فى أمريكا : االمرأة السودانية تدخل فى متاهات إقتصادية ثقافية خانقة ولا تهتدى إلى بر الأمان

تراجعت كثيراً فى هجمتى ضد المرأة السودانية فى المهجر .. ومازلت أفكر فى رأيى حول منعها من السفر وحيدة أمام تحدى فرضته إلىّ الأخوات الدكتور بيان وأمانى وأخريات .. بإن المرأة هى أم وأخت وزوجة ونقدها يجب أن يكون من باب نقد ممارساتنا السودانية فى إطار أشمل من الأشارة بأصابع الأتهام للمرأة وحدها .. ركنت وقلت حمداً .. لكن المرأة السودانية لا تكف أن تتحفنا بما يصك أذاننا فى كل حين ..

ولعل أبسط الأشياء فى سلوك المرأة السودانية هى عدم مواكبتها للحاصل .. فالمرأة السودانية هنا أما تكون عائشة فى أمريكا جسدياً وتمارس حياتها كأنها فى السودان .. الحنة .. والتوب الخموم .. وش الملاح .. والمجاملات التى تثقل كاهل الرجال .. والهدايا والشنط المحنطرة فى الأجازات علماً أن الوضع الأقتصادى دعى حتى الأمريكى صاحب البلد لتغيير سلوكه فى الشراء والمجاملات .. والمرأة السودانية تزداد من فظيع إلى أفظع فى التبجح والشوفونية.

فى هذا الظرف الأقتصادى الحرج ومع تصرف المرأة السودانية اللامبالى .. أكاد أجزم أن نسبة الطلاق والخلافات وأنفصال الزوجين أو طرد المرأة لزوجها كلو كلو (مش الراجل يطرد المرأة .. أنقلبت الصورة رأساً على عقب) من المنزل فى أمريكا وسط السودانيات قد يفوق أىّ تصور وأىّ دراسات مقارنة بين ماضى السودانين وحاضرهم فى الولايات المتحدة ..

ولعل من غرابة الأشياء أن المرأة السودانية لا ترى نسبية حضورها لأمريكا ومستوى متاع منزلها أو زينتها أو لباسها .. فإذا حضرت سودانية اليوم من السودان وذهبت منزل سودانى عائش فى أمريكا ثلاثون عاماً تلزم الزوج أن يكن منزلها مثل منزله .. على سبيل المثال لا الحصر .. والمرأة السودانية لم تفهم لماذا بنى النظام الرسمالى وماهو الغرض من وجودها فى أمريكا .. يعنى موازنة الأدخار والأستهلاك مختلة تماماً بفعل المرأة وليس الرجل بالنسبة لسودانييى أمريكا.

قصدى من هذا البوست هو طرح حوار مع المرأة السودانية فى أىّ مكان .. ما هو الحل فى هذا الزمن الأقتصادى الردئ؟

وحسب مقاربتى ما بين سلوك المرأة السودانية الأقتصادى والأمريكية .. فإنه يتوجب أن يفقدن حوالى 90% أو أكثر من السودانيات حياتهن الزوجية بسبب تصرفهن الأقتصادى الطائش بمواصفات الرجل الأمريكى .. هذا الرقم من مقاربتى لوضع المرأة الأمريكية والسودانية الأقتصادى.

بريمة

سلامات يا بريمة

المشكلة يا بريمة برضو في الرجل السوداني
وطريقة الاسرة السودانية في الاعتامد اقتصاديا على انسان واحد
يجد نفسه بين مطرقة عمل الواجب والفضل حيث الامور ملخبة جدا
في ذهنية الرجل السوداني.. الرجل مسؤوليته التي يساله الله منها يوم القيامة هي امه ابوه زوجته اطفاله.وهؤلاء الصرف عليهم واجب
ولكن الرجل السوداني يقوم بصرف الفضل و ينسى الواجب..
عشان كدا يخلق الصراع بين الاسرة الصغيرة والكبيرة
وتبدا الزوجة في تبني عقلية استهلاكية انتقامية
حيث ترى حقها وحق اولادها مشتت ساي..


عشا كدا يا بريمة الموضوع ما امريكا ولا في السودان
يجب ان تضع الحروب اوزراها بين الاسرة الصغيرة والكبيرة تترسم الحدود
وكل زول يعرف حقو وين
بعداك بتغير الاتتيود تجاه الصرف والاقتصاد الذي هو مشكلة الطلاق الاولى
في السودان..

بعدين مشاكل الطلاق والطرد من البيت في امريكاكولها تقريبا بسبب عنف الزوج
ساقو بنات الناس وانفردو بيهم يدفنوا خيباتهم واحبطاتهم بالتعدي عليهن جسديا....
بعد ان وصلوا امريكا وعرفوا انهم طاروا وقبضوا الريح..

والله موضوع جدير بالمناقشة ....

لدى تجربة شخصية فى فشل زيجة سابقة فى أمريكا بسبب الضغوط الإقتصادية (ما كان فى عنف جسدى يا دكتورة نجاة) وانتهت بطردى من البيت كما تجرى العادة هنا ... واعتقد أنه حلّ موضوعى ... إذ يستحيل تساكن شخصين فى حالة خلاف ونزاع قد يؤدى إلى عنف جسدى ... ولا يجوز خروج امرأة بطفلها بسبب مثل هذه الخلافات ... خصوصاً إن لم يكن لديها مكان تتجه إليه ... ورغم تضررى السابق من هذا القانون ولكننى اعتقد أنه يخدم مصلحة المرأة والأطفال وأؤيّده بشدة .... وعليه أرجو ألاّ تأخذ تفصيلة إخراج المرأة للرجل من البيت منحى نقد للمرأة بأن شوكتها قويت فاستأسدت على الرجل أو نقد للرجل بالإتهام ظلماً بالإعتداء الجسدى ... هو جزء من الإختلافات بين التركيبة الإجتماعية والإقتصادية والقانونية الأمريكية مقابل التركيبة السودانية ... حتى أن قانوناً مصرياً مستحدثاً ينص على أن "الشقة من حق الزوجة" لضرورات اقتصادية وقانونية مشابهة ...


عموماً ... الموضوع جدير بالنظر من عدة مناحى ...





... المهم ...

الكلام دا جايبو من وين يا بريمة الواحد يسمع قصة قصتين يجي يعمم
Please prove it with statistics

Quote: وانتهت بطردى من البيت كما تجرى العادة هنا

سلامات يا تبارك

ان يقضي القاضي بخروج الزوج من بيت الزوجية يختلف منانيطرد الزوج بالبوليس
ويضع القاضي امر بعدم التعرض للاسرة او الحضور الى البيتRestraining Order
ودا الانا بقصدو لانه دا الحكم الذي ياتي بعد اثبات العنف المنزلي
والذي يمارسه عدد مقدر من الرجال السودانين في الغرب
وللاسف اعرف عدد من الاسر تعرضن بناتهن لمثل هذا العنف..
من ازواجهن والان الازواج ممنوعين من دخول البيت بالبوليس

عشان كدا بريمة لازم يحدد الحاجات البطردو بيها الرجال من البيت
وياريتيوم ما يكون عندنا حركة نسوية قوية تقدر تطلع قانون البيت من حق الزوجة
والخفيف يرحل

العبار بريمة.

نصيحتي لك أن تحاول تخرج من الميحط الضيق الذي تعيش فيه هذا.

يا بريمة المرأة السودانية البتقول عليها "فاشلة إقتصاديا دي وصلت الى أعلى المناصب في وزارة الخزانة الامريكية (المالية) وهنالك أمثلة كثيرة أنا أشاهدها بشكل مستمر عن نجاحات السودانيات بأمريكا. وطبعا كلمة نجاح أنا أقصد بها نجاح مهني ونجاح كزوجة. بريمة بطل عبابير يوم السبت.

Quote: بريمة بطل عبابير يوم السبت

لو قالو ليهو شتت من البيت
خليهو يخمَس معاك يا دينق
العشرة مابتهون

_
سلام يابريمة

Quote: يا بريمة المرأة السودانية البتقول عليها "فاشلة إقتصاديا دي وصلت الى أعلى المناصب في وزارة الخزانة الامريكية (المالية) وهنالك أمثلة كثيرة أنا أشاهدها بشكل مستمر عن نجاحات السودانيات بأمريكا. وطبعا كلمة نجاح أنا أقصد بها نجاح مهني ونجاح كزوجة. بريمة بطل عبابير يوم السبت.

طيب ما العلاقة بين وصول المرأة السودانية لمنصب وزارة الخزانة الأمريكية (المالية) نتاج تفوق أكاديمي وبين سلوك نسائي محض يبحث عن الترف وتحقيقه بأي صورة داخل محيط أسرته وإن كان لا يملك من الامكانيات التي تؤهله لذلك - نعم هذه الظاهرة لدى نساء السودان موجودة "بيتنا لازم يكون زي بيت فلان وعلان وغيرها من عادات سيئة ترتبط بالافراح والأتراح وغيرها ... يا أخي بيت البكا بقى عنده ثوب مخصص وحنة كمان مخصصة ... والصرف البزخي في الاعراس فاق صرف كل الدول... هذا لا يعني أن هنالك فئة من النساء متفهمة وواعية وتحسب خطاها جيدا ... وتتصرف وفق حدود إمكانياتها لكن الصفة العظمى على خطى ما ذكره بريمة ... ولا بد من التفريق بين سلوك إجتماعي إن جاز التعبير وتفوق أكاديمي .... آها عبارك بتاع يوم السبت كان بقدر خمج المرأة السودانية ولا شنو ...

.. بريمة سأعود للمداخلة إن شاء الله

بريمه سلام

لا اعرف اي نوع من السودانيات تخالط انت و اسرتك و لا اي سودانيات تعاشرون. اذا كنت تقصد الشريحه اللي جات من السودان و ساكنه في السكن المدعوم او المجاني و عايشه على شيكات الحكومه كل اسبوع و لبن و بيض الويك, فانا برضه ما بلوم الشريحه دي لانه الرجال جابوهم من السودان و عرفوهم دروب مكاتب الويلفير و طالما الحكومه بتصرف و انتي بتحملي و تولدي كل يوم و عندك دخل ثابت و علاج مجان في الكلينك ليه ما تقعد تتحنن و تخمهم في ثوبها؟؟ و في الحاله دي الراجل هو العاوز كده, لاحظ ان الشريحه دي بتحب تتزوج دايما من البلد او الحلال او القرى عشان المره تكون مقفله و ما عارفه اي حاجه و الراجل يبرمجها على كيف و دي كيفه انه يعتمد على الحكومه في الصرف على زوجته و اولاده. اما غير الشريحه دي فتعال شوف التعليم و الرقي و مساندة الزوج و المشاركه في دفع مصار يف البيت و المورقج كمان. الظاهر انك ما مختلط غير بشريحه معينه و دي المشكله, حاول تطلع من حلتكم شويه و تشوف الناس عايشه كيف و وين و المراه السودانيه وصلت وين.

تمشوا السودان تختاروا بنات ما بيقدروا يعيشوا بره حلتهم في القرى و الارياف و الخرطوم بالنسبه ليهم ترانزيت و تجيبوهم امريكاو تطلبوا منهم انهم يكونوا زي الامريكيات. عاوزينهم مغمضات زي بنات القرى زمان و جاهلات ما بيعرفوا لغه و ما بيعرفوا الدروب و في نفس الوقت عاوزنها امريكيه تشاركك الصرف و تتحمل معاك المسؤوليه و ثاني تتحنن و تتدخن و لو حصلت مشكله تقطعها في حنانها و لو دقيتها ما تجيل ليك البوليس و تاكل جلدتها و تنوم, شي غريب. واحده كده مقفوله و ما متعلمه و ما طلعت من قريتها حتتوقع منها شنو؟؟ انها تقعد كل يوم تعمل ليك الشك بالانس بتاع البنك و لا توريك تشتري ياتوا اسهم في البورصه؟؟؟ ياها بتتحنن و تخمخم توبهاو تتبوبر لانه اصلا ما مفروض نطلب منها اكثر من كده لانها اتربت في بيت اهلها انه دي شغلتها و تحمل و تولد و الزوج اختارها عشان هي متربيه كده لكن لمن تجيه الفواتر عاوزها تتحول بكبسة زر لامراه عصريه امريكيه. عشان ما في زول يفهم غلط انا لا اعيب في بنت الاقاليم ولا بنت القريه و لكن اعيب الرجل البيختار غلط و يجيب زوجته في بيئه ما بيئتها و يتوقع منها تتغير في يوم و ليله و لاحظوا تتغير في حاجات معينه بتصب في مصلحته هو زي تصرف معاه و ما تصر فه كثير,

افتكر لو الرجل السوداني بيختار الزوجه على اسس سليمه ما كان في مشاكل و لا بواليس و لا غيره لكن للاسف مقاييس كلها غلط و لو خلى بنت الناس البيسطه دي الماطلعت من قريتها كان ممكن تلقى ليها واحد تفكيره زيها و مقتنع بيها,

السؤال الثاني هل انت سالت النساء الانت بتتكلم عنهم ديل رايهم شنو في الرجل السوداني و تصرفاته و هل هم سعيدين معاه ولا لا.؟؟؟ على فكره انا شفت بنات سودانيات كتير اصيبوا بامراض نفسيه و عقليه نتيجه معاملات الازواج ليهم و الضغوط في الغربه و الصدمه البتحصل لمن توصل هنا و تكتشف انها لازم تعيش على الحكومه لانه الراجل ما قادر يعيشها و ده ما عيب لانه الرزق على الله او لانه بكل بساطه ما عايز يعيشها طالما العم سام ممكن يعيشها. و ده العيب هنا

المراه السودانيه و الشريحه الانت بتتكلم عنها بالذات مظلومه و مقهوره و التحيه لكل نساء بلادي.

هل تتحدث عن دراسة أجريتها وخلصت من خلالها إلى نتائج تسندها نسب وأرقام، أم انك تتحدث عن تجارب الدائرة الضيقة لمعارفك؟
إذا أجريت دراسة وبحث حول هذا الموضوع حول المرأة السودانية في الولايات المتحدة، فإنه مجهود عظيم ومقدّر وبحث غير مسبوق تُشكر عليه، وأرجو تعميم الفائدة ونشر الدراسة علينا هنا حتى نلقى نظرة على مختلف التفاصيل. اما إذا كنت تتحدث عن تجارب الدائرة الضيقة لمعارفك (وهؤلاء لا يمكن أن نطلق عليهم "سوادنيي أمريكا)، فإن ما كتبته أعلاه لا يعتبر أكثر من مجرد تعميم فارغ وسطحي.

سلامات د. نجاة
الأخ تبارك، عثمان، العبار دينق، دانيا وعادل

وكل قراءنا الكرام ..

أولاً نبدأ بحكاية طرد الراجل من المنزل .. فى حوالى عام 2000م لأول مرة أسمع أن زوج تم طرده من منزلة .. وقررت أن أبحث الأمر بنفسى بصورة شخصية بعيدة عن الأضواء لمجرد العلم بالشيئ .. وكنت والله لم يخطر ببالى أبداً أن حواء السودانية الأمريكية قد تبدلت بهذه الصورة ولم أضع سوءاً ناحية المرأة عامة .. معروف عن الرجل السودانى له كثير من البلاوى العنترية .. وجدت أن الرجل تم ضربه بواسطة المرأة ووالدتها ضرب غرائب الإبل وتم إبلاغ البوليس بأنه هو المعتدى وتم إبعاده من المنزل .. لم يدم طويلاً حتى عاد الرجل ويحمل عكاز ودق المرأة دق العيش .. وتم إيداعه السجن .. قررت أن الحالة منفردة ولا تصلح طرحها حتى فى مجالها كحادث أجتماعى .. فهى لا تشبهنا كرجال أو نساء سودانين .. لكن وللأسف وهذه حقيقة لا ينكرها أحد والأستاذ تبارك أشار إلى ما حدث له شخصياً، أن أعداد الرجال المطرودين من أسرهم ليس قليل .. والظاهرة فى تنامى مسطرد ..

وهذه الظاهرة لم أسمع لها مثيل فى كل مكان أخر .. وأظنها خاصة بنا هنا فى أمريكا .. كما إننى لم أسمع برجل طرد زوجته فهى مشرده تحوم الطرقات .. فقط الأمر من نصيب الرجال .. وتقوت المرأة السودانية بالقانون الأمريكى وأصبحت تحاصر الرجل فى أقرب مضب .. ويمكن أن تتهمه بالأنتهاكات .. وهى مصدّقة من قبل القضاء والقانون لأنها أمرأة.

ومن يريد إغفال الظاهرة يمكنه أن يفعل ومن يريد حلها لن يستطيع لأنها تتكئ فى أخر أمرها إلى جذور إقتصادية .. وأنا هنا أقول يجب أن تكون المرأة الفاهمة التى تحدث عنها دينق أو دانيا .. ومنظمات المرأة أن يقومن بتنوير المرأة .. حتى لا تركب مركب على الله الثقافية فى أمريكا بدون هدى.

بريمة

بخصوص حديث د. نجاة حول تحديد من الجانى والسبب فى الطرد هل هو الرجل أم المرأة؟ لا أدرى من يكون السبب ولكن الخلاصة تنتهى بطرد الرجل ومنعه من الأطفال .. وتقوم المرأة بتبنى الأطفال .. فيصير موقفها من سيئ إلى أسوء .. لأنها تواجه مصيرها منفردة ..

وكما يقولون ضل الراجل ولا ضل الحيطة ..

بريمة

الأخت دانيا
تحية طيبة
حديثك فيه تجريح للمرأة الريفية والأسر ذات الدخل المحدود .. فإن وجدت المشكلة بينهم .. برضهم سودانيون ويجب الأهتمام بهم .. ولكن وللأسف المشكلة فى كل الطبقات الأجتماعية كلها .. وخليها مستوردة فى حدود العام .. حتى نشارك الجميع فيما نراه ونسمع به ..

فى وجهة نظرى .. أن المرأة الريفية أحسن حالاً بكثير من المرأة التى تعتبر نفسها طبقة إجتماعية عليا لأنه كما معروف أن الأقليميات يهتدين برأى الرجل ويستجبن لرغباته فى قيادة دفة الأسرة فى الناحية الأقتصادية .. شعرت إنك تحاولين طرح القضية فى أطار إجتماعى طبقى .. طبقة كادحة، طبقة متوسطة وطبقة عليا .. ولكن للأسف النظام الأجتماعى كما هو موجود سابقاً فى السودان غير موجود فى المهاجر إلا فى حالات قليلة.

بريمة

الحبوب حيدر حسن على

Quote: لو قالو ليهو شتت من البيت خليهو يخمَس معاك يا دينق العشرة مابتهون _ سلام يابريمة

يا أخى، حرام تودينى للعبار .. ح أنوم كيف من العابير.


بريمة

الاخ بريمة

الموضوع زى ماذكر تبارك مهم وفى ظواهر ينبغى مناقشتها ولكن الى ان اعود بوجهة نظرى ارجو الاجابة على سؤال الاخ
على لانو مهم على الاقل اعرف مدخلى للحوار معاك

Quote: هل تتحدث عن دراسة أجريتها وخلصت من خلالها إلى نتائج تسندها نسب وأرقام، أم انك تتحدث عن تجارب الدائرة الضيقة لمعارفك؟ إذا أجريت دراسة وبحث حول هذا الموضوع حول المرأة السودانية في الولايات المتحدة، فإنه مجهود عظيم ومقدّر وبحث غير مسبوق تُشكر عليه، وأرجو تعميم الفائدة ونشر الدراسة علينا هنا حتى نلقى نظرة على مختلف التفاصيل. اما إذا كنت تتحدث عن تجارب الدائرة الضيقة لمعارفك (وهؤلاء لا يمكن أن نطلق عليهم "سوادنيي أمريكا)،

مع احترامى

Quote: المراه السودانيه و الشريحه الانت بتتكلم عنها بالذات مظلومه و مقهوره و التحيه لكل نساء بلادي.

اتفق مع الاستاذة

تخيل دكتور ... سايق تاكسي

أو مهندس ... يوزع بيتزا

أو جيلوجي ... شغال خفير (Security) في موقع

منهم من هو مفصول تعسفياً من العمل لمجرد افكاره السياسية
التي لا تتفق مع النظام الحاكم

و منهم ال ما عنده واسطة لوظيفة محددة هو مؤهل لها و يمكن ان
يبدع فيهاو تذهب الوظيفة لشخص ليس له مؤهلات اكاديمة لها مش مؤهلات
اقل, مؤهلات مافي تماماً

المهاجرين الجدد اي بعد 1990 يمضغون الحسرة
علي وضعهم هنا لانهم غير مستطيعين للتأقلم علي النظام الغربي
بكل تفاصيلة الحياتية العاديه جداً هنا(لا أعمم هنا
منهم من تأقلم بنسب متفاوته و لكن النسبة ضعيفة)

و منهم...و منهم...و منهم خليها مستورة
اتمني أن يأخذ النقاش في هذا البوست منحي علمي
بعيداً عن الاسفاف و عدم الموضوعية و لي عودة اكيد
اذا كان الوضع كذلك

Quote: وجدت أن الرجل تم ضربه بواسطة المرأة ووالدتها ضرب غرائب الإبل وتم إبلاغ البوليس بأنه هو المعتدى وتم إبعاده من المنزل .. لم يدم طويلاً حتى عاد الرجل ويحمل عكاز ودق المرأة دق العيش .. وتم إيداعه السجن

بريمة أنت عايش في فيرجينيا ولا في الانادي؟

دانيا المكي.

والله لقيتك خطيرة جدا وملمة بكل التفاصيل.

للأسف الشديد كل ما زكريته صحيح.

والشريحة التي تتحدثين عنها أعتقد أنها نفس الشريحة التي يتحدث عنها بريمة. وهي منغلقة على نفسها.

Quote: طيب ما العلاقة بين وصول المرأة السودانية لمنصب وزارة الخزانة الأمريكية (المالية) نتاج تفوق أكاديمي وبين سلوك نسائي محض يبحث عن الترف وتحقيقه بأي صورة داخل محيط أسرته وإن كان لا يملك من الامكانيات التي تؤهله لذلك - نعم هذه الظاهرة لدى نساء السودان موجودة "بيتنا لازم يكون زي بيت فلان وعلان وغيرها من عادات سيئة ترتبط بالافراح والأتراح وغيرها ... يا أخي بيت البكا بقى عنده ثوب مخصص وحنة كمان مخصصة ... والصرف البزخي في الاعراس فاق صرف كل الدول... هذا لا يعني أن هنالك فئة من النساء متفهمة وواعية وتحسب خطاها جيدا ... وتتصرف وفق حدود إمكانياتها لكن الصفة العظمى على خطى ما ذكره بريمة ... ولا بد من التفريق بين سلوك إجتماعي إن جاز التعبير وتفوق أكاديمي .... آها عبارك بتاع يوم السبت كان بقدر خمج المرأة السودانية ولا شنو ...

لأنوا بكل بساطة عنوان البوست هو "في أمريكا" وأي سيدة سودانية عاملة في أمريكا ما عندها وقت للكلام الكاتبوا أنت فوق ده.
لو أنت ما عايش في أمريكا حاول أن تستمع الى وجهات نظر الذين يعيشون في أمريكا لكي تفهم الموضوع بتعقيداته المختلفة.

Quote: لاحظ ان الشريحه دي بتحب تتزوج دايما من البلد او الحلال او القرى عشان المره تكون مقفله و ما عارفه اي حاجه و الراجل يبرمجها على كيف و دي كيفه انه يعتمد على الحكومه في الصرف على زوجته و اولاده. اما غير الشريحه دي فتعال شوف التعليم و الرقي و مساندة الزوج و المشاركه في دفع مصار يف البيت و المورقج كمان. الظاهر انك ما مختلط غير بشريحه معينه و دي المشكله, حاول تطلع من حلتكم شويه و تشوف الناس عايشه كيف و وين و المراه السودانيه وصلت وين. تمشوا السودان تختاروا بنات ما بيقدروا يعيشوا بره حلتهم في القرى و الارياف و الخرطوم بالنسبه ليهم ترانزيت و تجيبوهم امريكاو تطلبوا منهم انهم يكونوا زي الامريكيات. عاوزينهم مغمضات زي بنات القرى زمان و جاهلات ما بيعرفوا لغه و ما بيعرفوا الدروب

غايتو الكلام الفوق ده اكبر دليل علي تجني المرأه علي اختها المرأه ...الطبقيه ومحاولة (عفيص )الكلام علي الطريقه السودانيه بتاعة الصوالين والتكبر الاجوف ظاهر وريحتو مارقه ...

يا سيده دانيه المكي المراه الريفيه بتاعة الفرقان والحلال البتتجني عليها هنا من اكثر شرائح المجتمع طموحا ان اتيحت لهن الفرص .. لا اعرف اميركا ولا او معرفة الكثير عنها لانها لا تروق لي ولا تروق لاطفالي الذين زاروها عدة مرات ...ولكنني اتحدث عن بريطانيا التي عشت فيها قبل ان يكون عندي شنب ...فهنا المرأه السودانيه المنحدره من الريف لها اسهاماتها علي الصعيدين الاسري والمجتمعي ...


ويا سيده دانيه المكي اذا انت عاجباك خرطوميتك وتعاليها الاجوف تذكري بان هناك من يزالون يعتزون بمياه الحفائر والجروف والشادوف وخيامهم وبيوت الطين لان من هناك يستمدون الطموح والقوه والصبر والاراده...

بريمه سلام


كنت متأكده انك ما حتفهم كلامي و حتفهمه انه ظلم للمراه الريفيه او ذات الدخل المتوسط,

للمره الثانيه انا بقصد الرجل البيتزوج واحده من بيئه ريفيه او انسانه غير متعلمه و واعيه وهو قاصد يتزوج كده عشان لمن يجيبها امريكا ما تكون مفتحه و عارفه القانون عشان يعرف يسيطر عليها كويس و لمن يضربها و يهينها ما تعرف تضرب البوليس و تدافع عن نفسها, او تكون مغمضه و ما تعرف درب المولات ولا الاسواق عشان ما تصرف سعادته و تكتفي بالبجيبه ليها. ثاني حاجه انا ما بتكلم عن الاسر المستحقه فعلا للاعانه الحكوميه, لكن بتكلم على الناس اللي بتعيش على الاعانه الحكوميه لانها عاوزه كده و ما عاوزه تعترف بدخلها الحقيقي عشان تستفيد من الايجار المدعوم و انت عارف و متأكد انه 50 في الميه من السودانيين الفي السكن المدعوم لا يستحقونه قانونا لكن حصلوا عليه بطرق ملتويه و منها انه الراجل يخلي زوجته تتدعي انها منفصله عن زوجها و انها ما عارفاه وين عشان تقدر تاخد اعانه. برامج الاعانه دي موجوده لمساعدة الناس المستحقه فعلا و لفتره محدوده كان تمر بضائقه ماليه نتيجة مرض, او تفقد عملك, ما عشان تعيش عليها و تولد 5 اطفال و اطفالك يتربوا فيها طول عمرهم, و على فكره كل الدراسات الامريكيه بتواكد ان الاطفال اللي اتبروا في اسر عايشه على الحكومه (من غير ما تكون مستحقه) الاطفال ديل نفسهم بعدين اسرهم بتكون عايشه على الحكومه لانهم اتعودوا يشوفوا اهلهم بيكضبوا و يخفوا دخلهم و امهاتهم ما شغالات عشان لو اشتغلت طبعا الحكومه حتعرف و تشيل البيت او توقف الاعانات.

انت ما شايف انه كلامك فيه تجني على المراه السودانيه عامة؟؟؟؟

ثاني حاجه طالما الراجل السوداني مشهور بعنترياته من زمان ما تفتكر انه جاء الوقت انه العنتريات دي تقيف؟؟ و الحمدلله انه في قانون قادر يوقف العنتريات دي؟ سبحان الله يعني انتوا عايزين يعتدي على زوجته و يقرفها في عيشتها و تخليه و تسحتمله بس لانها سودانيه و السودانيه ما مفروض تجيب لراجلها البوليس حتى لو اتسبب في موتها؟؟ لانها عيب؟؟؟

ثاني حاجه انت اشرت لانه ما سمعت بانه في راجل سوداني طرد زوجته في الشارع, و ده ما عشان الراجل السوداني خلاص مكمل الظرافه ( ما بعمم لكن بتكلم عن الناس ديل البتحصل بينهم مشاكل و ضرب و غيره) لكن السبب انه القانون بينصف المراه و خصوصا لو كانت حاضن لاطفال و افتكر حتى في الدين لو زوجتك حاضن مفروض توفر ليها سكن و نفقه للاولاد في حالة الانفصال.

المشكله يا بريمه مره ثانيه انه اختيار شريك و شريكة الحياة صعب جدا عموما و اكثر صعوبه للمهاجرين, من الظلم ان تختار زوجتك بمواصفات المراه السودانيه الخاضعه ( ما المره القويه زي ما بيطلقوا عليها او القاهر) و تطلب منها تكون مغمضه و ست بيت و عينها مكسوره و ما بتعرف تمشي و لا تجي و على فكره كثير من الشباب السودانينن هنا دي فكرتهم انها لو مفتحه حتتعبك و تعرف الدروب, لكن جيب ليك واحده ما عارفه حاجه و اقفلها في شقه, هل دي حتشتغل او تساعدك او تبني معاك مستقبل؟؟ ما عشان نقص فيها لكن عشان انت ما عاوزها تعرف العالم الحواليها. انت كرجل مسوؤول عن نجاح زوجتك او فشلها في امريكا, لو ساعدتها انها تتعلم لغه, او انها تطلع و تشتغل انشاء الله في برجر كنج تمسح ترابيز في البدايه اكيد حتتاقلم مع البيئه الجديده و حتخش السستم و خششان السستم ده ليه عوده. و اكيد حتطور نفسها و اسرتها, لكن لمن تقفلها في شقه و انت شغال طوال النهار حتعمل هي شنو غير انها تتحنن و تمشي لفلانه و علانه و و تخمخم توبها؟؟ انت طالما عاوزها كده ما تمشي تعيش معاها في بيئتها عشان ما تكون ظلمتها بانها عايشه في امريكا بس جسد لكن كل تفكيرها و برمجة مخها في السودان. ما تفتكر اني من المنشيه مثلا او من اصول ارستقراطيه, انا اهلي من بيئه ريفيه لكن والدتي قدرت تتاقلم انها تعيش في اي مكان في العالم لانه الوالد ما قفلها و ما كان تفكيره محدود و عاوزها بس مرة بيت محننه و ما تعرف حاجه عن العالم بره,

أختيار الزوجه المناسبه هو اهم شئ في الموضوع و لو عازم بنت من الريف و جبتها امريكا خليها تتعلم و تشوف الحوليها و تطلع للمجتمع و تشتغل عشان تفيد نفسها و تفيدك و لو عاوزه تقعد في البيت بس و تقفلها و تتحنن اليوم كله و ما ليها علاقه باي حاجه يبقى ما تنقدها و خليها كده في حالها لانه انت برمجتها على كده. و لي عوده

السنوسي سلام

للاسف ما فهمت كلامي برضه و لا اتجنى على المراه الريفيه الانا منها, و على فكره انا نفسي وردت الحفير و جبت المويه و لي عوده.

Quote: للاسف ما فهمت كلامي برضه و لا اتجنى على المراه الريفيه الانا منها, و على فكره انا نفسي وردت الحفير و جبت المويه و لي عوده.

يا سيده دانيه ...كثيرين اتوا من الريف وتعالي بعضهم علي من هم في الريف ...كلامك المكتوب اعلاه صياغته تنم عن تعالي مبطن تجاه المراه في الريف ... وبعدين كلامك ايضا يناقض بعضه فالمراه في الريف تربت علي مساعدة زوجها واسرتها سواء كان ذلك في الحقل او المرعي ....ومن متين المرأه في الريف عندها زمن عشان تقعد تتحنن او (تتخمخم) بتيابها...

يالسنوسي انت لو قريت كلامي كويس حتفهم اني بقصد انه الراجل هو العاوزها تبقى كده و رغم ذلك بينتقدها, ما تخمخم ثيابها لو عاوزه, كلنا لو لقينا طريقه نخمخم ثيابنا و نتحنن و نشرب قهوة الضحى ما بناباها لكن ما تنتقدونا و عاوزننا نقيف معاكم اقتصاديا و انتوا عاوزننا كده,

ما عارفه يمكن انا فعلا التعبير خانني

Quote: يالسنوسي انت لو قريت كلامي كويس حتفهم اني بقصد انه الراجل هو العاوزها تبقى كده و رغم ذلك بينتقدها, ما تخمخم ثيابها لو عاوزه, كلنا لو لقينا طريقه نخمخم ثيابنا و نتحنن و نشرب قهوة الضحى ما بناباها لكن ما تنتقدونا و عاوزننا نقيف معاكم اقتصاديا و انتوا عاوزننا كده

يا سيده دانيه ...موضوع الاخ بريمه شائك ويمكن رؤيته من عدة جوانب نختلف فيها او نتفق بمعطيات الهجره والثقافه الجديده لسودانيي اميركا ...

لكن ما دفعني للتداخل هنا هو الاقتباس المشار والوارد في ردك اعلاه ... وهو تحميل المرأه الريفيه كل اخفاقات سودانيي الشتات با ميركا من المهاجرين ..


المساله يمكن تناولها بعيد عن الطبقيه وان المرأه الريفيه هي امرأه جاهله ومسئوله عن اخفاقات زوجها وانها عدوه للتطور ...

عزيزي بدر

بالامكان اختصار عدم الوصول لرأي حول خلافك مع الاخت دانية في قولها:

Quote: ما عارفه يمكن انا فعلا التعبير خانني

اعتقد هي اشارت في اول طرح لها انها لاتسيئ لمن عنتهن بالريفيات

احترامي ليكم الاثنين

Quote: تمشوا السودان تختاروا بنات ما بيقدروا يعيشوا بره حلتهم في القرى و الارياف و الخرطوم بالنسبه ليهم ترانزيت و تجيبوهم امريكا...

كلام عجيب إن لم يكن استكبار وكيل بمكيالين..
يا الله دي جندرة شنو دي

الاخ عثمان تحيه طيبه


كان المفروض تركز في باقي الجمله, انا قاصده انه بيطلعوهم من بيئتهم و يختوهم في بيئه غريبه عليهم و يقفلوهم و ما يساعدوهم يندمجوا في المجتمع و في نفس الوقت ينتقدوهم.

يعني مثلها مثل السوداني لمن يتزوج خواجيه (بتكلم عن ايام زمان ) و يوديها السودان بيئه مختلفه و عادات غريبه و دين غريب عليها و عاوزها تكون زي الزوجه السودانيه و في النهايه مشاكل و هو ما ساعدها في الفتره بتاعت الترازشن,

الاخ الحبيب حيدر لك التحيه والاحترام ..

Quote: عزيزي بدر بالامكان اختصار عدم الوصول لرأي حول خلافك مع الاخت دانية في قولها: Quote: Quote: ما عارفه يمكن انا فعلا التعبير خانني اعتقد هي اشارت في اول طرح لها انها لاتسيئ لمن عنتهن بالريفيات احترامي ليكم الاثنين

قطعا الاخت والزميله دانيه ممن لا يفقدون احترامي وتقديري ... لانها لها اراء مميزه

شكراً د. أشراقة والأخ عادل

على سؤالكم عن هل الموضوع ورقة علمية أو هو رأى .. الموضوع ليس ورقة علمية بل تجارب ومشاهدات عن ظواهر عامة .. ما تفتكروا أن ظاهرة طرد الرجل ظاهرة مخفية .. كلنا يمكن يحصل لنا ما حصل للأخ تبارك .. وللذين لا يعرفون تبارك .. إنه رجل مكانته الأجتماعية تعانق عنان السماء .. فظاهرة طرد الرجال موجود .. ونحن هنا حديثنا من باب فتح أذان الناس للأنتباه للظاهرة ..

دانيا تحدثت عن ظاهرة مشابه وهى وصلت بالمرأة السودانية أن تقول هى إمراة وحيدة single mother وكثير جداً ويتم طرد الرجل فى هذه الحالة بأتفاق الزوجة والزوج .. أبعاد بالتراضى .. والراجل يجئ ويدخل البيت متخفياً أو ينتحل أسم أخر .. وهذه ظاهرة إقتصادية بحته .. وإن كان كل الظواهر الأقتصادية أيضاً تؤول إلى ظواهر إجتماعية.

المشكلة المحيرة كيف يصل بالمرأة السودانية هنا الجرأة بطرد شريك حياتها بمجرد ضيق أقتصادى أو غيره ..

بخصوص عدم مواكبة المرأة للوضع الأقتصادى يفكى أن تسأل السودانين الذين يعملون فى المطارات فى أمريكا .. هناك معدلات خرافية فى عدد حقائب العائدين .. تصل إلى 12 حقيبة .. ويكلف الترحيل أكثر من سعر الشنط فى السودان .. ولمجرد الشوفونية تصر المرأة أن الحاجات والهدايا لازم تذهب معها من أمريكا .. وما يقبلن حتى المساومة أن تشترى لها هداياها من سوريا أو لبناء فى أثناء طريق عوديتها .. والوضع الراهن تغلى منه مصارين الرجال ..

يا دكتورة إشراقة .. البحث يبدأ بالملاحظات .. Observations ثم يتطور تجربة علمية .. وهذه المشاهدات بطرد الرجال يمكن توثيقها والأسباب التى من خلفها .. لكن الظاهرة لا يمكن إنكارها ..


تحياتى

بريمة

دانيا

بخصوص حديثك عن مواصفات إختيار الزوجة أراه يحمل نظرة موضوعية .. ولكن المشكلة إن التجربة الأنسانية فى الحب لا يمكن إخضاعها للمعايير .. مثل المعايير الأقتصادية .. وقد ناقشت هذا الموضوع موضوع الزواج فى الهجرة مع عدد من الأصدقاء .. وتشير تجاربهم أن أنسب الطرق هو الزواج من السودانيات المقيمات فى البلد المعنى .. فمثلاً فى حوارنا أن المرأة السودانية الأمريكية لا تصلح لرجل فى أوروبا .. لأسباب إجتماعية موضوعية .. إنها تشوف روحها ربما فى وضع أقتصادى أحسن حالاً ..

وبرضو الواحد يقول أن المشاهدات جزء من الحقيقة أن لم تكن حقيقة.

لكن حديثك المرأة الريفية حديث مردود ومازلت على رأيى السابق.

تحياتى

بريمة

أستاذ الصاوى
سلامات

Quote: اتفق مع الاستاذة تخيل دكتور ... سايق تاكسي أو مهندس ... يوزع بيتزا أو جيلوجي ... شغال خفير (Security) في موقع منهم من هو مفصول تعسفياً من العمل لمجرد افكاره السياسية التي لا تتفق مع النظام الحاكم و منهم ال ما عنده واسطة لوظيفة محددة هو مؤهل لها و يمكن ان يبدع فيهاو تذهب الوظيفة لشخص ليس له مؤهلات اكاديمة لها مش مؤهلات اقل, مؤهلات مافي تماماً المهاجرين الجدد اي بعد 1990 يمضغون الحسرة علي وضعهم هنا لانهم غير مستطيعين للتأقلم علي النظام الغربي بكل تفاصيلة الحياتية العاديه جداً هنا(لا أعمم هنا منهم من تأقلم بنسب متفاوته و لكن النسبة ضعيفة) و منهم...و منهم...و منهم خليها مستورة اتمني أن يأخذ النقاش في هذا البوست منحي علمي بعيداً عن الاسفاف و عدم الموضوعية و لي عودة اكيد اذا كان الوضع كذلك

هذا كلام جميل .. ولكن لماذا لا يحصل فى السعودية أو الخليج أو موسكو أو هافانا أو ماليزيا وغيرها على سبيل المثال .. ويحصل فقط فى أمريكا ؟؟

المشكلة أن المرأة تعرفت على القانون الأمريكى وأصبحت تفكر بصورة غير مسبوقة .. ربما بأثر رجعى لما كان عليه حال المرأة السودانية .. وهناك ظواهر غريبة كثيرة .. فكان ديدن الأسرة السودانية أن تذهب للأجاويد والأهل للتدخل فى فض الخلافات .. هنا الأسر أو قل المرأة تذهب إلى إستشاريين فى مجال الأسرة .. ثقافتهم تختلف عن ثقافتنا .. وعلى طول يرون الأسباب التى تحكيها المرأة إنها إنتهاكات لا يمكن السكوت عليها .. والسبب إننا تغيرنا .. مافى زول بسمع لزول .. أو مافى زول عنده الوقت إن يستمع لمشاكل الأخرين .. أىّ زول فى همه ..

خلاصتى أن الركون إلى الوضع الأقتصادى للرجل هو السبب ليس كافى .. ثقافة المرأة تغيرت .. وهناك أكثر من سبب فى تغير ثقافتها.

بريمة

للمره الاخيره و لكل المتداخلين كلامي ما قصدت بيه انقاض للمراة الريفيه اللي انا زيها و انا اصلا من اصول ريفيه, انا بنتقد الرجل البيتزوج من الريف و عاوزها في طباعها ريفيه و في نفس الوقت ينتقدها عشان فاشله اقتصاديه و هو اصلا لمن جابها مجتمع غير مجتمعها ما ساعدها انها تندمج فيه. يعني جابها من الريف ولا من الخرطوم ولا فرانكفورت و قفلها في شقه و خلاص و في نفس الوقت ينتقد فيها, يعني اخترتها بمواصفات حبوبه و امي و عاوزها تكون ليك في امريكا مادلين اولبرايت؟؟ اوكي ما في مشكله المراه السودانيه سوى في الحضر او الريف ممكن تبدع لكن انت كرجل قائد لاسرتك وريها الطريق او اول السلم. انا بتكلم عن نمازج شفتها و الللوم على الرجل, يعني لو انت اتحت ليها فرصة انها تختلط بالمجتمع و تتعلم لغة و تشتغل ما افتكر حيكون ليها وقت انها تتبوبر او عاوزه بيتي زي بيت فلانه.

اعتذاري لكل النساء في يلادي و مش عشاني غلطانه في حقهم لكن ببساطه لانه التعبير خانني و ما قدرت اوصل البوينت بتاعتي.

Quote: للمره الاخيره و لكل المتداخلين كلامي ما قصدت بيه انقاض للمراة الريفيه اللي انا زيها و انا اصلا من اصول ريفيه, انا بنتقد الرجل البيتزوج من الريف و عاوزها في طباعها ريفيه و في نفس الوقت ينتقدها عشان فاشله اقتصاديه و هو اصلا لمن جابها مجتمع غير مجتمعها ما ساعدها انها تندمج فيه. يعني جابها من الريف ولا من الخرطوم ولا فرانكفورت و قفلها في شقه و خلاص و في نفس الوقت ينتقد فيها, يعني اخترتها بمواصفات حبوبه و امي و عاوزها تكون ليك في امريكا مادلين اولبرايت؟؟ اوكي ما في مشكله المراه السودانيه سوى في الحضر او الريف ممكن تبدع لكن انت كرجل قائد لاسرتك وريها الطريق او اول السلم. انا بتكلم عن نمازج شفتها و الللوم على الرجل, يعني لو انت اتحت ليها فرصة انها تختلط بالمجتمع و تتعلم لغة و تشتغل ما افتكر حيكون ليها وقت انها تتبوبر او عاوزه بيتي زي بيت فلانه.

شكرا اختي دانيه للتوضيح ...

نستطيع الان وضع البوست لوضعه الطبيعي ... ويمكن تعميم المشكل باسهام عقلية الرجل السوداني وطريقة تربيته في الاخفاقات العديده المشاهده في سودانيي الشتات ...

Quote: دانيا تحدثت عن ظاهرة مشابه وهى وصلت بالمرأة السودانية أن تقول هى إمراة وحيدة single mother وكثير جداً ويتم طرد الرجل فى هذه الحالة بأتفاق الزوجة والزوج .. أبعاد بالتراضى .. والراجل يجئ ويدخل البيت متخفياً أو ينتحل أسم أخر .. وهذه ظاهرة إقتصادية بحته .. وإن كان كل الظواهر الأقتصادية أيضاً تؤول إلى ظواهر إجتماعية. المشكلة المحيرة كيف يصل بالمرأة السودانية هنا الجرأة بطرد شريك حياتها بمجرد ضيق أقتصادى أو غيره ..

هل انت تتحدث عن المراه اللي قلنا انه بأتفاق مع زوجها بتمشي تتدعي انها سنقل مزر؟؟؟ ولا الزوجه اللي بيحصل بينهم خلاف سواء كان لضايقه ماليه او خلاف زوجي عادي بيوصل للطلاق و انه يطلع من البيت؟؟؟ و ليه انت بتحاول تشوه الصوره الاصليه للوضع ما يمكن هي ما طردته لكن هو طلع من البيت اكراما لزوجته و عشان هي ما تطلع من بيتها زي ما امرنا الدين؟؟؟


موضوع الزواج و الحب ما قلنا فيه كلام و اختيار الشريكه لكن طالما انت اتزوجت انسانه من بيئه معينه يبقى عيش معاها في بيئتها و لو الظروف خلتك تهاجر دوله ثانيه غريبه عليها ساعدها انها تتاقلم علي المجتمع الجديد و منا تقفلها في البيت. او ببساطه امشي مكان ثاني ممكن هي تعيش فيه بحنتها و بوبارها و خمخيم ثوبها الما عاجبك ده, و ما تتجنى عليها بانك تنتقدها يعني لا ترحم ولا تخلي رمحة الله تنزل

فى أول مداخلة لها .. قدمت د. نجاة تصور للحل .. وكذلك أثارة مشكلة أخرى هى أن المرأة تتصرف تصرف إنتقامى من جراء تصرف الرجل وصرفه على أهله .. أنظروا الأتى

Quote: سلامات يا بريمة المشكلة يا بريمة برضو في الرجل السوداني وطريقة الاسرة السودانية في الاعتامد اقتصاديا على انسان واحد يجد نفسه بين مطرقة عمل الواجب والفضل حيث الامور ملخبة جدا في ذهنية الرجل السوداني.. الرجل مسؤوليته التي يساله الله منها يوم القيامة هي امه ابوه زوجته اطفاله.وهؤلاء الصرف عليهم واجب ولكن الرجل السوداني يقوم بصرف الفضل و ينسى الواجب.. عشان كدا يخلق الصراع بين الاسرة الصغيرة والكبيرة وتبدا الزوجة في تبني عقلية استهلاكية انتقامية حيث ترى حقها وحق اولادها مشتت ساي..

وسؤالى أن كان تصرف الرجل غير لائق هل يعنى أن المرأة تتعنتر (من عنتر) وتهلك ما تبقى؟

من منكم يرى أن أيقاف صرف الرجل على غير المسئول منهم يؤدى إلى إيقاف طرد الرجال أو الصرف البزخى للنساء؟ .. أنا شخصياً أعتبر نفسى أسوء رجل .. وفى كثير من الأحيان أدخل فى مزانية الاسرة بمراحل ويتكرر الحدث قبل أن أستطيع ترتيب أمورى الملخبطة أصلاً ..

وإذا دكتورة نجاة تفتكر أن هذه وسيلة للحل .. كيف يكون حالنا مع مسألة الكرم والأيثار وغيرها من صفات الفضيلة التى جبلنا عليها .. أرى أن تغيير موروثنا الأجتماعى الثقافى ليس حل .. الحل ربما برجوع المرأة وإلتزامها بذات الموروث القيمى القديم على علاته .. ما ريكم؟

بريمة

و ليه الرجل ما يتخلى عن عنترياته و يطور افكاره و يعتبر الزوجه شريكه و ليست تابع؟؟ اوكي عاوزها تابع خليك انت سي السيد بكل صفاته وفر ليها كل حاجه و خليها في بيتها تتدلع و تتبوبر على راحتها طالما هي مستحمله عنترياتك, مش تستحمل عنترياتك و في نفس الوقت تكون مكسوره الجناح و ما تكلفك ولا تصرفك.

دانيا

طيب .. أنت ليه تفتكرى أن المرأة من الريف والزوج من المدينة .. ويجب على الزوج مساعدتها لكى تخرج من النمط السودانى .. حتى فى مسألة الطبيخ السودانى (أنا ذكرت وش الملاح) .. مسألة وش الملاح حارقة أكبادى عدييل .. فى جو بارد ولا يستحمل أى دهون أو سكريات إضافية كما يفعل السودانيون فى السودان .. تجد المرأة السودانية فى أمريكا تطبخ كما هى فى السودان .. مع فارق الطقس .. وقيمية الدهون والسكريات التى يناولها الأنسان هنا من الشكلاتات والحلويات والعصاير وغيرها التى تحتم إنقاص أى وش ملاح .. دى مثال ..

ونعود لى الأهم .. أنا والمدام .. حالتنا معكوسة تماماً لما تقولين .. أنا بقارى تب من بادية كردفان .. وأعتقد إعتقاد جازم لا يتزحزح أن حياة الريف هى الأصل والأكثر نقائاً وأن حياة المدينة هى مسخ مشوه .. مع أعتزارى للمدام قبل الأخرين فهى خرطومية المولد والمنشأ والهوى .. ولم تر البادية إلأ وهى رضيعة عمر أقل من عامين ..

من يساعد من فى هذه الحالة ..؟؟ أليس هى يجب أن تساعدنى على حسب طرحك وأنا أنوم (قفى) وأخرخر فى أى حاجة لأنها لم تساعدنى فيها ..!! .. ومن غير شوفونية الرجال أنا مستعد أحضن الأطفال وأقوم بكل الواجب المنزلى حتى الطباخة .. وأنا طباخ ذى العجب وكل يوم أشكل لها الطباخة حسب ما تريد .. وخليها هى تبقى قدر المسئولية الذى أحملها ..؟ وإذا عممنا مثل هذا القول على كل الأسر .. وجلسنا نحن الرجال فى المنزل وتركنا المرأة السودانية تذهب للعمل هل تستطيع أن تحل المشكلة الأقتصادية .. حقتها هى خليك من مشكلة الأسرة والأهل .. يا لهووى يا دانيا من طرحك .. كما يقولون المصريون.

والعجب أن المرأة يكون فى يدها القرش وأنت تكون زول ساكت .. جلابية وسروال كما يقلن .. تضوق المر وتشوف العجب ..

وكما قالت العرب .. أن المرأة خلقت للدعة وهى فى موضع الخصام غير مبين .. (وأقصد بالخصام الوضع الأقتصادى هنا) .. وأنت ذكرت مثل هذا فى مداخلتك الأخيرة .. فكيف نحملوها مالا تطيق!

أفتكر ضاعت عنك مثل هذه الحجة وهى تخل بكل موازيين طرحك.

تحياتى وكثير أحترامى

بريمة

بريمه والله يا لهوي منك انت


انت بتناقش الموضوع من منظور ما يجري داخل بيتك ام المجتمع عموما..؟؟ لو كان من داخل بيتك فيمكنك توجيه هذه الاسئله للمدام. سواء كان الزوج من الريف او الزوجه او الاثنين من استكهولم, انا ناقشت الموضوع من الطرح الانت طرحته و من نماذج كتيره شفناها في المجتمع.\\\



الغالب في المجتع السوداني في امريكا او دول المهجر انه الزوج غالبا ما يكون هاجر قبل الزوجه و قبل الزواج الى وقت قريب لانه زمان ما كانت كل الاسر بتسمح بهجرة البنت من غير زوج او سفرها لوحدها للاغتراب, غالبا بتسافر بعد الزواج و بصحبة الزوج او بتترسل ليه طرد. غالبية الزوجات حضروا هنا بعد الزوج او بصحبة الزوج. غالبا هو بيكون قبلها هنا و بعد سنوات من الهجره و الاغتراب بيرجع البلد و يتزوج

اقبال المرضي احييك و وصلتي نقاط كثيره انا خانني التعبير في توصيلها.

الأخ بريمه وزواره الكرام

تحياتى..

بعتقد إنو المشكله هى ما مشكلة المرأه السودانيه براها..هى مشكله الرجل برضو...

الكل يعانى من صدمه حضاريه فادحه نساءً ورجالاً..
وقد فهمت تماماً ما تقصده الأخت دانيا المكى..
وإن جاء كلامها وكأنه يحمل نبره تعالى لا أظن (وإن بعض الظن إثمُ) أنها تقصدها..
ولكن لأنها تحدثت عن شريحه واحده هن نساء الأقاليم..بدت وكأنها متعاليه...

الرجل السودانى يحب المرأه المحننه المدخنه المدهبه..وبى توب الحرير...وكتابات هذا البورد شاهدى...
سواء أن كان إقليمياً او خرطومياً..او خلافه...
وغالبية الرجال السودانيين حين يأتون إلى أمريكا بدافع الخوف !!!!...يدخلون فى موجه من التمسك
بتراث عفا عليه الدهر فى السودان...وسأبدأ بظواهر تبدو سطحيه...............................
مثل...
نساء كثيرات يأتين من السودان غير محجبات ويتحجبن هنا بضغوط من الزوج..
فى الحفلات النساء فى السودان يشاركن بالرقص..هنا فى غالبية الحفلات الرجال على جانب
والنساء فى الجانب الآخر..وبعد جهد جهيد....يشاركن فى الرقص..
فى السودان البنات فى سن المراهقه والشباب يدخلن فى علاقات عاطفيه بريئه....(؟)
هنا ...بناتنا فى الحفلات لا يستطعن التحدث إلى الأولاد..رغم أنهم يذهبون لنفس المدرسه
ويتحدثون فى المدرسه ويتمازحون....ونرجو وندعو إلى الله أن يكون ما خفى خيراً..


لا أدرى عن أى نسبة طلاق يتحدث الأخ بريمه...
أنا هنا فى فلادلفيا والتى تحتوى على أكثر من ثلاثه الآف سودانى/ه..
وأعتقد بأنى على معرفه بما يحدث فى الجاليه هنا...
أعتقد أن نسبة الطلاق لا تزيد عن الواحد فى الميه
والنسبه فى السودان حسب تقارير المنظمات النسويه...فاقت العشرين فى الميه...!!!!؟؟؟؟



قد أعود
إقبال

دانيا

Quote: بريمه والله يا لهوي منك انت انت بتناقش الموضوع من منظور ما يجري داخل بيتك ام المجتمع عموما..؟؟ لو كان من داخل بيتك فيمكنك توجيه هذه الاسئله للمدام. سواء كان الزوج من الريف او الزوجه او الاثنين من استكهولم, انا ناقشت الموضوع من الطرح الانت طرحته و من نماذج كتيره شفناها في المجتمع.\\\ الغالب في المجتع السوداني في امريكا او دول المهجر انه الزوج غالبا ما يكون هاجر قبل الزوجه و قبل الزواج الى وقت قريب لانه زمان ما كانت كل الاسر بتسمح بهجرة البنت من غير زوج او سفرها لوحدها للاغتراب, غالبا بتسافر بعد الزواج و بصحبة الزوج او بتترسل ليه طرد. غالبية الزوجات حضروا هنا بعد الزوج او بصحبة الزوج. غالبا هو بيكون قبلها هنا و بعد سنوات من الهجره و الاغتراب بيرجع البلد و يتزوج

الغالب أننا هاجرنا حديثاً .. وأغلبنا كان منتزوج قبل الهجرة .. وأغلبنا مستقر عن طريق لجوء سياسى أو غيرو .. وفى هذا يكون الزواج قد تم قبل التفكير فى الهجرة ذاتها .. وتكون الزوجة لحقت بالزوج فى فترة وجيزة .. لأن أعطاء الزوج لجوء يتم فى خلال ثلاثة أشهر .. ويتم أعطاء الزوجة حق الحضور فى نفس يوم أعطاء الزوج حق اللجوء .. يعنى الفارق الزمنى بين حضور الرجل والمرأة ليس كبير .. وبالتالى مستواهم فى التعرف على الغربة والديار الجديدة متقارب .. لكن سرعان ما يلحق الرجل ويطور نفسه ويواكب النظام الأقتصادى وتظل المرأة فى قديمها .. سواء بت ريف أو حضر ..

بريمة

Quote: المشكلة أن المرأة تعرفت على القانون الأمريكى وأصبحت تفكر بصورة غير مسبوقة .. ربما بأثر رجعى لما كان عليه حال المرأة السودانية .. وهناك ظواهر غريبة كثيرة .. فكان ديدن الأسرة السودانية أن تذهب للأجاويد والأهل للتدخل فى فض الخلافات .. هنا الأسر أو قل المرأة تذهب إلى إستشاريين فى مجال الأسرة .. ثقافتهم تختلف عن ثقافتنا .. وعلى طول يرون الأسباب التى تحكيها المرأة إنها إنتهاكات لا يمكن السكوت عليها .. والسبب إننا تغيرنا .. مافى زول بسمع لزول .. أو مافى زول عنده الوقت إن يستمع لمشاكل الأخرين .. أىّ زول فى همه ..

إزيك اخ بريمة..

حيّرتني والله..
اذا الأسرة تسكن في أمريكا مثلا.. فالاحتكاك مع معطيات هذه البيئة الجديدة يصبح شيء حتمي وليس خيارا..
الأكل، الشرب، الملبس، مدارس الأولاد..شتى سبل العيش.. وقانون الدولة جميعها تصبح ثوابت في حياة هذه الأسرة..
لذا طبيعي ان تتأثر هذه الأسرة الى درجة ما بالمجتمع المضيف.. (وان تؤثر فيه ايضا)..
ويصبح منطقيا، (وصحيا).. ان تراجع الأسرة مصالح الدولة وخدماتها.. بما فيها العلاج، ومراكز الدعم الاجتماعي..
فاذا كان استشاريو الاسرة هو المتاح، قصدته الأسرة.. وبالطبع لا خيار آخر غير اللجؤ لقانون الدولة المضيفة..
(لانه ليس بالإمكان شحن قانون الأحوال الشخصية السوداني مع الحلومر، البهارات، والقونقليز)
في المقابل، تصبح استحالة ان تحتفظ هذه الأسرة في بطن بيتها بسودان صغيروني متكامل وfunctional تماما
كما عرفته الأسرة قبل الهجرة..

هذا ليس برأي.. هذه بديهيات البحث العلمي في مجال الهجرة وتلاقح الثقافات..
وهي ايضا طبيعة البني آدم وغريزة البقاء..

Quote: خلاصتى أن الركون إلى الوضع الأقتصادى للرجل هو السبب ليس كافى .. ثقافة المرأة تغيرت ..

ليست ثقافة المرأة فقط، اكيد ثقافة الرجل أيضا وجميع أفراد الأسرة..

معليش.. دخول الحمام مش زي خروجه يا اخ بريمة..
عندما تترك الأسرة موطنها والمألوف، وتنتشر في بلاد الشتات، لثقافات ومنظومات اجتماعية تختلف..
اكيد هناك فرق..

اخي الكريم، التعايش الأسفيري مع ثقافات اخرى الآن آثاره موثقة، ناهيك عن هجرة راسها عديل كدة

نجوان

سلام .. بالجد كلامك لامس حقائق مرة .. أو خيبة كبيرة فى أننا فشلنا أو حتما الفشل فى بناء وطنا الصغيرة هنا .. أنا شخصياً أحلم أن أبنى وطن سودانى هنا يحمله أى سودانى معه ولا يتنازل عنه قط .. لأن أمريكا ليس لها ثقافة إنما هى مزيج من الثقافات .. وتركنا لثقافتنا وتمسكنا بثقافات الأخرين الأقوى مننا ثقافياً هو خطر علينا وسوف تموت شخصيتنا وهويتنا الثقافية بمثل ما تقولين ..

Quote: معليش.. دخول الحمام مش زي خروجه يا اخ بريمة..

بس النقطة دى غريبة .. لأنه فى العادة يدخل الأنسان مثقلاً ويخرج خفيفاً .. نحن دخلنا مثقلين زهج وفلس وسوف نخرجوا - إن كان فى خروج - أكثر حمولة سواء أجتماعية، ثقافية أو أقتصادية.

يا ربى تعجل عواقب غربتنا سليمة.

تحياتى

بريمة

Quote: سلام .. بالجد كلامك لامس حقائق مرة .. أو خيبة كبيرة فى أننا فشلنا أو حتما الفشل فى بناء وطنا الصغيرة هنا .. أنا شخصياً أحلم أن أبنى وطن سودانى هنا يحمله أى سودانى معه ولا يتنازل عنه قط ..

يا ريت يا بريمة تكتب لينا عن تصورك لنقل السودان كما هو او "بناء الوطن الصغير" حيث تعيش حاليا..
ولماذا لا يزال حلما عندك وليس واقع؟

Quote: نحن دخلنا مثقلين زهج وفلس وسوف نخرجوا - إن كان فى خروج - أكثر حمولة سواء أجتماعية، ثقافية أو أقتصادية.

هذه هي الغربة، تعطيك بيد، وتأخذ منك بالأخرى..
انت ما سمعت بالمثل البقول يا طالع من بيتك حزين..؟
غير كابلي ماسمعت زول قال الغربة سترة حال..
_____
نقطة الأخ حامد الصاوي عن الإستعداد النفسي للهجرة ومترتباتها مهمة .. ..
الناس تتمسك بالحلم قبل الهجرة، لتصدم بالواقع بعد الوصول للبلد الجديد..
وتبدأ رحلة تتطلّب الكثير من الإمكانيات، الصبر، المرونة،
الإستعداد للتفاعل مع البيئة الجديدة واخذ الكويس منها..
لا يمكن ان يعيش المهاجر بتوافق في دولة هو كاره لأهلها وثقافتها..

بريمه يعني انت عاوز تقول كده ببساطه انه الراجل متطور اكثر من المراة السودانيه؟؟؟ طيب لو فرضنا انه كلامك صحيح انت عملت شنو كرجل سوداني متطور اقتصاديا لتساعد زوجتك لتتطور مثلك و تواكب؟؟ اتمنى ما يكون كل العملته هو انتقادها و بس, :))


على موضوع وش الملاح, الاكل الغير صحي او مليان دهون في كل مكان و غير مربتط بالمراه السودانيه و عدم مواكبتها كما تتدعي انت, هل البيق ماك و دهونه الرهيبه مسؤوله منها حواء السودانيه؟؟

بريمه يبدو انك تعاشر شريحه معينه من السودانيين حاول تشوف غيرهم مع احترامي للجميع, على فكره انا لا اناقشك بصوره شخصيه و لكني اناقش افكارك و لك التحيه و الاحترام.

موضوع الهجره ده موضوع طويل و شائك جدا و المهاجرين من كل الاجناس و الاديان في كل مكان بيعانوا من تناقضات حضاريه و اجتماعيه, خوف من زواج الابناء من اهل البلد الاصليين, دايما تجد الاسر المهاجره اكثر حرص على المفايهم القيم اللي في بلدهم الاصلي اكثر من الناس اللي عايشه في البلد نفسهم. في كثير من الشرايح بتكون هاجرت و هي غير متعلمه و منهم اللي كان عنده طموح و اتعلم و طور نفسه و منهم اللي فضل في مكانه و منهم كثيرين الواحد يعجز عن التفاهم مع استاذ اولاده او الجيران.

في مشكله رئيسيه كمان انه الناس ما قادره تفهم الفرق بين الهجره و الاغتراب و انه انت لمن تهاجر سوى كان قسريا او باختيارك لازم تتنازل عن اشياء كثيره منها كثير ما عاداتك و ممكن برضه تحتفظ بيها, و هنا مربط الفرس هل اتخلى و لا احتفظ؟؟ و في ناس كثير بتفشل انها تحتفظ بهويتها و عاداتها و في نفس الوقت تواكب المكان الجديد و عاداته و تقاليده سوى كان متطور اكثر من موطنهم الاصلي كامريكا و اوروبا او اقل تطورا كدول اخرى اجبرتنا الاقدار اننا نمشي ليها. الكلام ده ما بينبطق على ناس امريكا و السودانين في امريكا, ممكن ينبطق على العراقيين في السودان او ناس شرق اروبا لو مشوا عاشوا في دول اسلاميه او عربيه.

الأخت إقبال المرضى
سلامات ..

Quote: الرجل السودانى يحب المرأه المحننه المدخنه المدهبه..وبى توب الحرير...وكتابات هذا البورد شاهدى... سواء أن كان إقليمياً او خرطومياً..او خلافه...

أها أمثالى مستثنياهم ليه .. ومن أول مداخله لى أنتقدت الحنة والخمخام بالتوب وعنكشة الكشكوش والسكاسك وغيرها .. وجهة نظرك تعميمية ..

Quote: الكل يعانى من صدمه حضاريه فادحه نساءً ورجالاً..

قولى صدمة ربما بعامل الغربة وليس حضارية .. لأن الحفلات السودانية يكون ما فيها ولا خواجة عشان يخجلوا منه.

تحياتى

بريمة

بريمه لا اود مناقشة الموضوع بصوره شخصيه, لكن سؤالي الي الرجل الما بحب الخمخيم و الكشكيش المتمثل في شخصك هنا في البورد هل في اختياره لزوجته وضع الحاجات دي قدام عينه؟؟ يعني اختار على هذا الاساس انه عاوزها من غير كبريت و من غير كشكشش دهب ام اختار بصوره عشوائيه قد تكون مبنيه على الجمال و انها منكسره او ثراء اهلها؟؟ بنرجع لموضوع اختيار الزوجه و الاسس البيتم عليها هذا الاختيار عند السودانيين

حأفتح ليه بوست منفرد الموضوع ده و اسفه لو انا حرفت ليك موضوع البوست شويه و للمدام التحيه

دانيا

Quote: بريمه يبدو انك تعاشر شريحه معينه من السودانيين حاول تشوف غيرهم مع احترامي للجميع, على فكره انا لا اناقشك بصوره شخصيه و لكني اناقش افكارك و لك التحيه و الاحترام.

تعرفت على الهنود منذ سنوات .. وأكلنا معهم الشطوط والبهارات الحارة لما العرق يصل دقن الواحد فينا .. أحبونا جداً ويدخلون علينا فى جميع الأوقات ونحن نذهب لهم كذلك .. وفى بعض الأحيان يجيبوا للمدام الصندل والصندلية من الهند مباشرة .. تحسب الصندل حشب عدييل .. على مدار 10 سنوات لم أسمع منهم أن هندية طردت زوجها .. أو تطاولت عليه وإن كان بحرشن رجالهن حرش شديد والرجل يتبع زوجته مثل "البوبى الصغير".

وأظن العكس الأنفتاح الأكثر من اللزوم خلانا نعرفوا أشياء كثيرة تدور فى محيطنا السودانى ..

مازلت منتظر منك ومن الأخوات .. كيف تغير المرأة من نفسها حتى تواكب ..

بريمة

يا بريمه تواكب منو و شنو؟؟؟ و منو البيحدد انها مواكبه ولا لا.؟ ما يمكن انت الرجل البتنتقد ده الما مواكب؟ المراه السودانيه وصلت لاعلى المناصب و اعلى درجات الفهم و الرقي وين ما كانت سوي في بيتها او في الجامعات, تبقى المشكله انها لازم ترضى الراجل بغض النظر هي راضيه عنه و عن مواكبته ولا لا.

الموضوع لمناقشة قضية اجتماعية فرضها واقع جديد
و بالتحديد قضية الهجرة كظاهرة تنامت في بداية التسعينات
من القرن الماضي و اصبحت غاية و ليست هدف
كثير من الشباب لم يجد اي امل او حافز لوجوده في السودان
لظروف يمكن مناقشتها في مكان اخر, فقرر الهجرة و الخروج
من هذا الواقع المرير
لكن الهجرة الي اين؟ اي مكان ما فارق
فاغلب المهاجرين لم يكونوا مؤهلين نفسياً لذلك
و لكن مؤهلين للخروج من السودان
و اكيد خروج من غير هدف محدد
و خطة محددة له مخاطر.

لذلك قضية الاندماج في مجتمع جديد من شخص غير
مستعد نفسياً لذلك قضية صعبة علي الكثير من المهاجرين

لذلك بتحصل مشاكل و مشاكل كثيرة علي الرجال النساء
الشباب , الشابات و حتي الاطفال لان المدرسة و تربيتها
تختلف من طريقة التربية في البيت

مناقشة الظواهر التي تترتب علي هذة المشاكل و اتهام النساء
او الرجال يكون نقاش غير علمي.

تعميم التجارب الشخصية مُخِلْ بالرغم من اهمية دراستها
بصورة فردية و تحديد نسبتها المئوية

الأخ بريمه:

Quote: تراجعت كثيراً فى هجمتى ضد المرأة السودانية فى المهجر .. ومازلت أفكر فى رأيى حول منعها من السفر وحيدة أمام تحدى فرضته إلىّ الأخوات الدكتور بيان وأمانى وأخريات .. بإن المرأة هى أم وأخت وزوجة ونقدها يجب أن يكون من باب نقد ممارساتنا السودانية فى إطار أشمل من الأشارة بأصابع الأتهام للمرأة وحدها .. ركنت وقلت حمداً .. لكن المرأة السودانية لا تكف أن تتحفنا بما يصك أذاننا فى كل حين ..

للذين لم يقرأوا بوستك الأول قبل عدة شهور,
فقد كان البوست عن سوء أخلاق المرأه السودانيه في المهجر وانحرافها أخلاقيا,
حيث طلبت حرفيا منع النساء من السفر بمفردهن لسلوكياتهن المشينه اللواتي يمارسنها في الخارج, وأيضا قمت بالتعميم,
أسأت الي كل امرأه شريفه تسافر بمفردها لغرض العلم والعمل, ولم تعتذر عن اساءتك,
حاولت تأليب الأسر علي بناتهم وتشكيكهم في سلوكياتهن بالخارج ولم تستدرك وتعتذر,
واليوم تطل علينا بهجوم جديد علي المرأه في المهجر !!!

يعني يابريمه الواحده تسافر براها للعلم والعمل -وهذه قمة التحضر والوعي العلمي والمسئوليه الاقتصاديه- تشكك في أخلاقها وسلوكياتها,
تسافر مع زوجها وتلزم بيتها تطبخ وتربي العيال تشن عليها حمله وتقول جاهله وبيئه وما اقتصاديه ومامسئوله,

نرجع نوأد البنات السودانيات؟ وللا نمنعهم من السفر ولو مع أزواجهم؟

بريمه مشكلتك مع المرأه السودانيه شخصيه -والله أعلم- عشان كده لاطائل من النقاش ..
لو سمحت حاول تزور بوست تاج السر الملك عن د. ختمه, عشان تعرف حجم وقامة المرأه السودانيه ,

---
بالمناسبه هو انت في البوست داك اقتنعت وللا بكري سحب البوست؟

سلامات يا بريمه
ما ح اقعداقول و الله السودانيات بقن مديرات و لا حتى وزيرات ..لكن دايره اسالك....
انت داير واحده سودانيه تجى امريكا تقوم تقلع التوب و تلبس عصرى...تتعلم انجليزى و تبطل الحنة و الدهب . ..و تبقى اقتصاديه و تدخل السستم (ذى ما بقولوا....مع انى ما عرفه يعنى شنو "تدخل السستم"...و اذا كنت انا دخلت و لا لسه بره). اها..عاوزها تعمل ده كلو..لكن لو حصلت مشكلة مه زوجها تبقى سودانيييه و تمسك لسانها و تستحمل. موش؟؟؟؟
___________________________________________________________
مالهم الحنة و الدهبو التياب ؟ عيبهم لى !

دانيا، الصاوى، أمانى وأسمارت أنا

تحايا عطرة ..

الحل شنو على الأقل لمسألة طرد الرجل ..؟

أمانى
يمكنك النظر لأى موضوع من عدة زوايا .. ولكل قصة هناك جانب خفى غير مروى. ليه أنت تحاولى إنكار الحقائق بدل المطالبة بأثباتها ؟

تحياتى

ولحين العودة

بريمة

ولحين العودة

Quote: أها أمثالى مستثنياهم ليه .. ومن أول مداخله لى أنتقدت الحنة والخمخام بالتوب وعنكشة الكشكوش والسكاسك وغيرها .. وجهة نظرك تعميمية ..

أيوه أنا الإتكلمت عنو ده العام يا بريمه...الشايفاهو فى غالبية البوستات فى بورد الله اكبر ده
لكن إنت عايز تمسك فى حاله حالتين وتعمل منهم قانون....!!!وده ضد العلم....
إذا كان فى مراهق سودانى ساق عربية أهلو..وركب أصحابو ومشى سريع وعمل حادث...
ح أقول أولاد السودانيين فى الغربه ما مسئولين رغم نجاح المئات منهم ودخولهم أحسن الجامعات؟؟؟؟


أقول ليك حاجه يا بريمه...أنت المرأه السودانيه ما ح تعجبك حتى ولو عملوها ليك تفصيل...!!!!
عارف ليه؟؟
لأنو المشكله فيك...ما عايزها عصريه تسافر وتتعلم وتشتغل...وتعرف حقوقها وتطالب بيها...
وما عايزها مدهبه ومحننه...تمشى الهوينى وتقول ليك يا تاج راسى...وتطبخ ليك الما شافت غيرو...
تجيب المعرفه من وين لو كنت قافلها فى علبه؟؟؟

بعدين أنا سألتك عن نسب الطلاق دى بتجيبها من وين؟؟؟.............ما جاوبتنى!!!!!


إقبال

This thing walks like a duck, quacks like a duck and it looks like a duck. Could it be that some are on the verge of kissing their wives a dios?
This is too much of personal information masqueraded and generalized.

تحياتي للجميع

أتابع هذا الحوار المهم

وتشدني مداخلات الاختين دانيا واقبال




لى عودة

انا برضه يا ايزابيلا.. معجبه بكتابة الاتنين ديل

وتحية للجميع

العزيزات في هذا البوست .. افهم تماما غضبكم من التعميم الجائر ومن طرح بريمه الذي يبدو انه تحامل على المرأه من قبل في مواقف مماثله .. لكن لنقاش موضوعي يجب النظر بعين العقل للمجتمعات الغربيه ومدى الاثر الذي تظلل به الاسر السودانيه بالخارج .. من قبل لم يكن لي الحق في مثل هكذا نقاشات .. نسبه لعدم وجود تجربه شخصيه .. اتيحت لي الفرصه لمعايشة نموذج من المجتمعات المذكوره والتعرف على اسر سودانيه ومرافقة فتيات اسر سودانيات
الامر ليس بالمطمئن .. لست اقصد التعميم ابداً لكني لم اكن اتوقع هذا الكم من المفأجاءات اذا لم يكن الكل مما رأيت فهو الكثير مما اسمع .. يبدو ان بعض السودانيين بدأوا في اكساب الجاليات سمعه سيئه بممارسات دخيله على المثل السودانيه.. عدد من الاسر تواجه مشاكل ماديه وصرعات بين الازواج الى مشاكل كارثيه في الابناء والتربيه

المجتمعات الغربيه مخططه جيدا وتسير وفق دراسات ونظم .. ويمكن الاستفاده منه على الصعيد الفردي وعلى صعيد الاسر في التعليم والصحه والخدمات وخلافه
تكمن المشكله في التعامل معه بصوره واعيه ومتفهمه لمخاطره .. العشوائيه تخلف كوارث في مثل هذه الحالات
ولا اقصد الاساءه لكن نعلم جيداً اننا شعب نشأ على العشوائيه .

تحياتى

يحوى البوست عدد متناثر من الأفكار والأراء والتعليقات ، وحرصاً على الفائدة العامة التى أرجو أن تكون هدف البوست اسمح لى بهذه المداخلات:
أولاً ما للموضوع من أهمية لأنه يتحدث عن سمعة السودانيين والسودانيات بالمهجر وبالولايات المتحدة الأمريكية خاصة لابد من يعض الايضاح. أعتقد أنك وقعت فى نفس الخطأ الذى وقع فيه أخ اعلامى بارز عندما زار الولايات المتحدة الأمريكية وكتب مقالاً بجريدة الشرق الأوسط. وكان ذلك فى منتصف التسعينات. وأسمح لى أن اشير لذلك الموضوع الآن حيث أرى أنه يتصل بموضوعك الحالى بصورة كبيرة. وهو الدخول فى التعميم واطلاق الأحكام على أنه حقائق أو اقرب للحقيقة استناداً على وجهة نظر شخصية وتجربة محدودة. وكان المقال المشار اليه يتحدث عن السودانيين بأمريكا وأنهم يعملون فى مجالات هامشية ولا تليق بسمعة السودانيين. وما أدهشنى ليس حديثه عن الأشقال الهامشية (لأن فى ذلك تصنيف للعمل والوظائف ضمن نظرة سطحية تمجد وظيفة الطبيب والمهندس والمحامى وتحتقر النجار وسائق التاكسى وبائع الزهور فى الطرقات . وتلك نظرة تقليدية وفيها تعالى واحتقار لمبدأ العمل الشريف المتاح والخدمة التى يسديها كل فى مجاله للمجتمع حيث لا مجال للمقارنة والتفضيل طالما توخى الانسان الرزق الحلال ) . ولكن دهشتى واستقرابى جاءت من الحكم الذى أصدره الكاتب واورده كسبق اعلامي على جريدة منتشرة فى كل الدنيا ويطلع عليها من هو سودانى وغير سودانى . ولو أنه كان قد اقام بالولايات المتحدة الأمريكية لفترة كافية وقام بزيارة ولاياتها المختلفة أو على القل الولايات التى يتمركز فيها السودانيين بكثرة لكان مقاله جدير بالاعتبار. ولكن أن يصدر أى انسان الأحكام ويعكس تجربة السودايين ويعمم وينشر الكلام على مئات الالاف دون دراسة ودون دراية فيه الكثير من التجنى على سمعة انسان السودان. أنا هنا لا أدافع عن السودانيين بالمهجر فقط حباً فى الدفاع (وهناك الكثير من الاشكالات والصور الغير مشرفة للسودانيين بالمهاجر المختلفة) ولكن عندما يكون الحديث له علاقة بالأسر السودانية ويأتى بهذا التعميم والمجافاة للحقيقة يلزم وقفة وايضاح حتى لا نكون كالآخرين الذين يوصمون الانسان السودانى بأوصاف لا تتناسب وأخلاق هذا الانسان الطيب الفريد.

وللاختصار ارجو منك الرد على من سألك عن المعطيات التى بنيت عليها هذه الافتراضات ، عدد الولايات وعدد الأسر فيها بالتقريب طبعأ.
كما قالت لك الأخت اقبال المرضى المحترمة بأنها تسكن فلادلفيا وهناك أكثر من 3 الف سودانى ولم تسمع نوع المشاكل التى تحدثت عنها . وبدورى أنا اسكن فى نيويورك لأكثر من 22 سنة ولم اسمع بنوع المشاكل التى تحدثت عنها. لا ننكر أن هناك بعض الاشكالات التى تحدث للأسر ولكنها تكاد تكون قليلة لدرجة أنها لا تذكر. ياخى اذا كان هناك اثنين أو ثلاثة من ضمن ألف أسرة لديهم مشاكل لا يمكن أن يكون هذا سبب لاثارة الموضوع بهذه الصورة المكبرة. ونوافقك الرأى لو حدث ضرب لأخت سودانية واحدة بأمريكا يجب أن يكون أمر جلل يستحق الادانة والرفض ولكنه ليس سمة الرجل السوداني بالولايات المتحدة. الانسان السودانى بطبعة يكن كل الاحترام والتقدير للمرأة زوجة كانت أم أو أخت. بل على العكس فيما ذهبت اليه الرجل السودانى عندنا هنا فى نيويورك على درجة من التفانى والاحترام لنسائه ويعمل بكل جد لتوفير سبل الحياة الكريمة لهن وللأسرة. الانسان السودانى بخير والمرأة السودانية مصانة موقرة ، نرجو عدم المبالغة.
ولنا عودة

الاخ بريمة

كنت قد وعدت بالعودة ولم اتمكن اذ ان الموضوع رغم اهميته القصوى الاّ ان التعميم اخلّ به والتنميط ورمى اللوم على المرأة السودانية بامريكا
هكذا- تطير عيشتها-
موضوع الهجرة والذى تناولته على المستوى الاكاديمى لمدى سنوات طويلة وقمت بنشر اجزاء منه فى مجلة الخرطوم الجديدة فى سلسلة طويلة
اجتهد ان اجد زمنا للاسهام بها هنا ربما تساهم فى تفتيح دروب لرؤية مغايرة..
اراك رديت فقط لما سميته طرد المرأة السودانية لزوجها من البيت وهذه النقطة ساعود لها بشىء من التروى

وتوب المرأة - المخمخمة بيهو والحنة- مالهم؟ عيبيوهم لىّ
اصلا ماعندى اى مشكلة فى ان تمارس اى امرأة مهاجرة اى قيمة جمالية تحسسها بهويتها الوجدانية سواء كانت فى الحنة
والسارى للمرأة الهندية, الامر لا يختلف عندى فى مفهومى للاندماج فى البلد المضيف, فالاندماج ليس دربا احاديا وانما من جهتين
ولا يعنى التنازل عن - التوب المخمخمة بيهو النساء ديل....

كل اللوم نرميه على المرأة, حتى سياسيات الاندماج فى البلاد دى تبقى مشكلتها
مالو ماهى عتالة المشاكل ولا على كيفها؟ كدى بس!!!
هل فى فرص عمل متوفرة والازمة الاقتصادية العالمية ظهرت اول نتائجها على نسبة العطالة المرتفعة ليس فقط فى امريكا وانما العديد من دول العالم
واول من دفع ثمنها المهاجرين والمهاجرات...
كيف يمكن ان نطالب المرأة الهاجرة باتقان لغة البلد اذا لم تكن لها فرص معقولة وتعاون داخل الاسرة وجالية تقف وراءها ووراء مشاكلها وهمومها؟

اسئلة الى حين عودة...
ارجو ان يتاح لك اخى بريمة ولزوار وزائرات هذا البوست قراءة واحدة من الحلقات التى نزلت تباعا فى مجلة الخرطوم الجديدة وبالتالى حقوق النشر محفوظة لها

Quote: قراءة أولية لواقع الهجرة والمهاجر السودانى مقدمة: تعاظمت فكرة هذه الدراسة مع اذدياد السودانين فى اللجوء/ المهجر/ الشتات/ الدياسبورا .... الخ. ساتطرق لاحقا ووفقا لتطور الدراسة ومنهجها الى ضبط المصطلحات اعلاه وفقا للحالة{ السودانية} ومن اهم اهداف الدراسة ليس فقط التوثيق لهذه الهجرة سواء كانت قسرية او طوعية وانما محاولة لايجاد برنامج وبناء استراتيجات تعمل على تفعيل دور المهاجر السودانى ليس فقط فى مهاجرهم وانما مع {الوطن} الام. أحاول فى هذه القراءة الأولية تسليط الضوء على الهجرة والمهجر وذلك انطلاقا من نتائج بعض البحوث التي قمت بها وانحصرت على أوضاع المهاجرين والمهاجرات فى النمسا الشيء الذي أتاح لي فرصة الاطلاع على معرفة الواقع الذي يعيش فيه المهاجرون بشكل عام فى دول الوحدة الأوربية التي تتشابه قوانين الهجرة واللجوء فيها لحد كبير. ساعد فى بلورة هذه القراءات الأولية المحاضرات التي قدمتها فى إطار عملي كمحاضرة بجامعة فيينا/كلية العلوم السياسية حيث تتوالى محاضرات عن الهجرة و أوضاع المهاجرين فى دول الوحدة الأوروبية حيث يقوم الطلبة والطالبات ببحث عن الموضوع بتحديد دول معينة كالنمسا، ألمانيا، فرنسا وإيطاليا الخ..... لمحة تاريخية : بدء لابد من التركيز حول الحق الانسانى فى الهجرة، فالحركة من مكان الى آخر يعتبر حقا انسانيا طبيعيا هذا فى حالة ان يكون خيارا وليس اضطرارا والتى تتم لاسباب سياسية او اقتصادية الهجرة الداخلية او ما يعرف بالنزوح ارتبط أيضا بالسياسات المتخبطة للأنظمة ولعبت العوامل الطبيعية ايضا دورا اساسيا فى النزوح وخاصة فى فترة الجفاف والتصحر والفيضانات وذلك لم يكن بسبب كوارث الطبيعة وفقط و إنما لعبت فيه السياسات الجائرة لنظام نميرى حينها دورا بارزا مما أدى إلى مجاعة تعتبر من أشهر المجاعات فى السودان اذ لم يكن الربط بين مفهومى التنمية المتوزانة وحماية البيئية احدى الهموم الاساسية للانظمة التى حكمت السودان من الاستقلال سوى كانت أنظمة دكتاتورية او عسكرية. كانت الهجرة مقصورة على ماعرف بالمغتربين الذين هاجروا لدول النفط بهدف تحسين الدخل، يعودون الى وطنهم الأم ويساهمون فى دخله القومى وان كانت هذه المساهمة غير مرئية الا انها تبقى حقيقة ينبغى عدم تجاوزها. موجة الهجرة الاولى لبعض العقول جاء نتيجة لتعسف سياسة حكومة نميرى. لم يعرف السودان الهجرة عموما وهجرة النساء بشكل تجاوز مرحلة كونه ظاهرة إلا فى نهايات الثمانينات وبدايات التسعينات اى بعد انقلاب الانقاذ فى 1989، حيث ارتبطت هذه الهجرة فى أغلبها بسبب الأوضاع السياسية ، خاصة بعد إحالة عدد لايستهان به لمايسمى بالصالح العام الى طال المرأة ايضا وتشردها من عملها وبذلك خلخلت بعض الأسر بفقدان من يعولهم او تعولهم لمصدر رزقهم. فالتفتيش والاعتقال والتضييق للعديد من المثقفين والسياسين المناوئين للحكومات العسكرية والانقلابات دفع بالعديد الى ايجاد مخرج من هذا الجحيم فانتشروا فى بلاد الله الواسعه مواجهين بواقع جديد فيه من القسوة مايعادل مساحة الحرية التى تتيح التعبير والنقد لسياسة الدولة فى محاولة لتحسيين اوضاع المهاجرين. كما لعبت الاوضاع الاقتصادية دورا بارزا فى هجرة العديد من السودانين والسودانيات. يتضح من هنا ان دوافع الهجرة تختلف من مرحلة الى أخرى وهنا لايمكن اغفال دور العولمة فى الهجرة وذيادة الطلب للعمالة الرخيصة التى تعتمد عليها اغلب دول العالم {الأول} كوسيلة بديلة لاستغلال شعوب العالم النامى. فقراءة هذه الظاهرة وتحليلها بموضوعية لايمكن ان يتم بمعزل عن الرؤية الجمعية لتقسم عالمنا الى {اول} و {ثالث}. حصر اعداد المهاجرين السودانين المنتشرين فى كل اصقاع الدنيا ليست عملية سهلة اذ ان الاحصاء فى دول المهجر تشمل فقط المهاجرين بطرق مشروعة بحكم القوانين المحلية لهذه الدول، فالمهاجر الذى لم يبت بعد فى امر اقامته الشرعية يندرج تحت مسميات اخرى مثل { جنسيات اخرى} وهذه قد تشمل عدد من الجنسيات وبالتالى يكون من الصعوبة بمكان معرفة عدد المهاجرين بدقة. كما ان دور السفارات او القنصليات السودانية والتى من واجبها ايضا معرفة رعاياها وذلك فى الاوضاع الطبيعية الا ان تسيس توجهاتها حصرها فى افق يقتصر فى الغالب على الاعمال الادارية والتركيز على السودانين الموالين لنظامها. يلعب ايضا غياب المعلومة وقلة البحوث فى هذا المجال دورا فى صعوبة الحصول على المعلومات الدقيقة التى ساحاول من خلال وسائل التشبيك المتاحة وسط السودانين الى تجميعها ومراجعتها استنادا الى المناهج و المراجع التى ساعتمد عليها فى التحليل. هناك سمات مشتركة بين المهاجرين السودانيين الا ان ذلك لايعنى غض النظر عن الفروقات الاساسية فى اوضاعهم الاجتماعية، تجاربهم السياسية، مدى حراكهم فى الوطن الام، درجة التعليم ، النوع والطبقة. هذه الخلفيات تلعب دورا اساسيا فى محاولاتهم المستمرة فى اثبات الذات فى تبلورها وتطورها وفقا لمقتضيات هذه البلاد الجديدة وإ ستيعاب سياستها الاندماجية. ساركز على بعض النقاط التى تلقى الضوء على اوضاع المهاجرين عامة فها يتيح التعمق حول الجانب الآخر من فهم عملية الهجرة فى اطار النظام العالمى الجديد والى اى مدى تساهم دول العالم { الاول} فى خلخلة { عالمنا الثالث}، فاعتمادهم على العمالة الرخيصة وعدم الاعتراف بالشهادات التى تحصل عليها المهاجر والمهاجرة فى بلدهما الاصلى لايمكن فهمها وتحليلها الا فى نسق مايعرف بالمركزية الاوربية. عنصرية المؤسسات: مع اختلافات طفيفة تخص أي بلد من بلدان الوحدة ألا وربيه إلا إن قوانين العمل/ التعليم/التجنس/السكن والاندماج صيغت بعقلية المركزية الاوربية التى قسمت عالمنا الى اول وثالث منذ استعمارهم لبلادنا، واعنى بالاستعمار سياسة متكاملة تمارسها هذه البلدان ومارستها منذ ان استغلت مواردنا ومصادرنا فى أفريقيا وآسيا وأمريكا الجنوبية اذ استمر هذه الاستغلال بابشع صوره عن طريق فرض قوانين تنظيم الهجرة. بالتأكيد لكل بلد الحق فى تنظيم قوانين تنظم سير الحياة وتضبط نظامها الا ان هذه القوانين ينبغى ان لاتتعارض مع قوانين المنظومة الدولية التى وقعت عليها هذه البلدان وأن تتيح للمهاجرين والمهاجرات فرصة والتى غالبا ماينتم انتزاعها باشراكهم فى القرارات التى تخص حياتهم. حتى لاندخل فى نفق لابد من التأكيد ان الحرية الفكرية والسياسية المتاحة والتى توصلت لها هذه البلدان بعد تضحيات جسيمة يستفيد منها ايضا المهاجر. حيث تنعدم او تكاد حرية التعبير فى اغلبية بلداننا تتاح فى هذه البلدان خاصة ان بعضها سن قانونا يحارب التمييز ويعرض للقانون فى حالة الشتم بكلمة { Negerious } اى عبد والتى ماتزال شتيمة تنتقص من انسانية قبائل من بلد واحد ولنا فى السودان خير مثال. تتعامل هذه البلدان باعتبار الهجرة حق انسانى طبيعى ولكن القوانين التى تحكم بها هذه الهجرة قاسية خاصة وانها بلادا قائمة على المؤسسات لا الافراد، مؤسسات رأسمالية تستمر من استغلالها للمستضعفيين. بعض هذه الدول تعتبر دول هجرة كالمانيا Einwanderungsland) } عكس النمسا التى لم تعترف بانها بلد هجرة رغم ان الهجرة من والى النمسا عرفت منذ زمن بعيد قبل الحرب العالمية الاولى حيث هاجر منها النمساويين اليهود الى استراليا وامريكا وهاجر اليها وبناء على رغبة الدولة نفسها الاتراك كعمالة لبناء النمسا مابعد الحرب. ساركز علىأثرهذه القوانين التى تؤثر على المهاجر بشكل عام وتنطبق بالتالى على المهاجر السودانى فمثلا قانون شمل الاسرة {Familienzusammenfuehrung } تتضرر منه المرأة بشكل مباشر ، رغم ان هذا القانون يشمل ايضا الرجل المهاجر ولكن اشارت اغلبية الدراسات ان فى الغالب يهاجر الرجال أولا ثم تتبعهم زوجاتهم واطفالهم. لايتسطيع المهاجر التقديم لشمل الاسرة الا اذا استوفى الشروط المطلوبة، علية ان يثبت ان له بيت مؤجر بعقد رسمى ومسجل لدى الدولة، ان تسمح مساحته له ولاسرته، ان يكون له عمل ثابت ومسجل لدى الدولة وأن يكون الدخل كافيا لاعالة الاسرة. بعد تقديم الطلب وفى حالة مستوفى الشروط يمكن لم الشمل مع مراعاة الطلبات السابقة وهذا يعنى ان الانتظار قد يطول الى مدة تترواح بين عام الى عاميين. بالنسبة للحاصليين على الجنسية من الاجانب تتنطبق عليهم نفس الشروط الا ان الاجراءات تكون اكثر سرعة ويكون لزوجته الحق فى العمل منذ حضورها اما فى الحالة الاولى عليها بالانتظار عاميين. مع ملاحظة ان هذا الشرط يختلف كما ذكرت سابقا وفقا للقانون الذى ينظم الهجرة لكل بلد من بلدان هذه الوحدة. فترات الانتظار تسبب فى شروخ البنيان الاجتماعى للاسرة ويتسبب فى الانعزال النفسى الذى يعيشة المنتظر سوى كان زوجة او زوج. لابد من مراعاة ان الحصول على عمل يناسب الشهادة التى تحصل عليها المهاجر فى بلده ليس سهلا واذ لابد من الاعتراف بالشهادة نفسها ومعادلتها بشهادة الدولة المعنية وهذا يتطلب مجهودا جبارا لاتقان اللغة سوى كانت انجليزية/ فرنسية او المانية والا ان المصير هو الاعمال الهامشية. المرأة او الرجل الذى تهاجر فى اطار قانون الشمل عليه الانتظار عاميين فى حالة زوجها غير حاصل على جنسية البلد، عدد هذه السنوات يختلف من بلد الى آخر. هذا يعنى ان على المرأة المهاجرة الانتظار مرتين مرة فى بلدها الى حين ينجح الزوج فى الحصول على تصريح لم شمل الاسرة ومرة بعد حضورها الى ان يسمح لها بالعمل. وفى كل الاحوال عليها اتقان اللغة والا يكون مصيرها الاعمال الهامشية كزوجها. بيوت الدولة متاحة قانونيا فقط على الحاصليين على الجنسية وربما تكون هناك بعض الاستثناءات الطفيفة فى بعض ولايات بعض البلدان كفيينا التى تسمح تحت ظروف معينة الحصول على بيت من بيوت الدولة الغير مرممة. المهاجر عليه ان تتنظر طويلا حتى يحصل على الجنسية حيث تذداد المسألة صعوبة مع ذيادة نفوذ الاحزاب اليمينية التى غالبا ماتؤسس الى مجتمات عنصرية تقسم المواطنين على حسب الاصل والنوع واللون والدين. فالاحزاب الشبيهة بحزب الحرية النمساوى فى دول الوحدة الاوروبية تتبنى فى ايدلوجيتها نفس خط حزب الحرية بالنمسا والذى يقسم البشر الى أصليين وغير أصليين كما فى دعايته الانتخابية الاخيرة اندماج ام تسلط: بمراجعة قوانين الاندماج فى بلدان الوحدة الاوربية نجد ان لكل دولة سياسة اندماج انتهجتها وفقا لقراءاتها لواقعها. الاندماج ووفقا لبعض هذه السياسات عبارة عن تذويب لشخصية المهاجر وبالتالى لايصبح اندماجا لان الاندماج يعنى عملية من جانبين تراعى فيها ثقافة المهاجر ولاتتطلب منه التخلى عن قناعاته ، تعنى المشاركة الفعالة فى المجتمع وان تتاح فعلا هذه الفرصة وان يشاركوا فى صنعها من خلال منظماتهم. الا ان سياسة الانصهار {Assimilation } التى تقوم على نفى الآخر والهجمة ضد السود او الحجاب مثلا او عمامة السيخ كما اشار الى ذلك التقرير السنوى لرصد التمييز فى دول الوحدة الاوربية لايدل الا على النفى ومحاولة جبر الآخر للتخلى عن جزء اساسى من قناعاته وبالتالى هويته. ووفقا لقوانين حقوق الانسان المنصوص عليها ايضا دوليا والتى صنعتها هذه الدول تنص على احترام حق الهندية التى ترتدى مايشبه الحجاب او المرأة المحجبة اذ لاينبغى ذلك من حرمانها من العمل او نزعه ليسمح لها بالتعليم كما حدث بفرنسا او بمهنة التدريس كما حدث بالمانيا. هذا يشير الى ان المهجر ليس بجنة لها سماء عريض تمطر منه الاموال، الذهب والفضة وانما يعتبر رحلة قاسية لاثبات الذات فى واقع جديد مختلف فى ثقافتة ولغته وبالتالى فى طريقة تفكيرة وكل شىء فيه يعتمد على المؤسسة والتى تشكل غيابا كاملا فى دولنا الام. الخلفية التاريخية والاجتماعية للمهاجر تلعب دورا كبيرا فى حراكه الاجتماعى فى البلد الجديد، ونسبة هذه الحراك تؤثر بشكل واضح فى الهوية وتحولاتها والتحديات التى تواجه المهاجر بدء من التمييز الذى يقع عليه بسبب لونه، اصله، نوعه، دينه الشىء الذى قد يؤدى الى كثير من الامراض النفسية وحالات الاكتئاب وربما الجنون الخ.... مشاكل الجيل الثانى فى بلدان المهجر والذى هو اقرب الى هذه البلدان ومنظومتها، كيف نواجه هذه المشاكل وخلق ارضية تفاهم مع هذه الاجيال تستوعب ثقافتنا وذلك بعد غربلتها من الشوائب التى لاتتماشى مع روح العصر بمعنى ان تعلم واستيعاب ان هناك آخر ينبغى ان نثبت حقه فى التعبير واثبات الذات يحتاج منا الى تفكيك {صواميل} ذواتنا، خاصة وان الاجيال التى هاجرت منذ الثمنينات مرورا بالتسعينات تنتمى الى فترات التوتر السياسى فى السودان، فالكبت والقهر والمناهج الاحادية النظرة وكذلك الاعلام المغيب باستمرار للآخر ينعكس فى طريقة تفكيرنا وسلوكنا وبالتالى يحتاج الى تفكيك ونحن نواجه ذاتنا فى بلاد جديدة تتطلب منا ان نكون فى حالة حراك دائم. ان النظرة المأسوية الى الهجرة وتحليلها فقط بزاوية واحدة يكون فيها كثير من الظلم الى فوائد الهجرة نفسها واكتساب مهارات وخبرات جديدة تساعد بشكل مباشر فى التحولات الايجابية فى الموطن الاصلى هذا اذ استطعنا ان نؤسس لعمليات تشبيك خلاقة. يتبع.. ملاحظات: • تعتبر المحاور التى ستنشر فى سلسلة قراءات أولية قابلة للتطوير والتعديل وذلك وفقا للفرضيات التى تبرز من خلال المراجع التى استند عليها فى تحليل وضعية المهجر والمهاجر السودانى • استخدام الصيغة المذكرة للاسماء تحتمها عدم تشتيت ذهن القارىء او القارئة اذ ان المقصود بها الجنسين معا مع وعى الكامل بضرورة البعد النوعى فى تحليل الظاهرة والتى ابرز لها لاحقا فصلا كاملا • وضع اى كلمة بين قوسين يعنى ان للكاتبة مفهموم مغاير مثلا للوطن، الهوية، الوعى النوعى وذلك استنادا للحراك الاجتماعى للمهاجر وسيتم التطرق لذلك لاحقا مراحع مهمة: Beyond the State-Bounded Immigrant Incorporation Regime Robinson, R. 2005. Transnational Migrant Communities: Their Potential Contribution to Canada’s Leadership Role Adams, R. H., Jr. 2003. “International Migration, Remittances and the Brain Drain: A Study of 24 Labor-Exporting Countries,”، الصفحة 3. ورقة عمل بشأن بحوث السياسات. الرقم 3069. واشنطن، العاصمة: شبكة الحد من الفقر والإدارة الاقتصادية، فريق الحد من الفقر، البنك الدولي الأمم المتحدة. 2004. دراسة الحالة الاقتصادية والاجتماعية في العالم 2004: الهجرة الدولية (E/2004/75/Rev.1/Add.1, ST/ESA/291/Add.1)، الصفحة 3. نيويورك: إدارة الشؤون الاقتصادية والاجتماعية، الأمم المتحدة. Nuscheler, Franz (2000): Titel. Globalisierung und ihre Folgen: Gerät die Welt in Bewegung? In: Butterwegge, Christoph/ Hentges, Gudrun (Hrsg.): Zuwanderung im Zeichnen der Globalisierung. Migrations-, Integrations- und Minderheitspolitik. Opladen: Leske + Budrich, S. 20-31 Oguntoye, Katharina/ Optiz, May/ Schultz, Dagmar (Hrsg.) (1986): Farbe bekennen, Afro-deutsche Frauen auf den Spuren ihrer Geschichte. Berlin: Orlanda Frauenverlag Hahn, Sylvia (2000): Wie Frauen in der Migrationsgeschichte verloren gingen. In: Parnreiter, Christof/ Husa, Karl/ Stacher, Irene (Hrsg.): Internationale Migration, die globale Herausforderung des 21. Jahrhunderts? Historische Sozialkunde 17/ Internationale Entwicklung. Wien: Brandes und Apsel/ Südwind, Seite 77-96 Hamid, Ishraga Mustafa (2005): Afrikanerinnen zwischen extremer Sichtbarkeit und extremer Unsichtbarkeit, Überblick und Analyse in Wien. In: Binder, Susanne/ Rasuly-Paleczek, Gabriele/ Six-Hohenbalken, Maria (Hrsg.): Herausforderung Migration, Beiträge zur Aktions- und Informationswoche der Universität Wien anlässlich des UN International Migrant's Day, Wien.

ماكتبه الاخ بريمة يطفح بالتمييز النوعى ضد المرأة السوداينة المقيمة فى امريكا
وبعض الثغرات واهمها التعميم كما ذكرت وذكر غيرى الشىء الذى يفقد الموضوع موضوعيته
خاصة وان هناك {شماعة} جاهزة وهى المرأة المخمة بالتوب على سبيل المثال

اواصل مانشر فى مجلة الخرطوم الجديدة من سلسلة مقالات ذات صلة بموضوع البوست

هذا وساعود حالما توفر لىّ الزمن

Quote: فوانيس د. اشراقه مصطفى حامد مواجهة الذات حين يجترحها التمييز{3} {قل لي يا أبي، ما هي العنصرية: { العنصرية سلوك شائع كثيراً وهو امر مشترك فى كل المجتمعات، وأصبح للأسف، أمراً عادياً ومبتذلاً في بعض البلدان يمكن ان يحدث ذلك من دون ان ننتبه اليه أو نشعر به. وقوامه الارتياب، بل واحتقار أشخاص يمتلكون صفات وميزات جسمانية وفيزيائية وثقافية مختلفة عما نمتلكه} من كتاب الطاهر بن جلون "العنصرية كما شرحتها لابنتي" . المركزية الأوربية التى تعتبر الأوربى وحضارته هى المعيار الذى يقاس به تطور او تخلف الآخر هى أول ما تواجه المهاجر او المهاجرة عبر الصورة النمطية عن آل عالمنا النامى. عالم مقسوم الى {أبيض} و {أسود} بفهم سياسى للمصطلحين هو ان الابيض يسيطر على العالم وعلى مصادرة وموارده ويحدد قراراته. ان مواجهة الذات تحتاج الى تمارين فى غاية الصعوبة فى احايين كثيرة خاصة اذا ارتبطت بتفكيك {صواميلها} ومواجهتها باسئلة تكوينها وكويننتها. البشر لايولدون عنصريين وليست العنصرية {جارية فى الدم} بل هى موقف وسلوك يمارسة الشخص بوعى او بدون وعى، بمارسه كفعل او ردة فعل وفى كلتا الحالتين تبقى التمييز مرفوضا رفضا باتا ومواجهتها ترتبط بالحراك الاجتماعى فى المحتمعات الجديدة ومعرفة انظمتها والطريقة التى تدير بها مؤسساتها. الحراك الاجتماعى للمهاجر يتيح له ان يواجه ذاته وان يفكك بنية المسكوت عنه فى ثقافتنا، ربما يقول بعضنا بانه لم يمارس العنصرية مرة واحدة فى حياته بل الدقة تتطلب بانه ربما لم ينتبه الى ممارستها. يحدث التمييز لعدة أسباب منها العرق/اللون/الاصل/النوع/ الدين/ الطبقة والتوجه السياسى الخ. ممارسة التمييز يبدأ من الدولة عبر تشريعاتها سوى كانت الدولة الأصل ام الدولة التى هاجر اليها والاخيرة تختلف وفقا للقوانين التى تحكمها، حتى الدول التى يحكمها قانون المواطنة المتساوية فى الحقوق والواجبات نجد ان هناك ثغرات تمارس التمييز ضد {الآخر}، وذلك يعود الى الصورة النمطية عن آل عالمنا النامى. أن درجة حراكنا الاجتماعى داخل هذه المجتمعات الجديدة تدلنا الى ملاحظة مفادها انه فى الغالب لايكون هناك فرق بين انسان امريكا اللاتينية او أسيا او القارة الافريقية وذلك فى نسق السياسة العالمية التى مارست ومازالت تمارس التمييز باشكال مختلفة على شعوب عالمنا مرتكزة فى الاساس على المركزية الأوربية او افضلية الشعوب {الآرية} ومع ذلك استطاعت العديد من البلاد الأوربية من سن تشريعات تحمى مواطينيها من التمييز. مواجهة الذات ترتبط الى حد كبير بردة الفعل المرتبطة بفعل التمييز الواقع على الشخص، وكلما ذادت ردة الفعل المعاكسة كلما ذادت اجتراحات الذات، فالمهاجر الذى ظل لسنوات طويلة يعتقد بان {عرقه} نقيا يفاجأ باسئلة تجترح هويته وسؤال عمن يكون؟ مواجهة التمييز ومواجهة الذات بعكس تجاربنا التى عشناها فى مهاجرنا ينبغى ان تدفعنا الى التفكير بتروى عن الاحوال فى بلادنا السودانية عبر تاريخها ومنذ الاستقلال بدء من عنصرية {الدولة} عبر مؤسساتها وتشريعاتها وعلينا ان نرمى حجر السؤال دون ان نهشمه على صخرة الواقع حول كينونة الاجهزة الأعلامية مثلا التى ظلت عبر تاريخها تتعامل مع معطيات الواقع باعتباره احادى الثقافة وتناسى اننا كاجيال بحاجة الى ان نعرف عن ثقافاتنا المختلفة وأن نزدهى بتعددنا البديع. مواجهتنا للتمييز فى المهجر تقودنا الى سؤال الذات ان كنا مارسناها او اننا تعاملنا مع ذاتنا بانها الأفضل فى العالم، مقولة مثل {نحنا الساس ونحنا الرأس} تنهار فى اول مواجهة مع سؤال الكينونة ونكتشف انه لا ساس غير الانسان بتعدد ثقافاته ولغاته واديانه ولا رأس سوى مواجهة الذات بشكل مستمر والمساهمة ضمن العالمين فى ترسيخ قيم التسامح والتصالح. مواجهة الذات تساعدها الى استيعاب تمرحل هويتها التى يظن البعض منا انها هوية ثابته وفى ذلك تنافى للحقائق هو ان الهوية فى حالة حراك مستمر كامواج النهر لاتعرف السكون وحراكها هذا محكوم بالحراك الاجتماعى للمهاجر، فحين يواجه احدنا بانه ليس {عربيا} تبدأ هزة الروح الأولى، فمن اكون ياترى؟ وقد ظلينا نعلن انتمائنا للعروبة دون ان يقتنع العرب باننا عربا وظلت افريقيا {ادغالا} مجهولة لنا لانعرف منها سوى الشذرات التى حوتها مناهجنا وفى مخيلة العديد منا صورة نضال جنوب افريقيا وزعيمنا الروحى مانديلا. فى المهجر يتلمس المرء دربه من جديد ويكتشف بانه {آخر}، وينتمى الى {آخرين} جاءوا من {ادغال} و {أحراش} عالمنا {الثالث}. يساعد فى مواجهة الذات التحول من مركزية {الانا} الى {الآخر} وهو تحول قد يسبب كثير من العنت خاصة وان شعوب عالمنا النامى تمت صياغتها من خلال انظمة الحكومات الديكتاتورية وتهميش هذه البلدان من خلال سطوة العالم {الأول}. هذا الحراك تجاه الآخر يكسب المرء قدرات جديدة تساعده على استيعاب الواقع وقراءة مختلفة لكثير من الظواهر التى ظل ولسنين طويلة يتعامل معها كثوابت غير قابلة للتغيير. فالساس الذى ظللنا نؤكد عليه تحول الى مواجهة التنميط بكل اشكاله، فالمرأة سائقة الترام او وزيرة الخارجية او المتحدثة رسميا باسم بلادها لابد من انها ستقوم بهز صورة المرأة التى ظلت ومازالت فى ثقافتنا على سبيل المثال {فاس مابيشق الرأس}، هذه الصورة تهتز بقدر هزة الذات فى حركتها تجاه {الآخر} ولهذا نجد ان بعض المهاجرين رغم الهجرة الى مكان جديد الا انه مازال فى اطار زمنه القديم وموروثاتة القديمة والتى حرص عليها وتمسك بها سادا منافذ الهواء نحو رئتيته ليعرف كيف تسير خطى العالم وكيف يفكر {الآخر} وكيف نوحد اهدافنا كمهاجرين ليس تجاه وجودنا فى هذه البلدان وانما الاستفادة من الامكانيات المتاحة لنا لعكس ذلك على بلادنا التى اعلنا فيها صرختنا الأولى. حكتنى مهاجرة سودانية عن تجربتها مع التمييز وهى تواجه سؤال كينونتها واذ بمهاجرة من دولة عربية تجترح هويتها التى ظلت تعتقد فيها منذ ان بدأ تكوينها كامرأة، كان يهمنى ان اعرف كيف كانت ردة فعلها وهى تحتج على اتهام دمها بعدم {النقاء}، جاء ردها دائرا فى ذات رحى العنصرية حين قالت لها { والله انا دمى انقى من دمك ونحنا... ونحنا....}، استوقفتنى هذه {النحن} كما استوقفنى هذا {الآخر} فى انساق مختلفة ولكنها مترابطة. هذا السلوك العنصرى وردة الفعل المنسربة فى ذات الاتجاه تشير الى ان الاثنين لم يحدث لهما حراكا اجتماعيا فى المجتمع الجديد وظلت كلاهما قابعة فى كهفها القديم الذى يشكل لها حماية فى بلاد لاترى فيك الا {آخرا} مهما {اندمجت} فى ثقافته ومنظوماته الاجتماعية. التحول من هذه {الأنا} الى {الآخر} تتيح للمهاجر ان يكتسب مقدرات جديدة للتعامل مع معطيات الواقع الجديد ويكتسب سلوكا جديدا فى الاطار الجمعى وهذا مايساعد فى حركة التغيير التى تستوعبه ويستوعبها داخل هذه البلاد. حراكنا تجاه الآخر يساعد فى ازالة الصور المغبشة للوعى الانسانى، فصور الاعلانات ليست التجارية فحسب بل التى تنادى بمساعدات التنمية، فلولا هذا الحراك تجاه {الآخر} ذو السطوة الرأسمالية والتى تتحكم فى الصورة والصوت والهواء لما اتيح لنا ان نشاهد ونحس ان هناك اناس من هذه البلاد اكثر تضامنا معنا ومع قضايانا العادلة من اناس من بلادنا الاولى. هؤلاء المتضامنون معنا يتيحون لنا فرصا اكبر لمواجهة الكثير من المفاهيم التى نقولها ولانفعلها، فكرة التضامن/ فكرة الآخر/ السلام وثقافته وتاريخ الحروب الطويلة التى عاشتها بلادنا، فالحرب فى الاصل سببها التمييز الذى وقع على فئة معينة ضد أخرى تسيطر على مقاليد الامور ومفاتيح السطلة والثروة فان كنا نريد ان نفتح جراحاتنا التاريخية على قسوتها ونزيفها علينا مواجهة الذات التاريخية ونبشها دون خوف هدفنا المرتجى صناعة العدالة الاجتماعية والمساواة بيننا فى الحقوق والواجبات. ويتبع

اعيد طرح هذا اللنك مرة اخرى لمزيد من الحوار
طالما الامر مازال حول المرأة السودانية المهاجرة وان خصصت هنا المرأة فى امريكا


نساء المهجر فى الذهنية الذكورية...... ليس هكذا يا استاذ... للنقاش لكم/ن جميعا

التحيه لجميع المتداخلين

يا بريمه, ليست كل من اتخمخمت بالثوب و اتكشكت بالدهب هي امراه داخله في متاهه اقتصاديه, او انها غير مواكبه اقتصاديا او انها جاهله و غير متطوره, و ما العيب في الثوب و الدهب؟؟ انا و ان كنت لا اود التحدث عن نفسي يا بريمه, لكن عايشه في امريكا من عمري 10 سنوات و انا الان موظفه و زوجه و ام و رغم اني اتربيت هنا الا اني بلبس ثياب و بتحنن و بلبس دهب هل معنى كده اني غير مواكبه اقتصاديا او غير متطوره.؟؟ العيب ما انه المراه تلبس زيها القومي و لا تمارس عاداتها الجماليه و الفلكوريه لكن العيب ان ينظر لها الرجل نظره دونيه لمجرد انها متمسكه بهويتها و تعتز بزيها القومي. الهنود الانت قلت انك معاشرهم ما شفتهم بيعتزوا بالساري و العمامه كيف؟

بعض الرجال السودانيين يدفعون نسائهم للكذب للحصول على سكن وإعانة مادية من الدولة(as single mothers ) وبعد ذلك يأتى للسكن معها وممارسة دور سى السيد الذى تنازل عنه طواعيه عندها تجد الزوجة نفسها غير مجبرة على تحمل زوج لاينفق ويسومها الذل ينمايحميها القانون وتنفق عليها الدولة فما الداعى للاحتفاظ به

ينصر دينك يا عفراء.

Quote: أمانى يمكنك النظر لأى موضوع من عدة زوايا .. ولكل قصة هناك جانب خفى غير مروى. ليه أنت تحاولى إنكار الحقائق بدل المطالبة بأثباتها ؟

طيب يا بريمة..... نطالبك بالإثبات بالمستندات والدلائل القاطعة على افتراءاتك على النساء العاملات في الخارج
في بوست سابق لك سحب من قبل بكري ابوبكر وكماتفضلت الاخت اماني طالبت بمنع النساء من السفر والعمل في الخارج دون محرم..وقلت انهن يسئن للسودان ويحططن من قدره..وضربت مثل بالمراة في امريكا وبغتهامت منك مباشرة وذكرت ماشاء ماشاء لك الله من اتهامات ضدهن..دون رادع او ضمير..الآن نطالبك بإثبات ذلك..ولولا انني اخجل من ايراد ماقلت وماذكرت من حديث لاوردته هنا,,,,,
المهم الآن انت تتحدث بشبه عمومية عن وضع النساء وايضا خصصت نساء امريكا...هات ماعندك من احصائيات موثقة او دلائل وبراهين على صحة قولك حتى نتبين مضامين النقاش...
ومن اين اتيت بعينة احصائياتك...وعلى ماذا ارتكزت في تحليل هذه المعلومات او البيانات...

شكراً لكل المتداخلات والمتداخلين .. وشكراً لدكتورة أشراقة لإثراء الحوار بالمقالات ..

سوف أحاول غداً إن شاء الله بالرد على أسئلتكم.

يبدو أن كل الأخوات ما عدا الأخت دلال .. يدافعن بحمية وعاطفة ..

إذا كان الرجال يتم طردهم .. فماذا بعد الكفر إلا الضلال!


والله لو ما خايف البوست يسحب كما سبق .. لأسكت أى إنسان .. ألا تنظرون لإنسان بقامة الأخ تبارك شيخ الدين تعرض للتجربة المريرة .. هنا أمامكم حكى لكم بنفسه ..

والخمخام بالتياب ساعتين لفليف وساعتين فرتيق وتعديل وإعادة تعديل بالضبط كما فى شارع البوسته فى أم درمان .. والواحدة تجى ماشه تشم عطور ما عارف شكلها من العصر الحجرى .. يكفى أن تمشى مكان تجمع السودانين .. لترى العجب العجاب ..

ومع ذلك كله .. أشيد ببعض موسسات المرأة هنا .. فى رمضان فطرنا والأسرة والجيران مع منظمة المرأة السودانية .. كان إفطار رائع .. رغم أن ساحة أفطار النساء صارت بازار .. تباع فيه العطور والمحلبية والشنط والتياب .. وعييييييك وكنت متوقع بعد الأفطار كلمة أو خاطرة إنتهينا إلى بازار .. المرأة السودانية بعيدة كل البعد عن المواكبة ..

وسوف تظل المرأة السودانية سنين ضوئية دون تلحق بالسستم.. وأعرف أكثر من عشرة خريجيات من فى أقتصاد جامعة الخرطوم وكلية القانون جامعة الخرطوم .. كلهن لم يتقدمن خطوة واحدة إلى الأمام .. والكلام دا أعرفهن أكثر من 10 سنوات .. وأقول ليكم حاجة تقرف واحدة فيهن شغالة مافى .. فرقهن شنو من غير المتعلمات أصلاً .. أنا وصلت مرحلة فقدان الثقة فى مقدرات المرأة السودانية إلا ما رحم ربى ..

بريمة

يا استاذ إن بازار منظمة المراءة كان لمساعدة النساء لتسويق منتجاتهن ولو كنت متابع حق اما يدور فى المجتمع لعرفت كم من الانشطة الثقافية والإجتماعية والسياسية التى قدمتها المنظمة

سؤال مباشر هل حدث ان زرت احد المتاجر الامريكية(JC Penny, Macy's) ورائت كم العطور والملابس.التى تعرض فيها وهل هذا يضع الانسان الامريكى فى نفس مصاف المراءة السودانية ام انها مشكلة هوية و عقدة خواجة وإحساس بالنقص لايملاءة الا إيجاد آخر لجلدة بكل هذة التناقضات

Quote: فاغلب المهاجرين لم يكونوا مؤهلين نفسياً لذلك و لكن مؤهلين للخروج من السودان و اكيد خروج من غير هدف محدد و خطة محددة له مخاطر. لذلك قضية الاندماج في مجتمع جديد من شخص غير مستعد نفسياً لذلك قضية صعبة علي الكثير من المهاجرين

نقطة الأستاذ حامد بفتكر أنها نقطه سليمه...وبضيف ليها إنه غير مسألة عدم الإستعداد النفسى
نحنا طلعنا من السودان ونحنا مهزومين...
مهزومين سياسياً بواسطة إنقلابات عسكريه إتوالت علينا زى ...الملاريا.......
مهزومين ثقافياً...ونحنا بنرى الثقافه الإستهلاكيه الوافده علينا من دول الخليج...طاغيه...
ونحنا معدومين الحيله...(كثير من السودانيين الواحد بتم فى الخليج شهرين بجى راجع يقول ليك (( السياره ...والحرمه))....!!!!)
والمسلسلات المصريه والما عارفه جنسا شنو....... بتنسخ فى ثقافتنا
ومهزومين إقتصادياً...عملتنا دقت الدلجه..والوظايف والمهن والحرف ما بتأكل عيش
هزايم فى مستويات عديده...
وكل ده لما تشيلو وتمشى بيهو لبلد ثقافتها ولغتها سايده... وغير كده دينها غيردينك ولغتها غير لغتك...
بتحصل حالة الإنكفاء على الذات دى...الناس بتدور فى حلقه حول نفسها خوفاً من الغريب...
و الراجل بيفرض عليهو الإختلاط بحكم العمل عشان كده بكون عنده قدر من الإنفتاح...
لكن الثقافه الشرقيه بتلجمو من أن يشرك شريكة حياتو فى الإنفتاح دة...
والمرأه بحكم العادات والتقاليد...وبحكم الخوف من المجهول بتنكفئ أكثر وبتنصب نفسها حارسه للثقافه الأم...






ودى لكل الحضور

إقبال

Quote: لدى تجربة شخصية فى فشل زيجة سابقة فى أمريكا بسبب الضغوط الإقتصادية (ما كان فى عنف جسدى يا دكتورة نجاة) وانتهت بطردى من البيت كما تجرى العادة هنا ... واعتقد أنه حلّ موضوعى ... إذ يستحيل تساكن شخصين فى حالة خلاف ونزاع قد يؤدى إلى عنف جسدى ... ولا يجوز خروج امرأة بطفلها بسبب مثل هذه الخلافات ... خصوصاً إن لم يكن لديها مكان تتجه إليه ... ورغم تضررى السابق من هذا القانون ولكننى اعتقد أنه يخدم مصلحة المرأة والأطفال وأؤيّده بشدة .... وعليه أرجو ألاّ تأخذ تفصيلة إخراج المرأة للرجل من البيت منحى نقد للمرأة بأن شوكتها قويت فاستأسدت على الرجل أو نقد للرجل بالإتهام ظلماً بالإعتداء الجسدى ... هو جزء من الإختلافات بين التركيبة الإجتماعية والإقتصادية والقانونية الأمريكية مقابل التركيبة السودانية ... حتى أن قانوناً مصرياً مستحدثاً ينص على أن "الشقة من حق الزوجة" لضرورات اقتصادية وقانونية مشابهة ...

يبدو يا بريمه انك لمن تفهم كلام تبارك, اذا كان هو سيد الشئ راضي و بينظر للي حصل كحل موضوع انت زعلان نيابة عنه ليه, بس اهل البكاء غفروا و الجيران كفروا؟

طيب بتشوف عشره خريجات اقنصاد و ما شغالات و لا طوروا نفسهم, في كم دكتور سايق تاكسي؟؟ و كم مهندس بيعتل الشنط و كم محاسب من غير شغل؟؟؟ يعني المشكله ما امراه و لا رجل, المشكله انخراط المهاجر في المجتمع و ولوج سوق العمل و محاولة ايجاد وظيفه في مجاله.

بريمه انا مستمتعه جدا بالنقاش معاك و رغم اختلافي معاك لكن عاجبني اصرارك على رائيك حتى لو كان غلط, لكن يبدو لي ان غبينتك دي شخصيه, و عندي ليك سؤال و معليس لو انه شخصي شويه, يا ربي المدام بتقرا بوستاتك دي؟ لو الاجابه نعم يا ريت تورينا رايها شنو. و لو الاجابه لا يبقى السؤال هل هي عارفه انت بتكتب شنو عن المراه السودانيه و رايها شنو في كلامك ده و لك التحيه و للمدام الاحترم و الله يصبرها :)

Quote: يعني المشكله ما امراه و لا رجل, المشكله انخراط المهاجر في المجتمع و ولوج سوق العمل و محاولة ايجاد وظيفه في مجاله.

شكراً دانيا, هذه النقطة عميقة و لا يلتفت لها كثير من الناس
لان الثقافة السمعية و النقلية في المجتمعات ال زي مجتمعنا السوداني
و التربية التي تلقيناها علي مستوي المنزل و الشارع و المدارس
فرضت نفسها علي حساب الثقافة النقدية و التحليلية , السبب؟؟

لا أحب ان اغرق البوست في تفاصيل كهذه

الفيكم مكفيكم

متابعة

Quote: وسوف تظل المرأة السودانية سنين ضوئية دون تلحق بالسستم.. وأعرف أكثر من عشرة خريجيات من فى أقتصاد جامعة الخرطوم وكلية القانون جامعة الخرطوم .. كلهن لم يتقدمن خطوة واحدة إلى الأمام .. والكلام دا أعرفهن أكثر من 10 سنوات .. وأقول ليكم حاجة تقرف واحدة فيهن شغالة مافى .. فرقهن شنو من غير المتعلمات أصلاً .. أنا وصلت مرحلة فقدان الثقة فى مقدرات المرأة السودانية إلا ما رحم ربى ..

تانى....يعنى شنو السسستم؟ يعنى لو دخلت مدرسة او جامعه تكون دخلت السستتم؟ و لا لو طلعت سوشال سكيروتى كارد تكون دخلت السستم؟
بعدين يا بريمة "سنة ضوئيه" مقياس مسافه و ليس زمن. و سنة ضوئية تعنى المسافة اللى بيقطعها الضؤ فى سنة (ما متاكده عن الوسط...احتمال يكون فى الفضاء).
بعدين تقدم خريجات اقتصاد و قانون (اواى كليه تانيه) بتقيسوا بشنو؟ و المقرف شنو فى عدم الشغل؟ و القال ليك منو ان التقدم بيتقاس بس بالشغل؟ حتى الامريكانيات "بنات البلد" ما كلهم شغالات. فى ناس عاوزه تقعد فى البيت و تراعى اولادها خاصة و انه لو بقى عندك اكتر من طفلين تكلفة توفير رعاية ليهم اثناء عمل الام احتمال تكون اكتر من نصف دخل الاسرة.
و فى ناس تانين-انا بعرفهم- توقفت الام عن العمل لان الضرائب بتكون كبيرة جدا عليهم اذا زاد دخل الاسرة باكتر من دخل الزوج و الموضوع بيبقى ما جايب همه.
بعدين القاعدات فى بيوتهم ديل اذا كانوا مبسوطات و ازواجهم مبسوطين..ما فى حاجه مفروض تقرفك...لان الموضوع ما بيخصك.
خلينا نقيف شويه و نقيس تقدمك انت كمان ..و اتنى انك ما تكون فى متاهات اقتصادية و ثقافيه ...
1-عندك 104k ? قاعد تخت فيه كم فى السنة؟
2- عندك اى funds لاولادك عشان الجامعات ؟
3- بتلعب رياضة شنو ؟
4- بتعمل تحاليلك السنويه؟
ما ضرورى ترد على ...لان دى اسئلة خاصة جدا و لا اتوقع منك رد عليها. لكن لو ما عندك معاش تكون فى متاهة اقتصاديه. ناوى تعيش عالة على اولادك فى السمتقبل. و ما تقول لى ما بدقر اعمل معاش لروحى .لانى ح اقول ليك انك عايش فوق المستوى اللى مفروض تعيش فيه.
انت زول عندك وظيفة و لما اولادك يبقوا على جامعات ما يقدروا ياخدوا اعانة من الحكومة ..اها عامل ليهم حسابات توفير عشان توفر ليهم قروش الجامعات ؟
و انت عارف السبب فى باقى اسئلتى...
لو كانت اجابتك باى واحده من الاسئلة الفوق دى ب "لا"....اسمح لى ...انت اللى ما اتقدمت فى البلد دى مش المراة السودانية.

عزيزي بريمة
دون الدخول في نقاش حول موضوع البوست لعدم معرفتي ومعايشتي "لمتهات" المرأة السودانية في امريكا كما تقول، اسمح لي أن ادلل - دون تعميم للحالة بالطبع - بنموذج متفرد لعطاء ونجاح امرأة سودانية في تلك الديار غالبت كل الشدائد والمحن وبزَت رفيقاتها في كل شيئ.
قصة نجاح رائعة لمحامية سودانية في أمريكا... كانت نزيلة في مخيمات اللاجئين
_
نجاح وفشل كل مخلوق في هذا الكون مرهون بالاجتهاد والعطاء وسعة الافق والطموح
وبلا شك لا يمكن ان تقف على كيفية استيعاب وفهم المرأة السودانية ،اينما وجدت، للحياة - خارج بلادها- بمعزل عن الكثير من المسلمات التي اثارها هنا العديد من الاخوة والاخوات.
موضوع البوست مهم وشيق جداَ، وبالامكان الخروج منه بفهم اذا ابتعد عن التعصب لرأي ضد رأي آخر.
شكرا لك وللجميع.

العبار بريمة

شايفك وقعت في شر أعمالك. ده نظام ردمك بحطب زيادة.
يالاخوات. بالله ما تقصرو مع بريمة ده

Quote: بنموذج متفرد لعطاء ونجاح امرأة سودانية في تلك الديار غالبت كل الشدائد والمحن وبزَت رفيقاتها في كل شيئ.

معقولة يا حيدر .. قصة نجاح واحدة تعنى أن المرأة السودانية ناجحة .. يا أخى دا يعنى أنها المرأة السودانية فاشلة أصلاً ولمن تنجح الواحدة يحصل صدى غير عادي لنجاحها .. أهو أمامك العبار دينق .. زول حنيكيش ساكت فى حى العمارات .. وولد راحات .. لما جاء ووجد التحدى أنكرب وربط الحزام .. ودربو مرق رغم العبابير ..

النجاح يا أستاذ حيدر وأستاذة إسمارت_أنا يقاس بالخطوات التى قطعها الفرد نحو تحقيق الهدف .. تقاس بإنك عندك الثقة بنفسك ومقدراتك وأنك سوف تحد جدار المستحيل ولا تركن لأى عائق أو عثرة .. بل بعد كل عثرة تقوم وتنفض عنك الغبار وتعيد العزم .. دا لا أجده عند المرأة السودانية إلا ما رحم ربى وتجده دوماً عند الرجال .. لأن معركتنا مصيرية .. إما غرقة يا مرقة .. والنساء (شايفات) الرجال شماعة وحيطة يعلقن فيها كل فشلهن ويتوارن خلفها مدعيات النجاح ..

أنا أطالب أى باحث أن يقوم بحساب متوسط الدخل ونسبة البطالة بين الرجال والنساء السودانين .. وح تشوفوا لو الضحك ما شرطنا ..

ملاحظة أن المرأة السودانية ما دخلت فى السستم ملاحظة بديهية .. فى العيد ذهبنا أسر إلى ملاهى SixFlags فى ولاية مريلاند .. النساء قلبوها بازار .. تخيلوا .. لو هن أصلاً عايزات "الشوبينغ" .. توجد حوالينا عشرات المحلات .. لا تكلف رحلة يوم ولا بنزين ولا 30 دولار لدخول الفرد .. كأنهن ذهبن ودفعن 30 لمول عشان يعملن "شوبينغ"! والغريبة المدام وشلتها أشتروا حاجات الأكل و(الأسناك) تحوطاً .. وإنتهينا إلى أسوء من الأكل .. ملابس وخموم حتش ..

وأنظروا أقبال وأستاذ الصاوى قد خففوا النبرة وبدأوا البحث الموضوعى عن الأسباب .. والبقية التى تنكر تخلف المرأة فى النظام الغربى .. وأقصد بالتخلف أنها لم تواكب .. فى النهاية سوف تصلون بمفردكم إلى حقيقة مرة .. وهى الفارق بين تطلعات المرأة وحقيقة مقدراتها أو تخلفها عن السستم الحاصل يقودها إلى التفكير بصورة غير مسبوقة لكى ترى نفسها فى مقدمة الركب .. ahead of the curb وحتى عن طريق اللفةالخطأ .. مثل طرد الراجل أو إدعاء إنها "سنغل ماظر" أم بمردها ولم ترائى حتى أن أم وحيدة دى ممكن تصير عيب فى نظرنا السودانين ..

تحياتى للجيمع

بريمة

Quote: قصة نجاح واحدة تعنى أن المرأة السودانية ناجحة

يا حبيب
انا عشان كده ذكرت (دون تعميم الحالة بالطبع)
امشي اقراها تاني

Quote: كما قالت لك الأخت اقبال المرضى المحترمة بأنها تسكن فلادلفيا وهناك أكثر من 3 الف سودانى ولم تسمع نوع المشاكل التى تحدثت عنها . وبدورى أنا اسكن فى نيويورك لأكثر من 22 سنة ولم اسمع بنوع المشاكل التى تحدثت عنها. لا ننكر أن هناك بعض الاشكالات التى تحدث للأسر ولكنها تكاد تكون قليلة لدرجة أنها لا تذكر. ياخى اذا كان هناك اثنين أو ثلاثة من ضمن ألف أسرة لديهم مشاكل لا يمكن أن يكون هذا سبب لاثارة الموضوع بهذه الصورة المكبرة.

شكراً حسن حمّاد وإقبال المرضي...

يا بريمة يا أيها المُصلِح الإجتماعي...

شخصي يقيم بأميريكا الشمالية قرابة العقدين من الزمان
ولي أسرة تقيم معي ويشهد الله أنني ما سمعت يوما بكل ما أوردته
في "إدعاءاتك العجيبة". سكنتُ فيرجينيا، واشنطون، ميريلاند وقليلا
في مدينة نيويورك وأقيمُ الآن في الحدود الأميريكية-الكندية ولم
أسمع أو أشاهد طيلة إقامتي بإمرأةٍ تطرد زوجها من بيته. أما الظواهر
الأخرى فهي مسائل نسبية تحدث في كل المجتمعات، فلا توهم القراء بأشياء
غير صحيحة في الواقع...

وتحياتي...

مولانا عبدالأله
تحية طيبة

Quote: ويشهد الله أنني ما سمعت يوما بكل ما أوردته في "إدعاءاتك العجيبة". سكنتُ فيرجينيا، واشنطون، ميريلاند وقليلا في مدينة نيويورك وأقيمُ الآن في الحدود الأميريكية-الكندية ولم أسمع أو أشاهد طيلة إقامتي بإمرأةٍ تطرد زوجها من بيته.

.. أنت ما شفت مداخلة الأخ تبارك شيخ الدين .. ثالث مداخلة فى البوست دا إلى أعلى .. وأنا أشكر لتبارك هذه الشجاعة الأدبية .. لولا تبارك كان الجندريات قطعن لسانى عديييل .. الظاهرة موجودة .. وأخشى أن أكون أول من فت الموضوع عشان كده فى أستغراب ..

بريمة

هنا نص مداخلة تبارك شيخ الدين التى أنقذتى ..

Quote: والله موضوع جدير بالمناقشة .... لدى تجربة شخصية فى فشل زيجة سابقة فى أمريكا بسبب الضغوط الإقتصادية (ما كان فى عنف جسدى يا دكتورة نجاة) وانتهت بطردى من البيت كما تجرى العادة هنا ... واعتقد أنه حلّ موضوعى ... إذ يستحيل تساكن شخصين فى حالة خلاف ونزاع قد يؤدى إلى عنف جسدى ... ولا يجوز خروج امرأة بطفلها بسبب مثل هذه الخلافات ... خصوصاً إن لم يكن لديها مكان تتجه إليه ... ورغم تضررى السابق من هذا القانون ولكننى اعتقد أنه يخدم مصلحة المرأة والأطفال وأؤيّده بشدة .... وعليه أرجو ألاّ تأخذ تفصيلة إخراج المرأة للرجل من البيت منحى نقد للمرأة بأن شوكتها قويت فاستأسدت على الرجل أو نقد للرجل بالإتهام ظلماً بالإعتداء الجسدى ... هو جزء من الإختلافات بين التركيبة الإجتماعية والإقتصادية والقانونية الأمريكية مقابل التركيبة السودانية ... حتى أن قانوناً مصرياً مستحدثاً ينص على أن "الشقة من حق الزوجة" لضرورات اقتصادية وقانونية مشابهة ... عموماً ... الموضوع جدير بالنظر من عدة مناحى ...

اللهم أجعل هذه الشجاعة الأدبية النادرة .. فى ميزان حسناته ..

بريمة

راجع كلام تبارك عشان تفهمه, هو شايف انه ده كان حل امثل و موضوعي و انه كان عيب و من غير اللائق انه زوجته تطلع في الشارع بطفلها و لانه العيشه مستحسيله طلع هو و افتكر ده قمة الرجوله و الشهامه. و انه انسان عاقل, لو كان قعد كان ممكن يحصل عنف جسدي و هو اتفاداه بخروجه

Quote: أنا أطالب أى باحث أن يقوم بحساب متوسط الدخل ونسبة البطالة بين الرجال والنساء السودانين .. وح تشوفوا لو الضحك ما شرطنا

طبعا الضحك ح يشرطك ..عارف ليه؟
لان الام القاعده فى البيت ما زول عاطل. نحسب حساب بسيط جدا. ان عندك كم طفل؟ نقول 3 . متوسط ال Daycare لطفل فى اكريكا حوالى 1200 ال 1400 دولار فى الشهر. و خلينا نقول انهم ما كلهم بيمشوا دى كير ..واحد بس بيمشى و الاتنين الباقين بيمشوا المدرسة. لكن المدارس بتخلص بدرى ..انت محتاج حاجه بعد المدرسة لاطفالك. و ده ح يكلفك حولا 500 ال 600 دولار فى الشهر. كده الحساب كم؟ . دى براها 2400 فى المتوسط. و ما حسبنا ماهية طباخ بيطبخ ليك كل يوم و شغاله بتنظف و تغسل و ترتب البيت . كل الحجات دى تكلفتها كم؟؟؟؟
احسب كل الحجات دى و تعالى قول لى انها عاطلة. لو عندك امثلة لزوجات قاعدات فى بيت و عندهم سواق و شغاله و داده للاولاد تعال قول عاطلة.
و ما تقول لى ده واجبها. لو كانت شغاله مثلك تماما ..ما ح يكون ده واجبها..ح يكون واجبكم الانتين تدفعوا لناس تجى تخدمكم. و حتى لو قاعده فى البيت ده ما واجبها "الدين ما بيقول كده ..بس ده موضوع تانى"
للاسف يا بريمة انت اللى عايش فى متاهة ثقافيه
و ما رديت على فى اسئلتى الفوق عن المعاش و التوفير للاولاد؟؟؟ ما عشان عندك وظيفه و عندك مرتب تفتكر انك "جبت الديب من ديلو و قاعد تحاكم فى المراة السودانية"
ارحمونا

Flag this messageSudaneseonline discussions -
SarahTuesday, October 6, 2009 10:34 AM
From: "Sara Mahmoud" Add
sender to ContactsTo: [email protected] Dania,

Let me take this oppurtunity to introduce myself; my name is Sara and I'm a sudanese professional in my late twenties living and working in the UAE. I've been following the Tummy Time thread started by yourself , Mariam and Smart_ana on Sudaneseonline and would like to express my appreciation to all of you for taking the time to share your experiences with everyone in a simple, consice and informative manner.

I'm writing to you regarding the thread of Mr. Barima Mohamad about the Sudanese woman in the US and her perceived lack of social and financial skills leading to her failure to integrate in the American society.

I have not lived in the US and indeed you and others who do have raised many valid points to counter Mr. Barima's claims. I would like to express my opinion as an educated sudanese working woman who may (or may not!) find herself living in the US and subsequently falling under Mr. Barrima's opinion of the Sudanese woman; I would therefore kindly request that you post my opinion on Sudaneseonline.

To summarize Mr. Barimma's opinion is that the Sudanese woman whilst living physically in the US still practices the same living habits of women in Sudan i.e Henna, Toub, Mula7 and costly social courtsies as well as expensive gifts for relatives back in Sudan. It is my understanding that he also sees the sudanese woman as an unproductive parasitical partner who is not only content with spending her husband's hard earned money recklessly but is ready to evict him from the family home once she is done with him!

It is a very bleak picture that he paints of the Sudanese woman and when challenged to present empirical evidence of these cases Mr. Barrima continuosly referred to people within his social netwrok. Many of the commentators and myself included have wondered if these accusations also apply to Mr.. Barrima's wife which if they do would explain alot and would make him deserving of our sympathies.

Here are my two cents on this subject, the Sudanese woman is not a divine creature without faults, indeed neither is the Sudanese man (and his faults are many but that is another subject) but I think in the cases that Mr.. Barrima referred to, the man would be as much to blame as his wife. First of all when looking for a life partner (husband or wife) one must carefully think about the qualities of that person taking into consideration lifestyle, socio-economic background and vision for the future; so if a man is living or intends to live in a western society which differs alot from life in Sudan he must choose a wife who is educated or has the intention of continuing her education, is willing to and capable of working and has an acceptable level of proficiency in the language (in this case english).

The couple have to discuss their vision for their future life together i.e will the wife be able to work with her existing qualifications or will she need further training and education (assuming the husband is already working) and if she does will the husband pay for it? how soon will they have kids? can they afford child care if the wife chooses to go back to work and is it economically viable for her to do so? how will they manage their joint expenses and savings? how much personal disposable income will each of them have?
I personally think that these are issues that should be discussed by all couples so that there are no surprises or dissapointments later on, unfortunately I only know of two sudanese couples who've had these discussions before getting married as most shy away from talking about finances hoping that everything will magically workout when they are together.

I think the problem here is not some inherent flaw in the Sudanese woman's character but rather a lack of communication and errors in the basis on which most Sudanese men choose their wives.

I apologise for the lengthy reply and for writing in English and I look forward to following the rest of this discussion.

Regards,

Sarah

الأخت المحترمة ساره

شكراً على تفضلك بالمشاركة وشكراً يا دانيا .. أولاً حول سؤالك عن المدام هنا ..

Quote: Many of the commentators and myself included have wondered if these accusations also apply to Mr.. Barrima's wife which if they do would explain alot and would make him deserving of our sympathies

فى ظنك إنها تختلف من المرأة السودانية فى أمريكا ..!! يا أستاذة المدام تعتبر الحنة والكشاكيش والحتش والعطور حتى البائدة منها ولكنها تحظى بزوق المرأة السودانية والدهب .. كلها جزء لا يتجزأ من شخصية المرأة السودانية .. ودا خلاف أساسى بينى وبينها .. وبيتنا ما لم أكن قاعد فى الكمبيوتر أو ماسك كتاب أو نائم دوماً فى ركن نقاش .. هى وصحابتها حرب علىّ لكن حتماً الغلبة لىّ أنا .. وأنا أرى كل هذه الأشياء شكليات ولا تزيد المرأة حبة قطمير .. بل تجعلها ك Alien .. مثل الحاجة الغريبة النازلة من الفضاء فى وسط المجتمع الأمريكى .. نعم لما ترجع السودان she can dress up like others

Quote: I think the problem here is not some inherent flaw in the Sudanese woman's character

The problem is deeply rooted in the mindset of the Sudanese's Woman and cant not be easily resolved unless the educated women take genuine and sincere steps toward a better woman's culture

الأخت سارة أنت تم تضليلك أو أندفعت بالحمية الجندرية وأنبريتى للدفاع عن أخواتك السودانيات فى أمريكا .. الشوفونية عند المرأة السودانية الأمريكية لا يمكن تخيلها .. وومكن كلهن "يردمنك" كلام منمق وهو أجوف فارغ من أى مصداقية ..

أنا زول طريفى .. زول نصيحة عشان كده شوفى الدواس معاى ..

تحياتى وممتن لى مشاركتك ويا ليت تانى تديها واحدة.

بريمة

Quote: لان الام القاعده فى البيت ما زول عاطل. نحسب حساب بسيط جدا. ان عندك كم طفل؟ نقول 3 . متوسط ال Daycare لطفل فى اكريكا حوالى 1200 ال 1400 دولار فى الشهر. و خلينا نقول انهم ما كلهم بيمشوا دى كير ..واحد بس بيمشى و الاتنين الباقين بيمشوا المدرسة. لكن المدارس بتخلص بدرى ..انت محتاج حاجه بعد المدرسة لاطفالك. و ده ح يكلفك حولا 500 ال 600 دولار فى الشهر. كده الحساب كم؟ . دى براها 2400 فى المتوسط. و ما حسبنا ماهية طباخ بيطبخ ليك كل يوم و شغاله بتنظف و تغسل و ترتب البيت . كل الحجات دى تكلفتها كم؟؟؟؟ احسب كل الحجات دى و تعالى قول لى انها عاطلة. لو عندك امثلة لزوجات قاعدات فى بيت و عندهم سواق و شغاله و داده للاولاد تعال قول عاطلة. و ما تقول لى ده واجبها. لو كانت شغاله مثلك تماما ..ما ح يكون ده واجبها..ح يكون واجبكم الانتين تدفعوا لناس تجى تخدمكم. و حتى لو قاعده فى البيت ده ما واجبها "الدين ما بيقول كده ..بس ده موضوع تانى" للاسف يا بريمة انت اللى عايش فى متاهة ثقافيه و ما رديت على فى اسئلتى الفوق عن المعاش و التوفير للاولاد؟؟؟ ما عشان عندك وظيفه و عندك مرتب تفتكر انك "جبت الديب من ديلو و قاعد تحاكم فى المراة السودانية"

فعلا اسمارت..
اسمارت عقل ووعى


---------------------
موضوع عاوز تفرغ تااااااااااااااااااااااااااام عشان نضع الامور فى وضعها السليم

I love this comment,

I will be back later from home, no arabic in the office.

Quote: والخمخام بالتياب ساعتين لفليف وساعتين فرتيق وتعديل وإعادة تعديل بالضبط كما فى شارع البوسته فى أم درمان .. والواحدة تجى ماشه تشم عطور ما عارف شكلها من العصر الحجرى .. يكفى أن تمشى مكان تجمع السودانين .. لترى العجب العجاب ..

يا بريمه كلامك دا ما فيهو موضوعيه .. يعني شنو تتخمخم وعطور من العصر الحجري .. ما ياها حبوباتك واماتك كانن كدا .. اذا انت شايف انو تمسك المرأه بالعرف السوداني عواقه وتخلف لمجرد بس انها بقت في امريكا .. تبقى مرقت بره الموضوع ودخلت في إساءه زي ما شايفه بعتبروها المداخلات هنا شخصيه .. اتكلم عن قضيه وخليك من التوب والخمخمه ..

Quote: وسوف تظل المرأة السودانية سنين ضوئية دون تلحق بالسستم.. وأعرف أكثر من عشرة خريجيات من فى أقتصاد جامعة الخرطوم وكلية القانون جامعة الخرطوم .. كلهن لم يتقدمن خطوة واحدة إلى الأمام .. والكلام دا أعرفهن أكثر من 10 سنوات .. وأقول ليكم حاجة تقرف واحدة فيهن شغالة مافى .. فرقهن شنو من غير المتعلمات أصلاً .. أنا وصلت مرحلة فقدان الثقة فى مقدرات المرأة السودانية إلا ما رحم ربى ..

اكبر عقبه بتواجه المرأه السودانيه هي الراجل السوداني .

السلام عليكم ورحمة الله وبركاته،



الاخت دانيا الرجاء رفع هذا البوست،،



الاخ بريمه يناقش بطريقه غير موضوعيه، وهو يسى لكثير من النساء السودانيات بامريكا، يسى لزوجته، لجارته ، و لنساء جاليته ... وللاسف الشديد يااخ بريمه انت نموذج سيى للرجل السوداني... انا امراه سودانيه مطلقه واحمل شهادة دكتوراه واعيل اولادي الثلاثة الذين لا يسأل عنهم والدهم (السوداني) الانت بتشكره ورافعه السماء... انا العائل الوحيد لاسرتي والحمد لله مستوره ولم احتاج لاى احد وان شاء الله اتنمى ان لايأتي يوما كهذا.....



أخ بريمه ، حاول اطلع من الوسط الانت فيهو دا واكيد حاتشوف نماذج مشرفه للمرأة السودانيه... وارجوا انك كمان تكون فير وتذكر سبب عدم تطور البعض من الجنسين الا وهو الرجل الذي لايشجع المراة ويقف بجانبها وايضا عدم سند المراة وتحميسها لزوجها وبرضوا امكن السبب يكون انهم الاتنين سجم في رماد....



واخر ما اود ان ان اذكره هو: موضوع الاعانه من الدوله وتقديم معلومات غير صحيحه عن الدخل والحالة الاجتماعية.... ياجماعه ده غش غش غش والفلوس دي مال حراااام وانتو بتأكلو اولادكم السحت والعياذ بالله.... استغفر الله العظيم وربنا يهدينا جميعا ويغفر ويهدي الناس الفي ضلال دي..... وشكرا...



مروة

الأخ بريمة وضيوفه الكرام
سلام

تابعت النقاش هنا منذ بدايته ...

بصراحه ما عارف أبدأ من وين ولا وين لأنو المواضيع البيتم نقاشها هنا كتيرة وطريقة النقاش ليها متداخلة مع بعض ... عشان كدة بالنسبة لى أفضل أمسك النقاط البعرفها ..

فى نقطة الأخ بريمة ذكرها كم مرة وكل مرة بيخلطها بى موضوع مختلف...

هى مسألة طرد الزوج أو الزوجة أو أحد الشركاء من البيت....وكيف بتتم قانونيا؟؟؟

أولا ما فى حاجة مطلقة أسمها الزوجة تطرد الزوج أو أنو القانون بدى الزوجة الحق دا...
عشان المسألة تتفهم بصورة متكاملة مفروض نفهم الاتى:

الطرد تم بواسطة منو..؟.. البوليس ولا المحكمة..؟؟
ودا معناها شنو نوع الخلاف وفى ياتو مرحلة...
أذا كان بواسطة البوليس فهو بكون حسب المعايير اللى بيتخذها البوليس حفاظا على حياة أى زول موجود.. والمعايير دى مفصلة ومجهزة بناء على قوانين العلاقات الأسرية والقوانين الجنائية بالأضافة للأجرائية.. أيضا البوليس عندو مساحة بتاعة أجتهاد.. المهم المعايير دى سكس نيوترال وأيج نيوترال وهنا ممكن يظهر أجتهاد البوليس لأنه مسؤول عن الحفاظ على حياة أى زول موجود..
أهم حاجة مفروض نعرفها هنا أنو البوليس قصده يحمى الناس لحدى ما المحكمة تحل الخلاف يعنى دا طرد مؤقت ودايما بيتم بالتراضى والرجال بيطلعوا لو البوليس طلب أنو واحد يطلع... وكل الأمريكان أتعارفوا على كدا يعنى ما عندها علاقة بأنو الراجل دا أصلو سودانى أو أووربى....

ثانيا أذا كان الطرد بواسطة قاضى دا برضو ممكن يكون مؤقت ... أذا كان فى شكوى وعلى أساسها القاضى منع ألأتصال بين الأتنين بسبب العنف... يعنى زولك بتاع الضرب دا لو طلب البوليس ومشى بعد داك للقاضى كان ممكن يطرد الزوجة وأمها.. لكن مشى جاب ليه عكاز ... فإنت بتتوقع شنو؟؟

أخيرا اللى هو الطرد النهائي بعد حسم الخلاف بواسطة المحكمة وتوزيع الممتلكات وحسم حضانة الأطفال.. ودى برضها ممكن تكون فى مصلحة أى من الطرفين ولا يوجد تفضيل بسبب النوع...
فجميع المراحل دى أذا كان الزوج هو اللى غالبا ما يخسر البيت دى ما عندها علاقة بأصل الزوجة أو نوعها... دى نتيجة لعوامل كتيرة معقدة منها الأجتماعى والأقتصادى وممكن يكون الجسمانى فى حالة العنف مثلا..
لكن لا علاقة لها أطلاقا بأن الزوجة أو الشريكة من أصول سودانية أو غيرها...
.......

لحدى ما أرجع ليل فى نقاط أخرى....أحب أقول ليك رأى فى التعميم الحاصل واللى ما أتوقعتو من كتير من المتداخلين هنا لعدم أتساقه مع طرحهم... أنو ما فى حاجة واحدة كدة أسمها الثقافة السودانية فى علاقتنا بما هو جديد علينا فى المهاجر ..الأختلاف فى التربية والتجارب الفردية السابقة فدورهما أكبر بى كتير من مما تسموه ثقافة سودانية جمعا، فى مهارات سلوكية ومعرفية نحتاجها للنجاح هنا... وأذا تجارب الناس أتشابهت دا نتيجة تفضيل للخيارات هنا دوافعه أجتماعية فردية فى المقام الأول...يعنى الثقافة السودانية الهنا مكتسبة هنا وبتختلف من ثقافتنا اللى فى السودان ولا الموجودة فى أي مكان تانى.. راجع ردود الناس اللى برة أمريكا..
......
ملحوظة...
أستخدامى لكلمة شركاء دا بيشمل الناس المتزوجين زواج أسلامى و لما يحصل خلاف بيفشلوا فى أثبات الزواج دا ودى غالبا بتكون بتآمر من أحد ألأطراف اللى فاهم أنو الزواج دا ممكن أو ما ممكن يكون قانونى أجرائيا هنا... وللأسف يا بريمة ديل كلهم رجال... والزوجة فى النهاية بتطلع من الطلاق بدون شى دا لو ما ساقوهاالسودان وطلقوها هناك... نصيحتى للأخوات أنو يحرصو على تسجيل زواجهم هنا وأى طلاق أسلامى ما بيعتبر طلاق مالم يتبعه قرار من محكمة دا أذا تم هنا أو فى السودان.. دا تحيز بسبب ما شاهدته من ظلم يقع على النساء والأطفال.

للجميع ودى
سيف مصطفى

interesting post but, needs more honesty from both sides!!!

كلام سمارت في الصميم, يا بريمه احيانا عمل المراه يضر بدخل الاسره اكثر من ما بيفع,مثل زيادة الضرائب و المصاريف المتمثله في الداي كير و الافتر سكول كير و غيره, انا شخصيا رغم حبي لشغلي و نجاحي فيه لو ما كانت والدتي موجوده معاي في فرجينيا و ولدي بيقعد معاها و انا في الشغل ما كنت رجعت الشغل بعد ما ولدته. لانه ببساطه حادفع مصاريف حضانه عاليه جدا و ما حاكون مطمئنه على ولدي في رعاية زول غريب او مدرسات وسط عشرات الاطفال, لكن وجوده مع امي خلاني ارجع الشغل فهل لو كنت اخترت تربية ولدي على الشغل حاكون غير مواكبه؟؟ زميلتي امريكيه تركت الشغل لانه عندها 3 اطفال بيمشوا حضانه و ايام البنزين غالي كان بيفضل ليها بس 200 دولار في الشهر من مرتبها عشان كده سابت الشغل و قعدت تمسك اولادها و زوجها اشتغل زياده وظيفه ثانيه بارت تايم عشان يوفر لاولاده حياة افضل. ما عاوزه اكرر كلام سمارت لكن خلينا نتناقش بعقل.

بريمه برضه على موضوع البوليس و الطرد من البيت الانت مصر انه عيب و انه عار على السودانيه لانها مفروض تستحمل اي حاجه من زوجها , ما عاوزه برضه اعيد كلام سيف مصطفى لكن بس عشان الناس الما عايشين معانا يكونوا في النور, انا شخصيا بعرف واحده راجلها كان بيدقها دق العيش على قولتك و كانت بتسكت و تاكل دقتها كل يوم, صاحباتها نصحوها تبلغ عنه او ترجع اهلها, رفضت ترجع اهلها لانه ربوها انه عيب انها تتطلق و لازم تستحمل, االمهم الضرب وصل للاولاد برضه و هي كمان ساكته رغم انه كان واضح الزول ده ما طبيعي لغاية ما جاء يوم الراجل ضربها و ضرب الطفله ضرب مبرح و الجيرران بلغوا البوليس و انت عارف الباقي. اولا الراجل في السجن و الام اتحرمت من اطفالها لانه القاضي شاف انها ام غير صالحه للتربيه لانها ما قدرت تحمي اطفالها و انها مريضه نفسيا لانها استحملت الذل و الضرب ده كله و اولاده كمان ما قدرت تحميهم منه لانه كان بامكانها تبلغ عنه و انها تمشي للحكومه تحميها منه و يوفروا ليها شغل و سكن و يعملوا ليها تدريب مهني و تاهيل نفسي. هل تفتكر انه الزوجه دي برضه غلطانه لو كانت مشت البوليس من اول جلده؟؟ و لا كان احسن كده انهم شالوا اولادها منها و الراجل في السجن و بعد انتهاء المده ارجعوه السودانه لانه ورقه فيه مشكله اصلا؟؟؟ و هي في امريكا بتحاول تسترجع اطفالها؟؟؟


في الحالات الزي دي مش الحمدلله انه في قانون بيحمي من العنتر

Quote: فى ظنك إنها تختلف من المرأة السودانية فى أمريكا ..!! يا أستاذة المدام تعتبر الحنة والكشاكيش والحتش والعطور حتى البائدة منها ولكنها تحظى بزوق المرأة السودانية والدهب .. كلها جزء لا يتجزأ من شخصية المرأة السودانية .. ودا خلاف أساسى بينى وبينها .. وبيتنا ما لم أكن قاعد فى الكمبيوتر أو ماسك كتاب أو نائم دوماً فى ركن نقاش .. هى وصحابتها حرب علىّ لكن حتماً الغلبة لىّ أنا .. وأنا أرى كل هذه الأشياء شكليات ولا تزيد المرأة حبة قطمير .. بل تجعلها ك Alien .. مثل الحاجة الغريبة النازلة من الفضاء فى وسط المجتمع الأمريكى .. نعم لما ترجع السودان she can dress up like others

فعلا الحنه و الدهب جزء لا يتجزاء من شخصيه المراه السودانيه و لها االحريه في انها تمارس عاداتها دي ولا لا, من غير المعقول مثلا اني البس توب امسي بيه المكتب, لكن برضه ما فيها حاجه لو لبسته في زواج صديقتي السودانيه, اللبس و العطر ده حريه شخصيه و افتكر انه الانسان المواكب و المتطور بيحترم حرية الاخرين و اختياراتهم لللبس و العطر و الزينه. انت امس ذكرت الهنود و اعجابك بيهم, ما لاحظت انهم من اكثر المهاجرين تمسكا باكلهم و لبسهم و كشكستهم؟؟ اشمعني سجلت اعجابك بيهم؟؟

الهجره ما معناها الانسلاخ من العادات و الهويه, معناها انخراط في المجتمع الجديد مع التمسك بالهويه, و هذا ما يميز امريكا عن بقية العالم, العادات و الاثنيات المتعدده و الهويه الثقافيه المتنوعه و اللي من وقت قريب بس بدا الشعب الامريكي يتقبلها و يشارك المهاجرين الاحتفال و الاعتزاز بها و لو كان بحذر و بطئ

دكتورة مروة
سلامات .. وألف شكر على المداخلة ..

Quote: الاخ بريمه يناقش بطريقه غير موضوعيه، وهو يسى لكثير من النساء السودانيات بامريكا، يسى لزوجته، لجارته ، و لنساء جاليته ... وللاسف الشديد يااخ بريمه انت نموذج سيى للرجل السوداني... انا امراه سودانيه مطلقه واحمل شهادة دكتوراه واعيل اولادي الثلاثة الذين لا يسأل عنهم والدهم (السوداني) الانت بتشكره ورافعه السماء... انا العائل الوحيد لاسرتي والحمد لله مستوره ولم احتاج لاى احد وان شاء الله اتنمى ان لايأتي يوما كهذا.....

.. كل النساء السودانيات فى أمريكا من بعضه إلا ما رحم ربى كما يقول العارفون .. مرات ومرات ناس المطافئ يجوا بسبب حفر الدخان .. دا كلام شنو دا .. !! فى قولك عنى رجل سيئ فى بعض النواحى ممكن تقولى علىّ راجل سيئ .. أنا بفت أى حاجة .. لأن لو ما فتيتها تعمل لى غصة من الزعل ..

كده ورينا قصة الراجل دا شرد كيف؟ الشرده شنو وأنت دكتورة قادرة تعوليهو هو وأولاده؟ .. يا أخوانا الكلام دا ما شامين منه ريحة طاقة !! وتقولى أنا راجل سيئ .. وأنت شردت الراجل عدييل يقولوا عليكى شنو بالله!! تكونى مليته "نقة" وفارغة لمن هرب كلوكلو .. ومعروف أن الرجل يهرب بسبب "نقة" المرأة ..

الموضوع يا دكتورة ليس أن تتهجمى علىّ أو أنا أتهجم عليك .. الموضوع برمته وجهة نظر .. قابلة للأخذ والرد .. وأنا بكل صدق أرى أن مشكلة السودانين فى أمريكا وأزماتهم الأقتصادية سببها النساء السودانيات فى أمريكا .. ومتى يستطيع الأنسان المحاور أن يفرق بين الكاتب والمكتوب .. بين شخص الكاتب والموضوع .. حسى أنت شبكتينى فارغة دون أن تعرفينى ولم تناقشى الموضوع إلا فى حدود الشخصى .. أنا لا يهمنى إنك طردت الراجل أو هو هرب لوحده .. يهمنى أنه "كسح" من المنزل لسبب ما وأنت قاعدة ومثل هذا لا يحصل فى الدول الأخرى ربما فقط هنا فى أمريكا ..

بريمة

Quote: الموضوع يا دكتورة ليس أن تتهجمى علىّ أو أنا أتهجم عليك .. الموضوع برمته وجهة نظر .. قابلة للأخذ والرد .. وأنا بكل صدق أرى أن مشكلة السودانين فى أمريكا وأزماتهم الأقتصادية سببها النساء السودانيات فى أمريكا .. ومتى يستطيع الأنسان المحاور أن يفرق بين الكاتب والمكتوب .. بين شخص الكاتب والموضوع .. حسى أنت شبكتينى فارغة دون أن تعرفينى ولم تناقشى الموضوع إلا فى حدود الشخصى .. أنا لا يهمنى إنك طردت الراجل أو هو هرب لوحده .. يهمنى أنه "كسح" من المنزل لسبب ما وأنت قاعدة ومثل هذا لا يحصل فى الدول الأخرى ربما فقط هنا فى أمريكا بريمه معليش بقيت ليك في رقبتك و انت شكلك بديت تطنش كلامي لكن مش ممكن الدكتوره مروه دي تكون هي الشردي باولادها و سابت ليه البيت و بدات حياتها بعيد عنه,

Quote: يا أخوانا الكلام دا ما شامين منه ريحة طاقة !! وتقولى أنا راجل سيئ .. وأنت شردت الراجل عدييل يقولوا عليكى شنو بالله!! تكونى مليته "نقة" وفارغة لمن هرب كلوكلو .. ومعروف أن الرجل يهرب بسبب "نقة" المرأة ..

أحيييي يا فشفاشي ....اخير اسكت.

العزيز سيف
تحية طيبة ..
أنت أنسان موضوعى وكنز معرفى .. يا ليت تستفيد المرأة السودانية من خبراتك الثرة ..

Quote: نصيحتى للأخوات أنو يحرصو على تسجيل زواجهم هنا وأى طلاق أسلامى ما بيعتبر طلاق مالم يتبعه قرار من محكمة دا أذا تم هنا أو فى السودان.. دا تحيز بسبب ما شاهدته من ظلم يقع على النساء والأطفال. للجميع ودى سيف مصطفى

لكن قده زدت الطين بلة.

بريمة

دانيا

صدقينى .. أقرأ كل مداخلة كتبتيها .. وأرى نفسى وأنت ذى سيارتين تسيران فى خطين دائريين عكس بعض .. نتفقوا فى حاجات بسيطة .. المشكلة أنك فقدت ميزة النقد البناء وركنت إلى معادلة أى وجهة نظر أطرحها .. وبقيتى تنقلى الشمارات من خارج المنبر عشان تكبرى كومك .. وهذه لعمرى جرسة كالتاجر حينما يفلس يبحث فى دفاترة القديمة.

Quote: مش ممكن الدكتوره مروه دي تكون هي الشردي باولادها و سابت ليه البيت و بدات حياتها بعيد عنه,

وجهة نظر .. لكن من كلام الدكتورة هى قاعدة وهو "كسح" ولا يأتى ليسأل عن أولاده .. عشان كده أنا شامى الريحة الطاقة .. الكلام شكلوا مو عدييل وفيه تجريم واضح فى غياب رجل لا يستطيع الدفاع عن نفسه.

بريمة

Quote: ÏÇäíÇ المرأة السودانية والدهب .. كلها جزء لا يتجزأ من شخصية المرأة السودانية .. ودا خلاف أساسى بينى وبينها .. وبيتنا ما لم أكن قاعد فى الكمبيوتر أو ماسك كتاب أو نائم دوماً فى ركن نقاش .. هى وصحابتها حرب علىّ لكن حتماً الغلبة لىّ أنا .. وأنا أرى كل هذه الأشياء شكليات ولا تزيد المرأة حبة قطمير .. بل تجعلها ك Alien .. مثل الحاجة الغريبة النازلة من الفضاء فى وسط المجتمع الأمريكى .. نعم لما ترجع السودان she can dress up like others

Then that is your problem…..
When you don’t have anything better to do, is when you discuss the important issues of your life, since you started this post I have noticed that it is personal, you could have asked for help for your personal matter, rather than presenting it as a community problem. IT IS PERSONAL MR. AND YOU BETTER RESOLVE IT AT HOME

بريمه هل الراجل ممكن يكون غلطان حسب وجهة نظرك؟؟؟؟

يا اخوانى أنا ضغطى إرتفع
الزول ده حسب وجهة نظرو الرجال ما بغلطو!!
الغلط حق النسوان السودانيات بس!!!
والهنديه كان لبست السارى مافى مشكله؟؟؟
والأمريكيه كان لبست الشورت ولا الكوت مافى مشكله!!!
ياخى مشيل اوباما قعدت فى البيت عشان بناتها....
بس السودانيه شقيه الحال دى هى المشكله!!!


ياخوانى حلونى................................

شكرا يا دكتوره اشراقه..تسلمى

Quote: كده ورينا قصة الراجل دا شرد كيف؟ الشرده شنو وأنت دكتورة قادرة تعوليهو هو وأولاده؟ .. يا أخوانا الكلام دا ما شامين منه ريحة طاقة !! وتقولى أنا راجل سيئ .. وأنت شردت الراجل عدييل يقولوا عليكى شنو بالله!! تكونى مليته "نقة" وفارغة لمن هرب كلوكلو .. ومعروف أن الرجل يهرب بسبب "نقة" المرأة ..

بريمة.... بعد كلامك ده....ما عندى حاجه اقولها ليك غير انك عايش فى متاهة ثقافيه....ربنا يهديك لبر الامان.
خساره انك زول متعلم لكن تعليمك ما زاد ليك حاجه.....فعلا "القلم ما بيزيل بلم"

الاخوة والاخوات.

بريمة تجربته مع السودانين في أمريكا حديثة وضعيفة جدا. الرجل لا يشارك في معظم المناسبات ولا يخالط معظم السودانين ويعيش في نطاق ضيق جدا. فلذلك أي حديث يصدر منه في شأن السودانين بأمريكا وبمثل هذا التعميم هو حديث غير صحيح ورأي يصدر من شخص غير ملم بأوضاع أهله السودانين بمنطقو واشنطن الكبرى ، فكيف يتسنى له بالحكم على جميع السودانيات بأمريكا؟

السلام عليكم ورحمة الله وبركاته
الأخ بريمة :

والإخوة والأخوات الذين أدلوا بآراء وأفكار تدل دلالة قاطعة على عمق التجربة والمعايشة وأحسب نفسي أنني من قبيلة المغتربين وليس المهاجرين ، وأن ما يحدث في أميركا فيه تبصير وتوعية لمن يرغب بالهجرة للدنيا الجديدة ، أستطيع أن ألخص هذا البوست في عدة نقاط :-
- ضرورة تنامي الوعي بالبيئة الجديدة والتصالح معها يتم خطوة مع خطوة الطرفين الزوج والزوجة .
- ضرورة إعادة برمجة العقل السوداني وفق المعطيات الجديدة بحيث المسافة بين الشرع والقانون يكونا واضحين .
- ضرورة الاعتداد بالنفس لدى الطرفين ووضوح الهدف من الهجرة .
- تنمية المهارات والقدرات وذلك يتأتي بقيام الطرفين بالتحرك لأجل ذلكك .
- الصدق هو المعيار الأساس لبناء حياة سليمة قويمة يتوارثها الأبناء .
- الواقعية والعقلانية وتغليب المنطق على العاطفة في التصرفات المالية لدى الطرفين .
- النظر للمستقبل والحذر من مفآجآت الحياة ( الادخار للابناء ) ، الاهتمام بالرياضة البدنية وتطوير الذات من خلال الاطلاع وتوظيف الوقت بصورة جيدة .
- العمل على تماسك الأسرة وتقديس الأطفال وتطويرهم نحو الأفضل .
- الصبر والتحمل لكل طرف يجعل الحياة تمضي بنسق أفضل وتناسي المآسي أفضل من الوقوف عندها كثيراً ، من باب المحافظة على الصحة النفسية والتوازن .
- التجديد والخروج من الرتابة والاختلاط بالآخرين يساعد في تطوير الأفكار ومقابلة الصعاب .
وهذه النقاط التي أوردتها على سبيل المثال لا الحصر ..والله المستعان ويهدي إلى سواء السبيل .

ياجماعه نقاشكم جميل كلكم ,
لكن انتو قاعدين تقنعوا في منو؟
مش قلت ليكم قبيل:

Quote: لاطائل من النقاش ..

زول بيكتب كلام زي ده بتاقشوا فيهو؟

Quote: كده ورينا قصة الراجل دا شرد كيف؟ الشرده شنو وأنت دكتورة قادرة تعوليهو هو وأولاده؟ .. يا أخوانا الكلام دا ما شامين منه ريحة طاقة !! وتقولى أنا راجل سيئ .. وأنت شردت الراجل عدييل يقولوا عليكى شنو بالله!! تكونى مليته "نقة" وفارغة لمن هرب كلوكلو .. ومعروف أن الرجل يهرب بسبب "نقة" المرأة ..

عليييييك الله يابريمه في أمريكا علموك تتكلم مع الناس كده ؟ وللا الأمريكان بيتكلموا كده؟
طيب شايل حال السودانيات مالك كان دي طريقة كلامك ؟

---
سمارت العسل, د. اشراقه, اقبال, دانيه المكي, حنين :
بحبــــــــكم لله

ماااااااااااااا قدرتا ما ادخل كي بوردي..
وبعد دة ما حاقول شئ..لانكم ما قصرتو..
بس لمن واحدة فيكم دايرة راحة او فشفاشا ورم تكلمني عشان اديها استراحة وادخل بدلا انا...
ويا ريت لو كنتا لقيت فرصة في البوست بتاعو عن النساء في امريكا..
بس بقول ليه لو الرجالة بتتقاس بالاخلاق نسوان امريكا ديل ارجل من الرجالة..ديل شقيانات صباح ومساء وبيعيلوا اسر وفاتحين بيوت في السودان ..وكلام كتيررررر كنتا دايرة اقولوا لكن البوست مافي..
ــــــــــــــــــــــــــــــــــــــــــــــــــ
بس لو سمحتوا انا حاجزة نفسي للبوست الجاي لي بريمة عن النساء في الواق الواق وتسببهم في اختفاء تلك البلاد..

Quote: Then that is your problem….. When you don’t have anything better to do, is when you discuss the important issues of your life, since you started this post I have noticed that it is personal, you could have asked for help for your personal matter, rather than presenting it as a community problem. IT IS PERSONAL MR. AND YOU BETTER RESOLVE IT AT HOME

الأخت عفراء سند .. سلامات .. شنو البخليك يا أستاذة تقولى المشكلة شخصية .. كون قلت المدام ضمن أخواتها السودانيات .. حتش وكشكوش وخموم تياب .. دا يعنى أننى لا أجامل فى وجهة نظرى .. بل أتبنى مواقف واحدة تجاه الجميع .. دا لا يعنى إننى إلزمها بلبس شيئ أريده أنا وهى لا تراه مناسب لها .. كلها أشياء فى طاولة النقاش وجدالنا بالتى هى أحسن ليس أنا راجل سيئ كما تقول دكتوره مروة .. أو هى أمرأة سيئة كما قلت للدكتورة ..

وواحدة فيكن لم تسألنى من الزى الذى أراه مناسب للمرأة السودانية فى أمريكا .. نحن هنا كمسلمون تكونت لنا مواصفات المرأة المسلمة .. تعارف عليها الأمريكان بجميع مشاربهم وتقبلوا تلك الشخصية الأعتبارية للمرأة المسلمة أينما كانت ومن أى ركن من أركان الأرض أتت إلى أمريكا .. لبس المرأة لزى أسلامى عملى .. يعطينا ميزات كثيرة أهمها إنها حملت رسالة واضحة فى زيها وعن من هى .. وحفظت نفسها من تقول الأخرين .. وأبعدت العنصرية وحتى النظرة بطرف العين ووضعت الأخر فى "كورنر" التعايش الدينى ..

المشكلة المرأة السودانية هنا إما عايزه تبقى أمريكية كلا كلا كما فى أطفالنا وجيلنا الجديد .. أو ترجع لحليمتها السودانية .. وتتقوقع داخل لفيف من الهندام كأنها قندول عيش الريف .. وأنا أسئل كل الأخوات هنا فى أمريكا كم منكن تقوم الواحدة الصباح .. حتى لو فى "الويك أند" وتعمل جرية أو سويدى بأنتظام ؟؟ وأكاد أجزم فى خلال عشرة 10 سنوات وأنا ساكن فى محلة واحدة لم أعرف غير سودانيتين يمارسن رياضه بإنتظام؟؟؟؟؟؟؟؟؟ تجئ واحدة تقول لى دا تعميم .. هذا يعود إلى ثقافة المرأة فى السودان .. وهنا لم تستطع كسر ذلك الهاجس .. تواكبن كيف وأنت مازلتن فى مجالس الشمارات بتاعت الحبوبات .. وشغلة المشاطات فى المجالس .. تواكبن كيف وأنتن عايشات فى أمريكا باجسادكن وأرواحكن وعقولكن فى السودان ..

الواحد يدخل أىّ بيت سودانى لو ما لقى "وش" الملاح يرقرق دهن ..!! وفى بلد جوها لا يستحمل سكريات أو دهون .. حتى الفسيخ والتركين أو الملوحة .. راقدين "رج" كما تقول حبوبتى .. وشوفوا نسبة الأملاح الموجودة فى التركين مثلاً .. هل هى تتناسب مع بلد أكثر أمراضها تأتى من الأملاح والسكر؟

تحياتى

بريمة

أمانى
سلامات

Quote: ياجماعه نقاشكم جميل كلكم , لكن انتو قاعدين تقنعوا في منو؟ مش قلت ليكم قبيل: Quote: لاطائل من النقاش .. زول بيكتب كلام زي ده بتاقشوا فيهو؟ Quote: كده ورينا قصة الراجل دا شرد كيف؟ الشرده شنو وأنت دكتورة قادرة تعوليهو هو وأولاده؟ .. يا أخوانا الكلام دا ما شامين منه ريحة طاقة !! وتقولى أنا راجل سيئ .. وأنت شردت الراجل عدييل يقولوا عليكى شنو بالله!! تكونى مليته "نقة" وفارغة لمن هرب كلوكلو .. ومعروف أن الرجل يهرب بسبب "نقة" المرأة .. عليييييك الله يابريمه في أمريكا علموك تتكلم مع الناس كده ؟ وللا الأمريكان بيتكلموا كده؟ طيب شايل حال السودانيات مالك كان دي طريقة كلامك ؟

وعليك الله يا أمانى .. فى مكان عام الدكتورة تكتب من خارج المنبر وتشير لى بالبنان بأنى مثل للراجل السيئ ؟ وهى لا شافتنى ولا سمعت عنى إلا من خلال هذا البوست؟
أنا أتعامل بالمثل العين بالعين والسن بالسن والجروح قصاص .. وأنا منتظرها عشان تجى تنكش لينا الراجل طردته من المنزل أم هرب كيف؟ ودا السبب الذى يجعلنى أرى مداخلتها fishy بأنها تكون (لاسنت) الرجل ونقة فيه حتى هرب .. وهذا مثال إمرأة دكتورة يهرب راجلها.

أمانى والله ما لم نتجردوا ووننتقدوا أنفسنا نقد ذاتى يعى الزمان والمكان الذى نحن فيه .. أمريكا .. وليس السودان لن تتقدم المرأة السودانية أو لو حاولت بلا بصيرة سوف تخرج من طورها تماماً كما فى حالات طرد الرجال وsingle mother ومعرفتهن الخاوية للخطوط الساخنة .. 911 مثالاً .. وغيرها ..

الأخ بريمة..

من حقك تبدي رايك وتنتقد بعض السودانيات لعدم مواكبتهم كما تقول،
لكن، يا ريت تقول لينا انك كرجل سوداني يعيش بأمريكا.. هل تعتبر نفسك "مواكب"؟
وما الذي غيّرته في ذاتك وصفاتك بعد الهجرة "لتتواكب" مع المكان الجديد بكل معطياته؟

على سبيل المثال:
ما الذي تغّير في نظرتك للأمور؟
ملبسك؟
هل تمارس الرياضة بإنتظام؟
وغيره..

دينق
يا التشوف فى الفيل وتطعن فى ضلة

Quote: الاخوة والاخوات. بريمة تجربته مع السودانين في أمريكا حديثة وضعيفة جدا. الرجل لا يشارك في معظم المناسبات ولا يخالط معظم السودانين ويعيش في نطاق ضيق جدا. فلذلك أي حديث يصدر منه في شأن السودانين بأمريكا وبمثل هذا التعميم هو حديث غير صحيح ورأي يصدر من شخص غير ملم بأوضاع أهله السودانين بمنطقو واشنطن الكبرى ، فكيف يتسنى له بالحكم على جميع السودانيات بأمريكا؟

مساعدتك شنو لأخواتك السودانيات .. مش أقل شيئ يجب أن تفعله أن تنتقدهن نقد وواعى يساعدهن فى التفكير .. وليس القوالات ولمليم الحتش الذى لا ينفع؟ يا أخى بالله يوم واحد أبقى واقعى وواجه معنا المشكلة المكسرة أى سودانى فى أمريكا .. المرأة التى مازالت تعيش بعقلية الواقع فى السودان.

لو أنقدتهن برضو بتلقى مرة بتقبل بيك وسوف تكون أكثر وعياً لأنها تعرف شيئ عن أى رجل أنت ..

وقلل من العابير ..

بريمة

إقبال
سلامات ..

Quote: يا اخوانى أنا ضغطى إرتفع الزول ده حسب وجهة نظرو الرجال ما بغلطو!! الغلط حق النسوان السودانيات بس!!! والهنديه كان لبست السارى مافى مشكله؟؟؟ والأمريكيه كان لبست الشورت ولا الكوت مافى مشكله!!!

البخليك تكتبى باللون الأحمر شنو؟ عشان تقولى يا ناس هووى أنتبهوا لى .. كل المتداخلين ناس ذو مراتب ثقافية عالية ولهم وجهات نظر مهمة كما وجهة نظرك .. وأنت كده تحاولى تتخطيهم باللفه .. ودا البنقولوا عن المرأة تحاول تختصر الطريق بكل الطرق حتى لو باللفه عشان تكون ahead of the curb .. المرأة الأمريكية أو الهندية زيهن عملى أصلاً ولا يحتاج لنقد .. غير أنو المرأة الأمريكية وصلت مراحل ضوئية فى التبرج .. حتى صارت كالرجل تماماً .. المشكلة فى المرأة السودانية .. والخموم والحتش والكشكوش والأكسسريس الما لها حد.

بريمة

سارة على

Quote: ماااااااااااااا قدرتا ما ادخل كي بوردي.. وبعد دة ما حاقول شئ..لانكم ما قصرتو.. بس لمن واحدة فيكم دايرة راحة او فشفاشا ورم تكلمني عشان اديها استراحة وادخل بدلا انا... ويا ريت لو كنتا لقيت فرصة في البوست بتاعو عن النساء في امريكا.. بس بقول ليه لو الرجالة بتتقاس بالاخلاق نسوان امريكا ديل ارجل من الرجالة..ديل شقيانات صباح ومساء وبيعيلوا اسر وفاتحين بيوت في السودان ..وكلام كتيررررر كنتا دايرة اقولوا لكن البوست مافي.. ــــــــــــــــــــــــــــــــــــــــــــــــــ بس لو سمحتوا انا حاجزة نفسي للبوست الجاي لي بريمة عن النساء في الواق الواق وتسببهم في اختفاء تلك البلاد..

فاتك الشر يا أختى .. أنا قاعد ومتجرد إلا ننجض المرأة السودانية فى أمريكا نجاض .. وتترك البتسوى فيهو دا .. وأقول ليك نسوان أمريكا لا يختلفن عن أخواتهن فى سوق أم درمان أو الخرطوم .. كل شيئ كما هناك .. يا خيتى .. ويا فلانه ناس فلان وعلان فعلوا كذا وكذا .. وبعد شوية تجدهن يلملم حاجاتن وجرى عشان يفعلن كما فعلوا ناس فلان وعلان ..

الفضل يرجع لخال فاطنة .. الفتح عينهن على البلد دى .. وجايات متجرجرات ورانا خموم وحتش .. والعشم فيكن ذى العشم فى لبن الطير ..

تحياتى

بريمة

الاخ الكريم:بريمة
الاخوة و الاخوات..
لكم\ن كل التحايا و الاحترام...


في الاول عنوان البوست (عــــــــــــام) و يشمل كل النساء السودانيات في اميركا,وهو عنوان في نظري
غير دقيق...فقد كان من الآولي أن يكون العنوان ,,موجها الي (بعض) النساء السودانيات,
يعني ...ما تعرفهن أنت,من يسكنن بالقرب منك, في مدينتك,ولايتك...وايضا بالضرورة أن تكون هنالك دراسة و احصائيات دقيقة
بدلا من الكلام العام و الرأي الشخصي..!!!!!!
ثانيا يا اخي الكريم..
من هي المرأة التي تقصد؟؟
عاملة؟؟؟
ربة منزل؟؟
طالبة؟؟
ام كل ذلك(عاملة و ربة منزل وطالبة)؟؟؟؟
ماهي النسبة العمرية التي قست عليها تقييمك؟؟
أدني من 18؟؟
ما بين 18-25؟؟
25 -40؟؟
40 -55؟؟
55 فمـــــــــــــا فوق؟؟
و علي اي شريحة من النساء تتحدث؟؟
طالبات عير مقيمات؟؟
مهاجرات عبر اللوتري؟؟
مهاجرات عن طريق اللجوء؟؟
زائرات و مقدميات طلبات لجوء؟؟
زوجات لسودانيين اميركان؟؟
سودانيات اميركيات( ولدن هنا)؟؟
موظفات في مؤسسات و منظمات دولية؟؟
؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟
عن اي شريحة؟؟؟

توجد كمية مهولة من السودانيات هنا, فيجب عليك التحديد و نوعية الشريحة..وعلي اي شئ بنيت احكامك؟؟؟
هل استطلعت اراء السودانيين الرجال؟؟
وهل الدراسة شملت كل السودانيات(مسيحيات و مسلمات..جنبوبيات و شماليات)..ام أن السودانيات عندك هن فقط المسلمات؟؟؟


أخي الكريم..
زرت فرجينيا في اول يوم من رمضان..
وتعرفت علي أخوات كريمات يعملن بجد و اجتهاد من أجل الارتقاء بانفسهن,واسرهن و اهاليهن في السودان
معظمهن يدرس في الكليات و بعضهن لديه اسرة و اطفال..
فتصور اخي الكريم \بريمة..
امرأة سودانية..(تعمل...وتدرس..ولها اسرة و اطفال).. في امريكا ومع زحمة العمل و الوقت و الغلاء..ياخي هذا هو التفوق بعينه.. و النجاح..


تحديات الغربة, شئ واقع ومرتبط بمدي جاهزية الطرفين للتعامل معها...
سؤال يا بريمة؟؟
هل نحن مهاجرين؟؟؟أم مغتربين؟؟
ثم ياخي...اذا لبست (السودانية) الجينز و كشفت عن شعرها..صارت عند الناس ..(متحررة)؟؟
واذا لبست التوب و الحنة والدهب....قلتم عنها (رجعية) و لا زالت بفهمها القديم و كانها في السودان؟؟؟

مالهن الهنديات و الافغانيات و الاسيوات عموما...ما زلن يحتفظن بتقالديهن ..لماذا لم نتكلم عنهن؟؟
ام فقط المراة السوداينة هي (الحيطة القصيرة)؟؟؟؟؟؟؟؟؟؟؟؟؟؟؟


ماهو دور الرجل...؟؟؟
المسؤليات؟؟ الواجبات؟؟دوره في دعم و تنوير و موازرة المرأة السودانية في اميركا؟؟

اخي بريمة..
بالامس القريب تم انتخاب اربعة نساء للدخول الي (اللجنة التنفيذية لجاليتنا) و اعتذرت اثتنتين, و الان السكرنير العام لجاليتنا في مدينة كبري
مثل هيوستن هي (امراة سودانية) أجمع كل الناس عليها لتقود العمل العام في المدينة..................
امراة سودانية تقدمت ورشحت نفسها وقالت هي تريد ان تكوت صوتا واضحا و مسموعا و اختارت ان تكون السكرتير العام للجالية..


شكرا لك اخي و عفوا للاطالة..
ولكنك قد قسوت علي المراة السودانية في اميركا, واطلقت احكاما جائرة عليها...وبنيت هجومك دون دراسة ودون اي معايير





كل التقدير و الاحترام
الي الاخوات الفضليات الكريمات...

الأخ هوارى

سلامات ..

Quote: أخي الكريم.. زرت فرجينيا في اول يوم من رمضان.. وتعرفت علي أخوات كريمات يعملن بجد و اجتهاد من أجل الارتقاء بانفسهن,واسرهن و اهاليهن في السودان معظمهن يدرس في الكليات و بعضهن لديه اسرة و اطفال..

هل زيارة شهر تعطيك الحق فى التعميم وأنا ساكن هنا 12 سنة لم أستطع أتحدث عن تجربة المرأة التى أسكن فى محيطها ..

سوف أعود بعد الدوام.

بريمة

Quote: وأنا ساكن هنا 12 سنة لم أستطع أتحدث عن تجربة المرأة التى أسكن فى محيطها

طيب ده شنو يابريمة:

Quote: فى أمريكا : االمرأة السودانية تدخل فى متاهات إقتصادية ثقافية خانقة ولا تهتدى إلى بر الأمان

بريمة

المشكلة التي وقعت فيها هنا هي انك عممت ما أدعيته على جميع النساء وده تعميم مخل جدا . وفي نفس الوقت لم تحدثنا عن بعض الرجال السودانين الذين يحملون نفس الأفكار والصفات التي اتهمت بها النساء.

كده هسع انا داير اعرف حاجة يا بريمة!!

العبابير القوية البتخليك تكتب كلام زي ده أنت بتجيبها من وين ؟
أوع بس تكون بقيت تركب الفيل كمان ؟

Quote: البخليك تكتبى باللون الأحمر شنو؟ عشان تقولى يا ناس هووى أنتبهوا لى .. كل المتداخلين ناس ذو مراتب ثقافية عالية ولهم وجهات نظر مهمة كما وجهة نظرك .. وأنت كده تحاولى تتخطيهم باللفه .. ودا البنقولوا عن المرأة تحاول تختصر الطريق بكل الطرق حتى لو باللفه عشان تكون ahead of the curb .. المرأة الأمريكية أو الهندية زيهن عملى أصلاً ولا يحتاج لنقد .. غير أنو المرأة الأمريكية وصلت مراحل ضوئية فى التبرج .. حتى صارت كالرجل تماماً .. المشكلة فى المرأة السودانية .. والخموم والحتش والكشكوش والأكسسريس الما لها حد.

أنا كتبت بالأحمر ما عشان أتخطى أى زول...
والناس الكتبو هنا ديل كلهم انا بحترمهم...
لكن كتبت بالأحمر عشان فاض بى من منطقك الأعوج...
وعشان ردودك الإنتقائيه...بدرجه تخلي الواح يقرب يصرخ
فى سؤال إنطرح ليك سبعومية مره...الداتا حقتك دى جمعتها كيف؟؟؟ومنهج بحثك كان شنو؟؟؟
لو كنت زول عصرى زى ما بتقول أول حاجه المفروض تكون إستفدت منها فى أمريكا دى هى أساليب البحث العلمى
لأنو دى الحاجه الإعتمدوا عليها المريكان فى نهضتهم!!!
وشيتك البتسوى فيه ده لا فيه علم ..........ولا منطق ............ولا أُسلوب حوار!!!


بعدين ليه أتخلى عن لبسى القومى البدينى خصوصيتى وهويتى عشان عبايه خليجيه؟؟؟!!!!
فى وجدانى ريحة الخمره والصندليه والتوب السودانى ده هو هويتنا الما بنتنازل عنها
صاح للشغل بمشى بى إسكيرت ولا بنطلون حسب الظروف والويزر...
لكن فى طلعاتى الخاصه...(لكل مقام مقال...أو لكل مقام لبسه..ههههه)
وأنا لى فى أمريكا 17 سنه...إشتغلت فيها من قولة تيت...



وبالمناسبه لبس الهنديات ما بختلف عن لبس السودانيات فى شئ...
نفس الحنه والدهب لحدى أصابع الكرعين..وتوب الحرير وريحة الصندل...لحدى ما سألت نفسى لزمن طويل...
نحنا ما كنا تحت إستعمار هندى...وما كان فى هجرات هنديه بالقدر البأثر فينا للدرجه دى...
من وين نحنا وناس موريتانيا جبنا التوب ده !!!؟؟؟
وده مع الختلاف الطفيف والبعد الجغرافى الكبير!!!؟؟؟


____________

شكراً لكل الأبدو تقدير لحرفى
وكل ودى للجميع

إقبال

الأخ تبارك اسمح لى

Quote: جزؤ حساس من المسألة هو طريقتنا لإختيار الزوجة أو الزوج ... كما أوردت "دانيا المكّى" وأخريات ... ودى مشكلة لا تتوقف على الغربة والهجرة فقط ... ولكن حتى فى السودان ... لا زالت المعرفة المختصة بالتعامل مع الجنس الآخر والأسرة والتربية وهلم جرا ... تتخبطها الأهواء الشخصية .. والمواقف السياسية ... والنعرات القبلية والعنصرية ... والهوس الدينى ... والإجتهادات الشخصية .. وعادة ما يكون العلم الحديث هو آخر أداة معرفية نستخدمها فى تكوين الأسرة وتربية النشء ... وذلك لمناقضته مع تراكيبنا الذهنية والنفسية ... وتضاربه مع مصالحنا الشخصية وأنواتنا المنتفخة ... وأعنى بهذا الكلام سقطنا من ضحايا الغزو الثقافى الذين تحدّثت عن هزائمهم الأخت "اقبال المرضى" ... فضلّوا السبيل إلى هوياتهم السودانية الأصلية ... وصاروا الآن غالبية ...

الأخ تبارك والله ما عارف ابكى وله اضحك

كيف يتم الربط بين اختيار الزوجة والمواقف السياسية؟

وكيف يتعارض العلم الحديث مع مصالحنا الشخصية وأنواتنا المنتفخة؟

عليك الله شوية توضيح للكلام أعلاه

مغ مودتى

منظمة المراة السودانية الامريكية

منطقة واشنطون الكبري





في أطار مواصلة نشاطات المنظمة وتقديم وتقييم الاراء باختلافها حول قضايا القوانين المختلفة والتي تمس السيدات بالسودان ندعوكم لحضور الندوة والتي ستقام يوم الاحد الموافق 11/أكتوبر/2009 الساعة الخامسة مساءا - حتي التاسعة والنصف مساء

علي العنوان التالي



Mason District Government Center & Police Station 6507 Columbia Pike Annandale, VA 22003 Phone: 703-256-7717

يتحدث فيها د / أحمد المصطفي الدالي

و


الاستاذة / شذا بلة محمد المهدي

عضو سابق بالمبادرة الاستراتيجية لنساء القرن الافريقي-مسؤولة شمال السودان وعضو مؤسس للشبكة الافريقية للحقوق والصحة الانجابية بجوهانسبيرج
وعضو مبادرة اصلاح القوانين فى السودان
طبيبة وناشطة



وذلك بعنوان / اضاءة حول قوانين الاحوال الشخصية والجنائية وحقوق المراة

الدعوة عامة ونؤكد للجميع الالتزام بالمواعيد والحضور لارتباط المكان الصارم





الاراء المطروحة لاتعبر بالضرورة عن رأي المنظمة



اللجنة التنفيذية لمنظمة المرأة السودانية الامريكية / منطقة واشنطون الكبري

دورة 2009 - 2010

Way to go Anwar, I hope Mr. Biraima and his wife will come and there they will see the real sudanese woman who is working hard, educated, professional, and adding a positive weight to the American mixing bowl and yet she might be dressing in toub and gold and henna without dedcuting that out of her knowledge and dignity

أها ... بريمة نجض؟

ندخل نقول راينا؟

ولاّ لسة "ممنوع دخول الملونين والكلاب"؟
____________________________

دانيا المكى: قبل ما أسألك اتعلّمتى الكتابة بالعربى بالدقة الإملائية دى وين؟ كنت داير اشكرك على توفيرك لى معاناة شرح نفسى لى زول بيقرا إتجاه واحد زى بريمة .... فبالله شكراً جزيلاً ... وتحياتى للوليد وحبوبتو وابوهو ..

وزى ما قال الأستاذ سيف مصطفى المحامى ... قد يأتى الطرد اجتهاد من البوليس ... وانا كنت بقول لى البوليس "نحن السودانيين ما بندق النسوان" ... والبوليس بى منتهى التهذيب بيقول لى "أيوا انا عارف، بس لو سمحت ممكن تطلع الليلة وتبيت برة؟"

بعد طاشر سنة فى أمريكا ... اكتشفت انو كلامى داك مضحك جداً ... وأكيد البواليس بعد الوردية مشوا اشتروا ليهم بيرة سااااقطة ... وقعدوا يتونسوا بى ويضحكوا فينى ... "قال ما بندق النسوان قال" ... إذا كنّا ما قادرين نتذكّر سودانيتنا ونمنع الحكومة من إنها تجلد النسوان بالقانون ... أصلوا دا قانون سودانى ولاّ أفغانى ... المصريين ... العندهم مسألة دقّ المرا دا من النسق الإجتماعى الطبيعى للعلاقة الزوجية الطبيعية ... ما عندهم قانون بيجلد النسوان!

وبعد طاشر سنة فى أمريكا ... اكتشفت سر تهذيب البوليس ... الجماعة ديل مشوا مراحل بعيدة جداً فى التعامل مع البنى آدم ... سلبياً وإيجابياً ... غير اختلافهم عننا ... فى مهارة ومهنية عالية ... زى ما بيقول "محمود درويش" الله يرحمو ( ... والآيدولوجيا .... مهنة البوليس فى الدول الكبيرة ...)

وبريمة دا ما داير التياب عشان "الزى الإسلامى العملى"؟ دا بيصرفوهو فى ياتو كتيبة؟

وإحقاقاً للحق ... الحالات البيتكلّم عنها بريمة - على ندرتها - برضو موجودة ... وأنا بتفق معاهو على مجهودو للفت نظر النسوان للمساحات المغبّشة فى الإختلافات بين المجتمعين ... وممكن تسوق النسوان لى حتّات غريبة تماماً على مفاهيمنا البننشئ بيها أسرنا ..

وفى نفس الوكت بتّفق مع الآخرين فى إنو ما كان يعمم حالات فردية على "فى أمريكا: المرأة السودانية ..." ...


جزؤ حساس من المسألة هو طريقتنا لإختيار الزوجة أو الزوج ... كما أوردت "دانيا المكّى" وأخريات ... ودى مشكلة لا تتوقف على الغربة والهجرة فقط ... ولكن حتى فى السودان ... لا زالت المعرفة المختصة بالتعامل مع الجنس الآخر والأسرة والتربية وهلم جرا ... تتخبطها الأهواء الشخصية .. والمواقف السياسية ... والنعرات القبلية والعنصرية ... والهوس الدينى ... والإجتهادات الشخصية .. وعادة ما يكون العلم الحديث هو آخر أداة معرفية نستخدمها فى تكوين الأسرة وتربية النشء ... وذلك لمناقضته مع تراكيبنا الذهنية والنفسية ... وتضاربه مع مصالحنا الشخصية وأنواتنا المنتفخة ... وأعنى بهذا الكلام سقطنا من ضحايا الغزو الثقافى الذين تحدّثت عن هزائمهم الأخت "اقبال المرضى" ... فضلّوا السبيل إلى هوياتهم السودانية الأصلية ... وصاروا الآن غالبية ...

مفهومنا للزواج غير واضح ... لماذا ومن نتزوّج؟ (أذكر أن البعض أجاب فى مكان آخر أن الغرض هو التناسل وحفظ النوع من الإنقراض أو شىء من هذا القبيل!) ...

بعد ذلك ... مفهوم أغلبنا لأسباب وجوده فى بلاد العم سام غير واضح ... فالبعض يريد التفريق بين "هجرة" و "غربة" تمتد لعقود من الزمان .. ويولد ويكبر فيها أبناء وبنات ... يصلون لسن النضج والإستقلالية ... ولا يعرفون إن كنت أنت والدهم أو والدتهم جزؤ من مجتمعهم الذى يعرفونه ويعيشون وسطه أم لا؟ ولا يعرفون سر انعزالك عن المجتمع؛ أهو لأنك أقل قدراً من الباقين؟ أهو لأنك مجرم؟ أو مبتذل؟ أو منكر إجتماعى؟ أم هو لأنك مصاب بمرضٍ نفسيٍّ عضال؟

تأتى الطامة بمحاولة المزج بين فوضى مفهومنا للهجرة بفوضى مفاهيمنا الأسرية ... فكانت النتيجة ان الكثيرين منّا أعادوا صياغة أنفسهم ... وانتهزوا الفرص العلمية والنفسية والإجتماعية والإقتصادية المتاحة ... ليديروا دفة حياتهم نحو الأفضل (كما يفعل الكثيرين من سودانيى المهجر فى كل مكان) ... بينما قلة قليلة .. لم يكن لديها الإستعداد الذهنى والنفسى والمادى ... لتجاوز محنة الإصطدام بثقافة مختلفة ... وأقل تسامحاً مع إذلال الآخر وإيذائه ذهنياً أو نفسياً أو بدنياً ...




.. المهم ...

Quote: . إذا كنّا ما قادرين نتذكّر سودانيتنا ونمنع الحكومة من إنها تجلد النسوان بالقانون ... أصلوا دا قانون سودانى ولاّ أفغانى ... المصريين ... العندهم مسألة دقّ المرا دا من النسق الإجتماعى الطبيعى للعلاقة الزوجية الطبيعية ... ما عندهم قانون بيجلد النسوان!

يا تبارك ياخ الله يخليك وتكون دائما مبروك

الموضوع جايط بصوره غريبه جدا... للاسف الشديد كثيرين حاولوا الباس الموضوع لباس شخصي للسيد بريمه وان السيد بريمه لديه مشكل شخصي في بيته وبالتالي يمارس الاسقاط هنا ...

لا اتفق مع بريمه في كثير من اراءه وخاصة في ما يتعلق بالمواضيع الاجتماعيه والسياسيه لكن لا يعني ان امارس الاسقاط تجاهه واتهمه بانه يعيش في مجتمع منغلق وان لديه مشكله يعاني منها وغيرها من الافتراءات التي لا طائل منها ...

مشكلة المراه او الرجل السودانيين مشكله شائكه ومتجذره سواء كان في الداخل او الخارج وان كانت تظهر مشاكلها و اشكالاتها اكثر خارج السودان مثلها مثل مجتمعات الصومال او بقية الافارقه الذين ضاقت بهم ارض افريقيا الملعونه من اهلها ...كثير من النساء السودانيات لا يعرفن ماذا يردن من المهجر او الاغتراب وكذلك كثير من الرجال السودانين يعوزهم التخطيط السليم لمتطلبات الهجره ...هذه حقائق لا يمكن القفز من فوقها ... ولا يمكن تخطيها بالتفكير العاطفي المقروء علي جنبات هذا البوست

لذلك المشكل الاساسي هو الشخص السوداني سواء كان ذلك رجل او امرأه ...النقاش عبر هذا البورد او هذا البوست يحدد الشخصيه السودانيه النمطيه .....النساء المتداخلات هنا هل يردن ان يثبتن ان لهم دور فاعل في الحياه الغربيه!!!!!!! وان مجتمعاتهن خاليه من المشاكل والاخفاقات !!!! ام ان بريمه وثلته يردون اثبات اخفاقات السودانيين في الشتات الاوروبي والامريكي هو ناجم عن تخلف المرأه السودانيه!!!!




الي متي يظل البعض ناطقا رسميا باسم المراه كما تفعل بعض النساء هنا!!!!!!!... والي متي يظل البعض وصيا علي المجتمع كما يفعل بريمه هنا !!!!!!...







__________________________________________

سلامات Elsanosi Badr
ما فينا واحده قالت مجتمعاتنا خاليه من المشاكل و انها تمام التمام.
انا شخصيا - ما ح اتكلم باسم النساء فى البوست- اعتراضى فى كلام بريمة بان:
1- النجاح بيقاس بالشغل خارج البيت بس.
2- المراة الما شغالة عاطلة و غير منتجه
3- التياب و الدهب و الحنة من مظاهر التخلف.
4- اتهام النساء-فقط النساء-بانهم السبب فى كل الفشل الحاصل-لبعض الاسر -السودانية.
و سالت بريمه ..هو شخصيا اتطور فى امريكا? سالته عن معاشه و توفير مصاريف الجامعة للاولاد. سالته اذا كان بيمارس رياضة و اذا كان بيعمل فحوصاته الدورية فى مواعيده. عاوزه اعرف انا بتكلم مع منو? و الزول اليجلد فينا ده اصلا عامل شنو?

يا سيده اسمارت انا 2001... -ارجو ان اكون قد كتبت اللقب صحيحا-

مجتمعات السودانيين الذين يعيشون في الخارج كغيرهم من الافارقه فيها البلاوي والاحن والنجاحات ...لكن لا يمكن لاحد ان يدق (سدرو) ويتكلم باسمها لانها ببساطه فقدت طابع المجتمعات الصغيره التي تحويها خيمة عزاء او صالة فرح ...لذلك كل المدافعين عن المراه فيها او متهميها لا يحق لهم القول باسمها ...

يا سيده اسمارت انا 2001 اذا كنت تريدين مناقشة السيد بريمه يمكنك سؤاله عن الاحصائيات لا عن حياته الشخصيه لان ذلك لا يهم احد ...

انا لما سالت بريمه الاسئلة دى -قلت ليه بانها اسئلة خاصة - و ان لا اتوقع اجابة. بس انا عاوزه اخليه ينتبه انو ما عشان هو لابس بنطلون قميص و عندو وظيفة بمرتب معناها انو مواكب " ودخل السستم ...ذى ما بيقولوا". عاوزه اشوف الرجال اللى نجحوا فى البلد دى " بتعريف بريمة للنجاح" اتعلموا شنو فى امريكا. و سالتوا عن حجات بسيطه جدا " فى نظرى" اى زول عايش فى امريكا مفروض يكون خالى بالوا منها.
________________________________
ما مهم كتبت اسمى كيف

Quote: دانيا المكى: قبل ما أسألك اتعلّمتى الكتابة بالعربى بالدقة الإملائية دى وين؟ كنت داير اشكرك على توفيرك لى معاناة شرح نفسى لى زول بيقرا إتجاه واحد زى بريمة .... فبالله شكراً جزيلاً ... وتحياتى للوليد وحبوبتو وابوهو ..

تبارك

انشاء الله تتبارك انت يا ابو امجاد, والله لو ما كنت جيت الليله رديت, كنت ناويه ارسل ليك مسنجر.

السنوسي سلام, مشكلتنا مع بريمه ما شخصيه و لا بنحاول ندافع عن المراه لكن انا اتفق مع سمارت في انه بريمه بيعمم و بيهامج و هو بيتكلم من محيط بيته او حلته الساكن فيها و ليس من العدل ان يصف كل امراه سودانيه قاعده في البيت و لابسه توبها انها متخلفه و غير مواكبه, و على فكره انا لو بمواصفات بريمه ده عصريه و مواكبه جدا و خاشه السستم, يا سمارت موضوع السستم ده جاياك فيه ثاني في بوست براه عشان نتاكد نحن خاشين ياتوا سستم.


جميع المتداخلين و المتداخلات التحيه و الاحترام, والله استمعت بالبوست ده شديد


بريمه انا ما افلست لكن خلاص فقدت الامل فيك عشان كده قلت ابرد نفسي شويه معاك و ارجع ليك ثاني. على فكره مروه رسلت ايميل ثاني حانزله ليك

الاخت دانيا، الرجاء رفع هذا البوست واكون شاكرة.

Quote:
وعليك الله يا أمانى .. فى مكان عام الدكتورة تكتب من خارج المنبر وتشير لى بالبنان بأنى مثل للراجل السيئ ؟ وهى لا شافتنى ولا سمعت عنى إلا من خلال هذا البوست؟
أنا أتعامل بالمثل العين بالعين والسن بالسن والجروح قصاص .. وأنا منتظرها عشان تجى تنكش لينا الراجل طردته من المنزل أم هرب كيف؟ ودا السبب الذى يجعلنى أرى مداخلتها fishy بأنها تكون (لاسنت) الرجل ونقة فيه حتى هرب .. وهذا مثال إمرأة دكتورة يهرب راجلها.
Unquote.

،الاخ بريمه



انا كونت عنك فكره وطلعت برأي من خلال طرحك لهذا الموضوع في المنبر العام والذي اسئت وجرحت فيه كل السودانيات لانك قمت بتعميم رأيك علينا كلنا. وانا ماضروري اسمع عنك واشوفك لانه الجواب باين من عنوانه، انت انسان لديك عقد ومشاكل وبتحاول تعقد وتنغص على الكل، لكن هيهات ياأستاذ ، سوف لن يكون وحانكون فوووووق كما نحن وننظر اليك تغوص أكثر واكثر في مستنقعك العميق...



وبخصوص طليقي، لم ييبد مني ما ذكرته لاني انسانه بنت ناس ومتعلمه، وبحل مشاكلي بمنطق وبما امره الشرع، وانا ما ملزمه اني اوريك تفاصيل حياتي الخاصه وانت حر في انك تفترض ماتريده. وبمناسبة الملبس، منو القال ليك انو بنتخمخم بالتياب محل ماماشين؟ انا بلبس لبس عادي ومحتشم في حياتي اليوميه في امريكا وبتمنى تجي مناسبه سودانيه عشان البس التوب الانا بحبه وبفتخر بيهو،واطقم معاهو بالاكسسوارات او الذهب، لكن للاسف التوب غير عملي للحياة اليوميه. والرجاء يا بريمه انك تجاوب على الاسئلة التي قام الغير بطرحها لك الا وهى:



ما الذي تغّير في نظرتك للأمور؟
ملبسك؟
هل تمارس الرياضة بإنتظام؟
401 kعندك

قاعد تخت فيه كم فى السنة؟
عندك اى توفير لاولادك عشان الجامعات ؟
بتلعب رياضة شنو ؟
بتعمل تحاليلك السنويه؟



تخريمه: ياجماعه يكون الهكر ده ظهر تاني؟؟؟ لانه مستحيييل يكون في انسان متعلم وليهو سنين عديده في البلد دي وبهذه العقليه وطريقة طرح للامور

. الله يصبر زوجته المسكينه

Quote: وانا ماضروري اسمع عنك واشوفك لانه الجواب باين من عنوانه، انت انسان لديك عقد ومشاكل وبتحاول تعقد وتنغص على الكل، لكن هيهات ياأستاذ ، سوف لن يكون وحانكون فوووووق كما نحن وننظر اليك تغوص أكثر واكثر في مستنقعك العميق...

سلامة نظرك يا دكتورة .. جابت ليها عقد ونغيص لحياة الناس .. !!!
هونى على نفسك لأنك ما متابعانى فى المنبر ..

Quote: وانا ما ملزمه اني اوريك تفاصيل حياتي الخاصه وانت حر في انك تفترض ماتريده.

ما قلتو نوبة ..

Quote: انا بلبس لبس عادي ومحتشم في حياتي اليوميه في امريكا

Quote: للاسف التوب غير عملي للحياة اليوميه

كدى والله أحييك ..

ولى عودة لذات الموضوع لكن فى جانب أكثر إشراقاً ..

بريمة

بريمه,


التوب اكيد ما مناسب نمشي بيه المكتب مثلا, لكن عيبه شنو في الحفلات؟؟

دانيا
لعنايتك بوست كتبته من قبل فى نقد أعمال الدكتورين الحصفتين .. د. أشراقة ود. روزمن ..
دكتورة أشراقة كتبت ما يسمى "كمجات الجسد" ود. روزمن كتبت ما يسمى ب"سروال الحديد" .. ودكتورة أشراقة لها كل تحية وهى معنا تعرف أن تدافع عن أفكارها بأسوب قوى وفى نفس الوقت خالى من المساس بشخوص محاوريها .. فى هذا البوست أنا تعرضت وبأستمرار للتعرض لشخصى كأنى بطل قصة (والبطل طبعاً لا يموت) .. وفى الحقيقة أنا أطرح موضوع للنقاش ..

هنا البوست .. وغرضى هنا أن أشير أننى أنتقد الدخيل الذى يخرج عن زوقنا السودانى .. وموروثنا الدينى .. وبالتالى أنا ليس ضد التوب ولكن يجب أن يكن فى المكان المناسب له ..

[url(أنا) سوف ألبسك (سروال الحديد)!]

بريمة

الأخت أسمارت أنا
بالمناسبة لكى مكانة سامقة عندى .. والسبب يعود إنك تحاولى إيجاد معادلة تحفظ للمرأة حقها الأدبى .. وأسلوبك فى الدفاع عن المرأة منطقى .. ويعجبنى ..
وهنا فى بوستى هذا أستفدنا منك كثيراً .. حتى الجيران كلهم دخلتهم نظام كروت Costico وغيرها .. والشيرنغ فى مسألة جلب الأشياء .. مرة يمشى فلان ويجب الحاجات بالجملة وتقوم الأسر بتقسيمها والمرة الجاية علان وعايزين نطور المسألة نجيب اللحمة فرش من المزرعة .. وهكذا .. راجعى بوستنا

أنا محبط إحباط شديد من أمريكا .. بعد دا إلأ الواحد يهاجر للقمر عدييل!

المشكلة يا أسمارت أنا .. تمسكى فى الشخصى بشدة .. وتنكشى ومصرة أن أسلوبك فى النبش عن الشخصى سليم .. غلط مع كل أحترامى لك.

بريمة

العزيز تبارك شيخ الدين
سلامات ..
شايفك "كتلت" ملف ضيق وأستعدلت ثم الخلف مسرعاً .. حسبتك سوف تقف وقفت أسد حصور ونثبتوا معاً ثبات بقدر شجاعتك الأدبية الخلتك تفت الموضوع وتكسر "الدش" للأخوات فى أيديهن وأنا وأنت وغيرنا يعرف أن القضية حق وهى أن المرأة السودانية تفرعنت ورضعت من ثدى الثقافة الغربية وهى بعد سن الفطام .. أعرف هدفك أن تحافظ على عروة وثقى بين طرفى النقيض .. قضيتك والأخر المختلف .. أما أخوك العبدلله المسكين يحارب على هدى بطل الأبطال الأسلامى طارق بن زياد .. يحرق المراكب تب ويقطع على العدو يا فى الجمل يا فى الجمالى .. وهذا ما يسمى قتال مودع.

الهجمة الجندرية على شخصى غير مستغربة .. وبالذات من سودانيات أمريكا اللائى أستفحل أمرهن وصرن يطردن الرجال .. لاحظ كمية الصبر والمصابرة التى أقوم بها للدفاع عن أرائى .. لو كان راجل هوين كان النسوان طردنه ضحى قبل الغروب ..

لكن أخوك لم ينجض بعد .. وبراك شايف القرب ينجض منو الجندريات أم أنا ..
ذات مرة ذكر الكماندوز فى الحركة الأخ ماريال بنيامين .. فى منطقة واشنطن قائلاً هم والكيزان لو طبخوهم فى حلة واحدة واحدين ينجضوا والتانين ما ينجضوا .. واحد من الكيزان قال ناس ياسر عرمان فاتوا مرحلة النجاض ..!!

أشكرك على الأتفاق معى حتى لو جزئياًفى هذا الجو الخانق ..

تحياتى

بريمة

عفراء
سلامات ..

Quote: I hope Mr. Biraima and his wife will come and there they will see the real sudanese woman who is working hard, educated, professional, and adding a positive weight to the American mixing bowl and yet she might be dressing in toub and gold and henna without dedcuting that out of her knowledge and dignity

لو كنت مفتكرة إننى أوقف النقد عشان واحدة بقت دكتورة أو ركبت مركبة الفضاء مع ناس وكالة الفضاء ناسا ..تكونى مافهمت أى حاجة من موقفى ..!!
أنا عايز أىّ سودانية هنا تكون دكتورة أو مثل أقبال المرضى القالت جاءت ودخلت فى السستم .. أن سوف أكون (حاقص) مع أخر واحدة متخمخمة حتى تنجض وتعرف كوعها من بوعها فى أمريكا ..

وأقول ليك أنا مدرسة تختلف من أى تصور أخر .. مثل مدرسة محو الأمية .. لو فى زول واحد أمى أكون ممغوص حتى يتعلم .. يعنى سياسة الرئيس بوش No child left behind مافى أى طفل يترك فى الخلف دى سياستى أنا .. مادام فى وحدات متخمخمات ويسون فى وش الملاح وواحدات يطردن فى أزواجهن يانى المعاهن منطحن دقيق سوسة.

تحياتى

بريمة

الأخت إقبال المرضى

Quote: أنا كتبت بالأحمر ما عشان أتخطى أى زول... والناس الكتبو هنا ديل كلهم انا بحترمهم... لكن كتبت بالأحمر عشان فاض بى من منطقك الأعوج... وعشان ردودك الإنتقائيه...بدرجه تخلي الواح يقرب يصرخ

والله ما كنت أتجاهل أى إنسان عن قصد .. وأحاول أراءكم تواجه القارئ .. وهو يحكم عليها .. يعنى أخلى وجهة نظركم to stand by itself .. ودا شيئ معروف فى المحاكم الأمريكية أو الفضائيات ..

تحياتى

بريمة

يا خراشششششششششششششييييييييييييييييييييييييييي


بريمه انا ثاني ما جايه لانه مرارتي اتفقعت

تبارك ما متفق معاك راجع كلامه كويس

دانيا
هنا ماذا يقول تبارك

Quote: وإحقاقاً للحق ... الحالات البيتكلّم عنها بريمة - على ندرتها - برضو موجودة ... وأنا بتفق معاهو على مجهودو للفت نظر النسوان للمساحات المغبّشة فى الإختلافات بين المجتمعين ... وممكن تسوق النسوان لى حتّات غريبة تماماً على مفاهيمنا البننشئ بيها أسرنا ..

دا مش الموضوع ذاتو ..!!

المهم .. إنك كونتى رأى .. ضد النقد الموجه للمرأة هنا .. وأنا ليس وصى على خيارات الناس .. بقدر ما أنا جزء من دفع الخيارات نحو الأصلح ..

والعفو والعافية .. والبينا إن شاء لبن ..

كل أحترامى

بريمة

Quote: يعنى سياسة الرئيس بوش No child left behind مافى أى طفل يترك فى الخلف دى سياستى أنا .. مادام فى وحدات متخمخمات ويسون فى وش الملاح وواحدات يطردن فى أزواجهن يانى المعاهن منطحن دقيق سوسة.

لو كان بوش هو مثلك الأعلى يا بريمه...التراب كال حماد لآنو سياسات بوش أذت الأطفال أذيه...

كفايه ما حدث فى نيو اورليانز...تقول لى مافى طفل و No child left behind وحاجات زى كده....

بعدين لو الزوج بستحق الطرد؟؟؟.....يشكوه لى الله...ويسوى فى البسوى فيه لما الله يتوب عليه ولا ما يتوب؟؟؟

بعدين تبارك قال ليك على ندرتها...عايز تعمل من الندره قانون؟؟؟؟



بعدين الأسئله لسه ما جاوبتها؟؟!!

________________________
يا دانيه حاسه بيك....الله يكون فى العون

إقبال

كتّر خيرك يا بريمة لتجاهلك لاسئلتي،
(رغم ان التجاهل احيانا بمثابة اجابة غير مباشرة)

____

اجد نفسي اتفق كثيرا مع الأخ السنوسي بدر في مداخلاته الأخيرات..
الموضوع موضوع الإنسان السوداني عموما.. وليس المرأة أو الرجل فقط..
سودانيو أمريكا والمهجر عموما..، لهم نجاحات وانجازات مشرّفة حقيقة..
لكن ايضا لا يمكن انكار الإخفاقات والمآسي التي تواجه البعض.. هذه موجودة بالفعل..
ومسؤلية الفشل لا تقع على عاتق المرأة فقط..

اعتقد ان الجهود يجب ان تركّز على انشاء دعم اجتماعي مؤسس
يأخذ بيد المهاجرين الجدد ويقيهم شر الوقوع في الأخطاء الشائعة..(والمتوقعة في كثير من الأحيان)
العديد من المهارات الحياتية التي تسد في السودان، لا تكون كافية في المهجر.. (وقد تكون هادمة)
حتى العلاقات الأسرية وتربية الأبناء تتطلّب وعيا ومقدرات اضافية لابد من اكتسابها ان لم تكن موجودة
حتى تعبر الأسرة لبر الأمان ..أو على الأقل تضمن قدرا من الإستقرار ..

____
ويا بريمة، قانون دول العالم الأول مفعّل وبيقوم بشغله: حماية أفراد المجتمع (رجال ونساء)..
من حق المرأة السودانية ان تكون ملمّة بقوانين الدولة التي تقيم بها، واللجؤ اليه ان تتطلّب الأمر..
وهذه ليست فرعنة.. هذا وعي بالحقوق ونبذ للإستضعاف والقبول بأي واقع..
القانون في الغرب يحفظ للإنسان إنسانيته وكرامته..
وهو شيء لا تضمنه المرأة السودانية تحت قانون الأحوال الشخصية السوداني.. وهذه حقيقة مؤسفة..

_____
اخيرا.. رغم ان اسلوب بريمة متحّيّز .. وبيغيظ احيانا
لابد من الإعتراف هنا بأن فيه كثير من الطرافة.. (غض النظر عن محتوى الطرح)..

لكن والأهم: انه فتح مدخل لقضية هامة تتطلب موضوعية من الكل..

Quote: السنوسي سلام, مشكلتنا مع بريمه ما شخصيه و لا بنحاول ندافع عن المراه لكن انا اتفق مع سمارت في انه بريمه بيعمم و بيهامج و هو بيتكلم من محيط بيته او حلته الساكن فيها و ليس من العدل ان يصف كل امراه سودانيه قاعده في البيت و لابسه توبها انها متخلفه و غير مواكبه, و على فكره انا لو بمواصفات بريمه ده عصريه و مواكبه جدا

يا سيده دانيه ... هو الشخصي ده كيف !!!!! كدي شوفي الجمل التحتها خط في اقتباسي من مداخلتك اعلاه ... يعني الناس غلبها تناقش الموضوع بصوره عامه بعيد عن انك بتاكل شنو ومرتك بتقرأ بوستاتك وبتمشي (الجم) ولا لأ!!!!

حنستفيد شنو يعني لو السيد بريمه ذهب ومارس الرياضه ام لم يمارسها ...!!!!


وبعيدين الا ترين ان فكرة التخندق الجندري والتفكير العاطفي من البعض هنا طارده ومنفره من النقاش ...

السيد بريمه طرح موضوع ....يمكننا حصاره في الاحصائيات والنتائج الدراسيه وكيفية الحلول اذا كان ذلك متاحا... بعيدا عن الاصطفاف الجندري ومحاولة خلق طرف منتصر واخر مهزوم ...

المراه السودانيه جزء من المنظومه السودانيه في الشتات ...نجاحها وفشلها يحسب لها ولزوجها ولاخيها ولابنها...عملية الفشل او النجاح عملية معقده من حيث المفهوم ولا تعتمد علي عامل واحد من حيث النوع لذلك (تشميعها) ودرعها في رقبة نوع واحد سواء كان رجل او امراه غير منطقي وغير عقلاني ...واي كلام ما بيستند علي ارقام واحصاء انا بعتبروا تنظير وجزء من اخفاقات الشخصيه السودانيه النمطيه ....




________________________________________________________

الاخت والسيده نجوان شكرا علي اتفاقك معي في ان العيب هو ليس نوعي بقدر ماهو كامن في الشخصيه السودانيه ... سواء كان رجلا ام امرأه

Quote: هل زيارة شهر تعطيك الحق فى التعميم وأنا ساكن هنا 12 سنة لم أستطع أتحدث عن تجربة المرأة التى أسكن فى محيطها

الاخ الكريم
بريمة
تحياتي..
انا لم اعمم وبل طالبتك أنت بعدم التعميم؟؟؟؟
وارجع اقرأ مداخلتي اعلاه جيدا..
ثم انني لم ازر فرجينيا لمدة شهر واحد. و لم اذكر هذا!!
انا مقيم في اميركا و في تكساس..
وقلت قابلت أخوات سودانيات...ولم اقل قابلت كل النساء السودانيات هنا؟؟
وقد اوردت كمية من الاسئلة اعلاه..؟؟
هل اطمع في رد؟؟


لك كل الاحترام..

بريمة يا حبيب ...

Quote: إن المرأة السودانية تفرعنت ورضعت من ثدى الثقافة الغربية وهى بعد سن الفطام

انا بالحرف قلت ليك ما تستدل بى تجربتى على إنو المرأة استأسدت على الرجل ... وقلت ليك انا بتّفق مع الوضع القانونى انو الراجل يتخارج ... فى مشكلة بتحصل لى الرجال والنسوان بعد ما يجوا هنا أمريكا ... بتّفق معاك ... لاكين حالة تواطؤ المرأة السودانية مع القانون الأمريكى ضد الرجل السودانى دا الناتج بتاع المشكلة ... مش المشكلة زاتا ... ودا ناتج طبيعى ومقبول ... خصوصاً إنو العلاقة الزوجية السودانية (وفى غالبية هذا الكوكب) بتضع المرأة فى موقف الطرف الأضعف ... وتحتاج للسند القانونى كثيراً ... هذا لا يعيب القانون ولا يعيب المرأة ... ورغم ذلك تجد من يتلاعب على القانون ويطوِّعه لمصلحته من الطرفين ..

النقط المهمة التى لم تفهمها من الكثير من المتداخلين والمتداخلات ... هى أنك ارتكبت خطأ تعميم حالات نادرة وشبه استثنائية وأن الحالات التى تتحدث عنها حالات قليلة جداً فى وسط السودانيين هنا ... وأنت تصوِّرها على أنها المتاهات الثقافية والإقتصادية الخانقة التى تدخلها "المرأة السودانية فى أمريكا" ... ورغم أن حالتى (والتى لا أحبذ الخوض فيها) لاينطبق عليها تصويرك لـ "المرأة السودانية فى أمريكا" ... ورغم ذلك سقتها لتوضيح الإجراء القانونى المتّبع عادة والذى تصيغه أنت على أنه جزء من "الفرعنة" ... ولتوضيح قساوة التجربة على الرجل السودانى العادى ... وليس للإتفاق معك فى هذا التعميم ...

لا زلت أتفق معك على وجود النماذج التى تتحدّث عنها (على قلّتها) ... ولا زلت اختلف معك على هذا التعميم والإطلاق الذى تكسو به أحكامك على المرأة السودانية فى أمريكا ... ولا زلت أرى أن الموضوع جدير بالحوار والنقاش من عدّة مناحى ... ومعجب جداً بالنظرة الشمولية لقضايا الهجرة والتأقلم والمواءمة مع المهجر التى تحدّثت عنها د. إشراقة مصطفى ... وذلك الإعجاب جديرٌ بها فهى المتخصصة التى تثقِّفنا وتعلّمنا ... كما نال إعجابى تناول السنوسى بدر ونجوان للأطراف الأخرى فى الموضوع ...

فدع عنك دفاعك المستميت عن نفسك ... ولنبدأ بالنظر فى أحوال المرأة والرجل السودانيين فى أمريكا باختلافاتها ... مبتدئين بالحالة التى ذكرتها (على ندرتها) وكيفية تأثير إرثنا الثقافى (التوب والحنة والدهب والمجاملات) على الأسر لتصل لهذا الدرك السافل كما تعتقد ... على أن نتفق على عدم تعميم الحالة على "المرأة السودانية فى أمريكا" ... وبعدها نمعن النظر فى نماذج أخرى ... وهكذا ...

فأنا والله فى سؤال سألوك ليهو كم مرة ... انت اتجنّبت تجاوبو إجابة صريحة مباشرة .. وانا داير اسمع اجابتك فيهو:

التياب والحنة والكبريت والدهب مالم؟ عيبم لى؟ (يعنى عيوب غير الأسعار الباهظة )




... المهم .....

العزيزة نجوان

تحية خالصة ..

Quote: اخيرا.. رغم ان اسلوب بريمة متحّيّز .. وبيغيظ احيانا لابد من الإعتراف هنا بأن فيه كثير من الطرافة.. (غض النظر عن محتوى الطرح).. لكن والأهم: انه فتح مدخل لقضية هامة تتطلب موضوعية من الكل..

.. صدقينى لا أحاول قط إغاظة أى إنسان .. بقدر ما أحاول أمرر رأيى بين الصفوف .. وشكراً على ذكر الطرافة .. وأنا ليس ضد أى واحدة فيكن .. بل يعجبنى حميتكن التى تؤكد أن هناك بصيص أمل فى رؤية النور فى نهاية نفق متاهات المرأة السودانية الأقتصادية والثقافية فى أمريكا ..

Quote: غض النظر عن محتوى الطرح

أنا أفتكر محتوى المادة المطروحة هو الأهم وأنت أتفقت مع هذا فى نهاية مداخلتك .. أما محتوى الطرح .. ربما أنا لم أتخيّر الأنسب من المفردات .. وسوف أحاول جهدى ..

Quote: كتّر خيرك يا بريمة لتجاهلك لاسئلتي، (رغم ان التجاهل احيانا بمثابة اجابة غير مباشرة)

لم أتجاهلك عن قصد والله .. وطرحك يحمل جوانب كثيرة مشرقة ممكن تقودينا لى قدام .. بيد أنك حكيتها معاى شديد مثل العزيرة أسمارت أنا فى الجانب الشخصى .. وأنا من جانبى أرى شخوصنا ليس قضية الحوار ..

كامل تقديرى


بريمة

انتو بريمة دا رحل ... ولاّ شنو؟

(خربتن بيت الراجل وقعدتن لىّ؟ تتجازن يا بنات اللذينة)









.. المهم .....

بصراحه .....................

Quote: بصراحه .....................

يعلم الله الفينا كملت...وكملت دى ح يجى يأولها على طريقتو....ههههههه

يابريمة ياعزيزى .
المرأة السودانية فى أمريكا بألف خير .
المرأة السودانية فى أمريكا أم وطالبة وكادحة . تكافح مع الرجال الحجل بالرجل .
وبعدين يا عزيزى بريمة .
المرأة السودانية وكتين تصل حدد تدخل فى متاهات أنت قاعد تسوى شنو ؟
( ربك يحفظ كل حراير السودان من الدخول فى المتاهات )
تحياتى

وعدت لأكتب عن قصص واقعية رفض أصحابها الموروث السودانى وكيف كانت النتائج .. وسوف أكتبها متفرقة .. وأريد من يريد نقدها أن يأتى بقصص مماثلة ترفض الموروث السودانى وكانت ذات نتائج مخالفه ..

أنوه .. الأسماء كلها مستعارة .. بينما القصص حقيقية ..
القصة الأولى: عن روبن .. شابه سودانية
كنت عائد من العمل فى منطقة واشنطن دى سى .. وكنت أضع سيارتى فى مكان جوار المترو ثم أواصل بقية المشوار بالمترو .. حينما عدت لسيارتى فى المساء .. كانت زوجتى وحماتى وروبن (بطلة القصة) يختفين خلف السيارة .. وخرجن بصورة توحى بأنهن يريدن السطو على شخصى! عرفتهن وقلت لهن يا نسوان أنا بقارى أغبش ما بتخافن أن أهشم أسنان واحدة فيكن بالحجارة التى أقف عليها ..
ضحكت حماتى: قائلة من قبل لقد (كسّروك كسّيرت البلى .. عملت شنو؟) ..
قلت لها: دولك كانوا عتاولة ثلاثة .. قالت نحن ثلاثة ..
قلت من الثالث
قالت: روبن
سلمت عليها: سلام روبن
ردت: سلام يا أدم
قلت لها لم أرك من قبل .. بنت من أنتى .. (ونحن نعرف ناس الحلة ... المجمع السكنى نفر نفر .. كبير وصغير ..) .. سكتت روبن!
خففت دمى .. غلطانه الحكومة! أنتم أولاد أمريكا لديكم تحفظ على البيانات الشخصية .. ضحكت روبن ضحكة صفراء ..
روبن جميلة وأنيقة .. فى مقتبل عمرها .. فى السابعة أو الثامنة عشر .. تلبس بنطلون جنس وجاكت جنس وشبط ذو كعب عالى رفيع .. وشعرها مرتب بصورة تشبه شعر زوجة أوباما .. أو قل الأميرة ديانا .. تحمل شنطة يد صغيره .. ذات شخصية قوية ونظرات ثابته ..
حماتى: تبادر بالقصه .. هذه البنت ليس لها أهل ..
شخصى: أها ما عندها أهل كيفن !!!!!! ألف علامة تعجب أرتسمت فى وجهى ..
سألتها: طيب جيتى من وين يا بت الناس ..؟
روبن: أيضاً لا تجيب .. وأبلغ أجابه هى الصمت وأشارات سالبه توحى لا أعرف أو لا أريد الأجابه ..
سألتها ثانية: أين والديك؟
روبن: ليس لدى والدين هنا .. فى أمريكا .. (فى نفسى قلت الحمدالله بدأت تتكلم!)
سألتها: مع من تسكنين ؟
روبن: قالت مع شقيقى ..
سألتها: أين شقيقك؟
روبن: سافر السودان يحضر زوجته وتم سحب القرين كارت بتاعو ..
سألتها: وكيف أثر ذلك فيك؟
روبن: أهل السكن طردونى من المنزل لأننى طالبه ولم أستطع دفع الايجار ..
قلت لها: فهمت .. هيا إلى المنزل ..

..
نواصل ..
بريمة

قصة روبن ..
قررت فى قرارة نفسى .. وأثناء قيادتى للسيارة .. هذه البنت تحتاج إلى مساعدة إنسانية ..
وسوف أبذل جهدى فى مساعدتها حتى تواصل دارستها ..
سوف أسكنها على حسابى عند أخت أعرف إنها تسكن مع أبنتها الصغيرة ولديها غرفة أضافية فى شقتها .. سوف أعجر الغرفة لروبن ..

هكذا ورب الكعبة .. ولم أستشر حتى زوجتى ..
الفكرة مكتملة .. وأعرف أن تلك الأخت لا ترفض طلبى فى أسكانها معها ما دمت أتكفل بها ..
..
وصلنا المنزل ..
نزلنا جمعياً ..
غيرت ملابس العمل .. ولم نأخذ وقتاً حتى جلسنا جميعنا إلى طاولة الطعام ..
روبن .. رفضت الأكل .. لماذا؟ قالت ليس جائعة؟
قلت: أوكى ..
طرحت رأيى أمام الجميع حتى أقطع تدخل زوجتى أو حماتى ..
وافق الجميع على الأقتراح ..
بعد العشاء .. جهزوا لها طبق كوكتيل .. وذهبت معها إلى الجانب الأخر من المجمع السكنى .. حيث تسكن الأخت ..
وفى أثناء مرورنا فى منتصف المجمع حيث يجلس مجموعة من النساء السودانيات وعربيات من العراق ومصر وغيرهما ..
لقطت أذنى .. إحدهن تقول .. تانى بريمة .. جاب البت !
قلبى أكلنى .. الله الله .. هو فى زول جاب البت دى من قبل كده ولا شنو؟ لم أسئل النسوان وألقيت عليهن التحية وذهبت فى طريقى ..
طرقت باب الأخت .. والنسوان الشمار كاتلهن كتل ..
فتحت الأخت الباب: سلام يا بريمة ..
قلت لها لا أدخل حتى توفى لى بغرضى ..
قالت ما غرضك؟
قلت لها بنت الناس هذه تحتاج منا لخدمة إنسانية؟
قالت ما هى؟
قلت لها: السكن؟
قالت: هذه البنت كانت ساكنة مع ناس فلانه وهربت؟
ألتفت عليها: روبن!
روبن: قالت لى أمسك صحن الكوكتيل ..
أمسكت الصحن .. وظنى أنها تريد أن تستعدل حذاءها !
روبن: باى!

الله هربت تانى! .. يا بت أقيفى .. تك تك تك .. جرت فى الظلام .. خشمى ملح ملح والشمار كتلنى أنا ذاتى ..
ما أمرها .. !!

نواصل ..
بريمة

قصة روبن
الشمار .. صار شمار ليه ضل !
سألت الأخت: ماذا تعرفين عنها ..؟
قالت: هذه الفتاة حضرت من السودان وهى فى التاسعة أو العاشرة وتسكن مع أسرتها فى الولاية المجاورة .. وحينما بلغت سن الرشد (الثامنة عشر) .. قالت لوالديها أنهم لهم عادات وتقاليد متخلفة وبالية .. وهى لا ترغب فى البقاء معهم ..
أستجداها أهلها .. لم يشفع كل أستجداءهم .. قالوا لها أن تذهب مع صديقها إن إرادت .. وإن تخرج متى تشاء ولكنها تعرفهم أين تذهب ثم تأتى أخر اليوم .. قالت لا تنفع معها الرقابة الأسرية .. ولا تريد رؤية خلقتهما ..
.. أنطلقت أبحت عنها .. لاسمع القصة الحقيقية منها ..
ركبت السيارة وجريت أبحث عنها .. لم أجدها ..
جريت نقطة الشرطة .. قلت لهم عندنا بنت هربت من المنزل .. run away girl
قال البوليس: كم عمرها ..
قلت 18 سنة ..
قال البوليس: هى راشدة ولها الحق أن تذهب أينما تريد!
سالت عنها الأخرين: قالوا البت تحررت !!
يعنى شنو تحررت: البت ركبت راسها .. وعايزه تعمل التعملو ..

حسرة!

أنتهى ..

منقول من بوست: (أنا) سوف ألبسك (سروال الحديد)! مرفق إلى أعلى.

بريمة

قصة أخرى بطلتها .. ساره

[أذكر أن القصص حقيقية والأسماء مستعاره .. حفظاً للهوية]
القصة:
سارة لم أقابلها ولكن قصتها شائعة ..
سارة حضرت من السودان وهى ربما خريجة جامعية أو متزوجة ..
ولكن تحت ظروف الحياة الجديدة والعالم الجديد سرعان ما تغيرت سارة وتركت الموروث السودانى جملة.

ساره أصبحت إنسانة نصابه .. توقع بين الرجال وأزواجهن .. تنحشر بين البصلة وقشرتها و بين الزوجة وزجته .. تسرق كل ما فى البيت من الحلى الذهبية .. تبتز أى إنسان حتى تشترى على حسابه أشياء كثيرة .. وتطلب أموال ومساعدات من من تعرفه وأصدقائه .. وتأخذ تلفونات أصدقاءك واصدقاء أصدقاءك .. وهكذا تتمدد أخطبوطياً فى مسعاها ..

جرائم ليس لها حد ومتنوعة بأبداع يفوق الخيال فى كل مرة ..

أخر مرة ضربت سارة منطقة واشنطن قبل عامين .. (لاحظوا كلمة ضربت .. أحسن تعبير لحال هذه المرأة السرطان ..) ..

حينما تأتى لمكان .. تقصد مكان الضحية التى تحاول تنصب له الفخ .. فهى مسافرة طوال الوقت من مدينة إلى أخرى .. ولا تحمل معها أغراض بل شنطة واحدة وصغيرة وفى أحيان كثيرة بعد ما تستقر تحمل كيس وشنطة يد ..

فإذا وجدتها بشنطة ملابسها .. حتماً تقول ليك هى تم سرقها وليس معها أى مبلغ من المال ولا تعرف أين تنزل وهى حديثة عهد بهذا المكان ..

فإنت هنا تضطر أما أن تستصحبها معك أو تدفع لها مبلغ السكن فى الهوتيل أو قروش تسفرها مكان مقصدها .. وفى كل الحالات هى ضمن أحتمالاتها ..

ولكن فى أغلب الأحيان تريد أن تحضر معك إلى مكان سكنك .. أو أسرتك .. فإن وجدت زوجه فسرعان ما تحاول تدخل فى مجتمع صحباتها .. وتبحث عن أيهما أكثر مغتنيات ذهبية .. وترصد حركتها وتظل معها ليل نهار حتى تأمنها ست الحلى .. ثم تأخذ كل شيئ ولا تعد حتى لشنطها التى وضعتها عن الضحية الأولى ..

إذا وجدت المجموعة مجتمع عذابه هناك تمارس هوايات أخرى .. الأبتزاز .. تصل لكروت التأمين لأى أنسان بسرعة البرق وتبدأ فى شراء مشترياتها .. بحجة تم سرق ملابسها وأغراضها .. وتنتقل من فرد إلى أخر داخل المجموعة ..

وبعد أن تستنزف كل الشبكه تفكر فى المغادرة إلى ضحايا أخر قد تحصلت على أسماءهم من ضحايا قد سكنت معهم ..

وسارة .. تبدو مهذبه .. وتلبس التوب السودانى عند اللزوم .. وتلتزم ظاهرياً بالحشمه والحياء ..

لكن حقيقتها مرة .. لا أخلاق ولا أدنى إلتزام بالأدب السودانى .. فهى تتكيف بسرعة مع الجو السائد وتبدأ تتطفل عليه على حسب قوانين الرصد التى تجمعها ..

وهذه القصة يمكن نعولها إلى فقدها لموروثنا السودانى السمح ..

بريمة

صدقونى .. تلك القصتين اللتان أوردتهما أنسب قصتين لأحكى أن هناك أنحراف كبير عن نهجنا السودانى ..

كتبت ثلاثة قصص .. ولكنى لم أستطع نشرهما .. قصص صعبة شديد ..

وأرى إننى أتوقف عن كتابة القصص فهى مهينة لنا جمعياً ..

ولكن خلاصة الأمر واقع وواقعى ..

بريمة

وفى الختام ..

خالص الشكر لكل من كتب سطراً أو تابع هذا البوست .. الذى يعكس تأثير الغربة فى أخلاقياتنا وموروثنا .. ونسأل الله لنا جميعاً حسن الخاتمة وهو نعم المولى ونعم الوكيل ..

مع خالص أمنياتى لكم بقراءة هنيئة ..

وسوف أعود كما أعتدت فى الحديث عن موضوع المرأة فى حوالى بعد 6 أشهر ..

حفظنا الله وأخواتنا ونساءنا وأبناءنا وأهلنا من كل شر .. وهو خير الحافظين


بريمة

قالوا البعيش الدنيا ياما تشوّفوا ...

لاكين زى البنات ديل ... لسة ربنا ما ابتلانا بلقاءهن ...

بس ديل بعكس شكيتك الأولى بعدم مواكبة المرأة السودانية!

قابلت فى هذه البلاد بنات فى أعمار 17 و 18 يأتين من ولايات أخرى هاربات من الرقابة الأسرية لممارسة ما تسوّله لهن أنفسهن ويزيّنه لهن أصدقاء السوء ... ولكنهن أمريكيات من أسر أمريكية ليست لهن علاقة بالسودان من قريب او من بعيد ... فهل أنت تشكو الآن من اندماج الفتيات السودانيات فى نمط حياة أترابهن الأمريكيات؟

ألم تقل بأن العادات السودانية الضارة هى التى تتسبب فى دخول المرأة فى متاهات إقتصادية وثقافية؟ الآن تشكو من العادات الأمريكية الضارة؟

العادات والظواهر الإجتماعية الضارة ... أيّاً كانت جنسيتها فهى ضارة ... ولن يقف أىّ شخص للدفاع عنها ... ولكنك ميّزت العادات السودانية بانها وراء الفشل ... مفصّلاً إيّاها "حتش ... مجاملات ... دهب ... تياب ... خمخمة" ... ولا أرى أىّ علاقة بينها وبين "روبن" و "سارة" ....


... المهم ...

يا بريمة لو سمحتا غير الاسم دة لانو ما واقع لي..
فيا ريت اتصرف انشاء الله بطل قصتك الغريبة دي تسميها هناية...
عشان انا اسمي سارة وما عجبني انو الزولة البي الصفات السيئة دي تكون بي اسمي..
فيا ريت تغير الاسم..
ــــــــــــــــــ
علب فكرة انا عايشة في امريكا فمن حقي اطالبك بتغيير الاسم وفي مية سارة غيري هنا في امريكا وكدة بتسئ ليهم والشئ المتعارف علية انك تدي بطلة القصة دي حرف مش اسم كاااااااامل ..فلو متحير في اسم ولازم تسمي شوفي اقرب زولة واديها اسمها..ما تكتب من طرف

Quote: يا بريمة لو سمحتا غير الاسم دة لانو ما واقع لي.. فيا ريت اتصرف انشاء الله بطل قصتك الغريبة دي تسميها هناية... عشان انا اسمي سارة وما عجبني انو الزولة البي الصفات السيئة دي تكون بي اسمي.. فيا ريت تغير الاسم..

كلام في الصميم ...

يا بريمة سلامات ...

بالله ركز على الاحرف ومافي داعي للاسماء ...

بريمة.

القصص التي زكرتها أنا شخصيا أعرف مثلها داخل السودان وأبطالها بنات سودانيات من أسر محترمة. ولكن دعني أسألك. ما هي العلاقة بين بين القصتين اللتين الذي زكرتهم وموضوع هذا البوست؟

*****

بريمة

Quote: بريمة. القصص التي زكرتها أنا شخصيا أعرف مثلها داخل السودان وأبطالها بنات سودانيات من أسر محترمة. ولكن دعني أسألك. ما هي العلاقة بين بين القصتين اللتين الذي زكرتهم وموضوع هذا البوست؟

Quote: لا اتفق مع بريمه في كثير من اراءه وخاصة في ما يتعلق بالمواضيع الاجتماعيه والسياسيه لكن لا يعني ان امارس الاسقاط تجاهه واتهمه بانه يعيش في مجتمع منغلق وان لديه مشكله يعاني منها وغيرها من الافتراءات التي لا طائل منها ...

اخونا السنوسى,

انت كنت وين لمن هذا العنصرى كتب اسوا ما كتب عن نساء الجنوب فى هذا المنبر. بريمة زول عنصرى و هذا يعنى انه جاهل و هو ينادى من هو اكثر منه سوادا من ابناء جلده من جبال النوبة بابناء الذرقة. مشكلتو مع عرقه و عرق غيرهه هى امتداد طبيعى "to his apparent misogynistic views on women. This crap is indefensible.

تبارك شيخ الدين

وين أنت يازول ..


بريمة

Quote: 1960 كمال الهادي عبد الرحمن حنتوب بنين مصطفي حسن بادي مدني بنين 1961م تاج السر حامد عبد القادر وادي سيدنا بنين 1962 عثمان محمد الحاج المكي الخرطوم الحكومية بنين 1963 عصام عبد الرحيم احمد مدني بنين كمال محمد حسن وقيع الله حنتوب بنين 1964 حمد الأمين الشيخ خور طقت بنين محمد احمد علي الشيخ (مدير جامعة الخرطوم حاليا) خور طقت بنين 1965 ماريو بيتر بوجالي رمبيك بنين 1966 محمود محمد شريف عطبرة الحكومية بني عبد العظيم محمد كبلو (نقيب الأطباء الحالي) حنتوب بنين فضل عوض فضل الخرطوم الحكومية بنين الينور اكولير توسيان الراهبات الخرطوم بنات 1967 علي محمد احمد العوض حنتوب بنين انيل كومار كرناني كمبوني الخرطوم 1968 اماني احمد ابو الفتوح الراهبات بنات جويس هنري ديفيد الراهبات بنت 1969 فتح الرحمن احمد علي حنتوب بنين يس يوسف المحيسي مدني بنين 1970 جعفر محمد مالك مروي بنين احمد عبد القادر صالح كوستي بنين 1971 عبد الله الصادق علي كوستي بنين هاشم باشري عبد المعطي بربر بنين احمد يوسف عبد الخير سنار بنين 1972 محجوب علي عبد القادر كسلا بنين عبد الخالق الأمين محمد حنتوب بنين 1973 يسري محمد حاج بري (من تبج) الخرطوم الحكومية بنين احمد الهادي كريم الدين الخرطوم الحكومية بنين 1974 الطيب الريح خلف الله باشري عطبرة الحكومية بنين احمد البدوي مصطفي عمر خور طقت بنين 1975 سامية بدوي محجوب حاج كوستي بنات بدر الدين عثمان محمد احمد شندي بنين 1976 عوض عمر السماني الحكيم شندي بنين إيمان عثمان زين العابدين الخرطوم بنات 1977 جمال الدين حسين عبد العظيم الخرطوم القديمة بنين إسماعيل البشير علي محمد النيل الأزرق بنين 1978 جمال عابدين حامد حسين عطبرة بنين 1979 محمد الغزالي رحمة الله سليمان حنتوب بنين 1980 امال عبد الحافظ عثمان بحري القديمة بنات 1981 سارة حميده محمد الهادي مدني بنات سنية محمد الحسن الطيب الخرطوم القديمة بنات 1983 أميرة محمد ابراهيم الامام امدرمان بنات 1983 خالدة عباس رمزي بكار مدني بنات 1984 الهام محمد عمر ميرغني بحري القديمة بنات 1985 انتصار محمد ابراهيم بابكر الخرطوم القديمة 1986 عمار عبد الله محمد بابكر خور عمر بنين 1987 عمر عثمان محمد الحسن الخرطوم الجديدة 1988 أبوبكر حسين ميرغني الخرطوم القديمة بنين 1989 ندي جعفر حسن صالح امدرمان بنات 1990 أميرة سيد عبد العزيز ابراهيم خور عمر بنات 1991 مواهب حسين سليمان مدني بنات 1992 زهير محمود عبد الله خور عمر بنين 1993 احمد عبد الله محمد الحسن عطبرة القديمة بنين 1994 طلال عبد الباسط سعيد خور عمر بنين 1995 الامين حسين الطيب الشيخ المؤتمر امدرمان بنين 1996 عبد الله جعفر ميرغني احمد الخرطوم بحري بنين 1997 احمد مصطفي عبد الله بشير محمد سعيد بنين 1998 منى محي الدين يوسف احمد زينب محمود بنات راشد محمد عبد الله فضل كمبوني الخرطوم بنين 1999 ابوبكر علي محمد عمر بشير محمد سعيد بنين 2000 يوسف علي عبد القادر ابراهيم كنانة الجديدة بنين 2001 هبه عبد الله احمد الحاج فضل النيل الخاصة بنات 2002 محمد سمير سعد الدين سيد شندي بنين 2003 فاطمة محمد الأمين احمد الخرطوم النموذجية بنات 2004 هناء محمد الحسن احمد امدرمان النموذجية بنات

يا بريمه ديل أوائل الشهاده السودانيه من سنة ستين لحدى الآن...(نقلتو من سودانيز إن فيللى)
شوف لى فيهم كم بت؟؟؟

أقبال قستي الضغط قريب؟؟

بريمه انا غايتوا لاني بفتكر اني مواكبه, احتمال كبير ارفع عليك قضيه عشان فقعت لي مرارتي

بكره تجي تقول دانيا المكي ودتني المحكمه,


قصصك القلتها دي بتوضح تناقض افكارك انت زاتك, لو فرضنا انه القصص دي صحيحه, طيب ما ديل بنات سودانيات خاشات السستم لمن غلط, لكن برضه ما رضوك, والله يا بريمه انت روحك ما حتعرف ترضيها لا البتعمل وش الملاح و تتحنن انت راضي عليها, و لا العايشه براها ما مع اهلها و متامركه عاجباك

Quote: القصص التي زكرتها أنا شخصيا أعرف مثلها داخل السودان وأبطالها بنات سودانيات من أسر محترمة. ولكن دعني أسألك. ما هي العلاقة بين بين القصتين اللتين الذي زكرتهم وموضوع هذا البوست؟

أول مره أتفق مع دينق ..


بريمه انت رجعت لموضوعك الأول تااااني !!!
طيب يحلك الحل بله

Quote: اخونا السنوسى, انت كنت وين لمن هذا العنصرى كتب اسوا ما كتب عن نساء الجنوب فى هذا المنبر. بريمة زول عنصرى و هذا يعنى انه جاهل و هو ينادى من هو اكثر منه سوادا من ابناء جلده من جبال النوبة بابناء الذرقة. مشكلتو مع عرقه و عرق غيرهه هى امتداد طبيعى "to his apparent misogynistic views on women. This crap is indefensible.

الاخ والصديق زكريا...تعرف انا ما بعتبر تعالي السود علي اهلهم السود عنصريه بقدر ما اعتبره نوع من الجهل ...بريمه جزء من المنظومه السودانيه الكبيره التي تعاني من اشكالية الهويه ... يعني السوداني ما عارف نفسو شنو.. وبالتالي (بتشعبط) في اي هويه بيحس انو he or she can fit in والمشكله دي بيعانو منها سوداني العالم الاول اكثر من غيرهم ...فمثلا بتلاقي السوداني (السبهلل) بيتحدث بجهل شديد عن بعض اهل منطقة ما وهو ما عارف روحو ممكن ينطبق عليهو الكلام ده ...فمثلا احكي ليك قصه قابلت سودانيين (نساء ورجال) يعملون في مجال صحة الانسان في مؤتمر وكان لي صديق فرنسي تونسي الاصل تربطني به علائق تجاريه ... جمعتنا طاوله مع اؤلئك النفر وتحدثنا في كثير من المواضيع واغرقني القوم في بحر تنظيراتهم الي ان جاءت قضايا الحرب والسلام في السودان (نط) واحد (متأكدم) وقال ياخي العبيد عايزين يحكمونا ونطت تانيه قالت ايوه ...نظرت اليهم واحد تلو الاخر ورأيت علي وجوههم الجهل الشديد (I feel sorry for them) ... اندهش صديقي التونسي بشده وقام بطرح سؤال انتو ليكم كم سنه هنا (he mean in the west) وكم مره تعرضوا لعنصرية البيض ...واردف قائلا -يعني نفسه- انه لا يستطيع تمييز الرجل من المراه السودانيين الا باللباس لان الملامح هي ذات نفسها (rough features)... تسمر الحاضرون وشعروا بصغر انفسهم والعنصريه الجد جد (مش بتاعة الجهل ) وان كان لا يعنيها...

فيا اخوي زكريا مشكلة السوداني او السودانيه هي تعليمية وتربويه في المقام الاول وبعدها تجي قصة السودانيه خرجت راسها كاشف ولابسه (محزق)...وما عارفين انو الرجل can be manhore or gigolo زيو وزي المراه واحد ... يعني ممكن يفشل او ينجح او حتي يخرج علي (حل شعرو) زي ما بيقولو ...



* بعدين القصص الاوردها بريمه اعلاه are really really crap

السلام عليكم ورحمة الله
بوست غريب وطريف معاً
لم أقرأ كل المداخلات خاصة تلك المطولة المملة
ولعل أجمل ما قرأته هنا هو العبارة :

Quote: present empirical evidence

يا بريمة في غياب الدراسة المنهجية و الترافع الإمبريقي
تظل أحكامك مجانية لا تختلف-في مجانيتها- عن بعض ما
جاء في الروابط التي وضعتهاد. إشراقة.

Quote: لا تختلف-في مجانيتها- عن بعض ما جاء في الروابط التي وضعتها د. إشراقة.

Quote: هذا ليس برأي.. هذه بديهيات البحث العلمي في مجال الهجرة وتلاقح الثقافات.. وهي ايضا طبيعة البني آدم وغريزة البقاء..

الأخت نجوان ما هي بديهيات البحث العلمي في مجال الهجرة وتلاقح الثقافات؟
أرجو شاكرا الإحالة إلى أي مصدر

Quote: أميرة سيد عبد العزيز ابراهيم خور عمر بنات

هههه

والله يا بريمة مبالغة

اناعارفة انك زول كاواي شديد
زمان اذكر كان عندنا التدريب العملي في التدريس وشغالين بنعمل في الوسائل

انا وصاحبتي والاثنين كنا متزوجات
اها في زول غباظ ذي بريمة دا
شابكنا والله المرة من تعرس بتخسر تب
يغلبها الوقاف والقعاد
ماكان اخير ليكن تقعدن في بويتكن وتنبطحن من سرير لسرير

وتاني مرة قال كان تقعدن في بويتكن تتعملن التطريز

اها في الزمن داك انا كنت وقفت اي هيجة جندرية بعد دخلت التلاتينات

بس كنت بعاين ليه لمايخلص كلامو
وبمشي...
بعداك عرفت انه زول كاواي بس وما اكثر وانه بقضي امسياته كلها يكاوي في مرته وصاحباتها

وبريمة دا النوعية دي
عشان كدا تعالت عبارات يا فشفاشي وضغطي
من الاخوات

وبريمة فرحان شديد انه بيفقع في مرارتكن...

عشان كدا هولد يور هورسس
وما تشتغلو بيه
الرجل السوداني عايز المرة تكون صم بكم..
ودا ما بتتلقي الا يشتري مانيكان

الأستاذ محمدإ سليمان
تحايا عطرة

لعنايتكم : كتب زميل المنبر الأستاذ حسن أحمد حماد يسأل تبارك شيخ الدين بأستغراب عن العلاقة بين الزواج والسياسة

Quote: الأخ تبارك اسمح لى Quote: جزؤ حساس من المسألة هو طريقتنا لإختيار الزوجة أو الزوج ... كما أوردت "دانيا المكّى" وأخريات ... ودى مشكلة لا تتوقف على الغربة والهجرة فقط ... ولكن حتى فى السودان ... لا زالت المعرفة المختصة بالتعامل مع الجنس الآخر والأسرة والتربية وهلم جرا ... تتخبطها الأهواء الشخصية .. والمواقف السياسية ... والنعرات القبلية والعنصرية ... والهوس الدينى ... والإجتهادات الشخصية .. وعادة ما يكون العلم الحديث هو آخر أداة معرفية نستخدمها فى تكوين الأسرة وتربية النشء ... وذلك لمناقضته مع تراكيبنا الذهنية والنفسية ... وتضاربه مع مصالحنا الشخصية وأنواتنا المنتفخة ... وأعنى بهذا الكلام سقطنا من ضحايا الغزو الثقافى الذين تحدّثت عن هزائمهم الأخت "اقبال المرضى" ... فضلّوا السبيل إلى هوياتهم السودانية الأصلية ... وصاروا الآن غالبية ... الأخ تبارك والله ما عارف ابكى وله اضحك كيف يتم الربط بين اختيار الزوجة والمواقف السياسية؟ وكيف يتعارض العلم الحديث مع مصالحنا الشخصية وأنواتنا المنتفخة؟ عليك الله شوية توضيح للكلام أعلاه مغ مودتى

نظّرت فى الموضوع لما عيونى ذقللن .. وشربت شاى .. ولأول مرة فى تأريخ حياتى أفكر أن كان ناس الصاعود يعرفوا إن كان الصاعوط يفك مغالق جخانين التفكير فى مخى .. حتى أستبصر الأمر ..

حسن .. يا أخى أنا محتار بغادى ليك ..

وإن شاءالله يعود تبارك ..

بريمة

Quote: أميرة سيد عبد العزيز ابراهيم خور عمر بنات

الصحيح أمير
والمدرسة خورعمر بنين وليس بنات ..

وأمير -هو أول الشهادة السودانية للعام 1990 - وكان يطلق عليه أمير الروسى (أمه روسية الجنسية)..
لا زلت أتذكره وهو يلعب كرة السلة وحيدا فى ملعب المدرسة ليلة الإمتحان بينما نحن فى حالة يرثى لها..
دخل كلية الهندسة (لا أدرى معمار أم مدنية) وذلك لأن مساقه علمى رياضيات..

مرحبتين يادكتور أمبده

أقبض

Quote: الصحيح أمير والمدرسة خورعمر بنين وليس بنات ..

أقبض أقبض !!
أقبال عرفتكن فاكاتنها فينا .. كمان عايزات تكبرن كومكن وتظهرن أحسن مننا حتى على مستوى الشهادة السودانية.

أها دا مش اللف والدوران من نسوان أمريكا حتى على مستوى الريكورد المبين.

بريمة

الأخ الأستاذ بدر السنوسى

سلامات وتحايا عطرة لناس الصحراء .. ناس جقلة .. حينما يتفخرون بأصلهم وفصلهم وتأتى سيرة الفراخ .. أقصد ال chickens وغيرها من الفراخ .. هناك فى ناس عينهم ما تشيف إلا النور .. وخلى الموضوع فى سرك على قول أبناء ركيزتنا الدينية فى الغرب الشيخ عبدالرحيم البرعى عطر الله قبره بمسك أهل الجنة.

نسألك هنا:

Quote: * بعدين القصص الاوردها بريمه اعلاه are really really crap

البعرفوا فى مثل هذا الموضع تكتب كلمة crab وليس crap
وبعدين "كراب" من أىّ ناحية .. من ناحية عدم مصداقية قصصها .. أما إنها "كراب" بفعل الذين كانوا أبطالها ..؟

بريمة

Quote: البعرفوا فى مثل هذا الموضع تكتب كلمة crab وليس crap

الاخ والسيد بريمه ... crab الانتا جبتها دي بعرفوها ناس الحشرات (Brachyura) وممكن تكون حاجه ما عجبتك تقول عليها crab برضو زي الجوطه الفوق دي ... لكين crap حقتي دي اعلي مرتبه شويه ... يعني ممكن تخش a casino dice game وتفسرها بعداك علي الطريقه النمطيه أني وكيفما شئت وشاءوا ...








_______________________________________________________
يا بريمه الانجليزي ده ولدوه في بريطانيا وبقي عيان شديد في اميركا ولحق امات طه في الهند وافريقيا....ركز في البوست ..خليك من انو crap نهايتها p او b لانو صدقني القصص الفوق دي never fit in what you talking about

Quote: أقبض Quote: الصحيح أمير والمدرسة خورعمر بنين وليس بنات .. أقبض أقبض !! أقبال عرفتكن فاكاتنها فينا .. كمان عايزات تكبرن كومكن وتظهرن أحسن مننا حتى على مستوى الشهادة السودانية. أها دا مش اللف والدوران من نسوان أمريكا حتى على مستوى الريكورد المبين.

ارجع لي ارشف الربع 2007 ، في بوست عن اوائل الشهادة و مكتوب اميرة سيدعبدالعزبز وكان مكتوب في موقع وزارة التريبة بنفس الطريقة ( تم تصحيحه) .

Quote: البعرفوا فى مثل هذا الموضع تكتب كلمة crab وليس crap

البتعرفو غلط، بطل الفلقصة علي الفاضي

Quote: النساء اللآتى هاجرن فى اغلبيتهن تحملن مسئوليتهن بشجاعة، كون مفاهيمهن وطورن احساسهن بالحرية والمسئولية تجاهها. ان اوضاع الحياة فى هذه البلاد لاهثة، تصحو باكرا، تقاوم جليد الروح قبل مقاومة جليد السماء تحن لامك فى هذا الصباح وتشتهى ان تشرب شاى لبن على يديها، تكون الواحدة منا مهمومة بتوفير مبلغ للاسرة، لعلاج، او مصاريف للمعيشة او... او...... او........ وحين يأتى الاسبوع الى نهايته تكون الرغبة الوحيدة التى تمتلكها ان تدفن رأسها كطفلة فى صدر ابيها او حضن امها. تحت هذه الضغوط تحاول المرأة ان تبنى نفسها وتشق طريقها بتحدى وقد لاحظت ذلك ابان زيارتى لامريكا على سبيل المثال ، نساء لايمكننى الا ان انحنى لهن، زرت بعضهن فى بيوتهن، ولم اجد زجاجة ببسى واحده او هامبورغ ولم يكن العرس فى حد ذانه هدفا{ تكسر الواحدة لاجله رقبتها}.

Quote: هذا مثل بسيط يتكرر غالبا فى الحكاية، لم يكن مستغربا ان الذى سكنت واياه سودانى، لم يكن مستغربا انه تنصل عن مسئوليته الاخلاقية وتزوج من ضحية أخرى استطيع ان اتصور شكل الحصار المضروب عليها ومع ذلك فهو غير مدان بحكم موروثنا الثقافى. لايهمنى فى المثل اعلاه سلوك هذه الشابة لانى اعتقد ان هذه اشياء من صميم خصوصية الانسان، رجلا كان او امرأة ولكن الكيل بمعيارين يستفزنى، المدهش ان بعض هؤلاء الشباب كان معهم صديقاتهم الاوربيات. حالة من حالات الشيزوفرينا كنتيجة حتمية للواقع الثقافى الذى تربينا فيه والذى ماو زال فى مخيخه { الجوه} يرى فى المرأة

These claims by Dr. Ishraga Mustafa also lack empirical evidence

________________________

Quote: { بنية الوعى التناسلى}

What is that ?
Dr. Ishraga Mustafa
is expected to provide an articulate definition for this terminology

Quote: ارجع لي ارشف الربع 2007 ، في بوست عن اوائل الشهادة و مكتوب اميرة سيدعبدالعزبز وكان مكتوب في موقع وزارة التريبة بنفس الطريقة ( تم تصحيحه) .

يا جماعة قلنا ليكم أمير دة دفعتنا..وفى السودان دة كلو كانت هناك مدرسة واحدة فقط تسمى خور عمر وهى مدرسة داخلية. للبنين..
وفى دفعة 1990 للشهادة السودانية لخور عمر هناك فقط أميران ..هما أمير الروسى أول الشهادة السودانية.وأمير الدنقلاوى
والإثنين كان مساقهما علمى رياضيات تخصص...

=============
أسف بريمة للمداخلة ولكنها معلومة يجب تصويبها

te

Quote: : ارجع لي ارشف الربع 2007 ، في بوست عن اوائل الشهادة و مكتوب اميرة سيدعبدالعزبز وكان مكتوب في موقع وزارة التريبة بنفس الطريقة ( تم تصحيحه) . يا جماعة قلنا ليكم أمير دة دفعتنا..وفى السودان دة كلو كانت هناك مدرسة واحدة فقط تسمى خور عمر وهى مدرسة داخلية. للبنين.. وفى دفعة 1990 للشهادة السودانية لخور عمر هناك فقط أميران ..هما أمير الروسى أول الشهادة السودانية.وأمير الدنقلاوى والإثنين كان مساقهما علمى رياضيات تخصص... ============= أسف بريمة للمداخلة ولكنها معلومة يجب تصويبها

يا دكتور ما فهمت كلامي صح انا عنيت انه النقلت المعلومة ما كانت عايزة تغش ولا تكبر كوم البنات نقلتها حسب ما جا في المنبر العام و موقع الوزارة غلط في السابق تم تصحح المعلومة في الموقع ( حاليا مكتوب امبر ) انا عارفة انه خور عمر كانت مدرسة اولاد و امير زاتوا كان في الجامعة في نفس سنواتنا (برلومي).

Quote: دخل كلية الهندسة (لا أدرى معمار أم مدنية) وذلك لأن مساقه علمى رياضيات

Neither one
He got his basic degree in Electrical Engineering.
He is supposed to be in the states. This is my latest update on him

نهى

Quote: يا دكتور ما فهمت كلامي صح انا عنيت انه النقلت المعلومة ما كانت عايزة تغش ولا تكبر كوم البنات نقلتها حسب ما جا في المنبر العام و موقع الوزارة غلط في السابق تم تصحح المعلومة في الموقع ( حاليا مكتوب امبر ) انا عارفة انه خور عمر كانت مدرسة اولاد و امير زاتوا كان في الجامعة في نفس سنواتنا (برلومي).

معقولة بس مازلتى مصرة .. أمبر ..

معليش !

بريمة

بريمة....انت بس فى شوية سودانيات مزهجاتنك و جيت انتقمت منهم هنا.

Quote: وهنا فى بوستى هذا أستفدنا منك كثيراً .. حتى الجيران كلهم دخلتهم نظام كروت Costico وغيرها .. والشيرنغ فى مسألة جلب الأشياء .. مرة يمشى فلان ويجب الحاجات بالجملة وتقوم الأسر بتقسيمها والمرة الجاية علان وعايزين نطور المسألة نجيب اللحمة فرش من المزرعة .. وهكذا .. راجعى بوستنا

بعدين فى البوست القديم داك انا ما قلت ليك اتشارك مع الناس و قسموا الحجات..ما تقولنى حاجه ما قلتها. احنا اسرة مستقلة تماما....ما بنحب الشربكة مع اى زول. و لو فى اى مشاكل فى المجتمع السودانى ( رجال و نساء) بيكون سببها ان الناس متشربكين مع بعض اكتر من الازم. ما قلت االناس ما تتواصل. بس مهم الناس تهتم باولادها و حالا بعدين تبقى فى الالتزمات الاجتماعية.
بعدين انا ما عاوزاك ترد على بخصوصياتك.I really don't care
انا بس عاوزه انبهك ان الموضوع ما تياب و دهب Vs وظيفة و بنطلون
دى كلها قشور....المهم (بالنسبة لى) اتعلمت شنو من المجتمع الامريكى?... و الطبقة الوسطى بالتحديد.
انا عاوزه اقول ليك لو كان ردك "لا " لواحد بس من الاسئلة دى.. فانت ذى اى واحده من اللى انت زعلان منهم ديل. الاتنين ما مشيتوا لقدام.

حمدالله على السلامة اخ محمد سليمان..

الدراسات والباحثون في المجال تحت النقاش عدة..
وهناك اكثر من مودل لوصف مراحل تناول المهاجر لمعطيات البلد المضيف وثقافته..

ان كانت هناك مكتبة أكاديمية حيث تقيم، ستجد مئات الدراسات وعشرات الكتب عن الهجرة وتلاقح الثقافات..
او ببحث اسفيري بسيط، يمكنك التعرف على بعض هذه البديهيات..

أسمارت أنا
سلامات

Quote: بعدين فى البوست القديم داك انا ما قلت ليك اتشارك مع الناس و قسموا الحجات..ما تقولنى حاجه ما قلتها. احنا اسرة مستقلة تماما....ما بنحب الشربكة مع اى زول. و لو فى اى مشاكل فى المجتمع السودانى ( رجال و نساء) بيكون سببها ان الناس متشربكين مع بعض اكتر من الازم. ما قلت االناس ما تتواصل. بس مهم الناس تهتم باولادها و حالا بعدين تبقى فى الالتزمات الاجتماعية.

فعلاً صدقتى أنا حاولت أطور فى الفكرة .. أقول ليك جبت 2 كرت gold من ناس كوستكو .. واحد دخل الحلة لليوم لم يرجع لبيتنا بعد .. وما عارف حتى الحاجات البشتروها به شنو .. المهم مقضى الغرض تب .. ولكن ماسكين واحد..

أسمارت .. ياأختى أطلعن لى من الموضوع .. خلونى نفت الموضوع .. وأنا سوف أكون فى موقف محرج مالم يكن مواقفكن مواقف مساندة للنقد لأن فى هذه الحالة كأنى أوجه الكلام لشخوص المحاورين .. أنا هدفى أصلاح ليس تكسير المرأة ولكن كون يأتى الأصلاح لابد أن يكون هناك مواجهة مع الواقع المرير الأنا شايفو ..

تحياتى

بريمة

Quote: أسمارت .. ياأختى أطلعن لى من الموضوع .. خلونى نفت الموضوع .. وأنا سوف أكون فى موقف محرج مالم يكن مواقفكن مواقف مساندة للنقد لأن فى هذه الحالة كأنى أوجه الكلام لشخوص المحاورين .. أنا هدفى أصلاح ليس تكسير المرأة ولكن كون يأتى الأصلاح لابد أن يكون هناك مواجهة مع الواقع المرير الأنا شايفو ..

طيب انت خلي الغلاط اميره و سميره, ده ما موضوع وخلي اللت و العجن و انه البوست يطلع من مساره, و تعال ورينا الاصلاح حيكون كيف من وجهه نظرك و خلينا نتناقش.

دانيا
تحية ..

Quote: تعال ورينا الاصلاح حيكون كيف من وجهه نظرك و خلينا نتناقش.

أنا هنا يا دانيا ليس من طبيعتى تشخيص الحلول .. أنا أهتم بطرح المشكلة أو الأشكال .. والباقى على الله.

وأى أطروحات للحل من جانبكم والقراء الكرام تجد منى كل قبول.

بريمة

العبار بريمة.

ياخي ِأنت منظرك في البوست ده شين جدا. وكل ما تفتح فمك(قلمك) بكلمة تدين نفسك أكتر.
نصيحتي لك أنك يجب أن ترفع علم أبيض وتتخارج من البوست ده فورا.
والنصيحة التانية هي وبما أنو الدنيا ويك ايند أحسن تمشي تضرب لك عبار عبارين بعد الهزيمة القاسية دي تبل بيهم جوفك المولع نار ده.
الاخوات ما قصروا معاك أبدا.

بريمه,


يعني شنو تشخيص الحلول؟؟


انت قلت كلام و نقد للمراه السودانيه في امريكا و قلت رأيك في عدم مواكبتها و عدم تطورها و توهانها و صورت لينا انك او الرجل السوداني خصوصا ناجح و متطور و مواكب اقتصاديا و اتناقشنا في الموضوع ده كثير, يلا تعال قول لينا المراه السودانيه تواكب كيف؟؟ يعني الحل شنو للمصيبه الانت صورتها دي؟؟ ما تقول كلام و تجى تقول انا ما بشخصن الحلول؟ عشان النقاش بقى ممل, يعني مافي جديد بندور في حلقه مرفرغه و انا بصراحه ما عاوزه البوست ده يتقفل الا القضيه دي تتحلى

Quote: انت قلت كلام و نقد للمراه السودانيه في امريكا و قلت رأيك في عدم مواكبتها و عدم تطورها و توهانها و صورت لينا انك او الرجل السوداني خصوصا ناجح و متطور و مواكب اقتصاديا و اتناقشنا في الموضوع ده كثير, يلا تعال قول لينا المراه السودانيه تواكب كيف؟؟ يعني الحل شنو للمصيبه الانت صورتها دي؟؟ ما تقول كلام و تجى تقول انا ما بشخصن الحلول؟ عشان النقاش بقى ممل, يعني مافي جديد بندور في حلقه مرفرغه و انا بصراحه ما عاوزه البوست ده يتقفل الا القضيه دي تتحلى

الزميلة
دانية الملك
أقرأ كل ما تكتبينه في حق المرأة السودانية وأثني على جرأة الطرح ووضوح الفكرة واستخدام الحجج والأسانيد العلمية ، أحترم كل آراءك وشجاعتك في الطرح .
الأخ بريمة
لربما خلط الشخصي بالعام فالتبس عليه الأمر فأصبح الأمر له كلحم أثخن لا أنضج فأكل ولا ترك نيئاً لينتفع به .

تحياتي

نجوان

Quote: حمدالله على السلامة اخ محمد سليمان.. الدراسات والباحثون في المجال تحت النقاش عدة.. وهناك اكثر من مودل لوصف مراحل تناول المهاجر لمعطيات البلد المضيف وثقافته.. ان كانت هناك مكتبة أكاديمية حيث تقيم، ستجد مئات الدراسات وعشرات الكتب عن الهجرة وتلاقح الثقافات.. او ببحث اسفيري بسيط، يمكنك التعرف على بعض هذه البديهيات..

ممكن تقولي الموديلات المختلفة بالنسبة لنا لتناول مسألة هجرتنا فى أمريكا ..؟

بريمة

Quote: ممكن تقولي الموديلات المختلفة بالنسبة لنا لتناول مسألة هجرتنا فى أمريكا ..؟

سؤال جميل.. ان نكون علميين وموضوعيين، بدلا عن إطلاق الأحكام جزافا..

هناك بحر من البحث العلمي عن الشعوب التي بدأت الهجرة مبكرا لأمريكا الشمالية مثلا..
كما ان هناك دراسات عن السودانيين المهاجرين أيضا.. (تمت مناقشة بعضها في هذا المكان)

أقترح عليك نفس إقتراحي أعلاه للأخ سليمان،
ويمكن انت اكتر، لإهتمامك بالموضوع وإفتراع بوست له..
تنوير الذات بأحوال الهجرة مسؤولية شخصية،
تماما كما هو مسؤولية المرأة التي انتقدتها لعدم تطويرها لمهاراتها لتواكب بلد المهجر

أجد ذلك (التنوير) هام جدا للأسر التي تقيم بالمهجر، تربّي أبناء وتواجه شتى التحديات..

Quote: These claims by Dr. Ishraga Mustafa also lack empirical evidence ________________________ Quote: { بنية الوعى التناسلى} What is that ? Dr. Ishraga Mustafa is expected to provide an articulate definition for this terminology

Quote: يا بريمة في غياب الدراسة المنهجية و الترافع الإمبريقي تظل أحكامك مجانية لا تختلف-في مجانيتها- عن بعض ما جاء في الروابط التي وضعتهاد. إشراقة.

الاخ محمد

حمد الله على السلامة

للاجابة على سؤالك حول بنية الوعى التناسلى احيلك الى...

E. M. Elsheikh, Towards a Science of Faeeliya, Expanding Human Consciousness, Dena Hurst (ed.) , Lulu publishers, U.S.A., 2004.

الشيخ محمد الشيخ، التحليل الفاعلي – نحو نظرية حول الإنسان ، دائرة الثقافة والإعلام، الشارقة، 2001


جيد انك قلت فى بعض ماجاء فى الروابط التى وضعتها
لم اقل انها دراسة متكاملة من ناحية منهجيتها وضبط مصطلحاتها..
اضعها كمدخل لتطويرها فى المستقبل

وطالما تحدثت عن القصور فى المنهج ارجو توضيح اى قصور واى مناهج يا استاذ محمد؟
هل انت متخصص فى المناهج وملم بها جميعا؟
زيدنا من علمك, فانا حدود معرفتى لم ولن تصل سقف المعرفة التى حدها السماء السابع

هذا مع احترامى
.

السلام عليكم ورحمة الله
الأخت نجوان شكرا على الاهتمام والرد

Quote: الدراسات والباحثون في المجال تحت النقاش عدة.. وهناك اكثر من مودل لوصف مراحل تناول المهاجر لمعطيات البلد المضيف وثقافته.. ..

ليس لدي اعتراض على هذا
وربما تكونين أكثر إلماماًمني بهذا.
لكني ما زلت أتحفظ على قولك :

Quote: هذا ليس برأي.. هذه بديهيات البحث العلمي في مجال الهجرة وتلاقح الثقافات.. وهي ايضا طبيعة البني آدم وغريزة البقاء..

والذي جاء تعقيبا على كلام لك
قد يكون خلاصة حزمة من البحوث
قد يكون ملخصا لجملة من النتائج
قد يكون يكون محض فرضيات
كل ممكن
لكن كونه بديهيات البحث العلمي في مجال الهجرة وتلاقح الثقافات
هذا ما عز علي فهمه وعسر علي هضمه

Quote: او ببحث اسفيري بسيط، يمكنك التعرف على بعض هذه البديهيات..

ما هو المقابل الإنجليزي لــ "بديهيات البحث العلمي في مجال الهجرة وتلاقح الثقافات"
حتى أستخدمه في البحث في قواعد البيانات؟

أخي محمد سليمان..

رجاء استخدام مصادرك ومهاراتك في البحث الأسفيري أو غيره
وأيضا الإستعانة بمترجم ان فضّلت وذلك حتى يتسنى لك البحث والتنقيب في المجال تحت النقاش..

وبعداك بإمكانك العودة لهنا لتفنيد .. دحض.. ما ذكرته او ابداء رأي آخر

_____
ان كان المقصود رغبة حقيقية في المعرفة، او في الجدال
فعليك في الحالتين ان تبذل مجهود بحث وترجمة وتجي راجع..

دكتورة إشراقة السلام عليكم

وشكرا على الإحالة

Quote: للاجابة على سؤالك حول بنية الوعى التناسلى احيلك الى...

لم أرج منك الإحالة إلى مرجع .
بل كنت أتوقع منك الإتيان بتعريف واضح للمصطلح
مداخلتي كانت بالتحديد:

Quote: Dr. Ishraga Mustafa is expected to provide an articulate definition for this terminology

وما زلت أطمع في معرفة إن كان هذا مصطلحا علميا
متداولا في الأوساط الأكاديمية ؟ وما هو المقابل له بالإنجليزية ؟

Quote: جيد انك قلت فى بعض ماجاء فى الروابط التى وضعتها لم اقل انها دراسة متكاملة من ناحية منهجيتها وضبط مصطلحاتها.. اضعها كمدخل لتطويرها فى المستقبل

وكذلك بريمة لا أظنه قد زعم أنه قد أجرى دراسة متكاملة
وقد وجهت إليه أنت هذا السؤال مقتبسة عن مداخلة الأخ عادل علي:

Quote: ان اعود بوجهة نظرى ارجو الاجابة على سؤال الاخ على لانو مهم على الاقل اعرف مدخلى للحوار معاك Quote: هل تتحدث عن دراسة أجريتها وخلصت من خلالها إلى نتائج تسندها نسب وأرقام، أم انك تتحدث عن تجارب الدائرة الضيقة لمعارفك؟ إذا أجريت دراسة وبحث حول هذا الموضوع حول المرأة السودانية في الولايات المتحدة، فإنه مجهود عظيم ومقدّر وبحث غير مسبوق تُشكر عليه، وأرجو تعميم الفائدة ونشر الدراسة علينا هنا حتى نلقى نظرة على مختلف التفاصيل. اما إذا كنت تتحدث عن تجارب الدائرة الضيقة لمعارفك (وهؤلاء لا يمكن أن نطلق عليهم "سوادنيي أمريكا)،

ثم عدت ووضعت الروابط التي حوت ما نعته بالافتقار إلى الإثبات الإمبريقي

Quote: وطالما تحدثت عن القصور فى المنهج ارجو توضيح اى قصور واى مناهج يا استاذ محمد؟

أنت نفسك تعترفين بأن ما أتيت به ليس متكاملا من ناحية منهجه وضبطه
وأنت أدرى بالقصور الذي يعتري كتاباتك فلم تسألينني أنا؟

Quote: هل انت متخصص فى المناهج وملم بها جميعا؟

لا
ولك الشكر
___________________
يا بريمة دا بوست قديم ذو صلة
فهرس /المسكوت عنه فى شئون البيت السودانى... نور تاور

..
.

صراحة البوست بكل ما يحوى من تناول متعدد فى القضايا والأراء والتعليقات
بقى زى المد والجزر .. مره ضد واحيانا مع !!؟

والموضوع بقى مش المرأة فى امريكا بل فى كل بقاع العالم
بالله حرصاً على الفائدة العامة يا بريمة بما انك صاحب الحوار
حدد لينا بؤرة ونقاط المشكلة التى وردت من ضمن الموضوع وبما فيها
اراء بعض المشاركين وتجاربهم كدانيا وتبارك وانت ..
وبالله ادونا اطروحات ومقترحات الحلول..

بعدين حقيقة ورنا التفسير المقنع لكلمة ( مواكبة )
كيف تكون المرأة مواكبة وكيف يكون الرجل مواكب !!؟
والحد الفاصل لاستخدام المراة للقوانين التى تتاح اليها
حتى تصل الى المواكبة او التضحية بيتها ومستقبل اسرتها
لاجل حياة اخرى اكثر حرية وعصرية _ دى طبعا من الامثلة الخفية_

_________

غايتو يا بريمة انا شايف بعد تكالب جموع النسوة
ودينق عليك _ احسن ترفع الراية البيضاء وتنسحب ..

Quote: م أرج منك الإحالة إلى مرجع . بل كنت أتوقع منك الإتيان بتعريف واضح للمصطلح

السيد محمد

مضطرة احيلك الى رد الاخت نجوان

Quote: ان كان المقصود رغبة حقيقية في المعرفة، او في الجدال فعليك في الحالتين ان تبذل مجهود بحث وترجمة وتجي راجع..

وقبل ماتجى راجع ارجو ان توضح ماتعنية

Quote: ثم عدت ووضعت الروابط التي حوت ما نعته بالافتقار إلى الإثبات الإمبريقي

انت قاصد شنو الاثبات الامبريقى؟
انا وضعت مراجع استعنت بها ولان الموضوع كان معدا لمجلة الخرطوم وهى مجلة ثقافية
كان لابدّ من صياغة الموضوع بطريقة سهلة ومبسطة لا تنفر القارئى والقارئة من مصطلحات من شاكلة امبريقية

ثم مافى نتيجة مطلقة, ماتبثه اى دراسة لا يقول بان نتائجها مطلقه
ثم ماتطالبه بالمقابل الانجليزى ارجو ان تبتبه الى ان العلوم الانسانية كتبت/ترجمت الى لغات محددة
وعليك بان تبذل مجهودا اذا كان فعلا كما قالت نجوان المقصود التحاور وتعميم الفائدة


وشكرا

Quote: موضوع الهجره ده موضوع طويل و شائك جدا و المهاجرين من كل الاجناس و الاديان في كل مكان بيعانوا من تناقضات حضاريه و اجتماعيه, خوف من زواج الابناء من اهل البلد الاصليين, دايما تجد الاسر المهاجره اكثر حرص على المفايهم القيم اللي في بلدهم الاصلي اكثر من الناس اللي عايشه في البلد نفسهم. في كثير من الشرايح بتكون هاجرت و هي غير متعلمه و منهم اللي كان عنده طموح و اتعلم و طور نفسه و منهم اللي فضل في مكانه و منهم كثيرين الواحد يعجز عن التفاهم مع استاذ اولاده او الجيران.

الموضوع مهم فقط طريقة بريمة فيها إجحاف فى حق المراة السودانية لانه عمم الحالة, ولو كان تناول الموضوع دون تعميم وأشار لمواضع اللغط كما أشارت الاخت دانيا فى المقتبس أعلاهـ لكان للمنتقدين رأي آخر وكان البوست اخذ مجراهـ الطبيعي بدلاً عن التعرجات الكثيرة.

Quote: نظّرت فى الموضوع لما عيونى ذقللن .. وشربت شاى .. ولأول مرة فى تأريخ حياتى أفكر أن كان ناس الصاعود يعرفوا إن كان الصاعوط يفك مغالق جخانين التفكير فى مخى .. حتى أستبصر الأمر .. حسن .. يا أخى أنا محتار بغادى ليك .. وإن شاءالله يعود تبارك .. بريمة

حسن ... بريمة .. وآخرون ...

العلم الحديث (علوم تطبيقية، علوم احتماعية، علوم تجريبية، .. إلخ) بيتناقض مع "أنواتنا المنتفخة" ... وبنشوف روحنا أعلم من العلم ظاطو ... ما معناها "نتسودن"!

عشان العلم الحديث آخر أداة معرفية عندنا ... بنخلّى حياتنا كلها للنزعات العقائدية والنفسية والأمراض ... والسلوك المتسودن ومغرق فى السودانية دا ... بنختار بيه الزوج أو الزوجة ... وبنختار بيهو الموقف السياسى ... وبنربّى بيهو أولادنا ... وبنلعب بيهو كورة ... وبنمارس بيهو إبداع ... وهلم جرا ...

وبعد داك بنجى نشتكى ... النسوان كعبات ... العيال باظوا ... الرجال عينم طايرة ... الفساد ... والعنف السياسى ..
.. والسينما غلبتنا ...
... وشينة كورتنا ...
وشوفوا ناس امريكا ... وشوفوا ناس الشام ...

ياهو زى ولولة "بريمة" دى .... هى فى أصلها إفصاح عن حالة وعى سودانى يرفض العلم الحديث كأداة معرفة!

وسلاااااام يا ... العندهم باقى عقل ... وباقى علم ... فقد فقدنا عالِمٌ فذٌّ .. ألا وهو الدكتور "عوض دكّام" .... وأكرر التحية لـ "السلطان" كلما أتيحت لى سانحة .... فهذا الولد حاذق فى نشر الوعى والبهجة ... ويستوقفنى كثيراً ... (وأقول الولد محبةً وإعجاباً بإنجازه على صغر سنّه ليس إلاّ)

اتفهمت ليكم يا شباب ولا نكتبا بى صياغة جديدة ...

لأنو انا ما عندى مشكلة اكون مختلف مع زول ... لاكين لازم على الأقل تكون فى لغة حوار واضحة ... وكل زول يفهم التانى كويييس ... عشان الاختلاف يكون مبنى على فهم ... والكلام دا برضو ممكن يساعد البيحاولوا يتحاوروا مع "محمد إ. سليمان" ... الزول دا بيوجه أسئلة وبينقل اقتباسات فقط ... هو لا يتّفق ... ولا يختلف ... ولا يجادل ... ولا يكاوى ... فقط يسأل وينقل ... العندو نفس طويييل لتوفير الإجابات وقراءة الإقتباسات ... فهو زول "محمد إ. سليمان" ... وفى اعتقادى أن طريقته Manipulative وتثرى الحوار ...



ما كان مفروض اجى البوست دا تانى ... لاكين ....





... المهم ...

بصراحة يا أخوانا محمد إ سليمان دا .. يا هو بطل قصة سعادتو محمد حامد فى روايته "فجاغ أولاد أبليس"

الأخوات د. أشراقة ونجوان .. "كتلن" ملف ضيق وقالن محل العافية وين.


----------------------------------------
مجرد مزاح حتى لا يكون البوست حجر على الرفع

بريمة

ول أبا تبلدينا

فى السودان هناك فرق بين إمرأة المدينة .. وإمرأة الريف .. فى طرق العيش والمعاملات الاسرية .. وأؤكد عدم تفضيلى لأى منهما على الأخرى فى طرق حياتها .. قصدى هنا أن أؤكد أن هناك إختلاف .. ويأتى الأختلاف فى سلوك المرأة نتيجة لنوعية الظروف الأجتماعية المحيطةالتى تعيش فيها المرأة سواء كانت تلك ظروف الريف أو ظروف الحضر.

نذهب أكثر .. إذا ذهبت المرأة الريفية إلى المدينة هل تعش عيشتها الريفية أم تحاول تواكب .. نفس الشيئ بالنسبة لإمرأة المدينة إذا ذهبت إلى الريف سوف تحاول تتأقلم .. أى تواكب ..

إذن الخلاصة يجب أن تكون هناك مواكبة .. فى كل الحالتين .. والتعريف الدقيق لكلمة مواكبة لا يمكن إلا حسب الظروف التى أنتقلت إليها المرأة .. الريف أم الحضر .. أىّ بت من بنات المدينة حضرت لنا فى أرياف البقارة علمناها كيف تعمل عصيدة أم لبنين وملاح أم بلط وفزوع الحطب وورود ألمى (جلب الماء على رأسها وليس حمل جردل الماء على يدها) .. يعنى البديهيات التى تعرفها كل إمرأة بقارية ..

هنا فى أمريكا هناك بديهيات .. وهى يصعب أجمالها لتقعيد الحياة هنا ..

المرأة السودانية هنا .. إلا ما رحم ربى .. قاعدة ساكت فى السهلة ..

بريمة

..
.

Quote: المرأة السودانية هنا .. إلا ما رحم ربى .. قاعدة ساكت فى السهلة ..

صراحة كنت بختلف معاك فى بعض النقاط
لكن لمن مشيت موقع الجالية السودانية الامريكية
ولقيت ما عندها سكرتارية شئون المراة والطفل
اقتنعت ان حتى المراة _ المواكبة_ ما عارفه كوعها من بوعها
واقصد حقوقها من واجباتها


________

كلام غريب البحصل فى امريكا دا

تبارك

Quote: حسن ... بريمة .. وآخرون ... العلم الحديث (علوم تطبيقية، علوم احتماعية، علوم تجريبية، .. إلخ) بيتناقض مع "أنواتنا المنتفخة" ... وبنشوف روحنا أعلم من العلم ظاطو ... ما معناها "نتسودن"! عشان العلم الحديث آخر أداة معرفية عندنا ... بنخلّى حياتنا كلها للنزعات العقائدية والنفسية والأمراض ... والسلوك المتسودن ومغرق فى السودانية دا ... بنختار بيه الزوج أو الزوجة ... وبنختار بيهو الموقف السياسى ... وبنربّى بيهو أولادنا ... وبنلعب بيهو كورة ... وبنمارس بيهو إبداع ... وهلم جرا ... وبعد داك بنجى نشتكى ... النسوان كعبات ... العيال باظوا ... الرجال عينم طايرة ... الفساد ... والعنف السياسى .. .. والسينما غلبتنا ... ... وشينة كورتنا ... وشوفوا ناس امريكا ... وشوفوا ناس الشام ... ياهو زى ولولة "بريمة" دى .... هى فى أصلها إفصاح عن حالة وعى سودانى يرفض العلم الحديث كأداة معرفة! وسلاااااام يا ... العندهم باقى عقل ... وباقى علم ... فقد فقدنا عالِمٌ فذٌّ .. ألا وهو الدكتور "عوض دكّام" .... وأكرر التحية لـ "السلطان" كلما أتيحت لى سانحة .... فهذا الولد حاذق فى نشر الوعى والبهجة ... ويستوقفنى كثيراً ... (وأقول الولد محبةً وإعجاباً بإنجازه على صغر سنّه ليس إلاّ) اتفهمت ليكم يا شباب ولا نكتبا بى صياغة جديدة ... لأنو انا ما عندى مشكلة اكون مختلف مع زول ... لاكين لازم على الأقل تكون فى لغة حوار واضحة ... وكل زول يفهم التانى كويييس ... عشان الاختلاف يكون مبنى على فهم ... والكلام دا برضو ممكن يساعد البيحاولوا يتحاوروا مع "محمد إ. سليمان" ... الزول دا بيوجه أسئلة وبينقل اقتباسات فقط ... هو لا يتّفق ... ولا يختلف ... ولا يجادل ... ولا يكاوى ... فقط يسأل وينقل ... العندو نفس طويييل لتوفير الإجابات وقراءة الإقتباسات ... فهو زول "محمد إ. سليمان" ... وفى اعتقادى أن طريقته Manipulative وتثرى الحوار ... ما كان مفروض اجى البوست دا تانى ... لاكين .... ... المهم ...

دا شنو يا تبارك ..
آآآآآآآآمنت عديل والله .. وسبحان الذى علم الطير كلام الباقر ..

أنا متأكد يا تبارك الأخ حسن حماد أحمد .. سوف يبكى هذه المرة .. الضحك أصبح "نوت أن أوبشن"

بريمة

تبلدينا

Quote: غايتو يا بريمة انا شايف بعد تكالب جموع النسوة ودينق عليك _ احسن ترفع الراية البيضاء وتنسحب ..

أخوك مستعد ينجض أخر "عصبة فى كراع الحمامة العجوز" لم تنجض بعد.

بريمة