سوداني بجدة يطالب جارته الصومالية بمساهمتها في رسوم الماء فيتلقى منها " علقة ساخنة"(صورة)

هـو وقت مابقـدر عليها الرجـاله شــنو عليه ؟؟؟؟

الله يخيبه....... من ناحية تانيه معـذور++

ياخي دليل جننوا الامريكان .... خلي واحـد سـوداني ، وبعـدين أمرآة عمرها 45 عام من وين تجيب ليه الفلوس
تلقاها شـغاله ولا بياعـه يعني دخلها يالله يكفيها للمعيشـة. يعني كان يربحها جميله وما يطالبها باي فلوس.

شـعـب شــرس .. صـغـيرهم وكـبيرهـم ،،،،

احتمال السودانى عمل حركات .
على كل حال الصومال صعبين جدا جدا .
فى جرائم الكمبيوتر و النصب على الكريدت كارد .
وده البعض منهم .
بس كل الصومال شجعان جدا .
وبحبو السودان حب عجيب وفى العموم هم شعب جميل .

تحياتي
خكاية انه يتحاشى المراة الصومالية كما قال اخي ابوجهينة فهذا وارد هنا
لأنها سوف تتبله عليك
وتقول راودني عن نفسي
والمشكلة هي مافيها اي حاجة يراودوها بيها

لكن السوداني ليس سوداني
ولا اعتقد انه سوداني اصيل
فحكاية انه طالب بتعويض مالي هذه مشكلة كبيرة جداً
معقول تصفعك واحدة وتجي تطالب بتعويض
صراحة موضوع غريب

حدث معي أول ايام حضوري هنا ان دخلت الى حديقة عامة
وبشهامة وعوارة السودانيين رأيت طفلاً يتسلق عمود كهرباء
فخفت عليه ان تصعقه الكهرباء
فنهرته
فنزل غضبان وهو يصيح كيف لي أن اتجرا وأحرجه أمام زملائه
هو طبعاً في ثاني ابتدائي
ومن يسمع الزملاء دي يقول الراجل في رابعة طب
وماهي دقائق حتى وصلت أمه وأخته على ما أعتقد
وكل واحدة منهن تحمل عصا
فاتجهت الى غرفة صغيرة وتناولت منها ماسورة طويلة وكنت وقتها على أهبة الاستعداد
وحينما تأكدوا أنني سوداني ولامحالة سوف أرد رجعت الغافلة الحربية من حيث أتت

البشاري سلام

بتكون صاحبتك الصومالية دي من القراصنة

اكيد هو مابيدفع ليها حق الكهرباء وهي مفتكره انو الشغلانة اتفاق ضمني الكهرباء مقابل الموية

كااااااااااااااااك

زاتووووو

ابو حراز

Quote: وكل واحدة منهن تحمل عصا فاتجهت الى غرفة صغيرة وتناولت منها ماسورة طويلة وكنت وقتها على أهبة الاستعداد وحينما تأكدوا أنني سوداني ولامحالة سوف أرد رجعت الغافلة الحربية من حيث أتت

لووووووووووب القصة دى ما مقنعه ياخ .. ورينا الحصل شنو بالجد

عارف قالت عمتو بتحكى لى ولدها قصة كانت عندهم فى كتاب المدرسة
الرجل الشجاع .. قال هاجمه كلب عقور فلف العمامة فى يدو واداها الكلب
عض العمامه فنجا بذكاءه ! !!!!
قالت هو راقد نعسان وبسمع بى نص عين اتقلب منها وقال ليها والله يا ماما
كانو بدرسوكم جنس خزعبلات هو الكلب السعران دا انتظروا لماااااا لف العمامة فى يدو
واداها لى ؟؟؟ وهو الكلب السعران دا بعض فى حته وااااااحده بس ؟؟؟








ـــــــــــــــ
يعنى قلت لى الجماعه ديل انتظروك لما مشيت الغرفة الصغيرة وجيت ؟؟
لووووووووووووووووووووووووب على ..

ســــــــلام وتحايا لكل المرور

الأخ صديق عيسى

Quote: المره دى تديها كف باليمين وتعدلها بالشمال لما تشوف نجوم القايله والله مدى الحياه

أهـــو ده الكـــــــلام ....مش اخليها تدقني وبعدين اشتكي
-----------
الأخ تبلدينا

Quote: وما عايز يرفع يدو على حرمه

قصــــــدك ما قادر يرفع يده عليها.... خيبه الله
-----------
الاخ تاج السر الشــيخ

Quote: شـعـب شــرس .. صـغـيرهم وكـبيرهـم ،،،،

هذا ليس مبررا لكي يسكت عليها حتى تضربه.... وهسي فايدة عيشتو شنو بعد الفضيحة دي؟
----------
الأخ عثمان موسى

Quote: وبحبو السودان حب عجيب وفى العموم هم شعب جميل .

واضـــح .... واضح جدا.... والدليل اهو قدامك
----------
الأخ مجدي القرشي

Quote: بتكون صاحبتك الصومالية دي من القراصنة

الظــاهر كده... وصاحبنا شغال بالمثل البقول:
الجـــري بعد الشوف رجاااااااااالة (ههههههههههههه)
----------
الأخ الزول زاتو

Quote: اكيد هو مابيدفع ليها حق الكهرباء وهي مفتكره انو الشغلانة اتفاق ضمني الكهرباء مقابل الموية

كااااااااااااااااك والله ياها زاااااااااااتها بس

لكم مني عاطر التحايا على تشريفكم للبوست

الريس ابو جهينة

ســـــــلام مربع... و(مشتاغوووون)
مع تقديري لوجهة نظرك ولكن احترام الرجل لنفسه وجعل لنفسه شخصية مهابة هو ما يجعل أية إمرأة تفكر ألف مرة قبل مهاجمة الرجل ،طبعا المفروض دائما موازين القوى في صالح الرجل .. ولذلك ارى القصور من صاحبنا ده في عدم فرض هيبته واحترامه على الآخرين ،يعني المرأة ممكن تسب وتشتم ولكنها تفكر ألف مرة قبل مهاجمة الرجل... وبعدين صاحبنا (الله يخيبه) انجلد أكثر من مرة مما يعني أنه متعود على ذلك والصومالية دي لو ما لقت في صاحبنا ده رخوة ما كان عملت كده ،كذلك كان امامه الكثير من الحلول لتفادي الاحتكاك بها وضربها كأن يرحل مثلا من العمارة... او لا يطالبها بمساهمتها ويحتسب الأجر... او يعبي جركاناته من الوايت مباشرة له ولبيته وخليهم يحرقوا في العمارة ،لكن صاحبنا لم يختبر أو يجرب أيا من هذه الحلول فكان مصيره الضرب...
المهم الخلاصة زولنا ده زول خايب ساكت وبس واستمرأ الضرب والذل والمهانة فلحق به العار.

مودتي

الامين موسى البشاري

تحية طيبة


ذكرتني مرات بتلاقيك في جدة مباني للإيجار فيها نوع من التخصيص زى Philipino only
سألنا قالوا لينا الفلبينيين ديل ناس حلوين ومسّالمين
فأحسن يكونوا مع بعض في معزل عن الجنسيات التانية
بعد الحكاية دي شكلنا محتاجين لنوع من الحماية الزي دي
أو يكون في عقود التأجير تعهد بعدم تسكين جيران من الصومال الشقيق



ولا تعليق السودانيين التايون كترو
-----------
زولنا ده مبالغة ...
حقوا عقاب لى يسكنوا حي عنيكش معقل أخوانا الصوماليين في جدة

اسمح لي ان اختلف معك اخي البشاري فيما ذهبت اليه في هذا الامر ,,ضع نفسك في مكان هذا الرجل فماذا كنت ستفعل ؟؟
لاتقل لي الهيبة والشخصية وغيره فقط اريد اجابة محددة علي هذه الحالة تحديدا ,, هل كنت ستضربها ؟؟هل كنت ستظهر لها قوتك بانك الرجل ؟؟
اخي الموضوع ان النساء تظل نساء واحترامهن يظل هو هو فليس هناك برجل يضرب امراة ايا كانت وايا كانت غلطتها عليه ..
وكما ان الضحك في هذا الموضوع ليس جميلا لان الموقف يتطلب معرفة الموضوع عن قرب وليس مجرد كتابته في صحيفة يجعلنا نجزم بصحته ..
وشايفك هذه الايام تتصيد اخطاء السودانيين وكانك لست منا ...

الأخ عبد الناصر الخطيب
تحاياي

Quote: حقوا عقاب لى يسكنوا حي عنيكش معقل أخوانا الصوماليين في جدة

أؤيـــد هذا الحل بشـــــدة

الأخ ابو حـــراز
تحية طيبة

Quote: فاتجهت الى غرفة صغيرة وتناولت منها ماسورة طويلة وكنت وقتها على أهبة الاستعداد وحينما تأكدوا أنني سوداني ولامحالة سوف أرد رجعت الغافلة الحربية من حيث أتت

لو كنت محلك لفعلت نفس ما قمت به ... فاظهار القوة والجدية وخصوصا في السعودية يجنبك الكثير من المشاكل

دم بخير

شيخ العوض المسلمي

تحاياي... وبعد

Quote: ضع نفسك في مكان هذا الرجل فماذا كنت ستفعل ؟؟

لو كنت مكانه بالتأكيد سوف لن اسمح لها بأن تفعل بي ما فعلته بهذا الرجل ... وكما قلت سابقا فهذه المرأة لو لم تجد في صاحبنا هذا الضعف والرخوة لما أقدمت على ضربه
كان عليه أن يفرض هيبته واحترامه من خلال سلوكه وتعامله... وصدقني لو لم اضربها لمنعتها من ضربي وهذا أضعف الإيمان.
ونفس السؤال اوجهه لك فماذا أنت فاعل لو تعرضت لمثل هذا الموقف؟
كان عليه ان يتحاشاها بما ذكرته سابقا هنا وفي نفس الوقت لا يسمح لها بضربه

Quote: هل كنت ستضربها ؟؟هل كنت ستظهر لها قوتك بانك الرجل ؟؟

سوف لن أتردد لحظه واحدة في فعل ذلك لو تجرأت علي بمد يدها... اضربها واضرب أبوها زاتو

Quote: اخي الموضوع ان النساء تظل نساء واحترامهن يظل هو هو فليس هناك برجل يضرب امراة ايا كانت وايا كانت غلطتها عليه ..

هذا لو أدركت انها إمرأة واحترمت نفسها فلها مني التقدير والاحترام .. وأسمح لي احترامنا للمرأة ليس محل مزايدة ولكن تلك التي تحترم نفسها

Quote: وشايفك هذه الايام تتصيد اخطاء السودانيين وكانك لست منا ...

من عمايلهم يا العوض أخوي ... فهؤلاء لطخوا سمعتنا في الخليج وفي السعودية خصوصا ... عمايلهم والله تخليك تمشي موطي راسك
نحن شعب لا نملك سوى اخلاقنا وسمعتنا وكرامتنا ويجب ان لا نفرط فيها بهذه السهولة
لست منا دي كتيرة شوية ولكن من الغيظ والغل على افعالهم وعمايلهم البطاااااااااااالة يا العوض
- واحد يغتصب امرأة مسنة ومريضة
- واحد يصور النساء عرايا
- واحد تضربه امرأة وبدل الدفاع عن نفسه يطالب بالتعويض
فهل تريدني ان
دم بخير

مرحبا الاخ امين البشاري وشكرا لسعة صدرك معي وضيقها مع السودانيين ومع الصومالية التي ضربت السوداني ...
لن اكون مكانه في اي توقع او تصور ولكن اذا اجبرت وكنت في هذا الموقف فلن ارفع يدي عليها ابدا ..
اما نشر صور قبيحة عن السودان واهله ففيه تشهير واساءة كبيرة للبلد ولا تنسي اننا شعب تعداده فوق الاربعين مليون
ومهما كانت هذه الحالات فلا تعدو كونها حالات شاذة ودخيلة علي المجتمع ...
مع ملاحظة مهمة يجب الانتباه اليها انه ليس كل من حمل جواز سوداني هو سوداني ...
تحياتي ...

الكلام ده وين في جدة ؟؟؟؟
فايز ود القاضي كان سمع بالكلام دة, مشكلة
حيرسل فرقة كوماندوز سودانية لمعقل الصوماليين بحي الرويس
طبعا حيطقطوهم طقطفة جد وتقوم ازمة بين البلدين يتم على
اثرها سحب السفراء وقد تتدخل الامم المتحدة لحل الازمة
قلت لي الموضوع موضوع قروش وايت موية

أخى موسى السلام عليكم...

Quote: هيييييييييع .... هييييييييييييع عفيت منك والله زي ده حقو ما تخســـــري فوقو يدك ظااااااااطو ارميه تحت وفجفجي (اطلعي) في رقبتو بس هسي زي ده يقولوا ليهو شنو؟

والله يا أخى موسى ده..أعقل وأرجل راجل...لآن من صفات الرجولة ان لاترفع يدك على إمرأة....ده يقولوا عليه زول حكيم وشهم وشجاع..

تسلم اخى..

]دينا
طبعاً الموضوع انا اختصرته خالص
حيث توجد الكثير من التفاصيل
وبعض هذه التفاصيل الدقيقة يصعب نشره


المهم تدخل مديرنا الذي يشرف بحكم طبيعة عمله على هذه الحديقة
وكان كل حديثه في صالحي
وفي النهاية انتهى الموضوع بالصلح

الغريب انني كتبت عدة بحوث لنفس المرأة الكانت شايلة العصا
عرفتني فيما بعد أنني { الطيب سيخة }

الأخ البشاري

في جمهورية الهند تعرضت احدى الطالبات السودانيات لمشاكسات من طالب صومالي والتي كانت تسكن مع صوماليات لعدم وجود بنات
سودانيات وقتها وهي كانت وحيدة (سودانية) وذلك عندما دخل الصومالي حجرتها وهي بملابس البيت
دون استئزان وعندما طردته قل ادبه معها.
جاءت البنت مهرولة إلى مكان تجمع السودانيين واخبرتنا بالأمر وتجمع الشباب البعجبوك وعرفنا مكانه
وابرحناه ضرباً.

بعدها ذهب هو واخبر اهله واتفقنا ان تقام حرب بيننا في ميدان معين في تلك المدينة
وفعلاً تسلحنا وتسلحوا وبدأ الضرب بيننا وكان ضرباً مبرحاً.

لم يتأذى اي من السودانيين ولكن اذيناهم بقوة وضرب احدنا احدهم بـ (اللشانكو حق الراتي) وراح الرجل في غيبوبة لمدة لا تقل عن 15 يوم ولكن لطف رب العالمين كان اكبر وعاد للحياة وتم الصلح بيننا عن طريق اجاويد ارتريين وحبش كانت قوية تحدث عنها الاعلام الهندي ووصفها بالحرب البرية بين الطلبة السودانيين والصوماليين.

تقول لي حرمة صومالية.

الصادق

الصـــادق صـــديق

ســــــــلام ،،،

Quote: لم يتأذى اي من السودانيين ولكن اذيناهم بقوة وضرب احدنا احدهم بـ (اللشانكو حق الراتي) وراح الرجل في غيبوبة لمدة لا تقل عن 15 يوم ولكن لطف رب العالمين كان اكبر وعاد للحياة وتم الصلح بيننا عن طريق اجاويد ارتريين وحبش كانت قوية تحدث عنها الاعلام الهندي ووصفها بالحرب البرية بين الطلبة السودانيين والصوماليين. تقول لي حرمة صومالية. الصادق

عفيت منكم تب والله... شايف الجماعة يقولوا شرسين وما عارف شنو
خليهم يعرفوا ناسهم البتشارسوا عليهم من الامريكان والانجليز ومن لف لفهم
يا زول إلا والحقــــــارة رغم اني ما عرفته البتاع الضربتو بيهو الصومالي ده لكن المهم أخد علقة سخنة
I tip my hat for you

مودتي

تحياتي لهذا الرجل السوداني الشهم ..
و بلاش تنظير كتير فليس من شيمنا ضرب النساء ..
شخصياً لن أرفع يدي على إمرأة مهما حدث

المخجل هو مطالبتها بالتعويض وهي لا تملك

قيمة اشتراك وايت الماء ...


البشاري.. جهز المزرعة بعد الانتخابات ..

يالامين البشاري تضحك في الراجل وصدقني هو يمكن يضحك فيك لو قرأ موضوعك :)
تعرف الحكاية في الغربة بقت ما رجالة وعولقة ساي ..
الحكاية حساب يا أخوي 1+1=2
لو قام ضرب الحرمة دي ح يحصل شنو ؟
دقليه حرمة والقيامة تقوم عليه ،وسجن وبهدلة ..
وتظل ديونه متلتة ..
وبهدلة لعياله ..
ومنو البيقيف معاهم عشان يرجعو السودان ..
لكن هاك المكاسب من العلقة دي:ح ياخذ تعويض مادي من الحرمة الصومالية ..
وكسب عطف الحوله ..
واحتمال صاحب العقار ينقص له ايجاره :)
حسب ذمة الحاكي هاك القصة دي حدثت في دولة من دول الاغتراب :
حدث انه هندي قعد يستفز سوداني امام الناس ،فقام السوداني ضربه ضرب وفش الفيه ..
الهندي بالشهود فتح بلاغ وكسب تعويض مادي من السوداني ..
صحبك السوداني حنس القاضي عشان يقسط عليه الغرامة وتكون شهرية.. وبانسانية الهندي وافق :) ..
الهندي اول كل شهر ياخذ من راتب السوداني المعلوم ..
هههههههههههههههههههههههههههههههه
باقي ليك السوداني دا تاني بيضرب حد ..

خلي تفكيرك راسمالي أخوي الامين هههههههههههههههههههه..