اكتســااااح

سيكتسحكم .. المؤتمر الوطني ..
(يـــا ....)
.
.
النايمين علي حيلكم ..

(النايمين علي حيلم) .. فئات وشعوب وقبائل واحزاب ..
(النايمين على حيلم).. هم من يراهنون على ورقة التوت .. ورقة توت المنبر العام التي لطالما سمعنا عنها في هذا المنبر .. وتأتي ورقة التوت عادة طايره كلما ذكر اسم الحكومة ..
فمنهم من يقول البشير يرقص ولا يغطي عورته بورقة التوت
بعضهم .. يقول .. البشير يرقص وورقة التوت التي يغطي بها عورته انكشفت ..
.
.
عشرين سنو ونيف .. ورقة التوت دي تسقط .. وفي كل موسم تنمو ورقة توت جديدة ..
ليه ماشين لي التووت .. ما كان تشوفو ليكم ورقة (خروع) .. يا ورقة (جميز) يا ورقة (حنة) على الاقل كان اموركم ظبطـت ..

نعم سيكتسحكم البشير ..

Quote: بعضهم .. يقول .. البشير يرقص وورقة التوت التي يغطي بها عورته انكشفت ..

وأمِس كمان بقى يغني في الدوحة يا تمبس!!! الشكية لله...

Quote: وأمِس كمان بقى يغني في الدوحة يا تمبس!!! الشكية لله...

.. مش احسن يغني هو يا أبوالحسين .. بدل ما الجماعة يغنو ويرقصو ..؟
على الاقل متعودين علي غناهو ورقيصو .. عشرين سنة ونيف ..
والله بالشايفو دا .. اخير الغناء والرقيص .. عشان الناس تعرف حاجة وتحفظ غناهو .. لما بعدين يجي يغني يقولو ليهو غناك قديم .. سمعناهو لينا عشرين سنة ونيف ..
الخوف كل الخوف .. في مقبل الايام .. يعمل ليهو فرقـة موسيقية ..
بالمناسبة:
والله في زعماء احزاب اصواتم سمحة خلاص .. وبيحفظوا بسرعة .. وبتاعين الاورغنات راقدين هبطرش ..
لذلك:
ترقبوا الالبوم الجاي .. ح يكون تحفة .. بس الناس تخلي روحه رياضية ..
طبعا ما كل الناس ..
الناس النست الناس بس ..

Quote: نعم سيكتسحكم البشير ..

إزيك يا عريس

ايوه حيكتسح البشير بالتزوير

لا اظن البشير سيكسب ب 51 بالمئه

ولا رايك شنو

Quote: إزيك يا عريس ايوه حيكتسح البشير بالتزوير لا اظن البشير سيكسب ب 51 بالمئه ولا رايك شنو

.. إزيك يا نادر .. كيفنك ..؟
رائي واضح جدا يانادر .. اكتساااح.
بي صراحة يا نادر التزوير دي شماعة تعبانة جدا .. سمعنا بيها كتير وبقت عاملة زي ورقة التوت بتاعت المنبر المذكورة اعلاه ..
وعامله زي شماعة التحكيم فاشل .. بتاعت الكورة.
انا اظن أن البشير سيكسب بي مليون وواحد وخمسين .. ودا استنادا للواقع الشايفو .. والمعطيات كتيرة جدا لمن مسيخة
انا متابع جيد جدا لكل الحملات الانتخابية التي دشنت خلال الايامات السابقة ..
بصحى الصباح بفتح راديو السودان .. وبسمع البرامج الانتخابية للمرشحين بتاعين الاحزاب .. بي صراحة كدا .. معظم البرامج والاطروحات دي مكررة .. ومنسوخة من بعض .. بالاضافة لي إنو معظم الادوار مكررة بتكرار الشخصيات على خشبة المسرح نفسه والذي سبق وأن تم فيه العرض فقط باختلاف المكياج .. والبعد العمري يحسب ضمن دورهم في الحكم وفرصتهم السابقة إلى الحالية مع خصم عدد السنوات التي انجزت فيها الانقاذ بناء جيل كامل يحتاج إلى سنوات ضوئية لتفكيك العقلية المبنية بي تخطيط سليم .. وبعضهم طرحهم إذا ما كان مضحك فهو اشبه بالمضحك .. وحكومة المؤتمر الوطني طورت خطابات عملية متقدمة على أرض الواقع ..
اي حشد جماهيري الناس بتهتف للشجرة بي مختلف اعمارهم .. والوانم .. بترقص مع الرئيس في حالة لا وعي تامة ..
هناك من يقول انهم تم حشدهم ..
طيب ما اختلفنا .. حال إن المؤتمر الوطني قادر على حشد هذا الكم الهائل من البشرية العميان شايل المكسر وعلى مد البصر .. البمنعو شنو من الواحد وخمسين ..؟
يا نادر كدي خلينا نطلع من الخمسينات دي .. ونتناقش في التسعينات .. كدا المسالة بتكون شوية معقولة ..
حملات بعض الاحزاب الانتخابية في تدشينها اشبه بي بيوت العزاءات يوم الصدقة ..
حتى الحزب الشريك .. اعتمد في دعايته على تشتيت الكورة .. وعلى سلوكيات لا تقدم ولا تأخر .. انتهج نفس نهج البورد .. في تصفية الحسابات وفتح المزيد من الثغرات التي تحسب عليه .. وتناسى انه يكرر في نفس الخطاب المعتاد ونفس المفردات العنترية التي تردد من فترة والتي لا تسمن ولا تغني من جوع .. في حين أن نفس الخطابات العنترية اجاد المؤتمر الوطني تطويرها كل يوم في شكل تحدي عندما خدمته الظروف .. حتى اصبحت عنوان في الميديا .. وترويسات خطابات على اعلى المستويات .. اصبحت خطاب موجه للجينات الوراثية بشكل سايكولوجي ضمن انقياد السواد الاعظم من البسطاء .. وغيرهم ..
يا نادر مجرد التلويح بي تزوير الانتخابات .. دي اول خطوة تجاه الفشل واول خطوة بتقوي الجانب الآخر .. في ظل خطابهم المبني على ضمان جدية الانتخابات .. ونزاهتها والذي ترجم بالمراغبين الدوليين ..
يعني مسالة الناس تمسك في الرهيفة دي ويقعدوا يبكو من أول دي مرحلة حقو الناس تتجاوزه .

هلالابي ..
وترجع من غير ما تكلمنا ..
وفجأتن كمان أكتشف إنك مؤتمر وطني
شوفت المتوالية بتاعت الصدمات دي كيف !!

ما دور المنبر الــعام في هذا الاكتسااح:
الكتابة في الموقع مسئولية فردية .. يتبناها صاحبها .. وهي تعبر عنه .. تنتفي هذه الصفة حال تبنيه وجهة نظر جهات محددة أو حزب أو جماعة بعينها ..
تبني وجهة النظر يكون عادة بعدة اشكال .. أما منضم لهذه المنظومة أو .. لافح سااي .. أو لسان حال الجهة ذات نفسها ..
في كل الأحوال .. العامل الرئيسي لضمان استيعاب الفكرة الاساسية .. او وجهة النظر المقنعة أو حتى التعاطف الغير مشروط .. أو التحييد هو المصداقية .. والعقلانية .. في الطرح وعدم المغالاة ..
سياسة النفس الطويل .. سياسة السياسة نفسها .. الوقوف في الجانب السليم والانحياز التام لقضيتك وضمان وصولها للطرف الآخر بما يضمن هضمها بشكل جيد ..
لقطع الطريق لردة الفعل العكسية التي بالمقابل ستعمل على دراسة وجهة نظرك وتفكيكها وجعل جسم مضاد لمحاربتها.
الأفراد:
سهولة التعاطي مع الكتابة في كل الأحوال تحت بعض الضغوطات النفسية أو من أجل التسلية .. وتقضية الوقت خلق للبعض حصانة يعتقدون انها .. تمنحهم حق مواجهة البعض حتى في قناعاتهم الشخصية .. مع توفر كافة الحقوق لهم لاستعمال العنف باشكاله المختلفة .. وصل حالات بعيدة صعب الرجوع منها.. أو الاعتذار عنها.. بالمقابل تضامن البعض من دون التوجيه السليم .. اضعف واضر بهم ذات نفسهم ..
الجماعات:
منضوية تحت حزب واحد أو شللية .. أو تجمعهم مصالح مشتركة ..
ناس الخم واللفحي .. والهتافات .. والمتشنجين ..
هذه الفئة .. يحمد لها كثيرا أن نالت شرف الاسهم العالية التي ساهمت بها في عملية الاكتساح .. من هنـا من داخل المنبر .. ومن ثم التصدير للخارج في حدود امكانية من يطالعون هذه المساحة .. أو محيطها.
كل السلوكيات القديمة .. اصبحت تراكمية وبقت مكررة .. غطت على ما يقوم به البعض من عمل جيد .. وفرغ كل القضايا من محتواهـا ..
الشخصيات النمطية التي ادمنت العداوة لغيرها حال الاختلاف .. اصحاب النعرات العنصرية .. اصحاب الاخبار الكاذبة والبيانات الملفقه الذين عادة ما يتبخرون حال اكتشافهم .. فرد واحد من ضمن المنظومة يمكن أن يطيح بكل عمل جاد لمنظمة كاملة .. هذا إن ثبت جديتها في حسم المسالة وما يضمن فيه حقها الكامل ..
بالنظرة إلى مراحل البورد .. وسلوكيات البعض .. الذين هم على راس القضايا المصيرية .. نجدهم في ظل خلق مساحة وقاعدة جماهيرية لهم .. تناسوا أن نفس القاعدة إذا لم تبنى بأرضية سليمة قوامها احترام الآخر واحترام الكلمة سسينهار كل البنيان حتى إن لم تعمد جهات على ذلك ..
بي صورة أوضح ..
البعض منهم اصبح لا يطاق .. لعدم مصداقيته .. أو في نفس قاعدته التي افترضها لنفسه .. لتسلقه للقضايا وعدم الانتباه لحجم الضرر .. خلق منه .. مطية .. سهلة التسلق .. ولاعب سيرك في مكان لا يحتمل اللعب ..
اسلوب بعضهم الذي كان من الأحرى تقويمه في فترات سابقة .. بشكل عقلاني ، اصبح الآن مكان مجابدة ومحاولات دفوعات معنوية من البعض .. بعد خراب سوبا ..
كل الانعكاسات السالبة هنا .. مسحت ما تبقى من القليل جدا في مخيلة البعض أو خطوط الرجعة التي كان من الممكن الاحتكام لها لخلق موازنة في الواقع .. معظم اتباع الاحزاب المعارضة مع احترامي لهم .. اصبحت مصداقيتهم لا تقود إلى حيث الدعم المطلوب في المرحلة .. اصبح مجرد وجودهم أو حديثهم في شأن متعلق يدعو إلى الشفقة .. والرثاء .. عليهم وعلى من هم على قمة مرشحنهم .. وهذا واضح من خلال التعاطي هنـا .. في هذه المساحة ..

Quote: هلالابي .. وترجع من غير ما تكلمنا .. وفجأتن كمان أكتشف إنك مؤتمر وطني شوفت المتوالية بتاعت الصدمات دي كيف !!

.. يا محمد عمر .. وين الحي بيك ..؟
يازول هلالابي .. وكاسي طووويل .. وارد الامارات
يازول انا بعد اجازتي خلصت .. اخدت فوق ليها تاني اسبوع .. بقيت بتاع شعارات زيك وزي خالد بحـر ..
تصدموا الواحد وتودوهو المستشفى ..
وتجي تقول اتصدمته ..
غايتو كان صدمته ساي كدا فيني .. ما عندك مشكلة جبصك علي .. في حال الصدمة مدوية
لكن كان صدمته في الموتمر الوطني دا .. فابشرك .. كتر شوالات الجبص .. والله فيك حلات دين .. تجبيصة

عملت لي شنو فيما يتعلق بي وعدك ..
ما يطلع وعد بلفووور ..

إنت قايل شنو يا علاء ...
القناعات دي ما بتجي ساااااي كده .. في تجارب ومعارف تراكمية بتخلي
الزول يكون فكرة .. أو معتقد عن زول / جهة / حزب سياسي ..أو حركة مسلحة
تتباعد الأفكار أو تتقارب بالصورة البتخلي الزول يبقى جزء من الناس ديل .. أو بعد ما يقرب
منهم شديد يكتشف حجم الغلط والصدمة ..
في ناس عاقلة جدا وواعية دايما بتعمل خط رجعة just in case
عشان ما تبقى عليهم زي ما بقت على ناس خالتي فرنصا - بالرجوع لتسمية عزيز دنياه أخونا وهبة -
لكن .. الشاهد في الموضوع كلو .. إنك ما تبقى زول إتجاه واحد ... يعني ما إلا تعيش التجربة براك عشان
تعرف الصح من الغلط .. ده بالمناسبة تفكير نسوان .. آآآي والله يا علاء ده تفكير ستاتي شديد
قولي كيف ؟؟
هسي في معشر النساء بتلقى المرة مهما قالوا ليها .. وحكوا ليها ما بتعرف الله حق إلا بعد ما تجرب هي بي ذات نفسها
مثلا .. لو قالو لي المرة أووووعك تزعلي الراجل .. أووووعك تخليهو يشوف وحدة تانية .. وتلقى زولتك لا زالت تعمه في غيّها
لحدي ما فجأة تلقى الراجل جاب ليهو مرة تانية وجاها..
لكن هسي أنا ومعاي كم زول في المنبر ده لو قلنا ليك يا علاء ياخ ما تمشي الإمارات رغم الهيلمانه بتاعتها دي
وقلنا ليك غالية ووسخانة وووو ... إلخ حتى لو كنت بتخطط منذ عامين خلو .. إنك تمشي الإمارات ها تجلّي الفكرة
وتشوف ليك بلد تانية ..
ما عارف غايتو كان الفكرة وصلت وللا لأ .. وإياك ثم إياك تفتكر إنو الكلام ده محاولة لزعزعة مرتكزاتك وقيمك
البتدافع عنها بتاريخ وجودك في البورد .. أبدا والله .. بالعكس مبسوط أنا من صراحتك ومجاهرتك بالحاجة دي
بس .. هي محاولة للونسة معاك عن تابوهك الإنت عامل ليهو حفرة وقافلو بي خرسانة ده ..
وفي رواية أخرى بي جبص
ـــــــــــــ
عن الوعد إياه .. تأكد بما لا يدع مجالا لليقين في الحفظ والصون

تمبس ياخوى المثل البقول البخاف من المرفعين بلاقيه ما سمعت بيه ولا شنو

يأخى لو انت شغال بنظريتنا بتاعت لو عايز فريقك يفوز شجع الفريق الخصم ، فى دى بالذات ما اظن تظبط

خلينا بتفاؤل بالخير تجدوه

21 سنة كفاية على هذا الشعب الغلبان

يأخى هذه النبواءة محبطة جداً ، دعنا نتفائل حتى يقضى الله امراً كان مفعولا





تحياتى
التعديل لحذف مزحة ربما لم تتوفر الارضية المشتركة لها بعد

في بوست .. من (البوسطات) الشبيهة ..
كتبت ..
كلنــــــــا البشير ..
تبرع العديد من زعماء سودانيزاونلاين .. وعلماء المعارضة وبعض السابلة .. وبعض فلول الناشطين .. والمسلحين .. وبعض انصاف المثقفاتية .. وبعض الذين اعتقدوا إن بكتابتهم سطرين في اي موقع الكتروني كفيلة بأن تجعل منهم قادة وسادة .. وعلماء ..
تبرع هؤلاء مشكورين:
بي فرمالتم الواحدة .. يا كوز .. يا امنجي .. وهاااك يا شتيمة ..
راهنو وقتها على تسليم الشعب .. للبشير .. اي أن يقوم سواد الشعب السوداني بتسليم الرئيس الذي جاءهم على ظهر دبابة .. وووقت صدور وإذاعة القرار الاوكامبي .. عبر المسافة من الكلية الحربية بكرري حتى .. الخرطوم وهو على ظهر سيارة كاشفة بعد أن اصطفت على جنبات الطروقات وعلى طول المسافة جموع المحيين .. وهتفت اخوات نسيبة وغير اخوات نسيبة وقتها وزغردن ..
شفتو زغردن دي كيف ..؟

في عبور البشير .. كان المنبر العام بسودانيزاونلاين .. يغلي.
بعضهم وزعوا حلوى (ابوبقرة)
بعضهم وزعوا مكسرات .. بعضهم وزعوا (معجنات) .. وهدايا وزهور ..
بعضهم ضربوا الرمل ورمو الودع .. وافتونـا عن نزوح أهل العاصمة القومية .. حال ما يصدر القرار الاوكامبي ..
فكان الرئيس يرقص على ظهر سيارته المكشوفة:
قلنا ليهم يا جماعة الحبه ما بتجي للرئيس .. وماف زول ح ينزح .. ما صدقونـا
حال رقيص الرئيس على ظهر سيارته المكشوفة:
تبرع بعضهم بأخبار الاسطول الامريكي الذي تحرك صوب بورسودان .. وعمليات الانزال التي ستأتي بالرئيس السوداني وتسليمه للمحكمة بلاهاي ..
تخيل عزيز بشاشا القارئ .. اسطول أمريكي كامل
لحظة رقيص الرئيس على سيارته المكشوفة :
وكالات السفر والسياحة .. بالمنبر ارتفعت اسهمها في البورصة العالمية .. وتبرع معظم موظفيها بالمنبر العام .. بتذاكر الرئيس وحددوا المسافة والحيز الجغرافي الذي سيتحرك فيه .. واحدين قالو حدو كتير العوامرة ..
واحدين قالو حدو .. كبري شمبات ..
واحدين قالو حدو .. جبل أولياء .
واحدين قالو .. والله كان وصل أم دقرسي يكون بالغ ..
..
.
حسع ليهو يومين بيرقص في الدوحـة ..
بيرقص في الدوحـة عديل كدا ..
يرقص في أرض المعارض ما يعجب عبد الماجد تربيع .. يرقص في الدوحـة .. الجماعة يسردبو..

ما دور المنبر الــعام في هذا الاكتسااح:
دي ممكن كان تكون ورقة عمل .. بدل ورقة التوت بتاعت ناس استيف .. ومرتضى جعفر .. إلخ..
ورقة توت كان ممكن تناقش هنـا بدلا عن الدعايات الانتخابية والترويج الهزيل للبعض
ورقـة عمل .. كان ممكن أن تناقش في خارج المساحة ورفد المكان ببعض الحلول والمقترحات التي تتوافق مع متطلبات المرحلة .. لو فرضنا جدلا أن الموقع اداة تخاطب عامة الشعب أو بصورة أوضح لو كان السواد الاعظم ينظر للموقع كقيمة فاعلة واداة تغيير .. للافضل .. ولو فرضنا أن السواد الاعظم ايضا يتعاطى الانترنت من ضمن اهتماماته اليومية كما يتعاطى القهوة والشاي والفول
..

سأنتخبة ... لبس حبا في المؤتمر الوطني



ولكن من باب ( جنا تعرفو ولااا جنا ما بتعرفو )























..

اختلاف
مع كلامك
نتفاهم ... و بيننا الاحترام و الود المعروف
اكيد بجيك .. لأن جزء مما تقول - و اتفق معه بالمناسبة لكن من زاوية شوف تانية - يستحق ان نتحاور حوله.
سلام

Quote: اختلاف مع كلامك نتفاهم ... و بيننا الاحترام و الود المعروف اكيد بجيك .. لأن جزء مما تقول - و اتفق معه بالمناسبة لكن من زاوية شوف تانية - يستحق ان نتحاور حوله. سلام

ح اقفز ليك مباشرة .. اختلفنا ام اتفقنا .. الحاجات قاعده ..
لسه كلامي كتير وما كملتو ..

اخي العزيز تمبس..
لا ادري ولكن أظن أن من كانوا ينعتوك بالامنجي والكوز هم نفسهم كانوا يضحكون وهم يطقطون في الكيبورد
فلا أظن ، لا أظن أن هناك أحد بهذا القدر من الغبــــــــاء.


أما عن الاكتساح..
كلما اقرأ في المنبر العام لسودانيز أون لاين اتعجب ، ولكن لا يقاس هذا بمدى تعجبي هذا الأيام في الشطحة اليومين دي بقت من النوع الـ (اكستريملي)
واخشى ما أخشى أن تكون (الهمبوكة) التي ظل ينفخ فيها اصحاب الامنيات الواهمة في المنبر العام تطرشق في مقدمة الـ(نخرة) فتسبب الحساسية الدائمة
بصراحة يا أخوان لي أكثر من شهر أعمل على استطلاع شخصي (حقي براي) ، لم ارجع فيه الى صحيفة أو جهاز اعلامي او مركز اكاديمي
وأقسم بالله أن الغالبية الغالبة الساحقة ممن اسألهم في الشارع وفي مناسباتنا الاجتماعية وفي لقاءتنا الوظيفية وفي كل مكان في ام درمان والخرطوم وبعض
المدن التي زرتها ، أغلبية هؤلاء لا يثقون في من جاءهم مترشحاً بديلاً لحكومة الانقاذ ،
والله ان غباءاً موغلاً في الغباء يجتاح الحملات الانتخابية ، وهم في الاصل لا يفهمون أنه حتى بالحملة الانتخابية لا يمكن نيل المراد ، عندما تتركز هذه الحملات على سوء المؤتمر الوطني وفظاعة البشير ،

وهذه تمنياتي الانتخابية..أن يفوز عن الدوائر النيابية من هم الأجدر ، من أي حزب لا يهم (ماعدا الحركة الشعبية والشيوعي)
اما الأغلبية ، والرئاسة فـ ناسا في ، أبشر يازوول ابشر

مؤنة عام من الود لاعضاء سودانيز أون لاين من ينظرون الآن الى باغة العسل وبيدهم العكاز

تعرف يا تمبس

مداخلة حذيفة الكباشي دي تعبر عن نسبة كبيرة جدا من هذا الشعب انا واحدة منه،من باب الجن البتعرفو، المؤتمر حيكتسح ليس من اي باب تاني ،صدقني،


تمبس
لو تابعت الفيلم الشهير الـ Anacondas بطولة جنيفر لوبيز وكريستال الين وايس كيوب...الخ ، لما ظهرت ليهم الاناكوندا قبل ما يصلو لزهرة الاوركيدة المحاطة بالمخاطر ، جزء من الشباب ديل بقوا ما عايزين يصلوا مرحلة اخطر من الوصلوا ليها(الجن البتعرفوا) والجزء الآخر فضل المواصلة ، واذكر انه الممثل ليندن اشبي ، اصر على المواصلة واجبر باقي المجموعة على ذلك ، لكنه خسر هو في النهاية



الفيلم دا بيمثل المرحلة بتاعتنا دي..

اها الحكومة دي زي الاناكوندا ، ونحن لا نحلم بالوصول بزهرة الاوركيدة التي تطيل العمر

Quote: مداخلة حذيفة الكباشي دي تعبر عن نسبة كبيرة جدا من هذا الشعب انا واحدة منه،من باب الجن البتعرفو، المؤتمر حيكتسح ليس من اي باب تاني ،صدقني،

..
عارفه يا شيمو لحدت قريبات دي ما كنت مقتنع بي نظرية الاناكوندا والأوركيدة ..
لو كنا اكتر دقة:
الواقع وراني تجارب كتيرة جدا .. ما ليها علاقة بالسايبر وبي كل الاحلام المنسوجه هنا ..
نماذج كتيرة جدا سايبيرية .. واقعه مختلف تماما .. بتشبه الفرق بين النظري والعملي في الاكاديميات ..
هنا نظري سايبيري .. وهناك عملي واقعي .. راجعي ردي لي حذيفة شان تعرفي حاجة ..

Quote: ح اقفز ليك مباشرة .

ايوه يا تمبس ..
اقفز واليحصل يحصل ..
اقفز لهم وطرشق ليهم الهمبوكه النضاليه بتاعتهم دي ..

شكرا ياعلاء الدين ؛

اري انه صادف هواً لاصحاب الشجرة وغيرهم ؛

ولاعزاء لاصحاب الشواكيش.

تدشين ياسر عرمـان مرشح الحركة .. لحملته الرئاسية من الموردة وتحديدا من منزل علي عبد اللطيف .. ومن نفس المصطبة التي كنا نحيك فيها مؤامرات الطفولة .. وحرب .. حرب .. لهو ضرب من حراق الروح ..
حراق روح اشبه بي غناء وصوت حمد الريح في تدشين حملة البشير (الانتقامية) باستاذ الهلال العظيم .. منطقة الموردة دايرة مقفولة لاحزاب تقليدية قديمة ... الشيوعي .. الأمة .. الاتحادي .. أ،ا ما عارفو الجابو هنا دا شنـو..؟
الشيــوعي .. لا اعتقد أن فيه ما تبقى للصمود .. عند عودتي للسودان بعد سبعة سنوات غياب .. وبالوقوف على الاطلال .. اتضح ان الكثير من الرفقاء الكويسين من الحـزب .. جلو الفكرة دي .. العناصر الذين تعودوا على النضال وتجهيز حقايب المعتقل التي تحتوي على فرش الاسنان وبعض الجلاليب وكتب النظريات ذات الأوراق الصفراء .. شباب تلك المرحلة والذين كنا نشهد لهم بالبسالة الشديدة .. وإدارة الاجتماعات حتى في حديقة الموردة وفي شوايات الموردة وتمرير المحضر .. اصبحوا كهول اليوم .. وفي غياب القيادة العليا تحولوا إلى اصحاب قفه ومعايش .. وكرسي يتابع ضل العصريات .. الواحد تقول ليهو كيف يا زميل .. يقوليك زميل في عينك .. علماء الفكرة منهم .. فيهم من رحل وفيهم من خرررف وما ورثوا الفكرة إلى ما خلفهم .. إذا كان اعتماد الحركة على الدعم الشيوعي كحليف استراتيجي .. فياسر بالغ .. وفي الموردة بالذات ..
الأمــة: ح تقاتل فيما يتعلق بيها وبي مصالحة المشتركة في داخل تنظيماتها المتشظيه .. وتحاول جاهدة على خلق موطئ قدم لها باعتبارات قديمة وتجربة سابقة عندما كان هناك من يقوم بالرعاية الكاملة للحزب من كبار السن والولاء المطلق جدا .. الولاء حاليا اصبح للاقوى نفس قانون الغاب ..
الاتحادي .. ينطبق عليه ما ينطبق على الأمة .. بالكربون ..
بقيت الاحزاب والتنظيمات الأخرى .. لا وجود يذكر لها .. إذا لم نرجح الكفة للبدون أو المحايدين ..
استحالة تحالف بين الاحزاب الكبيرة كل حزب لصالح حزب آخر ..
لذلك ..
كان من الأحرى أن ياسر عرمان يشوف مكان مناسب لتدشين الحملة والتي هي اشبه بالضربة الاولى والتي يعول عليها كثيرا في الاستعراض ..
عرمان أظنو أوعى من إنو يعشم ليهو في صوت من الموردة .. وما جاورهـا ..

Quote: اخي العزيز تمبس.. لا ادري ولكن أظن أن من كانوا ينعتوك بالامنجي والكوز هم نفسهم كانوا يضحكون وهم يطقطون في الكيبورد فلا أظن ، لا أظن أن هناك أحد بهذا القدر من الغبــــــــاء.

.. سلامات يا محمد فرح الاغبياء كتيرين .. والمشيلين الناس القفه كتيرين والممثلين اكتر منهم .. والله بالنسبة لي اخير كوز عديل يثبت على موقفو .. من مناضل .. النضال بي جهة وهو بي جهة .. ما كترم وما اجبنم في الموقع .. وللاسف معظمم متصديين للقضايا المصيرية والمهمة .. ولعلعة وطولة لسان .. وتصنيف وفرز ..

Quote: وبعض المدن التي زرتها ، أغلبية هؤلاء لا يثقون في من جاءهم مترشحاً بديلاً لحكومة الانقاذ ،

.. شهر اربعة قرب يا فرح .. والفرز ببدا والناس بتعرف حاجة .. والما عندو رقم تصويت حقو يسكت من حسع دي ويبطل فوضى فارغه ..

Quote: سأنتخبة ... لبس حبا في المؤتمر الوطني ولكن من باب ( جنا تعرفو ولااا جنا ما بتعرفو )

.. عارف يا حذيفة دي وجهة نظر عامة لمستها من خلال تواجدي في الخرطوم لفترة شهرين .. والادهش من كدا إنها طالعة من فئة الشباب اللي هم الغالبية العظمى وهم المحرك الرئيسي لدفة البلد ..
جنا ما بتعرفوا دا العزل التام .. وعدم القناعة بي اي برنامج مهما كان طرحو .. البديل المتوفر هو البديل الحالي .. النظرية دي يا كباشي .. وصلت ليها الناس نتاج :
احباط ..
قناعة وايمان مطلق ..
برنامج موضوع بيوفر الحد الادنى من الطموحات المستقبلية ..
الكفر بكل الاحزاب الأخرى والتنظيمات ..
الخوف من تكرار تجارب قديمة ..
الحوجة للتاقلم مع البديل الجديد .. ودا بيستمر سنوات ما معروف فيها شكل الأوضاع بيكون عامل كيف ولا البرنامج المطروح ..
.
.
إلخ من المبررات التي تبقى طافيه على السطح .. والتي بلا شك تدعم نظرية الاكتساااح ..

Quote: يأخى لو انت شغال بنظريتنا بتاعت لو عايز فريقك يفوز شجع الفريق الخصم ، فى دى بالذات ما اظن تظبط خلينا بتفاؤل بالخير تجدوه

.. والله يا عادل سهـل الخوف ما من المرفعين يلاقيك .. الخوف بقى المرفعين يلاقي الجماعة ديل .. يعني المرفعين زاتو بقى شايل هم رقبتو .. وخوف المرفعين دا .. ممكن تقرنو مع النكته بتاعت الزولة الوداعية الجاها الزول قال ليها شوفي لينا الناس ديل مويتم شنـو .. وبقعدو كم سنـة ..
قالت ليهو غايتو في ستة جمبها واحد بينطط .. مرة بالشمال .. ومرة باليمين .. يللا الزول دا مشى ليها قبال السطاشر والسطاشر جات ومشت .. شفت كيف؟؟
نظرية شجع الفريق التاني دي جربناها كتير ما ظبطت يا سهــل .. عندك المصريين ديل بينشلو في آخر ثواني .. يمسخو عليك الدنيا ..
علشان كدا تشجيع الفريق الجاهز ولعيبتو بياكلو كويس وبينومو بدري .. ومدربم برازيلي دي نظرية ثابتة .. والكورة اقوان يا سهــل ..

Quote: يأخى هذه النبواءة محبطة جداً ، دعنا نتفائل حتى يقضى الله امراً كان مفعولا

.. والله يا سهل كلامي دا كلو بس ما عايزه تنصدم .. عشان بعدين ما تجي تقول الناس ديل كانو عارفين وما كلمونا ..

ألله يمهل ولا يهمل

Quote: ألله يمهل ولا يهمل

.. إنت فاضي لي لكن من التحديق لي البيت الأبيض الأمريكي وخلفان كراعك .. وتقضية الوكت والونسة بينا في اوكات فراغك ..؟
إنت قايلو لعب ..؟
لما الله يفتح عليك .. تجي تتحفنا هنا بي آخر ما انتجته إنت ومجموعتك من شتيمة وسباب ومفردات
ارشيفك لاميهو ليك لليوم الزي دا .. يعني كان إلا نقول عصام الزين ..؟

فاضي وزمنك بسمح ليك واللا زي كل مرة .. مشغول ؟؟

الرد دا طبعا

Quote: الغالبية الغالبة الساحقة ممن اسألهم في الشارع وفي مناسباتنا الاجتماعية وفي لقاءتنا الوظيفية وفي كل مكان في ام درمان والخرطوم وبعض المدن التي زرتها ، أغلبية هؤلاء لا يثقون في من جاءهم مترشحاً بديلاً لحكومة الانقاذ ،

الغريبة إنو أحزابنا تحولت لضاربي رمل تتنبأ بالتزوير قبل حدوثه ولا تستطيع التنبوء بما يمنع التزوير ...ولا أدرى لم يدخلون إنتخابات هم موقنون بتزويرها ؟؟؟؟
هذه القُوى السياسية على إطلاقها قٌوى مهترئة تبحث عن مبررات مسبقة للهزيمة لتعود بالمرة والحُمارة ... ولو فشلت فتكيفيها حمارة التزوير تعلق عليها أخطائها
البشير سيكتسح والمؤتمر الوطني سيشكل غلبة برلمانية توازي نسبته الحالية أو تزيد ربما عنها بنسبة مقدرة ليذهب المؤتمر إلى البرلمان وتبكي الأحزاب فشلها
وتملأ الأرضين ضجيجاً عن التزوير حتى إفتقد (التزوير) طعمه القانوني المعروف ... أو تبحث لها عن مُخارجات تحت التربيزة فأبواب المؤتمر الوطني مشرعة
وأبواب المؤتمر الوطني مفتوحة على كل الثقافات السياسية دون أن تقتلعها من جذوره ... تدخل منها الأحزاب نهاراً تحت غطاء حرارة المنافسة وليلاً بظلام الشعور بالفشل
وتلتقي بالمؤتمر الوطني هنا وهناك بالداخل وبالخارج لغرض التوصل إلى تسوية تعالج مهددات الفشل ....

Quote: الغريبة إنو أحزابنا تحولت لضاربي رمل تتنبأ بالتزوير قبل حدوثه ولا تستطيع التنبوء بما يمنع التزوير ...ولا أدرى لم يدخلون إنتخابات هم موقنون بتزويرها ؟؟؟؟

.. دا اسمو ضعف الحيلة يا أحمد موسى .. فترة العشرين سنة مفترض كان تكون فترة كفيلة على الاقل لتطوير نظام مجابهة يوقف المد الانقاذي .. الانتخابات اعلنت من فترة انها ح تكون في العام 2010 .. معظم الاحزاب دي عملت شنو ؟؟
الحاجة المهمة .. طيلة فترة الانقاذ قامت انتخابات عديدة .. على مستوى الجامعات .. الايام الأولى كانت بتفوز الانقاذ .. وبعديها اصبحت المسالة فيها من الندية .. وكان في فوز للكثير من القوى الطلابية الأخرى .. حال الفوز الناس دي ما بتجيب سيرة للبحر .. الهزيمة أو الاحساس المبدئي بالهزيمة بيطلع لينا شماعة التزوير دي ..
كل الحصل .. الانقاذ حشدت مناصريها .. واتباعه .. من فترة طويلة .. بعدة طرق .. بي الطرق والكباري .. بي مشاريع الكهربه .. باللقاءات الجماهيرية .. اليومين دي قبلو ليكم على الاستادات الرياضية والناشئين .. يعني جو من جوه خالص .. التفو على الطرق الصوفية .. الواعي والعايز النجيضة يشوف اي حشد جماهيري ويجيب ليهو فرازه يفرز بيها ويرمي كلامي دا البحر .. في الجهة المقابلة .. الاحزاب التانية عملت شنو..؟
اهو المعارضة بتاعت ناس تراجي وكوستاوي واللافتات الحايمين بيها في ما نهاتن وقدام البيت الابيض .. والبيت البرتغالي ..؟ اهو معارضة زي صاحبنا الدكتور القال يوم موت قرنق الناس تشيل صورة جون قرنق وتطلع تحوم بيها في الشوارع ..؟ والناس قاعدين يتضابحو والحريق شغال ..؟ واللا معارضة الصور بتاعت ناس تراجي وصداقته مع اسرائيل واللا معارضة الشلة اياها بتاعت ناس مرت الرئيس وام الرئيس وفلان دا كوز وفرتكان دا في الأمن ..
ناس واضعة برنامج زي النوتة الموسيقية وكل يوم بتراجع فيهو .. وناس بتكورك وكل زول طالع ليهو فوق راس واحد وقاعد يهتف .. التزوير .. التزوير .. ويمشو البيت ينومو .. تفتكر ح يصلو لي شنو غير الهتاف حقهم دا ..؟

Quote: ولو فشلت فتكيفيها حمارة التزوير تعلق عليها أخطائها البشير سيكتسح والمؤتمر الوطني سيشكل غلبة برلمانية توازي نسبته الحالية أو تزيد ربما عنها بنسبة مقدرة ليذهب المؤتمر إلى البرلمان وتبكي الأحزاب فشلها وتملأ الأرضين ضجيجاً عن التزوير حتى إفتقد (التزوير) طعمه القانوني المعروف

. الكلام بتاع الاكتساح دا يا أحمد قالو امس بالليل نافع علي نافع في التلفزيون .. قال بالواضح كدا .. نحن ح نحسم الجولة من أول يوم في الانتخابات .. تاني يوم والايام الباقية دي .. ح تبقى فيما معناهو تحصيل حاصل .. حسع عليك الله مجرد التصريح بي تصريحات زي دي .. ما اكتساح .. في حد ذاته واستعراض عضلات ..؟
عارف زمان في ود في حلتنا اصغر مني .. كنت بلعب معاهو شطرنج .. كل ما تصبح الوواطة اشيل الشطرنج بتاعي في جيبي وامشي ليهو .. كان بيطقطقني طقطيق الفيله .. بيخت لي (صباعو) في مكان ما جوه الميدان .. ويقول لي في الحتة دي بنتهي منك وفي (خمسة نقلات) . تجي الخمسة نقلات .. يزنقني ليك في نفس الحتة .. وينتهي ليك مني .. تستمر المسالة دي فترة طويلة .. وكل يوم امشي البيت بطني طامة وراسي لافي الغلب دا حار جدا طبعا .. المسالة اتطورت من الخمسة وصلت سبعة نقلات وصلت عشرة نقلات خمسطاشر نقله .. لما وصلت خمسطاشر عرفت اسلوب لعبو ... صاحبك صاحبك هنا .. طوالي عمل مجنون رفض تاني يلعب معاي .. وقال الشطرنج دي مزورة .. تخيل ..؟ حالتو غالب في خمسطاشر نقله ..

ما دور المنبر الــعام في هذا الاكتسااح:
كانت هناك فتوى .. أو مشروع حملة قادها بعضهم هنا .. كحملة اوليه لمقاطعة الانتخابات .. تلخصت الفتوى في عدم التسجيل ..
تخصص افراد بعينهم في تصعيد هذه الحملة .. بعضهم يتبعون لاحزاب بعينها .. أو السواد الاعظم فيهم
إذا تم لهم ما سعوا له ونجحت حملتهم .. اعتقد انهم اجرموا بحق أنفسهم وحق غيرهم .. وساهموا في اضعاف الموقف العام لاحزابهم .. وهم بيلقطوا في الاصوات زي دم الحجامة ..
كل من لم يقم بعملية التسجيل .. في وقتها .. لا يحق له الآن .. الآن أن يفتي في أمر الانتخابات ويراجع حسو الداخلي لو فيه ضمير واعي .. ولو كان شيوعي .. يعمل نقد ذاتي .. ولو كان حركة شعبية يجي يعتذر هنا دا ..
غايتو أنا بعرف لي ناس ساااي كدا .. ومعظم ما مؤاخذين لانهم داخلين السياسة من بوابة شوفوني انا قميصي لونو شنو ..
لو نجحة النظرية الداعمة لي مكانة الموقع على الحياة العامة .. فدي كارثة
وإن فشلت النظرية دي أكبر كارثة ..
الشاهد في الأمر إنو ياسر عرمان بيتابع البورد دا .. يا جماعتو القريبين ليهو أوانصارو متابعين ..
فيا انصار ياسر عرمان أو يا إنت ياسر عرمان بي ذات نفسك ..
مسالة انك تقاطع الاذاعة وتلبس ليك كمامات .. صدقني دي اشبه بي الفتوى القلناها دي ..
احيانا لو كان المجانين مليون فاحسن يكون في عاقل واحد في نصهم ..

دمك خفيف بشكل

شنو يعنى ؟

دايرنى أضقل بيك شويه كده قبل الدافورى يبدأ

وله أيه يا جميل

Quote: دمك خفيف بشكل شنو يعنى ؟ دايرنى أضقل بيك شويه كده قبل الدافورى يبدأ وله أيه يا جميل

.. تاني دمي خفيف بتاعت المرة الفاتت ذاته ..؟
إنت ما بتتطور اصلو ..؟
ضقل ياخ .. ضقل واخد راحتك .. الدافوري دا إنت عندك ليهو كرعين ..؟
بالمناسبة حدد موقعك .. قاعد وين ولابس شنـو .. عشان نكون واضحين وما تشبكني وسختو لي البدله .. وانا ما عندك زمن ليك ..
كويس معاك ..
نوعيتك دي والله بفتش ليها بالفتاشة .. مخلينا نشرح في الضفدعة وإنت قاعد .. تضقل ..

اتفضل .. في مساحة ليك للتطفيش وفي مساحة للموضوعية ..
نطفش معاك ونكتب الكلام الفوقو الفايده .. والبضحك الناس ..
وكلو بي خفة الدم ..
عندك ضغط يا سكري تعمل لي حسابك .. ما تقوم تموت في يدنا ساااي ..

بالمناسبة .. إنت مش مته قبل كدا في بوست من بوستاتي ..؟

Quote: دمك خفيف بشكل شنو يعنى ؟ دايرنى أضقل بيك شويه كده قبل الدافورى يبدأ

والله يا عصام الزين بالطريقه دي الواحد يمشي يجيب كرسي وكيس تسالي ويقعد هنا ..
لانه بعد شويه احتمال ما نقدر نفرز الكراع من السنون ..

Quote: والله يا عصام الزين بالطريقه دي الواحد يمشي يجيب كرسي وكيس تسالي ويقعد هنا .. لانه بعد شويه احتمال ما نقدر نفرز الكراع من السنون ..

انت قايل الضحكة دي فكيناها ساكت!
نفس الشعور

انتر ميلان X تشيلسي - بكرة

Quote: عندك ضغط يا سكري تعمل لي حسابك .. ما تقوم تموت في يدنا ساااي ..

نفهم من كدا ، انو بوست الاكتساح دا نطبقو خلاص وندخلو جوة الشنطة ولا كيف؟

هوي يا تمبس ، امشي اعمل ليك دافوري في حتة تانية مع زولك دا ، وخلي لينا بالله البوست دا لأنو عاجبني وعندي فيهو مشروع
ما تقعد تهضرب لينا هضربتك الكتيييرة ديك وتبوظ لينا البوست ياخخ.

يا شباب ..
غدا نواصل .. لو الله حيانا ..
يا عصام الزين رمز الخرتيت .. طبعا إنت الدافوري معاك لازم يكون على الهوا .. انا حسع ح اقيف من النت لحدت غدا خمسة صباحا بتوقيت قرينتش ..
ما اجي اللقاك عامل تلوث بيئي في البوست دا .. وما اجي اللقاك كاتب ليك كلام وماسحو .. جني وجن مسحان الكلام ..
انا لي زمن بفتش ليك ..
ولو جبت لي صاحبك بتاع الفنلة الصفراء داك يكون كويس ..
اديك هوم ويرك كويس علشانك ..
فتش في ارشيفك وحاول طلع لي مداخلة واحده بس كنت فيها (صعلوك نبيل) .. بعداك بعفيك لي الله والرسول

يا إبنى
أنا ما كلمتك زمان وقلت ليك نوعك دا أنا ماعندى ليه وكت بس بجى مره مره كدى
أضحك بيك شويه كده وأضحك الناس المعاى شويه وأمشى

وتعرف ماخيبته ظنى فيك لانو أنا كلمته الشله وقلته ليهم عاينو الاستاذ دا حيجى جارى كيف
بس أكتب ليه كلمه واحده وحيجى جارى يخفف فى دمه

عفارم عليك

تمبسكو يا عزيز

لست مقتنع بالصادق لانه سبق وضيع الديمقراطية
ولست مقتنع بعرمان لاني لا اثق تماما في توجهات الحركة الشعبية
ولست مقتنع بحاتم السر لاني مقتنع انه كبش فداء قدمه الميرغني لامر في نفسه وهو يعلم انه لن يكسب
ولا اعرف بقية المرشحين ولا اظن ان احد منهم سيكسب
ولكن هل البشير هو البديل؟
لا والله
لقد ضيع البشير وحدة السودان
وافقر وشرد العباد واطلق جماعته تعوث الفساد
وادخل البلاد في نفق التشرذم والصوملة
وابشرك سوف يكون اول رئيس يحمل لقب اول رئيس لجمهورية شمال السودان.
باختصار الوضع مقرف والله المستعان.
ولك من الود ما تعلم.

معاذ يا عريس ..

Quote: لست مقتنع بالصادق لانه سبق وضيع الديمقراطية ولست مقتنع بعرمان لاني لا اثق تماما في توجهات الحركة الشعبية ولست مقتنع بحاتم السر لاني مقتنع انه كبش فداء قدمه الميرغني لامر في نفسه وهو يعلم انه لن يكسب ولا اعرف بقية المرشحين ولا اظن ان احد منهم سيكسب

.. تعرف يا معاذ خلينا نقيف في المنطقة دي .. ونبني عليها فرضية الاكتساااح دي .. بنصل لي نتيجة إنو نفس الفهم دا مسيطر على الغالبية العظمى من الناس الغالبية العظمى دي طبعا يا معاذ من خلال تجربة شخصية لي استنتجتها من فهم عام برضو خاص بي وبنيت عليهو نظرية الاكتسااح ..
يللا الغالبية الافتراضية دي .. فضلت انها تنحاز لي نظرية شمائل وحذيفة بتاعت جننا بتعرفو وجننا ما بتعرفو اضف لي ذلك .. لو كانت الناس واقفه في المنطقة الوسطية أو (بين بين) فإن البرنامج الانتخابي وما سبقو من ترويج للمؤتمر الوطني للحملة ما قبليها وما هو حاصل حالياً بتسخير الظروف المحيطة بيها والاستفادة من الغلطات المطبعية .. اداها اسهم اضافية كفيلة جدا بي ضمان كسب كمية مهولة من جماعة (البين بين) أو تحييد ما تم تحييدو .. حتى اصبح برنامج معظم المرشحين ذات نفسهم اشبه بالفارغ .. أو المسيخ جدا حيث انحصر في جملة من العبارات المكررة البتتعلق بي فساد وفتح ملفات .. وسياسة خارجية .. إلخ .. وتناسو تماما إنو الناس في ظل البرنامج بتاع المؤتمر الضاغط جدا والحشدي جدا .. تجاوزو مرحلة البرامج الانشائية دي .. وعلى الاقل اعتادو على عشرين سنة من البرنامج دا جاعو فيهو .. وعاشو في ظل كهربه مافي .. وصفوف عيش .. وطوابير بنزين .. عقلية الانسان العادي البسيط في اي مكان لا يمكن ان تقيسه بي عقلية واحد خابر سياسة وفاهمه وهي المحرك الاساسي لي عصبو حتى البيمشي بيهو .. ممكن تلقى ليك سواد اعظم بيقوليك والله اهوندها العيش راقد زمان كنا نقيف ليهو في صفوف .. بتلقى نوعية بتقوليك عاين العمارات القامت دي العمله لينا منو ..؟ بتلقى نوعية بتقوليك بقى عندنا بترول وعربات كتيرة والمواصلات متوفرة ممكن لحدت الساعة اتنين صباحا اقيف في ميدان جاكسون اصل بيتنا .. في نوعية بتقوليك زمان والله الواحد من بيتو ما قادر يطلع وما لاقي ليهو حتة يتنفس فيها .. حسع دي حدائق (حبيبي مفلس) بنمشي نشم هوا أنا (وجكسايتي) وبنشترب شاي وبناكل فول مسلوق .. ولو لاحظت لي المعطيات دي .. وقارنتها بالواقع .. بتلقاها كلللها كدا .. بتتقال في اي خطاب واي حشد حكومي .. ولو ما اتقالك الآن . فهي اتقالك من بدري .. هنا يا معاذ بتدخل الحتة بتاعت العامل النفسي وخطاب التنويم المغنطيسي ودا نتاج خبرة تعامل مع ناس عشرين سنة إنت بترازي فيهم وبيرازو فيك .. بنيت منهم جيل كامل بتاع مرازه .. جيل المرازه دا يا معاذ ممكن يرازي ناس بيتم .. ناس حلتم .. ناس محليتم .. ويكبر محيط الدائرة بتاعت المرازة ..

Quote: ولكن هل البشير هو البديل؟ لا والله لقد ضيع البشير وحدة السودان وافقر وشرد العباد واطلق جماعته تعوث الفساد وادخل البلاد في نفق التشرذم والصوملة وابشرك سوف يكون اول رئيس يحمل لقب اول رئيس لجمهورية شمال السودان. باختصار الوضع مقرف والله المستعان. ولك من الود ما تعلم.

.. بالضبط يا معاذ الوضع مقرف جدا .. كلنا يا معاذ ساهمنا في القرف دا .. واتساوينا مع الانقاذ .. احزاب على افراد .. على جماعات .. الفرصة الكانت سانحة جدا لي اعادة الترتيب .. هي الانتخابات بي كل ما فيها .. لكن عاين حتى الانتخابات الكانت المنفذ الوحيد .. لتحقيق الخيارات .. السادة ارصحاب السياسة .. والسادة المتسلقين السياسة ... ضيعو فرصة انو الناس تكون على رؤية مستقبلية واضحة .. تعر فيها البيها والعليها ..
تسلم يا معاذ امسك في صوتك قوي .. وارضي نفسك في المقام الأول البعداك كلو هين ..

Quote: يا إبنى أنا ما كلمتك زمان وقلت ليك نوعك دا أنا ماعندى ليه وكت بس بجى مره مره كدى أضحك بيك شويه كده وأضحك الناس المعاى شويه وأمشى وتعرف ماخيبته ظنى فيك لانو أنا كلمته الشله وقلته ليهم عاينو الاستاذ دا حيجى جارى كيف بس أكتب ليه كلمه واحده وحيجى جارى يخفف فى دمه عفارم عليك

يعني الناس المعاك عامل ليهم فيها جحـا ؟؟
عندك شلة قاعد تضحكه كمان ..؟
أوعه تقول لي بتضحكم بلاش ... ؟ كدا بتضيع زمنك
ولو بتضحكم بي قروش .. طلع لينا حقنا ..
بعدين تعال نزل رجلك الخالفه دي وإنت بتضحك .. تضحك وكمان خالف رجلك ..؟

كان ما عندك وكت .. مالك جايب معاك الانسولين بتاعك وجاي هنا دا ..؟
لو عندك وكت وفاضي وعندك مزاج ضحك إنت والشلة .. كر لي المساحة شوية .. افتح ليك بوست .. واربط بطنك ..
والله اضحكك جنس ضحك إنت وشلتك .. تضحك لمن يجيك ابعديلات ..
لو ضحكته في البوست دا .. احتمال كبير تجيك حمه مالطية ..

اعمل البحث القلتو ليك .. اخير ليك من ما اجيب ليك النتيجة انا ..
بالمناسبة:
الشلة بتاعتك دي فوقه واحد عندو مشكلة في السنون القدامية ..؟
سامع الضحكة دي مخستكة ..


بالمناسبة:
انا لي فترة قاعد اعمل ليك ساكاننق .. شكلك دا ما غريب علي .. يا ربي شفتك وووين .. يا ربي شفتك وووين

اعضاء المنبر الامنجيه
ما اتوا لحوار

التجاهل
التجاهل
التجاهل

(طمبس) حبيب الملايين سلام عليكم
بعيدا عن ضعف الأحزاب المعارضه للحكومه و بعيدا عن سطحية المعارضه و المعارضين في عضمتم ، في حقايق يا علاء مافي زول بيقدر ينكرها :
الناس ديل رفدو الناس بناء علي إتجاهاتم السياسيه ، حاربو الناس في رزقها حتي ضاقت عليهم بلادهم بما رحبت ، بنو القصور في بلاد يموت من الجوع مواطنيها .
عذبو الناس حتي ماتو في المعتقلات و بيوت الاشباح .
مسؤلين عن كل قطرة دم - و ما أكثرها - سالت في الجنوب و في دارفور في العشرين سنه الأخيره .
الناس ديل لا خافو مننا ولا خافو الله فينا ومستعدين يعملو أي شئ عشان بس يحكمو . وده كلو عملوه بإسم الله و الإسلام .
يا علاء ياخي إنت أعمق من تأييد الناس ديل عشان بعض المعارضين في منبر أب صلعه ده سطحيين !!

Quote: يا علاء ياخي إنت أعمق من تأييد الناس ديل عشان بعض المعارضين في منبر أب صلعه ده سطحيين !!

امين

ياخ ما تكون طيب للدرجه دى انتا كمان
تمبس دا شغال فى امن الكيزان من ايام البوليص ابو رداء

Quote: الناس ديل لا خافو مننا ولا خافو الله فينا ومستعدين يعملو أي شئ عشان بس يحكمو . وده كلو عملوه بإسم الله و الإسلام . يا علاء ياخي إنت أعمق من تأييد الناس ديل عشان بعض المعارضين في منبر أب صلعه ده سطحيين !!

امين يا عميق حقو تتخارج من الحفله دي وتخلي تمبس ده يسوق البص بي مزاج لانه بصراحه كده نحن من السبعينات ما ركبنا بص سيره دخاخينه في السما ..
وبالمره وانت مارق اعتذر لي عن الكلام القلتو لي المره الفاتت ولي حيدر الضيعته شبابو وخليتو يزازي جنب البحر وراسه مقطوع ..

يا عريس !!
ماقصرت.. كنت قايلك نايم فى العسل لسه!!

تعرف يا تمبس زمان باصات بلدنا مروي بتسافر وفي ضهره مية ( صاجة )
مهمة الصاجات دي تشيل البص من الرمله وتطلعوا للحتة ( الدلجة ) لأنو كان الرمال (إتوكرت ) في الكفرات الرماد كال حمَاد .
أها أيقونة رأي الختيتة قدام الموضوع كيفتني في كنكوجي .. صاجه تطلعكـ من الرمله دي ، والراي بحمد الله بيتحمل باقي الآراء
يعني الموضوع راي جيبوا نضمكم قصادو والفورة ألف
أها يا تمبوش يا صديقي أنا بكره السياسة للطيش بس رايكـ عندي فوقو راي كان الله يسر بجيكـ ليهو بي مهلة







_______________________________________________________________________
الرماد كال حمَاد دي والله يا تمبس ما عارف قصته ولا طريقة كتابتة القول الإرشيفي ده صاح ولا غلط بس لفقت مع كلامي

Quote: في بوست .. من (البوسطات) الشبيهة .. كتبت .. كلنــــــــا البشير .. تبرع العديد من زعماء سودانيزاونلاين .. وعلماء المعارضة وبعض السابلة .. وبعض فلول الناشطين .. والمسلحين .. وبعض انصاف المثقفاتية .. وبعض الذين اعتقدوا إن بكتابتهم سطرين في اي موقع الكتروني كفيلة بأن تجعل منهم قادة وسادة .. وعلماء .. تبرع هؤلاء مشكورين: بي فرمالتم الواحدة .. يا كوز .. يا امنجي .. وهاااك يا شتيمة .. راهنو وقتها على تسليم الشعب .. للبشير .. اي أن يقوم سواد الشعب السوداني بتسليم الرئيس الذي جاءهم على ظهر دبابة .. وووقت صدور وإذاعة القرار الاوكامبي .. عبر المسافة من الكلية الحربية بكرري حتى .. الخرطوم وهو على ظهر سيارة كاشفة بعد أن اصطفت على جنبات الطروقات وعلى طول المسافة جموع المحيين .. وهتفت اخوات نسيبة وغير اخوات نسيبة وقتها وزغردن .. شفتو زغردن دي كيف ..؟

الاخوة المناضلين كامل تضامني معكم



وحان الوقت لتردو لاخينا علاء الدين الشهير بتمبس الرشة رشتين ونصف

لانه حسب اصدقاءه المقربين اصبحت دفاعاتو تعبانة جدا هذه الايام


فاغتنموا هذه الفرصة وارونا ما لديكم من ملكات نضالية كيبوردية


ولا ان تركتوه يستعيد لياقته ويستجمع قواه وحينها فلا تلومون الا انفسكم

واني لكم من الناصحين

وقد اعذر من انذر

ياتمبس
ياريت لو كان عندي صوت كنت ساضطر لاعطائه لعمر البشير رغم انفي ورغم انني كنت من مطاريده لكن العاقل لايتشبث بحالة واحدة ولاظرف واحد الحياة تتبدل وتتبدل المشاعر والمواقف ،،،ماذا افعل:
الصادق وبناته الكريمات مستحيل شركة ربحية اهدافها غير معروفة مجرد حرز عائلي يكفي في مرحلة من مراحلهاان مكتبه السياسي كان يضم
* السيد الصادق وحرمه السيدة سارة وعمته السيدة انعام عبد الرحمن المهدي
* السيد نصر الدين الهادي المهدي وشقيقته السيدة عاطفة المهدي
* السيد مبارك عبد الله الفاضل وشقيقه الفاضل وزجته السيدة امال عكاشة
* السيد عبد الرحمن نقد الله وشقيقته الانسة سارة نقد الله
تخيل هذا هو المكتب السياسي لحزب يريد ان يعيش في زمن التمرد والرفض للوصايا العشروالحال اليوم اسوا ،،،هكذاغابةمن الخصوصيات والعلاقات الاسرية ناس قريعتي راحت الذين يناطحون تحت شجرة التوت في هذا المنبر ليس لهم غير بوس التراب الذي يسير عليه هولاء الاسياد
الاتحادي الديقراطي من الختم الى سر الختم ورغم الملايين التي يخبئها مولانا لكن الحزب فقير ماديا وفكريا
الشيوعيون ممتازين لاتوجد وسطهم شبهة عائلية لكن حظهم منكود لقد سقطت النظرية وتبخرت من الصين الى فانكوفر وحتى في ايام عزهم ايام الهلوسة الماركسيةكانوا اغرابا قام السيد الصادق والسيد الازهري حل حزبهم ورميهم في المتحف الوطني مشكلتك ياتمبس انك ود المنبر وشطتو وملحو وملاحو ،،عارف اسرارو وعارف الطيب فيه وقليل الادب وعارف الحقارين كتار وعارف انو ممنوع الزول يقول زي كلامك ده وعارف ان هنالك اناس ليس لهم محل من الاعراب السياسي غير الوهم والتضخم يقومو الصباح ويتفنوا في الكي بورد اخر نضال عشان كده لم تضرب مصالحهم النضالية دي سيرمونك بالحجارة ولو سالتهم ماهو حزبهم لن يجاوبونك لانهم خجلانين معظمهم حزب اللجوء السياسي لو احترق السودان لايهم

البلد الان في طور انتخابات ختوا الكورة في الواطة وتوكلوا على الله الخوف قبل ان يبدا اللعب بشتت التركيز وبشتت الكورة وهنا ياتي الاكتسسسسسسااااح الذي تنبا به تمبس مافي داعي لمضغ القات والحشيش واجهوا الواقع بذهن متفتح وبدون لجلجة

Quote: ورغم انني كنت من مطاريده لكن العاقل لايتشبث بحالة واحدة ولاظرف واحد الحياة تتبدل وتتبدل المشاعر والمواقف ،،،ماذا افعل:

.. سلامات يا عبد الملك .. لو فهمت كلامك بالضبط يا عبد الملك اعتقد انو اعقل من كدا مافيش .. لاعتبارت كتيرة جدا ...

Quote: * السيد الصادق وحرمه السيدة سارة وعمته السيدة انعام عبد الرحمن المهدي * السيد نصر الدين الهادي المهدي وشقيقته السيدة عاطفة المهدي * السيد مبارك عبد الله الفاضل وشقيقه الفاضل وزجته السيدة امال عكاشة * السيد عبد الرحمن نقد الله وشقيقته الانسة سارة نقد الله

...

Quote: ناس قريعتي راحت الذين يناطحون تحت شجرة التوت في هذا المنبر ليس لهم غير بوس التراب الذي يسير عليه هولاء الاسياد الاتحادي الديقراطي من الختم الى سر الختم ورغم الملايين التي يخبئها مولانا لكن الحزب فقير ماديا وفكريا الشيوعيون ممتازين لاتوجد وسطهم شبهة عائلية لكن حظهم منكود لقد سقطت النظرية وتبخرت من الصين الى فانكوفر وحتى في ايام عزهم ايام الهلوسة الماركسيةكانوا اغرابا قام السيد الصادق والسيد الازهري حل حزبهم ورميهم في المتحف الوطني

...

Quote: عشان كده لم تضرب مصالحهم النضالية دي سيرمونك بالحجارة ولو سالتهم ماهو حزبهم لن يجاوبونك لانهم خجلانين معظمهم حزب اللجوء السياسي لو احترق السودان لايهم

...

Quote: البلد الان في طور انتخابات ختوا الكورة في الواطة وتوكلوا على الله الخوف قبل ان يبدا اللعب بشتت التركيز وبشتت الكورة وهنا ياتي الاكتسسسسسسااااح الذي تنبا به تمبس مافي داعي لمضغ القات والحشيش واجهوا الواقع بذهن متفتح وبدون لجلجة

.. يا سلام يا عبد الملك .. كلامك عجيب جدا .. وواضح .. حتى الخاتمة بتاعتو بسيطة ودسمه وعالية الجودة والتركيز تنفع شعار مفترض يتعلق في دار كل حزب عشان الناس تفتح شوية .. تشكر يا عبد الملك كلامك كلام عقل ومعرفة وخبرة ..

Quote: ولا ان تركتوه يستعيد لياقته ويستجمع قواه وحينها فلا تلومون الا انفسكم

.. والله يا عمر صديق في واحدين كدا طالعين في الكفر الواحد ولا محتاج ليهو لياقه .. تجيبو وتجيب ليك كرسي وتقعد فوقو وتخليهو واقف جمب الكيبورد .. وتمليهو يكتب لي نفسو الكلام .. ويعمل ليهو تصحيح .. وتقول ليهو الكلام دا ليك يا المنطط عينيك النوعية دي ما محتاجه ليها اي جهد .. مجرد ما الواحد فيها كتب ليهو كلمة هو زاتو في عضمو بيفقد سوائل .. كدي شوف زي المناضل *(عصام الزين) والمناضلة هاجر دي ..



ــــــــــــــ
* عصام الزين دخلتو بين (قوسين) لانو قاصد ادخلو بين (قوسين) ...

Quote: أها أيقونة رأي الختيتة قدام الموضوع كيفتني في كنكوجي .. صاجه تطلعكـ من الرمله دي ، والراي بحمد الله بيتحمل باقي الآراء

... والله الصاجة بتاعت راي دي يا عمران ما عشان نعفرت بيها اللوري يا النيسان دا ..
هي اكان ختيته واللا ما ختيته كصاجـه .. في ناس بتجي تجيب الرمله بتاعته ورماد حماد الكال بيهو نفسو ..
يعني بي صراحة كدا .. الواحد لما يكتب ليهو كلام .. ما عجب زول .. لابد وأن تدفن نفسك حسب اعتقادم .. احيانا بيجيبو ليك طوب لو ما لقو اسمنت ممكن يشترووك بيهو عادي ..
عليك الله حسع يعني انا زي هاجر التهامي دي .. وزي عصام الزين ديل ممكن يدفنوني .. بي صاجاتم دي ..؟
والله يا عمران ديل الواحد يربطم فوق راس النيسان دا .. ويدلدلم لي تحت زيي الجداد المودنو السوق من قرية لي قرية ..
واحد قال جاي يخفف دمو .. والتانية قالو ليها امشي غني لينا حاجة كولن كولن باشاكا ..
يعني حسع ديل كان الله ادا العافية كدي دا .. ممكن يحكمونـا ..؟

Quote: أها يا تمبوش يا صديقي أنا بكره السياسة للطيش بس رايكـ عندي فوقو راي كان الله يسر بجيكـ ليهو بي مهلة

. والله يا عمران اخير ليك تكون معلق فوق ضهر النيسان دا وتشوف الحاصل شنو .. القيزان كتيرة والرماد كال حماد وحماااده ..

يا علي محمد علي .. إنت حقو ما تشيل معانا لانك كوز ..
..

Quote: امين يا عميق حقو تتخارج من الحفله دي

يا فيصل .. والله الحفله دي يا دوبك استعدلت .. جبنا ليها فنانه غنايه غنـا ..
مش في فنانه بتقول البلد دي ما فيها فلاته واللا شنــو ..؟ اها غايتو لو ما فلاتي ما تجازف ترقص ..
..
يا جنابو صلاح .. ياخ يقصر الملح .. والله جيت اتردمته ليك جنس شغل .. اخير منو الواحد يلفلفوهو بي مظلة ويفكوهو عكس الهوا .. ووردلب يقع الواطة .. تقولي عسل ..؟ عسل إنت ياخ ..
..

سلامات ياأمين .. أخبارك :

Quote: الناس ديل رفدو الناس بناء علي إتجاهاتم السياسيه ، حاربو الناس في رزقها حتي ضاقت عليهم بلادهم بما رحبت ، بنو القصور في بلاد يموت من الجوع مواطنيها . عذبو الناس حتي ماتو في المعتقلات و بيوت الاشباح . مسؤلين عن كل قطرة دم - و ما أكثرها - سالت في الجنوب و في دارفور في العشرين سنه الأخيره . الناس ديل لا خافو مننا ولا خافو الله فينا ومستعدين يعملو أي شئ عشان بس يحكمو . وده كلو عملوه بإسم الله و الإسلام .

.. دا كلام يا امين بتقال من فترات طويلة ومعروف .. وبتفق معاك فيهو .. لكن في نفس الوقت في نقاط لو رجعت ليها بتخلق فهم عجيب .. ومخل شوية ..
بالنسبة لي الناس العذبت الناس دي والناس السيلت الدموم وبنت بيوتات الاشباح والمعتقلات .. الآن فيها عناصر للاسف الشديد جزء من الصراع الداير وبتحاول تقنع فينا انها برئية .. وبتلتف بي طرق تانية علشان تدخل من جديد في نفس الدوامة وتدخلنا في الوزة بتاعت ناس الفور اووول .. ديل قصة طويلة .. المضعف فيها بتلقى فيها عناصر الآن قايدين دفة الصراع برضو من أجل كرسي .. يللا ديل على الاقل مكشوفين للبعض .. إذا كان في جهد خالص وتجرد وعمل من أجل المواطن المسكين دا .. وفي شفافية في الطرح .. كان على الاقل الناس وقفت في حتات تتفق فيها كلها ..
زي م قلت لي معاذ مسالة انك تعمل تطهير كامل أو سياسة مدروسة لابد من الوعي الجماهيري والوعي التام لفهم القضايا اولا .. ولي وضع خطوات تسير عليها الناس بفهم واضح .. وتدخل الانتخابات من أجل تصحيح الكلام الكتبتو فوق دا ..
الكلام الكتبتو فوق دا يا امين بنسمع فوقو من عشرين سنة وما فايت الاضنين .. جات الفرصة المناسبة .. الحصل شنو جديد .. نفس الاشكال .. ونفس البرامج .. ونفس الناس بتاعين امس .. محمد أحمد كلهم ما شايلم .. ولا بيرضوهو .. محمد أحمد دا طبعا العادي ساااي الممكن يتحشد لابسط الاعلانات الدعائية .. والممكن يشرب شامبيون لانو مبالغة .. ويستعمل زيت صباح لانو في عبوات ممتازة احسن ليهو من ربع الرطل البجيبوهو في الكيس داك ..

Quote: يا علاء ياخي إنت أعمق من تأييد الناس ديل عشان بعض المعارضين في منبر أب صلعه ده سطحيين !!

.. شفته اعمق بتاعتكم دي يا أمين هي الغطست حجرنا .. الواحد كلامو ما يعجبك يشبكك كلام من الاعماق .. ويجي مصطفى محمود يجيب العدة بتاعتو .. وزي هاجر طمام دي .. عادي جدا تسالك إنت فلاتي واللا من زحــل .. ؟؟
تعرف يا امين .. الناس دي ما ح تصل لي اي حاجة كويسة كدا .. ما لم تبطل العمق بتاعه دا .. وتترزع يف واطة الله دي .. لانو البتتعمقو فيهو بالقوة دا .. ابسط حاجة ممكن يعمل حاجاتو بي فهمو الخاص .. إنت قايل الناس الهنا ديل علماء فلك ..؟ ما شوية بتاعت ناس متسلقة على كم واحد ما محترم نفسو ممكن يشتمك ويشتم اهلك في اي لحظة بس علشان وجهة نظرك ما عجبتو وهل إنت مجبر انك تتحمل منو يجي يطلع ليك فوق راسك ..؟
عشان كدا مسالة النصايح دي .. زمان الواحد شبع منها .. مسالة اي واحد يجي يعمل ليك فيها هو اي حاجة يا تجيك زي هاجر دي تطرش ليك والله خلاص كفانــا .. ماف زول عندو ريشة هنا دا فوق راسو .. ومافي واحده هنا دا لابسة ليها جلد نمر .. وماف حاجة جابره ليها زول شان يستحمل السخف الحاصل هنا دا .. وطول اللسان مش كدا ..؟

حيرت قلبى معاك ..............خليتو بيهو مشغول

ما تنوم يا عريس !!
بوستيك قرب يروح الصفحة الخامسة
إكتسااااح مرشح لإكتساح المنبر !!!

يا تِمبس
دة إسمو إكتساح بالطريقة الصاااااااااااااااااااااح

تمبس سلام ..

ورقة التوت لا يرتديها المنادون بالاشياء الجميله ..
كالديمقراطيه والعدل والمساواة وعفة اليد والصلاح ( بمعناه الدنيوي والدينى )
ورقة التوت لتغطية عورات المرابين واللصوص .. ولن تغطيها

**

فوق ياعريس.

وفوق تاني للناس المكبِّرة اللفّة

و دهـ فوق تالت
وكامل تضامني مع أصحابنا الزمان اللافين في الفاضي ومنتظرين الملحق قبل الامتحانات ما تبدأ

Quote: وفوق تاني للناس المكبِّرة اللفّة

مابيقدروا يجوا بي هنا ؛

لانو عارفين هنا السم القدر غداهم.

سلام هوي

Quote: هسي في معشر النساء بتلقى المرة مهما قالوا ليها .. وحكوا ليها ما بتعرف الله حق إلا بعد ما تجرب هي بي ذات نفسها مثلا .. لو قالو لي المرة أووووعك تزعلي الراجل .. أووووعك تخليهو يشوف وحدة تانية .. وتلقى زولتك لا زالت تعمه في غيّها لحدي ما فجأة تلقى الراجل جاب ليهو مرة تانية وجاها..

كيف حالكم هسة الكلام البزعل مننا النسون ده لازمتو شنو .. وتمبس ده عريس جديد شن عرفو بي زعل النسوان .. الزول لسه فوقه الملايكه .. ما تخلونا في البشير (سجم أمنا البشير ظاتو معدد).. قلت لي اكتساااااااااح .. يا خو الشي شنو .. انت خاتي فيها كم ألف
مع خالص تحياتي
د. صلاح البشير

والله الترابي حالتو تحنن ..
يعني مصر يكنكش فيها كدا دا .. ويقوليك الجماعة ديل عايزين يحكمونا العمر كلووو ..
..
كالعادة في تدشين الحملة الترابية .. تلون .. وتدهنس .. واستعمل الساحر الترابي اياديه وابتسامته الخبيثة ليسحر الحاضرين ..
الترابي في تدشين حملتو الانتخابية اشار إلى حرب الجنوب وإلى قتل الكيزان للابريـاء ونفض يدينو ..
بلاي شوفو الشفت دا ..
الترابي الآن ينادي بالديمقراطية .. حته واحدة كدا .. وبيرمي اللوم على الجماعة اياهم (حسب وصفو التفصيلي) .. ينادي الترابي بالديمقراطية بعدما ملى البلد وقتها بمطاريد الجبال .. والانظمة .. ومنع من الناس الهوا .. وعايز يصدر الارهاب من السودان ..
غايتو بي مناداتو بالديمقراطية دي .. يكون ضرب رقم قياسي في (الكنكشة) في اي حكومة .. عايز يعيد اكتوبر وبيلهب في الشعب بتاعو ..
اكتوبر وين يا مستنكح ..؟
والله اديك النجيضة:
لو عايز يعيدو ليك اكتوبر غلا تجي تلقط ليك منتخب من البورد هنـا دا:
مرتضى جعفر .. ابوبكر صالح بخارين .. الباقر جكس .. وبعض فلول النضال الما ناقشين كوعم من بوعم ..


ملحوظة:
إنتو البوست دا اتضح انو مسخن ليهو مع ناس .. يعني الواحد البورد دا ما يقول وجهة نظرو ..؟
لازم يكتب ليكم في السلم حقكم على طول ..؟
لازم يعني ما يديكم النجيضة ..؟
يعني في انجض من الاكتسااااح دا ..
العاملين فيها مناضلين والبوست دا تاعبم .. احسن ليهم يجيبو ليهم ورقة خارجية ويكتبو نقاط محددة من البوست دا .. في ضهر الصفحة
وفي العدلة التانية بتاعت الصفحة يكتبو اكتساااح دي زي مية مرة كدا .. والورقة دي يموصوها ويشربو مويته على الريق ..

Quote: رائي واضح جدا يانادر .. اكتساااح

تمبس كيفك

اها يا خوي انا ما اختلفته معاك في الإكتساح

لكن قصة انو البشير يكون عندو قاعده جماهيريه يفوز بيها دي شويه واسعه

الاخ تمبس

تحية صباحية

لا افقه كثيرا في دروب السياسة البقت جايطة دي

لكن الشاهد بيقول بالحصل والبيحصل انه الناس بطنها طمت ومراكز الفهم السياسي لديها اتجهجهت على مدى سنين طويلة والانتخابات اصلا ماشة حسب كتالوج المؤتمر الوطني
لذا اتوقع الاكتساح بنسة عالية جدا
بدون تزوير
بسبب انه اصلا الانتخابات مطبوخة وعدة مسبقا يعني المقادير جاهزة

و لانه درب السياسة في بلدنا بقت عجيبة وجايطة جدا

الشعب السوداني الفضل خلاص قال الروب واصبح منهكا

مايــــا .. سلامات:

Quote: لا افقه كثيرا في دروب السياسة البقت جايطة دي لكن الشاهد بيقول بالحصل والبيحصل انه الناس بطنها طمت ومراكز الفهم السياسي لديها اتجهجهت على مدى سنين طويلة والانتخابات اصلا ماشة حسب كتالوج المؤتمر الوطني لذا اتوقع الاكتساح بنسة عالية جدا

.. الكلام دا يا مايا وحالتك ما بتفهمي سياسة .. يعن نظرة زولة ساااي زي نظرتي دي ..
علماء السياسة يا مايا كان بمقدورم أنهم يستفيدوا من فترة اعلان الانتخابات دي من فترة طويلة ويعدوا العدة لكل الادوية العلاجية لطمام البطن الجماهيري دا ,,, بالوعي التام .. والتحضير المبكر للحملات .. ووضع برامج توعوية والتعريف بي عقبة الانتخابات ومردودة العكسي حال فوز المؤتمر حسب اعتقادهم .. لكن البطمم البطن أكتر أنو معظم الاحزاب المبني عليها الأمل انصرفت إلى ما يهم شأنها وشان قاعدتها فقط .. ووضعت برامج انتخابية تفيد بنقد المؤتمر الوطني فقط واللي هو اساسا منقود بي فهممم هم .. فما كان منهم إلا ان قاموا بإدخال نفسهم في نفق ضيق جدا .. حشرو فيه انفسهم حشر شديد .. وطلعوا بره قانون اللعبة .. وحال أنتبهوا لذلك اصبح كل ما لديهم هو سياسة الضبابية والطبطبة ضبابية المقاطعة الانتخابية وطبطبة .. التزوير - ودي ادت مساحة واسعة للمؤتمر الوطني يتفسح في الساحة ويطرح برنامج جماهيري واضح .. (ضغطو) في فترة زمنية محددة .. وبتاريخ وزمن محدد .. وهاهو الآن يعمل علامة (صاح) في المربع الخاص .. بعد اي برنامج انجز (على أرض الواقع) .. في هذه الفترة التي تحتاج في ابسط تقديراتها إلى استعراض عضلات اللسان .. وإلى التواجد على ارض الواقع وبين الحشود .. بي نظام دق القراف خلي الجمل يخاف ..
الدق يا مايـا ما كان بالكرباج ..
الدق كان بالسلم الموسيقي .. والنوتة ..
حسين الصادق .. اسرار بابكر .. جمال فرفور .. كحداثيين ومن جيل الشباب وفنانين شباك .. وبيغنوا من القلب للقلب ..
أمـــا
في حال (العرضـة) متوفر محجوب كبوشية وبلال موسى بتاع ( تلاتة سنة يوم ورا يوم بالصبر شديد منتظرك انا .. افكر في سعادتي معاك وإنت قدرت بي أنـا)
بعد أن تحول إلى الغناوي الحماسية .. المصاحبة لفقرة الرئيس ..

يعني يا مايا .. حتى الما جاي (يحتشد) مع الحشود .. جاي (طايره) ليهو عرضة في راسو .. يا ما شاف جمال فرفور .. (والامبراطور) حسين الصادق قريبات دي .. يا كمان ما عندو تذكرة دخول لأي حفل خيري بي ميتين الف جنيه ..

Quote: لكن قصة انو البشير يكون عندو قاعده جماهيريه يفوز بيها دي شويه واسعه

..
كيفنك يا نادر .. أخبارك ..؟
والله يا نادر .. اسمع كلام البيبكيك ..
خليني من البورد دا .. اسمع نجيضتي انا دا ..
البورد دا يا نادر والله عامل زي حلاوة قطن .. متذكر حلاوة قطن الزمان ديك ..؟
عندو قاعدة ما عندو .. في النهاية عندو
حشود على مد البصر .. والهل ان اخايف الصناديق دي .. ذاته إلا الناس تجيب معها صناديق من بيته

Quote: عندو قاعدة ما عندو .. في النهاية عندو

اها يا تمبس دي بترجعنا تاني ل Square one

يبقى التزوير هو الحل

Quote: يبقى التزوير هو الحل

.. يا نادر ..
حجوة ام ضبيبينة دي يعني ..؟
تااني يا نادر عايز ترجع لي المربع بتاع التزوير .. وتتكلم معاي بي لغة البورد ...؟ وبي لغة الجماعة القالو الناس ما تسجل ..؟
والله يا نادر الكلام دا ما بينفع .. ولو المسالة بقت استهلاك ساااي .. لا يودي لا يجيب فما اسهل الاستهلاك ..
يا نادر .. التزوير دا جابو ليهو ناس جيمي كارتر .. عشان ما يكون شماعة قديمة
وبعدين لو بقية الاحزاب .. ما قادرة تضبط مسالة انو الانتخابات تتزور .. وما قادرة تسيطر على الحكومة في الحتة دي .. المدخلة انتخابات شنو..؟
المسالة يا نادر اكتساااح .. من دون تزوير .. لانو أنا ما قلت في تزوير .. كلامي اول كتبتو فوق .. إنو مسالة التزوير دي حقو الناس تتجاوزه وما تمسك محل الرهيفه ..
تبقى مسالة التزوير دي .. زيها وزي الاشاعة الحايمة بتاعت اليومين دي حقت تأجيل الانتخابات ..

Quote: وبعدين لو بقية الاحزاب .. ما قادرة تضبط مسالة انو الانتخابات تتزور

تمبس ياخوي باقي الاحزاب دي ما اظن منها رجا
دي ديناصورات عاف عليها الزمن

بسبب معارضتم للانقاذ قعدوا الانقاذ ليوم الليله

كدي خلينا في الكيزان وقواعدهم

السؤال تاني
هل بتفتكر البشير في إنتخابات حره زي ما بقولوا بجيب 51 في الميه

Quote: تمبس ياخوي باقي الاحزاب دي ما اظن منها رجا دي ديناصورات عاف عليها الزمن

طيب ما ياهو إنت هاضم فكرة البوست .. وكلامي وقع ليك في عبك .. حالتك قاعد في البورد دا .. اكان شفته على الواقع تقول شنو..؟

Quote: بسبب معارضتم للانقاذ قعدوا الانقاذ ليوم الليله

ما قعدوها ساااي كدا .. قعدت واتحكرت .. وح تكتسححح ودا الكلام الما عايز ترضى بيهو وقاعد تلتف حوالينو ..

Quote: السؤال تاني هل بتفتكر البشير في إنتخابات حره زي ما بقولوا بجيب 51 في الميه

.. الكلام دا ما قلناهو فوق يا نادر
وقلنا في جهات اوكلت ليها مهام المراقبة .. وقلنا كمان الواحد وخمسين دي بينطها بي غااادي ..
يعني بي اختصار كدا يا نادر .. فرمالة التزوير دي ح تكون هي الفرمالة الاساسية واللا شنو.. ؟

إذا ما إتأجلت الانتخابات وقامت حكومة إنتقالية وعلي رأسها البشير أيضاً
سيفوز البشير أيضاَ

بالنسبة لي أحداث يوم الاتنين الاسود ..
هل من محلل اي كان لونه السياسي .. ان يفتي في هذا الموضوع وأثره في تدعيم الاكتساااح وانتشار المد الحكومي ..؟
كما أرجو استصحاب تجربة المهندسين وما صاحبها من انفلات قامت به مجموعة تنتمي لفصيل دارفوري .. احدثت نفس الجلبة وسط المواطنين ..
المقارنة بين الحركتين .. وبين بقية الاحزاب السلمية ..

إنتو البلد دي ما فيها حركة ..؟
ولا فيها شيوعيين راديكاليين ..؟
يا كافي البلاء الشيوعي الواحد قال بيمشي وبيجي .. لحدت الآن ما ظهر ..

وواحد عامل فيها معارض شرس .. سخن معاهو البوست دا .. قام فتح ليهو بوست قاعد يبكي فوقو بي هناك .. فاتحو الخميس والجمعة ما رجانا بيهو السبت زاتو ..

واللا في منو ما عارف الزين دا .. جاي يشتت البوست وعامل فيها جحا ..
يا عصام الزين .. وينك ..؟
إنت قايل بتقدر تجوط البوست دا ..؟ اقوليك حاجة ..؟
تعرف يا (بعاتي) .. زي نوعيتك دي كان زماااان البورد دا مليان لي حلقومو منها .. أنا ومعاي بعض الاخيار .. لقطناهم ليك واحد واحد .. الواحد تلقاهو ملقط وتجي من الصباح تلقاهو معلق في راس بيت البورد فوق هناك والناس دي كلها بتشوف ..

امانة ما وقعت معاي يا عمو عصام الزين .. اللي هو عصام الزين ..

البوست دا ريحته بطالة تجيب الطمام

دا ليمون توتي ما ينفع معاه

دا محتاج بف باف


بف باف ذو قوة ثلاثية للابادة

Quote: البوست دا ريحته بطالة تجيب الطمام دا ليمون توتي ما ينفع معاه دا محتاج بف باف بف باف ذو قوة ثلاثية للابادة

.. البف باف ممكن يعمل ليك حساسية يا هاجر اثناء الاستعمال ..
ما تستعملي بف باف وإنت مارقة مكان .. بي صورة أوضح:
اقري طريقة الاستعمال احتمال كبير (يكتم) ليك نفسك وتروحي فيها ..
في واحد قبل كدا البف باف دا عمل ليهو حساسية هنا .. داخ عديل كدا
إنت مقاومتك شكلها ما عالية ...
اضربي ليمون كتير وجرجير
إنت لسة شمستي ليك ريحــه ..؟ والله تقري ليك كلام هنا لمان تقفلي نخرينك واضنينك في آن واحد ..

انت عارف يا علاء

سبب بقاء الانقاذ واحد وعشرين سنة في حكم البلاد هو نوعية المعارضة في بلادنا وضعفها وعدم استفادتها من تجاربها القديمة سواء في الحكم او المعارضة وظل ذكاء الانقاذيين يتحكم في ادارة الصراع بحنكة وخلق انقسامات في صفوف المعارضين.

يا علاء

يا ريت نستفيد من طاقة الحريات الانفتحت للناس بالانتخابات وبالمناسبة اول نتائج ستكون مخيبة للامال وهذا شئ مجرب في بدايايات هذه التجارب ولكن مع استمرار التجربة ومع الحرص عليها وتنميتها وعدم انتكاستها بكل حال من الاحوال سناتي بالاحسن والاحسن يا علاء هو الذي لم يقتل شعبه ولم يستبح اعراض نسائه وان كان ذلك بعيدا يا علاء فمؤكد سياتي ذلك اليوم وان كان في الاجيال القادمة

الاجيال التي لم تشهد حروبنا الاهلية التي كان الجميع طرفا فيها

كلنا نحلم بالشفافية والعدل

تمبس

انا عايزة اسألك سؤال برئ

بس ما تاخد فيها حاجة

انت فلاتي ياتمبس ؟؟؟؟؟

عليك الله رد بعدين بقول ليك ليه

Quote: انت فلاتي ياتمبس ؟؟؟؟؟

اها يامناضلة السعال ده علاقتو شنو بموضوع البوست؟

يطلع تاماوي ولا شايقي ح نستفيد شنو ؟

الرد بتاع تمبس ده الظاهر افحمك شديد .

العريس سلام

سؤال جاوبني وبعد داك شوف موضوعك مع هاجر التهامي

لماذا تعتقد ان السودان هو الخرطوم فقط ؟

سؤالي ده بنيتو على كلامك بحكم انك جاي من السودان قريب واحتكيت بالوضع والناس هناك

عدد سكان الخرطوم على حسب ما ورد في موقع المفوضية وموقع الجهاز المركزي للاحصاء 5274321 ناخب اي ما يعادل نسبة 30% من عدد الناخبين وتتفق معي ان ليس كل سكان الخرطوم سيصوتون لعمر البشير وبنسبة معتبرة خاصة في مناطق اطراف الخرطوم وام درمان وبحري (لا اقصد الارياف ولكن النازحين) اها تدي عمر البشير كم في المائة في الخرطوم الولاية مع ملاحظة وجود الصادق المهدي والذي يتمتع بتاييد قوى وسط قواعد الانصار في ام درمان وبعض نازحي دارفور وكردفان وياسر عرمان كممثل للحركة الشعبية ويتوقع ان يصوت الجنوبيين بكثافة لصالحه (في حالة تدخل سلفاكير وباقان لدعمه) ولا ننسى الوجود القوي للاتحاديين في بحري وبعض مناطق الخرطوم ولو انهم يعانون من تضعضع وتشتت بسبب انقساماتهم

ارجع معاك شوية لعدد السكان ومن موقع الجهاز المركزي للاحصاء تجد ان
عدد سكان ولاية الخرطوم 5274321
المولدين بالولاية 3148606
المقيمين بصفة دائمة 5098442

اذن لديك ما يقارب 2 مليون هم نازحين او مهاجرين للعمل فالنازحين معروف من اين نزحوا (الغرب والجنوب وقليل من الشرق ) اما المهاجرين للعمل (الجزيرة و الشمالية والنيل الابيض وبعض مناطق السودان الفقيرة الاخرى وهذه تشمل الغرب والشرق ايضا) نسبة 2 مليون هذه ليست بالبسيطة ولا اقول انهم كلهم سيصوتون ضد البشير ولكن الغالبية منهم لديهم (غبينة) معه ولن يصوتوا له باضافة اعداد اخرى من سكان الخرطوم والذين لديهم ولاءاتهم وبعض لديهم (غبائن) ايضا من تشريد من العمل ومضايقة في الرزق او (كجنة ساكت للانقاذ)

البشير سيفوز في حالة واحدة فقط بالكلمة الانت ما ديره ديك (التزوير) وللاسف الشديد هذا ماتم ابتداءا من التعداد السكاني مرورا بعملية التسجيل في الانتخابات
اغلب التلاعب يتم اثناء عملية التسجيل بتسجيل من هم دون السن القانونية والموتي والغائبين (زي وزيك كدة) وذلك اعتمادا على انه لا تتم مراجعة متبادلة للمعلومات Cross Checking وللاسف الاحزاب المعارضة لم تهتم بفترة التسجيل وايضا المفوضية ساهمت في عملية التزوير وانت شاهد على ما تم هنا في الرياض من قيام موظفي السفارة بفتح اوراق التسجيل قبل وصول مندوب المفوضية وهو ما تم في اماكن اخرى كثيرة ما يقلل من اثر هذه العملية هو ان تكون مدة التصويت يوم فقط فتضيق الفرصة لمن يريد ان يصوت اكثر من مرة

فوز عمر البشير في انتخابات مزورة سواء ان كان باكتساح او غيره يعني نهاية السودان الذي تعرفه ولا اعني انفصال الجنوب ولكن السيناريو الاسوأ

اسمع انا كتبت كتير وعندي مشوار احاول اكمل معاك في وقت اوسع

Quote: انت فلاتي ياتمبس ؟؟؟؟؟

الاخت هاجر

سؤالك غير موفق وايا كانت الاجابه فهي لا تمت للنقاش بصله

ارجو منك شاكرا إلتزام الموضوعيه وإحترام عقولنا

Quote: Quote: انت فلاتي ياتمبس ؟؟؟؟؟

اللللللللله يا هاجر طبزتيها طبزة السنين
أنا ما عارف طبعاً العلاقة بين الموضوع الكاتبو تمبس ده وسؤالكـ
الموضوع غياااااااااااااظ وده شي معروف لأي زول ما بحب ناس الحكومة
لكن الغياااااااااااااظ اكتر سؤالكـ الأشتر ده
أها النقول ليكـ النجيضة
تمبس ده قرقور عديل كده
من قراقير الموردة
والنوع البياكل السمكـ بي شوكو
يعني عب كبير
أها نجيضتكـ شنو ؟؟

السلام عليكم تمبس العريس
ويبدو أن الملائكة قللت من تواجدها معك أو تكون تركتم في الخرطوم
الجيد في البوست إنك رجعت للكتابة باللياقة التامة
لكن ما دام أن البوست للرأي فلا داعي لمتاوقتك لنوع معين من المناضلين عشان يجوا هنا
أكتب رأيك وبرواقة الناس بتناقشك فيه ...
بخصوص التسجيل سجلنا وفي بيتنا صوتين كل صوت حيمشي لمرشح مختلف
لحسن الحظ ليس من ضمنهما البشير
أي حزب بيحترم نفسه لا تخيفه الانتخابات بأي شكل أتت
ونحن في انتظار الانتخابات وفي انتظار نتائجها
بس عايزك تخمن لينا نسبة لهذا الاكتساح لو أمكن عشان نحاسبك بيها عند ظهور النتيجة
البشير وحزبه لن يستطيعوا دخول هذه الانتخابات بنزاهة لأسباب عديدة
أولها : أنهم اعتادوا على أضواء الإعلام القومي وهم يمسكون بكل خيوطه لذا يستفيدون منه أكثر من بقية الأحزاب
مرة باسم رئيس الجمهورية ومرة باسم مرشح الرئاسة .
ثانيا : أنه وضمن المؤتمر الوطني العديد من الذين اغتنوا من أموال الشعب واستفادوا من مخصصات الدولة وإمكانياتها
وهؤلاء يعلمون تمام العلم أن هزيمة المؤتمر الوطني تعني وقوفهم أمام القضاء وسيتعرضون لسؤال منكر ونكير عن ثرواتهم التي كنزوها طوال حكم الإنقاذ
وطبعا هؤلاء فيهم مستوزرين كبار .
ثالثا : هزيمة المؤتمر الوطني تعني هزيمة مشروع الواحد وعشرين سنة وهزيمة لبرنامج ترددت أصداؤه كثيرا على أسماع المواطنين
رابعا : هاجس المحكمة الجنائية الدولية وهذا الهاجس وبما أنه يطال البشير وهو رئيس المؤتمر الوطني فهو بالتالي يطال الحزب بأكمله.

أما فيما يخص مؤيدي البشير بحجة عدم البديل فيؤسفني أن أقول أنهم يفقتدون للحجة والبصيرة
فعندما تؤيد مرشحا ليحكم البلد الذي تحمل جواز سفره وجنسيته فيجب أن يكون تأييدك مبني
على اقتناع ببرنامج هذا المرشح ومصداقيته والتزامه بطرحه السياسي وليس على كرهك
أو عدم اقتناعك بمرشح آخر .

عموما مشكور على هذا البوست وأرجو أن لا ينزلق إلى متاهات أخرى
يكفي كارثة الاكتسااااااااااااااااااح هذه

Quote: السلام عليكم تمبس العريس ويبدو أن الملائكة قللت من تواجدها معك أو تكون تركتم في الخرطوم الجيد في البوست إنك رجعت للكتابة باللياقة التامة

سلامات يا جعفر .. الملائزة تعرف إلى اين تذهب بمفردها الكتابة يا جعفر ليها مزاج وليها طقوس محددة .. اللحظة البيطلع منك مود الكتابة تاني ما بيرجع بالساهل ..

Quote: لكن ما دام أن البوست للرأي فلا داعي لمتاوقتك لنوع معين من المناضلين عشان يجوا هنا أكتب رأيك وبرواقة الناس بتناقشك فيه ...

البوست فعلا لوجهة نظر شخصية بحته لكن ما بينفي فرضية إنو موجه لنوعية معينة من العضوية هنا هي كما (الخل) تفسد كل ما هو جميل .. لذلك كنا عايزين نعرف وجهة نظرم شنو في الافساد دا .. والشئ الساهمو بيهو في المكان دا شنو بعد بياناتهم النارية وبعدما ضللوا الناس ونفروهم عن فكرة الانتخابات بغسم المعارضة وما زالوا يمارسون نفس المنهج ..

Quote: بخصوص التسجيل سجلنا وفي بيتنا صوتين كل صوت حيمشي لمرشح مختلف لحسن الحظ ليس من ضمنهما البشير أي حزب بيحترم نفسه لا تخيفه الانتخابات بأي شكل أتت ونحن في انتظار الانتخابات وفي انتظار نتائجها

دا كلام سليم يا جعفر طالما انك سجلت من حقك تدي صوتك لي اي جهة تعتقد انها ممكن ترضيك وتقدم للسودان وشعب السودان كل خير طالما انك سجلت خياراتك مفتوحة والامانة تحمله صعب جدا .. واتفق معك إن اي حزب بيحترم نفسو ما عندو اي مشكلة لطالما هو بيعبر عن راي الجميع .. تسجيلك هو بوابة الدخول للديمقراطية .. ومن حقك تختار زي ما عايز .. لكن أن تكون ابكم بلا صوت .. واخرس بلا سمع للنصح .. وفوق لذلك تدعي وطنيتك وتدعي المسؤولية .. وتضلل غيرك فهذا لا يحتمل .. تضيع الفرصة عليك وعلى غيرك وعلى وطنك ..

Quote: بس عايزك تخمن لينا نسبة لهذا الاكتساح لو أمكن عشان نحاسبك بيها عند ظهور النتيجة

تحاسبني بيها ؟؟ إنتو بتحاسبو بي وجهات النظر ..؟ يعني لما وجهة نظري دي تطلع سليمة اجي اعمل اعلان هنا دا للناس الصوتت لغير البشير واحاسبه ؟؟
يا سيدي هذا البوست فيه رؤيتي الخاصة جدا ... لبرامج الاحزاب التي تنازل المؤتمر الوطني .. كتبت فيه عن سلوكيات البعض .. وعندما عنيت الاكتساااح .. كنت اعني اكتساااح .. وهي مفتوحة بامكانك ان تختار النسبة المءوية التي تناسبك .. لانو مفردة اكتساااح بتعني إنو المكتسح في وادي .. والمفعول بهم في وادي تاني .. ولو اردت الدقة .. فإن النسبة تتعدى فوق التسعين في المائة .. والفرق واضح من الآن .. وحسب المعطيات التي اراها من زاوية خاصة بي ..

Quote: البشير وحزبه لن يستطيعوا دخول هذه الانتخابات بنزاهة لأسباب عديدة أولها : أنهم اعتادوا على أضواء الإعلام القومي وهم يمسكون بكل خيوطه لذا يستفيدون منه أكثر من بقية الأحزاب مرة باسم رئيس الجمهورية ومرة باسم مرشح الرئاسة .

إذا تمكنوا من الاعلام ترى ماذا تبقى لهم ..؟ وماذا يفيد من غير اعلام ..؟ كيف لك أن توصل وتسوق لنفسك دون الإعلام ..؟ راجع ما يتعلق بالاعلام .. واثره يف الحياة العامة .. بالاعلام يا سيدي يمكن ان تغزو العالم ..

Quote: ثانيا : أنه وضمن المؤتمر الوطني العديد من الذين اغتنوا من أموال الشعب واستفادوا من مخصصات الدولة وإمكانياتها وهؤلاء يعلمون تمام العلم أن هزيمة المؤتمر الوطني تعني وقوفهم أمام القضاء وسيتعرضون لسؤال منكر ونكير عن ثرواتهم التي كنزوها طوال حكم الإنقاذ وطبعا هؤلاء فيهم مستوزرين كبار .

إذا كانت هناك جهات تحاسب وتسأل سؤال منكر ونكير لما كان وصل الحال إلى هذا الحد .. انا لا اضمن اي أحد في السلطة حكومة كانت أم شريك في الحكم أو زعماء قدامى .. انظر من حولك للعديد من السادة وزعماء الاحزاب .. وانظر من تعاقب فيهم على سدة الحكم .. عبر سنوات السودان جميعها .. وعاد الان معارضا أم حليفا.. من منهم تمت محاسبته ؟؟ هي نفس الوجوه تتكرر باحثه عن نعيم السلطة .. تفرق عنهم الانقاذ بي اعلامها وبكل تخطيطها واحد وعشرين سنة .. كل من تتوفر له امكانية ان يعتلي الكرسي .. ستشغله السلطة .. وجمع الثروة .. والجاه ... واحد قالي .. والله اخير ناس الانقاذ ديل ياكلو ويصلحو لينا بدل ما يجينا واحد ياكل ويقش خشمو ..

Quote: ثالثا : هزيمة المؤتمر الوطني تعني هزيمة مشروع الواحد وعشرين سنة وهزيمة لبرنامج ترددت أصداؤه كثيرا على أسماع المواطنين

هزيمة الواحد وعشرين سنة ابتدات الآن في الطريق إلى شرعيتها الدستورية .. ستحكمون الآن بالصندوق .. دولة الانقاذ التي استمرت واحد وعشرين سنة .. لا اعتقد إن الاشباح الحالية فيهم من هو قادر على اقناع الشعب بفكرة التفكيك ناهيك عن هزيمة المشروع برمته .. تضحكني شعارات بعضهم عن الثورة الشعبية .. وعن الشارع .. وتناسوا أنو ناس الشارع انقرضوا زي الديناصورات ما انقرضت واصبحت مجرد الفكرة عبارة عن خرافة .. وخططت الانقاذ لذلك من ضمن برامج صغيرة جدا في حجمها عميقة في سايكلوجيتها...

Quote: رابعا : هاجس المحكمة الجنائية الدولية وهذا الهاجس وبما أنه يطال البشير وهو رئيس المؤتمر الوطني فهو بالتالي يطال الحزب بأكمله.

مضحك هذا الأمر .. ونحن نرى كل من راهن على حبس المؤتمر الوطني في شخص الرئيس داخل السودان وسجن السودان في شخص الرئيس .. إنت ما بتعرف تتابع ..؟ مضحك أمر المحكمة الجنائية التي رأينا كيف أهل المؤتمر الوطني حولوها من اداة ردع وكسر ذراع إلى عامل قوة والتفاف جماهيري .. حتى اصبحت هذه القرارات عبارة عن حجوة تصلح للاطفال قبل النوم .. انظر هنا بداخل البورد لو كنت في .. كيف ماتت اماني المعارضين انصار المحكمة الجنائية .. اصحاب الاجندة الخفية والسرية جدا أنظر كيف تهالكوا في اول طلعة جوية للبشير .. والطلعات التي اعقبتها .. الليس هذا في حد ذاتو حرب (اعـلامية) دولية اشبه بتلك الحملة القومية التي ذكرتهـا ..؟ ماذا بيد المحكمة الآن لتفعله وماذا لانصار المحكمة من ضعاف المعارضة واذكر منهم من راهن بكل ما يملك .. أن حال ان يذاع خبر المحكمة الجنائية .. ستشهد العاصمة المثلثة نزوح سكانها ... أمثال هؤلاء يخاطبون عقول من ..؟ نفس هذه العقلية تتبع لحزب محدد منافس .. تتبع في سياستها .. هذا النهج المضحك لاسقاط المؤتمر الوطني .. يا للبؤس ..

Quote: أما فيما يخص مؤيدي البشير بحجة عدم البديل فيؤسفني أن أقول أنهم يفقتدون للحجة والبصيرة فعندما تؤيد مرشحا ليحكم البلد الذي تحمل جواز سفره وجنسيته فيجب أن يكون تأييدك مبني على اقتناع ببرنامج هذا المرشح ومصداقيته والتزامه بطرحه السياسي وليس على كرهك أو عدم اقتناعك بمرشح آخر .

طيب الكراهية للطرف التاني جات نتاج شنـو؟؟ التكرار ونفس الوجوه .. البرنامج المبني على نقد الانقاذ وعدم الطرح لبرنامج بديل .. اعتقد ان حجتهم هنا اقوى من بصيرتك التي تريد فقط أن ترى بها في تجاه واحد وتسقط غيرك .. ودي المشكلة الكبيرة ..

Quote: عموما مشكور على هذا البوست وأرجو أن لا ينزلق إلى متاهات أخرى يكفي كارثة الاكتسااااااااااااااااااح هذه

لك الشكر .. والحمد لله لي مقدرة على إدارة البوست برغم بعض الذين تم ارسالهم بعناية ..
جميل انك عرفت القصد وفهمت انو الاكتسااااح بيعني شنو .. واريتكم كان فهمتوها من بدري ..

Quote: أها النقول ليكـ النجيضة تمبس ده قرقور عديل كده من قراقير الموردة والنوع البياكل السمكـ بي شوكو يعني عب كبير أها نجيضتكـ شنو ؟؟

ياعم عمران

ازيك وكيفنك

انا ما سالت من انو قرقور ولا عب دي

بعيدة من مخيلتي شويةبس البيناتكم دي

انتو مخيرين فيهاتقولو ليه ياقرقور

ياعب انا مالي دخل.

بس ايمكن فيه عرق فلاتة من ناحية من النواحي

خلي صاحبك دا يرد على سؤالي بعدين بجيك بالنجيضة

مع تحياتي ليك

هاجر

Quote: بس ايمكن فيه عرق فلاتة من ناحية من النواحي

sorry هاجر

إنت تعديتي حدودك

ارجو ان تعيدي التفكير فيما تكتبين

هــاجر التهامي ..
الشهيرة بي هاجر طمام ..
أنا فلاتي .. وفي الفلاتة فلاتي كااارب جدا .. يللالا قولي لي ليييه ..

بالمناسبة:
جهزت ليك الليمون بتاع أمبارح .. في نوعين .. واحد بيتعصر للعصير .. والتاني بيتقرش ..
..

حبابك يا رانيـا .. وحباب ورقة العنب ..
غايتو العنبة دي لو بقت رمز انتخابي بديها على طول .. حتى لو كانت الحزب الشيوعي

Quote: هاجر إنت تعديتي حدودك ارجو ان تعيدي التفكير فيما تكتبين

اخ نادر

معليش ياخي انا تمبس دا ابدا

ما تعديت عليه وبعدين دا مجرد سؤال

مالذي اساك فيه يا اخي.

Quote: لماذا تعتقد ان السودان هو الخرطوم فقط ؟ سؤالي ده بنيتو على كلامك بحكم انك جاي من السودان قريب واحتكيت بالوضع والناس هناك

.. سلامات يا باشمهندس:
في الاجابة على سؤالك البنيتو على فرضية إني جاي من السودان قريبات دي يا باشمهندس من أولو مبني على فرضية غير سليمة .. ولو لاحظت انا عممت الفرضية بتاعت الاكتساااح على كل المناطق واشرت إلى المواطن البسيط في غير العاصمة الخرطوم .. ودا برضو بنيتو على فرضية اليد الطولى للانقاذ في التعامل مع المواطن هناك وفق الحوجة الماسة .. الاعمار في دارفور الحالي اعادة ما تسببت فيه الحرب .. الاتفاقيات المبرمة من نيفاشا إلى الدوحة الاطارية وما اعقبه من اسهم تحسب في جانب الحكومة تارة بالهيمنه على قيادات محددة بكل تبعاته وأخرى يدخل فيها الجانب القبلي الاستقرار النسبي للسكان في مناطق الحروب العودة الطوعية لبعض النازحين .. دي ممكن تسميها فرضيات بنيت عليها لما هو خارج الخرطوم .. الخرطوم التي شفتها بعيني .. اصبحت لا تفرق كثيرا من اي منطقة ريفيه خارج الخرطوم استنادا على التصنيف او التوزيع الذكرتو .. في شارع واحد في الخرطوم ممكن تحتك بي مية وجه وبي مية سحنه وكل بيمارس حياتو بشكل طبيعي .. نفس النماذج من السحنات دي .. ممكن في اي حشد جماهيري بتلقى نموذج مكبر وزيادة في العددية .. هؤلاء استطيع وبي احتكاك مباشر ان اجزم لك عن كيفية تفكيرهم تجاه الوضع الانتخابي .. هذا لو افترضنا أنهم بكامل وعيهم ودورهم من السياسة الحاصلة ..
لنضع الاحصاء السكاني جانبا مؤقتا .. طيلة فترة تواجدي واحتكاكي بمعظم الطبقات المثقفة منها .. والحزبية منها التمست ما يمكن ان يعضد فكرتي على مستوى عالي جدا ..

Quote: عدد سكان الخرطوم على حسب ما ورد في موقع المفوضية وموقع الجهاز المركزي للاحصاء 5274321 ناخب اي ما يعادل نسبة 30% من عدد الناخبين وتتفق معي ان ليس كل سكان الخرطوم سيصوتون لعمر البشير وبنسبة معتبرة خاصة في مناطق اطراف الخرطوم وام درمان وبحري (لا اقصد الارياف ولكن النازحين) اها تدي عمر البشير كم في المائة في الخرطوم الولاية مع ملاحظة وجود الصادق المهدي والذي يتمتع بتاييد قوى وسط قواعد الانصار في ام درمان وبعض نازحي دارفور وكردفان وياسر عرمان كممثل للحركة الشعبية ويتوقع ان يصوت الجنوبيين بكثافة لصالحه (في حالة تدخل سلفاكير وباقان لدعمه) ولا ننسى الوجود القوي للاتحاديين في بحري وبعض مناطق الخرطوم ولو انهم يعانون من تضعضع وتشتت بسبب انقساماتهم

اتفق معك في عدم التصويت الكلي من الداخل بنفس النسبة البختلف فيها معك من خارج الخرطوم والأطراف .. بفرضية سهولة الوصول والبرنامج المنظم للحملة الانتخابية .. وبفرضية عين شافت .. شافت الحشود المنظمة بشكل جيد من فترات بعيدة .. والزاد مع فترة البرنامج الانتخابي .. للمؤتمر .. بتوفر الامكانيات التي تحسب لصالح المؤتمر مقارنة بالاحزاب الاخرى .. لا تقل النسبة عن الخمسة وتسعين في المية .. تأئيد الصادق المهدي وسط انصاره ؟ هل كل انصار المهدي هم في اتفاق تام معه ؟؟ ( راجع ما يتعلق بحزبي الأمة والاتحادي في امدرمان) في بداية البوست .. في حملة ياسر عرمان الانتخابية .. ويمكن أن تراجع وجهة نظري عن المرشح عرمان .. ولو فرضنا تحالفات بعض الاحزاب .. ورجعنا للتضعضع القلتو دا .. كل ذلك .. يمكن أن يخلق نوع من الخلل الذي لا يذكر .. وهي النسبة الضعيفة الخمسة في المية .. هذا لو اجتهدوا في ما تبقى من أيام بتصحيح الخطاب ومحاولة تجميع ما تبقى لهم من فتات المؤتمر الوطني ..
ح ارجع لباقي كلامك .. بالتفصيل .. في وقت غير الآن .. ح اضطر ابعد شوية من النت .

Quote: اذن لديك ما يقارب 2 مليون هم نازحين او مهاجرين للعمل فالنازحين معروف من اين نزحوا (الغرب والجنوب وقليل من الشرق ) اما المهاجرين للعمل (الجزيرة و الشمالية والنيل الابيض وبعض مناطق السودان الفقيرة الاخرى وهذه تشمل الغرب والشرق ايضا) نسبة 2 مليون هذه ليست بالبسيطة ولا اقول انهم كلهم سيصوتون ضد البشير ولكن الغالبية منهم لديهم (غبينة) معه ولن يصوتوا له باضافة اعداد اخرى من سكان الخرطوم والذين لديهم ولاءاتهم وبعض لديهم (غبائن) ايضا من تشريد من العمل ومضايقة في الرزق او (كجنة ساكت للانقاذ)

أولا يا باشمهندس احصائياتك عن النزوح غير دقيقة .. السنوات الأخيرة اصبحت ظاهرة النزوح للعاصمة من أجل العمل على مناطق اقليمية بعينها غير مرتبطة بالغرب والجنوب وقليل من الشرق .. بل نزح دونهم من بقية الاقاليم .. أرجو مراجعة الافتراضية دي .. شايفك اسقط في حصرك (قطاع الطلاب) من جهات السودان المختلفة .. وديل اكبر عنصر اعتمدت عليه حكومة الانقاذ في كل ادبياته .. وديل في حد ذاتم ثقل كبير جدا ليهو مكانة كبيرة في التعداد بتاع الاتنين مليون دا .. لنفترض إنك استبعدت البعض منهم بسبب (الغباين) التي ذكرتها .. فلابد وأن تنتبه للكم الهائل الموالي للانقاذ .. نمسك فقط قطاع الطلاب بالجامعات المختلفة فقط داخل العاصمة .. ونقيس على ذلك .. أو نخصم من المجموع الكلي .. ونضيف لهم بعض الذين ليست لديهم اي غبائن مع المؤتمر .. وبعض الذين ليست لهم مصالح مع احزاب أخرى .. وبعض الذين لا يحتملون أن تتكر لهم تجارب قديمة مروا بها من قبل وبعض الذين (حلوا) مكان الذين (شردوا) من عملهم بنفس عددية المفصولين .. ونقوم بإجراء معادلة أخرى .. أو نظرة فاحصة .. ونضع النسب التقديرية ..

Quote: البشير سيفوز في حالة واحدة فقط بالكلمة الانت ما ديره ديك (التزوير) وللاسف الشديد هذا ماتم ابتداءا من التعداد السكاني مرورا بعملية التسجيل في الانتخابات

.. انا مش هارب من عبارة التزوير .. لكن ما ذلت اكرر أنها شماعة باليه تطلق مسبقا زي شماعة التحكيم فاشل .. وكما اشرت هناك جهات مراغبة لضبط العملية الانتخابية لتقطع الطريق أمام الفرضية .. وأكرر إذا كانت الجهات الحزبية الأخرى غير قادرة على عملية الضبط وهناك ثغرة يمكن أن يستخدمها المؤتمر الوطني ليمرر من خلالها الفوز، إذا فالنبارك للمؤتمر الوطني الفوز من الآن .. أو ما هو دور الاحزاب في عملية الضبط .. لو اساسا عارفين انو في جهة ممكن تعمل كدا ..

Quote: وللاسف الشديد هذا ماتم ابتداءا من التعداد السكاني

يعني الاحصائية بتاعت التعداد دي مزورة ..؟

Quote: اغلب التلاعب يتم اثناء عملية التسجيل بتسجيل من هم دون السن القانونية والموتي والغائبين (زي وزيك كدة) وذلك اعتمادا على انه لا تتم مراجعة متبادلة للمعلومات Cross Checking وللاسف الاحزاب المعارضة لم تهتم بفترة التسجيل وايضا المفوضية ساهمت في عملية التزوير وانت شاهد على ما تم هنا في الرياض من قيام موظفي السفارة بفتح اوراق التسجيل قبل وصول مندوب المفوضية وهو ما تم في اماكن اخرى كثيرة ما يقلل من اثر هذه العملية هو ان تكون مدة التصويت يوم فقط فتضيق الفرصة لمن يريد ان يصوت اكثر من مرة

الاحزاب المعارضة لييه ما تهتم بي عملية التسجيل عشان تجي تكورك تقول مزورة ..؟ الح يهتم ليها منو ..؟ القواعد حقته ..؟ ما كمان دي ضمن الترتيبات المسبقة . هو عليك الله زول بيفرط لي في حقي .. اديهو صوت لي شنـو..؟ فرقو شنو من المؤتمر الوطني يا باشمهندس ..؟ الفرق غنو المؤتمر الوطني حشد .. وعرف كيف يخطو خطوات سليمة ومرتبة .. بينما الاحزاب التانية بقت شغاله بي أخطاء المؤتمر كأنما اخطاء المؤتمر هي الح ترشحه .. ما تم في السفارة يا باشمهندس لو كان حصل فدا امتداد للتقصير .. كمية من الاحزاب وممثليها ساهمت في العملية بتاعت التسجيل .. ليه ما وقفو بشكل جيد واعترضوا على الفترة الفتحت فيها الناس دي أوراق التسجيل .؟ ووين نفس الممثلين اللي مفترض يكونو واعيين لي المسالة دي ويضعوا ليهم خطة مدروسة من بدري لقطع الطريق لطالما هم عارفين انو دا نهج الانقاذ كدا دا ..
بالاضافة إلى ذلك .. الشخصيات الجابت الخبر دا هنا زكتبت عنو وروجت ليهو .. البعض فيهم ليس كامل الاهلية .. ولي له من الضمير الكافي .. بل هو من ضمن المتسلقين الذين اضروا وضللوا البعض هنا وفي الرياض .. ولا اخفي عليك سرا .. (نفخهم) هنا في هذه المساحة .,, هو الوبال الذي انقاد إليه البعض .. وروجو له وانخرط من خلفهم البسطاء الذين لا يعرفون معنى الحقوق .. معظم هؤلاء الآن معزولين تماما .. لافتقادهم اقل حق من حقوقهم .. بعد رفضهم للتسجيل .. وهذا في حد ذاته مؤشر بمقتضاه لا يحق لهم حتى التحدث في الشأن السياسي ولا حتى في اسقاط من من المرشحين ولا حتى الترويج يل اي حزب آخر من الآحزاب ..

Quote: فوز عمر البشير في انتخابات مزورة سواء ان كان باكتساح او غيره يعني نهاية السودان الذي تعرفه ولا اعني انفصال الجنوب ولكن السيناريو الاسوأ

اسواء من ماذا من يوم الاتنين الأسود ..؟ لا اعتقد فطالما كان اكتساح المؤتمر (بغيره).. لماذا تفترض نظرية الاسواء ..؟ هل بالامكان ان ندرج هذا الحديث مقرونا بنظرية (التزوير) ..؟

الاخت هاجر
فلنفترض نعم...
اسألى طيب...

Quote: جهزت ليك الليمون بتاع أمبارح .. في نوعين .. واحد بيتعصر للعصير .. والتاني بيتقرش ..

وانا جهزته ليها ليمون ناشف حا اوديهو سوق امدرمان اطحنه ..
اعتقد انها محتاجه لي سفوفه وكمون اسود..
تخلط في صحن بايركس لونه بني ..
ومعاها زيت خروع وجنزبيل و ضنب سمك مطحون بي شوكو..
وتقرا المعوذات ..
عسي الله ان يفك كربتها ويحلحل عقدتها..


ـــــــــــــ

يا هاجــــر طمام بطن ..
عايني ..
ممكن تديني فرصة اغير في الخانـة بتاعت القبيلة القاطعاها لينا من راسك دي ..؟
يعني إنت بي مزاجك كدا تبقيني فلاتي ..؟
حسع ما كان تقولي لي إنت محسي .. دنقلاوي .. زغاوي .. فوراوي .. إلخ
أنا بطعن في التصنيف حقك دا .. وبطعن طعن دستوري في السؤال حقك ولي حق إني اغير في اي لحظة ..
أنا من الليلة ولي قدام .. معاك في سرج واحد .. فلاتيه .. معاك فلاتي .. تركيه معاك تركي .. هندية هندي معاك ..
اقوليك حاجة ..؟؟
معاك لحدت أمريكي .. امريكي راسي عديل كدا .. فلاتي أمريكي .. اهـا قصرت معاك ..؟
تكتري السالفة .. ممكن اطلع ليك كندي راسي عديل .. شفتي كيف يا مامـا ..

بس كدي تعالي .. وريني إنت الفلاتـه ديل عملو ليك شنـو..؟
عندك مشكلة مع فلاتي لا سمح الله ..؟ طوالي طاااخ خاتاها ليهو ..؟
حرام عليك يا شيخـه ..
غايتو كان تراجي جات لقتك مخرمجة الكلام دا .. احتمال كبير تشدها ليك لمن تطقطقي .. بس خليها تصحى من النوم
مع انو احتمال كبير تراجي ما تكون نايمه .. حتى لو نايمه زاتو تراجي دي بتنوم بي عين وبتفتح عين ..
عين في الكيبورد .. وعين وخمسة وخميسة في وش اللي ما يتسماش ..


قال ايه .. إنت فلاتي ..؟
حسع كان في فلاتي جاك هنا بتقولي يا منـو..؟

Quote: ما تعديت عليه وبعدين دا مجرد سؤال

هسي يعني بي منطقك دا ممكن تمبس يسألك أي سؤال !!!؟؟

Quote: هسي يعني بي منطقك دا ممكن تمبس يسألك أي سؤال !!!؟؟

Quote: هسي يعني بي منطقك دا ممكن تمبس يسألك أي سؤال !!!؟؟

والله يا السيد المسلمي .. ويا فيصل .. كنت عايز اساله ..
لكن يا هاجــر شديك فوق الله ..
يسالك الله يا إنتي .. ويلم فيك فلاتي من الفلاته المطممين بطنك ديل يسالك سؤال القبــر .. يسالك كدا ما يخلي ليك حتة تتقلبي عليها .. اي زول يشوفك يقول دي مسؤوله من الخير ..

يا تمبوسة

يعني القشة الرمته هاجر في درب الاكتساح قلبتو لعصرة ليمونة وانتهى الموضوع

واتى الموب من كل حدب وصوب وشبكونا بي شوكو وب عضمو

واي طفل جالس خلف كي بورد عارف انو كلنا حد فصاحتنا هو هذه المفاتيح الغلبانة

مسكينة بلدنا

Quote: يا تمبوسة يعني القشة الرمته هاجر في درب الاكتساح قلبتو لعصرة ليمونة وانتهى الموضوع واتى الموب من كل حدب وصوب وشبكونا بي شوكو وب عضمو واي طفل جالس خلف كي بورد عارف انو كلنا حد فصاحتنا هو هذه المفاتيح الغلبانة مسكينة بلدنا

.. يا عمو قرجــه ..
بوست الاكتساااح دا حدو حمار الخلا يهنق ..
لكن طبعا هاجر دي عندها مشكلة مع الفلاتـه .. عشان بيطممو ليها بطنه .. فقلنا الليمون دا نجهزو ليها ونوريها إنو الفلاته ديل كويسين .. يللا بعداك الشغله مدورة .. ما تقلق يا عمو .. وبطنك ما تطم والبركة فوق شوفتك دي زاتو ..

Quote: انت فلاتي ياتمبس

Quote: بس ايمكن فيه عرق فلاتة من ناحية من النواحي

الاخت هاجر ده شنو ده ... علاقتو شنو بالكتبو الاخ علاء ...


سؤالك عن ماهي قبيلتو ... او فيهو عرق ...يعني هسي انتي فرقك شنو من ناس الانقاذ ...

يا تمبس ياخي الانقاذ دي كفايه منها ...يعني هي محمدانا محمدانا ...

انا اقتنعت ان منظمات المجتمع المدني غير المسيسه هي البديل .. يعني الناس تتفق من غير انتماء سياسي او جهوي لبناء السودان بعداك يفوز الجن الاحمر من السياسيين بيكون غير مهم ... واعتقد انو الناس بدأت (تجدع) طوبة الاحزاب والتنظيمات السياسيه ...لانو الناس بدأت تعرف انو مافي دوله في العالم بنوها وطوروها سياسيين ببساطه لانهم كذابين ...

معقولة.....!!!!


الواحد يخلي البوست في نظرية الأناكوندا والأوركيدة ، يغيب يومين يلقاه عرج على نظرية قبيلتك شنو ولا اطلع لينا برا؟؟



البوست بقى انتكاس بدلا عن اكتساااح..


بوستيكـ استحم يا تمبس

Quote: البوست بقى انتكاس بدلا عن اكتساااح.. بوستيكـ استحم يا تمبس

شيمو مقص ..
ما تحرفي البوست

Quote: بس ايمكن فيه عرق فلاتة من ناحية من النواحي خلي صاحبك دا يرد على سؤالي بعدين بجيك بالنجيضة

عارفه انا بحب الاقاشي موووت .. احتمال الاقاشي دا يكون عمل لي عرق ..؟
احتمال يكون عندي عرق اقاشي ؟؟


ادينا نجيضتك .. اديتينا الليل .. تلقاك حسع دي بتلفلفي بي بره .. وجماعتك لافين معاك ..
ضيعتو لينا الزمن ساااي ..

..
.
نتلاقى بكره يا هـاجر كان الله حيانـا .. كويس معاك .. ؟
شدي حيلك الاسبوع من بكره انا بلاطـه .. بلاطه بي اهمال .. جهزي لي ساندوتشات الاقاشي واطلعي منها .. جهزي الاقاشي والله امتعك متعة في الدنيا دي ..؟
شان الواحده تاني لما يقولو ليها امشي اكتبي هناك كدا .. اصلو ما تجي جاريه تكتب ساااي ..
إنت القاليك اكتبي سااي منو ..؟
إنت فلاتيه واللا شنـو..؟

Quote: بالنسبة لي أحداث يوم الاتنين الاسود .. هل من محلل اي كان لونه السياسي .. ان يفتي في هذا الموضوع وأثره في تدعيم الاكتساااح وانتشار المد الحكومي ..؟ كما أرجو استصحاب تجربة المهندسين وما صاحبها من انفلات قامت به مجموعة تنتمي لفصيل دارفوري .. احدثت نفس الجلبة وسط المواطنين .. المقارنة بين الحركتين .. وبين بقية الاحزاب السلمية ..

.. بلاي كلام ليهو يومين لمان نشف ماف زول افتى لينا فوقو .. وتجيك هاجر تقوليك البلد دي ما فيها فلاته واللا شنـو..؟
والله يا هاجر حسع دي تراجي كان لقت الكلام دا كان تنظر فوقو تنظير شديد خلاص ..
براك بتضيعي الفرصة بتاعت إنك تتلصقي فيني واشيلك فوق راسي ونطلع لي فوق علشان نحصل تراجي ..
عايزه ترصي ليك طوووب وتطلعي فوقو .. قايله الطلعان فوقو دا ساهل ..
حسع دي كان الطوب دا ميل بيك وجابك وردلب الواطه وكسرتي رقبتك مش عليك الله خسارة عديل كدا ..؟
كدي عليك الله تعالي افتي لي في الحتات دي شوية .. احتمال نطلع منك بي حاجة كويسة بدل الخرمجة الخرمجتيها دي ..
تعالي ياخ .. النبي فيك تعالي ..

تمبس يا حبيب

كدي ورينا الفوره كم تعبنا نمشي و نجي

.

Quote: والله يا هاجر حسع دي تراجي كان لقت الكلام دا كان تنظر فوقو تنظير شديد خلاص .. براك بتضيعي الفرصة بتاعت إنك تتلصقي فيني واشيلك فوق راسي ونطلع لي فوق علشان نحصل تراجي .. عايزه ترصي ليك طوووب وتطلعي فوقو .. قايله الطلعان فوقو دا ساهل .. حسع دي كان الطوب دا ميل بيك وجابك وردلب الواطه وكسرتي رقبتك مش عليك الله خسارة عديل كدا ..؟ كدي عليك الله تعالي افتي لي في الحتات دي شوية .. احتمال نطلع منك بي حاجة كويسة بدل الخرمجة الخرمجتيها دي .. تعالي ياخ .. النبي فيك تعالي ..

الزوله دي دقست واترفست ..
تمبس والله نحن عافين ليك الجلد والعضم ..الاتنين شيلهم والبفضل ممكن تعملو مخلل ..

Quote: الزوله دي دقست واترفست .. تمبس والله نحن عافين ليك الجلد والعضم ..الاتنين شيلهم والبفضل ممكن تعملو مخلل .

والله ياتمبس ريحتني في ديني ...
وامسك في كلام فيصل الرشيد دة ،،، والعضم زاتو ما دايرنو شوربة وكدة

Quote: والله ياتمبس ريحتني في ديني ... وامسك في كلام فيصل الرشيد دة ،،، والعضم زاتو ما دايرنو شوربة وكدة

.. اوووه طلال جبير .. معليش مداخلتك دي كنت داسيها لينا وووين ..؟
الزولة دي من نوعية الرخويات .. ما فوكه عضم .. غايتو هي اتسلقت .. لو عندك (كوورة) يا قرعة .. (لقيها) نغرف ليك ..

Quote: تمبس يا حبيب كدي ورينا الفوره كم تعبنا نمشي و نجي

.. مافي فورة يا نـادر بعد كدا .. زمان كانت مليون .. لكن حسع الفوره اكتساااح ..

Quote: الاخت هاجر ده شنو ده ... علاقتو شنو بالكتبو الاخ علاء ... سؤالك عن ماهي قبيلتو ... او فيهو عرق ...يعني هسي انتي فرقك شنو من ناس الانقاذ ...

سلامات يا السنوسني ..
هاجر دي مسكينة .. الاسلوب دا زمان استخدم في المنبر هنا دا .. واستخدم خارج المنبر دا .. دخوله هنا دا كان اكبر غلطة ليها ولو ثبتت كانت ح تدفع التمن غالي .. غالي جدا .. ممكن بي نفس الاليه دي .. اسرح ليك معاها شديد .. وفي النهاية بتخسر هي .. لانو بالاضافة لي سؤاله دا .. في بوست ليها سرحت ودخلت في حتات تانية .. ضيقة جدا .. كانت ح توديها التوج .. لكن مشكلة المكان دي الناس ديل كلهم مساكين وضعيفين جدا .. الواحد فيهم أو الواحدة ما أن تقعد ليهو .. بيمشي وبتغلبو الحيلة ..
زي هـاجر دي احسن ليها تمشي تراجع نفسها ... لو في عقده جواهـا من حاجة محددة تعالجـه .. بي شكل سريع ولو بتعاني من مرض محدد تعرض نفسها على الطبيب .. المكان دا مكان نقاش .. حجه .. البجي للنقاش حبابو الف .. البجي لي غير النقاش حبابو مليون ..

Quote: يا تمبس ياخي الانقاذ دي كفايه منها ...يعني هي محمدانا محمدانا ...

عشرين سنة وداخله على الواحد وعشرين .. كان كفاية لو الفهم بتاع الناس المعارضة كان سليم وعقلاني ... لكن الواحد وعشرين دي الله اعلم ح تعمل كم .. بالشايفو دا ..

Quote: انا اقتنعت ان منظمات المجتمع المدني غير المسيسه هي البديل .. يعني الناس تتفق من غير انتماء سياسي او جهوي لبناء السودان بعداك يفوز الجن الاحمر من السياسيين بيكون غير مهم ... واعتقد انو الناس بدأت (تجدع) طوبة الاحزاب والتنظيمات السياسيه ...لانو الناس بدأت تعرف انو مافي دوله في العالم بنوها وطوروها سياسيين ببساطه لانهم كذابين ...

كذابين دي هي خلاصة القول .. وضعيفين .. نقدهم للانقاذ ينطبق عليهم .. والمؤسف إنو ما عايزين يدوك فرصة لي انك تكون بدون اي انتماء حزبي .. تكون فلوتر معناته إنت كوز .. وموالي للحكومة .. تعبر عن رأئك بصراحة .. إنت مصنف غصباً عنك ..

تمبس .. كيفنك
لا بحب السياسة ولا بدخل شارعها ..
بس بوستيك في الصميم ..
رغم محالاوت البعض من الخروج عن المعنى ..

سير .. ومتابعين للاستفاده ..

خلي واحد يدخل هنا ويقول لي مستفيده شنو ؟

Quote: تمبس .. كيفنك لا بحب السياسة ولا بدخل شارعها .. بس بوستيك في الصميم .. رغم محالاوت البعض من الخروج عن المعنى .. سير .. ومتابعين للاستفاده .. خلي واحد يدخل هنا ويقول لي مستفيده شنو ؟

.. العزيزة عفاف الصادق .. كينفك ..؟
أنا زيك كدا ما بحب اسم السياسة دا يجي بي جمبي .. لكن تخبطات البعض هنا .. وملاواتهم ونطحهم للصخر يجعل من كل شخص عنوة التحدث في السياسة ..
البوست في الصميم فعلا .. لانه الواقع الذي يحاول الجميع الهروب منه وهو ماثل للعيان .. والسيناريو واضح جدا منذ فترة وتتضح ايضا مجريات الأمور وطريقة سيرها ..
تبقى لنا نهاية هذا اليوم .. وغدا إن شاء الله سيتوجه كل من له حق في التصويت وله رقم للتسجيل صوب الصناديق .. ويبقى فقط من لهم ارسال الاشاعات .. وترويجها .. حتى التاريخ سيذكر كل من تهاون وكل من خدع الشعب الذي اتيحت له هذه الفرصة القيمة للاعلان عن حقه الشرعي ..
سيحفظ التاريخ هذه الايام .. وستكون هناك نتائج .. وبعدها ستكون ثمة نتائج .. وبعدها ايضا وبمرور الايام ستتضح الكثير من الحقائق التي ربما تكون مخفية هذه الايام ..

Quote: عسي الله ان يفك كربتها ويحلحل عقدتها..

.. بالمناسبة يا فيصل ..
هاجر دي ووين ..؟
أوعه تكون جربت الخلطة بتاعتك دي .. وعملت ليها تسمم
حرام عليك يا شيخ ..

Quote: الاخت هاجر فلنفترض نعم... اسألى طيب...

.. هاجر يا تهاني عندها طمام من الفلاته .. وهاجر ما بتسال .. هاجر دافرنها عامل تشتيت ..
طيب ياخ ما كان تجيب معاها الفلاته بتاعنها وتسالم .. المنبر دا ما فيهو فلاته واللا شنـو..؟

Quote: سبب بقاء الانقاذ واحد وعشرين سنة في حكم البلاد هو نوعية المعارضة في بلادنا وضعفها وعدم استفادتها من تجاربها القديمة سواء في الحكم او المعارضة وظل ذكاء الانقاذيين يتحكم في ادارة الصراع بحنكة وخلق انقسامات في صفوف المعارضين.

.. عمو قرجــة العزيز ..
ابصم بالعشرة على كلامك اعـلاه .. ودا الاتضح الآن .. في الشكل التنظيمي لكل الحملات التدشينية للمؤتمر .. ثقافة السياسة في السودان مبنية على الافكار التقليدية للديناصورات السياسية والانقياد الأعمى خلف رموز بعينها والدليل على ذلك نفس الكروت المحروقة سابقا في الحقب الزمنية المختلفة الاتواترت في الشارع السوداني السياسي وللاسف كل تنظيم فيهم اخد حقو وزيادة .. حتى الشعب تعود عليهم وعلى كل فترات الاحباط الملازمة لفترات حكمهم .. والصراعات الداخلية والتحالفات المعروفة ..
يمكن أن يكون هناك صوت يتحدث عن فترة الواحد وعشرين سنة لحكم الانقاذ وخلاص كفانا مع اصطصحاب فترة التجويع التسعينية المعروفة .. والتشريد .. إلخ كما تذكر كل ما طفح في السطح سيرة الانقاذ .. لكن حتى هذه الفترة التفت الانقاذ عليها بالعمل المنظم الحالي .. وفي شكل الخطاب من طرق وكباري .. ومحطات مياه .. وبنيات تحتيه إلخ .. والآن هي في سدة الحكم وبيدها الحل والربط .. ودي إدارة الصراع بحنكه كما ذكرت .. في الفترة الأخيرة التي اعقبت الحملات الانتخابية كان هناك عمل منظم وسريع جدا لمشاريع تصب في مصلحة الانقاذ .. كان الغرض منو التنبيه إلى أن هناك عمل تنموي جاد .. المواطن البسيط الذي اعتمدت عليه الانقاذ في سندها .. هو في اشد الحوجـة للخطاب العملي الآني .. وما في حوجة لي خطاب عنتري عن مساوي الانقاذ والشعب بطبيعة حالو مسيطرة عليهو نظيرية عفا الله عما سلف .. الراحل جعفر نميري انتزع بي ثورة شعبية عاد بعد سنوات في استقبال جماهيري كبير .. وظل لآخر ايامه مواطن عادي يجلس أمامه داره في ودنوباوي ذات العصريات السودانيه ويحيهو المارة بعبارة .. (سلامات يا ريس) .. ويمشي الوفيات .. كما يمشي الأعراس والسمايات ويتحدث عن فترة مايو .. اعضاء حكومته من ظل فيهم على قيد الحياة يمارس نشاطه الاجتماعي والاقتصادي بكل سهولة ويسر .. وهم نفس القياديين .. المايويين الاصطدموا مع الاحزاب والاتحالفو مع غيرها من الأحزاب المختلفة .. والانفردو بالحكم ..
الاعتماد على التركيبة السودانية.. ودراسة ذاكرة الشعب السوداني من خلال وضع استراتيجية لذلك ساهمت كتير في التحكم طيلة الواحد وعشرين سنة .. اصبح من السهل جدا فتح نوافذ واغلاق نوافذ .. فتح نوافذ الحريات باشكالها المختلفة وقفلها وفق ما احتاجت الضرورة ولك في مجال الصحافة السلطة الرابعة اسوة .. بإمكانها ان تفتح نافذة النشر وأن تتحكم في قفلها كيفما ارادت وقتما ارادت ولا عزاء لاي جهة اعتراضية
واحد وعشرين سنة تم فيها بناء جيل كامل وتم فيها تجييش وغسل مخ .. وقوافل جهادية وصلت إلى حد خلق دروع بشرية (تفجر الدبابة) .. ما هو المقابل في الجانب الثاني للمعارضة .. نفس الخطابات الهزيلة ومحاولة الدخول في السلطة من جديد عبر بوابة المؤتمر الوطني .. أو البحث عن فتات أو الركوع ..

Quote: يا ريت نستفيد من طاقة الحريات الانفتحت للناس بالانتخابات وبالمناسبة اول نتائج ستكون مخيبة للامال وهذا شئ مجرب في بدايايات هذه التجارب ولكن مع استمرار التجربة ومع الحرص عليها وتنميتها وعدم انتكاستها بكل حال من الاحوال سناتي بالاحسن والاحسن يا علاء هو الذي لم يقتل شعبه ولم يستبح اعراض نسائه وان كان ذلك بعيدا يا علاء فمؤكد سياتي ذلك اليوم وان كان في الاجيال القادمة

.. إذا يا قرجـة .. الفترة الحالية اكتساااح كما اشرت وهذا ما يرفضه البعض من المتشنجين الذين لو انتهت فترة التجربة .. لعادوا لنفس الدوامة والمربع الاولاني بنفس العقلية التي لا تجيد التدبير ولا التنظيم السياسي الجيد ..

..

Quote: ابصم بالعشرة على كلامك اعـلاه .. ودا الاتضح الآن .. في الشكل التنظيمي لكل الحملات التدشينية للمؤتمر .. ثقافة السياسة في السودان مبنية على الافكار التقليدية للديناصورات السياسية والانقياد الأعمى خلف رموز بعينها والدليل على ذلك نفس الكروت المحروقة سابقا في الحقب الزمنية المختلفة الاتواترت في الشارع السوداني السياسي وللاسف كل تنظيم فيهم اخد حقو وزيادة .. حتى الشعب تعود عليهم وعلى كل فترات الاحباط الملازمة لفترات حكمهم .. والصراعات الداخلية والتحالفات المعروف

ياتمبس
الم يكن عمر البشير هو نفس الوجه الذي انقلب علي الديمقراطية قبل عشرون عام واقسم أنة لا أحزاب بعد اليوم نفس الشخص الذي قال( نحنا شلناه بالقوة والدا يرها بجي يشيلها بالقوة ) الم يكن هذا الكرت محروقا أكثر من الآخرين لأنة قتل وعذب وشرد وبعد حكم القوة يريد الآن أن يأتي عن طريق الانتخابات كان ذاكرة الشعب السودان ناخرها السوس ونفس الشخوص التي غذيت الناس تريد الآن تاتي عبر الانتخابات .
الا تعتقد ان صير الشعب السوداني ونضاله هو من حول فكر البشير وزمرته من ساسية التمكين والجهاد الي التحول الديمقراطي والحرية ؟؟؟ اعتقد أن ذلك يحمد نضال الأحزاب السياسية والحركات المسلحة .

Quote: إذا ما إتأجلت الانتخابات وقامت حكومة إنتقالية وعلي رأسها البشير أيضاً سيفوز البشير أيضاَ

.. دي النجيضة يا اباروو ..

Quote: يا خو الشي شنو .. انت خاتي فيها كم ألف

.. الالالاف دي يا دكتور صلاح .. بتفيد العددية .. والتعدد .. يعني عاملة زي الحركة بتاعت التوكيد اللفظي الزمانك ديك ..

Quote: كيف حالكم هسة الكلام البزعل مننا النسون ده لازمتو شنو

.. والله يا دكتور الكلام البجيب الزعل ما حبابو .. بالذات من نون النسوة .. في واحد معارض الحشد النسوي الكان في لقاء الرئيس والله كتب ليهو كلام لو شفتو .. تبكي عديل كدا دا .. غايتو الزول دا لو كان فكوهو لي المحتشدات ديل .. كان (اتفرك) فركـان البامية (المفروكـة) .. وهو الخيار المتبع في بعض الحالات .. خيار (الفركـان) أو التعبير بالادوات البلدية البسيطة ..

Quote: يا تِمبس دة إسمو إكتساح بالطريقة الصاااااااااااااااااااااح

... والله يا عـــلاء الاكتساح دا شكلو ماشي بي مخطط جغرافي عجيب جدا .. شمال .. جنوب .. غرب .. شرق .. وسط ..

Quote: ورقة التوت لتغطية عورات المرابين واللصوص .. ولن تغطيها

.. يا مشــرف .. والله لو بحثنا عن اللصوص لتغطية عوراتهم .. لانعدمت كل أشجار التوت باوراقها ,,
ما أكثر اللصوص والمتسلقين والمنافقين .. وكلو من أجل كرسي ..
بشير .. وعلاء .. ووراق .. تشكرو يا رمز الشجرة على رفع البوست ..

Quote: حيرت قلبى معاك ..............خليتو بيهو مشغول

.. وينك يا نوفــا ؟؟ .. على الاقل لو كان اترشحتي لينا كان طلعتينا من النفق بتاع عفراء مول دا ..
اشكرك على المرورالجميل

اخى تمبس تحياتى لك ولضيوفك
الحقيقة مطلوبه وحتى ولوكانت مليانه مر وغير مبلوعة ... المعارضة السودانية لم تستفيد وللاسف الشديد من العشرين سنه القضتم فى المهاجر المختلفة ولم تتعلم من الدروس الكثيرة التى حدثت فى السابق ... واقصد هنا الانقلابات والديمقراطيات التى سبقت الانقاذ الغالبية العظمى من المعارضة كانت تعيش فى دول ديمقراطية وعاشت فيها تجارب كثيرة جدا للانتخابات وشاركت فيها ... لم يحدث ابدا ان بدا الاستعداد للانتخابات لاى من الاحزاب المتسابقة قبل عدة اشهر فقط لها ... بل يبدا الاستعداد للانتخابات بمجرد انتهاء الاولى صحيح انها اول انتخابات تمر على السودان منذ تولى الانقاذ السلطه .. لكن الجميع كان يعرف من زمن ليس بالقصير انه يوجد اتجاه لعمل انتخابات ... وبغض النظر عن تصديقنا لهذا الكلام فى وقته اولا الا هذا كان يجب على المعارضه انه تعال بين الرايين وترجح
كفة الصدق وتعمل على الاستعداد لخوضها .. وذلك بتدريب كوادرها على كيفية اتمام عمليه التسجيل وكشف اى تلاعب قد يتم فيها وكيفية ادارة الحمله الاعلاميه والماليه واستنهاض الكوادر الخارجية وحثها على الاستعداد للتسجيل فى حالة قيامها...حتى الشعارات الانتخابية لها دور جاذب للناخب .. الى هذة اللحظه لم ارى مرشح قد تحدث فى حملته الاعلاميه عن مايهم المواطن المغلوب على امره مثل التامين الاجتماعى والرسوم المدرسيه وقانون المعاشات وكيفية معالجة الفقر الذى تفشى واصبح متلازم لكثير من افراد الشعب ان لم يكن اغلبه كلها امور مهمة جدا يجب ان يتحدث فيها الناخب ماذا تعنى الديمقراطيه لمن لايجد قوت يومه ولايستطيع ان يوفر علاج ابنائه وليس له القدرة على المصروفات المدرسيه .. مااهمية الديمقراطيه للاطفال المشردين الذين يفترشون الارض صيفا وشتاء ويقتانون من بواقى اكل الاخريين ان وجدت بواقى ... وان مرضو لاعلاج لهم وان ماتو فلابواكى عليهم فى المملكة المتحده يوجد اكثر من 42 الف سودانى يحق لهم الصويت ولكن الذين تم تسجليهم على حسب ماقرات لم يتعدى الالف احتمال اكثر من هذا بقليل او اقل لكنه على اكثر تقدير لم يصل الى الالفين
من يتحمل مسئوليه ذلك ... انا احملها للمعارضه لانها لم تحسم امرها بالمشاركة الا فى وقت قريبا جدا حتى بعد فتح باب التسجيل فشلت فى استنهاض عضويتها الخارجة وحثها على الذهاب للتسجيل وده ...طبعا ان بس بتكلم عن المملكة المتحدة والكان التسجيل فيها بيتم فى عدة مراكز رئيسى فى لندن ومراكز خارجية .. صحيح فى بعض الناس قالو انو كان فى شروط للتسجيل .. وانها لم متوقعه لكن للحقيقة برضو برمى الخطا على المعارضه والناخبيين كان يجب على المعارضه ان توعى اعضائها بكل مايجب ان يعرفوه
عن كيفية التسجيل وان كنت ارى ايضا ان الغلط هنا مشترك بينهم .. لاننا نعلم تمام العلم انه لايحق
للتسجيل فى سجل اتنخابى الا من كان يحمل جنسية الدولة .. لانه لم يسمح لنا ببمارسة التسجيل والمشاركه هنا الا بعد حصولنا على الجنسية اذا كان من الطبيعى والمتوقع ان تكون شروط التسجيل بمايثبت انك سودانى الجنسية ... اذا من الطبيعى ان نتوقع وجود هذا الشرط خاصه وان جنسيتنا ليس فيها مايوكد انك سودانى غير مكان الميلاد فقط وهى لاتثبت اى شى انما فقط مكان الميلاد


وبالمناسبه انا هنا اقصد بالتوعية الشباب فقط الذين... يمارسون حقهم الانتخابى لاول مرة فى حياتهم .. اما الكبار فلاعذر لهم ابدا فى ذلك .. غير هذا كان على الجميع ايضا التسجيل حتى ولو كان القرار هو المقاطعه وعدم المشاركه لانه فى هذه الحاله يكون وباحصاء الاعداد التى تم تسجليها وقاطعت يكون الاثر اكثر فاعليه وواضح للجميع اما المقاطعه بدون تسجيل فلامعنى لها ولاتفيد فى شى ، فى رائ ان المعارضه ان لم تنجح فى انتخابات هذا العام سيكون فقط لعدم الاستعداد والتنسيق المبكر وليس لان الشعب لايجد بديلا للانقاذ ... بالنسبه لى لايهمنى فى هذا المرة من يفوز على من بقدر مايهمنى ان من يفوز يجب عليه ان يقوم بترسيخ مبادئ العدل وحقوق هذا الشعب الصابر وتحسين وضعه المعيشى ... وتعليه مصالحه على ماسواها حان الوقت لا استقرار وامن هذا الشعب
تسلم يارب من كل شر

Quote: الحقيقة مطلوبه وحتى ولوكانت مليانه مر وغير مبلوعة ... المعارضة السودانية لم تستفيد وللاسف الشديد من العشرين سنه القضتم فى المهاجر المختلفة ولم تتعلم من الدروس الكثيرة التى حدثت فى السابق ... واقصد هنا الانقلابات والديمقراطيات التى سبقت الانقاذ الغالبية العظمى من المعارضة كانت تعيش فى دول ديمقراطية وعاشت فيها تجارب كثيرة جدا للانتخابات وشاركت فيها ... لم يحدث ابدا ان بدا الاستعداد للانتخابات لاى من الاحزاب المتسابقة قبل عدة اشهر فقط لها ... بل يبدا الاستعداد للانتخابات بمجرد انتهاء الاولى صحيح انها اول انتخابات تمر على السودان منذ تولى الانقاذ السلطه .. لكن الجميع كان يعرف من زمن ليس بالقصير انه يوجد اتجاه لعمل انتخابات ... وبغض النظر عن تصديقنا لهذا الكلام فى وقته اولا الا هذا كان يجب على المعارضه انه تعال بين الرايين وترجح

العزيزة استاذة ماجدة خوجلي .. سلامات ..
بالضبط يا ماجدة .. اتفق معاك في كل ما كتبتيه .. واضيف عليه .. إن فشل جبهة ما يسمى بالمعارضة .. الخارجية محسوبا عليه بعض المتسلقين من أجل اغراض شخصية بحته .. هو ما اضعف الوضع .. وشوه الشكل العام .. اضيفي إلى ذلك مواقف الاحزاب الداخليه والتي فعلا معظم قادتها أو المؤثرين فيها قد عاشوا فترات في دول تنعم بالديمقراطية .. لا استفادوا ولا افادوا ..

Quote: كفة الصدق وتعمل على الاستعداد لخوضها .. وذلك بتدريب كوادرها على كيفية اتمام عمليه التسجيل وكشف اى تلاعب قد يتم فيها وكيفية ادارة الحمله الاعلاميه والماليه واستنهاض الكوادر الخارجية وحثها على الاستعداد للتسجيل فى حالة قيامها... حتى الشعارات الانتخابية لها دور جاذب للناخب .. الى هذة اللحظه لم ارى مرشح قد تحدث فى حملته الاعلاميه عن مايهم المواطن المغلوب على امره مثل التامين الاجتماعى والرسوم المدرسيه وقانون المعاشات وكيفية معالجة الفقر الذى تفشى واصبح متلازم لكثير من افراد الشعب ان لم يكن اغلبه كلها امور مهمة جدا يجب ان يتحدث فيها الناخب ماذا تعنى الديمقراطيه لمن لايجد قوت يومه ولايستطيع ان يوفر علاج ابنائه وليس له القدرة على المصروفات المدرسيه .. مااهمية الديمقراطيه للاطفال المشردين الذين يفترشون الارض صيفا وشتاء ويقتانون من بواقى اكل الاخريين ان وجدت بواقى ... وان مرضو لاعلاج لهم وان ماتو فلابواكى عليهم فى المملكة المتحده يوجد اكثر من 42 الف سودانى يحق لهم الصويت ولكن الذين تم تسجليهم على حسب ماقرات لم يتعدى الالف احتمال اكثر من هذا بقليل او اقل لكنه على اكثر تقدير لم يصل الى الالفين

.. معظم برامج الاحزاب بني على نقد سياسة المؤتمر الوطني .. أو البعض فيهم اصبح يجتر ما هو معلوم لدى الجميع .. في الوقت الذي كان المؤتمر الوطني قد عبر .. غلى اماكن أخرى بالحمملات المنظمة جدا .. والتي استقطب له كافة قطاعات الشعب من رياضيين وفنانين .. وموسيقيين ورجالات طرق صوفية .. وخاطب فيها كل الشرائح بعدة اشكال .. والشكل العام يدل على أن المسار معد له وبشكل جيد ومدروس .. أما الذين يدعون الديمقراطية .. فندهم في التفاف كامل حول نفسهم .. ما وجدوا مخرجا إلا عبر ثقب صغير يسمى التزوير .. وهو عبارة عن اعلان ضعف شديد جدا .. فطالما كان المؤتمر الوطني قادر على التزوير والتلاعب والخداع .. ما الغرض الاساسي من خوضكم هذه اللعبة من أولها .. ولماذا الانسحاب والتشنج في المرحلة الحالية ..
أما
الذين لم يسجلوا حتى لضمان حجز مقاعد لهم فهؤلاء لا يحق لهم الحديث .. لانهم ابعدوا انفسهم من دائرة المنافسة .. وحديثهم الآن عبارة عن ضياع للزمن وأعتقد أن الشعب ما عاد له من الزمن الكافي لتضييعه في الانصات لهم ..

Quote: من يتحمل مسئوليه ذلك ... انا احملها للمعارضه لانها لم تحسم امرها بالمشاركة الا فى وقت قريبا جدا حتى بعد فتح باب التسجيل فشلت فى استنهاض عضويتها الخارجة وحثها على الذهاب للتسجيل وده ...طبعا ان بس بتكلم عن المملكة المتحدة والكان التسجيل فيها بيتم فى عدة مراكز رئيسى فى لندن ومراكز خارجية .. صحيح فى بعض الناس قالو انو كان فى شروط للتسجيل .. وانها لم متوقعه لكن للحقيقة برضو برمى الخطا على المعارضه والناخبيين كان يجب على المعارضه ان توعى اعضائها بكل مايجب ان يعرفوه عن كيفية التسجيل وان كنت ارى ايضا ان الغلط هنا مشترك بينهم .. لاننا نعلم تمام العلم انه لايحق للتسجيل فى سجل اتنخابى الا من كان يحمل جنسية الدولة .. لانه لم يسمح لنا ببمارسة التسجيل والمشاركه هنا الا بعد حصولنا على الجنسية اذا كان من الطبيعى والمتوقع ان تكون شروط التسجيل بمايثبت انك سودانى الجنسية ... اذا من الطبيعى ان نتوقع وجود هذا الشرط خاصه وان جنسيتنا ليس فيها مايوكد انك سودانى غير مكان الميلاد فقط وهى لاتثبت اى شى انما فقط مكان الميلاد

.. فعلا يا ماجدة قامت المعارضة أو ما هم منسوبين للمعارضة أو المتسلقين بتوعية الناخبين ابان فترة التسجيل .. هذا هنا في السعودية وفي الرياض تحديدا حيث نقيم.. قامت جهات محددة بالتوعية العكسية وللاسف الشديد نتاج عدم وعي البعض هنا كانوا لقمة سائغة فتمت مقاطعة عملية التسجيل بينما في الجهة الأخرى نشطت عمليات التسجيل لبعض الشرائح الموالية للمؤتمر .. وبقية من هم على قدر عالي من الوعي بحقهم الذي لا يمكن ان يضيع وسط هتافات جوفاء من بعض من ادمنوا الفشل ونصبوا أنفسهم قادة على رأس الجميع .. ضاعت الحقوق وقد كانت في متناول اليد .. فما هو الاقيم من أن تحمل صوتك وتغير به وتحدد من يجب أن يحكمك بكامل قناعاتك ..؟

Quote: وبالمناسبه انا هنا اقصد بالتوعية الشباب فقط الذين... يمارسون حقهم الانتخابى لاول مرة فى حياتهم .. اما الكبار فلاعذر لهم ابدا فى ذلك .. غير هذا كان على الجميع ايضا التسجيل حتى ولو كان القرار هو المقاطعه وعدم المشاركه لانه فى هذه الحاله يكون وباحصاء الاعداد التى تم تسجليها وقاطعت يكون الاثر اكثر فاعليه وواضح للجميع اما المقاطعه بدون تسجيل فلامعنى لها ولاتفيد فى شى ، فى رائ ان المعارضه ان لم تنجح فى انتخابات هذا العام سيكون فقط لعدم الاستعداد والتنسيق المبكر وليس لان الشعب لايجد بديلا للانقاذ ... بالنسبه لى لايهمنى فى هذا المرة من يفوز على من بقدر مايهمنى ان من يفوز يجب عليه ان يقوم بترسيخ مبادئ العدل وحقوق هذا الشعب الصابر وتحسين وضعه المعيشى ... وتعليه مصالحه على ماسواها حان الوقت لا استقرار وامن هذا الشعب تسلم يارب من كل شر

.. الشباب واعي بالقدر الكافي يا ماجدة .. ويعلم جيدا أنه لن ينقاد لاي جهة إلا بما تمليه عليه قناعته الشخصية جدا .. وفق ما يراه عيانا بيانا .. حتى وأن انخدع من جهة ما .. فإنه حال توجهه إلى الصندوق سيحتكم إلى ضميره وعقله الراجح .. وهنا يكمن الوعي الحقيقي ..
في النهاية تبقى الحقيقة الماثلة .. ونتيجة ما تسفر به النتائج .. وهي واضحة تماما .. نسال الله أن يكون فيها ما يفيد السودان وشعب السودان .. وحال كل من احتكم إلى قناعاته الشخصية ..
تشكري يا ماجدة للاضافة .. القيمة ..

Quote: سيكتسحكم .. المؤتمر الوطني .. (يـــا ....)

اخي تمبس سلام .

المؤتمر الوطني حكم السودان بالدبابة عشرون عام فاذا جاء عن طريق صناديق الاقتراع عبر عملية نزية فليكن .
تمبس المؤتمر الوطني الان يحكم دويلة من خمس اوست دويلات سودانية السودان الان في مفترق طرق ربما ستيكون عراق اخر واشوفك مبسوط من حقك ان تشجع المؤتمر الوطني ولكن لا تختزل قضايا الوطن في خلافات البورد لان البورد ليس السودان .

اعتقد ان الياء هذة ليست للنداء .
فهل هذا الياء للشعب السوداني الذي ذاق الويلات من الانقاذ اليس من حقة ان يحلم بالتغيير من دون ان تقذفة بياء الذم .

موش بتقول الفورة مليون؟ خلاص ما تضيق
جاييك يا قرموط ... شيل الصبر يا اكتساح انت

الالتفاف قبل الاكتسااااح ..
الضربات الاستباقية التي يقوم بها المؤتمر الوطني في كل حملة تدشينيه اعتقد انها جعلت من قوى الاحزاب الأخرى في حيرة من أمرهـا ..
في كل الدوائر الانتخابية عمد المؤتمر الوطني في حملته إلى توجيه الرسالة على طريقة (من دقنو وافتلو) ..
آخر (فتل) كان بالأمس في جوبــا .. حشد جماهيري من أبناء الاقليم الجنوبي تحدث في الحشد اسماء كنت اعتقد ان غبار السياسة قد دفنها .. تحدث جوزيف لاقـو السياسي الجنوبي المن زمن حفرو البحـر وما خلى حاجة في مدح الرئيس .. كما اعقبه حديث بونــا ملوال .. اثنينهم .. مهدوا الطريق لترقص الحشود مع الرئيس .. من داخل جوبــا .. وتحدث الرئيس ايضا بنفس صيغة الخطاب السايكولوجي المعهود .. عن حرية أهل الجنوب في الانفصال وتحديد المصير وثبت دعمه للخيار حال وقوعـه ..
تحدثت قيادية في المؤتمر الوطني من نساء الجنوب .. بشراهة .. ما كانت لتسكت لولما قاطعها المراسل التلفزيوني ..
كنت اعتقد من ضمن المعتقدين أن الجنوب منطقة مقفوله فقط للحركة الشعبية .. وخيار المقاطعة يعتبر ساري المفعول وفق مخططات البعض ..
..
هل هذا الحشد الجماهيري الذي رقص (رقيص الرئيس) تم حشده وفق متخصصي الحشد في المؤتمر الوطني ..؟ أم انهم احتشدوا من تلقاء نفسهم وايمانا بنص الحديث الذي ساقته القيادية بالمؤتمر الوطني .. ؟!

ملحوظة:
هذا الحشد كان في مدينة واحدة فقط هي جوبـا .. هناك زيارات لعدة مدن في الجنوب .. فقط ننتظر ربما تقل العددية أو تكبر حسب .. فرضية الايمان بالمؤتمر الوطني .. أو غيرهـا ..

Quote: موش بتقول الفورة مليون؟ خلاص ما تضيق جاييك يا قرموط ... شيل الصبر يا اكتساح انت

.. تجاوزت حد المليون بنسبة طردية مع كل حشد جماهيري
مليون دي ذاته انا دقست فيها ..
لما قلنا ليك تعال .. كان من أجل تعال .. على حسب فهمنا المتواضع ربما أنت اقدرهم على إدارة حوار مع شخصي بشكل تتم فيه الفايده العامة .. يعني تفيد وتستفيد ...
وكنت قد وصفتك قبل فترة .. بإنك شيوعي قاعد تطلع النصيحة ليك أو عليك .. بعكس بعضهم الواحد يقرا ليك حاجة يمسكه في بطنـو .. يلبد ليك في ملف ضيق .. يطرش بطنو كلها ..
أو بي صورة أوضح:
وحدك من الزملاء الذين لهم مواقف تجبر على الاحترام في بعض المواقف .. أقول بعضها وليست كلها .. يعني مرات كتيرة قاعد تخرمج .. كلنا بنخرمج وماف واحد معصوم من الخرمجة ..
انا ما متضايق بقدرما ابحث عن نقاط لحروف تركتها بدون ..

المؤتمر الوطني يعتبر دعوة عرمان لانسحاب البشير تهريج سياسي


تخيل ياتمبس انو عرمان يطالب بسحب ترشيح البشير لصالحه



وهو يظن ان الجنوب منطقة مقفولة للحركة الشعبية !!!!

موعدنا غداً مع الملايين الحقيقية !
حشد الشباب والطلاب بولاية الخرطوم !

ما بين الحشد الطلابي باركويت .. وحملة المؤتمر الوطني بكردفان ملاحظات
الحشد الطلابي باركويت اكد ما اشرت إليه عن اعتماد المؤتمر الوطني على شريحة الطلاب .. والتركيز عليهم كأداة تنفيذيه أو يد طولى لتمرير اجندة المؤتمر ..
لو فرضنا أن كل الطلاب الذين احتشدوا للقاء .. اضف لذلك الخطبة الحماسية التي قدمت بها ممثلة اللجنة الرئيس البشير .. وخطاب ممثل الطلاب .. لاتضح لنا أحقية الولاء الاعمى لثورة المؤتمر الوطني من جانب الطلاب .. وبذلك تضمن الانقاذ قطاع الطلاب بي غالبية عظمي وللذين يريدون نسب مئوية .. فإن النسبة تعدت التمنية وتسعين في المية مع مراعاة أن الجيل الحالي من الطلاب اغلبهم من شهدوا عصر الانقاذ وهو الجيل المصنوع في عهد الانقاذ .. أو جيل التجييش .. واليونيفورم المدرسي المرقع .. وجيل معسكرات الدفاع الشعبي .. المنظمة لحملات تغيير العقلية وغسل الدماغ .. وجيل (سنة سابعة) الذي أن (فرقع).. إطار سيارة خلفي .. لهتف الله أكبر واشهر سبابته وتحسس مدفعه .. بنفس الفعل الذي تفعله اخوات نسيبة .. من حملن السلاح وتدربن على القتال في الولاء للمؤتمر الوطني .. إذا جانب الطلاب قد تم تأمينه تأمين كامل وهي شريحـة بالاضافة إلى إنها تسير اجندة المؤتمر حتى على الواقع .. فهي ايضا تمثل قاعدة عريضة من الاصوات تصب في تجاه المؤتمر وتؤكد من نظرية الاكتساااح ..
تدشين حملة المؤتمر الوطني بكردفان شاهدتها صباح اليوم باحدى المحطات التلفزيونية ... مرشح المؤتمر بالدائرة كنت اعتقد انه عمر البشير .. حشد ضخم .. وسيارة مكشوفة .. مع الملاحظة أن منطقة كردفان كانت من قبل منطقة مقفولة لقطاع حزب الأمة وانصار المهدي ... وبظهور المؤتمر وبقوة سحب البلاط من تحت اقدام حزب الأمة .. وما ادري ما حاق ببقية الاحزاب الأخرى .. الاتحادي .. الحركة .. الشيوعي .. لو فرضنا جدلا إن للشيوعي وجود من اساسه في تلك المنطقة ..

فوق

تمبس سلامات

لدى بعض الإضافات فى نقطتين سأرجع لهما تفصيلاً بمشيئته تعالى:

- مدلول ما حدث فى يوم الإثنين الأسود وتناقضه مع الشعارات سواء من الإنقاذ أو الحركة الشعبية ... فقد كنت شاهد عيان لما حدث.

- لكأنك تُشير من طرف خفِى لتجربة موريتانيا... الإنقلاب ... المعارضة .. مؤازرة أوروبا ... ثم الإنتخابات ... فالإكتساح فى البرلمان

ثم رئاسة الجمهورية وانفضاض السامرين ....

Quote: لدى بعض الإضافات فى نقطتين سأرجع لهما تفصيلاً بمشيئته تعالى:

..
سلامات يا مولانـا ..
- النقطة الاولى .. كنت اعتقد أن هناك من يستطع الكتابة فيها .. وعنيت بها عضوية الحركة الشعبية بالمنبر خاصة قطاع الشمال .. لاحياة لمن تنادي ..
- النقطة الثانية .. تجربة (موريتانيا) ولو عظماء السياسة أو ما يدعون .. يعون التجارب .. جيدا ويهضمون اللعبة لاستفادوا كثيرا من السيناريو ..
أرجو العودة مع الشكر

العريس

كلام سربع
لنخب
الشباب مثلك وشمايل الذين عبر موقفهم حذيفة

هؤلاء وعوا سياسيا في عهد الانقاذ وكل ما لديهم من التجارب السابقة المتواتر والمنقول
والمكتوب وهم بالتاكيد يشكلون رقما مرجح في الانتخابات
هولاء الشباب يريدون تعليم ووظيفة ومستقبل من الذي يوفر ذلك
اضافة الى ذلك ان حسم الانتخابات ليس في ايدي النخب والمثقفين الذين يتحكرون في جهزة الاعلام
او الجموع التي بتم حشدها وجمعها ياتمبس هناك الاغلبية الصامتة هي التي تحسم اي انتخابات
تذكر ياتمبس في بوست لك اتيت بصورة امراة كادحة خرجت في مظاهرة في ذلك الوقت
ماذا تريد هي ومثيلاتها لقمة وصحة من يوفر ذلك
الجيل الحالي انا شخصيا معجب به جدا لانه يعرف حاجاته وماذا يريد لذلك لاخوف عليه
اخيرا انا قلق جدا من الديقراطية في بلادنا
لان ثقافة الديقراطية لدينا هشه وضعيفة ما بتستحمل عمرها
فقط عشرة سنوات من عمر الاستقلال الذي بلغ (54) عامافاضغط عليها سيسقطها لامحالة

سلام يا علاء

Quote: ... والله يا عـــلاء الاكتساح دا شكلو ماشي بي مخطط جغرافي عجيب جدا .. شمال .. جنوب .. غرب .. شرق .. وسط ..

غايتو الدائرة رقم 1 لكي يفوز بها هذا المؤتمر الدموي الا يجرو الانتخابات بين افراد القوات النظامية التى تحرس معدات السدود لان كل قرى اقصى الشمال تتعامل مع
الوطني كسرطان وليس كحزب - وحتى الولاة التابعين للمؤتمر الدموي لايمكنهم الحديث في اي تجمع دون حراسة مشددة - هناك كراهية فريدة متجذرة في عمق اعماق ابناء
الشمال النوبي لهذا الحزب السرطاني..
اما الشرق فزيارة مولانا محمد عثمان الميرغني الاخيرة لكسلا اتت لتنفي كل ادعاءات المؤتمر الدموي بان الحزبين الكبيرين قد خباء بريقهما و صارا ماضيً تليد..

الجنوب out of the equation

الغرب بعد كل هذه الحروب والاستهداف لابناءه في الخرطوم والمجازر والقتل المجان ما هي حظوظ الفاعل في استقطاب اصوات فيه ؟؟

نجي للوسط حيث التمركز والسطوة والنفوذ لهذا الحزب السرطاني - من الصعب جدا معرفة النتائج فكما هناك موالين هناك معارضين ومتظلمين ومقهورين من هذا النظام
ومنذ اعتلاءهم سدة الحكم قبل عشرين عاما لم تجرى اي انتخابات فكيف لنا معرفة اكتساح هذا الحزب من عدمه - من منا يعرف راي الاغلبية الصامتة التي لم تتح لها منابر
في ظل هيمنة هذا الحزب على كل المنابر الاعلامية -

مظاهر تدشين الحملات الانتخابية وما يصاحبها من بذخ وهيلمانة اعلامية لا تعطي قراءة صحيحة لنتائج الانتخابات بل اخذ عينات عشوائية من فئات متعددة من الناخبين و بشكل سري هو
المجال الوحيد لمعرفة النتائج وهذا حسب علمي لم يتم بعد..

تحياتي لك وللمديرة ..

سلامات يا نوباتيا



هل ذهبت الى اماكن السدود ابدا؟
سيفوز ممثل الحزب في منطاقكم وبدون تزوير لان القلة القليلة
هي التي تثير الغبار ولكن في الشمالية فقدت الاحزاب التقليدية
مكانتها..
لا تعول كثيرا على ماتسمعه من كراهية لهذا الحزب..

تحليلك دا قائم على معلومات قديمة جدا..
راقب وشوف...

لما قلنا للناس استعدوا للانتخابات ولما طالبنا بمعارضة مسؤولة تنظم الشعب
كان احمد غائب في الركائب..

مع التحية

سلام يا دكتورة

Quote: سيفوز ممثل الحزب في منطاقكم وبدون تزوير لان القلة القليلة هي التي تثير الغبار ولكن في الشمالية فقدت الاحزاب التقليدية مكانتها..

من اين لكي بهذه القطعية يا دكتورة بفوز المؤتمر الوطني وبدون تزوير؟؟ ومنو القال ليك انهم قلة؟؟
ومن قال لكي اني اتحدث عن الاحزاب التقليدية في الدائرة 1 ؟؟

Quote: لا تعول كثيرا على ماتسمعه من كراهية لهذا الحزب..

من قال لكي ان مصادري سمعية؟؟

Quote: تحليلك دا قائم على معلومات قديمة جدا.

طيب مش كان تكتبي تحليك اولا ومن ثم نقارن بين التحليلين !!

والله يا دكتورة دي بالغتي فيها يعني انا الباكل وبتنفس قضايا اهلي في الشمال
تحليلاتي قائمة على معومات قديمة وجدا كمان ؟؟

طيب قولي انا معلوماتي قديمة وريني انتي التحليلات القائمة على معلومات حديثة..

تحياتي..

فوق .. مؤقتـا

تمبس ..
الحاصل شنو في البورد ده ؟...
نمشي مشوار ونجي نلقي الحاجات مافي ..

احي كل المساهمين في هذا البوست .. وكل من دعم البوست بي وجهة نظر واسمحوا لي أن انقل هذا البوست إلى فترة جديدة بعد الارشفة .. حتى يتسنى لنا المتابعة والردود ..
مع الشكر

( قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْـزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ)

ال عمران آية 4

Quote: تمبس سلامات لدى بعض الإضافات فى نقطتين سأرجع لهما تفصيلاً بمشيئته تعالى: - مدلول ما حدث فى يوم الإثنين الأسود وتناقضه مع الشعارات سواء من الإنقاذ أو الحركة الشعبية ... فقد كنت شاهد عيان لما حدث. - لكأنك تُشير من طرف خفِى لتجربة موريتانيا... الإنقلاب ... المعارضة .. مؤازرة أوروبا ... ثم الإنتخابات ... فالإكتساح فى البرلمان ثم رئاسة الجمهورية وانفضاض السامرين ....

.. يا مولانا وين رسائلك وين اضافاتك إلى .. ؟

انسحااااب

Quote: انسحااااب

.. يا عمر صديق ..
الانسحااااب دا مؤقت .. لانو ما مطبوخ بشكل كويس .. في ناس ح تبيع وترجع .. دا لو ما كانت بايعه اصلا ..
حتبيع القضية .. ويروحو فيها الناس الشايلين ارقامم وراجين يطمسو اصابعينم في الفتيل حق الحبر ..

Quote: تمبس .. الحاصل شنو في البورد ده ؟... نمشي مشوار ونجي نلقي الحاجات مافي ..

.. ووين يا فيصل ..؟
إنت قاعد تمشي وووين .. في عضمك دا ..؟
اووعه تكون شغال في حملة الدفتردار الانتقامية دي من ورانا ..

Quote: لان كل قرى اقصى الشمال تتعامل مع الوطني كسرطان وليس كحزب - وحتى الولاة التابعين للمؤتمر الدموي لايمكنهم الحديث في اي تجمع دون حراسة مشددة - هناك كراهية فريدة متجذرة في عمق اعماق ابناء الشمال النوبي لهذا الحزب السرطاني..

.. العزيز نوباتيا سلامات ..
ما عارفك بنيت تصريحك دا علي ياتو افتراضية .. لكن على كل انا بجزم ليك إن (كل دي) ما في محلها وما اتوفقت فيها .. وهي نفس النظرية الكنت بعتقد فيها إنو منطقة الشرق وكسلا تحديدا مهيمن عليها حزب الاتحادي الديمقراطي .. لكن هاهو المؤتمر الوطني كل يوم ينسف لي بعض الاعتقادات .. وذلك بالحشود القوية ..
في حلفا كان جمع وحشد جماهيري كبير .. في دارفور التي اعتمد عليها الكثيرين في برامجهم الانتخابي .. كانت حشود .. إذا كان هناك اي كراهية اعتقد المؤتمر الوطني استعمل ما يمكن استعماله من وسائل متاحه لينسف لك الفكرة .. أما مسالة أن يكون هناك حراسة مشددة لأي من اعضاء المؤتمر فهذا من ضمن الخيالات التي يحاول البعض تصويرها بان هناك .. وهناك ، في عز غليان دارفور وتصعيد تصريحات وتهديدات بعض الحركات المسلحة .. كان اعضاء المؤتمر الوطني وعلى راسهم عمر البشير حضورا في تجمع كبير ... ووسط عامة الناس واعتقد إن من اصعب الأمور هو السياج الأمني المفروض على الشخصية وسط اللقاءات الجماهيرية المكشوفة .. تدشين حملة مرشحي المؤتمر بحلفاء كانت وسط حشود هائلة ولم ارى اي مما اشرت إليه ..

Quote: اما الشرق فزيارة مولانا محمد عثمان الميرغني الاخيرة لكسلا اتت لتنفي كل ادعاءات المؤتمر الدموي بان الحزبين الكبيرين قد خباء بريقهما و صارا ماضيً تليد..

.. واعتقد بنفس القدر أن زيارة الرئيس لكسلا اثبتت ان هناك معامل قوة ضخم وارضية واسعة للمؤتمر الوطني .. ولو تم حصر لتفوق المؤتمر عددية .

Quote: الغرب بعد كل هذه الحروب والاستهداف لابناءه في الخرطوم والمجازر والقتل المجان ما هي حظوظ الفاعل في استقطاب اصوات فيه ؟؟

.. هذا ما سوف تحسمه نتائج الصناديق الانتخابية خاصة بعد ان تواتر في الأخبار أن ادوات الانتخابات وصلت إلى تلك المناطق .. وحتى قاطني المعسكرات مقبلين بأعداد كبيرة على العملية الانتخابية .. وهذا عكس ما اشار إليه مرشح الحركة الشعبية المنسحب عن أن أهل دارفور تحديدا طالبوه بالانسحاب .

Quote: نجي للوسط حيث التمركز والسطوة والنفوذ لهذا الحزب السرطاني - من الصعب جدا معرفة النتائج فكما هناك موالين هناك معارضين ومتظلمين ومقهورين من هذا النظام ومنذ اعتلاءهم سدة الحكم قبل عشرين عاما لم تجرى اي انتخابات فكيف لنا معرفة اكتساح هذا الحزب من عدمه - من منا يعرف راي الاغلبية الصامتة التي لم تتح لها منابرفي ظل هيمنة هذا الحزب على كل المنابر الاعلامية -

.. يمكن أن نسستعمل سؤالك ونعيد طرحه عن بقية الدوائر في المناطق الجغرافية التي افترضت فيها فرضياتك واجزمت في البعض منها بعدم حصول المؤتمر على نتائج طيبة .. وتكون محصلتي النهائية .. ما تسوقنا إليه البوصلة الحالية .. جاهزية المؤتمر .. الحملات المنظمة .. المقدرة العالية على البقاء في زمام المبادرة .. وحتى معرفة بقية الاحزاب ذات نفسها بحقيقة الاكتساااح الذي سيكون مصيرها .. وفضلت المنازلة عبر الصناديق .. وانقسامات وبلبلة ، ومواقف محرجة وانسحاب وادعاء بالتزوير .. ودخول أمريكا على الخط والذي احدث تغيير في كثير من الموازين خاصة بعد التصريحات الأخيرة .. والتي وسعت هوة الاختلاف بين احزاب المعارضة وجعلتهم في موقف محرج وبين خيار الرضاء بالوضع الحالي بعيدا وبالتالي خذلان قواعدهم .. أو الضغط على نفسيات مرشحيهم والعودة من جديد إلى ساحة التنافس وترك فكرة التزوير التي لوحون بها جانبا .. هذا طبعا مع مراعاة موقف الهيئة العليا للانتخابات التي رفضت مبدا الانسحاب بدعوى قانونيته ..

Quote: مظاهر تدشين الحملات الانتخابية وما يصاحبها من بذخ وهيلمانة اعلامية لا تعطي قراءة صحيحة لنتائج الانتخابات بل اخذ عينات عشوائية من فئات متعددة من الناخبين و بشكل سري هو المجال الوحيد لمعرفة النتائج وهذا حسب علمي لم يتم بعد..

لا اتفق معاك في الراي يا نوباتيا .. من أهم اسباب نجاح الحملات الانتخابية هو حشد اكبر عددية من المرشحين .. وإلا لما كانت هناك ملصقات تعريفية وبرامج .. ومبالغ تصرف .. واكاد اجزم لك إن بنود الصرف تتم وفق برامج مدروسة .. فكما يدفع المؤتمر الوطني لانجاح حملاته .. فهناك من يدفع من أجل (حشد) للبعض حتى ولو كان حشد عبر (المنابر) الاعلامية من أجل الوجاهة فقط ..

التحايا ليك .. والمديرة بتسلم عليك برضو ..

Quote: هؤلاء وعوا سياسيا في عهد الانقاذ وكل ما لديهم من التجارب السابقة المتواتر والمنقول والمكتوب وهم بالتاكيد يشكلون رقما مرجح في الانتخابات هولاء الشباب يريدون تعليم ووظيفة ومستقبل من الذي يوفر ذلك اضافة الى ذلك ان حسم الانتخابات ليس في ايدي النخب والمثقفين الذين يتحكرون في جهزة الاعلام او الجموع التي بتم حشدها وجمعها ياتمبس هناك الاغلبية الصامتة هي التي تحسم اي انتخابات تذكر ياتمبس في بوست لك اتيت بصورة امراة كادحة خرجت في مظاهرة في ذلك الوقت ماذا تريد هي ومثيلاتها لقمة وصحة من يوفر ذلك

احيي الموضوعية يا استاذ محمود .. احي الموضوعيه
منذ فترة قيام الانقاذ إلى التاريخ المحدد لقيام الانتخابات هنا تم بناء جيل كامل .. واعتقد إن العشرين عام حقبة زمنية كفيلة بي اتمام الوعي لاي شاب وشابة ،، إذا كان جيلنا الحالي اضف له فارق عدد السنوات العشرينية .. وما قرأه عن تواريخ سياسية وحقب انقلابيه وديمقراطية واحده تتربع فيها نفس الوجوه أو مرت ذكراهم أو ذكرى اقاربهم ضمن القوائم .. فمن هو ياترى الأصلح لهذا الجيل .. أو الافضلية لمن؟:
كل الفترة التي عاشها وخبر دروبها وعرف كيفية التعامل مع احداثياتها
أم
نسخ مكرورة نفسها لعبة دور الكومبارس قبلا في المشهد الديمقراطي ومرت فيها المياه من بين اصابعها العشرة وعادة إلى الساحة من جديد بحثا عن مداخل أخرى لنفس لعبة الكراسي ..
أم
شراكة ذكية تدار فيها الأمور من تحت الطاولة .. وفيها يضيع حق المواطن .. وامكانية المصالح الشخصية مفتوحة ..
اعتقد مثلك ان الان الكفة تميل إلى جانب الجيل الحالي (بقرفهم) .. (ومؤتمرهم) (وحركتهم الشعبية) .. إلخ .. واعتقد جازما وحسب مجريات الأمور .. إن الاكتساااح الذي عنيته بانت بوادره في الأفق .. من فترة طويلة .. وباقي السيناريو تم خلال اليومين السابقين ... من انسحاب مقلف بي فرية تزوير الانتخابات .. وحاليا يتم الضغط من جديد على الاحزاب المنسحبة .. وسيرجع فيها من يرجع .. بعد التفكك الذي حدث بداخلها .. وبعد الثقة التي انعدمت نوعا ما بينها وبين قواعدها ..

Quote: اخيرا انا قلق جدا من الديقراطية في بلادنا لان ثقافة الديقراطية لدينا هشه وضعيفة ما بتستحمل عمرها فقط عشرة سنوات من عمر الاستقلال الذي بلغ (54) عامافاضغط عليها سيسقطها لامحالة

.. خوفك له مبرراته يا استاذ محمود استنادا لحقب عايشتها .. وكنت شاهد عيان عليها من انقلابات عسكرية مكرورة وديمقراطية فاشلة .. الا تعتقد إن نفس الجيل الحالي ربما يعرض نفسه لنفس التجربة ويحاول أن يجرب أو حتى بشكل جزئي ...؟
ربما تكون هي نظرة أخرى .. يخطي فيها أو يصيب ..

تمبس سلامات

معهليش ... أخدنا زيارة خاطفة وما نسيت الموضوع.

هنالك تعليق استوقفنى من أخونا ( محمد الأمين ) الذى عمل ضابطاً بالقوات المسلحة:

قال ناس الأحزاب يقدحوا فى الإنقاذ ونِسوا يعرِّفوا الشباب بأحزابهم ... لأن الجلاكين مثلنا يعرفونها ... ولكن مع فترة نميرى (16) عاماً ...

ثم ( 21) عاماً من الإنقاذ وما تشكّل من قوى شبابية لها الحق فى التصويت وحسم مسألة الإنتخابات ... وقد فشلت الأحزاب فى إستمالتهم

والتعريف ببرامجها.

قادة الأحزاب الكبرى كانوا يتهيبون زيارة قواعدهم .... وبعد فوات الأوان بدأوا مسلسل الزيارات وهالهم حجم مؤيديهم... ولكن أغلبهم لم

يحرصوا على التسجيل لفوات الوقت وعدم قيام الأحزاب بالإهتمام بفترة التسجيل.


أخونا ( عاطف عمر ) كان له بوست أدلى فيه برؤية ثاقبة عن تلاعب الحركة الشعبية بالأحزاب حيال حياة الدكتور قرنق وبعد وفاته.... وميلها

الدائم لتحقيق مصالحها الضيقة من خلال الأحزاب ... ثم سحب مرشحها لصالح عمر البشير لسبب بسيط: عدم تنسيقها مع أحزاب جوبا.

كلها أسباب تصب فى عنوان البوست.


خلينا نتعافى شوية من " قروحة" جهاز المغتربين وتعب السفر الخاطف وحا نرجع بالمهلة.

سلامات يا مولانـا وحمد الله على السلامة ..

Quote: قال ناس الأحزاب يقدحوا فى الإنقاذ ونِسوا يعرِّفوا الشباب بأحزابهم ... لأن الجلاكين مثلنا يعرفونها ... ولكن مع فترة نميرى (16) عاماً ... ثم (21) عاماً من الإنقاذ وما تشكّل من قوى شبابية لها الحق فى التصويت وحسم مسألة الإنتخابات ... وقد فشلت الأحزاب فى إستمالتهم والتعريف ببرامجها.

.. استوقفتني بعض الاحزاب الكبيرة كثيرا .. وكنت قد ذكرت هذا في مكان ما في البورد ,,
الاحزاب الكبيرة اعني بها طبعا التي هي موجودة منذ الاستقلال .. وهيمنة رموز محددة بعينها عليها اكل الزمن عليها وشرب وجربت جميعها نعيم الحكم .. وفشلت .. جربت نعيم المعارضة بالخارج ولفت ودورت وفشلت .. ثم عادت طائعه إلى حضن المؤتمر الوطني والتزمت الصمت .. وطيلة فترة التنقل في هذه المواقف كان الصمت والسكون والجمود .. حتى اصبحت قادتها وزعاماها مجرد ظلال .. ما أن (اتاح) لهم المؤتمر الوطني امكانية أن يعلنوا عن انفسهم .. عادوا بنفس الافكار القديمة البالية .. وزعادت نفس الوجوه التي الفها الناس .. ونفس الزعامات التي يدينون لها بالولاء الاعمى والانقياد .. ونفس البرامج البالية التي تخدم مصلحة الحزب الواحد في المقام الأول وهذا ما سبق تجربته .. والمضحك أن معظم زعماء هذه الاحزاب كان من الممكن أن تدعم موقفها بشكل جيد وتظهر حتى لو القليل من التغيير .. حتى وإن تنحى هؤلاء الرموز جانبا .. تغيير شكل البرنامج ليتوافق مع التغيرات الحالية التي طرات على العقول نتاج المعرفة بالكثير والوعي .. فجيل اليوم والمتغيرات من حوله لا هو جيل الأمس بتبعاته ..
القوى الشبابية التي بنيت في واحد وعشرين عام غلب عليها الوعي لتوفر سبل المعرفة والمعلومة وسبل البحث المختلفة لاستنتاج المعلومة والالتفاف حول كل ما هو قديم وبالي ووضعه جانبا .. أو في درج المهملات ..
بالمقابل فشلت العديد من الاحزاب كما اشرت في وضع برامج جيدة تجتذب لها الجديد من العقول التي يمكن أن تسهم في التغيير واقناع الآخر فظلت كما هي .. في دوامة مهاجمة المؤتمر الوطني الذي تعود عليه جيل الواحد وعشرين عام المخلوق ومسلح بكل وسائل المعرفة .. والواعي بتدابير نفسه .. مع ظهور بعض الجماعات الصغيرة من نفس الجيل والتي ما خرجت أيضا من عباءات بعض الاحزاب القديمة .. وبعض الجماعات الصغيرة جدا والتي باي حال من الأحوال تحتاج إلى جيل قادم ليستوعب فكرتها بشكل كامل ..

كاتبي المفضل والذي أعتبرة صديقي تمبس

الحمد لله وكتر خير بكري رجعني من غير حس ولا خبر وأشكر الأنسان الكامل والكمال لله وهبة الهبشني في غيبتي

حبيت أول ما اكتب في بوستيك دا لانه عاجبني بصراحة


وأنقل ليك كلام كتبته في قرية مجاورة طيب أهلها وعشرتهم

وهو عن حال صدمة القواعد الشعبية للأحزاب

ورد في الآثر أن لكل قبائل العرب أوثان في زمن الجاهلية وكان لبني سليم وثن يتعبدون به وكان عليه سادن أسمه غاوي بن ظالم
وكان يقوم بخدمه الصنم ووضع الطعام واالشراب أمامه وفي يوم جاء فوجد ثعلبانا وهو ذكر الثعلب يبول على رأس معبوده
الصنم بعد أن اكل الطعام وشرب فأنشد قائلاً

لقد خـــــاب قـوم أملـوك لشـدة ==== أرادوا نزالا أن تكون تحـارب
فلا أنت تغني عن أمورتواترت ==== ولا أنت دفاع إذا حـل نائـب
أرب يبـول الثعلبـان برأسـهـــا ==== قد ذل من بالت عليه الثعالـب
وأتي بعد ذلك على رسول الله صلى الله وعليه وأسلم وغير رسول الله أسمه إلى راشد بن مقسط

Quote: كاتبي المفضل والذي أعتبرة صديقي تمبس الحمد لله وكتر خير بكري رجعني من غير حس ولا خبر وأشكر الأنسان الكامل والكمال لله وهبة الهبشني في غيبتي حبيت أول ما اكتب في بوستيك دا لانه عاجبني بصراحة

.. شكرا يا باشمهندس عبد العزيز ..
والحتة بتاعت كاتبك المفضل دي كان قلتها قبل فترة كان اترشحته عديل كدا .. على الاقل ضمنت لي صوت وباقي الرزق تلاقيط..
حمد الله على السلامة .. وبركة في الرجعة .. المكان دا يا باشمهندس .. فيهو متخصصين بتاعين فركشة بوستات .. الما بيعجبو البوست ويتعبو بقوم بفركشو ليك .. وعادي جدا ممكن يشتمك .. ويمشي يخسر ليهو ربع سنت .. ويتصل علي بكري تلقى نفسك في الشارع لا ايدك لا كراعك ..
تشكر على نقل المداخلة .. اريتم يفهموها وهي طايرة برضو ..

Quote: قادة الأحزاب الكبرى كانوا يتهيبون زيارة قواعدهم .... وبعد فوات الأوان بدأوا مسلسل الزيارات وهالهم حجم مؤيديهم... ولكن أغلبهم لم يحرصوا على التسجيل لفوات الوقت وعدم قيام الأحزاب بالإهتمام بفترة التسجيل.

.. دا يا مولانـا ابوبكر يدل على عدم جاهزية هذه الاحزاب والتي اعتبرت أنها بنفس برامجها القديمة ونفس قواعدها التي تؤمن ليس بالشخوص الرموز فقط .. إنما تبصم بالعشرة على كامل معتقداتهم فيهم .. واسقطوا تماما بعض المتغيرات .. وبرنامج حزب المؤتمر الوطني والذي سعى له بكامل جاهزيته منذ اعلان قيام الإنتخابات في عامنا الحالي ..
بعد فوات الآوان .. نقطة يجب الوقوف عندها .. من قبل أي ناخب أو (مريد) أو متعاطف .. أين كانت هذه الاحزاب الكبيرة منذ بداية اعلان الانتخابات إلى تاريخه .. الحزب الشريك الحركة الشعبية هي من أوجدت حراك بفعل اتفاقية السلام .. بوجود القائد جون قرنق .. وإن كان موجودا الآن لانقلبت الكثير من الموازين .. على الاقل لما كان هذا اللعب وهذا التخبط الذي يقوم به بعض الافراد في الحركة الشعبية بخروجهم عن المؤسسية بعد أن تبين لهم أنهم لا قبل لهم على منازلة المؤتمر الوطني الذي اعد عدته كاملة وضمن اكتساااح الانتخابات بإجماع كامل اشبة بالاجماع السكوتي .. إذن الحركة الشعبية هي الحزب الوحيد الذي كان يمكن له أن ينتج تغيرا .. لكن أعتقد أنه اكتفى واهما بالجنوب بعد خداعه لمعظم احزاب الشمال وفق نظرية محددة ربما تظهر معطياتها في القريب العاجل ..

عفوا يا شباب .. يبدو إني (نسيت أرد على بعض المداخلات ) ليس عن عمد ..
العذر لعدم تقيدي بالترتيب في الردود حسب اقديمته ..
طلال جبير ..
استاذة ماجدة ..
عمر صديق ..
صلاح ابودية..
عبد الملك ..

يعني فطيتني كمان الله يسامحك


شوف يا تمبس الصورة دي من موقع قرفنا

Quote: يعني فطيتني كمان الله يسامحك

حمد الله على السلامة يا عبد العزيز .. كيفنك؟؟
ياخ فطيتك بي وين وإنت يادوبك فاكنك بي ضمانة ..؟
الناس الاعتذرت ليهم ديل .. كتبو مداخلاتم دي من بدري جدا عاين لي تواريخهم .. انا ما فطيتك لاني لسة ما وصلت ليك زاتوو

تمبس سلامات

Quote: الحزب الشريك الحركة الشعبية هي من أوجدت حراك بفعل اتفاقية السلام .. بوجود القائد جون قرنق .. وإن كان موجودا الآن لانقلبت الكثير من الموازين .. على الاقل لما كان هذا اللعب وهذا التخبط الذي يقوم به بعض الافراد في الحركة الشعبية بخروجهم عن المؤسسية بعد أن تبين لهم أنهم لا قبل لهم على منازلة المؤتمر الوطني الذي اعد عدته كاملة وضمن اكتساااح الانتخابات بإجماع كامل اشبة بالاجماع السكوتي .. إذن الحركة الشعبية هي الحزب الوحيد الذي كان يمكن له أن ينتج تغيرا

لا أحد ينكر أن منسوبى الإنقاذ - كانوا ولا زالوا- يُعدون على أصابع اليد الواحدة فى كل مدينة أو قرية قبل مجئ الإنقاذ وتدثرهم بعباءة

( جمعية الإصلاح والمواساة ) ، ... وقد زاد عددهم بنفس وجوه من ساندوا ( مايو )....

كلامك المقتبس فوق هو حقيقة... وأدركتها الإنقاذ عند مفاوضات نيفاشا....

أصرّ الدكتور جون قرنق على تقديم ( الإنتخابات العامة ) فى أبريل 2010 ، وتأخير (إستفتاء تقرير المصير فى 2011)....

كثيرون فات عليهم الحكمة من وراء ذلك .. فالمنطق كان يقول كيف يُشارك فى إنتخابات عامة شخص ما (أهل الجنوب) ثم يأتون فى العام التالى

ويختارون ( الإنفصال مثلاً) من خلال تقرير المصير ؟

الدكتور جون قرنق كان لديه بصيرة نافذة وعمِد من خلال هذا الترتيب على القيام " بكنس" الإنقاذ بصورة سلسلة من خِلال القيام بتحالفات

مدروسة مع بقية الأحزاب ... فلديه ( إن هاند) كامل الجنوب - معظمه- ورئاسته وماليته ... و28% من حكومة الشمال مجتمعة من وزراء

ووزراء دولة وولاة ومحافظين وحتى " الأمنجية"... فلو توحدت المعارضة وقامت بتوزيع الأدوار ( الدوائر) ... كانت الحركة الشعبية ستحكم

السودان ولمّا توضح لنا ( سودانها الجديد الهلامى ) الذى بدت بوادره فى يوم الإثنين الأسود.... ولكن الدكتور جون قرنق ترك وراءه

أناس غافلون ... لم ينتبهوا إلا مؤخراً لما وراء هذا الأمر فجمعوا الأحزاب فى جوبا بعد فوات الأوان.... بعد أن إستعدّ المؤتمر الوطنى

للإنتخابات باكراً ومنذ لحظة التوقيع على الإتفاقية فى 2005 "

- التعداد السكانى : لما له من تأثير على قسمة السلطة والثروة حسب مقررات نيفاشا ... وشُفتّ " كاوروا" الجنوبيين فى عددهم كيف.....

ثم فى توزيع الدوائر الجغرافية وتوزيعها.

- تشكيل مفوضية الإنتخابات حسب مقررات إتفاقية السلام.

-تجفيف السوق من السيولة خلال العامين الماضيين.

- ما جرى لمشروع الجزيرة بإعتباره السند التقليدى للحزبين وإمكانية المساهمة فى الحملات الإنتخابية حتى لو "عيناً"... وليس أدّل على ذلك

من التفاوت الكبير فى تسيير الحملات الإنتخابية.

برزت المطالبة بالتأجيل لإستدراك ما فات على الجميع للقيام بالتنسيق المطلوب - هكذا أحسب - ولكن بالطبع جاءت لا بالفم المليان.

التهديد الوحيد كان قيام ياسر عرمان بالترشح ... وهو أمر أقلق الكيزان ايما قلق خاصة لو تمّ توجيه كل أصوات الجنوب له .... وكسبه

لبعض أصوات الشماليين فى الشمال ... ثم أغلبية أصوات المهجّرين والمهاجرين والمغتربين فى أصقاع الأرض بإفتراض أنهم سيكونون ضد

البشير... فكانت سياسة الترغيب والترهيب التى وصلت حد التهديد بإلغاء الإستفتاء ... فأتى هذا التهديد اُكله ضعفين - قِيل أضعاف مضاعفة-

بدءاً بإنسحاب ياسر عرمان ... مروراً بالشرخ الذى حدث فى قيادات الحركة الشعبية وقياداتها - على الأقل من قطاع الشمال- ثم أهم من ذلك

ثبت أن الحركة الشعبية لا يعنيها سوى أن تلعب لمصلحة ورقها بعد أن رَمَت الإسطوانة المشروخة " الوحدة الجاذبة" ، وبدأوا فى العد التنازلى

لدولتهم كما هو موجود فى بوست مجاور.


الإكتساح تمّ منذ زيارة "جون كيرى"- رئيس لجنة العلاقات الخارجية بمجلس الشيوخ وكبير الطُهاة للسياسة الأميريكية- للسودان ثم تعيين سكوت

قريشن كمبعوث خاص لأوباما بصلاحيات تتعدى تنهدات ( سوزان رايس ) و "ململة" هلارى كلينتون المحسوبتين.. ودونك ما قام به فى مسألة

التحكيم والقبول به ... وفى تصريحاته فى اليومين الماضيين عن قيام الإنتخابات فى مواعيدها ... وأن الحكم عليها سيتحدد بمدى إلتزامها

بالمعايير - أى بعد قيامها- وليس بتأجيلها ... مروراً بمفاوضات الدوحة وجمع الفصائل و " هرشة " ساركوزى الذى بلغت به الملطشة أن

طالبه إدريس دبِّى بسحب قواته - تحت مسمّى الأوروبية- فى موعد لا يتعدّ هذا الشهر.

لا تنسى إدخار الإنقاذ للكثير من إنجازاتهم التى تمس الناس فى معايشهم من جسور وطرق وتبرعات خلال الفترة التى سبقت الإنتخابات....


النتيجة هى كما تفضلت فى عنوانك .... وستكون لديهم شرعية قانونية de jure من خِلال صناديق الإقتراع بعد أن كانت de facto بسبب الإنقلاب

ودونك ما حدث فى موريتانيا بعد إنقلاب ( محمد ولد عبدالعزيز ) والمعارضة القوية والتى غزّتها أيضاً فرنسا ساركوزى ... ومقاطعة ، ثم

جاءت الإنتخابات و " اكتسح" الجنرال محمد ولد عبدالعزيز رئاسة الجمهورية وأغلبية برلمانية كبيرة ، ومن يومها مافى واحد قام " يلوك"

فى لُبانة الشرعية والإنقلاب وما إلى ذلك وعاشوا فى تبات ونبات ... الغريبة موريتنانيا دى بتشبهنا فى أشياء كثيرة:

- أشكالنا وسحناتنا المتعددة.

- الوعى الكبير للمرأة.

- لبس المرأة لذات الثوب السودانى.

- وحتى " ميثاق المحافظة على الديمقراطية " ورقودهم " القش" بعد الإنقلاب.

- محترفى السياسة... وأخيراً

- الإنقلابات العسكرية.

سيعيد التاريخ نفسه عندنا، وفى ناس كدا أحسن يشوفوا ليهم مشغلة غير مسألة " الشرعية".... واللذين أدمنوا التخفِّى تحت الشعارات البرّاقة

والجهات المُموهّة.

كلام أخير:

بعد الإكتساح سنشهد إقتسام ناس Yes we can change "لكعكة" البترول والغاز لأن الأمر أمر مصالح عليا فقد سبقتهم الصين فى الإلتهام

من تلك الكعكة.

تخريمة: زيارة جون كيرى لسوريا أيضاً سيكون لها ما ورائها... حيث أن دوره يقوم على إنتزاع التعهدات والإتفاق بالأحرف الأولى ... والباقى

يتموه الباقين .... والناس زى ناسية إنو من قام بإختيار أوباما وإعداده لسباق الرئاسة الأميركية التى فاز فيها كان هو مرشح الحزب

الديمقراطى الذى خسِر سباق الرئاسة أمام جورج بوش ( جون كيرى).

عفواً على الإطالة ... واستحملنا سنعاود الحضور.

تمبس سلامات


سين سؤال



قطاع الشمال مقاطع
قطاع الجنوب مشارك



والمفوضية ياها ذاتها !!!!!!!!!!!!!!!!!!!!


تري ماهو السبب؟

والله يا علاء لو ما نبهوني لي ردك كنت نسيت البوست دا تماماياخي معقول غائب شهر
لحدي ما الجماعة انسحبوا وبعدين جايني بالثابته- اكتساح اكتساح لانو مافي زول معاهم في الساحة..

لكن هذا لا يمنع ان ندردش فيما تفضلت به خاصة في ما يخص الدائرة رقم 1

كتبت

Quote: ما عارفك بنيت تصريحك دا علي ياتو افتراضية .. لكن على كل انا بجزم ليك إن (كل دي) ما في محلها وما اتوفقت فيها .. وهي نفس النظرية الكنت بعتقد فيها إنو منطقة الشرق وكسلا تحديدا مهيمن عليها حزب الاتحادي الديمقراطي .. لكن هاهو المؤتمر الوطني كل يوم ينسف لي بعض الاعتقادات .. وذلك بالحشود القوية .. في حلفا كان جمع وحشد جماهيري كبير .. في دارفور التي اعتمد عليها الكثيرين في برامجهم الانتخابي .. كانت حشود .. إذا كان هناك اي كراهية اعتقد المؤتمر الوطني استعمل ما يمكن استعماله من وسائل متاحه لينسف لك الفكرة .. أما مسالة أن يكون هناك حراسة مشددة لأي من اعضاء المؤتمر فهذا من ضمن الخيالات التي يحاول البعض تصويرها بان هناك .. وهناك ، في عز غليان دارفور وتصعيد تصريحات وتهديدات بعض الحركات المسلحة .. كان اعضاء المؤتمر الوطني وعلى راسهم عمر البشير حضورا في تجمع كبير ... ووسط عامة الناس واعتقد إن من اصعب الأمور هو السياج الأمني المفروض على الشخصية وسط اللقاءات الجماهيرية المكشوفة .. تدشين حملة مرشحي المؤتمر بحلفاء كانت وسط حشود هائلة ولم ارى اي مما اشرت إليه ..

اذا انت بنيت فكرة البوست كلو على افتراض المظاهر الاعلامية للحملة الانتخابية للمؤتمر الوطني وتوصلت لفكرة انه سيكتسح في الشمال الجنوب
الشرق الغرب والوسط - يعني الفكرة كلها مستخلصة من المشاهدة الاعلامية والتي يسيطرون عليها سيطرة كاملة- طيب انا دا الذي اعرف قرى الشمال النوبي قرية قرية وعتمور عتمور ولي صداقات ومعارف فيها عبر وسائط عديدة الما بخليني اجزم شنو؟
الناس هناك يا علاء بسطاء لم تكن لهم اهتمامات او رغبة في معرفة ما يدور في الخرطوم و لا لهم في السياسة من اساسو - لكن بعد مجزرة كجبار حتى الاشخاص الكانوا معروفين بانتمائهم "للجبهة الاسلامية" صاروا يطالبون بالقصاص من القتلة والمجرمين - بل حتي مرشح المؤتمر الوطني عصام ميرغني ولمعرفته المسبقة باجماع "كل" الشمال النوبي على المطالبة بالقصاص من القتلة قام بادراج هذا المطلب في حملته
الدعائية وكانه يطلب القصاص من نفسه- وضع اعضاء المؤتمر الوطني في الشمال النوبي يشبه وضع القلة المسلمة في مكة قبل الهجرة للمدينة
فهم يتحدثون بحساب في التجمعات ولا يجرؤ اي منهم ان يمجد القتلة في اي تجمع لمعرفتهم المسبقة بموقف الجماهير النوبية من هذه القضية.

طيب نجي لحتة التجمعات الحاشدة التي استشهدت بها- اكيد انت متذكر الاتحاد الاشتراكي وحشوده الحاشدة حتي قبل شهور من انتفاضة ابريل
كل ما في الامر يا عزيزي ان كل النظم الشمولية تسخدم نفس الاسلوب وهو امر مدراء الادارات بالمصالح الحكومية والمدارس بالتواجد في
مكان الحدث - ووالله بكون عنهم كراسات مسجلين فيها الاسماء وايه رائك بياخدو الغياب كمان - وهذا ما حصل في حلفا.
واخذا بهذا المقياس فاظن انه لا توجد مقارنة بين حشود البشير في كسلا وحشود مولانا الميرغني فحشود الاخير خرجت طواعية رغم التضيق وتاخير رحلة مولانا في الخرطوم رغم عن كل هذا انتظرته الجماهير لساعات طوال وحقيقة كانت سبب لدهشتي شخصيا فبعد انقطاع دام عشرين عاما
بينها وبين قياداتها تخرج هكذا وبكل عفوية- بينما البشير له السلطة والشرطة والمحليات وكل المصالح الحكومية "ودفتر الغياب" حتي
استطاع ان يحشد هذه الحشود فكانت المقارنة مجحفة..

وللاسباب اعلاه اقول لك اخي علاء ان الحشود الحاشدة " وبالذات في النظم الشمولية" لا تعطي قراءة صحيحة لتوجه الجماهير والطريقة العلمية
والوحيدة حتى الان لمعرفة اتجاه الجماهير هي اخذ عينات عشوائية من فئات مختلفة من الناخبين هي الحل وهي ما يعرف بالـ Ellection polls

الدينا فللت - بجيك راجع في الويك اند-

تحياتي ..

الاخ علاء

تحياتي

اراك لا زلت تمجد الاكتساح والمكتسحين ومن بين المكتسحين هنالك مكتسحون تم اكتساحهم من الدنيا
واليوم عند ربهم يرزقون ومنهم قريبتك الشهيدة الخالدةالتاية ابو عاقلة والتي تعترف انت بانها شهيدة وتعرف بان من اكتسحهامن الدنيا وهو ذات المجرم السفاح الذي تمجد اليوم اكتساحه الصوري لشعبه بالزيف والخداع!
فيا بئس اللغة والمشاعر ونحن نمجد قتلة الشهداء والابطال ومنهم اقرباؤنا ونحن نضن عليهم بالموقف الوطني
النبيل الوفي لاستشهادهم بل للاسف نمجد قاتليهم بلا استحياء!

ما قولك يا ممجد القتلة والمجرمين!؟

Quote: الاخ علاء تحياتي اراك لا زلت تمجد الاكتساح والمكتسحين ومن بين المكتسحين هنالك مكتسحون تم اكتساحهم من الدنيا واليوم عند ربهم يرزقون ومنهم قريبتك الشهيدة الخالدةالتاية ابو عاقلة والتي تعترف انت بانها شهيدة وتعرف بان من اكتسحهامن الدنيا وهو ذات المجرم السفاح الذي تمجد اليوم اكتساحه الصوري لشعبه بالزيف والخداع! فيا بئس اللغة والمشاعر ونحن نمجد قتلة الشهداء والابطال ومنهم اقرباؤنا ونحن نضن عليهم بالموقف الوطني النبيل الوفي لاستشهادهم بل للاسف نمجد قاتليهم بلا استحياء! ما قولك يا ممجد القتلة والمجرمين!؟

الأخ هشــام .. أو العم هشــام .. أو الخــال هشام أو الجــد هشام ..
تحياتي الشديدة ..
ذكرتني النكتة بتاعت الاستاذ مع الطلبة ..
إلا بالمناسبة .. إنت مش حذروك مني .. قاليك الزول دا ما تقرب ليهو تاني .. عشان كدا رفعنا يدنا منك ؟؟
يعني ما بتسمع الكلام ..؟
المهم الاستاذ كتب للطلبة مسالة بتاعت رياضيات ... وقامو اتطنقعوا عليهو ... مسح المسالة وكتب ليهم واحدة تانية .. قاليهم البحل البتاعة دي بديهو جايزة .. تصدق ولا واحد ما عرف ليها ..
قاليهم البتاعة دي انا بحلها بي تلاتة طرق ..
الأولى .. وأنا مغمض ..
التانية .. انا والله ..
والتالتة .... خليها في سرك بس .. احتمال اكتبه ليك تقوم تبكي ..
المهم
كلامك الفوق دا ممكن ارد ليك عليهو بي تلاتة طرق ..
لكن عشان ما اتعبك معاي ساااي وإنت زول واجبات .. وهمك الوطني كبير وموضوع جنسيتك (الشالوها) منك كمان تاعبك شوية .. وعبد الوهاب الكوز عامل ليك أرضي ..؟
انا بقترح إني اعمل انتخابات وتصوييط عديل كدا ونشوف الناس دي رايه شنو ارد ليك واللا اخليك ..؟
يللا ..
جيب لي لوري شيوعيين من الجماعة اياهم بتاعين المقاطعة ..
جيب لي حافلة حركة شعبية من الجماعة بتاعين وياااي وبتاعين ناس الخرطوم طلعو خايفين ..
جيب لي رقشة .. زي ناس عصام الزين بتاع يمهل ولا يهمل داك .. (بلاي سلم لي عليهو شديد)
جيب لي اي كمية من ناس مجدي نفخوووو ..
اي كمية من اي نوعية كدا تلقاها .. يللا بعداك تعال اعمل ليهم صناديق ..
انا بكرة بجي راجع .. كان الله حيانا .. اللقاك ما مزور ي الانتخابات دي .. كويس معاك ..
يعني بكرة كان الله حيانا اللقى النتيجة هنا دا .. حسع دي انا ما فاضي ليك .. ماشي اصووت .. ما كمان بي حقي سوداني واحمد ربي ورقمي في جيبي ..
يللا لم الجماعة ديل عشان ارد ليك

Quote: والله يا علاء لو ما نبهوني لي ردك كنت نسيت البوست دا تماماياخي معقول غائب شهر لحدي ما الجماعة انسحبوا وبعدين جايني بالثابته- اكتساح اكتساح لانو مافي زول معاهم في الساحة..

.. ولا يهمك يا أبوعلي .. أنا ذاتو في ردود نسيت ارد ليها .. كويس إنو نبهوك الناس المتابعة ..
يظهر يا حسن .. إنو النبهوك ما قالو ليك البوست دا فيهو صفحتين .. إنتو مسكت البوست من جمبه واحدة وما شفت اولو ..
المهم يا سيدي .. البوست دا بي تاريخ ..

Quote: 23-02-2010, 07:21 ص

.. ورحلناهو للارشيف الجديد .. تقول لي مافي زول معاهم في الساحة ..؟

Quote: اذا انت بنيت فكرة البوست كلو على افتراض المظاهر الاعلامية للحملة الانتخابية للمؤتمر الوطني وتوصلت لفكرة انه سيكتسح في الشمال الجنوب الشرق الغرب والوسط - يعني الفكرة كلها مستخلصة من المشاهدة الاعلامية والتي يسيطرون عليها سيطرة كاملة- طيب انا دا الذي اعرف قرى الشمال النوبي قرية قرية وعتمور عتمور ولي صداقات ومعارف فيها عبر وسائط عديدة الما بخليني اجزم شنو؟

.. من حقك أن تجزم .. بما شاء لك يا حسن .. لكن الاصل في اي انتخابات هو الالة الاعلامية .. بمختلف اشكالها .. معرفتك بي أهل منطقة معينة بينتفي حال ما توجهت الالة الاعلامية واعطت نظرة أخرى .. لأن الاعلام اكثر تاثيرا على العقل وعلى العين المجردة .. وبالاعلام يمكن أن تفعل ما لاتقدر على فعله في الواقع .. بالاضافة إلى ان كل ما رايناه وخلال الفترة الأخيرة والتي صاحبت انسحاب العديد من المرشحين ومن ضمنهم الشريك الاستراتيجي .. كان كل لقاء يزيد حشدا عن اللقاء الذي هو قبله .. مناطق الشمال في الايام الأخيرة من الحملة نسفت الكثير من الثوابت التي تحدثت عنها .. وإذا كان وفق ما ذكرت سيطرت المؤتمر على الاعلام .. فهو نفس الاعلام الذي تمت السيطرة عليه منذ 20 عام ووصل به كل ما لديه من افكار .. في شكل كبسولات ابتداء من ساحات الفداء حتى الحملة الانتخابية .. ايه البمنع إنو نفس الاعلام دا يكون اثر على ما ذكرتهم من مناطق خاصة وما ذكرت فيهم من بساطة شديدة جدا .. يسهل السيطرة عليهم بالقليل من الجهد ..
أرجو مرة أخرى التركيز على الالة الإعلامية في سبيل تحقيق المطالب .. كما لا يخفي عليك والا تتجاهل العديد من المشاريع الحيوية التي سخرت أيضا من أجل الحملات الدعائية بجانب الخطاب المباشر والتي هزمت بالمقابل الكثير من الخطب العنترية لمرشحي الاحزاب الأخرى ..

Quote: الناس هناك يا علاء بسطاء لم تكن لهم اهتمامات او رغبة في معرفة ما يدور في الخرطوم و لا لهم في السياسة من اساسو - لكن بعد مجزرة كجبار حتى الاشخاص الكانوا معروفين بانتمائهم "للجبهة الاسلامية" صاروا يطالبون بالقصاص من القتلة والمجرمين - بل حتي مرشح المؤتمر الوطني عصام ميرغني ولمعرفته المسبقة باجماع "كل" الشمال النوبي على المطالبة بالقصاص من القتلة قام بادراج هذا المطلب في حملته الدعائية وكانه يطلب القصاص من نفسه- وضع اعضاء المؤتمر الوطني في الشمال النوبي يشبه وضع القلة المسلمة في مكة قبل الهجرة للمدينة فهم يتحدثون بحساب في التجمعات ولا يجرؤ اي منهم ان يمجد القتلة في اي تجمع لمعرفتهم المسبقة بموقف الجماهير النوبية من هذه القضية.

بساطة أهل المنطقة وبعدهم عن السياسة كما ذكرت .. سهل عملية الاختراق بشكل بسيط جدا .. ومن غير مجهود يذكر .. فخرجت كميات ضخمة جدا من الحشود تهتف بغسم الشجرة .. وهنا هو دور الاعلام في حشد الجموع .. وذلك مقابل ضعف آلة الاحزاب الاخرى الاعلامية .. إذا اخذنا بي نظرية (الكل) التي ذكرتها .. ووفق ما نراه لوجدتني اجزم لك أن الشمال النوبي كله عن بكرة أبيه موالي للمؤتمر الوطني .. حتى ما ذكرته عن كجبار طغت عليه الحشود الاعلامية ..
(في مذكرات قديمة عن أيام مايو والشيوعيين قرأت لاحدهم ان أحد القادة الشيوعيين وأظنه عبد الخالق .. كان يتعمد أن يتحدث في اي لقاء جماهيري عقب انتهاء فقرة جعفر نميري وهذا مقرونا لما ذكر عن شيوعيية مايو .. ايامها الأولى .. برتكوليا الرئيس كلمته الأخيرة .. ولا يعلو عليها .. ولا تعقيب ..)

نواصل ..

الاخ علاء سلام..

Quote: ايه البمنع إنو نفس الاعلام دا يكون اثر على ما ذكرتهم من مناطق خاصة وما ذكرت فيهم من بساطة شديدة جدا .. يسهل السيطرة عليهم بالقليل من الجهد ..

انا لم اقل انهم سذّج او اغبياء بل بسطاء في معايشهم واهتمامهم بزرعهم وضرعهم وعدم اهتمامهم بما يدور في الخرطوم بشكل عام لكن
عندما جاء حكام الخرطوم بمجازرهم للمنطقة اختلف الوضع تماما..

Quote: (في مذكرات قديمة عن أيام مايو والشيوعيين قرأت لاحدهم ان أحد القادة الشيوعيين وأظنه عبد الخالق .. كان يتعمد أن يتحدث في اي لقاء جماهيري عقب انتهاء فقرة جعفر نميري وهذا مقرونا لما ذكر عن شيوعيية مايو .. ايامها الأولى .. برتكوليا الرئيس كلمته الأخيرة .. ولا يعلو عليها .. ولا تعقيب ..)

بقية كلامك مفهوم الا هذا الجزء لم افهم ما المقصود به..

بعدين حسن دا منو؟

تحياتي

Quote: بعدين حسن دا منو؟

معليش يا (حسين) ولا يهمك (الياء) دي وقعت مننا نتيجة دقسة مطبعية ..
سلامات يا (حسين)..

Quote: بقية كلامك مفهوم الا هذا الجزء لم افهم ما المقصود به..

يا حسين:
أوردت ليك الكلام دا من ضمن صياغ ما قبله .. عن الحشود .. وعن دور الاعلام وتأثيره على المتلقي وقوته في توصيل المعلومة والسيطرة على عقلية المتلقي.. وضربت ليك المثل دا لانو فجاة استحضرت الموقف والحشود الجماهيرية والمعلومة الوقتية في شكل الخطاب .. والممكن حتى تاثر بيها من غير جهد يذكر إنما فقط بتعتمد علي قرايتك للوضع ومقدرتك الخطابية البتقدر تاثر بيها على الحشود وتخترق المناطق الحساسة جدا فيهم .. وهي من أكبر الاسلحلة التي هزم بها المؤتمر الوطني الجميع .. وهي السلاح الوحيد الذي استخدمه وطوره من عقلية لأخرى .. بسيطة .. مثقفة .. متدينة .. غير ذلك .. إلخ .
ولما ضربت ليك مثل بي الحزب الشيوعي .. كان الغرض إنو الحزب الشيوعي يعتبر من وجهة نظري أكبر حزب بيستعمل سلاح الاشارة وسلاح القتل المعنوي وسلاح اغتيال الشخصية وسلاح ترويج الاشاعات .. والمشهد العام لبعض اعضاء الحزب الشيوعي في المنبر العام .. ومحاولاتهم في الترويج للحملة الاعلامية للمرشح ياسر عرمان خير دليل .. وبعد فشلهم عودتهم لسلاح مقاطعة الانتخابات والترويج اعلاميا لها بعد انسحاب كبيرهم نقد بعد مهزلته الشهيرة .. وبعد أن خذلهم عرمان لاجنده خاصة ..

أرجو أنو أكون وضحت ليك .. أو الفكرة وضحت ليك من الكلام دا .. ولو ما وضحت .. ماف مشكلة نحاوله من جمبه تانية ..

نواصل يا (حسيـــن) ..

Quote: طيب نجي لحتة التجمعات الحاشدة التي استشهدت بها- اكيد انت متذكر الاتحاد الاشتراكي وحشوده الحاشدة حتي قبل شهور من انتفاضة ابريل كل ما في الامر يا عزيزي ان كل النظم الشمولية تسخدم نفس الاسلوب وهو امر مدراء الادارات بالمصالح الحكومية والمدارس بالتواجد في مكان الحدث - ووالله بكون عنهم كراسات مسجلين فيها الاسماء وايه رائك بياخدو الغياب كمان - وهذا ما حصل في حلفا. واخذا بهذا المقياس فاظن انه لا توجد مقارنة بين حشود البشير في كسلا وحشود مولانا الميرغني فحشود الاخير خرجت طواعية رغم التضيق وتاخير رحلة مولانا في الخرطوم رغم عن كل هذا انتظرته الجماهير لساعات طوال وحقيقة كانت سبب لدهشتي شخصيا فبعد انقطاع دام عشرين عاما بينها وبين قياداتها تخرج هكذا وبكل عفوية- بينما البشير له السلطة والشرطة والمحليات وكل المصالح الحكومية "ودفتر الغياب" حتي استطاع ان يحشد هذه الحشود فكانت المقارنة مجحفة..

.. والله للحقيقة حشود الاتحاد الاشتراكي ما كنت واعي ليها شديد .. ولا كنت بقدر افرز الكوز من الشيوعي من المايوي الوكت داك .. لكن دا ما بيمنع اني عشت الفترة ديك لكن ما كنت ناضج سياسيا .. كل الكنت بعرفو إنو نميري زول كويس .. وكان بجيب لينا عجلات .. واخواني الكبار كانو في طلايع مايو وفي الكشافة والرواد وبنات الحلة في المرشدات .. وكنت بتذكر بعض الاناشيد الوطنية التي ما ذالت في ذهني .. لكن كل البعرفو إنو نفس الناس الكانت بتحشد ونفس الرموز دي في ناس منها لسة قاعدة في المجتمع السوداني وحايمة وبتعاملو معاها بي نفس البرستيج القديم .. على العموم شفت الحشود في (الميديـــا) وعرفت عن الانتفاضة والحشود برضو في (الميديـــا) ووصلت لي الفكرة بشكل جيد ...
الحشود الشفتها في حلفة دي يا في بقية مدن الشمال .. أو في اي مكان تاني .. ما ليها علاقة بي حشود طلاب مدارس .. نحن نكون واقعيين .. ناس كباااار .. وواعييين بي انهم جايين بي محض ارادتم لي شنو .. وفيهم العجزة والشباب والسيدات اللواتي يهتفن بتشنج من أجل الرئيس .. إذا حبيت أن تثبت أن الحشود التي شاهدتها وشاهدها غيري هي نتاج الحشود الطلابية أو المؤسسات التي تتبع للدولة وتم حشدهم وفق التعليمات .. فلك حرية ما تشاء ولي حرية اصدق عيني برضو .. لكن محاولة اثباتك بقوة أن الجموع دي طلاب وموظفين .. دي ما حقيقة .. حتى وإن تم ذلك .. هناك الكثير من الاحزاب في حملاتها الانتخابية .. تحشد .. وتدفع مبالغ للحشد .. أو الابعد من ذلك تدشن حملاتها الانتخابية في الاماكن التي تعتقد أن لها نفوذ وسيطرة فيها .. أو الاماكن التي تعتقد أن الخطاب الجماهيري فيها سيكون اكثر تاثيراً كما فعل المرشح ياسر عرمان في بيت علي عبد اللطيف الذي اعتقد انه سيكسب به ما يكسب من تائيد داعماً لفكرته عن مفهومه للسودان الجديد .. وبنفس الحال دكتور لام أكول وتدشين حملته في الحاج يوسف .. بالمقابل فإن حملات البشير الفرق بينها وبين الحملات ان الرئيس .. حملته موضوعه بقوة ومكنه موقعه الحالي من التجول ووصول الناس في كل الولايات والمحافظات شرقا وغربا جنوبا وشمالا .. ولا اعتقد أنه كان في حوجه إلى كل هذا العناء ..
نواصل ..

Quote: وللاسباب اعلاه اقول لك اخي علاء ان الحشود الحاشدة " وبالذات في النظم الشمولية" لا تعطي قراءة صحيحة لتوجه الجماهير والطريقة العلمية والوحيدة حتى الان لمعرفة اتجاه الجماهير هي اخذ عينات عشوائية من فئات مختلفة من الناخبين هي الحل وهي ما يعرف بالـ Ellection pollsالدينا فللت - بجيك راجع في الويك اند- تحياتي ..

... سلامات يا (حسيــن) ونواصل ..
لاأدري أخذ العينات العشوائية من فئات مختلفة يتم بواسطة من ..؟
إذا كان بواسطة جهات حكومية ... فغالباً إن النتيجة لا يعتد بها .. وتدرج في خانة التزوير كالعادة ..
إذا كانت بواسطة جهات محايدة أو مراغبين .. فأعتقد أن مصيرها كمصير سابقتها أعلاه ..
إذا كانت من أفراد .. بعينهم فأعتقد أن النتيجة ستأدلج وفق عدم الرضاء بإنتماء الشخص ..
في الصفحة الأولى من هذا البوست كتب الزميل محمد فرح :

Quote: بصراحة يا أخوان لي أكثر من شهر أعمل على استطلاع شخصي (حقي براي) ، لم ارجع فيه الى صحيفة أو جهاز اعلامي او مركز اكاديمي وأقسم بالله أن الغالبية الغالبة الساحقة ممن اسألهم في الشارع وفي مناسباتنا الاجتماعية وفي لقاءتنا الوظيفية وفي كل مكان في ام درمان والخرطوم وبعض المدن التي زرتها ، أغلبية هؤلاء لا يثقون في من جاءهم مترشحاً بديلاً لحكومة الانقاذ ،

.. وكنت قد كتب في نفس الصفحة الزميل حذيفة الكباشي .. وهو من بورداب الخرطوم:

Quote: سأنتخبة ... لبس حبا في المؤتمر الوطني ولكن من باب (جنا تعرفو ولااا جنا ما بتعرفو)

وكتبت الزميلة شمائل النور ايضا من بورداب الداخل:

Quote: تعرف يا تمبس مداخلة حذيفة الكباشي دي تعبر عن نسبة كبيرة جدا من هذا الشعب انا واحدة منه،من باب الجن البتعرفو، المؤتمر حيكتسح ليس من اي باب تاني ، صدقني،

ممكن مراجعة المداخلات لمزيد من الايضاح .. وهؤلاء من جيل الشباب وكل فيهم يحمل ايدلوجيته الخاصة وحزبه الخاص ..
وكتبت أنا في نفس الصفحة ..

Quote: لو كنا اكتر دقة: الواقع وراني تجارب كتيرة جدا .. ما ليها علاقة بالسايبر وبي كل الاحلام المنسوجه هنا .. نماذج كتيرة جدا سايبيرية .. واقعه مختلف تماما .. بتشبه الفرق بين النظري والعملي في الاكاديميات .. هنا نظري سايبيري .. وهناك عملي واقعي .. راجعي ردي لي حذيفة شان تعرفي حاجة ..

.. قرايتي للوضع الحالي استمديتها من الشارع وبي عينات عشوائية جدا .. فيها الصحفي المحترف للمهنة .. وفيها عامة الناس .. وفيها ماسحي الاحذية .. وغاسلي العربات .. واساتذة الجامعات .. وطلبة وطالبات الجامعات .. وعددية كبيرة من الناشطين ..
وأخيرا ما رأته عيني المجردة وما عكسته هنـا ..
انسحاب المرشحين من الاوزان الثقيلة والذين كان يعول عليهم كثيرا .. ساهموا بالقدر الكبير جدا في هذا الاكتساااح .. واصبح المؤتمر الوطني الآن ينافس نفسه بنفسه .. وبقية الجدليات التي تنادي بمقاطعة الانتخابات والاصوات الضعيفة جدا التي تكتب نتاج احباطها وتمنياتها العريضة بأن لا تصبح شمس النتيجة الحتمية .. فهاهم يكتبون عن كمية العسكر .. وعن خلو العاصمة من سكانها خوفا وهربا وهلعا.. يكتبون فقط مضياع للوقت ، وما هي إلا سويعات وتعلن النتيجة .. من ناحية أخرى الاكتساااح يسير وفق السيناريو .. ووكالات الانباء شاهدة على ذلك .. وستنقل الخبر وتتناقله.
لك الشكر والتحيات ..

الاخ علاء سلام..

Quote: .. والله للحقيقة حشود الاتحاد الاشتراكي ما كنت واعي ليها شديد .. ولا كنت بقدر افرز الكوز من الشيوعي من المايوي الوكت داك .. لكن دا ما بيمنع اني عشت الفترة ديك لكن ما كنت ناضج سياسيا .. كل الكنت بعرفو إنو نميري زول كويس .. وكان بجيب لينا عجلات .. واخواني الكبار كانو في طلايع مايو وفي الكشافة والرواد وبنات الحلة في المرشدات .. وكنت بتذكر بعض الاناشيد الوطنية التي ما ذالت في ذهني .. لكن كل البعرفو إنو نفس الناس الكانت بتحشد ونفس الرموز دي في ناس منها لسة قاعدة في المجتمع السوداني وحايمة وبتعاملو معاها بي نفس البرستيج القديم .. على العموم شفت الحشود في (الميديـــا) وعرفت عن الانتفاضة والحشود برضو في (الميديـــا) ووصلت لي الفكرة بشكل جيد

هههها شنو داير تطلعنا عجايز- التذكر لا يحتاج لنضج سياسي يا علاء بل لذاكرة قوية - انا ايضا لم اكن ناضج سياسيا حينها لكن هذا لايمنع
انني اتذكر الحشود الحاشدة للاتحاد الاشتراكي ولم اكن افرز who's who لكني اذكر جليا الذين كانوا يهتفون بتشنج لابوعاج والذين كانوا مسعدون للذود بارواحهم فداءا للقائد الملهم - تماما كما يحصل اليوم للبشير - وكان هذا قبيل شهور قليلة من قيام انتفاضة ابريل المجيدة
وعندما صرت ناضجا سياسيا لاحقا"كما اظن" ربطت تلك المشاهد وما اراه الان من سناريو يعيد نفسه بنفس التفاصيل- الفكرة يا علاء هي ان النظم الشمولية تستعمل نفوذها لحشد الجماهير..رضينا او ابيناهذه حقيقة..

Quote: .. لاأدري أخذ العينات العشوائية من فئات مختلفة يتم بواسطة من ..؟

عدم وجود مراكز استطلاع الاراء المتخصصة والمحايدة لايعني ان الوسائل المتاحة والغير علمية هي صحيحة وعاكسة للصورة الكاملة للواقع
فمثلا المسجلين للانتخابات 16 مليون من اصل 40 مليون - من منا يعرف ما يدور في اذهان الذين رفضوا حتي التسجيل - ونسبة من لم
يستطيعوا التسجيل- في الدائرة رقم واحد تم تسجيل عدد كبير من الناس بدون بطاقات ثبوتية وعندما اتو ليدلوا باصواتهم طالبوهم
باثبات الشخصية وعراقيل كثيرة صاحبت مراحل الانتخابات منذ البداية يصعب على المراقبين معرفتهالانها تمت قبل عملية الانتخاب -

محاولات المؤتمر الوطني كحزب شمولي يحاول انتزاع شرعية سبقه عليها محليا الاتحاد الاشتراكي و الحزب الوطني الحاكم في مصر واحزاب
شمولية كثيرة - اختلفت الاسماء والمواقع لكن تطابقت الاساليب والطرق وكلها في النهاية لزوال ولو طال الزمن..

Quote: عدم وجود مراكز استطلاع الاراء المتخصصة والمحايدة لايعني ان الوسائل المتاحة والغير علمية هي صحيحة وعاكسة للصورة الكاملة للواقع فمثلا المسجلين للانتخابات 16 مليون من اصل 40 مليون - من منا يعرف ما يدور في اذهان الذين رفضوا حتي التسجيل - ونسبة من لم يستطيعوا التسجيل- في الدائرة رقم واحد تم تسجيل عدد كبير من الناس بدون بطاقات ثبوتية وعندما اتو ليدلوا باصواتهم طالبوهم باثبات الشخصية وعراقيل كثيرة صاحبت مراحل الانتخابات منذ البداية يصعب على المراقبين معرفتهالانها تمت قبل عملية الانتخاب -

.. سلامات يا نوياتيا ..
أعتقد أنك الآن اقتنعت بكل ما جاء في محاولة شرحي عن فرص الاكتسااح المتاحة للمؤتمر الوطني في المناطق التي ذكرتها لك .. وارجو اللا يكون محور حديثنا التالي .. التزوير والحبر .. إلخ .. مع الشكر

Quote: قطاع الشمال مقاطع قطاع الجنوب مشارك والمفوضية ياها ذاتها !!!!!!!!!!!!!!!!!!!! تري ماهو السبب؟

سلامات يا عمر صديق ..
حمدو في بطنو يا عمر .. ربما بعد حين تظهر الحاجات الما ظاهرة حاليا .. ونبدأ في مرحلة (الفت) المؤسس ..
كلو جايز ..

يا مولانـا ابوبكر ..
علشان كلامك العميق دا .. طالبنا بي وجودك هنا .. مش عميق وبس .. وكمان خبره .. ومتابعة .. وقراءة سليمة داخليا وخارجيا.. ساترك لك حرية التحرك داخل البوست بكل التحليلات .. والحقائق ، وسالتزم بالقراءة ووجهة النظر التي اتفق فيها معك .. واطمع في المزيد من القراءة .. ولك الشكر يا استاذ ..

Quote: يعني فطيتني كمان الله يسامحك شوف يا تمبس الصورة دي من موقع قرفنا

.. اها يا باشمهندس .. الفطة كانت بي نظام .. ما فطه سااي ..
والله الجماعة الفي قرفنا ديل فعلا قرفانين .. قرفانين من اااي حاجة ..

Quote: فوق

شكرا يا دكتورة للمساهمة والمتابعة

Quote: ياتمبس هم ناسك ديل لو بقعدوا في الواطة و يقوموا بمثل هذه التحليلات كا عرفوا راسهم من قعرهم عندما تمكن التحالف من الفوز باتحاد طلاب جامعة الخرطوم قال السيد الصادق المهدي (ان ذلك مؤشر على اهمية العمل النقابي في اسقاط النظام وعزله) وبدأت النظرية

... سلامات يا عبد الملك ..
الجماعة ديل قاعدين للاسف مسالة إنهم يقعدوا في الوواطة ما بقعدوا .. واكان قعدوا بيحللو في اتجاه واحد .. لانو عندهم خبراء في ترويج الاشاعات .. وخبراء في فبركة الحقائق .. وللاسف نجد حتى الواعيين منهم ينقاد إلى هذا القطيع في الوقت الذي يجب أن يحكم فيه صوت العقل والوعي .. أما السيد الصادق المهدي .. فكان (ينبغي) له أن يقوم بدور عظيم جدا يحسبه له التاريخ .. لا عليه، فهاهوا الآن اصبح في عزلة تامة .. ربما كلفته الانتظار إلى دورة أخرى يجب أن يعد لها نفسه من الآن .. ليترشح للرئاسة القادمة.

Quote: لان الاحزاب قلوبها شتى رأيت ماحدث لاتحاد طلاب جامعة الخرطوم صراعات اتهامات انسحابات ذمم خربة اساليب ملتوية مارستها الاحزاب في بعضها البعض كان المؤتمر يخطط بهدوء في الجامعات الاخرى اكتسحها جامعة جامعة،،،،،ثم نقابة المحامين،،،، زرقاء اليمامة لم ينتبه اهل الاحزاب كانوا في صرعاتهم وكيدهم لبعضه البعض تبقيت فقط جامعة الخرطوم صمدت دورة ودورتين اخر انتخابات لها كتب المناضلون هنا في هذا المنبر .. (ان هذه الانتخابات ستكون مؤشر للانتخابات العامة في السودان)

... اكتساااح المؤتمر يا عبد الملك بدا من فترة وهو نتاج طبيعي للضعف الشديد الذي تعانيه بقية الاحزاب .. وكما تفضلت انشغالها ببعضها البعض .. وربما بعض الصفقات التحتية لتقوية حزب على الآخر .. كل هذه العوامل مهدت للاكتساااح واعطت المؤتمر الثقة الكاملة .. فأخذ قادة الانقاذ يصرحون من فترة طويلة بالاكتسااح وهذا ما جعل نظرية التزوير مسيطرة على عقلية بعض الزعامات .. حتى اصبحت أهم فقرة في الخطابات الجماهيرية والتي كانت في النهاية آخر مسمار في نعشهم .. ونعش قواعدهم العريضة التي كانت تؤمل حتى بصوت في المية من ضمن الخمسة في المية التي اشرت إليها مسبقاً .. علما أن الخمسة في المية قد (انكمشت) الآن .. نفس ما سمعناه عن انتخابات المحامين من تزوير وما ادراك ما تزوير صرنا نسمعه الآن .. ومهد له من قبل .. ويستمر الجماعة في البورد بترديد الاسطوانة.

Quote: فالذي يقنع خمسة الف طالب للانحياز له واربعة الف محامي قادر على اقناع الاخرين طبعا الجاعة شربوا المريسة بتاعت(التزوير،،،شراء الذمم .....الخ ) وناموا قريري العين من الاهمية ان يكون هنالك حزب منافس وقوي لكن من اين نستجلبه مثل هذه التحليلات والقاءات تضعك في خانة الامنجية والكيزان والخيانة العظمى

... الاقناع توسعت قاعدته .. وانتشر .. وكلما راهن هؤلاء بي جبهة مضادة وفق ما تخيل لهم .. ما تت امانيهم .. في اي لقاء جماهيري حاشد دبر له المؤتمر وارتجل له خطاب سيكولوجي مناسب .. مقابل الحملات الآخرى الضعيفة جدا والتي هي أداء واجب فقط ..
أما .. اصحاب التنميط في البورد .. فديل يا عبد الملك لا خوف منهم .. بالعكس .. كلما قرأت بوادر تلميحات بإمكاني أن ارى في الشخص انتمائه الواضح إلى جهة ما .. (بخرت) له احلامه .. ورويدا رويدا سيجد نفسه أمام الأمر الواقع فإما كف عن الصراخ .. أو ذهب إلى اقرب مشفى ليراجع بعض التحاليل التي يحافظ بها على استمراريته في الحياة.

Quote: احذر ياتمبس السكارى والمخمورين خاصة اذا كنت تسوق في الطريق السريع

.. حزام الأمان يا عبد الملك للسلامة ..

شكرا للتكرار

Quote: موعدنا غداً مع الملايين الحقيقية ! حشد الشباب والطلاب بولاية الخرطوم !

.. كان حشد الطلاب .. وكان حشد الفنانين والموسيقيين وأهل الثقافة .. وإلخ
والسيناريو مستمر نحو النظرية .. ويصر بعضهم .. النظر للنصف الممتلي من الكوب .. او كما قالوا ..

Quote: تخيل ياتمبس انو عرمان يطالب بسحب ترشيح البشير لصالحه وهو يظن ان الجنوب منطقة مقفولة للحركة الشعبية !!!!

... يحليلك يا عمر .. زولك دا الآن في المشمش .. الباقي تاميهو غلاط ..

Quote: بس ايمكن فيه عرق فلاتة من ناحية من النواحي

اسمحي لي يا اخت هاجر ان اقول ليك فهمك ولغتك دي لغة سطحية وعنصرية وفطير وتعبر عن افق ذو دلالات ذاتية متورمة ورم عجيب خلااص...
كنت اتمني وانتي تنافحين في هذا البوست في معسكر تستند اطروحاته علي الديمقراطية واحترام الاخر
والوعي النضالي ان ترتقي بخطابك الي مستوي يليق بهذه الاشياء

-----------------
تمبس والله الواحد كان ناوي يجيب شامبيون ويجي يجكك في بوستك ده ويشوف حكاية اكتساح وما اكتساح ده
ولكن بكل اسف حديث الاخت اعلاه طمم بطني و هو حديث يمثل نقطة سوداء في وجه التيار الذي يقف ضد الانقاذ في هذا البوست...وفي كل الامكنة وادانته صوت لايعلو عليه حتي لا يختلط الحابل بالنابل

تح تاح ترااااااااااااااح

طلع الصباح

ألاء الدين !
ألاء الدين !
شديد.. شديد !!
كورة كلو فوق فوق !!
كمان شوية تهت واته !!
!!

الأخ تمبس
كل انتخابات وأنت طيب

Quote: ولو اردت الدقة .. فإن النسبة تتعدى فوق التسعين في المائة

طبعا لم أعني في سؤالي في المداخلة الأولى المحاسبة بقدر ما عنيت تحديد لمصطلح اكتساح
وقبل إنطلاق الانتخابات غدا أدرج هنا كلام المنافس الأبرز لعمر البشير غدا
مع العلم بأن هناك نسبة معتبرة ستقاطع الانتخابات بناء على مواقف أحزابها

Quote: حاتم السر لـ«الشرق الأوسط»: معركتي مع البشير في مسقط رأسه مرشح «الاتحادي الديمقراطي» للرئاسة: أوجه إنذارا لسكان القصر الجمهوري بإخلائه.. والبشير لن يفوز إلا بالتزوير الخرطوم موفد «الشرق الأوسط»: عيدروس عبد العزيز * البشير يستخدم طائرات الدولة في جولاته الانتخابية.. والمفوضية صامتة * قواعدنا لم تغير رغم غياب 20 عاما.. واستقبلنا بـ«زلزال شعبي» في الشرق وبـ«تسونامي» في الشمال * هناك خطة للتلاعب بالانتخابات.. ولا نستطيع التحكم في ناخبينا إذا جاءت النتائج مزورة * انسحبنا في البداية حتى لا نفسد الإجماع.. وعدنا عندما تفرقت الأحزاب * لم نعقد صفقة مع حزب البشير.. ومطالبون بهزيمة قادته في دوائر نفوذنا التاريخية * تحالف جوبا أنهى دوره.. وفشل بسبب شحنه بأحزاب متناقضة وبعضها لا يملك عضوية تملأ حافلة * نقول للبشير نعم نريد إسقاط المؤتمر الوطني.. لأنه واجب وطني * الانتخابات وحدت الاتحاديين.. ولن نشارك في ائتلاف حكومي مع المؤتمر الوطني بعد الانتخابات. حزبه الذي يقوده محمد عثمان الميرغني، يشارك دائما حزب الأمة السوداني، بقيادة الصادق المهدي، المرتبتين الأولى والثانية في أي انتخابات حرة حدثت في السودان منذ خمسينات القرن الماضي. ويملكان القوة الجماهيرية الضاربة. ورغم سيطرة حكومة المؤتمر الوطني التي يقودها الرئيس عمر البشير على مقاليد السلطة طوال العشرين عاما الأخيرة، فإن حاتم السر، مرشح الحزب الاتحادي الديمقراطي لانتخابات الرئاسة التي ستنطلق غدا، الأحد، يرى أن لا شيء تبدل، وأن ما كان يردده المؤتمر الوطني الحاكم بأن الولاءات تغيرت خلال السنوات الماضية، دحضته الاستقبالات الحاشدة التي لقيها زعيم الحزب، الميرغني، ومرشحه للرئاسة في مناطق السودان وخصوصا في الشمال والشرق. وقال السر، في حوار صريح، لـ«الشرق الأوسط»، تم خلال حملته الانتخابية في ولاية نهر النيل، إن الاستقبالات وصفت في الشرق بأنها «زلزال شعبي» وفي ولاية النيل بأنها «تسونامي بشري». وتحدى السر، وهو من منطقة تجاور مسقط رأس البشير وتبعد عنها 20 كيلومترا، بالقرب من مدينة شندي في ولاية نهر النيل، باجتثاث المؤتمر الوطني من الولاية وهزيمته البشير في مسقط رأسه، وقال إن المنطقة تعد تاريخيا إحدى مناطق النفوذ للاتحاديين. قال إنه يريد الفوز في هذه المنطقة حتى إذا فشل في الفوز في كل السودان، لرمزية المنطقة وباعتبارها معقلا اتحاديا. وأكد أن هزيمة حزب البشير المؤتمر الوطني، واجب وطني، لأنها تعني نهاية دولة الفساد والمحسوبية وعودة الأمل في الوحدة. ووجه مرشح «الاتحادي الديمقراطي» إنذارا لسكان القصر الجمهوري بإخلائه.. وقال إن البشير لن يفوز إلا بالتزوير. واتهم السر، الرئيس البشير باستخدام طائرات الدولة في جولاته الانتخابية.. في وقت صمتت فيه مفوضية الانتخابات عن الحديث عن هذه الانتهاكات. وأكد السر وجود خطة للتلاعب بالانتخابات.. وقال إن حزبه لا يستطيع التحكم في ناخبيه إذا جاءت النتائج مزورة. ونفى عقد صفقة مع حزب البشير بعد عودة حزبه من قرار الانسحاب، وقال إنهم مطالبون الآن بهزيمة قادة المؤتمر الوطني لأن المنافسة باتت منحصرة بينهما. * كيف تقيمون حملتكم الانتخابية.. بعد انتهاء الحملة رسميا أمس؟ - حملتنا كانت تواجه صعوبات جمة.. بسبب الإمكانات المالية.. ورغم ذلك قمنا بتحركات شملت كل مناطق السودان.. والمفارقة أن الرئيس عمر البشير، مرشح الحزب الحاكم، كان يستعمل طائرات الدولة في تحركاته، بينما كنا نحن نستخدم السيارات لقطع مئات الأميال للوصول إلى قواعدنا. هذا استغلال فادح لأجهزة الدولة وطائراتها، ويتم على مرأى ومسمع الجميع، بمن فيهم مفوضية الانتخابات. ورغم أننا كنا نصل إلى المناطق بعد وصول مرشح المؤتمر الوطني.. فإننا شهدنا تدافعا تلقائيا من الناس لحضور ندواتنا الانتخابية.. دون أن ندفعهم أو نجبرهم أو نغريهم بالمال، كما يفعل الحزب الحاكم. ولذلك نقول إن مثل هذه الحشود الطوعية يمكن التعويل عليها، ولدينا أمل كبير في أن تكون المنافسة قوية. * غبتم عن قواعدكم لمدة 20 عاما.. هل شهدتم تغييرا، كما يتحدث البعض؟ - لم يساورني أدني شعور في أن جماهيرنا قد تناقصت بل العكس، فقد شهدنا ازديادا كبيرا. في شرق السودان، وخصوصا في كسلا والقضارف، وهما من معاقل حزبنا، استقبلنا، بطريقة وصفها المراقبون بأنها أشبه بزلزال شعبي.. وعندما وصلنا إلى مناطق نهر النيل، وهي معقل آخر لنا، كان الاستقبال أشبه بـ«تسونامي بشري». وأنا أعتقد أن هذه الجماهير ستقتلع تماما شأفة المؤتمر الوطني. وهذا يؤكد أن ولاء مناطق النفوذ التقليدية لحزبنا، في الشمال والشرق لم تتغير، وما كان يردده المؤتمر الوطني بأن هذه المناطق بدلت، ولاءاتها وانتماءاتها، بعد 20 عاما، كان كلاما خاطئا. * هل يعني أنكم ستنافسون الرئيس البشير في مسقط رأسه؟ - نحن نتحداهم.. وبيننا وبينهم صناديق الاقتراع في هذه المنطقة.. وأنتم تعلمون أنني من هذه المنطقة أيضا. البشير من منطقة «حوش بانقا»، وأنا من «البسابير»، يفصل بين المنطقتين 20 كيلومترا، وكلاهما جنوب شندي في ولاية نهر النيل. وهذه المنطقة تاريخيا هي معقل للحزب الاتحادي الديمقراطي.. واستقبالاتنا الحاشدة تبين أن الولاءات لم تتغير طوال حكم البشير لمدة تزيد على 20 عاما. وأنا قلت لأهلنا إنني أريد أن أفوز هنا.. حتى لو خسرت في كل السودان. لأن الفوز هنا له رمزيته، هؤلاء أهلي.. وهي إحدى مناطق نفوذنا التاريخية. نحن نعتبر هذه الانتخابات مكسبا لنا، لأنها أتاحت لنا التفاعل مع جماهيرنا بعد غياب عقدين. لذلك تمسكنا بخوضها رغم علمنا أنها محفوفة بالتزوير، ولن تكون مبرأة منه. * هناك أقوال تشير إلى أن الرئيس البشير طلب من الميرغني تأجيل زيارته إلى ولاية النيل.. بعد أن رأوا السيل الجماهيري في الشرق.. ما مدى صحة ذلك؟ - سمعت ذلك يتردد في الشارع ولكن لا أعرف إن كان صحيحا.. لكن هذه الزيارات كانت مقلقة جدا للمؤتمر الوطني، لأنهم عاشوا على وهم أن هذه المناطق قد غيرت ولاءاتها، التاريخية، وتحولت إلى تابعين لهم. * ما هي تقديراتكم للفوز؟ - نحن على قناعة تامة بأن الفوز سيكون من نصيبنا إذا جاءت الانتخابات حرة ونزيهة.. ليس هناك أي سبب يجعل المؤتمر الوطني يتفوق علينا جماهيريا. هم يتفوقون ماليا، ولاستخدامهم أجهزة الدولة. نحن قلنا لقواعدنا: خذوا منهم المال والدعم الذي يقدمونه لكم.. ولكن لا تعطوهم أصواتكم. هناك ملل لدى الناس لأنهم لم يروا أي فائدة لهم خلال 20 عاما، ولا يريدون أن يجربوا المجرب. ونحن نعقد أننا سنفوز، إذا كانت الانتخابات نزيهة وسنكون في المقدمة، خصوصا بعد انسحاب الأحزاب الكبرى، وأصبحت المنافسة الآن منحصرة بين حزبنا والمؤتمر الوطني. * ألا ترى أنها مهمة مستحيلة في مثل هذه الظروف؟ - ليس مستحيلا إذا صارت الأمور بالطرق السليمة.. وأنا هنا أوجه بلغة القانونيين، إنذارا بالإخلاء للموجودين في القصر الجمهوري، لكي يخلوه خلال أسبوع، لأن أهل القصر يريدون العودة إليه. وعندما أقول أهل القصر أعني الاتحاديين، فحزبنا هو من بنى القصر، ووضع السارية على قمته، وعليها العلم.. وهو الحزب الذي انتخبه السودانيون في كل الانتخابات الديمقراطية. دخله الزعيم إسماعيل الأزهري، (اتحادي) في أول انتخابات سودانية.. ودخله أحمد الميرغني في آخر انتخابات سودانية. وبالتالي فنحن مؤهلون لدخوله لا الذين دخلوها على ظهر دبابة. * هناك من يقول إن البشير غير قابل للهزيمة؟ - هم يقولون ذلك في المؤتمر الوطني.. ونحن نقول إذا كان بإرادة الجماهير، وعبر صناديق الاقتراع فسيسقط حتميا. أما إن كان عن طريق تزوير إرادة الجماهير.. والمؤتمر الوطني لديه باع طويل في هذا المجال.. فإن من الصعب هزيمة البشير. * أنتم متحمسون.. هل تتوقع إذن انتخابات نزيهة؟ - كل الإرهاصات والحيثيات تشير إلى وجود نية للتزوير.. وهناك حجم كبير تم بالفعل.. والخروقات مستمرة حتى اليوم.. هناك مجموعة من شندي أخبرتنا أنها تسلمت أموالا من المؤتمر الوطني، للتصويت لهم، بعد أن أدوا القسم بعدم البوح بذلك. قلنا لهم خذوا الأموال وصوتوا لمن تريدون.. وأفتى لهم أحد الشيوخ بأن هذه الأموال حلال عليهم.. فقط عليهم كفارة القسم. فالانتخابات لن تأتي مبرأة وهناك خطة معدة للتزوير.. والشمولية ما زالت ضاربة أطنابها. وقادة المؤتمر الوطني أجبروا على ممارسة الديمقراطية، ولا تزال الأفكار الشمولية تسيطر عليهم. * ولكن لماذا خوضها إذن وأنتم متأكدون من التلاعب؟ - نحن قررنا المشاركة لمراقبة هذه الانتخابات وحراستها والتقليل من حجم التزوير. لن نستطيع الحول دون وقوعه.. ولكن سنحاول التقليل من حجمه. نحن نعتبر أن هذه الانتخابات مصيرية وخطيرة، بل وأخطر انتخابات في تاريخ السودان. وستؤثر نتائجها على مستقبل السودان، وبالتالي نريد أن نكون حاضرين وشاهدين.. عليها، وموجودين في جهة اتخاذ القرار سواء في الجهاز التنفيذي أو التشريعي، حتى نحول دون وقوع الانفصال بأي شكل من الأشكال. والسبب الآخر هو أن هذه الانتخابات أتاحت لنا فرصة التواصل الجماهيري، فقد نفضنا الغبار بعد 20 عاما، وكسرنا حاجز الخوف والرهبة التي كان يزرعها المؤتمر الوطني في قلوب جماهيرنا، وجماهير الشعب السوداني، ونصبنا محاكم للنظام في ندواتنا الجماهيرية وكشفناهم فيها. وهذه فوائد. * لماذا انسحبتم من السباق في البداية إذن؟ - لم يكن ذلك انسحابا نهائيا.. بل توجيه إنذار قوى للحكومة والمفوضية، يقول: إذا لم تستجيبوا لمطالبنا سنقاطع. وكان هذا القرار صادرا من هيئة مرشحي الرئاسة (تتكون من 11 مرشحا غير البشير) وأنا كنت جزءا منهم، وكان قرارا تضامنيا، في وقت كنا وما زلنا نسعى إلى إجماع وطني، وما كنا نريد أن نشذ عن القاعدة. أما وقد غاب هذا الإجماع، وصار كل حزب يتخذ قراره فرديا.. قام حزبنا بتقييم الوضع كله، وقرر مواصلة المشاركة. * البعض تحدث عن أنكم عقدتم صفقة مع المؤتمر الوطني؟ - هذا غير صحيح.. وحديث ضار، القصد به إلحاق أضرار بحملتنا الانتخابية. نحن حزب كبير ولا يمكن أن نقبل العيش في جلباب وكنف حزب آخر. وأبسط رد على هذا الاتهام هو أننا نواجه منافسة حقيقية مع المؤتمر الوطني، وفرضت علينا الظروف مواجهة أكبر قادتهم، نحن نواجه نافع علي نافع (مساعد الرئيس)، وعوض أبو الجاز (وزير المالية)، وعلي كرتي (وكيل الخارجية)، وصلاح قوش (مستشار الأمن القومي)، في دوائر تعد من معاقلنا في شندي ومروي. بالإضافة إلى الرئيس البشير نفسه في انتخابات الرئاسة. وتدور حاليا مواجهة شرسة. وإذا كانت هناك صفقة، ما كان لمواجهة مثل هذه أن تتم، كان يمكن على الأقل أن يكون هناك تنسيق. ونحن الآن مطالبون بهزيمتهم. ليس هناك أي صفقة أو حتى مجرد تنسيق مع المؤتمر الوطني أو أي جهة كانت. ولا أريد أن أجرح أحدا، ولكن هناك بعض القوى السياسية غير مرتاحة لمشاركتنا في الانتخابات، وكانت تريدنا أن نقاطع، ولكننا نختلف معهم في هذا الاتجاه.. نحن نقول: المقاطع للانتخابات كالذي يموت من أجل السودان.. والمشارك كالذي يحيا من أجله. كلانا لم يرتكب جريمة. كنا نريد منهم أن نتوافق.. بدلا من إطلاق الاتهامات. * لماذا أنتم خارج تحالف جوبا (جماعات المعارضة بالإضافة إلى الحركة الشعبية) منذ البداية؟ - رفضنا الانضمام إليه منذ البداية لأننا ندعو إلى طريق ثالث.. بعيد عن التحالفات غير المكتملة. نحن نرى أن المخرج الوحيد يكمن في إجماع وطني، وليس تحالفات ناقصة. الأزمة الحالية تحتاج إلى توافق وطني وإجماع وطني، لا يستطيع حزب واحد أو تكتل أحزاب الخروج منها. لذلك رفضنا أن نكون جزءا من أي صيغ تحالفية. ونحن فشلنا في إقناع المؤتمر الوطني والحركة الشعبية للوصول إلى إجماع وطني، لأن كليهما كان يريد أن يناور مع القوى السياسية لتمرير أجندات تخصه. لهذه الأسباب لم نعادِ تحالف جوبا ولم ننضم إليه، لأن معظم مكوناته كانت معنا في التجمع الوطني الديمقراطي (تحالف المعارضة في الخارج). * هل انتهى دور التحالف بعد أن فشل في التوفيق بين أحزابه؟ - لا شك في ذلك.. فشل التوصل إلى موقف موحد بشأن العملية الانتخابية، وهو الذي أنشئ لأجلها، يعني نهايته. * ما سلبيات هذا التحالف، ولماذا لم ينجح في دوره في اعتقادك؟ - لأنه بصراحة تم شحنه بأطراف وأحزاب متناقضة ومتباعدة، وأخرى لم يتعد حجم عضويتها ما يملأ حافلة واحدة. صحيح أنها أحزاب صدق عليها المؤتمر الوطني، في إطار قانون الأحزاب، لكن ليس لها وجود وتأثير في الشارع. كنا نريد إجماعا بين القوى الرئيسية والأساسية التي يجمع بينها على الأقل حد أدنى من الأفكار والأطروحات، فيما لا يتعلق بوحدة السودان، وبالديمقراطية والتعددية، وحقوق الإنسان، على غرار التجمع الوطني. * هناك من يشير إلى أن الحركة الشعبية تسيطر عليه لتحقيق أهدافها؟ - كل فيه يغني على ليلاه.. كل طرف لديه هدف يريد أن يحققه، الحركة الشعبية استفادت من التحالف ومررت قانوني الاستفتاء والمشورة الشعبية، هذا ما كان أن يتحقق لولا الضغط من أطراف جوبا. والقوى الأخرى استفادت من وجود الحركة معها للضغط على المؤتمر الوطني، لتحقيق أجنداتها. كل كان يريد أن يتقوى بالآخر.. ولكن ليس هناك قاسم مشترك بين هذه القوى.. وليس لديها برنامج موحد أو ميثاق.. وهذا أكبر عيوبه. كان مثل ناد كبير مفتوح للجميع.. تزداد عضويته وتنقص حسب الظروف. * كان بينكم والحركة الشعبية تنسيق واتفاق سلام (1988)، ولكننا لا نرى تقاربا حاليا؟ - اتفاقات السلام المتجزئة.. شغلت كلا منا عن الآخر.. كنا حريصين على علاقات لا تشوبها شائبة، حرصا على استمرار وحدة السودان، لأن الوحدة لن تتم من طرف واحد، ولا بد من أطراف شمالية وجنوبية. ورغم أن بعض الجهات حاولت الوقيعة بيننا، فإننا صبرنا على علاقتنا مع الحركة لأننا نعلم أنها تشكل صمام الأمان لوحدة السودان. * ما هي قراءتكم لقرارات الحركة مقاطعة الانتخابات؟ - هي مؤشر مزعج.. وقد اتصلنا معهم من أجل إثنائهم عن هذا القرار.. نحن نحترم قرارهم.. ولكن نظرتنا إليه تقول إنه مؤشر إلى قرب الانفصال. خطأ كبير من الحركة أن تتجه إلى هذا الاتجاه، فهو استجابة لاستفزازات المؤتمر الوطني، الذي لا يواري رغبته في وقوع الانفصال. ولكن نبشره بأن الانفصال لن يحدث. وحتى لو وقع الانفصال كما يقول الزعيم الميرغني لن يكون معه استقرار لا للجنوب أو الشمال. * الرئيس البشير يقول إنه ليس لدى المعارضة برنامج غير إسقاط نظام حكمه؟ - دعني أؤكد للرئيس البشير أن لدينا برنامجا واعدا أسميناه «رؤية السودان 2020»، وتم نشره بصورة واسعة وعلى شبكة الإنترنت. وإسقاط المؤتمر الوطني عنوان بارز في برنامجنا الانتخابي. لأن هزيمته تعني هزيمة للفساد، والمحسوبية، والشمولية.. وتعني الأمل في الوحدة، ورفع المعاناة عن كاهل الناس.. وإعادة دولة القانون، ولهذا السبب نحن لا نخجل أن نقول إن من أهدافنا هزيمة المؤتمر الوطني لأنها واجب وطني. * إذا حصلتم على مركز وسط في الانتخابات المقبلة.. هل تقبلون تحالف أو ائتلاف مع الوطني لتشكيل الحكومة الجديدة؟ - إلا إذا كان من خلال حكومة قومية ذات قاعدة عريضة.. أما ائتلاف ثنائي فلا يمكن.. لأن المزاج الاتحادي لا يقبل أي تحالف أو تقارب مع الوطني. وهذا مستبعد لوجود تباين وغبن خلال السنوات الماضية، حيث قام المؤتمر الوطني، باستهداف الاتحاديين وشردهم وطردهم من وظائفهم، ومارس الظلم ضدهم. * إلى أي مدى تؤثر الانشقاقات الكثيرة داخل الحزب على حظوظه في الانتخابات؟ - لو كانت هناك ميزة لهذه الانتخابات فهي أنها قد وحدت وجدان الاتحاديين.. وأنا الآن لست مرشح الحزب الاتحادي الأصل.. ولكن مرشح كل الاتحاديين، على مختلف مسمياتهم. اتصلوا بي وساندوا ترشيحي وقالوا إنني مرشحهم الوحيد إلى رئاسة الجمهورية. حتى الاتحادي المسجل بقيادة الدكتور جلال الدقير، ورغم إعلانه أنه سيصوت للبشير، فإن كثيرا من قادته وقواعده جاءوا وقالوا إنهم لن يصوتوا للبشير مخالفين قائدهم. الاتحاديون الآن على قلب رجل واحد.. رغم وجود قلة داخل المؤتمر الوطني، تركب «ماكينة» اتحادية، وهي قلة معزولة. * الاتهامات الآن أنكم بلا مؤسسات وهياكل واضحة.. هناك زعيم اسمه الميرغني.. أما تحته فليس هناك جسم واضح المعالم؟ - هذه تهمة تلاحقنا منذ زمن طويل، ولكنها غير صحيحة.. نحن لدينا الآن 1100 مرشح على مستويات الانتخابات كافة. لا توجد دائرة انتخابية واحدة إلا ولدينا فيها مرشح.. وهذه الترشيحات جاءت عبر لجان ومؤسسات للحزب قائمة في كل ولاية، حتى في الولايات الجنوبية. والآن نقوم بإدارة انتخابات متجانسة، تقف خلفها وتدعمها مؤسسات فاعلة ومنتخبة وقوية. ولكن أيضا نقول إننا سنقوم خلال الفترة المقبلة إن شاء الله بعقد مؤتمرات عامة لتشكيل مؤسسات متكاملة، وقد استفدنا من هذه الانتخابات، لأنها أنتجت قيادات شابة جديدة، مؤلمة ومخلصة يمكن الاستفادة منها لضخ الدماء الجديدة في شرايين الحزب. * هناك تعبئة قوية داخل الشارع السوداني والبعض يتخوف من انفلاتات بعد النتائج.. كيف ستتحكمون في عناصركم؟ - لا نستطيع التحكم في عناصرنا، وناخبينا.. إلا إذا التزمت الحكومة بالحيادية والنزاهة.. أنا متأكد من أن العنف سينتشر، وستعم الفوضى إذا لم تكن الانتخابات نزيهة وحرة. وهذا ما لا نريده للسودان. هناك مظاهر حالية للعنف، حيث يتعرض أي موكب اتحادي الآن للضرب من منسوبي المؤتمر الوطني. هذا قبل النتائج.. فماذا سيكون بعدها؟ المؤتمر الوطني الوحيد الذي يملك السلاح ولديه قوات وميليشيا شعبية، والقوات النظامية. كنا نريد حلا توافقيا بين الجميع لإخراج الانتخابات بصورة سلمية، وتكون محل رضا الجميع. * كيف ترى مستقبلك الشخصي في الحزب إذا لم تفز؟ - أنا جندي مخلص للاتحاد، وقبلت هذا التكليف وأنا على قناعة بأني لست الأفضل في هذا الحزب. فالحزب مليء بالقيادات المؤهلة. ولكنه شرف كبير لي كرمني به الاتحاديون. وحتى لو أنهيت حياتي السياسية بهذا التكليف، أعتقد أنه شرف كبير لي لا يدانيه شرف. وسأستمر كجندي في أي موقع. * وإذا فزت.. ما هو أول قرار تتخذه وأنت في السلطة؟ - أريد أن أعيد البسمة إلى شفاه السودانيين، وأرى أن المدخل إلى ذلك، هو إعادة المفصولين من الخدمة المدنية والعسكرية في السودان، وأعدادهم بالآلاف، وقد فصلوا بسبب انتماءاتهم الحزبية. وأمامي الآن ملفات عدد كبير منهم. * كيف تتعامل مع قرارات المحكمة الجنائية؟ - المحكمة صارت واقعا.. شأنا دوليا.. وإذا أصبحت رئيسا فلا بد من المحافظة على الشرعية الدولية، ولن أدخل في مواجهة مع المجتمع الدولي، الذي أريد أن أتصالح معه، وسنعمل مع مجموعة من الخبراء القانونيين السودانيين في المؤسسات العدلية العالمية لإيجاد صيغة محددة تجنب السودان الدخول في إشكالات مع المجتمع الدولي. وتحقق العدالة في الوقت نفسه. * كيف ترى العلاقات الخارجية؟ - لدينا في الحزب الاتحادي علاقات صداقة متينة مع الكثير من دول الجوار العربي والأفريقي والدول الأجنبية، سنستثمر هذا الرصيد لمصلحة السودان. للأسف فإن السودان لا يزال وحتى قبل أيام في قائمة الدول الراعية للإرهاب حسب آخر تقرير للإدارة الأميركية. هذا واحد من همومنا.. أن نزيل عن السودان سمعة الإرهاب والتطرف، وأن نغير وجهه ليكون لاعبا أساسيا في مجالات التعاون والتنسيق مع المجتمع الدولي، وأن نكون دولة متصالحة مع جيرانها لا متحاربة معهم، وأن لا يكون السودان مصدر تهديد لأي دولة في العالم. Inserted from <http://www.aawsat.com/details.asp?section=4&article=564...issueno=11456[/QUOTE]

---

Post: #181 Title: Re: اكتســااااح Author: علاء الدين يوسف علي محمد Date: 04-10-2010, 06:35 PM Parent: #178 سيكون اكتِساحاً مُصوّراُ و كِساح للبعض

---

Post: #182 Title: Re: اكتســااااح Author: عمر صديق Date: 04-10-2010, 06:50 PM Parent: #181 وحانت ساعة النصر المؤزر

---

Post: #186 Title: Re: اكتســااااح Author: عبدالرحيم أبراهيم العبيد Date: 04-11-2010, 11:07 AM Parent: #182 ( جنا تعرفو ولااا جنا ما بتعرفو شكرا للاخ حذيفه وبالامس البرشا أكتسح الريال مبروك يا تمبس وليك علي ياتمبس أجهز ليكم الاقشي مع أنغام الكيته

---

Post: #196 Title: Re: اكتســااااح Author: tmbis Date: 04-13-2010, 10:05 AM Parent: #182 Quote: وحانت ساعة النصر المؤزر .. ما ساعة النصر يا عمر .. ساعة الاكتساااح الشديد اكتساااح بعنف .. يبين مدى كساحة وهشاشة الاحزاب .. ومن يسمون انفسهم بالمعارضة ..

---

Post: #195 Title: Re: اكتســااااح Author: tmbis Date: 04-13-2010, 08:52 AM Parent: #181 اتفضل يا علاء الدين .. دي صورك .. للتوثيق: مراكِز التصويت و الإقتراع لحظةً بِلحظة (صور و مواقف و آراء) .. .. .. .. .. ..

---

Post: #193 Title: Re: اكتســااااح Author: tmbis Date: 04-12-2010, 02:01 PM Parent: #178 الأخ جعفر محي الدين .. سلامات .. وكل انتخابات وإنت بخير Quote: طبعا لم أعني في سؤالي في المداخلة الأولى المحاسبة بقدر ما عنيت تحديد لمصطلح اكتساح وقبل إنطلاق الانتخابات غدا أدرج هنا كلام المنافس الأبرز لعمر البشير غدا مع العلم بأن هناك نسبة معتبرة ستقاطع الانتخابات بناء على مواقف أحزابها الجميل إنو البوست بيستوعب وجهات النظر المختلفة والمتطابقة في اعلى سقوفها .. سأصطحب ما اقتبسته من الشرق الأوسط على لسان الاستاذ حاتم السـر .. وأحمد له موقفو في الثبات وعدم خذلان قاعدته الحزبية .. بعكس بعض الاحزاب الأخرى إذا موعدنا الانتخابات ونتائجها الحتمية

---

Post: #192 Title: Re: اكتســااااح Author: tmbis Date: 04-12-2010, 01:11 PM Parent: #177 Quote: ألاء الدين ! ألاء الدين ! شديد.. شديد !! كورة كلو فوق فوق !! كمان شوية تهت واته !! !! يا صلاح .. ماف كورة وااطة نهائي .. البوست دا يكون لافي كدا لحدت ما النتيجة تطلع .. عشان الناس دي تسمع الكلام .. كلمناهم وبيحبو التنظير .. والجرسة.. واي واحد عايز يفتي .. البقوليك ياسر عرمان وياااي .. والبقليك (الحبيب) ووين أنا قالو لي سافر..؟! والبقوليك (الزميل) دا راسو مليان افكار وبتاع تكتيكات .. واحدين يقوليك الخيل الاصيلة بتكبر اللفـة .. وواحدين يقوليك الخرطوم عدمت نفاخ النار .. تقول بغم .. عادي جدا يطبعو ليك كم مداخلة ويدوها لي ناجي في ايدو يمشي يسلمه اوكامبووو

---

Post: #191 Title: Re: اكتســااااح Author: tmbis Date: 04-12-2010, 09:35 AM Parent: #174 Quote: تح تاح ترااااااااااااااح طلع الصباح .. صباح محبط للبعض .. كانو ماملين خرطوم بي دخان وموت .. ودمـار .. اسواء الفروض ، الناس تقعد في بيته والارقام المدنها ليها دي توصه وتشرب مويته .. لكن أهو .. الناس بتستعمل في حقها وبتدي في صوته حسب قناعاته .. بدون انقياد أعمى بيحددو في خياراتم .. عشان الواحد بعداك يكون بالو مرتاح .. وقلبو بااارد .. اسحن من كدا في شنـو؟؟

---

Post: #190 Title: Re: اكتســااااح Author: tmbis Date: 04-12-2010, 09:13 AM Parent: #168 Quote: فهمك ولغتك دي لغة سطحية وعنصرية وفطير وتعبر عن افق ذو دلالات ذاتية متورمة ورم عجيب خلااص... كنت اتمني وانتي تنافحين في هذا البوست في معسكر تستند اطروحاته علي الديمقراطية واحترام الاخر والوعي النضالي ان ترتقي بخطابك الي مستوي يليق بهذه الاشياء يا مساحـة .. سلامـــات ياخ الزولة دي .. عامل خلخلة بوستات .. دخلت البوست دا واشك تماما انها ما فهمت المكتوب هنا دا شنو .. ولا ح تفهمو.. يكونو قالو ليها امشي تمبس دا فاتح ليهو بوست في الحتة الفلانية اكتبي الكلام دا وتعالي راجعة .. مسكينة .. من ناحية أخرى يا كيكي .. الكلام الكتبتو دا .. جيد جدا بيوضح ليك عقلية ناس كتار (بتنطعو) و (يتشدقو) بي اسم النضال وهم بعيدين كل البعد عن الكلام البكتبوهو .. ما تندهش يا كيكي .. النوعية دي عندي في الواقع منها كتير .. تقرا ليهم هنا دا .. وتشوفم في مكان تاني أو تستمع ليهم .. والله بطنك تطم. Quote: و هو حديث يمثل نقطة سوداء في وجه التيار الذي يقف ضد الانقاذ في هذا البوست ... وفي كل الامكنة وادانته صوت لايعلو عليه حتي لا يختلط الحابل بالنابل والله يا كيكي كانت جكتك مطلوبة .. خاصة بعدما اتضحت الرؤية بشكل واضح .. رؤية الاكتساااح .. المهم .. جهز حالك إذا بتريد .. لي بوست (اكتساااح (2) ) من الصعب يا كيكي .. تكتشف ليك مواقف ثابتة ينطلق اصحابه من مواقف جادة جدا بتحس فعلا انها شغاله ضد الانقاذ .. لكن اقرب واحد تضغطو في لفة ضيقة بيجيك من الآخـر .. ودا السبب الكرهنا في البورد دا ..

---

Post: #194 Title: Re: اكتســااااح Author: tmbis Date: 04-13-2010, 08:13 AM Parent: #190

---

Post: #197 Title: Re: اكتســااااح Author: عبد الملك يوسف الملك Date: 04-13-2010, 10:48 AM Parent: #194 ياتمبس نفسي اعرف الوداعية او بالافرنجي العرافة التي اخبرتك بان ود الصرة سيفوز كل تحليلات الخبراء في الاحزاب تشير الى اقتلاع الطرف الاخر واجتثاثه من عروقه وتفكيك دولة الحزب لصالح دولة الوطن الصادق تنبا بسقط الحزب الحاكم بحسابات دقيقة فالحزب له مشاكل في الغرب وهنالك 5 مليون صوت في الجنوب بطرف الحركة الشعبية جاهزة لتصب في صالح منافسيه والصادق له انصار في البندر وفي الجزيرة حيث يرقد جثمان ود حبوبةاخر رايات الانصار ،، الشيوعيون والعمال والمسحوقين وقرفنا يحاصرون النظام داخل حوشه البعثيين بكل عباطاتهم شكلوا خطرا اعلاميا والناصريين ومشاكل ناس الباوقة ومشاكل كجبار والمناصير وعسكوري امريكاتعطي الاموال والافكار وتحالف سيف دارفور حول 25 مليون دولا قبل 6 شهور من الانتخابات واسرائيل تكره النظام والمؤتمر الوطني اكثر من حماس مبارك في دعايته الخشنة ضد النظامواكاذيبه التي ينجرها بذكاء ودهاء( زي قصة مصنع الشفاء التي رماها على الكيزان وزي قصة السجل الانتخابي الذي لازال مفتوحا حسب روايته) وضع كل الرافضين في جيبه والميرغني لازالت بركاته في الشرق والشمال تحي الموتي وتلهم الاحياء رأيت كيف احتشدوا له في كسلا بالقرب من ضريح الشريفة وفي الشمالية داخل بساتين جدوده وابيه المعظم سره رغم كل ذلك كيف تنبأت بذلك الاكتساح قبل ان ينضج العنب وقبل ان يكون هنالك حديث عن التزوير حيث كان الصادق يحث الخطى وكانت صور مبارك بالبدلة تلوث اعمدة الانارة وكان عرمان يتصور على طريق نجوم السينما بابتسامة عريضة رغم ان الابتسامة غير خايلة فيه فهو خلق ليكون عبوسا قمطريرا كيف عرفت ذلك ايها الزول الماخايف على روحو

---

Post: #198 Title: Re: اكتســااااح Author: tmbis Date: 04-13-2010, 02:25 PM Parent: #197 Quote: انا بكرة بجي راجع .. كان الله حيانا .. اللقاك ما مزور الانتخابات دي .. كويس معاك .. يعني بكرة كان الله حيانا اللقى النتيجة هنا دا .. حسع دي انا ما فاضي ليك .. ماشي اصووت .. ما كمان بي حقي سوداني واحمد ربي ورقمي في جيبي .. يللا لم الجماعة ديل عشان ارد ليك .. يظهر إنو العم المناضل هشام جنسية ما لقى نوعية حبر كويسة .. عشان كدا ما عمل انتخابات .. وبي كدا .. نجيب لينا ظهر بتاع ليدو .. ونشوف البجيب ستة منو في الأول كان جبته ستة أنا ترد إنت .. وكان جبته ستة إنت اتحزم وارجى الراجيك .. ماف ظهر بتاع ليدو .. نلعب ملوووص بي نفس القوانين القديمة قبال ما ليبيا تفتح .. خليني اجي داخل هنا دا اللقاك بتلعب في ملوص .. يا مناضل يا ختري شوف البيحصل ليك شنـو ..؟

---

Post: #199 Title: Re: اكتســااااح Author: ASHRAF TAHA Date: 04-13-2010, 03:11 PM Parent: #198 Quote: سيكتسحكم .. المؤتمر الوطني .. (يـــا ....) كدي خلينا من قصة الاكتساح والفلاتة والليمونة معصورة ولا منقطة والشويعية والمنتمرجين والشعبيين وناس ويي وككيف وناس كبروس الملوص وفيها ولا نفسيتي ما فيها واشرح لينا يا البعدها نقيط محور البوست دي شنو و منو

---

Post: #200 Title: Re: اكتســااااح Author: عمر صديق Date: 04-13-2010, 10:36 PM Parent: #199 Quote: اكتســااااح

---

Post: #201 Title: Re: اكتســااااح Author: عمر صديق Date: 04-13-2010, 10:36 PM Parent: #199 Quote: اكتســااااح

---

Post: #208 Title: Re: اكتســااااح Author: tmbis Date: 04-20-2010, 07:06 AM Parent: #199 Quote: واشرح لينا يا البعدها نقيط محور البوست دي شنو و منو الايامات دي الواحد كان كتب بسم الله الرحمن الرحيم يقولو ليهو .. اعرب ما تحته خط .. .. لما يجو ينادوك يا اشرف مش في خيار بتاع ( يــا) أشرف ..؟ يللا قس على ذلك: النقط دي ممكن تملاها بي اي حاجة تعجبك .. وبي اي ناس عايز تناديهم .. وقعت ليك ..؟ كدي جيب لينا مثال .. من عندك أنا بديك أمثلة .. سيكتسحكم .. المؤتمر الوطني .. (يـــا كضابين) سيكتسحكم .. المؤتمر الوطني .. (يـــا مناضلين الكيبورد) سيكتسحكم .. المؤتمر الوطني .. (يـــا مواهيم) سيكتسحكم .. المؤتمر الوطني .. (يـــا الما عارفين الساعة كم)

---

Post: #202 Title: Re: اكتســااااح Author: عبد المنعم عبدالله Date: 04-14-2010, 01:03 AM Parent: #198 Dear Timbs salaam By by Broz Ala How much they promised u? Lying to u.... u may know more? Have more concern than me! Hope to tell me about the cash u got in hand But why u play this game with bad people, ur enemy? Why alaaa! God dam money never ever u! Hope it else! Don’t worry about my past reading or idol? Today idol is not u! And may u know why? Thanks

---

Post: #203 Title: Re: اكتســااااح Author: tmbis Date: 04-14-2010, 07:58 AM Parent: #202

---

Post: #204 Title: Re: اكتســااااح Author: tmbis Date: 04-17-2010, 08:38 AM Parent: #203

---

Post: #205 Title: Re: اكتســااااح Author: بشير أحمد Date: 04-17-2010, 08:43 AM Parent: #204 **

---

Post: #207 Title: Re: اكتســااااح Author: tmbis Date: 04-19-2010, 11:53 AM Parent: #202 Quote: Hope to tell me about the cash u got in hand ما (اقوت) اي سجم رماد يكيلك يا عبد المنعم .. وقلبي واقف عديل كدا .. بدل الكلام الكتير دا .. اطلع لينا بي حاجة .. ما تكون مفلس وروحك محرقاك وكلامك كتير ومسيخ .

---

Post: #211 Title: Re: اكتســااااح Author: Faisal Elrasheed Date: 04-21-2010, 12:39 PM Parent: #207 Quote: Hope to tell me about the cash u got in hand يا تمبس بالجد كده نحن زااااتنا داير نعرف يو قوت كم عشان الواحد يقدر يحدد مساره في المرحله الجايه ... انت لو (قوت) كتير وعملته نايم تكون ياها بقت علينا .. ومخير الله في خلقه ..(:

---

Post: #212 Title: Re: اكتســااااح Author: tmbis Date: 04-21-2010, 03:48 PM Parent: #211 Quote: يو قوت كم عشان الواحد يقدر يحدد مساره في المرحله الجايه ... .. حتى إنت يا فيصل بقيت تشك فيني ..؟ عبد المنعم دا بالغ .. جاب خبري عديل .. والله كان عارفو كدا .. كان طلعت ليهو (مسكة) كويسة .. لكن طلع زول الله ساااي .. ما انتهازي زيك

---

Post: #213 Title: Re: اكتســااااح Author: عمر صديق Date: 04-22-2010, 00:01 AM Parent: #212 يا تامبا تحياتي ماعرفنا الجماعة بقوا غلي فلم تبديل الصناديق ولا فلم الخج؟؟

---

Post: #214 Title: Re: اكتســااااح Author: tmbis Date: 04-24-2010, 09:00 AM Parent: #213 Quote: ماعرفنا الجماعة بقوا غلي فلم تبديل الصناديق ولا فلم الخج؟؟ .. يا عمر .. فلم الخج دا ما مذكور في حيثيات البوست دا .. كل الدفوعات الاتقدمت هنا .. كانت في تجاه بعيد .. معناته الواحد يعيد البوست دا تاني .. عشان تدي هامش حرية لي كل الافكار ..

---

Post: #215 Title: Re: اكتســااااح Author: Faisal Elrasheed Date: 04-24-2010, 09:41 AM Parent: #214 Quote: .. حتى إنت يا فيصل بقيت تشك فيني ..؟ ابد والله يا عمك لكن مع الظروف والازمة الاقتصاديه الحاصله والشد بين الخج والتبديل الواحد قال اخير يعصر عليك شويه عسي ولعل نطلع بي حرباشات(:

---

Post: #216 Title: Re: اكتســااااح Author: tmbis Date: 04-24-2010, 10:43 AM Parent: #215 Quote: الواحد قال اخير يعصر عليك شويه عسي ولعل نطلع بي حرباشات .. طيب قدم السبت شان تلقى الاحد .. أظهر نوع من حسن النوايا.. أظهر يوم واحد من أيام الأسبوع .. أو أيام الله السبعة .. باقي الطابق الخامس حقي دا .. اعرشو لي .. والخمسة دكاكين التحت دي شوف ليها شركة تأمين تأجره .. كان تابعت لي عبد المنعم دا .. والله ياكا الطلعت بي قد القفه .. .. . لو ما عندك كاش يا فيصل .. رسل شيك ماف مشكلة بنتظر .. أنا عندي شنو غير الانتظار ..

---

Post: #219 Title: Re: اكتســااااح Author: tmbis Date: 04-26-2010, 06:53 AM Parent: #215

---

Post: #217 Title: Re: اكتســااااح Author: tmbis Date: 04-25-2010, 08:15 AM Parent: #213

---

Post: #218 Title: Re: اكتســااااح Author: عمر صديق Date: 04-25-2010, 01:20 PM Parent: #217 لكن هو اكتسااااااااااااااح نصااااااااح

---

Post: #221 Title: Re: اكتســااااح Author: tmbis Date: 05-01-2010, 07:17 AM Parent: #218 فوق

---

Post: #222 Title: Re: اكتســااااح Author: عبد الملك يوسف الملك Date: 05-01-2010, 02:16 PM Parent: #221 تيمبس والله بوستك ده ذكرني التمساح فجاة جا طالع الغريبة هذا البوست اكد لي ان حبوبتك كانت وداعية شافت ود الصرة منسحب وياسر عرمان بعيد واقع جنب كراع العنقريب وشافت نقد معاه ودعتين مبارك وحاتم السر مقلوبات على راسن وشافت الاكتساح عديل قبال ماتبدا الانتخابات خالتي كانت بترمي الودع لكن كيشة زي كارتر قال البشير يحتاج الى جولة ثانية امس في الحلة الترابي جاء ماري بودنوباوي الاولاد بقوا يهتفو ،،، تيت تيت وين التشتيت

---

Post: #223 Title: Re: اكتســااااح Author: عمر صديق Date: 05-01-2010, 10:15 PM Parent: #222 علي ذمة كارتر:زعماء المعارضة لم يجدوا تاييدا وانسحبوا خ...زيمة !!!!!!!!!!!!!!!

---

Post: #224 Title: Re: اكتســااااح Author: tmbis Date: 06-02-2010, 10:40 AM Parent: #223 o[