في عناوين البوستات: أخطاء طباعية تؤدي لنتائج كارثية

سؤال للمبرمجين ومصممي الصفحات ومن لف لفهم:
حكاية عدم توفر خاصية تعديل العنوان للأعضاء، مع توفرها للآدمن، دي حكر على منتديات بعينها –ضمنها سودانيز اون لاين- والا في كل المنتديات؟

السؤال الفوق بالبلدي:
الشغلة عيب مادة التصميم والا الآدمنز ديل ماكلين حقنا؟

في كُل المُنتديات يا حبيب
دي خاصِيّة يختص بها الأدمِن و يخُص بها عدد من المُشرفين المُساعدين إن إرتأى ذلِك ، أي أنّها ليست من ضمن الصلاحيات المسموح بها للأعضاء.
في حالة سودانيز أون لاين أعتقد أن المسألة ليست مُستحيلة للآدمِن لكِنّها صعبة التنفيذ مع الكم الهائل من البوستات التي يتم إنزالها في اللحظة الواحدة.
فسودانيز ذو عضوِيّة كبيرة جداً (ماشاء الله) و يصعُب متابعة مِثل هذه الأمور بسهولة ، عدا ذلِك فهي مُمكِنة.
لكن تخيّل لو أن الأمر أصبح مُتاحاً للإستجابة لطلبات التعديل، فالآدمن لسودانيز لن يجد فُرصة لغير التعديلات التي سينهال عليه الأعضاء بملاحقتِه بها.
أي زول إتعصر ليهو في مضمون عنوان و شاف إنو ما صاح أو عصروهو فيهو العضوِيّة بأنه عنوان غير مُوفّق و دي بتحصل بصورة يومِيّة .
أو زول شاف من نفسو كِدة إنُّو العنوان دة لا يليق عايز يعدِّلو ..
و و و و و و إلخ
فكل المنتديات لا تلجأ لفتح مثل هذا الباب.
الغلطة من الشفقانين اللي الواحِد ما بِدي نفسو فُرصة لمُراجعة عنوانو
و الـ بوست بتعرفو من عنوانو
فإيه فايدة البوست لو كان العنوان به خلل
ليه ماتدي نفسك فُرصة نُص دقيقة لمُراجعة العنوان؟
الشفقة شِنو؟ (هذا الحديث للمُتعجِّلين طبعاً)


هذا و مع الإحترام

*

*

الاخ الحلبى
سلامات كتيرة

ياخى انت ذاتك عنوانك دا فيهو غلط !!! واللا شنو

تحياتى الاكيدة.

لحو على الباشمهندس بكرى ليعطينا الخاصية لتعديل عنوان البوست

ودمتم

أين ذهب الحلبي؟