اعلام المريخ يهزم الهلال فى كادوقلى (على الجماهير ان تنتظر الموسم القادم)

تعبنا ياخ من احلامنا فيك ياهلال ،، فى كل عام نتوسد الاحلام وننام ونحن نحلم
بذلك اليوم الذى نحمل فيه كأس افريقيا كأبسط مايمكن ان يقدم لهذا الجمهور الوفى
ولكننا سرعان مانصحو على الحقيقة التى نبتلعها فى الم ومرارة ونعمل فيها متصبرين
وصامدين ونستسلم لتلك العهود والوعود بأن القادم احلى وتلك العبارة التى لازلنا نتمسك
بها لما يزيد عن الخمسة سنوات (كان استمرينا بالمستوى ده السنه الجايه بنشيل الكاس)
حتى المستوى لم نستطع ان نحافظ عليه ،، فكيف لفريق يحلم ببطولة افريقيا يهزم امام
هلال كادقلى الذى كان قبل مباراة الهلال طيش الدورى بنقطه واحده ......ليس هزيمة فحسب
بل مرمطه عديل وجهجة ورقاد واطه (معقول ده الهلال) مابصدق وماتقول لى الهلال مرهق من السفر
بتاع ساحل العاج والله لو جايين من ساحل العاج بااللوارى مفروض مايحصل الحصل
الهلال يعانى من ازمة حقيقية فى هذا الموسم تخبط ادارى والتزامات مادية وانشقاقات
بدأت بشائرها تظهر وربما تبلورت عندما يغادر الهلال البطولة الافريقية حينها ستزداد
وتعصف الازمة بكل شى ....
هكذا يرددون فى الاجهزة الاعلامية (فريق الكورة بعيد عن مشاكل الادارة) لكن هذا غير صحيح
وهو يدخل ضمن قائمة طويله من الوهم الذى يباع لهذا الجمهور الصابر الذى دون شك سينتظر
سنوات وسنوات من اجل ان يجوب شوارع هذا الوطن وهو يحمل فرحة حقيقية بدل من تلك الافراح اللحظية
وتلك الامانى التى لاتتحقق البتة نفرح فقط لانتصار اولتصنيف شهرى (الهلال الاول على افريقيا والعرب) ياسلام تصنيف
حلو لكنه دون انجاز..................حتى الممتاز بات فى خطر الضياع
بقى ان نعرف ان اعلام المريخ ساهم فى هذا الكبوة التى يعيشها الفريق فقد ظلوا طوال السنوات
الماضيه فى حرب مع الهلال حرب شرسه يبدو ان ثمارها قد اينعت هذه الايام وقطفوها تشتت وانقسام
فى الهلال وصراعات مع الاتحاد فى الفاضى والمليان ونجحوا فى زعزعة الاستقرار بعد ان سلمنا انفسنا
لأعمدة صحافة المريخ وكتابها الذين لم يدخروا وسعا فى بذل الغالى والنفيس من اجل ان يشوفوا يوم
فى الهلال ، لعلهم اوشكوا فى هذا، فاليوم الذى ينتظرونه بات على مرمى حجر وحينها سيتغنون (ده اليوم الدايرنو ليك)........
ياصلاح ادريس وسعد العمده وعماد الطيب والطاش عليكم الله لو عندكم مشاكل ماقادرين تحلوها
اتخارجوا كلكم من الهلال فهذا الجمهور يعشق الهلال فقط وجميعكم ستمضون ويبقى الموج الازرق

ياهلال نرجوك لانريد ان ننتظر العام القادم ايضا (تعبنا بالجد)

اعلام المريخ يهزم الهلال فى كادوقلى


هزمو كم؟؟؟؟؟؟؟؟؟؟؟؟؟؟؟

Quote: بقى ان نعرف ان اعلام المريخ ساهم فى هذا الكبوة التى يعيشها الفريق فقد ظلوا طوال السنوات الماضيه فى حرب مع الهلال حرب شرسه يبدو ان ثمارها قد اينعت هذه الايام وقطفوها تشتت وانقسام فى الهلال وصراعات مع الاتحاد فى الفاضى والمليان ونجحوا فى زعزعة الاستقرار بعد ان سلمنا انفسنا لأعمدة صحافة المريخ وكتابها الذين لم يدخروا وسعا فى بذل الغالى والنفيس من اجل ان يشوفوا يوم فى الهلال ، لعلهم اوشكوا فى هذا، فاليوم الذى ينتظرونه بات على مرمى حجر وحينها سيتغنون (ده اليوم الدايرنو ليك)........

الاخ مدثر

انا اقدر الحالة التى يمر بها الهلالاب عقب الهزيمة القاسية من هلال كادقلى
و لكن ان يتم تحميل الهزيمة لاعلام المريخ فهذا ما لم اجد له منطق او مدلول
الهلال اتهزم داخل المستطيل الاخضر و لم يرسب فى التحرير الصحفى الرياضى اذ ان المباراة لم تكن إعلام المريخ ضد إعلام الهلال
فريق الهلال يحتاج الى الكثير من العمل فى خطوطه الثلاثة و اظن اى شخص عنده القليل من الخبرة فى كرة القدم يعلم ذلك
ما يعانى منه الهلال تعانى منه جميع الفرق السودانية و هو التخلف الكروى المريع
لا خطط ... لا فهم كروى لدى اللاعبين ..... التخلف الادارى المدقع، ففريقى القمة عبارة عن ONE MAN - CLUB
نهايتو : الهلال اتهزم لاسباب ترجع لفريق الهلال و ادارته الدكتاتورية فلا داعى لاقحام اعلام المريخ
وعلى الهلالاب ان يبحثوا عن العلل فى فريقهم و ناديهم بدلاً من البحث عن شماعات ليعلقوا عليها فشلهم

تحياتى

Quote: اعلام المريخ يهزم الهلال فى كادوقلى هزمو كم؟؟؟؟؟؟؟؟؟؟؟؟؟؟؟

والله ماعارف لكن البعرفوا الهلال ما اتهزم كورة

Quote: الاخ مدثر انا اقدر الحالة التى يمر بها الهلالاب عقب الهزيمة القاسية من هلال كادقلى و لكن ان يتم تحميل الهزيمة لاعلام المريخ فهذا ما لم اجد له منطق او مدلول الهلال اتهزم داخل المستطيل الاخضر و لم يرسب فى التحرير الصحفى الرياضى اذ ان المباراة لم تكن إعلام المريخ ضد إعلام الهلال فريق الهلال يحتاج الى الكثير من العمل فى خطوطه الثلاثة و اظن اى شخص عنده القليل من الخبرة فى كرة القدم يعلم ذلك ما يعانى منه الهلال تعانى منه جميع الفرق السودانية و هو التخلف الكروى المريع لا خطط ... لا فهم كروى لدى اللاعبين ..... التخلف الادارى المدقع، ففريقى القمة عبارة عن ONE MAN - CLUB نهايتو : الهلال اتهزم لاسباب ترجع لفريق الهلال و ادارته الدكتاتورية فلا داعى لاقحام اعلام المريخ وعلى الهلالاب ان يبحثوا عن العلل فى فريقهم و ناديهم بدلاً من البحث عن شماعات ليعلقوا عليها فشلهم تحياتى

كوستا سلام....
انا لم احمل المسئولية لاعلام المريخ وحده وكل ماذكرته من اسباب
انا ايضا اتفق معك فيها لكن اعلام المريخ جزء اصيل فيها،لان الكورة
ليست لعبه تدار فى المستطيل الاخضر فقط فهناك جوانب عديده يمكنها
ان تأثر على نتيجة المباراة وانا لا اتحدث عن مبارة بعينها انظر معى الى الحملة الشرسه عبر الصحف
اظنك لن تجد صحفى واحد من كتاب المريخ الا ويكون عموده ضد الهلال
واثارة الفتن داخل الكيان الهلالى بشتى السبل .. هى ليست شماعه فاخطاء
الهلال كثيرة ونحن نعترف بها فقط ابعدوا اعلامكم عن الهلال....
محبتى

قرجاج ياصديق والله مارضيناها ليك الدمعات تغمر عينيك

الملخص في مداخلت كوستا الكورة متخلفه جدا تربيع في

السودان ومحتاج لمُؤسسية وعلمية ومنهج يبدأ من أ ب كورة

قدم وبجانبها علم إدارة يتسلح به من يريد أن يعمل وفق

أسس ومنهج نرتقي به فكريا وكروية.


،،،،أبوقصي،،،،

اللهم شماتة

Quote: قرجاج ياصديق والله مارضيناها ليك الدمعات تغمر عينيك الملخص في مداخلت كوستا الكورة متخلفه جدا تربيع في السودان ومحتاج لمُؤسسية وعلمية ومنهج يبدأ من أ ب كورة قدم وبجانبها علم إدارة يتسلح به من يريد أن يعمل وفق أسس ومنهج نرتقي به فكريا وكروية. ،،،،أبوقصي،،،،

ابو قصى سلام يارايع

طبعا محتاجين لى الكثير حتى نرتقى بمستوى الكورة
بتاعتنا السجمانه دى لكن عايزين نبدا بداية صحيحة
اول شى اعلام معافى ادارة مستقره موارد تدعم النادى
لانو الاندية بقت تحت سيطرة الرجل الواحد وطبعا الزول
البيدفع وبس...
محبتى ونحن لسه فيها

وأعلام الهلال قاعد يقصر مع المريخ؟؟

Quote: اللهم شماتة

من قلبك؟؟؟

Quote: وأعلام الهلال قاعد يقصر مع المريخ؟؟

بالنصيحة