كيــف كرشـكم دام عزكـم ..!!

كتب فهد الاحمدي الصحفي السعودي بجريده الرياض , انه قد قام ذات مره بكتابه مقال بعنوان (كيف كرشكم دام عزكم)
وكان محتوى المقال يشير الى خطوره الكرش على الصحه , ويفضي الى ما الت اليه (اشكال) و(احجام) الكروش
فقام مقص الرقيب باستبعاد المقال بحجه ان معظم الزعماء العرب , هم من ذوي الكروش المترهله
وان المقال (يلمز) الى تحيتهم بصوره غير لائــقه .. !!

أنا زاتي لما شفت عنوانك دا قلت عاوزة تلمزيني بيه
لووووول
والله مقص الرقيب ماعندهم
عالم عجيبة
شكرا ضحكتيني وانا مدايه

وجـــن ,,,

Quote: أنا زاتي لما شفت عنوانك دا قلت عاوزة تلمزيني بيه

الفي كـرشـو (....)

بقيتى تتكلمى سعودى سااي !!

كرشنا زين وش لونكم انتم ؟

Quote: كرشنا زين وش لونكم انتم ؟

والله ابشركـ حنا بخير ,, اشلون المطر عندكم ..؟؟

Quote: بقيتى تتكلمى سعودى سااي !!

معاويه عوض الكريم رمز المـاسوره ,,,

اقول انت ايش دخلكـ ..؟؟
اقول قم بس قم ..

بورداب الريـــاض ,, اكثر مما توقـــع ..

سنحت لي الايام القلائل التى قضيتها في مدينه الرياض , سنحت لي ان الاقى , وعلى مأدبه فاخره
لفيفا انيقا من بورداب الرياض , حيث اجتمعنا سويا الى شواء (معتبر) في مطعم الفخار الشهير ,,

لم افاجا ابدا بي اسماعيل عباس بضحكته الدافئه وقفشاته المعبره وهو يجاور بكرسيه معتصم دفع الله
(الشفيف الوريف) الشهير بي اصدقائه هناك بي مـــــو ..!!

لا زلت حتى اللحظه اذكر اكوام (العظام) التي رقدت جثه هامده امام داش وود الصايم اللذان لم
يقصرا ابدا (يقصر الملح) في التهام كل ما جاورهما من لحوم واسماك , بل استلاف ما تيسر
مما يلي محمد الشيخ , غير عابئين باندهاش (مياده) و (شذى) اللتان انصرفتا الى اكل (التبوله)
او ما سماه ود الصايم (القش) ..!!
ولم تجد مياده بدا من تناول عده كبابي من ابريق (الخلطه السعوديه لمشابهه العادات الاجنبيه)
وهي عباره عن مزيج من الايس تي والليمون والنعناع ,
ساعدها في ذك اسماعيل وهو يوصي النادل السوري بسرعه (الري فيلينق) ..!!

عمران وتمبس سارعوا الى التهام اكبر كميه ممكنه , ضاربين بعرض الطاوله , كل قوانين المساحه
والسطح والسعه النوعيه لبطونهم , مما جعلهم يعانون في اخر تلك السهره من (منغصات) جانبيه
انفجرنا بسببها ضحكا انا وهند ,, وهم وحدهم يعلمون السبب ,, !!

اتحفنا حضور سيف بخيت , واسعدني جدا لقاء شتات بالرغم من (سنقليته) التي لم يجد المحيطون
بها حلا لها حتى الان ,, !!

شكرا جميلا ,, فلقد امتلأت حبــا وجمالا حتى التخمـه ,,

موقـــف ود الصــــايم ...!!!

اول حاجه انشالله اولاد جيرانكم ما يقروا الحته دي ..!!
لانكـ بالجد عامل فيهم مقلب مبالغه ..!

والمقصود هنا -عزيزي القارىء- ليس موقف ود الصايم السياسي (مع اني شايفاهو بيهابش اليومين ديل)
او موقفه من الدول اللي مالهاش دعوه بي حد ..!! بل المقصود هو موقف سيارته يعني (الباركينغ) بتاعها ..!!

ف (عمكـ) لم يتوانى عن (تحنيكـ) مسافه مقدره من الشارع اللي قدام بيتهم , ووضع عدد اتنين عمود في صفايح اسمنت
وتخصيصها ك موقف لسيارته ,, الطريف في الامر انك عندما ستزور ود الصايم في بيتهم القابع بي (ام الحمام) في الرياض
ستتفاجأ به يزحزح تلك الاعمده ليفسح لسيارتك مكانا (تبركن) فيهو بي مزااااج ..!!
لعلك تتسال الان , اين تقف سياره (عمكـ) في ذلك الوقت ..؟؟
لا تخف , دونت ووري يا عزيزي , ف عمكـ لا يبركن ابدا هنا ,, الحته دي حاجزها للضيوف , عربيتو تستريح في امان الله
امام حيطه البقاله (وليس الدكان لانو في الرياض مافي دكاكاين حله , في بقالات ) التي تقابلهم ..!!

ود الصايم , صدقني يوم قررت اكرر ليكم الزياره عشان الباركينغ دا ..!!

(المشــكل) . طبخه (هنديه) .. !!!!

فاصوليا وباميه وبطاطس وبسله ومعاهم عيش الريف المسلوق مسبكين بي لحمه وصلصه ذات قوام سميكـ ..
هذه هي مقادير (المشكل) , الطبق ذو الطعم اللذيذ الذي تعده (هند) زوجه عمران اخانا الذي يسكن (خنشليله) ,,

التهماناه , علاء وانا بشهيه مفتوحه , حفزتها لدي طريقتي المزعجه في دق جرس باب بيت ناس عمران
وفي مواعيد اعلم جيدا انه يأخذ قيلولته النهاريه فيها .. فخرج الينا من الغرفه محمر العينين
ساخطا ومبتسما في ذات الوقت ,,
لم يستطع عمران (رغم سغالته) ان يخفي فرحته بزيارتنا المفاجئه له , فكانت اولى صوره الترحيبه
رفضه القاطع احضار طبق الحلوى خاصتنا من محلويات (قباني) ,,

غايتو البركه في ام محمد وشقيقتها اللطيفه , والبركه في شوفه حمودي عمران , الشاب الجذاب
وبالمناسبه يا عمران , اولى خطوات (احمد) انا حاضراها ,, ف ما تقشر لينا بيها سااااي ..!!

Quote: فاصوليا وباميه وبطاطس وبسله ومعاهم عيش الريف المسلوق مسبكين بي لحمه وصلصه ذات قوام سميكـ .. هذه هي مقادير (المشكل) , الطبق ذو الطعم اللذيذ الذي تعده (هند) زوجه عمران

إنتي قايله تمبس ومعتصم ديل لونم فاتح كده مالم ، وجضومن منفخات ؟؟
من الرز يعني ؟؟
ما من المشكل والمحمر بتاع خنشليلة ده

عومر الفاروووغ عضو البورد ,,, عمر الفاروق ابو مودي المواطن السودني

فالاختلاف بينهما شــاسع ..!!
عومر الفاروغ عضو البورد ,, الشخص المشاكس الذي لا يتواني عن اصبتك بالقشعريره
وربما (تنضرس) عديل كده من قراءه بعض مداخلاته التي لا تخلو من الطرافه
واتحداك -عزيزي القارىء- ان تمنع نفسك ولو خلسه من الابتسام او حتى الضحكـ بقهقه عاليه
على ردوده هنــا ..
اقتنعت تماما بما قاله ذات مره , من انه بمجرد ان يضغط على (ساين اوت) فانه ينسى تماما
ما يحدث بين جنبات هذا الاسفير (المرقط) ,,
عمــر ,, ابو مودي,, مواطن سوداني ,, ياكل ويشرب وتمارس خلاياه التنفس الهوائي واللاهوائي
تتجاذب معه اطراف الحديث (الذي لا يمــل) ,, وممكن عااااادي جدا تكمل معاهو يومكـ بدون ان
تتذكر ان الزول دا زاااتو (ما عضو المنبر) عومر الفاروق بتاع سودانيز اون لاين داكـ ..!!

عمر يا اخوي بالله الوصيه بالمهله ,, (التوب) الجبتو لي هديه دا , طلع من ابو تلاتين ريال
ديلك ,,, فحاول انكـ تصلح غلطتكـ دي سريع عشان ما اعدل الكلام الكتبتو هنا دا ورسل توب
عليهو القيمه ,,, انت قايلني قاعده في الدنيا دي سااااااي ولا شنـــو ..؟؟؟

ملحوظه : النقه الكتبتها فيكـ دي قدر قريشات توبك ,, رسل التوب السمح عشان نزيدو ليكـ

Quote: عمر يا اخوي بالله الوصيه بالمهله ,, (التوب) الجبتو لي هديه دا , طلع من ابو تلاتين ريال ديلك ,,, فحاول انكـ تصلح غلطتكـ دي سريع عشان ما اعدل الكلام الكتبتو هنا دا ورسل توب عليهو القيمه ,,, انت قايلني قاعده في الدنيا دي سااااااي ولا شنـــو ..؟؟؟

حولااااااااااااااااااا تمبس إستايل






_______________________
السقيل الإسمو عمر ده يعلم الله مشتهيهو

Quote: كيف كرشكم دام عزكم؟ فهد عامر الاحمدي حتى وقت قريب كانت الكرش من علامات الوجاهة والنعمة. فكلما زادت كرش الرجل كلما دل ذلك على المكانة العالية وحجم النعمة التي يعيشها.. وأيام الدولة العثمانية كان من التملق سؤال الوجهاء "كيف كرشكم دام عزكم؟". وكانت المرأة حين تريد إقناع ابنتها بالزواج من أحد الأثرياء تلفت نظرها إلى "كبر كرشه" واحتمال أن يصبح أبناؤه "مكرشين" مثله!! أما بالنسبة للمرأة فرغم أن الكرش لم يكن يُشير لذات المنزلة، إلا أن السمنة عموماً كانت من علامات الجمال لدى العرب وكان المهر يحدد بطول الخيط الملتف حول بطنها! * وبالطبع تغيرت النظرة هذه الأيام وأصبحت الكرش دليلاً على الثقل وانعدام اللياقة وغدت البدانة شيئاً معيباً لكلا الجنسين.. أما من الناحية الطبية فتنقسم الكرش إلى أربعة أنواع: - الأول نتيجة لسمنة عامة وترى الكرش فيها - رغم كبرها - متناسقة مع بقية الجسم. - والثاني نتيجة لتركز الدهون كحزام حول البطن - وقد لا يعاني المرء في هذه الحالة من بدانة مفرطة! - والنوع الثالث نتيجة لفتق أو ترهل في عضلات البطن وبالتالي "اندلاق" الأحشاء للخارج! - أما النوع الرابع فيظهر لدى النساء نتيجة ارتخاء عضلات البطن بتكرار الحمل والولادة.. وكثيراً ما يترافق سببان أو أكثر لظهور الكرش، فلدى الرجال قد تظهر الكرش نتيجة للسمنة واندلاق الأحشاء. وفي النساء قد تجتمع الصفة الوراثية مع ترهل الولادة.. وهذا يعني أن التخلص من الكرش قد لا يتطلب التخفيف من الوزن فقط، بل وممارسة تمارين شد البطن أو التدخل الجراحي في بعض الأحيان. * والمشاكل الصحية التي تسببها الكرش لا تخفى على أحد، فهي تشوه العمود الفقري وتخل بالتنظيم الداخلي للاحشاء وتقلل من سعة الرئتين. وكانت مجلة لانسيت الطبية قد نشرت (في عدد يوليو 98) دراسة تُشير إلى أن من يملكون محيط بطن أكبر يتعرضون لأعباء صحية أكثر. فبعد مقارنة التاريخ المرضي لـ 12ألف شخص اكتشف الأطباء في جامعة جلاسكو أن الرجال ممن يزيد لديهم محيط الخصر عن 102سم (والنساء ممن يزيد عن 88سم) يعانون غالباً من ارتفاع الضغط والبول السكري وأمراض القلب. وفي المقابل اتضح أن 9% فقط من الرجال الذين يقل لديهم محيط الخصر عن 94سم (والنساء عن 80سم) عانوا من تلك المشاكل!! * ومع ذلك يبدو طبيعياً أن تترهل البطن (قليلاً) مع تقدم السن، فالشاب الصغير يملك بطناً مشدودة ومستقيمة بحيث يستطيع رؤية (...) وهو واقف ثم تبدأ البطن في التهدل بعد سن الثلاثين حتى بدون سمنة - مالم يواظب على تمارين الشد. ومن الملاحظات العجيبة أن هناك شعوباً لها قابلية لظهور الكرش أكثر من غيرها، فالشعوب العربية واللاتينية مثلاً لديها استعداد أكبر لظهور الكرش وتركز الدهون حول الخصر. وفي المقابل يلاحظ أن الشعوب الاسكندنافية والآسيوية الصفراء تتميز بضمور البطن والقامة المشدودة.. ويعود السبب هنا إلى تفاوت العادات الغذائية والظروف المعيشية ونسبة التحرك بين الشعوب. وهذا يعني - من جهة أخرى - أن الكرش يمكن أن تؤخذ مقياساً لمستوى المعيشة ومعيار اللياقة السائدين في أي مجتمع، فحتى وقت قريب نسبياً كان الرجال في جزيرة العرب يضرب بهم المثل في نحافة الخصر ورشاقة القد، ولكن بسرعة تغيرت الأحوال فزادت الأوزان وتقدمت الكروش وتحولت "أغصان البان" إلى براميل شحم متحركة!!

Quote: لم افاجا ابدا بي اسماعيل عباس بضحكته الدافئه وقفشاته المعبره وهو يجاور بكرسيه معتصم دفع الله (الشفيف الوريف) الشهير بي اصدقائه هناك بي مـــــو ..!!

Quote: ولم تجد مياده بدا من تناول عده كبابي من ابريق (الخلطه السعوديه لمشابهه العادات الاجنبيه)

Quote: انفجرنا بسببها ضحكا انا وهند ,, وهم وحدهم يعلمون السبب ,, !!

Quote: شتات بالرغم من (سنقليته) التي لم يجد المحيطون بها حلا لها حتى الان ,, !!

Quote: ود الصايم , صدقني يوم قررت اكرر ليكم الزياره عشان الباركينغ دا ..!!

Quote: ساخطا ومبتسما في ذات الوقت ,,

انت يا تمبس المدام دي بتاعة قلب ولا تصاوير
غايتو شيل شيلكتكـ دلوش عندها راس دفتر فلسكاب يحفظ كلو شي






_____________
قتَ ما شاء الله في سري

إنّا لله*













__
وبنفس طريقة عماد عبد الله
وختة اليدين فوق الرأس!

يا عمران،
الناس يقولوا ليك الراجل لما يعرس المرة بتغير طبعو، لكن يمين بالله المرة داليا دي تمبس موش غير طبعها، والله ده غير بلكاتها وفيوزاتها، والتحية للصديق الذي لا يحتاج لضبح الكديسة، لتكون كلمته هي العليا..
____
إتخيلت شكل التوب الجابو عمر، لكن لو جاب ليهو نص دستة كبابي شاي "عثمان حسين"+ التوب، الشايقية دي بتسكت..

أخونــا الحبيب معتصم دفع الله فارق غرفة العزَابة بعد أن وصلت المدام بخير ...
الحمد لله فارقت الطماطم والدكوة ( وقريض الرغيف ) والفول البايت
بس خايف عليكـ يا مو يا صديقي تجينا بعد تلاتة شهور وحالتكـ :


خاصةً إنو بقى عندنا أخصائية أرشفة

Quote: والتحية للصديق الذي لا يحتاج لضبح الكديسة

شوف عيني كديس مقيم أسود منفَخ من أكل الجداد ( وليس الدجاج)
سلام يا طيفور يا جميل

Quote: خاصةً إنو بقى عندنا أخصائية أرشفة

اول حاجـه قول ماشاء الله

بعدين انت يا اخوي البوست دا لمن هم +75

Quote: ود الصايم في بيتهم القابع بي (ام الحمام)

Quote: عمران اخانا الذي يسكن (خنشليله) ,,

إنتي البلد ديك فيها أزمة سكن وللا شنو ؟؟
والله لكن يا ود الصايم .. يو آر فولوينغ فروم ماي آيز


حمدالله على السلامة ..
ــــــــــــــــ
تمبس ما رسل لي حاجة معاك ؟؟

Quote: يو آر فولوينغ فروم ماي آيز

يا عمكـ .. ما تخلينا ناخد منكـ باركينج!

Quote: ما تخلينا ناخد منكـ باركينج!

بركـه يا ود الصايم الفشيتني في الزول الاسمو محمد عمر جبريل دا ..!!
قال شنو قال : ما جبتي لي معاكي حاجه ..؟؟ لا بالله ..

ياخـي الزول دا شابكنا عندي ليكم هديه من سنه اسكت وماشفنا شي لحدي اسـي

-------------
داير اي دعم لوجيستي في بوست (الجري) داكـ ..؟؟ انا طبعا شهود وكده ..!!

ها ها ..
لكن أعمل شنو أنا .. فترت من المساسقة
ما قادر أعرف إنتو وين بالضبط عشان أجيب الهدية
فجأتن تمبس هناك .. وفجأتن أخرى أنتي أيضا هناك
في الآخر بعت الهدية وختيت ليكم بي ثمنها وديعة إستثمارية في بنك أمدرمان الوطني

983450
ده رقم الحساب
ـــــــــــــــــ
ود الصايم إنت زعلت وللا إيه ؟؟؟
ياخ في أم حمام !!!
عليك الله الشارع اسمو شنو؟

Quote: ياخ في أم حمام !!!

أيوا يا عمكـ .. أيوا
مش في أبو حمامة؟
يعني الحمامة دي يكون عندها أب وما يكون عندها أم ليه؟

Quote: إتخيلت شكل التوب الجابو عمر، لكن لو جاب ليهو نص دستة كبابي شاي "عثمان حسين"+ التوب، الشايقية دي بتسكت..

يا ياســر ,, (بالمناسبه انت لمن تعمل سيرش لي روحك بتكتب ياسر ولا طيفور ولا اب تفـه ولا حاجه تانيه ؟؟)

دستــه كبابي قلت لي ...؟؟
انا اقل من عشرت تلاف قنيه استرليني موش حا ارضى ,,
وابى ابالني لو عومر قاب معلأه (معلقه) ..

بعدين خلينا من عمر , انت انت جبت لي شنو يا المبروك ..؟؟
ياخ انا شابكاك صاحبي صاحبي لمن جبت لي الهوا .. !!
انت قايلني مصاحباك عشان وجاهتكـ يعني ..؟؟ رسل الهديه سريع

داليا
ياخ ما لينا في الطيب نصيب ..
أنا و المدام قشرنا يوم الجمعة و جايين عليكم أتصلت على تمبس قال لي الزولة دي رجعت السودان ..
المرة الجاية نتقابل إن شاء الله ..

Quote: أنا و المدام قشرنا يوم الجمعة

يا خـالد الجايات اكتر من الرياحات ,, كانكم جيتوا واحـد ,,
لكن اهم حاجه القشره ما تكون راحت ساي ,, انالله تكون فسحت المدام في اي حته
انشالله مخرج تمنتاشر ..

-------
تحياتي للمدام شديد اوي اوي ,,

ايسكريــم بنكهـــه الشيــز كيـــكـ ..!!!يا حليل الداندرمـــه

لم يبالي علاء بنصائحي (الذهبيه) حول اختيره لنكهه (الكوفي موس) و (الكابتشينو)
من جملـه خيارات اخرى تتلون بها ثلاجات محل الايسكريم الشهير كونزون ..

حاولت جاهده ان اثنيه عن قراره , وانا اشرح له ان نكهه (الشيز كيك) و (كريمه الاوريو)
هي الاذ على الاطلاق ,, وان ما سوها لا تعدو مجرد الوان صناعيه مضافا اليها الكثير من
النكهه الزائفه ,,
دلفنا الى السياره وانا اتلذذ بطعم الايسكريم(مالي) , وانا اراقب علاء وهو (يبتلع) في
صعوبه قائلا : الايسكريم دا طعمو نشاره خشب نشاره خشــب ..!!

لا ادري اين تذوق علاء طعم نشاره الخشب ,, ولكن ما يهمني في الامر ان علاء قضى على
كوب الايسكريم خاصتي متلذذا بطعم الشيز كيكـ ,,
المغصه انو قال لي بعد ان فرغ منه وهو يرمي بالعلبه : ياســلام يـاخ .. طعمو زي الداندرمــه ..

Quote: الايسكريم دا طعمو نشاره خشب نشاره خشــب ..!! لا ادري اين تذوق علاء طعم نشاره الخشب ,

.. دقيقه نقطة نظام يا داليـا .. وتوضيح مهم:
شكل الايس كريم عامل زي نشارة الخشب .. علشان كدا طعمو طوالي مفترض يكون بيشبه نشارة الخشب ..
الحاجة المهمة في المسالة دي .. إنو النوعية دي بالذات اشار لي بيها الأخ السماني مبارك .. زميلنا البيكتب بي اسم اساسي .. وهو من بورداب جدة .. لانو آخر مرة جانا الرياض اصر إنو اوديهو المكان دا وهو طلب النوعية دي وانا ما طلبتها .. بالرغم من إنو تأخيرنا في مكان الايس كريم .. عمل ليهو خلل في مواعيد الطيارة والرحلة فاتتو واضطرينا نحجز ليهو من جديد .. علشان كدا الاقتراح دا ما حقي لو في اي صوت شكر يجب أن يوجه إلى صديقي الاسفيري اساسي ..


ملحوظة:
فيما يتعلق بي موضوع الايس كريم:
الواحد قدرما يضاير في الحاجات .. ناس عصام جبر الله وخدر وعماد عبد الله تقع ليهم في عبهم ..

Quote: شكل الايس كريم عامل زي نشارة الخشب

إنت المحاكاة ليك شنو؟ إنت ما عارف أي حاجة طعمها خشب خشب دي أكيد بتكون دايِّت dight؟
___
يعني هسي لو كان طعمو نيم نيم، كان حتعمل شنو؟

Quote: إنت المحاكاة ليك شنو؟ إنت ما عارف أي حاجة طعمها خشب خشب دي أكيد بتكون دايِّت dight؟

.. أنا يا ياسر علاقتي بالاسكريم دا من زمن كانو بدونا ليهو في قصر الشباب في عام الطفل الدولي .. اساسي هو القال لي الكلام دا .. بعدين انا لما داليا دي اشترت الاسكريم .. انا كنت في البقالة بشتري سجاير .. وفاجأتني بيهو يعني كان كلمتني كان شفت خيارات تانية ..

بعدين تعال هنا .. إنت مالك زول حساس كدا يا ياسر .. بقيت حساس خالص .. انسى موضوع الاسكريم دا ياخ الله يرضى عليك .. حسع ناس البلد هناك يقولو شنو ..؟
والله انا خايف اولاد عمك يختوها ليك لحدت ما تجي .. ويربطوك في الشجرة
انسى موضوع الاسكريم دا ياخ .. اعفص يا فردة

Quote: الايسكريم دا طعمو نشاره خشب نشاره خشــب ..!!

التطور دا صعب خلاس!

بوست كامل الدسم

Quote: بوست كامل الدسم

والله يا طارق جبرين يا ود عمي ,,
الواحـد مشى كم يوم اتفسح وجا لكن حس انو بعيد من ناس المنبر
وبالذات (بورداب المـــغرب)

ما بتعرف ليك زول هنـاكـ ..؟؟

--------
عجبني الرد البي غادي

Quote: التطور دا صعب خلاس!

...

Quote: غير عابئين باندهاش (مياده) و (شذى) اللتان انصرفتا الى اكل (التبوله) او ما سماه ود الصايم (القش) ..!!

..
حسع عليك الله بعد القلتو دا .. عندك نفس تقابل نانسي عجـرم ..؟
قوم لف ياخ .. (قـش) شنـو .. لو عارفك بتشرط عينا كان .. جينا سقنا شذى ومعاها الدكتورة .. وكان وصيت الشباب يوصفو ليك اي مطعم بتاع مندي في الفحص الدوري .. والله كان لحدت الآن تكون ماسك خط الدمام داك..

اخــانا حيدر الزين الذي في الشـرغـيه

الــو .. ازيك يا دلوش ,, وحمدلله على السلامه ,, لحسن الحظ انا جاي الرياض
بعد بكره في مهمه سريعه وبلاقيكم في بيت ود الصايم نتغدى كلنا معاهو قراصــه ..!!

هكا بدا اخانا حيدر الزين المتصفـــح -رد الله باسويرده- مكالمته الهاتفيه
معي باتفاق على التلاقي يوم الجمعه عند ناس (عمكـ) على قراصه كاربه ..!!
وصدقوني لو كنا استنيناهو ,, كان ما لاقينا ود الصايم لحدي اسي ..

جاء يوم الجمعه ,, وقشرنا يا يمه زي قشره مدام خالد محمود اخانا الذي كان جايينا ولقاني سافرت ..
وقضينا اليوم باكمله علاء وانا وود الصايم محمد عبد الماجد, نضرب في التلفونات للاخ حيدر الزين
ولكن مخدم الهاتف لشركه الجوال السعوديه اصر على اقواله .. (الجوال الذي طلبته مغلق حاليا)
واغلب ظني ان لسان حاله كان يقول : اخوكم حيدر الزين في (مخندق) رجاء شوفوا ليكم شغله غيرو ..!!

من اجمل ما قاله لي حيدر الزين : والله يا دلوش بقيت اصحى الصباح (اجك) في الكورنيش واجي اشرب لبن رايــب ..

Quote: هكذا بدا اخانا حيدر الزين المتصفـــح -رد الله باسويرده- مكالمته الهاتفيه معي باتفاق على التلاقي يوم الجمعه عند ناس (عمكـ) على قراصه كاربه ..!! وصدقوني لو كنا استنيناهو ,, كان ما لاقينا ود الصايم لحدي اسي

أخينا دا بالغ والله!
بالغ جنس بلوغ!

Quote: اخوكم حيدر الزين (مخندق)

Quote: وكان وصيت الشباب يوصفو ليك اي مطعم بتاع مندي

قلت لي يا تمبس مندي رخيس وغرقان شطة..
___
ياهو شبه المندي والمندو والمندا..

غايتو يا أعمامكم .. اليوم داكـ سماعين ومــو
عملوا فينا نظرية .. حرفنة مبالغ فيها! ياخ
القش الأكلونا ليهو يصلح نجيلة ستاد الهلال عديل!
أمّال أنا وداش عملنا حركة مسلحة ليه وشلنا الشوكـ والسكاكين؟!

ضربنا القش .. ولمن جات الطيّبات ما قدرنا نقول كش!

Quote: ولمن جات الطيّبات ما قدرنا نقول كش

دي حالتكم ما قدرتو تقولوا ..؟؟
طيب لو قدرتو كنتوا حاتعمــلوا شنو ..؟؟ حاتكلونـا نحن زاتنا موش..؟؟

يا ودالصايم (العضام) القدامكم تشهد على الوقائع ..
ياخ انتوا بعد ما قشيتوا القدامكم كـلو, قبلتوا على صحن شتات
شلتوا (السمك) الفيهو ,, وشلتوا من تمبس شويه (الريبس) الفضلت في صحنو ..
فضحتونا عند الاجــانب

انت ناسي انك اكلت الكنافه حقتي وحقت شذى...؟؟
واستغليت فرصه (الظروف الصحيه) لي عمران وشلت الكنافه حقتو ..؟؟

Quote: ما زلت حتى اللحظه اذكر اكوام (العظام) التي رقدت جثه هامده امام داش وود الصايم اللذان لم يقصرا ابدا (يقصر الملح) في التهام كل ما جاورهما من لحوم واسماك , بل استلاف ما تيسر مما يلي محمد الشيخ , غير عابئين باندهاش (مياده) و (شذى) اللتان انصرفتا الى اكل (التبوله)

وصف دقيق لمعركة من داخل السفرة

مما يجعلنا نتسائل ... الناس ديل بعد الاكل دردقتوهم ول سوقتوهم معاكم

Quote: الناس ديل بعد الاكل دردقتوهم ول سوقتوهم معاكم

والله يا الفاتح للاسف لم يتسنى لنا ان نسوقهم معـانا ,,
ولو كنا لاقين انا شخصيا كان سوقتهم معاي لحدي الخرطوم ,,

لكن ما باليد حيله ,,

سلامات داليا
على ذكر الكرش والمكرشين ...
ياخ تمبس انا عندي ليهو صورة ( ايام الكرش ) خطييييرة ...
هو ذاتو اظن يكون ناسيها .. ( ولا شنو يا مان ) ؟ ..
كنت حريص اني ادسها لحدي ما تنتهي مراسم الزواج ...






















_________________________________________
الصورة كانت في عيد الضحية .. مما ينفي اي علاقة ليها بالايسكريم ...

Quote: كنت حريص اني ادسها لحدي ما تنتهي مراسم الزواج ...

.. يا عوض عكاشة ..
والله اخير الواحد يرجع لي موضوع الاسكريم دا ..

..
.
ياخ أنا بعد العملية الكاروشة راحت بنسبة (ميتين % ) الصورة العندك دي .. تكون عامل ليها كولاج بس
تكون جايب كرش ود الصايم خاتيها في طاقية راس اي حاجة ..
انفي تماما مسؤوليتي بالصورة دي .. اطلاقا ما عندي صورة بي كرش ولا انا فارة شان ادي فرصة زي دي تحسب علي .. إنت قايلني عمران صالح ..؟

وووب علي وووب علي


لكن يا داليا لقيتك مش شيالة حس
شيالة خبيز عديل



يا بت دا شنو دا


تمبس هوي

كنت دايرة أعزمكم إنت وداليا تجونا في حلتنا
لكن غيرت رايي




دا غسيل ومكوة يا داليا






ــــــــــ
نصيحة:
داليا بت أمي
الراجل أووووعك تخلي ياكل حقك
الليلة الإسكريم بكرة حاجات تانية


(لكن مش إنتي هسي تقولي لي ما علاء دا أنا أديهو عيوني زاتا )

يا أخ تيسير عووضه ,,

لكن لقيتك عارفاني عرفه شديــده

بالمناسبه نحن موش صاحبات ..؟؟
طيب انا ما عندي نمرتكـ ليه ..؟؟
ايوااا اتذكرتا انتي ما ضربتي لي قلت لي مبروك صــاح ..؟؟
كويــــــس .. بتجي الخرطوم وبلم فيكي

Quote: الصورة كانت في عيد الضحية .. مما ينفي اي علاقة ليها بالايسكريم

والله يا عكــاشه مسأله (الصور) في البورد دا
مشكـوك فيهـا ,,
خـاصه انو في ناس عندهـم تقنيات ومهارات خطيره
جدا في الفوتوشوب و والرسـم السريالـي وكـده ,,

عشان كده وعشان ما يتلخبت الاختساس , من هنا ولي قدام
اي زول ما عندو صوره مصوره بي كاميرا كوداك او بولارويد[/B
(النوع البتصورو وتنتظر اسبوع عشان يحمضوهو ويدوكـ ليهو في ظرف برتقالي)
تعتبر غير ساريـه المفعــول ,,

وهـذا منا للعلم ,,

اختنا داليا
حمد لله على السلامة ومع السلامة
يطرشنا ويعمينا
ما ادري وشلون اقول لك
طاح وجهي
والله لو ادري كان عزمتكم في الفيصلية
الشرهه مو عليك الشرهه على اللي ما علمنا

كنت اتنمى تشوفي الكرش الاخر من مهمشي بورداب الرياض
انتي قالوا ليك الرياض ما فيها مهمشين
فيها والله

Quote: الحاجة المهمة في المسالة دي .. إنو النوعية دي بالذات اشار لي بيها الأخ السماني مبارك .. زميلنا البيكتب بي اسم اساسي .. وهو من بورداب جدة

?Asasi + Icecream
?Who will eat our beloved DOM and NABAG then

Quote: ناس عصام جبر الله وخدر وعماد عبد الله تقع ليهم في عبهم ..

وآخرين ... وآخرين

كمان لو عوض عكاشة اجتهد لينا في موضوع الصورة أم كرش
تكون منقة بس












بنكهة النشارة

كيف أصبحتوا!

كيف أصبحتوا!

يا طال عمرك .
ويش لون كراشكم فى ها الدنيا . ؟؟

الامين عثمان ,,

والله وانت الصـادق يا اخوي ..
بس بعد انت مصختها..!!
اشلون مادريت اني جايه ..؟؟ ترى الكلام مكتوب هنيا بالمنبر
من زمـــان ..!!

بس ما عليك كلها كم شهر اجيكم هناك واذبحكم بشوفتو كل يوم اذا بغيت
وما يصير خاطركـ الا طيب ..

----------
بالنسبه لموضوع التهميش ,, بعد ما اتسلم رئاسه بورداب الرياض (جناح الجايين من بورداب الخرطوم)
اوعدك (طبعـا كضابه من اسي) انو ارجع كل حقوقكم المهضومه ,, وان, وان , الــــــخ ..