ارتفاع أسعار السكر..الخرطوم: سنهوري عيسى.الراى العام. ..نحنا كدا انت كيف

ارتفاع أسعار السكر
الخرطوم: سنهوري عيسى
الراى العام
َفَزت أسعار السكر أمس إلى «125» جنيهاً للجوال بدلاً عن «115» جنيهاً، بينما ارتفع سعر الرطل للمستهلك من «120» إلى «140» قرشاً للرطل الواحد بعَدَدٍ من أحياء الخرطوم، وَوَصَفَ حاج الطيب الطاهر الأمين العام للغرفة التجارية بولاية الخرطوم، ارتفاع أسعار السكر بالمؤقتة. وقال حاج الطيب لـ «الرأي العام» أمس، إنَّ الزيادة في أسعار السكر سَببها رفض شركة السكر السودانية تَسليم كل التجار حصصهم من السكر، والاكتفاء بالتعامل مع قائمة مُحدّدة من التجار، وأضاف حاج الطيب: بعد الاتصالات التي أجْرتها الغرفة مع المدير العام لشركة السكر السودانية وافقت الشركة على تسليم كل التجار حصصهم من السكر ابتداءً من يوم غد الأحد، مع تقديم المستندات اللازمة، وتوقع حاج الطيب عودة أسعار السكر إلى طبيعتها بعد انتظام شركة السكر في تسليم الحصص للتجار.إلى ذلك أعْلنت شركة السكر السودانية عن استيراد (100) ألف طن من السكر بقيمة (45) مليون يورو بتمويل من بنك قطر الوطني.وقال المهندس بكري محجوب محمد علي مدير عام الشركة لـ (أس. أم. سي) أمس، إنّ استيراد الكمية جاء ضمن خُطة الشركة لسد العجز في سلعة السكر وتثبيت سعره في السوق المحلي، وأشاد بالعلاقات المتميِّزة والمتطوّرة بين السودان وقطر في المجالات كَافّة، وأشار إلى الدعم القطري للشركة لتطوير صناعة السكر عبر تنفيذ عَدَدٍ من المشاريع الإضافية بمصانع الشركة الأربعة لرفع الإنتاجية. وقال إن دخول إنتاج مصانع النيل الأبيض، مشكور ومصنع سكر قفا بالإضافة إلى إنتاج كنانة ومصانع الشركة بعد تطويرها وتحديثها ومضاعفة إنتاجها سيعمل على سَد الفجوة نهائياً وتحقيق الاكتفاء الذاتي للبلاد من سلعة السكر في العام المقبل.


1/ Abu - (السعودية) - 27/3/2010
أغرب حاجه انه السودان يستورد السكر مع أنه لدينا أكبر مصنع للسكر فى الشرق الأوسط. هذا كله من أجل مصلحة أشخاص محددين.
________________________________________

2/ علي عابدون - (السعودية) - 27/3/2010
والله ~ماقلتليكم .... عشان تعرف الناس دي جالسة سآآكت !! يأخي وينو التخطيط الاستراتيجي للسكر وينو القائمين بالعمل!! ياحليل البلد ... آهو ناس تقبض في الرواتب أخر الشهر وبس والتعينات يتم ده قريبي ودة اخوي ودة بتي ودةصديقي والمؤهلين يشربوا هوا ويهو دة النتيجة وكل سنة الشيئ دة يتكرر !!!
________________________________________

3/ ابوبكر - (السودان) - 27/3/2010
اذا دعتك قدرتك الى ظلم الناس فتذكر قدرة الله عليك ان ما يحدث فى موضوع السكر فى السودان معروف هل بالفعل نحن محتاجون لان نستورد السكر من الخارج اتقوا الله اتقوا الله اتقوا الله
________________________________________

4/ احمد ابومحمد - (السعودية) - 27/3/2010
ليس هنالك ازمة سكر فى السودان ولكن هنالك ازمة ضمير مع تنامي وتكاثر شيطاني لضعاف النفوس وعبدة الدينار والدرهم لا بارك الله لهم فى مالهم وحياتهم
________________________________________

5/ الازرق - (بره البلد) - 27/3/2010
(العام المقبل) دى جملة ذى الكان زمان بكتبوها فى المطاعم ..بكره الاكل مجانى..عشان الجماعة يجو تانى. وما اظنى حاضيف شى لو اتكلمت عن الاكتفاء والتخطيط وهلمجرا....الا انى كنت صديق لاسرة اجنبية (فى الخرطوم) وكانوا بشتروا رطل سكر فى الاسبوع, وتقريبا نص الرطل ده بشربو انا لما ازورهم.اظن ان المشكلة فى ثقافتنا نحن تجاه السكر وما خفى فيه اعظم......تصوروا فى ملاح القرع نكب السكر..أأأأأأأأأأ
________________________________________

6/ عثمان جلال الدين - (السودان) - 27/3/2010
من هم قراصنة السوق ومن هم المسيطرين على مفاصل البلد .. المؤتمر الوطني يختلق الازمات لمصلحة منسوبيه وهي اضحت معروفة لجميع.. لم تكفه الجبايات والرسوم ورفع اليد عن الخدمات والنهب المسلح للمال العازز مسكين أنت يا شعب فالتعليم والصحة والخدمات لمن بيده المال والباقي ياكل الحصرم.. لا حول ولا قوة ال بالله..
________________________________________

7/ mohamed - (khartoum) - 27/3/2010
يا جماعة فهمونا... هي شركة السكر السودانية الغرض منها انتاج السكر ام استيراده؟ يا ناس وحدوا هدفكم وشوفوا مصانعكم وخلوا حكاية الاستيراد دي للموردين ومافي داعي للتنطط.
________________________________________

8/ مبارك مجدي حسن - (السودان) - 27/3/2010
والله العظيم انحنا بقينا في البلد دي زي الفئران في حقل التجارب لتجار السكر نحنا ما بنقول عمر البشير كعب لا والله عمر حاليا اجدر واحد بالرأسه لكن توجد ايادي خفية لاسقاط عمر البشير (ليه مانسأل نفسنا ليه اسعار السكر تزيد في الايام دي بزاد 2/مشكلة الاطباء في مستشفي بحري 3/مشكلة المعلمين في صرف المرتبات من المسؤول من كل هذا ولماذا الان ) اسئلة تحتاج الي جواب
________________________________________