Post: #1
Title: الف مرحب مجدي النور نور بيتنا
Author: الجندرية
Date: 12-22-2005, 08:19 AM
Parent: #0
رأيت اسمه ضمن الأون لاين دخلت بروفايله لقيتو هو الما بغباني اتذكره يافعاً هو و عاطف خيري اذكر نصوصهما التي نشرت بالصحافة السودانية في الثمانينات سمعته في عدد من اللقاءات في النيل الأزرق وفرحت به
كم يسعدنا وجودك يا فنان وعقبال ما نشوف صاحبك عاطف هنا
ويا الف مرحب
|
Post: #2
Title: Re: الف مرحب مجدي النور نور بيتنا
Author: الجندرية
Date: 12-22-2005, 08:43 AM
Parent: #1
***
|
Post: #3
Title: Re: الف مرحب مجدي النور نور بيتنا
Author: الجندرية
Date: 12-22-2005, 08:43 AM
Parent: #1
***
|
Post: #4
Title: Re: الف مرحب مجدي النور نور بيتنا
Author: Murtada Gafar
Date: 12-22-2005, 08:47 AM
Parent: #3
مرحبا بالفنان مجدي النور و قال الليل هي صغرى أقماري هي سر الضوء المسافر بين الأرض و بين الله، قالت الأرض الميتة طفلة العصافير الموسمية شريرة مراهقة..... وجميلة
التحية لمجدي النور المخرج و الممثل و الشاعر كاتب طفلة العصافير التي تغنت بها "ساورا"
مرتضى جعفر
|
Post: #5
Title: Re: الف مرحب مجدي النور نور بيتنا
Author: نجود حسن عبد الرحمن
Date: 12-22-2005, 08:49 AM
Parent: #1
Quote: دخلت بروفايله لقيتو هو الما بغباني
|
دى عشان النور الدخل بيتك يالجندرية
ونورت بالجد يامجدى
|
Post: #6
Title: Re: الف مرحب مجدي النور نور بيتنا
Author: الجندرية
Date: 12-23-2005, 06:17 AM
Parent: #1
مرتضى جعفر شكراً لمرورك وكلنا في انتظار الفنان
*** نجود شكراً ليك النور جابو دخول ود النور وطلتك الظريفة دي شكراً
|
Post: #8
Title: Re: الف مرحب مجدي النور نور بيتنا
Author: الجندرية
Date: 12-23-2005, 06:35 AM
Parent: #7
ايوا يا عادل مجدي غنت ليه عقد الجلاد فاجأني النهار وهو شاعر بديع بحق
|
Post: #9
Title: Re: الف مرحب مجدي النور نور بيتنا
Author: tmbis
Date: 12-23-2005, 06:37 AM
Parent: #7
مجدي النور ياتو في التلاتة ديل ياجندرية .. - المخرج - الشاعر - الممثل .. .. وعلى كل الترحيب بدون قيود بمجدي النور .. والله يكتر من الناس الزي ديل كل يوم .. قال في مرة : يللا نرقص خطــوة واحدة يللا نطــلع نخلة شاهقة نرتب هم الغناء .. عصافيرك تنعس التمر الرطب .. مشاويرك بتفضح فقر الـ انا.. ياوجع اختياري فراش استوائي ... .. .. وكانت ايام جميلة .. اهلا بمجدي النور .. وبي الفنانين الح يغيروا طعم المرارات ..
|
Post: #10
Title: Re: الف مرحب مجدي النور نور بيتنا
Author: Tumadir
Date: 12-23-2005, 06:39 AM
Parent: #9
جندرية ..
ممكن ارحب معاكم بمجدى النور.. من قبيلتنا ...وود حلتنا "الدراما" ....
ياااااااااهلا
|
Post: #11
Title: Re: الف مرحب مجدي النور نور بيتنا
Author: الجندرية
Date: 12-23-2005, 06:44 AM
Parent: #9
Quote: مجدي النور ياتو في التلاتة ديل ياجندرية .. - المخرج - الشاعر - الممثل .. .. |
ياهو زاتو يا تمبس ما هو3×1
شاب متعدد المواهب ومبدع على اكثر من صعيد ربنا يزيدو
|
Post: #12
Title: Re: الف مرحب مجدي النور نور بيتنا
Author: الجندرية
Date: 12-23-2005, 06:49 AM
Parent: #1
وتستاذني يا تماضر ؟ دا انت اولي بيه من الكل لانه مش بس ود قلبيتك " دراما " ود قبايلك الجمالية والابداعية كلها يا فنانة وانسانة
|
Post: #13
Title: Re: الف مرحب مجدي النور نور بيتنا
Author: محمد عبدالرحمن
Date: 12-23-2005, 10:29 AM
Parent: #12
ياجندرية ..
سلام ليك ..
الف مرحب مجدى النور اضافة ثرة وحقيقية لهذا الفضاء ..
مودتى ..
|
Post: #14
Title: Re: الف مرحب مجدي النور نور بيتنا
Author: الجندرية
Date: 12-24-2005, 08:22 AM
Parent: #1
محمد عبد الرحمن فعلاً مجدي اضافة للبورد نتظر اسهاماته على احر من الغربة
|
Post: #15
Title: Re: الف مرحب مجدي النور نور بيتنا
Author: gessan
Date: 12-25-2005, 02:47 AM
Parent: #1
الف مرحب مجدي النور نور بيتنا ..وقدام العنوان "وردة" .. ----- سلام الجندرية فلنرحب معاك بالمبدع مجدي النور .. الدرامي ..و مسرحية "عجلة جادين الترزي" ..وأيضاً "مستورة"..و.. إنهم "اولاد الحاج يوسف".. "جماعة المسرح التجريبي"..ناس مجدي وجلود وصالحين ..والبقية ..
كانوا حلوين وشغلهم على المسرح قوي ..وجميل .. مرت السنين ودخلوا وإتخرجوا من معهد الموسيقى .. وكل واحد فيهم واصل في دربو .. مالين المشهد بالحضور ..
مرحب بمجدي النور ..الشاعر ..أيضاً..
وتحايا للجميع
|
Post: #16
Title: Re: الف مرحب مجدي النور نور بيتنا
Author: الجندرية
Date: 12-25-2005, 12:25 PM
Parent: #1
قيسان الفنان شكراً لترحيبك بالفنان تربيع مجدي وكلنا في انتظار طلته
|
Post: #17
Title: Re: الف مرحب مجدي النور نور بيتنا
Author: بكرى ابوبكر
Date: 12-06-2006, 02:37 PM
Parent: #16
|
Post: #18
Title: Re: الف مرحب مجدي النور نور بيتنا
Author: الجندرية
Date: 12-06-2006, 02:49 PM
Parent: #1
للآسف سيطول انتظارنا للأبد
ما أسرع واعجب الأقدار؟
ربنا انزل علينا الرضا والصبر
|
Post: #19
Title: Re: الف مرحب مجدي النور نور بيتنا
Author: أبو ساندرا
Date: 12-06-2006, 03:05 PM
Parent: #1
Quote: للآسف سيطول انتظارنا للأبد
|
ما أظن ياشقيقة فلم يتبق في قعر الكأس إلا القليل
والعمر تتساقط حباته
وحاتكر السبحة ليس في الوقت فسحة
|
Post: #22
Title: Re: الف مرحب مجدي النور نور بيتنا
Author: الجندرية
Date: 12-07-2006, 03:07 AM
Parent: #19
يا عبد الرحمن العمر الطويل ليك
الموت ما بطول السنين ولا قصرها ولا العمر بعدد الايام
يا ما ناس عمرت لارزل العمر وما عاشت وناس عاشت سنوات ، اضاءت فيها قرون
|
Post: #20
Title: Re: الف مرحب مجدي النور نور بيتنا
Author: نصار
Date: 12-06-2006, 03:14 PM
Parent: #1
تضرعاتنا بأن يكون الترحيب به عند من هو اكرم منا اجمعين تعازينا للقصائد و الوطن
|
Post: #21
Title: Re: الف مرحب مجدي النور نور بيتنا
Author: عاطف عمر
Date: 12-06-2006, 04:35 PM
Parent: #20
Quote: تضرعاتنا بأن يكون الترحيب به عند من هو اكرم منا اجمعين تعازينا للقصائد و الوطن |
أختي الغالية أماني
لك ولكل أصدقاء الفقيد صادق العزاء راجياً له القبول عند الخالق العظيم ، وحسن الوفادة في ديار الكرم ، وحسن الجوار عند سيد العالمين . لم أعرف الفقيد - لسوء حظي - قبلاً لكن مع هذا الكم من الكلمات التي تفيض صدقاً وحزناً فقد ( وجبت ) محبته في قلبي ، وحزني على عدم معرفته وحزني على فراقه المبكر .
|
Post: #23
Title: Re: الف مرحب مجدي النور نور بيتنا
Author: محمد سنى دفع الله
Date: 12-07-2006, 04:01 AM
Parent: #21
أختنا الغالية أمــاني
للفقيد الرحمة والمغفرة ولكم حسن العزاء تعالي نبكي هذا الفقد الفاجع الأمل الواعد والمخضر ماذا لنا سوى البكاء
|
Post: #24
Title: Re: الف مرحب مجدي النور نور بيتنا
Author: طارق الأمين
Date: 12-07-2006, 04:27 AM
Parent: #23
.
|
Post: #25
Title: Re: الف مرحب مجدي النور نور بيتنا
Author: طارق الأمين
Date: 12-07-2006, 04:28 AM
Parent: #23
.
|
Post: #31
Title: Re: الف مرحب مجدي النور نور بيتنا
Author: الجندرية
Date: 12-10-2006, 03:32 AM
Parent: #25
طارق الامين
قلبي منديل لاحزانكم
ماذا نقول غير امر الله نافذ ، والحمد لله علي كل حال
|
Post: #30
Title: Re: الف مرحب مجدي النور نور بيتنا
Author: الجندرية
Date: 12-10-2006, 03:27 AM
Parent: #23
Quote: تعالي نبكي هذا الفقد الفاجع الأمل الواعد والمخضر ماذا لنا سوى البكاء |
السني يا اخوي انا دمعت اتحجرت غالبني البكا
|
Post: #28
Title: Re: الف مرحب مجدي النور نور بيتنا
Author: الجندرية
Date: 12-10-2006, 03:08 AM
Parent: #21
Quote: وحزني على فراقه المبكر . |
شفت يا عاطف اخوي الزينين بنختفو بدري كيف ؟
ربنا يصبر الكل
|
Post: #27
Title: Re: الف مرحب مجدي النور نور بيتنا
Author: الجندرية
Date: 12-10-2006, 03:01 AM
Parent: #20
العزيز نصار
لا عزاء للشعر الجميل لا عزاء للمسرح الواعد لا عزاء للكاميرا الذكية
لكني اكيده من انه في كنف رحيم ، أحبه فحبب خلقه فيه
|
Post: #26
Title: Re: الف مرحب مجدي النور نور بيتنا
Author: خضر حسين خليل
Date: 12-07-2006, 05:00 AM
Parent: #1
بالامس وعند الثانية والنصف ظهراً جئت لمقهي يطل علي موقف جبرة لأتجول قليلاً حتي (يروق) السوق العربي من غليان البشر لاجد بعدها وسيلة تقلني الي حيث أسكن . بتلصص أجيده نظرت الي شاشة من يجاورني كان يفتح نافذة سودانيز أونلاين وكانت الصفحة الرئسية مسودة تماماً . أرتعدت أوصالي وأنا أنتظر صفحتي وهي تبطئ في التحميل . كان مجدي النور بشحمه ولحمه ودمه . غصة كبيرة أعتصرتني فكرت في الاتصال بسفيان بشير للاستفسار عن الحاصل شنو ذاتو ؟ ياخوانا الدنيا دي حصل فيها شنو زاتو ؟ مجدي النور حتة واحدة فسبحان الموت علي كل ......... بفقده أيقنت بأن حيل باكر إنهد تماماً مشروع كبير توقف نبضه . الاهمال كان سيد موته هكذا قرأت بعض المواد التي علقت علي رحيله . ومجدي النور التقيته قبل اسبوعيين تقريباً في حفل أحد الاصدقاء تونسنا ونسة طاعمة حكي لي ولمن قاسمونا فرحة تلك الليلة عن مشروعه القادم للارتقاء بحركة المسرح السوداني شاب مليان حياة وحماس هكذا قلت لصديقه بدري الياس أظنه الان لايجيد سوي مهنة الدموع لمواجهة حالة الغياب التي أمامه . الخرطوم هذا الصباح تنعاه لكل أصدقائه ومعجبيه ومحبي ماظل يقدمه وبفقده ستفتقد الحركة الثقافية في السودان أحد ملهميها وأحد رواد التنوير والابداع فيها . تثاقلت خطواتي وأنا أذهب الي كشك لبيع الصحف اليومية علني أجد نعياً يليق بالفقيد وكانت صحيفة الدار بتجارتها البائدة تنشر آخر حوار لمجدي النور وماذا عن وصية مجدي النور الاخيرة في أحتفال درامي بائس الاخراج وفي دعارة للترويج والكسب الرخيص فتباً لصحافة هذه البلاد وتب . يظل مجدي النور رقما لا يمكن تخطيه بما قدمه من ابداع سواء نعته وزارة الثقافة والاعلام أم لم تنعاه سواء قدمه تلفزيوننا الرسمي أم لم تفعل سواء أبي المغرضون أم رضوا . يظل حزناً آخر نضيفه بكامل الشرف لقائمة أحزاننا التي لاتنتهي
الخرطوم لاتنعي المبدعين بل ترميهم هكذا في ثلاجاتها الباردة ومستشفياتها التعسة ليلقوا ربهم وفي معيتهم الكثير من الغصة .
الخرطوم هذا الصباح تنعي للشعب السوداني الشاب الجميل مجدي النور وداعاً سيدي وداعاً مجدي النور خضر
|
Post: #29
Title: Re: الف مرحب مجدي النور نور بيتنا
Author: عشة بت فاطنة
Date: 12-10-2006, 03:20 AM
Parent: #26
يا لفداحة الفقد رحل هذا الانسان الجميل قبل أن يكتمل اللقاء وقدرنا أن نودع أجمل الناس دائما يرحل عنا من قلبهم على هذا الوطن ومن يملك سر الغنا ، من مبدعينا في السياسة والكلمة والمسرح ، وداعا مجدي النور ولك الحب والاخلاص حتى نلتقي .
|
Post: #32
Title: Re: الف مرحب مجدي النور نور بيتنا
Author: Noon3
Date: 12-10-2006, 03:38 AM
Parent: #29
آخر مسرحية شاهدتهافي المسرح كانت نهايات العام السابق في إطار الخرطوم عاصمة للثقافة(الحلة القامت هسه)وكانت بحق حلة جميلة من تأليفه واخراجه ومجموعة من الممثلين الرائعين... والديكور الجميل لحاتم نابري ... جانا باسماً مصافحاً... يومها ضحكنا كثيراً في زمن شح فيه الضحك وامتلأت الدواخل بحزن مقيم...
اللهم انا نسألك أن تخلف له داراً خيرا من داره واهلاً خيرا من اهله وان تلهم اصدقائة وقبيلة المبدعين الصبر...
|
Post: #34
Title: Re: الف مرحب مجدي النور نور بيتنا
Author: الجندرية
Date: 12-10-2006, 04:00 AM
Parent: #29
الغالية عشة
اعزيك وكل المسرحيين / ات
بفقده فقد المسرح السوداني رقم مهم من ارقامه التي لا يمكن تجاوزها اظنك قرأتِ ما كتبه السر السيد عنه
( الولد الذي اطاح بكل الواح الوصايا ونام )
لكم ولنا العزاء
|
Post: #33
Title: Re: الف مرحب مجدي النور نور بيتنا
Author: الجندرية
Date: 12-10-2006, 03:43 AM
Parent: #26
Quote: بفقده أيقنت بأن حيل باكر إنهد تماماً مشروع كبير توقف نبضه |
العزيز خضر هو ما قلت
مجدي طاقة خلاقة فقدها مستقبل السودان
ربنا يعوضه الجنه ويعوض على البلد
|
Post: #35
Title: Re: الف مرحب مجدي النور نور بيتنا
Author: الجندرية
Date: 12-10-2006, 04:23 AM
Parent: #1
Quote: جانا باسماً مصافحاً... يومها ضحكنا كثيراً في زمن شح فيه الضحك |
نون
ومن رأي مجدي دون بسمته ؟!!
هي صدقاته ضمن اخر ليتقبله الله في ملكوت رحمته
|
Post: #36
Title: روحك قنديل
Author: هشام كمال
Date: 12-10-2006, 04:32 AM
Parent: #1
قادل محمل اسى ماسك وجع الرهيفة وكاتم نفسها
يوما ما أسر لى مجدى فى اذنى بهذا المقطع و قال لى حأكملو ليك لأنو بفتكر مناسب معاك، وما زلت منتظر يا مجدى. هشام كمال
|
Post: #37
Title: Re: روحك قنديل
Author: anwar abu gaidaa
Date: 12-10-2006, 05:29 AM
Parent: #36
بسم الله البديع القائل وكل نفس ذائقة الموت صدق الله العظيم انا اخر من قابلته مساء ذاك اليوم كنا فى لقاء لم نخطط له اتصل بى كنت قد وعدته اسبوع قبلها ولم نلتقى لظروف مرضى اتصل مكفرا لى واين مكانى الان كنت وقتها فى المكتب ارتشفنا قهوة المغيب فى مركز ارسس للمعلومات اتصلنا بعاطف خيرى وجدناه والكعاده فى معرض الكتاب وكان فى معيته الصادق الرضى وماهر وعلاء الدين له الرحمه لا اقوى على مواصلة هذا السرد الحزين ربى تقبله انك رؤؤف رحيم
|
Post: #38
Title: Re: روحك قنديل
Author: Tumadir
Date: 12-10-2006, 11:22 AM
Parent: #37
|
Post: #39
Title: Re: الف مرحب مجدي النور نور بيتنا
Author: Mayada
Date: 12-12-2006, 03:42 AM
Parent: #1
تغمده الله بوافر رحمته والهم آله وذويه الصبر وحسن العزاء...
انا لله وانا اليه راجعون...
ست البنيـــــــــــات
|
Post: #40
Title: Re: الف مرحب مجدي النور نور بيتنا
Author: ود العجمى
Date: 12-12-2006, 08:35 AM
Parent: #1
يا دوبك بدأ يتكون مخرج ليهو لونو وليهو ريحتو وليهو طعمو . بدأ يفرهد لكن . غايتو ما كتير على الله
أول مرة قبل سنوات لميت فيهو مع عاطف خيرى سقتهم من الصحافة لأمبدة كان فى جلسة شعرية فى نادى النجوم . كان الدوش المفروض يقرأ فيها لوحدو . لكنو طالب بعاطف خيرى يقرأ معاهو قال تحديدا داير يسمعو
ولما اتفقنا مع عاطف كان معاهو مجدى النور فرأ كمين قصيدة بعد داك اتقابلنا فى رحلة وقدم لينا شخصية درامية ( قصة واحد بيحكى عن جيتو من الأقاليم ومعاناتو مع المدينة)
وشوية شوية بقينا نتابعو . حقيقى فنان وواضح انو ليهو رؤوية جادة للدراما التلفزيونية . لا أرقوز ولا طبال ومع ذلك شقنا اسمو بيبرق ..
الله يرحمو . ويعوض شبابو الجنة . فادر يا كريم
بكرى
|
|