Post: #1
Title: عاوز أنور البوست بصورتي
Author: welyab
Date: 11-29-2005, 04:10 AM
كل عام والجميع بخير
ممكن اضيف صورة ؟؟؟
يمكن انور ليكم البوست .. واجد بعض المعجبات -مع ملاحظة اني تجاوزت الخمسين قبل كام سنه-
ياهل الخبرات واي واحد نزل صورته مطالب بالافادة .. وإلا .. سيتم تصنيفه مع الخونة !!!
فشلت او ماعرفت كيفية اضافة الصورة !!!!
|
Post: #2
Title: Re: عاوز أنور البوست بصورتي
Author: اساسي
Date: 11-29-2005, 04:27 AM
Parent: #1
الاخ ولياب تحية
اولا اتبع الخطوات التالية:
لابد من تحميل الصورة من جهاز الكمبيوتر علي الانترنيت ويمكنك استخدام الموقع
http://www.dardasha.net/imagehost/ لتحمل عليه الصورة وبعدها خذ الرابط الذي يعطيك له الموقع للصورة او اضغط علي الصورة بالماوس يومين واختار خصائص او بروبرتس
وبعدها ادخل علي ملفك في المنتدي وستجد خانة مكتوب عليها Image انسخ الرابط والصقه في خانة Image: وبعدها اضغط علي موافق
وستجد صورتك تضي المكان
|
Post: #3
Title: Re: عاوز أنور البوست بصورتي
Author: نجود حسن عبد الرحمن
Date: 11-29-2005, 04:29 AM
Parent: #2
والله يا اساسى ماقصرت
بس وديتو بعيد ماكان من تحميل الصور بنزل صورتو
اساسى خلى الغتاتة
|
Post: #4
Title: Re: عاوز أنور البوست بصورتي
Author: اساسي
Date: 11-29-2005, 04:34 AM
Parent: #3
البنادويدث يا نجود
البندويدث حق الموقع قد جيبنا
انت عندك اشتراكات 11 شهر ما دفعتيها لبكري
عشان كدا ما هاميك حق الباندويدث
اخر مرة حولتي حق الباندويدث لبكري بتين عليك الله؟
|
Post: #5
Title: Re: عاوز أنور البوست بصورتي
Author: نجود حسن عبد الرحمن
Date: 11-29-2005, 05:21 AM
Parent: #4
Quote: البندويدث حق الموقع قد جيبنا
انت عندك اشتراكات 11 شهر ما دفعتيها لبكري
عشان كدا ما هاميك حق الباندويدث
اخر مرة حولتي حق الباندويدث لبكري بتين عليك الله؟ |
ماقلت ليكم اساسى دة غتيت
بكرى ما متزكر حق البندويدث واسى يمكن عفانى منو تجى انت تولع النيران
هوووووى يا اساسى اطلع منها..
|
Post: #6
Title: Re: عاوز أنور البوست بصورتي
Author: welyab
Date: 11-29-2005, 12:30 PM
Parent: #5
اساسي ونجود
لكما... الشكر والتقدير
حاولت ولقيت الصورة طلعت كبيرة خالص ... قلت احاول ابحث عن خطوات التصغير واحاول تاني !! ولا واحد يقولينا طريقة التصغير ونرتاح من المذاكرة الاجبارية !!
على فكرة
بخصوص العمر ( السن ) في واحدة راحت تشهد في قضية وبعد ما حلفت اليمين القاضي سالها عن الاسم والعمر الخ... قالت ان عمرها ثلانين سنه وكام شهر!! ..
القاضي قاليها ياختي ماتنسي انك حلفت اليمين ؟؟؟
قالت ياحضرت القاضي انا قلت ثلاتين وكام شهر !!!
طيب يعني كام شهر ؟؟؟
قالت (كام وسبعين شهر) ياحضرت القاضي !!!!
|
Post: #8
Title: Re: عاوز أنور البوست بصورتي
Author: نجود حسن عبد الرحمن
Date: 11-30-2005, 00:50 AM
Parent: #6
| Quote: حاولت ولقيت الصورة طلعت كبيرة خالص ... قلت احاول ابحث عن خطوات التصغير واحاول تاني !! ولا واحد يقولينا طريقة التصغير ونرتاح من المذاكرة الاجبارية !! |
انا بقول ليك حاول صغرة عن طريق الادوب فوتو شوب لو عندك فكرة فيهو
اما لو ماعندك فكرة نزلة بى كبرة دة وانا بصغرة وبنزلة ليك وانت اعمل ليها حفظ بعداك
وبريحك من المزاكرة الاجبارى
|
Post: #7
Title: Re: عاوز أنور البوست بصورتي
Author: حمزاوي
Date: 11-30-2005, 00:37 AM
Parent: #1
ولياب اخوي
مسكاقمي
ما بلاش من الصورة
خليها مستورة
معقول يا ابن عمي
انت ماشايف صورة نجوووود
كفاية علينا
وخلي صورتك في الذاكرة بس
|
Post: #9
Title: Re: عاوز أنور البوست بصورتي
Author: محمود بكر
Date: 11-30-2005, 01:18 AM
Parent: #7
العزيز الفاضل ولياب تحياتي
اضم صوتي لحمزاوي وبلاش حكاية الصورة دي انا عايز اطلب من الاخوة تكوين لجنة مصغرة لاجازة الصور
وحتشوف مين الصورتو حتثبت في البورد
|
Post: #10
Title: Re: عاوز أنور البوست بصورتي
Author: welyab
Date: 11-30-2005, 02:51 AM
Parent: #9
الشكر للجميع
يقال ان حلاوة الكعك آتية من خليط الملح مع السكر
وانا عاوز اضيف شوية (ملح).... ولا انتو شايفين ان نسبة الاملاح اكتر من السكريات ...
و يقال ايضا ...
لو ما كان في الفضائية(السودانية ) مش كنا حنعرف نقيم حلاوة القنوات التانية !!!
بس قولولي كيف اصغر الصورة... وشوفو وأحكموا !! وانا اتعهد بحذف الصورة في اقرب فرصة ممكنة لو ما عملت معادلة طيبة !!!
الاخت نجود
اعتقد ان صورتي مش وحشه خالص زي كلام الاخوة!! بس بعتها بالماسنجر لود المايقوما يصغرها !!
ولو ما صغرها ود المايقوما اقوم انزلو انا بحجمه الكبير ... وربك يستر وتطلع الصورة مقبولة
|
Post: #16
Title: Re: عاوز أنور البوست بصورتي
Author: نجود حسن عبد الرحمن
Date: 12-01-2005, 06:42 AM
Parent: #10
Quote: الاخت نجود
اعتقد ان صورتي مش وحشه خالص زي كلام الاخوة! |
ما تشتغل بيهم الاخوة ديل طيبين وعلى نياتم والفى قلبم على لسانم
واللة صورتك جميلة بس حبيت اناغمك ساى
|
Post: #12
Title: Re: عاوز أنور البوست بصورتي
Author: welyab
Date: 11-30-2005, 11:03 AM
Parent: #11
الشكر لود المايقوما .. (شارك في التنوير)
الله ينور عليك
اها!!!! بقينا في الجد... قولو لي الصورة عجبتكم !! يعني ممكن الصورة تخلق موازنة .. (ملح وسكر ) ولا نقوم بحذفها كما تعهدنا !!!
|
Post: #13
Title: Re: عاوز أنور البوست بصورتي
Author: Al Sunda
Date: 11-30-2005, 03:30 PM
Parent: #12
ولياب
مسكفيشو(حسب التوقيت)
| Quote: يعني ممكن الصورة تخلق موازنة .. (ملح وسكر ) |
الملح لونه ابيض
والسكر برضه لونه ابيض
ولكني لا ارى بياضاً في الصورة
يعني على الاقل كان الواحد إذكر تلك القصيدة الشهيرة والتي مطلعها
عيرتني بال..........( وبرضه ابيض ) وهو وقار
بجد ال
صورة حلوة لواحد من اندنا يمتعنا بمفردات نوبية في زمن العربية
|
Post: #14
Title: Re: عاوز أنور البوست بصورتي
Author: Eng. Mohammed al sayed
Date: 11-30-2005, 04:41 PM
Parent: #1
| Quote: ياهل الخبرات واي واحد نزل صورته مطالب بالافادة .. وإلا .. سيتم تصنيفه مع الخونة !!! |
بالجد إنفجرت من الضحك
..............................................................................
علي الرغم من أني أسلوب الما معانا ضدنا أمقته بشدة,(بوش في حربه الأخيرة) .
|
Post: #15
Title: Re: عاوز أنور البوست بصورتي
Author: welyab
Date: 12-01-2005, 06:19 AM
Parent: #14
الشكر للجميع وابدا ببلياتي
عزيزي السندة
ذكرتني بواحد بلدياتي حيث كنا في السبعينات في مصلحة البريد والبرق آنذاك والنقابة اجتهدت وجابت اجهزة كهربائية بالاقساط للموظفين .. والموظات (للاحياء منهم التحيايا.. وللاموات المغفرة )
المهم كان راتبي لايسمح لي بتلفزيون ملون وعرفت بان (واحد بلدياتي) طالب تلفزيون ابيض اسود بالرغم من راتبه يسمح له بشراء تلفزيون ملون !! فتودد اليه طالبا ان يغير طلبة بتلفزيون ملون واقوم انا بتسديد الاقساط ( تبديل مصالح) وكان صاحبنا معروف بسخريته واجاباته اللاذعة .. قال ياخوي بلاش ملون وبلاش خونه !! اصلو حتجي واحدة( مذيعة ربط ) من الصحافة مربع كام.. ولا من الكلاكلة !! افرض من العمارات لابسة توب ابيض وهي سودا وتقدم مسلسل ابيض اسود !! في الاخر هتشوف ايه !!! برضوا ابيض اسود !!!
Eng. Mohammed al sayed
لك الود
ما اليومين دول سهل الصاق التهم .. على الاقل احنا بنهدد فقط !!!
|
Post: #17
Title: Re: عاوز أنور البوست بصورتي
Author: albagir altahir
Date: 12-01-2005, 09:21 AM
Parent: #1
مبروووووووووووك الاخ وليد
انا زيك مفكر في الحكاية من زمان وسرقتها من البوست حقك ده لكن برضو ات تظبط
لكن تحت تحت عرفته من كلام اخونا اساسي مع نجود انو في دفع اشتركات
ادخل لينا واسطة يا اساسي خلي يعفونا عشان ننور البورد بي صورتنا
وادونا طريقة اسهل
|
Post: #18
Title: Re: عاوز أنور البوست بصورتي
Author: welyab
Date: 12-07-2005, 09:29 PM
Parent: #17
Quote: مبروووووووووووك الاخ وليد
انا زيك مفكر في الحكاية من زمان
|
الله يبارك في الجميع ...
الحكاية سهلة والاخوة ما قصرواأبدا ... والطريقة والخطوات مبينة لاي واحد عاوز يشارك في التنوير !!!!! بس ما عرفت مين وليـــــــ ـــد.... اعتقد احنا سكتنا واحدة هو بينزل في محطة(د) وانا بواصل وليـــــــــ ــاب محطتين !!
|
Post: #20
Title: Re: عاوز أنور البوست بصورتي
Author: soma
Date: 12-08-2005, 05:34 AM
Parent: #19
ولياب منور يا ضى برق الشرق ..
سلام ..والشوق محنه
|
Post: #21
Title: Re: عاوز أنور البوست بصورتي
Author: welyab
Date: 12-13-2005, 02:40 AM
Parent: #20
منورة بتواجدكم
|
Post: #22
Title: Re: عاوز أنور البوست بصورتي
Author: Tumadir
Date: 12-13-2005, 05:18 AM
Parent: #21
انت لو داير صورة تنور بيها البوست ...بس كان تقول...
عندك اهو صورة 100 volt
وبوستك يبقى زى شجرة الكريسماس....
ههههههههههههههههههههه
|
|
