Post: #1
Title: عـــلاقة الكديس .... وجزمـة الـرئـيس
Author: الفاتح الصادق حامد
Date: 03-25-2010, 01:58 PM
استغرب جدا فى لغة البشير الجزمية دى ؟!! هل الزول دة عنده عقدة من الجزمة ؟ ام كان يمشى الحفا فى صغره ؟ وما صدق لقاها جزمة رئاسية يدوس بيها الفقير والمنظمات .؟ مع كل بوادر ازمة بينه وبين الغرب يكون عنوان الانفلات اللغوى للبشير هو الجزمة ( سيدة الحضور المشتهى ) .. مرة جزمة نمرة واخرى كديس وهكذا . من كثرة ترداده للجزم والمجزمين بها حتى نال جزمة داخل قاعة الصداقة كانت جازمة بان تفعل فيه ما تبقى من لغة الاسكافى وليس حاكم البلد امير المؤمنين . محتاج الان ان اعرف مشكلته شنو مع الجزم ؟ وليه كلما يتحدث عنها فى اقرب فرصة هادئة ( الهدوء حسب زنقة المذيع ) بنفى كل الاقوال الاسكافية الطلعت فى المهرجان الراقص والملان جزم ؟
واستغفر الله لى ولكم ولسائر المؤمنين .
|
Post: #2
Title: Re: عـــلاقة الكديس .... وجزمـة الـرئـيس
Author: الفاتح الصادق حامد
Date: 03-25-2010, 04:15 PM
Parent: #1
لم يستطع ان يخرج من عباءة الجزمة
واصيب بمرض الاحتباس الحرامى
|
Post: #3
Title: Re: عـــلاقة الكديس .... وجزمـة الـرئـيس
Author: الفاتح الصادق حامد
Date: 03-25-2010, 04:19 PM
Parent: #2
البشير كلم اخوه وقال ليه جيب لى جزمة نمر من عمك داك فبدل ان يذهب بنفسه ارسل ولده ومعه بودى قارد طوله طول النخلة ... جا الولد وقال للاسكافى : ابوى قال ليك ادينى مركوب النمر عمك كبير شاف البودى قارد قال للود : ادخل داك ياهو شيلو ابوك دة جايب لى بودى قارد قدر دة انت قايلو النمر دة حى ولا شنو رد الولد: لا ما حى لكن عمى داير يقول بيه حى ووب فى المنظمات
|
Post: #4
Title: Re: عـــلاقة الكديس .... وجزمـة الـرئـيس
Author: الفاتح الصادق حامد
Date: 03-25-2010, 04:21 PM
Parent: #3
علمت ان الجزمة تساعد الرئيس على الرقيص
|
|