فيصل نوبى....استعد

اليوم و بعد انقطاع طويل عن السنمات مشيت شفت فلم مايكل جاكسون (وده كمان موضوع براه)....قبل الفلم كان فى استعراض لافلام طالعة قريب..كان منها Avatar
الفلم من تاليف و اخراج James Cameron و ده للما عارفين هو مخرج The Terminator و Rambo: First Blood Part II و Terminator 2: Judgment Day و True Lies و Titanic

اها يا فيصل الفلم ده شكلو خرافى....مستعد ليه؟؟
________________________________
بالمناسبة الفلم ح ينزل 3D and 2D
فى البوست ده ح اكتب عن الفلم ...قصته (من غير ما اخربها للناس) التكلونولجيا اللى استخدمت فى عمل الفلم. يقال انه فى كاميرا اتصنعت خصيصا للفلم ده

سمارتي ..
مشتاقون يا فردة
العنوان ده أداني إيحاء إنكـ داخل حدودنا الجغرافية
أمس قاعد في أمان الله .. جاتني SMS إعلان عن إفتتاح سينما 3D في أبوظبي ..
و اليوم إنتي جايبة الفيلم ..
يعني أخوكـ ماشي السينما ماشي


_
نجر البنبر لمتابعة البوست .. ثم نأتي لندلو بدلونا مع سيادتكم ..

مرفوع لعناية سمارتي

Quote: مرفوع لعناية سمارتي

مرفوع لعنايتها.. وعنايتك..

Quote: مرفوع لعنايتها.. وعنايتك..

ولعنايتك شخصيا

مع وافر الشكر والتقدير لعنايتيهما

ممكن اشترك في القناه دي

Quote: إفتتاح سينما 3D

ال 3D Cinemas كترت في دبي في رييل وميغابلكس ..الخ .. يعني الا كمان نحول نطاراتنا الي ثري دي .؟..

ياسلاااااااام,
سمارت رايك شنو تترشحي في الانتخابات دي مستقله عن محلية بحري؟
أنا بالجد عايزه أنتخبك, لأنك بقيتي بتعبري عنّي زياده عن اللزوم !! :)


AVATAR حضرتو DVD ومهلوسه بيهو عديل اليومين دي,
الفيلم فيهو كمّيه من ال Messages مذهله,

معاكي في تحليل الفيلم وكنت حأفتح بوست عديل عن الموضوع,
لأني متأثره جدا بكمية المبادئ والقيم الفيهو,

نوبي ازيك وحصّل أحضرو لو لسه ما حضرتو,

سمارت الكلام عن الفيلم كتير ومعاكي خطوه خطوه :)

سلامات يا شباب و شابات
(تتضمن الباشمهندس أبوبكر)
و شكراً لمساعدتنا في لفت نظر صديقتنا سمارتي ..

Quote: AVATAR حضرتو DVD ومهلوسه بيهو عديل اليومين دي, الفيلم فيهو كمّيه من ال Messages مذهله, معاكي في تحليل الفيلم وكنت حأفتح بوست عديل عن الموضوع, لأني متأثره جدا بكمية المبادئ والقيم الفيهو, نوبي ازيك وحصّل أحضرو لو لسه ما حضرتو, سمارت الكلام عن الفيلم كتير ومعاكي خطوه خطوه :)

يا أماني سلامات ..
مقدمة بسيطة : أخوكـ و سمارتي من ضمن فئة ( we don't have life )
متابعين المسلسلات و الأفلام أول بأول و لدينا عدد من البوستات المفتوحة مسبقاُ ..
يعني نادر ما تلاقينا ما حاضرين فيلم .. أو معلومته رايحة ..
أولا الفيلم DVD ما عنده اي طعم لأنه يستند اساساً علي تقنية ثلاثية الأبعاد ..
الفيلم ده خلاني أدفع دم قلبي عشان أحضرو ثلاثي الابعاد ..
عندنا (محمد) المشاغب و ما بيخلينا نحضر فيلم في السينما خاصة و أنه AVATAR ده ثلاث ساعات ..
و بصراحة عندي ولاء لأم محمد و ما قاعد أحضر أفلام بدون مرافقتها ..
فإضطررنا لنشتري شاشة ثلاثية الأبعاد في البيت ..
و هكذا دواليكـ ..
بوستات أخري تتحدث عن الفيلم ..

AVATAR
Inglourious Basterds و Avatar افلام ربما تصيبك بالاكتئاب ...

و ده واحد من البوستات المفتوحة للأفلام عامة :
فيصل نوبى...سمارت تو...نجوان...محمد يوسف..حمور زيادة......ون .. بليز مساهماتكم

يافيصل

Quote: سلامات يا شباب و شابات (تتضمن الباشمهندس أبوبكر)

انت عندكم تصفيات عامة واللا تنزيلات .. الديسكاونت كبير خالص

فيصل نوبى....سرك باتع و الله. دى المره التانية تنكت ليك بوست من ربع قديم كده الناس نسوه. شكرا .
أميرة فاروق عبد العال
عمر عبد الخالق سعيد
شكرا يا جماعة....تسلموا
Dalal Ezzaldin ....طبعا ممكن تشاركى احنا لاقينك وين ?
بشمهندس ابوبكر...مفروض تحول النظاره ل 3D . غايتو عالم ال3D اجمل حتى من الدنيا اللى انا شايفنها بعيونا دى عديل كده. حالتنا شايفين 4D !
صحبتى الذيذه امانى...اترشح عديل كده? انا نكره فى بحرى بتكونى بتعرفينى انت و ناس بيتنا و صحباتى فى المدارس القريت فيها. لو كنتي ساكنه فى الحلفايا كنت قلت ليك رشحى خالى و فردتى محمد فاروق سلمان.
ذى ما قال ليك نوبى... احنا ناس don't have life و حياتنا كلها الاولاد و ابوهم او امهم و الافلام و المسلسلات.*
نوبى احسن منى .لسه عندوا ولاء لحبيبة القلب و بيحاولوا يمشوا السنما مع بعض.
انا حاولت الشهور الفاتت كلها انو نمشى السنما انا و زوجى لكن ما اتسهلت. الاسبوع الفات اتجابنت و مشيت براى. و احنا -ذى نوبى - بنفكر الايام دى فى تلفزيون 3D

نرجع لموضوع بوستنا. ده واحد من سلسلة بوستات. اولها كان {فيصل نوبى...معليش}. و ده {فيصل نوبى.. استعد}. و ما عارفه الجاى ح يكون اسمه شنو. لكن كلها عن الدراما. و فى البوست ده ح نجرد افلام 2009 .شنو البستاهل و شنو ما بيستاهل. و برضو افلام 2010 شنو الطلع و شنو الطالع قريب.

و مع ان الناس قتلت افتار نقدا. لكن برضوا ح نبدا بيه. و دى مداخلتيت كتبتهم فى بوست تنقو..

Quote: سلامات عمك تنقو... الفلم انا ما حضرتوا (لسه)...لكن قريت عن القص فى الجرائد و المجلات و الانترنت و هسى بوستكم ده. كل الناس بتتكلم عن ان المؤثرات كانت خرافية. امس فى لقاء مع المخرج قال بانه كان بيصمم فى المعدات لمدة سنيت و الممثلين بيمثلوا لمدة سنة كاملة و سنة كاملة عشان يختوا الحجات دى مع بعض. يعنى الناس ديل شغالين 4 سنوات لحدى ما شتفوا اول مشهد جاهز من الفلم....مبالغة. كل الناس بتتكلم عن القصة الجميلة و عن المؤثرات الخرافية... و انا اوافق ان ده انتاج عظيم...لكن ...لكن انا حقيقى مندهشة من قصة (الامريكى الابيض) اللى ح يحل للسكان الاصليين كل مشاكلهم و يساعدهم. القصة اتكررت فى اكتر من فلم امريكى ذى Dances With Wolves و The Last Samurai . الابيض اللى بيجى للناس المساكين الى عايشين حياة بسيطة. تعجبوا حياتهم و يقرر انها افضل من حياة اهله المليانة جشع و طمع. يبقى زول من السكان الاصليين و يبقى بطل كمان. و يحارب اهله المستعمرين. يبق بطل دى هى الحاجه البتزهج...و كمان دائما بيحب اجمل فتاة فى القبيلة. وعقدة الرجل الابيض تتاصل فينا. ______________________ اساسى ...الصين وقفت الفلم لانه عندهم قانون (لتشجيع السنما الوطنية) بينص ان اى فلم اجنبى يشتغل 10 يوم بس. اظن افتار اشتغل اكتر من كده كتير. و خاصة ان اعياد السنة الصينية على الابواب. يقال (تحت ..تحت) ان الحكومة الصينية اوقفت الفلم لانه بيحكى عن العمايل الى بيعملوا فيها الان ....بيقلعوا فى موارد الدول النامية. لكن ما اظن ده السبب...بس قلت اخت كل وجهات النظر.

Quote: سلامات يا نوبى....وينك? متذكر البوست ده : فيصل نوبى....استعد كنت قايله انى ح القى وقت احكى عن الفلم من الزن داااك... بس ما اتسهلت. امس ربنا سهلها و مشيت شفت الفلم. الفلم ممتع. بكيت فى نهاية المعركة الاولى و ضحكت من سخرية عالمة النبات من جهل و حماقة بطل الفلم. و اندهشت من فكرة التواصل بين كل الكائنات فى القمر. عجبنى تفصيل القصة لسلوك العالم البيختلف عن سلوك ضابط القوات البحرية المتقاعد و بيختلف برضوا عن سلوك "الملكى" موظف الشركة اللى بتنقب عن المعدن اياه. القصة -عموما- ما فيها جديد... بس لذيذه. المؤثرات ال3D مبااالغة. انا عموما ما بحب اشوف فلم3D. ما بحب الحجات تجى طايره فى وشى. بس فى افتار كانت ال3D جميل جدا. اكتر من كده ح نحرق الفلم...امشوا شوفوه

اها يا امانى...احكى لينا انت شفتى شنو فى افتار...

____________________________________
*هسى ال اى فون بقى برنامج برضو

طيب...ما دام ما عاوزيت تتكلموا عن افتار خلينا نحصر الافلام الطلعت فى 2009
ح نبدا بافلام الشهر الاول. ح نقول اسمائها كلها و بعد كده نفصل المهمات.
افلام يانير
Cargo 200 :فلم روسى
Let Them Chirp Awhile :independent drama-comedy
Bride Wars
Not Easily Broken
The Unborn :فلم رعب
Hotel for Dogs: فلم اطفال...ما نوع الافلام اللى انا بحبها..كلو عن الكلاب
My Bloody Valentine 3D
Notorious:واضح من العنوان..الفلم عن مغنى الراب نتوريس
Paul Blart: Mall Cop
Chandni Chowk to China :فلم هندى
Cherry Blossoms :فلم اللمانى
Inkheart :شكلو فلم ظريف. لكن انا ما حضرته. فيه Brendan Fraser
Underworld: Rise of the Lycans :فلم مصاصين دماء. طالعه موضه الايام دى
The Dark Knight re-release سيد الاسم
Donkey Punch:فلم انجليزى (بيريطانى) و انا الجماعة ديل ما بحبهم شديد. الفلم غايتو نص نص. ممكن نقول عليه فلم رعب
Ink
Killshot :غايتو فيه Diane Lane
Outlander نص نص
New in Town :كوميدى رومانس Renée Zellweger و Harry Connick
Taken
The Uninvited
The Class
Luck by Chance فلم هندى
-----------------------
Bride Wars رومانسى فيه Kate Hudson و Anne Hathaway كوميدى خفيف. ما بيستاهل. لكن لو ما عندك موضوع ممكن تشوفو.





Paul Blart: Mall Cop كوميدى و لذيذ جدا. بيتحضر


Taken الناس اتكلموا عنو فى البورد كتير جدا. فلم مكسب. احضروه لى مسؤليتى


.


ذى ما قلت قبل كده بداية السنة الحالة بتكون صعبة و الافلام ما خالص. و الفلم لو فيه عمار بيحاولوا يطلعوه فى نهاية السنة عشان يحصلوا بيه الوسكار. ما فى فلم فيه عمار بيطلع شهر يانير

سمارت ونوبي,
معليش ما انتبهت لتاريخ البوست وانه قديم نسبيا,

وبعدين اتشغلت شويه عن البورد,

طيب ياسمارت,
AVATAR عاجباني فيهو فكرة ارتباط الNatives بأرضهم,
ارتباط وتناغم واحساس عالي بكل المخلوقات وحتي بالجماد اللي الفيلم صورو ككائن حي يمكن حتي التحدث معه
ومخاطبته, البطل لأنه لاينتمي روحيا للمجتمع ده كانت لازماهو رحلة تنقيه وتطهير في شكل تدريب,
عشان يستشعر الارتباط الوجداني مع الأرض,

طبعا في أحساس انه المقصود من الفيلم فكرة الهنود الحمر وأرضهم اللي تم انتزاعها بواسطة ما يسمي بأمريكا حاليا,
بس مرّات بحس انهم برضو بيقصدوا حرب العراق وأفغانستان,
خصوصا لما قائد الجيش قال جمله مميزه جدا وهي :"We will fight terrorism by terrorism"
شعرت انه المقصود العراق والغزو والمطامع اللي بتخلي أصحاب السلطه يدمروا أرض بأصحابها !

الصراع التاني الكان داير في الفيلم بين الScience وال Power
ال Ethics عند العالم وانبهاره بالطبيعه وعشقها ضد قوة السلطه اللي بتعمي من الأخلاقيات,
ومع انه البطل ما كان عالم بالعكس كان مارينز لكن حتة الاثيكس عنده كانت أعلي حتي من حساباته الشخصيه,
والوعود الكان بيتعهدوا بيها أهل القوه ليهو, بالاضافه للحب ك صانع للمستحيل :)

مع كل المسجس دي تظل أكتر فكره باهراني في الفيلم فكرة الBond الوجدانيه والفيزيائيه بين السكان الأصليين وبيئتهم
ده بالاضافه للاحساس المتبادل,

عموما عالم "باندورا" عالم مثالي جميل,
وفرحت لما انتصر في النهايه علي الغزو المدمر للدخيل,

--
سمارت واصلي في بقية الأفلام,
وقدام كل فيلم بتنصحي بيهو أكتبي لينا Highly recommended :)

سمارت ونوبي,
سلام تاني مره,

سلسلة بوستاتكم عن الأفلام والمسلسلات الأجنبيه أكيد متابعاها,
وحسب توصياتكم حضرت أجمل أفلام 2008 و 2009

واصلوا في التوصيات والترشيحات لأواخر 2009 وبدايات 2010

سلام سمارت، نوبي، والضيوف الأعزاء..

معليش من الأرشيف.. لاني دايما متأخرة على صالات العرض وبشوف الـ DVDs اكتر..

شفت أخيرا American Gangster إنتاج 2007
فيه Denzel Washington و Russell Crowe
وإخراج Ridley Scott



الفيلم -مستوحى من قصة حقيقية- بيحكي عن صراع الشرطة وامبراطورية مخدرات كبرى..

دينزل واشنطن معروف بجاذبيته- لكن عبقريته التمثيلية دون شك تفوقها بأميال ضوئية..
أداء رائع جدا من دينزل.. يتجلّى في العبارات والتفاصيل الصغيرة.. كما في المشاهد القوية..
ولهذا فالفيلم حقا جدير بالمشاهدة..

واترككم لتأخذوا الباقي من الفيلم مباشرة (-:
(للمتأخرين وما شافوه لسه)

&

سلامات للجميع
صديقتي إسمارتي ..
نواصل هنا .. ده إقتراح جميل بس بعدين أجدعيهو لبكري عشان ما يأرشف البوست
و نفكر نجيب البوست بعد الأرشفة ..

أماني ..
تحياتي يا عزيزة ..
و برضو نحن متابعين تحليلاتكـ في المواجهات الأخري حيث لا باع لنا

نجوان
شغالة معانا بنظرية (الدهن في العتاقي)
مستر واشنطون إختياراته عميقة جداً ديمة و بيدي الفيلم نكهة زي الملح في الاكل ..
الفيلم من الأفلم الجميلة و فيها كمية من الإثارة ..
أجدعينا بالعتاقي و أكيد بنطلع بصيد ثمين

أبوحسين
سلامات ياخ و شكراً لوضع البوست في المقدمة

_
بعض من أفلام فبراير 2009
Coraline - ده واحد من افلام 3D اللي ما لاقي نجاح كبير
He's Just Not That into You - رومانسي
The Pink Panther 2 - كوميدي
Push - خيال ..
Fanboys
Confessions of a Shopaholic - ده recommended
Friday the 13th - رعب
The International - ده recommended
Fired Up - كوميدي
Madea Goes to Jail - كوميدي
Jonas Brothers - الفرقة الموسيقية
Street Fighter - ده بقي مأخوذ من اللعبة المعروفة و بنفس شخصياتها

_
الإثنين ديل أجمل فيلمين من وجهة نظري صدرو في فبراير 2009:
Crossing Over
Echelon Conspiracy

من ناحية تانية
المسلسل ده عميق بشكل ما عادي
Damages

فيهو شغل جميل جداً من كل النواحي .. و الناس ما مركزين عليهو لأنه ابطاله ما معروفين
فيهو تصوير جميل جداً
شغل الإخراج إبداعي لدرجة عالية ..
موسيقي تصويرية عميقة عمق ما إعتيادي ..
و قبل كل هذا و ذاكـ ( القصة ) و مضمون المسلسل ..
أبطال المسلسل ( الواضحين في الصورة) " باتي هيوز - ألين" محامون ..
بيناقش حاجة دايرين لينا سنين عشان نصلها في السودان ..
صدر منه جزئين و الأن يبث الجزء الثالث يوم الإثنين من كل إسبوع
فيهو شغل عجيب للفلاش باكـ و الفلاش فورورد ..
سواء كان مضمون الفلاش أو طريقة تصويره و عرضه ..

_
واحد من المسلسلات اللي ممكن احضر الحلقة بتاعتها بعد منتصف الليل عشان الهدوء و التركيز.

سلامات للكل

انا زيك يا نجوان في حاجات بشوفها متاخر وفي حاجات في التايم
دينزل واشنطون عندو فلم جميل جداً بصنفه مع افلام الذكاء الشديد ( تصنيف قاطعه من راسي )
Inside Man ما عندي مانع احضره عشرات المرات ... لانو ابدع فيهو والمجرم كمان ابدع



بعد داك اتخزلت شديد من فلمينه الاخيرات .. واحد مع ترافولتا والتاني the book of eli

كمشاهده ديل فاشلات عديييييل

من الافلام البايخه وحسيت اني ضيعت فيهو وقت الفلم الفلقوا لينا راسنا بيهو
بتاع نهاية الدنيا ...


والفلم بتاع عيد الحب كمان مااااا حبيتو .. زحمة نجوم ما بتطلع بي حاجه من ولا واحد


اما دا ... فـ واااااااااي منو


قولت اكمل الافلام الغاظتني في الاول

صحبتى امانى....

Quote: خصوصا لما قائد الجيش قال جمله مميزه جدا وهي :"We will fight terrorism by terrorism" شعرت انه المقصود العراق والغزو والمطامع اللي بتخلي أصحاب السلطه يدمروا أرض بأصحابها !

استخدامهم للعباره دى برضوا عندو اشارت للحرب Shock and awe

Quote: عموما عالم "باندورا" عالم مثالي جميل, وفرحت لما انتصر في النهايه علي الغزو المدمر للدخيل

,
استعدى للجزء الثانى...على حسب كلام المخرج...انه بيفكر فيه. بس فى حفل الاوسكار قال انه لو بدا بكره يشتغل فى الفلم ..ما ح يخلص الا بعد 3 سنوات.

العزيزه نجوان ....الفلم فعلا يستاهل ...اظن انى ح امشى اشوفوا تانى ...قريب.

ابو حسين ...شكرا

نوبى داميجس فعلا مسلسل شديد. لكن انا الايام دى (خاصة السمسلات ) حاجه عاوز تفكير ما بقدر عليها....


سلامات دلال...انا بينى و بينك ما مجنونه بدنزل واشنطون..و عندو افلام كتيرة ما بحبها. لكن بخاف اقول الكلام ده فى العلن...

افلام مارس
12 : فلم روسى
Watchmen : ده فلم من كتاب ذى الرجل العنكبوت . و شكلو كل اطفال الامريكان قروا القصة دى ..عشان ده العالم كلو كان فى انتظار الفلم ده. الفلم جميل.احضروه Highly recommended
Horsemen : لو ما عندك موضوع ..بيتحضر.
Phoebe in Wonderland : فلم مكسب.لكن ما اظن يتلقى بالساهل.
Sherman's Way كوميدى ..ما بطال
Sunshine Cleaning :::فلم شديد..جميل بالجد ..احضروه
Duplicity : فيه Julia Roberts ....طبعا لازم تحضروه ..ده سؤال؟؟
Knowing ..فيه Nicolas Cage ممكن تحضروه ..لكن انا شخصبا ما ح احضره تانى.
I Love You, Man فلم كوميدى ..لكن نوع الكزميديا بتاعة الامركان اللى ما كل الناس بيحبوها...لكن الفلم لذيذ
The Great Buck Howard
Sin Nombre : فلم اسبانى
12 Rounds فلم اكشن
The Haunting in Connecticut فلم رعب
Monsters vs. Aliens و ده اشد فلم طلع فى شهر مارس فيه و Reese Witherspoon و Seth Rogen وHugh Laurie
Highly recommended

افلام شهر ابريل...
Observe and Report ذى Paul Blart: Mall Cop بالضبط...الاتنين لذاذ.recommended
Management: فيه Jennifer Aniston كوميدى رومانسى recommended
Adventureland: رومانسى كوميدى recommended
Fast & Furious: اذا عجبكم الاول ..ح يعجبكم الثانى
Hannah Montana: The Movie ..فلم اطفال.
17 Again كوميدى فيه Matthew Perry
State of Play فيهRussell Crowe و Ben Affleck الفلم recommended مع انى ما بحب راسل كرو
Obsessed فيه Beyoncé Knowles ما خالص..ضياع زمن ساااى
The Soloist فيه Jamie Foxx و Robert Downey Jr. لو ما فى موضوع ممكن تشوفوه.

شهر مايو الافلام شويه بتتصلح

سمارتي سلامات .. الافلام العربيه كيف ؟؟
انا ما شايله منها الا افلام ( احمد حلمي ومرته منى زكي )


احمد حلمي عبقري قدر يطلع من جوطة المصريين بشئ جديد ومختلف
شخصيه كوميديه انسانيه بحته .. تضحكي وتبكي في نفس الوقت
واجمل حاجه انك ما بتقدري تتوقعي نهاية الفلم شكلها شنو
من اخر افلامه كان ( اسف على الازعاج )



والاخير اخر حاجه ( 1000 مبروك ) .. حقيقي ممتاز

سلامات يا دلال...
يا زوله تكتبى عن اللى فى بالك ...ذى بوستك واااااحد.
انا بصراحة ما قاعده احضر افلام مصرية كتير...مع انى عندى حوالى 12 قناة عربية..و دائما فى فلم مصري شغال...لكن مرات برفعوا ضغطى....خاصة افلام التمنينات و التسعيانات...مبااالغة.

سلامات يا شباب....وينكم?
Lost فى موسمها الاخير ...(يا امانى) و بقى ليها 4 حلقات بس.
مستعدين ?
اى اقتراحات او تفسيرات ? الMan in Black حكايته و طبيعته شنو ? جاكوب ....برضوا حكايته شنو?