Post: #1
Title: ناس سمحين,,,,, في بلد ,,,ما سمح,,,,,,,الاطباء نموذجا
Author: Solafa Alagib
Date: 04-02-2010, 11:37 AM
Parent: #0
لما كنا بنحلم بدخول كلية الطب كان قدامنا نماذج مشرفة وتجارب ناجحة ,,,,,اجتهدنا وساهرنا وبالجد
تعبنا لكن ما حسينا بالندم من شدة ما الحلم قرب يبقي حقيقة,,,,,, لكن الغريبة لقينا الحقيقة ماااا
عندها اي صلة بالحلم,,,,,
صديقتي د:زينب الجميلة خلقة واخلاق,,, من بورسودان,,,حاليا اختصاصي اطفال بدون رقم وظيفي,,,, تحمل
احلامها واحلام اسرتها في كفة وتحمل همها في الكفة الاخرى ,,,فتميل هذا الاخيرة من شدة ثقلها,,,, د:نهى
برلومتى وجارتى في الحي,,,يتيمة اب,,,يجتهد اخوها المغترب(وما ادراك ما المغترب في هذه الايام)في
توفيرابسط مدخلات البيت انتظارنا لتحقيق الحلم بتخرجها,,,, وهاهى للسنة التالتة علي التوالى ,,,جالسة
في البيت زيها زي اي بت خلصت الثانوي وما لقت فرصة قراية جامعة فقعدوها في البيت,,,
خلصت احلامنا وكبر همنا وصغرت طموحاتنا كاطباء في السودان ,,,عشان نتخصص ولا نحضر ولا حتى نتنيل علي
عينا نشتغل,,,,
انا زااااتى لى 7 سنوات مما اتخرجتا ولحدى اللحظة لا امتلك رقم وظيفي في وزارة الصحة
السودانية,,,كانى ما سودانية ,,,وبارك الله في المنظمات الاجنبية للشغل وبناء القدرات وحفظ ماء وجوهنا الذى كاد ان يجف,,,,
وبعد دا كلو تقول لينا (ستنا) ما تطالبو بحقوق ,,,اجى هو انتو عندكم حقوق؟؟؟احنا ما استعبدناكم بعد
ان ولدتكم امهاتكم احرار,,,, انتو تسكتو وتموتو كمدلاتتخصصو لا تحججو ام ولا ابو,,لا تقرو اخو ولااخت
لاتدو زول حق علاج ولا حق اكل ولاحق شراب ولا حتى حق اللبن,,,بعدين انتو المتخصصين ليها شنو هى وينا
المستشفيات اللى حاتشتغلو فيها؟؟ انتو بكتيركم بس تتضهبو بين الامتياز والخدمة الوطنية وتصابو بمرض
(طبيب عمومي) المزمن وتكون الحلول فردية كل زول يحل مشكلتو ,,,احنا ما ولدناكم ونسيناكم,,, احساس عجيب
لما تمشي وزارة الصحة (الام)وتتسول الرقم الوظيفي ويعاينو ليك خريجين الثانوى اللى ملو الوزارات
مؤخرا وفي عقل بالهم انو ديل شنو الوهم ديل(اللى هم احنا)
تقول لى قال ,,,ولادة الهنا
والسمحيين كتااااار,,,, المعلمين وارباب المعاشات (الغير مقدرين) ومنسوبي القوات المسلحة(ضباط
وعساكر),,,والخريجين المالاقيين شغل ,,,و ال,,,, يخوانا انا ما اترشح عن الدايرة 1956 قبل الميلاد
اقصد قبل الانقاذ
ودامت لكم الصحة(ما عارفة كيف لكن دامت لكم الصحة)
د:سلافا العاقب احمد
|
Post: #2
Title: Re: ناس سمحين,,,,, في بلد ,,,ما سمح,,,,,,,الاطباء نموذجا
Author: د.محمد حسن
Date: 04-02-2010, 12:33 PM
د. سلافا
حمد الله على السلامة
هو عليك الله الوجع شوية
آآآآآآآآآآآآآآآآآآخ
|
Post: #3
Title: Re: ناس سمحين,,,,, في بلد ,,,ما سمح,,,,,,,الاطباء نموذجا
Author: عمر ادريس محمد
Date: 04-02-2010, 03:00 PM
Parent: #2
د.سلافا
دولة الظلم ساعة وقربت تخلص ....
ويابتى والله انتو قدرها واكبر بى كتير ..جيل من نار وانوار وصمود
وحقككم وحقنا حاتقلعوا والسودان دا حاتبنوه كاروع مايكون
ناس سمحين,,,,, في بلد سمح وماهل وجميل
تحياتى
|
Post: #4
Title: Re: ناس سمحين,,,,, في بلد ,,,ما سمح,,,,,,,الاطباء نموذجا
Author: Solafa Alagib
Date: 04-04-2010, 10:23 AM
Parent: #3
د:محمد حسن
الله يسلم عمرك,لكن الوجع بدا من يوم مابقينا نمشي اي حاجة ونسكت عن كل حاجة واصبحنا لانري ولانسمع
ولانفهم ولانتفاعل ,,,, الباقي كتيييير بس الله يهون
|
Post: #5
Title: Re: ناس سمحين,,,,, في بلد ,,,ما سمح,,,,,,,الاطباء نموذجا
Author: Solafa Alagib
Date: 04-04-2010, 10:28 AM
Parent: #4
صدقت والله يا عمر ادريس وانشا الله ما نخذلكم
|
|