أساليب كادر الشيوعيين فى هـذا المنبـر

يتكلموا بموضوعية ما ليها حد.. وإحترام مبالغ!!

بس ما تغلط وتقوم بنقد مواقفهم السياسيـة، خصوصا مواقف قادتهم.. يختوا قناع الموضوعيـة
جانبـا وتبدأ الخصومـة الفاجرة التى لا تعرف أى حدود..

ولكنهم لأنهم شيوعيين طبعا أذكياء فهم يخططوا لعملهم بدقـة يحسدهم عليها عبقرينو!
يبدأ أحدهم بردود إستفزازية صارخـة، أو حتى هجوم فى بوست ليس ذى علاقـة فقط لأن
كاتبه تجرأ على نقدهم فى بوست اخـر فى زمن اخـر.. يبدأ هـذا ويتفرج الاخرون فى
إنتظار دورهم.. والهدف هو تخريب أى بوست لهـذا المتجرئ على الذات الشريفـة كمرحلة
أولى ثم إجباره على مغادرة المنبر كغايـة نهائيـة. وحين يدافع الشخص المعنى عن نفسـه
ويصرف من الوقت وينسى البوست الأساسى.. يتوارى هـذا ليظهر كادر اخـر.. وأنا يؤسفنى
إستعمال كلمة كادر التى لم أجد سواها.. فلا ارضى لســودانى أن يختزل الى مجرد كادر كما
اراد له هـذا الحزب الفاشى.

الشيوعيين السودانيين يشتركون مع الإنقاذيين فى كثير من الخصائص، منها هاتين:

1- عدم التوفيق فى أى موقف يتخذونـه
2- معاداة الســودانيين سـوى عضيتهم، حين يقوم مواطن بإبداء رأيه، مجرد إبداء رأيه
أو تسـاؤله عن مواقفهم ومواقف حزبهم التى يرى فيها خطرا على الســودان.

وأنا لن أترك المنبر، ولن أتوقف عن ممارسـة حقى الدستورى والوطنى فى نقد أى حزب أو
قائد سياسى حين أرى أن إبداء رأيى يسلط ضوءا على مشكلـة قومية يمكن أن تناقش من الجميع.

ونواصل..

يا ابو الريش ... فى الحقيقة انتا ما قاعد تنقد ... النقد بمعناة العادل

انت بتكاور ... و شتان بين النقد و الكُوار* عشان كده بتثير حفيظة الشيوعيين.
و بتدأ المكاورات المتبادلة.







----------
الكُوار: المقصد به الحساب غير العادل. اى التطفيف، يقال شنو الشغلة حساب هو ولا كُوار.

Quote: .انت بتكاور ... و شتان بين النقد و الكُوار* عشان كده بتثير حفيظة الشيوعيين. و بتدأ المكاورات المتبادلة

Quote: انت بتكاور ... و شتان بين النقد و الكُوار* عشان كده بتثير حفيظة الشيوعيين. و بتدأ المكاورات المتبادلة

الأخوين ابوبكر صالح وباسط المكى


هـذا الحديث غير مفهوم.. نفس طريقة النقد موجهـة لبقيـة الأحزاب، وقد قلت أن الصادق إرتكب
خيانة للأمة حين تامر مع اخيه الترابى لوأد الديمقراطية،ويجب أن يحاكم فلم أجد من أعضاء حزب الأمة إلا الردود
المسؤولة المحترمة الموضوعيـة، لم يهاجمنى أى منهم فى شخصى ولا إساءات ولا إبتزاز.. موقفهم
مسؤول إحترمته رغم عدم شرائى لدفوعاتهم.

ولو ابو الريش يكاور، فما هو موقع المكاورة اولا فى النقاش.. ماذا قلت؟ وين النص؟ وليه ما يقولو
ويردوا بنفس الطريقـة التى إناقشهم بها، بل لماذا لا يقولون ابو الريش مكاور وسمسار.. بدل وضع
البوست جانبا وإعتماد التجريح الشخصى.. ثم البوستات التى لا علاقـة لها بأى موضوع عن الحزب الشيوعى
مثل بوست أغانى وردى، ما هو ذنب محاورى الفنان محمد زكريا حتى يحرم من النقاش أيضا ويكمم فمه
لأنه دخل فى نقاش موضوعى مع ابو الريش؟ لقد كمموا فمه (عمليا) بأن أتى خالد عبيد وخرب البوست
بتعمـد ظاهـر.. الرجاء الذهاب الى هناك وقراءة أول مداخلة لخالد.

لا يا ســادتى الكرام؟

سلامات

اهم حاجة انك تقعد في قلبهم دي براها هزيمة لهم

الشيوعين والكيزان روح واحدة اتقسمت جسمين


مودتي

شكـرا يا نجاة..


الحزبين يفتكروا الســودان دا حق أمهم ومافى زول عندو حق يقول كلمة..

الحبيب ابو الريش سلامات
و الله طولت ما اتداخلت معاك
في الحقيقة اتمني انا في المرحلة ي بالذات الناس توحد جهودها كلها سواء كانوا تنظيمات سياسية
او افراد وطنيين لمجابهة العو المشترك وللي بالنسبة ليهو الامة و الشيوعي و الجمهوري
واي زول وطني حاجة واحدة و عدو اعتقد نحن لازم نوحد الجهود ضد العدو المشترك ده جانبا و نحاول
نتناسي خلافاتنا دي شوية...............


ملاحظة:
لجنة الاطباء دي ادتنا درس بليغ في توحيد الجهود و الهدف المشترك من اجل قضايا عادلة
رئيس اللجنة جمهوري.........
اعضاء اللجنة منهم من ينتمي للامة و, الشيوعي , الاتحادي, الحركة الشعبية
و غالبيتهم غير منتمين لاي حزب
نسوا كل انتماءاتهم وعملوا بروح واحدة لتحقيق هدف واحد مشترك هو حل قضاياهم بعيدا
عن اي توجه سياسي فقط ايمانا بالقضية نحن في السودان و في البورد ده ليه ما بنقدر نعمل كده
اذا فشلنا في تناسي الخلافات و العمل نحو هدف واحد و اسمي فعلي السودان السلام
و لك كل التحايا والود

بوستيك الجاري منو دة والنضفوك فيهو ناس محمد زكريا ولقيت خالد العبيد حجة تتخارج بيها منو
ياهو دة
لماذا يهين الفان وردى محبوبته؟


وخلي الجميع يزوروا ويلقي نظرة على كلامك القيم بهناك




أها شفت كلما القى لي وكت فاضي فيهو بجي اتونس بيك وكت اصلو القصة ونسة
عشان نعرف مين الكلاب

الأخ العزيـز د. والى الدين الفكى،

تحيـة طيبـة وزمن طويل يا زول..

شكـراً جزيلا على المداخلـة القيمـة..

الأخ والى الدين،

انا أحترم حديثك أعلاه.. ولكن أرجوك، واستحلفك بالله، سجل زيارة لهـذا البوست:

لماذا يهين الفان وردى محبوبته؟

ثم أنظر كيف نقاشنـا الموضوعى والمثمر مع الأخوة محمد النيل والفنان محمد زكريـا. وأنزل
تحت حتى تجد أول مداخلة لخالد العبيـد وما تبعها، وشوف إن كان لها أى صلـة (موضوعية)
بالبوست او إحترام للمتداخلين.. بعدين أحكم بنفسك، وسترى ان حديثك أعلاه سيفيد هؤلاء
الأخوة أكثر وهم من يحتاجونه.

هؤلاء النفر يا والى الدين جو من أجل غرض واحد فقط ولا غيـر، تخريب أى بوست لأبى الريش
حتى لو كان عن الموسيقى، لأنه تجرأ يوما وإنتقد نقد و التجانى الطيب.. قرار أتخذ بتخريب
بوستات ابو الريش وتوضع الخطط كلما يرفع بوست جديد.

أنا الان سوف أغشى بوستات هـذه المجموعة.. والمجموعـة التى سبقتها وأعطتها الراية (الشايف قمبور فوق راسنا يقول)
وسـوف أكتب فيها نفس طريقة كتابتهم هـذه، وسأتوقف عن أى بوستات جديدة لأنهم سيأتوا ويخربونها..
ولن أتوقف حتى يوجههم بكرى للتوقف عن ترصـد بوستاتى أو يوقفنى.. والرهيفـة التتقـد.

الأخ أبو الريش
أتفق معك في أن بعض عضوية الأحزاب لا تفهم ما معنى النقد و كيفيته... الأخ نصار كتب ناصحا و بإشفاق أحد الأحزاب فقال له أحدهم بصورة عجيبة النصائح ما لازمانا. في تقديري أن الأحزاب يجب أن تكون كما ينصح المربون تلاميذهم (إذا نَصَحْتَ فليكن نصحك رفيقا و إذا نُصِحْتَ فاقبل النصيحة كيف جاءت). فنحن كمواطنين قد يكون بعضنا قاسيا و جلفا في تقديم نقده لهذه الأحزاب و من حقنا عليها أن تسمعنا و تتحمل غلظتنا و جلافتنا و في نفس الوقت واجبها أن تقابل هذه الجلافة بالرفق و الموضوعية و الحوار الجاد.

النقد ركيزة اساسية من ركائز البقاء والاستمرارية لآي مؤسسة وبدون النقد يكون البوار والتكلس والصنمية ومن ثم التلاشي والموت ولذا فالنقد والنقد الذاتي ضمن في لائحة الحزب الشيوعي السوداني سواء نقد الافراد او الهيئات ولكن ما يمارس هنا من قبل البعض في حق الحزب الشيوعي وقادته لا يسمى نقد دا اسمو فش غبينة و مكاواة وتجريم وومحصلته النهائية (كوار)..

يا أهل الخير نقد شنو يا هو النقد الزي دة

Quote: سكتنا كتير على سخفكم دا. المرة الفاتت كنا مع الذين يرسلون الكلاب، أما الان فمع الكلاب وأصحابها.. ومعبودك التجانى الطيب دا الطلع عميل لجهاز الأمن وإنت زى المغفل تطبل ليه فى المنبر.

الزول دة ما مؤهل من ناحية أخلاقية أو فكرية انو ينتقد الحزب الشيوعي أو مواقفه

زول بيسرق كلام ويختوا بي قلب قوي يقول دة أسلوب خاص بيهو
ده شخص عندوا أخلاق
أما من ناحية فكرية الزول دة ثقافته ما بتتجاوز كتاب البلاغة الواضحة السرق من مقدمتوا الكلام
وذاتو الكتاب دة قرايتوا لي مقدمتوا ما بتشي بانو مطلع أو بحب الاطلاع
لأنوا الكتاب دة كان مقرر في منهج اللغة العربية في المدارس الثانوية
وحتى الآن في بعض الدول مضمناهوا في مناهجها التعليمية

هو حقيقة البيقدر علي زي الكلام المقتبس فوق دة

Quote: هؤلاء النفر يا والى الدين جو من أجل غرض واحد فقط ولا غيـر، تخريب أى بوست لأبى الريش حتى لو كان عن الموسيقى، لأنه تجرأ يوما وإنتقد نقد و التجانى الطيب.. قرار أتخذ بتخريب بوستات ابو الريش وتوضع الخطط كلما يرفع بوست جديد.

يا العشا اب لبن
الحاجة الوحيدة العاجباني فيك روحك المعنوية العالية ولبسك لي هدوم اكبر منك

انت متين انتقدت انت بتشتم بس
طيب حصل مرة انا اتداخلت معاك
اترصدتك

بل بالعكس انا ما بعرفك
عشان كدة مستغرب
انت بتشتمنا ليه

ونا الجماعة دي للشيوعيين
والمعظمهم ما عندهم عضوية هنا
الحزب دة عندو برنامج ممكن تنقدوا
خطوا السياسي
مرجعيتوا الفكرية
تأريخوا برضو ممكن تحصل لي مراجعة
لكن مسألة كلاب
والتجاني الطيب عميل
ونقد خاين
دي ما مقبولة وحتاخد على رأسك يا لص البلاغة الواضحة

Quote: الحزبين يفتكروا الســودان دا حق أمهم

التعديل لأن ما كتب قبلا غير لائق

زعلت لما قالوا ليك عم التجاني دة قدر أبوك وراعي عامل السن
وعملت فيها من جيلو

طيب انت شن نفرك لو ما سودانيس اونلاين دي
عم التجاني ونقد بشر بيخطئوا وبيصيبوا
لكن كانت عندهم اسهامهم
البخليهم أعلام عشان الزيك دة يجي يشتمهم

انت تأريخك شنو
أها كان دايرين ننتقدك ننتقدك في شنو
انت عملت شنو الستين سنة الفاتت

داير تجي في عمر الشيوخ تفتش ليك دور
وكمان من خلال الانترنت
يا راجل اختشي

القدرك مفترض ما يعرضوا نفسهم للبشتنة عشان الناس تحترمهم
لكن تقول شنو
بلاغة واضحة

قال خالد العبيد بيخرب البوستات لمصلحة الحزب الشيوعي

يا زول انت ما نصيح
الحزب الشيوعي مصلحتوا شنو يخرب كلام العوارة الكتبتوا من عنوانو
وجوا بلعوك ليهو بلعت بلعت

هو ذاتو خالد العبيد ما غلطان
البخليهوا يتداخل معاك شنو

غايتو يا خالد
كل مرة تعمل لينا من الحنابر قنابر
وترفع ضغطنا

آآآآح

غايتو
أستغفر الله لي ولكم ولي سائر السودانيين

استاذي العزيز
يلا نجرع للمووع السمح دا.ز وياريت زول يشد خيط لعبد المنعم الجزولي
عنده اراء سمحة شديد في المواضيع دي..


مودتي

Quote: لا حق أمك انت

الاخ بشري تحدث ابو الريش عن ام الاحزاب وهذا كلام عام و ليس فيه اساءة لام احد و هذا واضح
ولكن انت بايرادك لكلمة ام هنا و انت تنسب الكلام لابو الريش فانك قمت بالاساءة لامه هو شخصيا
و هذا insult اعتقد انه يوجب الاعتذار له و لامه و اتمني ان نفرق بين العام و الخاص
و لك الود

Quote: الاخ بشري تحدث ابو الريش عن ام الاحزاب وهذا كلام عام و ليس فيه اساءة لام احد و هذا واضح ولكن انت بايرادك لكلمة ام هنا و انت تنسب الكلام لابو الريش فانك قمت بالاساءة لامه هو شخصيا و هذا insult اعتقد انه يوجب الاعتذار له و لامه و اتمني ان نفرق بين العام و الخاص و لك الود

الأخ العزيز
طبعا هو بتكلم عن حزبين ما الأحزاب، ووضع الحزب الشيوعي والكيزان في حتة واحدة، وقال البلد ما حقت أمهم، وطبعا دي تشمل أم أي زول في الحزبين المعنيين، وتشمل أمي أنا أيضا لأني أنتمي للحزب الشيوعي، وأنا وضعتها في اللون الأحمر حتى يرعوي ويعلم أنها موجعة أن يكتب ما يكتبه، ولم أقصد الاساءة لأمه، وحقيقة أنا لم أسيئ لها، ولكن كل هذا ليس مبررا على الاطلاق حتى تأتي سيرة أمه في هذا الحوار بخير أو بشر، ولذا أنا أعتذر لأمه وللقرأ وحتى له هو شخصيا، هذا خطأ كبير حتى اذا أسأ هو لنا ولأمهاتنا، فنحن نتعامل بأخلاقنا لا بأخلاقه، وسأقوم بمسح ما قمت بكتابته، وأشكرك يا أخي لتنبيهي لهذا الأمر


وأسمح لي أن أسألك سؤالا
دور المناصحة الذي أقدره والذي قمت به معي، الا ترى أن هذا الشخص أولى به، الا ترى أنه من زج بنا لهذا الدرك السحيق، أم أنك تعتقد فعلا أننا كلاب وأن البلد ما حقت أمهاتنا، وأن قياداتنا عملاء وخونة، وأننا يجب أن نتقبل ذلك ولا نؤذي مشاعركم النبيلة بردنا القاسي عليه؟ لا أظن أنك قرأت لي مداخلات من قبل، ولا أعرف أعضاء البورد، وليس لي عداوات أو غبائن مع اي شخص، فهل ترى أن ثورتي ضد ما كتب هنا غير مبررة؟ أو أنني أترصده وأترصد بوستاته لمصلحة الحزب الشيوعي؟
لا أدري كيف يدار الصراع السياسي في المنبر ولكنني قابلت كثيرين نختلف معهم ونتفق ولا نصل لهذا الحضيض
وتشكر على أي حال