رسالة حقد وكراهية ضد بريمة م أدم: هل تتفق مع نصها أم تختلف معه ولماذا؟

وصلتنى هذه الرسالة من شخصى يدعى ُE. Musa
وهنا نصها:

Quote: Sun, 30 Jul 2006 06:24:30 -0700 (PDT) From: "E.MUSA NASSIR" Subject To: [email protected] Dear Brima Since long time iam searching answer to this question: How much the Ingaz paying you regualary"?. Because anyone who read your articles will come out with an idea that you have exerted much effort distorting facts. You looks similar to Al Turabi with much knowledges used in wrong way. Did you put this question infront of you and day(why lots of people in sudaneseonline hate you?) I believe that you can contribute a lot to sudanese nation if you have little love to Sudan. Many thanks. Nassir

نناقش الرسالة في الفقرات التالية

بريمة

قبل البدأ أرجو أن يكون هذا البوست تقييم حقيقى لأدائى في البورد ..
وأرجو توخى الأمانة بعيد أن كل تصنيف معلب ..

وبكم ومنكم نستفيد ونتعلم ونحسن أدائى

كل أمل في وجهة نظر صادقة سواء ضدى او لى ..

بريمة

أدعى كاتب الرسالة بأنى:
1. عميل للأنقاذ وأنه يبحث كم يدفع لى بأنتظام.
2. أننى كالترابى أمتلك معلومات ثرة ولكنى أستعملها فى لوى عنق الحقيقة.
3. إن كتاب البورد يكرهونى بشدة.
4. أراء أخرى لم أتذكرها ...

بريمة

كل شئ جايز

أدعى كاتب الرسالة إننى:
5. أحرف الحقائق
6. لا أحب السودان، عديم الوطنية.

نسمع رأيكم ؟!!

بريمة

الصادق

Quote: كل شئ جايز

وجهة نظرك مقبولة، ما الحل؟

بريمة

الاخ بريمة ... جانبك الصواب في عنوان البوست وخصوصا مصطلح "الحقد والكراهية"
You are just overreacting
الاخ كاتب الرسالة خاطبك بكل زوق وادب بدليل "عزيزي بريمة" في صدر رسالته
لم يشتمك او يعرض بك، كل ما قاله ان القارئ لكتاباتك للمنبر يشعر ان الانقاذ تدفع
مقابل ما تبذله من جهود في تلميع صورتها والدفاع عنها وهو مجرد احساس يحتمل الصواب او الخطأ
كما ارجو ان افيدك عن رائ الشخصي وهو بجانب دفاعك عن الانقاذ وهو بالتأكيد جانب سلبي جدا في شخصيتك
البوردية فانت كذلك سريع الانفعال والغضب وتميل لشخصنة الامور مع استعمالك لكلمات قاسية وعنيفة.
ختاما اختلاف الرأي لا يفسد للود قضية
والسلام

الأخ ASAAD
سلامات

وشكراً جزيلاً على أبداء الرأى بهذه الصورة المفيدة ..
لدى ملاحظة أن الرجل صاحب الرسالة حاول تغليف رسالته والتى مضمونها حقد صريح
ليس فيه أى نوع من النصح، ولعلى فقط أشير أنا لم أدافع عن الأنقاذ ولا يوماً واحد
في حياتى، دفاعى عن أهلى البقارة، الذين بصورة غريبة أصبحوا بعامل الحروب الأثنية
في الهامش يقعون بحكم العروبة في صف الحكومة وبالتالى مهما كان موقفنا ضد الأنقاذ
لن يتراءى لخوصمها البته ..

بالنسبة للأنفعال ربما محق، ولكن لدى رأى ثابت لا أنتصر لنفسى، أنفعالى من أجل قضية وربما ذلك مطلوب منا جميعاً .. راجع كل مداخلاتى

لك تقديرى

بريمة

الاخ بريمة
تحياتى

اولا انا مابتفق مع صاحب الرسالة جملة وتفصيلا .. لكن داير اعاتبك شوية
مافي زول في الدنيا دى - مما ربنا خلق الارض - نال حب الجميع ورضاهم .. لازم يلقى ليهو عدو او اعداء
الرسل .. الصحابة .. العلماء .. المفكرين .. الزعماء .. الابطال .. المشاهير .. المغمورين ..
كلهم .. مافيهم واحد عاش بدون خصم ..
و زى ما اى زول عندو البيكرهو و البيحقد عليهو .. عندو برضو البيحبو والبيحترمو ..
عشان كدة ما تنشغل كتير باراء الناس فيك خاصة لمن يكون الراى السلبي ما بلغة النصيحة .. حتى لو في زول شاف فيك حاجة ما كويسة المفروض يوريك الحاجة دى باسلوب كويس .. لكن مما تعرف انو اسلوبو ما كويس تأكد تماما انو الزول ده ما كويس .. و ما هو البيقيمك ...
و كدة انا قيمت الرسالة بانها فعلا حاقدة .. و الحاقد مهما كان علو قامته او مقامه غير مؤهل اخلاقيا لتقييم الاخرين مهما كانوا ..
ونصيحتى ليك ... ولى نفسى برضو ..
" كن انت .. واستفتى قلبك لتقييم ذاتك "
وشكرا ليك
ساتى

الأخ الطاهر

سلامات وتشكر على النصح الغالى

Quote: ونصيحتى ليك ... ولى نفسى برضو .. " كن انت .. واستفتى قلبك لتقييم ذاتك " وشكرا ليك ساتى

نصيحتك واصلة تب، لكن دعنى أقول الأتى، لماذا يعمل الرساء
والساسة والفنانين وكبراء القوم فصيل من المستشارين، أليس لأبداء النصح
والمشورة، أنا أعرف أن هناك من لا يتفقون معى ولا أتفق أنا معهم ولكن ذلك
لا يمنع أن يعطوا أراء محايدة في موقف محايد كهذا.

لك خالص تحياتى
بريمة

رسالة إلي صاحب الرسالة

رسالتك حاقدة ويبدو عدم موضوعيتها وموضوعها، كما أنك ليس من الذين
يستطيعون البقاء معنا هنا في منبر السودان الحر، منبر سودانيز أون لاين،
الذى فيه يدار حوار بالرأى والرأى الأخر وليس حقد وكراهية ..

أنا فى هذا البورد أكتب أصالة عن نفسى وليس بالأنابه عنك أو من يمثلك
أو أرضاءاً لاى كان .. هكذا نستطيع نأتى بالجديد المفيد، وهذا هو سر
المهنة.

بريمة

طبعاً شهادتي فيكـ إنت عارفها..


بس ما بتفق مع نص الرسالة..
والسبب عشان إنت ضد الشيوعيين وخزعبلات أذيالهم..



تسلم يا الغالي..

ولد ابا.. حبابك
السرداب.. كتر السرداب.. و عوجة واحدة ما بتجيك..
الأخ/الأخت صاحب/صاحبة الرسالة سأل/سألت:

Quote: ?. How much the Ingaz paying you regualary"

و اصلا وكت القصة مجرد سؤلات ساكت.. برضو عندنا حقنا في السؤال..
يا ربي الإنقاذ بتدفع كم لأونكل سلفا..و كمريد عبد العزيز الحلو..و كمريد ياسر عرمان..و غيرهم؟.. و مش الحركة دي قاعدة مع حكومة الخرطوم في كرسي واحد (نظام شراكة و كده)؟..

و الدواس فينات.. يا حبيب..و الماعندو غبينة ما بيداوس..

العالم دي بعد شوية ح ترسل ليك انثراكس.. في البريد بتاعك.. عشان كده أي جواب يجيك ارميهو القاربش..عشان القاربش للقاربش بيحن..

و زي ما بيقولو اهلك.. الرجالة دناقر ما ها كبر عناقر..


كبر

المصادم بريمة،،
تحيات خالصة
تعجبني كتاباتك وموضوعيتك ولغتك التي توصل المعاني بدون أي مواربة
فسر على بركة الله،، فرأي الكثيرين فيك إيجابي جداً جداً...
وقفة:
الرسالة التي وصلتك هي مجرد تساؤلات تحمل في باطنها عدم رضاء عن كتاباتك فقط ،، وهذا حقد مكفول لكاتبها وليس فيها من الحقد والكراهية شئ،، حسب رأي...
سر على بركة الله...فأنت مكسب كبير لحركة التنوير والتبصير ورد البغي والعدوان والإفك

اخي بريمه ، لاعليك فان نقيق الضفادع في سكون الليل عالى ومزعج ، الا ان المصدر وضيع وواطى ، قيل قديما ماذا تفعل لسعة حشره حقيره لجواد اصيل، ستظل حشره ويبقى الجواد مزهوا باصله وفصله، هون عليك وكنت وددت لو انك تجاهلت الامر من اصله.

Dear Brima

Quote: Since long time iam searching answer to this question: How much the Ingaz paying you regualary"?. Because anyone who read your articles will come out with an idea that you have exerted much effort distorting facts. You looks similar to Al Turabi with much knowledges used in wrong way. Did you put this question infront of you and day(why lots of people in sudaneseonline hate you?) I believe that you can contribute a lot to sudanese nation if you have little love to Sudan. Many thanks. Nassir

بريمة ود عم نانسي عجرم.

الزول ده خطابه ما فيهو أي حقد أو كراهية, أنت براك مشيت تألف.
الزول ده بقول ليك.
1-الانقاذ بدفعوا ليك كم في العادة؟
2-أنت تقضي وقت طويل في تفنيد الحقائق
3- أنت كلترابي, لديك معرفة ولكنك تستغلها خطاء
4- ضع هذا السؤال أمامك: لماذ أنت مكروه من عدد كبير من أعضاء سودانيز أونلاين.

هذا الكاتب خاطبك بطريقة مهذبة جدا يا بريمة ويجب عليك أن تستمع لصوت العقل.

دينق.