.... لراغبي الـــزواج ..( للجادين فقط ).. الملاعين بالملايين...!!

.... الملاعين... بالملايين...
في أكثر من موقع على الشبكة العنكبوتية (الانترنت) تجد قائمة طويلة من ( راغبي.. وراغبات ) الزواج..
أنصاف تبحث عن التكملة!!! ملاعين بالملايين
... قـــزازة على الفرازة
واحد مدمن عرقي والظاهر انه كان بليد في الحساب .
سالوه ( نصف+ نصف ) كام
اجاب ... (قزازه)
... والرقيبة قزازة عصير..!!!
.... لعنة المتزوجين ...
وقيل أن (جحى / جحا ) مش متأكد من صحة الاملاء قال :-
ملعون من تزوج قبلي ... وملعون من تزوج بعدي...!!!
فالذي تزوج قبلي لم يخبرني .. !!
والذي تزوج بعدي لم يسألني ..!!
وهذا دليلي بان الملاعين فاقوا الملايين !!
... اطماع شخصية.
استوقفني بعض مداخلات الشباب في بعض البوستات وتطرقهم الى سيرة الزواج...
ولكي لا يطالنا لعنة (جحا/ جحى) المرة دي مقلوبه (تباديل وتوافيق) يمكن تظبط!!!
فتحا البوست لراغبي الزواج من الجنسين .. ولو لقينا حاجة مناسبة ما عندنا مانع .نبقى قزازة .

ولياب

آآآآزول


إت بي صـحّـك,

أنا (زائـر) فقط,


كان لقيت قزازة

أرمي لي (نـص)


لك التحية

أحمـد

عزابة يا رسول الله

اهلا بالشباب
اتنين من بلدياتنا كانوا بيتشاركوا في (قزازة) وواحد ثقيل دم يجي كل يوم ياخذ كاس (ملح) يوم واحد منهم اتأخر مخصوص... والتاني قاعد بالقزازة في انتظار صحبه !!
جاء اخونا بتاع الـ(ملح) وقال لو صحبك حيتأخر ايديني كاس من نصك!! صاحبنا قال ليه انا نصيبي في النص التحت..

Quote: عزابة يا رسول الله

عزابه و غرابه
في الخرطوم ايام زمان .. كان السكان المجاورين للبيوت اياها .. يكتبوا عبارات (منزل احرار ) والجماعة كتبو على بابهم (احرار في منازلهم) ..
وفي واحد عاوز يكتب على الباب (عزابه) الظاهر حطه كان شين ... ونقطة الزاي انحرفت شوية وجات على حرف العين .... راح واحد خبط لهم الباب ...وسالهم يعني تقصدو شنو...