لو قاطعنا اسا حنجى 2014 عشان نقاطع برضو

الانتخابات الحالية
كانت نا تج غير مباشر لنضالات اكثر من 20 عام اجبر فيها النظام الذى بدا من نقطة تجريم العمل السياسى
على الخضوع لارادة الجماهير

اختلفنا او اتفقنا حول نزاهة هذه الانتخابات او عدم نزاهتها
لكن لا يمكن انكار انها اكثر نزاهة من اتوصف بانها انتخابات شكلية كانتخابات الدول العربية

او انتخابات 97

الشكل الكنت متوقع ان المعارضة بتتعامل بيهو مع الانتخابات انها تمهيد اخر لاحداث التحول الديمقراطى زى ما كانت بتعمل طيلة العشرين سنة
يعنى انو يكون هدف المعارضة انها تقدر على الاقل تضمن انو يكون عندها المقدرة على التغيير او التاثير الايجابى
فى الحراك السياسى فى المرحلة الجاية
يعنى يكون عندها اليات بتغط بيها لتغيير القوانيين مثلا او
لمنح صلاحيات قضائية للمراجع العام
او لتحديد اوجه الصرف فى الموازنة العامة
او تجريم الرسوم الدراسية عبر مجانية التعليم بجعله حق دستورى مكفول للجميع

دى كلها نقاط كان بامكان الاحزاب انها تحرز تقدم فيها اذا تمكنت من احداث تغيير ولو طفيف فى المعادلة السياسية الحالية

يعنى المعارضة لو كانت بتعمل كتيم ورك كان مثلا
كان تركز مجهودا مثلا على التنسيق
ليكون فى مرشح واحد فى كل دايرة بدل الهيصة الحاصلة اسا
مرشح يكون فى كل دائرة حتى التزوير ما ينفع معاهو
والى يكون هو خيار كل ولايتو
بغض النظر عن انتماؤ التنظيمى
كان بكون احسن
بدل ما تحت كراع
فى المقاطعة وكراع فى المشاركة
ويد على التاجيل

يا رغيم سلامات

لا ولا يهمك هي ليست:

Quote: اختلفنا او اتفقنا حول نزاهة هذه الانتخابات او عدم نزاهتها لكن لا يمكن انكار انها اكثر نزاهة من اتوصف بانها انتخابات شكلية كانتخابات الدول العربية او انتخابات 97

يا حبيب مش هي مسميات ولا يهمك

هي ليست :

1)انتخابات الدول العربي

2)وهي ليست انتخابات 97

ولكنها تماما مثل انتخابات

3)ايران!!


حلوه دي معاك؟؟

وربنا يكفينا شرها ويا لها من انتخابت دمويه.

Quote: يا رغيم سلامات لا ولا يهمك هي ليست: Quote: اختلفنا او اتفقنا حول نزاهة هذه الانتخابات او عدم نزاهتها لكن لا يمكن انكار انها اكثر نزاهة من اتوصف بانها انتخابات شكلية كانتخابات الدول العربية او انتخابات 97 يا حبيب مش هي مسميات ولا يهمك هي ليست : 1)انتخابات الدول العربي 2)وهي ليست انتخابات 97 ولكنها تماما مثل انتخابات 3)ايران!! حلوه دي معاك؟؟ وربنا يكفينا شرها ويا لها من انتخابت دمويه

تراجى سلامات
يمكن النموزج الايرانى يكون قريب
فعلا من الحاصل عندنا بس ربنا يلطف بالسودان وبى اهلو

الفكرة انو نحنا لازم نواصل لحدى النهاية
لانو لو انسحبنا اسا
كل الحايحصل انو النظام الحالى حا يستمر بنفس التركيبة
وبشرعية جديدة لانو اكتسبا فى اللحظة الظهر فيها اول مرشح من المعارضةفى تلفزيون السودان
بحسب مفهوم رجل الشارع
يعنى لما نجى للانتخابات الجاية
حا نلقى انو نفس الوضع بدون تغيير
وبرضو حا نلقى نفسنا ما عندنا خيار غير المقاطعة طالما نحنا استمرانا الكسل

حاسى بى انو الكلام البفكر فيهو دا ما فى حاجة بتعبر عنو غير

البغلة فى الابريق

*************
الزهج الحاسى بيهو مخلينى
ما قادر حتى اراجع الاخطاء الاملائية لو فى فى البوست دا

رغيم يا شقيقي
لو الأحزاب الوطنية قاطعت، سيكون مصير الإنتخابات كمصير سابقاتها، ولو المؤتمر الوطني قادر على مواجهة تحالف وطني قوي داخلي، وقادر على مواجهة دولية خارجية، فليحكم.. ولكن يا شقيقي، كما تعلم، نحن في الحزب لا يهمنا من يحكم، وقياداتنا لا تطمح في مناصب، ولكن يهمنا كيف يكون الحكم، وطالما هنالك تزوير في الإحصاء، توزيع الدوائر، والتسجيل، البطاقة الإنتخابية، لماذا نضفي شرعية لإنتخابات غير نزيهة من أول مراحلها..
__
لتبقى الإنقاذ سلطة غير شرعية جاسمة على صدورنا، يناضل الشرفاء ضدها حتى يتم التغيير المنشود..

Quote: رغيم يا شقيقي لو الأحزاب الوطنية قاطعت، سيكون مصير الإنتخابات كمصير سابقاتها، ولو المؤتمر الوطني قادر على مواجهة تحالف وطني قوي داخلي، وقادر على مواجهة دولية خارجية، فليحكم.. ولكن يا شقيقي، كما تعلم، نحن في الحزب لا يهمنا من يحكم، وقياداتنا لا تطمح في مناصب، ولكن يهمنا كيف يكون الحكم، وطالما هنالك تزوير في الإحصاء، توزيع الدوائر، والتسجيل، البطاقة الإنتخابية، لماذا نضفي شرعية لإنتخابات غير نزيهة من أول مراحلها.. __ لتبقى الإنقاذ سلطة غير شرعية جاسمة على صدورنا، يناضل الشرفاء ضدها حتى يتم التغيير المنشود..

ياسر سلام
الكلام دا كان قبل 3 شهور
لكن قبل عشرة يوم
بالنسبة للرجل الشارع دا ببساطة هروب
وبعدين منو القال ليك انو المعارضة مقاطعة الانتخابات كلها
الحركة مقاطعة فى دارفور و الرئاسة بس
ونحنا وحزب الامة فى الرئاسة بس
يعنى برضو شاركنا فيها
الانتخابات اكتسبت شرعيتا بالنسبة لرجل الشارع فى اللحظة الشاركت فيها المعارضة بالصورة الهزيلة دى
لانو
الانطباع
ال فى الشارع اسا انو المعارضة بقت متأكدة من فوز البشير
عشان كدا انسحبت

ألشقيق الكريم رغيم

سلامى

Quote: الانتخابات الحالية كانت نا تج غير مباشر لنضالات اكثر من 20 عام اجبر فيها النظام الذى بدا من نقطة تجريم العمل السياسى على الخضوع لارادة الجماهير اختلفنا او اتفقنا حول نزاهة هذه الانتخابات او عدم نزاهتها لكن لا يمكن انكار انها اكثر نزاهة من اتوصف بانها انتخابات شكلية كانتخابات الدول العربية او انتخابات

إذا كانت نضالات أكثر من 20 عام تأتى بإنتخابات تحت إشراف وتمويل وإدارة كاملة للإنقلابيون، فهذا يعنى أن نضالنا كان أهون من بيت العنكبوت....

فما حققته إنتفاضة إكتوبر 64 وأبريل 85 الجماهيرتان كأن أعظم مقارنة بنضال مسلح تساقطت أطرافة وأصبح زعيميه من أكثر المعجبيين بقائد الإنقلاب....

مقاطعة الإنتخابات الأن شقيقى الكريم تعنى نزع الشرعية الدولية من نتائجها وإعادة قضية النظام لطاولة المجتمع الدولى ....

مقاطعة الإنتخابات تعنى إعادة الأحزاب الى موضع الند للنظام وإرجاعها لمكانتها المهتزة من فعائل هذا النظام وقادتها على السواء....

مقاطعة الإنتخابات ليست فهلوة سياسة وعناد إنفعالى بل هى خطة لها هدفها المنشود وهو: إعادة تشكيل لجنة الإنتخابات بمشاركة كافة الأحزاب ( كما حدث فى إنتخابات موريتانيا بعد عهد الحاكم العسرى محمد ود فال).....

والهدف الثانى هو التأمين على محاكمة كل من إرتكب جريمة فى حق هذا الشعب أو إخلتس مالا فى عهد الإنقاذ حتى ولو أُنتخب وزيرا أو رئيسا.....

المقاطعة هى بعث جديد للاحزاب وإعادة للثقة فيها وخروج من هذا المأزق ....

Quote: لو قاطعنا اسا حنجى 2014 عشان نقاطع برضو

ضاعت خبرة احزابنا الوطنية عندما رهنت ارادتها لحزب الحركة الشعبية رغم حداثة تجربته " علي الاقل في الشمال " .

تجدني متفق معك في 99% مما كتبت اخ رغيم

Quote: ضاعت خبرة احزابنا الوطنية عندما رهنت ارادتها لحزب الحركة الشعبية رغم حداثة تجربته " علي الاقل في الشمال "

او بالاصح يا مسلمى لما قبلت انها تغلط نفس الغلطة فى كل مرة وتخضع للابتزاز بى اسم الوحدة وتسلم روحة مطية لغايات الحركة

الحبيب بشير
ما متمنى كدا
لكن السياسة ما فيها معجزات
البتخطط ليهو وبتعمل ليهو بتصل ليه
ونحنا للاسف ما اجدنا حاجة زى اجادتنا للكسل
***************
الكونت قريبى سلام
للاسف حاسى انو حا نقضى السنتين الجايات دىل ندفع فى تمن الغلطة دى

Quote: إذا كانت نضالات أكثر من 20 عام تأتى بإنتخابات تحت إشراف وتمويل وإدارة كاملة للإنقلابيون، فهذا يعنى أن نضالنا كان أهون من بيت العنكبوت.... فما حققته إنتفاضة إكتوبر 64 وأبريل 85 الجماهيرتان كأن أعظم مقارنة بنضال مسلح تساقطت أطرافة وأصبح زعيميه من أكثر المعجبيين بقائد الإنقلاب.... مقاطعة الإنتخابات الأن شقيقى الكريم تعنى نزع الشرعية الدولية من نتائجها وإعادة قضية النظام لطاولة المجتمع الدولى .... مقاطعة الإنتخابات تعنى إعادة الأحزاب الى موضع الند للنظام وإرجاعها لمكانتها المهتزة من فعائل هذا النظام وقادتها على السواء.... مقاطعة الإنتخابات ليست فهلوة سياسة وعناد إنفعالى بل هى خطة لها هدفها المنشود وهو: إعادة تشكيل لجنة الإنتخابات بمشاركة كافة الأحزاب ( كما حدث فى إنتخابات موريتانيا بعد عهد الحاكم العسرى محمد ود فال)..... والهدف الثانى هو التأمين على محاكمة كل من إرتكب جريمة فى حق هذا الشعب أو إخلتس مالا فى عهد الإنقاذ حتى ولو أُنتخب وزيرا أو رئيسا..... المقاطعة هى بعث جديد للاحزاب وإعادة للثقة فيها وخروج من هذا المأزق ....

الشقيق اسامة تحية طيبة
المجتمع الدولى سيتغاضى عن اى وضع يقوده الى انفصال عبر الاستفتاء 2011
واى عاقل يعرف ان افضل من يقوم بهذا الدور هو البشير وسلفاكير

ثم الندية مع النظام تكون اولا بالتفاف الجماهير حول المعارضة
وذلك يحدث عندما تكسب المعارضة ثقة الشارع
للاسف هذه الخطوة المرتجلة
بهذه الطريقة العشوائية فى هذا التوقيت
نسفت تماما مصداقية المعارضة وهت احترامها امام نفسها وامام الشارع
كنت ساكون اكثر تحمسا منك لو كان هذا خيارنا منذ البداية
لان بالنسبة لى مبررات مقاطعة الانتخابات اكثر بكتير من المشاركة فيها لو كانت هذه المقاطعة
فى الوقت الذى حددته المعارضة سابقا فى بداية ديسمبر الماضى
لكن الان
وقبل عشرة ايام فقط
صدقنى من الصعب جدا ان تقنع احدا بان هذا العبث هو اكثر من مجرد هروب