Post: #1
Title: كلام بالشعر ما بتكرر نهائي ,, فارس العتمه ساري الليل ,, ناس الخليج مطلوب حضورهم ,,
Author: العوض المسلمي
Date: 08-03-2009, 03:35 PM
Parent: #0
وصلتني هذه القصيده في الايميل من اخ وصديق فا احببت ان اشرككم فيما تحوي من درر ,,
مناسبة القصيدة أنو الشاعر( صلاح سيدأحمد الغول) رد على واحد من منسوبي إحدى الدول العربية على الهاتف (بجملة نعم يا يا زول ) فرد علي مستاءً : بتقول زول ليه شايفني لافي بتاعه على دماغي ..
|
Post: #2
Title: Re: كلام بالشعر ما بتكرر نهائي ,, فارس العتمه ساري الليل ,, ناس الخليج مطلوب حضورهم ,,
Author: العوض المسلمي
Date: 08-03-2009, 03:38 PM
Parent: #1
بهذا العنوان كانت القصيده ,,
[B]
أنا الغلطان
تقول لي زول؟!
بقول ليك زول !!
مالو الزول؟
و انت بتعرف إيه للزول ؟
سخيف وجهول
كمان زعلان
خلاص يا سيدي أنا غلطان
شطحت وكنت فاكرك زول
زول الماهو عاجبك ده
الله الخلقو خلقو كده
سمرة لونو من لون طينو
يبقى الفرق بينك و بينو
إنو نضيف و ابيض قلبو
عارف قدرو شاكر ربو
ساتر عرضو ماسك دينو
مخلص أمين وديع و رزين
حشيم القول بديعو رصينو
لطيف وعفيف و كاتلو حنينو
أسد في الحاره
لابختاك و لابرجاك تجيو في عرينو
أكان بى حدره بادرتو
بيتلقاك بى عتره
وبستناك تقول الروب
قبل ما يشممك سكينو
يا بتوب يا بيوسدوك الطوب
والراجل يحمر عينو
كمان بى كلمه بتخاويهو
وبى بسمه بجيك خيرو
لا بتقدر تعيش من دونو
لا بتختاهو لى غيرو
زول الماهو عاجبك ده
بلا توجيه ولا تعليم
أديب و فهيم
هميم وكريم
و فطرة ربو من يوم خلقو
لا فتان و لا خوان
أخو أخوان
بكفي الألف و الألفين من الضيفان
و لو اضطر يرهن ولدو
و ان ما كفى
باع بيت أهلو و الجيران
زول الماهو عاجبك ده
يوم تحتاجلو بتلاقيهو
أكان ورطان وكان جيعان
و كان وجعان و كان سجمان
قبل تتأوه و تناديهو
يمين في أقل من برهه
و بين مد الألف و الها
قبل ناسك بجيك حفيان
بضمد جرحك و بداويهو
بكتل أبدرقه بى إيديهو
بطفي الواقده بى رجليهو
ما بتغباههو
لما تدورو بتلاقيو مكان حاريهو
اللافيبا راسو الزول
و متباهيبه إسمها عمه
سنة سيد الأسياد
المعصوم شفيع الأمه
و سيما الأوليا الزهاد
قلال الزاد كبار الهمه
و تاج العزة و الجبره
و رمز الطيبه و الحكمه
و الملفوف على المبروكه
إسمو التوب
لباس العفه و الحشمه
أزيدك من فضول القول
ولا خلاص عرفت الزول
ده جمل الشيل
دخري الحوبه
فارس العتمه ساري الليل
لبيب و زكي و نجيب بلحيل
فهيم فهماً يهد الحيل
تقول لي ما فهمت عليك عيد القتو لي تاني !
واجيب فهامه عاد من وين
كلامي القتو ألماني؟
أخير ليك تمشي تختاني
وتنسى الزول و تنساني
وفوت قبال تعاديني
و اقول اللوح ده عاداني
و يكفي الزول و يكفيني
إني و إنو سوداني
|
Post: #3
Title: Re: كلام بالشعر ما بتكرر نهائي ,, فارس العتمه ساري الليل ,, ناس الخليج مطلوب حضورهم ,,
Author: العوض المسلمي
Date: 08-03-2009, 04:27 PM
Parent: #2
ساقسم القصيده لمقاطع
المقطع الاول :
تقول لي زول؟!
بقول ليك زول !!
مالو الزول؟
و انت بتعرف إيه للزول ؟
سخيف وجهول
كمان زعلان
خلاص يا سيدي أنا غلطان
شطحت وكنت فاكرك زول
زول الماهو عاجبك ده
الله الخلقو خلقو كده
سمرة لونو من لون طينو
يبقى الفرق بينك و بينو
إنو نضيف و ابيض قلبو
عارف قدرو شاكر ربو
ساتر عرضو ماسك دينو
مخلص أمين وديع و رزين
حشيم القول بديعو رصينو
لطيف وعفيف و كاتلو حنينو
|
Post: #4
Title: Re: كلام بالشعر ما بتكرر نهائي ,, فارس العتمه ساري الليل ,, ناس الخليج مطلوب حضورهم ,,
Author: العوض المسلمي
Date: 08-03-2009, 04:29 PM
Parent: #3
المقطع الثاني :
أسد في الحاره
لابختاك و لابرجاك تجيو في عرينو
أكان بى حدره بادرتو
بيتلقاك بى عتره
وبستناك تقول الروب
قبل ما يشممك سكينو
يا بتوب يا بيوسدوك الطوب
والراجل يحمر عينو
كمان بى كلمه بتخاويهو
وبى بسمه بجيك خيرو
لا بتقدر تعيش من دونو
لا بتختاهو لى غيرو
زول الماهو عاجبك ده
بلا توجيه ولا تعليم
أديب و فهيم
هميم وكريم
و فطرة ربو من يوم خلقو
لا فتان و لا خوان
أخو أخوان
بكفي الألف و الألفين من الضيفان
و لو اضطر يرهن ولدو
و ان ما كفى
باع بيت أهلو و الجيران
|
Post: #5
Title: Re: كلام بالشعر ما بتكرر نهائي ,, فارس العتمه ساري الليل ,, ناس الخليج مطلوب حضورهم ,,
Author: العوض المسلمي
Date: 08-03-2009, 04:31 PM
Parent: #4
المقطع الثالث
زول الماهو عاجبك ده
يوم تحتاجلو بتلاقيهو
أكان ورطان وكان جيعان
و كان وجعان و كان سجمان
قبل تتأوه و تناديهو
يمين في أقل من برهه
و بين مد الألف و الها
قبل ناسك بجيك حفيان
بضمد جرحك و بداويهو
بكتل أبدرقه بى إيديهو
بطفي الواقده بى رجليهو
ما بتغباههو
لما تدورو بتلاقيو مكان حاريهو
|
Post: #6
Title: Re: كلام بالشعر ما بتكرر نهائي ,, فارس العتمه ساري الليل ,, ناس الخليج مطلوب حضورهم ,,
Author: العوض المسلمي
Date: 08-03-2009, 04:32 PM
Parent: #5
وشوف المقطع الرابع لوضف العمه السودانيه
اللافيبا راسو الزول
و متباهيبه إسمها عمه
سنة سيد الأسياد
المعصوم شفيع الأمه
و سيما الأوليا الزهاد
قلال الزاد كبار الهمه
و تاج العزة و الجبره
و رمز الطيبه و الحكمه
|
Post: #7
Title: Re: كلام بالشعر ما بتكرر نهائي ,, فارس العتمه ساري الليل ,, ناس الخليج مطلوب حضورهم ,,
Author: العوض المسلمي
Date: 08-03-2009, 04:34 PM
Parent: #6
مقطع اوله وصف للتوب ومن بعد عن الفروسبه
و الملفوف على المبروكه
إسمو التوب
لباس العفه و الحشمه
أزيدك من فضول القول
ولا خلاص عرفت الزول
ده جمل الشيل
دخري الحوبه
فارس العتمه ساري الليل
لبيب و زكي و نجيب بلحيل
فهيم فهماً يهد الحيل
تقول لي ما فهمت عليك عيد القتو لي تاني !
واجيب فهامه عاد من وين
كلامي القتو ألماني؟
|
Post: #8
Title: Re: كلام بالشعر ما بتكرر نهائي ,, فارس العتمه ساري الليل ,, ناس الخليج مطلوب حضورهم ,,
Author: العوض المسلمي
Date: 08-03-2009, 04:36 PM
Parent: #7
المقطع الاخير
أخير ليك تمشي تختاني
وتنسى الزول و تنساني
وفوت قبال تعاديني
و اقول اللوح ده عاداني
و يكفي الزول و يكفيني
إني و إنو سوداني
|
|