in elections planned many years ago!!You deserve better, and believe me, given a chance, I wil be the first to leave this mess of a country, and never look back, I wouldn't waste the sacrifices of 2 million Southern Sudanese.Have your beautiful South, your oil and forward looking people, and let the miserable North keep their God and their desert.Life is too short to watse with the messy North.Good luck

Adil

عادل

أعمل نفس الأمنيات الصالحات لسكان دارفور

وكردفان

والشرق

وجنوب كردفان

والنيل الأزرق

وأقعد أنت ذى قرد الطلحة تبهلق فى لاشيئ

السودان من الذى خربه غير أمثالك الجلابة

واليوم عايزين تبقوا فيها حكماء ..

كم بعتم فى تجارة الرقيق من أبناء الجنوب ومناطق التماس

أمشى يا حفيد الزبير باشا .. شوف ليك جهة أتلم عليها
لأننا حنطرد كل قطيع الشمال حيال أنفصال الجنوب الحبيب

جهزوا ساكينكم .. يا أهربوا يا أبخاس


بريمة

Quote: باسم مليونين شهيد تبقى قدامنا 240 يومآ فقط ونرافع رأى استقلالنا

الانفصال بعيد المنال يا أكوي ..

فاكر الدينكا أغلبية في الجنوب يا مسكين ..

نظراً لسلوك الحركة في إدارة الجنوب أصبح أنصارها في الجنوب أقلية .. ربما ينحصرون في قبيلة الدينك فقطا .. والدليل ترشح زوجة الرجل الثاني في الحركة (مشار) ونزولها كمستقلة في ديار النوير ..


صدقني لو أراد المؤتمر إسقاط سلفا كير في عقر داره لاستطاع ذلك بسهولة .. ولكنها التسويات والمساومات ..


كلامك بيش .. الجنوب أصبح غير يا أكوي ..


مسكين ..

يا إخوانا خلوها حلوة شوية
هسع الكلام دا ما موضوعي وأكيد
حايحصل، يعني بطلوا الاوهام والتحليلات الفارغة
كلكم واقعين ضد بعض بشتائم .
المواطن الجنوبي هو الحايقرر وصوته حينسمع في كل
الاحوال، قصة تقرير المصير دا ما هين وفوق كل اللعبات السياسية
والمصالح الحزبية والقبلية الضيقة الافاق.
ياخ لا دينكا ولا نوير ولاشلك وباريا ، الحرب والموت ما فرق بيناتهم
وحتي بعض العنصريين بيفرقوا بينهم اللهم الا لغرض في انفسهم
هسع السودان كلو ما مقسم والشمال ما احسن من الجنوب في شئ ولا
الجنوب فايتة الشمال في مشاكلو يعني كلنا في الهوي سوا.
أنا انفصالي رغم أني عشت اغلب سنين حياتي في الشمال وملم
باشكاليات المجتمع وتاثير السياسة علي قضيتي والوحدة والانفصال
وبشوف انو انفصال الجنوب خير دواء للحالة المزرية التي نعيشها
أنا لا اكره الشماليين واحترم وجه نظرهم في الحكم ولكن برضو
بشوف انهم يحترموا خيار الجنوبيين دون عنصرية وتعالي علي الفارغ
الوحدة بالطريقة التي اختبرناه ليس جاذبا ولن يكون جاذبا البتة
كما ان ثمة تغييراً لم يحدث منذ التوقيع علي نيفاشا.
ارجو التعاطف مع شعب الجنوب الذي لا يريد شيئاً سوي الحياة
الكريمة البعيدة عن التناحر والحروب لاي سبباً كان
وآمل ان يوفقنا الله لما فيه الخير للجميع في كل ربوع السودان

الاخ Akoy

صباح الخير


كل الأمنيات والدعوات لكم بالتوفيق والنجاح في بناء دولة مؤسسات تكفل العيش الكريم لمواطنيها .


و لكن

Quote: والعام المقبل وبعد هذا مكر الجلابة هل لنا ان نلمح فى الافق القريب شاعآ من التفاؤل تهتدى به خطواتنا الى الاستفتاء

لقد رهنت الحركة الشعبية قرارها بيد امكر الجلابة و فلا تأمل بعالم سعيد

و مرحبا بك في نادي المهمشين


خد عندك قول واحد

Quote: الانفصال بعيد المنال يا أكوي .. فاكر الدينكا أغلبية في الجنوب يا مسكين .. نظراً لسلوك الحركة في إدارة الجنوب أصبح أنصارها في الجنوب أقلية .. ربما ينحصرون في قبيلة الدينك فقطا .. والدليل ترشح زوجة الرجل الثاني في الحركة (مشار) ونزولها كمستقلة في ديار النوير .. صدقني لو أراد المؤتمر إسقاط سلفا كير في عقر داره لاستطاع ذلك بسهولة .. ولكنها التسويات والمساومات .. كلامك بيش .. الجنوب أصبح غير يا أكوي .. مسكين ..

ز

تبلدينا اثار نقطة مهمة
ابناء الجنوب المقيمين بالشمال..كيف سيكون وضعهم؟؟
..
على العموم اذا اختار ابناء الجنوب الانفصال في الاستفتاء المقبل- و هذا ما لا اتمناه - فما على ابناء الشمال الا قول (مبروك مع التمنيات بالرخاء و النماء و علاقات وطيدة بين الدولتين)

Quote: Author: Albino Akoon Ibrahim Akoon ارجو التعاطف مع شعب الجنوب الذي لا يريد شيئاً سوي الحياة الكريمة البعيدة عن التناحر والحروب لاي سبباً كان وآمل ان يوفقنا الله لما فيه الخير للجميع في كل ربوع السودان

والله يا البينو كفيت ووفيت..
الا والله الحزن والهم والغم مالينا من هسع

لك مودتي

زي ما قاعدين نطالب بالتحول الديمقراطي والتداول السلمي للسلطة في كل السودان، مفروض نكون متسقين مع البنؤمن بيهو ونحترم رأي أغلبية الجنوبيين اذا كان الرأي دا الانفصال، طالما كان الأمر دا ضمن استفتاء نزيه يحترم أصواتهم.
غير أن الأمر لا يخلو من غُصة

Quote: نقول.. ان اتفاقية نيفاشا 2005 كتابها فوق القرأن زاتو

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا




كده كترتها يا اكوي .. خليكم في السياسة والانفصال والوحدة وغيره .. وما تخلي الناس يجروك ويفقدوك المنطق .

Quote: وهذه المرة عندهم طيران عدييل .. الصافات .. البراميل بتاعت الأنتى نوف مافى هذه المرة ..

بريمـة،

كويس عندنا الصافات..

طيب..

الجنوبيين ديل ســودانيين مواطنين، كونوهم ينفصلوا بالجنوب واللا حتى بالشمال دا كلو كوم.

لكن شوف الما ســودانيين المحتلين جزء من الســودان فى حلايب.

أين الصافات؟

هل مصانع الدبابات والصواريخ والطائرات بطيار وبدون طيار، دى كلها ضد المواطن فى دارفور والجنوب،
أم لحماية حدود السودان والدفاع عن سيادته؟

يا خوى يا باشمهندس،
الكلام دا ما عن الإنقاذ الكلام دا عن الصفوة الحاكمة منذ الإستقلال، عندهم السودان هو الخرطوم فقط.
وصدقنى لو الشعب أصـر على السير مثل العميانين خلف الطائفية وصنائعها مثل الجبهة، سوف ينطوى
الســودان مثل الفروة تحت أقدامهم فى الخرطوم.

الأخ أكوى،
سلامات و تقرير المصير حق أصيل للشعوب نصت عليه المواثيق الدوليـة، وإستحقه الجنوبيون بالقانون وبالنضال.

أنا أقترح إتفاقية جديدة لوحدة السودان، ولكن تضمن كل حقوق الجنوبيين التى نصت عليها نيفاشـا مثل الحكم
الذاتى والبترول وغيرهـا، كما ينص فى الدستـور حقهم فى تقرير المصيـر بأغلبية 80% من برلمان الجنوب
فى أى وقت، ( وليس بالإستفتاء)..

Quote: الانفصال بعيد المنال يا أكوي ..

بل قريب المنال هذا اذا لم يكن قد تم فعلا !

مشكله المثقف الشمالي أنه مازال يصدق كذب قادته , كذبوا عليه منذ الأستقلال وكل ما يصبح صباح تتكشف مزيد من الأكاذيب , ومع ذلك يصر المثقف الشمالي على ترديد تلك الأكاذيب .

أهل الجنوب هم من يملك الحق في أختيار الوحده أو الأنفصال , وهم قطعا سيختارون الأنفصال حتي ولو بقي هؤلاء المثقفاتيه يرددون الأكاذيب ويصورون أن الجنوب سيتحول الي (جهنم) فقط بمجرد أنفصاله عن الشمال ! .

الجنوبيون الذين عملت الدوله العربيه والأسلاميه في السودان على قتلهم وسحلهم واغتصلبهم طيله عقود من الزمن لن يختاروا الوحده لأنه يعتبرون هذه الوحده هي الجحيم بذاته , وهي فعلا كذلك , لم يجد الجنوب من الشمال سوى الحرب والدمار .

أكوى

سلام

مبروك مقدما

انتو السابقون ونحن اللاحقون .

Quote: مشكله المثقف الشمالي أنه مازال يصدق كذب قادته , كذبوا عليه منذ الأستقلال وكل ما يصبح صباح تتكشف مزيد من الأكاذيب , ومع ذلك يصر المثقف الشمالي على ترديد تلك الأكاذيب .

...

Quote: هؤلاء المثقفاتيه يرددون الأكاذيب ويصورون أن الجنوب سيتحول الي (جهنم) فقط بمجرد أنفصاله عن الشمال ! .

...

Quote: مبروك مقدما انتو السابقون ونحن اللاحقون .

.. مجدي نفخووو يحاضر عن الثقافة بثقافته العنصرية
مجدي نفخووو واكوووي .. دراويش ولاقو مداح ..
أو اشبه بالعميان الشايل المكسر ,,,
الاتنين مساكين .. بس بيفرق مجدي نفخو عن المسكين اكوووي .. إنو مجدي نفخووو مثقف
التحية لمجدي نفخووو المثقف ..

بس ما فهمته يا نفخووو .. إنتو منو اللاحقووون ديل ..؟
تبع ناس منو إنت ..؟
حسع حاسب نفسك تبع ناس منووو ...؟
السؤال دا ما ترد عليهو حسع دي .. خليهو بكرة الصباح لحدت ما اجيك واقوليك تعال رد ..
واوعه اللقاك عامل تلوث بيئي ... في البوست دا من وراي .. واوعك اللقاك قاعد تبكي من ردي ليك دا ..

يا عنصري يا اب راسا فاضي . عليك الله زي نوعيتك دي بتتكلم عن السودان وعن شؤون السودان ..؟
غايتو بختك لو ما منبر بكري دا .. والله نوعيتك دي هناك نشرك بيها للسمك ..

Quote: انه من الضرورى ان يكون للشعب جنوبى السودان وطن قومى بعد ان عانى كثيرآ ولعدة اعوام. نعم من الضرورى وطنآ من اجل دؤمانا التى روينا بها النصر فى فترة النضال وشعور العالم اننا شعب لها من الحضارة الحربية ما لها من الحضارة التاريخية واننا اقوياء ننشد السلام لا مهازيل فرار نبغى عفوآ عند المقدرة الاستفتاء قضيتنا بذلنا فيها الدم والمال وعانينا من اجلها شظف العيش وضيق الشعب واحاطت بنا فى سبيلها الازمات المالية التى ما كانت لتحيط بنا لو اننا نأينا بأنفسنا عن قدرنا الذى نعرف انه قدرنا. والعام المقبل وبعد هذا مكر الجلابة هل لنا ان نلمح فى الافق القريب شاعآ من التفاؤل تهتدى به خطواتنا الى الاستفتاء. كرامآ موفورين نذهب اليه تضافرت ايدينا فى قضيتنا وتوحدت قلوبنا... فالحب العام المقبل هو شريعتنا عليه اجتمعناوانتصرنا وبه دائمآ نجتمع وبه دائمآ ننتصر

عليكم بالعافية بس ياريت ما يرجع الجنوب الحبيب للحرب مرة اخرى والمرة دي بين ابناء الجنوب انفسهم

اذا اختار الجنوبيون الانفصال فلهم ذلك وبكل حب واحترام نقول لهم مبروك عليكم وان اختاروا الوحدة فحياهم الله اخوة اشقاء معنا نبنى وطن شاسع يحترم كل واحد فينا الاخر

اخوانا المصريين لمن واحد يفارق وهم كارهنة بيكسروا وراة قلة موية وانا حا اكسر وراكم كل القلل بس فارقونا

عليك الله إديني عشرة اسباب منطقية
يخليك تكره كل الجنوبيين!!
أكيد ما عندك اي سبب منطقي
وياخي انشاءالله تكسر ورانا
مصفي الجيلي وكل السدود
والخزانات مش قلل وازيار
الله يشفيك. ويشفي معاك الطيب مصطفي
العلمك الكراهية.

الناس البيقولو للجنوبيين مبروك عليكم ودا حقكم وتستاهلوه نسوا أو تناسوا حاجة مهمة
أنه حتي في إتفاقية السلام في حاجة إسمها أن نجعل الوحدة جاذبة
قليل هو الجهد في هذا المساق
حتي الأزواج لمن يفكروا في الطلاق بيدخلوا الأجاويد ووسطاء الخير
الذين يظنون أن الإنفصال ممكن يحل مشكلة لناس الجنوب أو (الشمال) فليفكروا مرة ثانية وليفكروا كثيرا
والذين يظنون أن الإنفصال سيكون بدون مشاكل فليتذكروا كم المشاكل بين أثيوبيا وأرتريا حتي بعد الإنفصال


هل من كلمة طيبة لجعل الوحدة جاذبة ؟؟؟؟؟
لم يفت الآوان بعد
(وبالمناسبة شفت أزواج كثار ما بترايدوا لكن قاعدين مع بعض عشان خاطر الأولاد)

الأخ Nasr

سلام

Quote: أنه حتي في إتفاقية السلام في حاجة إسمها أن نجعل الوحدة جاذبة

نحيلك لرائعه صلاح بن الباديه (فات الآوان)

الوحده الجاذبه دي خلاص وقتها فات وغنايا مات !

المؤتمر الوطني وعنصريي الشمال لم يمتلكوا وليس لديهم رغبه في الوحده من أساسه خليك من أن يجعلوها جاذبه , ديل دايرين الجنوبي ده (تاااابع) ليس الا .

ولأن( مؤخراتهم) المنتفخه بأموال السحت لا تقوى على (العصا) الأمريكاني المدببه (حاميه الأستقلال) قالوا ناخذها من قصيرها فأصبحوا من غلاه المنادين بالأنفصال حتى من الجنوبيين أنفسهم (أصحاب الوجعه).

ديل عندهم رأي قال ليك في خلقه ربنا زاتها تجي تقول وحده جاذبه .

الجنوب ده أنسو خلاص , خليكم في الباقي , دارفور والشرق (قوموا بما يبقيهم في السودان) , وده ما معناهو أنو ترسلوا طائرات وراجمات لأحتلال أرضهم و تطلقوا الأكاذيب ضد كل من ينادي بالمساواة من أبناء تلك المناطق كما فعلتم طيله الماضي , وأمامكم الجنوب أتعلموا منو لو كانت الحرب والكذب بيثبتو حق كان الجنوب ده بقى ( ملك حر ) ليكم الي يوم الدين .

وداعا جنوببنا الحبيب أنتم السابقون ونحن اللاحقون ان لم يتأدب القوم ويتهذبوا ويغيروا من سلوكهم الأستعلائي الذي ألبسوه للدوله السودانيه

آل أيه , آل السودان دوله عربيه و أسلاميه ياخي ديل ناس لذيذين خلاص , العالم دي ما عندها مرايات! , طيب لو ما العالم دي عاشت في (الخليج) (العربي) وبالملايين و ب عقود (الكفاله) وشافوا الحاصل على الطبيعه كانو يقولوا شنو!

--------------------------------------------

أكوي يا حبيب بالله شوف لي طريقه ل (ملت فييززا) عشان الواحد يقدر يجيك في أي وقت بعيد عن تعقيدات الديبلماسيه وكدا .

البينو

Quote: عليك الله إديني عشرة اسباب منطقية يخليك تكره كل الجنوبيين!! أكيد ما عندك اي سبب منطقي وياخي انشاءالله تكسر ورانا مصفي الجيلي وكل السدود والخزانات مش قلل وازيار الله يشفيك. ويشفي معاك الطيب مصطفي العلمك الكراهية.

يا اخوي الفاضي يضيع وقتة وجهدة في كرهكم منو
عاوز عشرة اسباب لكرهي للجنوبيين عنوان البوست دة براة فية عشرة اسباب تخليني اكسر وراكم كل القلل . واحد قاعد يحسب بالايام انة يفارقنا نقول لية شنو لا بالله عليك خليك معانا وبلاش تفارق . لا والله .لكن نقول لية قطر عجيب اليودي وما يجيب
عارف احسن حاجة الانفصال بتاعكم دة حايعملها في البورد دة انة الجنوبيون حايكونوا اجانب ، عندها ويمشوا يعملوا ليهم منبر براهم ويفكونا من قرف حاننفصل حاننفصل ما تنفصلوا ما انتو اساسا كمالة عدد . انتوا مؤثرين في منو ولا في شنو انفصلوا بالله ، عليك الله روح كلم اهلك كلهم وقول ليهم صوتوا مع الانفصال وخلينا نشوف بعد داك حاتشاكلوا منو وعقدكم دي بتطلعوها في شنو

يا الزبير بصراحة ما قادر اقول ليك اي حاجة
خلاص يا اخوي اكرههنا ذي ما قلت وافقع مرارتك
انت اصلا ما عندك اي منطق لا في الصح ولا الفارغ
هسع عايز تعلل كلامك دا وتربطوا بعنوان البوست؟!!
ياخ اطلع برة راسك وشوف ليه اي جنوبي ما يعد الايام والساعات
والثواني طالما اكترهم ما عرفوا في الحياة دي غير الجري من الموت
والعذاب والاهانة والمذلة
ياخ لو فيواحد مفترض يكره كان الجنوبيين يكرهوك وكل حاجة ليها.
علاقة بيك وبدينك وثقافتك.
والله انت زول فارغ وما عندك حبة ذوق ولا إنسانية ناهيك عن الوازع الاخلاقي
او الديني.
والله لو بمقدورنا كان ...

جعل الوحدة جاذبة هو ضرب من ضروب الخيال
خاصة مع تعنت الحزب الحاكم وعدم رغبته في تغيير
اجندته وايدلوجياته الاحادية، للحزب الحاكم والشعب
الشمال الحق في كيفية إدارة شئونهم الدينية والدنيوية
في اطار دولتهم ولكن ليس لهم الحق في فرض رؤاهم
وأحكامهم علي الشعب الجنوبي اللهم الا بالرضي وهذا
ما يجعل الوحدة غير ممكناً او جاذبا مما يرجح كفة الانفصال
في الاستفتاء القادم.
الاحزابالشمالية والشعب الشمالي اكثرنضجا ووعيا من نظيرتها
الجنوبية ولكنها تتعامل مع الاخير بسياسة شبه استعمارية واستغلالية
بهتة.
وهذا ما باعد الشق بين الطرفين منذ الاستقلال التي تمتع به الشمال
دون الجنوب.

Quote: شيلوا الوهم ال فى رأسكم دا ياجلابة

سلامات يا أكوي ...ليه اللهجه العدائيه دي ياخي ؟؟...إنت لو راجعت كلامي كويس ماكان فيهو أي عدائيات ...أنا قلت ليك لو ناس الجنوب ركزوا شويه ممكن تكون أحسن من دولة الشمال ،لاني عشت في الجنوب واعرف امكانيات الجنوب جيدا ..

بس من الناحيه الثانيه مسالة الحرب القبليه،لماذا تستهون هذا الأمر...أنا وانت وكثيرين نعرف أن قبائل الاستوائيه لايطيقون الدينكا ويصفونهم بالجانقي ..بينما يشتد الخلاف بين الدينكا والنوير من جهه والشلك من جهه أخري ...في بحر الغزال المواجهه بين الفرتيت والدينكا ..ولايزال شارع الموت معروف وموجود في واو...وما الأرواح التي راحت بعد نيفاشا بقليله ...

أنا شخصيا يا أكوي أعتقد أنو الجنوب كان مفروض ينفصل من زمان ،ليس لانهم سبب كل المشاكل كما يعتقد البعض ،بل للظلم الذي وقع عليهم طوال هذه السنين من أهل الشمال الذين تصفهم بالجلابه ...

تحياتي مره أخرى

الاخوة أكوج والبينو

تهانينا لكم ونتمنى نحن ايضا إنفصالا لا عودة فيه
ولا مسامير جحا وان يبقى الشمال للشماليين الا اذا تكرمتم
على ناس قطاع الشمال بالتابعية فيمكن ان تشيلوهم معاكم ...
يعنى سوف تحتاجون لحلحلة قضاياكم
ومواجه كافة التحديات دون شماعة المندكورو وتعيشون
ونعيش نحن دون كراهية وتوتر لا فائدة منه...

صدقت البينو فى وصفك الشماليين المشفقين عليكم من
المشاكل بالمتعاليين ..ولكنك لم تصف لنا الشماليين بالحركة وهم
حاولوا سرقة الحركة وتحويلها لحزب قومى بالملااواة
اظن الافضل لنا نحن كشماليين التركيز على مشاكلنا وكيفية
التقليل من تبعات الانفصال على الشمال ان وجدت ...

كل الذى ذكرته هو احساسى كفرد واتمناه اما اذا اراد غالب الجنوبيون
الوحدة فذلك أمر لا مفر منه ويجب علينا ان نقبل به مهما كانت آراءنا
فقط حرصا على ان لا نعود للحرب مرة اخرى ويجب ان نتعلم حينها فقه التعايش

Sudan is already separated now

South is operating and functioning

As a real Independent nation

What else left? since

The army is independent

All features which makes any nation independent

are available

eccept the currency

My suggestion to you freinds is this

Let us think from tody about ways of bringing Sudan as

a Unify nation again after this realistic

separation

I have a dream that Southern Sudan and Northern Sudan

will become a unify nation againnnnnnnnnnnnnnnnnnn

When the present Northern State recover from a failed State

And free of sharryaa


Captain

لكن يا كابتن

حسب معلوملتى البسيطة العيش والدقيق والفتريتة لا زالت تاتى من كوستى
والملح والسكر ايضا والمالية من مناصفة مال البترول وهييئة السدود الكبارى تعمل
والموظفين والتجار الشماليين لا زالوا هناك والحركة تطالب الدول العربية بالاستثمار فى الجنوب ؟؟؟؟

الدولة لا تقوم على جيش فقط يا كابتن وكنا نتمنى ان نرى ال5 سنوات الماضية
مقومات دولة مستقلة اعنى دون الجيش والاسلحة ... لا اظن انكم تتوقعون انسياب الخدمات
من الشمال كالمعتاد الا اذا كنتم فعلا ساذجين

قلت لي انسياب الخدمات من الشمال كالمعتاد؟!!
عليك الله اشرح لي ياتو خدمات البتتكلم عنها واللا الجيش
وتعيناتها هي الخدمات، ولا البضاعة البجيبوها الضباط بعربات الجيش
وبيبعوها في الجنوب برباء وتمن متلت!!
معلوماتك دي مخرومة وعايزة أيها رقعة ذي بتاع الدراويش يمكن علي الاقل يساعدك شوية.
قلت لي الدولة ما جيش؟!
طيب ناس المؤتمر فتحوا مصانع الذخيرة والاسلحة وهسع الصافات مع انو الشعب في الشرق والغرب والشمال
بيموتوا من الامراض والجوع والعطش والفقر المدقع.
ليه دا كلو ووين سؤالك دا من الحاصل في الخرطوم لاكثر من عشرين سنة
الله عليكم!! عالم ما تمتحنوا غير النفاق واللعب علي الدقون ودفنه في رمال
الفارغة

..
.

Quote: يازول انت موش بقارى مسيرى من جنوب كردفان خلينى انقاش اسيادك الجلابة,لانو من انت فى الخارطة الشمالية. الا مجرد خادم مامور يخدم ويقاتل من اجل سيدو الجعلى والشايقى

اقول كلام .. من وجهة نظر سائدة الان من مصلحتنا كقبيلة رعوية
عانت من الاقتتال مع الانانيا والحركة ان يتم الانفصال ..
عارفه ليه ..!!؟
على الاقل تقفلو حدودكم والمسيرية الكل سنة عابرين يعبروا لبحر العرب عشان المرعى والابقار
يقعدوا _ مجبورين_ فى الواطه ويستقروا .. ووين ؟؟
فى مناطقهم حيث ابار البترول والتنمية
ويترتاحوا من الترحال والتنقل والخسائر فى الارواح مع الحركة وقبائلكم
وانتو ترتاحوا من المراحيل وبرضو الخسائر البشرية والمادية ..
بعدين لمن كنا بنقاتلكم لاجل المرعى لم تكن كلمة جعلى وشايقى فى القاموس
كان القتال بسبب تحرشاتكم .. واعتدائاتكم بمنظور ان تلك مناطقكم
وفائدة الانفصال بقفل الحدود ويحددها وبستقروا وينعموا بالتنمية والسلام مع ازهار المنطقة التدريجى
حسب اتفاقية ترسيم الحدود .. والله هو خير لنا
انتو بس ابقوا قدر كلمتكم ونجحوا الاستفتاء بالانفصال .. الفورى ..
بعدين انت بتجامل فى قضايا المسيرية ليس حبا ومجاملة
بس عشان دى عقدتك ومشكلتك الازليه ..

نقطة سؤالى لا زالت قائمة وهى تواجدكم فى الشمال والشمال يعنى من حدود ابيي حسب
اتفاقية لاهاى حتى حلفا ..
والله الراحة اللقاينها حسي والتجدع والحرية والحركة والتعامل الحالى
لو حصل الانفصال الا تندموا .. سارحين فى البلد كأنكم فى رومبيك ..
شلتو نسبة البترول وقسمتوها وركبتوها عربات وفيلل فى العاصمة
نفس الممارسات التى تدينوها الان تطبق من قاداتكم وزعمائكم فى الحكومة
اما الشمالى لمن يمشى الجنوب لا زال يتحاشى الاحتكاك ويمارس النخفى
نسبة لكراهيتكم رغم ان هذا التعامل لا يبدر هنا فى الخرطوم او الشمال
بل تجدون كل تقدير واحترام والعكس تماما ..
اها بعد الانفصال بترجعوا ولا بتكونوا قاعدين ؟؟

---------

بعدين ما تسئ عشان الواحد ما يقول ليك
كلمة واحدة تجرح احسيسك دى لو عندك احساس زاتوووووو

Quote: نقول.. ان اتفاقية نيفاشا 2005 كتابها فوق القرأن زاتو

عزيزى أكوى

أعتقد أنه من الآفضل مواصلة النقاش فى المسائل السياسيه
دون المساس بالمعتقدات الروحيه.

حقيقة فجيعتنا برحيل القائد جون قرنق , كبيره...كان وحداويا وحكيما.

Quote: Sudan is already separated now South is operating and functioning As a real Independent nation What else left? since The army is independent All features which makes any nation independent are available eccept the currency My suggestion to you freinds is this Let us think from tody about ways of bringing Sudan as a Unify nation again after this realistic separation I have a dream that Southern Sudan and Northern Sudan will become a unify nation againnnnnnnnnnnnnnnnnnn When the present Northern State recover from a failed State And free of sharryaa Captain

A scientific way of thinking, enlightening the way out of the crises and this repulsive situation we are facing now,


Thanks Captain

Quote: السؤال دا ما ترد عليهو حسع دي .. خليهو بكرة الصباح لحدت ما اجيك واقوليك تعال رد ..

يللا يا مجدي نفخوو يا السياسي المثقف الذي يفتي في شئون السودان والعنصرية والانفصال:
انا جيت .. بعد كدا ممكن ترد .. شان نشوف مويتك شنو ؟!

Quote: يا اخوي الفاضي يضيع وقتة وجهدة في كرهكم منو عاوز عشرة اسباب لكرهي للجنوبيين عنوان البوست دة براة فية عشرة اسباب تخليني اكسر وراكم كل القلل . واحد قاعد يحسب بالايام انة يفارقنا نقول لية شنو لا بالله عليك خليك معانا وبلاش تفارق . لا والله .لكن نقول لية قطر عجيب اليودي وما يجيب عارف احسن حاجة الانفصال بتاعكم دة حايعملها في البورد دة انة الجنوبيون حايكونوا اجانب ، عندها ويمشوا يعملوا ليهم منبر براهم ويفكونا من قرف حاننفصل حاننفصل ما تنفصلوا ما انتو اساسا كمالة عدد . انتوا مؤثرين في منو ولا في شنو انفصلوا بالله ، عليك الله روح كلم اهلك كلهم وقول ليهم صوتوا مع الانفصال وخلينا نشوف بعد داك حاتشاكلوا منو وعقدكم دي بتطلعوها في شنو

سلامات للجميع







________________
الزبير جادى فى كلامك الفوق ده

فاستو أنل شايف انو
الموضوع هنا انقلب للاموضوعية
وجع راس في الفارغة!!
أتمني انو ربنا يحينا ونشوف
الخير لكل الشعب السوداني كان في الشمال ولا الجنوب
كان بالوحدة و لا الانفصال!!
واكان ربنا حياني ليوم الاستفتاء بصوت لانفصال الجنوب
لأني شايف الوحدة ما جابت حقها ولا حاتجيبو في يوم
من الايام.
والبكره اي جنوبي بس عشان انفصالي ذييو وذي البيشرب
السم وراجي واحد غيرو يموت.
اكوي.
راعي مشاعر الناس وادي رآيك بموضوعية وبدون تجريح
اتذكر انو دا ما حرب ومافي داعي للانفعالات.
في ناس هنا جديرين بالاحترام وبينجرحوا بيكلام ذي كلامك دا


ودعتكم الله والعفو والعافية

Quote: فاستو أنل شايف انو الموضوع هنا انقلب للاموضوعية وجع راس في الفارغة!! أتمني انو ربنا يحينا ونشوف الخير لكل الشعب السوداني كان في الشمال ولا الجنوب كان بالوحدة و لا الانفصال!! واكان ربنا حياني ليوم الاستفتاء بصوت لانفصال الجنوب لأني شايف الوحدة ما جابت حقها ولا حاتجيبو في يوم من الايام. والبكره اي جنوبي بس عشان انفصالي ذييو وذي البيشرب السم وراجي واحد غيرو يموت. اكوي. راعي مشاعر الناس وادي رآيك بموضوعية وبدون تجريح اتذكر انو دا ما حرب ومافي داعي للانفعالات. في ناس هنا جديرين بالاحترام وبينجرحوا بيكلام ذي كلامك دا ودعتكم الله والعفو والعافية

أثمن مداخلتك أعلاه أخى البينو وأختلف معك فى اللون الأحمر وأختار النقيض ويبقى الود.
أثنى على الكلام الــBold تماماً وقليل من الموضوعية يخدم قضية أى كان فى هذه الدنيا.


تحياتى للجميع.

Quote: فاستو أنل شايف انو الموضوع هنا انقلب للاموضوعية وجع راس في الفارغة!! أتمني انو ربنا يحينا ونشوف الخير لكل الشعب السوداني كان في الشمال ولا الجنوب كان بالوحدة و لا الانفصال!! واكان ربنا حياني ليوم الاستفتاء بصوت لانفصال الجنوب لأني شايف الوحدة ما جابت حقها ولا حاتجيبو في يوم من الايام. والبكره اي جنوبي بس عشان انفصالي ذييو وذي البيشرب السم وراجي واحد غيرو يموت. اكوي. راعي مشاعر الناس وادي رآيك بموضوعية وبدون تجريح اتذكر انو دا ما حرب ومافي داعي للانفعالات. في ناس هنا جديرين بالاحترام وبينجرحوا بيكلام ذي كلامك دا ودعتكم الله والعفو والعافية

الواحد جالس من امس يقراء فى كلامك الفارغ دا كلام العنصرية والانفصال
انت فاطر اذا حدث الانفصال حنبكى علية لا والله
لو الان عملوا استفتاء في الشمال للانفصال او الوحدة لاخترنا الانفصال

انفصلوا واريحونا وابنوا حياتكم بعيد عنا بخيرها وشرها
وياريت تنسوا الشمال دا شوية لاننا صدعنا خلاص والفينا مكفينا
وياريت تكلم الجنوبيين في الشمال ان يرحلوا من الان من الشمال لاننا لانقبل باى شخص لم يقبل بنا

ول أبا ألبينو

سلامات يا رائع ..

أتمنى يا ألبينو الذى يفرح فيه كل سودانى وتتحقق أمنياته فى حياة كريمة

وأخوك وأهلك البقارة أنت أدرى بما يعانون ..

أكثر من 99% من بناتنا البقاريات أميات

أكثر من 90% ينجبن بولادة الحبل والداية البلدية
نسبة الأمية بين الأطفال الصغار ليس أحسن منها عند الكبار

ليس هنا مياه شرب نظيفة

ليس هناك أى طرق أو خدمات علاجبية

نحن نتعالج من الملاريا بالأعشاب

ونتحرك ركوباً على الدواب

علاقتنا بالدولة هى فقط نشترى منها السكر والشاى ..
أتخيل شعب علاقته بدولتة علاقة تجارية بحته: الحاجة الوحيدة التى لا يستغنى
عنها البقارة من الحكومة السكر والشاى
أى شيئ غير السكر والشاى غير مهم لنا ..
أو بالأحرى نحن البقارة غير ملمين على مستوى معيشتنا بأهميته لنا

كل هذا يعنى هناك مظالم تأريخية
وأستغلال تأريخى من قبل المركز ولد مرارات من الصعب تجاهلها كما يفعل المركز

لكن كل ذلك ليس مدعاة للهروب من جحيم خلقنا فيه

وقدر علينا مواجهته

ومصير مشترك علينا تحدى صعابه

أنفصال الجنوب سوف يكون كارثه على كل شعوب المنطقة



تحياتى ول أبا أبينو وأدعو لنا الرب أن يمدينا بالقوة والحكمة والصبر

بريمة

Quote: الزبير جادى فى كلامك الفوق ده

شول
زمان ما كان راي كدة لكن الان مقتنع تماما بة انفصلوا يا اخي وعيشوا حياتكم وخلونا نلتفت للمصائب العندنا ونحاول نبني مستقبل لعيالنا
عارف احسن صديق طلعت بية من البورد دة واحد خلوق اسمة دوت مجاك رغم ان الظروف بعدتنا من التواصل الا انة دائما قريب الي قلبي

Quote: شول زمان ما كان راي كدة لكن الان مقتنع تماما بة انفصلوا يا اخي وعيشوا حياتكم وخلونا نلتفت للمصائب العندنا ونحاول نبني مستقبل لعيالنا عارف احسن صديق طلعت بية من البورد دة واحد خلوق اسمة دوت مجاك رغم ان الظروف بعدتنا من التواصل الا انة دائما قريب الي قلبي

يا الزبير ده الأنا قاصدو بالضبط جوابك الفوق ده.
يا الزبير إنت زعلت من أكوى دينق وجاوبت جواب زعل وإتخميت بكلامو وقدر بطريقتو يجرك ويكسبك عشان تأيد قضيتو الهو الإنفصال.
المؤتمر الوطنى ياهو قعد يعمل فى الحركة زى عمايل أكوى ليكم هنا ده وللأسف الشديد الحركة بلعت الطعم ولسع قاعدة تبلع زيادة لامن قربت تخنق.
المستفاد من الكلام الفوق ده يا الزبير الناس تؤمن بحاجة تتمسك بيها مهما كان درجة الإستفزاز ده طبعاً إذا كان الإيمان مبدئى ومنطقى (افترض فيك ذلك) وما تتجر وراء إستفزاز أى زول من أى جهة من السودان ده.


خالص التحايا يا الزبير وكلامى الداير أقوله ليك كمل.
_________________
تحية للأخ دوت مجاك.

فاهمين أنه في إنفصاليين في الشمال وفي الجنوب
وكمان في وحدويين في الشمال والجنوب
لكن المشكلة الكبري أنه الإنفصاليين في الشمال ما أغلبية
والدليل علي ذلك إنهم أستولوا علي السلطة في إنقلاب عسكري
وعاوزين يفرضوا علينا إنفصال الجنوب بعد ما دفعونا ثمن الوحدة غاليا في الدم والمال
(وهم يجنون الثمار من نعيم وثروة)

المهم هناك مشكلة

أننا الوحديين لن نرضي بالإنفصال
لأنه الحكومة التي تعمل من أجله وتناصره هي نفسها غير شرعية
وكانت قد أستولت علي السلطة بحجة المحافظة علي الجنوب
(وهذا طبعا لم يضمن لها أي شرعية)
وقد جاءت للسلام مكرهة، تعلن الوحدة وتضمر الإنفصال
وكان تأييدنا لإتقاق السلام لأنه أوقف الحرب والموت والدمار في الجنوب
ولكننا لم نأييد ولا للحظة واحدة إنفصال الجنوب

كويس إنو الحرب وقفت، لكن ما كويس إنه الجنوب ينفصل

هناك وقت لمحاسبة من أطال أمد الحرب بلا فائدة، (ها نحن في إنتظار مصيبة الإنفصال)
بس الإنفصال دا مسؤولية كبيرة

دوروها زي ما تدور
ونقولها مرة تانية وتالتة وألف:

هذه الحكومة التي تعمل لفصل الجنوب غير شرعية
(ولا يفهم من هذا أننا نهدد بالحرب أو نتمني عودتها )

لكن زي ما قال جون قرنق إنه إتقاقية أديس أبابا إنهارت لأنها كانت مع حكومة غير شرعية
الإنفصال في زمن حكومة البشير حيسبب مشاكل لأنه مع حكومة غير شرعية

فيا إنفصالي الجنوب
أحسن ليكم نتفصلوا (ودا لو كان رأي الأغلبية في الجنوب) في ظل شرعية دستورية
مش في زمن سارقي السلطة ديل

ومش زي ما المصريين عملوا إنقلاب عبود عشان يمشوا فينا إتفاقية مياه النيل ودايرين نقبل بيها
يجو إنقصلايوا الجنوب يستغلوا حكومة ضعيفة وغير شرعية ورئيسها مطالب من العدالة الدولية عشان يعملوا إنفصال
إقتطاع جزء من الأرض حاجة كبيرة وخطيرة وما لعب ساكت
(وجيطلعوا ليكم ناس من هنا وهنا يقولوا ليكم ما بنعترف بالإنفصال التم مع حكومة غير شرعية دا)

وزي ما قالوا كتار هنا: ما هو هسع قاعديين تتصرفوا كبلد مستقل، ناقصكم شنو؟؟؟؟؟

أصبروا شوية نسقط الإنفصاليين في السلطة في الشمال وبعدين تتحاوروا مع حكومة شرعية تمثل كل السودان
ولو أخترتوا الإنفصال بغالبية حينها فمبروك عليكم

*

البينــو ماشــى ويــن ...

خليك قاعــد وتعال اطرح لينــا لماذا اخترت

انت خيار الانفصال ( اقنعنــ بذلــك ) قدم طرحك

وخلــى الناس يناقشوك بموضوعيــة ...

الانسحاب غير مفيــد لــي شخصيا ولك ولاهل بلادنا

Quote: ودعتكم الله والعفو والعافية

عشــان الناس يحترمــو حاجــاتــك وقيمك ومعتقداتــك ( احترم حاجاتهم )

Quote: اكوي. راعي مشاعر الناس وادي رآيك بموضوعية وبدون تجريح

انت عارف يا شول اشوانق .. حيــن يرتفـع الهيـاج بيصبــح التعبير عن الرأى


خيانــة وعمالــة ...

لكن تبقــى التجربــة الوطنيــة للسودان من التجارب الجديرة بالقراءة الموضوعية

بعيدة عــن الكراهيــة / الحرب / القبليــة / فقــط فى العيش المشترك فى هـــذا

الفضاء الــذى يسمــئ السودان ..

Quote: أثمن مداخلتك أعلاه أخى البينو وأختلف معك فى اللون الأحمر وأختار النقيض ويبقى الود. أثنى على الكلام الــBold تماماً وقليل من الموضوعية يخدم قضية أى كان فى هذه الدنيا.

الأخ/ أكوي دينق

مبروك مقدماً الدولة الوليدة

مع التمنيات بأن تكون دولة يسودها السلام والأمن والأمان وسيادة حكم القانون، وأن يعود جميع مواطنيها إليها من الشمال،


مع التمنيات أيضاً بأن تكون دولة ديمقراطية حقاً يمارس وينال فيها جميع أبناء الجنوب بغض النظر عن انتماءاتهم القبلية حقوق متساوية

مع التمنيات أن تكون الحروب والنزاعات القبلية التي أصبحت أسوأ وأشرس من الحرب مع الشمال أثر من الماضي.


مع التمنيات كذلك بأن تكون دولة معتمدة على نفسها ومواطنيها في إدارة شئونها وإستغلال مواردها.


مع التمنيات ألا تكون كل هذه التمنيات مجرد أحلام.

عبد الرحمن سيد أحمد خليل