Post: #1
Title: و ما الأيام إلا .. ( طُرَّة و كِتابة ) ...
Author: ابو جهينة
Date: 02-17-2007, 10:16 AM
Parent: #0
طرة
تناديه أمه منذ أن كان طفلاً بالــ ( دُخْرِي ) ... و استوعب معنى المسمى تماماً ... و إلتصق بذاكرته و ملأ دواخله .. يفرهد بدواخل أمه أملٌ بأن يكون بالفعل ذخراً للأسرة .. و أنه مدَّخر كما الـ ( دافْنِنُو في بطن المطامير ) .. و أنه كما ( البركاوي و البتمودة ) في القساسيب .. و عندما ضاق به الحال في البلد ... هاجر كبقية الطيور .. و في غربته ما تسلم غير وظيفة ( أمين مستودع ) ... و لكى يقوم بدور ( الدخري ) ... و لكى لا يخيب ظن أمه و الأهل .. ما قصَّر مع ( زول ) .. شارك في كل ( فزعات الأهل ) و ( الأحباب ) و ( الجيران ).. ( شيلة ) الشفيع ( ود خالتو ) .. ( برندة ) العَمَّة ( حفصة ) الكسحتْ مع المطر ( طهور ) أولاد الزين ( الجار الساكن في الشارع خلف بيتهم ) .. عملية الغدة لـ ( فاطنة ) زوجة ولد عمو ... تصليح ( التاكسي ) بتاع ( تاج السر ) صاحب أخوه بابكر حفلة نجاح ( هالة ) بت ( سيد الدكان ) عند نجاحها و دخولها الجامعة. و عندما أتاهم ( إيد ورا و إيد قدام ) .. بعد أن مكث عاما في سجون غربته لأن ( الجرد ) إكتشف تلاعبه .. لاحظ أن كلمة دخري إندثرتْ حتى من على ( خشم أمه ) .. و أن ( الشفيع ) لم يأت حتى لزيارته متعللا بالمشغولية .. و لأن زوجته تعاني من تبعات الحمل و ( الوحم ) .. و ( العمة حفصة ) لم تستضيفه في برندتها الجديدة .. فقد أجلسته على ( عنقريب الحبل ) في الحوش مع كوب من ماء الزير ( موية زرقا ).. و ( الزين أبو وليدات الطهور ) ألقى إليه بتحية باردة أمام البيت و لم يقم بتعريفه بأولاده .. بل إكتفى بالقول : دة الزول ال رسل ليكم حاجات الطهور. و ( فاطنة ) رجعتْ من بيت الجيران و لم تأت للسلام عليه .. فقالت شقيقته بأنها قالت لها : ( يطرشني ما سمعت الدخري جا ) .. و ( تاج السر صاحب التاكسي ) .. أوقف التاكسي و سلم عليه و نظره يتنقل بينه و بين الشارع .. ثم إلتقط زبوناً وإنطلق. و ( هالة ) إكتفتْ بالإيماء له برأسها لأنها لا ( تصافح الرجال يداً بيد ) ..
|
Post: #2
Title: Re: و ما الأيام إلا .. ( طُرَّة و كِتابة ) ...
Author: تماضر الخنساء حمزه
Date: 02-17-2007, 10:20 AM
Parent: #1
حال الدنيا في ..سطور.. شكراً أبو جهينة..
|
Post: #3
Title: Re: و ما الأيام إلا .. ( طُرَّة و كِتابة ) ...
Author: هاشم أحمد خلف الله
Date: 02-17-2007, 10:47 AM
Parent: #2
العزيز الغالي إستاذي الفاضل ابو جهينة
تحياتي
لا حرمنا الله من مداد كلماتك وحكاويك , وانا أعتبر هذه رسالة واضحة
وصريحة لكل مغترب , ان يهتم بمستقبله ومستقبل من يعولهم 0
شوف بالله كيف ؟؟؟
|
Post: #4
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-17-2007, 11:23 AM
Parent: #2
الأخت تماضر
سلام
Quote: حال الدنيا في ..سطور.. |
و علاقات المغترب علاقات بإتجاه واحد ... و لو حاولنا أن نجعلها إتجاهين ( إنْفض السامر )
دمت
|
Post: #6
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-17-2007, 12:22 PM
Parent: #4
هاشم سلام يا عزيزي
أيام التعريفة المخرومة كان لسان الحال : ( خربانة أم بناية قش ).
أما أيام العملة إياها فكان : ( الفقرا إتقاسموا النبقة ) ..
و بجيك صاد
|
Post: #5
Title: Re: و ما الأيام إلا .. ( طُرَّة و كِتابة ) ...
Author: ملكة سبأ
Date: 02-17-2007, 12:20 PM
Parent: #1
سلامات أبوجهينة تحصل! .. وفي أرقي العائلات ( زي مابقولو) تعرف .. ناس اللواري ديل كلامهم حكم مرات مرات ، تلقى الواحد كاتب في ضهر اللوري مثلا : ( حفظ الجميل صعب) أو (مشكلتي الأخوان)
نفسياته في الوقت دا بالظبط شنو مامعروفة ؟! .. بس أكيد مرّ بموقف مشابه ... .... مؤسف جدا انه دي أصبحت القاعدة والشواذ هم حفظة المعروف
وان اللعبة بقت بالبرطوش
يعني ( قلبه وعدله)
......
راجين عدلتك أو مافي الكتابة
يمكن نلقاها عديلة يمكن !!
|
Post: #7
Title: Re: و ما الأيام إلا .. ( طُرَّة و كِتابة ) ...
Author: هاشم أحمد خلف الله
Date: 02-17-2007, 12:26 PM
Parent: #5
العزيز ابو جهينة
تحياتي
Quote: أيام التعريفة المخرومة كان لسان الحال : ( خربانة أم بناية قش ).
أما أيام العملة إياها فكان : ( الفقرا إتقاسموا النبقة ) .. |
طيب وأيام الدينار كيف ؟؟؟؟؟ ...
|
Post: #11
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-17-2007, 02:55 PM
Parent: #7
عزيزي هاشم
Quote: طيب وأيام الدينار كيف ؟؟؟؟؟ ... |
أيام الدينار أفرزتْ تداعيات كثيرة .. منها :
تجوع الحرة .. و من ثم تضطر لبتْر ثدييْها حتى لا تلجأ إلى أن تأكل بهما فالمغريات كثيرة و إبليس بالمرصاد و الأبواب موصدة و الحاجة مُلِحَّة
دمت
|
Post: #8
Title: Re: و ما الأيام إلا .. ( طُرَّة و كِتابة ) ...
Author: بابكر عثمان مكي
Date: 02-17-2007, 12:35 PM
Parent: #5
الاخ ابو جهينة ،،،
هل يعقل ان تمس براحة يديك (شلن) الواقع الاغترابى لهذه الدرجة ، فتختفى الطرة والكتابة ويظهر الألم (كانون جمرو مولع مابنطفى والرماد تحتو سنين ضايعة فى جوفو كمدانة بالاسف الطويل) .
يارجل ان ذلك حدث بالفعل للكثيرين من الدخاخرة فى هذا الشتات الملعون .
هذه الطرة فقط ، فرنب مرة اخرى فانا انتظر (الكتابة) حتى تملص عنى ماتبقى من وريد يشبه سلك الكهرباء .
بابكر زيكو .
|
Post: #16
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-18-2007, 07:38 AM
Parent: #8
عزيزي بابكر
مودة و سلام
Quote: هل يعقل ان تمس براحة يديك (شلن) الواقع الاغترابى لهذه الدرجة ، |
دة وصف عالي المزاج ... أما واقع الغربة ... فهو ( مليم أحمر ) قطع شك.
Quote: فتختفى الطرة والكتابة ويظهر الألم (كانون جمرو مولع مابنطفى والرماد تحتو سنين ضايعة فى جوفو كمدانة بالاسف الطويل) . |
بالفعل ... ( إنسهكتْ ) الطرة و الكتابة و بقيتْ بصماتنا الباهتة ..
Quote: يارجل ان ذلك حدث بالفعل للكثيرين من الدخاخرة فى هذا الشتات الملعون . |
حتى أصبح ( الدخاخرة ) قبيلة تسد عين الشمس .. و لا يستطيعون سد فجوات حاجاتهم.
Quote: هذه الطرة فقط ، فرنب مرة اخرى فانا انتظر (الكتابة) حتى تملص عنى ماتبقى من وريد يشبه سلك الكهرباء . |
إنْمهل لي يا عزيزي .. بجيك بالكتابة دمت
|
Post: #9
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-17-2007, 12:41 PM
Parent: #5
ملكة سبأ سلام أيتها الأخت العزيزة
Quote: وان اللعبة بقت بالبرطوش
يعني ( قلبه وعدله)
......
راجين عدلتك أو مافي الكتابة
يمكن نلقاها عديلة |
بدأتُ بالطرة ... لأن شعار اليوم هو ( التقدم إلى الخلف ) ... فحتى الأيام الكئيبة السابقة صارت أكثر بياضاً من ( يوم بكرة ) ..
أكره التشاؤم .. و لكنه مخلوط بالأوكسيجين
دمت
|
Post: #10
Title: Re: و ما الأيام إلا .. ( طُرَّة و كِتابة ) ...
Author: حليمة محمد عبد الرحمن
Date: 02-17-2007, 01:01 PM
Parent: #9
ابو جهينة الرجل الرائع.. ارادوه طَرْفة نداية وحينما صبن خرصانه، تفرقوا عنه واداروا له ظهر المجن.. الابيات التالية لعلها تعكس حال صاحبك، الذي يبدو انه سيكون (صاحبنا) جميعاَ.. هاك الكلام الجميل دا على قسوته:
تأملات في أحوال الزمان
الحجاج محمد حسن
ما حاسب الرفيق بجري ويقول لي جوكا
وما حاسب القُراب ببقو كلاب فوق دوكا
ان سلم العضُم يا ام ختوة مبروكا
عُقٌب الحي بضوق الزرعة بالسلوكا
*****
ما حاسب الرفيق بحري وبقيف يتقدل
وما حاسب القريب حالو القبيل بتبدل
ان سِلِم العضم العوجة دي بتتبدل
الحجاج اخو الزول الكِتيفو مهدل
*****
ما حاسب الرفيق بتغابي في العِرفة
وما حاسب القريب لِي في الضَُعَُف ما بِِرْفه
الواحد كِرِيشُتَو كبيرة زي القََرُْفة
مِتِلً تور البَقَر الشِبِع في خََرُْفه
ما تقول بي حاله ما منصرفه
طالب باب الكريم زَرُعه وتجيها الطَرُفه
ست البيت اسويلها ام خِشيم للغَرفه ********* ان مككتك ما ترضي بتمكيكا
وان ضحكتك لابد هي بتبكيكا
دي الدنيا الفوق تاج الدُبار تتكيكا
شوف عيني القدر قلب الضكر هِنْتيكا
|
Post: #12
Title: Re: و ما الأيام إلا .. ( طُرَّة و كِتابة ) ...
Author: احمد العمار
Date: 02-17-2007, 04:00 PM
Parent: #10
تحياتى استاذناابوجهينة
والله بصراحة انت عبرت عن حال كثير من المغتربين
تلقى الواحد راتبه 2500 ريال وعايزين يشارك فى كل كبيرة وصغيرة
وبعد داك بتحصل الفروقات والديون ( بحسن نية أو سوء نية )
وبعدها السفر للسودان وناس السودان بيتموا ليهو الباقى ......
دمتم مبدعا
أحمد العمار
|
Post: #13
Title: Re: و ما الأيام إلا .. ( طُرَّة و كِتابة ) ...
Author: EMU إيمو
Date: 02-17-2007, 04:27 PM
Parent: #12
ليل الغربة طال * سالت دموع الشوق
أبوجهينة صاحي أبوالغائب نايم
|
Post: #29
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-19-2007, 08:49 AM
Parent: #13
إيمو العزيز
Quote: ليل الغربة طال * سالت دموع الشوق |
دموع الشوق و أشياء أخرى
|
Post: #25
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-18-2007, 03:03 PM
Parent: #12
عزيزي أحمد العمار
تحياتي و مودتي
Quote: وبعدها السفر للسودان وناس السودان بيتموا ليهو الباقى ...... |
كلو كوم .. و تمومة ناس السودان كوم تاني ... لأن مهما تلقى من صنوف الغبن و الظلم في الغربة بتاخدا في اللبادة و تستحمل .. و لكن ( ظلم ذوي القربى أشد إيلاما و مضاضة ) ..
و الله القصص تملا كتب ..
ربك كريم يا أبو حميد
|
Post: #18
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-18-2007, 11:37 AM
Parent: #10
حليمة
تأملات في أحوال الزمان
الحجاج محمد حسن
ما حاسب الرفيق بجري ويقول لي جوكا
وما حاسب القُراب ببقو كلاب فوق دوكا
ان سلم العضُم يا ام ختوة مبروكا
عُقٌب الحي بضوق الزرعة بالسلوكا
*****
ما حاسب الرفيق بحري وبقيف يتقدل
وما حاسب القريب حالو القبيل بتبدل
ان سِلِم العضم العوجة دي بتتبدل
الحجاج اخو الزول الكِتيفو مهدل
*****
ما حاسب الرفيق بتغابي في العِرفة
وما حاسب القريب لِي في الضَُعَُف ما بِِرْفه
الواحد كِرِيشُتَو كبيرة زي القََرُْفة
مِتِلً تور البَقَر الشِبِع في خََرُْفه
ما تقول بي حاله ما منصرفه
طالب باب الكريم زَرُعه وتجيها الطَرُفه
ست البيت اسويلها ام خِشيم للغَرفه ********* ان مككتك ما ترضي بتمكيكا
وان ضحكتك لابد هي بتبكيكا
دي الدنيا الفوق تاج الدُبار تتكيكا
شوف عيني القدر قلب الضكر هِنْتيكا
فوق دربك ..
|
Post: #14
Title: Re: و ما الأيام إلا .. ( طُرَّة و كِتابة ) ...
Author: عمر الفاروق
Date: 02-17-2007, 06:08 PM
Parent: #1
يا ريس: دي الطرة كده الكتابة تكون كيف؟؟؟
|
Post: #31
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-19-2007, 12:25 PM
Parent: #14
عزيزي عمر
Quote: دي الطرة كده الكتابة تكون كيف؟؟؟ |
أحسن فألاً ... و أكثر تفاؤلا
|
Post: #15
Title: Re: و ما الأيام إلا .. ( طُرَّة و كِتابة ) ...
Author: abubakr
Date: 02-17-2007, 06:30 PM
Parent: #1
الاعزاء ود عمي جلال ...
دي حقيقة ..جربتها مع الذين لا اريد منهم شيئا وما زال عندي كثير اعطيهم .. استغربت عندما يختفي من كان يبدو لي حميما .. وربما خطا في ما .. دعنا ننسج لهم من مخيلتنا اعذارا حتي لا تموت فينا الحميمة ...
|
Post: #30
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-19-2007, 10:55 AM
Parent: #15
إبن العم العزيز أبو بكر
سلام كبير
Quote: دي حقيقة ..جربتها مع الذين لا اريد منهم شيئا وما زال عندي كثير اعطيهم .. استغربت عندما يختفي من كان يبدو لي حميما .. |
مفهوم خاطيء عن حقيقة المغترب و معاناته .. و كأنه يخم القروش من طرف الشارع بسهولة و يسر. و هناك سبب آخر : هو صرف بعض المغتربين لأموالهم التي تعبوا في جمعا .. فيبددونها بلا تخطيط في أيام معدودة مما يعطي إنطباع سلبي للناس و كأنه جمعها في غمضة عين.
Quote: دعنا ننسج لهم من مخيلتنا اعذارا حتي لا تموت فينا الحميمة ... |
و هذا ما يحدث حتى الآن
دمت
|
Post: #17
Title: Re: و ما الأيام إلا .. ( طُرَّة و كِتابة ) ...
Author: حمزاوي
Date: 02-18-2007, 07:52 AM
Parent: #1
ابوجهينة اخوي مسكاقمي الله الله يا زمن بعد دا كمان يقولوا ليك الزمن ابن كلب مافي ابن كلب الا هم
ونحن نقول الطيبات لله
|
Post: #19
Title: Re: و ما الأيام إلا .. ( طُرَّة و كِتابة ) ...
Author: حبيب نورة
Date: 02-18-2007, 11:42 AM
Parent: #17
أبو جهينة
انا الكلام الفوق دة كلو ما قريتوا!!
لكن ما لاقاني أبلغ من العنوان دة
Quote: وما الأيام ألا ( طُــرّة وكتــابة)... |
ياخي أنت !!!
|
Post: #20
Title: Re: و ما الأيام إلا .. ( طُرَّة و كِتابة ) ...
Author: ود الباوقة
Date: 02-18-2007, 11:51 AM
Parent: #19
ان الحياة لطنجرة من لم يمت بالسيف مات بقندرة .. القندرة ( هي الجزمة ) الله يكرم المشاهدين.
واصل ابو جهينة حاجة تمام ....
ود الباوقة
|
Post: #21
Title: Re: و ما الأيام إلا .. ( طُرَّة و كِتابة ) ...
Author: عادل جبارة
Date: 02-18-2007, 12:28 PM
Parent: #20
الريس أبو جهينة حديثك دائما ذو شجون .. نتجرع منه الحقيقة التي طالما حاولنا إخفائها بين طيات الوهم والسراب فكم من ( دخري ) يهيم في بلاد الغربة التي تحولت إلى منافي سحيقة ؟ نحاول أن نلوي عنق الحقيقة الدامغة ونعيش في حياة ترف سرمدية أملا في الوهم المستحيل .. فما عادت أحلام الغربة كافية حتى لإرضاء التطلعات الدنيا (للدخري) فكيف يستطيع أن يرضي ذوي القربى ناهيك عن الجيران وما جاورهم ؟ ولك هذه الطرفة عن أحد لاعبي كرة القدم الأفذاذ في فريقنا المتواضع في زمان ما ومكان ما : اللاعب دا كان حريف جدا ومسيطر على الفريق ويأمر حتى المدرب .. لازم تلَّعب فلان باك وتخلي علاَّن احتياطي والا أنا ما ح ألعب .. حاضر ياكابتن .. المهم مرت السنوات وأخونا عجَّز وبقت كورته شينة !! ومرات يلعبوه احتياطي كمان .. في اجتماع للتدريب اتكلم والمدرب طنشوا .. قام زعل وكورك في المدرب وقاليهوا : مفروض تحترم الكلام البقولوا ليك .. المدرب عاين ليهو وقاليهوا : ياخي نحنا زمان كنَّا بنحترمك عشان كورتك .. هسي نحترمك عشان شنو ؟؟
عشان كدا الدخري وأي دخري في الدنيا كورتوا فكَّت !!
سلالالام يامبدع
|
Post: #38
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-21-2007, 09:06 AM
Parent: #21
عزيزي عادل جبارة
تحايا و مودة
Quote: الحقيقة التي طالما حاولنا إخفائها بين طيات الوهم والسراب فكم من ( دخري ) يهيم في بلاد الغربة التي تحولت إلى منافي سحيقة ؟ نحاول أن نلوي عنق الحقيقة الدامغة ونعيش في حياة ترف سرمدية أملا في الوهم المستحيل .. فما عادت أحلام الغربة كافية حتى لإرضاء التطلعات الدنيا (للدخري) فكيف يستطيع أن يرضي ذوي القربى ناهيك عن الجيران وما جاورهم ؟ |
تمام جدا
Quote: ولك هذه الطرفة عن أحد لاعبي كرة القدم الأفذاذ في فريقنا المتواضع في زمان ما ومكان ما : اللاعب دا كان حريف جدا ومسيطر على الفريق ويأمر حتى المدرب .. لازم تلَّعب فلان باك وتخلي علاَّن احتياطي والا أنا ما ح ألعب .. حاضر ياكابتن .. المهم مرت السنوات وأخونا عجَّز وبقت كورته شينة !! ومرات يلعبوه احتياطي كمان .. في اجتماع للتدريب اتكلم والمدرب طنشوا .. قام زعل وكورك في المدرب وقاليهوا : مفروض تحترم الكلام البقولوا ليك .. المدرب عاين ليهو وقاليهوا : ياخي نحنا زمان كنَّا بنحترمك عشان كورتك .. هسي نحترمك عشان شنو ؟؟
عشان كدا الدخري وأي دخري في الدنيا كورتوا فكَّت !! |
و ما بيقدر بعد كدة يلعب حتى ( ريزيرف ) إحتياطي
عافاك الله و دمت
|
Post: #36
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-20-2007, 02:43 PM
Parent: #20
عزيزي ود الباوقة
طبيخها لحم راس ..
Quote: من لم يمت بالسيف مات بقندرة .. |
و ما أفظعها من ميتة أن يموت الزول بالقنادر
|
Post: #35
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-20-2007, 11:13 AM
Parent: #19
عزيزي حبيب نورة
بصراحة و بدون مجاملة : إنت و عدد من الكتاب هنا في هذا المنبر أقرأ لهم بإنتظام .. رغم أنني مغبون من عدم إهتمام الكثيرين بكتابات هؤلاء النفر ...
دمتم
|
Post: #33
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-20-2007, 08:38 AM
Parent: #17
إبن عمي حمزاوي
سلام
Quote: ونحن نقول الطيبات لله |
خليك مكنكش في دي فهي الباقية
|
Post: #22
Title: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: Ahmed Daoud
Date: 02-18-2007, 01:11 PM
Parent: #1
قريبى ابوجهينة الرائع دوما
ان اتيت من خلف البحر الاحمر او من قرب القطب الجنوبى
هى نفس المشاعر يقابلك من اخد هديته ويقول لك انت لسه قاعد يالهى ................... اين سودانيو زمان ؟؟؟؟؟؟
|
Post: #23
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: هاشم أحمد خلف الله
Date: 02-18-2007, 01:44 PM
Parent: #22
Quote: يقابلك من اخد هديته ويقول لك انت لسه قاعد يالهى ................... |
والكلام ده بيحصل متين لما خلاص بنزينك بقطع وتقعد في الشارع
وتلبس ليك جلابية قديمة وسفنجة مقطعة , وتعاين للماشي والجاي
عديم شغلة . الله يكون في العون وإنشاء الله كلنا نتعظ من حكاية
استاذنا القدير ابو جهينة , ونعمل حساب للزمن مهما كان ....
ولا رايكم شنو ؟؟
|
Post: #24
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: عبدالأله زمراوي
Date: 02-18-2007, 02:38 PM
Parent: #23
استاذي الجليل..
ما قلت الا حقا...
ومنتظرين الوجه الآخر من العملة...
تسلم يا حبيبنا من كل شر!
|
Post: #26
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: سمية الحسن طلحة
Date: 02-18-2007, 05:45 PM
Parent: #24
العزيز ابوالنسب ابوجهينة ( أعمل لدنياك كأنك تعيش أبدا وأعمل لآخرتك كأنك تموت غدا ) قاعدة يجب أن يعمل بها كل دخرى حوبات وعشا بايتات قوا ومقنع كاشفات أنا قريت كل المكتوب هنا... (مازى حبيب نورة الما قرا غير العنوان) ومالقبت زول واحد متفائل ماعدا شوية بصيص أمل عند أبوبكر أجد نفسى أختلف معكم قليلا فى هذا التعميم لماذا نحسب كل أشيائنا بحسابات الدنيا! تعلمنا: أعمل المعروف وأرميه فى البحر وحسناتك توقيك وثم، أزرع الإحسان ولو فى غير موضعه فلم يضع إحسانا أينما زرع الغالبية جربوا يعملوا حسابهم ومانفع ورجعو زى حالة أخونا دا بل أسوأ ربما هو كسب شى لاخرته انما البتبقى عليه ميتة وخراب ديار يكون كيف!؟ وياجماعة ما كل الناس كده ، فى ناس بلموك وقت الحارة ولما تكون ممهول بتعففوا، ولو كل انسان عمل لنفسه وبس لتقطعت الصلات الحميدة.
وما الحياة وإن غرت زخارفها... سوى مشاكل نفنيها وتفنينا وقيمة المرء فيها مايخلده ... من المآثر إن دنيا وإن دينا
|
Post: #27
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: خالد المحرب
Date: 02-18-2007, 06:10 PM
Parent: #26
بعدايه00000 جيت تقول الكلام ده ياابوجهينه الناس استوعبت كل شى ولكن بعد مافات الاوان
|
Post: #28
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: محمد سنى دفع الله
Date: 02-19-2007, 08:32 AM
Parent: #27
ابوجهينة اين خبرك اليقين أجمل ما فينا الســــماح وانبل مافينا الــعــفــو وما الدنيا الا طـــــرة وكــتــابــة فلنستوعب الدروس ونغير حاضرنا ونعيش للمستقبل العريض بالحب والتسامح والعفو الســـــــــعـــادة
|
Post: #52
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: ابو جهينة
Date: 02-25-2007, 08:59 AM
Parent: #28
عزيزي الأستاذ محمد السني
محبتي الدائمة
Quote: فلنستوعب الدروس ونغير حاضرنا |
بيت القصيد و مربط الفرس
Quote: ونعيش للمستقبل العريض بالحب والتسامح والعفو الســـــــــعـــادة |
تغيير الحاضر لا بد أن يكون جنبا إلى جنب مع التسامح و العفو لأنو لو تقدم واحد على الآخر حنكون في نفس المربع الأول
دمت
|
Post: #49
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: ابو جهينة
Date: 02-24-2007, 11:55 AM
Parent: #27
الزول الضكران خالد المحرب
سلام آ زول
Quote: الناس استوعبت كل شى ولكن بعد مافات الاوان |
عشان كدة خلينا نغمت الطرة شديد ... نشوف حكاية الكتابة
دمتم
|
Post: #48
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: ابو جهينة
Date: 02-24-2007, 09:23 AM
Parent: #26
الأخ العزيزة الملكة سمية
سلام ماكن و غليد
شكرا على المداخلة الماهلة
إن إستمرار ( أي دخري ) في مواصلة ما يقوم به تجاه أهله و ذويه و معارفه و أصدقائه و جيرانه ، ما هو إلا تمسك بأن الحسنات تقي المصارِع.
Quote: وياجماعة ما كل الناس كده ، فى ناس بلموك وقت الحارة ولما تكون ممهول بتعففوا، ولو كل انسان عمل لنفسه وبس لتقطعت الصلات الحميدة. |
و الله يا سمية العدد دة تناقص و بقى الأخو الحقيقي البقيف معاك وقت الحارة يتعدوا على أصابع اليد حواليك. زمان بالله أهل الحوبة يملوا الشارع عشا البايتات يعملوا زحمة مقنعين الخايفات يسدوا عين الشمس حسع ... إلا تناديهم .. ولا تعملي ليهم ( مس كول ) متكرر
دمت وما الحياة وإن غرت زخارفها... سوى مشاكل نفنيها وتفنينا وقيمة المرء فيها مايخلده ... من المآثر إن دنيا وإن دينا
|
Post: #46
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: ابو جهينة
Date: 02-22-2007, 08:51 PM
Parent: #24
مولانا زمراوي
سلام كبير
Quote: ومنتظرين الوجه الآخر من العملة... |
رمينا ال COIN إلى الأعلى ... وقعتْ بالأول ( طرة ) لذا أتينا بها .. سآتيك بالكتابة ... فهي آتية على إستحياء
دمت
|
Post: #44
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: ابو جهينة
Date: 02-22-2007, 10:41 AM
Parent: #23
عزيزي هاشم
محبتي الراسخة
Quote: والكلام ده بيحصل متين لما خلاص بنزينك بقطع وتقعد في الشارع
وتلبس ليك جلابية قديمة وسفنجة مقطعة , وتعاين للماشي والجاي
عديم شغلة |
تعرف يا هاشم ... عشان تخلي حبال الود موصولة بي هناك لا بد أن تواصل نفس طريقتك ال بديت بيها.. أنا بعرف واحد شغال هنا بالرياض و حالتو المادية ممتازة ... الزول دة نجبض جنس نجاض.. بالله ما نزل إجازة واحدة بي هدية لي زول .. بس مصاريف أهلو .. أنا ما بقدر أعمل زيو .. لكن الزول دة أراح و إستراح
نواصل
|
Post: #40
Title: Re: Re: و ما الأيام إلا .. ( طُرَّة و كِتابة ) ... (Re: ود الباوقة)
Author: ابو جهينة
Date: 02-21-2007, 02:59 PM
Parent: #22
إبن عمي العزيز أحمد داود
سلام كبير و شوق
Quote: هى نفس المشاعر يقابلك من اخد هديته ويقول لك انت لسه قاعد يالهى ................... اين سودانيو زمان ؟؟؟؟؟؟ |
علاقات المغترب كما قلت من قبل علاقة ذات إتجاه واحد .. الكل يريد منك دون عطاء مقابل .. و لا بد للمغترب أن يكون صاحب معين لا ينضب .. و لو عاد نهائياً للوطن لا بد له أن يكون في نفس الإتجاه الواحد و إلا وضعوه في رف النسيان و الشواهد كثيرة
دمتم
|
Post: #32
Title: Re: و ما الأيام إلا .. ( طُرَّة و كِتابة ) ...
Author: د.محمد حسن
Date: 02-19-2007, 12:39 PM
Parent: #1
(بعد أن مكث عاما في سجون غربته لأن ( الجرد ) إكتشف تلاعبه )
ابوجهينة
يا ريس
حليل الدخري
|
Post: #53
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-25-2007, 12:22 PM
Parent: #32
د.محمد حسن
سلام
يستحق تكريم سنوي.
|
Post: #54
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-25-2007, 12:50 PM
Parent: #34
لؤي
سلام كبير
|
Post: #37
Title: Re: و ما الأيام إلا .. ( طُرَّة و كِتابة ) ...
Author: انعام عبد الحفيظ
Date: 02-20-2007, 03:00 PM
Parent: #1
Quote: .. دعنا ننسج لهم من مخيلتنا اعذارا حتي لا تموت فينا الحميمة ... |
ابو جهينة
سلام وإحترام
أستوقفتني هذه العبارة للأخ ابو بكر
بها الكثير من المعاني الجميلة
وهذا هو سر عظمة بعض من الناس في هذه الدنيا
يظل الانسان انساناً في دواخلهم برغم الجحود والنكران
|
Post: #39
Title: Re: و ما الأيام إلا .. ( طُرَّة و كِتابة ) ...
Author: حبيب نورة
Date: 02-21-2007, 01:17 PM
Parent: #37
up
|
Post: #41
Title: Re: و ما الأيام إلا .. ( طُرَّة و كِتابة ) ...
Author: هشام آدم
Date: 02-21-2007, 03:43 PM
Parent: #39
_____________
الأستاذ أبو جهينة
حقيقةً .. أشفق علينا كمغتربين فنحن مستحلبون بمعنى الكلمة ..
يحلبنا كاوبويات الوطن .. وذوونا "من غير قصد" أو "بقصد" أيهما أقرب ويحلبنا الشوق، وتحلبنا مرارة الاغتراب
في انتظار الوجهة الآخر من العملة "الكتابة"
|
Post: #55
Title: Re: و ما الأيام إلا .. ( طُرَّة و كِتابة ) ...
Author: ابو جهينة
Date: 02-25-2007, 01:10 PM
Parent: #37
الأخت العزيزة إنعام
تحياتي
Quote: وهذا هو سر عظمة بعض من الناس في هذه الدنيا
يظل الانسان انساناً في دواخلهم برغم الجحود والنكران |
و الله صعبة يا إنعام ... الذي يعطي و يعطي و يقابل بالنكران و الجحود ثم يستمر في العطاء أظنه من سلالة الأنبياء و الصالحين و الصحابة .. لأن الحياة الآن صارت بالكامل ( شيلني و أشيلك ) .. و الشيل ليس بالضرورة أن يكون مادياً .. فالشيل المعنوي برضو ضروري جدا .. و بما أن الوقفة المعنوية أصبحتْ برضو شحيحة فإن ( دخاخير ) كثيرين قد نفضوا أيديهم من سلة الدخرية و وقفوا بعيد.
دمت
|
Post: #42
Title: Re: و ما الأيام إلا .. ( طُرَّة و كِتابة ) ...
Author: celecon
Date: 02-22-2007, 09:00 AM
Parent: #1
العزيز ابوجهينة ..
صور واقعية بجمال ابداعى كالمعتاد
تسلم يا زوق ....
|
Post: #43
Title: Re: و ما الأيام إلا .. ( طُرَّة و كِتابة ) ...
Author: عادل جبارة
Date: 02-22-2007, 09:49 AM
Parent: #42
[ هشام آدم حبيب نورة عبد الأله زمراوي عمر الفاروق وأنا !!
QUOTE]ومنتظرين الوجه الآخر من العملة... |
|