Post: #1
Title: ما بلقى جنبكم وطن فاضي ؟ .. بس يكون إيجارو معقول .
Author: Emad Abdulla
Date: 04-04-2010, 06:24 PM
الإتصال مشكوراً على :
عزة محمد أحمد
جوال : 19562010-04
......
ملحوظة :
السايفون مهم .. مهم شديد .
|
Post: #2
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Amjed
Date: 04-04-2010, 06:30 PM
Parent: #1
إنا هنا باقون
فليشربوا البحرا
نحرس ظل التين والزيتون
ونزرع الأفكار , كالخمير في العجين
برودة الجليد في أعصابنا
وفي قلوبنا جهنم حمرا
إذا عطشنا نعصر الصخرا
ونأكل التراب إن جعنا .. ولا نرحل
وبالدم الزكي لا نبخل .. لا نبخل .. لا نبخل
هنا .. لنا ماض .. وحاضر .. ومستقبل
و لن نرحـــــل
لن نرحـــــل
لن نرحـــــل
|
Post: #28
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Emad Abdulla
Date: 04-05-2010, 05:41 AM
Parent: #2
كويس ..
أقعد إنت باري الكلامات و الشعراء المطاليق ، و الهتافات العواليق : لن نرحل .. لن نرحل ..
لغاية ما يشيلوك بالكراكة ..
و فنننننننننننننننن .. في ام طرقاً عُراض .
.........
إنت بالذات يا أمجد بيتك راكوبة ..
و الدنيا خريف .
|
Post: #3
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Nasr
Date: 04-04-2010, 06:35 PM
Parent: #1
جزيرة تنفع؟؟؟
بس فيها خلو رجل
و كم سنة مقدم إيجار
وعمولة السمسار
والشغل دا كلوا بعملات ما أنزل الله بها من سلطان
المهم
عشان نترافق
أنا بأجر الجزيرة الجنبكم
|
Post: #4
Title: Re: ما بلقى جنبكم وطن فاضي ؟ .. بس يكون إيجارو معقول .
Author: محمد حيدر المشرف
Date: 04-04-2010, 06:42 PM
Parent: #3
الغالى بى غلاتو يا عمده ..
ما تسترخص ..
|
Post: #5
Title: Re: ما بلقى جنبكم وطن فاضي ؟ .. بس يكون إيجارو معقول .
Author: حافظ حسن ابراهيم
Date: 04-04-2010, 07:09 PM
Parent: #4
Quote: الإتصال مشكوراً على :
عزة محمد أحمد
جوال : 19562010-04
|
عفواً هذا الوطن مشغول الان الرجاء الاتصال مرة اخري أو معاودة الاتصال
|
Post: #6
Title: Re: ما بلقى جنبكم وطن فاضي ؟ .. بس يكون إيجارو معقول .
Author: احلام وهبي
Date: 04-04-2010, 07:16 PM
Parent: #5
العمدة
اضحكتني اضحك الله سنك
اول ما تلقاه شوف لينا مزرعة
الف متر بس
التحيات واحتراماتي
|
Post: #7
Title: Re: ما بلقى جنبكم وطن فاضي ؟ .. بس يكون إيجارو معقول .
Author: خضر حسين خليل
Date: 04-04-2010, 07:34 PM
Parent: #6
جداً
في وطن بالمواصفات المطلوبة
اتصلو عشان نتفق في السعر
ــــــ
ها الايام سماسرة كتار جارين وراهو
|
Post: #8
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Osman Musa
Date: 04-04-2010, 07:41 PM
Parent: #6
يا عماد
عندنا صاحب لبنانى ال Green Caed فى أمريكا ما ظبط معاو .
عندو عم فى فنزويلا طلب منو يترك أمريكا ويجى ضرورى عشان يشتغل فى تدريس
اللغة العربية .
بتكلم مع عمو فى التلفون .
شو ياعمى ؟
انا اللغة العربية على عاتقى ؟؟؟ انا ما بدى شغلات تذكرنى هيك انى لبنانى .
يقطع حريش ال ....
..
والله يا عماد أخوى بلدنا دى كان اتصلحت احسن منها فى الدنيا كلها مافى .
الا بس تقول شنو .
تحياتى
|
Post: #9
Title: Re: ما بلقى جنبكم وطن فاضي ؟ .. بس يكون إيجارو معقول .
Author: عمران حسن صالح
Date: 04-04-2010, 07:52 PM
Parent: #8
إتفشـــــــــــــــــــــوا
تصِحُوا
|
Post: #10
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Yassir Tayfour
Date: 04-04-2010, 08:10 PM
Parent: #9
يا عمدة يا صاحب
الوطن وطنين!
وطن قاعد فيك وما قاعد فيهو
ووطن قاعد فيهو وما قاعد فيك
الوطن القاعد فيك ما شالك
والشالك وطناً قاعد فيهو..
____
خليك في الوطن القاعد فيك
ما تشتّح قلبك وجسدك بين وطنين..
|
Post: #12
Title: Re: ما بلقى جنبكم وطن فاضي ؟ .. بس يكون إيجارو معقول .
Author: دينا خالد
Date: 04-04-2010, 08:19 PM
Parent: #10
بتلقى ... بتلقى !!
ـــــــــــــــــــ
بس ح ترحل بى جسمك وقلبك معانا ..
مشكلة تانية يا عمده .. انو مليان !!
|
Post: #11
Title: Re: ما بلقى جنبكم وطن فاضي ؟ .. بس يكون إيجارو معقول .
Author: قيقراوي
Date: 04-04-2010, 08:17 PM
Parent: #8
Quote:
ملحوظة :
السايفون مهم .. مهم شديد . |
شرط عينا
يعرفوك كيف ديامي
--------
في موسم الهجرة الكبير و البحث عن منافي و لقمة حلال . . في بدايات الزمن الغيهب دا ، كنت متلمي لي على شلة من اولاد الديم في الرياض بحكم المساكنة و لاحقاً المصاهرة ، المهم فردتي " نزار عثمان " * الله يرحمو و يبشبش الطوبة التحت راسو كل ما يجيب لي خبر ديامي رجع البلد بسألو : اها خلاس حفر السايفون  ؟ يضحك لما يقع . .
آي السايفون اهم زول . . دي قضية ديامية مركزية ذاتو ياخ !!
وطن ما ليك فيهو وطن
مجرد واطا لمة ناس
عيييييك
يا حليلو
* ياخ معقولة الزول السمح دا مات ؟ . . يعني اسي كان مشيت الساحة الشعبية ما بلقاه مع الشباب هناك ؟
|
Post: #14
Title: Re: ما بلقى جنبكم وطن فاضي ؟ .. بس يكون إيجارو معقول .
Author: ديامي
Date: 04-04-2010, 08:33 PM
Parent: #11
قيقراوي
الله يرحم صاحبك نزار
ويرحم الساحة الشعبية والعم الخزين
|
Post: #15
Title: Re: ما بلقى جنبكم وطن فاضي ؟ .. بس يكون إيجارو معقول .
Author: حاتم الياس
Date: 04-04-2010, 08:40 PM
Parent: #11
ياشاب فى الشعر الثورى الزمان كان الوطن والحبيبة وااااحد...يعنى مطلبك دا يشكل رده على كل تاريخ النضال والعمل الثورى..يعنى ممكن تقول وطن فاضى وحبيبة ناصية حتى يستقيم الأمر أو بيت ناصية وحبيبة فاضية...
على العموم أتصل بى أنا بعرف سمسار نجيض بلقى ليك وطن لكن أتفق معاهو أول باول مايقول ليك اومبامنا وعشمانا وسارتانا وبعدين زييييطك يمحنك ويمحن كل طلائع البحث العلمى عن وطن..
ياعمدة أنا بفتش عن معارضة بمرتب مجزي..تجيد طباعة البيانات وترتيب الأولويات والمظهر مهم جداً لولقيتها اتصل على الرقم 1964 والمفتاح أنقليزى ...يامرسى
|
Post: #16
Title: Re: ما بلقى جنبكم وطن فاضي ؟ .. بس يكون إيجارو معقول .
Author: خدر
Date: 04-04-2010, 09:04 PM
Parent: #15
Quote: وطن قاعد فيك وما قاعد فيهو
ووطن قاعد فيهو وما قاعد فيك
الوطن القاعد فيك ما شالك
والشالك وطناً قاعد فيهو.. |
كان جاكـ الحاوي .. الخ .. تديهو شنو ؟
_____
قلنا مليون مره النيله ده بتصفحوهو كعانا عوايل .. فضحتونا
|
Post: #17
Title: Re: ما بلقى جنبكم وطن فاضي ؟ .. بس يكون إيجارو معقول .
Author: خدر
Date: 04-04-2010, 09:06 PM
Parent: #16
كما ولا يفوتني ان احمد المولي عز و جل انو ودجبرالله غائب في الراكايب
ليومين آخرين وإلا .. الرماد كال حماد
خلوهو يحتل البوست ده قبل ما يقع في عينو
|
Post: #18
Title: Re: ما بلقى جنبكم وطن فاضي ؟ .. بس يكون إيجارو معقول .
Author: سفيان بشير نابرى
Date: 04-04-2010, 09:55 PM
Parent: #17
معليش يا عماد
وحياة الله حاسي بيك .
|
Post: #19
Title: Re: ما بلقى جنبكم وطن فاضي ؟ .. بس يكون إيجارو معقول .
Author: سفيان بشير نابرى
Date: 04-04-2010, 09:55 PM
Parent: #17
معليش يا عماد
وحياة الله حاسي بيك .
|
Post: #20
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Hadeer Alzain
Date: 04-04-2010, 10:31 PM
Parent: #19
.
يا عماد عبدالله سلامات وعندي ليك إقتراح
أصلو الدنيا دي بكترة الإستريس والتوتر الشديد الفيها
(والذي يثبط جهاز المناعة في الجسم) ما حا يكون فضل
لينا فيها كتير عشان نعيشها! عشان كدا أبني لينا خارطة
طريق سريعة سريعة كدا لوطن داخل وطن نجي نعيشو
زي ما دايرين، مثلآ جزيرة داخل الخرطوم أو حلة فاضية!
وأخوي معماري بساعدنا في تصميم وبناء منازل متجاورة
لعائلة سودانيزأونلاين بمواد بسيطة وبأقل تكلفة!
رايك شنو؟
_________
كل زول يحق ليهو إختيار جيرانو
لوووول!
|
Post: #22
Title: Re: ما بلقى جنبكم وطن فاضي ؟ .. بس يكون إيجارو معقول .
Author: خدر
Date: 04-04-2010, 10:55 PM
Parent: #20
Quote: وأخوي معماري بساعدنا في تصميم وبناء منازل متجاورة
لعائلة سودانيزأونلاين بمواد بسيطة وبأقل تكلفة! |
لو قاصدة المتصفح حيدر يا هدير , خليني اطمنك , سيد حيدر
لو اديناهو راس خيتنا حايولع فينا بي جاز تافه صلاحيتو منتهية
خافي الله فينا و شوفي لينا مهندس تاني
|
Post: #24
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Hadeer Alzain
Date: 04-04-2010, 11:30 PM
Parent: #22
Quote: لو قاصدة المتصفح حيدر يا هدير , خليني اطمنك , سيد حيدر
لو اديناهو راس خيتنا حايولع فينا بي جاز تافه صلاحيتو منتهية
خافي الله فينا و شوفي لينا مهندس تاني |
جيد لأمي ديك يا خدر العرفتني الليلة هدير .. هههه
طوااالي شابكني حيدر! 
لا لا ما تخاف وتشيل هم من هسه!
بقصد أخوي على أرض الواقع، معماري شاطر ومجتهد
وحا نعيش في المدينة المفترضة دي بي our rules
وطبعآ جيران عماد بالحيطة حا تكونو إنت وود جبرالله!
بس أسرعو في الشغلة
وعجلو لينا بالخارطة الحلم دي بالله!
|
Post: #29
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Emad Abdulla
Date: 04-05-2010, 05:48 AM
Parent: #3
بيت يا نصر ..
وطن بييييييييييت ، وطن عاااادي ..
فيهو منافع و ضل و مطبخ و أوض و حوش و أمان و ..
وطن ياخ ، وطنننننننننننننن .
..........
جيب أضانك :
حقك محفوظ .. بنعشيك .
|
Post: #23
Title: Re: ما بلقى جنبكم وطن فاضي ؟ .. بس يكون إيجارو معقول .
Author: معاوية المدير
Date: 04-04-2010, 10:58 PM
Parent: #21
قـطـعـة أرض...
وطناً متمسح في فِجاج الدنيا
مليون ميل مُربع طول عرض..
وهموم أهلنا
الفيهو يكدحوا ليل نهار
قطعة أرض!
يا أهلنا يا إبل الرحيل..
شايلة السُقى وعطشانة
ما بتقدر تعاند وتعترض..
مدخور عشمكن
إنو في حال السفر..
تتيمموا ترابو الطهور
وتصلوا تدوهو الفرض..
وما بتعدموا الشبر البيستركن
أكان حكم القدر وواحد قِرِض..
وإن شاء الله
ما يبيعوهوا يوم..
شان ما صقور الجو
تنقرنا وتفوت..
وتصبح بطونها قبورنا
وكتين يكملن أيامنا
والأرواح تموت..
يا أهلنا، يا القاعدين
تحت ضل العمارات
والبيوت..
مبنية بطينة الحرام..
وأساسها أوهن
من بيوت العنكبوت..
إنجمعوا قوموا
نشد زواملنا ونفوت..
نرحل نفوت،
ناساً بياكلوا لحوم
بنى الإنسان،
وحاديهم ظلوم..
نرحل نهار
والفأل سحابة تظلنا
تبارينا فوقنا دوام تحوم..
باليل يداعبنا النسيم
تسهر تأنسنا النجوم
يا أهلنا يلاكم نقوم..
نمشي الشمال..
نسكن في رملات الجروف..
الناس هناك عُدال حُنان
وهم السكن ما منو خوف..
نسكن في أعشاش الطيور..
تفرح تغنيلنا الصباح
ما الطير هناك ولوف عطوف..
والناس نفوسها الطاهرة
تخدع إستحالات الظروف..
يا أهلنا يلاكم نقوم..
نمشي الجنوب..
في غابة الأبنوس
بنسكن دون إيجار..
وسُبُل المودّة البينا
بين ملوال وجون
مفتوحة ما بتقبل حِصار..
المنقة والباباي، وحبات المطر،
وزاهى الخدار..
نفرح معاها،
معانا تفرح تذدهر..
ويعم ربوعنا الإذدهار..
يا أهلنا يلاكم نقوم..
نمشي الغرب..
نرقص مع عروس الرمال
نفرح نعانق كردفان..
الناس هناك زي التبلدي..
جواهم الخير والأمان..
نسكن تحت ضل الدليب
ما بالضرورة شقق وبيت..
وحتى السُحُب لو أمطرت
ما تخافوا، بتمطر حنان..
يا أهلنا يلاكم نقوم..
نمشي الشرق..
نسكن مع أدروب خيم
منصوبة في وسط الأراك..
(دبايوا).. كسلا الحلوة..
يا القاش جينا
واقعين في حواك..
ننضم أغاني الشوق اليك
بين الخدار ننساب معاك..
ننجمة من حر الهجير
توتيل نقيل في ضراك..
يا أهلنا يلاكم نقوم..
نسكن بوادينا الحُنان..
في القرية ننعم بالأمان..
الناس هناك عُدال حُنان..
ونفوسهن، إن ضاقت أرض،
تسع اللضاق بيهو المكان..
يا أهلنا يلاكم نقوم
الناس هناك عُدال حُنان...
معاوية المدير...
ســـــــــــــــــــلام أخي عماد ليك وللجميع...
|
Post: #25
Title: Re: ما بلقى جنبكم وطن فاضي ؟ .. بس يكون إيجارو معقول .
Author: مرتضى احمد عبد القادر
Date: 04-04-2010, 11:31 PM
Parent: #23
سلام عماد
Quote: ملحوظة :
السايفون مهم .. مهم شديد . |
|
Post: #26
Title: Re: ما بلقى جنبكم وطن فاضي ؟ .. بس يكون إيجارو معقول .
Author: كمال سالم
Date: 04-04-2010, 11:42 PM
Parent: #25
والله كلها إتأجرت ياعماد
فاضل خرابه كده إسمها الصومال ,, تنفع ؟
بس عيبها نارها مولعه طوالى وشبابها كلو إسلامى !
|
Post: #27
Title: Re: ما بلقى جنبكم وطن فاضي ؟ .. بس يكون إيجارو معقول .
Author: الملك
Date: 04-04-2010, 11:43 PM
Parent: #25
لو فيه واحد من الناس ديل...
ما يلزمنيييييييش
|
Post: #30
Title: Re: ما بلقى جنبكم وطن فاضي ؟ .. بس يكون إيجارو معقول .
Author: ندى عثمان حسن
Date: 04-05-2010, 06:12 AM
Parent: #27
يعنى كمان ولاتمليك؟
إيجار!! إيجار, وصاحب الوطن عاادى ممكن يجيب ليك البوليس (ويخت ليك عفشك فى السهلة)
ويكون السبب إساءة إستخدام
غايتو اللايف بلان بتاعنا توتلى اتغير ,
نقعد هنا, لما يشيلونا فى صندوق على جناح بعوضة إسما سودانير.
كمان العوجة لو قاموا جماعتنا ديل , صفقوا لإيران, إنا لله بس.
|
Post: #31
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Dalal Ezzaldin
Date: 04-05-2010, 06:45 AM
Parent: #30
يا عمده لقيت ليك وطنيين تشطيب دايلوكس وموش ايجار .. ملك عديل
كنــــدا & امريكـــــا
|
Post: #32
Title: Re: ما بلقى جنبكم وطن فاضي ؟ .. بس يكون إيجارو معقول .
Author: جمال المنصوري
Date: 04-05-2010, 07:00 AM
Parent: #31
Quote: إنو في حال السفر..
تتيمموا ترابو الطهور
|
معاوية المدير
الله يديك العافية
|
Post: #33
Title: Re: ما بلقى جنبكم وطن فاضي ؟ .. بس يكون إيجارو معقول .
Author: محمد عبد الماجد الصايم
Date: 04-05-2010, 07:00 AM
Parent: #31
هوووي .. يا ورونا قصة الياسفون
دي شنو .. يا كمان نسوقو ليكم الخــور!
|
Post: #34
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Emad Abdulla
Date: 04-05-2010, 07:10 AM
Parent: #33
الياسفون ده هناي .. خواجة .
..........
كان الياسفون ما عارف .
|
Post: #35
Title: Re: ما بلقى جنبكم وطن فاضي ؟ .. بس يكون إيجارو معقول .
Author: خدر
Date: 04-05-2010, 11:06 AM
Parent: #34
يا هدير .. احكي ليك قصة لذيذه
لمن إتحول حيدر بَلّيل الي متصفح
لقيتك بتكتبي تاني يوم عادي
و انا طبعا ملخبط بينكم و كنت بضحك
في الناس البقروا اسمك هدير
و ما كنت عارف اصلا انو حيدر اختو بتكتب هنا
قلت بكري ده جن ولا شنو , يرفدو
بالعربي و يرجعو بالانجليزي و في نفس اليوم ؟
لحدي ما دخلت بوست الشباب بتهكموا علي
فصل حيدر و فهمت الفرق .
وطن عماد ده شرط انو انت و حيدر تكتبوا اسماءكم في لافتات ابواب بيوتكم بالعربي
عشان ما اكون ماشي لي حيدر ادخل بيتكم
|
Post: #36
Title: Re: ما بلقى جنبكم وطن فاضي ؟ .. بس يكون إيجارو معقول .
Author: محمد عبد الماجد الصايم
Date: 04-05-2010, 11:41 AM
Parent: #35
| Quote: يرفدو بالعربي و يرجعو بالانجليزي و في نفس اليوم ؟ |
يا مواطن
الاتنين بالإنجليزي!!
القهوة ما عندكم لكن!
|
Post: #37
Title: Re: ما بلقى جنبكم وطن فاضي ؟ .. بس يكون إيجارو معقول .
Author: عمران حسن صالح
Date: 04-06-2010, 07:21 AM
Parent: #36
وصلنا وين ؟
|
Post: #38
Title: Re: ما بلقى جنبكم وطن فاضي ؟ .. بس يكون إيجارو معقول .
Author: Emad Abdulla
Date: 05-05-2010, 09:03 PM
Parent: #37
السلام عليكم ..
أها .. عملتو لينا شنو ؟
|
Post: #39
Title: Re: ما بلقى جنبكم وطن فاضي ؟ .. بس يكون إيجارو معقول .
Author: عماد الشبلي
Date: 05-05-2010, 09:10 PM
Parent: #38
يا زول اركز شوية ,,
نحن محرسنك العقاب !!
ودي ,,
|
Post: #40
Title: Re: ما بلقى جنبكم وطن فاضي ؟ .. بس يكون إيجارو معقول .
Author: ندى عثمان حسن
Date: 05-06-2010, 05:00 AM
Parent: #38
Quote: السلام عليكم ..
أها .. عملتو لينا شنو ؟ |
اى سمسار نكلمو, لما يسأل من المستأجر ونقول : عزة محمد أحمد يرفض رفض قاطع , ويقول : أحسن نخليو فاضى مما نأجرو لزولكم دة.
تاريخ سىء فى إساءة إستخدام الوطن.
|
Post: #41
Title: Re: ما بلقى جنبكم وطن فاضي ؟ .. بس يكون إيجارو معقول .
Author: هواري نمر
Date: 05-06-2010, 05:25 AM
Parent: #40
Quote: السلام عليكم ..
أها .. عملتو لينا شنو ؟ |
الله يا فنان...
عارفك موجوع..
قدُر ما فَتشتهَ ليــــــك..
ما لقيت ليك وطن غير الأنت فيه يا صاحب,
وحتي الفيه أنا ماعندي فوقٌه شِبر....!!
الا اِن ما شالتك الأرض..نشِيلك فوق راسنا..
|
Post: #43
Title: Re: ما بلقى جنبكم وطن فاضي ؟ .. بس يكون إيجارو معقول .
Author: SHIBKA
Date: 05-06-2010, 05:44 AM
Parent: #41
Quote:
السلام عليكم ..
أها .. عملتو لينا شنو ؟ |
ياربي بتتحمل انك تكون من وطن غير الوطن
|
Post: #42
Title: Re: ما بلقى جنبكم وطن فاضي ؟ .. بس يكون إيجارو معقول .
Author: محمد المرتضى حامد
Date: 05-06-2010, 05:44 AM
Parent: #40
تعال براك بنسَكِّنك بس ما تجيب معاك قلبك،
قلبك ما لازمنا تب،
قلبك خليهو يسكن لدى مؤجر آخر زي ما كان ودالمأمون وأحمد حسن جمعه بيغنّوا..
المهاتما العمده،
أوعا تجيب قلبك معاك ..
خلينا ننوم.
|
Post: #44
Title: Re: ما بلقى جنبكم وطن فاضي ؟ .. بس يكون إيجارو معقول .
Author: محمد سنى دفع الله
Date: 05-06-2010, 05:49 AM
Parent: #42
ايه الحصل
لقيتو ولا لسه .؟؟
|
Post: #45
Title: Re: ما بلقى جنبكم وطن فاضي ؟ .. بس يكون إيجارو معقول .
Author: طارق ميرغني
Date: 05-06-2010, 05:57 AM
Parent: #44
ما بلقى جنبكم وطن فاضي ؟ .. بس يكون إيجارو معقول .
بس... لقيتو ليك ياعمده...
في ام طرقاً عُراض
|
Post: #46
Title: Re: ما بلقى جنبكم وطن فاضي ؟ .. بس يكون إيجارو معقول .
Author: SILVER MOON
Date: 05-06-2010, 05:59 AM
Parent: #1
يــا وطـنـي الـضـايــع فـيـّـي و قـلـبـي ضـايـــع فـيـــك
صباح الخير
|
Post: #47
Title: Re: ما بلقى جنبكم وطن فاضي ؟ .. بس يكون إيجارو معقول .
Author: الفاتح ميرغني
Date: 05-06-2010, 06:26 AM
Parent: #46
سلام يا عماد
يسأل الله مما إنت فتحت البوست ده بجي عشان أكتب حاجة بحس الكلمات بتضيع مني.
تساؤل موجع يا عماد ولمن يجي منك بكون الوجع خرافي!
محبتي
|
Post: #48
Title: Re: ما بلقى جنبكم وطن فاضي ؟ .. بس يكون إيجارو معقول .
Author: الكيك
Date: 05-06-2010, 07:19 AM
Parent: #47
لقيتو ليك يا عماد
فى قلبى الكبير يضمك وكل الشعب السودانى الذى قرف من حكم الاخوان المسلمين واساليبهم ..
الحالة مقلوبة فى وطننا منذ عام 1989 وللان رغم حيل الانتخابات وكرورها .. ولن تنعدل الحالة ما دام انت وانا وهم بعيدين عنه فى المنافى المختلفة .. والتى فرضت علينا....
اذا اتحدت ارادتنا ورؤانا وهى اساسا متسقة لتغير الحال ولعاد الينا الوطن ولن نحتاج الى وطن الايجار لان المؤجر دائما لا يريح المستاجر وينكد عليه بالحديث الممل وبيت الجدرى ولا بيت النقرى ..
لكن داير احكى ليك حكاية لى مع الفرعون وردى عندما جاءنا فى ابوظبى واثناء لقائه بنا بالنادى السودانى قال لى رايتك فى مكان ما ولكن نسيت فقلت له تتذكر ان اخر لقاء صحفى لك تم اجراؤه قبل انقلاب الانقاذ اجرته معك صحيفة الايام وبعدها بيومين تم الانقلاب قال نعم قلت انا كنت مع الزميل عثمان عابدين الذى تم فى ذلك اليوم ..
ضحك وردى وقال لى طيب ياخى ما تجى تعمل واحد تانى يمكن تتصلح .
.وضحك الجميع للنكتة وسرعة بديهة الفنان الكبير وبعده حكيت له قصة الشحات الذى يجوب السوق العربى ويردد.. يحلها الشبكها ... فمد له احد اصدقائى من المفصولين من الجهاز القضائى له النصيب من بعض المال وقال له.... والله الشبكها ما يحلها... بالله ابعد من هنى ..
|
Post: #49
Title: Re: ما بلقى جنبكم وطن فاضي ؟ .. بس يكون إيجارو معقول .
Author: عبدالمجيد المقابل
Date: 05-06-2010, 07:21 AM
Parent: #47
Quote: تساؤل موجع يا عماد ولمن يجي منك بكون الوجع خرافي!
|
أحبائي عماد و الفاتح نحس بي وجعكم ولكن من يحس بوجعنا نحن الغرباء داخل وطنهم
|
Post: #50
Title: Re: ما بلقى جنبكم وطن فاضي ؟ .. بس يكون إيجارو معقول .
Author: nazar hussien
Date: 05-06-2010, 07:39 AM
Parent: #49
ساعدنا بالمواصفات يا عمدة...
عايزو ناصية والله عادي...؟؟
زنكي والله تلقيمة...؟؟
سقف ليبي والله جريد؟؟
اوضتين وبرندتين معكوسات والله افرنجي؟؟؟
برطن والله فصيح؟؟؟
حار جاف صيفا؟؟ والله دافي ممطرا شتاءا..
بي رواكيب ام قطاطي؟؟
طوب احمر والله اخضر؟؟؟
اسمنت والله ثري دي بانيل زي بكري واسماء...؟؟
ارضي والله بي سطوح؟؟؟
بابو بفتح شرق والله غرب
شمال ام جنوب؟؟؟
فيه تلج مبالغة والله مافيه؟؟؟
بي دكاكينو والله بدون؟؟؟
جنبو ست عرقي والله خلوة؟؟؟
هو الوطن دا بأجروه ساكت؟؟؟
|
Post: #51
Title: Re: ما بلقى جنبكم وطن فاضي ؟ .. بس يكون إيجارو معقول .
Author: معتصم دفع الله
Date: 05-06-2010, 08:01 AM
Parent: #50
يا عمدة ..
أها تم شهر لقيت ولا لسع
غايتو أنا عايز لي أوضة إن شاء الله بدون حوش ..
|
Post: #52
Title: Re: ما بلقى جنبكم وطن فاضي ؟ .. بس يكون إيجارو معقول .
Author: الشاذلى خيرى عبد الله
Date: 05-06-2010, 09:37 AM
Parent: #51
صاحبنا ده اتصرف وحلا مشكلتو ..
حاول اتكيف مع وضعك ياخ 
الناس كلها مزنوقة ..
ــــــــــــــــــــــ
ربنا يسكنك اعالى الجنان ياخ ..
|
Post: #53
Title: Re: ما بلقى جنبكم وطن فاضي ؟ .. بس يكون إيجارو معقول .
Author: خالد عويس
Date: 05-06-2010, 12:01 PM
Parent: #52
عامل فيها حريف يا عمدة ..مش؟؟
يعني ما عايز تحضر (خصخصة) الشعب السوداني؟
نحن غايتو بعد ما باعوا كل شيء منتظرين خطوتهم الأخيرة..بيع الشعب السوداني ذاتو !
|
|
