الخرطوم تتعري قي الليلة الواحدة مرات عديدة.... ما يجي زول يقول حرية شخصيه

عندما يطيب ليك المقام في الخرطوم وتكون قد من الله عليك بزيارة بلد أخر غير الخرطوم فانك إن خرجت مساء من بيتك
وطاب ليك المقام بان فكرت بان تخرج مع أسرتك أو أصدقائك أو من يأنس معك جزء من ليل الخرطوم فانك بلا شك
ستلاحظ أشياء وان لم تنتبه لذلك ..
أول ما يلفت النظر تلك الحدائق التي نسقت وأقيمت علي تواصي الشوارع بالقرب من الكباري ,, أنها فكره جميله إذ هي
متنزه للناس تجد فيه فرصه للخروج من ضيق البيوت ونكد العمل ,, ولكنها بتجاهل من أقامها فإنها تحولت لمرتع
لمضايقي الأسر , بل ومكان للتخطيط للجريمة وتنفيذ بعض منها بسرقة حقائب النساء ..
وتحولت من مكان للترويح والأنس إلي وكر يخشي كثيرين أن يمروا بتجارب قد سمعوا بها ,,
لنقل مجازا ان هذا أول تعري الخرطوم في كل ليلة ....

عندما تخرج أيضا لقضاء جزء من ليل الخرطوم في نفس الحدائق التي تحدثنا فيها عن أنها أصبحت وكر بلا رقيب
فانك تجد مجموعات من الشابات وقد لبست من اللبس ما غلي سعره وضاق مقاسه ,,
ويصدرن حركات اقل ما يوصفن بها أنها لاتمس للحياء بشي ,,, وهناك شباب يبادلن أولئك الشابات البسمات والضحكات
ولا يجد رب الاسره إلا الانسحاب ان وجد للهدؤ سبيل وإلا اخذ علي رأسه ,,
ولنقل أيضا أنها الخرطوم تمارس العري ثانية ,,,

أما هذه المرة وغريب جدا ان الخرطوم لا توجد بها حكومة ليلا !!!!! قد تستغرب في هذا القول ولكنه الحق بلا مواربة ,,
فالخرطوم تصحو صباحا باكر وتنام بعد المعرب مباشرة ,,
إذا قدر ليك ان تقود سيارة بعد الثامنة مساء فلا تحتاج للوحة مرور فالشوارع تخلو من شرطة المرور إلا من قوة بسيطة
قرب الكباري ويجلسون في كراسيهم وكان وقت عملهم قد أزفت نهايته ,,
ولا تجد أي مظاهر للشر طه في الشوارع رغم ان الليل هو ما يحتاج فيه المواطن للامان وللعين الساهرة التي تسهر
علي أمنه وسلامته ,,,
اوليس هذا بأكبر عرى للخرطوم ,,,

وإذا كان من أمر أخر لافت للنظر هو تلك الدعوات التي تسمي خاصة كدعوات الزواج في الانديه الخرطوميه قان قدر
لك ان تذهب يوما لزواج صديقك أو قريبك فحدث ولا حرج ,,,
لبس لم نشاهده في قنوات لبنان ألتلفازيه ,,ضيق ومحزق وفاضح لكل شئ ,, ومثل هذه الحفلات يرتادها كثيرون فقد
لا يملكون صبرا علي ما يرون ,, فكيف يكون التنفس عن النفس ؟؟؟؟
بنات الخرطوم جميلات بلا شك فكيف جميله في زى فاتن ؟؟؟ سيقول لي أحدا أنها حرية شخصيه ,, ولكن الحرية
الشخصية تنتهي حيث تبدأ الحرية العامة ,, فأنت حر في تصرفك ان تحررت من دينك ,,اشرب خمرا في بيتك
ولكن ان تشربه في مكان عام وتزيد الصخب الموجود بانفعالات الخمر فلست حرا هنا ,,,
ولتلبس هؤلاء البنات هذه الملابس في بيوتهن أو خلال جلساتهن النسويه الخاصة فلا ضرر , إما ان يلبسنها في أماكن
يثرن فيها غرائز الرجال فليس الأمر بحرية شخصيه ,,,
استحلفكم بالله اوليس هذا بأكبر عري ؟؟؟؟؟

Quote: ويجلسون في كراسيهم وكان وقت عملهم قد أزفت نهايته

للأنسان طاقة محددة ومن حقه وقت للراحة ممتاز بكونوا متواجدين على الكراسى


والله كتر خيرهم



اخى المسلمي...لك التحيه والتقدير

اخي هشام مدني سلام

Quote: للأنسان طاقة محددة ومن حقه وقت للراحة ممتاز بكونوا متواجدين على الكراسى والله كتر خيرهم

اخي الحديث هذا عن رجال المرور الورديه المسائيه ,,,

نشاط غير معتاد بوردية النهار ,,, وجلوس ولا مبالاة بوردية المساء ,,

ها تقصد فقط اللبس من مظاهر التعري ولي المقصود شي تاني؟؟؟؟


اللبس دي ظاهرة ليها سنوات وتكلم عنها الناس ولكن اولياء الامور ما زالوا في غفلة من امرهم

اهلا شبكه

Quote: ها تقصد فقط اللبس من مظاهر التعري ولي المقصود شي تاني؟؟؟؟

اللبس بصورته الحاليه مقصود كنوع من التعري ,,,

مع تعري الحكومه في الخرطوم كل ليله بغياب كل مظاهر الامن والشرطه المرورويه ...

زيدي علي ذلك ما يحدث الان من مظاهر التسيب في كل مرافق الدوله ’’

والمحاباة في الوظائق ,,,

Quote: تعري الحكومه في الخرطوم

ياخ دي حرية لكن ما شخصية .

Quote: مظاهر التسيب في كل مرافق الدوله ’’

دي حرية حد الفوضى .

Quote: المحاباة في الوظائق

دي حرية أن تعطي من تشاء .



ياحاج العوض كلمة حرية دي ممكن تتفصل حسب امزجة الناس .

الاستاذه المبدعه داليا سلام

Quote: ياحاج العوض كلمة حرية دي ممكن تتفصل حسب امزجة الناس .

وهنا يا بت حافظتكون المشكله بلا علاج ,,

وتكون قمة العري والتفسخ ,,,,وخاصه اذا كان هذا التفسير من الحيكومه ,,,

العوض المسلمي .... سلامات ...

عندما قررت الرحيل الي مصر في مطلع التسعينات من القرن الماضي تخوفت الاسرة من هكذا خطوه خاصة واني كنت في سن المراهقة ..فهناك انطباع عام خاطئ لدي كل السودانيين ان مصر بلد حرية مطلقة وليس لها ضابط ديني او اخلاق عامه وكل ذلك من خلال ماتنقله لنا الدراما المصريه من افلام لاتصور الا شريحة معينه لاتمثل السواد الاعظم المحافظ في لبسه واخلاقه ...خرجت الي مصر وانا احمل هذه الانطباعات المسبقه المبنيه علي تنميط اعلامي ..ولكن وجدت ان ذلك غير موجود في الشارع العام وحتي من الصعوبة بمكان ان تري سكراناً في الشوارع رغم كثرة البارات ..ومن الصعوبة ايضا ان تقتاد احداهن من الشارع هكذا بل لهن اماكن خاصة واشخاص خاصين(قوادين )...
عدت بعد غياب خمسة عشر عاماً الي السودان ووجدت شارعاً مختلفاً عن ذلك الشارع المحافظ ...وجدت ماكان يتخوف الناس من ان اجده في مصر من تعري وسفورومقررات سهلة (كما يقول سعيد صالح ) ...من السهل جداً ان تقتاد من واحدة الي الف في اليوم ان توفر لك المكان(الوكر) والصحة والانحراف اللازم ...ياحبذا تكون مغترب ومعاك عربيه مظللة ...مكان واتحلا ...

Quote: الخرطوم تتعري قي الليلة الواحدة مرات عديدة.... ما يجي زول يقول حرية شخصيه

حاج العوض ..أزيك

لو بتتكلم عن البنات بما انك حذرت ما حأقول ...لكن بالنسبة لباقي العري الذكرتو طبعا ما حرية شخصية يا حاج العوض .

الأخ العزيز العوض

مشتاقين ليك وللسودان الجميل

صدقني ما يحدث يحتاج إلى دراسة اجتماعية عنوانها (أثر الأنظمة المتشددة على الشارع العام) أو ما شابه
فحسب رؤيتي الشخصية المتواضعة أن ما يحدث له علاقة معقدة بالنظام الحاكم.. يمكن أن نسميه (صراع من نوع ما)
وأتوقع أن يعود الشارع العام لصفائه مع انفراج الشارع السياسي واتساع افق الحريات.

هلا بالعريس العوض

وليك وحشه

Quote: صدقني ما يحدث يحتاج إلى دراسة اجتماعية عنوانها (أثر الأنظمة المتشددة على الشارع العام) أو ما شابه فحسب رؤيتي الشخصية المتواضعة أن ما يحدث له علاقة معقدة بالنظام الحاكم.. يمكن أن نسميه (صراع من نوع ما) وأتوقع أن يعود الشارع العام لصفائه مع انفراج الشارع السياسي واتساع افق الحريات.

نعم للنظام الحتكم اثره الكبير جدا فيما يحدث ,, ولكن لايجب ان نغفل بقية الادوار للاباء ,,

ولا دور منظمات المجتمع المدني والتوعيه ,, ودور المثقفين فيما يحدث بالبلد ,,,

واختلف معك بانه بذهاب نظام الحكم يعود الشارع لصفائه ,,

كيف يعود وقد اصيب في مقتل ,,,

Quote: حاج العوض ..أزيك لو بتتكلم عن البنات بما انك حذرت ما حأقول ...لكن بالنسبة لباقي العري الذكرتو طبعا ما حرية شخصية يا حاج العوض .

كله هنا ما حرية خصيه ,, فاللبس عندما نراه في تجمعات محضوره بنين وبنات وما تسييه من تاثير علي الحضور لاتملك الا ان تصمت ,,,

تنتهي الحريه الشخصيه عندما تبدا الحريه العامه ,,,

اخي فائز سلام

Quote: عدت بعد غياب خمسة عشر عاماً الي السودان ووجدت شارعاً مختلفاً عن ذلك الشارع المحافظ ...وجدت ماكان يتخوف الناس من ان اجده في مصر من تعري وسفورومقررات سهلة (كما يقول سعيد صالح ) ...من السهل جداً ان تقتاد من واحدة الي الف في اليوم ان توفر لك المكان(الوكر) والصحة والانحراف اللازم ...ياحبذا تكون مغترب ومعاك عربيه مظللة ...مكان واتحلا ...

شوف اخي الكريم فما ضر البلد غير الشقق المفروشه التي لاتجد ضابطا ولا رابطا ’’

كما ان التغيير في نمطية السلوك نتيجة ما مر بالبلد من متغيرات افرز واقعا صعبا علي المجتمع والاسر ’’’

Quote: ما يجي زول يقول حرية شخصيه

حرية شخصية ..
أها ..كان عجبك


ياحاج ... الجيربوكس ياخ

حباب ودالبشري هنا

Quote: حرية شخصية .. أها ..كان عجبك

مادام منك انت ود البشري صاحب بوست اسابيع البورد فمقبوله منك ,,,,





اما الجربوكس فما زال البحث مستمرا ,,

الاخ/العوض

تحياتي؛؛؛

ياخوي البلد جابوا فيها شرطة النظام العام ؛القيامة قامت

وقالوا طالبان تحكم الخرطوم


خلوها ام فكو ساي برضو القيامة قايمة


تفتكر الحل شنو؟

يا العوض اخوي...انتو الخرطوم البتوصفوها دي انا القاها وين؟
جيت قبل اقل من اسبوعين من ذات الخرطوم بي شارع جكهوريتها ومحمد
نجيبها وعبيد ختمها...(يا ربي امكن تكون عربيتي شينة وما جايب خبر)

مشيت فيها بالصباح...وبالضهر...وبالمغرب...ومشيت شربت شاي واكلت لقيمات
في شارع خمطاشر...الا اوزون ما قربت عليها...وبعد داك...مشيت اخدت شيشة
في سوق 41 قريب من فندق كناري زمان...وعزموني عرس في نادي قريب من المطار
اظنو نادي التنس...ومشيت حديقة المطار...الجنب الساحة الخضراء..
ومشيت فندقين تلاتة...وعديت بي الكباري الجديدة كلها ليل ونهار...ما
لاقتني الحرية الشخصية دي...

انت عارف انا اظني قاعد امشي الخور طوم...ابدا ما لاقاني مظهر يلفت
النظر كحرية شخصية...اها النقول ليك كمان مشيت كورة الهلال مع فريق
زائر في استاد الخرطوم...واكثر ما لفت انتباهي هو شرطة الملاعب...
والسواري اللافة جنب الاستاد...خاتي كدي ما لاقاني شي...


والله غايتو عندكم فول بالزيت والجبنة.....(لا اله الا الله محمدا رسول الله)

Quote: ومشيت شربت شاي واكلت لقيمات في شارع خمطاشر

نزار حسين،النبي فيكـ شارع 15 فيهو لقيمات ، والله انا قايلة اللقيمات دى الا في الشهداء



العلم اتطور والله

الاخ نزار حسين سلام

Quote: العوض اخوي...انتو الخرطوم البتوصفوها دي انا القاها وين؟ جيت قبل اقل من اسبوعين من ذات الخرطوم بي شارع جكهوريتها ومحمد نجيبها وعبيد ختمها...(يا ربي امكن تكون عربيتي شينة وما جايب خبر) مشيت فيها بالصباح...وبالضهر...وبالمغرب...ومشيت شربت شاي واكلت لقيمات في شارع خمطاشر...الا اوزون ما قربت عليها...وبعد داك...مشيت اخدت شيشة في سوق 41 قريب من فندق كناري زمان...وعزموني عرس في نادي قريب من المطار اظنو نادي التنس...ومشيت حديقة المطار...الجنب الساحة الخضراء.. ومشيت فندقين تلاتة...وعديت بي الكباري الجديدة كلها ليل ونهار...ما لاقتني الحرية الشخصية دي... انت عارف انا اظني قاعد امشي الخور طوم...ابدا ما لاقاني مظهر يلفت النظر كحرية شخصية...اها النقول ليك كمان مشيت كورة الهلال مع فريق زائر في استاد الخرطوم...واكثر ما لفت انتباهي هو شرطة الملاعب... والسواري اللافة جنب الاستاد...خاتي كدي ما لاقاني شي... والله غايتو عندكم فول بالزيت والجبنة.....(لا اله الا الله محمدا رسول الله)

الحمد لله الذي ابعد عنك هذه المناظر ,, رغم وجودها بالقرب من وزارة التربيه والتعليم تحت كوبري القوات المسلحه ,,

وامام كوبري النيل الازرق ببحري ,,,

حبيبنا العوض ،

وجعلنا الليل لباسا

انت البحومك بالليل شنو لووول يكه جاك ضيف وديهو نص نهار عايز تتفسح امشي نصت نهار الحدائق

مش في ا غنية بتقول نار الشوق غرامي والبحوم بالليل حرامي لووول يكه

بعدين بتاعين الحركة عايز بيهم شنو ديل عارفين وقت الزروة الصباح مواعيد الناس الغلابة وكده تدفع بالتي هي احسن

بعدين موضوع التعري ده موضوع طويل وشايك والحكومة مهما كان نوعها ح تجد صعوبة في تحديد سلوك البشر

زمان قالوا اكل مايعجبك والبس مايعجب الناس ، لكن اسع اكل مايعجب الناس والبس مايعجبك .

اول ماقبلونا في الجامعة مشينا نسجل اها جمب مسجل الكلية بتاعنا قابلنا معظم بنات دفعتنا بي لبس الوانو زاته مشاتره لكن لمن وصلنا نص سنة اولى اللبس بده يقل تدريجيا من حيث المساحة ويزداد الوانا وانبهارا يعني العلاقة عكسية بين الحجم واللون . تتخيل لمن وصلنا سنة رابعة كان الحال كيف

ياخي انا تعبتا

تحياتي

زاتووووو

Quote: ضيق ومحزق وفاضح لكل شئ ,,

والله شئ مقزز ومقرف !!

وكرهنا المناسبات والحفلات الخاصة ..

من ديك مناظر !!

Quote: والله شئ مقزز ومقرف !! وكرهنا المناسبات والحفلات الخاصة .. من ديك مناظر !!

اخي صلاح سلام والف تحيه ,,,

ولهذا ندق الان ناقوس الخطر حتي لا نفقد الباقين من الماركات في المناسبات ,,

عمنا العوض

تحياتي

بالله قريت العنوان قلت بيكون فى صور.

اكيد الزي حرية شخصية مافيها اى كلام(اها جاك زول وقاليكـ حرية شخصية) ، لكن السلوكيات ممكن تكون حريات ترتبط بحريات الآخرين
طالما فيها إضرار بالآخرين ،، اكيد ح تقولي الزي الفاتن فيهو اضرار للآخرين واللى هم الرجال باعتبار إثارة الغرائز ،، انتو مش قالو ليكم غضوا البصر؟؟؟

فيما يتعلق بالجكس
أما فيما يتعلق بالحيكومة ودا الكلام الما بندورو
بخصوص ناس المرور ، ياخ مش كفاية إيصالات النهار؟؟




ــــــــــــ
ياخى انت بتتحاوم بالليل مالكـ ،، في أحلى من انك تكون في البيت وتفتح قناة فوكس مووفي وتشاهد ليكـ فيلم رعب كاااااارب



إتحاوم بالليل كويس في الحدائق لما يلموا فيك ناس جريدة الدار

بنتي شمائل سلام

Quote: بالله قريت العنوان قلت بيكون فى صور.

موضوع الصور ده اتركه لكي يا شمائل ,,,

Quote: اكيد الزي حرية شخصية مافيها اى كلام(اها جاك زول وقاليكـ حرية شخصية) ، لكن السلوكيات ممكن تكون حريات ترتبط بحريات الآخرين طالما فيها إضرار بالآخرين ،، اكيد ح تقولي الزي الفاتن فيهو اضرار للآخرين واللى هم الرجال باعتبار إثارة الغرائز ،، انتو مش قالو ليكم غضوا البصر؟؟؟ فيما يتعلق بالجكس

نظريه غريبه تحتاج لتوضيح .. لابد من عودتك يا شمائل للتوضيح ,,,

Quote: أما فيما يتعلق بالحيكومة ودا الكلام الما بندورو بخصوص ناس المرور ، ياخ مش كفاية إيصالات النهار؟؟

الحيكومه ليس يلبضرورة قطع الايصالات ,,

مظهر الدوله مهم جدا في كل وقت ,,,

Quote: ياخى انت بتتحاوم بالليل مالكـ ،، في أحلى من انك تكون في البيت وتفتح قناة فوكس مووفي وتشاهد ليكـ فيلم رعب كاااااارب

دعاية مجانيه لقناة اخري ,,

Quote: إتحاوم بالليل كويس في الحدائق لما يلموا فيك ناس جريدة الدار

حوامة الليل ليس كلها ذنوبا ,,,

العوض

الغريب شنو في النظرية


الحريات اللى بترتبط بحريات الاخرين مثلا:

انت تدخن سجائر ، دي حرية شخصية ، لكن تضر الآخرين ، باعتبار ان دخان السجائر مؤذي
(من حقك ان تدخن ومن حقنا ان تنفس هواء نقيا)



ضرب مثل فقط

Quote: انت تدخن سجائر ، دي حرية شخصية ، لكن تضر الآخرين ، باعتبار ان دخان السجائر مؤذي (من حقك ان تدخن ومن حقنا ان تنفس هواء نقيا)

شكرا شمائل فقد وصلت الفكره ,,

حبيبنا الزول زاتوووووو

حبابك ومنور ديارنا

Quote: وجعلنا الليل لباسا انت البحومك بالليل شنو لووول يكه جاك ضيف وديهو نص نهار عايز تتفسح امشي نصت نهار الحدائق مش في ا غنية بتقول نار الشوق غرامي والبحوم بالليل حرامي لووول يكه

حائم مع ناس بعزهم وكده ,,لووووووووول يكه ,,,

Quote: بعدين بتاعين الحركة عايز بيهم شنو ديل عارفين وقت الزروة الصباح مواعيد الناس الغلابة وكده تدفع بالتي هي احسن

الوجود الامني والشرطي منبع اطمئينان للاسر وللمجتمع ,,,,

Quote: اول ماقبلونا في الجامعة مشينا نسجل اها جمب مسجل الكلية بتاعنا قابلنا معظم بنات دفعتنا بي لبس الوانو زاته مشاتره لكن لمن وصلنا نص سنة اولى اللبس بده يقل تدريجيا من حيث المساحة ويزداد الوانا وانبهارا يعني العلاقة عكسية بين الحجم واللون . تتخيل لمن وصلنا سنة رابعة كان الحال كيف ياخي انا تعبتا

ليه يستمر التعب لكل الاجيال ؟؟؟؟

دكتور بشير سلام

Quote: ياخوي البلد جابوا فيها شرطة النظام العام ؛القيامة قامت وقالوا طالبان تحكم الخرطوم خلوها ام فكو ساي برضو القيامة قايمة تفتكر الحل شنو؟

يا دكتور ما يكون علينا قصة المثل " يا تريمي يا اكسر قرنك ,"

لازم من التوسط في كل شئ ,,

لازم من ان يتحمل كل منا مسئوليته ,, وعلي الدوله ان تتحمل ايضا مسئوليتها ,,,

Quote: إما ان يلبسنها في أماكن يثرن فيها غرائز الرجال فليس الأمر بحرية شخصيه ,,,

العوض المسلمي سلام،

هل هذة الغرائز تحت سيطرة هؤلاء الرجال و عقولهم أم لا؟ يعن هل هي مي غرائز طلاقيتة ساكت و مسئولية إثارتهاتقع على عاتق البنات؟

هل غض الأبصار برضو مسئولية البنات؟ و هل تلبس البنات ما يلبسن من أجل الرجال؟ أم من أجل أنفسهن لتوخي المنظر اللائق و الجميل و لرفع أراوحهن المعنوية تماماً مثل ما يفعل الرجال؟

يا زول رجالك ديل كهربتهم عالية ساكت، و عليهم بغض البصر بدل التنظير في لبس النساء الذي لا دخل لهم به من قريب و لا من بعيد! و بالمناسبة من تريد فاحشة فمن السهل لها لبس الجلباب الفضاض لسهولة رفعه و خلعه مقارنة بالملابس المحذقة! ولا شنو.

أبقى بخير

العوض.

علشان تشوف الكلام الكتبتوا ده كلو لازم تكون مشيت حتات كتيرة جدا.
سؤالي لك هو.أنت البحومك بليل في الخرطوم شنوا؟؟؟؟

يا حليل الخرطوم بالليل.


دينق

Quote: يا حليل الخرطوم بالليل.

وآآآآآآآخ من جوبا بالنهار!!!

حبابك استاذنا حسن مكاوي وانت تشرفنا ياطلالتك هنا ,,

وحقا ليتك تحدثنا عن جوبا ان كنت تعرفها ,,

Quote: علشان تشوف الكلام الكتبتوا ده كلو لازم تكون مشيت حتات كتيرة جدا. سؤالي لك هو.أنت البحومك بليل في الخرطوم شنوا؟؟؟؟

hi deng
did u forget that mr. musalami is the head of bordab in khartoum???

tha man need to move about day and night to make sure that everybody is fine.

when i was in sudan he used to visit me frequently to c if i was happy or not.

he also invited me for a piece of kawarie, at alsahafa sharig

and we were about to go to gandihar , but unfortunately i had

to cut my journey and go back to my second home.

so the guy is really busy with all bordabs there and he deserves a break.

p.s:

deng

where about u live in al amarat (khartoum
??

العزيز/العوض
..عندى بوست إسمو العلمنة خيار إيديلوجى أم حالة حضارية
تطرقت فيه لهذه الاشياء من مناظير مختلفة..علمنة الاكل..علمنة السوق
وكنت أنوى الكتابة عن علمنة الزى..وهذا البوست مفيد لفكرة البوست بتاعى
يعنى ماتراه فى الشارع السودانى اليوم هى العلمنة ظااااااااااااتها وبكل
حزافيرها..وهى عندما يتحول الزى من غاية لوسيلة...غاية هدفها سترة الإنسان
لوسيلة هدفها إظهار سلطة الجسد...يعنى بإختصار العلمانية ذاتها على بعد خطوات
من أن تقتحم السودان ...وهى بالمناسبة ماخيار من عدة خيارات,,يعنى مافى طريقة الواحد
يرفضها او يتمترس ضدها..بس علينا أن نوجهها إلى الطريق الصحيح..

Quote: عندما تخرج أيضا لقضاء جزء من ليل الخرطوم في نفس الحدائق التي تحدثنا فيها عن أنها أصبحت وكر بلا رقيب فانك تجد مجموعات من الشابات وقد لبست من اللبس ما غلي سعره وضاق مقاسه ,, ويصدرن حركات اقل ما يوصفن بها أنها لاتمس للحياء بشي ,,, وهناك شباب يبادلن أولئك الشابات البسمات والضحكات ولا يجد رب الاسره إلا الانسحاب ان وجد للهدؤ سبيل وإلا اخذ علي رأسه ,, ولنقل أيضا أنها الخرطوم تمارس العري ثانية

,,,



اري انه لاضير ان يفرح الناس ويعبرو بكل حريه بدون خدش او تعدي علي الاخرين.


والشئ الاخر ياحاج العوض هو أن الخرطوم اصبحت عاصمه مفتوحه لكل الاجناس بمختلف سحناتهم


فمن الطبيعي ان تتحول بهذا الشكل الذي رايت.



____________________________________________________________________________________________

اتسال كيف يكون انطباعك لو رايت الخرطوم متدثره ومكمكمه ومليئه بالعسكر في ليلتك تلك؟؟؟؟؟؟

اخي ابو السيد صباحاتك خير وبركه دوما

Quote: والشئ الاخر ياحاج العوض هو أن الخرطوم اصبحت عاصمه مفتوحه لكل الاجناس بمختلف سحناتهم فمن الطبيعي ان تتحول بهذا الشكل الذي رايت.

شوف يا سيد كونها مفتوحه لكل الاجناس فلا يعني اباحتها ابدا ,,,وهذا في حد ذاته اشكال اخر ,,,

وكلمة من الطبيعي هذه مقلقه جدا , ان تتحول هذه الاياء بدلا عن انكارها الي النظر اليها بانها شئ طبيعي ,,

الحبيب خالد بحر سلام

Quote: وكنت أنوى الكتابة عن علمنة الزى..وهذا البوست مفيد لفكرة البوست بتاعى يعنى ماتراه فى الشارع السودانى اليوم هى العلمنة ظااااااااااااتها وبكل حزافيرها..وهى عندما يتحول الزى من غاية لوسيلة...غاية هدفها سترة الإنسان لوسيلة هدفها إظهار سلطة الجسد...يعنى بإختصار العلمانية ذاتها على بعد خطوات من أن تقتحم السودان ...وهى بالمناسبة ماخيار من عدة خيارات,,يعنى مافى طريقة الواحد يرفضها او يتمترس ضدها..بس علينا أن نوجهها إلى الطريق الصحيح..

نعم الحق هو ما قلت ولكن رغم تركيز الاخوة الزملاء علي اللبس فقط الا انني اردت ان اقول انه جزء من عري الخرطوم وليس وحده ,,,

وعندما انتهي من الردود ساواصل في كشف عري اخر موجود وامام اعيننا ,,,

اخو الاخوان اشرف مصطفي سلامات

وشاكر مرورك وحسن ردك ,,

مرحبا دينق

Quote: علشان تشوف الكلام الكتبتوا ده كلو لازم تكون مشيت حتات كتيرة جدا.

اكيد يا دينق وتحوم كتير تشوف كتير ,,,

Quote: سؤالي لك هو.أنت البحومك بليل في الخرطوم شنوا؟؟؟؟

بالنهار مشغولين , اها بالليل ما نشم هواء كمان .؟؟؟؟

لازم من متنفس يا دينق , ولكن نريده متنفس يراعي حرمة الاخرين ...

استاذ عادل سلام

Quote: هل هذة الغرائز تحت سيطرة هؤلاء الرجال و عقولهم أم لا؟ يعن هل هي مي غرائز طلاقيتة ساكت و مسئولية إثارتهاتقع على عاتق البنات؟

لا المسئوليه علي عاتق الجميع رجال ونساء ...

Quote: يا زول رجالك ديل كهربتهم عالية ساكت،

مع زيادة الكهرباء نخي الاتحامات والماسات والحرائق ,,,

Quote: هل غض الأبصار برضو مسئولية البنات؟ و هل تلبس البنات ما يلبسن من أجل الرجال؟ أم من أجل أنفسهن لتوخي المنظر اللائق و الجميل و لرفع أراوحهن المعنوية تماماً مثل ما يفعل الرجال؟

قال الشاعر :
ألقاه مكتوفاً وقال له إياك إياك أن تبتل بالماء

Quote: قال الشاعر : ألقاه مكتوفاً وقال له إياك إياك أن تبتل بالماء

شكرا عثمان دغيس علي المرور والتعليق

الاخ العوض
سلام
خلال الخمسة عشر عام الماضية كنت ازور السودان بصفة منتظمة ولكن لفترات قصيرة لاتتعدى العشرون يوما
وفى كل عام اجد نفسى اكثر غربة عن وطنى وعن ناسى الذين ترعرعت بينهم ولا اخفيك سرا ان قلت لك ان اخر
ايام الاجازة اراها مملة وكئيبة وتجدنى اتعجل الرجوع لارض المنفى الاختيارى وتوجد اسباب كثيرة لتلك
الوحشة والغربة داخل الوطن اعتقد اهمها هو انعدام الموضوع والتواصل بينى وبين كل مااراه من ناس
وعادات ومظاهر تبلورت اثناء فترة الغياب فبالنسبة للاهل والاصدقاء فماهى الا ساعات اللقاء الاولى حتى
يعودوا لمواصلة حياتهم التى ليس لك فيها متسع وكذلك غربة الاماكن فهى كمان قد تبدلت وتغيرت حيث
اصبح من الطبيعى ان تتوه حتى من دار ذويك وكذلك تمتد هذه الغربة لامزجة الناس فاصبحوا يطربون لاناس
لم نسمع عنهم ويمجدون اخرون فى ملاعب الكرة مستواهم لايؤهلهم لجلب الكرة من الخارج قياسا بلاعبين حقبة
الثمانينات واما عن اللبس فهذا شى اخر فمن جانب الرجال لم تروقنى تلك الجلابيب الملونة المطقمة مع
الشال والطاقية وبالنسبة لماتلبسه الفتيات فقد صدمت يوم ان رأيت ماصار يروق للانسات الصغيرات مثال ذلك الزى
البغيض الذى اعلاه كانه قميص نوم به كشكشة باسفله تبرز الجزء الاسفل من اولئك الصغيرات بشكل مقزز ومعه
بنطلون محزق يتم الناقصة اى ذوق تافه هذا الذى اوصلنا لهذا الانحطاط ولكن الذى هزنى اكثر هو عدم اكتراث
اولياء الامور بهذه السوالب حتى اننى قد عزيت ذلك ربما للبئية التى اعيش فيها والتى تصور لى ان المرأة
يجب ان لاتظهر الا وهى متشحة بالسواد. فالمشكلة يالعوض يااخوى ان المعائش قد شغلت اولياء الامور من
ممارسة التربية السليمة والرقابة على الجيل الجديد وتراكمت الاخطاء لتنتج لنا هذا الواقع الذى تراه اليوم

الاخ المسلمي
ياخ انتو ما حا ترتاحو الا تبقوا الخرطوم زي كابول
انا كنت غايب من البلد فترة و طبعا كنت متابع اخبار البلد من خلال الجرايد والمنتديات و طبعا كل فترة بقرا لي خبر و لا بوست بانو الشباب اتغيرو بالذات البنات و طريقة لبسهم و لو عايز تخطف البنات ما يدوك الدرب بس يكون عندك عربية مظللة اهااجعص بت ممكن ترفعها بعربيتك
و كل ما اقرا كلام زي دا اقول لواحد دفعة معانا في امريكا ياخ نحنا ما محظوظييين البلد ما تتصلح الا بعد ما نطلع منهاوانا فردتي دا بنحب الجكس زي عيونا لكن ناس النظام العام كانو مكرهيننا البلد و الجكس
اها قمت رجعت الخرطوم قبل فترة و قبل ان اتزوج و طبعا كنت ممني نفسي بمشاهدة الجكس البتكلمو عنه في الجرايدو المنتديات و لميت في الفرد الزمان عشان البرنامج
لكن بعد كام يوم تضح لي انه الخرطوم ياه الخرطوم الزمان و انه نحن الشعب السوداني شعب لا يتغير و بنحب الكلامات و الاشاعات و ما بنعرف نستمتع بالحياة

Quote: نزار حسين،النبي فيكـ شارع 15 فيهو لقيمات ، والله انا قايلة اللقيمات دى الا في الشهداء

يا شمايل: امشي شارع 15 خلف طلمبة البنزين...بعد صلاة المغرب..حا تلقي مرتين
و20 بنبر...ومنقدين...وصاج...واحدة بتبيع شاي والتانية بتبيع لقيمات...
اشتري كبايتين شاي وصحن لقيمات...واكلي...بالهناء والشفاء...وتعالي قولي
لي كان في حياتك شربتي شاي زي دا او لقيمات زي دي...ولا في حولية السيد علي زاتو

Quote: يا شمايل: امشي شارع 15 خلف طلمبة البنزين...بعد صلاة المغرب..حا تلقي مرتين و20 بنبر...ومنقدين...وصاج...واحدة بتبيع شاي والتانية بتبيع لقيمات... اشتري كبايتين شاي وصحن لقيمات...واكلي...بالهناء والشفاء...وتعالي قولي لي كان في حياتك شربتي شاي زي دا او لقيمات زي دي...ولا في حولية السيد علي زاتو

ناجي سلام

Quote: ياخ انتو ما حا ترتاحو الا تبقوا الخرطوم زي كابول

علشان شنو اودت فقرتك هذه ؟؟؟؟

Quote: اها قمت رجعت الخرطوم قبل فترة و قبل ان اتزوج و طبعا كنت ممني نفسي بمشاهدة الجكس البتكلمو عنه في الجرايدو المنتديات و لميت في الفرد الزمان عشان البرنامج لكن بعد كام يوم تضح لي انه الخرطوم ياه الخرطوم الزمان و انه نحن الشعب السوداني شعب لا يتغير و بنحب الكلامات و الاشاعات و ما بنعرف نستمتع بالحياة

رائك في الشعب السوداني شئ يخصك طبعا , ولا احد مخول في ان يرد عليك انابة عنه ....

استاذ احمد تحيات ود واخاء

Quote: خلال الخمسة عشر عام الماضية كنت ازور السودان بصفة منتظمة ولكن لفترات قصيرة لاتتعدى العشرون يوما وفى كل عام اجد نفسى اكثر غربة عن وطنى وعن ناسى الذين ترعرعت بينهم ولا اخفيك سرا ان قلت لك ان اخر ايام الاجازة اراها مملة وكئيبة وتجدنى اتعجل الرجوع لارض المنفى الاختيارى وتوجد اسباب كثيرة لتلك الوحشة والغربة داخل الوطن اعتقد اهمها هو انعدام الموضوع والتواصل بينى وبين كل مااراه من ناس وعادات ومظاهر تبلورت اثناء فترة الغياب فبالنسبة للاهل والاصدقاء فماهى الا ساعات اللقاء الاولى حتى يعودوا لمواصلة حياتهم التى ليس لك فيها متسع وكذلك غربة الاماكن فهى كمان قد تبدلت وتغيرت حيث اصبح من الطبيعى ان تتوه حتى من دار ذويك وكذلك تمتد هذه الغربة لامزجة الناس فاصبحوا يطربون لاناس لم نسمع عنهم ويمجدون اخرون فى ملاعب الكرة مستواهم لايؤهلهم لجلب الكرة من الخارج قياسا بلاعبين حقبة الثمانينات واما عن اللبس فهذا شى اخر فمن جانب الرجال لم تروقنى تلك الجلابيب الملونة المطقمة مع الشال والطاقية وبالنسبة لماتلبسه الفتيات فقد صدمت يوم ان رأيت ماصار يروق للانسات الصغيرات مثال ذلك الزى البغيض الذى اعلاه كانه قميص نوم به كشكشة باسفله تبرز الجزء الاسفل من اولئك الصغيرات بشكل مقزز ومعه بنطلون محزق يتم الناقصة اى ذوق تافه هذا الذى اوصلنا لهذا الانحطاط ولكن الذى هزنى اكثر هو عدم اكتراث اولياء الامور بهذه السوالب حتى اننى قد عزيت ذلك ربما للبئية التى اعيش فيها والتى تصور لى ان المرأة يجب ان لاتظهر الا وهى متشحة بالسواد. فالمشكلة يالعوض يااخوى ان المعائش قد شغلت اولياء الامور من ممارسة التربية السليمة والرقابة على الجيل الجديد وتراكمت الاخطاء لتنتج لنا هذا الواقع الذى تراه اليوم

اتفق معك تمام سطرا بسطر ونقطة بنقطه

أى حديث تعميمى عن النساء يدخلك تحت طائلة قذف المحصنات
نساءنا بخير،،،ومجتمعنا كذلك
وإذا كانت من ظواهر سالبة فهى من تداعيات المشروع اللاحضارى الساقط،،،،والكبت الذى مارسة المشوهين ذوى العاهات النفسية العصية،،،بعد أن أطلقوا يد شرطة أمن المجتمع تنتهك حرمات النساء،،،،
فشل ولاة الأمر فى توفير القدوة الحسنة فأهل المشروع اللاحضارى:
لصوص إلا قلة من رحم ربى
قتلة إلا قلة من رحم ربى
ليس لديهم حرمة للمجتمع

ما تراه هو نتيجة سقوط ايدلوجيا الهوس والضلال،،،،ولن يحل إلا بإعطاء المجمتع الثقة بالنفس وإحترام ثقافته وموروثاته السمحة
****
نرفض أى وجهة لتضييق الخناق على المجتمع السودانى وإحتقار وإهانة المرأة السودانية

ميكي سلام

Quote: أى حديث تعميمى عن النساء يدخلك تحت طائلة قذف المحصنات نساءنا بخير،،،ومجتمعنا كذلك

وهل تري في هذا البوست اساءة للنساء .؟؟؟؟؟

غريب فهمك ,,, انسان يدعو لكريم الاخلاق والمحافظه علي الاسره تاتي وتقول رمي للمحصنات ؟!!!!!!

Quote: ما تراه هو نتيجة سقوط ايدلوجيا الهوس والضلال،،،،ولن يحل إلا بإعطاء المجمتع الثقة بالنفس وإحترام ثقافته وموروثاته السمحة

اريد ان اسال سؤال هنا , هل ما تراه الان في حفلات الافراح والحدائق العامه يعبر عن ثقافة وموروثات الشعب السمحه ؟؟؟؟

كلام مهم جدا لكن .... هسع يجوك الجماعة

Quote: لبس لم نشاهده في قنوات لبنان ألتلفازيه ,,ضيق ومحزق وفاضح لكل شئ ,, ومثل هذه الحفلات يرتادها كثيرون فقد لا يملكون صبرا علي ما يرون ,, فكيف يكون التنفس عن النفس ؟؟؟؟ بنات الخرطوم جميلات بلا شك فكيف جميله في زى فاتن ؟؟؟ سيقول لي أحدا أنها حرية شخصيه ,, ولكن الحرية الشخصية تنتهي حيث تبدأ الحرية العامة ,, فأنت حر في تصرفك ان تحررت من دينك ,,اشرب خمرا في بيتك ولكن ان تشربه في مكان عام وتزيد الصخب الموجود بانفعالات الخمر فلست حرا هنا ,,, ولتلبس هؤلاء البنات هذه الملابس في بيوتهن أو خلال جلساتهن النسويه الخاصة فلا ضرر , إما ان يلبسنها في أماكن يثرن فيها غرائز الرجال فليس الأمر بحرية شخصيه ,,, استحلفكم بالله اوليس هذا بأكبر عري ؟؟؟؟؟

المحيرنى يالعوض ... الواحدة بتجى راكبة مع أبوها ...

مرحبا محي الدين والف سلام

Quote: كلام مهم جدا لكن .... هسع يجوك الجماعة

خليهم يجوا يساعدونا في علاج هذه الاشكاليه ,,,,

Quote: المحيرنى يالعوض ... الواحدة بتجى راكبة مع أبوها ...

................................................

الاخ المسلمي هدي اعصابك ياخ ما بتستاهل كل الداير اقولو انو الكلامات الزي دي الما عندها اساس حا تسبب في كبت حريات الناس و معناها وضع المزيد من شرطة ترويع المجتمع في الشارع العام

العوض الاجواد

مش قلنا انت حر ما لم تضر

ومش قلنا الخرطوم رجال نائمة ونسوان حائمة وقيامة قائمة

ومش قلنا دقشتنا رقشة يا ماما

تاني الكركبة شنو

سلام...
هل حاوت تمرق مع زوجتك او اختك اللابسه كويس وجوك ناس وانت في مكان عام وقالوا ليك دي بتبقا ليك شنو؟ ووينه بطاقاتكم ؟؟
تعرف؟ الاحساس بالامان ده اهم شي... وده للاسف بقينا ما بنعيشوا حتي داخل بيوتنا خليه في الحدائق العامه.... بعدين الوضع الاقتصادي مهم عشان الابوات ما يكونوا مشدوهين النهار كلو وما عارفين بناتهم مشوا وجو من وين لانهم شغالين اليوم كلو...
الموضوع شائك شديد ياخي ما موضوع عري موضوع بلد انهارت عديل

مرحبا مدثر والف سلام

Quote: الاحساس بالامان ده اهم شي... وده للاسف بقينا ما بنعيشوا حتي داخل بيوتنا خليه في الحدائق العامه.... بعدين الوضع الاقتصادي مهم عشان الابوات ما يكونوا مشدوهين النهار كلو وما عارفين بناتهم مشوا وجو من وين لانهم شغالين اليوم كلو...

ايوة ده الكلام في الصميم ,,,

Quote: الموضوع شائك شديد ياخي ما موضوع عري موضوع بلد انهارت عديل

قلت ارد اول علي حبايبنا وبعدين اواصل في تكملة البوست ,,, وهذه احدي محاور البوست وهي انهيار البلد ,,,

Quote: مش قلنا انت حر ما لم تضر ومش قلنا الخرطوم رجال نائمة ونسوان حائمة وقيامة قائمة

يا خلي يا عزيزي كلامي وكلامك لا يختلف في شئ ,,’’

ولكن اتساع الصوره وانتشارها مثير للريبه .,,,,

Quote: الاخ المسلمي هدي اعصابك ياخ ما بتستاهل كل الداير اقولو انو الكلامات الزي دي الما عندها اساس حا تسبب في كبت حريات الناس و معناها وضع المزيد من شرطة ترويع المجتمع في الشارع العام

شكرا ناجي ,,

وانا لا ادعو لذلك التكميم ابدا ’’’

الاخ العوض المسلمي
تحياتي


يبدو ان الخرطوم سارتفي طريق فصل الدين عن الدولة

العوض سلام كتير

ده المشروع الحضاري واتعري !!!!!!!!!!!!

سلمت من كل سوء

صورة مستفزة

وفي نفس المكان يا عوض
حدائق تحت الكبرى متواصلة على شارع النيل
في الساعة أربعة عصراً من أحد الأيام
طلبة وطالبات
يجلسون في امتداد سور النيل أمام الجميع
كتب جامعية تصاحبهم
لعلهم كانوا يجلسون للتسامر ويتحدثون عن مشاكلهم وإحباطاتهم
أو لعلهم يتحدثون عن أحلامهم
ولكن
عربة النظام العام تأتي لتخرب عليهم حرياتهم الشخصية
التي لم تأذي أي أحد
ولم تتعارض مع الحريات العامة
ويصر الضابط المسئول قائد الحملة على اقتيادهم جميعاً إلى النظام العام
رغم كل المحاولات المستميتة مني ومن آخر كان معي

الأخ العزيز عوض

الكلام ده حقيقة بتحصل على المستوى اليومي
كان مافي المكان ده في غيره
وأنا كنت بالصدفة في الشارع ده راجعة من المكتب
نزلت من عربيتي وأنا والزول المعاي وقلنا للضابط ديل مابعملوا في حاجة غلط
الساعة اربعة قاعدين في سور قدام الناس راجعين من الجامعة والا يمكن عندهم Break وراجعين تاني
ياخي ديل قاعدين قعدة مافيها أي ضرر
الضابط بكل تسلط قال :- (ده كلام فارغ ديل ماعندهم أهل حوديهم النظام يعني حوديهم)
فإطريت إني أسوق عربيتي ومشيت أسابق عربية النظام العام وبقيت أكلم كل الطلبة والطالبات اللسة ماوصلهم الدور انهم يتحركو سريع ويمشوا وكان عندهم ونسة بريئة يخلوها عشان في السودان ممنوعة

الأخ عوض
ممكن تكون كل المظاهر الإنت قلتها موجودة
وما في زول بيقدر يشجعها أو يوافق عليها
لكن من المهم برضو
الناس تتكلم عن المظاهر الثانية كمثال الصورة الفاتت دي ما يمكن تكون هي أحد الأسباب التي أدت لهذه الظواهر والا شنو ؟

ومن الجهة الأخرى من الذي يقرر الحدود التي تؤذي المشاعر العامة عندما تكون القوانين غامضة فإن ذلك يعني أن الشرطة والقضاء هم الذين يقومون بالتشريع وتصبح نتائج المحاكم عشوائية فهذه يقبض عليها وتدان إذا صادفها شرطي متشدد وحاكمها شبيه له وأخرى لا يصبيها شئ رعم أن الإثنان يرتديان نفس الملابس إن تقدير هذه المسائل تتفاوت من شخص لاخر ومن مجتمع لاخر وهذه بلد متعددة الثقافات، التدحل بالقانون لفرض الأخلاق لا يُمكن إلا أن يؤدي إلا لسلب الحريات الشخصية والتنافس على التظاهر بالدفاع عن الأخلاق .
ولا شنو يا عوض؟

لك كل الود

Quote: سيقول لي أحدا أنها حرية شخصيه ,, ولكن الحرية الشخصية تنتهي حيث تبدأ الحرية العامة

الاخ العوض المسلمي
تحياتي وتقديري
الجابني ليك موضوع الحريات الشخصية .. لاني جد ما فاهم معناها
هل تعني انو الانسان حر يفعل ما يشاء .. ام ان الحرية الشخصية تنتفي حينما يتعلق الامر بحرية الاخرين ?
الشايفو انا انو بعد شوية حيقول ليك انو المخدرات والاغتصاب والقتل هي حريات شخصية .. ياخي زول ضايقني او ما عاجبني وقتلتو وهاكم ديتو .. في زول داير مني حاجة تاني?
والتحية لك وللخرطوم وهي تتعرى ليلا ونهارا .. طيب ما هي بريتني سبير ومادونا وكل (المدن) دي بتتعرى .. اشمعني الخرطوم يعني .. مكة وللا المدينة?
اها يا العوض انت هسي زعلان ومغبون عشان التعري البتقولو دة نسائي او مدائني .. في ناس كمان عندهم راي تاني ويبحثون عما تلعنه انت .. وفي النهاية يقول ليك وجهات نظر ولازم نحترم اراء الاخرين
اها دة نوع تاني من الاحتيال الاستعماري وهو ما يسمى بحقوق الانسان والحريات الشخصية .. وهو ما اعطى الفرصة للخارجين عن القانون .. الذين يستندون الى مثل تلك القوانين الفضفاضة ويحتمون بالعولمة والعلمانية لتنفيذ مخططاتهم الاجرامية ..
اللهم انا نعوذ بك من عذاب القبر ومن فتنة المحيا والممات .... آمين

Quote: فحسب رؤيتي الشخصية المتواضعة أن ما يحدث له علاقة معقدة بالنظام الحاكم

الاخ العوض
تحياتي
بس انا هنا بختلف معاك .. لانو العري والتعري سببه النظام العالمي الجديد والعولمة وليس للنظام الحاكم اي ضلع فيه .. لانه عري عام تمارسه المجتمعات المتحررة منذ زمن وبدأ مؤخرا يستشري في المجتمعات المحافظة .. وربك يهون

الاخ المحترم الفاضل سلام وحبابك

Quote: الجابني ليك موضوع الحريات الشخصية .. لاني جد ما فاهم معناها هل تعني انو الانسان حر يفعل ما يشاء .. ام ان الحرية الشخصية تنتفي حينما يتعلق الامر بحرية الاخرين ?

نعم انا اقول تنتهي الحريه الشخصيه حينما تصل وتتعارض مع حرية اخرين ,,,

Quote: اها يا العوض انت هسي زعلان ومغبون عشان التعري البتقولو دة نسائي او مدائني .. في ناس كمان عندهم راي تاني ويبحثون عما تلعنه انت .. وفي النهاية يقول ليك وجهات نظر ولازم نحترم اراء الاخرين

انا لا زعلان ولا مغبون ,,,

وبحترم اي راي حتي رائك ده ::

Quote: الشايفو انا انو بعد شوية حيقول ليك انو المخدرات والاغتصاب والقتل هي حريات شخصية .. ياخي زول ضايقني او ما عاجبني وقتلتو وهاكم ديتو .. في زول داير مني حاجة تاني? والتحية لك وللخرطوم وهي تتعرى ليلا ونهارا .. طيب ما هي بريتني سبير ومادونا وكل (المدن) دي بتتعرى .. اشمعني الخرطوم يعني .. مكة وللا المدينة

?

Quote: بس انا هنا بختلف معاك .. لانو العري والتعري سببه النظام العالمي الجديد والعولمة وليس للنظام الحاكم اي ضلع فيه .. لانه عري عام تمارسه المجتمعات المتحررة منذ زمن وبدأ مؤخرا يستشري في المجتمعات المحافظة .. وربك يهون

اتفق معك ,, مع عدم تبرئية الحكومه مما يحدث في هذا الشان ,,,

العوض المسلمي

سلام
ده كلام تقول فيه مقصده الحجر علي الحريات اكمالا لمشروع الهوس الديني


وهو يدخل في باب العداء للمراة
اذهب انظر لما تفعله السلطة الدينية لخراب مجتمعنا الاسري

من مقايضه للجسد مقابل الوظيفه واذهب اري بنفسك اقرباء البشير او باقي الزفه الاخري




المراة ليس تصادر حياتها بهذه الطريقه في لبسها

انت عندك نساء اغتصبن حقيقه في دارفور
وتجد نساء فقيرات صدرهن يستحق الكساء واطفالهن يريدون الدواء



باصفية السكن والاعاشه ساهم هذا المشروع الاسلامي في ضياع كثير من اهلنا خاصة طالبات وطلبه



الجهد مش ان يستفزك منظر لبس بنت متضايقه من سوء سلوك اهل الهوس


هذه البنت بنتك وبنتي اختك واختي وقريبتك وقريبتي



الذي نحتاجه ازالة الفقر

لانو يقال لا فضيلة مع فقر حديث من عندكم يا عمي

هيا لازالة الفقر بعد ذلك المجتمع بتقدم

مرحبا صبري الشريف ووينك يا رجل ,,,

Quote: ده كلام تقول فيه مقصده الحجر علي الحريات اكمالا لمشروع الهوس الديني وهو يدخل في باب العداء للمراة

معقول فهم قدر كده ,, ولا زول سبقك عليه قبل كده ,,,

Quote: الذي نحتاجه ازالة الفقر لانو يقال لا فضيلة مع فقر حديث من عندكم يا عمي هيا لازالة الفقر بعد ذلك المجتمع بتقدم

نعم ندعوا جميعنا لمحاربة الفقر والتعاون عليه ولكن هذا لايمنع ان ندعو للعفة والفضيله ,,

رغم ان موضوع البوست هو وجود اشياء دخيله علي الخرطوم .,,,

Quote: انتو مش قالو ليكم غضوا البصر؟؟؟

الاستاذة شمائل
تحياتي وتقديري
ما ياهو دة الكلام المابينو ذاتو
يعني لكنَّ غفور رحيم ولهم شديد العقاب
اها نحن غضينا ابصارنا حسب كلام القران والدين .. وحتى لو مدينا ابصارنا فان الامر عندنا سينتهي بالاستحسان او الاستهجان .. لكن الناس الما عندهم دين اوالعندهم وناكرين ديل يعملو معاهم شنو ? عشان كدة كان الامر للرجل قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ
اما المؤمنات
وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ
وليس هذا مجال تفاصيل كثيرة .. كمان الموضوع (قُتل) بحثا ونقاشا

Quote: إتحاوم بالليل كويس في الحدائق لما يلموا فيك ناس جريدة الدار

ناس الدار هينين .. الكلام في ناس لفّ ودار .. النوع البقول ليك شرطة الاداب ويديك درس في الاخلاق يتبعه درس في عدم الاخلاق
الان عرفتم سبب غياب الشرطة ورجال الامن .. هم موجودين بس متخفيين .. لانهم في الغالب بكونو شغالين لحسابهم الخاص
عفوا اختي فانا دايما بدخل متأخر وردودي يمكن تكون قديمة

Quote: هل غض الأبصار برضو مسئولية البنات؟ و هل تلبس البنات ما يلبسن من أجل الرجال؟ أم من أجل أنفسهن لتوخي المنظر اللائق و الجميل و لرفع أراوحهن المعنوية تماماً مثل ما يفعل الرجال؟

الاخ عادل اسحق
تحياتي
والله كلامك عدل .. لكن بس مامكتمل
فعلا هي تصبح مسئولية الرجل ان يتحكم في مشاعره .. وغرائزه .. ولكن (علم ان سيكون منكم مرضى .. ومهووسين وعديمي الاخلاق والدين ..عشان كدة جعل الامر للجنسين بغض البصر وزاد علي المرأة ان لا تبدي زينتها وهنا الكورة في ملعب المرأة ومفروض عليها ان تحمي نفسها من هؤلاء بما جاء في الاية التي اوردت في مكان اخر

بالمنطق دة يا اخ عادل انا ممكن اطلع عريان علي شلة نسوان واقول ليهن قل للمؤمنات ما عارف ايه .. طيب لو ما مؤمنات الحل شنو?
عفوا اخي العوض .. يبدو انني قد استبحت البوست بتاعك وبقيت انشر افكاري البالية بدون اذن منك
والتحية للجميع

Quote: عفوا اخي العوض .. يبدو انني قد استبحت البوست بتاعك وبقيت انشر افكاري البالية بدون اذن منك

اخي الفاضل اذنك معاك ,,

وواصل طرحك فالنقاش يولد المعرفه ,,,

السيد/ الفاضل عبد اللطيف

التحايا

قل للمؤمنين

و

قل للمؤمنات


إذا تساوينا هنا، لكن دائمااللوم على النساء
اللبس المحذق
اللبس الضيق
اللبس المثير لغرائز الرجال

الـ الـ الـ




سمعت يوم أو قريت انو امرأة تفتح النيران على الرجال بحجة انهم يرتدون ازياء او يمارسون سلوكيات تثير غرائز النساء؟؟ اكيد لا ، لكن دا ما معناه ان النساء فاقدات الشعور والاحساس،لكنها حرية شخصية

الاخت الفاضله جدا منال كيفك والاسره

قصدت بهذا البوست ان افتح عدة محاور للنقاش تصب كلها في تعري الخرطوم كعاصمة وكمدينه كبيره ,,,

وتطرقت كامثله للبنات وللشماسه ولغياب علي الاقل شرطي المرور ليلا ,,,

ولكن ابت اغلب المداخلات الا ان تنصب في نقاش عري الاجساد والذي اورته كمثال لعري الخرطوم المدينه ,,,

ولكن لاباس بنقاش الامر من هذه الزاويه ,,,,

Quote: عربة النظام العام تأتي لتخرب عليهم حرياتهم الشخصية التي لم تأذي أي أحد ولم تتعارض مع الحريات العامة ويصر الضابط المسئول قائد الحملة على اقتيادهم جميعاً إلى النظام العام

هذا يا منال ايضا من امثلة عري الخرطوم ’’’ بان يتحكم فيها اصحاب الهوي والاغرض الشخصيه والاجنده الخاصه ,,,

Quote: ممكن تكون كل المظاهر الإنت قلتها موجودة وما في زول بيقدر يشجعها أو يوافق عليها

وقد ضربت بها مثلا ومتاكد من استنكار الناس لها لما قاموا عليه من تربيه واخلاق ,,,

Quote: ومن الجهة الأخرى من الذي يقرر الحدود التي تؤذي المشاعر العامة عندما تكون القوانين غامضة فإن ذلك يعني أن الشرطة والقضاء هم الذين يقومون بالتشريع وتصبح نتائج المحاكم عشوائية فهذه يقبض عليها وتدان إذا صادفها شرطي متشدد وحاكمها شبيه له وأخرى لا يصبيها شئ رعم أن الإثنان يرتديان نفس الملابس إن تقدير هذه المسائل تتفاوت من شخص لاخر ومن مجتمع لاخر وهذه بلد متعددة الثقافات، التدحل بالقانون لفرض الأخلاق لا يُمكن إلا أن يؤدي إلا لسلب الحريات الشخصية والتنافس على التظاهر بالدفاع عن الأخلاق . ولا شنو يا عوض؟

لو بناقش مشاكلنا بمستوي طرحك ده يا منال كان البلد حالها غير هذا الحال ,,,

كلامك لا اجد نفسي الا مؤمنا عليه بلا تحفظ ,,,

مع كامل الاماني بان تظل اجهزتنا العدليه بعيده عن عما يحدث الان من خراب ,,,,

اخي عماد لك الود الخاص

Quote: ده المشروع الحضاري واتعري !!!!!!!!!!!!

ولم يتوقف التعري بعد ,,,

شكرا ابو الصديق علي حسن الافاده والمرور

Quote: ولكن ان تشربه في مكان عام وتزيد الصخب الموجود بانفعالات الخمر فلست حرا هنا ,,, ولتلبس هؤلاء البنات هذه الملابس في بيوتهن أو خلال جلساتهن النسويه الخاصة فلا ضرر , إما ان يلبسنها في أماكن يثرن فيها غرائز الرجال فليس الأمر بحرية شخصيه ,,, استحلفكم بالله اوليس هذا بأكبر عري ؟؟؟؟؟

بلا أنه هو ...... وهذه ليست حرية شخصية .....

شكراً العوض لتناولك هذا الامر بهذه الصورة الراقية ...... كن بخير ياوجه الخير ...

شمائل ضربت مثل حي ووضعت يدها على الجرح تماماًوكفت .... شكراً شمائل ....

احي الحنون عماد محمود سلام

Quote: شكراً العوض لتناولك هذا الامر بهذه الصورة الراقية ...... كن بخير ياوجه الخير ...

نريد ان نزيل هذه النتؤات التي شوهت مفاصل الخرطوم ,,,

Quote: يا شمايل: امشي شارع 15 خلف طلمبة البنزين...بعد صلاة المغرب..حا تلقي مرتين و20 بنبر...ومنقدين...وصاج...واحدة بتبيع شاي والتانية بتبيع لقيمات... اشتري كبايتين شاي وصحن لقيمات...واكلي...بالهناء والشفاء...وتعالي قولي لي كان في حياتك شربتي شاي زي دا او لقيمات زي دي...ولا في حولية السيد علي زاتو

طيب مااااالنا ما لاقيناك - المراه البتبيع الشاي [B]اسمهاحليمة محمد على يا نزار حسين
علي وزن منال عوض خوجلى مذانة يا نزار حسين

معليش يا عوض تخريمة بسييييييطة من موضوع البوست

Quote: معليش يا عوض تخريمة بسييييييطة من موضوع البوست

ياستي أنت خرمي ذي ما عايزة هو في زول بسألك أنت ... البوست بوستيك ولك الحق فيه أكثر مننا نحن زاااتو .

منـــولــــة مشـــتاقين وكـــده .....


عوض المسـلمــــي


( عماد متقمص شخصية المسلمي ) ...


المسلمي عفواً قلنا نعبر عن مشاعرنا بطريقة جديدة وكده ......

Quote: ياستي أنت خرمي ذي ما عايزة هو في زول بسألك أنت ... البوست بوستيك ولك الحق فيه أكثر مننا نحن زاااتو .

والله مشتاقين اكتر - انت وين يا عماد؟

Quote: العوض. علشان تشوف الكلام الكتبتوا ده كلو لازم تكون مشيت حتات كتيرة جدا. سؤالي لك هو.أنت البحومك بليل في الخرطوم شنوا؟؟؟؟ يا حليل الخرطوم بالليل. دينق

العوض.

أها أنت مته ولا شقيت المقابر؟

دينق

الحبيب دينق سلام

Quote: العوض. أها أنت مته ولا شقيت المقابر؟

عارف يا دينق اخوك العوض تربية شياب ,,, وزول اتعلم من والده كيف يمشي بالليل ويستدل بالنجم ,,,

وزول ممكن يقيم الشئ بدراسة بسيطه ,, ويفهم ما يدور حوله دون عناء كبير ,,

يعني اخوك كان شق المقابر كثيرا ,, والموت ذاتو مرات يقرب منه ,,,

الاخ العوض
لك التحية والتقدير
اعود لك بدون اقتباس لاضافة صغيرة
حقيقة ان عري الاجساد ما هو الا جزء يسير من العري الحضاري .. ولكن مناقشة هذه الجزئية ربما تلقي ببعض الاضواء على مواضع اخرى من العري ..
وحقيقة ان حريتي تنتهي عند ابواب حرية الاخرين .. ولكن اليس حرية الاخرين هي حريتي بمعني ان من حقك ان تستنشق هواء نقيا ولهذا فمن واجبي ان لا ادخن
وانا اصر على معالجة المسألة ضمن اطار اجتماعي وليس قانوني .. لان القانون قد يصطدم بما يعرف بالحريات الشخصية وهذه مسألة غامضة كما ذكرت احدى الاخوات .. وقد لمست شبه اتفاق على استهجان هذه المظاهر ولكن عند الممارسة نجد ان الجميع منخرطون فيها .. من قريب او من بعيد .. يعني قد تجد من يهاجم الملابس الفاضحة ولكنه لا يستطيع ان يمنعها حتى في اسرته .. او هناك من ينهى اخته عنها فاذا شاهد فتاة ترتديها تنال استحسانه .. هذا عري اخر يجب طرحه
ان مصطلح الحريات الخاصة وحقوق الانسان قد افرز العديد من مظاهر العري .. كما لم يعد امر التوجيه في يد الاباء .. وحتى حينما يكون بيدهم فان جوانب حياتية اخرى تعيقهم عنه .. وتظل القنوات الفضائية هي دليل الشباب نحو الملابس الفاضحة والمخدرات والسرقة وجميع جرائم العصر
ودمتم مع التقدير

الاخ الفاضل سلام من الله يغشاك ومن معك

Quote: حقيقة ان عري الاجساد ما هو الا جزء يسير من العري الحضاري .. ولكن مناقشة هذه الجزئية ربما تلقي ببعض الاضواء على مواضع اخرى من العري .. وحقيقة ان حريتي تنتهي عند ابواب حرية الاخرين .. ولكن اليس حرية الاخرين هي حريتي بمعني ان من حقك ان تستنشق هواء نقيا ولهذا فمن واجبي ان لا ادخن وانا اصر على معالجة المسألة ضمن اطار اجتماعي وليس قانوني

نعم اخي الفاضل هذا هو المراد اذا امكن ذلك ,, اما الاطار القانوني فلا يجدي ابدا لسهولة التهرب منه بل والتغلب عليه ,,,

Quote: يعني قد تجد من يهاجم الملابس الفاضحة ولكنه لا يستطيع ان يمنعها حتى في اسرته .. او هناك من ينهى اخته عنها فاذا شاهد فتاة ترتديها تنال استحسانه .. هذا عري اخر يجب طرحه

نعم هذا واضح بصورة كبيره ,,,


ودمت بالف خير

Quote: قل للمؤمنين و قل للمؤمنات

الاستاذة شمائل
التحايا الطيبات
عبثا نحاول مساواة الجنسين .. فنصطدم بقوانين الطبيعة التي تثبت يوما بعد يوم ان المساواة الكاملة مستحيلة
(في الحتة دي) بالذات كان الامر للرجل محدود بالبصر والفرج ولكن عند المرأة اضاف الثياب .. ليييييييييه? لان الثياب اولا مؤشر لشخصية المرأة .. فالمرأة المستهترة هي التي لا تبالي ان كان لمظهرها تأثير على الاخرين .. كما ان تلك الثياب فيها تحصين للمرأة قبل الرجل ..

Quote: سمعت يوم أو قريت انو امرأة تفتح النيران على الرجال بحجة انهم يرتدون ازياء او يمارسون سلوكيات تثير غرائز النساء؟؟ اكيد لا ، لكن دا ما معناه ان النساء فاقدات الشعور والاحساس،لكنها حرية شخصية

والله انا اعتقد انو المرأة من حقها ان تفتح النيران على الرجال مش عشان سلوكيات تثير الغريزة ولكن الممارسات التي تدمر المرأة نفسيا وجسديا وفي الحالة دي ممكن نتوصل لصيغة تكفي كل طرف شر الاخر
مع خالص شكري وتقديري

حاج العوض سلام

ياخي انا عايز اجي السودان إجازة لكن بعد بوستيك ده
زوجتي قالت لي مافي سفر للسودان اها نعمل شنو بعد ده ؟؟
ممكن الواحد يجي إجازة في النهار بس وبالليل يرجع لغربته
من جديد هههههههههههه .

مشتاقين يا حاج وين رسائلك بتاعت يوم الجمعه .

مشغول شويه يا اعزاء

ساعود لكم وشاكر لكم حسن تكرمكم بالمتابعه ,,

الأستاذ.العوض المسلمي:


السلام عليكم و رحمة الله تعالي و بركاته,

ما أوردته من حقائق هامة عن الوضع الإجتماعي في الخرطوم هو مؤشر خطير جدا علي غياب الوازع الديني في مجتمعها و تدني المستوي الأخلاقي علاوة علي وجود إنحطاط إجتماعي كبير و إنهيار أخلاقي خاصة في أوساط الشباب و الشابات
و هذا يقود المجتمع كله للدمار و الإنهيار لأن الشباب هو أهم فئات المجتمع و إن أهم ما تتميز به المجتمعات وتنمو وتتطورهي اأخلاق الفاضلة و العلم و المعرفة وهذا الإنهيار الأخلاقي في الخرطوم يجب العمل علي التصدي له لكي لا ينشر سرطان الإنهيار الأخلاقي في بنية المجتمع السوداني ككل و نحن كمسلمين لا نؤمن بالحرية الشخصية و إنما نؤمن بالشريعة الإسلامية والقوانين الإسلامية التي تحرم الفساد الأخلاقي وتدعونا للتصدي له من خلال القيام بواجب الأمر بالمعروف و النهي عن المنكر إن الحل يكمن في الآتي:

1- القيام بواجب الأمر بالمعروف و النهي عن المنكر و التصدي لهؤلاء الشرذمة الفاسدة باللين و النصح و إن لم يستجيبوا فواجب الدولة التصدي لهم بالقوة.

2- تكوين جمعية سودانية للأمر بالمعروف و النهي عن المنكر للعمل وسط الجماهير و توعيتهم بخطورة المنكرات و كيفية التصدي لها و القيام بالمرور في الحدائق و الساحات العامة لنصح الشباب و الشابات و القيام بفريضة الأمر بالمعروف والنهي عن المنكر.

3- إن فعل كل مواطن و مواطنة واجبهما في الأمر بالمعروف و النهي عن المنكر فستختفي مثل هذه الظواهر الدخيلة.


و فيما يلي منشور عن أهمية القيام بفريضة الامر بالمعروف و النهي عن المنكر , أرجو توزيعها علي كل من تعرف بالخرطوم و لنسعي لإنشاء نواة لجمعية سودانية للأمر بالمعروف والنهي عن المنكر:

شدة أهمية القيام بواجب الأمـــر بالمعروف والنهي عن المنكر في المجتمعات المسلمة قال الله تعالى : > ولتكن منكم امة يدعون الى الخير ويأمرون بالمعروف وينهون عن المنكر وأولئك هم المفلحون< سورة آل عمران آية 104 . إن الأمر بالمعروف والنهي عن المنكر ضرورة من ضرورات الحياة وهو القطب الأعظم في الدين، والمعروف لغة اسم لكل فعل يعرف بالعقل أو الشرع حسنه، وهو خلاف المنكر، والمعروف اصطلاحاً إسم جامع لكل ماعرف من طاعة الله والتقرب إليه والإحسان الى الناس، سواء كان بالعمل أو القول أو الاشارة، والمنكر هو كل اعتقاد أو عمل أو قول انكره الشارع الحكيم ونهى عنه، وهو عكس المعروف. وللأمر بالمعروف والنهي عن المنكر أهمية كبيرة في حياة الفرد والمجتمع المسلم، يقول الامام احمد ابن قدامة المقدسي: اعلم أن الأمر بالمعروف والنهي عن المنكر هو القطب الأعظم في الدين وهو المهم الذي بعث الله به النبيين، ولو طوي بساطه لاضمحلت الديانة وظهر الفساد وخربت البلاد< مختصر منهاج القاصدين ص/ 123 . ولأهميته فإن الله تعالى قرنه بالايمان به في قوله: >كنتم خير أمة أخرجت للناس، تأمرون بالمعروف وتنهون عن النكر وتؤمنون بالله< سورة آل عمران آية (110)، كما أن النبي محمداً صلى الله عليه وسلم ضرب مثلا في غاية البلاغة لبيان أهمية الأمر بالمعروف والنهي عن المنكر للمجتمع، فقال صلى الله عليه وسلم: >مثل القائم في حدود الله والواقع فيها كمثل قوم استهموا على سفينة، فأصاب بعضهم أعلاها وأصاب بعضهم أسفلها، فكان الذين في أسفلها إذا استقوا من الماء مروا على من فوقهم، فقالوا: لو أنا خرقنا في نصيبنا خرقاً ولم نؤذ من فوقنا؟ فإن تركوهم وما ارادوا هلكوا جميعاً، وإن أخذوا على أيديهم نجوا ونجوا جميعاً< رواه البخاري. ولبيان أهميته وضرورتة فإن النبي صلى الله عليه وسلم نبه وحذر من الآثار الناجمة عن تركه فقال صلى الله عليه وسلم: >لتأمرن بالمعروف ولتنهون عن المنكر أو ليسلطن الله عليكم شراركم ثم يدعوا خياركم فلا يستجاب لهم< روراه البزار والطبراني في الاوسط، وفي رواية: >أو ليوشكن الله أن يبعث عليكم عقابا منه ثم تدعونه فلا يستجاب لكم< رواه الترمذي. ويكفي بياناً لأهميته أنه صفة النبي محمد صلى الله عليه وسلم الموجودة في التوراة والانجيل، قال الله تعالى: >الذين يتبعون الرسول النبي الأمي الذي يجدونه مكتوباً عندهم في التوراة والانجيل، يأمرهم بالمعروف وينهاهم عن المنكر، ويحل لهم الطيبات ويحرم عليهم الخبائث، ويضع عنهم إصرهم والأغلال التي كانت عليهم< سورة الأعراف آية 157 . لقد كان رسول الله صلى الله عليه وسلم الإمام الأول لمن أمروا بالمعروف ونهوا عن المنكر وكان قدوتهم وأسوتهم في الدعوة الى الله تعالى، وكان صريحاً كل الصراحة، وواضحاً كل الوضوح في قوله الحق، وفي الأمر والنهي، وكانت هذه الصراحة مزيجاً من الأدب والذوق والخلق، فما كان غليظاً في قوله، ولا فظاً في أمره ونهيه، بل كان المثل المحتذى في اللين والرفق وحسن الخلق والعلم بمواقع إنكار المنكر وظروفه وما يترتب على إنكار المنكر من آثار ايجابية أو سلبية، كما كان صلى الله عليه وسلم يأمر الدعاة الى الإسلام بالتيسير على الناس، وتبشيرهم بالخير، ويحذرهم من تنفير الناس عن الدين أو التعسير عليهم في مطالب الحياة، ولا تزال كلماته لمعاذ ابن جبل وأبي موسى الأشعري تطرق أسماعنا: >بشرا ولا تنفرا ويسرا ولا تعسرا وتطاوعا< متفق عليه. والمتمعن في الآيات الكريمة والأحاديث النبوية الشريفة التي تناولت الحديث عن الأمر بالمعروف والنهي عن المنكر يجدها واضحة غاية الوضوح في فرضية الأمر بالمعروف والنهي عن المنكر وان هذا الفرض هو فرض كفاية، يقول الإمام الغزالي رحمه الله تعالى: فقوله تعالى: >ولتكن منكم أمة يدعون الى الخير ويأمرون بالمعروف وينهون عن المنكر وأولئك هم المفلحون< سورة آل عمران الآية 104، ففي الآية بيان الايجاب، فإن قوله تعالى: >ولتكن< أمر، وظاهر الأمر الايجاب، وفيها بيان أن الفلاح منوط به إذ حصر وقال: >واولئك هم المفلحون< وفيها بيان أنه فرض كفاية لافرض عين، وأنه إذا قام به أمة سقط الفرض عن الآخرين، إذ لم يقل: كونوا كلكم آمرين بالمعروف، بل قال: >ولتكن منكم أمة< فإذا ما قام به واحد أو جماعة سقط الحرج عن الآخرين، واختص الفلاح بالقائمين به المباشرين له، وإن تقاعد عنه الخلق أجمعون عم الحرج كافة القادرين عليه لا محالة< إحياء علوم الدين ج 2 ص 33 . إن ما يترتب على ترك الأمر بالمعروف والنهي عن المنكر أمور عظيمة وآثار في غاية من الخطورة، قال الله تعالى: >واتقوا فتنة لاتصيبن الذين ظلموا منكم خاصة واعلموا أن الله شديد العقاب< سورة الأنفال آية 25 . ولقد أخبر الله تعالى أن الأمة التي تقصر في هذا الجانب أمة مطرودة من رحمة الله تعالى، قال الله تعالى: >لعن الذين كفروا من بني اسرائيل على لسان داود وعيسى بن مريم، ذلك بما عصوا وكانوا يعتدون، كانوا لايتناهون عن منكر فعلوه، لبئس ما كانوا يفعلون< سورة المائدة الآيات 78 و79 . وعن حذيفة بن اليمان رضي الله عنه عن النبي صلى الله عليه وسلم قال: >والذي نفسي بيده لتأمرن بالمعروف ولتنهون عن المنكر أو ليوشكن الله أن يبعث عليكم عقاباً منه ثم تدعونه فلا يستجاب لكم< رواه ابو داود. إن الدعوة الى الخير والامر بالمعروف والنهي عن المنكر تكليف ليس بالهين ولا باليسر إذا نظرنا الى طبيعته، والى اصطدامه بشهوات الناس ونزواتهم، ومصالح بعضهم ومنافعهم وغرور بعضهم وكبريائهم، فالقيام بالأمر بالمعروف والنهي عن المنكر عمل محفوف بالمكاره ومحاط بالصعاب، ومن أجل ذلك رفع الإسلام قيمة الأمر بالمعروف والنهي عن المنكر الى مرتبة القضايا الهامة في الحياة الاسلامية، عن درة بنت أبي جهل قالت: جاء رجل الى النبي صلى الله عليه وسلم وهو على المنبر فقال: من خير الناس يارسول الله؟ قال: >آمرهم بالمعروف وأنهاهم عن المنكر واتقاهم لله وأوصلهم< رواه أحمد والطبراني، ومن هنا فقد جعل الله تعالى الأمر بالمعروف والنهي عن المنكر من خصائص المؤمنين التي يتميزون بها، قال الله تعالى: >والمؤمنون والمؤمنات بعضهم أولياء بعض يأمرون بالمعروف وينهون عن المنكر< سورة التوبة آية 71 . وفكرة الأمر بالمعروف والنهي عن المنكر قاعدة عظيمة من قواعد الدين تظهر فيها مسؤولية الفرد المسلم تجاه جماعته ومجتمعه وتظهر فيها أيضاً مسؤولية الأمة الإسلامية تجاه الجماعة الانسانية بأسرها، تلك المسؤولية التي تحتم على الأمة الإسلامية أن تنتصب كالجبل الأشم أمام الشرور والمفاسد التي تكتنف حياة الناس، ولذا جعلها الله تعالى خير أمة أخرجت للناس، وقد هيأ الله تعالى لها وسائل كثيرة للنهوض بالدعوة الى الله والأمر بالمعروف والنهي عن المنكر، قال رسول الله صلى الله عليه وسلم: >من رأى منكم منكراً فليغيره بيده، فـإن لم يستطع فبلسانه، فإن لم يستطع فبقلبه وذلك أضعف الايمان< رواه مسلم. وليس مقصود هذا الحديث الشريف أن يكون التغيير ابتداء بقوة اليد، فإن التغيير باليد بحسب الاستطاعة والاختصاص، فالذي يستطيع تغيير المنكر بيده في أهله مثل قول الرسول صلى الله عليه وسلم: >مروا أولادكم بالصلاة أبناء سبع واضربوهم عليها أبناء عشر وفرقوا بينهم في المضاجع< رواه أحمد وابو داود والحاكم، لايستطيع تغيير المنكر في مجتمعه بيده لأن ذلك هو من اختصاص السلطان لما يترتب على تجاوز هذا الاختصاص من أضرار ومفاسد والقاعدة الشرعية تقول: >درء المفاسد أولى من جلب المنافع<. ومن وسائل الأمر بالمعروف والنهي عن المنكر اللسان والكلمة الطيبة، قال الله تعالى: >ادع الى سبيل ربك بالحكمة والموعظة الحسنة وجادلهم بالتي هي أحسن< سورةالنحل آية (125). كما أن هذا الحديث الشريف: >من رأى منكم منكراً فليغيره بيده، فإن لم يستطع فبلسانه فإن لم يستطع فبقلبه وذلك أضعف الايمان< يبين درجات الأمر بالمعروف والنهي عن المنكر، فاعلاها درجة التغيير باليد ومن ثم التغيير باللسان وأدناها التغيير بالقلب. ولابد في الآمر بالمعروف والناهي عن المنكر أن يتحلى بصفات وشرائط تمكنه من القيام بهذا الفرض، ومن هذه الشرائط: الإسلام والتكليف والعدالة بأن لايكون فاسقاً: >آتأمرون الناس بالبروتنسون أنفسكم< سورة البقرة آية 44، وأن يكون عنده العلم الكافي فيما يأمر به وينهى عنه، وأن يكون حسن الخلق والسيرة قدوة للناس، حكيماً في كيفية الأمر بالمعروف والنهي عن المنكر مقدراً للمواقف. اللهم اجعلنا من الآمرين بالمعروف والناهين عن المنكر الداعين الى الله تعالى على بصيرة المتأسين بالنبي محمد صلى الله عليه وسلم.

حاج الهوض
سلام

فالت الاخت منال

Quote: ومن الجهة الأخرى من الذي يقرر الحدود التي تؤذي المشاعر العامة عندما تكون القوانين غامضة فإن ذلك يعني أن الشرطة والقضاء هم الذين يقومون بالتشريع وتصبح نتائج المحاكم عشوائية فهذه يقبض عليها وتدان إذا صادفها شرطي متشدد وحاكمها شبيه له وأخرى لا يصبيها شئ رعم أن الإثنان يرتديان نفس الملابس إن تقدير هذه المسائل تتفاوت من شخص لاخر ومن مجتمع لاخر وهذه بلد متعددة الثقافات، التدحل بالقانون لفرض الأخلاق لا يُمكن إلا أن يؤدي إلا لسلب الحريات الشخصية والتنافس على التظاهر بالدفاع عن الأخلاق .

و ارانى اتفق تماما مع قولها
مسايل الزى مسالة حساسة جدا
و يجب ان نعول فقط على دور الاسرة فيها(ان كان فى الامر اعوجاج)
و اقحام القوانين و اللوائح الادارية فى هذه الامور ربما كان مدخلا لفساد اعظم
فساكن نمرة اتنين نظرته لما يسمى بالزى الفاضح تختلف تماما عن ساكن (الجمل صنقع)
علاوة على انى لا ارى الامر بهذا السؤ فالشارع بالمجمل متحشم الى درجة تقترب من التطرف
فما عدا غير المسلمات يندر ان تجد ينتا لا تغطى شعرها و الجميع يرتدين ازياء طويلة (صيفا و شتاءا)
الطرق المستمر على مسالة (هدوم النسوان) ربما يكون مدخلا لقوى متطرفة للتضييف على النساء و البنات و هى قوى ترى فى مجمل جنس النساء (من لدن الصحابيات الى ممثلات هولوود) شرا محضا و مصدرا مستداما للاثام مهما طال او قصر ما يرتدينه من الثياب!

اخي كمال سلام من الله عليك ورحمته وبركاته

Quote: أوردته من حقائق هامة عن الوضع الإجتماعي في الخرطوم هو مؤشر خطير جدا علي غياب الوازع الديني في مجتمعها و تدني المستوي الأخلاقي علاوة علي وجود إنحطاط إجتماعي كبير و إنهيار أخلاقي خاصة في أوساط الشباب و الشابات و هذا يقود المجتمع كله للدمار و الإنهيار لأن الشباب هو أهم فئات المجتمع و إن أهم ما تتميز به المجتمعات وتنمو وتتطورهي اأخلاق الفاضلة و العلم و المعرفة وهذا الإنهيار الأخلاقي في الخرطوم يجب العمل علي التصدي له لكي لا ينشر سرطان الإنهيار الأخلاقي في بنية المجتمع السوداني ككل و نحن كمسلمين لا نؤمن بالحرية الشخصية و إنما نؤمن بالشريعة الإسلامية والقوانين الإسلامية التي تحرم الفساد الأخلاقي وتدعونا للتصدي له من خلال القيام بواجب الأمر بالمعروف و النهي عن المنكر

اخي كمال ليس الدور علي الشباب او الشابات وحدهم وانما الاباء والحكومه معا ,,,

ولو قامت الدوله بالارشاد بعيدا عن عساكرها وصولجانها لاستقام الامر ,,,

وشاكر للافاده الكبيره والقيمه ,,,

الاستاذ الاديب المبدع هاشم يا هلا والف مرحبا

Quote: ياخي انا عايز اجي السودان إجازة لكن بعد بوستيك ده زوجتي قالت لي مافي سفر للسودان اها نعمل شنو بعد ده ؟؟

تعالوا بس اياك من حوامة انصاص الليالي ,, هههههههههههه

بالله حكومتكم قويه للدرجه دي ,,,

Quote: ممكن الواحد يجي إجازة في النهار بس وبالليل يرجع لغربته من جديد

وايضا هناك افعال بالنهار يندي لها الجبين ,,,,


فعلا ليك شوق كتير ,,

وربنا يديم الود والحب بيننا .,,,