أبقى منجم .... كلمة طيبة .. إبتسامة حتى

Post: #1
Title: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-01-2010, 06:11 PM

حالاً شين
وكتين تقيف وحيدّك
في مهب الريح
مزرقّن وليد عينك
لا معين لا مجيب
لا من يأخد بإيدك
يقولك كب
تعال لي فوق
الأسى المعشعش..
الحزن البطين جواني ..
الشجن ..
اللوعة والخوف من المجهول
السهاد سواد كحل العين
المصير
وما المصير
الحق ..
والله هو المعين
ونعم المولى عز وجل
الوكيل
فعليه التكلان
وبه الملاذ

Post: #2
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-01-2010, 06:19 PM
Parent: #1

دفقتَّ مويتي علي الرِهاب
شقيش أقبّل
إنقفل بيني وبين نعيم
الدنيا باب
الله .. الله .. الله
متين بديت مشواري ذاتو
ومتين كِمل زاد الطريق
يادوب بلملم في خُطاي
وإخترتا لي دربي الرفيق
إتبدل الحال وا شقاي
ضاع حُلمي ضاع
قُبال أفيق
ورجعت مكسور الجناح
مــا إنبلّه لي ريق
الله ... الله ... الله

Post: #3
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-01-2010, 06:43 PM
Parent: #2

الله
وكت زولاً تريد
وريدتك ولا تعنيلّو شي
تصارحو بي الحِرمان
كأنك تعاتبّو وتختشي
وتقصر المشوار تجيهّو
تخاف من اللوم في وشي
والسكة بينكم ســـراب
ودرب المُحال مــا بتمشي

Post: #4
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-01-2010, 06:47 PM
Parent: #3

الله علي العمر الودر
ضيعتّو بي الأوهام سدى
أمنتَّ أحيّا معاك مودة
ورحمة لي آخر مدى
وفرشت ليك جنة سعادة
مفرهدة ومتوردة
إلا القدر قال كِلمتو
ما لينا غير نرضى بي كِدا

Post: #5
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-01-2010, 06:54 PM
Parent: #4

أنـــا
لا إرتحت من مشواري الطويل
لا خاطري
من تــــالاكي طاب
كفاية ....
مــن نار الفراق
إتقلب فوقها فليبي داب
تُهتَّ وشبعت أسى وهموم
وأيامي ذاتا بقت عقاب
وقفت محتار خلاص
وماعندي ليكي بلا العِتاب
خليني بي الأقدار أهيم
شايل حُطام قلبي المُصاب
وأصبر وأقول
الريد قسم
القسمة صُح فوق الرُقاب

Post: #6
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-01-2010, 07:13 PM
Parent: #5

لكل أعمدة الإنجمامة
كل سنة وأنتم طيبين
مرت علينا الأهياد وأنتم بعاد نبث لكم الشوق
والأشواق تصلكم أين ماكنتم تسعدبكم ونسعدكم بها ( أشواقنا )

يحلو لي كل بداية إنجمامة أن أجيكم فرداً فردة ( الأولة للذكور والثانية للإناث )

بدءً أحي الحبيبة الغالية سلمى الشيخ سلامة تأهل درتها الغالية عزة للزواج
ونقول ليها ربنا يتمم بخير وعلى خير
الأخوات :
أسيا ربيع ورغم جفاك ياجافي
تيسير المبارك الغائبة حاضرة مكنكشا في ذاكرتنا نكن لها كل الاحترام والتقدير
الأخت الحرموني منك سماح قمر سبعتين
الشاعرات وكلامهن طيب
الأخوات
سمية الحسن طلحة
هند محمد
سوما والفاتح الجنيد
الأخت سلمى صبحي ( وحرمتنا حمامة السلام من هديلها )

الحبايب
شيقوق
أبوبكر مكعب ( أبوالقاسم .. الرطاني .. السنجك )
عمر صديق
عميرة القردابي
عوض وليد عمي بابكر
بوبا وعلينما بقى تفيل
وليد بري أيمن
فيصل الحلفاوي مسكاقني
ودالعبيد
أحمد القرشي الجميل ورادف في العجل الدبل محمد المرتضى
والغريس الحرس العروسة وخلا النت أربارو
ومحي الدين ( في زول بنساك )
وكل جميل وكل أخية مرَّ في واحدة من إنجماماتنا

ولحين ميسرة

Post: #7
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-03-2010, 11:00 AM
Parent: #6

كــم وزنــك ؟؟
50

كجم
90

كجم

لا .. لا ... لا

أنا لا أقصد هذا الوزن ...

إنني أقصد الوزن الحقيقي ...

الوزن الذي ذكره الله تعالى في قوله

:" والوزن يومئذ الحق فمن ثقلت موازينه فأولئك هم المفلحون *
ومن خفت موازينه فأولئك الذين خسروا أنفسهم بما كانوا بآياتنا يظلمون " ..

Post: #8
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-04-2010, 10:17 AM
Parent: #7

إن كان بعض القول فناً
فجعل الإصغاء كل الفنون

تيسير من الله بإذنه

Post: #9
Title: Re: أبقى منجم .... كلمة طيبة .. إبتسامة حتى
Author: فيصل محمد خليل
Date: 01-04-2010, 10:44 AM
Parent: #8

Quote: الله علي العمر الودر
ضيعتّو بي الأوهام سدى

كيف ما يودر

كان السنة كلها دارع شنطتك في رقبتك

و مسافر

تشوف خالد في الشارع يا يكون مسافر

ماشي المحطة يا جاي من السفر

عاوز تقابلو شرك ليهو في محطة القطار

دا مدير محطة القطار لو يومين ما شافو

حوالين المحطة كان بيتصل بينا يقول زولكم

اليومين دول ما ظاهر

سافروا فان في الاسفار خمسة فوائد

صحبة ماجد (ما ماجد ود خالتي)

تم الباقي يا العرة

Post: #10
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 01-04-2010, 11:04 AM
Parent: #9

خالد اخوى سلام وكل عام وانت والمنجمين والمنجمات بالف خير

دعونا نجعل من هذه الانجمامة واحة للحب الروحي والحب العاطفي

فما هو الحب الحـــــــــب

يقولون الحب تجربة وجودية عميقة تنتزع الإنسان من وحدته القاسية الباردة
لكي تقدم له حرارة الحياة المشتركة الدافئة

تجربة إنسانية معقدة … وهو أخطر وأهم حدث يمر في حياة الإنسان
لأنه يمس صميم شخصيته وجوهره ووجوده … فيجعله يشعر وكأنه ولد من جديد

هو الذي ينقل الإنسان إلى تلك الواحات الضائعة
من الطهارة والنظارة والشعر والموسيقى لكي يستمتع
بعذوبة تلك الذكريات الجميلة التائهة في بيداء الروتين اليومي الفضيع
وكأنما هي جنات من الجمال والبراءة والصفاء في وسط صحراء الكذب والتصنع والكبرياء.

وهو كالبحر حين تكون على شاطئه يقذفك بأمواجه بكرم
فائق يستدرجك بلونه وصفائه وروعته
ولكن حين تلقي بنفسك بين أحضانه لتبحث عن درره يغدر بك ويقذفك في أعماقه
ثم يقذف بك وأنت فاقد لإحساسك

لا ينطق عن الهوى وإنما هو شعور وإحساس يتغلغل في أعماقنـا
الحب مرآة الإنسان يعكس ما بداخلنا من عمق الوصف والخيال

الحــــــــــــــــب
كأحلام على ارض خرافية يلهينا عن الحاضر يشدنا ويجذبنا
فيعجبنا جبروته بالحب نحيا فهو الروح للجسد فلا حياة بدونه
وهو الأمل الذي يسكن أنفاسنا ويخاطب أفكارنا ليحقق آمالنا
هو سفينة بلا شراع تسير بنا إلى شاطئ الأمـان،
سماء صافيه وبحراً هادئ وبسمة حانية، يزلزل الروح والكيان ويفجر ثورة البركان

أخيراً الحب أسطـورة تعجـز البشريـة عـن إدراكهــا
إلا لمن صــدق في نطقهــا ومعناهـــا
الحب يقراء والحب يسمــع والحب يخاطبنــا ونخاطبــهويسعدنــا ونسعــده
وهو عطـراً وهمساً نشعـر بسعادتـه إذا صدقنـاه في أقوالنـاوأفعالنــا
بالحب تصبح ا لحياة جميلة لكي نحقق أهدافــاً قـد رسمناهــا
ولكن ما يقلق العاشقين فقط هـــو
احتمال أن تكـون الأقـدار تخبئ لهـم فراقـاً لم يكن في حسبــان أي
منهــم

Post: #11
Title: Re: أبقى منجم .... كلمة طيبة .. إبتسامة حتى
Author: GamarBoBa
Date: 01-04-2010, 11:12 AM
Parent: #9

خالد كل عام وانت واهلك بكل خير وعافية
والسنة الجاية الاماني محققة
وتحياتي لك ولكل طاقم الانجمامة

تسلم

Post: #12
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-05-2010, 10:29 AM
Parent: #8

أنا الحافظ ودادو سنين
وأنا الما خنت عهد الريد
أنا الصابر عليك ياهم
أنا الوافي وهويّا شديد
زمان قالوا الغرام قسمة
حقيقة القسمة ما بي الإيد
مصير الحي يعود تاني
يهل في ديارنا أجمل عيد

ولحين ميسرة

ونظل منجمين

Post: #13
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-05-2010, 10:34 AM
Parent: #12

Quote: كيف ما يودر

كان السنة كلها دارع شنطتك في رقبتك

و مسافر

يا سلام علي حديثك الذي أعاد لنا ما ركن في ذاكرة المخزون الفرح والحزين معاً
المجر ظلينا مسافرين وفي البوسنا ماكلت قدمايا وكوسوفا كنت أسافر كل يوم والله
وحيناً لثلاثة مدن في اليوم صارر السفر وحمل العصا ملازم لي
جينا الامارت قلنا نحط العصا لكن رفض الفؤاد وما زلت أحملها يوم في دبي ويوم في أبوظبي

تحياتي الحبيب فيصلوف لك وللأسرة الكريمة مشتاق ليهم شديد
كيف البنيات وأمهم

Post: #14
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-05-2010, 10:44 AM
Parent: #13

[
Quote: B]خالد اخوى سلام وكل عام وانت والمنجمين والمنجمات بالف خير

دعونا نجعل من هذه الانجمامة واحة للحب الروحي والحب العاطفي

فما هو الحب الحـــــــــب

العزيز الحبيب شيقوق
وأحذر هِدؤ البحرر وموجه
فعلاً هو مغزى الإنجمامة أنها واحة الحب بكل أنواعه حب وكلمة طيبة تجمعنا
كنت حزين الأيام المضت ... أن إنفض الأخوة والأخوات من إنجمامتنا مع أني أجد لهم
العذر مقدماً ( المشغوليات والجري وراء المعايش ) لكن لقائنا بصورة يومية أو شبه يوميا يجعلنا ملمين بأخبار بعضنا البعض ومن إجمامتنا صرنا أهل وأحباب فهل نضيع كل هذا .. خمسة دقائق ليست بالكثيرة لمعرفة أخبار صديق ولا موش كدي يا ودشيقوق الإنجمامة تسع وتجمل كل الواضيع ونسة طيبة مناقرة بطيبة خاطر وشعر وحب وحب فهي إنجماتنا وتظل إنجمامتنا لي قدام
شكراً شيقوق

Post: #15
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-05-2010, 10:48 AM
Parent: #14

Quote: خالد كل عام وانت واهلك بكل خير وعافية
والسنة الجاية الاماني محققة
وتحياتي لك ولكل طاقم الانجمامة

تسلم

الحبيب القمر ود عمنا بوبا
وأنت طيب يا الطيب خلقة وأخلاق
الشوق لحديثك تكسوه الإبتسامة التي لا تفارق فاطرك .. الشوق شديد والله ونمني النفس أن تجمعنا الأيام قريب نسعد بك ونحتفي بك ( انت عارف وأنا عارف والله عالم نحتفي بي شنو )

بوبا خلي الغياب وطل جمعتنا خير

تحياتي يا الحبيب

Post: #21
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-06-2010, 10:19 AM
Parent: #15

يا شديرات إنجمامتنا زولاً
كان بيانسك ياحليلو
فات خلاك روّح
والله روّح
وفاتلّو لي داراً ماها هيلو

كان يسر الله .....

Post: #22
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-06-2010, 10:20 AM
Parent: #15

يا شديرات إنجمامتنا زولاً
كان بيانسك ياحليلو
فات خلاك روّح
والله روّح
وفاتلّو لي داراً ماها هيلو

كان يسر الله .....

Post: #16
Title: Re: أبقى منجم .... كلمة طيبة .. إبتسامة حتى
Author: الطيب رحمه قريمان
Date: 01-05-2010, 10:50 AM
Parent: #13

أخى الحبيب خالد

لك التحية و كل عام و أنت و الاسرة الريمة بخير

يا أخوى أنت ذكرت كل الاخوات

و الحبايب ناس ود شيقوق

يا اخوى أنت صحى صحى "منسى" ... لا ... لا

اقصد ناسى.

أنا ما بنسى لانى قريمان "قرمان" "مشتاق"

خلى ... الطيب شيقوق يفسر ليك ... "عامل فيها لغوى"

لك التحية و بوستك يا عزيز ما فيه كلمة تب علا ما تتلوم معانا تانى

Post: #18
Title: Re: أبقى منجم .... كلمة طيبة .. إبتسامة حتى
Author: محمد المرتضى حامد
Date: 01-05-2010, 11:20 AM
Parent: #16

المامنسي،
خالد،
سنتك الجديده طيبه بإذن المولى،
حقيقة ناس الإنجمامة ديل ناس نضيفين،
عندك فريق إنجمامه يوفر كمية أوكسجين
في المنبر تعين على المسير في دروبه
والغوص في محيطاته،
الإنجمامة ميناء لإعادة تأهيل النفوس
وتزويدها بالوقود والتخلص من النكد
المترسب في قاع الشبكية والخاطر معا.
شكرا يا الخالد للدعوة.
إفتح حدائق شندي للجايين.

Post: #17
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 01-05-2010, 11:18 AM
Parent: #13

Quote: والعريس الحرس العروسة وخلا النت أبارو

لا وحاتك حارس الشافع يمرق

كل سنة وإنتو طيبين ودايماً منجمين سالمين وتامين

Post: #19
Title: Re: أبقى منجم .... كلمة طيبة .. إبتسامة حتى
Author: عمر التوم
Date: 01-05-2010, 11:29 AM
Parent: #17

ودالمنسي كل عام وانت بخير

واصل ياجميل

عمر التوم

Post: #20
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 01-05-2010, 02:55 PM
Parent: #19

Quote: الحــــــــــــــــب

شيقا المسنوح

الحبه التخنقك حسي جيت لي جنس ده؟

وين عمكم كيمو؟

تحت تحت وين سامحكم ووضاحكم؟

Post: #23
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-06-2010, 10:29 AM
Parent: #20

Quote: يا اخوى أنت صحى صحى "منسى" ... لا ... لا

اقصد ناسى.

أنا ما بنسى لانى قريمان "قرمان" "مشتاق"

خلى ... الطيب شيقوق يفسر ليك ... "عامل فيها لغوى"

لك التحية و بوستك يا عزيز ما فيه كلمة تب علا ما تتلوم معانا تانى

منسي عند الناس لكن جلّ من لا ينسى خلقه

ما ناسي لكن متناسي بس إن أنسى ما بنسى أركان إنجمامتنا طوال هذه المدة
الغائب والحاضر لهم مني أجمل التحايا العطرة من روحي خالصة

قرمان شنو ؟
وماهو الفرق بيم القرمان الجحمان والبطران والسجمان والخاتي الدرب ضهبان ؟؟؟
سجم الحلة الدليلها وليد شيقوق !!!!
اللوم بجي بي الغفلات والجاتك مننا أمسحها لينا في وشينا
وأبقى منجم يا أخوي هي كلمة طيبة تجدها مننا ونعشم فيها منك

تحياتي ومودتي الأخ قريمان وليد قرمان

Post: #24
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-06-2010, 10:37 AM
Parent: #23

Quote: المامنسي،
خالد،
سنتك الجديده طيبه بإذن المولى،
حقيقة ناس الإنجمامة ديل ناس نضيفين،
عندك فريق إنجمامه يوفر كمية أوكسجين
في المنبر تعين على المسير في دروبه
والغوص في محيطاته،
الإنجمامة ميناء لإعادة تأهيل النفوس
وتزويدها بالوقود والتخلص من النكد
المترسب في قاع الشبكية والخاطر معا.
شكرا يا الخالد للدعوة.
إفتح حدائق شندي للجايين.

أخي الجميل ودالمرتضى
كلمة تقيل ووزنها تقيل ( من الثقل لناس اللغة العربية.. ود شيقوق )
وأنت طيب يا أب خاطراً طيب
الدار كلها باب يا الحبوب
للغاشي والماشي ودللا الشيل
لي الولد الطافش ودربو طويل
كلمة طيبة وباقية سبيل
جميع الناس بتشيل
ماها قاسية
موية نيل وكلمة طيبة وقول جميل

تحياتي لك محمد وكل سنة وأنت طيب
ما ردفتا معاك أخيّك ليه ؟ أحمدالقرشي
المرة جاية أردفو فوق العجلة وتعال وما تغيب علينا كتير
كل ما تطفش تعال إنجم
وقولها كلمة ترضينا وتريح بالك
كيف ناس كندا علهم طيبين ؟

Post: #25
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-06-2010, 10:43 AM
Parent: #24

Quote: لا وحاتك حارس الشافع يمرق

كل سنة وإنتو طيبين ودايماً منجمين سالمين وتامين

الشي شنو جنى جمال
من الربع الأول سمعنا بي الخبر دا
ربنا يفرح به يا الحبيب أبارو والله مشتاقين لي لمتكم الحلوة
تسعدونا بها في إنجمامتنا
الوليد ربنا يبارك لك فيه من بطن أمو لحين خروجه ويرتع معاك قاصد المسجد
ويكون صالح لدينه ووطنه يا رب
وكل سنة وانت طيب ونسمع قريب يارب بقيتو تلاتا
أظنك طفر من قزة وجيهك فوق وجيها كلو صباح
الضحكة الرنانة بتسعد البيت
والصغار يملو البيت جمال ونضار

مودتي

Post: #26
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-06-2010, 10:48 AM
Parent: #25

Quote: ودالمنسي كل عام وانت بخير

واصل ياجميل

عمر التوم

عمر التوم وليد الربع الأخير
سلام لك وتحية طيبة
وألف مبروك لنيل عضوية هذا المنبر بين أخوة وأخوات كرام
نرحب بك شديييييييد في إنجمامتنا تحت الشديرات رامية ضليل
نقولها... ننشدها كلمة طيبة أصلها ضارب في أعماق الأرض وفرعها يداعب عنان السماء

خليك بيننا ما ندمت والله ماتسمع مننا إلا الطيب يا طيب

لك التحية والمودة

Post: #27
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-06-2010, 10:53 AM
Parent: #26

:
Quote: الحــــــــــــــــب

شيقا المسنوح

الحبه التخنقك حسي جيت لي جنس ده؟

وين عمكم كيمو؟

تحت تحت وين سامحكم ووضاحكم؟

يا أبارو زولك بقى زي الزين
يجري ومشلق يقوم ويقع
ويسوي في نضمي الضهبان
ويقول
الزي واحدين عرسو
واحدينجناهم حام
وانا قاعد مشلق
مثلت الحنظل علي الشمام

والله فقدناهم بي الكتير
وضاحة وسماح والعم كمال وغيرهم
بس بحومو ويجو الكلمة الطيبة ماتنفات

ووضاحة وسماح ربي يحل كربتهن ويفرج علي باسوردهم

بس أنت خلي حراسة الجنى وتعال أبقى بيننا نعرف خبرك وناخد خاطركيا طيب

Post: #28
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-07-2010, 10:50 AM
Parent: #27

ناكر الجميل مـــا بلقى حق
وكيف تلقى ناكر للجميل
دي عشرة سنين

ولحين ميسرة من الله

Post: #29
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-07-2010, 10:55 AM
Parent: #28

مالا يا خلاقّا
أوعى تكون مريضة
براها مابنقى سمية
إنجمامتنا طيبها في إيدّا

الأخت الفاضلة سمية الحسن طلحة
صابني الإستغراب عدم وجودك في ميلاد الإنجمامة الجديدة
وأنت من كنتِ تحرصين دوماً لتنالي قصب السبق في كل إنجمامة
إن شاء بس مشغوليات

تحياتنا للأسرة

Post: #30
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-08-2010, 10:58 PM
Parent: #29

شبكتينا يا أسيا
وشبكتي الناس معانا
وفي شُباك شبكك
شبكتي شبابيكو معانا
وهي اللابسا توب الشبكة
دي الشابكانا
والداير الشبك
الإجدع شبكتو معانا

Post: #31
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-10-2010, 10:31 AM
Parent: #30

كيف حياتنا اخترت غيرها
فيها أحلامنا ومنانا
وفيهاحاجتنا الصغيرة
كيف تغطي الصورة صورة
وريدنا داك ياسيدي كلو
إبقى ماضيك بالضرورة

يا الله يسر ونرجع

Post: #32
Title: Re: أبقى منجم .... كلمة طيبة .. إبتسامة حتى
Author: هند محمد
Date: 01-10-2010, 11:14 AM
Parent: #31

Quote: كيف حياتنا اخترت غيرها
فيها أحلامنا ومنانا
وفيهاحاجتنا الصغيرة
كيف تغطي الصورة صورة
وريدنا داك ياسيدي كلو
إبقى ماضيك بالضرورة

حاجة بتحزن وحاتك
لو بقي البيناتنا ذكري
او خطوط الضوء تلاشت
بين ضلام منطق وفكرة
واصلو مابنسيب دروبك
وبرضو نعشم فيها بكرة

سلام اخونا خالد واهل الانجمامة
كل سنة وانتو طيبين واحلامكم حقيقة

ربنا يحقق الاماني

Post: #33
Title: Re: أبقى منجم .... كلمة طيبة .. إبتسامة حتى
Author: Awad Elkarim Babiker
Date: 01-11-2010, 00:17 AM
Parent: #32

الحسيب النسيب ابن العم خالد
كل سنه وانت طيب
مع تباشير العام الجديد اثنى اقتراح عمنا عبدالمنعم خليفة
اطلاق لقب آظرف ظرفآ البورد علي ودشيقوق

Post: #34
Title: Re: أبقى منجم .... كلمة طيبة .. إبتسامة حتى
Author: Awad Elkarim Babiker
Date: 01-11-2010, 00:42 AM
Parent: #33

شفت الحاله العلينا

تخريمه
تتذكر سواق التاكسى المجرى ......
وقف التاكسى بين العربات وانتا اتكيفتا من الحركه وقلت لفريجون بالله اديهو بقشيش ذياده علشان حرفنتو دى

Post: #35
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-11-2010, 10:24 AM
Parent: #31

يا قماري
صوتك الحنين يشجينا ويطربنا
يهدهد مآسينا
وغنى القمري على الغصون
وذكرني الدر المصون
فريد عصرو

لك نناجي يا قماري طيري وأمشي لي دار الحبيب
يحيه أقيفي قصادو بثي له أشواقنا

وطيري للنيل كلميهو
يسقي بستاني وخداري
وكلمي الجرف المخدر
وكلمي الطير الخُداري
وقولي لي البشتاق ورايَّ
الرحيل مابي إختياري

ولحين ميسرة

Post: #36
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-11-2010, 10:38 AM
Parent: #35

Quote: حاجة بتحزن وحاتك
لو بقي البيناتنا ذكري
او خطوط الضوء تلاشت
بين ضلام منطق وفكرة
واصلو مابنسيب دروبك
وبرضو نعشم فيها بكرة

سلام اخونا خالد واهل الانجمامة
كل سنة وانتو طيبين واحلامكم حقيقة

الحزن ...
وقال القدال
وأطلع مني ..
ياحزناً بقى مكجني

وكجن الشئ أي أبغضه
والحزن الحزين حال حلَّ بنا
نعم أختي هند ذكرة الشئ الجميل بعد أن يمضي حزن كثر منها وليت النسيان يساعد
في محيها تالنسيان نعمة أنعم بها الله علينا
وليت الكان بعود
ونظل نحلم ونمني النفس أن يكون ذلك
ونقول يا رب ..

لك التحية التقدير الأخت الشاعرة مرهفة المشاعر
هند محمد

Post: #37
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-11-2010, 10:44 AM
Parent: #36

Quote: الحسيب النسيب ابن العم خالد
كل سنه وانت طيب
مع تباشير العام الجديد اثنى اقتراح عمنا عبدالمنعم خليفة
اطلاق لقب آظرف ظرفآ البورد علي ودشيقوق

عوض الكريم أبن عمي
سلااام

طال فراقك علينا
ووالله مشتاقين
إنجمامتك معنا نشتم منها طيب أهلنا الطيبين
نجتر منها الكثير من مخزون عالق في الأذهان لأيام مرحا وسعادة قضيناها
عبر العقود
في فاشر القرداب
والأمتداد
وبين ربوع سقد ومشكولتس

تعريجة بتخريمتك
كان يومها وسائق التاكسي
لكن بيني وبينك ما بكيف
صار صديق هذا السائق وأسمه تومي

تصدق تحادثت مع الجميل عادل فريجون في أجازتي المضت
لكن ماهون الله لنا لقاء لإنشغاله الشديد

تحياتي للجماعة بطرفكم وقول ليهم والله مشتاقين وربنا يجمعنا في ساعة خير

Post: #38
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-11-2010, 10:50 AM
Parent: #37

Quote: مع تباشير العام الجديد اثنى اقتراح عمنا عبدالمنعم خليفة
اطلاق لقب آظرف ظرفآ البورد علي ودشيقوق

ياعوض الكريم والعم عبدالمنعم خليفة
العرريب ماتكبرو لي راسو أصلو بلونة
لو أتنفخ بطول هييييييييييييييييييييييييييييييييييييييييييييييييع
وتاني عليك أمان الله السلام مانلقى منو
خلو المسنوح في سناحتو أصلو مدعي من أبوه بالسناحة
ومرمي الله مابترفع

هسي يجيك ناطي زي عصار ضارب المحيط مابتلم

Post: #39
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 01-11-2010, 11:13 AM
Parent: #38

اخي عوض الكريم ود بابكر

تسلم يا الحبيب

Quote: اطلاق لقب آظرف ظرفآ البورد علي ودشيقوق

ات قائل المنسي الشوم دا بقبل خيرا لود شيقوق ؟

وحاة الرسول انا معاهو في الانجمامة دى بدودر فيهو دوداروكمان بسياسة النفس الطويل نان كان قبلت ليك عليهو بملأ ليك خشيمو طين

هييييييييع قال ال ......... الطين

Post: #40
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-12-2010, 10:32 AM
Parent: #38

نحب الماضي لأنه ذهب
فلو عاد لكرهناه

ولحين ييسر الله

Post: #41
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-12-2010, 10:42 AM
Parent: #40

Quote: هييييييييع قال ال ......... الطين

بتقدر يا أب رويس
هيييييع انا الضرس الهرش اللحم بي عضمو

عوض فايق قال أظرف الظرفاء

Post: #42
Title: Re: أبقى منجم .... كلمة طيبة .. إبتسامة حتى
Author: الطيب رحمه قريمان
Date: 01-12-2010, 10:47 AM
Parent: #41

استاذنا ود النسى

لك التحية

انت و ضيوفك حبابكم عشرة

أها قصرنا .... ؟

الراية البيضاء ....

Post: #43
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 01-12-2010, 11:17 AM
Parent: #42

اكبر انجمامة في التاريخ

Post: #44
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 01-12-2010, 11:17 AM
Parent: #42

اكبر انجمامة في التاريخ

Post: #45
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-13-2010, 11:09 AM
Parent: #41

خسارة يا قلبي الحنين
هجروك أحباب السنين
من غير سبب ظلموا الغرام
الكان حلو والكان أمين

ولحين ميسرة

Post: #46
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-13-2010, 11:15 AM
Parent: #45

Quote: استاذنا ود النسى

لك التحية

انت و ضيوفك حبابكم عشرة

أها قصرنا .... ؟

الله يجازي الكان السبب
غايتو ماغايتو
مرات المنسي .. مرات النسي
مايجي واحد ويقول نسناس ( لزوم دلع ) تبقى الطامة

ماقصرت تب لكن قصرك جا في تقصير حروف كي بوردك

تحياتي ومودتي

Post: #47
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-13-2010, 11:18 AM
Parent: #46

Quote: اكبر انجمامة في التاريخ

رغم دا غير مسموح لها في الخليج كإنجمامة

تحياتي ومودتي

Post: #48
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 01-14-2010, 08:49 AM
Parent: #47

المنجمون سلام

ركب مهندس معماري مصري مع سائق تاكسي إماراتي من مطار دبي إلى أحد أحياء دبي، وكانت هذه أول مرة يزور فيها المهندس دبي ولما مرت السيارة أمام برج العرب سأله المصري: اسمه إيه البرج داه؟
فقال الاماراتي: اسمه برج العرب. سأل المصري: في كم سنة بنيتوه؟
بنيناه تقريبا في ست سنوات. فقال المصري: ست سنين يا خبر ابيض!! أحنا في مصر نبني طوله مرتين وعرضه ثلاث مرات في سنة وحدة بس!!
بعدها بدقائق مرت السيارة بجوار برج الإمارات فسأل المصري:
وداه كمان اسمه إيه ؟
فقال الاماراتي: هذا الله يسلمك اسمه برج الإمارات؟
فسأله المصري: في كم سنة بنيتوا البرج الصغير داه؟
فقال الإماراتي: والله خذ له تقريبا ثلاث سنوات وكلف ميتين مليون.
قال المصري: يا لطيييف..تلات سنوات وميتين مليون!! دا احنا نبني زيه خمس مرات في ست اشهر وبمليون جنيه بس!!
الاماراتي حقد على المصري، واكتشف انه نصاب فأراد أن ينتقم منه..
بعد دقائق مر التاكسي أمام برج خليفه فسأل المصري: اسمه ايه البرج ده؟
فقال الاماراتي: أي برج؟
رد المصري: اللي على يسارك داه.. فقال الاماراتي: والله اول مرة اشوفه.. انا أمس مصلي المغرب هنا وكانت الأرض فاضية و مكتوب فيها لوحة: الأرض للبيع!!

Post: #49
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-14-2010, 10:27 AM
Parent: #47

خُذوا الدنيا باجمعها
حبيبٌ واحد زخرُ
إذا ضاءت مطالعه
فكل سماءنا بدرُ

وبه المأوى والملاذ

ولحين تيسير من رب العالمين

Post: #50
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-14-2010, 10:32 AM
Parent: #49

Quote: بعد دقائق مر التاكسي أمام برج خليفه فسأل المصري: اسمه ايه البرج ده؟
فقال الاماراتي: أي برج؟
رد المصري: اللي على يسارك داه.. فقال الاماراتي: والله اول مرة اشوفه.. انا أمس مصلي المغرب هنا وكانت الأرض فاضية و مكتوب فيها لوحة: الأرض للبيع!!

السفير حمو ؟

دا مكمل لي سفير مالي في السودان

النمتة حلوة ههههههه
بقيت طاعم كبو ليك حبة عسل من محمد المرتضى والقرشي ولا شنو ؟

تحياتي ومودتي

Post: #51
Title: Re: أبقى منجم .... كلمة طيبة .. إبتسامة حتى
Author: سمية الحسن طلحة
Date: 01-14-2010, 12:17 PM
Parent: #50

عينان ...
في العينين مأواهم
مابالُ وصلي
قد أضرّاهم
خلفوا الوعود
وما جال بذكراهم
إن الحياة َ تطيبُ
حين نلقاهم ...

عام سعيد كل عام وكلكم بخير ربنا يحقق الأماني .

Post: #52
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-15-2010, 01:07 PM
Parent: #50

الأخ العزيز عاطف
مرحب بك في إنجمامتنا أخضر ظل شجيراتها بوجودك بيننا

هذه مداخلة من أخ كريم حبيب
الأخ عاطف يمني النفس أن يكون عضو في هذا المنبر
متابع من على البعد تحكه أنامله عندما يعجب أو يمتعض

معك أخي عاطف حتى نيل العضوية

رسالة عاطف

Quote: خالد اخوي

تطيب عيشتك يا خى

البخش الانجمامة دي دا ما بمرق منها

اخي خالد

لروحك الشفيفة ارق التحايا

كل عام ودروبك دوماً مشرعة وبالخير مشرقة

كل عام وكل امانيك واحلامك تصبح حقيقة

كل عام وانت منبعاً لسعادتنا وافراحنا

اخوتي

لا تبخلو ان شح حبرى

وبكثير من الحب التقط ما تغرسوه هنا

لكم ...... وللجميع

احترام مطلق
.

.

.

عاطف عبد الحفيظ

Post: #53
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-15-2010, 04:57 PM
Parent: #52

Quote: عينان ...
في العينين مأواهم
مابالُ وصلي
قد أضرّاهم
خلفوا الوعود
وما جال بذكراهم
إن الحياة َ تطيبُ
حين نلقاهم ...

بدءً أختي الفاضلة سمية
حمداً سلامة على عودك المبروك يا المبروكة البركة

بك نور إنجماتنا

فعلاً ياسمية
تطيب الحياة حين نلقاهم وكيلنا الله أن يكون القاء بعد أن يعز اللقاء
وليت بعد الفراق يكون اللقاء

فنحن وهبنا عيونا لطهر غرامهم
وأوقفنا حياتنا عليهم
ونمني النفس أن نلقى حنان الدنيا لديهم
غرقنا في بحر غرامهم وراح أرواحنا ذلك

فهل هناك أمل لوصول الشاطئ .. يا ليت

تحياتي ومودتي أختي سمية

Post: #54
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-15-2010, 06:40 PM
Parent: #53

Post: #55
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-15-2010, 07:02 PM
Parent: #54

حيناً يظل الفؤاد كليم
ويكون عزاءنا حروف ليتها تداوي الجرح

فما نفتأ نردد جميل القول حرفاً وليت في الحروف دوانا

ونظل واقفين ليوم الدين ونقولها كلمة طيبة
ويا جمال الكلم الطيب

وكلو بمضي
وكلو بي الأيام بروح
لاسعيد دامتّلو فرحة
ولا حزين بدومّلو نوح
لاهية بينا الدنيا لاعبّا
فيها نتغرب نتوه
القلوب بي الشوق تُحرّق
والجروح تشفي الجروح
وكلو بمضي

كلو بمضي
ومهما تقسى مصيري أنسى
إنت ماشفتَّ الصباح
كيف بِطل زي أحلى همسة
يضوي بي نورو الروابي
يضفي فوق كل حُسن لمسة
وتنطلق أرواحنا فيهو
بي شراع ماليهو مرسى
وننسى أو نتناسى إنو
كل صباح لابد إمسّى

كلو بمضي
وكل أيامنا الخوالي
وكل ليلة بكرة تمضي
زي فصول دُونيانا...
في موسم رحيلة
والسنين والعُشرة النبيلة
تبقى ذِكرى ...
في صحاري الفرقة واحتنا الظليلة
برضي راضي ..
في إبتعادي ..
وريدي زادي ..
ورحلة الأشواق طويلة
وكلو بمضي

Post: #56
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-15-2010, 07:02 PM
Parent: #54

حيناً يظل الفؤاد كليم
ويكون عزاءنا حروف ليتها تداوي الجرح

فما نفتأ نردد جميل القول حرفاً وليت في الحروف دوانا

ونظل واقفين ليوم الدين ونقولها كلمة طيبة
ويا جمال الكلم الطيب

وكلو بمضي
وكلو بي الأيام بروح
لاسعيد دامتّلو فرحة
ولا حزين بدومّلو نوح
لاهية بينا الدنيا لاعبّا
فيها نتغرب نتوه
القلوب بي الشوق تُحرّق
والجروح تشفي الجروح
وكلو بمضي

كلو بمضي
ومهما تقسى مصيري أنسى
إنت ماشفتَّ الصباح
كيف بِطل زي أحلى همسة
يضوي بي نورو الروابي
يضفي فوق كل حُسن لمسة
وتنطلق أرواحنا فيهو
بي شراع ماليهو مرسى
وننسى أو نتناسى إنو
كل صباح لابد إمسّى

كلو بمضي
وكل أيامنا الخوالي
وكل ليلة بكرة تمضي
زي فصول دُونيانا...
في موسم رحيلة
والسنين والعُشرة النبيلة
تبقى ذِكرى ...
في صحاري الفرقة واحتنا الظليلة
برضي راضي ..
في إبتعادي ..
وريدي زادي ..
ورحلة الأشواق طويلة
وكلو بمضي

Post: #57
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-15-2010, 07:09 PM
Parent: #56

ألم يعتصر الفؤاد
حنين ..
ينداح شوقاً
يبحث عن ملاذ ومأوى
ليته يجد مأوى
آه يازمان

وليه نندم علي الماضي وزمانا الراح
وليه نشكي من الألآم في كل صباح
مادام حاضرنا فيه طريق ملان أفراح

هذا العقل قولاً
فهل يرضاه الفؤاد ؟؟؟

ولحين ميسرة

Post: #58
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-15-2010, 07:25 PM
Parent: #57

السلام عليكم
اهل الإنجمامة

أنا ألاء ادم
عمري 9 سنوات بحبكم كلكم

Post: #237
Title: Re: أبقى منجم .... كلمة طيبة .. إبتسامة حتى
Author: adam khatir
Date: 03-16-2010, 07:17 PM
Parent: #6

Post: #59
Title: Re: أبقى منجم .... كلمة طيبة .. إبتسامة حتى
Author: هاشم أحمد خلف الله
Date: 01-15-2010, 07:37 PM
Parent: #1

خالد الحبيب اها رجعنالك وكيف نرفض رجوع القمرة لوطن القماري
ليك وحشه والله وإن شاء الله معاك تب واصل بس

Post: #60
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-15-2010, 07:48 PM
Parent: #59

Quote: خالد الحبيب اها رجعنالك وكيف نرفض رجوع القمرة لوطن القماري
ليك وحشه والله وإن شاء الله معاك تب واصل بس

صاحب الحرف والكلمة الطيبة
هاشم خلف الله

وليت القمر يعود
بعد أن بحَّ صوت القماري من القوقاي
على شجيرة طلحة رامية ضليل

وفيها قليلة مربوطة بي حبل عاشميق على الساق الذي شهد سمر أناس
عبر العقود وقرون

ليت القمر يعود والعود أحمد يا هاشم

Post: #61
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-16-2010, 10:23 AM
Parent: #60

ليه زمان
أديتنا ريدك
وجيت حرمتنا تاني ودك
وقلبنا الجرحت خاطرو
وبرضو ماقادر ملامك

ولحين تيسير من الله

Post: #62
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-16-2010, 10:48 AM
Parent: #61

1- الكسوف الكلي: وعندها يحجب القمر جميع قرص الشمس وهو يمثل 28% من الكسوفات، وفي هذه الحالة تشهد بعض المناطق كسوفا كليا وأخرى جزئيا، ومناطق أخرى لن تشهد الكسوف.
2- الكسوف الجزئي : وعندها يحجب القمر جزءً من قرص الشمس وهو يمثل ما نسبته 35% من الكسوفات، وفي هذه الحالة تشهد جميع المناطق -التي ستشهد الكسوف- كسوفا جزئيا، والمناطق أخرى لن تشهد الكسوف.
3- الكسوف الحلقي : حيث أن بعد القمر عن الأرض غير ثابت وبعد الأرض عن الشمس غير ثابت فإذا ما وقع القمر في الأوج وقت الكسوف فسيكون قطره أصغر من أن يغطي جميع قرص الشمس خاصة إذا حدث ذلك وقت حضيض الأرض حيث يكون قرص الشمس أكبر ما يمكن، وعندما يكون القمر في الأوج فإن قرصه يكون أصغر من قرص الشمس بـ 10%، وتمثل الكسوفات الحلقية ما نسبته 32% من الكسوفات، وفي هذه الحالة تشهد بعض المناطق كسوفا حلقيا وأخرى جزئيا، ومناطق أخرى لن تشهد الكسوف.

4- الكسوف الكلي- الحلقي: ويمثل ما نسبته 5% من الكسوفات، وفي هذه الحالة تشهد بعض المناطق كسوفا كليا وأخرى حلقيا وأخرى جزئيا، ومناطق أخرى لن تشهد الكسوف.

Post: #63
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-16-2010, 11:03 AM
Parent: #62

ساعات أتوه بالليل أنا
وأرحل مع النجيمات بعيد
وأتأمل الزمن المضى
في عيونك سعيد
أنا من فقدت الإبتسامة
الحلوة ماصادفت عيد
كل ما السنين داوت جراح
يظهر مكانها جرح جديد
ناكر الجميل مابلقى حق
وكيف تبقى ناكر للجميل

ولحين ميسرة

Post: #64
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-17-2010, 10:27 AM
Parent: #63

أفاق الحب سامية
الحب السامي هو الخالد
وكيف لا نعشق جمالو
وما رأت أعيننا مثاله

ولحين ميسرة

Post: #65
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-17-2010, 11:10 AM
Parent: #64

ورغم البين

ياقلبي أنت
الفي هواك دايماً وفي
ودايماً حنين
أشقاك أحب الناس إليك
رغم الحنين الطال سنين
ياقلبي سامح
دي المحبة
في الدنيا مافي محبتين
والقالوا ليك
عن الفراق
إن شاء يوم
ماتشوفو عين

ييسر الله

Post: #66
Title: Re: أبقى منجم .... كلمة طيبة .. إبتسامة حتى
Author: سلمى الشيخ سلامة
Date: 01-17-2010, 12:40 PM
Parent: #65

اعياد الاستقلال
فى زمان غابر ، كنا نحن تلاميذ وتلميذات المدارس نخرج منذ الصباح الباكر فى امدرمان الى حيث "يقع الان مركز شباب امدرمان" هناك يجتمع شملنا ، ويبدا الحفل باناشيد جماعية "كنا نحفظها عن ظهر قلب " ومن عجب اننا كنا نحفظ "يقظة شعب " عن زهر قلب ايضا ، نرددها بنين وبنات فى همة وحب غريبين !
يجئ من يجئ من السياسيين الذين ما كانوا يعنون لنا الكثير ، بل كنا معنيون بالمسابقات والاحتفالات التى تجرى ، نلهث خلفها ، وننتظرها على جمر كل عام
حشودنا الان تصطف فى تلك الساعة من الصباح ، البنات بفساتينهن البيضاء ، والصبيان بارديتهم وقمصانهم البيضاء ، وخلف كل تلك الصفوف يقف اولاد المرحلة الثانوية بملابس العسكرية " الكديت " حاملين فى زهو بنادقهم ، يتحركون فى خطى عسكرية تطربنا ضربات ارجلهم على الارض وهم يؤدون تلك المشيات العسكرية ، وتسمع الزغاريد من الامهات اللاتى اصطففن الى خارج مكان وقوفنا زاهيات ومعجبات بابنائهن
كنا نلتف حول السارية التى تشى بانزال العلم الاستعمارى وابداله بالعلم الذى كانت الوانه "الازرق ثم الاصفر ، واخيرا الاخضر ، ونغنى له "علمى انت رجائى ، انت عنوان الولاء " واصفين كل لون فيه رادين كل لون لوظيفته "فالاخضر زرع ، والازرق ماء ، والاصفر ارض يفتديها الاوفياء
هالله ، انه يوم عظيم ، تصدح فيه مايكرفونات العربات الكبيرة التابعة لوزارة الاعلام والثقافة
ثم تبدا مسابقات الطلاب لتنتهى بفوز ما ، نتفرق بعده ، لنجتمع فى العصر ، حيث تبدو الحدائق فى ابهى حلاتها لاستقبال الحفلات على شرف تلك المناسبة ، تنصب المسارح ، ويشدو الفنانين من كل لون اغنيات تلهب حماسة الحاضرين اجمع ، تلقى القصائد التى ما كانت احد همومنا ، لاننا نخرج منها باتجاه اخر ، حيث نادى العباسية الثقافى ، هناك ، كان ينتظرنا الشاعر الراحل اسماعيل خورشيد ، يقوم بتحفيظنا الاناشيد والاوبريتات ، ننشدها فى حضور اهلنا من ابناء الحى فى العباسية ، على شرف احتفال الاتحاد النسائى غالبا بتخريج النساء اما من محو الامية او فصول التطريز والخياطة
احتفالات الاتحاد النسائى كانت دائما تقام فى اعياد الاستقلال ، عقب التخريج تجئ عربات الاستعلامات كما كان مكتوب عليها او "السينما المتجولة " حيث نشاهد الاحتفالات الرسمية فى الخرطوم وكيف كان مشهد الطابور العسكرى ، نتابع الرقصات الشعبية التى يتم عرضها فى ذلك الشريط ، تجد الساسة واهل يسوس واقفين تجلة للطابور العسكرى ، ينتهى العرض السينمائى ، لتبدأ احتفالاتنا نحن رفقة اتحاد الشباب السودانى والاتحاد النسائى فى العباسية ، معارض وانجازات يتم عرضها فى تلك المساحة من النادى ، لنبدا حفلنا بعد ذلك نغنى للاستقلال وحين تنتهى تلك الامسية ونعود الى بيوتنا نعود والفرح نديدا لنا فلقد كان يوم حافل احتفلنا فيه باستقلال كاننا نلناه للتو
كل عام والوطن بخير
من يوميات من بلاد العم سام نشرتها فى صحيفة اجراس احرية اول هذا الشهر يناير

Post: #67
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-18-2010, 10:41 AM
Parent: #65

تعال ياحبيب تعال
أبعد عن الأوهام
وماتفكر في يوم
وتحتار مدى الأيام
مادام الدنيا فيها النور
وفيها النور زايدا سلام

ليه بتبعد ليه وترهق فؤادي جريح

Post: #68
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-18-2010, 10:46 AM
Parent: #67

سلمى الشيخ سلامةالسلام مراامنا
لك التحية وأنت تعودين بضوء من زخيرة خضراء ( جفَّ معينك يوما)
ألف مبروك زواج البنية وعقبال الباقيات

تحياتي ومودتي

Post: #69
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-18-2010, 11:09 AM
Parent: #68

يا حليلي أنـــــا
وحليل أيام سعادتي معاك
وكت كان الزمن بسام
يشاور لي دوام ضحاك
يضمنا كان هدؤ الليل
لاحس همسة لا كوراك
لقيت تب ياقلب زولك
بعد وجعك لقيتو هناك
أتاريهو الزمن دولاب
قسى ورجعني ألف سنة

ولحين ميسرة

Post: #70
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-19-2010, 10:38 AM
Parent: #69

يامضرم النار في أضلعي
ومحرقاً بها أحشائي
ياغارساً سكينةً مسمومة في داخلي
ومقطعاً بها عميق أوصالي
ياضارب بالكف خد محبه
ومهدّماً بالصد كل أمالي

ولحين تيسير من الله

Post: #71
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-20-2010, 10:46 AM
Parent: #70

يــــا نديدّي
يازمان الأغنية الجايّا وجديدّي
أي صوت راجيهو صوتك
وأي شريان فيك وريدّي
الزمن قاسي الملامح
وإنتَ نوارة قصيدي
يـــا نديدّي أنا يـــا نديدّي

ما إشتكيت لي وردة غيرك
ومالمستَّ سواء حريرك
وكلما هاجت شوادي
مانشدتَّ بلا مصيرك

شوفي كيف الدنيا أفضل من زمان
عايني كيف الأفق أوسع مما كان
هلَّ فجرك .. يــامصابيح إنطفّي
تاني وين ضيق المحل لو إنتِ في

ولحين ميسرة وربنا ييسر الحال

Post: #72
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-21-2010, 10:39 AM
Parent: #71

أؤسائل عنك ..
أزارا رياحين وأزهارا
جبالاً في بلادي
كنت أعرفها وأشجارا
نقشنا في جزع فروعها
رمزاً وتذكارا
وذقنا حولها قبلاً
أحالت شوقنا نارا

ولحين تسير من الله

Post: #73
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-22-2010, 08:16 AM
Parent: #72

نعيم الدنيا وسعادتها
أن تعيش حب صادق نبيل

ولحين ميسرة

Post: #74
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-22-2010, 05:47 PM
Parent: #73

ساعات أتوه بالليل أنـــا
وأرحل مع النجيمات بعيــد
وأتأمل الزمن اللراح
في عيونك سعيــــــــــد
أنــأ من فقدتَّ الإبتسامة
الحلوة ما صادفت عيــــد
كل ما السنين داوت جراح
يظهر مكانا جرح جديد

وناكر الجميل مابلقى حق
وكيف تبقى ناكر للجميل

تحية ومودة ولحين

Post: #75
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-23-2010, 10:28 AM
Parent: #74

أكحلت الليالي وسهاده وكست الأعين سوادا

جفل المنام فارق ..
والعين تتألم قبل القلب أحيانا

بحسب دقايق الليل
أنا والنجم زِملان
تابع هواكم
جافي الأهل والحِبان
ياالعالي صدرك مال
وضميرك الهزلان
لو عيني تنظر خدك
ومت ما زعلان

ولحين ميسرة

Post: #76
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 01-23-2010, 11:28 AM
Parent: #75

زار المحجوب اسبانيا -الاندلس - ابان فترة رئاسته للوزراء فكتب هذه القصيدة

نزلت شطك بعد البين ولهانا...فذقت فيك من التبريح ألوانا

وسرت فيك غريباً ضل سامره...داراً وشوقاً وأحباباً و إخوانا

فلا اللسان لسان العرب نعرفه...ولا الزمان كما كنا وما كانا

ولا الخمائل تشجينا بلابلها...ولا النخيل سقاه الطل يلقانا

ولا المساجد يسعى فى مآذنها...مع العشيات صوت الله ريانا

كم فارس فيك أوفى المجد شرعته...وأورد الخيل وديانا وشطآنا

وشاد للعرب أمجاداً مؤثلة...دانت لسطوته الدنيا وما دانا

وهلهل الشعر زفزافاً مقاطعه...وفجر الروض أطيافاً وألحانا

يسعى إلى الله فى محرابه ورعاً...وللجمال يمد الروح قربانا

لم يبق منك سوى ذكرى تؤرقنا...وغير دار هوى أصغت لنجوانا

أكاد أسمع فيها همس واجفة...من الرقيب تمنى طيب لقيانا

الله أكبر هذا الحسن أعرفه...ريان يضحك أعطافاً وأجفانا

أثار فىَّ شجوناً كنت أكتمها...عفَّاً وأذكر وادى النيل هيمانا

فللعيون جمال سحره قدر...وللقدود إباء يفضح البانا

فتلك دعد سواد الشعر كللها...أختى لقيتك بعد الهجر أزمانا

أختى لقيتك لكن أين سامرنا...فى السالفات فهذا البعد أشقانا

أختى لقيت ولكن ليس تعرفنى...فقد تباعد بعد القرب حيَّانا

طفنا بقرطبة الفيحاء نسألها...عن الجدود وعن آثار مروانا

عن المساجد قد طالت منائرها...تعانق السحب تسبيحاً وعرفانا

وعن ملاعب كانت للهوى قدساً...وعن مسارح حسن كنَّ بستانا

أبوالوليد تغنى فى مرابعها...وأجج الشوق نيراناً وأشجانا

لم ينسه السجن أعطافاً مرنحةً...ولا حبيباً بخمر الدل نشوانا

فما تغرب إلا عن ديارهم...والقلب ظل بذاك الحب ولهانا

فكم تذكر أيام الهوى شرقاً...ولا حبيباً بخمر الدل نشوانا

قد هاج منه هوى ولادة شجناً...والقلب ظل بذاك الحب ولهانا

فأسمع الكون شعراً بالهوى عطراً...وكم تذكر أعطافاً وأردانا

وعاش للحسن يرعى الحسن فى وله...برحاً و شوقاً وتغريداً وتحنانا

تلك السموات كنَّاها نجمِّلها...بالحب حيناً وبالعلياء أحيانا

فردوس مجد أضاع الخلف روعته...من بعدما كان للإسلام عنوانا

أبا الوليد أعنِّى ضاع تالدنا...وقد تناوح أحجاراً وجدرانا

هذى فلسطين كادت والوغى دول...تكون أندلساً أخرى وأحزانا

كنا سراة تخيف الكون وحدتنا...واليوم صرنا لأهل الشرك عبدانا

نغدو على الذل أحزاباً مفرقة...ونحن كنا لحزب الله فرسانا

رماحنا فى جبين الشمس مشرعة...واليوم صرنا لأهل الشرك عبدانا

أبا الوليد عقدنا العزم إن لنا...فى غمرة الثأر ميعاداً وبرهانا

الجرح وحدنا والثأر جمعنا...للنصر فيه إرادات ووجدانا

لهفى على القدس فى البأساء دامية...نفديك يا قدس أرواحاً وأبدانا

سنجعل الأرض بركاناً نفجره...فى وجه باغ يراه الله شيطانا

وينتسى العار فى رأد الضحى فنرى...أن العروبة تبنى مجدها الآنا

Post: #77
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 01-23-2010, 01:02 PM
Parent: #76

منجمين سلام وعلكم بخير

الملكة الريحانة أخبارك والعقب طولنا من نضمكم

المنسي المسخوت مشيت تفتش للدبيب في جحرو؟

وين المستشار ود أبو القاسم؟

Post: #78
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-24-2010, 10:29 AM
Parent: #75

تنسانا يا ســـمح الخصائل
يا الساكن الشمال
ولي قلبي شايل

ييسر الله

Post: #79
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-24-2010, 10:35 AM
Parent: #78

Quote: نزلت شطك بعد البين ولهانا...فذقت فيك من التبريح ألوانا

وسرت فيك غريباً ضل سامره...داراً وشوقاً وأحباباً و إخوانا

فلا اللسان لسان العرب نعرفه...ولا الزمان كما كنا وما كانا

مدمر الأحساس بالغربة في وطن أنت تعرفه وتعرف لسانه

تعرف يا شيقوق عجبني جداً بوستك بتاع أصلح اكون للمعالي
بوست هادف ودسم وكبير الفائدة وليتك تواصل على هذا المنوال
وتخلي المياصة ( هههههههههههههه ) وهييييييع

ولي قدام سر أيها الهمام والمكعوج ( عنقريب العدة أتذكرتو )

كرابو نازل

تحياتي ومودتي الشقي السهيت

Post: #81
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-24-2010, 10:41 AM
Parent: #79

Quote: منجمين سلام وعلكم بخير

الملكة الريحانة أخبارك والعقب طولنا من نضمكم

المنسي المسخوت مشيت تفتش للدبيب في جحرو؟

وين المستشار ود أبو القاسم؟

الأخ الحبيب أبارو
أها ما بقيتو تلاتا

والله يا أبارو لا أخفيك سرا
الإنجمامة ما ظلت الإنجمامة التي نعرفها
هجروها أهلها
وأنا فكرت جادي أن تكون هذه أخر دورة

تسأل عن مين ولا مين
عن سلمى سلامة
سلمى صبحي
الريحانة
تيسير المبارك
هند محمد
سموحة
ابوالقاسم والسنجك والرطاني
بوبا
محي الدين
الفاضلابي
ودالعبيد
والغابوا كُثر
كانت لمة جميلة أجتمعنا من أجل كلمة طيبة
وممكن أن تختفي الإنجمامة لكن عمرها ما بتروح الكلمة الطيبة
وأنا حامد وشاكر لجمعة الإنجمامة في السنين الماضية
تعرفنا بكم أعمدة الإنجمامة

لكن الفكرة جادة ولحين ميسرة

Post: #80
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 01-24-2010, 10:39 AM
Parent: #78

جيتك يا سجم الرماد اصلك شر لابد منه .

جامعة الخرطوم نبع المودة، والحنان، والعاطفة النبيلة!!
"من كتاب صدى الذكريات"
د. محمد احمد بدين [email protected]

كم جمع الحب بين أصحاب القلوب المرهفة، في ذلك الجو الأخوي الصادق، والشاعري الملهم، والمفعم بالمودة النبيلة، وكم فاضت المشاعر أحاسيس دفاقة ، جاشت بها الصدور، وفاض بها الدمع ،فجادت القرائح باعذب الشعر وارقه، وكيف كتم بعضهم هذا الحب بين جوانحه،ولم يبح خشية العيون التي ترى، أو بلغة هذا الزمن الصعب" الشمارات!" وكيف سار الركبان بذكر بعضه الآخر، بين منحنيات الجامعة وأروقتها، وكيف تسرب البعض الآخر من الشعر، وتعدى أسوار الجامعة، ولحن، وتغنى به الفنانون، فأصبحت تلك القصائد أغانٍ خالدة في حياتنا ووجداننا!!
ولا أود أن انكأ جراح هؤلاء الشعراء المرهفين،وغيرهم من العشاق المتيمين، فيصيحون بي، قائلين:"كفى!!" كعمنا مهدي أبوبكر- رحمه الله- الذي لام صاحبه، الأستاذ منصور عبد الحميد حين ذّكره بقصة حب قديم، قائلا:
أثرت شجونا لا تزال تـؤرق * رفيق الصبا ألا تحن وتشــفق
واسهرتني ليلي فهلا رحمت ما * يجيش به قلبي الشقي ويخـفق
وأنت إن رأيت جموع الطلبة والطالبات، وهم يتهادون زرافات، ووحدانا في تؤدة وانسجام، هناك بين منعرجات الجامعة، وساحاتها، فقد رأيت بالفعل ما وصفه الشاعر المبدع شوقي حين قال:
إذا ما رايتهمو عــندها ** يموجون كالنحل عند الربــي
رأيت الحضارة في حصنها** هناك وعند جندها الأغلــب
ومن رحم هذه الصومعة، خرجت إلى الوجود، أحلى وأعذب الكلمات، فكانت تلك القصة العاطفية، التي ترعرعت في مكان عزيز على الشاعر، وعزيز علينا جميعا، جمع بينه وبين المحبوب والأخر:
ذكرت مكانا عزيزا على * وأنت به وأنا والأخر
ويقال انه قهوة النشاط، والشاعر أدرى! وكيف نرى أن شاعرنا المبدع خشي الإفصاح والبوح ، وبالغ في إخفاء قصته من عيون البشر، إلا انه أعلن الهزيمة أخيرا، وأعلن عن ذيوع وانتشار الخبر! فكانت :
حبيبة عمري تفشى الخبر وذاع وعم القرى والحضر
وكنت أقمت عليه الحصون وخبأته من فضول البشر
أو ذاك الذي خشي على من يعز أن يسافر ويتركه وحيدا ، فلم يجد ما يقسم به غير المشاعر، وانه لأرق قسم وربك! لم يقسم بأغلظ الإيمان، فالشاعر رقيق يتجنب الغلظة حتى في قسمه! تماما كما اقسم قبله الشاعر الفذ حسين بازرعة بالمعزة، وبالمودة.
فكانت:
قلنا ما ممكن تسافر نحن حالفين بالمشاعر
لان الدنيا بما فيها ومن فيها من بعدها ما بها غير الشقاء!. أما كان يجدر بها أن تجبر بخاطر هذا الشاعر المرهف، وتؤجل هذا السفر ولو "شوية"؟؟
وسفر الأحباب لم يبتل به فقط الطلبة، بل تعداه إلى أساتذتهم الكرام، الذين فجعهم رحيل الأحبة، فكانت :
أحبابنا أهل الهوى ** رحلوا وما تركوا اثر
ولم يترك الشاعر جهة إلا وسألها عن هؤلاء الأحبة، حتى طير المشارق! عله يأتيه منهم بخبر. وحق له أن يسال عن الذين هم:
بيض الوجوه كأنهم ** رضعوا من سطح القمر
سود العيون كأنها** شربت من ينابيع السـحر
ثم هناك تلك الحبيبة، التي تكفي فقط بسمتها الوضاءة المشرقة إلى أن تقسم الدنيا إلى قسمين! فكانت " سيد الاسم":
حبيبي وقتين يبتسم الدنيا يا ناس تنقسم!
في أي قسم نجد أنفسنا أخي كامل ؟! إن شاء الله نكون في قسمكم!وان أبيت، فسوف نحلفك ليس بعشرة الجامعة فقط، بل بالتي سبقتها في الفاشر الأميرية، حيث شاركتنا فيها مدرستكم كتم الأميرية!
أو ذلك الشاعر المبدع الذي تحسر على "آماله" التي ضاعت، وفجع بطالعه، شانه شأن الكثيرين غيره في الجامعةّ! وليتها اكتفت وحدها بالضياع، كلا، أنها خطفت أيضا معها عمر الشاعر، فكانت الآمال الضائعة:
هي "الآمال" ضاعت..... ** كيف ضاعــــت لست ادري
سراعا كن كاللمح الخفـي** غداة بنّ خطفن عمـــــري
سرقن هناءتي وكسرن قلبي** وفي الأحلام ضاق بهن صدري
أو ذلك الصديق الولهان من كلية الحقوق، الذي حكى لي ذات مرة، انه بينما كان منهمكا ليلا في المذاكرة في المكتبة، جاءت ليلاه" fresh ، أي لتوها" من الداخلية، في كامل أناقتها، وعطرها، ودنت منه من الخلف في خفة وهدوء، دون أن يشعر بها، وانحنت فوقه تنظر إلى الكتاب الذي يطالعه، وهي تقول له:" ماذا تقرأ يا".....؟" فقال رفعت راسي، وعندما أبصرتها، ، صعقتني بساطع نورها، وغمرتني بشذا عبيرها الفواح، فبهت! وارتج على! وفتحت فمي كي أجيب، لكنه لم يسعفني بكلمة واحدة مفيدة! إنما هي فقط همهمة وغمغمة، وأتممت الباقي بإشارات من يدي، وإيماءات بالرأس!! ويذكر الرواة- وهم كاذبون هنا - انه خرّ مغشيا عليه!! كيف لا، اليست هي أخت اللائي قال فيهن الشاعر:
يصرعن ذا اللب حتى لا حراك به ** وهن اضعف خلق الله انسانا
أو ذلك الشاعر من خارج الجامعة، الذي خلبت لبه الطالبة الجامعية الحسناء ( ع)، التي ألف فيها أغنية " ظبية البص السريع * همت بيك وأنا خايف أضيع" – على ذمة الرواة_ وهو، وهي، والبص في طريقهم إلى مدينة كوستي.
وهذه لم تكن فقط ظبية البص السريع، بل كانت ظبية البصات من جميع السرعات، والجامعة وما جاورها! آية في الأناقة، وحسن الهندام، نافرة، نفور الظباء، دائما وحيدة، لا ولد حولها ولا بنت! قتلت الكثيرين كمدا، وهي لا يهمها هذا، ولا تكترث لذاك، كما الدهر الذي:
لا يبالي رضا المستريح ** ولا ضجر الناقم المتعب
بل تنام ملأ جفونها عن معجبيها، نوم المتنبي عن شواردها !!
وكانت في غاية الاعتداد والثقة بالنفس. اذكر جمعتنا في مرة من المرات، رحلة من رحلات الجامعة في يوم جمعة في إحدى الحدائق الخلابة بضاحية من ضواحي الخرطوم ، وجلسنا في دائرة لتأدية إحدى اللعبات، وكان يتحتم على كل واحد وكل واحدة منا اختيار اسم حيوان او طائر. وعندما أتاها الدور تلكأت قليلا‘ علها توفق في اختيار الاسم الذي يناسب كل هذا البهاء. فقطع احد الزملاء عليها حبل تفكيرها قائلا:" خلاص بقرة!" فما كان منها إلا أن قالت له سريعا" بقرة انت!..... أنا فراشة!!" وما جافت الحقيقة!
وفي مرة أخرى كنا نجلس ليلا في مكتبة الجامعة الرئيسية حول الطاولات التي هي مخصصة لأربعة من الطلبة. وكان يجلس إلى جواري طالب من زامبيا، يدعى جيمس، يدرس في كلية العلوم، ويجلس أمامي طالب آخر لا اعرفه، والكرسي أمام جيمس شاغر. فجاءت الزميلة" ع" وجلست أمام جيمس دون تحية أو سلام. وفتحت حقيبتها على الفور، ووضعت أمام كل منا نحن الثلاثة قطعة من الحلوى الراقية، دون كلام، وكأن قائد الأسطول يصدر امرا لجنوده: "كلوا يا عيال مساكين!". وحفتنا الأنوار، و غمرتنا الروائح، وتكهرب الجو، وما هي إلا برهة، ودنا مني جيمس قائلا ما ترجمته بالعربية:" هذه البنت تخيفني! فهذا الجمال كثير على، وسوف يفتك بي من دون شك! لذا اني مغادر" وجمع كتبه على عجل وغادر المكتبة! وأثارت هذه الحركة فضول الزميلة، وإصابتها بنوع من العقدة. فقالت لي همسا " يا زميل- وهي لا تقل اسمك، حتى لو تعرفه حق المعرفة! فكل الجنس الخشن لديها زملاء وكفى!- ماذا قال لك هذا الزميل؟ ولماذا غادر فجأة؟ قلت لها:" بصراحة قال لي انه يخاف منك!" فأجابت مستغربة" يالعجب! أنا ما خفت من شكله القبيح ده، هو يخاف مني؟؟!!" فأجبتها إن الخوف " خشم بيوت" أيتها الزميلة العزيزة! ويبدو أنها لمّاحة، وفهمت ما رميت اليه، فتبسمت!
رحم الله الزميلة الأخت "ع" رحمة واسعة، والهم زوجها, وذويها الصبر الجميل. فلقد قرأت نعيها قبل سنوات قليلة في إحدى الصحف وانأ هنا في جدة. ويبدو أنها كانت مغتربة مثلنا في إحدى دول الخليج، بعيدة عن الأهل والسودان. وما أقسى أن تكون بعيدا عن الأهل والسودان! ولكن هذا قدرنا!.
ومن المحبين هناك فئة" كاتمي الصوت"، يعانون في صمت، يموتون كمدا، ولا يفصحون، لا شعرا، ولا نثرا، ولا بوحا لكائن من كان! فعرفوا كيف يخفون الحنين، ويواروه خلف ستار الحذر، تماما كما فعل المبدع الحسين، إلا أنهم لم ينهزموا أخيرا مثله، ويرفعوا الراية البيضاء، بل ظلوا صامدين! يرفعون شعار:
فما حسنا أن تأتي الأمر طائعا** وتجز إن داعي الصبابة اسمعا
لكن ما درى هؤلاء أنهم يحملون بدواخلهم قنابل موقوتة، قابلة للانفجار في أي لحظة! اذكر أن الزميل "ا" كان من ضمن هذه الفئة الصابرة. وكان متيما بإحدى حسناوات الشايقية، الزميلة الفارعة،
" س"، وفي إحدى رحلات الجامعة ذات جمعة في ضاحية السقاي، تمدد بجوار هذه الزميلة، وأمضى كل الوقت وهو ينظر اليها، ولم ينبث ببنت شفه! وعلى الرغم من انه كان كالذي لم يقطف زهور خدودها،
فقط " يعاين" بعيونه، إلا أن المحبوبة لم ترحمه ! فما كان منها إلا أن خاطبت من حولها بالدارجي السوداني وهي موجهة كلامها اليه: " يا أخوانا الود ده مالو من الصباح راقد جنبي كده زي المرأة الحامل!!" وانفجر الجميع ضحكا، خاصة إذا علمنا أن الزميل إياه، كان مكتنزا لحما، وشحما، وحتى كرشا!!
ومن كاتمي الصوت هؤلاء، كذلك ذلك الأخ الورع البعيد عن الاختلاط والبنات، والمواظب على صلواته، وتبتله. وكان يكتم حبا جارفا لإحدى زميلاته. ويذكر الرواة، أن المحاضر وّجه سؤالا لهذه المحبوبة في إحدى المحاضرات. وعندما بدأت تجيب، أدرك المحاضر من أول وهلة إنها ملمة بالإجابة، فبدأ- كعادة بعض الأساتذة في هذه الحالة- يقاطعها بين الحين والآخر متمما إجابتها. والزميل يتململ في مقعده، وما لبث أن خرج عن طوره، مخاطبا الأستاذ، أيضا بلهجة الشايقية المحببة:" يا أخ خلها تتكلم.. الله لا كسبك!!" ويقال في رواية أخرى، انه سب له ......- والعياذة بالله- واخذ كتبه وانصرف!
ويذكر الرواة – و هم هنا أيضا كاذبون- إن وفدا من الزملاء، والزميلات، قام على عجل بمقابلة تلك المليحة - والتي زاد من فتكها عدم ارتدائها لخمار، لا اسود ولا ابيض!- واستنكروا ما فعلته بذلك الناسك المتعبد، وطالبوها أن ترد للمسكين صلاته، ونسكه، وناشدوها أن لا تقتله بحق دين محمد!!
ولله در رحلات أيام الجمعة تلك، التي كانت تنظمها الجمعيات على اختلافها بمناسبة، وبغير مناسبة ! فقد كانت النفوس تروح فيها عن ذاتها ترويحاً عظيماً ، وكانت تجد فيها المتعة والتغيير ، ويخرج الفرد فيها غالباً بعلاقات، وصداقات، وصلات جديدة تكون ذخراً للمستقبل . ولكم كانت تحدث في هذه الرحلات الكثير من النوادر والمفارقات والنكات . فكم منهم من ركب بصاً دون أن يعلم ا إلى أين يتجه هذا البص ، أو أى جمعية هي التي تنظم هذه الرحلة، على كثرة ما تنظم من رحلات في يوم واحد . فكل ما يهم هذا البعض أن ( ليلاه ) ركبت هذا البص ، والجميع كلف منذ قديم الزمان بالذهاب الي حيث تتجه ( ليلاه ) . وليس يهمه بعد ذلك في كثير أو قليل أن يتجه البص شمالاً ا إلى ( الكدرو ) أو جنوباً إلى ( الكاملين ) ! ولكن الذي يدريه هو أن البص لابد وأن يصل في النهاية مكاناً ما ينزل عنده الجميع . أما الجمعيات فما هي عنده إلا مسميات يراد بها التفريق بين الشخص ومن يحب . وأما الأكل فحدث ولا حرج ! فحيثما يصل البص فأنت واجد دون شك كل ما تشتهيه الأنفس وتستلذ له من طعام وشراب . لكل ذلك كان يوم الجمعة يوماً خاصاً ، ينتظر بفارغ الصبر ، يعد له الطلاب النفيس من الملبس ، وعند الطالبات فرصة لنفض الغبار عن الثياب الملونة والتي لا تجد فرصتها في المدرجات ، فهناك الثوب الأبيض لها بالمرصاد
وأذكر كم كان يطربنا الأخ المرحوم الشيخ خير الله بصوته الشجي ، في مثل هذه الرحلات وكان شخصاً ، خفيف الظل لطيف المعشر، ويتمتع بشجاعة أدبية فائقة . وكنا ذات مرة عائدين من رحلة طويلة من الكاملين ، وأصاب البص عطب ووقفنا الي جانب الطريق في انتظار إصلاح ذلك العطب . وامتد بنا الليل، وبعضنا لا زال جالساً في مقعده داخل البص ، والبعض اشتد به الملل فنزل ينظر إلى المحاولات التي يقوم بها السائق ومساعدوه لإصلاح السيارة . وكنا من الذين بقوا داخل البص واقترحت الزميلة ( خ ) التي حباها الله بوجه سمح المحيا، حلو القسمات على الأخ الشيخ أن يغنى أغنية علها تذهب عنا السأم والملل . فقام الأخ الشيخ من مقعده في آخر البص وجاء إلى حيث تجلس تلك الشابة
وجلس على المقعد المقابل لها مباشرة، وصار ينظر اليها ويغنى الأغنية السودانية :
أنا ما بقطف زهور خدودك ...... بس بعاين بعيوني
ويعيد مقاطع خاصة ويكررها ويركز عليها مثل:
ملأ العيـون نـورك
كشف الظـلام بسمـك
وتجـلى لي رسمــك
شخصك ملأ عيوني ....... أنا ما بقطف زهور خدودك
او المقطع القائل:
يا الغالي موهوبك
يا العالي تعليمـك
أنا من مظاليمــك
والبنت تكاد تذوب خجلاً ، رغم أنها سُـرّت في داخلها بدون شك أن تكون هي المعنية بتلك الأوصاف الواردة في الأغنية في تلك اللحظة بالذات! " والبص " كله يردد الأغنية وراء الشيخ مما أضطر الزميلة نفسها أن تزيح ستار الخجل عنها وتشارك الجميع الغناء !!
وفي مرة أخرى كانت رحلتنا إلى ( السقّاي ) شمال الخرطوم . وارتحلنا في بص الجامعة المرسيدس الوثير، تشجى آذاننا الأغاني من ( حقيبة ) وحديثة ، تبارى في أدائها الذكور والإناث ، وتحمل الينا نسمات الصباح الباردة الروائح الباريسية التي تفوح من كل جانب في البص . ويبدو أن روعة المشهد تذهب بالخجل من الكثيرين، فتكسو الخجول شجاعة أدبية ، وتزيد الشجاع جرأة وشجاعة .
وبعد رحلة ممتعة دامت قرابة الساعة وصلنا الي ( السقّاي ) وحططنا الرحال في إحدى حدائقها الغناء على ضفة نهر النيل . وقضينا يوماً ممتعاً في لهو وسمر برئ ، حتى إذا انتهينا من تناول طعام الغداء ، دُعي الجميع الي لقاء مشترك للبدء في برنامج ترفيهي يشترك فيه كل أفراد الرحلة . وكان من ضمن فقرات البرنامج فقرة محببة في كثير من الرحلات ألا وهي فقرة أخذ الأوراق من ( القبعة ) .
وتبادل الزملاء والزميلات في أخذ الوريقات ، وحكى بعضهم أطرف ما سمع من نكات، وحكى البعض الآخر أحرج ما مر به من مواقف ، إلى أن جاء الدور إلى بطلة قصتنا هذه (س) ـ أو سمها الضحية إن شئت . وهي شابة دمثة الأخلاق ، في منتهى التهذيب، وديعة الملامح ، اجتماعية تشارك في الكثير من النشاطات الجامعية وعلى علاقة طيبة مع الكثير من الزملاء والزميلات . وكانت تتمتع إلى جانب ذلك كله بصوت شجي وشجاعة أدبية نادرة . وتقدمت نحو القبعة في خطى ثابتة وأخذت لها وريقة . فلنرى ماذا كان يخبئ لها الحظ . إنها وريقة تقول : " غنى لنا أغنية تختارها أو تختارينها ".
ولنترك هذه الشابة تفكر فيما تختار من الأغاني ، ونعود قليلاً ا إلى الوراء لنلقي بعض الضوء على بعض الأحداث التي لابد من فهمها لأنها تعكس لنا الأسباب من وراء اختيار تلك الشابة لتلك الأغنية التي سنعود بعد قليل لسماعها .
ربطت بين هذه الشابة وبين زميل لها من نفس الكلية في الفصول المتقدمة علاقة حب قوية ، هي من كردفان الغرا أم خيرا بره ، وهو من بلاد دنقل، ما لبثت أن ترعرعت ونمت،وذاع الخبر وانتشر ، وسار بالحديث الركب في منعرجات الجامعة ومنحنياتها . وما لأمثال هذه القصص أن تُخفى ، وإن أكثر المحبوب من التخفي والتمويه ، وما أخالها إلا وقد خشيت هذا الإفصاح، فرددت كثيرا في سرها قول التي سبقتها في هذا الموقف قائلة :-
إذا جئت فامنح طرفك غيرنا
كي يحسبوا ان الهوى حيث تنظر
ولكن ما باليد حيلة ، فالصحاب والصاحبات تناقلوا الحديث بين قهوة النشاط وبين الداخليات . وما كان ذلك عندهم بالأمر المشين ، فهو حدث قديماً وسيحدث في كل وقت وفي كل مكان . وليس هناك أجمل من عاطفة صادقة متبادلة بين اثنين في حب شريف يرضى فيه كلاهما بما رضي به جميل من بثينة في قوله :-
وإني لأرضى مـن بثينـة بالـذي
لـو أبصـره الواشـي لقـرّت بلابــله
بلا، وبان لا استطيع، وبالمنى
وبالأمل المرجو قد خاب آمـــــــله
وبالنظرة العجلى، وبالحول تنقضي
أواخره ،لا نلتقي واوائلـــــــــه
واستمر الحال حيناً من الدهر وأصبحا كالخطيبين ، حتى صار منظرهما مألوفاً عند الصحاب الذين انشغلوا عنهم بالجديد من القصص والمسرحيات . وجاءت إجازة من إجازات آخر السنة الدراسية ، وودع كل منهما الآخر وسافر إلى وطنه الصغير . وكان لابد للإجازة أن تنتهي حتى يعود الجميع ويتخذ بعضهم من المقاعد المنتشرة في فناء الجامعة ، والمتناثرة ما بين المكتبة ( وقهوة النشاط ) مقعداً يلقى كل منهم النظرة العجلى وغير العجلى إلى أسراب المحبين وهم يتهادون في تؤدة وانسجام بين ناكر وحاسد، ومعجب وناقد
ولكن يا لهول الصدمة ! فلقد جاء الشاب من قريته وهو يلبس دبلة الخطوبة!! فلقد خطب هناك ، مطبقاً بذلك المثل القائل : ( عندما يحب الطالب في الجامعة يتزوج في قريته !). ولقد شقّ الأمر على الفتاة ولقد فُجعت وغُدر بها . ومما يزيد الأمر قسوة أن ذلك حدث على رؤوس الأشهاد ، وعلى مرأى من رواد المقاعد ومنهم دون شك الشامت واللاحي . ولكنها لم تنهار ، فلقد كانت قوية ، وأخفت كل الجراح بين الضلوع وتذرّعت بالصبر الجميل . ولكن ما كان لها أن تنسى كلية ، فالأمر ليس بالسهل . وما أظنها جاءت إلى هذه الرحلة إلا لتجد سلوى تتعزى بها ، وتروّح قليلاً عن نفسها . فلننظر كيف روّحت عن نفسها ، بل كيف انتقمت لها !!
ونعود مرة أخرى إلى الانضمام إلى رحلتنا تلك ، ونأخذ مجلسنا بين ذلك الجمع في انتظار الأغنية ، فالكل متلهف لسماعها، ولقد أعطي القوس لباريها ، فالزميلة تجيد الغناء وأي إجادة! ولقد كان ذلك الشاب الذي غدر بها ـ لسوء حظه ـ من ضمن الحاضرين في ذلك اليوم، ومن المفارقات الغريبة أنه كان يجلس بجواري . قرأت الشابة الوريقة مرة أخرى ، وأصلحت من ثوبها ووقفتها وبدأت تغني بصوت شجي واضح النبرات أغنية الفنان عثمان الشفيع الخالدة (ظلمتني) ، التي يقول في مطلعها :-
ظلمتني يا ظالم .. ليــه يا ظالم
وتمضي في أبيات الأغنية وهي تحاكي البلبل ، وفي ثبات ورباطة جأش في موقف صعب تنهار من دونه أعصاب الكثيرين :
كل من كان معانا * في صباحنا ومساءنا
لو عارفين هوانا *يحلفوا ما برانـــا
لكن براك براك * ظلمتني يا ظالـــم
ليه .... ليــه..* ياظالـــــــم
والكل أدرك من أول بيت في الأغنية من تعني ومن تخاطب ، ولم ترد أن تكن كالقائل : " إياك أعني واسمعي يا جارة " ، بل أرادت أن تقول : " إياك اعني وإياك أردت أن أُسمع يا هذا " فكانت تحيد ولا تنظر إلا اليه ، وصاحبنا المسكين منكفئ على وجهه يذوب خجلاً لم يستطيع أن ينظر اليها قط، أو حتى يرفع رأسه !
وقد تعاطف معها الجميع لدرجة مذهلة ، فالأمر واضح وصريح، وكاد المسرح أن يتحول إلى صورة مأساوية ، ولقد أدمعت أعين البعض ، فالسودانيون شعب حنين سريع الانفعال . ولكن ما عليها فلقد وجدت فرصتها ، وهاهي عاتبته على مرأى ومشهد من الجميع ، وحمّلته المسؤولية كاملة ، وأخبرته بكل وضوح أنه ظلمها ، أيستطيع الإنكار ؟ لا أعتقد .
وانتهت رحلتنا تلك ، وانتهت من بعدها المرحلة الجامعية ، وسارت الأحداث سيرها العادي وغير العادي ، وتفرقت بنا السبل ، وباعدت بيننا دروب الحياة ، ولم تتبق لنا من تلك الحياة الحلوة سوى الذكريات . ولقد تزوجت هي غيره كما تزوج هو بأخرى . واليهما بعد كل هذه السنوات الطوال في غربيتهما ، مني ألف ألف تحية وسلام فكلاهما صديق ، وكل منهما مغترب خارج السودان. هي استقر بها الحال مع زوجها في إحدى الدول الأوربية الراقية، وهو أصبح سفيراً ينتقل من بلدٍ الي بلد؛ وقد يأتي يوما إلى بلدها سفيرا، فيجدها ضمن رعاياه! أيا ترى كيف يكون اللقاء؟؟!!! أيكون كلقاء الدكتور إبراهيم ناجي مع من كان يحب؟؟!!:
يا حبيبي كل شيء بقضـاء * ما بأيدينا خلقنا تعســاء
ربما تجمعنا أقدارنــــا * ذات يوم بعد أن عّز اللقاء
فإذا أنكر خل خــــله * وتلاقينا لقاء الغربــــاء
ومضى كل الي غايــته * لا تقل شئنا إنما الحظ شـاء
تعليق:
اتصل بي بعض الاخوان بادين اعجابهم بالحلقة السابقة:" جامعة الخرطوم.. قصص ونوادر" وهم: الاخ يوسف كوكو، والاخ ابراهيم محمد خير، والاخ محجوب محمد صالح، والاخ احمد صديق؛ فلهم جميعا الشكر. وارسلت الاخت العزيزة الدكتورة دينا شيخ الدين رسالة من امريكا شاكرة على الكلام الذي قلته في حقها، وعلى المساعدة التي قدمتها لها في موقف اللواري في نيالا؛ الا انها ذكرت، واكدت انها لم تكن ضمن المجموعة التي نزلت معنا في الفندق في نيالا، لانه كما ذكرت لا تنزل عادة في الفندق، فاما ان تنزل مع ذويها او تسافر في نفس اليوم؛ ويبدو انني نسيت هذه الجزئية، فلها الاعتذار والعتبى حتى ترضى.

Post: #82
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-24-2010, 10:54 AM
Parent: #80

كان الدلال من طبعك
عاجبنا فيك غرور
وإن حرتّا برضك عادل
وحُكم الجميل مقبول
نهواك نتوه في ريدك
شايفين ألمنا سرور
نار الغرام ياساحر
أحرقّنا لو بدور

ولحين ميسرة

Post: #83
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-24-2010, 10:59 AM
Parent: #82

كم جمع الحب بين أصحاب القلوب المرهفة، في ذلك الجو الأخوي الصادق، والشاعري الملهم، والمفعم بالمودة النبيلة، وكم فاضت المشاعر أحاسيس دفاقة ، جاشت بها الصدور، وفاض بها الدمع ،فجادت القرائح باعذب الشعر وارقه، وكيف كتم بعضهم هذا الحب بين جوانحه،ولم يبح خشية العيون التي ترى، أو بلغة هذا الزمن الصعب" الشمارات!" وكيف سار الركبان بذكر بعضه الآخر، بين منحنيات الجامعة وأروقتها، وكيف تسرب البعض الآخر من الشعر، وتعدى أسوار الجامعة، ولحن، وتغنى به الفنانون، فأصبحت تلك القصائد أغانٍ خالدة في حياتنا ووجداننا!!
مالك علينا يا مريود
شكيتك علي الله

اصلو نحن
حبينا فيهو العفة والدم الشربات
والله العيون خلتنا في حيرة وآهات
وفي إبتسامتو شفنا جنات وجنات

شوف العلينا وأحكم
إنت ما بنفات

Post: #84
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-25-2010, 10:51 AM
Parent: #83

وحيات شوقي ليكا
وقلبي البين إيديكا
ماكان بعدي عنك
لو بي إيدي حيلة

وترجع ياحبيبي
وترجع ليا تاني
وترجع تملى قلبي
بي الحب والأماني
يا حبيبي

ولحين تيسير من الله

Post: #85
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-25-2010, 10:55 AM
Parent: #84

أللهم أشفيها وعافيها من كل سقم
أللهم أذهب عنها المرض وألآم الظهر
أللهم أستجب دُعائنا لك متضرعين أن تشفي أختنا تيسير المبارك

أخوتي رجاءً أن تدعو لأختنا العزيزة تيسير المبارك بالشفاء العاجل
ربنا يعودك لنا سليمة ومعافية من كل مرض وماتشوفي مكروه مرة أخرى

دعواتكم في كل سجدة من صلاتكم

Post: #86
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 01-25-2010, 11:03 AM
Parent: #85

خبر عاجل

انتم موعودون بسماح السمحة خلال الايام القادمة

Post: #87
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-25-2010, 11:14 AM
Parent: #86

Quote: خبر عاجل

انتم موعودون بسماح السمحة خلال الايام القادمة

ما قلت ليك
أنت بتجي كاشح زي تيمس عمك
مابتشوف

قريت كلامي الفوق دا عن تيسير المبارك ؟؟؟
أكيد ماوقع فوق عويناتك الدقاق ديل
ههههههههههههه

الله يجيب سماح

Post: #88
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 01-25-2010, 11:25 AM
Parent: #87

Quote: أللهم أشفيها وعافيها من كل سقم
أللهم أذهب عنها المرض وألآم الظهر
أللهم أستجب دُعائنا لك متضرعين أن تشفي أختنا تيسير المبارك

تاني كانت فاصحتنى بقبل عليك بالمضبب دا بسود خطوتك

Post: #92
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-26-2010, 04:16 PM
Parent: #87

اللهم لا تشمت أعدائي بدائي، واجعل القرآن العظيم شفائي ودوائي، فأنا العليل وانت دوائي،أنت ثقتي ورجائي، واجعل حسن ظني بك شفائي، اللهم احفظ عليً عقلي وديني، وبك يا ربً ثبت يقيني، وارزقني رزقاً حلالاً يكفيني، وابعد عني شرً من يؤذيني، ولا تحوجني إلى طبيب يداويني، اللهم استرني فوق الأرض، اللهم ارحمني في بطن الأرض، اللهم اغفر لي يوم العرض آميين

ولك هذا الدعاء أختي تيسير المبارك

Post: #89
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 01-25-2010, 01:06 PM
Parent: #1

خالد... بحر الطيبة الصافي
شوقي ليك و للإنجمامة و لكل الناس الجميلة القاعدة تحت ضل الشجرة و المارين...

مُمتنة و ممنونة ليك شديد ...

و لحين ميسرة ...

Post: #90
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 01-26-2010, 08:09 AM
Parent: #1

في مقام الحب الإلهي قالت رابعة العدوية ...

عرفت الهوى مذ عرفت هواك واغلقت قلبي عمن سواك

وكنت اناجيك يامن ترى خفايا القلوب ولسنا نراك

احبك حبين حب الهوى وحبا لانك اهل لذاك

فاما الذي هو حب الهوى فشغلي بذكرك عمن سواك

واما الذي انت اهل له فكشفك للحجب حتى اراك

Post: #91
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 01-26-2010, 08:14 AM
Parent: #1

حذف للتكرار !!

Post: #93
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-26-2010, 04:19 PM
Parent: #91

Quote: تاني كانت فاصحتنى بقبل عليك بالمضبب دا بسود خطوتك

نحمد الله بي عيونك الزي قدود الجلد ديل
شفتا كلامي

هييييييييع انا ..........

Post: #94
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-26-2010, 04:24 PM
Parent: #93

Quote: خالد... بحر الطيبة الصافي
شوقي ليك و للإنجمامة و لكل الناس الجميلة القاعدة تحت ضل الشجرة و المارين...

مُمتنة و ممنونة ليك شديد ...

و لحين ميسرة ...

والله نحن بالأكثر والأشواق مشتاقة لشخصك
وبرضو مشتاقين لقهوة البريتشكانسل اللذيذة
التي أعجبت أبوالقاسم والسنجك في ظل الراكوبة الحلوة ديك

نحمد الله أن عودتي لنا وسعدين شديد أن تكوني بيننا

وربنا يواليك بالعافية كاملة وماتشوفي أذى وألم تاني

تحياتي ومودتي ولحين ميسرة

Post: #95
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-28-2010, 02:13 PM
Parent: #94

أجمل أحساس عندما يكون طفلك بين يديك

الحمد الله أجتمعت بي أحمد مرة أخرى

أجمل أيام هذه

ولحين ميسرة

Post: #96
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 01-28-2010, 04:47 PM
Parent: #95

سلام منجمين سلام

تلقطو في النبق ساااي من شدر المنسي وتلقفوا يا مسانيح

حباب بت المبارك المبروكة وين ياللخت؟

ربي تعيد لينا سماح

وتبعد مننا ناس شيقا السناح

وتكفينا شر فيسل هليل اللفّاح

آميـــــــــــــــــن

Post: #97
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-28-2010, 07:29 PM
Parent: #95

رغم كل الألآم تطل عليك الإبتسامة يوما

ولحين ميسرة

Post: #98
Title: Re: أبقى منجم .... كلمة طيبة .. إبتسامة حتى
Author: خالد المحرب
Date: 01-29-2010, 00:28 AM
Parent: #97

Quote: الله
وكت زولاً تريد
وريدتك ولا تعنيلّو شي
تصارحو بي الحِرمان
كأنك تعاتبّو وتختشي
وتقصر المشوار تجيهّو
تخاف من اللوم في وشي
والسكة بينكم ســـراب
ودرب المُحال مــا بتمشي

الله عليك ياخالد
البدخل راسه معاكم ويجيه الهنبريب
من واحتكم الفي نص الحياة القاحله
دي اكيد تاني مابمشي منكم
خلوني انجم معاكم
سلام كبير لي سميه
وودشيقوق

معليش يابو احمدانا داخله بي حساب خالد
عفاف ابوحريرة

Post: #99
Title: Re: أبقى منجم .... كلمة طيبة .. إبتسامة حتى
Author: عاطف رميتي
Date: 01-29-2010, 01:12 AM
Parent: #98

سلام لكل الرائعين

ياشباب اشكر بشدة

خالد صديقي اولا

وصديق الحرف ثانيا

لانه له اليد العليا لولوجي لهذا المنبر ....

لكم يسعدني صداقتك واخوتك

ويسعدنى اكثر كونه اول من رحب بي ونقلني عبر بوابته لكم

لكم اعزك اخي حالد

لك الامنيات والاغنيات

وراجع للانجمامة

من مودتي اطرافها الجميلة صديقي خالد

اخوك عاطف

سوف ياتى باسم الثغر يلوح بالاماااااانى

Post: #100
Title: Re: أبقى منجم .... كلمة طيبة .. إبتسامة حتى
Author: عمر صديق
Date: 01-29-2010, 01:30 AM
Parent: #99

ود المنسي وكل الانجماماب
تحياتي

وكل سنة وانتم بالف خير

Post: #102
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-29-2010, 12:09 PM
Parent: #100

Quote: معليش يابو احمدانا داخله بي حساب خالد
عفاف ابوحريرة

أم أحمد عفاف الفاضلة
تدخلي كيف ما تدخلي ولك البكان ترحاب

بس لقيناك عفاف أبو حريرة بي شنبات

منورة الإنجمامة يا العزيزة وأبقي منجمة

تحياتي ومودتي

Post: #103
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-29-2010, 12:13 PM
Parent: #100

Quote: سوف ياتى باسم الثغر يلوح بالاماااااانى

الأخ العزيز عاطف
بدءً مبروك العضوية وأبقى منجم من بدايتها كدي سوف يطيب لك المقام بيننا

فعلاً باسم الثغر يلوح بالأماني والأماني والأماني

لك الشكر ثانيا أن تكون أول محطاتك إنجمامتنا

ولك المودة والتقدير يا راجل يا ملك

Post: #104
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-29-2010, 12:16 PM
Parent: #100

Quote: ود المنسي وكل الانجماماب
تحياتي

وكل سنة وانتم بالف خير

أخوي عمر ودصديق
يا اخوي من خليت ناس البلولة وكلامهم السمح داك
بقيت مسيخ لكن لسع فيك حبة طعامة من عسل حجر العسل

هههههههههههههههههههه
تحياتي ومودتي وكل سنة وأنت طيب

Post: #198
Title: Re: أبقى منجم .... كلمة طيبة .. إبتسامة حتى
Author: Huda AbdelMoniem
Date: 03-07-2010, 05:24 PM
Parent: #100

Quote: الوزن الذي ذكره الله تعالى في قوله

:" والوزن يومئذ الحق فمن ثقلت موازينه فأولئك هم المفلحون *
ومن خفت موازينه فأولئك الذين خسروا أنفسهم بما كانوا بآياتنا يظلمون

Post: #101
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-29-2010, 12:05 PM
Parent: #97

في نظراتك حبة شوف
رماها الحب في حقل شبابي
وفي يسماتك زفة نور
عزاها تحول ليالي عذابي
صبري معاك علمني كتير
وإتحديت أنا كل صعابي

ولحين تيسير من الله

Post: #105
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-29-2010, 12:33 PM
Parent: #101

أديتك القلب المعذب
قلتا لي ألمو بتزيلو
إبقى في وارف رموشك
فرحتو ولحظات مقيلو
تبقى نورو
تبقى فرحو
وتمنع الدمعات يسيلو

هسي لو داير تسيبو
حتى باقي العمر شيلو

ولحين ميسرة يا أربارو

Post: #106
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-29-2010, 12:59 PM
Parent: #105

في عز الليل

والليل يستر الجبال

والنسمة ترتاح علي هدب الدُغش وتنوم

أنـــا مساهر
لامعين
لا مجيب
من إنس أعدتنا عليهم

Post: #107
Title: Re: أبقى منجم .... كلمة طيبة .. إبتسامة حتى
Author: ابو جهينة
Date: 01-30-2010, 12:35 PM
Parent: #106

نعيم الدنيا وسعادتها
أن تعيش حب صادق نبيل

تحياتي خالد
و لك الياسمين على هذا البوست الشحمان الدسم
واصل متابعين

Post: #108
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-30-2010, 01:33 PM
Parent: #106

قحل في صحاري الحب
المصيرك تنجرح

بالسلاح ...
البيهو مرة جرحتني

Post: #109
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-30-2010, 01:36 PM
Parent: #108

Quote: تحياتي خالد
و لك الياسمين على هذا البوست الشحمان الدسم
واصل متابعين

العزيز أبا جهينة
لو أدركت السعادة التي تغمرنا
عندما تشرف إجمامتنا لبقيت معنا العمر كلو ومابكفّي

لك الود أيها الكاتب الشفيف البليغ

أتحفنا بقولك الحسن فهو أحرف تزين إنجمامتنا

تقديري

Post: #110
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 01-30-2010, 02:11 PM
Parent: #109

سلامات اهل الانجمامة

المنسي السخوت شايفك تلقط في الشعر الكبار كبار

وتفلق فينا

اركز وكت عمك كمال يجيك

Post: #111
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-30-2010, 08:17 PM
Parent: #110

Quote: المنسي السخوت شايفك تلقط في الشعر الكبار كبار

وتفلق فينا

اركز وكت عمك كمال يجيك

الحبيب ممدوح ابارو

والله لك الشوق بحور وغيابك عنا رغم الوليد مقدرين الظروف بزعجنا شديد

الشعر مالو لمس فيك وتر متحسس؟

عفواً وأنت عريس جديد

أنا مانسيت

Post: #112
Title: Re: أبقى منجم .... كلمة طيبة .. إبتسامة حتى
Author: ابو جهينة
Date: 01-30-2010, 08:31 PM
Parent: #111

حاضرين و طلبك على العين و الراس

***

لو تذكرين أو كما تعلمين ...
أنا كائن يحترف الصدق ...
و يمتهن العفوية ...
و يمارس العفاف ..
ولا يخطئ مكان عشقه ...
و يصيبه بسهم نافذ ..
سديد الرمية ..
نافذ النصل ..
أنتِ هنا الآن .. رغم بُعْد الشُقة ..
هنا بقربي أكاد أحس بحرارة زفراتك ..
أنتِ هنا .. ( و أشار إلى موضع قلبه )

Post: #113
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-31-2010, 08:09 AM
Parent: #111

وا عجبي لقلب أحب أن يعادي

وقلبي مابعرف يعادي
ومهما يبدأ القسوة قلبك
تلقى بي الحنية بادي
ومــا بعرف يعادي

ولحين ميسرة

Post: #114
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-31-2010, 08:16 AM
Parent: #113

Quote: لو تذكرين أو كما تعلمين ...
أنا كائن يحترف الصدق ...
و يمتهن العفوية ...
و يمارس العفاف ..
ولا يخطئ مكان عشقه ...
و يصيبه بسهم نافذ ..
سديد الرمية ..
نافذ النصل ..
أنتِ هنا الآن .. رغم بُعْد الشُقة ..
هنا بقربي أكاد أحس بحرارة زفراتك ..
أنتِ هنا .. ( و أشار إلى موضع قلبه )

وليت الزمان يصدقنا يوماً

وليت الجراح تداوي الجراح

لولا الجفوة لما كان الحنان للقرب

ولحين ميسرة
الرائع الجميل أبا جهينة

نسايم عطبرة الحلوة
تهدينا وترسينا
نقابل فيها ناس طيبين
فراقهم كان مبكينا

وما تغيب كلامك حديثك يداعب قشرة الجروح مساً

Post: #115
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-31-2010, 08:20 AM
Parent: #114

يا نديدي
كل الحروف ومركباتها
لم تشفي
لم تهدهد ألآم الجراح
كل نبضات الثواني من حياتي
تناديك يانديدي
احيّى بين أنس
ومات الشعور بالأنس

ولحين تيسير من الله

Post: #116
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-31-2010, 08:28 AM
Parent: #115

واحة مخضرة
والصحاري شمس محرقة
كان حبـــك

ويــا حبيباً قد تناسى
بعدما كان وفيا
يانديمي
ترك الكأس حطاماً في يديّا

الله ييسر

Post: #117
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-31-2010, 09:49 AM
Parent: #116

كل زهرة متفتحة
تذكرني بك

صوتك وصورتك لا تفارقان مخيلتي
حبك أفقدني صوابي

مارأيك حبيبتي ؟

ولحين ميسرة

Post: #118
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-31-2010, 11:50 AM
Parent: #117

وحتى العمر كلو شيلو

Post: #119
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-31-2010, 12:26 PM
Parent: #118

من جمال رحيق حبك الندي
الداء والدواء
لكن أستفحل الداء ....

فداوي ناري وإلتياعي
وتمهل في وداعي

ولحين ميسرة

Post: #120
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 01-31-2010, 02:02 PM
Parent: #119

.

Post: #121
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-01-2010, 08:58 AM
Parent: #120

صباح جميل
فهل يعود زمن الجمال

ولحين ميسرة

Post: #122
Title: Re: أبقى منجم .... كلمة طيبة .. إبتسامة حتى
Author: عفاف أبو حريرة
Date: 02-01-2010, 10:10 AM
Parent: #121

ابو احمد سلام قلنا نتاوق بس نسلم ابقي عافيه

Post: #123
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 02-01-2010, 10:39 AM
Parent: #1

أنجماماب علكم بخير و طيبين

خالد ... شايفاك خفت على الإنجمامة ...

Post: #124
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-01-2010, 11:46 AM
Parent: #123

Quote: ابو احمد سلام قلنا نتاوق بس نسلم ابقي عافيه

والله لو شوفتي فرحتنا لما نشوفك منجمة في إنجمامتنا
تقعدي تب ماتقومي من عنقريبك ترصي وتقصي كلامن ما بفهمو الناس العجم
وتدي ود المحرب الجوع لا غدا لا عشى.
تحياتي ومودتي وما تغيبي علينا

Post: #125
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-01-2010, 11:50 AM
Parent: #124

Quote: خالد ... شايفاك خفت على الإنجمامة ...

قلتا أجي اشوف
تيسير قامت بي الواجب لما أمنتها الأمانة
لقيتك
أخ أخ يا ضهري
قلتا أرجع

كيف أنت بالله
إن شاء الله ألآم الظهر خفت شوية

تحياتي للأسرة

Post: #126
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-02-2010, 05:50 PM
Parent: #125

ديـــك أيام جميلة
كانت يا حليلا
تعال نبنيها تاني
عُشرة تدوم سنين
يـــــا حبيبي

Post: #127
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-02-2010, 07:32 PM
Parent: #126

يا حليلي أنـــا
وياحليل أيام سعادتي معاك
وكت كان الزمن بسّام
يشاور لي دوام ضحّاك
يضمنا كان هدؤ الليل
لا حس همسة لا كوراك
لقيت تب ياقلب زولك
بعد وجعك لِقيتو دواك
أتاريهو الزمن دولاب
قسى ورجعني ألف سنة

ولحين ميسرة

سعيد اليوم أن حُظيت بمحادثة مع الحبيب أحمد القرشي
حفظه الله .. والله سعيد شديد ,اشرككم سعادتي
وما زلنا منجمين

Post: #128
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-02-2010, 10:46 PM
Parent: #127

يا شوقُ مالك ؟
دعني
أما كفاك عذابي ؟
لقد شربت دموعي
أما سئمت شرابي ؟

Post: #129
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-03-2010, 08:24 AM
Parent: #128

في يوم من الأيام إستدعى الملك وزرائه الثلاثة
وطلب من كل وزير أن يأخذ كيس ويذهب إلى بستان القصر ويملئ هذا الكيس له من مختلف طيبات الثمار والزروع
وطلب منهم أن لا يستعينوا بأحد في هذه المهمة و أن لا يسندوها إلى أحد آخر
إستغرب الوزراء من طلب الملك و أخذ كل واحد منهم كيسه وأنطلق إلى البستان

***
الوزير الأول حرص على أن يرضي الملك فجمع من كل الثمرات من أفضل وأجود المحصول وكان يتخير الطيب والجيد من الثمار حتى ملئ الكيس
أما الوزير الثاني فقد كان مقتنع بأن الملك لا يريد الثمار ولا يحتاجها لنفسه وأنه لن يتفحص الثمار فقام بجمع الثمار بكسل و إهمال فلم يتحرى الطيب من الفاسد حتى ملئ الكيس بالثمار كيف ما اتفق.

أما الوزير الثالث فلم يعتقد أن الملك سوف يهتم بمحتوى الكيس اصلاً فملئ الكيس باالحشائش والأعشاب وأوراق الأشجار.

وفي اليوم التالي أمر الملك أن يؤتى بالوزراء الثلاثة مع الأكياس التي جمعوها

فلما اجتمع الوزراء بالملك أمر الملك الجنود بأن يأخذوا الوزراء الثلاثة ويسجنوهم كل واحد منهم على حدة مع الكيس الذي معه لمدة ثلاثة أشهرفي سجن بعيد لا يصل إليهم فيه أحد كان, وأن يمنع عنهم الأكل والشراب

فالوزير الأول بقي يأكل من طيبات الثمار التي جمعها حتى أنقضت الأشهر الثلاثة

أما الوزير الثاني فقد عاش الشهور الثلاثة في ضيق وقلة حيلة معتمدا على ماصلح فقط من الثمار التي جمعها

وأما الوزير الثالث فقد مات جوع قبل أن ينقضي الشهر الأول

***

وهكذا اسأل نفسك من أي نوع أنت ؟

فأنت الآن في بستان الدنيا

ولك حرية أن تجمع من الأعمال الطيبة أو الأعمال الخبيثة ولكن غداً عندما يأمر ملك الملوك أن تسجن في قبرك في ذلك السجن الضيق المظلم لوحدك

ماذا تعتقد سوف ينفعك غير طيبات الأعمال التي جمعتها في حياتك الدنيا ؟

***

خلاصة:

أليوم هو أول يوم من ما تبقى من حياتك

إحرص دائماً على ان تجمع من أعمال صالحة على الأرض للتتنعم بما جنته يداك في الآخرة...

لأن الندم لاحقاً لا ينفع

...

Post: #130
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-03-2010, 08:30 AM
Parent: #129

هي ...
الأماني والأحلام
وليت الحُلم يطـــول

كانت الزلزلة ..
كبوة مهر أصيل
تفاقمت الصدمة
وليت حياتنا كلها حُلم كبير

Post: #131
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-03-2010, 09:02 AM
Parent: #130

أماني النفس الكسيرة
آمال القلب المحطم
أحساس المشاعر حين تبلدت
تبددت وسط عواصف القدر

وما باليد حيلة

ولحين ميسرة

Post: #132
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-03-2010, 12:06 PM
Parent: #131

,.

Post: #133
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-03-2010, 01:25 PM
Parent: #132

يا حبيبي ...
إيدي وإيدك ..
نبني جنتنا الصغيرة

ولحين ميسرة

Post: #134
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-03-2010, 04:09 PM
Parent: #133

الخلاني أهواكَ
وماهمامني في سواكَ
جمالك فطري
في طبعك وأدبك وحياكَ
نبالك ماضية وفتاكَ
سيوف لحظيكَ حارساكَ
أعمل ايه أنا معاكَ
زيد في أسري وهجراني
في هواك تعذيبي يحلا لي
أموت في حبي بأيماني

Post: #135
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-03-2010, 09:40 PM
Parent: #134

نحن الما بِنكن الزاد نتحشربّو
نحن الما بندّي عطانا نتفشربّو
نحن هنية الولد البنتعاشربّو
نحن الموت ندور يومو ونتباشربّو

ولحين ميسرة

Post: #136
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-04-2010, 08:43 AM
Parent: #135

أنــا لي زمن مأسور
هجراني ماهماك
يــا الليّا قاسي لِماك
من طول جفاك محصور
وحيات خِديدك وجيدك
وطريفك المكسور
أنا شعري مابوفيك
مهما أبالغ في
منظومي والمنثور

Post: #137
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-04-2010, 07:32 PM
Parent: #136

كثير امثالى من هجر الحبيب جنو
إن شاء الله اجن وأزيد في الجن
انتو تجافو ما تحنو
إيه أنا عندي في الدنيا
فؤادي انتو مالكنو
شبابي الكنت بحلف بيهو
دمرتوه من بدري
وليكم يا حسان الحور
هديت الباقي من عمري
انت بتقولي اصبر
الصبر كملتو بصبري
صحيح شقي ومجنون

Post: #138
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-05-2010, 09:36 PM
Parent: #137

لحين ميسرة

Post: #139
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-06-2010, 12:31 PM
Parent: #138

لحين ميسرة

Post: #140
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 02-06-2010, 07:52 PM
Parent: #139

إنجماماب سلام

سعدت في الايام الماضية بلقاء الشاب المهذب الخلوق

أحمد أبو بكر ابو القاسم

كما هاتفني شقيقة الاكبر أشرف

ليوصلوا لي مشكورين هدية من والدهم

الاخ العزيز أبو بكر ابو القاسم (اوع يا شيقوق تقول لي شنو)

ويا خالد المنسي المستشار ود ابو القاسم جاب شنطة كاملة للولد الجديد
عشان ما تقول ما ورتوني

Post: #141
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-06-2010, 11:24 PM
Parent: #140

Quote: ويا خالد المنسي المستشار ود ابو القاسم جاب شنطة كاملة للولد الجديد
عشان ما تقول ما ورتوني

ما بقصر أبوأشرف
لو بالدين بسوي الزين
وهذا طبعه وديدنه
كريم لعمره والكرام قد إنقضوا

تحياتي أبارو ونسمع عنك كل خير بقدوم الجديد والجديد شديد

بس أمو ما تحميك تاني الدخلة في المنبر
بعرف قلاصة المراة لما تلد وبالذات لو جابت ليك ليك وليد

ههههههههههههههه
هسي تجيني بت سلامة زي العصار تنتف ريشي

Post: #142
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-07-2010, 10:06 AM
Parent: #141

ان طالت ليالي
وان جارت علينا
برضنا نحن
روح واحدة بقينا
من وقول العوازل
سيبك وماعلينا

والناس تفرق تمنعنا التلاقي
تعال يا حبيبي وسيب الجفا

Post: #143
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-07-2010, 10:24 AM
Parent: #142

ما دا طبعنا
وكيف ننسلخ مما فطرنا عليه المولى عز وجل

أصلو الجحيم في غرامك
نرضى عشان نرضيك
وحتى المُحال إن درتّا
بنطوّعو ونهديك
أرواحنا حولك هايمة
حارساك دوام تحميك

ونظل نرشف من لظى حبك .. نقف على ضحضاح يتأجج من القلب

وكلو يهون
أصلو البحب الدنيا ياما تشوّفو
وتشقيه بي فرق العزيز
وبي الحسرة ريقو تنشفّو

ولحين ميسرة

Post: #144
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-11-2010, 05:25 PM
Parent: #143

لحيــــــن ميسرة

Post: #145
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-11-2010, 08:48 PM
Parent: #144

فلنقف على أطلال مجدها وأيامها
أين وكيف ومتى ؟
تتعاقب كل الإستفهامات للسطح
أقف محتار على !!
على على اي من الأطلال اقف

أنا أحمد خالد

لانبنلتنلتيليهفلتنلتعق7ق7ثهسءهخؤلنخلتيقهفبنتبهلت ةؤلترابناوناتااتناتاتلانتمبتبماتبتبماتاتبمتماتبتماتمابتاخغغهغبفحغههقغقخغجغجفغعجفغ9ف-79-75-75-95-75-795-77جغخجقغخ

Post: #146
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-11-2010, 08:50 PM
Parent: #145

طبعا الكلام الملخبط دا كتبو أحمد خالد علي محجوب
أصر لازم يشارك الحبابيب

Post: #147
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-12-2010, 09:18 PM
Parent: #146

وعزَّ علي فراقك
وهاجت بي شجوني
وياما إشتقتَّ ليك
وياما بكت عيوني

ولحين ميســـــرة

Post: #148
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-13-2010, 10:57 AM
Parent: #147

ليل الغريب ..
والغربة قد تكون
فرقة عمن أحبه قلبك
النار تبق جوة الضلوع
أمَّ الدموع ...
سيل منهمر

ولحين ميسرة

Post: #149
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 02-13-2010, 03:09 PM
Parent: #148

ابارووووووو

Quote: ويا خالد المنسي المستشار ود ابو القاسم جاب شنطة كاملة للولد الجديد
عشان ما تقول ما ورتوني

يا اخي الف سلامة للعروسة والف مبرووووووووووك للوليد ويربى في عزك والله اول مرة اسمع يا العشاء

بعدين ات قايل منو القدر ود ابو القاسم ؟ نحن اصلا خاتنوا لدى

بتكون يا مسنوح سميتو عليهو عشان كدا

المنسي خماج الطين وين؟

Post: #150
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-13-2010, 09:29 PM
Parent: #149

Quote: المنسي خماج الطين وين؟

وحتى باقي العمر شيلّو

Post: #151
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-14-2010, 07:57 PM
Parent: #150

أنت نسيت الكلمة القلتها ليّأ
ونحن في لحظة سعيدة هنية
إتعاهدنا علي الحنية
ونملى عمرنا محبة شديدة
قلتّا بريدك زي عينيّا
وأنا صدقتّا كلام الريدا
قلبك رغم الطيبة الفيهو
أنا بستغرب غير إتبدّل

ولحين ميسرة

Post: #152
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-14-2010, 11:00 PM
Parent: #151

تيسير المبارك يعني شنو حجة وزوغة
ما قلنا خليك قريبة

Post: #153
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-15-2010, 08:50 AM
Parent: #152

راجي الزمن
يدّيــــــك حبيبة
بدون أسى ؟

شايل دروب سعدك
عشــــــم
ساساقة بين ..
علَّ وعسى ...!!
فوق يا غشيم

فوق : بمعنى أصحى من غفوتك

Post: #154
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 02-16-2010, 10:46 AM
Parent: #1

خالد ...

قريبة و الله لكن دروب الحياة مرات بتاخدنا بعيد.

قلوبنا و دعواتنا مع عمنا شيقوق و ربنا يرفع و لدهم و يشفيه .

أبارو ... مبروك الوليد و إن شاء الله يتربى في عزكم.

(التعديل لحذف أغنية و بتعمل AUTO PLAY و ما عرفت أوقفها... عذراَ)

Post: #155
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-16-2010, 11:05 AM
Parent: #154

Quote: خالد ...

قريبة و الله لكن دروب الحياة مرات بتاخدنا بعيد.

الأخت العزيزة تيسير
التحية طيبة وأنتِ طيبة إن شاءالله

وليكن إتكاءة في الإنجمامة زقاق من دروب الحياة التي
تأخذك منا بعيداً أحياناً....

ونكون سعداء بذلك
ربنا يرفع أبن عم الأخ شيقوق ويديه الصحة والعافية

تحياتي ومودتي

Post: #156
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-16-2010, 11:15 AM
Parent: #155

Quote: التعديل لحذف أغنية و بتعمل AUTO PLAY و ما عرفت أوقفها... عذراَ)

الأخت تيسير
أرجعي لي اللينك
وابحثي عن كلمة true
وأبدليها بكلمة
false

Post: #157
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 02-16-2010, 01:21 PM
Parent: #156

شكراً خالد ... حكمته بالغه

Post: #158
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-16-2010, 04:30 PM
Parent: #157

ونحن في هواك يا غالي لا
بنطيف بعاد لا بنحملّو
أصلو المحبين الحُنان
لا بنسو لا بتحولّو

حمد الله على التوفيق أن تشتغل الأغنية عند الطلب
أول مرة أحس فيني فائدة
شكراً العزيزة تيسير أعطيتيني الأحساس هذا انو وريت لي زول
حاجو نافعة

لك الأحترام والتقدير والمودة

Post: #159
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 02-16-2010, 06:42 PM
Parent: #158

سلام من طرف

وحباب المبروكة بت المبارك ليك وحشة والله

Post: #160
Title: Re: أبقى منجم .... كلمة طيبة .. إبتسامة حتى
Author: ابو جهينة
Date: 02-16-2010, 10:28 PM
Parent: #159

كنتُ أجيئك و كلي أمل ما أوقفني ســد
كنت أعد الـــــوقت بقربك لــــــــيلاً ليلاً
أقصد كنت أعد الوقـــت بقربك يــــوما يوم
اقصد أني كنت أعد الوقت بقربك شوقـــا شوق
أقصد أني....................أقصد أني
حتى أني كم آلمني البعد
كان الحزن يموت جوارك
أما الفرح بقربك كم يشتد
كنت أحدث عنك الناس فلا يدرون
كنت أحاول أن أفهمهم شيئا عنك فلا يدرون
حتى أني
تعبت وتعب الـــــــــــــناس
غدوت بفضلك عند الناس أنا المجنون
صرت قديما........أهمس جهرا
أقصد أني صرت قديما.. أصرخ سرا
اقصد اني ...........اقصد اني

ذاك أنك كنتِ
كنسمة ليل لو يدرون
كنت أجمع فيك قواى
كنت أعانق فيك رؤاى
كنت لحبك .....................ماتهوين

أنا
هنا
قطار يتوقف
في محطته
الأخيره
لن يغادر
قبل
أن تغني
أنت

Post: #161
Title: Re: أبقى منجم .... كلمة طيبة .. إبتسامة حتى
Author: عاطف رميتي
Date: 02-17-2010, 00:00 AM
Parent: #160

جميع الانجماماب
تحية فرائحية
تحية بلون بياض قلوبكم

سلام لكل ماهنا ومن هنا

خاصة حبيبنا ود المنسي - عاطر تحاياي

اخوك عاطف

Post: #162
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 02-17-2010, 11:15 AM
Parent: #1

Quote: أول مرة أحس فيني فائدة
شكراً العزيزة تيسير أعطيتيني الأحساس هذا انو وريت لي زول
حاجو نافعة

خالد بالغت عديل كده ... أجمل و أفيد من حمل لواء الكلمة الطيبة شنو ( ما تبقى طماع)

أبارو...

Quote: وحباب المبروكة بت المبارك ليك وحشة والله

تسلم و ربنا يديك الفي مرادك دايماً ...

Post: #163
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 02-17-2010, 11:26 AM
Parent: #1

اليوم مر عام على رحيل كاتبنا العظيم الطيب صالح ... له الرحمة.

Post: #164
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-17-2010, 04:07 PM
Parent: #163

Quote: سلام من طرف

وحباب المبروكة بت المبارك ليك وحشة والله

أبارو

ومناي ليك ما وقف
وإن إتمنيت أنا
أكبر وإشييل بي ردف
مـــو لُقاط طرف

بالله الخبر شنو ؟

مودتي

Post: #165
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-17-2010, 04:18 PM
Parent: #164

Quote: ذاك أنك كنتِ
كنسمة ليل لو يدرون
كنت أجمع فيك قواى
كنت أعانق فيك رؤاى
كنت لحبك .....................ماتهوين

وكلك جمال
أبا جهينة
لك التحية والسلاااام

ولك من نفس المنابع قطرا

وبحلم بيك ....

وبحلم بيك مُدن
غافية
وبِلاد حاجاتا مختلفة

وراهن بيك عشم
رويان
وسائل عن مدادك
مرفأ ..

وقاسمتك أماني الروح
ولا دمع الغياب
كفّى ..

فرشت ليها هواك
بحر ..
ومشيت ضياها مدى
وسفر ..
ساسقتَّ في سكك البلاد
فتشتها ..
صفقتَّ لرقص الطيور
علمتهّا..
ناغمتها ..
ونادمتها ..
وغنوة وهيام
رددتها ..

عاوتها ..
وطايبتها ..
وتاسوعة الفرح البكر
عيدتّها ..
شكرتّها ..وخضرتّها
وتمرتّها ..
ولآمن دروب الريد عِصن
من بين إيديك
ودرتها ..

للشاعر إبراهيم الإعيسر

Post: #166
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-17-2010, 04:24 PM
Parent: #165

Quote: خالد بالغت عديل كده ... أجمل و أفيد من حمل لواء الكلمة الطيبة شنو ( ما تبقى طماع)

وفي التبادي
سرني وجودك
وحضورك نسمة تمشي بينا
يا الخلق المحلّى زوق
تفرح الحزن الحزين محزون

بنت المبارك المبروكة والبركة فيك

الكلمة الطيبة كلنا نحملها بين جوانحنا
نسير بها نحادي الركب ونتغنى بها

وهي التي تداعب
الحزن المعشعش فينا
وقبل يلدونا
ولازمنا في بطون أماتنا
وبعد نزولنا
ومازال وتد مدقوق

فهي كلمة طيبة

لك الاحترام أجله والتقدير أوفره

Post: #167
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-17-2010, 04:27 PM
Parent: #166

Quote: اليوم مر عام على رحيل كاتبنا العظيم الطيب صالح ... له الرحمة.

للطيب الصالح الرحمة والمغفرة

وهو باقي فينا بأدبه الجم

لك التحية تيسير

Post: #168
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-17-2010, 04:31 PM
Parent: #167

Quote: جميع الانجماماب
تحية فرائحية
تحية بلون بياض قلوبكم

سلام لكل ماهنا ومن هنا

خاصة حبيبنا ود المنسي - عاطر تحاياي

اخوك عاطف

الفرح عمانا بي وجودك معانا
والسعادة غمرتنا وأنت قُبالنا وحدانا

قلوبنا تستشف لونها من ساطع دواخلك النضية

ولك السلام مطبوق من الفي والمافي من الإنجماباب

اخي عاطف خليك قريب ولا تغيب عنا

Post: #169
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-18-2010, 02:06 PM
Parent: #168

ناكر الجميل
مابلقى حق
وكيف تبقى
ناكر للجميل

Post: #170
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-19-2010, 08:09 AM
Parent: #169

لحين ميسرة

Post: #171
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-19-2010, 08:49 PM
Parent: #170

ألف مبروك للأخت هند محمد
الحلقة التي سجلت معها كانت ناجحة شديد
وبالتوفيق يا رب يا هند
وكل حركة معاها بركة
وإلى الأمام سيري وربنا يرعاك ويحفظك

Post: #172
Title: Re: أبقى منجم .... كلمة طيبة .. إبتسامة حتى
Author: حاتم هاشم
Date: 02-20-2010, 02:17 AM
Parent: #171

بسم الله الرحمن الرحيم

السلام عليكم ورحمة الله تعالي وبركاته

لب احمد ...والعقد الفريد ... حياكم الله

ــــــ
تحياتي للاسره الكريمه

ابوهاشم .

Post: #173
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-20-2010, 07:21 PM
Parent: #171

لحين ميسرة

Post: #174
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-20-2010, 07:24 PM
Parent: #173

مرحبتين حباب حاتم هاشم

ياأخي بقيت زي عيد الضحية تجينا في السنة مرة

والله مشتاقين والشوق ليك بحور والله

تحياتي ومودتي

Post: #175
Title: Re: أبقى منجم .... كلمة طيبة .. إبتسامة حتى
Author: عفاف أبو حريرة
Date: 02-20-2010, 07:53 PM
Parent: #174

حيــــــاتنـــــــــا إخترتـــــــــا غيـــــــــرا

ليه حياتنا اخترتا غيرا
فيها احلامنا ومنانا
فيها حاجاتنا الصغيرة
كيف تغطى الصوره صوره
وريدنا داك يا سيدى كلو
يبقى ماضيك بالضرورة

إيه لقيت فيهو الجديد
ردتو من حاجات بقولا
ولا ليك قرب أماني
كنت ما قادر تطولا
هل قدر يسبر غرورك
هل هو في الأحلام بزورك
ولا هو بالجد بيعرف
لعبة الريدا وأصولا
هل صحيح راقي ومهندم
هل ببكي الريد عيونو
لو عرفتو ما بتندم
في الليالي القاسي طولا
ألف مبروك يا مخير
إنت بتبيع المشاعر
ما البصر دون البصائر
والأصل ما ببقى صورة

الله الله عليك يا خالد جدجد الاغنية دي انا بحبها شديد
انت خليت المشاعر تمشي عديل
دي ما بقت انجمامه دي سلت روح عديل
كن كما انت
انسان جميل

Post: #177
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-22-2010, 05:23 PM
Parent: #174

رأيت فقيراً يبكي فقلت ما الخبر؟

قال: الأسهم تلاشت وليس لها أثر

وطلبت من الصراف سلفة فاعتذر

وكل شئ زاد سعره إلا البشر

الأغنام والجِمال والدجاج والبقر

والألبان والأجبان والفواكه والخُضر

وابن آدم لايزال ذليلاً ومحتقر

وازداد الفقر بين العوائل والأسر

والراتب ينتهي قبل نصف الشهر

والدنيا تسير من جرفٍ لمنحدر

فقلت له: إذا ابتليت بالهم والكدر

قم وصلِ لله ركعتين قبل السَحَر

فهو يرزق من دعاه بجناتٍ ونهر

وتأمل في الطبيعة وضوء القمر

واستمتع بشذى الورد ولون الزهر

وأعلم بأن الحياة ليست مستقر

Post: #176
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 02-21-2010, 12:28 PM
Parent: #1

الحزن لا يتخير الدمع ثياباً
كى يسمى بالقواميس بكاء
هو شىء يتعرى من فتات الروح
يعبر من نوافير الدم الكبرى
ويهرب من حدود المادة السوداء
شىء ليس يفنى فى محيط الكون
او يبدو هلاما فى مساحات العدم
الحزن فينا كائن يمشى على ساقين
دائرة تطوف فى فراغ الكون
تمحو من شعاع الصمت ذاكرة السكون المطمئنة

الصادق الرضي

"اللهم لا سهل إلا ما جعلته سهلاً و إنك إن شئت تجعل الحزَن سهلاً"

Post: #178
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-22-2010, 05:41 PM
Parent: #176

Quote: الله الله عليك يا خالد جدجد الاغنية دي انا بحبها شديد
انت خليت المشاعر تمشي عديل
دي ما بقت انجمامه دي سلت روح عديل
كن كما انت
انسان جميل

أختي عفاف أبوحريرة
لك التحية وأنت تملئين هذا البكان جمال وعطر عابق شذاه

فعلاً الأغنية دي من ألاغاني البحبها شديد ومرات توافق الكلمات أحساس وتهبش في وتر
تدغدغ مشاعرك وتصير بينك وبينها ود ومودة وحب ...
ماعاد من يسل روحك ذات الروح البهية

لك المودة والتقدير
تحياتي

Post: #179
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-22-2010, 05:49 PM
Parent: #178

Quote: الحزن فينا كائن يمشى على ساقين
دائرة تطوف فى فراغ الكون
تمحو من شعاع الصمت ذاكرة السكون المطمئنة

يا تيسير المبارك المبروكة

الحزن المالح
عطر فرح الحلة
في ليلة الدُخلة
الحزن المالح قلع الخرزة
وقلع الرشمة
مبروك الصرخة الأولى
علي لسنات الحضرو المولد
جات محتشمة
في جاه الحلة الشايلا الحفّة
لا سيرة تدق
لا زين لا حُق
لا عمة تحن
لا خالة تحنن ولا أخية
حتى الزغرودة الأغرودة
مجروحة وباهتا وملغية
كل المواعيد
ضحكات العيد
أحلام الريد الأغنية
صبحت مهزومة ومتكية
في جاه الحلة الشايلا الحفّة
أحساس أطفالنا بي يوم الوقفة
إندهش أتحلل
اللعبة البسمة الكل إتبلل
عربون الفرحة الفي العينين
مافرهد مات
يا يوم العيد
دمعات أماتنا علي أماتن
في العيدين
ماهن رحمات

ويا الحزن المعشعش فينا
وقبل يلدونا
وسكن الدار

تيسير كوني بخير يا المبروكة

Post: #180
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-24-2010, 08:07 PM
Parent: #179

لكن حنانك ليّا
أو حتى مشاعرك نحوي
ماكانت حقيقة
كانت وهم

أنتَ نبع حناني
أنت كياني
أنت الدنيا

ولحيـــــن ميسرة

Post: #181
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-25-2010, 08:32 AM
Parent: #179

لحين ميسرة

Post: #182
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-25-2010, 08:35 AM
Parent: #181

إنت بتبيع المشاعر
ما البصر دون البصائر
والأصل ما ببقى صورة

Post: #183
Title: Re: أبقى منجم .... كلمة طيبة .. إبتسامة حتى
Author: جلال جبريل
Date: 02-25-2010, 08:44 AM
Parent: #182

ود المنسي ويت بلودك

وش زعلان

Post: #184
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-25-2010, 08:56 AM
Parent: #183

Quote: ود المنسي ويت بلودك

غزلية ..
ويا بسبار أبوالعونية
وجانا مسرح القادرية

غزلية ..
يابا السمح ياالزين
وقول ليها ...
الملاقا متين
ومتين العين تشوف العين

ودجبريل سلام يا السمح ياالزين
الفوقي يهد الجبال هما

لكن برضو بنسأل وانت وين بلودك

تحياتي واللوم بجي بالغفلات
وأنا بقيت زي
فاقدن مزوزّو
أجرجر في التراب
ودر حجابي
مشاكل الدنيا
من فارقتك
وإلى هذا الوكت
وأيضاً كذلك
إلى مابعدو
ضددي مبشتنابي

Post: #185
Title: Re: أبقى منجم .... كلمة طيبة .. إبتسامة حتى
Author: جلال جبريل
Date: 02-25-2010, 09:06 AM
Parent: #184

تلقاهو عند الرسم جالس في الدرابزين

إنشالله نتلاقا أنت طيب ونحن طيبين
...............
والجواب ياخيري إتملى بالصفحتين

وأنا طلبتك بالله ترسل لي جنيهين

ياخي أضرب الهم بالفرح

والعلينا الجمال مايقومينبو

Post: #186
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 02-25-2010, 09:13 AM
Parent: #185

Quote: ياخي أضرب الهم بالفرح

والعلينا الجمال مايقومينبو

ضربنا وقسمنا وجمعنا
باقي لينا الطرح

وبالوكيل نعتمد لا حولة لنا ولا قوة إلا به
نعم المولى ونعم الوكيل

تحياتي

Post: #187
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-01-2010, 05:09 PM
Parent: #186

عدت يا عيد بدون زهور

أللهم صلي على أشرف خلقك محمد الأمي

صلى الله عليه وسلم

أيكون الخير في الأرض أنطوى
والقوى خرجت من ذرة
هيَّ حبلّ من عدم
فتراها تقتل الحرب وتنجو بالسلم
من إله قد هدى بالقلمِ
علم الإنسان مالم يعلم

ولحين ميسرة

Post: #188
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-03-2010, 06:54 PM
Parent: #187

Teacher to his student: Give me the opposite of this sentence:

"Children in the dark make mistakes"

Student: "Mistakes in the dark make children"

Post: #189
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-04-2010, 05:53 PM
Parent: #188

لحيـــــــــــن ميسرة

Post: #190
Title: Re: أبقى منجم .... كلمة طيبة .. إبتسامة حتى
Author: عفاف أبو حريرة
Date: 03-04-2010, 08:41 PM
Parent: #189

خالد سلام

Post: #191
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-06-2010, 06:06 PM
Parent: #190

الباشاب جدودك والولي الباسبار
حلق في السما ولا يهمك الباجبار
خوجل في المحاص بي توبك الجرجار
سيد ملكا قديم.. حاتم بجيب التار

هذه أبيات قالها الشاعر
محمد بادي محمد سعيد العكودابي
في أبن البسابير حاتم سر الختم

مرشح الحزب الديمقراطي

Post: #192
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-06-2010, 06:11 PM
Parent: #191

عفاف العفيفة وتوب العفاف كاسيها
تجي وكفك ملان ماكي العويرا تليفة

شكراً كتير على مرورك الجميل وبهي درة الحريراب وودالمحرب

لك وللأسرة كل الود والتقدير
ومشتاقين يوم نقابلكم جميع أهل أسرة طيبة

Post: #193
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-06-2010, 06:47 PM
Parent: #192

سموك حاتم علي رمز الكرم والجود
وأبوك السر خليفة الفي الحرم مشهود
أقدل في المحاص بجناحك المفرود
وما أظن الرخم ياكل معاك.. يالدود

Post: #194
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-06-2010, 06:53 PM
Parent: #193

البتقولا بتسويها.. ما بتِهدَّد
ما بتضل.. معاك ابو هاشم المتحدد
السودان بحر خيرو الكتير متجدد
وشايفك من بعيد زي ابكريق متمدد

Post: #195
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-06-2010, 07:05 PM
Parent: #194

عشان حجبوك مني
أنا زدتَّ في جني
في ناري مستني
راجيك تطماني

ولحين ميسرة من الله وربنا ييسر

Post: #196
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-06-2010, 07:27 PM
Parent: #195

خوفنا من سفراً بودي
لي المسافات القصية

بس أبقي عشرة علي الوصية

أن يظل الحب ديدن حياتنا

Post: #197
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-07-2010, 03:12 PM
Parent: #196

يا نسمة في عز الصيف هبّت
يا روح الروح يا آمالا
العين ما بتعلى على الحاجب
وحبيب الروح ما بتعادّى

ولحيـــــــن ميسرة

Post: #199
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 03-07-2010, 06:11 PM
Parent: #197

شيقا اولاً تعازينا الحارة للمرة التانية
تانياً
Quote: يا اخي الف سلامة للعروسة والف مبرووووووووووك للوليد ويربى في عزك والله اول مرة اسمع يا العشاء

بعدين ات قايل منو القدر ود ابو القاسم ؟ نحن اصلا خاتنوا لدى

بتكون يا مسنوح سميتو عليهو عشان كدا

وين الكلام دا؟
يازول الجنا لسة في بطن أمو ما جا مارق قول بسم الله
ولا داير تزوغ من الهدية؟

المبروكة بت المبارك
Quote: أبارو ... مبروك الوليد و إن شاء الله يتربى في عزكم.

الله يبارك فيك
إنتي صدقتي كلام شيقا دا؟ يا خ دا لفحي منو ساي
لسة شهر أربعة كان المولي هون

Post: #200
Title: Re: أبقى منجم .... كلمة طيبة .. إبتسامة حتى
Author: أبوبكر أبوالقاسم
Date: 03-07-2010, 06:19 PM
Parent: #197

ســــــــلامات أهل الإنجمامـــة

ماشاء الله عامرة

خالد أنا كنت قايلك متخصص حقيبة ...لكن ماشاء الله حافظ كمية كبيرة من الأغانى حتى أغانى الشواكيش للراحل المقيم هاشم ميرغنى

مالها زى الناقصة مقطع " فى نهاية لومى ليك " !!!

بت المبارك حمداً لله على السلامة

Post: #201
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 03-07-2010, 06:50 PM
Parent: #200

Quote: ســــــــلامات أهل الإنجمامـــة

ماشاء الله عامرة

خالد أنا كنت قايلك متخصص حقيبة ...لكن ماشاء الله حافظ كمية كبيرة من الأغانى حتى أغانى الشواكيش للراحل المقيم هاشم ميرغنى

مالها زى الناقصة مقطع " فى نهاية لومى ليك " !!!

بت المبارك حمداً لله على السلامة

ابو القاسم سلامات
وبركة الشوفة
نقلب الصفحة ومعاها ندعو بي الفكاك من الهكر الكرهنا المنبر

Post: #202
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-08-2010, 05:35 PM
Parent: #197

هذه القصيدة للشاعر باشمهندس محمد أحمد عبدالله الحفيان هو أبن الفنان الأستاذ أحمد الحفيان ووالدته هي الاستاذة الشاعرة عشة أحمدونة

ومرت الايام وانا زي ماكنت
لامره جفيت ولا لحظة خنت
في بحر عينك زادت اشجاني
اهديتك روحي وقلبي ليك سلمت
البسمة تاهت بين الاحزان
زدت في هجراني وانا ليك امنت
ايام تولت والبهجة معاها
ومابقي غير ذكري في قلوبنا اساها
وياظالم ليه طولت غيابك
وانا بوصاللك ياحبيبي حلمت
ومرت الايام وذادت اشجاني
كان املي الجنه وجزاي نيراني
ويا حبيبي ليه تسيبني اعاني
من المي وبعدك وكمان حرماني
محمد الحفيان

Post: #203
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-08-2010, 05:43 PM
Parent: #202

وين الكلام دا؟
يازول الجنا لسة في بطن أمو ما جا مارق قول بسم الله
ولا داير تزوغ من الهدية

......................................................................

شيقوق دا يا أبارو
أسمو
لحفن جرن عدم الأكيدة

وهدب بت المبارك معا
يعني مقطوع الطاري مابقع برا

شفتا كيف بنور ابوالقاسم الإنجمامة

لكن التصبر ريحانة البطانة قطعتو لينا أخدر في الإنجمامة الأخيرة دي
ياأك ما بتجي تقولا

Post: #204
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-08-2010, 05:46 PM
Parent: #203

e: ســــــــلامات أهل الإنجمامـــة

ماشاء الله عامرة

خالد أنا كنت قايلك متخصص حقيبة ...لكن ماشاء الله حافظ كمية كبيرة من الأغانى حتى أغانى الشواكيش للراحل المقيم هاشم ميرغنى

مالها زى الناقصة مقطع " فى نهاية لومى ليك " !!!

بت المبارك حمداً لله على السلامة
....................................................................
حمد الله على سلامة العودة يا الظريف وخفيف

قطعتها أنا لانها قطعت قلبي

عليك الله بطل حركات التنقل من مكتب لي مكتب دي وأهجس معانا
في الإنجمامة
البلاكم خربانة

Post: #205
Title: Re: أبقى منجم .... كلمة طيبة .. إبتسامة حتى
Author: العبيد الطيب عبدالقادر
Date: 03-08-2010, 07:28 PM
Parent: #204

ود المنسي سلام عليك وعلي كل الاحبة والاخوان كل عضوية المنتدي

شن خبرك وقدر ما رجيتك في اخر زيارة ما لميت فيك

واتمني التواصل في ها البوست

والليلة جابني الدرب

لكن بكرة بجي عديل قاصدكم

وفتكم بي عافية

Post: #206
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-08-2010, 07:43 PM
Parent: #205

ود المنسي سلام عليك وعلي كل الاحبة والاخوان كل عضوية المنتدي

شن خبرك وقدر ما رجيتك في اخر زيارة ما لميت فيك

واتمني التواصل في ها البوست

والليلة جابني الدرب

لكن بكرة بجي عديل قاصدكم

وفتكم بي عافية
.........................................................

ودالعبيد
والله ماقادر اصدق
انت بيننا في الإنجمامة
موش معقول

قلت زارع
قلت بحصد
وأمكن شال المحصول ومشى السوق
وأمكن وامكن

وقلت الإمكانيات
سعداء نحن بوجودك من تاني تاني

تحياتي ومودتي

Post: #207
Title: Re: أبقى منجم .... كلمة طيبة .. إبتسامة حتى
Author: العبيد الطيب عبدالقادر
Date: 03-08-2010, 07:58 PM
Parent: #206

ود المنسي

يا زول

خرفنا

وحصدنا

ودقشنا

السوق

وهسي بنجهز

لي مسور الخريف الجاي

زراعتنا علي الله

بالمطر
لا مشروع جزيرة ولا قمح ولا قطن

فيتريتة زرقا

Post: #208
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-08-2010, 08:19 PM
Parent: #207

فيتريتة زرقا
..............................

وتكون ...
زرع إدياتنا
وطحن إخياتنا

وتبقى مريسة وبقنية ودقّا

تحياتي ودالعبيد

Post: #209
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-09-2010, 10:29 AM
Parent: #208

حنيني إليك
وليل الغربة أضنانّي
وطيف ذكراك
بدمع القلب أبكانّي

ولحين ميسرة

Post: #210
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-09-2010, 12:06 PM
Parent: #209

<object width="480" height="385"><param name="movie" value="http://www.youtube.com/v/2I3VI9AtcZA&hl=en_US&fs=1&&quo...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/2I3VI9AtcZA&hl=en_US&fs=1&"; type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

مـــن قليبو الجافي
لي قليبي الحان
النسيم يتردد
عامل
إستمحان

وكيف لا يتمحن النسيم من فعله الجائر أن يقابل من يحب بالجفاء والبعاد

يانســـــــــم ما بالك

تثني قامة البان

وقد كان القوام والثبات ديدنا فما بال النسيم العليل يفعل بنا هذا ؟

يا نسيم ........

أكتشف ما دائّي

وهل يصعب عليكَ ذلك ؟

ما الدوراء الصعبان
( لايوجد عند طبيب ..... البداوي جروحي هو السبب في أذايّى )
هل دا جرحاً بالغ
أم دا سُم ثعبان ؟؟؟

قالي : لازم جُرحك
مدّتو الأزمان
لا روايحّي تطبّك
لا ولا لُقمان
البداوي جِروحك
شوفتو يا سقمان
زي عصير النتي
ينضحّو الرومان

أنتَ بدراً ساطع
في قوام إنسان ؟
ليكَ حُسن الدُنيّا
ولي شعر حسان

( ليته يذهب ما علي )

انتَ حسنك كامل
والعشوق كملان
طشَّ عقلي الهامل
فارق الأزمان
في المنام يتقدّل
طيفك العمران
والحِجارة تثنّت
لو قليب لآآن

الدوش أفكاري
وربّى ليَّ جِنان
خُمرة تمزج تيهّك
تسقي درر أسنان
الرقَّ يسطل سمعي
لِهيجك الرنان

ما إنتو ناس في دُنيّا
أم حور في جِنان

Post: #211
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 03-09-2010, 04:09 PM
Parent: #207

العبيد زولنا الزمان كيفنك والعقب؟
Quote: وهسي بنجهز

لي مسور الخريف الجاي

زراعتنا علي الله

بالمطر
لا مشروع جزيرة ولا قمح ولا قطن

فيتريتة زرقا

جهزلنا قرعة تيراب لي شيقوق دا باقي طول من مبارات السلوكة
اب أحمد إت عليك الترس اتوصابو
وانا بجهز ام دقوقة وبجيكم صاد

Post: #212
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-09-2010, 06:06 PM
Parent: #211

اب أحمد إت عليك الترس اتوصابو
وانا بجهز ام دقوقة وبجيكم صاد
>>>>>>>>>>>>>>>>>

أبارو

بنقول ليك الصغار يملو البيت نضار وجمال

وربنا يهنئك قريباً يا رب وتبكر بي الوليد وبنية ( توأم )

عشان تقول
جيد يا تومي تومتك جات
أريد أتلمو التيمان

تحياتي ابارو

Post: #213
Title: Re: أبقى منجم .... كلمة طيبة .. إبتسامة حتى
Author: عاطف رميتي
Date: 03-10-2010, 11:20 PM
Parent: #212

صباح الود والوداد والتوادد والمودة

صباح امسر جميل كجباهكم السمراء

تحية لكل من ابعدته الظروف عن وطنة واهلة وعشيرتة

وكمان تحية لكل القابضين على جمر الصبر داخل وطننا العزيز

وتحية خاصة لصاحب الانجمامة الراقي ابدا خالد

وللجميع هنا...

ولين ميسرة ....

اخوكم عاطف

Post: #214
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-11-2010, 05:49 AM
Parent: #213

المنسي العشاء اب لبن

ممدوح ابارو

يا اخي كتر خير الاخ اسامة ابارو واولادو فقد كانوا باتصال معي على الدوام في الهند .

اول مرة اعرف ناهد زوجة اسامة اخوك بت ابو دية

جهزلنا قرعة تيراب لي شيقوق دا باقي طول من مبارات السلوكة
اب أحمد إت عليك الترس اتوصابو
وانا بجهز ام دقوقة وبجيكم صاد

وين البني كربو ؟

Post: #222
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 03-13-2010, 05:32 PM
Parent: #214

سلامات اهل انجمامتنا الزينين
شيقا التكنلوجي
Quote: ممدوح ابارو

يا اخي كتر خير الاخ اسامة ابارو واولادو فقد كانوا باتصال معي على الدوام في الهند .

اول مرة اعرف ناهد زوجة اسامة اخوك بت ابو دي

دي المحرية فيهم ابو غفران وامها

Quote: وين البني كربو ؟

عشان ما يبرد ما قلبناه في المخلاية راجنك يا مسنوح

Post: #215
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-11-2010, 05:01 PM
Parent: #212

إنت راتل في نعيمك

وبس أنال منك جحيمك

ولحـــــــــــين ميسرة

Post: #216
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-11-2010, 05:05 PM
Parent: #215

ألليلة غاب
البي عصر مرورو

تجف الدروب وأنت بعيد

ونشتاق ليك وأنت معانا

لاتبرح عنقريب هباب في إنجماتنا العزيز عاطف

وهي كلمة طيبة

لك الود والتقدير

Post: #217
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-11-2010, 05:08 PM
Parent: #216

المنسي العشاء اب لبن
......................................

وين يا ناس كحيل العين
ضحكت ضحك وأنا بتخيل الكحل في عينيك يا ودشيقوق

الشوق لظلك الجميل وخفيف مطر

كلم سحائبك تصب علينا ولا حوالينا

تحياتي ومودتي

Post: #218
Title: Re: أبقى منجم .... كلمة طيبة .. إبتسامة حتى
Author: عاطف رميتي
Date: 03-12-2010, 05:34 AM
Parent: #217

اللهم صلي وسلم وبارك علي سيدنا محمد وعلي آله وصحبه وسلم

جمعة مباركة للجميع

Post: #219
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-12-2010, 06:45 PM
Parent: #217

وأقول للدنيا
أنا أفريقي أنا سوداني

وهل هناك أجمل من كدي

تميز الشخص السوداني

فهو سوداني وكفى

ولحين ميسرة

Post: #220
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-12-2010, 06:48 PM
Parent: #219

للهم صلي وسلم وبارك علي سيدنا محمد وعلي آله وصحبه وسلم

جمعة مباركة للجميع

.........................................................
ألف صلاة على الحبيب

ولك من البركة نصيب يا رب أخي عاطف

تحياتي ومودتي

Post: #221
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-13-2010, 04:50 PM
Parent: #220

ما بغيرني صدودك عني

ولحيــــــــن ميسرة

Post: #223
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-13-2010, 06:09 PM
Parent: #221

الاخ المنسي

الاخوة الانجماميون والانجماميات

وصلتني هذه الرسالة عبر المسنغر الداخلي

Quote: سلام الطيب

والله أنا عارفة جات متأخرة لكن حقيقة ما كنت متخيلة إنى أقدر حتى أدخل على المسنجر عشان كان واقف

قريت الأخبار المفجعة ربنا يتقبله قبول حسن ويعوضه شبابه الجنة

ويصبركم يا رب

تحياتى لكل الأسرة

سماح

Post: #224
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-13-2010, 06:12 PM
Parent: #221

الاخ المنسي

الاخوة الانجماميون والانجماميات

وصلتني هذه الرسالة عبر المسنغر الداخلي

Quote: سلام الطيب

والله أنا عارفة جات متأخرة لكن حقيقة ما كنت متخيلة إنى أقدر حتى أدخل على المسنجر عشان كان واقف

قريت الأخبار المفجعة ربنا يتقبله قبول حسن ويعوضه شبابه الجنة

ويصبركم يا رب

تحياتى لكل الأسرة

سماح

Post: #225
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-13-2010, 07:48 PM
Parent: #224

الاخ المنسي

الاخوة الانجماميون والانجماميات

وصلتني هذه الرسالة عبر المسنغر الداخلي
>>>>>>>>>>>>>>>>>>>>>>>>>>>>>>>>>>>

أصيلة سماح
ويا حليلها بي الكتير
وان شاء تعود لينا
مشتاقين ليها كتيييييييييييير

تحياتي شيقوق

Post: #226
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-13-2010, 07:53 PM
Parent: #225

Quote: أصيلة سماح
ويا حليلها بي الكتير
وان شاء تعود لينا
مشتاقين ليها كتيييييييييييير

ما تكشف حالها يا مسنوح - خليني انا بدارجا برااااااااااااحة نامن تجيكم بهنا

شوف قديديمو من هسع جاء نابل باشواقو ومشاعرو

الشوق ال

Post: #227
Title: Re: أبقى منجم .... كلمة طيبة .. إبتسامة حتى
Author: أبوبكر أبوالقاسم
Date: 03-14-2010, 02:22 AM
Parent: #226

الطيب شيقوق صباح الخير

أهل الإنجمامة سلامات ... ولحين ميسرة من الوقت.

Post: #228
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-14-2010, 05:45 AM
Parent: #227

ابو ابو القاسم

كيفك وكيف امورك

تقرر ترشيح الحاضرة الغائبة سماح لقيادة الانجمامة بعد التنحي الطوعي من المنسي

كفانا من العجائز

تعال يا ايمن الطيب فقد آن الاون ليقود الانجمامة شباب وجكس ينضح بالنشاط و الحيوية .

Post: #229
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-15-2010, 08:06 PM
Parent: #225

وتبقى الدنيا ياها الدنيا
تجمع لتفرق

وتفرق لتفرق مرة أخرى

نطلب من جامع الجمع يجمعنا قولوا آمين

Post: #230
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-15-2010, 08:15 PM
Parent: #229

ما تكشف حالها يا مسنوح - خليني انا بدارجا برااااااااااااحة نامن تجيكم بهنا

شوف قديديمو من هسع جاء نابل باشواقو ومشاعرو

الشوق ال
.............................................................

هههههههههههههههههههههههههههههههههههههههههههههههههه
ضحكتني لما كلوي وجعتني

لا يغرك هذا الماسنجر
مازلنا نحن الكل في الكل
لكن بيني وبينك الأيام دي بقو مابردو على رسائلي حتى
هههههههههههههههههههههههههههههههههههههههه

الله يجيب العواقب سليمة

والشوق الأخير لك منه نصيب يا شيقوق

Post: #231
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-15-2010, 08:19 PM
Parent: #230

الطيب شيقوق صباح الخير

أهل الإنجمامة سلامات ... ولحين ميسرة من الوقت.
....................................................................................

أبوالقاسم ييسر الله
في انتظار يوم ييسر الله
بس من شوقنا ليك ولي حرفك

تحياتي ومودتي

Post: #232
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-15-2010, 08:23 PM
Parent: #231

بو ابو القاسم

كيفك وكيف امورك

تقرر ترشيح الحاضرة الغائبة سماح لقيادة الانجمامة بعد التنحي الطوعي من المنسي

كفانا من العجائز
...................................................................................................................

والله موافق وبكل رضى ونفس طيبة

من ينبري ؟؟؟
بس مايكون شيقوق ولا أبارو

اي زول غير ديل موافق عليهو

وبالذات واحد من هولاء

سمية الحسن
سلمى سلامة
سماح
تيسير

أو
أبوالقاسم
بوبا
أيمن الطيب

Post: #233
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-16-2010, 05:09 PM
Parent: #232

لحيـــــــــــــــــــــــــــــــن ميسرة

Post: #242
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-18-2010, 05:25 PM
Parent: #233

قف

تأمل
مغرب العمر وأخفاق الشعاع

وها العمر يغرب

وهل الغروب شئ مخفيف
وفي المغيب شعاع أمل
وفي الأمل تشبث بالحياة

لا
تقل

أين نحن ؟؟
وأين حبنا ؟
هل كل الأشياء الجميلة أنتهت ؟؟

ليت الجميل يبقى
لكن كل جميل على عجل

الصبر جميل وليت الصبر يبقى

ولحين ميسرة

Post: #234
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 03-16-2010, 05:20 PM
Parent: #232

ياخ والله يا شيقا جبت عجب!
سماح مره واحده؟
ورسلت ليك مسنقر وداخلي كمان؟
الهي تدخل في جحر ضب ضكر
والله كان سماح ما عارف؟

يا عم كمال تعال امسك الزول فترنا خلاس من هضرباتو

المنسي والانجماماب سلام

Post: #235
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-16-2010, 06:17 PM
Parent: #234

منسي المتنحي

ابارو

Quote: ياخ والله يا شيقا جبت عجب!
سماح مره واحده؟
ورسلت ليك مسنقر وداخلي كمان؟
الهي تدخل في جحر ضب ضكر
والله كان سماح ما عارف؟

اخوك كان رفع ضرعاتو ولخلخ حجباتو بجيب ليكم سلمى بت الشيخ هسسسسسسسسسسسسسسع

وضاحة متابعاكم بالطوالة وبتسلم عليكم واحد واحد

دعواتكم بالشفاء لاخينا عماد العريس ربنا يرفعه

Post: #236
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 03-16-2010, 06:46 PM
Parent: #235

Quote: تقرر ترشيح الحاضرة الغائبة سماح لقيادة الانجمامة بعد التنحي الطوعي من المنسي

كفانا من العجائز

تعال يا ايمن الطيب فقد آن الاون ليقود الانجمامة شباب وجكس ينضح بالنشاط و الحيوية .

معاً من أجل التطور والترقي بإنجمامتنا
إنتخبو مرشحتكم سماح الرمز الـ
من أجل إنجمامة خاليه من المسانيح

اللجنة العليا للانتخابات بالانجمامة

Post: #238
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-16-2010, 07:20 PM
Parent: #236

Quote: معاً من أجل التطور والترقي بإنجمامتنا
إنتخبو مرشحتكم سماح الرمز الـ
من أجل إنجمامة خاليه من المسانيح

اللجنة العليا للانتخابات بالانجمامة

يا سيدي الحسن يا اب قبتن مبنيه
اكتب لي حجاب من راسي لي كرعي
لو ما حكمت سماح والايد بقت ملويه
بجلس مع البنات وبشنق الطاقيه

دى الدعاية الانتخابية لسماح

انتي تشبهي اللبن القبيل حلبوهو
يا عنكوليب فداسي النقرشو ونقوهو
شوفتك ترفع الفوق ..الفوق الفراش مدوهو

هيييييييييييييييييع كع

لقيتني كيف ود ابارو؟

Post: #239
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 03-16-2010, 07:31 PM
Parent: #238

Quote: يا سيدي الحسن يا اب قبتن مبنيه
اكتب لي حجاب من راسي لي كرعي
لو ما حكمت سماح والايد بقت ملويه
بجلس مع البنات وبشنق الطاقيه

يا سيدي الحسن يا اب قبتن مرفوعة
اكتب لي حجاب اتم بيو موضوعه
لو ما حكمت سماح والايد بقت مفدوعة
بجلس مع البنات وبلبس المرقوعة
هيييييييييييييييييع
لقيتك شر مستطير

Post: #240
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 03-16-2010, 07:36 PM
Parent: #235

Quote: دعواتكم بالشفاء لاخينا عماد العريس ربنا يرفعه

اللهم انت الشافي
ربي اجعلها كفارة لزنوبه
ربي وخفف عنه ياكريم العطا والجود

Post: #241
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-16-2010, 08:04 PM
Parent: #240

Quote: لو ما حكمت سماح والايد بقت مفدوعة

ههههههههههههههههههههههههههههههههههههههههههههههههههههههههههههههههههههههههههههههههههههههههههههههها

عافي منك دنيا واخرة يا ود ابارو

المنسي سقط

المنسي سقط

المنسي سقط

هيييييييييييييييييع سماح

Post: #243
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-18-2010, 05:30 PM
Parent: #241

ههههههههههههههههههههههههههههههههههههههههههههههههههههههههههههههههههههههههههههههههههههههههههههههها

عافي منك دنيا واخرة يا ود ابارو

المنسي سقط

المنسي سقط

المنسي سقط
...................................................................
ماعندي اقتباس

والله النفس تجود بكل غالي لسماح والسماحة والطيبة
هي الدرة الغالية المكنونة ليوم الحوبة

ربنا يعيدها لينا سالمة أمانة

تحياتنا لسماح من على البعد
ومحل رهيفة التنقد

Post: #244
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-18-2010, 05:34 PM
Parent: #243

وضاحة متابعاكم بالطوالة وبتسلم عليكم واحد واحد
...................................................................
ماعندي أقتباس

طرب رابّو ............... ومعناها بلغة الجن
هذا المرء كذابّو

والخبر اليقين قالوا البطانة إترشّت

خت الفأس علي كتفك
وبوّح غادي
بوّح غادي
ونم فوق البعجبك
زين ؟

Post: #245
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-18-2010, 05:38 PM
Parent: #244

المنسي والانجماماب سلام

............................................
ماعندي اقتباس

يا أبارو زولك برميها وبصدقها
ههههههههههههههههههههههههه

الزارعنا غير الله
اللجي يقلعنا

هييييييييييييييع

Post: #246
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-18-2010, 05:53 PM
Parent: #245

كنت اتعجب كثيرا واستنكر على ابني استخدامه لكلمات غريبة في تواصله بالهاتف مع زملائه مثل كلمة مكسب ولغم وضهب ... الخ . بعد ذلك عرفت أن هذه ما عادت لغة شماسة وانما تستخدم في ارقى جامعاتنا وهي لغة كاملة يستخدمها شبابنا اليوم فيما بينهم وربما يقولون لمن من يجهلها: "دا زول فاره أو فرندقس ساي". واصبح الناس يألفونها بل وصل الحال بالبعض الى استحسان الامر باعتباره تطور في لغتنا ... يا سبحان الله ... يبدو أننا اصبحنا مثلما قال المتنبي:

ومن صحب الدنيا طويلا تقلبت *** على عينيه حتى يرى حلوها مرا

تعالو نشوف الحاصل:
--------------------
ضفادع+نحل+دبايب +ضهب + مظلات = شخص يفرض نفسه ويتواجد فى كل مكان (زول ما معزوم )
مرطّب= مرتاح أو بحاله ممتازه.
ربه=حفله.
دكاكينيه= خاصه.
ياعمك= ياأخونا.

كهارب+حنه +فله + ضحاكات + قنزب + شرتيت= فلوس اونقود.
هكر+شجر= زول قديم.
قلب= أنسان عزيز.
شتت+تلاشى= ذهب أوغاب.

شاكوش او همر =عندما يقابل شخص بالصد والرفض خصوصا من فتاه.
شديد+دسيس+مكسب + زابط = أمرجميل رايع.
تفاتيح+شرامه= الشخص الذى يدعى معرفته بالامور.
هوى بارد= شى لاتحمد عقباه.
القسم+القرد+غرز + الفقس = أسماء لرقصات شبابيه.

قائد الاسطول= مسطول
سكروتا + مسنن = سكران .
ورل= اكبردرجه من(دبيب ونحل وضفادع) .
سحلية + حربويه = البنت التى تفرط من أستخدام مستحضرات تفتيح البشره.
نجرته + بيكمون + عقربه + غنمايه + الناموسة = البت الشينه
عشمانا+غدمبليه+سفاسف + جومة + عضة = اكل او طعام

مهوى= جائع.
كبايه + كبابه = أنسان يتوتر بتعامله مع الجنس اللطيف.
لغم= أنسان صاحب تخريب وتدمير. او انسان ما مرحب بيو في الحته
تبشه= شخص(عوير(
مسطح= شخص لم يفهم ال م وضوع.
فاره + فرندقس ساي = شخص لا يعرف شي

الجلكين = الوالد
الجلك = الشخص الكبير
الألفة = الأخ الكبير
حرس الصيد = الحبوبة
الطيارة =من لا حبيبه له

شرط للأرض ==سمحة شديدة .
بيض == زول أي كلام .
حنااااك == يعني زول لسانو حلو
الحنك شنو = الموضوع شنو او الخبر شنو

بُقاقه = بنت سمحة
قرمبوزه = بنت عمر 18 عام
سنقنق = بنت في عمر الزهور
نار منقد + نجاضه + شديدة = يعني بت سمحة شديد
الاستكش + الخدرا + بشرب الشديد = البنقو او سجاير البنقو

والله داير اعمل أبو حمامة : داير امشي الحمام
خوجلي عثمان : تعنى الخجل الشديد
عشه الفلاتية : تعني وجبة العشاء
فاطنة الحاج: تعني الفطور
الفاتح النقر: التجاهل
عبد العظيم حركة : عامل حركات
عمر إحساس : متحسس شوية
زيدان إبراهيم : تعني الوصلة : زيادة الأكل
صلاح مصطفي: الإصلاح بين شخصين

سوسن عبد الفتاح : يعني سستة البنطلون مفتوحة
على السقيد : شخص يحب السهر
كمال ترباس : قفلت الموضوع
عقد الجلاد : عقد الزواج
صديق منزول : النزول
زيادة حمور : زيادة في السعر
أبو القاسم الشابي = قسمة الأشياء وبالتساوي
محمد مسكين= الشخص المسكين
جوزيف لأقو =مجازفة

جيبب بحنة + حبكة = آلف جنيه
الحمرا =خمسة آلف
الزرقاء= عشرة آلف
هاجر كباشي= عشرين
نانسي عجرم= خمسين
متر= مائة

كدي النديكم نكت بي الرندوك علشان ما تزهجو
القاضي قال للشاب : أنت الجابك شنو هنا ؟؟؟؟
الشاب: والله يامولانا كنا بنلعب طره كجنق بالشرتيت ،، ، ،
فجأة الجمتي كبس... اثنين تفتيحة كبوا الزوغة
وواحد فارة ماثل أمامكم .....

واحدة عملت الحبيب بورقيبة لواحد ... قام الواحد عمل الضوء قدم الخير لأهلها.... وأهلها لما عرفوا ا نو ما عامل
كمال شغيل ... عملوا ليه الجزيرة أبا .... الاثنين قاموا عملوا الضوء الشارد... وعملوا عقد الجلاد... أم البت عرفت
الخبر عملت احمد الدوخي ... هههههههههههههههههههههههه
..........

Post: #247
Title: Re: أبقى منجم .... كلمة طيبة .. إبتسامة حتى
Author: أبوبكر أبوالقاسم
Date: 03-18-2010, 06:23 PM
Parent: #246

Quote: دى الدعاية الانتخابية لسماح

انتي تشبهي اللبن القبيل حلبوهو
يا عنكوليب فداسي النقرشو ونقوهو
شوفتك ترفع الفوق ..الفوق الفراش مدوهو

سلامى للجميع

شيقا زى ما قال ليك المنسى: إت شفتها ووووووين؟

غايتو شيقا ما بتخلِّى محنك ... غايتو نحن راضين بعبارة " الجلاكين ".

شيقا لو تعرف أنا برسِّل المداخلة دى من وين حا تتحير.

خالد: خلِّى تلفونك فاتح.

Post: #248
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-18-2010, 06:45 PM
Parent: #247

ابو القاسم الشابي

كيفك يا اخي

Quote: شيقا زى ما قال ليك المنسى: إت شفتها ووووووين؟

يبدو انتوا فارات ( بلغة العصر ) فاكرين لازم يكون اللقاء فيزيكال - انتوا عمركم ما سمعتوا بالفيديو كنفرنس
وما سمعتوا العرسان المقيمين في الغربة لما يتزوجوا ليهم بنات في السودان بيكونوا متابعين رقصات عروساتم بالفديو من على البعد وممكن كمان يكون على الخط يطلب رقصة الرقبة او العاجكو ؟

Quote: غايتو شيقا ما بتخلِّى محنك ... غايتو نحن راضين بعبارة " الجلاكين ".

انا ما معاكم ولا انتوا شريحة مرغوب فيكم حسب برنامجنا الانتخابي السماحيييييييييييي

Quote: شيقا لو تعرف أنا برسِّل المداخلة دى من وين حا تتحير.

انت وين يا مسنوووووووووووووح؟

Post: #249
Title: Re: أبقى منجم .... كلمة طيبة .. إبتسامة حتى
Author: فيصل محمد خليل
Date: 03-18-2010, 07:05 PM
Parent: #248

Quote: الفاتح النقر: التجاهل

يعني يا شيقا دكتور مصطفى محمود

لو عمل فيها شفت يقوم يكتبا

الفاتح النقر
الفاتح النقر
الفاتح النقر

بدل

التجاهل
التجاهل
التجاهل

ـــــــــــــــــ
بتعرف تدق الهاوية ?

Post: #250
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-18-2010, 07:09 PM
Parent: #249

Quote: يعني يا شيقا دكتور مصطفى محمود

لو عمل فيها شفت يقوم يكتبا

الفاتح النقر
الفاتح النقر
الفاتح النقر

امشي كدا يا لغم

Post: #251
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-18-2010, 08:14 PM
Parent: #250

امشي كدا يا لغم
>>>>>>>>>>>>>>>>>>>>>>>>

ههههههههههههههههههههههههههههههههه

الله يسنحك

فيصل ما تخلي

ولو كان الواحد راسو ضارب ومشكوكش بقولوا لي

شيقوق

Post: #252
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-18-2010, 08:22 PM
Parent: #250

Quote: ولو كان الواحد راسو ضارب ومشكوكش بقولوا لي

انت كمان مالك يا عبد العظيم حركة ؟

كنت عشمان فيك تكون صلاح مصطفى يا سجم الرماد

جاياك سماح السماح ال

Post: #253
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-18-2010, 08:34 PM
Parent: #252

انت كمان مالك يا عبد العظيم حركة ؟
.......................................................

عبد العظيم حركة أنا يا

جنريتر

Post: #254
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 03-18-2010, 08:42 PM
Parent: #253

Quote: عبد العظيم حركة أنا يا

محمد مسكين؟؟؟؟؟؟؟؟؟؟؟؟؟؟؟؟؟

Post: #255
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-19-2010, 07:15 PM
Parent: #253

ومن الحب ماقتل

وليتك يا شيقوق تستوعب الدرس

لحين ميسرة

Post: #256
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-19-2010, 07:17 PM
Parent: #255

محمد مسكين؟؟؟؟؟؟؟؟؟؟؟؟؟؟؟؟؟
...................................................

طــــــه بحشر

Post: #257
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-20-2010, 06:34 PM
Parent: #256

بعد الغياب
بعد اليالي المرَّ

عاد الحبيب المنتظر
عوداً حميداً مستطاب

ولحيــــــــن ميسرة

Post: #258
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-21-2010, 08:07 PM
Parent: #257

الزول السمح
فات الكُبار القدرّو

الله ييسر

Post: #259
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-24-2010, 05:05 PM
Parent: #258

لك أيها القلب الكليم

ما قلنا ليك
الحب طريق
قاسي وصعيب من أولو
ومارضيت كلامنّـــــا
ومشيت براك
أرضى العذاب إتحملّو

ولحيــــــن تيسير من الله

Post: #260
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-25-2010, 06:28 PM
Parent: #259

قلوبنا معك

حاتم السر سكينجو

ود كرتي ما بندي

ولحين ميسرة

Post: #261
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-25-2010, 07:38 PM
Parent: #260

<EMBED SRC=http://www.sudanvoice.net/v2/nnnnn7.mp3 AUTOSTART=true LOOP=FALSE WIDTH=145 HEIGHT=55 ALIGN=CENTER><BR></EMBED>

وحليلنّا نحن المخلصين

وياخسارة يا لحني الفريد

وا حري من هجر البريدو

لهفة الزول البريد

أبيك وين ألقى الدموع

وهل تفيد الدموع من بعدك يا أجمل جميل

Post: #262
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 03-27-2010, 02:47 PM
Parent: #261

ولحيــــــــن ميسرة

تحياتي ومودتي للكل

Post: #263
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 04-01-2010, 07:51 PM
Parent: #262

كل ثلاثة أشهر وانتم طيبين

ولحيـــين ميسرة

Post: #264
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 04-04-2010, 06:18 PM
Parent: #263

لحيـــــن ميسرة

Post: #265
Title: Re: أبقى منجم .... كلمة طيبة .. إبتسامة حتى
Author: Tayseer Elmobarak
Date: 04-06-2010, 01:23 PM
Parent: #264

عموم الإنجماماب سلام كتير و لعلكم طيبين و عافية ...

أهديكم واحدة من الأغاني المحببة لي ...

خالد في إنتظارك ...

Post: #266
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 04-06-2010, 04:49 PM
Parent: #265

Quote: خالد في إنتظارك ...

وأنا وأشواقي والساعة
ميعادك جينا من قبلو

وهلت بشائرنا وعاد الفرح لينا
بهلتك تيسير المباركة بت المبارك

الأغنية لم تظهر نقلتيها بي موية بصل مخفية ليه ؟؟؟

تحياتي ومودتي

Post: #267
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 04-10-2010, 04:25 PM
Parent: #266

لحين ميسرة

Post: #268
Title: Re: أبقى منجم .... كلمة طيبة .. إبتسامة حتى
Author: Osman Musa
Date: 04-10-2010, 04:54 PM
Parent: #267

عزيزنا ود المنسى
سلامات
وشنو ؟
ضربت دبى دى يا طويل العمر ونسيتنا تب .
تحياتى

Post: #269
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 04-10-2010, 05:07 PM
Parent: #267

سلام يا خالد
ولحين ميسرة

Post: #270
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 04-10-2010, 05:57 PM
Parent: #269

Quote: عزيزنا ود المنسى
سلامات
وشنو ؟
ضربت دبى دى يا طويل العمر ونسيتنا تب .
تحياتى

إن نسلو هيهات نسلو كل الجمال
ود موسى والله لكم الشوق بحور وان تروي لا تقك ظمأ لشخوصكم
التي خلدت فينا وحلت دار سكونا

أشرقت بك شديرات إتكاءتنا في الإنجمامة

ولك كل الود ود موسى عِتمان

Post: #271
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 04-10-2010, 06:00 PM
Parent: #270

Quote: سلام يا خالد
ولحين ميسرة

حباب الحبيب الغائب أبارو

بشر ؟؟ نقول مبروك ولا عليكم شوية

ولحين ميسرة إن يسر الله

مودتي

Post: #272
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 04-11-2010, 04:52 PM
Parent: #271

ما كنتَ متصور في
يوم أجيك مغلوب

ومشّي أمرك ياقدر
وأنتَ أحكامك مطاعة

ربنا ييسر

Post: #273
Title: Re: أبقى منجم .... كلمة طيبة .. إبتسامة حتى
Author: خالد علي محجوب المنسي
Date: 04-14-2010, 05:38 PM
Parent: #272

لحيـــــن ميسرة

Post: #274
Title: Re: أبقى منجم .... كلمة طيبة .. إبتسامة حتى
Author: ممدوح أبارو
Date: 06-22-2010, 10:11 AM
Parent: #269

وين الناس؟

سلامات ياخالد ونعلك طيب

Post: #275
Title: Re: أبقى منجم .... كلمة طيبة .. إبتسامة حتى
Author: الطيب شيقوق
Date: 06-22-2010, 11:18 AM
Parent: #274

اجموا

الى حين ميسرة

الميسرة ال .................