Post: #1
Title: بكلمة واحده تستطيعون مساعدتي.....
Author: مريم بنت الحسين
Date: 03-27-2010, 12:54 PM
الاخوات والاخوان الاعزاء في سودانيز اونلاين
اقوم ببحث في مجال استرجاع المعلومات information retrieval... بحثي قائم على دراسة سلوك الناس في البحث عبر الانترنت، يتطلب بحثي ان اعمل على قائمة من الكلمات التي يستخدمها الناس عادة في بحثهم عبر محركات البحث المختلفة، مثلا في قووقل.... ومن بعدها اقوم بعدد من التجارب عليها.....
ما احتاجه من اي منكم، ان يختار كلمة واحده فقط باللغة العربية، يستخدمها في البحث عبر قوقل... يعني مثلا، اي واحد/ه فيكم، فتح قووقل، وعايز يبحث عن شي معين، موضوع خبر، موقع... يكتب كلمة واحده فقط ويستخدمها في بحثه...
مثلا انا عايزه ابحث عن مواضيع عن "كيفية خسارة الوزن"، حأكتب في قووقل كلمة "ريجيم" أو "وزن" أو "دايت" أو "رياضة"... إلخ
انا بعداك، حأكون القائمة بتاعتي من الكلمات الkeywords الحتكتبوها، وحأعمل اختبار لنظريتي الكوّنتها........................
اعشم؟
|
Post: #2
Title: Re: بكلمة واحده تستطيعون مساعدتي.....
Author: amir jabir
Date: 03-27-2010, 12:59 PM
Parent: #1
بالتوفيق : انا مهتم بالاخبار السودانيية اكتب دائماء كلمة السودان وافتش عن الاخبار و صور الاخبار
تحياتى
|
Post: #3
Title: Re: بكلمة واحده تستطيعون مساعدتي.....
Author: محمد الجيلى
Date: 03-27-2010, 01:03 PM
Parent: #2
أنا شخصياً مهتم بالبحث عن الصور وآخر البرامج وإصداراتها
|
Post: #4
Title: Re: بكلمة واحده تستطيعون مساعدتي.....
Author: سارة علي
Date: 03-27-2010, 01:05 PM
Parent: #3
فسطفائية
ــــــــــــــــــــــــــــ
انشاء الله قوقل ما يخذلك في الكلمة دي هههههههه
كيفك وكيف الحلل معاك؟؟
|
Post: #13
Title: Re: بكلمة واحده تستطيعون مساعدتي.....
Author: تبارك شيخ الدين جبريل
Date: 03-27-2010, 02:23 PM
Parent: #3
بت الحسين ...
هذه الصفحة تأتى بأكثر الكلمات استخداماً فى محرك قوقل ...
http://www.google.com/trends/hottrends
ويمكنك التوصل للمحركات الأخرى بأى لغة ...
... المهم .....
|
Post: #5
Title: Re: بكلمة واحده تستطيعون مساعدتي.....
Author: مدثر محمد عمر
Date: 03-27-2010, 01:05 PM
Parent: #2
سلام..
انا بكتب البفتش عنو بصوره هرميه من الاكبر للاصغر مثلاً
عبد الرحمن منيف مدن الملح
|
Post: #6
Title: Re: بكلمة واحده تستطيعون مساعدتي.....
Author: Shiraz Abdelhai
Date: 03-27-2010, 01:06 PM
Parent: #2
سلام بت الحسين......
مجال تخصصي الطبي هو طب الطوارئ....ابحث عن كل ما يخص هذا التخصص بكلمة واحدة...إميرجنسي ميديسن
ويوميا ادخل قوقل وأطبع...الانتخابات السودانية لقرا آخر أخبار الانتخابات...
....بالتوفيق فى بحثك...
|
Post: #7
Title: Re: بكلمة واحده تستطيعون مساعدتي.....
Author: فايزودالقاضي
Date: 03-27-2010, 01:12 PM
Parent: #6
سلامات بت الحسين ...
انا مهتم باللغات السامية ... لذلك مفردة السامية هي مجال بحثي ...
ازيك ياسارة ...
|
Post: #8
Title: Re: بكلمة واحده تستطيعون مساعدتي.....
Author: أم سهى
Date: 03-27-2010, 01:12 PM
Parent: #6
حبيبتي مريومة
عيونا ليك
انا كل يوم بفتح قوقل واكتب
تلفزيون السودان
يجيني داك يا التلفزيون والبث المباشر
ربنا يوفقك لينا
|
Post: #11
Title: Re: بكلمة واحده تستطيعون مساعدتي.....
Author: عمر سعد
Date: 03-27-2010, 01:45 PM
Parent: #2
لما اكون عايز فى مجال العمل بكتب health quality
فى الترفيه بكتب سينما اون لاين
فى الاغانى بكتب اسم الفنان مثلا celin dion
او مؤتمرات 2010 جوده
|
Post: #10
Title: Re: بكلمة واحده تستطيعون مساعدتي.....
Author: سارة علي
Date: 03-27-2010, 01:27 PM
Parent: #9
سودانيز اون لاين
ــــــــــــــــــــــــــــــ
فايز كيفك؟؟
قالوا ليكم كلمة يا جماعة..
|
Post: #12
Title: Re: بكلمة واحده تستطيعون مساعدتي.....
Author: سيف الدولة كامل
Date: 03-27-2010, 02:11 PM
Parent: #10
لدي اهتمامات في دراسة علم الجينات الجزيئية و Biotechnology,
لذلك عند البحث أبدا بكلمة DNA
|
Post: #14
Title: Re: بكلمة واحده تستطيعون مساعدتي.....
Author: وجن
Date: 03-27-2010, 02:25 PM
Parent: #12
أول ما افتح النت بكتب
فيس
بعد داك
وظائف
ان شاء الله نفيدك يا عسل
|
Post: #15
Title: Re: بكلمة واحده تستطيعون مساعدتي.....
Author: Kamal Karrar
Date: 03-27-2010, 02:28 PM
Parent: #14
كلمة "أشهر" أي
MOST FAMOUS
إن شاء الله أكون ساعدت في المشروع
|
Post: #16
Title: Re: بكلمة واحده تستطيعون مساعدتي.....
Author: Elawad Eltayeb
Date: 03-27-2010, 02:55 PM
Parent: #9
GTS
Get Things Done
|
Post: #18
Title: Re: بكلمة واحده تستطيعون مساعدتي.....
Author: ismeil abbas
Date: 03-27-2010, 03:01 PM
Parent: #16
مرحبآ احت مريم..وربنا يوفقك...
ببحث عن القبائل...بكتب مثلآ...جموعى..جعلى..شايقى...
|
Post: #17
Title: Re: بكلمة واحده تستطيعون مساعدتي.....
Author: احمد محمد بشير
Date: 03-27-2010, 02:58 PM
Parent: #1
Sudan
السودان
|
Post: #20
Title: Re: بكلمة واحده تستطيعون مساعدتي.....
Author: وليد محمد المبارك
Date: 03-27-2010, 03:07 PM
Parent: #17
joomla
|
Post: #21
Title: Re: بكلمة واحده تستطيعون مساعدتي.....
Author: Maawya Hussein
Date: 03-27-2010, 03:59 PM
Parent: #20
تصميم
بث مباشر
صحف
|
Post: #22
Title: Re: بكلمة واحده تستطيعون مساعدتي.....
Author: Al Sunda
Date: 03-27-2010, 04:39 PM
Parent: #21
السكري و...%
ربنا يوفقك
|
Post: #23
Title: Re: بكلمة واحده تستطيعون مساعدتي.....
Author: Dr. Ahmed Amin
Date: 03-27-2010, 04:44 PM
Parent: #21
Forensic medicine
أم محمود كيفك ؟
|
Post: #24
Title: Re: بكلمة واحده تستطيعون مساعدتي.....
Author: Mohammed Elhaj
Date: 03-27-2010, 05:08 PM
Parent: #23
سلامات يا مريم
ما أعتقد أنو في مستخدم "جادي" للانترنت بيفتش بي كلمة واحدة، لأنو مجال البحث حيكون واسع جداً وعمومي، مثلاً شوفي لو فتشتي عن كلمة Sudan بس حتجيك (Results 1 - 10 of about 50,300,000 for Sudan. (0.25 seconds) ) لكن لو مثلاص ضيقتي مجال البحث لي Sudan darfour بتجيك ( Results 1 - 10 of about 3,410,000 for Sudan darfur. (0.25 seconds) ) وبتكون more specific طبعاً، دا بالاضافة لي انو في كتير من الناس بقت تستخدم الاوبشنز البيتيحا ليها قووقل عشان يضيقوا نطاق البحث ويتحصلوا على نتائج دقيقة،
ولا كيف؟
تحيات للشباب
|
Post: #26
Title: Re: بكلمة واحده تستطيعون مساعدتي.....
Author: منتصرمحمد زكى
Date: 03-27-2010, 05:13 PM
Parent: #23
تاريخ
|
Post: #27
Title: Re: بكلمة واحده تستطيعون مساعدتي.....
Author: Abobakr Shadad
Date: 03-27-2010, 06:11 PM
Parent: #26
أهلا يا مريم : دائما وراء sudan newspapers
|
Post: #28
Title: Re: بكلمة واحده تستطيعون مساعدتي.....
Author: بكري عباس علي
Date: 03-27-2010, 07:31 PM
Parent: #27
بت الحسين
البحث بكون من كم كلمة لكن ال keywords ممكن تكون ( احدث طريقة ....)
بالتوفيق
|
Post: #29
Title: Re: بكلمة واحده تستطيعون مساعدتي.....
Author: Abureesh
Date: 03-27-2010, 07:42 PM
Parent: #28
مريم،
كيفك..
مجانى أو Free
وبعدين الحاجة العايزاها ملح
|
Post: #30
Title: Re: بكلمة واحده تستطيعون مساعدتي.....
Author: smart_ana2001
Date: 03-27-2010, 08:14 PM
Parent: #29
سلامات مريم
نادراً ما افتش بالعربي.
لكن ده اخر حجات فتشتها بالعربي.
ابن رشد
الحروب الصليبية
رجل المستحيل
فاروق جويده
|
Post: #31
Title: Re: بكلمة واحده تستطيعون مساعدتي.....
Author: Rihab Khalifa
Date: 03-27-2010, 09:26 PM
Parent: #30
define: x
related: www.bbc.co.uk
الاولي للتعريف يا مريم
و التانية لمن اكون ببحث عن صفحات تشبه في محتواها الصفحة الكتبتها بعد كلمة رليتد
------------
sorry they are not in Aarbic, all the luck with your research
|
Post: #32
Title: Re: بكلمة واحده تستطيعون مساعدتي.....
Author: مريم بنت الحسين
Date: 03-29-2010, 03:25 PM
Parent: #31
amir jabir ألف شكر على المبادرة...
محمد الجيلي... شكرا ليك على المساعدة.. ما قصّرته
سارة علي (سفسطائية في عينك....هههههههه)... شكرا والله على الدخول وحراسة البوست...
تبارك شيخ الدين..... انا جربتها قبل ما اجي هنا...مشكلة الصفحة دي انها بتديني proper names، وده ما مطلوب في بحثي...ألف شكر ليك
مدثر محمد عمر... ألف شكر ليك
Shiraz... شكرا يا دكتوره...
فايز ود القاضي... مجال ظريف.... وشكرا على المساعدة
الحبيبة أم سهى... ألف شكر ليك يا الهميمة
عمر سعد... محتاجه كلمات بالعربي.... الانجليزي في خيارات وابحاث كتيرة معموله
Adil Osman... ضحكته ضحك... لقيت ليك خبر اني اكون رئيسة السودان سنة 2050 في جريدة الدار....
سيف الدولة.... حأجرب كل كلمة براها.. مشكلتي اني محتاجه كلمة واحده... ما جملة.. ألف شكر ليك
وجن... تسلمي يا أم عروس ولدي... شكرا ليك
Kamal Karar بالحيل ساهمته في بحثي.. شكرا ليك
Elawad Eltayb... شكرا ليك.. لكن محتاجه كلمات بالعربي
ismeil Abas... شكرا على المساعدة....
وائل الفحل.. قريت البوست بتاعك قبل كده... وفعلا طريقة بحث الناس على الانترنت بتعكس حاجات كتيره .. وبتدي معارف ضخمة... العقل الجمعي للناس بنتج أفكار عجيبة
أحمد محمد بشير... شكر ليك
وليد مبارك... بالعربي يا وليد.... عارفه Joomla بكون شغلك الفترة الفاتت عشان الموقع بتاعك... ألف شكر على المرور
Maawya Hussein شكرا على الكلمات، كلها مفيده جداً
AlSunda ... ألف شكر... وشكرا ليك على الدعوة
Dr.Ahmed Amin... انا بخير الحمدلله.. بتترجم الكلمة دي عادة، ولا بتستخدمها بالانجليزي؟ طبعا انا عايزاك ترجمتك انت ليها ما ترجمتي ولا ترجمة قووقل.... بتفرق كتيييييييير
Mohammed Alhaj... صاح كلامك... لكن لو اضفته للبحث وخليته كلمتين، ما تتصور التعقيدات الحتحصل في الشغل... الهدف هو كلمة واحده لأسباب كتيره، اولها واهمها انه البحث بتاعي بركّز على طريقة عمل الtagging واستخدامها بعداك في البحث... الtagging هو اسلوب لتصنيف الأشياء المختلفة (الفيديو، الأغاني، المقالات، الصور...)... انا بحاول ابحث عن مدى استخدام الناس للtags في تصنيفهم للأشياء... عشان اعمل الحاجه دي لازم اطلع بي keyword list من جهه محايده للبحث، باللغة العربية، تكون القائمة دي بالعربي... وليه تكون كلمة واحده، لأنه الtags في غالبيتها بتتكون من كلمة واحده، وفي الموقع الانا بعمل فيه البحث del.icio.us بستخدم tags من كلمة واحده... اما التعقيدات الممكن تحصل فهي في حساب الprecision والrecall وهم هدف البحث الاصلي.... وفي تفاصيل تانية ه
منتصر محمد زكي... شكرا جزيلا
Abobakr Shadad... شكرا ليك... وما قصّرته، لو بتقدر تديني كلمات عربية، تكون ما قصّرته
بكري عبّاس... ألف شكر ليك
Abureesh... فكره والله.. كلمه مهمه جداً هههههههههههههه
Smart صاحبتي، شكرا ليك ... مالك مع الحروب الصليبية
Rihab Alkhaleefa.... شكرا على الفكرة نفسها...
رد فعل، خلاني ما عارفه اعبّر.. شكرا ليكم جميعا... ولسه الباب مفتوح للراغبين في المساعدة
|
|