تصريح خطير للمناضلة الأســتاذة تراجي مصطفى

في معرض حديثها و مداخلتها هنا :


http://تفاصيـــل ما حدث ...فعلها رياك مشار

و الحديث كان السيدين المناضلين رياك مشار و سلفاكير ..

Quote: صحيح يا حكيم رياك هو القائد الفيلم ده لكن سلفاكير نفسه متورط معاهو. الاثنين ديل ودونا في داهيه.

الـ 2 ديل ودونا في داهية ..

دي ( المناظر ) يا أم حازم ..

الغريق قدام ..

أديها صنة ..

كــدى شـوف المعركــة دى بروايــة تراجــى ,,,

Quote: 2-04-2010, 04:14 م Tragie Mustafa تاريخ التسجيل: 29-03-2005 مجموع المشاركات: 35984 Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو (Re: ابوبكر الامين يوسف) الكلام الجد يا وليد هنالك انشقاق خطير بالحركه الشعبيه ورياك ومشار وسلفاكير قالا نحن مصرين نسحب ياسر وندعم الوطني ياسر جعفر وعرمان رفضوا واجتماع عاصف غيبوا منه ادور لينو لانه شرس وباقان لانه اشرس وقالوا لياسر تعلنها ولا بنعلنها نحن! وقالوا ليه احزاب جوبا نحن ما بنضمنها ياسر جعفر قال لهم كلام كثير وكذلك عرمان انتهى الاجتماع لعلمك باخراج المسدسات. التفاصيل لاحقا. الخلاصه الكيان الانتهازي هو الباع عرمان وباقان وادور لينو وكثار آخرين لا اعرفهم وتاجروا للمساكين الجنوبين(هؤلاء الانتهازيه) بانه المؤتمر الوطني هو الحيدينا الانفصال الخلاصه لا انفصال ولا يحزنون هم نفسهم بكره حيطلعوا لنفس جماهيرهم يقولو لهم نحن اقتنعنا انه الانفصال لغير مصلحتنا وقررنا نقعد في السودان الموحد. الخلاصه ياسر عرمان لم يبيع احزبا جوبا ولا تياره في الحركه ولا الشعب السوداني الباعو الناس سفاكير ورياك مشار.

عبداللطيف سلامات ..
سؤال جانبي ..
من هو ياسر جعفر ؟..



..
اعتذر عن جهلى

Quote: عبداللطيف سلامات .. سؤال جانبي .. من هو ياسر جعفر ؟..

الأخ / محمد حيدر :

حتى أنا لم يحصل لي الشرف بعد لمعرفة ياسر جعفر دا ..
لكن الحديث عنو ورد في في مداخلة أخونا بدر الدين اسحق نقلا عن تراجي في مداخلة وردت هنا ؛
وردت وين ما عندي فكرة ..

لكن يبدو لي برضو راجل مناضل كبير ..
أصلو اليومين دي المناضلين كتار جدا ..

يا عبداللطيف
ياسر جعفر ده زول مهم في الحركة الشعبية و قطاع الشمال
خريج الخرطوم زمان كده و زول شاطر و مرتب و وطني حقيقي
شكلك ما حا تفهمني برضو



طيب هو زول ياسر عرمان كده
كده بكون وقع ليك .. صاح ؟

عبد اللطيف سلامات

ويا حبيب نحن تعبنا من حركات الناس البتشرك وبتحاحي.

Quote: عبداللطيف سلامات .. سؤال جانبي .. من هو ياسر جعفر ؟..

يا محمد حيدر المشرف
سلامات

الكمرد ياسر جعفر كادر مخضرم للحركه الشعبيه

من اهل الشمال وهو لا يقل شهرة على ياسر عرمان

الا ان الشيوعين دعموا ياسر عرمان اعلاميا وياسر جعفر

لم يجد دعم كافي لذا.....صار اقل شهره.

لكنه رجل شهم ومهاب جدا ومخلص لقيم السودان الجديد.

وايام ملحمة البرلمان و المظاهرات اياها تجد ثوره خلف

ياسر عرمان دوما بل تصدى للدفاع عنه

وكتب انه حتى زوجة كمرد ياسر جعفر ضربت يومها اثناء المظاهرات.

يا تراجى أواصل معاك
قبل التعريف أأكد أن ياسر جعفر لم يحضر الأجتماع أصلا

هو ياسر جعفر إبن مناضل عمالى قديم
خرج من جامعة القاهرة للغابة مع ياس عرمان
ثم تبعة إخوانة
أسامة جعفر وممدوح جعفر ومحمد جعفر وإيهاب جعفر
جمبعهم حاربوا فى صفوف الحركة الشعبية ودخلوا الغابة
ياسر جعفر لو تذكروا قتل حارسة فى منزله فى أركويت وإسمه دود
وفتحت عدة بوستات حينها بالحادث حيث إعتدت قوات مسلحة
على منزل ياسر وفتحت النيران على الرغم من وجود أطفال فى المنزل


الإنقاذ حاقدة علية بشدة فقد أذاقهم الويل أيام القتال

شاب دغرى وما بعرف اللولوة والكلام المغتغت
هو رئيس حملة عرمان

بس برضوا ما حضر الإجتماع
وناس الحركة لمن إكتبوا أكيد بنعرف منهم مواقف قياداتهم لو أرادوا طبعا

الفاضله زينب بدر الدين
سلامات

Quote: هو ياسر جعفر إبن مناضل عمالى قديم خرج من جامعة القاهرة للغابة مع ياسر عرمان ثم تبعة إخوانة أسامة جعفر و ممدوح جعفر و محمد جعفر و إيهاب جعفر جمبعهم حاربوا فى صفوف الحركة الشعبية ودخلوا الغابة

طيب مش محزن انه اسرة كامله انتمت للحركه الشعبيه

وقدمت ما قدمت....

تكون مغيبه اعلاميا عن ذاكرة شعبها؟؟!!ومنو المسؤل؟؟!!


اما يا حبيبه كونه ما حضر الاجتماع فده ما حسب مصادري

حسب مصادري انه رد باشهار مسدسه....وانت كنت عليمه بروايه آخرى

فعليك بها ولا تنتظري ناس الحركه فقد تعودوا الغتغته ونحن بصدد تعليمهم

انههذا ( نمط ) غير مجدي لانه وداهم التوج!

Quote: ياسر جعفر لو تذكروا قتل حارسة فى منزله فى أركويت وإسمه دود

الاخت زينب ممكن تشرحي لي الحتة دي .. ما قدرت افهمها ..

كل تنظيم عندو بعض الاعضاء طبيعة عمل تجعلهم خارج دائرة الضو .
لكن المدهش ان بعض الافراد يحسبون نفسهم اعضاء في تنظيم وهم لا يعرفون شئ عن هذا التنظيم.
ولا يفرقو بين هذا وذاك .

ياسر جعفر من القيادات المعروفة في الحركة الشعبية وقاتل في صفوفها لسنوات طويلة، وأظنه يحمل رتبة "رائد" إن لم أكن مخطئا.

لواء يا مسكين
لوااااااااااااااااء

اعتقال ياسر عرمان . (زماااااااااان) يوم 7 / 12

الرجل خلف ياسر عرمان اقصي يمين الصورة هو اللواء ياسر جعفر ابراهيم

Quote: هو ياسر جعفر إبن مناضل عمالى قديم خرج من جامعة القاهرة للغابة مع ياس عرمان ثم تبعة إخوانة

صدقت الاستاذة زينب

ياسر ابن الخال جعفر ابراهيم
من ابناء مدينة ودمدنى
اول واخر مرة التقيته فى عام 1980
تخرج من الفرع فى الثمانينات
واعتقد سبق عرمان فى الانضمام للحركة
والده الخال جعفر كان منتميا للحزب
الشيوعى ابان عمله فى وقاية النباتات وبعد تقاعده
افتتح كشكا لبيع البذور والتقاوى داخل زنك الخضار
فى مدنى كان فخورا بانضمام ابناؤه للحركة برغم من
تركهم لوحدهم هو والخالة دون ابناء يعينونهم فى كبرهم
وكان الخال جعفر دائما ماياتى لزيارتنا يوميا فى العصريات
ابان اجازاتى السنوية قبل نيفاشا وكان دايما يبشرنا بقرب
التوصل لاتفاق السلام حسب المعلومات الواردة اليه من ياسر
وكانت بينه وبين والدى مساجلات ومشاكسات ممتعة تدور فى فلك
السياسة بين طرفين لايلتقيان ولكن الواقع ان اختلاف الراى ابدا
كان لايفسد للود قضية
تعرفوا ناس ياسر ديل اختهم الوحيدة لو مادخلت فى موضوع زواج
واسرة كانت برضو لحقتهم والتحقت بالحركة !!!! ديل عندهم
اعتقاد صلب فى النضال لم ارى له مثيل

ياسر جعفر من القيادات الفاعلة في الحركة الشعبيةوهو قد التحق بها في الثمانيات وهو من ابناء مدينة مدني ,,, التقيته بهولندا ابان تلقيه و مجموعة من كوادر الحركة الشعبية لدورة في العلاقات الدبلوماسية,,, وهو من المقاتلين الشرسين جدا .

كل الذين مروا من هنا ..
قراءاً و معلقين ..
شكراً جزيلاً .

لكن موضوع البوست - رغم انفكم جميعاً - بقى عن ياسر جعفر !!!

ياخي تشرفنا - بجد -
و ما في مناضل في الدنيا دي بقولوا ليه : شكرا ؛ انت ناضلت !!!
النضال دا واجب ..
و كل الشعب السوداني دا مناضل ..
و ( الصبر ) دا قمة الايمان و النضال ..
عشان كدا لا نستثني أحدا .. حتى الذي في مهده يحسب في زمرة المناضلين ..
رغم انو في ناس كتاااار لوثوا الحكاية و طلعوا ( فشنك ) ..

نجي لموضوعنا الاساسي - موضوع البوست :
و نطرح أسئلة :

هل أحبط مناصري الحركة من ( التقليعات ) السياسية الأخيرة ؟
ما الذي يدور في أروقة هذا التنظيم ؟
ما هي مبررات ( الانسحاب ) ؟
هل هو فعلا قرار مكتب قيادي ؟ أم قرار شخصين ( حيودوا تراجي في داهية ) ؟
و لماذا الانسحاب من ( الرئاسة ) و خوض الغمار الانتخابي في كل الدوائر ؟؟؟؟؟؟؟

هذه هي الاستفهامات ؟
لزاما على الحركة احترام نضالات الشعب السوداني ؛ و الجلوس معه في الأرض ؛
و مثلما إدعت انها تتفهم الاشكالات السودانية الصعبة ؛ يجب عليها ايضاً ان تفتح أذنيها لسماع ما يدور من أسئلة مشروعة !!

و يجب ان تعرف الحركة ان الصوت الانتخابي دا ما بمشي ساي كدا على بركة الله !!
عشان اديك صوتي لازم اعرفك و اشوفك و افتشك و أسألك ..


تحياتي ..

الخدر :

Quote: طيب هو زول ياسر عرمان كده

كدا داااابو وقع لي ..
معليش .. فهمي تقيل شوية ..

لكن في المرحلة دي بالتحديد ؛ الوضوح هو المهم ؛ مهم جدا يا خدر ..
الكلام ( الفوقاني ) داك الكان خارتننا بيه حكام ( السودان القديم ) ما بنفع ..
أو ما بأكل عيش ..

الشعب السوداني دا واااااااااعي ..

يعني ما تصحى لي كدا من نومك و تجي تعلن لي انك انسحبت من الانتخابات الرئاسية بس ..
لأنو الحكاية فيها تزوير و تقول لي شامي لي ريحة لعب تحت تحت ..

لا لا لا لا لا ..
ما بخليك ..

لازم تشرح و تفهمني : مالك انسحبت .. تديني المبررات كاملة و تنورني لحد ما اقتنع ..
أقلها عشان أقاطع ..
عشان ( صوتي ) ما ادفقو في الرهاب ساي كدا ..

في البداية تعمل لي شفت و حتحل مشاكلي و تطرح لي برنامج ( دسم ) جدا و تمشي تخليني واقف في السهلة ..

يبقى دا كضب ..
و تطلع كضاب كبير ..

و الكضاب كضاب ..
و ما حيكون في فرق بين الكصاب الحاكم و الكضاب الطارح نفسو للحكم ..
( أحمد و حاج أحمد ) يا خدر ..

فهمتني ؟؟؟؟؟

سلام يا عبد اللطيف..
احسن حاجة الرجول الجريتها معاك للبوست..
بالاخص الفنان ..
بعدين مالك مضاري وراء تراجي وخاتيها في وش المدفع..
مافي شك الموضوع اثار استفهامات مش كبيرة وبس ..
بل دخلت في نوايا الحركة نفسها..

الملك :

أشكرك ؛؛؛

الفنان دا دخلناه في الموضوع جرجرة ساااااي لله ..
لأني شايفو بمارس السياسة بأناملو - حباً في الآلات الوترية و كدا -
و لو ملاحظ الراجل دا في اي بوست بهبش من بعيد لبعيد ؛
الظاهر عليه ما بحب ( الغريق ) ..

أما تراجي هذه فموضوعها يطول ..
لكن باختصار : المرة دي ( حركية ) اكتر من الحركة ذاتا ..
و هنا جات عملت فيها ( ياسرية ) جداً ؛ ؛
و من زماااااااان كانت مراهنة على ( مشروع ) الحركة في التغيير و حاية سودان جديد ..

الآن الأمور بدت تتقلب شوية شوية ..
و حكاية ( تغيير ) و ( سودان جديد ) بدت تطرشق ..
لذلك لجأت تراجي و شلة الصفيقة للنقد العلني ؛ بل و المشمئز جدا من المسار السياسي للحركة الشعبية ..

و نحن ما بنشمت أبداً ..
لكن عايزين نصحي الجماعة ديل من الغفلة ..
و يفهموا معانا انو الحركة الشعبية أصبحت ( كرت ميت ) و الرهان عليها رهان خاسر لا محالة ..
و قصة دا مناضل و دا ضحي بالغالي و النفيس و ما أدراك .. دا بقى كلام فارغ ..
الحكاية يجب ان تكون على بلاطة الآن ..
لأنو كل الشعب السوداني دا مناضل ..
ربض و صبر و ما سمح أبدا للكيزان يمرروا مشروعم الوسخ دا ..

الكلام كتير و الزمن دقيقتين ..

أحييك ..

اسى يا اخونا نصدق قصة الاستاة تراجى ولا قصة سودان تربيون القالت عرمان طلب الانسحاب لانو مقتنع بهزيمة ثقيلة نصدق منو

مجتبى :

أشكرك ..

لا هذا و لا ذاك ..
في معطيات كتيرة ممكن نحلل بيها محلياً ..
و في اسئلة كتيرة .. ما صعبة لكن ( محرجة ) لبعض الجهات السياسية ؛ بالذات الحركة الشعبية ..

و اذا صدق تنظيم ( الشراكة ) ما بنحتاج لأي تحليل يفهمنا الحاصل في البلد ..
( الصفقة ) الآن تمت بين الشريكين ..
أدونا دا بنديكم داك ..

و البقية ؛ رغم ( التحالفات الخفية ) ألا أنها ( تمومة ) ساي .. مرحلة و حتعدي ..
لكن اللعب الكبير هنااااااااااك .
بين الاتنين الكبار ..

و بالمناسبة ؛ تسمية ( الحزبين الكبيرين ) دي انتهت ..
بقت من مخلفات الماضي ..
كانا كبيرين حتي نيفاشا ..

بعد نيفاشا اختلف الكبيرين ..
من هما ؟؟؟؟

انت عارف و انا عارف و الشعب عارف ..


تحياتي ..

ألاخ المكرم/عبداللطيف خليل محمد على ,,,

ادناه مداحلة لي ذات صلة في بوست مجاور رأيت نقلها هنا,, اذ انها تصب في ذات الاتجاه :

Quote: الاخ المكرم / وليد محمد المبارك ,,, Quote: قلنا ليهم بااااااااااااااااااااااااع أجد نفسي اوافقك هذا الرأي ,,, فالسألة قد وضع السيناريو لهابعد وفاة د.جون قارانق ,,, ففي ندوة سياسية بلاهاي نظمتها منظمة NSON(شبكة منظمات السودان الجديد) بالتضامن مع منبر منظمات المجتمع المدني السودانية بهولندا في 2006 ,,افاد السيد دوكو(ممثل الحركة الشعبية بدول البنيلوكس) بان هناك (Gentleman Agreement) يقضي بان يتم ملأ نصيب المؤتمر الوطني في جنوب السودان بالجنوبيين لديه علي ان تلتزم الحركة بملأ نصيبها في الشمال بالشماليين لديها!!! وكنت قد تداخلت معه في تلك الندوة موضحأ ان ذلك يخالف روح مانفستو الحركة الشعبية ويناهض فكرة السودان الجديد!! وتسائلت هل غيرت الحركة الشعبية المانفستو؟؟؟ واضفت بان تنفيذ الاتفاقية بهذه الروح سوف يؤدي الي قيام دولة عنصرية في جنوب السودان تقوم علي اساس قبلي ودولة دينية في الشمال تتحكم فيها الجبهة الاسلامية ,, وفي كل لا خير. للحقيقة لم يستحسن ما ذهبت اليه من معظم عضوية الحركة الشعبية ولم يقدم السيد دوكو اجابة مقنعة.ثم تبع ذلك سلوك الحركة الشعبية و انحسارها جنوبأ واعتمادها للمحاصصة القبلية كمعيار بديل للمواطنة في الجنوب ,,,فلم يتقلد اي مواطن شمالي حتي القياديين بالحركة لأي منصب تنفيذي او تشريعي او اداري في الجنوب ,,, تيقنت عندها ان مشروع السودان الجديد قد قبر مع منظره د.جون قارانق دي مبيور. أحزابنا الوطنية الديمقراطية اصابها الوهن والضعف و اصبحت تعتمد بشكل اساسي علي الحركة الشعبية لانجاذ التحول الديمقراطي ففقدت حيوية الفعل و المبادرة والحركة الشعبية قد قالتها اكثر من مرة بانها لن تخوض حروب الاخرين ,,فالعيب فينا و لعلنا نعي ذلك قبل ان يدركنا الصباح ,,الا ان الصبح قريب . تحياتي ,,,

لك وافر التحايا و السلام ,,

أخي العزيز هيثم منصور ..

أشكرك على المداخلة ..

و رايك سديد ..

و ربنا يكون في عون شعبنا ..

عبداللطيف
تحياتى
ذكرتنى بمداخلة لى قبل يومين تقريبا فى البوست بتاع (سلفا كير يعلن سحب عرمان لاجل البشير) وانو الحاصل زنقة لسيلفا وبقية رموز الحركة فى الجنوب من دعم المؤتمر الوطنى للمنسحبين من الحركة ودكتور لام كول يعنى بالواضح كدا ارفع يدك عن دعم لام احنا سحبنا ليك عرمان لكن المشكلة انو بكلام ريال مشار دا فى تربيون عرمان ما سحبوه بل (حرق نفسوا) واظن دى جات مية مية مع ناس فى الحركة
يعنى ما دايرين ازعاج من شمالى الحركة وناس المؤتر بنفس الطريقة يقصوا جنوبى المؤتمر وتبقى المسالة واضحة (شراكة شمال وجنوب ) بين المؤتمر والحركة المؤتمر واظن المسالة بعد كدا ممكن تبقى حزب عديل ريسو شمالى يراس البلد ونايبوو جنوبى يراس الجنوب ويكون نائب اول وفضوها سيرة

...

Quote: و نحن ما بنشمت أبداً .. لكن عايزين نصحي الجماعة ديل من الغفلة .. و يفهموا معانا انو الحركة الشعبية أصبحت ( كرت ميت ) و الرهان عليها رهان خاسر لا محالة ..

من يـــوما ياخـوي من يـوما

* يوما دي مقصود بيها يوم موت غـرنق

فوق ..

و نقدم الشكر لعبدالله احيمر ..

الرد على مثل هذه التصريحات الخطيره تجده فى هذا البوست:

اسمع للجماهير يا (عرمان)ولا تخزلها جماهير عرمان تخرج للشارع وتطالب بعودته!

ولك ان تنقل عنه ماتريد.

فإن أصرت مطلقة التصريحات الخطيرة الاستمرار فيها نرد عليها عند أيضا.


.

تراجي من ما جات الانتخابات دي

ضربت لمبات عديييييييييييييييييييييل

Quote: الا ان الشيوعين دعموا ياسر عرمان اعلاميا وياسر جعفر لم يجد دعم كافي لذا..... صار اقل شهره.

.. طبعا التصريح دا مبالغة ..
ياربي .. تاني الشيوعيين الفي البورد .. بقدرو يقدموا تراجي كمتحدثة في الصف الأمامي أو البعض منهم بيجي يكسر ليها تلج .. زي ما كانو بيكسرو ليها زمان ..؟
الاهم من كدا:
كلام تراجي دا جد .. جد ؟؟
مركزية الحزب في البورد .. كيف تمرر الكلام دا سااي كدا ..؟