Post: #1
Title: العزوبية و العنوسة
Author: PLAYER
Date: 06-09-2002, 03:32 PM
20في الماضي كان سن الزواج دون
أما الان
العزوبية و العنوسة في زيادة
فما هو
الأسباب الحقيقية لعزوف الشباب عن الزواج.
الوضع الاقتصادي السي
أم
مبالغةأسرالبنات في الطلبات
أم
أحلام البنات الخيالية في المغترب الغني المتعلم الوسيم
هل الخوف من تحمل المسؤلية يجعل الشباب يتعزرون (بانا ما جاهز
أم
خوف البنات من مسؤليةالبيت تجعلهن تتعزرن (بعاوزة اكمل تعليمي
|
Post: #2
Title: Re: العزوبية و العنوسة
Author: al_msaa
Date: 06-09-2002, 03:43 PM
Parent: #1
يابلير هذا موضوع مهم الله يفتح عليك
انا ساتزوج فقط ابحث عن امراة اذا وجدتها تزوجت
يمكن ان اقول لك المواصفات نعم :
اريد زوجة مواصفاتها الاتى :-
عينان عربيتان
بشرة انجليزية
ابتسامة ايرلندية
قوام فرنسى
مشية اسبانية
شعر ايطالى
انف يونانى
اسنان اميركية
صوت نمساوى
ضحكة يابانية
كتفان ارجنتينيان
عنق تايلاندى
وتدير المنزل كالالمانية
وتكون رقيقة كالايرانية
وتوفر المال كالسورية
وتكرم الضيوف كالسودانية
هل لكم ان تدلونى عليها هل ؟
|
Post: #3
Title: Re: العزوبية و العنوسة
Author: waleed500
Date: 06-09-2002, 03:46 PM
Parent: #1
الوضع الاقتصادي السي
أم
مبالغةأسرالبنات في الطلبات
أم
أحلام البنات الخيالية في المغترب الغني المتعلم الوسيم
هل الخوف من تحمل المسؤلية يجعل الشباب يتعزرون (بانا ما جاهز
أم
خوف البنات من مسؤليةالبيت تجعلهن تتعزرن (بعاوزة اكمل تعليمي
الاخ بلير تحياتى
الوضع الاقتصادى صار افضل وده ما اظنو سبب
والاسر بقت ما بطالب بى مهر كبير بى الفاتحه ممكن تتزوج
اما المغترب صدقنى ما بقت هنالك بنت بتحلم بى مغترب على ما اظن عرفنا وضع المغترب تماما وصرنا يفضلن الرجل الموجود فى البلد اكتر من المغترب
احتمال الشباب خائف من المسوليه دى وارده
والبنات ما بيخافن من المسوليه وبدورو على العريس من مافى
هنالك شى انت نسيت ما تزكرو
العدديه بتاعة البنات بقت اكتر من الاولاد حتى هنالك احصائيه بتقول لازم اى سودانى يتزوج اربعه بنات ونص
ونسال الله الطف
|
Post: #4
Title: Re: العزوبية و العنوسة
Author: PLAYER
Date: 06-10-2002, 05:10 AM
Parent: #3
al masaa
الطبيب الإيطالي سيغرينو أنتينوري
استنسخ شخصية عربية مشهورة
كده شوفو يمكن يستنسخ ليك واحده
waleed500
how r u
الوضع الاقتصادى صار افضل لناس معينين
اما الغالبيه فامرهم لله
الناس ما قادرين يتزوجو واحده
يقادرو لاربعه
ربنا يكون في عون البنات
مع تحياتى
|
Post: #5
Title: Re: العزوبية و العنوسة
Author: kov_123
Date: 06-10-2002, 06:56 AM
Parent: #4
السبب في نظري انو "الواحد فينا" بقى يجري كل يومو ولما يلقى شوية وقت من الجري يكون حيلو اتهد وبقى النوم "مطلب شعبي"
ودا ما معناه انو "الواحد فينا" عزف عن الفكرة دي تماما
الشي التاني والأهم: إنو "الواحدة فيهن" عايزة "واحد فينا" مواصفاته غريبة وعجيبة "وما في داعي للإطالة في المواصفات دي" لأنكم كلكم ما شاء الله عارفنها، والمواصفات دي هي البتخلي "الواحدة فيهن" "تبيع" "الواحد فينا" متى ما جاء من يحرز رصيد أعلى في البنك. وربما يقلن إن دا تفكير عقلاني. وأقول لهن: طيب إذا كان دا الحال خلاص ما تجيبوا لينا سيرة "الحب وكلام المصريين دا" وسيبونا في العقل
لكن برضو أقول إنو "الواحدة فيهن" أمورها غريبة كان فكرت بالعقل براهو معناه حتستنا سرااااااااااب ومين عارف حيوصلها الجري دا لي وين، والشي البيساعدها هم أهلها لأنهم برضو عايزين ليها تجري وراء صاحب الرصيد.
عشان كدة لما تجي تخطب أهل "الجماعة بيقولوا - طبعا لو كنت من صاحب المواصفات أعلاه - نعقد نعقد، (وكنت فتحت النقاش دا في بوست قبل دا قبل يومين كدة لكن ما عارف ليه الناس ما اتجاوبت معاي http://www.sudaneseonline.com/cgi-bin/sdb/2bb...d=2&msg=1023486723)، المهم يمقلبوا الراجل قبل ما يتعرف أكتر على البنت وأهلها
عموما يمكن الكلام دا ما مرتب وجا كدة سريع سريع
لاكين....
انا شخصيا أرى إنو البنت هي الطرف الذي يتحمل الجزء الأكبر من المشكلة بتصرفاتها هي وأهلها، ودا ما معناها إنو "نحن" مرات ما عندنا أخطاء، لكن دي وجهة نظري بصفة عامة !!!!
|
Post: #6
Title: Re: العزوبية و العنوسة
Author: banadieha
Date: 06-10-2002, 07:21 AM
Parent: #5
بلير
معليش أنا حأخرج عن المنهج المقرر
العزوبية حكمة. لا يدرك الأعزب أنه كان حكيم ألا بعد أن يتزوج
أن يبقى الرجل بلا زواج فهذا قراره الخاص وحريته الشخصية
أما العنوسة فهي الخلل الأعظم في النظام الإجتماعي الإنساني
وقد كان أسلافنا أوعى منا عندما كانوا يفرضون على الرجال
أن يغطوا مواعينهم..غياب دور عميد الأسرة ساهم كثيرا في تزايد
حالات العنوسة..الحد من ظاهرة العنوسة سهل زي شراب الموية
وهو الزواج مثنى وثلاث ورباع بالإلتزامات الكاملة أو الزواج العرفي
الرسمي أوالزواج الشرعي ولكن بالحد الأدني من الإلتزامات
في المساكنة والنفقة
الوضع الإقتصادي تتدهور..واعتقد أن هذا يجب أن يشجع على الزواج
لأن المتطلبات سوف تتدنى..والمطلب الأعظم هو السترة..وإن شاء الله
بكسرة وموية..هل سيقبلن؟
المنتظمة
|
|