|
|
|
 Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: الامين موسى البشاري)
|
Quote:
تقدم سوداني في العقد الرابع من عمره بدعوى قضائية الى محكمة مدينة جدة الجزئية في قضية لاتخلو من الطرافة لاسيما وانها من القضايا التي قلما تحدث في السعودية .
حيث تقدم السوداني بشكوى ضد جارته الصومالية (45 عاما) التي تسكن في الدور السفلي في نفس البناية التي يسكن فيها مفيداً ان جارته الصومالية كثيرة الصراخ في وجهه ودائما ماتعتدي عليه بالضرب كان آخرها "العلقة" التي اكلها منها وادخل على اثرها المستشفى واعطي من قبل طوارئ المستشفى راحة ثلاثة أيام لم يستطع خلالها الذهاب الى عمله.
السوداني ذكر في عريضة الدعوى انه طلب من جارته مؤخراً دفع رسوم وايت الماء الذي قال انه دائماً مايتحملها , وامتنعت عن الدفع ثم صرخت في وجهه وعندما استأسد عليها وصرخ في وجهها أوسعته ضرباً ادخل على اثره المستشفى , مضيفا انها ليست المرة الاولى وانه بات يخشى على نفسه منها وخصوصاً بعد تلك العلقة القوية.
وطالب السوداني في الدعوى تعويض مالي بعد تضرره من العلقة الساخنة اضافة الى تعهد خطي منها بعدم المساس به او الصراخ في وجهه مرة أخرى لانه وعلى حد قوله سئم من صراخها وضربها المتكرر له.
|
| |
  
|
|
|
|
|
|
|
|
Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: ماجدة عوض خوجلى)
|
الأخت ماجـــدة عوض خوجلي
مساء الخير بتوقيتنا...
| Quote: اغمر وجدجد رجلى اتعوقت من العفصه |
رجلك ســـلامتها .. وزي ما قلتي ما في داعي تعملي ليك أزمة دبلوماسية
غايتو بما أنو العفصتك مره ما في مشكلة .. وعفصة تفوت ولا حد يموت
| Quote: ماتظلمو اخونا ساكت هو ماخاف ابدا بس قال احسن يحلها عن طريق القنوات الرسميه |
ياااااااخ الزول ده قال ليك متعود على الضرب .. وعشان كده كتبنا كلامنا ده
والحكاية لما تصل للمرحلة دي ... الواحد يدافع عن نفسه أقل حاجة وهذا ما لم يفعله صاحبنا ده
ولو كان عايز يحلها كان يرحل من البيت مثلا .. أو ما يطالبها بحق الموية... أو يأكل الدقة في حنانو ويسكت
غايتو زولنا ده ما لقينا ليهو صورة ... كان فضيحتو بقت بجلاجل .. ناس جده يعملوا حسابهم
كوني بخير
| |
|
|
|
|
|
|
|
|
|
Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: الامين موسى البشاري)
|
الأمين
سلام كبير
المشكلة لو هاجمتك إمرأة ، أمامك حل من إتنين : إما تدافع عن نفسك بس ، و الدفاع لا يمكن إلا بطريقتين : إما تعيق حركتها بأي وسيلة أو تتحاشاها بالإبتعاد عنها
لو حاولت إعاقتها ، فممكن تكورك و تلم عليك خلق الله أو البوليس و تقول إنك راودتها عن نفسها ، و البوليس هنا دايما مع المرأة مهما حدث.
لو حاولت تتحاشاها بالإبتعاد : فأنت في نظرها رعديد و ستكرر الحادث عند دفع كل فاتورة مياه ، أو إذا جريت منها تحاشيا للإصطدام بها ممكن تصرخ و تقول الراجل حاول يتحرش بيها و جرى خوفا من الفضيحة.
أها في تحليل من نوع فريد :
في رجال بيقيفوا لضرب النوع دة من النسوان لشيء في نفس المضروب ، و دة بيقع تحت طائلة ( القط بيحب خناقو ) ..
نصيحة للراجل دة : تاني ما تجيب موية .. أمل جركاناتك براك من ( الوايتات )
| |
|
|
|
|
|
|
|
|
التكينة ود اعمي سلامات
.
.
وبرضو جماعتك ما جابين خبر
.
.
ناس ضا ضابط وين لي ناس ضا ضرب
ود دخل وخ خرج
| |
|
|
|
|
|
|
|
|
|
Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: عثمان دغيس)
|
تحياتي
خكاية انه يتحاشى المراة الصومالية كما قال اخي ابوجهينة فهذا وارد هنا
لأنها سوف تتبله عليك
وتقول راودني عن نفسي
والمشكلة هي مافيها اي حاجة يراودوها بيها
لكن السوداني ليس سوداني
ولا اعتقد انه سوداني اصيل
فحكاية انه طالب بتعويض مالي هذه مشكلة كبيرة جداً
معقول تصفعك واحدة وتجي تطالب بتعويض
صراحة موضوع غريب
حدث معي أول ايام حضوري هنا ان دخلت الى حديقة عامة
وبشهامة وعوارة السودانيين رأيت طفلاً يتسلق عمود كهرباء
فخفت عليه ان تصعقه الكهرباء
فنهرته
فنزل غضبان وهو يصيح كيف لي أن اتجرا وأحرجه أمام زملائه
هو طبعاً في ثاني ابتدائي
ومن يسمع الزملاء دي يقول الراجل في رابعة طب
وماهي دقائق حتى وصلت أمه وأخته على ما أعتقد
وكل واحدة منهن تحمل عصا
فاتجهت الى غرفة صغيرة وتناولت منها ماسورة طويلة وكنت وقتها على أهبة الاستعداد
وحينما تأكدوا أنني سوداني ولامحالة سوف أرد رجعت الغافلة الحربية من حيث أتت
| |
|
|
|
|
|
|
|
|
|
Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: ALZOLZATOO)
|
ابو حراز
Quote: وكل واحدة منهن تحمل عصا
فاتجهت الى غرفة صغيرة وتناولت منها ماسورة طويلة وكنت وقتها على أهبة الاستعداد
وحينما تأكدوا أنني سوداني ولامحالة سوف أرد رجعت الغافلة الحربية من حيث أتت |
لووووووووووب القصة دى ما مقنعه ياخ .. ورينا الحصل شنو بالجد
عارف قالت عمتو بتحكى لى ولدها قصة كانت عندهم فى كتاب المدرسة
الرجل الشجاع .. قال هاجمه كلب عقور فلف العمامة فى يدو واداها الكلب
عض العمامه فنجا بذكاءه ! !!!!
قالت هو راقد نعسان وبسمع بى نص عين اتقلب منها وقال ليها والله يا ماما
كانو بدرسوكم جنس خزعبلات هو الكلب السعران دا انتظروا لماااااا لف العمامة فى يدو
واداها لى ؟؟؟ وهو الكلب السعران دا بعض فى حته وااااااحده بس ؟؟؟
ـــــــــــــــ
يعنى قلت لى الجماعه ديل انتظروك لما مشيت الغرفة الصغيرة وجيت ؟؟
لووووووووووووووووووووووووب على ..
| |
|
|
|
|
|
|
|
|
|
Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: دينا خالد)
|
ســــــــلام وتحايا لكل المرور
الأخ صديق عيسى
Quote: المره دى تديها كف باليمين وتعدلها بالشمال لما تشوف نجوم القايله والله مدى الحياه
|
أهـــو ده الكـــــــلام ....مش اخليها تدقني وبعدين اشتكي
-----------
الأخ تبلدينا
| Quote: وما عايز يرفع يدو على حرمه |
قصــــــدك ما قادر يرفع يده عليها.... خيبه الله
-----------
الاخ تاج السر الشــيخ
| Quote: شـعـب شــرس .. صـغـيرهم وكـبيرهـم ،،،، |
هذا ليس مبررا لكي يسكت عليها حتى تضربه.... وهسي فايدة عيشتو شنو بعد الفضيحة دي؟
----------
الأخ عثمان موسى
| Quote: وبحبو السودان حب عجيب وفى العموم هم شعب جميل . |
واضـــح .... واضح جدا.... والدليل اهو قدامك
----------
الأخ مجدي القرشي
| Quote: بتكون صاحبتك الصومالية دي من القراصنة |
الظــاهر كده... وصاحبنا شغال بالمثل البقول:
الجـــري بعد الشوف رجاااااااااالة (ههههههههههههه)
----------
الأخ الزول زاتو
Quote: اكيد هو مابيدفع ليها حق الكهرباء وهي مفتكره انو الشغلانة اتفاق ضمني الكهرباء مقابل الموية
|
كااااااااااااااااك والله ياها زاااااااااااتها بس
لكم مني عاطر التحايا على تشريفكم للبوست
| |
|
|
|
|
|
|
|
|
 Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: الامين موسى البشاري)
|
الامين موسى البشاري
تحية طيبة
ذكرتني مرات بتلاقيك في جدة مباني للإيجار فيها نوع من التخصيص زى Philipino only
سألنا قالوا لينا الفلبينيين ديل ناس حلوين ومسّالمين
فأحسن يكونوا مع بعض في معزل عن الجنسيات التانية
بعد الحكاية دي شكلنا محتاجين لنوع من الحماية الزي دي
أو يكون في عقود التأجير تعهد بعدم تسكين جيران من الصومال الشقيق
ولا تعليق السودانيين التايون كترو 
-----------
زولنا ده مبالغة ...
حقوا عقاب لى يسكنوا حي عنيكش معقل أخوانا الصوماليين في جدة
| |
|
|
|
|
|
|
|
|
|
Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: عبد الناصر الخطيب)
|
اسمح لي ان اختلف معك اخي البشاري فيما ذهبت اليه في هذا الامر ,,ضع نفسك في مكان هذا الرجل فماذا كنت ستفعل ؟؟
لاتقل لي الهيبة والشخصية وغيره فقط اريد اجابة محددة علي هذه الحالة تحديدا ,, هل كنت ستضربها ؟؟هل كنت ستظهر لها قوتك بانك الرجل ؟؟
اخي الموضوع ان النساء تظل نساء واحترامهن يظل هو هو فليس هناك برجل يضرب امراة ايا كانت وايا كانت غلطتها عليه ..
وكما ان الضحك في هذا الموضوع ليس جميلا لان الموقف يتطلب معرفة الموضوع عن قرب وليس مجرد كتابته في صحيفة يجعلنا نجزم بصحته ..
وشايفك هذه الايام تتصيد اخطاء السودانيين وكانك لست منا ...
| |
|
|
|
|
|
|
|
|
|
Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: الامين موسى البشاري)
|
شيخ العوض المسلمي
تحاياي... وبعد
| Quote: ضع نفسك في مكان هذا الرجل فماذا كنت ستفعل ؟؟ |
لو كنت مكانه بالتأكيد سوف لن اسمح لها بأن تفعل بي ما فعلته بهذا الرجل ... وكما قلت سابقا فهذه المرأة لو لم تجد في صاحبنا هذا الضعف والرخوة لما أقدمت على ضربه
كان عليه أن يفرض هيبته واحترامه من خلال سلوكه وتعامله... وصدقني لو لم اضربها لمنعتها من ضربي وهذا أضعف الإيمان.
ونفس السؤال اوجهه لك فماذا أنت فاعل لو تعرضت لمثل هذا الموقف؟
كان عليه ان يتحاشاها بما ذكرته سابقا هنا وفي نفس الوقت لا يسمح لها بضربه
| Quote: هل كنت ستضربها ؟؟هل كنت ستظهر لها قوتك بانك الرجل ؟؟ |
سوف لن أتردد لحظه واحدة في فعل ذلك لو تجرأت علي بمد يدها... اضربها واضرب أبوها زاتو
| Quote: اخي الموضوع ان النساء تظل نساء واحترامهن يظل هو هو فليس هناك برجل يضرب امراة ايا كانت وايا كانت غلطتها عليه .. |
هذا لو أدركت انها إمرأة واحترمت نفسها فلها مني التقدير والاحترام .. وأسمح لي احترامنا للمرأة ليس محل مزايدة ولكن تلك التي تحترم نفسها
| Quote: وشايفك هذه الايام تتصيد اخطاء السودانيين وكانك لست منا ... |
من عمايلهم يا العوض أخوي ... فهؤلاء لطخوا سمعتنا في الخليج وفي السعودية خصوصا ... عمايلهم والله تخليك تمشي موطي راسك
نحن شعب لا نملك سوى اخلاقنا وسمعتنا وكرامتنا ويجب ان لا نفرط فيها بهذه السهولة
لست منا دي كتيرة شوية ولكن من الغيظ والغل على افعالهم وعمايلهم البطاااااااااااالة يا العوض
- واحد يغتصب امرأة مسنة ومريضة
- واحد يصور النساء عرايا
- واحد تضربه امرأة وبدل الدفاع عن نفسه يطالب بالتعويض
فهل تريدني ان 
دم بخير
| |
|
|
|
|
|
|
|
|
|
Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: الامين موسى البشاري)
|
مرحبا الاخ امين البشاري وشكرا لسعة صدرك معي وضيقها مع السودانيين ومع الصومالية التي ضربت السوداني ...
لن اكون مكانه في اي توقع او تصور ولكن اذا اجبرت وكنت في هذا الموقف فلن ارفع يدي عليها ابدا ..
اما نشر صور قبيحة عن السودان واهله ففيه تشهير واساءة كبيرة للبلد ولا تنسي اننا شعب تعداده فوق الاربعين مليون
ومهما كانت هذه الحالات فلا تعدو كونها حالات شاذة ودخيلة علي المجتمع ...
مع ملاحظة مهمة يجب الانتباه اليها انه ليس كل من حمل جواز سوداني هو سوداني ...
تحياتي ...
| |
|
|
|
|
|
|
|
|
|
Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: ابوحراز)
|
الأخ البشاري
في جمهورية الهند تعرضت احدى الطالبات السودانيات لمشاكسات من طالب صومالي والتي كانت تسكن مع صوماليات لعدم وجود بنات
سودانيات وقتها وهي كانت وحيدة (سودانية) وذلك عندما دخل الصومالي حجرتها وهي بملابس البيت
دون استئزان وعندما طردته قل ادبه معها.
جاءت البنت مهرولة إلى مكان تجمع السودانيين واخبرتنا بالأمر وتجمع الشباب البعجبوك وعرفنا مكانه
وابرحناه ضرباً.
بعدها ذهب هو واخبر اهله واتفقنا ان تقام حرب بيننا في ميدان معين في تلك المدينة
وفعلاً تسلحنا وتسلحوا وبدأ الضرب بيننا وكان ضرباً مبرحاً.
لم يتأذى اي من السودانيين ولكن اذيناهم بقوة وضرب احدنا احدهم بـ (اللشانكو حق الراتي) وراح الرجل في غيبوبة لمدة لا تقل عن 15 يوم ولكن لطف رب العالمين كان اكبر وعاد للحياة وتم الصلح بيننا عن طريق اجاويد ارتريين وحبش كانت قوية تحدث عنها الاعلام الهندي ووصفها بالحرب البرية بين الطلبة السودانيين والصوماليين.
تقول لي حرمة صومالية.
الصادق
| |
|
|
|
|
|
|
|
|
 Re: سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة&quo (Re: جلال جبريل)
|
يالامين البشاري تضحك في الراجل وصدقني هو يمكن يضحك فيك لو قرأ موضوعك :)
تعرف الحكاية في الغربة بقت ما رجالة وعولقة ساي ..
الحكاية حساب يا أخوي 1+1=2
لو قام ضرب الحرمة دي ح يحصل شنو ؟
دقليه حرمة والقيامة تقوم عليه ،وسجن وبهدلة ..
وتظل ديونه متلتة ..
وبهدلة لعياله ..
ومنو البيقيف معاهم عشان يرجعو السودان ..
لكن هاك المكاسب من العلقة دي:ح ياخذ تعويض مادي من الحرمة الصومالية ..
وكسب عطف الحوله ..
واحتمال صاحب العقار ينقص له ايجاره :)
حسب ذمة الحاكي هاك القصة دي حدثت في دولة من دول الاغتراب :
حدث انه هندي قعد يستفز سوداني امام الناس ،فقام السوداني ضربه ضرب وفش الفيه ..
الهندي بالشهود فتح بلاغ وكسب تعويض مادي من السوداني ..
صحبك السوداني حنس القاضي عشان يقسط عليه الغرامة وتكون شهرية.. وبانسانية الهندي وافق :) ..
الهندي اول كل شهر ياخذ من راتب السوداني المعلوم ..
هههههههههههههههههههههههههههههههه
باقي ليك السوداني دا تاني بيضرب حد ..
خلي تفكيرك راسمالي أخوي الامين هههههههههههههههههههه..
| |
|
|
|
|
|
|
|
الامين موسى البشاري
وليد محمد المبارك
عبدالله ود البوش
وجن
صديق عيسى صالح
ماجدة عوض خوجلى
احمد محمد بشير
انور التكينة
ابو جهينة
Osman Musa
ابوحراز
ALZOLZATOO
دينا خالد
العوض المسلمي
جمال الباقر
ismeil abbas
الصادق صديق سلمان
خالد عبد الله محمود
جلال جبريل
Mohammed Ibrahim Othman
فيس بوك
تويتر
انستقرام
يوتيوب
بنتيريست