خطبة البشير يوم فوزه

خلفية:

جمع من الحشود ... تهليل.. تكبير.. رايات مرفوعة عليها شجر أخضر..
البشير يلبس العمامة.. ويحمل العصا


الخطبة:

الله اكبر.. الله اكبر.. الله اكبر

نشكر الله .. يا جماعة الانتخابات تمت وكل شيء انتهى ونحن اهو قاعدين في الكرسي.. والعالم بارك.. ونحن بنقول ليهم شكرا لوقفتكم الشجاعة ونشكر امريكا التي حرصت على قيام الانتخابات في موعدها والمراقبين الذين قالوا ما في تزوير ..

الله أكبر... (الحشود)

يواصل البشير وهو يلوح بالعصا:

الانقاذ مستمرة.. والتنمية ماشة.. ما في شيء حيتوقف.. والجماعة الراهنوا على انو مسيرتنا تتعطل حقوا يختشوا ويقدموا استقالتهم من السياسة.. المؤتمر الوطني اثبت ليهم بالبرهان انو الحزب الاكبر في البلد.. ولو كان عندهم جماهير كان صوتت ليهم..
قالوا حيكون في تزوير.. وهددوا بالانسحاب.. لانهم كانوا عارفين من البداية انهم حيخسروا...
ولا شنو يا جماعة؟

جماهير تهتف "سير سير يا بشير"..

الخطبة مستمرة:

كانوا بقولوا انه الجماعة ديل ما عاوزين ديمقراطية.. أهو جاتم الديمقراطة لكن ما استفادوا منها.. وما كانوا جادين.. وكنا بنقول ليكم انو الجماعة ديل ما عندهم برنامج.. كان برنامجهم اسقاط المؤتمر الوطني.. ولو كانوا فازوا واسقطوا المؤتمر كانوا حيسوا شنو؟

وبعد ما رتبوا حاجاتهم.. قالوا في تزوير وقالوا حينسحبوا.. وبعضهم انسحب.. لما كشف انو ما حيقدر يعمل حاجة.. وفي النهاية جاهم غريشن واقنع بعضهم ودخلوا في الانتخابات.. في المستويات القدرهم.. وحتى دي ما قدروا عليها.. آهو أنتو شفتوا كيف المؤتمر الوطني اكتسحهم..

تهليل.. تكبير...

عمر نور الدائم ومعاهو احمد عبد الرحمن مشوا للشيخ الجعلى ودعا ليهم دعوة كاربه وبعد ادما انتهى من الدعاء التفت الى عمر نور الدائم وقال ليهو ياعمر تعرف اقدار الله عمر قال ليهو بالحيل اعرفها الشيخ الجعلى قال ليهو بس نميرى ده هو اقدار الله..

سير سير يا بليك

واصل بالله عليك..