يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبرروا

Post: #1
Title: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبرروا
Author: وليد محمد المبارك
Date: 04-02-2010, 04:19 PM

Quote: دعا الفريق سلفاكير ميارديت النائب الأول لرئيس الجمهورية، مرشح الحركة الشعبية لمنصب رئيس حكومة الجنوب، مواطني ولاية البحيرات للتصويت للمشير عمر البشير مرشح المؤتمر الوطني لرئاسة الجمهورية.
وقال كير لدى تدشين حملته الإنتخابية بالولاية أمس: سحبنا مرشحنا للرئاسة لصالح المؤتمر الوطني حفاظاً على السلام ودعماً له، ولتجنيب البلاد مخاطر الخلافات والمشاكل. ووجه المواطنين بعدم إتلاف ملصقات الدعاية الإنتخابية للمرشحين، وقال: إننا نريد إنتخابات حرة ونزيهة.

المصدر : http://www.sudaneseonline.com/news.php?action=show&id=20832

يلا يا منقطنها .. فهونا نحن الدراو الحاصل شنو

؟؟؟؟؟؟؟؟؟

Post: #2
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: Frankly
Date: 04-02-2010, 04:23 PM
Parent: #1

تمام ياوليد وحتى تكتمل الصورة اسمح لي اضع كلام البشير بين قوسين

Quote: (البشير: متفقون مع الحركة وأمريكا خذلت المعارضة

الخرطوم (smc)
شن عمر البشير مرشح المؤتمر الوطني للرئاسة هجوماً على المعارضة ودول الغرب، قائلاً إنهم كانوا يراهنون على الخلافات بين المؤتمر الوطني والحركة الشعبية لكن خاب ظنهم، وأشار إلى أن شريكي الحكم عبرا كل المشاكل بالصبر. وقال أمام حشد جماهيري في مدينة سنار امس: «كانو يراهنون على الخلافات بيننا والحركة «. وأضاف: «في كل مرة يحصل اختلاف كانوا يلبسون «بدلهم وعممهم» ويقولون إن الشراكة لن تستمر، لكنها استمرت، وبالصبر عبرنا مع الحركة كل المشاكل ونحن متفقون الآن، وزاد إن الحركة حريصة على السلام لأنها جربت الحرب. وأضاف من يراهن على ذلك خاب ظنه، وأضاف نحن باسم المؤتمر الوطني والحركة الشعبية نؤكد المضي قدماً في اتفاقية السلام الشامل لآخر يوم.)

Post: #3
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 04:29 PM
Parent: #2

قلنا ليهم بااااااااااااااااااااااااع

قالوا لينا انت ما فاهمين حاجة

انا عاوز الفاهمين كل حاجة يجوا يبرروا

Post: #4
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: احمد معتصم الطيب
Date: 04-02-2010, 04:29 PM
Parent: #1

(يلا يا منقطنها ..)

الليلة يوم البياضة يالشفت ..

Post: #5
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 04:38 PM
Parent: #4

هاهاهاهاهاهاهاهاهاهاهاهاهاها
هاهاهاهاهاهاهاهاهاها

عني مافي نقيط الليلة يا ود المعتصم

هاهاهاهاهاهاهاهاهاهاها

Post: #6
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: Moneim Malik
Date: 04-02-2010, 04:45 PM
Parent: #5

انا غايتو من المافاهمين حاجة
جيت اتاوق
كان فهمتوا ادونا لكزه

تحياتى ياوليد

Post: #17
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 05:05 PM
Parent: #6

يا منعم يا اخوي
تعال اقعد جمبي نستنى المنقطنها

Post: #7
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: Frankly
Date: 04-02-2010, 04:45 PM
Parent: #5

يا وليد باااااااع من اليوم؟

ماهو سلفا كير دا كان راكب مع البشير في عربية واااااااحدة في حملته الإنتخابية
نائب الريس دعم البشير بصورة عملية وواااضحة مش كلام تفزيونات وجرايد
وقال ليهم حركة شعبية وايييي مؤتمر وطني واييي لكن المعارضة عميانة ومغفلة ومغيبة عقلها من دا كله

أها ذي ما فاجأتهم الإنتخابات فاجأهم سحب الحركة لعرمان المسكين الذي يبحث عن مبرر يرد به ماء الوجه

Post: #8
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: بشير حسـن بشـير
Date: 04-02-2010, 04:49 PM
Parent: #7

.
.

وليد

المؤتمر ، والحركه

وجهان لعمله واحده ، عمله لا تساوى شيئامن تطلعات
الشعب السودانى ، عمله كاسده فى سوق العملات .

.
.

Post: #21
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 05:15 PM
Parent: #8

يا بشير

قلنا الكلام ده مرقونا بره البلد

Post: #9
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: مريم بنت الحسين
Date: 04-02-2010, 04:49 PM
Parent: #7

خُد

Post: #10
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 04:52 PM
Parent: #9

الجماعة الفوق ديل كلهم حلوين والله

لكن ما منقطنها
انتو ناس سااااااااااكت زي وكده

انا عاوز المنقطنها يجو ينفوا او يبرروا

Post: #12
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: Frankly
Date: 04-02-2010, 04:54 PM
Parent: #10

ما عايز أحلف يا ولّي

لكن اللفة ح تكبر بشكل من بوستك دا

ههههههههههههههههههههههه

Post: #11
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: عبدالوهاب علي الحاج
Date: 04-02-2010, 04:54 PM
Parent: #9

كدا يامعلم عرمان لوعندو التزام حزبي
كراعو فوق رقبتو يصوت للبشير شايف كيف ؟

Post: #14
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 04:58 PM
Parent: #11

والله يا وهبانت زول مخضرم

لكن برضو زول زينا ساااااااااااكت كده

انا عاوز المنقطنها

فاعفي لي ياخ

Post: #15
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: عاطف مكاوى
Date: 04-02-2010, 04:58 PM
Parent: #11

يا وليد محتاج لمصدر آخر غير (الرأى العام) صحيفة المؤتمر اللاوطني.....

Post: #16
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 05:03 PM
Parent: #15

يا مكاوي يا منقطها

Quote: يا وليد محتاج لمصدر آخر غير (الرأى العام) صحيفة المؤتمر اللاوطني.....

قالوا الخبر في الشروق الشروق برضو حقت الوطني .. سلفاكير زاتو بعد شوية حا تقولوا حق الوطني

اها امشي شوف الشروق انا ما عندي لو ما جابت الخبر كلمنا وتعال انفي

لو جابوه عليك الله ما تكبر اللفة زي ما قال فرانكلي

تحياتي

Post: #13
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: ابوبكر الامين يوسف
Date: 04-02-2010, 04:56 PM
Parent: #9

الشفت الكلام عايز فهم تقيل لكن خلاصتو الحركة الشعبية باعت
واسمع كلام بشير ده

Quote: الحركة الشعبية والمؤتمر الوطنى
وجهان لعمله واحده ، عمله لا تساوى شيئامن تطلعات
الشعب السودانى ، عمله كاسده فى سوق العملات .

Post: #20
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: Tragie Mustafa
Date: 04-02-2010, 05:14 PM
Parent: #13

الكلام الجد يا وليد

هنالك انشقاق خطير بالحركه الشعبيه

ورياك ومشار وسلفاكير قالا نحن مصرين نسحب ياسر وندعم الوطني

ياسر جعفر وعرمان رفضوا

واجتماع عاصف غيبوا منه

ادور لينو لانه شرس

وباقان لانه اشرس

وقالوا لياسر تعلنها ولا بنعلنها نحن!

وقالوا ليه احزاب جوبا نحن ما بنضمنها

ياسر جعفر قال لهم كلام كثير

وكذلك عرمان

انتهى الاجتماع لعلمك باخراج المسدسات.

التفاصيل لاحقا.

الخلاصه الكيان الانتهازي هو الباع عرمان وباقان وادور لينو وكثار آخرين لا اعرفهم

وتاجروا للمساكين الجنوبين(هؤلاء الانتهازيه) بانه المؤتمر الوطني هو الحيدينا الانفصال

الخلاصه

لا انفصال ولا يحزنون

هم نفسهم بكره حيطلعوا لنفس جماهيرهم يقولو لهم نحن اقتنعنا انه الانفصال لغير مصلحتنا

وقررنا نقعد في السودان الموحد.

الخلاصه

ياسر عرمان لم يبيع احزبا جوبا ولا تياره في الحركه ولا الشعب السوداني

الباعو الناس سفاكير ورياك مشار.

Post: #25
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 05:22 PM
Parent: #20

يا تراجي يا منقطاها
نحن بنقول في الكلام ده لينا خرتومية شهر

مرقتونا كضابين وكيزان وامنجية وارزقية واي حاجة كعبة

ملاسي فاتح بوست بيلعن فيه الالتزام الحزبي وبقول في كلامك ده زاااااااااااتو لكن بي طريقتي

نبزوه ما خلو ليه جمبه

Post: #26
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: mayada kamal
Date: 04-02-2010, 05:27 PM
Parent: #20

تراجي مصطفى يا حبيبة

Quote: ياسر جعفر وعرمان رفضوا

ياسر جعفر دا منو يا امي
لستة الحركة الشعبية كلها ما لاقني زولا بالاسم دا
يمكن زولا تاني نحن ما بنعرفه
كدي عرفينا بيه

إهههههههههههه

Post: #41
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: GeerTor Tong
Date: 04-03-2010, 08:26 PM
Parent: #26

Quote: ياسر جعفر دا منو يا امي

انتي وأمك هنا في البورد دا وما عارفين واللا شنو يا ميادة؟.
تحياتي
قير تور

Post: #19
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 05:08 PM
Parent: #7

يا فرانكي شوفتوا في التلفزيون بي عيني
وسعتو باضاني قال

حركة شعبية وييييييييييييييي
مؤتمر وطني ويييييييييييييييييييي
شراكة ويييييييييييييييييييييي

تاني شنو ؟

Post: #18
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: إسماعيل حسن
Date: 04-02-2010, 05:07 PM
Parent: #4

سلامات يا وليد
ما حصل تداخلت معاك فى بوست ليك لكن كل مرة اقرأ ليك حاجة اقول اول مرة الاقي لي زول بيشوت ضفاري وكل كراته بتخش القون وفى التمنيات كمان.. يا اخي والله من قبيل انا قاعد انبح فى بوست بغادي كده واقول ليهم الحركة ما بيهمها البشير يفطس الشمال ويدوس عليه برجليه لان الشغلانة اتقسمت منذ التوقيع على نيفاشا بين الاتنين الحركة الشعبية لها ان تفعل ما تشاء فى الجنوب والمؤتمر الوطني ليهو الشمال ملحوتي وما عندها معاه شغلانة فيهو.. وان كل اتفاقات الحركة ومفاهماتها مع احزاب الشمال التي ادمنت الفشل ما هي إلا تكتيكات مرحلية تخدم مصالح الحركة وتعينها على المناور ة وتثبيت نفسها فى الجنوب (زغت من كلمة تمكين لانها من مفردات الجماعة)وحتي استفتاء تقرير المصير والمصيبة يا وليد ان الاحزاب لن تعي الدرس وانا متاكد من الشغلانة دي .
قبل شوية استمعت وشاهدت استضافة الجزيرة للصحفى ضياء الدين بلال والشفيع خضر عن الحزب الشيوعي استوقفني امران:
1- مذيعة الجزيرة سالت الشفيع بعد ان قال : طالبنا بتاجيل الانتخابات حتي نتوصل الي اتفاق يشمل كل الاطراف بما فيها المؤتمر الوطني لنتوصل الى برنامج يخدم الوطن والمواطن(مع ملاحظة انني لم اورد نص الحوار بالضبط وانما المعني العام سالته قائلة :الم تكن مواعيد هذه الانتخابات محدد فى اتفاقية نيفاشا منذ توقيعها ؟ اين كانت الاحزاب طيلة هذه المدة؟ ولماذا لم تشرع من تاريخ توقيع الاتفاقية فى الاجتماع والتفاكر والاعداد لهذا اليوم المعلوم ؟ والله ريحتني راحة شديدة ..
2- ضياء بلال قال كلام عجيب فى رده على المذيعة التي سالت انه حتي هذه اللحظة ( والكلام ده كان قبل ساعتين تقريبا او يزيد) حتي هذه اللحظة ان موقف بعض الاحزاب متردد( وبالبلدي كده من عندي كراع جوه ورجل بره ). قال ضياء الدين بلال: فيما يفهم ان هذا نتيجة ان بعض الاحزاب لديها تفاهمات واتفاقات تحت تحت مع المؤتمر الوطني او كما قال[/ ..
وما لاقي لي تعليق مناسب
وفى انتظار الجماعة المطلوب منهم التوضيح كما ذكرت فى عنوان البوست
وشكرا ليك يا اخي على الشوتة العجيبة المقلوظة دي

Post: #22
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: بشير أحمد
Date: 04-02-2010, 05:15 PM
Parent: #18

السؤال بكل شفافية مفروض يكون موجه لاخونا
نزار يوسف

الامل والتغير قال.

_______

تحياتي ياوليد.

Post: #29
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 05:41 PM
Parent: #22

يا زول نزار

شبكنا اصبروا وبتشوفوا اصبروا وبتشوفوا

نصبر لحدي ما تنتهي الانتخابات مثلا

Post: #23
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: الشفيع وراق عبد الرحمن
Date: 04-02-2010, 05:18 PM
Parent: #18

وليد يا شفت
ياخي انت ما تقول عدييييل كدهـ:
تعال يا نذار يوسف يا القديت اضنينا بي عرمان وييي يه

Post: #27
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: المكاشفي الخضر الطاهر
Date: 04-02-2010, 05:29 PM
Parent: #23

الغالي وليد
والله دي قوية خلاس دي جبتها من وين ؟؟؟

اها وينن الجماعة ؟؟؟؟؟؟؟؟؟؟؟؟؟؟؟؟

حياك الله يا وليد يا شفت

Post: #35
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-03-2010, 05:27 PM
Parent: #27

المكاشفي يا حبيبنا

اخبارك

دي اداني ليها بشير احمد

Post: #30
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 05:48 PM
Parent: #23

يالشفيع
نزار يوسف تخصص علاء الدين

المواضيع دي موزعة

هاهاهاهاهاهاهاهاهاهاهاها

شعبة الامن الالكتروني في المؤتمر الوطني
عقيد ركن وليد محمد المبارك
تخصص سودانيز اون لاين

Post: #24
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: ود محجوب
Date: 04-02-2010, 05:21 PM
Parent: #18

السناتور وليد تحياتى

ياخى عاوز ارد عليك بس خايف
تقول لى انت ما من المنقطنها.
رغم ان جميع هذه الحوف ((منقطة))

Post: #47
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-04-2010, 08:00 AM
Parent: #24

يا ود محجوب
هاهاهاهاهاهاهاهاها

يا زول رد ولا يهمك

طلعنا كلنا في المنبر ده قاعدين في السهلة

Post: #48
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-04-2010, 08:10 AM
Parent: #24

يا ود محجوب رد ياخ

كلنا في المنر ده طلعنا قادين في السهلة

Post: #60
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: ود محجوب
Date: 04-05-2010, 11:11 PM
Parent: #48

Quote: يا ود محجوب رد ياخ

كلنا في المنر ده طلعنا قادين في السهلة

يا وليد ياخى ليه مش عاوز تريحنا

كنت تقول ياخى انت برا اللعبة .
على أى حال الأمور بقت أوضح مما ينبغى

لك تحياتى ونتمنى لك التوفيق.

Post: #28
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-02-2010, 05:36 PM
Parent: #18

يا اسماعيل حسن

ده حظ العمايا

يا زول احرف زول ( سكسك ) كان بضقل بالكورة بالبوز يعني ضفاري
ودي ما بعملوها الا الحرفا

هاهاهاهاهاهاهاهاهاها

يا زل الانتخابات دي حا تتاجل لحدي شهر سته على الاكثر
وكل الاحزاب حتتراجع الا الحزب الشيوعي حا يتمسك بالمقاطعة

بكره لمن يحصل الكلام ده تعالوا قولوا امنجي

Post: #31
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: بشير أحمد
Date: 04-02-2010, 06:08 PM
Parent: #28

وللمنقطنها برضو :

هسع ياسر عرمان ده وعد اخونا الدكتور/عمر محمود خالد

بإنو ح يرجّع برنامج صحة وعافية في التلفزيون القومي

ح يدوهو تعويض ولا كيف؟

Post: #32
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: nazar hussien
Date: 04-03-2010, 07:33 AM
Parent: #31

يا وليد ياخ الشغلانة ما عايزة تنقيط...اي زول في الروضة بنقطا ليك...

الحكاية وما فيها : انو الاستفتاء في الجنوب حسب اتفاقية السلام
مربوط باتفاقية السلام...وبتاريخ محدد...والاتفاقية موقعة بين
الاحباب....وبتدي سلفاكير رئاسة الجنوب ...والبشير رئاسة الشمال..
بي انتخابات وبلا انتخابات...

طيب عدم قيام الانتخابات مهدد للاستفتاء...وعدم فوز البشير يهدد
اتفاقية السلام...(في الجزئية دي لو عايز تنقيط ممكن ننقط ليك)

وما فيها اي طريقة لي ادني غورة لما سكة السيجة تقفل...

اها الاتنين ديل لو كانوا توم اند جيري في الفترة الفاتت
دي فلابد هسي يتحدوا عشان يمرقو من المطبات دي...

الحكاية اصلا لا فيها اسرار..ولا فيها لعب...وهو زمن زاتو لي لعب مافي...

وبعدين ياخ اصلا هو منو الكان منافس جادي او قريبا شبه ساكت...ما سلفاكير والبشير
شايفين الساحة وبشوفو التلفزيون زينا...

انت احكم الشمال وانا بحكم الجنوب...وبس

Post: #33
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: Nader Abu Kadouk
Date: 04-03-2010, 08:00 AM
Parent: #32

الشفت إزيك

الشغلانيه ياخوي محسومه من زمان في إتفاق غير معلن

المؤتمر يحكم الشمال و الحركه تحكم الجنوب

ياخي سلفا الوقت كلو في الجنوب وقصة نائب اول دي في الورق

اما مسرحية الامل والتغيير دي براها حكايه

و قطاع الشمال اثبت إنو كومبارس في مسرحيه محبوكه من فوق

Post: #34
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد عبد اللطيف
Date: 04-03-2010, 09:30 AM
Parent: #33

Quote:
يا زول احرف زول ( سكسك ) كان بضقل بالكورة بالبوز يعني ضفاري
ودي ما بعملوها الا الحرفا

هههههههههه انت نسيتني يامعلم
ياخي الحاصل ده كلو مسرحية وبطلها الالم
الذي يمزق الشعب السوداني
شعب طيب والله وما بستاهل

ياوليد
انا هاميني شيء واحد كان فوز صديقي ( الصادق عثمان ) (حزب امه )
مرشح بدائرة بحري
شاب كويس ونشيط وخدوم
والمنطقة محتاجة لامثاله

Post: #36
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: عبدالله ود البوش
Date: 04-03-2010, 05:41 PM
Parent: #34

الماسورة بتنقط أسعل كبسور

Post: #37
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: ABUHUSSEIN
Date: 04-03-2010, 05:59 PM
Parent: #36

وليدنا سلام

كل الجنوب داخل في حرب 55 سنة و من مطالبهم المشاركة في حكم السودان يعني حقهم في الرئاسة
الحركة الشعبية شريك المؤتمر الوطني في الحكم و الثروة
جات الإنتخابات ناس الحركة فطو رقم واحد في الحركة و رقم إتنين و رقم تلاتة و كل الجنوبيين

رشحوا ياسر عرمان الشمالي و ما معروف ترتيبو كم في تسلسل رجال الحركة لـيييييييييييييييييييييييه ؟؟؟

يا زول الناس ديل من قولة تيت هم عارفين إنهم حا إزوغوا و طالما إنهم حا إزوغو إبقى لازم إشوفوا ليهم
زول إبعادو ما حا إسبب ليهم أي مشاكل و مافي غير أوباما السودان

تحياتي

بالمناسبة لقيتني كيف منقطة و لا زول ساكت زيك ؟؟؟؟

Post: #40
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: بدر الدين اسحاق احمد
Date: 04-03-2010, 08:09 PM
Parent: #37

يــا ولــى يا صاحـــب ....

خليك مع المنقطنهــا ديــل ..

انا من المتفرجيــن .. بــس حبيــت ادخــل الصــق كلامــى الاخت / تراجــى لعلمــى بيــدهــا (

اقصد ) سماعــة تلفونهـا اللاحقــة .. عشان الكلام ما يروح ســاكـت كــدى ..

Quote: 2-04-2010, 04:14 م

Tragie Mustafa

الكلام الجد يا وليد

هنالك انشقاق خطير بالحركه الشعبيه

ورياك ومشار وسلفاكير قالا نحن مصرين نسحب ياسر وندعم الوطني

ياسر جعفر وعرمان رفضوا

واجتماع عاصف غيبوا منه

ادور لينو لانه شرس

وباقان لانه اشرس

وقالوا لياسر تعلنها ولا بنعلنها نحن!

وقالوا ليه احزاب جوبا نحن ما بنضمنها

ياسر جعفر قال لهم كلام كثير

وكذلك عرمان

انتهى الاجتماع لعلمك باخراج المسدسات.

التفاصيل لاحقا.

الخلاصه الكيان الانتهازي هو الباع عرمان وباقان وادور لينو وكثار آخرين لا اعرفهم

وتاجروا للمساكين الجنوبين(هؤلاء الانتهازيه) بانه المؤتمر الوطني هو الحيدينا الانفصال

الخلاصه

لا انفصال ولا يحزنون

هم نفسهم بكره حيطلعوا لنفس جماهيرهم يقولو لهم نحن اقتنعنا انه الانفصال لغير مصلحتنا

وقررنا نقعد في السودان الموحد.

الخلاصه

ياسر عرمان لم يبيع احزبا جوبا ولا تياره في الحركه ولا الشعب السوداني

الباعو الناس سفاكير ورياك مشار.

Post: #59
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-05-2010, 10:42 PM
Parent: #40

اخد راحتك يا بدر الدين بالكامل

Post: #58
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-05-2010, 11:42 AM
Parent: #37

يا ابو حسين يا فارة زينا

Quote: رشحوا ياسر عرمان الشمالي و ما معروف ترتيبو كم في تسلسل رجال الحركة لـيييييييييييييييييييييييه ؟؟؟

اوووووووووووووووووول انت بقاااااااا

Post: #38
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: GeerTor Tong
Date: 04-03-2010, 06:34 PM
Parent: #36

قيل بأن أحدهم كان يعمل معلماً في الثلاثة عقود الماضية.وفي أحد الأيام ذهب إلى قريبه صاحب
الشركات الشهيرة (توفى صاحب الشركات في أوائل تسعينات القرن الماضي وتم تسمية أحد الشوارع
بإسمه داخل الخرطوم يمر أمام المدرسة المسماة بإسمه في السوق العربي شرق بنك الخرطوم وغرب
مدرسة كمبوني أساس...عرفتوه؟)وشكا له (المعلم) سوء وضعه وعدم كفاية الراتب الحكومي.
ويحكي الراوي بأن الرجل استمع لشكوى قريبه ثم أدخل يده في جيبه ليخرج شيكاً وقعه ثم سلمه لصاحبنا.
تحرك ذلك نحو البنك المقصود ودخله واثناء وقوفه في الصف لاحظ بأن الإسم المكتوب على الشيك في محل
التوقيع بلا (نقط).... فقام باكمال الواجب وعندما قدم الشيك للبنك رد الموظف بأن التوقيع غير مطابق
وصار المعلم يحلف مرة بالطلاق ومرة بوالديه بأنه استلم ها الشيك من صاحب الشركات شخصياً قبل قليل
لكن كل هذا لم ينفع....!!!!
اخيراً قرر العودة إلى قريبه وحكى للشيخ عدم قبول البنك للشيك فقال له قريبه:"إنت سويت شنو في الشيك؟"
سكت صاحبنا ولم يجب وهو متردد...فأكمل قريبه:"إنت نقطتها؟".اجاب هذا بالايجاب".قال:"لو كنا بننقطها
كنا عملنا القروش دي؟".
----------------
سؤال ليك يا وليد: انت داير المنقطنها لأنفسهم واللي للمنقطينها للكل واللا دايرهم ينقطوها ليك؟
بعدين خليهم عاملين منقطين واللا ما عاملين المهم انت شايفهم شنو؟.
أوعك تكون........
كملها براك
مع تحياتي
قير تور

Post: #39
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-03-2010, 06:56 PM
Parent: #38

عن اذن الشباب ارد على قير

Quote: المهم انت شايفهم شنو؟.

انا شايف لو انه سلفاكير صرح التصريح ده .. بكون شي غير كريم من الحركة وبييييييع عديل

اشرح ليك ليه حسب وجهة نظري .. ويمكن اكون مخطئ

اعلم تماما انه الحركة هما الاول انسان الجنوب .. وده شي من حقها وكمان واجب عليها
واعلم انها مفروض تحافظ على شراكتها مع المؤتمر الوطني لاسباب كتير اولها انه الحزب الوحيد العمل معاها اتفاقية مقنعة بالنسبة لشعب الجنوب رغما عن كل العثرات التي واكبت الاتفاقية دي ..كذلك لانه مصير الاستفتا بحتم عليها تحافظ على الشراكة

ده كله بالنسبة لي كلام منطقي ومفهوم

غير المفوهم عندي الاتي

ماذا يسمى تحالف الاحزاب التي قاطعت الانتخابات ؟
تحالف جوبا

ماذا تعني هذه التسمية ولماذا هي ؟
لانه الاحزاب دي اجتمعت في جوبا بدعوه من الحركة الشعبية وتحت رعاياتها واتفاقها معاها

طيب ..

ليه الحركة الشعبية بتعمل تحالفات مع جهتين مختلفتين تماما الاختلاف .. وهي عارفة مسبقا انها في الاخر لاذم تنحاز لواحد فيهم .. وتخزل التاني

ده لمن نقرنه بالتصريحات قبل المقاطة بيومين والتي تقول بان الحركة الشعبية .. مقاطعة برضو .. لدرجة انه البشير قال انتخابات في استفتاء في انتخابات ماف استفتاء ماف انتخابات موجلة استفتاء موجل ..

نجد انه الحركة كانت ملبسة الاحزاب الطربوش
ماعند مشكلة في انه الحركة تنسحب لصالح البشير او حتى تندمج في المؤتمر الوطني
مشكلتي ليه الحركة خدعت الاحزاب ؟؟؟

خالص ودي

Post: #42
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: GeerTor Tong
Date: 04-03-2010, 08:45 PM
Parent: #39

Quote: انا شايف لو انه سلفاكير صرح التصريح ده .. بكون شي غير كريم من الحركة وبييييييع عديل

اشرح ليك ليه حسب وجهة نظري .. ويمكن اكون مخطئ

اعلم تماما انه الحركة هما الاول انسان الجنوب .. وده شي من حقها وكمان واجب عليها
واعلم انها مفروض تحافظ على شراكتها مع المؤتمر الوطني لاسباب كتير اولها انه الحزب الوحيد العمل معاها اتفاقية مقنعة بالنسبة لشعب الجنوب رغما عن كل العثرات التي واكبت الاتفاقية دي ..كذلك لانه مصير الاستفتا بحتم عليها تحافظ على الشراكة

ده كله بالنسبة لي كلام منطقي ومفهوم

غير المفوهم عندي الاتي

ماذا يسمى تحالف الاحزاب التي قاطعت الانتخابات ؟
تحالف جوبا

ماذا تعني هذه التسمية ولماذا هي ؟
لانه الاحزاب دي اجتمعت في جوبا بدعوه من الحركة الشعبية وتحت رعاياتها واتفاقها معاها

طيب ..

ليه الحركة الشعبية بتعمل تحالفات مع جهتين مختلفتين تماما الاختلاف .. وهي عارفة مسبقا انها في الاخر لاذم تنحاز لواحد فيهم .. وتخزل التاني

ده لمن نقرنه بالتصريحات قبل المقاطة بيومين والتي تقول بان الحركة الشعبية .. مقاطعة برضو .. لدرجة انه البشير قال انتخابات في استفتاء في انتخابات ماف استفتاء ماف انتخابات موجلة استفتاء موجل ..

نجد انه الحركة كانت ملبسة الاحزاب الطربوش
ماعند مشكلة في انه الحركة تنسحب لصالح البشير او حتى تندمج في المؤتمر الوطني
مشكلتي ليه الحركة خدعت الاحزاب ؟؟؟

خالص ودي

دا شنو دا يا وليد؟
شوفتي ليك زي شوفتي اليوم لمدافع فريق الغزالة التشادي اللي
ذكرني بجمال الثعلب مع يور...
المهم يا خوي روق بالك وهدئ اعصابك وارجع الشبكة فانا ما سألتك
عن سيلفا كير واللا الحركة الشعبية ... بس بسألك عن (عاملين فيها منقطنها...)
هل هم فعلاً منقطنها واللا لأ؟... بس يا هو سِؤالي.
باقي الحصة الكبيرة دي اللي كتبتها دي ممكن الناطقين الرسميين بإسم كل جهة يجاوب
على اللي بيخصو...
________________
رد جانبي :أوعك يا وليد تقوم تسأل واحد عنده مشكلة في تبديل الحروف خاصة نحن الدينكا
فليس لدينا حرفي (الغين والخاءِ ِْ[غ وخ]) فكلاهما ينطقان (ك).

Post: #43
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: عماد موسى محمد
Date: 04-03-2010, 10:13 PM
Parent: #42

Quote: الكلام الجد يا وليد

هنالك انشقاق خطير بالحركه الشعبيه

ورياك ومشار وسلفاكير قالا نحن مصرين نسحب ياسر وندعم الوطني

ياسر جعفر وعرمان رفضوا

واجتماع عاصف غيبوا منه

ادور لينو لانه شرس

وباقان لانه اشرس

وقالوا لياسر تعلنها ولا بنعلنها نحن!

وقالوا ليه احزاب جوبا نحن ما بنضمنها

ياسر جعفر قال لهم كلام كثير

وكذلك عرمان

انتهى الاجتماع لعلمك باخراج المسدسات.

التفاصيل لاحقا.

خبر يختصر العملية الجارية كلها..
مرور سريع يا وليد
لرفع الشريط..وانتظار التفاصيل
لان"وجبة" الخبر حتى الآن في بداياتها ..مع "نار" هادئة
الهم احفظ بلادنا من الفتن

Post: #44
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: محمد أبوالعزائم أبوالريش
Date: 04-04-2010, 06:15 AM
Parent: #43

يا سيناتور ....
إنت ما up to date مع الأخبار مالك ياخ؟

هاك الخبر ده:
تكذيب من مدير مكتب سلفا كير النائب الأول

Post: #45
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: زياد جعفر عبدالله
Date: 04-04-2010, 07:29 AM
Parent: #44

وليد
اقول ليك مقولة خالنا خالد راسخ المشهورة عنه:(كللللللله كلام فاضي!)
...
كله عند العرب صابون...الناس الفي المسرح ديل كلهم الناس فاقدة فيهم الثقة...راجين الله بس.
...

Post: #61
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-07-2010, 09:35 AM
Parent: #43

اسعدنا مرورك يا موسى

Post: #46
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-04-2010, 07:53 AM
Parent: #42

يا قير

انت ما سمعت النكته حقت الطالب الممتحن شهداة سودانية

قالوا في طالب ممتحن شهادة سودانية تاريخ .. اها زاكر تاريخ السودان الداخلي .. وجلى تاريخ العالم ..
اها الامتحان جا عن تاريخ العالم بي
تحدث باسهاب عن تاريخ العالم ؟

زولنا لانه ما مزاكر تاريخ العالم كتب في اجابته

ان اردنا التحدث عن تاريخ العالم .. لابد ان نتحدث اولا عن تاريخ السودان

وطرش ليك الحافظو كلو

اها يا ابوي انا الكلام ده حارقني ليه كم يوم ومافي زول سالني منو
فلقيتك فرصة جنوبي وكده
هاهاهاهاهاهاهاهاهاها

فوت فوت يا فرده

Post: #49
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: Nazar Yousif
Date: 04-04-2010, 08:14 AM
Parent: #46

الأخ وليد
لا نملك سوى السير الى الأمام ورغم فساد وتهديدات
أهل الانقاذ بزعزعة الأمن فى الجنوب والقيام بانقلاب
عسكرى . فحملة الأمل والتغيير اصبحت ملك لكل من يحلم
بسودان ديقراطى متسامح يسع الجميع وفق عقد اجتماعى جديد

Post: #51
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-04-2010, 08:30 AM
Parent: #49

الاخ نزار

يعني نعتبر ردك ده انك لحست كلامك عن اصبروا وتشوف
يعني ما نعشم في موقف مغاير عن ده

Post: #57
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-05-2010, 11:34 AM
Parent: #36

كيف يا ود البوش

اخبارك ياخ

Post: #56
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-05-2010, 10:56 AM
Parent: #34

حبيبنا ولي
ربنا يوفق كل زول نضف في الانتخابات

Post: #55
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-04-2010, 07:38 PM
Parent: #33

تمام يا نادر ابكدوك

معناتا الحركة كانت ملبسة احزاب جوبا

الطاقية

Post: #53
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-04-2010, 02:39 PM
Parent: #32

يا نزار حسين يا صديقي

انا مقتنع لكن البقنع الديك منو ؟

Post: #50
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-04-2010, 08:15 AM
Parent: #31

Quote: ح يدوهو تعويض ولا كيف؟

هاهاهاهاهاهاهاها
هاهاهاهاهاها

Post: #52
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: Haytham Mansour
Date: 04-04-2010, 11:30 AM
Parent: #50

الاخ المكرم / وليد محمد المبارك ,,,

Quote: قلنا ليهم بااااااااااااااااااااااااع

أجد نفسي اوافقك هذا الرأي ,,, فالسألة قد وضع السيناريو لهابعد وفاة د.جون قارانق ,,, ففي ندوة سياسية بلاهاي نظمتها منظمة NSON(شبكة منظمات السودان الجديد) بالتضامن مع منبر منظمات المجتمع المدني السودانية بهولندا في 2006 ,,افاد السيد دوكو(ممثل الحركة الشعبية بدول البنيلوكس) بان هناك (Gentleman Agreement) يقضي بان يتم ملأ نصيب المؤتمر الوطني في جنوب السودان بالجنوبيين لديه علي ان تلتزم الحركة بملأ نصيبها في الشمال بالشماليين لديها!!! وكنت قد تداخلت معه في تلك الندوة موضحأ ان ذلك يخالف روح مانفستو الحركة الشعبية ويناهض فكرة السودان الجديد!! وتسائلت هل غيرت الحركة الشعبية المانفستو؟؟؟ واضفت بان تنفيذ الاتفاقية بهذه الروح سوف يؤدي الي قيام دولة عنصرية في جنوب السودان تقوم علي اساس قبلي ودولة دينية في الشمال تتحكم فيها الجبهة الاسلامية ,, وفي كل لا خير.
للحقيقة لم يستحسن ما ذهبت اليه من معظم عضوية الحركة الشعبية ولم يقدم السيد دوكو اجابة مقنعة.ثم تبع ذلك سلوك الحركة الشعبية و انحسارها جنوبأ واعتمادها للمحاصصة القبلية كمعيار بديل للمواطنة في الجنوب ,,,فلم يتقلد اي مواطن شمالي حتي القياديين بالحركة لأي منصب تنفيذي او تشريعي او اداري في الجنوب ,,, تيقنت عندها ان مشروع السودان الجديد قد قبر مع منظره د.جون قارانق دي مبيور.
أحزابنا الوطنية الديمقراطية اصابها الوهن والضعف و اصبحت تعتمد بشكل اساسي علي الحركة الشعبية لانجاذ التحول الديمقراطي ففقدت حيوية الفعل و المبادرة والحركة الشعبية قد قالتها اكثر من مرة بانها لن تخوض حروب الاخرين ,,فالعيب فينا و لعلنا نعي ذلك قبل ان يدركنا الصباح ,,الا ان الصبح قريب .
تحياتي ,,,

Post: #54
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: nazar hussien
Date: 04-04-2010, 02:53 PM
Parent: #52

Quote: انا مقتنع لكن البقنع الديك منو ؟

بس تنكسر الكباية الاولي من العدة حا يقتنغ براه

Post: #62
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: صديق مهدى على
Date: 04-07-2010, 10:08 AM
Parent: #1

أنت عارف يا فيصل الرشيد أمس فريق الخرطوم هزم هلال كادقلى 2 صفر والله لعب نضيف يعنى ممكن الثورات تهزم المؤتمر الوطنى الله يكون فى عونك يا .......

Post: #63
Title: Re: يا جماعة واحد من العاملين فيها منقطنها في المنبر .. ينفي لينا الكلام ده .. او يشرحوا ويبررو
Author: وليد محمد المبارك
Date: 04-07-2010, 11:03 AM
Parent: #62

Quote: أنت عارف يا فيصل الرشيد أمس فريق الخرطوم هزم هلال كادقلى 2 صفر والله لعب نضيف يعنى ممكن الثورات تهزم المؤتمر الوطنى الله يكون فى عونك يا .......

هو في شنو ؟