غرايشون يجهز على البقية الباقية من "معنويات" المرشحين..

المرشحين الخرخارين

شينة منو والله

الضربة الأولى كانت من الحركة الشعبية طبعاً

مبارك الفاضل سألوهو في الجزيرة وقالو ليهو ( يا هدا قرايشون زاااتو قال مطمئن وكلو ثقة انو الانتخابات نزيهة)
قال ليهم ( قرايشون ما ناقش حاجة لازم نوريهو)

اتمنى يكون الخواجة عجبكم ومبسوطين منو تب ..

والله ما عجبنا
بقدر ما ضحّكنا في الجماعة

Quote: المرشحين الخرخارين

لغة لا تخرج الا في مثل هذا الزمن

مبروك عليكم ما قد يتبقى من الوطن

يازول نحن في امتحان عربي

دي اسمها دارجة وونسة
والحمدلله ما عندنا ابتذال

وما قد يتبقى من الوطن دا تسأل منو جنرالات الحركة الشعبية الذين اختاروا الانفصال

Quote: وما قد يتبقى من الوطن دا تسأل منو جنرالات الحركة الشعبية الذين اختاروا الانفصال

دي تبريكات وتهاني ما عندها علاقة باي جنرات
حركة او مؤتمر

واكرر

مبروك عليكم الفوز في ما قد يتبقى من الوطن

ودفرح
خليه الخواجة أنت قولك شنو ؟
ما شفت عربات الحكومة عليها صور البشير؟
ما شفت بطاقات الإنتخابات حوزة اللا وطني وعليها مرشح الرئاسة ومرشحي الولايات ما تقول تدريب لأنها تحمل كلمة ( عينة) ... وين عينات باقي خلق الله من المرشحين ..
ما شفت براك الشرطة تضرب وتسحل أي تجمع معارض امثال شباب قرفنا ومنو داك في الشمال ؟
ما شفت براك تلفزيون اللا وطني المسمى مجازا قومي يهلل ويكبر 24/7 في منسوبي اللا وطني؟
ما شفت براك الوالي والمتعمد بالأقاليم لا يصدرون تصاريح الندوات والمسيرات للمعارضيين ؟
ما شفت براك خراب مشروع الجزيرة وبيعه لتنظيم الغير مسلمين من بلدان الدنيا ...
ما شفت براك الحزب الطيش في آخر إنتخابات أصبح بقدرة السلطة والثروة والجاه الأول ؟
ما شفت براك فقراء ( والفقر) ليس عيب اللا وطني أصبحوا أثرى أثرياء العالم ؟
يازول خافوا الله فيما تكتبون وتقولون ... الحمد الله عندنا إقامة عائلية بالخليج نعيش باقى عمرنا هنا ومبروك عليكم الشمال بدون حلايب وإن شاء الله تبقوا رجال تحافظوا على البواقي منه ,.
الشفيع