العوض المسلمي بنزينك كمل ولا شنو ؟

العوض أخوي.

شايفك فترت من معافرة البورد وداير تغادر ولو حتى مؤقتا، لكن الخروج من البورد ده ما زي دخولو. لازم تاخد تصصريح مغادرة وحتى لو كانت مغادرة مؤقتة.
أما لو بنزينك كمل تبقى دي مشكلة.



دينق.

زملاء المنبر الوداااااااااع

الاخ العزيز دينق

Quote: العوض أخوي. شايفك فترت من معافرة البورد وداير تغادر ولو حتى مؤقتا، لكن الخروج من البورد ده ما زي دخولو. لازم تاخد تصصريح مغادرة وحتى لو كانت مغادرة مؤقتة. أما لو بنزينك كمل تبقى دي مشكلة. دينق

حنبناما يكون البنزين كمل او ان ام العيال تكون قالت ليه اما انا او ناس البورد ديل!!! و الراجل حنبن!!

Quote: تسلم يا العوض يا خوي من كل بلية مالك داير تمسخ علينا الطلة ماصدقنا لقينا طيابة الخصلة تقوم تحرد تفرّق علينا المَلَّة ياخي أوعاك تسيبها الحلة نحن بلاك بتصيبنا كل علة بعد طلة عمم وريحتك الفُلّة داير تخلينا في صقيعة المتاهة لا قهوة لا دلّة يا خي غيّر وتاني بدل دي ما ياها المحريّة فيك لسّا ماضقنا الضواقة من ظرافتك واللطافة ما شي تغرف للمجافا نحن دوبنا قلنا عافية لي دروب أَلَّةْ ثقافة تمشي تحرد تتخافا ياخي بعدك تتجافا تهجر الحن والرهافة وكان بتتعزز علينا قولها واضح نتعافا كان مريض قول لينا برضو ندعو ليك شان تتشافا إلا فرقك قاسي قاسي شوف شي تاني وغير؛ خلافا وكان شقانا بتريدوا لازم برضو خلينا الـ نَّعَرْفا مالك انت ومال فراقنا نحن ناقصين الهيافة ضمة مغصوبين هيافة إلا الجبر خابرنا نلفا يوم علوم ديك اللطافة يرجع المأزوم لودّه ياخي قول لك أي حاجة غير مشيك دا يا ثقافة كلنا الدبريس كتلنا إلا راجين اللطافة برضو مخنوقين وحاتك إلا حبل المهلة بلفا لي عقاد نافع وسلفا تكرب الصدّيع بلفة كاربة للعمة الولوفا وقلنا ما ممكن تسافر يعني ما ممكن تسافر وما في ليك أبداً تذاكر إلاّ كان تجبر خواطر لي حبايبك دول عساكر شوف علومهم كيف تناقر للكلام القلتو سافر ياخي اجبر بالخواطر كل كَسْرَة وليها جابر ومهما قلت واللاّ قلنا فكل أول ليه آخر والمقدر لا بد حيحصل كان زمان أو حتى حاضر والبعزّك ما بيقبل إلا بي جبر الخواطر خلّو همك سيبو ساكت ودو لي صحبو البهمه البشيلو هو ربك هو الله أما نحن ديلا ساكت نرضى بالقسمو المهيمن وهو أدرى هو أدرى وقلنا لا لا وتاني لا لا والعفو

أخونا دينق

لك التحية

وشاكرون على فتح هذا البوست

وإن كنت لا أعرف العوض شخصياً

إلا أني ارتحت إليه كثيراً

أرجو أن يعود أنيقاً كما كان


وشكراً

انا انشاء الله ساقوم بدور وسيط لاثناء هذا الرجل عن هذا القرار
والزول دة انا عمو و حا استغل ذلك فى المفاوضات معه

دينق ... سلام
العوض شكلو كده جاتو ملاريا ...
ايام بس ويرجع ...
:
:
:
خليهو يتصفح من الخارج ... ويدخل في الوقت الذي يقدره بالضرورة ...
لكن وعشان أحبابو هنا ... ما أظن يكسر خاطرهم ويرفض طلبهم بالبقاء ..

بينهي في إجراءات تشييد فرع لشركته في جوبا

الكوريين ديل بلدهم كلها مظاهرات ومابتنفع معاهو










__
يمشي ويجي بالسلامة

Quote: حنبناما يكون البنزين كمل او ان ام العيال تكون قالت ليه اما انا او ناس البورد ديل!!! و الراجل حنبن!!

الاخ الطيب رحمة.

أخونا العوض يكون راقد لو فوق راي.



دينق.

دينق

سلام مربع

ازيك .. عامل ايه

Quote: دينق سلام مربع ازيك .. عامل ايه

شيري.

سلام 1

مترقب بكل حزر ومراقب.


دينق.

Quote: أما لو بنزينك كمل تبقى دي مشكلة

الاخ دينق

سلامات

الاخ المسلمي ( بنزينه ما كمل) بل صبرو نفد من كتابات بعض الاعضاء
من إثارة العنصرية والفتن والبوستات الغير مهذبة والردود التي لا تخدم الحوار
والاساءة للاديان وسب العقيدة والاساءة الشخصية لقيادات وطنية
أو لأعضاء المنبر والنماذج كثيرة وأنت تعلم ذلك هذا فيض قليل من كثير
جعل اخونا المسلمي ان يفكر يودع هذا المنبر الذي لأصبح غير حر في الحوار
وأسالوا اخونا بيجو عن عدم حرية هذا المنبر وهو عارف.

عموماً شكرا لك علي هذا البوست.

اخي دينق سلام

وشكرا علي السؤال

ويا اخي طاقتنا ربانيه لابنزين بقطع ولا كهربا بتكمل

ولكن انت عارف وانا عارف المنبر شكله اصبح كيف !!!!!


الاخوه الكرام والاخوات الفضليات
وبقية الاخوه الكرام الذين اعتز بهم وبصداقتهم واخوتهم معي
فلم اكن مثل الذي تنتهي علاقته بالناس بمجرد خروجه من المنبر
ولكني اخوتي كنت قد اتخذت قرار الابتعاد ليس بعدا او بغضا لاحد
حاشا لله فانتم اكبر من ذلك واعظم ...
ولكن كنت اريد ان ابعد قليلا عن المنبر فقد تراشق فيه الاخوان بدون سابق معرفه
وتحدث فيه الذين لايعلمون شيئا حديث المفتي والعلامه ...
واصبح به زعامات ترفض ان تتنازل او تعترف بخطا او تعترف لغيرها بصدق او اتزان
كنا نريده منبرا حرا للنقاش نتبني به ما يدور حولنا من مشاكل وامور نتمني حلها معا ..لا ان نتحول
لديوك نناقر بعضنا البعض ...
اخوتي كم انا سعيد بان اكون معكم وبكم ..فمنكم تعلمنا الكثير ومنكم استفدت الكثير .....
ومهما يكن من امر وسبب لمغادرة المنبر او الغياب فلن اكسر خاطر اخوان زيكم يسدوا عين الشمس
وان كان ظرفي يمنعني من البقاء معكم فانا بالتاكيد وبكل ما استطيع ساكون بينكم ولن افارقكم مهما يكن من امر

سلام للجميع
دينق
عوض المسلمى

بيشتغل بالطاقة الشمسية

فى السودان بيكون حارق
فى اوربا فى الصيف

الاخ العزيز/دينق

تحياتي ؛؛؛

Quote: العوض المسلمي بنزينك كمل ولا شنو ؟

اظنها استراحة محارب.

اتمني من الاخ العوض المسلمي ان لايغادر؛

انت عارف انا بجي داخل البورد من التلاجة
وتوووشك بجي طاير؛

البورد فيهو حاجات زفت لكن الواحد بسردب
وتنتهي السردبة بنهاية ال sign out