قصيدة لحاتم السر

نحنا المن زمان ساكتين وما بنتكلم
يا حاتم سلامتك البركه مابتتسمم
راجاك الخلافة وبكره بتجينا معمم
سيدنا الميرغنى منو الشعوب تتعلم










سحبوك الرمم وسقوك كمان السم
يا ود الرجال حاشاك مابتهم
الحزب العريق ليهالعطالة يلم
ابشر يا الضكر كل البديتو يتم










نقلوك العيادة سموها ناسها براحة
والناس الهوان كيفن يضوقوا الراحه
ود ناسا عزاز غطوها كل الساحه
انا جاييى اكرمك خليلى يااخى مساحه












ياحاتم اخوى ظلموك يوم سحبوك
جلدا ما جلدكم جروه فيهو الشوك
الناس الصغار وحقيقة ما بيسووك
اقدل يا بطل ناس البسابير جوك









نحنا المن زمان شن قلنا ياحاتمنا
بابكر الحنين برنامجو ليه يشتمنا
المولى الكريم فى الدنيا ما بيتمنا
نحنا مقصرين يا سيدى قوم تمتمنا

قالولنا القرار من ناس هناى وهناى
والامن اشتغل والشق داك هسٍاى
فيهم بعشوم وفيهم كلاب وكراى
والسبب القبيل شيتا بعرفو براى

يوم صدر القرار كان سيدى جاتو اشاره
وانصاع الجنى مليان يقين وضكاره
انسحب انسحب والله مافى خساره
ما اصلو القرار دايرلو سيدى بصاره

حزنانيين عليك والله نحنامعاكا
والزول الردح والله ما بيسواكا
الناس مجمعين يازولنا ماكا براكا
صوًب فى الهدف الناس جميع تبراكا

حمدالله سلامة الريس المسموم
راجاك الخلافة يلاك عليها نقوم
الجرى والتعب فى الدنيا مالو لزوم
يا حاتم تعال خليهم اختا اللوم