مجموعه من الشباب يسجدون للفنان محمود عبد العزيز في حفل بنادي التنس

أثارت أغنية الفنان الشاب محمود عبدالعزيز (فرايحية) جمهوره في حفل أحياه أمس الأول بنادي التنس بالخرطوم. ودفعت بعدد منهم للسجود امام خشبة المسرح، وفي غضون ذلك قام بعضهم بتقبيل قدمي محمود.
وقابل محمود تصرف معجبيه بالإستياء.. وقام بوضع (المايك) على الأرض، ورفض متابعة الأغنية.. وطلب من الحضور عدم السجود له مجدداً، وبعد نقاش طويل بينه ومعجبيه، واصل محمود ترديد أغنية (فرايحية).
قبل أن يخاطب جمهوره قائلاً: (أنا أتيت اليكم لنغني كلنا للسودان).

الكباشى سلام
والله لفته بارعه من محمود
الناس دى جنت ولاشنو ؟

لا حول و لا قوة الا بالله











صور لو بالامكان

سلام حامد برقو
نسال الله ان يهدينا جميعا.

محمود

يستحق اكثر واكثر واكثر....

أغنية فرايحية دي بتنقلكـ لعالم تاني لحنا وموسيقى ومفردة

كــــــــــــــــل الحب

صباحك زين يا شمائل
ولكن لا يستحق ان يسجد له اليس كذلك؟؟

Quote: يستحق اكثر واكثر واكثر....

!!!!!!!!!!!!!!!!!!!!!!!!!!!!!!!!!
التحية للفنان محمود عبد العزيز وهو يقاوم مثل هذا الهوس والتطرف ..

وعليكم السلام مدثر

دا استلاب ثقافي كبير ومؤسف ان يحدث في بلاد المسلمين
ومؤسف جدا ان يحدث عندنا في السودان

تحياتي.

Quote: يستحق اكثر واكثر واكثر....

قد يستحق أشياء كثيرة
لكن سجود؟
بمعناه الحرفي!
تبقى عوجة كبيرة منك و من الشباب ديل
يكفي أنه رفضه شخصيا قبل غيره
و هذا موقف يحسب له.

الكباشي
يا زول ده شتل من موقع المشاهير ساكت ..
إحتمال كبير يكون محمود ما كان عندو حفلة من الاساس أو على الأقل لم يأتي الموقع بدليل واحد يؤكد صدق الواقعة .


موقع المشاهير موقع يفتقد للمصداقية ما تشتغل بيهو كتير

مش كان من المفترض ينتظر المعجبون الى حين حسم أئمة المسلمين
لموضوع سجود اللاعبين في ميادين كره القدم ... ‏
وبعدين يلتفتوا بعد ذلك لمسألة سجود (المهججين ) في صالات الرقص لمطربيهم
على كل حال فالمطرب محمود عبد العزيز كانسان وفنان ما فيه كلام
والى ان يطلب من معجبيه السجود له كـ(إله) سيظل في نفوسنا كما هو .‏

--
تحياتي لصالحب البوست وضيوفه

................

يستاهل اكثر واكثر

.................
سبحان الله

بعد السجود كمان

يستاهل شنو


ياخوانا دا كلام شنو

ايسجد لغير الله

ان تم هذا الامر فهو امر جلل ينبغي التحقق فيه

ولكن لا يمكن ان يحدث من ناس مسليمن وسودانيين كمان

دا كلام غير موثق ربما او ماف دلائل

وان حدث الله المستعان

يا شمائل

راجعي نفسك من حقك ان تعجبي باي مطرب حد الجنون
ولكن ان تطالبي له بما لا يستحق البشر فهذا ليس من حقك


يالله اعنا

الاخت شمائل
لك التحية و الاحترام
لا احد غير الرب عز و جل يستحق السجود


محمود فنان جميل.. قدراته هائلة اي عمل غنائي يقوم به يكون مميزا و محببا
كان للشباب ان يعبروا عن اعجابهم باساليب اخرى

Quote: يستحق اكثر واكثر واكثر

???????????????????????!!!!!!!!!!!!!!!!!!!!!!!!

Quote: محمود يستحق اكثر واكثر واكثر.... أغنية فرايحية دي بتنقلكـ لعالم تاني لحنا وموسيقى ومفردة كــــــــــــــــل الحب

تحياتي للجميع

لاحول ولاقوة الا بالله ....الحاصل شنو في الدنيا يا اخوانا ؟

يعني لازم الأمور تتعّقد ويدخل فيها الدين والكلام الكبار..!!

شباب عبرّوا عن اعجابهم بفنانهم
زيهم وزي الكانوا بيغمى عليهم في حفلات البيتلز ومايكل جاكسون
والكانوا بيبكوا ويطلّعوا هدومهم في حفلات عبدالحليم حافظ..
وغيرهم من نجوم الفن..

_____
برضو احسن من تقبيل أقدام رموز الهوس الديني..
الطائفية.. وغيرها..

إهداء لعزيزة شمائل

تعقيد ايه يا أخت نجوان؟
هو فنانهم نفسه رفض طريقة تعبيرهم دي
حنكون ملكيين أكتر منه و نشوفها صاح!





----------

هذا إن صحت الرواية بتفاصيلها,

مشتاقين يا نجوان

Quote: برضو احسن من تقبيل أقدام رموز الهوس الديني.. الطائفية.. وغيرها..

اكيد ..على الاقل دا بيقدم فن وابداع ...

شمائل النور سلامات ..

ارجو من الاخوة عدم التعامل مع الاخت شمكائل النور ككبش فداء

واحد كتب بوست قامت كتبت رايها وكل زول يكتب رأيو وانتهى الموضوع ..



حنعمل الموضوع شمائل النور ؟؟؟

Quote: يستحق اكثر واكثر واكثر

دى ما عندى عليهاتعليق.

لكن...اذكر ايام الجامعة ...احد صلاب هندسة جامعة الخرطوم - ما فى داعى لذكر الاسماء- سجد للاستاذ محمد الامين فى حفلة. قام محمد الامين طوالى اداه شلوت فى وشه امام الجميع فى الحفلة.
و بتذكر تانى يوم كانت حكاية فى كل الجامعة....


الناس دى بتجن مرات و لا شنو؟

إلا أن تثبت صحة الواقعة من عدمها....


محمود عبدالعزيز , غناااااااااااى,

Quote: محمود يستحق اكثر واكثر واكثر.... أغنية فرايحية دي بتنقلكـ لعالم تاني لحنا وموسيقى ومفردة كــــــــــــــــل الحب

اللهم اشملنا بعفوك ورحمتك 00

أنا غايتو ما مصدق، أو بدقة أكثر ما قادر افهم
معقول الشباب ديل وصلوا لهذا الحد، ده والله اكثر من استلاب ثقافي زي ماقال أحد الاخوة في التعليقات السابقة.. وفي تقديري ماأورده الاخ سمارت عن الطالب الذي سجد للفنان محمد الامين في احدى حفلاته في جامعة الخرطوم وردة فعل الاستاذ ابوالامين على الطالب كانت أفضل تعبير، لقد تعدى الأمر التعبير عن الاعجاب وانتقل الى خانة اخرى تمثل قمة الاستهتار بالقيم الدينية..

غايتو في التمانينات سمعت قصة الشايقي الذي سجد امام محمد جبارة ثم قرأ التشهد وسلم

والله
والله
ما عرفنا نعمل شنو !
لو طلع باس الفنان يقولو ليك باسوليه !
لو حضن الفنان يقولوا ليك حضنو ليه !
لوضماهو ليهو يقولوا ليك عصرو ليه
يا جماعة ما عصرتو علينا كتير
ماهو يا في فن ولا لا
التعبير ده بياخد اشكال كتيرة ومتنوعة
هل اذا قلت لي بت انا بعبدك بكون بنيت ليها معبد في جوه الروح وكفرت بي الألهه
ولو واحد سجد قدام مسرح للفنان خلاص قدم فروض العبادة الشيطانيةوطلع من الملة
اولا المسرح دايما ارتفاعوا اعلى وتصبح الحركة فاقدة لقيمتها الدلالية
بمعنى حركة السجود لاتصبح سجود وانما انحناءة فهل تدخل في باب العبادة
الفنان هو من يقدر الموقف ويكون له حرية التصرف بي لباقة او بانفعال تجاه الموقف وتجاة الشخص مؤدي الحركة
هل الشخص في كامل وعيه ام هوشخص شايلاهو الهوشة ولا زول متسلطن !!؟
الموضوع في الاساس هو في فن ولا مافي فن لانو الفنون كلها فيها معجبين متبايني العشق والهوى
في الفنان البمشوا معاه معجبينو من حفلة لي حفلة
وفي الحافظين رقم عربيتو وتلفون و وشهادة ميلادو وارقام حظو وايام اعياد ميلاد اولادو
وفي البموتو في اهاتو وفي البتلبوا عشان سواد عيون في الهواييل
وفي البنحنوا وببقوا زي الشرقيين لمن يحيوك
وفي وفي لكن الفنان هو البقدر يرد على كل هذه الانفعالات وقد كان رد محمود بطريقة لبقة وربطها مع حب الوطن
وقال جملة على كل فناني بلادي العمل بها
نحن نغني من اجل هذا الوطن
فننا من اجل هذا الوطن
كل الغناء الجميل
العاطفي
والديني والحماسة
والمناحات
وغناء الحصاد والملمات وغناء الاطفال من اجل تلوين وجدان هذه الأمة
مبروك عودة محمود
وظاهر ان حوته قادم وبقوة
وفرايحية هي بداية الغناء المتفائل
الندي بحب ما ليه حدود
ـــــــــــــــــــــــــ
الفن وحده من يوحد هذه الأمة

أين شرطة امن المجتمع ؟؟؟

Quote: محمود يستحق اكثر واكثر واكثر

الاخت شمائل النور
الكلام ده كتير منك انت برضو كتير جدا جدا جدا
ارجو ان تستغفرى ربك

اين شرطة المجتمع البتقبض من طرف فى الابرياء والمهمشين؟؟؟
زى ديل اولا عجبنى ليهم احراج محمود رغم انه انا متأكده بكون مافى وعيه
لكن ادراكه واستدراكه لما حصل كان جميل منه والاجمل ردعهم
وكان المفروض شرطة المجتمع تجلدهؤلاء المعتوهين فى المسرح
ولماذا الشرطة .. الحضور من الجمهور كان ممكن يقوم بالواجب
مش نجى نطبل ليهم بعبارات اعجاب لا تنم للاعجاب شيئا
حسبى الله ونعم الوكيل
اللهم لا تؤآخذنا با فعل السفهاء منا

Quote: محمود يستحق اكثر واكثر واكثر.... أغنية فرايحية دي بتنقلكـ لعالم تاني لحنا وموسيقى ومفردة كــــــــــــــــل الحب

يستاهل ايه يا ست هانم؟؟؟؟؟؟؟؟؟؟؟؟

حاجة غريبه!!!!!!!!!!!!

إذا كان لا بد من إيراد هذا الخبر العجيب ..
أما كان أجدر أن تجيء صياغته على نحو (محمود عبد العزيز يرفض الغناء لقيام بعض ........)
خوفاً من أن يلتقطه بعض الموتورين بجهالة .............
أضع يدي في قلبي خوفاً من أن يتعرض الفنان محمود عبد العزيز لمكروه

Quote: هل اذا قلت لي بت انا بعبدك بكون بنيت ليها معبد في جوه الروح وكفرت بي الألهه

بالضبط يا أستاذ السني..
وهو ما يحدث في هذا البوست، تحميل الأمور أكثر مما تحتمل..
دلوقت هناك من يدعو -جادا- لشرطة أمن المجتمع..
بكرة قد نرى محاكمات تكفيرية..
شباب مكلبش في كوامر.. ومشانق..


_____
سلام سعدالدين،
رد فعل محمود عبدالعزيز لا يمنع ان يكون للقاريء قراءته الخاصة للموضوع..
يعني مثلا "شلوت" محمد الأمين الذي ذكرته سمارت
في تقديري.. تصرف متطرّف من فنان يفترض ان يكون اكثر وعيا بالأحوال الوجدانية لمعجبيه..
بدلا عن اللجؤ للتفاسير التكفيرية في أول ملف..

_____
لكن كل زول وليهو شوفه..

أسألوا أنفسكم أولاً لماذا تظهر مثل هذه الظواهر السالبة في المجتمع السوداني في الأونة الأخيرة
فالأمر يحتاج لتحليل حتى نعرف الأسباب

أنا من المتابيعين لعدد من الظواهر السلبية في المجتمع وكنت متوقعاً ظهورها منذ استلام الكيزان للسلطة
وفي بداية عهد الكيزان والتطرف الديني كنت أقول لأصدقائي على سبيل المبالغة؛ سيأتي يوم في الخرطوم البيقول فيه لا إله إلاّ الله سيقطع رأسه
لأنو الإنسان بمجرد أن يختار أن يكون كوز فهو يضع نفسه في خانة الجهل بطبيعة النفس السودانية الأبية
ولو تأملوا التاريخ قليلا لما اختاروا أن يستعدوا الشعب السوداني ويقهروه ويأتوا للسلطة بإنقلاب عسكري
وهاهم يعودون للمربع الأول (الإنتخابات) لكن بعد خراب سوبا

بالمختصر هذه الظاهرة وأمثالها نتيجة عقلية القهر الديني وغيره
بعض الناس يعتقدون أن السلطة هي فعلاً - كما تدعي ـ إلاهية
وأن كل ما تمارسه بإسم الدين ـ هو الدين
فينشأ في أنفسهم تمرد على المفاهيم الدينية ـ نتيجة رفضهم لما يحدث من مظالم
يسقطونه ويعبرون عنه بمثل هذه الظواهر

البحث عن التصالح مع الذات يبدأ بقيم العدالة والمساواة أمام القانون والحرية والحكم الرشيد.

مافي صور

خبر فشنك

النعمان ود الباوقا
كلامكم قولوه دون تربص ودون احساس المؤامرة
قالت يستحق اكتر انا فهمتها انو كفنان يستحق اكثر من اعزاز به و تكريم ولم تقصد ان يسجدوا له
وبعدين انت سوداني يالنعمان شنو ياست هانم دي . ؟وبعدين مافي واحد قال يستاهل .من وين جبتها
اما اختي سوما السطر البقول انو مافي وعيو كتيرة وليس ليها داعي في المسألةالمطروحة هنا
لانو موقفوا كان مية المية موقف واعي واخلاقي وموقف انسان وفنان يحترم فنه ومعجبيه
وزي ماقال الأخوة البوست ده بورط الناس في فهم عكسي يقود الىالتحرش بالفنان محمود وبمعجبيه..
ـــــــــــ
بعدين انتوا بتتكلموا وفي بالكم محمود قبل شهور محمود الان فنان تاني لانو تجاوز كل ظروفوا السابقة
وعلينا ان نقف معه في تجربتة الجديدة والتي يؤديها بوعي واحترافية

استاذ ه اسماء الجنيد

Quote: اين شرطة المجتمع البتقبض من طرف فى الابرياء والمهمشين؟؟؟ زى ديل اولا عجبنى ليهم احراج محمود رغم انه انا متأكده بكون مافى وعيه لكن ادراكه واستدراكه لما حصل كان جميل منهوالاجمل ردعهم وكان المفروض شرطة المجتمع تجلدهؤلاء المعتوهين فى المسرح ولماذا الشرطة .. الحضور من الجمهور كان ممكن يقوم بالواجب مش نجى نطبل ليهم بعبارات اعجاب لا تنم للاعجاب شيئا حسبى الله ونعم الوكيل اللهم لا تؤآخذنا با فعل السفهاء منا

استاذ محمد السني

Quote: اما اختي سوما السطر البقول انو مافي وعيو كتيرة وليس ليها داعي في المسألةالمطروحة هنا لانو موقفوا كان مية المية موقف واعي واخلاقي وموقف انسان وفنان يحترم فنه ومعجبيه وزي ماقال الأخوة البوست ده بورط الناس في فهم عكسي يقود الىالتحرش بالفنان محمود وبمعجبيه..

استاذ محمد السني

Quote: لكن عليك ان تقرا الناس جيدا وان لاتهتز قنعاتك بهذه السرعة لانها تدل على اننا لم نكن اصيلين في خاطرك... حتى الان انا لم اقف يوما مع الحال المائل ولا الأخطاء الأخلاقية هذا اذا كنت تعرفني اصلاً..

استاذ محمد السني معناه انك لم تقرا الاستاذة ( اسماء الجنيد ) جيدا
في هذا المنبر لها مسار معين ولا تنحرف عنه
واستشفينا هذا من خلال كتاباتها في كل حواراتها وردودها
ورغم عن ذلك عجبني اعتزارها لك










-----------------------------
كباشي البكري الف تحية ليك انت وضيوفك واستاذ محمد السني خاصة

Quote: (فرايحية)

سبحان الله 00

يعني ديل لو سمعوا اغنية ( الغزلية )

بصوت اللحو لما كان في شبابو كان

بقت عليهم البقت علي زول محمد جبارة 00

شفتو جنس المجن دي ..

يمكن ياجماعة الشباب ديل سجدو سجود سهو

معقولة بس
اما لنا عقول
كيف يسجد زول في حفلة اصلا
وناس بترقص وتهجج وين لقى المساحة

مثل هذا الاخبار لابد من التاكد منها

هم لو كان رايح ليهم سجدة كان بدل مايكتلو الليل بكتل الحفلة
كان يحيوا الليل بالذكر والسجود والطاعة في منازلهم

Quote: بعدين انتوا بتتكلموا وفي بالكم محمود قبل شهور محمود الان فنان تاني لانو تجاوز كل ظروفوا السابقة وعلينا ان نقف معه في تجربتة الجديدة والتي يؤديها بوعي واحترافية

الاخ السنى تحياتى واحترامى
انا اول من يتمنى ان يكون الاخ محمود اتغير وللاحسن
وبدعوه ليه دائما وربنا يعلم
لانه فنان موهوب وحرام يضيع نفسه بتصرفاته الطائشة
ويقلل من حب الناس له
اما كلمة انه مافى وعيه دى يا السنى انا ما قصدت بيها تجريحه
بقدر ما قصدت انه رغم ذلك عرف يردع هؤلاء الشباب و رغم كل شىء
والشىء التانى انه هو عودنا على ذلك بصراحة..
فبتمنى انه ما تأخد كلامى على انه قصدت اهينه لا سامح الله
وفى الحالتين اخى العزيز بعتذر لك بشدة ان جرحتك المداخلة اعلاه
التحية لك ايها الفنان الجميل
والتحية للاخ الفنان محمود

Quote: والله والله ما عرفنا نعمل شنو ! لو طلع باس الفنان يقولو ليك باسوليه ! لو حضن الفنان يقولوا ليك حضنو ليه ! لوضماهو ليهو يقولوا ليك عصرو ليه يا جماعة ما عصرتو علينا كتير ماهو يا في فن ولا لا التعبير ده بياخد اشكال كتيرة ومتنوعة هل اذا قلت لي بت انا بعبدك بكون بنيت ليها معبد في جوه الروح وكفرت بي الألهه ولو واحد سجد قدام مسرح للفنان خلاص قدم فروض العبادة الشيطانيةوطلع من الملة اولا المسرح دايما ارتفاعوا اعلى وتصبح الحركة فاقدة لقيمتها الدلالية بمعنى حركة السجود لاتصبح سجود وانما انحناءة فهل تدخل في باب العبادة الفنان هو من يقدر الموقف ويكون له حرية التصرف بي لباقة او بانفعال تجاه الموقف وتجاة الشخص مؤدي الحركة هل الشخص في كامل وعيه ام هوشخص شايلاهو الهوشة ولا زول متسلطن !!؟ الموضوع في الاساس هو في فن ولا مافي فن لانو الفنون كلها فيها معجبين متبايني العشق والهوى في الفنان البمشوا معاه معجبينو من حفلة لي حفلة وفي الحافظين رقم عربيتو وتلفون و وشهادة ميلادو وارقام حظو وايام اعياد ميلاد اولادو وفي البموتو في اهاتو وفي البتلبوا عشان سواد عيون في الهواييل وفي البنحنوا وببقوا زي الشرقيين لمن يحيوك وفي وفي لكن الفنان هو البقدر يرد على كل هذه الانفعالات وقد كان رد محمود بطريقة لبقة وربطها مع حب الوطن وقال جملة على كل فناني بلادي العمل بها نحن نغني من اجل هذا الوطن فننا من اجل هذا الوطن كل الغناء الجميل العاطفي والديني والحماسة والمناحات وغناء الحصاد والملمات وغناء الاطفال من اجل تلوين وجدان هذه الأمة مبروك عودة محمود وظاهر ان حوته قادم وبقوة وفرايحية هي بداية الغناء المتفائل الندي بحب ما ليه حدود ـــــــــــــــــــــــــ الفن وحده من يوحد هذه الأمة

ابصم بالعشرين

ســــــــومـــــــا
فبتمنى انه ما تأخد كلامى على انه قصدت اهينه لا سامح الله
وفى الحالتين اخى العزيز بعتذر لك بشدة ان جرحتك المداخلة اعلاه
التحية لك ايها الفنان الجميل
والتحية للاخ الفنان محمود
كــنـــت واثــق من فهمك واعتذارك اعتذار الزول الواعي
والزول سيد الفهم زيك اصلو ما بخلط بين الكيمان
انا بس بحسك لمن تكتبي زي البكتب انا
ومابرضى تقعى في هنة بكون انا الغلطت

انت كبيرة جوانا وعزيزة وغالية وما بدور واحد في المليون افهمك غلط
وليك المحبة ابدية وبينا مافي اسف ولا اعتذار اصلو الروح الواحدة ما بتتأسف لي نفسها
مودتي

Quote: النعمان ود الباوقا كلامكم قولوه دون تربص ودون احساس المؤامرة

اخي السني ..

لا يوجد تربص او مؤامرة وانما استنكرنا الفعل

الذي قام به مجموعة الشباب .

وهو فعل استنكره كل من قرأ الخبر 00

مودتي 00

Quote: وهو فعل استنكره كل من قرأ الخبر

غير صحيح أخي ود الباوقة..
إلا اذا كنت تقصد بـ "كل" من اتفق معك في الرأي من المتداخلين أعلاه..

.
صاحب البوســت و ضيوفو سلام

كدي نترك الرجم دة و نشوف الموضوع من زاوية مسؤوليتي أنا..و أنت تجاه الشباب (المستلب) دة شــنو؟؟

السلبوهو ديل بقو أشطر مننا كيف؟؟..و نحن ليه ما اتواصلنا معاهم و قدمنا ليهم بدايل..و وريناهم فكرتنا في التعبير عن الإعجاب...ناقشناهم في إعجابهم بسالبيهم على حساب ما عندنا..نحن ما عاوزين نلومهم أول شيء..لأ..عاوزين (نتلبـّـب) الختا نحن ديل و نقول نحن ما فاضيين من الخلافات الهامشية و حتى نماذج الدين العندنا قسمناهم إلى طائفية .. جبهجية..صوفية..مادريشية..المهم أننا قدمناهم للجيل الجديد في إسم يسهل رفضو...Name calling..حتى مؤسسات الدين الرسمية صارت تفتي في حرمة سفرالرئيس و حرمة التصويت للجبهة الديمقراطية و حرمة تقديم الورد للمرضى بالمستشفيات بحجة أنه ليس من الســنــّــــة!!

جمهور محمود مظلوم

و غلطان أنا..و إنت..

.

Quote: يا جماعة ما عصرتو علينا كتير ماهو يا في فن ولا لا

استاذ السنى دفع الله
نحنا بنشاهد لفنك منذ صغرنا
واتذكر كان عندك اسكتش لتوجيه وتربية الاطفال
ودا اترسخ فى دواخلنا منذ ذاك الحين كموجه
مع احترامى ليك الشديد
كان يجب ان تنتقد هذا التصرف الشركى الواضح
اذا فعلا حدث
والله اتخذلت فيك تماما
وشوهت الصورة الزمان



نحنا بندافع عن الفن وما دايرين الاوساخ تحيط بيه
عشان المتشددين ما يلقوا فرصة ويقولوا الغناء حرام بس كدا من طرف
السكر والمجون والاختلاط المتبرج دا هو الجايب الهوا للغناء

رايك كان مخذل جدا للاسف
ولو جاء واحد قال ليك الغناء حرام
تسكت بس
لانو جنس كلامك دا اللى بيديهم العذر

Quote: لو طلع باس الفنان يقولو ليك باسوليه

ولو طلع باس الفنانة؟
كما حدث مع المطربة السودانية مع الاثيوبى داك؟
رايك شنو؟
برضو فن ول لا
زى مابتقول

المرة دى للاسف الشديد
ح اعكس الحكاية
وانا اللى ح اوجهك
اذاً فلتعلم
ان الغناء حلال ما لم يخالطه حرام

فرايحية..نادي التنس

والله اتخذلت فيك تماما
وشوهت الصورة الزمان



نحنا بندافع عن الفن وما دايرين الاوساخ تحيط بيه
عشان المتشددين ما يلقوا فرصة ويقولوا الغناء حرام بس كدا من طرف
والله اتخذلت فيك تماما
وشوهت الصورة الزمان



(((نحنا بندافع عن الفن وما دايرين الاوساخ تحيط بيه
عشان المتشددين ما يلقوا فرصة ويقولوا الغناء حرام بس كدا من طرف
السكر والمجون والاختلاط المتبرج دا هو الجايب الهوا للغناء))))
شكرا لك اخي محمد النيل العزيز وغالي ...
انا اسمي محمد السني ، والدي دفع الله عارف من وين جاء الآسم تم فتح كتاب القرآن وسمى منه... جدي عثمان وجد جدي محمدادريس قبة
يعني لااقبل من اي كائن في الدنيا يشكك في موقفى الايماني اسمي يكفي ..
اولا : انا لم احدد اي راي في تصرف الشباب لانو مافي واحد نزل لينا رابط او صور لينا فيديو للسجدة او الانحناءة
فالكلام فيها دون سند يدخلنا من ابواب البهتان وقذف الناس دون بينة وده من فضائل الأسلام علينا
انا مربي للاطفال مثلما قلت هل سمعت عني او من خلال قرايتك لقيت انا بشجع على افعال الشرك والانحلال ؟؟؟
بعدين انا راي في الفن حلال وده راي خاص جدا لانو في كتيرين مهما قلنا عندهم راي في الفنون كلها حرام
والفعل الذي حدث في الحفل حدث من الجمهور وليس من الفنان وقلت بالحرف الواحد انو الفعل ده ماببقى سجود بكون انحناءة
ولم افصل منو حالة الزول الفاعل الذهنية والمزاجية..انت عايز تلبسني ذنب ليه وهو نحن ناقصين ذنوب
اما كلامك ((((والله اتخذلت فيك تماما
وشوهت الصورة الزمان
نحنا بندافع عن الفن وما دايرين الاوساخ تحيط بيه
عشان المتشددين ما يلقوا فرصة ويقولوا الغناء حرام بس كدا من طرف
السكر والمجون والاختلاط المتبرج دا هو الجايب الهوا للغناء)))
طوال الغناء في السودان لم يرتبط بالسكر والمجون والاختلاط المتبرج ده كلام كتير وافظع من البقولو الفن حرام
ياخي بس اهمس ليك في اذنك انت عارف وعارف جدا انو معظم الفنانيين الان في بلادي لايقربون الخمر ولا السجاير في بعضهم لهم
ممارساتهم الخاصة ولا تهمني في شئ لانو الحياة الخاصة بالفنان او الأنسان العادي تهمه هو ..رجل مسؤل وراشد وله طريقته في الحياة مسؤل مسؤلية كاملة .انا ليس بوصي عليه .عليه تقديم فنه قدمه بصورة جميلة اخذنا بها لم يقدمه بصورة جميلة يسقط ويتجاوزه الزمن..
الفنان المطرب مسؤل من الغناء الذي يقدمه لم يحدث ان جاء فنان الى بيت العرس ومعه بنات متبرجات وسكارى حيارى
لو عندك امثلة لمثل هذه الحفلات الفيها التبرج والسكارى والمجون كلمنا ..
لكن انا اقول لك الفنانيين في السودان ليس مثل غيرهم في بلاد العالم هم جزء اصيل من النسيج الأجتماعي ما يمس اي انسان يمسهم وهم معرضون للقيل والقال اكثر لانهم تسلط عليهم كل اضواء الأحداث
لهذا هم يهتمون بان يكونوا حملة تغيير واحترام الشارع لهذا يطلق عليهم كلمة استاذ وليس صايع
اما بتصورك انني خذلتك انت وضعت لي صورة وصدقتها.لو كنت فعلا اعني عندك شيئا كان عليك بسؤالي وماذا اقصد بكلامي ولكنك استنتجت واصدرت قرارك ، وانا لااصادر اراء الناس لانني اؤمن بالحريةلكل انسان واولهم انت . مهما اختلفنا لن احس انك خذلتني فهذا رايك وعلى تفهمه
لكن عليك ان تقرا الناس جيدا وان لاتهتز قنعاتك بهذه السرعة لانها تدل على اننا لم نكن اصيلين في خاطرك...
حتى الان انا لم اقف يوما مع الحال المائل ولا الأخطاء الأخلاقية هذا اذا كنت تعرفني
اصلاً..

معقول حيكون في محاكم المجتمع للنظر في قضايا
الفنانين والمعجبين
اخوي ود الباوقا
هل شرحت لينا اهداف ودور
هذه المحاكم ؟؟؟؟[/red
محكمة أمن المجتمع
ابوابنا مفتوحة من الساعة 7 صباحا الى نهاية حفلات الفنانين]

سلام لصاحب البوست وضيوفه...

...قبل ايام ذكرنا الصديق الكاتب حمور زيادة بحادثة رقصة العجكو فى جامعة الخرطوم منذ الخمسينيات...
...وتذكرت ايام الجامعه فى التسعينات بعد اربعين عاما من العجكو...وحادثة تكفير الجبهه الديمقراطيه بعد
نقدها اللاذع فى صحيفتها الاسبوعيه للصحائف الصفراء التى " ازكمت" انوف الكليه بدعاوي الإلحاد والفسوق...!!
...
..لا تحزن ولا تغضب استاذنا الإنسان الفنان محمد السنى.....ما قصدته مفهوم لمن تسع مداركه لمثل هذا الفهم الراقي...
فلا تتوقع لمن يعطى نفسه الحق فى تكفير الاخرين ويلبس نفسه عباءة المدافع عن الدين....وينادى بالبيعة من المساجد لنظام سياسي فاسد
متخذا بذلك الدين وقداسة المسجد اداة فى لعبة السياسه.....لا تتوقع منه أن يستوعب ما ذهبت إليه يا استاذ!!..
..بل توقع أن يرمونكم فجأه --أنت أو شمايل-- بالمدافعين عن " الكفر" و" الشرك" ويرمونك وإياها بكثير من الكلمات الإقصائيه
التى تضخم الأمر وتجعل منه صراع دينى ......!!هذا هو الطبيعى فى زمن الطفابيع!!
بل وأكثر ...الطبيعى أن يأتى شخص فيسأل وينادى عن شرطة النظام واللا أمن المجتمع واللا غيرو من مسميات النظام الذى يقهر ويرهب
بلا هوادة...فى زمن تجلس فيه الحكومة إلى طاولة المفاوضات مع نفس من نعتوهم بالكفار واعلنوا فيهم الجهاد من قبل...
وفى زمن ننادى فيه بإلغاء القوانين المقيدة للحريات وإلغاء قانون النظام العام وعقوبات الأحوال الشخصيه....
وفى زمن يتغير فيه الخطاب الدينى فى السودان من إرساء الشريعه إلى ضرورة الديمقراطيه!!مفارقات!!.....
تقول لى "امن المجتمع؟؟""....أمن المجتمع لشباب ما هم إلا ثمرة عشرين عاما من تجول عباءات القداسه فى مناهج التعليم وحوش المدرسه والتلفزيون؟؟أمن المجتمع ؟؟....إلى متى الإختباء خلف الكرباج وعباءة التدين وتقمص روح المصلح؟؟......
..ياخ تبا تبا زاتو لرفع المصاحف على أسنة السيوف!!!!!!

Quote: Quote: والله والله ما عرفنا نعمل شنو ! لو طلع باس الفنان يقولو ليك باسوليه ! لو حضن الفنان يقولوا ليك حضنو ليه ! لوضماهو ليهو يقولوا ليك عصرو ليه يا جماعة ما عصرتو علينا كتير ماهو يا في فن ولا لا التعبير ده بياخد اشكال كتيرة ومتنوعة هل اذا قلت لي بت انا بعبدك بكون بنيت ليها معبد في جوه الروح وكفرت بي الألهه ولو واحد سجد قدام مسرح للفنان خلاص قدم فروض العبادة الشيطانيةوطلع من الملة اولا المسرح دايما ارتفاعوا اعلى وتصبح الحركة فاقدة لقيمتها الدلالية بمعنى حركة السجود لاتصبح سجود وانما انحناءة فهل تدخل في باب العبادة الفنان هو من يقدر الموقف ويكون له حرية التصرف بي لباقة او بانفعال تجاه الموقف وتجاة الشخص مؤدي الحركة هل الشخص في كامل وعيه ام هوشخص شايلاهو الهوشة ولا زول متسلطن !!؟ الموضوع في الاساس هو في فن ولا مافي فن لانو الفنون كلها فيها معجبين متبايني العشق والهوى في الفنان البمشوا معاه معجبينو من حفلة لي حفلة وفي الحافظين رقم عربيتو وتلفون و وشهادة ميلادو وارقام حظو وايام اعياد ميلاد اولادو وفي البموتو في اهاتو وفي البتلبوا عشان سواد عيون في الهواييل وفي البنحنوا وببقوا زي الشرقيين لمن يحيوك وفي وفي لكن الفنان هو البقدر يرد على كل هذه الانفعالات وقد كان رد محمود بطريقة لبقة وربطها مع حب الوطن وقال جملة على كل فناني بلادي العمل بها نحن نغني من اجل هذا الوطن فننا من اجل هذا الوطن كل الغناء الجميل العاطفي والديني والحماسة والمناحات وغناء الحصاد والملمات وغناء الاطفال من اجل تلوين وجدان هذه الأمة مبروك عودة محمود وظاهر ان حوته قادم وبقوة وفرايحية هي بداية الغناء المتفائل الندي بحب ما ليه حدود ـــــــــــــــــــــــــ الفن وحده من يوحد هذه الأمة B]

ابصم بالأربعين!!
..
..وتانى وتالت......يعجبنى محمود عبد العزيز وصوته الفريد...وطالما تأملت وعجبت للشباب بدماءهم الحاره وروحهم التى تضج صخبا
يعبرون كيفما يشاؤون عن حبهم له وطربهم اللامحدود لموسيقاه....وفرايحيه اغنيه جميله ولونها وردى...لا أكثر ولا اقل...
دون تضخيم للأمور وتصوير لأحداث لم تقع
وركوب موجه من الخطاب الدينى الإقصائي......!!

Quote: كــنـــت واثــق من فهمك واعتذارك اعتذار الزول الواعي والزول سيد الفهم زيك اصلو ما بخلط بين الكيمان

يا سلام عليك يا السنى اشكرك من الاعماق على الثقة الغالية

Quote: انا بس بحسك لمن تكتبي زي البكتب انا ومابرضى تقعى في هنة بكون انا الغلطت

بالجد ده كلام كبير ومتوقع من انسان فى قامتك يا نبيل
يديك قدر يرضيك يا رب

Quote: انت كبيرة جوانا وعزيزة وغالية وما بدور واحد في المليون افهمك غلط وليك المحبة ابدية وبينا مافي اسف ولا اعتذار اصلو الروح الواحدة ما بتتأسف لي نفسها مودتي

ربى يعليك فوق المابيك ويرضى عليك
مليتنى سعادة ربى يملاك عافية يا اصيل
شكرا مارقة من الجوف

التحية للجميع
العزيزة سوما
غايتو علي طول عهدي بيك ما سمعت منك او قريت ليك
الا كل خير، بس الليلة كلامك عن محمود دا ما بشبهك
انت الزولة الحنينة الاصيلة و الشاعرة الرقيقة
المحبة للبلد و اهله، المنتمية لقبيلة المبدعين
هو اصلا محمود اتصرف تصرف يعجز عنه قيادات مجتمع
و ادعياء تدين يقدسهم البسطاء يتبركون بوقع اقدامهم
و يشربون ماء وضوءهم.. ليه نرجم بغيب انه لم يكن
في وعية و هو الذي تصرف بوعي و مسؤولية كبيرتين
؟؟؟

والله لم اتوقع ان أُفهم غلط.

ولو اني بكره التبرير ، لكن سوف افعل...

بالتأكيد أقصد كل الحب لمحمود،، ثم أن الموضوع لا علاقة له بالدين في المقام الأول ، الموضوع فنان ومعجبين وتعبير عن إعجاب والتعبير الصادق يأخذ اشكال انفعالية عادة غريبة،فيسيطر جانب اللاشعور ، وكلي يقين ان هولاء السجدة يعبرون عن إنفعال صادق وشفاف


ساعدونا بالوساع يا جماعة



قد يعني السجود تعبير عضلي عن إنفعال ما...
وقد يعني السجود ، الشكر لله الذي اهدانا محمود ، ماعارفة الضيق دا شنو يا بشر


بت الحسين
كل الشكر ع الذوق

Quote: أين شرطة امن المجتمع ؟؟؟

يكونو رايحين في كراع بنطلون

ذي ماقالوا لعيبة الكورة ديل بركعوا لي منو غير الله ؟؟

وبعدين يمكن الركعوا ديل ركعوا لله شاكرين وحامدين له بهذا المحمود ؟؟

ليه دائما سوء النية ؟؟
: والله
والله
ما عرفنا نعمل شنو !
لو طلع باس الفنان يقولو ليك باسوليه !
لو حضن الفنان يقولوا ليك حضنو ليه !
لوضماهو ليهو يقولوا ليك عصرو ليه
يا جماعة ما عصرتو علينا كتير
ماهو يا في فن ولا لا
التعبير ده بياخد اشكال كتيرة ومتنوعة
هل اذا قلت لي بت انا بعبدك بكون بنيت ليها معبد في جوه الروح وكفرت بي الألهه
ولو واحد سجد قدام مسرح للفنان خلاص قدم فروض العبادة الشيطانيةوطلع من الملة
اولا المسرح دايما ارتفاعوا اعلى وتصبح الحركة فاقدة لقيمتها الدلالية
بمعنى حركة السجود لاتصبح سجود وانما انحناءة فهل تدخل في باب العبادة
الفنان هو من يقدر الموقف ويكون له حرية التصرف بي لباقة او بانفعال تجاه الموقف وتجاة الشخص مؤدي الحركة
هل الشخص في كامل وعيه ام هوشخص شايلاهو الهوشة ولا زول متسلطن !!؟
الموضوع في الاساس هو في فن ولا مافي فن لانو الفنون كلها فيها معجبين متبايني العشق والهوى
في الفنان البمشوا معاه معجبينو من حفلة لي حفلة
وفي الحافظين رقم عربيتو وتلفون و وشهادة ميلادو وارقام حظو وايام اعياد ميلاد اولادو
وفي البموتو في اهاتو وفي البتلبوا عشان سواد عيون في الهواييل
وفي البنحنوا وببقوا زي الشرقيين لمن يحيوك
وفي وفي لكن الفنان هو البقدر يرد على كل هذه الانفعالات وقد كان رد محمود بطريقة لبقة وربطها مع حب الوطن
وقال جملة على كل فناني بلادي العمل بها
نحن نغني من اجل هذا الوطن
فننا من اجل هذا الوطن
كل الغناء الجميل
العاطفي
والديني والحماسة
والمناحات
وغناء الحصاد والملمات وغناء الاطفال من اجل تلوين وجدان هذه الأمة
مبروك عودة محمود
وظاهر ان حوته قادم وبقوة
وفرايحية هي بداية الغناء المتفائل
الندي بحب ما ليه حدود
ـــــــــــــــــــــــــ

الفن وحده من يوحد هذه الأمة


ابصم بالعشرين وانا معاك حبيبنا الفنان خدر

وتسلم فنانامحمد السني

Quote: أين شرطة امن المجتمع ؟؟؟

لو قلت ليك بتزعل

Quote: [ Quote: أين شرطة امن المجتمع ؟؟؟ يكونو رايحين في كراع بنطلون

.......:D :D>>>بالغتى فيها دى يا شمائل....أوسكار عديل!!بالله شفتى ليك قوة عين زى دى؟؟قال أمن مجتمع قال!!

نسال الله ان يهدينا جميعا. >>>

تصرف سليم من محمود

الاخوه الزملاء والزميلات الذين مرو واتحفونا بمشاركتهم في هذا البوست سواء متفقين او مختلفين في ماذهبنا اليه من استنكار لسجود
مجموعه من الشباب لفنان
مشكورين علي المرور لمشاركه ويبقي الهدف من البوست هو الاستهجان وعدم قبول هذه الظاهرة لكل انسان سوي
ولكن ن يكون هذا التداخل لتصفية حساب من بوستات اخري كتبتها في هذا المنبر فهذا مالا اقبله
فمن منا لا يحترم الفن السوداني دا لمن كان في فن اصلا لكن التهريج الحاصل الان دا علي كافة المستويات
داشوفو ليهو اسم تاني.........

تقول ليهم فنانه يبوسهاواحد في المسرح يقول ليك فن واخري مع الشريف في نيجريا يقول ليك فن
فن شنو يا خي هو وين الفن دا الا يكون فن في البوس والرقص بالمؤخرات
اللهم لا تؤخذنا بما فعل السفهاء منا......

بعدين ادوار البوابين وما شابه في الافلام والمسلسلات العربيه من ادوار الهامش اذا نحنا بنعتبرها فن
فنحن اكبر واهمين .

Quote: برضو احسن من تقبيل أقدام رموز الهوس الديني.. الطائفية.. وغيرها

سلامات نجوان....وينك؟
احسن فى شنو ؟ انا شخصيا ما شايفه اى فرق...زول مهوس بزول ...اى كان سبب الهوس....
انا ما بقول يجيبوا شرطة نظام عام او يجلدوهم او حتى الموضوع يبقى فيه تكفير و حجات ذى دى ... و الحمد لله ما فى زول فى البوست قال كده.
لكن الحركة اللى عملوها الشباب ديل قمة فى العبط.....و لو كنت ولى امر واحد منهم كنت اخدت موقف.

مع احترامى للفن و الفنانيين ..لكن انا ماشايفه انو فى زول (بنى ادم ) ممكن يعمل حاجه يستحق عليها السجود.
و يا جماعة "حسن الظن"... -لو كانت القصة حقيقية- شنو حكاية تقبيل الاقدام دى كمان؟؟؟؟ بشكروا فى ربنا على فن محمود عبد العزيز و بالمرة نقبل رجل محمود!!!

و حركة الاستاذ محمد الامين و الاستاذ محمود رد فعل طبيعى جدا و عاقل. الليله سجدو ليه بكرة يقولوا انه مبعوث من رب العالمين.

Quote: و يا جماعة "حسن الظن"... -لو كانت القصة حقيقية- شنو حكاية تقبيل الاقدام دى كمان؟؟؟؟ بشكروا فى ربنا على فن محمود عبد العزيز و بالمرة نقبل رجل محمود!!!

إسمارت
You are really smart
تحياتى

Quote: ابصم بالأربعين!!

إيه يعنى ؟
ان شاء الله تبصم بالاربعمائة
انت الخسران

Quote: أسألوا أنفسكم أولاً لماذا تظهر مثل هذه الظواهر السالبة في المجتمع السوداني في الأونة الأخيرة فالأمر يحتاج لتحليل حتى نعرف الأسباب أنا من المتابيعين لعدد من الظواهر السلبية في المجتمع وكنت متوقعاً ظهورها منذ استلام الكيزان للسلطة وفي بداية عهد الكيزان والتطرف الديني كنت أقول لأصدقائي على سبيل المبالغة؛ سيأتي يوم في الخرطوم البيقول فيه لا إله إلاّ الله سيقطع رأسه لأنو الإنسان بمجرد أن يختار أن يكون كوز فهو يضع نفسه في خانة الجهل بطبيعة النفس السودانية الأبية ولو تأملوا التاريخ قليلا لما اختاروا أن يستعدوا الشعب السوداني ويقهروه ويأتوا للسلطة بإنقلاب عسكري وهاهم يعودون للمربع الأول (الإنتخابات) لكن بعد خراب سوبا بالمختصر هذه الظاهرة وأمثالها نتيجة عقلية القهر الديني وغيره بعض الناس يعتقدون أن السلطة هي فعلاً - كما تدعي ـ إلاهية وأن كل ما تمارسه بإسم الدين ـ هو الدين فينشأ في أنفسهم تمرد على المفاهيم الدينية ـ نتيجة رفضهم لما يحدث من مظالم يسقطونه ويعبرون عنه بمثل هذه الظواهر البحث عن التصالح مع الذات يبدأ بقيم العدالة والمساواة أمام القانون والحرية والحكم الرشيد.

????

Quote: وقابل محمود تصرف معجبيه بالإستياء

لو دة فعلا حصل، معاه حق يستاء!!

مش مفروض الناس تنتظر فتوى من هيئة علماء ...

والاستنكار يأتي بعد الفتوى للواقعة وليس من بنات أفكارنا ...



ولكم كل الود والتقدير ،،،

Quote: مش مفروض الناس تنتظر فتوى من هيئة علماء ... والاستنكار يأتي بعد الفتوى للواقعة وليس من بنات أفكارنا ...

دي دايرة فتوى علماء كمان يا صبري ؟؟؟؟؟؟؟؟؟؟؟؟؟

فتوى؟
ومتى تكون دواعى الفتوى؟
الفتوى عندما تكون هناك مستجدات لا يدرك عامة الناس راى الدين فيها
او شيئ يحتاج لاستنباط
لكن السجود حتى الاطفال
بل البهائم يعرفون انه لله فحسب دون شريك
وحتى الفنان المبدع محمود عبد العزيز نفسه عارف انه دا خطأ وتصرف تصرف سليم
ونحمد الله على التحسن الذى طرأ على محمود مما قيل عنه
وعلى كل حال الامر دا ما محتاج ليه لفتوى
يقول الله تعالى فى محكم تنزيله فى سورة النمل:
وَجَدتُّهَا وَقَوْمَهَا يَسْجُدُونَ لِلشَّمْسِ مِن
دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ
فَهُمْ لَا يَهْتَدُونَ {24} أَلَّا يَسْجُدُوا لِلَّهِ الَّذِي يُخْرِجُ الْخَبْءَ
فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ {25}

Quote: ????

شكراً أخي أمير عثمان على اقتباس مداخلتي المتواضعة....

يا للعار

ليس عار اولئك الشباب
وانما عار من يحمل صورة المجرم البشير وجاري لي شرطة امن المجتمع

انتو فضلتو فيها مجتمع ؟؟

تعرف لو في قانون وشريعة كمان البشير دا مفروض يقطع من خلاف ويصلب
جزاءا نكالا على ما قتل من بشر وما اغتصبه جنوده من حرائر وما هدم من بيوت وما يتم من اطفال



تقول لي شرطة امن المجتمع وحفلة ونادي التنس؟؟

محمود غناااااااااااااااااااااااااااااااااااااااااااي

الناس البتحتج على تعبير الناس عن إعجابهم بصور تشابه صور عبادتهم للخالق,,
يفعلون ذلك لأنهم ليس لديهم مايقدمونه للخالق من محبة غير التعابير الجسدية..

السجود ليس هو العبادة للخالق وإنما العبادة هى فعل القلب.

ياناس هوي إنتو مالكم دايرين تجننونا إيمان لندن باسوها !! ومحمود سجدو ليهو!! قومو لفو بلا أمن مجتمع بلا بطيخ دايرين تقومو الدنيا في الفارغة والمقدودة !! انتو ما عندكم بيت وأسره وام وذكريات وأصدقاء

بالجمبه كدا محمود غنااااااااااااااااااااااااااااااااااااااااااي

Quote: اين شرطة المجتمع البتقبض من طرف فى الابرياء والمهمشين؟؟؟ زى ديل اولا عجبنى ليهم احراج محمود رغم انه انا متأكده بكون مافى وعيه لكن ادراكه واستدراكه لما حصل كان جميل منه والاجمل ردعهم وكان المفروض شرطة المجتمع تجلدهؤلاء المعتوهين فى المسرح ولماذا الشرطة .. الحضور من الجمهور كان ممكن يقوم بالواجب مش نجى نطبل ليهم بعبارات اعجاب لا تنم للاعجاب شيئا حسبى الله ونعم الوكيل اللهم لا تؤآخذنا با فعل السفهاء منا

الأستاذه الشاعره أسماء
سلام وإحترام

هل حقيفه إنتى بتطالبى بالجلد ؟؟؟؟؟؟

Quote: الفن وحده من يوحد هذه الأمة

السنى ,,, إنت فنان يأخ

Quote: الفن وحده من يوحد هذه الأمة

الاستاذ السني دفع الله
لولا خوفي وتخوفي من حراس النوايا
لسجدت شكرا لتواجدى معك في هذا الوطن
و لقلت: اني أحبك في الله
حقامنك نتعلم كيف يكون الفنان وطنا

Quote: أنا من المتابيعين لعدد من الظواهر السلبية في المجتمع وكنت متوقعاً ظهورها منذ استلام الكيزان للسلطة وفي بداية عهد الكيزان والتطرف الديني كنت أقول لأصدقائي على سبيل المبالغة؛ سيأتي يوم في الخرطوم البيقول فيه لا إله إلاّ الله سيقطع رأسه لأنو الإنسان بمجرد أن يختار أن يكون كوز فهو يضع نفسه في خانة الجهل بطبيعة النفس السودانية الأبية ولو تأملوا التاريخ قليلا لما اختاروا أن يستعدوا الشعب السوداني ويقهروه ويأتوا للسلطة بإنقلاب عسكري وهاهم يعودون للمربع الأول (الإنتخابات) لكن بعد خراب سوبا بالمختصر هذه الظاهرة وأمثالها نتيجة عقلية القهر الديني وغيره بعض الناس يعتقدون أن السلطة هي فعلاً - كما تدعي ـ إلاهية وأن كل ما تمارسه بإسم الدين ـ هو الدين فينشأ في أنفسهم تمرد على المفاهيم الدينية ـ نتيجة رفضهم لما يحدث من مظالم يسقطونه ويعبرون عنه بمثل هذه الظواهر

Quote: ليس عار اولئك الشباب وانما عار من يحمل صورة المجرم البشير وجاري لي شرطة امن المجتمع انتو فضلتو فيها مجتمع ؟؟ تعرف لو في قانون وشريعة كمان البشير دا مفروض يقطع من خلاف ويصلب

الانقاذ انشاء الله تطير في السماء
عشان نقدر نطلّع راسنا من التراب ونواجه امورنا بصدق
ونسمع اراء بعض بدون تعيير بولاءات وانتماءات
أخشى اننا -في سعينا اللاهث وراء تعليق اي مصيبة على شماعة الانقاذ- يوم نتكفي علي وشنا!!!
ويبقى -حينها- هنيئا للانقاذ تضييعنا دنيا واخرة!!!
الدين دة هو (ملك حر) لحكومة الانقاذ؟؟ أيوة لانه نحن الملكناها ليه بكااااامل ارادتنا بالشكل دة من النقاش!!!

لاحولاااااااا

الموضوع جاب ليهو شرطة وأمن مجتمع؟؟؟


ياأمة محمد , فى الأول الواقعة حصلت ولامجرد شائعات جرايد , زى إعتذار مستشفى الأنف والأذن والحنجرة؟


لو حصلت, ماتحملوا الموضوع أكتر من مايسع, محمود إستنكر الفعل فى لحظتو , وأنتهى,

عاينوا للجانب المزهر من الحادثة دى, أستفيدوا من محبة جمهور محمود ليهو -أدخلوا حفلة لمحمود وشوفو
السودان هناك, استفيدوا من محمود وفنو

Quote: الفن وحده من يوحد هذه الأمة

شكراً يااستاذ السنى, وفيت وكفيت.

ولو ماحصلت, قوموا الى أعمالكم يرحمكم الله

التحيه للفنان محمد السني دفع الله
من الاعماق والله
وانحني لك اجلالا وتقديرا
بس الخازوق
كلمه اجلالا
دي ذاتاها تطلع شرك .

Quote: سجد للاستاذ محمد الامين فى حفلة. قام محمد الامين طوالى اداه شلوت فى وشه امام الجميع فى الحفلة.

تخيلي يا اسمارت بتي زمني دا كله كنت احسب ان الفنان محمد الامين غير مبصر .

اعتقد ان رفض محمود لسجود معجبيه كان راقيا
بينما كان شلوت محمد الامين جلافه لا تليق بفنان

هلا يا سمارت.. مشتاقين..

Quote: انا ما بقول يجيبوا شرطة نظام عام او يجلدوهم او حتى الموضوع يبقى فيه تكفير و حجات ذى دى ... و الحمد لله ما فى زول فى البوست قال كده.

غير صحيح، الحقيقة انه في ناس قالوا بالضبط كده في هذا البوست..

معاك.. قد يكون تصرف الشباب فيه نوع من "العبط".. بس العبط عبط ..
من حق الكل يكون لهم رأي فيه، بس ليس ضد القانون ولا يستوجب ما يدعو اليه البعض هنا..


____
اقبال المرضي،
نفس رد الفعل والإستغراب لموقف شاعرتنا القديرة سومة..
ما بعرف حمى التأديب والتكفير دي اصابت كم من مبدعينا..

____

Quote: بينما كان شلوت محمد الامين جلافه لا تليق بفنان

شكرا دوما
دي الكلمة الكنت بفتّش ليها..

سلامات يا دومه...الاستاذ محمد الامين مبصر...بس (اظن)ان نظره تعبان شويه.

Quote: اعتقد ان رفض محمود لسجود معجبيه كان راقيا بينما كان شلوت محمد الامين جلافه لا تليق بفنان

احتمال اكون مجنونة ....لكن تصدقى انا محمد الامين فنانى المفضل من المتوسط... و عامل عندى ذى (الورد)-بكسر الواو و الراء- لازم اسمعه يوميا.و كان ساكن جارنا فترة طويلة و بلاقيه مرات فى الشارع ...لكن ما حصل فكرت يوم اقول ليه (السلام عليكم)...بس لان (عندى انا) سلوك الفنان و حياته الشخصية ما شغلتى. و ما تقولوا لى عشان يعرف ان عنده موعجبين و ناس بتقدر فنه...ح يعرف لما يعمل حفلة و يلقى التزاكر كملانه من اسابيع قبل الحفلة. لكن مبارة الفنانين و الهوس ده بالنسبة لى عبط...بس.
و- انا عارفه - فى ناس بطنهم ح تطم من محمد الامين بعد القصة دى....لكن انا شخصيا اتكيفت منو جدا.
الناس بتتهوس بالفنانين ..عشن كده لما زول فنان ذى وردى يعمل حركة كده ولا كده... تلقى الناس بتمارس فى الدهشة...كيف و كيف محمد وردى يعمل كده؟؟؟
ياخى كونوا انو غناى ما معناه انو ملاك... فى النهاية اخلاقه شئ و فنه شئ تانى.

بيني بينك يا سمارت أنا.. أخوك زاتو اتكيف من "جلافة" الأستاذ
بعيد عنك هو أي حاجة بتمرمط نفسها عند قدميه ما بتنفع معاه!
سمعت قبل كدا إنه شـات مسجلات وضعت تحته أيضا.
هو في هوس و جلافة أكتر من السجود لبشر؟

لا حولااااااااااااا!

Quote: ياناس هوي إنتو مالكم دايرين تجننونا إيمان لندن باسوها !! ومحمود سجدو ليهو!! قومو لفو بلا أمن مجتمع بلا بطيخ دايرين تقومو الدنيا في الفارغة والمقدودة !! انتو ما عندكم بيت وأسره وام وذكريات وأصدقاء بالجمبه كدا محمود غنااااااااااااااااااااااااااااااااااااااااااي

مرتضى عبد القادر
مخاطبتك للزملاء بالمنبر فيها بعض الحدة والاستهزاء وغير لائقة
دة منبر عام حرية الراى مكفولة للكل بما لايتعدى على معتقدات
الناس وجميعنا نعلم برغم اختلاف العوالم والثقافات التى يستقر
بها معظم اعضاء البورد ان المواضيع ذات الصلة بالدين وثقافة
المجتمع السودانى المحافظ يكثر بها الجدال لكن دون تسفيه لاراء
الاخرين فما عارف قصدك شنو بدايرين ثقومو الدنيا فى الفارغة والمقدودة
هل تظن ان طرح موضوع كهذا فى المنبر العام فارغة ومقدودة يعنى
موضوع عادى ان تسمع ان مجموعة شباب سجدوا لفنان !!!!!
وعلاقة الكلام دة شنو بالبيت والاسرة والذكريات والاصدقاء
يعنى اى زول استنكر السجود للفنان مفروض يكون مشرد وماعنده اهل
ومعزول اجتماعيا وفاقد للذاكرة كمان !!!
وغناى المطيته بالجمبة دى ما اظنها اختراع جديد يسجل لك
اول مرة حضرت حفلة بمحمود عبد العزيز فى حى الزهور فى اواخر التمانينات
كنا طلبة فى الجامعة كلنا اقتنعنا بموهبة محمود وتوقعنا له مستقبل
باهر فى الفن ولم يدر باذهاننا ان فن محمود سيكون مقرونا بعولاق
المهوسيين من المعجبين او ان ياتى احدهم مستحسنا هذا العولاق ويشجب
ويسفه اراء من انتقدوا مثل هذا السلوك

الأخ أحمد التجاني لك التحية

Quote: مرتضى عبد القادر مخاطبتك للزملاء بالمنبر فيها بعض الحدة والاستهزاء وغير لائقة دة منبر عام حرية الراى مكفولة للكل بما لايتعدى على معتقدات

آسف جدا لو دا الشعور الوصلك من مداخلتي وأكيد دا ما القصد بالعكس انا كنت بتعجب في المداخله من تضخيم الموضوع وفي الجزء بتاع بيت أم واصدقاء وذكريات كنت بشاغل ودي قصه بتاعة واحد منتشره في الخرطوم وعموما آسف لجميع الزملاء في البوست لو صدرته ليهم من خلال مداخلتي اي شعور ضايقهم
وبرضومحمود غنااااااااااااااااي

كمال عكود كتب:

Quote: دي دايرة فتوى علماء كمان يا صبري ؟؟؟؟؟؟؟؟؟؟؟؟؟

أيوا بالضبط عايزة فتوى علماء !!!

محمود عبدالعزيز إتعلمنا من ريدة.mp3

خلو الحوت في حالو ... مالكم ومالو....!

الحوت فنان وكفايه ...

دا تصرف طايش من المعجبين وما تعملو تنظير سااااكت هنا.

مجانية التجريم و محاكمة الآخرين حتجيب أجلنا قريب ...

عارفه يا اسمارتينا انا متلك لا ابدي اعجابي بالمشاهير في حضرتهم ابدا بل اتجاهل وجودهم تماما اذا التقينا في اي مكان
لكين تصرف محمد الامين جلافه ما فيها شك فضرب انسان شلوت بالجزمه منتهي الجلافه .
رفض اي تصرف ممكن يتم بتحضر وبيقول كثير عن شخصيه الانسان .
ما عارفه لو واحد فيكم ذهب الي ام ضوا بان
كان خليفه ود بدر جالسا علي سجاده في الارض وغالبا يهم مريديه بعد ان يبركوا امامه بتقبيل يده ولكنه يسحب يده بسرعه متناهيه وهو نوع من الرفض اللطيف ولم اره يشلت احدا .
فالفنان والعابد الورع لا يمكن ان يكون جلفا .

يا خالة دوما
أنا شايف جلافة ود الأمين و تبرير السجود لشخص شئ واحد
و كلاهما تجاوز. داك عبر بسجود (فتجاوز) و ده رد بشلوت (فتجاوز)
ايهما المخطئ إذا مبتدر الفعل ام الأخير؟

Quote: عاينوا للجانب المزهر من الحادثة دى, أستفيدوا من محبة جمهور محمود ليهو -أدخلوا حفلة لمحمود وشوفو السودان هناك, استفيدوا من محمود وفنو

ياندى عثمان حسن
يعنى شنو الجانب المزهر من مجموعة مهوسيين مارسوا سجودا لفنان فهو اولا واخيرا انسان مهما اختلفنا او اتفقنا
حول موهبته وتفتكرى ديل ممكن يفيدونا فى شنو مثلا
ولو دخلنا حفلة لمحمود هل بنلقى واقع مختلف عن الموجود فى الشارع العام او فى كورة هلال مريخ او فى
حفل تخريج كلية الشرطة
ممكن نسمع لمحمود عبد العزبز ونطرب لفنه لكن نستفيد شنو من محمود شخصيا ؟

من أغنيات ألبوم : عدت سنة

مواني فرايحية

في عيون بسامة فرايحية ..
يا موانئ بعيدة ومنسية ..
والريد من قبلك ما كان ريد ..
ولا بعدك شفنا الحنية ....

بالصدفة لقيتك يا آسر..
غنيتك الحان ومشاعر..
ورسمتك احلام في الخاطر
عنوان للريدة الابدية..
يا مراسي حنيني وافراحها
يا سكة عجيبة ورواحا
لمتين دنيا يحلا صباحا
تصحا الاحلام الوردية
والريد من قبلك .....

سافرت كتير جوه عيونك
لونت مشاعرك وظنونك
ولقيت الدنيا دي من دونك
زي مرة واحزان وأسية
والريد من قبلك ......

كلمتك عن بكره وبعده
عن املو وافراحو وسعدوا
عن عاشق حافظ لي وعدوا
لو يلقا معاك لحظة هنية
والريد من قبلك ما كان ريد
ولا بعدك شفنا الحنية ....

يا دومة
تحية حب وتقدير
بس تقبيل اليد
ليس كالسجود
لو كانوا قبلوا يد محمود بس
البوست دا ما كان ح يكون موجود

نجوان ...الشوق بالاكتر..
صحيح فى ناس قال اجلدوهم.. ..بس ما فى زول قال تكفير و حجات من العيار التقيل.
وعلى الجلد... فى ناسس كتار عاوزه جلد فى البلد دى.

سلامات تانى يا دومة

Quote: فالفنان والعابد الورع لا يمكن ان يكون جلفا

ليه؟؟؟ الفنان ده زول عندو موهبة معينة ..غالبا بيكون طورها بالعلم و الاجتهاد و الساعات الطويلة من التدريب.
ليه ما يكون جلف؟ او ما عندو اخلاق ؟ او سكير ؟ او بيشم ؟ او طماع او بخيل؟؟ ( دى الحجات اللى -انا- ما بحبها فى الناس ) او فيه عبر الدنيا كلها؟
عادى ..محمد وردى مفلهم ..و محمد الامين (طبعوا صعب شويه) و الامين البنا شين (ops ..دى ما عندو فيها يد)

هسى عاوزين تقنعونى ان محمد السنى ده ما فيه عيب؟؟؟ *
________________________________________________________
* استاذ محمد السنى ..انا بهظر بس...و الله انا big fan of yours من قبل زمن طائر الشفق الغريب.

الأستاذ الكباشي البكري وضيوفه الكرام

لو أن هؤلاء الشباب سجدوا شكرا لله الذي وهبهم هذا الفنان المبدع فهذا يجوز

لكن صاحب البوست قال ( مجموعة من الشباب يسجدون للفنان محمود عبدالعزيز في حفل بنادي التنس)
اعتقد السجود لغير الله الخالق لا يجوز من مسلم .
هل سجدوا شكرا لله ام للفنان محمود في شخصه تلك حقيقة لا يعلمها إلا الله.
تصرف الفنان محمد الأمين غير حضاري وفيه عدم تقدير لمعجبيه ..كان بإمكانه الرفض باي اسلوب غير الشلوت

محمد السني :
ياخ انت مش صاحبي؟
لكن كلامك اللي جو احتفلوا بيهو الناس هنا ده وعملوا منو كوتات وبصموا عليهو بصمة علاء الدين انا شايفو كلام ساااااي وانفعالي أكتر من إنو حقيقي وفيهو تراجيديا كده ما عادية ..
قصة نحن نغني للوطن والفنان يغني من أجل وطنه وحرقنا أنفسنا لنضئ لكم و و و و و و ..
انا بحب محمود ده وصدقني ما ممكن زول في الدنيا دي ممكن يكون بحب الزول ده زيي (حتى جماعة الساجدين ديل) محمود واحد من الفنانين اللي لا شايل هم وطن ولا يحزنون محمود ده فنان فييييييييييييي روحو دي بيغني عشان يطرب روحو في الاول بعدين بيغني للناس بعد داك إنت عايز تفلسفا وتقول لي والناس هم الوطن والشعب هو الأمة والذرة تتكون من نيترون وبروتون فده موضوع تاني..
إنتو ما قاعدين تمثلو للوطن عشان ما تخمونا ساي فرقة الأصدقاء اللي انا بحبها (حب أقل من حب محمود بكل تأكيد) كانت بضحكنا بي القروش يعني تدفع عشان تضحك يعني بيزنس يعني قروووش ..
لكم بتجو في المواسم حقت رمضان والعيد بتسجلوا تسجيلات الغرض الأول منها مااادي بحت (وده والله حقكم يا حبيبنا السني) بس عليك الله ما تدينا ليها في قالب حب الوطن ..
الكلام ده ما مخصص ليك انت في شخصك يا سني نوووو الكلام ده ممثل في اغلبية الفنانين (مسرحي مغني جن أحمر) حكاية الوطن دي كان ليييك ببببح ..
يا لاسني معظم الفنانين مغتربين برة ويقولوا ليك طلعنا وشلنا معانا هم الوطن ويجوك كم واحد من المطبلاتية يقولوا ليك والله انتو ما عارفين ما يقوم به هؤلاء الفنانون في بلاد الغربة وكيف يعكسون فننا الأصيل وانتو الواحد منكم يا عمل ليهو عرس في بلجيكا ولا جمعية اصدقاء السويد يكون فيها سوداني يقول ليهم عندي صحبي سوداني بيمثل اجيبو ليكم ولا ولا ولا ..
قادر أستوعب إنو العطبراوي يغني للوطن وبي طريقة مباااشرة بدون فلسفة وبدون ما نشتغل بي كلامك الدرااااب بتاع المثقفاتية داك ..

نرجع لي موضوعنا الأساسي..

مرة وانا صغمبروتي كده دخلت صليت في مسجد للأنصار وفجأة كده ونحن في الركعة الأخيرة وبنقرا في التشهد أسمع ليكم زول بيقرا في التشهد التاني وتووووشك كده حشر إسم الإمام الهادي المهدي في التشهد التاني ياخ لمممن حيرني ليك في كنكوجي زاتو..
قدر ما قلبنتها يمين شمال ونحححححححححححت الكنكوج ده فوق تحت كتاب سنة تانية كتاب سنة رابعة باب العبادات باب العقائد باب الاحاديث لقيت إنو الصلاة على سيدنا محمد وعلى اله والصلاة على سيدنا ابراهيم واله طيب الامام الهادي ده اتحشر هنا كييييييييييف ؟؟؟؟
أنك تقبل قدم واحد من المشايخ فهو قمة التأدب والإجلال..
إنك تتذل وتتهان وتنزل عشان تقبل قدم سيدك وتقول ليهو أبوووس رجلك يا بييه انا غلبان حرااام عليك يا بييه ما تضربنيش ما تإذنيش أبوس رجلك يا بيييه فهو قمة التراجيدية ودموووع المشاهدين تجري وتبببببببكي وانا اعييييييييييييييييط ..
كيتا وكانوتي وابو تريكة يجيبو ليهم قون والواحد منهم لابس ليهو شورت لم يحقق شروط ستر العورة ويروووح ساجد في إتجاه لا تعرفو سجد للراية ولا سجد للنجيلة ولا سجد للمولى عز وجل لكن كللللللللللللللنا بنقول يا سلاااااااام سجد شكراً لله ..
طيب تعالوا نعمل فيها رايحين مع إني ما عايز ادخل في موضوع السجود ده لأنو أصصصصصلا أي سجود لغير الله فهو مذلة لكن خلوني اتلولو معاكم واقول ليكم طيب مش ممكن الناس اللي سجدت دي سجدت شكراً لله إنو تحققت ليهم أمنية إنو يجي اليوم اللي يحضرو فيهو حفلة لي محمود لاااايف كده وهم بيغني ليهم فرايحية ؟
جماهير فريق نابولي الإيطالي بعد عشرومية سنة عجاف جاء مارادونا ونثر إبداعو وفي المباراة النهائية جاب ليهم الكأس وتقريبا كانت مباراة ضد إي سي ميلان ما متأكد يلا أنقرو الجماهير اووووول ما الكورة انتهت عملوا شنو ؟؟ علييكم الله أنقرو ...
من الإستاد وطوااااااااااااالي على المقابر مشو للميتين قالوا ليهم ياااااااااا حليلكم يا المتو قبل ما تشوفو ماردونا دي نعمة ربنا حرمكم منها ..
اها محمود ده نعمة والله والناس ما عارفة قيمتو ..

تخريمة :
أكتر حاجة محيراني في الموضوع ده إنو الأغنية بتاعت فرايحية دي عمرها قريب للعشرة سنوات محمود بيغنيها يادووووووووووووب جماعتنا ديل سجدوا ليها؟؟؟؟؟
عليه أتوقع إنو الجماعة ديل سجدوا سجود سهو ..

الأخ كباشى ، تحياتى ، ظاهرة غريبة ومستهجنة وتصرف ناضج ومحترم من فنان ملتزم مثل محمود عبدالعزيز، هذه ظواهر شاذة دخيلة على مجتمعنا النظيف ، لابد من معالجتها من كل النواحى الاجتماعية والنفسية والاقتصادية فالسكوت عليها مدمر ولايبقى ولايذر ، مودتى .

السجود كناية وعلامة تقديس لا متناهية.
والسجود قد يكون بغير حركات،
رأينا الكثيرين هنا، ومن على صفحات
هذا المنبر يسجدون ويسبحون بحمد البعض،
ممّن لم يقدموا ديناً ولا فناً ولا إنسانيةً حتى،
وبرغمٍ لم يستغرب أحد فعلتهم هذه، فلماذا التعجب الان؟؟!!

Quote: السجود كناية وعلامة تقديس لا متناهية. والسجود قد يكون بغير حركات، رأينا الكثيرين هنا، ومن على صفحات هذا المنبر يسجدون ويسبحون بحمد البعض، ممّن لم يقدموا ديناً ولا فناً ولا إنسانيةً حتى، وبرغمٍ لم يستغرب أحد فعلتهم هذه، فلماذا التعجب الان؟؟!!

الغريبة في ناس ساجدين للقشير الحقير قاتل النفوس العديدة ومغتصب السلطة .

والله
والله
ما عرفنا نعمل شنو !
لو طلع باس الفنان يقولو ليك باسوليه !
لو حضن الفنان يقولوا ليك حضنو ليه !
لوضماهو ليهو يقولوا ليك عصرو ليه
يا جماعة ما عصرتو علينا كتير
ماهو يا في فن ولا لا
التعبير ده بياخد اشكال كتيرة ومتنوعة
هل اذا قلت لي بت انا بعبدك بكون بنيت ليها معبد في جوه الروح وكفرت بي الألهه
ولو واحد سجد قدام مسرح للفنان خلاص قدم فروض العبادة الشيطانيةوطلع من الملة
اولا المسرح دايما ارتفاعوا اعلى وتصبح الحركة فاقدة لقيمتها الدلالية
بمعنى حركة السجود لاتصبح سجود وانما انحناءة فهل تدخل في باب العبادة
الفنان هو من يقدر الموقف ويكون له حرية التصرف بي لباقة او بانفعال تجاه الموقف وتجاة الشخص مؤدي الحركة
هل الشخص في كامل وعيه ام هوشخص شايلاهو الهوشة ولا زول متسلطن !!؟
الموضوع في الاساس هو في فن ولا مافي فن لانو الفنون كلها فيها معجبين متبايني العشق والهوى
في الفنان البمشوا معاه معجبينو من حفلة لي حفلة
وفي الحافظين رقم عربيتو وتلفون و وشهادة ميلادو وارقام حظو وايام اعياد ميلاد اولادو
وفي البموتو في اهاتو وفي البتلبوا عشان سواد عيون في الهواييل
وفي البنحنوا وببقوا زي الشرقيين لمن يحيوك
وفي وفي لكن الفنان هو البقدر يرد على كل هذه الانفعالات وقد كان رد محمود بطريقة لبقة وربطها مع حب الوطن
وقال جملة على كل فناني بلادي العمل بها
نحن نغني من اجل هذا الوطن
فننا من اجل هذا الوطن
كل الغناء الجميل
العاطفي
والديني والحماسة
والمناحات
وغناء الحصاد والملمات وغناء الاطفال من اجل تلوين وجدان هذه الأمة
مبروك عودة محمود
وظاهر ان حوته قادم وبقوة
وفرايحية هي بداية الغناء المتفائل
الندي بحب ما ليه حدود
ـــــــــــــــــــــــــ
الفن وحده من يوحد هذه الأمة الله عليك يا فنان عبرت عني تماما

Quote: اقبال المرضي، نفس رد الفعل والإستغراب لموقف شاعرتنا القديرة سومة.. ما بعرف حمى التأديب والتكفير دي اصابت كم من مبدعينا..

الحبيبة نجوان صباحاتك مشرقة
لا حولالالالا تكفير عديل كدة يا نجوان ؟
اولا اشكرك من اعماقي لوصفك لى بالشاعرة القديرة
وجمعتينى يا حنينة من ضمن قببلة المبدعين
شكرا بلا حدود للثقة الغالية
يا ستى يعلم الله لا تكفير ولا تجريم
كل الحصل حسب ما رديت فى مداخلاتى للاخوة السنى ونصار والحبيبة اقبال
انه التصرف غير لائق وغريب علينا
ولا امكن يا ربى لانه طولنا فى بلد الشتات
ما شفنا عن قرب البحصل فى بلدنا الحبيب
على العموم لكى يا عزيزة ولكل الفهمونى حسب ما اشاروا واستنكروا
بقول آسفة جدا لهم جميعا
شكرا نجوان مارقه من الجوف
***
همسة للجميع
هل يجب على كل مبدع، كاتب ، فنان أو شاعران يحسب الخطوة والكلمه مليون مرة
لكى يدلو بدلوه..؟ ام ينتظر مكتوف الايدى
الى ان يقرا جميع المداخلات والاراء
ثم يأتى للتأييد ايا كانت وجهة نظره مختلفة ؟
مثلما يفعل رؤسانا العرب
خشية على مقاعدهم... مقاعدهم ليس فى قلوب الناس
وانما مقاعدهدم فى السلطة والحكم
الحق لا يخشى لؤمة لائم
معزتى وتقديرى للجميع

............

...........

..
.

Quote: محمود يستحق اكثر واكثر واكثر....

!!

______

شتارة شمائل ونجوان فى الموضوع
دا ما شفنا مثيلها ..

الاعجاب والاغماء شئ
والسجود والركوع شئ اخر

Quote: السجود قد يكون بغير حركات، رأينا الكثيرين هنا، ومن على صفحات هذا المنبر يسجدون ويسبحون بحمد البعض، ممّن لم يقدموا ديناً ولا فناً ولا إنسانيةً حتى، وبرغمٍ لم يستغرب أحد فعلتهم هذه، فلماذا التعجب الان؟؟!!

لوول يا عبد الله شمس الدين
يااخي دا اسمو تكسيرتلج وبس

بعدين الأحبة الشافوا تصرف الأستاذ محمد الأمين ده (جلافة)
نسوا أو تناسوا أنه صاحب عاهة و هي العمى اللحظي
و تعلمون أن بعضنا به سخافة و مشاكسة مع المعوقين و قيل قديما كل ذي عاهة جبار
لذلك تجد ردود أفعال المعاقين لحظية و عنيفة إذا حسوا بإقتراب مفاجئ
لشخص أو أيا كان في لحظة انفعال كالغناء مثلا و كانت الحركة مريبة و غبية
و مفاجئة كتقبيل القدمين أو السجود عندها (هو تأليه البشر ده بيبدأ كيف أصلو!)
و الغربيين عندهم أيضا أن لكل شخص مساحة خاصة لا يمكن أن تدخلها دون إستئذانه
فما بالك بصاحب العمى اللحظي الذي قد يعود بصره فجأة ليجد أحدهم يكابس في كرعينه!!!!!!!!
البعيد شنو يكون سعران؟

Quote: البعيد شنو يكون سعران؟

غايتو يا سعد الدين ولدي ضحكتني
بس السعران دا ما لقي غير ود اللمين دا ؟!!

يا خالة
اتخيلي انك بتغني و مندمجة زي محمد ميرغني كدا
و فتحتي عيونك و لقيتي فجأة حاجة بتعافر تحت قدميك!
ما يا جريتي يا شلتي .. ده كان ما فلقتي بالعود ولا المايك :)

سلام يا سمارتي..

Quote: فى ناس قال اجلدوهم.. ..بس ما فى زول قال تكفير و حجات من العيار التقيل.

غير صحيح مرة أخرى (;
الحقيقة انه الناس went beyond الإستهجان والإستنكار الى المطالبة بالجلد، تدخّل الشرطة، وذكر الشرك والحلال والحرام..
في عيار تقيل اكتر من كدة؟ الممكن يكون اتقل غايتو إلا عيار literally كدة (سلاح وذخيرة وجهاد يعني..)

Quote: ياخوانا دا كلام شنو ايسجد لغير الله ان تم هذا الامر فهو امر جلل ينبغي التحقق فيه

Quote: لا احد غير الرب عز و جل يستحق السجود

Quote: وكان المفروض شرطة المجتمع تجلدهؤلاء المعتوهين فى المسرح .. ولماذا الشرطة الحضور من الجمهور كان ممكن يقوم بالواجب

Quote: كان يجب ان تنتقد هذا التصرف الشركى الواضح

Quote: ان الغناء حلال ما لم يخالطه حرام

Quote: فالسكوت عليها مدمر ولايبقى ولايذر

______
سلام عادل عبدالعاطي..
كيفك ووين اراضيك..

______
نصار

(أخاف أكثر ما أخاف من الأشياء التي تلد الأشياء)


سؤل الراحل د. جون قرنق من قبل أحد الصحفيين:

لو إنتا وحدوي ليه أنطلقت الحركة من الجنوب والغالب
الأعم من قياداتها وعضويتها جنوبيين؟


أجاب: في فرنسا يقبلون يد المرأة عند السلام عليها
وقع تقبيلهم على اليد وكان يمكن أن يكون على أي
عضو آخر، وكذا بداية الحركة الشعبية

يتعجب الإنسان لماذا يعطي بعض الناس أنفسهم حق تفصيل
المعايير والاحكام وإسقاط تصرفات الآخرين في مواعينهم
الخانقة، ويصدرون أحكامهم في الاخر الذي قضت حكمة الله
أن يكون هكذا مختلفاً لتزدهر الحياة؟! حتى متى سنظـل
نغرق على هوامش النهر ونبلع ريقنا قبل أن نقول لحكامنا
أنتم ظالمون .. شكرا استاذ محمد السني على توضيحاتك
الضافية.

اعوذ بالله من الشيطان الرجيم
اخوتي
السلام عليكم ورحمة الله وبركاته
ان يكفر المرء ويسجد لغير الله بسبب الجهل او الغفلة او استحواذ الشيطان عليه فهذا امر ممكن وشائع منذ فجر الانسان على هذه الارض
ولكن ام المصائب والأسوأ والأنكى من اعمال الكفر والانصراف عن الله عز وجل .. هو الدفاع عن ثقافة الكفر والمعاصي والترويج لذلك .
فهذا تحديدا هو عمل ابليس اللعين.

الاستاذة/ شمائل النور : أعرض عن هذا واستغفري لذنبك إنك كنت من الخاطئين}
اقول ذلك لأنك دافعت عن الباطل ونصرته وفتحت باب عمل الشيطان ( ولا شك لدي انك فعلت ذلك بكامل وعيك وقصدك ) مهما بررت وبرر لك طلاب العوجاء وتلاميذ الحريانية.
ولكنني اقولها لأنني فعلا احبك يا شمايل.
قولك يستاهل اكثر من السجود له من دون الخالق الاحد تعظيما وتكبيرا ، ولحد تقبيل قدميه كمان ؟
دا شنو ياخ
يعني انت جاهلة للدرجة دي بمفهوم التوحيد وللا شنو بالزبط وللا استهبال
انتو يا جماعة ما عارفين انو ( لا اله الا الله ) بتتضمن وبالضرورة صرف مثل هذه الاعمال التعظيمية لله وحده
طيب بتعملوا كدا ليه مثلا ؟
هل لاغاظة واستفزاز الذين يغارون لرب العالمين وتتمعر وجوههم لمعصيته علنا ؟
أم لهزيمة الاسلامويين وتحريك كوامن المتطرفين الارهابيين خفافيش الظلام !!!
وللا عشان السودان يتطور ويزدهر بسرعة ؟
والله بالجد الواحد يشعر بالحسرة
ناس حلوين ومتنورين زيكم يتعمدوا الترويج والدفاع عن الباطل جهارا نهارا وبدون اي فائدة اكثر من ايجاد مبررات الارهاب والتطرف
صناع التطرف وموقظوالفتن/ الخلايا النائمة
اللهم اجعل احتجاج محمود عبد العزيز على السلوك التعبدي التعظيمي( الواضح ) ازاءه سببا لهدايته ومغفرة لما تقدم من ذنبه وما تأخر . انك غفور رحيم .
واما من يدافع عن معصيتك واهلها تهوينا بمعصيتك وتطبيعا لاعمال المفسدين في الارض وتمكينا لها ، واستخفافا بحقك وحدك لا شريك لك في السجود تعظيما واجلالا لقولك تباركت وتعاليت ( لا تَسْجُدُوا لِلشَّمْسِ وَلا لِلْقَمَرِ وَاسْجُدُوا لِلَّهِ الَّذِي خَلَقَهُنَّ إِنْ كُنْتُمْ إِيَّاهُ تَعْبُدُونَ [فصلت:37] وقولك: (( وَلِلَّهِ يَسْجُدُ مَنْ فِي السَّمَوَاتِ وَالأَرْضِ )) [الرعد:15]
اولئك انت وليهم والقادر عليهم { ‏إن تعذبهم فإنهم عبادك وإن تغفر لهم فإنك أنت العزيز الحكيم‏}. _________________
وقل رب اغفر وارحم وانت خير الراحمين.

إن صحت الرواية
ماقام به هؤلاء الشباب مرفوض ديناً
الإعزاز لشخص ما ( مهما كانت مكانته ) لا يتم بقطعيات المنهي عنه صراحة
صح عن رسولنا الكريم القول ما معناه " لو كنت أمراً مخلوقاً أن يسجد لغير الله لأمرت الزوجة أن تسجد لزوجها ". السجود هنا هو سجود تعبير عن المحبة لا سجود عبادة ومع ذلك تم منعه .
في هذا الإطار تفهمت غضبة الأستاذة سومة وهى كما وصفها منتقدوها عن صدق ( رقيقة المشاعر ) ، لكن رقة المشاعر لا تعني بحال من الأحوال ( عدم الغضب ) في حال تجاوز الخطوط الحمراء . رسولنا الكريم وهو ( الأشد حياء ) وهو من وصفه خالقه العظيم بأنه " بما رحمة من الله لنت لهم " ومع ذلك كان شديد البأس عظيم الغضب إن إنتهكت حرمات الله . أتحفظ على مناداة الأستاذة سومة لشرطة النظام العام فهؤلاء الشباب في حاجة لتأهيل نفسي وديني يبين لهم خطل تصرفهم أكثر من معاقبتهم. ذلك أن هذا التصرف أرى فيه ( مستصغر شرر ) يجب التعامل معه بروح تربوية حتى لا نرى غداً من بين شبابنا ( عبدة شيطان ) أو ( عبدة مارادونا ).
لذلك أرى أن المندفعين في تبرير الظاهرة يندفعون من حيث لا يشعرون في ( التأسيس ) لما لا يمكن التكهن بنهاياته .
نتفق أيضاً مع أستاذنا محمد السنى دفع الله في قيمة الفنان الصادق وقيمة الفن الهادف
ونعبر له عن محبتنا له وتثمننا لدوره في ( توحيد الأمة )
لكنه تعبير وتثمين في حدود ما تسمح به معتقداتنا التي هى في ذات الوقت معتقدات الفنان الصادق - أو هكذا أظن -


_______________________

أبواللمين باااالغ لكين

اقترح عليهم الانضمام ل "منتخب الساجدين"

ما عليهم من حرج فقد صار السجود موضة

من الصعب انك ترجع لبوست مرتين
الى الان لم ومن خلال الفيديو المرفق تاكد واقعة السجود
حتى ولو حصلت والله اعلم ماذا يعني ساجدها بالسجدة
يعني سجد لمنو وهو مسلم بديهي بيكون سجد شكرا لله سبحانه وتعالى على حضور الحفلة
واستمتع بنعمة صوت محمود الشجي
والله اعلم بما في النفوس

اذا صح وانو سجد لمحمود كأله طرب وده طبعا من عاشر المستحيلات
واذا كان صحيح فبدل مانضيع الوقت في الصاح منو والغلطان منو
احسن نجرى نلحق اهلينا
اخوانا وابنائنا نعيد صياغة التربية
فمتتبع انو كل الموجودين شباب يعني جيل قادم اذا بيسجدوا لغير الله فمعناها سلام على السودان

يمهل ولا يهمل ...
.
.
ينتابني كثيرٌ من الحياء لمن آلت إليه سطور المداخلات وبوستات النقاش
لما تحتويه من حروف تجاوزت خطوطها (الحمراء) لتحكي لنا عن مادة جديدة
لفلسفة (قضايا) تشميز منها (النفوس) قبل الصفحات ...
.
فبالله عليكم يعني خلاص كملنا (قيام الليل) و الصلوات ونوفلها بالمساجد
لنسجد في دور الغناء والرقص ....؟؟؟
ثم نأتي ونتلاعب بالألفاظ وبلاغة اللغة لنجد لأولئك الساجدون (مبرراً)...
.
.
وعشمك يا وطن

للاخ عمر الفاروقQuote: الفن وحده من يوحد هذه الأمة
هل لك راي مخالف ؟
هل تعتقد ان الفن والفنانيين لم يقدموا شيئا للوطن ؟
هل الفنان يمكن ان يقدم فنه بدون مقابل مادي ؟
من اين ياتي مصدر رزق الفنان ؟
من وزارة الثقافة ام من التبرعات والهبات ام من الشحدة ؟
هل تجد في مداخلة الاخ السني انو هو متقف مع الذين سجدوا للفنان محمود عبدالعزيز ؟؟
ولك احتراماتي . وانا في انتظار الرد

يا سلامي يا نجوان احييك والله في كل كلمه قلتيها .
يا اخي الناس ليه فسروا انهم سجدوا ليه بمفهوم انه اله
دخلتوا في ضمائرهم يا اخي ؟؟؟!!!
والله انا مرات بندهش للحساسيه المفرطه دي
الناس ديل سجدوا تعبيرا عن حبهم لفنه
دخل الالوهيه هنا شنو؟؟؟!!!!
طيب رايكم شنو في الاغنيه البقول فيها عثمان الشفيع
يا اله فني هاك قول عني
بهدي ليك اسمي
واجمل فنون مني

انتوا فضلتوا للجماعه المسحو الاغاني شنو ؟؟؟

دوما سلامات

Quote: والله انا مرات بندهش للحساسيه المفرطه دي

هذه ليست حساسية مفرطة

هذه جلافة مفرطة مدعومة بشرطة امن المجتمع ..


هؤلاء هم من اعدموا الاستاذ محمود بالامس وحاكموا لبنى على بنطلونها وجلدوا محمود عبد العزيز نفسه




هؤلاء هم تربية الهوس الديني والعنف وثقافة االقبح .

أتذكر جيدا" حفلة للأستاذ أبوعركي البخيت بجامعة كردفان من أجمل الحفلات التي حضرتها لعركي وفيها قام طالب من الجامعة وهو في حالة شبه غياب عن الوعي بالسجود لأبوعركي .. قام زملائه برفعه وواصل أبو عركي غنائه عااااااااااااادي زي الزبادي

تصرف محمود أكثر من عقلاني وأحييه على ذلك




-------------------------------------------------------------------------------------------

Quote: أين شرطة امن المجتمع ؟؟؟

Quote: هذه ليست حساسية مفرطة هذه جلافة مفرطة مدعومة بشرطة امن المجتمع .. هؤلاء هم من اعدموا الاستاذ محمود بالامس وحاكموا لبنى على بنطلونها وجلدوا محمود عبد العزيز نفسه هؤلاء هم تربية الهوس الديني والعنف وثقافة االقبح .

ليه كدا يا أستاذ عادل عبد العاطي يا ( ليبرالي )
أين توقيرك للرأى المخالف ؟؟
أين نموذج ( التربية الليبرالية ) التي هى الترياق المضاد لـ ( تربية الهوس الديني ) ؟؟؟

بالمناسبة

ليبرالي يعني شنو ؟؟؟

تعرف يا عادل أن أفكار الأستاذ محمود محمد طه الدينية في ظني ليست صحيحة
ومواقفه السياسية خصوصاً مواقفه من نظام مايو لم تكن كذلك صحيحة وقد دفع حياته ثمناً لتقديراته السياسية الخاطئة.
لكن ما يوجب إحترامي للأستاذ محمود محمد طه أنه شخص عاش ما يؤمن به من أفكار في نفسه ومن ثم دعا الناس إليها .
لذلك يتوجب على من يحتفون به بمناسبة وبدون مناسبة أن يتأملوا نموذجه ويحاولون تطبيقه فذاك في ظني يكون الإحتفاء الصحيح به .

استاذنا عاطف عمر
تحية واحترام

Quote: ليه كدا يا أستاذ عادل عبد العاطي يا ( ليبرالي ) أين توقيرك للرأى المخالف ؟؟ أين نموذج ( التربية الليبرالية ) التي هى الترياق المضاد لـ ( تربية الهوس الديني ) ؟؟؟

كيف التوقير للرأي العايزو يقهر الناس بي شرطة أمن المجتمع ؟؟
شرطة امن المجتمع دي اهي اكثر مؤسسة فاسدة وتمارس الافساد واستغلال الناس وارهاب الفتيات وابتزازهن يا شيخنا
يجب ان تحل تماما وليس ان تدعي لضرب الناس كما تم في هذا البوست .

Quote: بالمناسبة ليبرالي يعني شنو ؟؟؟

ليبرالي يعني زول مؤمن بالحريات العامة والخاصة
لو في زول سجد لي زول لا يدقو لا يسجنو .. يورهو يعرفو ممكن لكن دق لا

Quote: تعرف يا عادل أن أفكار الأستاذ محمود محمد طه الدينية في ظني ليست صحيحة ومواقفه السياسية خصوصاً مواقفه من نظام مايو لم تكن كذلك صحيحة وقد دفع حياته ثمناً لتقديراته السياسية الخاطئة. لكن ما يوجب إحترامي للأستاذ محمود محمد طه أنه شخص عاش ما يؤمن به من أفكار في نفسه ومن ثم دعا الناس إليها . لذلك يتوجب على من يحتفون به بمناسبة وبدون مناسبة أن يتأملوا نموذجه ويحاولون تطبيقه فذاك في ظني يكون الإحتفاء الصحيح به

أنا ايضا احمل نفس الرأي ..

غني عن الذكر يا استاذي العزيز انني بمداخلتي اقصد الكيزان والمتكوزنين ممن يستخدموا شرطة امن المجتمع لاخضاع الناس وارهابهم واذلالهم
ولا اقصد اي مداخلات رافضة لسلوك هؤلاء الشباب - ان تم - ولكنها لم تدعم لتكفيرهم او ضربهم او سجنهم او استخدام الشرطة ضدهم .

Quote: يا خالة اتخيلي انك بتغني و مندمجة زي محمد ميرغني كدا و فتحتي عيونك و لقيتي فجأة حاجة بتعافر تحت قدميك! ما يا جريتي يا شلتي .. ده كان ما فلقتي بالعود ولا المايك :)

لوول والله المعافره التحت الكرعين بتجيب الضرب بالعود يا ولدي
هو الزول عافره في كرعينه ؟؟؟

عارف يا عادل عبد العاطي ... حتى لو نجحنا في إسقاط المؤتمر الوطني كان في انتخابات أو غيره، حنحتاج لعشرين سنة تانية عشان ننظف أدمغة جيل كامل من الشباب والأطفال من مخلفات هذه الحيكومة من هلاوس وهوس، ويعود الشعب السوداني شعب مُتحضر راقي وعميق، يوزن الأمور بموازينها التي تستحق.

Quote: عارف يا عادل عبد العاطي ... حتى لو نجحنا في إسقاط المؤتمر الوطني كان في انتخابات أو غيره، حنحتاج لعشرين سنة تانية عشان ننظف أدمغة جيل كامل من الشباب والأطفال من مخلفات هذه الحيكومة من هلاوس وهوس، ويعود الشعب السوداني شعب مُتحضر راقي وعميق، يوزن الأمور بموازينها التي تستحق.

كلام سليم ؛ فقط دع التشاؤم

المؤتمر الوطني سيُسقط وحتحتاج البلد لسنين أقل لخروج الهوس الانقاذي وثقافة القبح والعنف والضرب والهوس ؛ فالحس البشري والفطرة السليمة غالبة وفقط تحتاج الى جو نقي ...

تحياتى يا دومه
هههههههههه

محمد السنى دفع الله
ياخى ما تفلسف الامور الشباب ديل غلطو فى اشياء كثيره
بس انا بحسب انهم فى حالة الا وعى من جراء حلاوة
الاغنية اياها وليس على السكران حرج ....

اما كونك تقول فى اروبا والدول المتقدمه ده حنك بيش يا استاذ

Quote: ما عرفنا نعمل شنو ! لو طلع باس الفنان يقولو ليك باسوليه ! لو حضن الفنان يقولوا ليك حضنو ليه ! لوضماهو ليهو يقولوا ليك عصرو ليه يا جماعة ما عصرتو علينا كتير ماهو يا في فن ولا لا التعبير ده بياخد اشكال كتيرة ومتنوعة هل اذا قلت لي بت انا بعبدك بكون بنيت ليها معبد في جوه الروح وكفرت بي الألهه ولو واحد سجد قدام مسرح للفنان خلاص قدم فروض العبادة الشيطانيةوطلع من الملة اولا المسرح دايما ارتفاعوا اعلى وتصبح الحركة فاقدة لقيمتها الدلالية بمعنى حركة السجود لاتصبح سجود وانما انحناءة فهل تدخل في باب العبادة

ما عرفت تعمل شنو .... واظنك عمرك ماريح تعرف تعمل شنو لو ياهو ده تفكيرك

يا وليد سلام
يا أخي هو رأي أرجو أن لا تتجاوزه الى قائله.
عشمي أن تخفف من خطابك و لك جزيل الشكر.

في ناس بتعتقد إنه المحبة الزائدة
و الكلام الكتير عن الراحل مصطفى
هو نوع من تأليه البشر و حين كتب الزميل هشام آدم
ذات مرة ما يعني أن المنبر كعبة لها آلهتها
كرعينو ما مرقنو!..
جيتوا الليلة تقولوا للناس العبروا بالسجود ديل (عادي)
و حصل خير و فن و إعجاب؟
ليه بننتقد ناس سيد و سيدو؟
.. هو التأليه ده كيفنو يا أخوانا؟؟
إنتوا مكيالكم كيف و كم لأنه غلبنا عديل يعلم الله!


---------
ان شاء الله يكون الكلام ده ما حصل و لو حصل بقول الف مبروك
يا حوت نلت تقدير الكثيرين/ات.

Quote: في ناس بتعتقد إنه المحبة الزائدة و الكلام الكتير عن الراحل مصطفى هو نوع من تأليه البشر و حين كتب الزميل هشام آدم ذات مرة ما يعني أن المنبر كعبة لها آلهتها كرعينو ما مرقنو!

انا definitely يا سعد الدين ولدي ما بكون من الناس ديل . غالبا في الاشياء البتخص ربنا بخلي الحكم له هو وحده فهو اعلم مني بالنوايا

Quote: يستحق اكثر واكثر واكثر....

نسال الله السلامة والعافية وحسن الختام

زمان
قبل قبل الفضائيات
السودانيين ما كانوا بيعرفوا السجود فى الملاعب
دخلت العادة الان
وهى مش بطالة وطالما هى شكر لله
وبالمناسبة
فى ناس بجهل عملت حركت الصليب بيحاكوا الاوربيين
طبعا الناس ضحكت فيهم وما كرروها تانى
المهم
محمود عبد العزيز فنان الشباب
وحتى منهم الكثيرين متاثرين حتى بطريقة حلاقتو
لحدى هنا دى مامشكلة
لكن إذا سكتنا على حكاية السجود دى
وظهرت فى اليوتوب مثلا
ح يتاثر بيها بقية الشباب وتبقى عادة
وهنا يكون الخلل
كدا كويس؟

يا نجوان
كلمة شركيات دى شايفها ما عاجباك
وكذلك جملة (الغناء حلال ما لم يخالطه حرام)
احسن ليك تسمعيها مننا احنا الناس العاديين ديل
ولو جوك المتشددين هنا
ح يقولوا ليك الاستماع للغناء ذاتو حرام
نحنا بندافع عن الغناء
ما عايزين نتحرم منو بسبب الناس اللى بيسيئوا ليه
من الجانبين
المتشدد
والمفرط
انأ عملت بوست قبل كدا
فى الربع الحالى بدافع فيه عن الغناء والموسيقى
تحت عنوان (الغناء حلال ما لم يخالطه حرام) ممكن تتطلعى عليه لو عايزة.
اما الجانب المفرط
زى الجماعة اللى بيسجدوا للمغنيين ديل
وناس الليالى الحمراء اللى فيها خمر و اختلاط بالتبرج والخلاعة والغناء الهابط (راجل المرا حلو حلا) والرقيص البشع اياهو
واكرر ليك
السجود لغير الله
مهما كانت الدواعى ليه فهو شرك بالاحمركمان
مع خالص تقديرى

يا شمائل...


بتصدقيني لو قلتا ليك اني لمن قريت مداخلتك(يستحق اكثر واكثر) ما فهمتا اكتر من انك معجبة بيه وانك فهمتي تصرف الشباب ديل انو ما اكتر من طريقة اعجاب ما مقصود بيها اي نوع من انواع العبادة,,

لمن قريت لي كم مداخلة بعدك زعلني فهم الناس الغلط..لانو منطق الاشياء بيقول انو بي وعيك ما ممكن تدخلي نفسي في حتة ضيقة زي دي..
كتابتك كانت تلقائية توضح مدي اعجابك بمحمود..
ودي مشكلة الكتابة هنا..الناس ما بيعرفوا انو نية الكاتب شنو في لحظة الكتابة..


محمود فناااااااااان وفنان شديد

Quote: انا definitely يا سعد الدين ولدي ما بكون من الناس ديل . غالبا في الاشياء البتخص ربنا بخلي الحكم له هو وحده فهو اعلم مني بالنوايا

ده فهم جميل يا خالة.. تبقى المشكلة وين؟
لما نرجع في تاريخنا بنلقى السجود للبشر ليه حضور قوي
امتد أثره و يمارسه البعض مع ناس (سيدي) أو رموز الطائفية كما قالت الأخت نجوان. و قيل أن الخليفة عبدالله في بحثه عن المهدي المنتظر جاء الى الزبير باشا و حين رآه (أغشي عليه) كذا مرة و حين (افاق) أخبر الزبير بأنه المهدي المنتظر و قد رآه في منامه و قيل أن الزبير أمر بجلده و جعله سايسا لخيوله ثم عفى عنه.

Quote: كان هذا التعايشي كما يذكر الدكتور شلبي تواقا إلى النفوذ والسلطة وقد بذل والده عناية خاصة في تعليم أبنائه ولكنه وجد عناء معه إذ اشتهر بانصرافه عن علوم الدين وحفظ القرآن فكان أن انشغل بهذا النوع من المغامرات والبطولات فانضم للرزيقات في حربهم مع الزبير رحمة باشا ووقع أسيرا في يديه فأمر بقتله لولا أن تشفع فيه الفقهاء ورجال الدين فأن أرسل إلى الزبير باشا رحمة أنه حلم حلما رأى فيه أنه المهدي المنتظر وأنه أي عبد الله التعايشي سيكون وزيره فزجره الرجل وأمره بألا يعود إلى هذا الدجل الرخيص!!. ثم ذهب إلى الشيخ محمد شريف نور الدائم شيخ الطريقة السمانية وقال له: أنت المهدي المنتظر! أي أن الرجل كان يبحث عن مهدي منتظر ليكون مستشاره ووزيره (ووصيه ووارثه من بعده!!) وقد رفض الشيخ محمد شريف هذه اللعبة ثم قال له: إن كنت تبحث عمن يقول ذلك فعليك بتلميذي السابق محمد أحمد الذي كان في ذلك الوقت يقيم قبة على قبر شيخه القرشي وكان الشيخ القرشي قد أعلن أن من يختن أولاده ويبني قبة على ضريحه سيكون هو المهدي وبينما هو على هذا الحال إذ وفد عليه التعايشي وخر ساجدا بين قدميه يتمرغ ويبكي وحين سأله محمد أحمد عن سبب ذلك قال: كان لي أب صالح من أهل الكشف وقد أخبرني قبل وفاتي أنني سأقابل المهدي وأكون وزيره فلما حضرت إليك رأيت فيك العلامات التي أخبرني بها والدي فابتهج قلبي لرؤية مهدي الله وخليفة رسوله.

http://www.annabaa.org/nbanews/69/217.htm

Quote: التحية للجميع العزيزة سوما غايتو علي طول عهدي بيك ما سمعت منك او قريت ليك الا كل خير، بس الليلة كلامك عن محمود دا ما بشبهك انت الزولة الحنينة الاصيلة و الشاعرة الرقيقة المحبة للبلد و اهله، المنتمية لقبيلة المبدعين هو اصلا محمود اتصرف تصرف يعجز عنه قيادات مجتمع و ادعياء تدين يقدسهم البسطاء يتبركون بوقع اقدامهم و يشربون ماء وضوءهم.. ليه نرجم بغيب انه لم يكن في وعية و هو الذي تصرف بوعي و مسؤولية كبيرتين ؟؟؟

العزيز نصار
صبحك الله بخيره الكثير
الحمد لله الذى حبانابفضله ونعمه
والشكر ليك مطبوق على ماوصفتنى به من التزام وخلق
الفضل يرجع لاهلنا الرضعنا من حكرهم الفضائل
بعتذر ليك قبل ما ارد على جزئيه محددة
كلنا بشر وكلنا معرضين للانفعال
لنا معجبين نحبهم ونقدرهم فى شتى ضروب الابداع
من فرط حبنا لهم ممكن ان نعبر كما يحلو لناوليس كما يجرح مشاعر من نحب
او ان لا نتجاوز الخطوط الحمراء ونعرض انفسنا للمحاسبة
محاسبة الضمير اولا
نرجع لما يختص بالاخ الفنان محمود
اسلفت وكررت لم اقصد تجريحه ولم اقصد الاساءة له
ارجع بك للذاكره قبل عدة شهور
وفى هذا المنتدى تحديدا نزلت صورة
للاخ محمود لا تليق بفنان
كنت من ضمن اول المستنكرين لما حدث ويحدث لا اى مبدع من مبدعي بلادى
لو راجعت مداخلتى للاخ السني بتفهم قصدى
قصدت يا اخى نصار انه رغم كل شىء محمود عرف يردعهم
لك وللاخ محمود العتبى مره اخرى
واتمنى له مزيدا من النجاحات وبعيدا عن هذا الدرب
الذى يقود للهلاك اكثر من الشهرة
تقديرى ومعزتى

Quote: يا شمائل... بتصدقيني لو قلتا ليك اني لمن قريت مداخلتك(يستحق اكثر واكثر) ما فهمتا اكتر من انك معجبة بيه وانك فهمتي تصرف الشباب ديل انو ما اكتر من طريقة اعجاب ما مقصود بيها اي نوع من انواع العبادة,, لمن قريت لي كم مداخلة بعدك زعلني فهم الناس الغلط..لانو منطق الاشياء بيقول انو بي وعيك ما ممكن تدخلي نفسي في حتة ضيقة زي دي.. كتابتك كانت تلقائية توضح مدي اعجابك بمحمود.. ودي مشكلة الكتابة هنا..الناس ما بيعرفوا انو نية الكاتب شنو في لحظة الكتابة.. محمود فناااااااااان وفنان شديد

ينصر دينكـ يا أبو الأسرار ،، كارثتنا هنا الفهم الحرفي ، ربنا يوسع مدارك الفهم


تحياتي

الاخوه والاخوات المتداخلين جمعا
كما اسلفنا من قبل اننا قصدنا من البوست استنكار الظاهرة التي يمكن ان تقود هولاء الشباب الي مهالك كثيره
لا يعلم مداها الا الله وما ينعكس من ذلك علي مجتمعنا السوداني وشبابه ان يصحبو مقلدين ومفتونين بافكار عيده في المقام الاول عن الاسلام
والمسلمن وبعيده عن مجتمعنا السوداني المحافظ علي قيمه وتقاليده السمحه
كثير من المشاكل والأحداث تحصل في مجتمعنا العربي وأشكال وألوان البدع كل يوم تطلع لنا
في البداية لانصدق أنها موجودة بيننالكن لاتلبث أن تنتشر بيننا بسرعة
إما عن طريق الكلمات الغريبةأو المظاهر والإستايلات المقززة

والتي قد يفعلها البعض بجهل منهم بأصلها ومعناها ولكن يبقي دورنا في التوعيه مهم جدا
ونشكر للفنان محمود تقديره للموقف الذي حدث امامه فهو موقف يحسب له.

Quote: الأستاذه الشاعره أسماء سلام وإحترام هل حقيفه إنتى بتطالبى بالجلد ؟؟؟؟؟؟

الحبيبة اقبال المرضى
تحية وتقدير وشكرا على المداخلة
اولا يا ستى صدقينى اكره سياسة العنف
اما فيما يتعلق بسياسة الجلد الانتى مستغربة بمطالبتى بيها ..
احب اقول ليك..
انه الجلد امر به فى الشرع الاسلامى لبعض العقوبات
ليس هناك خيار للمطالبة او الرفض
وانا هنا مداخلتى ليس بواعظ دينى او جلاد
انا بشر مثلى مثلكم جميعا اتأثر لما حولى واستنكر الاشياء الشاذة وغريبة
فقط ردة فعل لتصرف غير لائق على الاطلاق
والشىء المؤلم بعض المداخلات البتحسسك انه الدنيا ماشة مقلوبة
لو ابنك فى البيت غلط بتعاقبيه بالجلد احياننا
لكي يستقيم ويتعلم الصاح من الخطأ
هل معناه انه ما بنحب فلذات اكبادنا لمجرد اننا عقابناهم بالجلد مثلا ؟
انا هنا قصدت تأديبهم من ظاهرة غريبه على مجتمعنا
بوس وتقبيل الايادى فيه بدعه
فما بالك من تقبيل الارجل
بصراحة شىء غير لائق على الاطلاق ولا يعبر عن الاعجاب بشىء
وبينى وبينك فى شباب طالع بتقليعات غريبة على مجتمعنا تقشعر لها الابدان
آسفة على الاطالة يا حبيبة
واشكرك مجدا واعتذر مره اخرى ان خيبت ظن بعض الناس

Quote: لمن قريت لي كم مداخلة بعدك زعلني فهم الناس الغلط..لانو منطق الاشياء بيقول انو بي وعيك ما ممكن تدخلي نفسي في حتة ضيقة زي دي.. كتابتك كانت تلقائية توضح مدي اعجابك بمحمود..

شمائل النور
ما استغرب له كل الناس اللذين يكتبون في سودانيز اون لاين سودانيين
يعني اللهجة ماهي غريبة لبعض
والناس دي لو كان وسطهم سوريين ولبنانيين وبنغلاديشيين وهنود
الضرب كان حصل يعني
الواحد تقولي ليه شرق يقول ليك غرب
ياجماعة نحن سودانيين وما عرفنا به خارج بلدنا السماحة والطيبه
اتمنى الناس دايما تاخد الجانب الايجابي في البشر وتحسن الظن في بعض
ولو شفتي الناس الوسطنا ديل والله لو حصل ليك حاجة الناس دي كلها تسكلب وتبكي
وتحزن لحزنك وتبكي لبكاك الحنية مطبوعة فيهم لكن الحاصل في فهم بعض المداخلات شنو ماتعرفي
ربنا يصلح الحال ...







----------------------
ياجماعة محمد عبد العزيز نسخة من الفنان الراحل المقيم خضر بشير لذلك يقول انا اطرب نفسي اولا حتى بعد ذلك يطرب الجمهور (محمود الفنان الظاهرة )
محمود راجل طيب وفوق ذلك حنيين مثلكم ..ويستاهل قدر من الاعلام وما اتمناه هو ان يعرف قدر نفسة حتى يمشي في الطريق المستقم ..

,,,,,,,,,,,,,

Quote: في هذا الإطار تفهمت غضبة الأستاذة سومة وهى كما وصفها منتقدوها عن صدق ( رقيقة المشاعر ) ، لكن رقة المشاعر لا تعني بحال من الأحوال ( عدم الغضب ) في حال تجاوز الخطوط الحمراء . رسولنا الكريم وهو ( الأشد حياء ) وهو من وصفه خالقه العظيم بأنه " بما رحمة من الله لنت لهم " ومع ذلك كان شديد البأس عظيم الغضب إن إنتهكت حرمات الله .

العزيز عاطف عمر
سلام واحترام يا كريم
شكرا للاحساس الجميل والثقة التى عبأت رئتاى شعور بالراحة
ربى يملاك عافية ان شاء الله

Quote: أتحفظ على مناداة الأستاذة سومة لشرطة النظام العام فهؤلاء الشباب في حاجة لتأهيل نفسي وديني يبين لهم خطل تصرفهم أكثر من معاقبتهم. ذلك أن هذا التصرف أرى فيه ( مستصغر شرر ) يجب التعامل معه بروح تربوية حتى لا نرى غداً من بين شبابنا ( عبدة شيطان ) أو ( عبدة مارادونا ).

اتفق معك تماما
بالضبط هذا ما قصدت
ربما خاننى التعبير
انا قصدت تربيتهم وتوعيتهم للخطأ الفادح ليس الا
وأكدت هذا من خلال كلامى انه ممكن احد الحضور يقوم بذلك
اكرر اعتذارى
وعميق شكرى لك اخى الكريم

غايتو انا لو لاقيت بيونسي (beyonce) دي بركع ليها وبسجد ليها وابوس يديها ورجليها وأصلي ليها عديل كدا ..

عادل عبد العاطي
ياخ دي تخلّيك تبقى صوفي زاتو. لكن ما بالغتَ معاي .. كده دخلت معاي في الديانة البيونسية :)

سلام يا هشام

Quote: ياخ دي تخلّيك تبقى صوفي زاتو. لكن ما بالغتَ معاي .. كده دخلت معاي في الديانة البيونسية :)

صاحبنا شهاب كرار كان حايم بيعمل دعاية لي ديانة وحش الاسباغتي الطائر

أماليا بتي قالت لي دي ديانة تمام ؛ تأكل الإله بتاعك وستفسفو ولا ذنب لك .

طبعا رفضت دعوة شهاب وتشجيع اماليا - الجنها بيتزا واسباغتي - وأفضل الديانة البيونسية الجميلة الراقية وفينوس القرن الواحد وعشرين بيونسي ..

يا اخي موش احسن بدل تبوس يد الميرغني ولا الصادق تبوس رجل بيونسي دي ؟؟
http://www.beyonceonline.com

عادل عبدالعاطي
يا اخووي انت اليومين ديل مالك
امبارح منى امارشا
والليلة بيونسي
بيونسي دي قبال ماتبدا فيها اي طقس ركبك بتسيح

تقول لي ركعوا لحودة يا ناس الله احنا كما متنا شقينا المقابر

حافظ كنجال يا صديق

Quote: يا اخووي انت اليومين ديل مالك امبارح منى امارشا والليلة بيونسي بيونسي دي قبال ماتبدا فيها اي طقس ركبك بتسيح

ههههههه
يا اخي قالو ان الله جميل يحب الجمال


والشاعر قال:
انا ما بقطف زهور خدودك
بس بعاين ... بعيوني ....

ليك التحايا يا بكاي

Quote: بس بعاين ... بعيوني ....

أها يا عادل عبد العاطي ...
ده الطقس الوحيد الممكن يكون في حضرة الإلهة دي
هي بس ترزقنا متعة النظر إلى وجهها الجميل الباقي
كلّو هيّن ..... غايتو ما عافي منك؛ قلبي وجعني

ههههه ؛ هشام الاتاريك ممكون ونحنا ما عارفين

Quote: أها يا عادل عبد العاطي ... ده الطقس الوحيد الممكن يكون في حضرة الإلهة دي هي بس ترزقنا متعة النظر إلى وجهها الجميل الباقي كلّو هيّن ..... غايتو ما عافي منك؛ قلبي وجعني

يا اخي الإلهة بيونسي دي روضت النمر ذاتو قعد جنبها زيو وزي أي كديس
قال نعاين بس قال .. نحنا بتاعين بوس رجلين عديل وصلاة بي تهجدا كمان؛ بس كيف نلم في رجليها ..



بالمناسبة لمن كنت في القاهرة جات غنت في واحدة من المدن السياحية جنب البحر - شرم عالم ولا حاجة كدا - بس ما حصلتها
عرفت في اليوم التاني للحفلة .. تتخيل .. بس بلم فيها

Quote: قال نعاين بس قال .. نحنا بتاعين بوس رجلين عديل وصلاة بي تهجدا كمان؛ بس كيف نلم في رجليها ..

أهاااااا يا عادل، كدا اختلفنا، واختلاف أمتا رحمة طبعا! :) غايتو كان نبقى طوائف وشِيع ما مشكلة {الطريق ما بيبقى ساهل ليك بالمعنى المكاني} وحفلة إلهتنا دي يا زول كانت في بورت غالب .. كنتَ متابع أخبار الحفلة دي طبعاً ويا ريت نلم في إعادة بث ليها من قبل العباد المُخلَصين.

Quote: هشام الاتاريك ممكون ونحنا ما عارفين

ممكون الساهلة دي؟ وبعدين يا أخي في بيونسي، صاحبك شهاب كرار ده من ألد أعداء المرأة من يوم شنق الرفيق رضا، لو صبرتَ لي بجيب ليك الرابط بتاع الموضوع ده ههههههههه




++

Quote: والشاعر قال: انا ما بقطف زهور خدودك بس بعاين ... بعيوني .... ليك التحايا يا بكاي

عادل ازيك
هسه بينى ما بينك كدةالبكاي منو عليك الله؟
لووول ضحكتنى شديد والله

سوما سلامات

مشتاقين ليك كتير

Quote: عادل ازيك هسه بينى ما بينك كدةالبكاي منو عليك الله؟ لووول ضحكتنى شديد والله

ههههه ؛ هو بكاي شديد وممكون
انا من الجهة التانية ما بكاي








أنا البكاء ذاتو (وجه ضاحك)

ان شاء الله ايامك كلها تكون ضحك وابتسام .


تحياتي للعائلة الكريمة ..

شكرا يا سومة للإهتمام بالرد
ولتقبّل النقد بكل سماحة
تسلمي يا ستي..

Quote: همسة للجميع هل يجب على كل مبدع، كاتب ، فنان أو شاعران يحسب الخطوة والكلمه مليون مرة لكى يدلو بدلوه..؟ ام ينتظر مكتوف الايدى الى ان يقرا جميع المداخلات والاراء ثم يأتى للتأييد ايا كانت وجهة نظره محتلفة ؟

أجيب على سؤالك الأول بالإيجاب..
لأن الكلمة مسؤولية.. خصوصا حين تخرج من شفاه المبدعين..
فهم رموز النهضة ومصدر الإلهام، خصوصا للشعوب المأزومة والمحبطة في قياداتها مثلنا..
واجيب على الثاني بالنفي، لانه ان صمتت اصوات مبدعينا فواطاطتنا -ببساطة- اصبحت ..

_____
في شأن الجلد
غض النظر عن نوع التصرف،
المطالبة بالجلد قبل الحوار والتفاهم هي منزلق تربوي وإجتماعي خطير جدا..
لا تخفى تداعياته على احد.. من عنف مضاد، تزمّت، وعدم تقبّل للآخر..
هذا غير الإنفلات الأمني، لو مثلا ضيوف الحفل -موضوع البوست- تولوا مقاليد الأمور تجاه الشباب..

وما رحى الحروب التي يعاني منها العالم إلا نتيجة للممارسة المنهجية لسياسة "تأديب" الآخر وقمعه
دون السماع لوجهة نظره.. او محاولة إقناعه.. (هذا ان كان لنا الحق في محاولة إحداث تغيير في الآخر)

نجوان الراقية تحياتي

Quote: المطالبة بالجلد قبل الحوار والتفاهم هي منزلق تربوي وإجتماعي خطير جدا..

الجلد عقوبة وحشية اصلا وفي هذه المواضيع جلافة وانتهاك لحق الاخر في التعبير وظلم وتعسف وتوحش

اصلا ما مفروض يكون في مطالبة بالجلد لا قبل الحوار ولا بعده .

Quote: شكرا يا سومة للإهتمام بالرد ولتقبّل النقد بكل سماحة تسلمي يا ستي..

نجوان يا حبيبة شكرا ليك انتى والله
لزمنك واهتمامك
ما حتصدقى لو قلت ليك بتابع النقد يا نجوان مش عشان انفعل واتضايق بالعكس
مستعدة اعتذر فى الدقيقة مليون مرة ..
اهم شىء النقد يكون بناء عشان نتعلم ونستفيد كلنا
والاهم لغة الحوار ترقى الى المستوى المطلوب
وتانى وحاتك المحبة موكرة حد النخاع لجميع
شكرا يا راقية ونلتقى فى دروب المعرفة دوما

Quote: أجيب على سؤالك الأول بالإيجاب.. لأن الكلمة مسؤولية.. خصوصا حين تخرج من شفاه المبدعين.. فهم رموز النهضة ومصدر الإلهام، خصوصا للشعوب المأزومة والمحبطة في قياداتها مثلنا.. واجيب على الثاني بالنفي، لانه ان صمتت اصوات مبدعينا فواطاطتنا -ببساطة- اصبحت .

.

تسلمى يا نجوان على كل الاريحية
ان شاء الله واطاتنا تصبح على الامل والخير والفال الحسن
شكرا بعمق الراحة الزرعتيها ياحبيبة

Quote: الانقاذ انشاء الله تطير في السماء عشان نقدر نطلّع راسنا من التراب ونواجه امورنا بصدق ونسمع اراء بعض بدون تعيير بولاءات وانتماءات أخشى اننا -في سعينا اللاهث وراء تعليق اي مصيبة على شماعة الانقاذ- يوم نتكفي علي وشنا!!! ويبقى -حينها- هنيئا للانقاذ تضييعنا دنيا واخرة!!! الدين دة هو (ملك حر) لحكومة الانقاذ؟؟ أيوة لانه نحن الملكناها ليه بكااااامل ارادتنا بالشكل دة من النقاش!!!

أخت Shayma
آمين يا رب إن شاء الله الإنقاذ تطير ما ترك.
بس قولي لي كيف الناس تطلع راسها من التراب وتواجه أمورها بصدق إذا ما واجهت النظام الحاكم بكل الوسائل وبينت إنو المصائب المتتالية على الوطن ومن بينها مثل هذه الإفرازات الإجتماعية السالبة هي نتاج عقلية القهر وانعدام الحكم الرشيد، وإنو الشباب من حقهم يتمتعوا بالحريات الأساسية محتاجين لإتاحة الفرص المتساوية والعادلة أمامهم في التنشئة وفرص الدراسة والعمل والإبتكار، وحرية الفكر والسلوك في إطار قوانين وأنظمة عادلة، عشان فكرهم ما يكون قهري وبالتالي سلوكهم ما يكون رد فعل عنيف لمحاولات القهر الحاصلة في البلد.

هذا هو فهمي المتواضع لمثل هذه السلوكيات، إنها نتاج لعقلية القهر، وهي رد فعل متمرد في مواجهة القهر المتبنيهو النظام كايدولوجية. والعلاج بيكون بالمطالبة بالحريات والحكم الرشيد كأساس لمجتمع سوي، ومن الطبيعي أن تقود مناقشة مثل هذه الظواهر للتطرق لمسبباتها فهل نلام لو كان النظام وجود النظام الحاكم هو السبب؟ أم نحن مطالبين أن نصمت وندفن رؤسنا في الرمال ونقول أي كلام آخر يخفف من هذه الظواهر ولا يعالجها من الأساس لنواجه في كل صباح بظاهرة جديدة وندور في نفس الدائرة؟.

يجب أن لا نمل من إنتقاد الإنقاذ لو كانت هي السبب فلن يستقيم الظل والعود أعوج.

من حكمة الله ورحمته علينا انه جعل بننا ناس ملحدين
ذلك لكى نعرف اهمية الدين
الذى هو مجموعة القيم التى تفرق
بين الانسان والحيوان
فعندما يفقد الانسان هذه القيم
يكون هو والحيوان العادى فى مرتبة واحدة
الحمد لله الذى انعم علينا
بنعمة الاسلام
وَلَقَدْ ذَرَأْنَا لِجَهَنَّمَ كَثِيراً مِّنَ الْجِنِّ وَالإِنسِ لَهُمْ قُلُوبٌ
لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ
بِهَا أُوْلَـئِكَ كَالأَنْعَامِ بَلْ هُمْ أَضَلُّ أُوْلَـئِكَ هُمُ الْغَافِلُونَ {179}...الاعراف

أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ إِنْ هُمْ إِلَّا
كَالْأَنْعَامِ بَلْ هُمْ أَضَلُّ سَبِيلاً {44}...الفرقان

على فكرة يا محمد النيل
شايفك بتستخدم الآية بتاعت الأنعام دي كتير جداً
بس معلومة كده يمكن تبطّل ترديد ما لا تعيه {الحيوانات تعقل وتسمع وترى}
شوف ليك آية تانية غير دي

Quote: مجانية التجريم و محاكمة الآخرين حتجيب أجلنا قريب ...

تلخيص بليغ من الكريمة عزاز شامي .

نجوان.

..you got me ...
لكن انا لسه مصرة ان الفنان (او المبدع) بنى ادم...ما تحملوه فوق طاقته. ما عشان بحب غناء محمد الامين (او غيره) مفروض يبقى لى (او لغيرى) قدوة. حكاية الفنان قدوة و الهام دى قدر ما افكر فيها ...غلبنى اقتنع كلو ...كلو.

عادل عبد العاطى

Quote: غايتو انا لو لاقيت بيونسي (beyonce) دي بركع ليها وبسجد ليها وابوس يديها ورجليها وأصلي ليها عديل كدا ..

عاجبك غناها ام شكلها?
لو عاجبك غناها .... عندى سؤال....قاعد تركع و تبوس اى زول غناه يعجبك????
If so….hay man, there is too much kissing in your life, be careful , it is bad hygiene.

اذا كان عاجبك شكلها...اعمل حسابك برضو...يمكن الموضوع ده ما يعجبها. و تعمل ليك ذى ابو الامين.

Quote: اذا كان عاجبك شكلها...اعمل حسابك برضو...يمكن الموضوع ده ما يعجبها. و تعمل ليك ذى ابو الامين

عجبني ليك يا عبد العاطي

Quote: على فكرة يا محمد النيل شايفك بتستخدم الآية بتاعت الأنعام دي كتير جداً بس معلومة كده يمكن تبطّل ترديد ما لا تعيه {الحيوانات تعقل وتسمع وترى} شوف ليك آية تانية غير دي

وعلى فكرتين يا هشام ادم
عقل الحيوان غريزى توجهه الغرائز الكامنة فيه
عشان الغنماية تفرق بين البرسيم والبطيخ وبين الخشب والحجر
لو كان عندها عقل زى الانت بتقصدو ما كان ح تاكل هدوم الغسيل من الحبل
وكانت ح تعرف انه شجر العوير بيعمل ليها شلل
عشان كدا الزول العقلو صغير بيقولوا ليه
يا غنماية

والخلاها تفرّق بين البرسيم والبطيخ وما تفرق بين البرسيم وهدوم حبل الغسيل شنو؟

Quote: Quote: اذا كان عاجبك شكلها...اعمل حسابك برضو...يمكن الموضوع ده ما يعجبها. و تعمل ليك ذى ابو الامين عجبني ليك يا عبد العاطي

أنا برضو عجبني ليهو

سمارت انتي سلامات


كيف واحوالك ؟؟

Quote: عاجبك غناها ام شكلها? لو عاجبك غناها .... عندى سؤال....قاعد تركع و تبوس اى زول غناه يعجبك???? If so….hay man, there is too much kissing in your life, be careful , it is bad hygiene. اذا كان عاجبك شكلها...اعمل حسابك برضو...يمكن الموضوع ده ما يعجبها. و تعمل ليك ذى ابو الامين.

اسئلتك والله سمارت
لكن العاجبني فيها كلها كدا على بعضها .. غناها وشكلها وشراها للعقارات وتمثيلها وزوجها واختها واي حاجة مرتبطة بيها
بعدين ما سمعتي بالمثل السوداني البيقول - ضرب الحبيب الذ من أكل الزبيب ؟؟؟




تحياتي

Quote: أنا برضو عجبني ليهو

عالم جبانات بشكل (وجه ضاحك)



الغريبة هشام آدم دا كان مشجعني وعمل للبنت ديانة وسماها إلهة


اسا قال عاجبني ليهو ..



محن ..

Quote: الغريبة هشام آدم دا كان مشجعني وعمل للبنت ديانة وسماها إلهة اسا قال عاجبني ليهو ..

دقيقة دقيقة يا عادل ... أنحنا [أي نعم من ديانة واحدة] لكن من طائفتين مختلفتين: إنتا من طائفة بوست الأيادي والرجول وأنا من طائفة النظر وبس

Quote: دقيقة دقيقة يا عادل ... أنحنا [أي نعم من ديانة واحدة] لكن من طائفتين مختلفتين: إنتا من طائفة بوست الأيادي والرجول وأنا من طائفة النظر وبس

يعني أنا من الغلاة يا هشام ؟؟




انت الفيك اتعرفت :


عقيدتك ضعيفة بس ..

Quote: غايتو انا لو لاقيت بيونسي (beyonce) دي بركع ليها وبسجد ليها وابوس يديها ورجليها وأصلي ليها عديل كدا ..

خلاص بعد كدا نشوف ليك طريقة تغيير اسم من عبد العاطي الي عبد بيونسي..

عادل كتب

Quote: نعاين بس قال .. نحنا بتاعين بوس رجلين عدييا اخي الإلهة بيونسي دي روضت النمر ذاتو قعد جنبها زيو وزي أي كديس قال ل وصلاة بي تهجدا كمان؛ بس كيف نلم في رجليها

يازول الشلاقة العليك شنو إنت مش مرتبط واللا متزوج ماعارف البوديك تعائن
وتتمسح بجنس دي شنو? هسي لو جاك سلفي وقال ليك عشان زي نوعك دا
تم تشريع تعدد الزوجات- تقول ليهوشنو ?
غايتو الله يستر علينا من مشاكل منتصف العمر (....) وأعراض الكهولة!
............ بس زولتك تمثال لإلهة إغريقية وللا زولا من لحم ودم?
غايتو واللا دي يكون القاصدها خليل فرح:
طالعه ما بتتقابل زي لهيب النار تحرق البتهابـل والبعيد في نار
......... بس ما ظنيت ...القاصدا خليل فرح أجمل من زولتك دي بمراحل !!

كمال سلامات

Quote: يازول الشلاقة العليك شنو إنت مش مرتبط واللا متزوج ماعارف البوديك تعائن وتتمسح بجنس دي شنو? هسي لو جاك سلفي وقال ليك عشان زي نوعك دا تم تشريع تعدد الزوجات- تقول ليهوشنو ?

لا يا سيدي انا خالي من الموانع الشرعية .. تعدد زوجات ما في؛ و لو في زوجة بصبصة ما في ..

Quote: غايتو الله يستر علينا من مشاكل منتصف العمر (....) وأعراض الكهولة!

ايوه والله صعبة شديد وخصوصا لمن تكون في الدنيا واحدة زي بيونسي دي ...

Quote: بس زولتك تمثال لإلهة إغريقية وللا زولا من لحم ودم?

والله نحنا ذاتو متحيرين يبدو انو حنخش في نقاش لاهوتي حول طبيعتها زي النقاش القسم المسيحيين حول طبيعة المسيح ..

Quote: غايتو واللا دي يكون القاصدها خليل فرح: طالعه ما بتتقابل زي لهيب النار تحرق البتهابـل والبعيد في نار

يا زول زولة خليل فرح دي عجيبة خلاص كدا ووب وكدا ووبين . اها بالمناسبة دي قالوا في جماعة من الغلاة عبدوا الامام على ابن ابن ابي طالب وقالوا هو الله عديل .. قام عذبهم بالنار عشان يرجعوا من كلامهم دا .. قالوا ليه نرجع كيف بعد دا يا حبة ؟؟ وهو منو البيعذب بالنار غير الله ؟؟

Quote: بس ما ظنيت ...القاصدا خليل فرح أجمل من زولتك دي بمراحل !!

والله ما شفناها لكن اظن إلهتنا دي بيحصل ليها اعادة تجلي كل مائة سنة تتجلي فيها لعبادها في شكل جديد ؛ فممكن تكون هي نفسها ولكن في تجلي مختلف ..



قلتوا لي الناس خلو موضوع محمود عبد العزيز ومسكوا في موضوع بيونسي ؟؟


جلت قدرتها ..

Quote: خلاص بعد كدا نشوف ليك طريقة تغيير اسم من عبد العاطي الي عبد بيونسي..

الكباشي عبد العاطي اسم جدي خليهو في حالو ما اتناقش معاك ..

قالوا لمن لبيد بن ربيعة تلا أبيات معلقته وعندما وصل إلى:
جلت السيول على الطلول --- كأنها زبرٌ تجد متونها أقلامها

سجد الشاعر الظريف الحطيئة وكان فى حضرتهم عمر بن الخطاب
فقال له أتسجد لغير الله يا حطيئة؟! وفى حضرتي؟!
قال الحطيئة: يا أمير المؤمنين لكم فى القرآن سجدة ولنا فى الشعر سجدة أيضاً
فأمر بجلده

Quote: جلت قدرتها ..

Quote: الكباشي عبد العاطي اسم جدي خليهو في حالو ما اتناقش معاك ..

جدك له منا كل الاحترام والتقدير
طيب ليه تختار اسمه فى بروفيالك فى المهاترات الشركية دى؟
لو كان عارف كدا كان زعل منك
سبحان الله وكمان بتزعل ليه
تناقض غريب

وكان كعب بن إبن زهير إبن إبي سلمي قد نال جائزة فخيمة من الرسول علي
هذه القصيدة الغزلية والتي تغزل فيهاالشاعر بباقةمن مفاتن محبوبته الحسية
وكان كعب بن إبن زهير إبن إبي سلمي قد نال جائزة فخيمة من الرسول -ص -علي
هذه القصيدة الغزلية والتي تغزل فيهاالشاعر بباقةمن مفاتن محبوبته الحسية مطلع القصيدة: -
...........
بانت سعاد فقلبي اليوم متبول

متيم إثرها لم يفد مكبول

وما سعاد غداة البين إذ رحلوا

إلا أغن غضيض الطرف مكحول

هيفاء مقبلة عجزاء مدبرة
لا يشتكى قصر منها ولا طول

تجلو عوارض ذي ظلم إذا ابتسمت

كأنه منهل بالروح معلول

شجت بذي شيم من ماء محنية

صاف بأبطح أضحى وهو مشمول


تنفي الرياح القذى عنه وأفرطه

من صوب غادية بيض يعاليل

فيا لها حلة لو أنها صدقت

بوعدها أو لو إن النصح مقبول

لكنها خلة قد سيط من دمها

فجع وولع وإخلاف وتبديل

فما تدوم على حال تكون بها

كما تلون في أثوابها الغول

وما تمسك بالعهد الذي زعمت

إلا كما يمسك الماء الغرابيل

فلا يغرنك ما منت وما وعدت

إن الأماني والأحلام تضليل



كانت مواعيد عرقوب لها مثلا

وما مواعيدها إلا الأباطيل

أرجو وآمل أن تدنو مودتها

وما إخال لدينا منك تنويل
...........
http://sirah.al-islam.com/display.asp?f=rwd4167.htm

Quote: فأمر بجلده

بس كتلتها يالنذير
فعلا اسم على مسمى
السودان محتاج لعمر بن الخطاب
وليس عمر البشير
يا رب ان شاء الله يسقط ويطير

Quote: وكان كعب بن إبن زهير إبن إبي سلمي قد نال جائزة فخيمة من الرسول علي هذه القصيدة الغزلية والتي تغزل فيهاالشاعر بباقةمن مفاتن محبوبته الحسية وكان كعب بن إبن زهير إبن إبي سلمي قد نال جائزة فخيمة من الرسول -ص -علي هذه القصيدة الغزلية والتي تغزل فيهاالشاعر بباقةمن مفاتن محبوبته الحسية مطلع القصيدة: - ........... بانت سعاد فقلبي اليوم متبول متيم إثرها لم يفد مكبول وما سعاد غداة البين إذ رحلوا إلا أغن غضيض الطرف مكحول هيفاء مقبلة عجزاء مدبرة لا يشتكى قصر منها ولا طول تجلو عوارض ذي ظلم إذا ابتسمت كأنه منهل بالروح معلول شجت بذي شيم من ماء محنية صاف بأبطح أضحى وهو مشمول تنفي الرياح القذى عنه وأفرطه من صوب غادية بيض يعاليل فيا لها حلة لو أنها صدقت بوعدها أو لو إن النصح مقبول لكنها خلة قد سيط من دمها فجع وولع وإخلاف وتبديل فما تدوم على حال تكون بها كما تلون في أثوابها الغول وما تمسك بالعهد الذي زعمت إلا كما يمسك الماء الغرابيل فلا يغرنك ما منت وما وعدت إن الأماني والأحلام تضليل كانت مواعيد عرقوب لها مثلا وما مواعيدها إلا الأباطيل أرجو وآمل أن تدنو مودتها وما إخال لدينا منك تنويل

كلام صيح وسليم 100%
يا كمال عباس
سعيد جدا انو إتلاقينا فى شيئ ما
بس سجود كان مافى
تكريم الادب والفن والشعر الغزلى الجميل
يتم بالجوائز القيمة
وهذه انا اعتقد اعظم جائزة وتقدير فى تاريخ البشرية
فى قصيدة بانت سعاد اللى مدخلها غزلى
الرسول صلى الله عليه وسلم الانسان
كان يحس بالكلام الجميل ويتزوق الفن
روى شريك عن عائشة رضي الله عنها انها زُفت امرأة الى رجل من الانصار فقال النبي صلى الله عليه وسلم: يا عائشة، فهل بعثتم معها جارية تضرب بالدف وتغني، قالت عائشة: تقول ماذا؟ قال تقول:
اتيناكم اتيناكم
فحيانا وحياكم
ولولا الذهب الاحمر
ما حلت بواديكم
ولولا الحنطة السمراء
ما سمنت عذاريكم
أخرج الطبراني ورجاله ثقات، والامام احمد في مسنده عن السائب بن يزيد ان امرأة جاءت الى رسول الله صلى الله عليه وسلم، فقال: يا عائشة، اتعرفين هذه فقالت: لا يا نبي الله قال: هذه قينة بني فلان اتحبين ان تغنيك قالت: نعم. قال فاعطاها طبقاً فغنتها فقال النبي صلى الله عليه وسلم: نفخ الشيطان في منخريها- اي زين لها الغناء فاسترسلت فيه- ونسبة الغناء الى الشيطان لم تمنع من الاستماع اليه.
واستعمال الطبق في الغناء لضبط الاداء الصوتي وانعاش جو المرح والسرور.
اورد البخاري عن الربيع بنت معوذ بن عفراء قالت: جاء النبي صلى الله عليه وسلم يدخل حين بنى علىّ فجلس على فراشي كمجلسك منىّ فجعلت جويرات لنا يضربن بالدف ويندبن من قتل من آبائي يوم بدر، اذ قالت احداهن:
وفينا نبيٌ يعلمُ ما في غدِ
فقال: دعى هذه وقولي بالذي كنت تقولين.
اورد القرطبي في جامعه قال جابر رضي الله عنه: كانت الجواري من الانصار اذا نكحن كن يمررن بالمزامير والطبل اورده ابن ماجة وصحح العلماء عن انس بن مالك رضي الله عنه عن النبي صلى الله عليه وسلم مرَّ ببعض طرق المدينة فاذا هو بجواري يضربن بدفهن ويتغنين ويقلن:
نحن جواري بني النجار
يا حبذا محمداً من جار
فقال النبي صلى الله عليه وسلم:
والله يعلم اني لاحبكن

شـكرا أخ محمد النيل

Quote: كلام صيح وسليم 100% يا كمال عباس سعيد جدا انو إتلاقينا فى شيئ ما

نحن دحين مش متفقين في الديموقراطية وكمان معارضةالانقاذ ..

Quote: قام محمد الامين طوالى اداه شلوت فى وشه امام الجميع فى الحفلة

يا اسمارت
سلامات يا فردة ومشتاقين

تعرفي يا اسمارت عمك أبو اللمين دا راجل أخلاقو ضيقة ومجنتر
برضو قالوا عنو:
عندو عازف اسمو "فضل الله"
المهم مرة كدا أبو اللمين كان عايزو فى حاجة وقام ناداهو: فضُل
فضل الله ما جايب خبر
تاني ناداهو: فضُل
برضو ما جايب خبر
قام أبو اللمين زهج منو جداً وكثافتو جات، قام قال ليهو بي نهرة: يا فضل الله
قام فضل الله بي خلعة رد عليهو : أيوة أيوة يا أستاذ
قام أبو اللمين عاين ليهو كدا وقال ليهو: يا دين إنتا يعني لازم يانادوك بي اسم أبوك يعني عشان ترد وللا شنو؟!

استغفر الله العظيم

يعني هسا يا اسمارت أبو اللمين دا أحسن يسجدوا ليهو
وللا أحسن يسب دين ويتطاول على الخالق؟

الحركة دي ما عملها حباً فى الله بس لأنو بكره اسلوب الخنوع، وأي اسلوب خنوع مرفوض

كتب الأستاذ كمال عباس:

Quote: وكان كعب بن إبن زهير إبن إبي سلمي قد نال جائزة فخيمة من الرسول علي هذه القصيدة الغزلية والتي تغزل فيهاالشاعر بباقةمن مفاتن محبوبته الحسية وكان كعب بن إبن زهير إبن إبي سلمي قد نال جائزة فخيمة من الرسول -ص -علي هذه القصيدة الغزلية والتي تغزل فيهاالشاعر بباقةمن مفاتن محبوبته الحسية مطلع القصيدة: -

يا كمال سلامات

هذه القصيدة مقررة فى كتب الشهادة الثانوية فى السودان للصف الثالث
وهذا الكلام المقتبس غير صحيح:
أولاً: قد درجت شعراء الجاهلية باستهلال قصائدهم بالغزل أو الخمر، يعني شيء عادي
ثانياً: قد أهدر الرسول (ص) دم كعب بن زهير، فاعتذر له كعب بهذه القصيدة وموضوعها الأصلي
الأبيات التالية:
بانت سعاد فقلبي اليوم متبول --- متيم إثرها لم يفد مكبول

يسعى الغواة جنابيها وقولهم --- إنك يا ابن أبي سلمى لمقتول

وقال كل صديق كنت آمله --- لا ألهينك إني عنك مشغول

فقلت خلوا طريقي لا أبا لكم --- فكل ما قدر الرحمن مفعول

كل ابن أنثى وإن طالت سلامته --- يوما على آلة حدباء محمول

نبئت أن رسول الله أوعدني --- والعفو عند رسول الله مأمول

مهلا هداك الذي أعطاك نافلة --- القرآن فيها مواعيظ وتفصيل

لا تأخذني بأقوال الوشاة ولم --- أذنب ولو كثرت في الأقاويل
إلى آخر الأبيات

والله بصراحة بستغرب للناس المثقفة اللي بتشجع على اسلوب الخنوع دا
والله بصراحة شيء مخجل، الناس دي حار بيها الدليل وللا شنو؟!

ابو النيذ...وين اراضيك يا رجل?
قصة شلوت ابو اللمين دى انا متاكده منها. لكن فى قصص كتيره عنه انا حقيقة ما عارفاه جد او كلام ساى.
عندى اصحابى كان بيمشوا كل حفلاته و يقعدوا يكوركوا بين الاغانى "اب صلعة يا عسل". طبعا ما كان بيشتغل بيهم.

عادل عبد العاطى....تحياتى.
و لما تلاقى بيانسى...Enjoy الزبيب!
__________________________________

و الله سودايزاونلاين دى مبااالغة....الناس فيها قلبها بقي ميت (او بقوا مستنيرين....ذي ما عاوزين تسموها) .الموضوع بدا بناس بتقول حقوا يجلدوا الاولاد ديل و انتهى باننا بنضحك مع عادل على انه عندو الهة.
Don't get me wrong, it is a good thing. The good thing is not that Adil had a goddess, but that we don't care about that

النذير سلام :

Quote: هذه القصيدة مقررة فى كتب الشهادة الثانوية فى السودان للصف الثالث وهذا الكلام المقتبس غير صحيح: أولاً: قد درجت شعراء الجاهلية باستهلال قصائدهم بالغزل أو الخمر، يعني شيء عادي

الكلام المقتبس سليم ( ولكن قل غير دقيق لأن القصيدة لم تقتصر علي الغزل وحده ) فالقصيدة أستهلت بالغزل وكان غزلا حسيا صريحا لمحبوبة حقيقية !!
وقد أشتملت القصيدة علي الغزل/ وكيفية الوصول للحبيبة الراحلة والوسيلة المناسبة في الترحال/ ثم ختم القصيدة بالاعتذار للرسول وطلب العفو ثم مدحه وعرج بعدها علي مدح أصحابه وكان هذا الغرض الاساسي من نظم القصيدة!!
والقصيدة تدرج في باب الغزل وفي باب المدح أيضا!
والشاهد في هذاأن الرسول لم يمنع الغزل الحسي ولم يعاقب صاحبه بل
أجازه ومنحه مكآفاة قيمة ولو كان غاضبا أو رافضا مطلع القصيدة لما سكت
وما أظنه كان يخشي شئيافي قول الحق !!

شكراً يا كمال على التوضيح والإتفاق
بس يا كمال ليه حاولت تحور الموضوع لموضوع ديني
فهو موضوع أخلاقي فى المقام الأول، ويجب رفض مثل هذه
الممارسات التى تدعو للذل والهوان والخنوع
بدلاً من تزيينها للناس على أنها شكل حضاري

تقبل فائق تقديري

تحياتي يا النذير

Quote: شكراً يا كمال على التوضح والإتفاق بس يا كمال ليه حاولت تحور الموضوع لموضوع ديني فهو موضوع أخلاقي فى المقام الأول، ويجب رفض مثل هذه الممارسات التى تدعو للذل والهوان والخنوع بدلاً من تزيينها للناس على أنها ضكل حضاري

بس الموضوع بدأ ديني وشرك وعدم توحيد وسجودلغير الله!!
ثم قام عادل عبد العا طي بنشل البوست وتخفيف حدتوا وتحويلوا لحب جمال
وتقديم فروض الطاعة لفاتنة ملكت قلبو وأسرت عقلوا!!
وهاأنت دخلت من زاوية تالتة هي رفض الخنوع والتذلل وعدم إمتهان
الزول لإنسانيتو او كرامتو لأنسان أخر مهما كان ملكات الشخص الاخر ومواهبو وجمالو وثقافتو ومكانتو وصلاحو !! ... ولكن هل هذه هي رؤية من يعبر عن نفسه بهذه الطريقة? هل يرونها شركاأو إمتهان للكرامة?
..........

نحن علينا بالظاهر
والظاهر ظاهرة شركية لا محاله
نستنكرها وذلك أضعف الإيمان
وإن كان من قام بها غير مؤاخذ في زمن ضعف الوازع الديني والبعد عن الله
وضعف المراقبة الذاتيه مما يتيح للشيطان أن يجد مداخله بكل سهوله وهذا من عمل الشيطان بلا شك
نسأل الله لنا وللجميع ولشباب الإسلام الهدايه والبعد عن مزالق الشيطان

Quote: نحن علينا بالظاهر والظاهر ظاهرة شركية لا محاله نستنكرها وذلك أضعف الإيمان وإن كان من قام بها غير مؤاخذ في زمن ضعف الوازع الديني والبعد عن الله وضعف المراقبة الذاتيه مما يتيح للشيطان أن يجد مداخله بكل سهوله وهذا من عمل الشيطان بلا شك نسأل الله لنا وللجميع ولشباب الإسلام الهدايه والبعد عن مزالق الشيطان

كلام سمح يا وجن
يريح البال

Quote: بس يا كمال ليه حاولت تحور الموضوع لموضوع ديني فهو موضوع أخلاقي فى المقام الأول، ويجب رفض مثل هذه الممارسات التى تدعو للذل والهوان والخنوع بدلاً من تزيينها للناس على أنها شكل حضاري

ما عارفه يا النذير لو انك تابعت الاراء اومعظمها من الاول ام لا؟؟!!
لكن الناس التي شجبت هذا الفعل وضعته في اطارديني بحت واعتبروه شرك يبقي ما كمال عباس الذي حوره لموضوع ديني بل الموضوع عندما طرح سرعان ما تنبهت قرون الاستشعار الدينيه وهي عاده ما يحدث بالنسبه للناس في هذا البورد حيث ينشط الوعظ الديني حتي لو فتحت موضوعا عن البودي كير .
مع انه لو نظروا الي ذلك السجود في الاطار الذي حدث فيه لقدروا ان محمودا ليس رمزا دينيا حتي يسجد له في اطار ديني وغالبا كان الجو العام ابعد عن التفكير في اي اطار ديني يعني ناس كانت مبتهجه وناسيه الدنيا والاخره والفيها
. انا ما عارفه انت فسرت ما فعلوه بالخنوع كيف ؟؟
لم يطلب منهم احدا تحت التهديد فعل ذلك بل فعلوه من تلقاء انفسهم تعبيرا عن اعجابهم بفنه
.الخنوع عاده يوصف به اي فعل مذل يكون قد تم خوفا اوطمعا في الرفق او العفو او المثوبه من جبار
فهل كانوا هم خائفين ام كان محمود جبارا ؟؟؟!!

Quote: يعني هسا يا اسمارت أبو اللمين دا أحسن يسجدوا ليهو وللا أحسن يسب دين ويتطاول على الخالق؟ الحركة دي ما عملها حباً فى الله بس لأنو بكره اسلوب الخنوع، وأي اسلوب خنوع مرفوض

الحمد لله الناس المغروز فيهم الدين منذ الصغر
بلفوا لفة كبيرة وبيرجعوا ليه تانى
تربية اهلنا ما بتروح فى الفاضى
عشان كدا التدين فى زمن الشباب اجره اكبر

الأخت احلام :

Quote: الفن وحده من يوحد هذه الأمة هل لك راي مخالف ؟

أكيييد طبعاً عندي رأي مخالف لأنو الكلام ده ما صاح ..وبي بساطة الخلاهو ما صاح كلمة وحده دي !!
ياخ الكورة المعووولقة دي بتوحد الأمة أكتر من الفن ..
ياخ أسة عليك الله الإستعمار مش برضو ممكن يوحد الأمة ؟

Quote: هل تعتقد ان الفن والفنانيين لم يقدموا شيئا للوطن ؟

ياتو فنانين ؟
في ناس قدمت للوطن وانا في كلامي لو قريتيهو كان لقيتي ردي ده .لكن أسة لو سألتيني سؤال مباااشر مثلا هل محمد السني قدم للوطن بقول ليك لأ..لو قلتي لي محمود قدم للوطن بقول ليك لأ لو قلتي لي حنان بلوبلو قدمت للوطن برضو بقول ليك ..حواء الطقطاقة بالرغم من انها قدتنا بي قصتها الواحدة بتاعت كسروا لي سنوني ديك بس ممكن اعتبرا قدمت للوطن ..

Quote: هل الفنان يمكن ان يقدم فنه بدون مقابل مادي ؟ من اين ياتي مصدر رزق الفنان

؟

ابددددددا ما يقدم مجان بس كمان ما يقوموا الفنانين يضربوا طواااالي في وتر الوطن ونقدم ونحترق ونشتعل ونتبوتق ديك ..
بالمناسبة بي مفهومك ده فصدقيني الكل يعمل للوطن الفنان والتاجر وبتاع الاورنيش والمدير والوزير وعمر البشير وصلاح قوش وبتاع الامن واييي زول بيعمل للوطن ..
إنتو مقياسكم للعمل للوطن شنو عشان نعرف ؟
ومعاك يا زولة اصلو الفنان ما يشتغل بدون مقابل بس حينها على الفنان يعترف إنو الشغلانية دي هو ماخدها مصدر رزق ما هواية ولا توحيد أمة ولا ولا ولا ..

Quote: هل تجد في مداخلة الاخ السني

عاد لكن ما بسألك ..



تخريمة :
للناس الخاشة ساي فرايحية ما بداية إنطلاقة لي محمود الله يرضى عليكم الأغنية دي قدييييمة ومحمود بيغنيها من زماااان

نحن نغني من اجل هذا الوطن
فننا من اجل هذا الوطن
كل الغناء الجميل
العاطفي
والديني والحماسة
والمناحات
وغناء الحصاد والملمات وغناء الاطفال من اجل تلوين وجدان هذه الأمة
مبروك عودة محمود
وظاهر ان حوته قادم وبقوة
وفرايحية هي بداية الغناء المتفائل
الندي بحب ما ليه حدود


تحية واحترام للاخت شمائل

دوما
دبايتو
محمد الامين بقى يشلت كمان
انا شوف عينى دى واحد سجد لمحمد الامين فى التمانينات على مسرح الثغر فى بورتسودان لما قلنا
الزول دا ما بقوم تانى
ياجماعة دا مافن ولا تعبير عن اعجاب يمكن ان تعبر عن اعجابك بمليون طريقة فمثلا فى واحدة مرة اتصلت
بقناة كانت عاملة لقاء مع تامر حسنى الفنان وسمت نفسها عشيقة تامر وكانت تبكى وتقول انها غير
مصدقة ان تتحدث مع تامر وعرضت نفسه عليه والحت بان يتزوجها اتخيل نوع التعبير دا يعنى اى واحدة
معجبة بفنان تطلب الزواج منه يعنى العذابة الله معاهم والعكس كذلك البعض يعبر عن اعجابه للفنانات
بالحمى والسحر "الله هونينى" مافى حد يسالنى عن الحمى والسحر ياجماعة لا تشجعوا الباطل الفن الراقى
ان يكون له معجبين فى مستوى والسجود للمسلم لغير الله يركبوا التونسية كان هوس وكان دوس هى كدا
ويالسنى ياريت رائيك الصريح هل انت ترى السجود للفنان اى كان نوع فنه يعتبر تعبيرا ويستحق الاشاده؟
الله هونينى

الأعزاء كمال عباس وماما دوما
تحياتي

سوري والله فعلاً أنا ما تابعت كل المداخلات بس أخدت عينة "راندام" منها
وقريت كلام اسمارت فى البداية وقريت كلام كمال عباس وكان آخر مداخلة
ويا كمال عباس امسحلها لي فى وشي والله ما قريت الردود كلها، وفعلاً يا ماما
دوما كلامك صاح أنا ما متابع، تعرفي يا ماما دوما دي عادة سيئة عندي هنا
فى البورد بشيل عينات وبرد على أساسها، وتعرفي يا ماما دوما محمد إي سليمان
يعجبك قبل كدا فتح فيني بوست للسخرية وقال علي أنا ما بعرف أقرأ عربي وحتى لو قريت
ما بفهم لووول شوفتي عليك الله الزول دا صياد فى المياه العكرة كيف؟!

وبعدين يا ماما دوما الخنوع ليس دوماً تحت التهديد، فما تفعلها الطائفية الدينية برضو
خنوع وامتهان لكرامة الانسان، وراجعي كلام كمال عباس فقد رتب كلامي كويس وشكراً كثيفاً يا كمال
على التفهم.

وبعدين يا كمال عباس وماما دوما ناس الوعظ الديني ديل ما قروا سورة سيدنا يوسف؟! ما فيها سجود
برضو لغير الله

مع فائق تقديري لكما

..
.

Quote: غايتو انا لو لاقيت بيونسي (beyonce) دي بركع ليها وبسجد ليها وابوس يديها ورجليها وأصلي ليها عديل كدا ..

لا حول ولا قوة الا بالله
حتى انت يا بروتوس ..!!؟

كدى ممكن شرح وتفسير سريع للقول اعلاه ..
كيف نفهم المعنى من السجود والركوع والصلاه لبيونسية
البوس دا عرفناهو ..

_________

غايتو يا عادل شتارتك فاقت
المذكورتين اعلاه ..

اللهم لا تؤاخذنا بما فعل السفهاء منا ...

Quote: والخلاها تفرّق بين البرسيم والبطيخ وما تفرق بين البرسيم وهدوم حبل الغسيل شنو؟

ونحنا من الصباح قعد نتكلم فى شنو؟
مش قلنا ليك لانها غنماية؟

عارف يا النذير ولدي الطائفيه هي رموز دينيه ولذا يجب فصلها عن موضوع هؤلاء الشباب
نفس الجماعه ديل بالله اديهم تلاتين سنه تاني وتعال خليهم يسجدوا
ح تلقاهم الصلاه يصلونها قعودا
كل ما في الامر انهم اسه بس شباب ورياضه لا اكثر لا اقل
واعتقد ان فعلهم ليس له علاقه بالخنوع ولا الشرك .

Quote: غايتو انا لو لاقيت بيونسي (beyonce) دي بركع ليها وبسجد ليها وابوس يديها ورجليها وأصلي ليها عديل كدا ..

شرطة امن المجتمع دايرا انت والله ..

لكن يلمو فيك وين ؟؟؟

Quote: واعتقد ان فعلهم ليس له علاقه بالخنوع

حبيبة الكل وأمنا كلنا ماما دوما
تحياتي مجدداً يا غالية

يا ماما دوما إنت شكلك دا قريتي المداخلات وما قريتي الموضوع الأساسي لووول
الخنوع وامتهان كرامة الإنسان يا ماما دوما فى بوس الكرعين (وليس أرجل) الفنان
محمود عبد العزيز

تقبلي فائق تقديري
يا أعز الناس

تعرف يا ود الباوقة لمن الزمن كان زين والكيزان كانوا فيهم كيزان وما كلهم ما مجموعات ارزقية وحرامية زيكم الان؛ ما كانوا محتاجين لي شرطة أمن مجتمع؛ كانوا بياخدوا الامر في يدهم ؛ وكنا بنلاقيهم في ساحة الوغي ؛ وكانوا دايما يجروا في النهاية مجرجرين اذيال الخيبة والهزيمة ..

اها الزمن اتغير ونحنا بطلنا العنف لاسباب مبدئية وانتو بطلتو لاسباب دنيوية وبقيتوا تحتموا بي شرطة امن المجتمع الفاسدة ؛ وهيهات .

انا ممكن تلم فيني في الرملة الدقاقة ..

Quote: شرطة امن المجتمع دايرا انت والله .. لكن يلمو فيك وين ؟؟؟

Quote: في شأن الجلد غض النظر عن نوع التصرف، المطالبة بالجلد قبل الحوار والتفاهم هي منزلق تربوي وإجتماعي خطير جدا.. لا تخفى تداعياته على احد.. من عنف مضاد، تزمّت، وعدم تقبّل للآخر.. هذا غير الإنفلات الأمني، لو مثلا ضيوف الحفل -موضوع البوست- تولوا مقاليد الأمور تجاه الشباب.. وما رحى الحروب التي يعاني منها العالم إلا نتيجة للممارسة المنهجية لسياسة "تأديب" الآخر وقمعه دون السماع لوجهة نظره.. او محاولة إقناعه.. (هذا ان كان لنا الحق في محاولة إحداث تغيير في الآخر)

شكرا نجوان شكرا كثيرا

صالح تبلدينا سلام

Quote: لا حول ولا قوة الا بالله حتى انت يا بروتوس ..!!؟ كدى ممكن شرح وتفسير سريع للقول اعلاه .. كيف نفهم المعنى من السجود والركوع والصلاه لبيونسية البوس دا عرفناهو ..

ههههه ؛ شايف الكلام فرق معاك شديد
انت ما سمعتا ترباس بيغني بيقول البعبدها ؟؟

Quote: غايتو يا عادل شتارتك فاقت المذكورتين اعلاه ..

اها بعيدا عن الهزل والشتارة والمبالغة

القصد يا تبلدينا هو الوقوف ضد اي شكل من اشكال العنف ضد ناس يعبرون عن مشاعرهم تجاه من يحبون
يمكن ان يكون لنا رأي ناقد تجاه تعبيرهم؛ ويمكن ان نساعدهم بالتوجيه

ولكن شغل التكفير واستدعاء الشرطة والطلب بدقهم يعبر عن عقليات انقاذية خربة متوحشة
ولا يمكن القبول بمثل هذا النوع من التسلط ابدا ..

تعلم انت انني ضد تقديس اي شخص والمقدسات الجد جد عندي فيها رأي ؛ وانا ضد كل اشكال الطائفية وعبادة الافراد الموجودة ولا يجب ان اثبت هذا؛ ولكن الطفابيع بدلا من ان يقفوا ضد الطائفية وضد جرائم النظام التي افسدت المجتمع وحولته الى هلام ونشرت اسؤا الامراض الاجتماعية يدعمونه ويريدون قمع شباب بتهمة غير مثبتة حتى وجارين طوالي لي الشرطة والتكفير .

اها انا عايز اوريهم انو الموضوع دا شخصي واصلو ما في زول يتدخل فيهو الا بالنصح والنقاش
ومن هنا قصة بيونسي ( البيني وبينك ما عادية ) ..

كلام سمح يا وجن
يريح البال
الله يسمح أعمالك و يريح بالك دنيا وأخره يا محمد

.,.

Quote: جدك له منا كل الاحترام والتقدير طيب ليه تختار اسمه فى بروفيالك فى المهاترات الشركية دى؟ لو كان عارف كدا كان زعل منك سبحان الله وكمان بتزعل ليه تناقض غريب

محمد النيل تاني مرة جدي ما عندو علاقة بالنقاش وهو جد ناس كتيرين ما عندهم علاقة بالنقاش
واسمي كتبو بكري كدا وانا ما زعلان


بعدين البوست من بدايتو مهاترة ومبني على كذبة كبيرة لم يستطع أحد اثباتها

عاطف عمر:
إ

Quote: ن صحت الرواية ماقام به هؤلاء الشباب مرفوض ديناً الإعزاز لشخص ما ( مهما كانت مكانته ) لا يتم بقطعيات المنهي عنه صراحة صح عن رسولنا الكريم القول ما معناه " لو كنت أمراً مخلوقاً أن يسجد لغير الله لأمرت الزوجة أن تسجد لزوجها ". السجود هنا هو سجود تعبير عن المحبة لا سجود عبادة ومع ذلك تم منعه . في هذا الإطار تفهمت غضبة الأستاذة سومة وهى كما وصفها منتقدوها عن صدق ( رقيقة المشاعر ) ، لكن رقة المشاعر لا تعني بحال من الأحوال ( عدم الغضب ) في حال تجاوز الخطوط الحمراء . رسولنا الكريم وهو ( الأشد حياء ) وهو من وصفه خالقه العظيم بأنه " بما رحمة من الله لنت لهم " ومع ذلك كان شديد البأس عظيم الغضب إن إنتهكت حرمات الله . أتحفظ على مناداة الأستاذة سومة لشرطة النظام العام فهؤلاء الشباب في حاجة لتأهيل نفسي وديني يبين لهم خطل تصرفهم أكثر من معاقبتهم. ذلك أن هذا التصرف أرى فيه ( مستصغر شرر ) يجب التعامل معه بروح تربوية حتى لا نرى غداً من بين شبابنا ( عبدة شيطان ) أو ( عبدة مارادونا). لذلك أرى أن المندفعين في تبرير الظاهرة يندفعون من حيث لا يشعرون في ( التأسيس ) لما لا يمكن التكهن بنهاياته . نتفق أيضاً مع أستاذنا محمد السنى دفع الله في قيمة الفنان الصادق وقيمة الفن الهادف ونعبر له عن محبتنا له وتثمننا لدوره في ( توحيد الأمة) لكنه تعبير وتثمين في حدود ما تسمح به معتقداتنا التي هى في ذات الوقت معتقدات الفنان الصادق - أو هكذا أظن –

بارك الله فيك أخي عاطف! قد وضعت النقاط في الحروف!
أما موقف الأخوين عادل عبد العاطي وهشام، وأنا حقيقة أحترمهما جدا!
قال عادل وتجاوب معه هشام:

Quote: غايتو انا لو لاقيت بيونسي (beyonce) دي بركع ليها وبسجد ليها وابوس يديها ورجليها وأصلي ليها عديل كدا ..

هذه هي طاقة (العبودية الفطرية) في عادل عبد العاطي وصديقي هشام، لكن للأسف يوجهانها لمخلوقٍ مثلهما!


راجعت نفسي وأبقيت من المداخلة ما أتحمل مسؤولية الدفاع عنه!

Quote: هذه هي طاقة (العبودية الفطرية) في عادل عبد العاطي وصديقي هشام، لكن للأسف يوجهانها لمخلوقٍ مثلهما، امرأةٍ قد تكون داعرة!

؟؟؟؟؟؟
إنتا جادي؟

الاخ صلاح عباس فقير
تحية واحترام

تعرف انا ظننت انك اوعى كثيرا من السائد هنا

Quote: أما موقف الأخوين عادل عبد العاطي وهشام، وأنا حقيقة أحترمهما جداً رغم كونهما ملحدين، فهذا لا يمنع أخوتنا في الوطن الحبيب! بيد أنّي أسأل الله أن يهديهما إلى صراط مستقيم! قال عادل وتجاوب معه هشام: Quote: غايتو انا لو لاقيت بيونسي (beyonce) دي بركع ليها وبسجد ليها وابوس يديها ورجليها وأصلي ليها عديل كدا .. هذه هي طاقة (العبودية الفطرية) في عادل عبد العاطي وصديقي هشام، لكن للأسف يوجهانها لمخلوقٍ مثلهما،

لا والله تحليلك غير سليم ؛ ويدهشني تعاملك مع الموضوع من هذه الناحية

Quote: امرأةٍ قد تكون داعرة!

من أين لك هذا ؟ هل هذا الا قذفا ؟؟

Quote: ويأبيان أن يوجّهان قدراً يسيراً منها للخالق العظيم!

وها تظن انت ان المتحدثون هنا يعبدون "الخالق العظيم" ؟؟ اغلبهم يعبدون اوهامهم ويسجدون امام الاصنام البشرية فعلا وان لم يكن شكلا .. شوف زي ود الباوقة دي معلق صورة هبل في البروفايل بتاعو ويدافع عنو دفاع عبادة .. وفي الحقيقة بمفاهيم الايمان المدرسي لو بحثنا في عقائد اغلب المؤمنين لوجدناهم يعبدون اصناما بشرية او فكرية ..

Quote: فلنقل: إنّ هذا من حقّهما، وليتحمّلا مسؤولية اختيارهما في ذلك اليوم! (يوم يسألكم الله! يا ناسين عذابو!!)

هههه ؛ حلوة دي .. اها دي قالا واحد لي واحدة معذباها؛ يعني عايز الله يحل ليهو مشكلتو معاها ..

Quote: عليك الله، فكر في كلمة (الله) في سياق هذه الأغنية، والمحمولات المضمّنة فيها، هل يخطر بالبال أنه وهم!؟!

يا عزيزي انا استخدم كلمة الله كثيرا في مقام القسم فأقول ((والله رايي في الموضوع دا كدا)) فهل تظن اني اقصد ذلك ام ترجعه للايمان الفطري ام تفسره بالمؤثرات الثقافية السائدة ؟؟ بعدين ممكن اسألك انت أمنت بالله متين بالضبط ؟؟ هل اخترت ذلك الايمان ام نشأت عليه ؟؟ ولو كنت ولدت في بوتان مثلا او شيلي؛ هل كنت ستكون مسلما ؟؟

Quote: والله إنها حقيقة، بل أعظم الحقائق، شهدت بها البشرية كلها، ما عدا فئة ضئيلة في كلّ عصرٍ ومصر!

أي حقيقة تعني ؟؟ حقيقة الدين ام حقيقة الله ام حقيقة الاسلام ؟؟

Quote: Quote: امرأةٍ قد تكون داعرة! من أين لك هذا ؟ هل هذا الا قذفا ؟؟

عادل عبد العاطي
لو حكيتا معاهو حتلقى إن كُل حجتو في هذا الزعم مبنية في الغالب على أساس إنها [غير مُسلمة] لأنو عدم الإسلام معناهو عند الأغلبية انتفاء الأخلاق والقيم!! أنا ما فاهم ليه الناس دي بتحب تسقط حاجاتا على حاجات الناس؟ يعني حسي أنحنا ممكن نسقط فهمنا على العُري وثقافة العُري ورأينا فيهو على بعض الشعوب الأفريقية العارية مثلاً؟ العُري عند القبائل دي بتمثل قمّة العفة. ولو قلتَ الكلام ده للناس حيمصمصوا شفايفهو ويقولوا ليك: [الحمد لله على نعمة الإسلام] التقول الناس قبل الإسلام كانوا عريانين ولا كانوا أغبياء ما بيفهموا، ولو لاحظتَ لمفهوم [الجاهلية] وتسمية عصر ما قبل الإسلام بالجاهلية حتعرف معنى كلامي ده. يعني استعلاء ما بعدو استعلاء زاتو.

يا عادل وهشام
جوهر كلامي، وهو ما لم تهتما بالرد عليه مباشرة:
أنا مؤمن بأن العبودية في الإنسان حاجة فطرية، فإن لم يوجّهها لخالقه وهو السلوك الفطري في نظري، قام بتوجيههاإلى أيٍّ كان!
وهو ما رأيت أنّ موقفكما هذا يؤكده!
أظن هذا كلّ ما هنالك، وهذا هو الّذي أثاركما وأغضبكما!
وفي رأيي أنكما كنتما مطالبين بنفي هذه العلاقة التي افترضتها أنا بين هذين السلوكين: سلوك الإلحاد وسلوك توجيه العبادة إلى تلك المرأة!
أو أنكما كنتما تمزحان في موضوع "عبادة هذه المرأة"، فهذا أمرٌ آخر!
لا أنكر أنّ كلماتي كان فيها وخز، لكنه لا يبلغ حدّ الطعن!
وفعلاً فيما ذكرتماه نقاط كثيرة تصلح للحوار، ولكن لا علاقة لها بما كتبته أنا!
على أيّ حال: من ناحية فكريّة: هذا هو موقفي وما أرى أنكما ذكرتما شيئاً ينقضه!
أما من ناحية شخصية: فأنا أعتذر إن رأيتما في كلامي اعتداءً غير مبرّر!

التعديل لحذف كلمة (العارية)!

الاخ صلاح تحياتي

Quote: جوهر كلامي، وهو ما لم تهتما بالرد عليه مباشرة:

لا والله ردينا عليهو مباشرة واللبيب بالاشارة يفهم ..

Quote: أنا مؤمن بأن العبودية في الإنسان حاجة فطرية، فإن لم يوجّهها لخالقه وهو السلوك الفطري في نظري، قام بتوجيههاإلى أيٍّ كان!

هل كل شي فطري هو سليم ؟؟ وهل هناك شي فطري خارج عن نتاج التربية والثقافة السائدة بل والذاكرة الجمعية المختزنة ( انا اثق ان الانسان يرث جزء من ذاكرة اسلافه كما يرث صفاتهم الجسمانية وعلى هذا هناك دلائل متعددة) .. عموما انا اؤمن ان العبودية - والعبادة - هما ظاهرتان مرتبطتان بطفولة البشرية ؛ وان الانسان الراشد لايقع فيهما الا حين يكون المجتمع كله طفلا؛ ونحن وان كنا نعيش في زمن صبا البشريةى الا اننا لم نصل لنضجها؛ ولكن هذا لا يمنع انه كان هناك على طول البشرية اناس لا يعبدون ولا يستعبدون عن قناعة وعلم؛ من ابيقور وابن الرواندي وحتى عبد الله القصيمي وريتشارد داوكنز .

Quote: وهو ما رأيت أنّ موقفكما هذا يؤكده!

انت اصلا لم تفهم موقفنا؛ وهو ما اشار اليه هشام بالسؤال : هل انت جادي ؟؟ وما قلته لك انك اخطأت التحليل؛ واني مندهش كل الاندهاش انك تعاملت مع الموقف بهذا الفهم ؛ لأني توقعت - من خلال نقاشات سابقة - انك ستلمح قصدنا وستعرف ان تفرق بين الحيط الابيض والاسود .

Quote: أظن هذا كلّ ما هنالك، وهذا هو الّذي أثاركما وأغضبكما!

والله انا لم اثار ولم اغضب؛ وانما اندهشت فعلا ..

Quote: وفي رأيي أنكما كنتما مطالبين بنفي هذه العلاقة التي افترضتها أنا بين هذين السلوكين: سلوك الإلحاد وسلوك توجيه العبادة إلى تلك المرأة!

يا زول ليس هناك ما ينفي وليس هناك ما يثبت .. لو نفينا اللعبة كلها بتبوظ يا حبيب وانا ما عايزا تبوظ..

Quote: أو أنكما كنتما تمزحان في موضوع "عبادة هذه المرأة"، فهذا أمرٌ آخر!

الأمر اكبر من المزح واقل من الجد ؛ واتركه لتقديرك ..

Quote: لا أنكر أنّ كلماتي كان فيها وخز، لكنه لا يبلغ حدّ الطعن!

أصلا لم أقل انك طعنت؛ ولا ارى فيها وخزا .. ارى في كلامك سوء فهم مبالغ فيهو

Quote: وفعلاً فيما ذكرتماه نقاط كثيرة تصلح للحوار، ولكن لا علاقة لها بما كتبته أنا!

بل هذا هو لب الحوار يا صديق

Quote: على أيّ حال: من ناحية فكريّة: هذا هو موقفي وما أرى أنكما ذكرتما شيئاً ينقضه!

يا عزيزي موقفك على العين والرأس؛ ولكن حتى تكون على بينة أقول لك ان ما طرحته وما تراه لا علاقة له بواقعنا على الاطلاق ؛ وانما بفهمك انت ..

Quote: أما من ناحية شخصية: فأنا أعتذر إن رأيتما في كلامي اعتداءً غير مبرّر!

اطلاقا ما في اي اعتداء؛ في بس سوء فهم مثير للدهشة ..

عادل
السلام عليكم
ما دام ما فيش زعل، ما في مشكلة!
الباقي ساهل إن شاء الله!
لكن ما أظن البوست ده مكان مناسب لمواصلة الحوار!
ما رأيك؟ مش أحسن نخصص بوست منفصل براحتنا!
متى ما الواحد لقى طريقة يدخل!
أو نواصل هنا عادي،
المهم أنا الآن نعسان!

صلاح سلامات

ورأس اماليا بتي ما في زعل
وانت امشي نوم وتعال بكرة واصل الحوار

موضوع البوست التاني ممكن لكن موضوع حيكون شنو ؟؟
لانو لو دخلناهو بالتباسك الموجود دا ؛ بيكون حوار طرشان ساااااااااااااااااي


احسن نواصل هنا واتمنى تراجع ردي على تبلدينا

Quote: السجود ليس هو العبادة للخالق وإنما العبادة هى فعل القلب.

الأخ بله موسى لا تخلط بين أعمال القلب والجوارح ..

ألم تقرأ قوله تعالى:

(إِنِّي وَجَدْتُ امْرَأَةً تَمْلِكُهُمْ وَأُوتِيَتْ مِنْ كُلِّ شَيْءٍ وَلَهَا عَرْشٌ عَظِيمٌ (23) وَجَدْتُهَا وَقَوْمَهَا يَسْجُدُونَ لِلشَّمْسِ مِنْ دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ (24) أَلَّا يَسْجُدُوا لِلَّهِ الَّذِي يُخْرِجُ الْخَبْءَ فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ (25) اللَّهُ لَا إِلَٰهَ إِلَّا هُوَ رَبُّ الْعَرْشِ الْعَظِيمِ ۩ (26) صدق الله العظيم سورة النمل ..


هذا تدني مريع في مستوى التدين والفهم الصحيح للعقيدة ..


اللهم إنا نعوذ بك من الحور بعد الكور ..

قالت يستحق أكثر!!! سبحان الله ..


جاد

بدءاً، أجد نفسي مديناً بالاعتذار للأخوين عادل عبد العاطي وهشام آدم إذ لم أفهم السياق الذي ورد فيه كلامهما عن "بيونسي"! فهأنذا: "غلطان بعتذر"!
ووالله لا يدفعني لذلك لا رغبة ولا رهبة، ولكن هذه قناعتي، لا أرى مبرّراً للعنف اللفظي أو الفعليّ، ما دام بإمكان الإنسان أن يستخدم الطريق السّلميّ!
ولو أن عادل سيقول لي ما معناه: أنك لم تسئ إلا إلى نفسك!
أٌول له: صح! ثم أعقب على مداخلته في رده على الأخ تبلدينا:

Quote: القصد يا تبلدينا هو الوقوف ضد اي شكل من اشكال العنف ضد ناس يعبرون عن مشاعرهم تجاه من يحبون يمكن ان يكون لنا رأي ناقد تجاه تعبيرهم؛ ويمكن ان نساعدهم بالتوجيه !

نعم ليكن شعارنا في هذه المرحلة كمبدأ عام: نبذ العنف بمختلف أنواعه ؛ كي ينمو المجتمع الذي نرنو إليه في جوٍّ صحيّ معافى، بعيداً عن القهر والكبت!
أقول ذلك باعتباري مسلماً، وأرى أنه يمثل مقتضى التّديّن في البيئة التي نعيش فيها!
هذه الواقعة من السجود للمحبوب أو إلى من يقرّب إلى المحبوب، ويجعلك تعيش في فضاء الخيالات والاوهام، ثمرة طبيعية لما هو واقع في ممارستنا الغنائية من تمجيد وتعبيد للمحبوب، وكذلك في ممارسات بعض الطرق الصوفية من تمجيد للشيخ، بل حتى ما هو سائد في ممارساتنا الحزبية (الحكومية والمعارضة) من تمجيد للزعيم.
وهو أمر ينبغي رفضه مبدئياً، ونقد الممارسين له!

Quote: ولكن شغل التكفير واستدعاء الشرطة والطلب بدقهم يعبر عن عقليات انقاذية خربة متوحشة

نعم ينبغي نبذ العنف بمختلف ألوانه، ولكن لم يكن الإنقاذيون أول من ابتدعه، ولا هم آخر من استخدمه في تاريخنا الحديث، ربما كانوا الأشدّ قسوة بحكم وراثتهم لمساوئ من قبلهم، في إطار التفاعل السلبيّ مع سياق التطور الذي مرّ به نظامنا السياسي منذ الاستقلال وما قبله! لا أقول ذلك دفاعاً عن الإنقاذ، ولكن حتى لا نكرر أخطاءنا السابقة، ونتوهم
أن البديل قد يكون واحداً من أحزاب المعارضة هذه أو كتلةً منها! مشكلتنا ليست استبدال حكومة الإنقاذ بغيرها، ولكن استبدال النظام السياسي الّذي أفرز الإنقاذ بنظام جديد!

Quote: تعلم انت انني ضد تقديس اي شخص والمقدسات الجد جد عندي فيها رأي ؛

أصلاً (لا إله إلا الله) أول ما تقتضيه عدم الخنوع والخضوع لأيٍّ شيءٍ في الوجود سوى خالقه!
وفي اعتقادي: أنّ الإنسان كائنٌ متديّن، يعني عنده قدر من الخضوع والخنوع لا بدّ أن يبذله، لحبيبته أو لغيرها، ولذلك كانت قاعدة العقيدة الإسلامية هي أن يكون الدّين كلُّه لله وحده، وأن يكون الخضوع له وحده، باعتباره خالق الوجود، ولذلك ورد في نصوص السنة قوله –صلى الله عليه وسلم-: (تعس عبد الدّينار، تعس عبد الدرهم، تعس عبد القطيفة)!
ومن لا يخلص دينه وخضوعه لله، فلا بدّ أن يبذله لغيره!
يعني مفهوم العبودية في الإسلام مفهوم واقعيّ جداً، مقتضاه الحرص على صون حرية الإنسان من كلّ ما يقيّدها سواءٌ كانت شهوةً داخليّة أو سلطة خارجية!

Quote: وانا ضد كل اشكال الطائفية وعبادة الافراد الموجودة ولا يجب ان اثبت هذا؛ ولكن الطفابيع بدلا من ان يقفوا ضد الطائفية وضد جرائم النظام التي افسدت المجتمع وحولته الى هلام ونشرت اسؤا الامراض الاجتماعية يدعمونه ويريدون قمع شباب بتهمة غير مثبتة حتى وجارين طوالي لي الشرطة والتكفير .

معك حقّ!

Quote: اها انا عايز اوريهم انو الموضوع دا شخصي واصلو ما في زول يتدخل فيهو الا بالنصح والنقاش!

معك حقّ!
وعلى الإخوة الدعاة إلى الإسلام أن يعرفوا أنّ هذه الظاهرة إفراز طبيعي لكثير من بُنى الاستعباد القائمة في مجتمعنا، وأنّ مواجهتها تتم من خلال مواجهة تلك البنى أولاً، وكذلك من خلال الدّعوة بالحكمة والموعظة الحسنة!
على ما أظن خلاصة الكلام أنه: ينبغي استنكار مثل هذا الحدث بلا تردُّد، ولكن التلطف بمرتكبيه والنُّصح لهم!
أما الذين يتحدثون عن أن هذا السلوك شكلٌ قد يكون مباحاً من أشكال التعبير الفني أو الشخصيّ، فهم قد جانبوا الصواب، ينبغي أن نُنمّي ثقافة رفع الرأس عالياً، وأن نعلم أنّ الفن الصادق هو الذي يثري وجدان الإنسان ويزرع في قلبه قيم السّمو والطهر والرّقيّ!