مافعلته فكتوريا حال استلامها لرساله الخليفه عبد الله التعايشي

اسلمي تسلمي
وان سلمتي لزوجناكي
يونس ود الدكيم
ان رضي

وحينما استلمت الملكه فكتوريا رساله عبد الله التعايشي
رفعت حاجبيها وقالت

اجي ياعبد الله التعايشي

... حاشيه

يقال ان يونس ود الدكيم كان من اقبح قواد المهديه شكلا

طلب بسيط

قرأت هذا النص وان كان غير مرتب الان في مرحله سابقه رجائي لمن بحوزته
الان هذا النص كاملا ان يقوم بانزاله هنامع تعريف كاتبه
او عبر ايميلي ادناه
[email protected]
والله لايضيع اجر من احسن عملا
والله فــــي

شباب مافي زول فيكم اتزكر النص ده


اين لي الان بمحمد كوبر

للللللللللل

العزيز ابو ساجده
تحياتي وشكرا للمرور

لاذلت انتظر

Quote: يقال ان يونس ود الدكيم كان من اقبح قواد المهديه شكلا

وكان كتير برضو على الملكة فكتوريا..
والله يا خضر ضحكتنى لما اوردت رد فعلها وقلت انها قالت:"اجى يا عبدالله التعايشي!!"
دى ما تبقى الملكة فكتوريا ب ال"أجي"دى..
دى تبقى الملكة حرم او الملكة خديجة او الخ، ف"اجي"دى من عمق العامية السودانية

الفاضله لنا مهدي

تعرفي يالنا (الاجي) دي ضحكتني ضحك شديد اول ماسمعت النص
ده
وياستي يونس ود الدكيم وحياتك بستاهل اكتر من فكتوريا
بس نقول شنو مع الملوك .

سعدت للغايه بطلتك

يعنى الأيـام دى كان ملك بريطانيـا حيكون الملك دكين الخامس

العزيزابو الريش
اذيك

Quote: يعنى الأيـام دى كان ملك بريطانيـا حيكون الملك دكين الخامس

ياللخيال الواسع

فقط ذدتني خيالا وبدأت اتخيل

بلير ود دكيم الخامس مرشحا في احدي الدوائر الجغرافيه

الحيكومه السودانيه تقوم بخلق توأمة مع الحيكومة البريطانيه

وهاك ياخيال
تشكر علي الطله

الي العارفين باور الشعر

انتظر افادتكم

The original text of the letter is likely to be found on the archives of the royal
library of the palace. May be someone should search there

الاخ خضر
في اعتقادي ان الخليفه لم يكن بهذه السذاجه ولكنه كان بخستك بي الملكه فكتوريا ,, لان الامير ود الدكيم كان من اطرف امراء المهديه والخليفه كان دايما لمن يكون داير يخستك بي زول يرسل ود الدكيم...حدث هذا عندما حدث الخلاف بين ود النجومي ومحمود ود احمد في دنقلا ,,فارسل الخليفه ود الدكيم عاملا علي دنقلا امرهم الخليفه ان يطيعوه ولا يخلفوا له امرا ..فكان ود الدكيم يامر الامير محمود ود احمد مثلا ان يجري مسافه معينه علي سبيل الخستكه بلغة زماننا ,,,قرات هذا وغيرة في مزكرات بابكر بدري

الاخ خضر
تحيه
اردت فقط تصويب ما اوردته سابقا وهو ان الصراع كان بين عبد الرحمن النجومي ومساعد قيدوم وليس محمود ود احمد كما اوردت سالفا,, وذلك بعد رجوعي الي كتاب تاريخ السودان الحديث لمؤلفه الدكتور محمد سعيد القدال,,
ايضا تفضل الاستاذ صديق ابو قرجه بمدي بمعلومه هامه وهي ان الامير يونس
ود الدكيم كان علي قدر من الوسامه, والاخ صديق يحتفظ بصوره فوتوغرافيه للامير يونس ود الدكيم اتمني ان نوفق بنشرها
لاحق
مع شكري

الأخ خضر
ألف تحية واحترام لك ولزوارك الأفاضل
هذا النص لي
كتبته في زمان غير هذا ومكان غيره وفقاً لظني أنه ثمة شاهد تاريخ ساخر
يجلس قريباً من الأحداث العظام ويعلق عليها تعليقاً مفارقاً
أو(يقوّل) أصحابها ما يراه مناسباً وليس بينه وبين الواقع صله
هذا بالضبط ما حصل مع (صاحبي) الذي كان حاضراً وقت استلام الملكة فكتوريا للخطاب المتعلق بخطبتها للأمير يونس الدكيم..
أورد النص كما كتبته دون حذف أو إضافة

"فضّت رسالته على عجلٍ بائن
ولهفة واضحة
واضطراب حاصل
قرأت بصوت داخليٍّ مرتجف:
"لو أسلمتِ ودخلتِ في ديننا
زوّجناك الأمير يونس الدكيم
لو يرضى بذلك!"
ضربت الملكة فكتوريا كفاً بكف .. ورفعت حاجبها الأيمن فوق مستوى سطح التعجب وأنزلت الآخر تحت مستوى سطح الجرأة وقالت في استغراب تام:
"أجي يا التعايشي يا ودتورشين!!"
قيل - والعهدة على الراوي- أن السيد يونس الدكيم - طيّب الله ثراه- كان صباح مساء يطرق الباب على ودتور شين مستفسراً:
"الشى شنو آلخليفة.. الجماعة لسّه ما ردوا!!؟؟"
---------
أشير هنا إلى أن هذا النص موجود قبل زمن ليس بالقصير في بوست الأخت الأستاذة عبير خيري (أبحثوا عنه فكلماته ركن الهدوء)

خالص التحايا00
وجع القلب الزميل خدر00
وكل عام وانت الحب00

تحياتى ليك ولى ضيوفك رسالتك وصلت وادمت الوريد حتى زاتو شكرا على ردها ياجميل00

مداخلتى حتكون كاللاتى 00
كتب العزيز والغالى 00
الطيب برير يوسف
"أجي يا التعايشي يا ودتورشين!!"
قيل - والعهدة على الراوي- أن السيد يونس الدكيم - طيّب الله ثراه- كان صباح مساء يطرق الباب على ودتور شين مستفسراً:
"الشى شنو آلخليفة.. الجماعة لسّه ما ردوا!!؟؟"[/B]
لوووووووووووووووول شيلت شيلتك لكن ايضا ما تشيل كان جووك حبابك يارزاز الدم 000