في ظل التفتت المرتقب للسودان , دعوه لبناء كنفدراليه تجمع الجنوب والغرب والشرق

بدون مجامله واضح أنه من المستحيل أن يعيش السودانيين في ظل دوله واحده في ظل سيطره العنصريون الشماليون على الدوله ومنعهم لكل ما من شأنه أن يمهد لبناء دوله القانون , وانفصال الجنوب ما هو الا مقدمه ليتبعه أخرون .

لماذا فشل السودانيون في العيش معا ؟

الفشل ناتج عن الفشل في الأعتراف بالحقائق كما هي بدون تجميل , الدوله السودانيه لا يشعر غالبيه مواطنيها بأنها تعبر عنهم , لا على مستوى تعريف هويه الدوله ولا على مستوى المشاركه .

فالدوله أراد لها المسيطرون عليها أن تحمل الهويه العربيه الأسلاميه , وهي هويه لا تعبر عن الغالبيه من السودانيين , كما أن المشاركه في الدوله أقتصر على الشماليين في الغالب الأعم حتى بلغت نسبه مشاركتهم 88% من مجمل الوظائف في السودان مع أنهم أي الشماليين يشكلون 6% من السكان وفقا لأخر أحصاء سكاني (مشكوك في أمره) .

فما هي أمكانيه أنشاء دوله كنفدراليه مستقبلا تجمع الأقاليم المستقله عن ما كان يعرف يوما بالسودان .

هل يمكن أن يفكر قاده الغرب والجنوب والشرق في بناء مثل هذا الكيان لتلافي مشكلات حقيقيه ستنشأ من أستقلال هذه الأقاليم , كانعدام المنافذ البحريه كما في حاله الجنوب والغرب أو أنعدام الموارد الكافيه لبناء دوله كما في حاله الشرق .


وما مدي أمكانيه أنضمام الشمال مستقبلا لهذا الكيان أن قدر له الله أن يري النور , وما موقف الوسط ؟

Quote: العنصريون الشماليون

...

Quote: لماذا فشل السودانيون في العيش معا ؟

..
حسع دا كلام مثقف واللا كلام زول منفوووخ ساااي ...؟
عشان نعرف نرد ليك .. لو بي منفاخ أو بي (كــدر) يا (جركس) ..

الساقط في الأخلاق والدين تمبس

Quote: حسع دا كلام مثقف واللا كلام زول منفوووخ ساااي ...؟ عشان نعرف نرد ليك .. لو بي منفاخ أو بي (كــدر) يا (جركس) ..

بعد كلام السفيه (رمزك الوطني) عن نساء الغرب أي شيئ مقبول منك قول زي ما أنت داير وأكتب بي (أصبع يدك الشمال الوسطاني) (يا منحط) لما تفتر ولما تفتر (أرضعو) ولو ما عرفت ترضعو أسأل وأنت عارف تسأل منو .

Quote: الساقط في الأخلاق والدين تمبس

...

Quote: بعد كلام السفيه (رمزك الوطني) عن نساء الغرب أي شيئ مقبول منك قول زي ما أنت داير وأكتب بي (أصبع يدك الشمال الوسطاني) (يا منحط) لما تفتر ولما تفتر (أرضعو) ولو ما عرفت ترضعو أسأل وأنت عارف تسأل منو .

.. المثقف الشمالي أو الجنوبي .. أو الشرقي أو الغربي أو البعاتي .. مجدي نفخـووو ..
إنت مسالة الاصبع الوسطاني ليدي الشمال دي مالك اسهبت فيها كدا دا ..؟؟
تعرف مشيت وزارة الخارجبة عشان اوثق لي شهادات .. لقيت قسم الكمبيوتر .. مسكو مني الشهادات قالو لي تعال بكرة الساعة عشرة .. وانا بكرة الساعة عشرة كنت مسافر ..
عارف قالو لي الساعة عشرة ليييه ..؟ لانو الماسك الكمبيوتر لقيتو بيكتب بي اصبعينو السبابات بتاعت يدو الشمال ويدو اليمين ..
انا لو قمت كتبت ليك بي السبابة بتاع يدي الشمال .. سريع شوية في الكتابة احتمال كبير اجلي الكيبورد واطبزك في عينك .. ولو كتبت ليك بي السبابة بتاع يدي اليمين دا الله لاوراك ليهو .. احتمال كبير جدا اصبعي دا زاتو يتفكه ويقوم يدخل ليك بالماوس .. ويخنقك في حلقك .. وهنا كان الخيار بتاع الاصبع الوسطاني لانو اهون ليك شويتين .. ولو كترته وزدته .. احتمال كبير اكتب ليك بالاحساس سااي كدا دا .. يعني اجي داخل بوستاتك دي .. وتلقاها فاااضية صقيعة .. يللا تقوم تتخيل انا كتبت ليك شنـو..
بعدين ساعدنا بالاخلاق يا البتكتب من الكنيف .. يا بعاتي .. اوووعك تاني تستعمل مفردات زي دي .. إنت ما حاسس بي نفسك ساااقط ..؟
لو ما حاسي بي سقوطك دا ... حقو ترجى السقط يجي وتمشي تقعد في السقط يا مثقف ..
كدي تاني اشوفك اكتب ليك كلام فارغ زي دا شوف بعمل ليك شنـو ..
يلقطو فيكم ساااي ويخموكم لينا هنا دا .. الواحد مفترض كان اول حاجة يجيب شهادة حسن سير وسلوك .. وشهادة من الحزب بتاعو بتأكد اهليتو للتعاطي العام في المكانات العامة .. وفوق لي ذلك .. يجيب ليهو معاو جردل شان يخم كلامو البيكتب فوقو دا ..
تخم كلامك دا .. زي الترتيب .. يا نفخــوو .. إنت قايل نفسك منو ... ؟ ما مجدي ساااي .. قايل نفسك نقد ..؟

ظل العنصريون الذين يسيطرون على الدوله السودانيه وهم للأسف الشديد من أهل الشمال ومنذ أن ورثوا تلك السيطره من المستعمر , يستخدمون كل الأساليب لأحكام تلك السيطره والأبقاء عليها .

فمارسوا في سبيل ذلك جرائم ممنهجه قام بها الجيش وأستخدم فيها أخس أنواع الأسلحه اغتصاب وحرق الخ .

كما مارسوا سياسه فرق تسد وذلك بزرع الفتن بين القبائل السودانيه بغرض أضعافها .

أما الذين ينادون بضروره أنهاء الهيمنه فيمارس عليهم كل أنواع العنف اللفظي واغتيال الشخصيه بغرض أسكات صوتهم .

والشيئ المؤسف أنهم مازالوا يستخدمون تلك الأسلحه القذره مع أنه قد تجاوزها الزمن , وأصبحت عورتهم أكبر من أن يخفيها سؤء أدبهم وأنعدام أخلاقهم .

Quote: وأصبحت عورتهم أكبر من أن يخفيها سؤء أدبهم وأنعدام أخلاقهم .

وإنت عورة لسانك دي وسوء ادبك البغطيها ليك منو يا عنصري ..
إنت ما عندك مراية في البيت تشوف بيها عنصريتك دي ..؟
كل ما الواااطة تصبح شابكنا الشمال .. الجعلية .. الشنو ما عارف ..
نوعيتك دي يغطوها هنا دا .. يغطوك ويعدو ليك لحدت مية ما بتصحى .. لكن اجمل ما في السمالة دي .. إنو نوعيتكم دي لو غطوهـا .. ريحته بتطلع ..
ريحتك ضاربة يا عنصري ... وح نجيهك جيهة جد..
اختار ليك واحد من الحاجتين ديل عشان نخاطبك بيهم
عنصري أم مثقف ..؟
يللا اطلع بسرعة بالنجيضة ..

بالمناسبة يا عنصري إنت ... يا نفخوووو
المداخله الفوق دي شايفه كويس ؟؟
كتبتها ليك بي اصبعي الصغير بتاع يدي اليمين .. اعمل حساب إنك ما تفتح عيونك شديد وإنت بتقرا لانو احتمال كبير يطير اصبع كدا واللا كدا يعمل ليك حاجة ما كويسة ..


بالمناسبة:
إنت بعاتي مش ..؟
إنت بعاتي أم مثقف أم عنصري ؟؟

يا تمبس ..
الزول دا انت مأخده ( خطة إسكانية ) و لا ( ملك حر ) ..
عشان لو خطة إسكانية .. نمشي ندق جرس نقول ما حضرنا القرعة ..
كما كان ( ملك حر ) .. تمشي تجيب لي ورقة من ( حبوبتك ) بخصوص الموضوع دا ..

..
..

اللخو نفخووو ..
في مشكلة في الكنفدرالية بتاع فنيلتك دي ..
يعني هسع اتفدرلتو .. شرقا و غربا و جنوبا .. لو زول من الغرب داير يمشي بورسودان .. يعمل كونكشن في جوبا ..!!!



..
..

نداء للاخوان وهبة - فيصل الرشيد .. اخوكم تمبس عامل خاينة خايفة ..

الأخ مجدي السلام عليكم ورحمة الله

Quote: هل يمكن أن يفكر قاده الغرب والجنوب والشرق في بناء مثل هذا الكيان لتلافي مشكلات حقيقيه ستنشأ من أستقلال هذه الأقاليم , كانعدام المنافذ البحريه كما في حاله الجنوب والغرب أو أنعدام الموارد الكافيه لبناء دوله كما في حاله الشرق .

الواقع الآن يقول إن بعض هذه الأقاليم التي ذكرتها
هي نفسها مهددة بتفجر الصراعات والاختلاف فالغرب مثلا يموج بالخلافات
حتى على صعيد التفاوض مع الحكومة. حركة العدل والمساواة رفضت إشراك
الفصائل الأخرى في مفاوضات الدوحة وهو موقف يشي بالسلطوية والرغبوية لدى هذا الفصيل.
بعدين حكاية انعدام الموارد الكافية لبناء دولة كما في حالة الشرق
إنت جبتها من وين ؟

Quote: وما مدي أمكانيه أنضمام الشمال مستقبلا لهذا الكيان أن قدر له الله أن يري النور , وما موقف الوسط ؟

الوسط موقفه ما واضح في ظل تمظهر الأحداث الأخيرة وتداعياتها
بين الأخذ والجذب في صيرورة الوضع القاتم ليس على مستوى النخبوية
وحسب وإنما بسبب رمادية مواقف التيارات والقواعد والجماهير بشكل عام
فيما يتعلق بردة الفعلإزاء تعقيدات الأزمة السيايسواجتماعية خاصة
أن مستحقات نيفاشا وتبعاتهاليس ملزمة لكل التكتلات السياسية بما في
ذلك الأحزاب التقليدية جنبا إلى جنب مع تيارات القوى الحديثة كما لا يخفى عليك
أن واقع التردي المعيشي وتغبيش الوعي الذي ظلت تمارسه الطغمة الحاكمة على مدى
العشرين سنة العجفاء الماضية كان له انعكاساته في تحديد العوامل التي كان حريا
بمثل ملابساتها أن تسهم بشكل قاطع وجذري في رسم الموقف المتوقع للإرادة
الجمعية لإنسان الوسط من مقترح الكنفدرالية التي لاحت ملامحها في الأفق.
أضف إلى ذلك الوضع الاقتصادي المتردي والحال المعيشي المتشظف والقاسي
الذي أفرزته سياسة منظري الأيدلوجية الفكرية لنظام الإنقاذ.
هذا قليل مما سمح به الوقت لتشريح مآلات الوسط وسكانه في ضوء الحديث عن
ما يمكن أن يكون عليه موقفهم من التصور المقترح. سأعود لاحقا لبيان الرؤية بتفصيل أكثر
إن سمحت ظروفي وكذلك لتفكيك البنية الذهنية في العقل الجمعي السياسي والعشائري في الشمال بغية الوصولإلى إجابة عن سؤالك حول إمكانية اندماج الشمال في الكنفدرالية
بحيث تقوم الإجابة على أرجل معرفية -والحق الفكري مكفول للأخ كمال عباس-
تستمد طاقتها وصدقيتها من قراءة تحليلية عميقة واستقراء منهجي محكم
بدل المراهنة على تكهنات عاطفية هشة غير مؤسسة على قاعدة صلبة من معطيات
حقائقية من صميم الواقع ومجرى التأريخ وليس قولبة افتراضية .
_________
التعديل لتصحيح خطأ إملائي غير متعمد

الأخ Mohamed E. Seliaman

تحياتي

Quote: الواقع الآن يقول إن بعض هذه الأقاليم التي ذكرتها هي نفسها مهددة بتفجر الصراعات والاختلاف

هذا الواقع الذي تحدثت عنه هو من صنع الدوله ذاتها فالصراعات القبليه موجود في كل السودان منذ القدم واسبابها معلومه ومعروفه , واستغلت الدوله ذلك لأضعاف تلك الأقاليم .

في أعتقادي أنه باستقلال تلك الأقاليم سينتفي تأثير الدوله السلبي

Quote: حركة العدل والمساواة رفضت إشراك الفصائل الأخرى في مفاوضات الدوحة وهو موقف يشي بالسلطوية

حركه العدل والمساواه ترى أن الدوله تسعى من خلال صنع الحركات بأنها تحاول أن توجد فوضى تفاوضيه تستطيع من خلالها أن تتنكر لحقوق أهل دارفور المشروعه , هذه وجهه نظر منطقيه فلا يمكن أن ينصب موظف أممي رئيسا على حركه تنشأ في الدوحه ويتم التفاوض معه .

شخصيا لا أرى فى مفاوضات الدوحه سوى محاوله للتهرب من استحقاقات السلام في دارفور لعدم رغبه الحكومه في ذلك .

Quote: بعدين حكاية انعدام الموارد الكافية لبناء دولة كما في حالة الشرق إنت جبتها من وين ؟

تفضل وبين لينا كم تبلغ مساهمه الشرق في الدخل القومي السوداني و بيان موارده .

في انتظار عودتك

بدلا من أعلان أنفصال الجنوب من طرف واحد أو أنتظار أستفتاء الله وحده يعلم ماذا يعد له عنصريو الدوله السودانيه الحاليه , بعد أن وضح سؤء نيتهم في كل مراحل تنفيذ نيفاشا لماذا لا يدعو قاده الجنوب قاده الغرب والشرق لأعلان اتحاد كنفدرالي سوداني يعتبر الحل الأمثل خاصه اذا وضعنا في الأعتبار سعي الدوله الحاليه لعوده الحرب مجددا بينها وبين الجنوب , وعملها الدؤوب حاليا للتصعيد العسكري في دارفور , فأن اعلان أتحاد بهذا الشكل قد يجعل اؤلائك العنصريون يعيدون حساباتهم هذه المره جيدا.

صحيح هناك تشرذم في دارفور وكذلك في الجنوب والشرق ولكن هذا التشرذم هو بفعل الدوله السودانيه التي أنتهجت سياسه التفرقه وزرع الفتن لتمييع القضايا الحقيقيه التي أعترف بها الجميع .


على الوحدويين في الحركه الشعبيه ان لا يستسلموا وان يضعوا كل الخيارات أمامهم بما في ذلك كنفدراليه حقيقيه تعلن من جوبا وتضم الفاشر و بوتسودان .

Quote: نداء للاخوان وهبة - فيصل الرشيد .. اخوكم تمبس عامل خاينة خايفة ..

.. يا حميدة .. الزول دا كان نفختووو بيبكي ..
خليني اطقطقو ليك بعدين نحولو لي جهة الاختصاص .. العنصري دي عايز فرش متاع تمهيدي ..
خلينا نفرمطو .. ونسلمو لي وحدة النقاهة والرفاهية ..

فوق

Quote: صحيح هناك تشرذم في دارفور وكذلك في الجنوب والشرق ولكن هذا التشرذم هو بفعل الدوله السودانيه التي أنتهجت سياسه التفرقه وزرع الفتن لتمييع القضايا الحقيقيه التي أعترف بها الجميع .

يبدو أننا كن نكتب في وقت واحد لذلك جاءت مداخلتك ردا على مجزء من مداخلتي.

Quote: على الوحدويين في الحركه الشعبيه ان لا يستسلموا وان يضعوا كل الخيارات أمامهم بما في ذلك كنفدراليه حقيقيه تعلن من جوبا وتضم الفاشر و بوتسودان .

هل تتوقع أن يقبل أهل القضارف أو كسلا أو الأبيض أو نيالا مثل هذا الإعلان؟

لا لا موش ممكن احسن لهم دول منفصلة علشان ما تكون عندنا مشاكل مرة اخرى..
جوك

Quote: لا لا موش ممكن احسن لهم دول منفصلة علشان ما تكون عندنا مشاكل مرة اخرى..

الأخ جوك

تحياتي

أتفهم وجهه نظرك واتعاطف معك الى أقصى الحدود في رفضك للمشاكل مره أخرى .

الحرب التي دفعتم ثمنها هو ما نخشى من عودتها خاصه في ظل السيطره التامه للعنصريين على الدوله ومقدراتها , فهم لديهم مطامع في الجنوب وسيعملون على التلاعب بتناقضات الجنوب الداخليه وأستخدام مشاكل الحدود وأبيي بالأضافه للبترول , خاصه اذا ما تصوروا أن الحرب ستبقى بعيدا هناك في الجنوب .

أما اذا وصل الى علمهم أنه في ظل فدراليه اقليميه حقيقه فأن أي محاوله لأشعال النار ثانيه سيكونون أول من يحترق بها وفي عقر دارهو حينها سيشكل ذلك رادعا لهم وسيقوي ذلك أيضا من شوكه الوحدويين الشماليين الذين يعول عليهم كثيرا في لعب دور كبير لوقف هذا العبث .

مودتي

Quote: لا لا موش ممكن احسن لهم دول منفصلة علشان ما تكون عندنا مشاكل مرة اخرى.. جوك

...

Quote: الأخ جوك تحياتي أتفهم وجهه نظرك واتعاطف معك الى أقصى الحدود في رفضك للمشاكل مره أخرى .

.. المثقف مجدي نفخو في برنامجه التدريبي الصباحي مع جوك بيونق .. القال عايز يرحل العرب إلى مشارف اثيوبيا ..
جوك بيونق البصات حقت الترحيل ما لقى داعم ليها ... ويظهر إنو مجدي نفخووو ح يعمل على توفير رقشات للمشروع ..
على ان يكتب في الرقشات بي وراء:
مجدي ورااء وراااء .. للنفخ والتاصيل .. العنصري

Quote: جوك بيونق .. القال عايز يرحل العرب إلى مشارف اثيوبيا ..

ترحيل بعد فحص DNA لمعرفة من هم العرب في السودان ومن هم السودانيين!!!
لو ثبت العروبة في البعض فان الترحيل ستكون الي الجزيرة العربية فورا لو توجد
دول تقبلهم او يعيشوا في الكويت او دول عربية اخرى مع طبقة البدون.
اعتقد اننا لن نحصل على غير سودانيين بعد الفحص لذا فالحل هو دولتين
واحدة في الشمال واخرى في الجنوب.
تحياتي
جوك


_______________________________________________________________________

Quote: هل تتوقع أن يقبل أهل القضارف أو كسلا أو الأبيض أو نيالا مثل هذا الإعلان؟

سيكون السؤال هو هل سيقبل أهل القضارف أو كسلا أو نيالا أن يزج بهم في حرب من جديد لأرضاء العقليه الأستعلائيه الشماليه كما حدث في الحرب العبثيه التي أقعدت السودان وضيعت موارده البشريه والماليه ؟

ويجب يا عزيزي أن لا ننسى أن أهل المناطق التي أشرت اليها لا يختلف الضرر الواقع عليهم بفعل النظره الأستعلائيه للرئيس وصحبه وبقيه العنصريين من أهل الشمال المتحكمين في الدوله , فالرئيس الذي لا يعتبر (الفلاته) سودانيين هو ذات الرئيس الذي يعتبر (ركوبه) للغرابيه شرف ليها بفعل (جعليتو) , لذلك اجد أن القاسم المشترك بين المناطق التي اشرت اليها كبير شركاء في التهميش وبالتالي يمكن تسويق فكره كهذه لديهم .

سيقول لى احدهم الدوله يمكن أن تستعمل الدين كسلاح لتدمير مثل هذه الكنفدراليه في مهدها , خصوصا لو وضعنا التضليل الذي مارسته الدوله على مواطنيها ضد الجنوب وأهله طيله عقود من الدعايه الرخيصه التي تصور الجنوبي كمرادف للشيطان الرجيم , وفي هذا يمكن القول أن تلك الدعايه فقدت مفعولها بل ربما عادت بأرث عكسي خاصه لدي المتعلمين الذين وضح لهم بما لا يدع مجال للشك أن كل المرجعيات والمقولات التي نشأوا عليها هي محض أكاذيب وضعت لتصيغ وجدانهم بما يخدم النظره الأقصائيه العنصريه للدوله لمواطني الجنوب ودارفور .

في كل الأحوال تبقى الفكره محاوله لوضع حل لأشكاليه عدم المقدره على العيش المشترك و حل لأشكاليه التفتت التي لاحت في الأفق

يا جماعة دي ( دعوه) مهمة جداً في ظل التفتت المرتقب دا..
وما يخفى على الجميع انه السودان صائر لا محالة لتشرذم قبلي وعرقي خطير سواء بالغرب او الشرق او الجنوب
لذا اعتقد ان هذه الدعوة تصب في خانة مهمة جدا في اصوات الخانات العقلانية الوطنية لتقرير مصير الوطن
اعتقد انه صاحبنا مجدي دا جاب الديل من ضنبووو ووصل لفكرة عجز عنها الاولون
لكنه اغفل أو - غفل عن - نقطة مهمة شديد ألا وهي ناس الشمال ديل يمشو ويين بعدين بعد التفتت يحصل ..
والشمال في ذااات نفسو فيهو كمية من المناطق الممكن تتفتت وتتشرذم في الوطن الماعندو وجيع دا
لذا انا شخصيا من هنا بنادي العقلاء والعقلانيين والقلبم على الوطن انهم يراعوا لينا في منطقة كنور ضاحية عطبرة
فيا سادتي نحن والله مساكين الله والرسول ونعاني من التهميش رغم اننا نبعد من مركز سوق عطبرة فقط ثلاثة كيلومترات - نعم ثلاثة بس - لكن رغم ذلك نتبع ادارياً لبربر التي نبعد عنها 30 كيلومتر ..
ليس ذلك وحسب لكن رغم انه سوق عطبرة تلاتة ارباعه يملكوها الكنارة والعكادة والعرب - والعرب هنا ليس دعوة عنصرية لكنها ما يطلقها علي اهالينا ابناء عطبرة المأفونيين - لكن رغم ذلك يقولون علينا العرب والمعوكاب واننا عشرة في سجارة وخمسة في حمارة
فادعو - وانياط قلبي تتمزق كتمزق وطني - لكني ادعو رغم ذلك الي حقوقنا في الكونفدرالية وان نحكم نفسنا بانفسنا ونبتعد عن المركز ..
وأقول اننا سنسمي حركتنا منذ الان حركة الفهود الحرة او وثبة الأسد العملاقة - ولو اتعصرنا شدييد كدة ممكن تطلقوا علينا اسم الحركة الجهادية الاممية لتحرير المعوكاب ومن لف لفهم ..
وسنوافيكم بإعلاناتنا وبياناتنا من جميع الاراضي المحررة في كنور قبلي وبحري وحلة الجبل والحفرة والفاضلاب ..
وسنقيم الاجتماع الاسري الاول في نادي الجلاء الرياضي الثقافي الاجتماعي ..
لمزيد من التفاصيل تابعو الشرائط المبثوثة على قناة الجزيرة وفترة الاعلانات في تلفزيون السودان القومي ..

دمتم اوفياء وشامخين يا ابناء وثبة الاسد ..


والثورة انطلقت

وسنظل نغني دوماً مع الثوار :


سندق الصخر حتى يخرج الصخر لنا ماء وخضرة ..
وندق الأرض حتى تنبت الأرض لنا مجداً ووفره

Quote: لكنه اغفل أو - غفل عن - نقطة مهمة شديد ألا وهي ناس الشمال ديل يمشو ويين بعدين بعد التفتت يحصل .. والشمال في ذااات نفسو فيهو كمية من المناطق الممكن تتفتت وتتشرذم في الوطن الماعندو وجيع دا

الشمال أو بالأصح (مثلث حمدي) تجري تنميته على قدم وساق , فلا تجد أي منطقه أخري (بما في ذلك الجنوب الذي دمروه) يحدث فيها تنميه سوى هذا المثلث التي يجري الأعداد ليكون (نقي) عرقيا وفقا لما يطرحه منظريه والقائمين عليه ولا ندري أين موقعك أنت من الأعراب لديهم .


هنا يقع على أهل الشمال بيان موقفهم ورأيهم من نظريه (مثلث حمدي) وما صاحبها من تحويل كل مقدرات الدوله لصالح هذا المثلث .

الاخ مجدى,

حاليا مستقبل جبال النوبة و جنوب النيل الازرق مرتبط بالجنوب ارتباط وثيق و حتى النظم التعليمية فى هذه المناطق صيغت على النمط الجنوبى الاتى من شرق افريقيا. الجنوبيون لن يتركوا اهلهم فى كلا منطقتين مهماكانت نتيجة الاستفتاء. النظام يراهن على التناقضات التى اعتادت على افتعالها فى الجنوب و لكن الحركات الدارفورية عيونها مصوبة نحو الجنوب بعد الاستفتاء و سيجدون كل الدعم و سوف ينطلقون من هناك نحو اهدافهم, شوفت كيف!!! يعنى, حكاية الرهان على الحروب بالوكالة دى سوف يكون خطر جدا على وكلاء النظام على الحدود مع الجنوب. و بعدين لو اتهددت انابيب البترول و ابارها, فسوف يفكر النظام فى لعبة الحرب قبل الاقدام عليها جيدا.

Quote: الاخ مجدى, حاليا مستقبل جبال النوبة و جنوب النيل الازرق مرتبط بالجنوب ارتباط وثيق و حتى النظم التعليمية فى هذه المناطق صيغت على النمط الجنوبى الاتى من شرق افريقيا. الجنوبيون لن يتركوا اهلهم فى كلا منطقتين مهماكانت نتيجة الاستفتاء. النظام يراهن على التناقضات التى اعتادت على افتعالها فى الجنوب و لكن الحركات الدارفورية عيونها مصوبة نحو الجنوب بعد الاستفتاء و سيجدون كل الدعم و سوف ينطلقون من هناك نحو اهدافهم, شوفت كيف!!! يعنى, حكاية الرهان على الحروب بالوكالة دى سوف يكون خطر جدا على وكلاء النظام على الحدود مع الجنوب. و بعدين لو اتهددت انابيب البترول و ابارها, فسوف يفكر النظام فى لعبة الحرب قبل الاقدام عليها جيدا.

الأخ زكريا

تحياتي ..

اتفق معك في انه في حاله انفصل الجنوب سيكون الجنوب الجديد للسودان القديم بؤره من بؤر الصراع خاصه اذا ما وضعنا أن قضيه تلك المناطق لا يمكن فصلها عن قضيه الجنوب الأساسيه , كما ن تلك المناطق حاربت مع الحركه الشعبيه وهناك اعداد كبيره من تلك المنطقه هم جنود في الحركه الشعبيه , لذلك فان الأنفصال كنتيجه حتميه لتمسك النخبه الشماليه بالهويه الحاليه للدوله ورفض بناء دوله القانون التي يتساوى فيها الناس دون هيمنه عرق على مقدرات الدوله سيؤدي الى تجدد القتال من جديد .

فلا يعقل ان يقبل اهل جبال النوبه وجنوب النيل الازرق ب (المواطنه درجه تانيه) وهم قد قدموا مئات والاف الشهداء في سبيل الأنعتاق .

الوحده على اسس جديده كان هو الحل الأمثل لمشكله السودان ولكن للاسف اثرت الأقليه المسيطره مصالحها على مصلحه السودان (كعهدهم أبدا) , واصبح النفصال (الاستقلال) على الأبواب , فهل يا زكريا يمكن ان يتواضع اهل الجنوب والشرق والغرب على نوع من الكنفدراليه كحل لمشكلات حقيقيه ستنشأ من الأنفصال ؟

هذا ما سنكتشفه في مقبل الشهور القادمات


مودتي

Quote: ولا ندري أين موقعك أنت من الأعراب لديهم .

انا هسع من قبيل بهتف الثورة انطلقت لي شنو .. ماعشان نحن في منطقة هامش وفي الهامش مهمشين والعطبراب ماكلين حقنا تقول موقعك من الاعراب أين ؟!

Quote: هنا يقع على أهل الشمال بيان موقفهم ورأيهم من نظريه (مثلث حمدي) وما صاحبها من تحويل كل مقدرات الدوله لصالح هذا المثلث

لو عندنا القدرة ننظر ونحدد موقفنا ما كان جيتك هنا ورفعت الامــر عشان تشوف لينا موقع قدم بعد التفتت يحصل ..
هسع ما اهو انت بتنظر للشرق وتنظر للغرب وتنظر للجنوب هل انت من متشوبح فيهم كلهم ؟!
ما بنفس القدر البيخليك تنظر ليهم عشان مهمشين نظر لينا نحن معاك كمان وقول لينا يالكنارة انا لقيت ليكم الدبارة.
ما يبقي كمان حتي التنظير فيهو خيار وفقوس ..

ونحن نمش وين اقصد ناس الوسط ؟
ياخي هناك شرذمة مسيطرة على الحكم من كل اجزاء السودان ،الحديث عن انتماءهم للشمال وحده اعتقد
غير سليم فهم عصابة من كل اجزاء السودان لايمكن تصنيفهم الا تصنيف تنظيمي واستغلال معيب للدين اضافة
الى ما يتساقط على مثل هذه الانظمة من الصفقاء اذاً تجمعهم هذا ليس جهوي اوقبلي
الا بمقدار ما يردده بعضهم لتكبير كومه واذا قلبت نظرك ستجد معارضيهم في الشمال اكثر من مناصريهم
ان اجتثت هذه العصابة حتما سيبقى السودان موحدا، فما يجمع بين اجزاءه اكثر مما يفرق ..
لك تحياتي ..

عييييييييييلك جوك بونغ انت بي جاي ليك وحشه

Quote: ترحيل بعد فحص DNA لمعرفة من هم العرب في السودان ومن هم السودانيين!!! لو ثبت العروبة في البعض فان الترحيل ستكون الي الجزيرة العربية فورا لو توجد دول تقبلهم او يعيشوا في الكويت او دول عربية اخرى مع طبقة البدون. اعتقد اننا لن نحصل على غير سودانيين بعد الفحص لذا فالحل هو دولتين واحدة في الشمال واخرى في الجنوب. تحياتي جوك

يازول أسمع ال DNA بتاعي عربي ميه الميه عليك الله تعال رحلون هسع محل ماجدي جا لانو جا من ساحل الخليج العربي من منطقة أسمها جميرا وليك علي تاني ما اجيكم الا زيارة

عبدالعزيز حسين عبدالرحيم

تحياتي

Quote: يازول أسمع ال DNA بتاعي عربي ميه الميه عليك الله تعال رحلون هسع محل ماجدي جا لانو جا من ساحل الخليج العربي من منطقة أسمها جميرا وليك علي تاني ما اجيكم الا زيارة

مفارق وين يا زول , والله ناس جميرا ديل تمشي ليهم ينكروك حطب , وما بعيد يفتحوا فيك بلاغ , عشان كده خليك معانا هني بس خلينا نتفق أنو البلد دي حقتنا كلنا شركاء لا اجراء على قول القذافي .

مودتي

الأخ نيازي مصطفى

السلام عليكم

Quote: ياخي هناك شرذمة مسيطرة على الحكم من كل اجزاء السودان ،الحديث عن انتماءهم للشمال وحده اعتقد غير سليم فهم عصابة من كل اجزاء السودان لايمكن تصنيفهم الا تصنيف تنظيمي واستغلال معيب للدين اضافة الى ما يتساقط على مثل هذه الانظمة من الصفقاء اذاً تجمعهم هذا ليس جهوي اوقبلي

اسمح لي ان اختلف معك في تفسيرك للأمر .

حكام اليوم ما هم الا أقصى تجليات الفكر والمنهج الذي حكمنا به طيله الماضي , بالنسبه لي لا فرق بين كل من حكم السودان منذ الأستقلال الا من حيث الجرائم التي أرتكبت .

فالنظم العسكريه أرتكبت جرائم اكبر وأكثر من النظم الديمقراطيه ولكنهم جميعا ينطلقون من نفس المدرسه الفكريه العقديه العروبيه الأسلاميه وجميعهم ارتكبوا جرائم في حق الاغلبيه ومارسوا عليهم التهميش.

فالدوله السودانيه ذات الهويه العربيه الاسلاميه (المفروضه) على الأغلبيه هي المشكله الحقيقه , وقد تم هذا (الفرض) بفعل سيطره الأقليه المتحكمه على الدوله والتي تعبر تلك الهويه عنها هي وليس كل اهل السودان .

لذلك عندما قامت جهه دوليه تطلب العداله لضحايا النظام الحالي في دارفور وجدنا ان كل قاده تلك المدرسه وقفوا مع الريس القاتل لشعبه في خندق واحد لم يتخلف احد وسمعنا مقولات من شاكله ( جلدنا وما بنجر فيهو الشوك) واحاديث اخرى تؤكد أن المسأله في السودان ليست خلافات سياسيه بل خلافات حول الهويه .

بذلك فأن المنهج واحد والعقليه واحده والخلفيه واحده

أنا لا أقول ان كل أهل الشمال شركاء في ما تم , فهناك شعوب عديده في الشمال مورس عليها التهميش الأقتصادي والسياسي ولكن كون هناك مهمشين من الشمال لا ينفي أن من قام بتهميش الأخرين ومارس عليهم الأستعلاء في (الدوله) هم شماليين أيضا .

مسأله أن هناك شركاء لهم في الدوله نعم هناء عملاء في الواقع وليسوا شركاء بل عملاء من المناطق المهمشه يوضعون للتمنظر فقط , ولكن ان نظرت الى مركز صنع القرار في الدوله الحاليه أو أي نظام سابق ستجد أن صناع القرار هم من الشماليين فقط , ولعل ذلك يفسر سهوله أتخاذ تلك النخب المسيطره على قرارات شن الحروب ضد أهل السودان الأخرين , وهي جميعا قرارات خاطئه لا يسندها اي منطق أو قانون , خاصه وأنه بعد تلك القرارات وما خلفته من دمار للسودان نكتشف وتكتشف الدوله ذاتها التي قادت تلك الحروب أن تلك المناطق التي حاربتها لديها (قضيه) وتعترف بذلك وتكون على استعداد لمنحها تلك الحقوق .

يقيني ان كان هناك جنوبي من صناع القرار الحقيقيين لما حاربت الدوله أهل الجنوب طيله خمسين عام وكذلك الحال في الشرق وفي دارفور , ولكانت جهه اتخاذ القرار أكثر تفهما لطبيعه تلك المشكله ولكانت اكثر استعدادا لحلها دون اراقه كل تلك الدماء .

انظر الأن الى الهيمنه الشماليه على كل الوزارات السياديه في الدوله ولو عدت الى التاريخ ستجد تلك الهيمنه مستمره منذ الاستقلال وحتي الان .

في تقديري ان الدوله والمسيطرين عليها لا يعنيهم من بعيد أو قريب مسأله الوحده لذلك رأيناهم يحاربون فكره (السودان الجديد) بكل أنواع الأسلحه , وقد رأينا أن المؤتمر الوطني قام بأنشاء منبر السلام العادل لمواجهه تلك الفكره العبقريه للراحل قرنق , ونجح ذلك الكيان في استماله قطاعات كبيره من أهل الشمال (المحفزين اصلا) لقبول تلك الدعوات العنصريه من ذلك المنبر الداعيه أو الدافعه لأن ينفصل الجنوب بالأصرار على الهويه العربيه الاسلاميه كهويه للدوله .

كما ان المؤتمر الوطني تبني بصوره عمليه (ورقه عبد الرحيم حمدي) التي قدمها في المؤتمر العام للمؤتمر الوطني (رغم انكاره لذلك التبني) فيما يعرف بمثلث حمدي , وركزت الدوله فعليا لبناء دوله شمال السودان بتحويل كل مقدرات الدوله لبناء المشاريع العملاقه في الشمال .

وبما أن اهل الجنوب لن يقبلوا أن يكونوا مواطنين درجه تانيه في دولتهم وسيختارون الاستقلال لا محاله ,فأن ذات الشيئ سيكون مع شعوب دارفور وشعوب شرق السودان .

Quote: ان اجتثت هذه العصابة حتما سيبقى السودان موحدا، فما يجمع بين اجزاءه اكثر مما يفرق ..

لن يكون هناك وحده الا بالاستعداد لطرح مسأله (هويه الدوله) وانهاء سيطره الأقليه على الدوله ومقدراتها , والواقع يقول أن الممسكين بتلابييب الدوله حددوا خياراتهم ويعملون ليل نهار وبدعم مقدر من أهل الشمال لبناء مثلثهم ولذلك نتداول أمكانيه كنفدراليه بين الأغلبيه المهمشه .

مودتي

Quote: والواقع يقول أن الممسكين بتلابييب الدوله حددوا خياراتهم ويعملون ليل نهار وبدعم مقدر من أهل الشمال لبناء مثلثهم ولذلك نتداول أمكانيه كنفدراليه بين الأغلبيه المهمشه .

Quote: مفارق وين يا زول , والله ناس جميرا ديل تمشي ليهم ينكروك حطب , وما بعيد يفتحوا فيك بلاغ , عشان كده خليك معانا هني بس خلينا نتفق أنو البلد دي حقتنا كلنا شركاء لا اجراء على قول القذافي .

هسع ( الدعوه ) لشنو ..
بناء كيان كونفدرالي يجمع الجنوب والغرب والشرق بعد انفصالهم وإتاحة لكل دولة فيهم انها تستفيد من موارد وموقع الأخري زي ما جاء كلامك فوق ..
أم ( الدعوه ) لبحث مسألة الهوية الوطنية للبلد دي باعتبارها ( حقتنا ) كلنا ونحن شركاء فيها ونتجاوز العنصرية الموجودة ؟!

بعتقد انه ( الدعوه ) الاولي و ( الدعوه ) التانية في إختلاف جوهري بينهم ..!!