وإنت ياسودان سيد أمانينا ... الحركة الشعبية أرضاً أحلامنا ....!

سوي إنسحب ياسر أو تراجع
سوي قاطعت أحزاب جوبا الإنتخابات أو لم تقاطع
سوي فاز البشير بالجولة أو لم يفز

نقدر لياسر عرمان محاولته الجادة للتغير نقدر له ذلك حتي ولو كان الأمر للحركة الشعبية
مجرد مناورة سياسية . قد تكون الحركة (بحركتها) الأخيرة قد كسبت بعض رهان قادتها قد تكون
الحركة (بحركتها) تلك قد إستطاعت نقل الشريك لخانة جديدة قد يكون الأمر كذلك لكن ما لم ينتبه
له أساطين الحركة إنهم (بحركتهم) تلك قد إغتالو جهاراً نهاراً أحلام الكثيرين من أبناء هذا الشعب
الذين تعلقوا أيما تعلق ببرنامج (الأمل والتغيير) . لكم مضر التكتيك فيما هو إستراتيجي أيتها الحركة الشعبية .




الأحزاب الوطنية للأسف في حوجة ماسة لقراءة المشهد السياسي من جديد وعدم التعويل كثيراً علي
المواقف القديمة بحوجة ماسة أيتها الأحزاب للمصداقية أمام ملايين الناس الذين فوضوا أمرهم لله
من قبل ومن بعد ومن ثم اليكم أيها السادة فأفيقوا يرحمكم الله .

رهاني علي هذا الشعب سعيد

Quote: نقدر لياسر عرمان محاولته الجادة للتغير

والله كلنا نقدر ياخخ

Quote: له أساطين الحركة إنهم (بحركتهم) تلك قد إغتالو جهاراً نهاراً أحلام الكثيرين من أبناء هذا الشعب الذين تعلقوا أيما تعلق ببرنامج (الأمل والتغيير) . لكم مضر التكتيك فيما هو إستراتيجي أيتها الحركة الشعبية .

علي الحركة أن تعي جيداً إن بعض الشعارات لا تصلح للإستهلاك السياسي هذا مهم للغاية أيها الرفاق الأعزاء

متشكرين ومقدرين يامحمد فرح ياخ

مرر الوطني قانون الأمن الوطني من بين يدي الحركة الشعبية ولم تقل الأحزاب السياسية (بغم)
بل الأدهي من ذلك أن القانون أصبح يمشي بين الناس والحركة الشعبية تندد وتشجب وتتحدث عن
الأمن والقوانين المقيدة للحريات . حتي أن الرئيس (المسحوب) تحدث في منبر سونا من يومين
فقط عن الحريات وعن قوانين النظام العام وعن لبني . معتقداً هو الآخر أن السودانيين أصبحوا
بلا طايوق أو ذاكرة .
الحركة الشعبية تفعل كل ذلك بذكاء فهي تعي تمام العلم أن أحزاب جوبا أو فلنسمهم هنا (القوي
الوطنية) من الضعف بمكان الأستغناء عنها تحالفها مع الحركة . والأحزاب نفسها تعلق كثير آمال
علي الحركة ولكأن إنعدال الحال لن يمر الا عبر هذا التحالف الذي يستوجب لآن الدراسة والتمحيص
وقراءة مواقف القوي ومدي التزامها ببرنامج جوبا .
والا فما العبقرية أن تسحب الحركة مرشحها ليلاً ثم تنضم لإجتماع الأحزاب صباحاً ؟ أولم يكن الإنتظار لسويعات ممكناً للخروج بموقف جماعي محترم بدلاً من هذا التشرزم والذي في الأساس لا يخدم سوي المؤتمر
الوطني وتدعم مرشحيه أيما دعم .

وما معني الانسحاب من الانتخابات الرئاسية والمشاركة في البرلمانية وحكام الولايات ؟

يعني شنو الكلام ده يا رفاقا

أنا لا انظر من ثقب الباب إلى وطني...
لكن أنظر من قلب مثقوب...
وأميّز بين الوطن الغالب ...
والوطن المغلوب...
الله لمن يتنصّت في الليل على قلبه...
أو يسترق السمع إلى رئتيه...
هذا القلب بريء لم يشهد زورا ..
لكن شهدوا بالزور عليه
وأنتم خذوني بطيبة قلبي..
فإنّ المحبة طيبة القلب..
والشعر مغفرة...
وزمان المحبين جدّ قصير

أبلغ الظن أن الكلمات أعلاه لأيمن أبو الشعر
لا أبالغ إذ قلت أنها تعبر عني الآن تماماً

أصدق العزاء لهذه البلاد يا أميرة

Quote: أنا لا انظر من ثقب الباب إلى وطني... لكن أنظر من قلب مثقوب... وأميّز بين الوطن الغالب ... والوطن المغلوب... الله لمن يتنصّت في الليل على قلبه... أو يسترق السمع إلى رئتيه... هذا القلب بريء لم يشهد زورا .. لكن شهدوا بالزور عليه وأنتم خذوني بطيبة قلبي.. فإنّ المحبة طيبة القلب.. والشعر مغفرة... وزمان المحبين جدّ قصير ِ

ومزيد من السفر البلا آخر.

يااااااا أيها الخممان ..
يا أيها الصرران .

بلد سليقة ..
كلما طالت ناصيات أشجارها ..
جاء " فحشها " الحشاش .


..........
الله يحش كبدكم زي ما حشيتو أحلام الناس ياخ ..
كلكم .. من طرف ..
حكومة لئيمة في إجرامها .. على الزفت الأحزاب المعارضة .. على الحركة الشعبية الطيرة .

ياخي و طظ فيكم نظام دموي ملعون .. و قادة حزبية أراقوزات ، قوى كسيحة و حلاقيم كضابة و فارغة و مهزومة من جواها.. طظ فيكم كبيرة ..
طظ في كل شأنكم المعلول ياخي و المريض .
البلد دي ما ولدتكم و عقرت .. يا أعق أولادها و أخس و ألعن ..
البلد دي ما ح تموت طول ما حوا والدة ..
تمشوا كلكم بقرفكم و سجمكم و تقيحكم و مِدتكم .. و يبقى الشعب ده .
تبقى الأمة دي و أحلامها و اشواقها و نواياها .. حدّها الشمس ..

يعني هسي الواحد يقول شنو ياعماد غير الله في
ياخ والله ما حسيت بخيبة أمل قدر ما حسيت بيهو أمس
جاطت الأمور وتشابهت المواق والواحد بقي ما فارز
حلب الوطني من صر الحركة
كلو بقي بي قرش والما يشتري يتفرج وأي زول عايز
يحبط عليه بمتابعة ما يجري في الساحة
البلد كلها صور ومشاريع أمل ومايكروفونات وخطب
وأطفال مشردين وعواجيز وبسطاء حال ما لامين في العيشة
البلد كلها تتابع وراقب وتنتظر ليأتي
هؤلاء الناس عشان يقولو بي بساطة
نسحاب
مقاطعة
ياخ حسرة وضياع حال زي ده ما قابلني علي الاطلاق
يجتمعوا الأحزاب والإنتخابات باقي ليها عشرة يوم
عشان يحجونا بي حجوة التزوير وانو الحريات معدومة
يجتمعو ويطلعوا بقرار انسحاب عشان نصفق ليهم ويطلعوا
أبطال ونقول ليهم في ميزان نضالاتكم
ياخ نحن نتكئ علي هش الأحلام صاحبي ومن يقودونا للأسف
كلهم أقزم من الأقزام حريقة فيهم كلهم .

Quote: ياخي و طظ فيكم نظام دموي ملعون .. و قادة حزبية أراقوزات ، قوى كسيحة و حلاقيم كضابة و فارغة و مهزومة من جواها.. طظ فيكم كبيرة ..

اصعب الاشياء المؤلمة ان تشعر بشئ ولا تصدقه ثم تُُفاجئ به

.













فراااااااااااااااااغ وسياستنا وكورتنا وكل حاجاتنا عايزة وقفة وإعادة نظر .




..........................................................................حجر.

والله ياحجر أنا كنت متخيل لحدي قريب انو الوحيدين البتعاملوا بفوقية مع الشعب
السوداني هم ناس المؤتمر الوطني بس لكن للأسف الحركة وبمواقفها الأخيرة بقت
تمشي في دروب الترك أكتر من المتوركين أنفسهم .


ياخ دق قرف ما بعده ثان

فقط الغصة يا شوشتا



مودتي ياصاحب

يا خضر يا صديقي
لم نتفاجأ بموقف الحركة
ولا يجب

لو حقيقي الحركة عصفت بآمال وآحلام أحد فهي حتماً فعلت ذلك بجماهيرها (ولا أظن)

كما كتبت أمس نهاية المطاف ليست في تأجيل الإنتخابات ولا المقاطعة
ولكن في ديمقراطية حقيقة ننتزعها إنتزاعاً
ويجب أن لا يكون بيننا وبين المؤتمر الوطني صديق أو حليف نخشى مصالحه أو حتى خاطره

وسوف أوضح وجهة نظري ربما في بوست منفصل

وخليك متفائل يا صديقي

وأديني ألو لأنو رقمك ضاع مع التلفون (دااااك)
والله دير حيرونا زاتو المراقبة ما كفتهم

شادية العزيزة
أينك في هذا الزحام
حاولت الاتصال بك مراراً للأسف تلفونك مقفول
الموضوع ياشادية ما إحباط بقدر ماهو وأد أمنيات
وأحلام وآمال عراض


ياخ هذا زمان سيئ للغاية
مودتي ياشادية

خدر يا خوي
والله ولا سئ ولا حاجة

في شنو
ياخ؟

ما تروق المنقة
شيل تلفوني من ما تعرف منو
المهم برسلو ليك في الخاص
ولا أقول ليك؟؟
الجماعة خاتين سماعة معاي ما تقول ليهم لو في طريقة أدونا تلفون الزولة ديّ !

لا علاقة للحركة الشعبية بدم أبناء يعقوب يا زميل

كلهم مسؤلين يا خدر
كلهم ياصاحبي

حالة مقرفة حد البكاء



انها جنازة وطن كان اسمه السودان



محزن الامر جدا

ياجماعه الواحد ماعارف يقول شنو??
انا ضد الانتخابات من اساسها
لانها بتدى شرعيه للنظام فى الظروف التامه فيها
وما كنت من المعولين على عرمان
لانو حسب وجة نظرى الحركة ما حزب سياسى
والحركة الان ما هى الحركه ايام قرنق
وسلفا ماعندو الافق السياسى البيخليهو يحسبها صاح
ورغم احترامى الشديد لباقان لكن باقان وياسر ما فى موقع قوه
والقرار ما فى ايديهم

لكن ..رغم كل ده ...دى!!!!...اصلو ما اتوقعتها....

أزمة وتعدي ياحكيم
زيها وزي الدشليون الفاتت


قلبي علي وطني

خضر إزيك...

والله إحباط ما بعده إحباط...

لاقيت أصحابى إتنين الليلة واحد قال لى والله ممارسة السياسة فى السودان

أشبه بى ممارسة الدعارة, التانى صحا من الصباح بسأل من نتيجة اللوترى

قلت ليه إنت فى غربة وتفتش لى غربة!! قال أنا عايز أبعد حاجة ممكنة

من السودان.

نقول شنو ولا نسوى شنو.

يـتتا خـدورى .. بالله برضــو مــا تنســى فى ظــل التقدير لعرمان دى


كمــان تقــدر لينــا العم ( نقــد ) على تقبلــه التكليف الحزبــى


وخوضــه للانتخابات رغــم رفضكم وتململكم ..