Post: #1 Title: الي كورال الحزب الشيوعي .. مافي زمن يا شباب Author: خدر Date: 03-30-2010, 09:56 PM Parent: #0
كورال الحزب الشيوعي مهامو تتعدد بين ما هو خاص بالدعاية العامة للحزب و بين ما هو خاص بتخليد و تمجيد بطولات الحزب و تاريخو و ما يتعلق بالانتخابات و الاشكال الدعائية الاخري للتعريف بالحزب و مواقفو . تابعت منذ المؤتمر الخامس نماذج لاعمال الكورال الجديدة و لم اجد ما يقنعني ان ما يحدث من افكار و اعمال موسيقية هي اعمال الحزب التي كان السودانيين يلتقطونها و يترنموا بيها و لمن ينتبهوا انهم ما حافظنها لكن كلامها جميل و الحانها قريبة للقلب , بتموها دندنة إبتدأ من خزنة و تنك و لحية فشنك وصولا الي الشعب حبيبي و شرياني . الاعمال التي سمعتها مؤخرا لا اقول كلها لكن 95% منها لا علاقة لها بعمل دعائي للحزب , في مجملهاافكار لحنية تصلح لاغاني عاطفية بدلا عن الحان تراعي السهولة و البساطة حِرصا علي ان يتسابق المواطن لاستيعاب كلماتها عطفا علي لحنها الجميل مُضمنه افكار و مبادئ الحزب . ما سمعته حتي الان قصائد طويلة بإيقاعات فلات , بعض الاعمال بعربي جوبا و إيقاع متحرك كلماتها غير مفهومة , قصائد طويلة لا تصلح للمناسبة او لجوهر فكرة كورال لحزب سياسي .. الخ. الكورال ده كان طار (عمل دعائي) هدفو تفريخ إبداع لصالح دفع الحزب للامام بتوجيه نظر المواطن ليهو , فالكورال في تقديري هو الخطوة الاولي التي تجذب المواطن لافكار الحزب لان تلك الافكار مكون اساسي داخل تلك الاعمال و الحصيلة لازم تكون عضوية جديدة او رصيد جماهيري متماسك و متفهم لموقف الحزب من كل القضايا الحزبية او السودانية في العموم و هي قطعا كتيرة. إذا نظرنا لكورالات الحزب في ال30 سنة السابقة , في تقديري تقييمها كالاتي :
- كورال العيد الاربعين ممتاز - كورالات الجامعات و المعاهد العليا بعد مجئ الانقاذ كانت ممتازة - كورال الحزب السري (شريط المعارضة) في بدايات الانقلاب الحالي صفر كبير.
كورال الحزب الحالي اتمني انو ينتبه و يقيم التجارب الماضية و يصوب اعماله للمواطن و لمصلحة العمل الدعائي في الحزب خاصة وانو العبء عليهو كبير بإعتبارو ضلع رئيس في جبهة العمل الدعائي للحزب الشيوعي في الانتخابات الحالية.
و التحيات لله
طارق ابوعبيدة
Post: #2 Title: Re: الي كورال الحزب الشيوعي .. مافي زمن يا شباب Author: محمد مكى محمد Date: 03-30-2010, 10:47 PM Parent: #1
كلامك سمح ياخدر. الشباب الحملوا الراية بعدنا ديل برضو ما قصروا,بيفكروا بطريقة جيلهم,نحن ياخدر جيل(يا رزاز الدم حبابك) والشباب ديل جيل(من أجل صباح),وعشان ما نظلهم ,ما مفروض نعمل مقارنة. طبعا الظروف نفسها مختلفة,لما بدينا نشتغل للإنتخابات وبعدين العيد الأربعين,مجازر الشجرة كان ليها 14 سنة يعنى كانها كانت سنة 96 القريبه دى,وأغلبية الزملاء فى الكورال ترددوا على السجون والمعتقلات سنوات طويلة,إبتداء بالراحل عبدالرحمن عبدالله والهادى جمع(ةناس كوبر وشالا) وإنتهاء بينا أنحنا (ناس حراسات القسم الشمالى) .كل الفوق ده خلانا نكون ديل انحنا القالوا متنا,ويارزاز الدم حبابك , االمجرتق بالرصاص وللووب ما تسون,جيلنا ياخ جيل (عنيف).الجيل القايم حسع ده,جيل (مهند و نور) ,جيل (حنين) عشان كده لازم يغنوا ليهم (شعرا ,خبزا وموسيقى) ,ومن أجل صباح وكده. الكيزان عرفوا الحاجه دى, عشان كده (التأصيل) راعى الحته دى,ويسوقوا العيال الحرب لكن الجلالات والمدائح بقت تمتم وعشره بلدى وبايو.ياسمسم القضارف ولى تحت. ما تقول لى (خرفت),ياخ الزمن إتغير. سلام يارفيق يا ما رقيق.
Post: #3 Title: Re: الي كورال الحزب الشيوعي .. مافي زمن يا شباب Author: محمد هشام Date: 03-30-2010, 11:11 PM Parent: #2
استاذ خدر من اجل ان تعم الفائدة ويستفيد كورال الحزب الشيوعي السوداني ارجو ان توضح رأيك بعمق أكثر وتعطي أمثلة للاغاني وتوضح مواطن الخلل
Quote: .الجيل القايم حسع ده,جيل (مهند و نور) ,جيل (حنين) عشان كده لازم يغنوا ليهم (شعرا ,خبزا وموسيقى) ,ومن أجل صباح وكده.
استاذ مكي لا زال كورال الحزب الشيوعي السوداني وكورال الجبهة الديمقراطية يردد الاغاني القديمة مثل قاسم امين و يارزاز الدمم حبابك ويا بنوتنا غنن اضافة لبعض الاغاني الجديدة التي نراها جميلة ولكن ليس بسبب تدني الذوق الفني لجيلنا ولكن هي بالحق جميلة فارجو ان تسمعها وكفى ظلما لجيلنا فنحن جيل معتصم حامد ( ابو العاص ) ومحمد عبد السلام والتاية وبشير وسليم ........................
بالأمس في المساءت هامس الجبناء بأن عازة الإباء أصابها العقم حاشاه من عقم التاية أو سليم لم يأتوا من عدم التاية أو بشير الراية و العلم
ملحوطة اصدر كورال الحزب الشيوعي السوداني اسطوانة جديدة
Post: #4 Title: Re: الي كورال الحزب الشيوعي .. مافي زمن يا شباب Author: ابو القاسم حسن Date: 03-30-2010, 11:33 PM Parent: #3
سلام خدر والجميع : نعم هناك كثير من الملاحظات حول الكورال وما قدمه . ماتوفر لهذا الشباب الآن مقارنة بما توفر لكم ضعيف جدا وهذا من كل النواحي . اتمنى ان يجدوا كل دعم منكم . (ومابتقصرو ) ومزيد من النقاش وفتح قنوات للتاوصل . (والهم واحد )
Post: #5 Title: Re: الي كورال الحزب الشيوعي .. مافي زمن يا شباب Author: محمد مكى محمد Date: 03-30-2010, 11:39 PM Parent: #3
استاذ مكي لا زال كورال الحزب الشيوعي السوداني وكورال الجبهة الديمقراطية يردد الاغاني القديمة مثل قاسم امين و يارزاز الدمم حبابك ويا بنوتنا غنن اضافة لبعض الاغاني الجديدة التي نراها جميلة ولكن ليس بسبب تدني الذوق الفني لجيلنا ولكن هي بالحق جميلة فارجو ان تسمعها وكفى ظلما لجيلنا فنحن جيل معتصم حامد ( ابو العاص ) ومحمد عبد السلام والتاية وبشير وسليم ........................
محمد هشام إزيك ياخ ما فلنا حاجه فى جيلكم,أنا أقدره واحترمه,وهو قد عانى ولايزال يعانى, بس جيلكم(ما قاصد الكورال) لكن المتلقى,المستمع,مختلف تماما عن جيلنا,الجيل الجديد ده غيبوا عنو التاريخ بقصد,هو لا يرى الا ما سمح به المشروع الحضارى..كلهم بيعرفوا مهند لكن كم واحد بيعرف محمد عبدالسلام,كم واحد حافظ أغنية لصالح الضى أو التاج مكى و عبدالدافع عثمان?ياخى خلى خدر يقول ليك..كم واحد من شباب الجيل الجديد بينسبوا الأغانى القديمه للفانين الشباب?مثال اغانى الكاشف هم بيعرفوها على أساس أنها أغانى عصام محمد نور. فى النهايه قصدى أنو الكورال ,يغنى للجيل الجديد ,بالطريقة الهو بيفهما,يغنى ليهم هم ما يغنى لينا نحنا. نحن زمانا فات وغناينا مات,ورحم الله عبدالرحمن ومصطفى وزينب عبدالمجيد. عشان كده سيبوهم براهم وه أكيد حيبدعوا.
.................. يا محمد ,تسجيل ندوة الأهليه,فى الربع الجديد ومشكور.
Post: #7 Title: Re: الي كورال الحزب الشيوعي .. مافي زمن يا شباب Author: خدر Date: 03-30-2010, 11:48 PM Parent: #3
محمد هشام راجع كلامي الفوق تاني , انا ضربت مثال بعملين من الاعمال القديمة . الاعمال الجدية لا املك لها تسجيلات و لم ترسخ اي واحدة منها في ذهني لاقدمها مثالا و هذا جوهر بوستي هذا .
ربما اتوسع في شرح جوهر البوست موسيقيا لاحقا إن اتت مساهمات تستوجب ذلك.
تحياتي يا هشام
Post: #6 Title: Re: الي كورال الحزب الشيوعي .. مافي زمن يا شباب Author: خدر Date: 03-30-2010, 11:45 PM Parent: #2
سلامات دكتور مكي بالعكس يا محمد , من اجل صباح لحنها عباس عمر قبل حوالي التلاتين سنة القلتها دي ذاتها و عباس نفسو شارك في الكورالات السابقة و شارك معنا لمن كنا بنأسس في فرقة ساورا بنفس الاغنية و من اجل صباح من الالحان الجميلة لعباس عمر و لفرقة ساورا لكنها لا تصلح لكورال الحزب الشيوعي وفقا لتقدمتي للبوست بصدد دور و مهام الكورال. الهادي جمعة جابر و وفق آخر لقاء قرأته له علي صفحات الميدان لتاريخه الطويل في العمل الدعائي (كورال) في الحزب ( شايف يا الهادي انا امين كيف فيما يخص مساهمات الاخرين , بعكس آخرين؟ ), الهادي تحدث حديث الخبير عن كل الفعاليات الإنت وانا ذكرناها و اظنه الان مرجع اساسي للكورال الحالي بحكم خبرتو الطويلة البتديهو الحق انو يتحدث للميدان عن الشق الفني في العمل الدعائي الحزبي . يبقي يا دكتور محمد مربط الفرس موش الجيل الحالي و الجيل القديم , مربط الفرس في ظني هي الافكار , الالحان الجديدة لا اعلم من قام بتلحينها و الالحان القديمة لحنها عبدالرحمن عبدالله و مصطفي سيد احمد و عبدالله عبدالله و آخرين لا يسع المجال لذكرهم , الجيل الجديد انا شايف انو جيل وثاب جدا و ديناميكي و نشط و مبادر ولا يجب تحميلو اي لوم.
__ قصيدة من اجل صباح اشعار سميح القاسم
Post: #8 Title: Re: الي كورال الحزب الشيوعي .. مافي زمن يا شباب Author: خدر Date: 03-31-2010, 00:01 AM Parent: #6
Quote: سلام خدر والجميع : نعم هناك كثير من الملاحظات حول الكورال وما قدمه . ماتوفر لهذا الشباب الآن مقارنة بما توفر لكم ضعيف جدا وهذا من كل النواحي . اتمنى ان يجدوا كل دعم منكم . (ومابتقصرو ) ومزيد من النقاش وفتح قنوات للتاوصل . (والهم واحد )
ابو القاسم حسن اولا شكرا علي الخبر السار انو في ملاحظات حول الكورال و مساهماتو الاخيرة , و دي بشري جميلة تستوجب الفرح لاني واثق انو حا تجي نتيجة كويسة بعد الملاحظات دي و ده غرض بوستي ايضا بالمناسبة . انا هنا لا اتحدث عما توفر لنا او لهم , انا محتفي بالجيل الجديد لكني انتقد الافكار التي تلحن لهم, انتقد المسؤلين عن الكورال و انادي بالانتباه للدور العظيم للكورال في جبهة العمل الدعائي و خوفي من ان يتحول الي عمل بيروقراطي داخل الحزب.
مودتي و تحياتي لهم جميعا.
__ يا قاسم وانت من ناس الداخل , قيادة الكورال لو زعلوا من كلامي ده ولا رضوا , قول ليهم ده سَهمي معاكم ارواحنا نجدعها سُـمبهار
او هنا
Post: #9 Title: Re: الي كورال الحزب الشيوعي .. مافي زمن يا شباب Author: خدر Date: 03-31-2010, 00:08 AM Parent: #8
Quote: بس جيلكم(ما قاصد الكورال) لكن المتلقى,المستمع,مختلف تماما عن جيلنا,الجيل الجديد ده غيبوا عنو التاريخ بقصد,هو لا يرى الا ما سمح به المشروع الحضارى..كلهم بيعرفوا مهند لكن كم واحد بيعرف محمد عبدالسلام,كم واحد حافظ أغنية لصالح الضى أو التاج مكى و عبدالدافع عثمان?ياخى خلى خدر يقول ليك..كم واحد من شباب الجيل الجديد بينسبوا الأغانى القديمه للفانين الشباب?مثال اغانى الكاشف هم بيعرفوها على أساس أنها أغانى عصام محمد نور. فى النهايه قصدى أنو الكورال ,يغنى للجيل الجديد ,بالطريقة الهو بيفهما,يغنى ليهم هم ما يغنى لينا نحنا. نحن زمانا فات وغناينا مات,ورحم الله عبدالرحمن ومصطفى وزينب عبدالمجيد. عشان كده سيبوهم براهم وه أكيد حيبدعوا.
ينصر دينك يا محمد ... ده الكلام النجيض ياخي الكيزان فهموا اللعبه و بقوا يدخلوا شعاراتهم في قوالب مديح المصطفي عليه افضل الصلاة و التسليم , و نحن لسه مصّرين علي اناشيد من نوع ( السلاح ياهو السلاح )
Post: #10 Title: Re: الي كورال الحزب الشيوعي .. مافي زمن يا شباب Author: Salah Abdulla Date: 03-31-2010, 00:10 AM Parent: #6
طارق ياأخو..
الشعب حبيبي وشرياني ما تبع كورال الحزب وعبداللطيف عبدالغني حرامي كبير جداً جداً..
بفكر افتح بوست عن الموضوع ده شايفو الايامات دي متمغي ح أطقطقو ليك لمن يفهم حاجة..
Post: #11 Title: Re: الي كورال الحزب الشيوعي .. مافي زمن يا شباب Author: محمد مكى محمد Date: 03-31-2010, 00:16 AM Parent: #6
Quote: بالعكس يا محمد , من اجل صباح لحنها عباس عمر قبل حوالي التلاتين سنة القلتها دي ذاتها و عباس نفسو شارك في الكورالات السابقة و شارك معنا لمن كنا بنأسس في فرقة ساورا بنفس الاغنية و من اجل صباح من الالحان الجميلة لعباس عمر و لفرقة ساورا لكنها لا تصلح لكورال الحزب الشيوعي وفقا لتقدمتي للبوست بصدد دور و مهام الكورال.
ياخدر...مشتاقون
كلامك الفوق ده زى العسل, وبيصب فى عضم كلامى ,زى ماقلت الأغانى دى بتناسب الجيل ده وفى الوقت ده.عباس عمر(عاشق البيمول كما كنت أسميه حينها) من أروع المؤلفين السودانين,وراز الدم حبابك دى حقتو وتوزيع عبدالرحمن عبدالله.وأنا قصدك جمع الأغنيتن (رزاز الدم ,ومن أجل صباح )بالمقارنة,لأنهما بنفس الجوده ولكن التذوق يختلف بالفارق الزمنى. (عشان كده لو فى زول عندو حنه اليومين ديل كان ممكن يجيب الكحلاوى ولا بادى? طبعا فرفور,وفى الصبحيه محمد احمد عوض? طبعا غرزه والربع)
Quote: الهادي جمعة جابر و وفق آخر لقاء قرأته له علي صفحات الميدان لتاريخه الطويل في العمل الدعائي (كورال) في الحزب ( شايف يا الهادي انا امين كيف فيما يخص مساهمات الاخرين , بعكس آخرين؟ ), الهادي تحدث حديث الخبير عن كل الفعاليات الإنت وانا ذكرناها و اظنه الان مرجع اساسي للكورال الحالي بحكم خبرتو الطويلة البتديهو الحق انو يتحدث للميدان عن الشق الفني في العمل الدعائي الحزبي .
لوووول..[/B](بالمناسبه سمعت إنو إتزوج قبل فتره) والف مبروك ليهوووعروسو.
Quote: مربط الفرس في ظني هي الافكار , الالحان الجديدة لا اعلم من قام بتلحينها .
ولا أنا... لكن فيها روح عبداللطيف. ............ ياخ ما تخليك كونسيرفاتيف..
Post: #12 Title: Re: الي كورال الحزب الشيوعي .. مافي زمن يا شباب Author: خدر Date: 03-31-2010, 00:30 AM
صلاح ع.الله قول الاغنية ما حقت الكورال محجوب شريف ده مؤتمر وطني ؟
احكي يا صلاح وقول (انا لا اعلم تأريخ الاغنية )
Quote: ياخ ما تخليك كونسيرفاتيف..
عاين يا صلاح .. محمد مكي عاوز يطلع فيني اشاعات , انا كان كونزيرفاتف حارق رُزي بي بوست زي ده ليه ؟
Post: #13 Title: Re: الي كورال الحزب الشيوعي .. مافي زمن يا شباب Author: Mohamed Elnaem Date: 03-31-2010, 01:17 AM
هلا يا شباب ..... بدءً فى هذا البورد يوجد أسيل الأمين وهو أحد مبدعى الكورال , من المفيد جرجرته الى هذا البوست لتسمعوه رأيكم و مقترحاتكم الفنيه , رغم علمى بانشغاله بالدعايه الإنتخابيه و يا خدر انا سألت نفس سؤالك ده للشباب ....لماذا يغنون بعربى جوبا و بلهجات كردفانيه و درافوريه؟ فاجابونى بأنهم يفعلون هذا عن قصد , وفى رأيهم انه من الواجب توسيع صدى الخطاب الحزبى ليصل مناطق ما يسمى بالهامش , وأخبرونى بان فروع جديده للحزب نشأت حديثاً فى بعض المناطق , كان لزاماً عليهم مساعدتها بتوفير شعارات مُغناة فى قالب كورالى باللهجات المحليه ...و زادونى بانهم لحنوا بعض الأعمال بلغات أهل شرق السودان أيضاً . و أعتقد أن معهم حق فى ما ساقوه من أسباب . ولكن تبقى ملاحظتك عن طول الأغنيه وقالبها الموسيقى . وفى هذا الشأن يمكن أن يفيدكم عضو البورد أيضاً , الصديق الشاعر عاصم الحزين فهو صاحب معظم الأشعار التى غنوها بعربى جوبا و لهجات كرفان و دارفور .... أمر أخر كنت قد ناقشتهم فيه و اتمنى ان أسمع رأى فنى حوله يا خدر و دكتور محمد مكى , وهو فى إعتقادى أن ما ميز الكورال السابق هو الإعتماد على عنصر الصوت البشرى بشكل كبير و إعطائه مساحه اكبر فى لحن الأغنيه . وهذا له أثر كبير فى رسوخ الأغنيه و معناها فى ذهن المستمع , وفى ظنى ان الاغنيه البرنامج كما هى طبيعة اغانى الكورال , تختلف عن الاغانى العاطفيه وغيرها . فى كونها يجب أن تُصدِر للمتلقى ليس الكلمات فحسب بل إحساس المُغنى و إنفعاله الثورى أيضاً وهذا الإنفعال الثورى لا يمكن أن يُصدره اللحن فقط بل الإنفعالات التى يبثها المُغنى . و مدى تأثير الأغنيه الثوريه على المستمع فى رأيى يعتمد على الأتى فى ترتيب تنازلى : كلمات الأغنيه اولاَ , الإنفعال الذى يُصدره المغنى ثانياً , ثم لحن الأغنيه أخيراً . وفى إعتقادى أن الكورال الجديد مُــقصِر فى مسألة المساحه التى يُعطيها للصوت البشرى فى اللحن . ثم فى إكثاره من الأصوات الآليه . بمعنى طغيان صوت الكيبورد و مايحدثه من ضوضاء مزعجه , على حساب الصوت البشرى و الوترى فى لحن الأغنيه .
Post: #14 Title: Re: الي كورال الحزب الشيوعي .. مافي زمن يا شباب Author: خدر Date: 03-31-2010, 02:31 PM Parent: #13
شكرا ود النعيم سأعود للرد لاحقا و اتمي حضور الزملاء اعضاء المنبر لنتناقش حتي نصل لافكار جيدة و جديدة
Post: #15 Title: Re: الي كورال الحزب الشيوعي .. مافي زمن يا شباب Author: Mohamed Elnaem Date: 03-31-2010, 02:47 PM Parent: #14
وردتنى عبر الإيميل الرساله أدناه من أسيل الأمين
محمد النعيم يا صاحب كيفك؟ .. شديد آآبوي؟ تابعت البوست الموسوم بـ(الي كورال الحزب الشيوعي .. مافي زمن يا شباب) على سودانيز، وللأسف الشديد لم استطع التداخل بسبب مشكلة في الباسوورد دامت ثلاث اشهر حسوما .. حرمتني من نوازع ابداء وجهات نظري في ايام الشَّده العلينا دي، وما اجدت رسائلي لإدارة الموقع شيئا .. اخشى ما اخشي يكونوا قايليني هكر.. ما علينا... ممكن عبرك – لو تكرمت بطبيعة الحال- اتواصل في البوست ده الى أن يرضى صاحب البوست وارضى.
المهم في الأمر.. سلامي لطارق ابو عبيده ومحمد مكي و..... عندي بعض الملاحظات اوردها ريثما............
· الحديث حول دور ومهام الكورال اتفق معه تماماً ولا اظن أن هنالك اختلاف حول في الأصل. · بخصوص تقييم الكورالات 86 والجامعات والكورال السري لم استغرب عدم ايراد المعايير التي تم الاستناد عليها في ذلك، فلربما قُصد ادخارها لمداخلات قادمة .. ولكن اثار حفيظتي –والحق يقال- الصفر الكبير الذي وُضع امام تقييم الكورال السري !!! · الحديث عن طول القصائد التي لا تناسب المناسبة (الانتخابات حسبما فهمت) ولا فكرة كورال الحزب السياسي فيه كثير من التجنى، فلو اطلعتم على اغاني الانتخابات الحالية لو جدتم أن اطول اغنية (ازيك يا مواطن 2:57) وهي ليست بعيده عن (محمد احمد همتك 2:44) .. بجانب انها تراعي البساطه والبساطه الشديده في النصوص الشعرية .. نحن ايضاً لم نتحرك قيد انمله من الوجهة العامة السابقة للكورال في 86 . · ربما كان من المناسب التجول في هذه الصفحه اولاً http://www.facebook.com/pages/kwrl-lzb-lsywy-lswdny/51031914830?ref=ts للتعرف على الأعمال الجديده ، وبالإمكان ايضاً الاطلاع على المعلومات حولها (شاعر، ملحن). ومن ثم يمكننا أن ندير نقاشاً موضوعياً
ترمه صغيره:- حزباً مرق للموت قلد القصه لا بت لا ولد
طارق ابو عبيده يا سمح ... زول بزعل منك مافي، وملاحظاتك كان صابت كان خابت محل تقدير واحترام و....... سهمك جميل.
Post: #16 Title: Re: الي كورال الحزب الشيوعي .. مافي زمن يا شباب Author: خدر Date: 03-31-2010, 03:11 PM Parent: #15
محمد النعيم شكرا كتير يا فنان لتكبد المشاق و نقل رسالة الزميل اسيل و يا اسيل انت سيد بيت ادخل و خلينا نتفاكر لانك معاصر بهناك و ممكن تدينا ابديت و نديك فيدباك الصفر الكبير المزعلك ده يا اسيل انا كنت مشارك فيهو , يعني لومي جزء منو واقع علي انا برضو بي مشاركتي فيهو ما يزعلك ساي .. بجيك راجع و نتناقش فيهو كلو , كدي خليني اسه امشي اسمع و اجيك اديك الفيد باك
Post: #17 Title: Re: الي كورال الحزب الشيوعي .. مافي زمن يا شباب Author: خدر Date: 03-31-2010, 03:35 PM Parent: #16
النعيم و اسيل الرابط بسوقك للصفحة الرئيسية للفيسبوك فتشت بي اسم كورال الحزب الشيوعي برضو مافيش فايدة فتشت عن طريق صفحات الحكيم نقد و برضو طلعت ملوص اسعفونا برابط صحيح يا رفاق
Post: #18 Title: Re: الي كورال الحزب الشيوعي .. مافي زمن يا شباب Author: باسط المكي Date: 03-31-2010, 04:10 PM Parent: #17
بوست وهيط . ياشباب .كدي طعمو .لينا بي اي شي ...ياريت بطاقة شخصية للانسان محجوب شريف .وياحبذا لو بقي تسجيل قديم للاستاذ عبد الطيف عبد الغني. وواصلو
Post: #19 Title: Re: الي كورال الحزب الشيوعي .. مافي زمن يا شباب Author: Azhari Nurelhuda Date: 03-31-2010, 04:22 PM Parent: #17
Quote: كتب محمد النعيم:
أن ما ميز الكورال السابق هو الإعتماد على عنصر الصوت البشرى بشكل كبير و إعطائه مساحه اكبر فى لحن الأغنيه . وهذا له أثر كبير فى رسوخ الأغنيه و معناها فى ذهن المستمع , وفى ظنى ان الاغنيه البرنامج كما هى طبيعة اغانى الكورال , تختلف عن الاغانى العاطفيه وغيرها . فى كونها يجب أن تُصدِر للمتلقى ليس الكلمات فحسب بل إحساس المُغنى و إنفعاله الثورى أيضاً وهذا الإنفعال الثورى لا يمكن أن يُصدره اللحن فقط بل الإنفعالات التى يبثها المُغنى . و مدى تأثير الأغنيه الثوريه على المستمع فى رأيى يعتمد على الأتى فى ترتيب تنازلى : كلمات الأغنيه اولاَ , الإنفعال الذى يُصدره المغنى ثانياً , ثم لحن الأغنيه أخيراً .
ده الكلام النجيض
Post: #20 Title: Re: الي كورال الحزب الشيوعي .. مافي زمن يا شباب Author: Mohamed Elnaem Date: 03-31-2010, 05:30 PM Parent: #19
يا خدر أظن فى مشكله فنيه فى صفحة الكورال فى الفيسبوك , و الى أن تحل المشكله كما اتوقع عاجلاً. أدناه بعض الأغانى و الألحان الجديده ...اتمنى ان تعالجوها بالنقد الفنى و الاكاديمى الذى لا شك أنه مفيد ..ويا شباب ركزوا شويه على النصائح و المعالجات السريعه و المجديه .
هنالك عدد كبير من الأغانى قد لحن يمكنكم الإستماع لها على صفحة الفيسبوك و فى إنتظار رأيكم و تقييمكم الناقد
Post: #24 Title: Re: الي كورال الحزب الشيوعي .. مافي زمن يا شباب Author: خدر Date: 03-31-2010, 06:06 PM Parent: #20
المسموع من الاعمال دي صوتك صوتك صغار و كبار اتنف ما دار جا
الباقي في مشكلة في الرابط بتاعو
Post: #21 Title: Re: الي كورال الحزب الشيوعي .. مافي زمن يا شباب Author: عبدالله احيمر Date: 03-31-2010, 05:31 PM Parent: #19
Quote: أن ما ميز الكورال السابق هو الإعتماد على عنصر الصوت البشرى بشكل كبير و إعطائه مساحه اكبر فى لحن الأغنيه . وهذا له أثر كبير فى رسوخ الأغنيه و معناها فى ذهن المستمع ,
دا كلام مظبوط 100 % الآن صوت الآلات والسـاوند ســيستم الغير مضبوط والازعاج الشــديد قاعد يكون سـبب في ضياع الكلمات على المسـتمع
Post: #22 Title: Re: الي كورال الحزب الشيوعي .. مافي زمن يا شباب Author: Adil Osman Date: 03-31-2010, 05:36 PM Parent: #1
Post: #23 Title: Re: الي كورال الحزب الشيوعي .. مافي زمن يا شباب Author: Mohamed Elnaem Date: 03-31-2010, 05:48 PM Parent: #22
هذا فيديو لورشة تلحين أغنية دارفور , من كلمات حميد
امسك شباطين الصراع الفكري صاح بالوعي بى شد البصيره على الشعاع الدغري راح نصله الصباح لا بالصياح لا بالتباكي على بوانكي اليانكي لا بالإنبطاح .http://www.youtube.com/watch?v=FjiXX6HWZ-A
Post: #25 Title: Re: الي كورال الحزب الشيوعي .. مافي زمن يا شباب Author: Mohamed Elnaem Date: 03-31-2010, 07:19 PM Parent: #23
Post: #26 Title: Re: الي كورال الحزب الشيوعي .. مافي زمن يا شباب Author: محمد مكى محمد Date: 04-01-2010, 00:00 AM Parent: #25
محمد النعيم سلامات ملاحظتك مهمة جدا,طبعا الآلة الأسياسية فى أى أداء جماعى هو الصوت والتوظيف الصحيح له,حسب أمكانية المغنين .فى كورال العيد الأربعين كنا كلنا(المغنين) هواة,وكان المحترفون ثلاثة (مصطفى وآمال النور وخالدة الجنيد) شاركنا أيضا عبداللطيف لفترة,ثم لم يتمكن من المواصلة,طبعا كل الموسيقيون كانوا محترفون,(وأمسكوا فى أستاذنا أزهرى ده كويس لأنو كان حاضر كل حاجة).المهم دربنا مصطفى ,ودربتنا خالدة,ودربنا وردى لما أشتغلنا معاه عريس الحمى , وأغانى أبريل والأكتوبريات, كان الأداء الصوتى يتحسن كل يوم.وعبدالرحمن بعبقريتة وخبرته وصبره الطويل علينا ,قدر يبرز امكانيات الأداء الصوتى المميز.(ده مجهود سنتين بنفس الناس).وأضم صوتى لكم بضرورة التركيز على الأصوات ,بكثرة التدريب وتربية الصوت, أزهرى أبوتابوت..سلامات ومشتاقين ياريت لو قدرنا نلم العجايز (زى ناس خدر) ونعمل لينا شغل. ممكن نقعد نكرب شغل عجايز تمام.
واضح إنو عبداللطيف بذل مجهود كبير.فى الأعمال الجديده.بس كلها بروح ونفس واحد.إذا غيرتوا شويه وشلتو أعمال لحنوها هواة ووزعتوها باحتراف بيكون كويس.
يا أسيل سلامات مبروك لمجهودكم.بس الغلط تكونوا ماسكين فى 86 ,غنوا لجسلكم باللغه البيفهمها وباللحن البيفهمو والإيقاع البيطرب ليهو.وتذكروا أنكم ماحتقدموا شغلكم فى لاسكالا لكن فى مسرح معمول من ترلتين بطاح. تقديرى للجميع
Post: #27 Title: Re: الي كورال الحزب الشيوعي .. مافي زمن يا شباب Author: Mohamed Elnaem Date: 04-01-2010, 09:23 AM Parent: #26
سلام ......
وشكراً للجميع على الملاحظات الأبدوها ....... في الحقيقه انا مؤجل التناقش حبتين كده لحد ما انزل لينكات الأغاني عشان بالمره كده نتناقش في كلو ... وبى تحت تحت اظني بدردق لبوست توثيقي لمسيرة الكورال الاتعدت ربع القرن.
اها بقى دي لنكات الأغاني بتاعت فترتنا -عجبني تقسيمك يا طارق - بالمناسبه راجع النك في الفيس بوك
الأرض/ كلمات: ازهري محمد علي- الحان: علاء سنهوري http://www.upload- mp3.com/files/173817_3fkyj/%D8%A7%D9%84%D8%A3%D8%B1%D8%B6.mp3
تنويه:-
· اغنية "انتنق ما دارجا؟" تم اجراء بعض التعديلات على كلماتها، وتكرم الصديق محمد النعيم بسحب النسخه القديمه من البوست- له الشكر الجزيل.
· اغنيات : ( ماها حرابه، كون مسئول، صوتَك صوتِك، صغار وكبار) جميعها من كلمات والحان عبد اللطيف عبد الغني.
تحريض:- · يا اخوانا ما تشوفو بكري يرجع لى باسووردي، بدل ما كل دقيقه اجي ناطي بى ايميل نعيم
أسيل الأمين
Post: #28 Title: Re: الي كورال الحزب الشيوعي .. مافي زمن يا شباب Author: محمد مكى محمد Date: 04-01-2010, 10:32 AM Parent: #27
·
Quote: يا اخوانا ما تشوفو بكري يرجع لى باسووردي، بدل ما كل دقيقه اجي ناطي بى ايميل نعيم
أسيل الأمين
نرجو من الأخ بكرى إرجاع باسوورد أسيل. مع التحية.
Post: #29 Title: Re: الي كورال الحزب الشيوعي .. مافي زمن يا شباب Author: خدر Date: 04-03-2010, 11:50 PM Parent: #28
بعد قرار الحزب الُمشرف بالانسحاب من الانتخابات المهزلة يجب تعديل العنوان الي الي كورال الحزب الشيوعي .. الزمن كافّ يا شباب
مشغول بي بوست آخر و ساعود, واصلوا النقاش رجاءَ
Post: #30 Title: Re: الي كورال الحزب الشيوعي .. مافي زمن يا شباب Author: Salah Abdulla Date: 04-04-2010, 05:56 AM Parent: #29
طارق وجماعتو المزيكاتية .. إزيّكم ..
Quote: محجوب شريف ده مؤتمر وطني ؟
احكي يا صلاح وقول (انا لا اعلم تأريخ الاغنية )
محجوب شريف ده حقنا عديييييييل، والغنية دي حقت الحزب رسمي وشعبي ، ودي ما فيها كلام لكن علاقة وردي الكان صغير ده بيها شنو ؟؟؟؟؟؟
علاقة سمعي بانتاج كورال الحزب توقفت عند الاحتفال بالعيد الأربعين. وبصراحة كلامكم الفوق ده ما قريتو وما عارف عن الكورال أي حاجة ..
تاريخ النشيد ده بعيد يا خدوري ، وداخلين فيهو ناس كتاااار ناس عثمان النو - حفيظ - صلاح جيتار - الأستاذة عواطف - والاستاذ الصحفي محمد الياس السني وعدد من طلاب معهد الموسيقى في ذلك الوقت (1984 - 1985) ياخ ده مستر كيم زااااتو دخل في الموضوع ده .. وهناك أسماء سقطت من الذاكرة . ويا طارق في الوكت داك ماكانش في حاجة إسمها عقد الجلاد ..
يوم بجيك ليهو بي رواقة كده ، وأوقّع ليك النضِم ده..
------------------------------------------ بالله عبداللطيف عبدالغني أصبح مناضل ،، وفنان حزبي...
), الهادي تحدث حديث الخبير عن كل الفعاليات الإنت وانا ذكرناها و اظنه الان مرجع اساسي للكورال الحالي بحكم خبرتو الطويلة البتديهو الحق انو يتحدث للميدان عن الشق الفني في العمل الدعائي الحزبي .