Post: #1
Title: عدم نزاهة مجهر سونا إذا استضاف البشير كختام للمترشحين !!!
Author: صبري طه
Date: 03-31-2010, 09:44 AM
والسبب:
ليقوم بتجهيز مُضاد حيوي لكل ما أثاره بقية المترشحين للرئاسة ...
وإعداد السيناريو اللازم للتشويش على البسطاء مثلي كدة !!!
دمتم بود ،،،
|
Post: #2
Title: Re: عدم نزاهة مجهر سونا إذا استضاف البشير كختام للمترشحين !!!
Author: مريم بنت الحسين
Date: 03-31-2010, 11:11 AM
Parent: #1
الاخ صبري
غايته البشير مهما يحضّر ما بكون جاهز... يعني لو جابو ليه زي الصحفيين المعارضة، النوع البزنق داك، وادوهم فرصة... البشير ما عنده حتّه يقبّل عليها...
منبر سونا، منبر على الرغم من عدم حيادته، هو منبر حواري وفكري، وهو مجال يصعب على البشير التعامل معه... من دون موسيقي (رابه) وأزياء تنكّرية
شكرا على البوست
|
Post: #3
Title: Re: عدم نزاهة مجهر سونا إذا استضاف البشير كختام للمترشحين !!!
Author: داليا الكباشى
Date: 03-31-2010, 11:34 AM
Parent: #2
تحياتي صاحـب البوسـت ,,
| Quote: على الرغم من عدم حيادته، |
لا تتماشــى مع
او
| Quote: مجال يصعب على البشير التعامل معه |
او
Quote: من دون موسيقي (رابه) وأزياء تنكّرية
|
او حتى
| Quote: غايته البشير مهما يحضّر ما بكون جاهز |
منب سونا لو كان حق البشير يا مريومه عااااااااااادي جدا ممكن يشففوهوالاسئله
ويجيبوا ليهوا الصحفيين الدايرهم ولازياء التنكريه زااااتها يجيبوها ليهو بي موسيقتها ,,
مما شاهدته في الحلقات السابقه , المنبر محايد وكل الداير يقول اي كلام بيقولوا
بدليل الاخ صاحب النظارات الاول امس والزول ابو عمه داك في حلقه كامل ادريس القال ليهو
نحن دايرنكـ لمن تفوز تكتل لينا الاحزاب دي كلهم ما تخلي ولا الصادق المهدي ولا الترابي ..!!
ننتظر حلقه البشير ونشوف ,,
------------
يا بتي مشتاقين ,, حضرنا ولم نجدكـم 
|
Post: #4
Title: Re: عدم نزاهة مجهر سونا إذا استضاف البشير كختام للمترشحين !!!
Author: مريم بنت الحسين
Date: 03-31-2010, 12:02 PM
Parent: #3
Mrs tmbis
ازيك.... ومرحب بيك... ومعليش والله كان عندنا ارتباط يوميها..... ما أهم من شوفتكم، لكن كان صعب نخليه.....
ليها علاقة بطريقة العرض والحوار... القائم على الاسئلة، موش القائم على الخطب...
بعني بيها عدم حيادية مدير الحوار... وليس الحاضرين فيه، ولا محتوى الطرح....
| Quote: مجال يصعب على البشير التعامل معه |
بعني بيها انه البشير بارز في مجال مختلف، فيه ازياء تنكرية، وفيه موسيقى (رابه).... وده غير متوفر في مجهر سونا... بالتالي حيكون صعب عليه التعامل مع الوضع... خاصة لو كان الحضور من امثال الصحفيين الذكرتيهم...
المشكلة يا داليا موش في تشفيف الاسئلة، لأنه اسئلة حنين في حلقة البشير، حيكون كاتبنها لحنين زاتو... لكن المشكلة في الاسئلة الممكن يطرحوها الناس المعارضين للبشير ونظامه...... ولو قلبوا ليه المجهر زي ما بعمل في المدن السودانية التانية، الفايده شنو من البرنامج طيب؟ إذا حيتغير كله ويبقى شكله آخر....
شكرا على التعليق
____________________
قعدت البيت كيف؟
|
Post: #5
Title: Re: عدم نزاهة مجهر سونا إذا استضاف البشير كختام للمترشحين !!!
Author: داليا الكباشى
Date: 03-31-2010, 12:28 PM
Parent: #4
مريومـه ,,
بماانو
| Quote: العرض والحوار... القائم على الاسئلة، موش القائم على الخطب... |
| Quote: البشير بارز في مجال مختلف، فيه ازياء تنكرية، وفيه موسيقى (رابه).... وده غير متوفر في مجهر سونا |
| Quote: لكن المشكلة في الاسئلة الممكن يطرحوها الناس المعارضين للبشير ونظامه |
يبقى مافي طريــقه ابدا
| Quote: لأنه اسئلة حنين في حلقة البشير، حيكون كاتبنها لحنين زاتو |
خـاصه مـع وجود
Quote: خاصة لو كان الحضور من امثال الصحفيين الذكرتيهم...
|
-----------
يا بتي انـا شغاله ,,جيت من الشغل قبل شويه ,,انتي كيف؟
|
Post: #6
Title: Re: عدم نزاهة مجهر سونا إذا استضاف البشير كختام للمترشحين !!!
Author: مريم بنت الحسين
Date: 03-31-2010, 04:02 PM
Parent: #5
ما دايره اقلب البوست ده ونسه لسيده... لكن والله شمار، بالله اشتغلتي بي جاي؟ ياخ ده خبر السرور والهنا...بنكمّل كلام عبر قنوات اخرى.....
شكرا لسيد البوست على احتمال الونسه
|
Post: #7
Title: Re: عدم نزاهة مجهر سونا إذا استضاف البشير كختام للمترشحين !!!
Author: صبري طه
Date: 03-31-2010, 05:31 PM
Parent: #2
Quote: مريم بنت الحسين كتبت:
الاخ صبري
غايته البشير مهما يحضّر ما بكون جاهز... يعني لو جابو ليه زي الصحفيين المعارضة، النوع البزنق داك، وادوهم فرصة... البشير ما عنده حتّه يقبّل عليها...
منبر سونا، منبر على الرغم من عدم حيادته، هو منبر حواري وفكري، وهو مجال يصعب على البشير التعامل معه... من دون موسيقي (رابه) وأزياء تنكّرية
شكرا على البوست |
ويبقى سؤال هام:
هل سيقسو حنين على البشير أم سيكون اسماً على مسمى ...
وأتوقع أن يكون سيناريو الحلقة مُعد ومنظم ومرتب بالكامل ...
يعني الحلقة حتكون زي أغنية نوّر بيتنا ...
كُنا فرشنا السكة ورود لو كلمتنا كان بالجية ...
خطوة عزيزة ويوم موعود الخلاّك تطرانا شوية ...
كسّير تلج صاح ...
دمتِ بود ،،،
|
Post: #8
Title: Re: عدم نزاهة مجهر سونا إذا استضاف البشير كختام للمترشحين !!!
Author: أبو عبيدة البصاص
Date: 03-31-2010, 05:56 PM
Parent: #7
.
.
.
اذا لم تكن هنالك حلقه مستضاف فيها البشير
يكون بابكر حنين عمد الى هز صورة الاحزاب لدى الناخب السوداني !!!
إذا استضاف بابكر حنين البشير كختام للمترشحين فهذه قمة عدم النزاهه !!!
على بابكر حنين البحث رئيس لم يستضاف حتى الان ؟؟؟؟؟
اذا كانت هناك حلقه مع البشير وكانت الاخيره يكون السبب هو كشف تكتيكات
المعارضين من اجل سد الثغرات التي يؤتي منها البشير ًً!!!
اذا حضر البشير الحلقه وكانت اجاباته متوازنه وصبت الحلقه في مصلحته
بابكر حنين قام باعداد واحضار ضيوف باهتي وقليلي المعرفه باحوال السودان !!
اذا حضر البشير الحلقه واجاد فيها رغم قوة الهجوم المضاد من قوى المعارضة
لماذا يتجنب بابكر حنين من اعداد حلقه مناظره بين البشير ومناصريه وحبذا لو كانت
على نظام واحد× 10
اذا قام احدهم بالتشويش على بث ترداد القناة على نايل سات يكون الهكر من الكيزان !!!
واذا .........................!!!!!
واذا .........................!!!!!
واذا .........................!!!!!
واذا .........................!!!!!
واذا .........................!!!!!
وننتظر جميعنا حلقه البشير المهموم في طرابلس
البصاص
|
Post: #9
Title: Re: عدم نزاهة مجهر سونا إذا استضاف البشير كختام للمترشحين !!!
Author: Nasr
Date: 03-31-2010, 05:59 PM
Parent: #7
كان أدوه الأسئلة قبل شهر
ولبسوه هيدفون عشان يوصلوا ليه الإجابات طوالي
برضو خيلخبط
إلا يدوهو فرصة يلبس سكسك
ويسكسك
يمكن يقدر يتم الحلقة
|
Post: #10
Title: Re: عدم نزاهة مجهر سونا إذا استضاف البشير كختام للمترشحين !!!
Author: أبو عبيدة البصاص
Date: 03-31-2010, 06:03 PM
Parent: #9
Quote: ولبسوه هيدفون عشان يوصلوا ليه الإجابات طوالي
برضو خيلخبط
|
تعرف ياناصر الخطأ الاستراتيجي البتقع فيهو
كل المعارضه انها دوما تستهين بخصمها رغم علمها
المطلق بمقدراته ...
قيل انه حتى تفوز باي معركه يجب ان لاتستهين بخصمك
البصاص
|
Post: #11
Title: Re: عدم نزاهة مجهر سونا إذا استضاف البشير كختام للمترشحين !!!
Author: البحيراوي
Date: 03-31-2010, 06:05 PM
Parent: #9
العزيز صبري طة
تحياتي - بالله شوف من سنة كم علي عثمان بطالب بقومية وحيادية الأجهزة الإعلامية !!!!!!
طيب يا شيخ علي ما إنت الآن وليك عشرين سنه ماسك القلم ليه ما أمرت بأن تكون تلك الأجهزة محايده وقومية .
بحيراوي
وثيقة تكشف رفض(الأمة والاتحادي) قومية أجهزة الإعلام
الأربعاء, 31 مارس 2010 08:37
الخرطوم : آخر لحظة
كشفت وثيقة حصلت عليها (آخر لحظة) عن مقترح تقدّم به الأستاذ علي عثمان محمد طه نائب رئيس الجمهورية وزعيم المعارضة في الجمعية السابقة «البرلمان» عن مقترح تقدّم به في الجلسة رقم (54) في 5 نوفمبر 1986م. دعا فيه إلى قومية أداء أجهزة الإعلام دون تمييز بين الحكومة والقطاعات السياسية الأخرى. غير أن أحزاب حكومة الائتلاف التي تضم الأمة والاتحادي الديمقراطي وعدداً من الأحزاب الأخرى رفضت الاقتراح حيث صوت لصالحه (37) نائباً وصوت ضده (109) وامتنع عن التصويت (8) نواب.
وكانت جلسة الجمعية التأسيسية التي انعقدت مساء 5 نوفمبر شهدت أيضاً تقديم طلب لمناقشة التظاهرات التي حدثت في العاصمة القومية والظروف والملابسات التي صاحبتها في أواخر أكتوبر 1986.
|
Post: #12
Title: Re: عدم نزاهة مجهر سونا إذا استضاف البشير كختام للمترشحين !!!
Author: طارق ميرغني
Date: 03-31-2010, 06:17 PM
Parent: #11
اخي صبري هو في اي حته خاتينو الاول
لمن تجي لمجهر سونا يختوه الاخير
يعني نظام تحليه ولا شنو ؟؟
قمة الانحياز وعدم ديمقراطيه
|
Post: #13
Title: Re: عدم نزاهة مجهر سونا إذا استضاف البشير كختام للمترشحين !!!
Author: Nasr
Date: 04-03-2010, 09:53 AM
Parent: #12
قال أبو عبيدة
Quote: تعرف ياناصر الخطأ الاستراتيجي البتقع فيهو
كل المعارضه انها دوما تستهين بخصمها رغم علمها
المطلق بمقدراته ...
|
أنا ما شايف للبشير أي قدرات عشان يستهينوا بيها
لو عندو تعال كلمنا
شفته وسمعته بيتكلم
خجلت ليه وللسودان بلدنا
(الناس كمان مرات بيسألونا بإستغراب، دا رئيسكم)
الحزب الحاكم فيهو ناس عند قدرات بتاعة كلام وعمل سياسي هائلة
ليه مصرين علي البشير؟؟؟؟؟؟؟
|
|