Post: #1
Title: غايتو جنس استعجـال وطرطـشة !! ما بعملوها كدا ..!
Author: دينا خالد
Date: 03-25-2010, 05:41 AM
Parent: #0
خرج علينا المواطن المرشح عمر حسن
بقول عجيب توعد وهدد فيه المنظمات
التى تعمل فى مجال مراقبة الانتخابات بالطرد واشياء اخرى !!
اذا خرج الكلام من السيد عمر بوصفه
مرشح .. فهو مقبول كوجهة نظر من حقه ان يدفع بها
للمفوضية .. لكن فى الحاله دى من وين بجيب سلطة طردهم ؟؟؟
اما اذا الكلام خرج بوصفه رئيس جمهورية فهو ما لا يجوز ابدا
ودى شفقة منو واستعجال ساى .. لانو رئيس الجمهورية حتى لو
كان شخص اخر غير المرشح لا يحق له مثل هذا الكلام فهو حديث غير دستورى
وغير قانونى فقد خرج من مجال اختصاصاته وسلطاته
منذ تكوين المفوضية القومية للانتخابات
بوصفها الجسم المحايد والمستقل الذى سيشرف على مجمل
العمليه الانتخابية !
ياترى تحت اى ظرف واى تفكير واى طرطشة جعل من المواطن
المرشح عمر حسن الدفع بمثل هذا التهديد مباشرة
وليس عبر المفوضية هذه المرة ؟؟؟
ــــــــــــــــــــ
سيدى الرئيس مفروض انك بتخوض الانتخابات كمرشح
وبدون سلطات لا بالقول لا بالفعل تجاه مجرياتها ،، دى
سلطات المفوضية مش كدا ؟؟ ياخ الشفقة تطير !!
غايتو يا علاء يوسف فى واحد فيكم علم التانى الشفقة
شيــــــــــــلوا الصبر ...
|
Post: #2
Title: Re: غايتو جنس استعجـال وطرطـشة !! ما بعملوها كدا ..!
Author: دينا خالد
Date: 03-25-2010, 05:48 AM
Parent: #1
المفوضية والمفوضية فقط هى من تملك حق
تحذير المنظمات او طردها او قطع انوفها او ايديها
من خلاف ..
المفوضية مفروض هى التى تدير هذه العملية
ـــــــــــــــــــ
لماذا لا توقف المفوضية وتحذر كل من يتدخل
فى شئونها ....؟؟ هو (الاصم) دا ما بشوف ؟؟
ام انه ايضا يمارس القراءة بالاذنين ؟؟
|
Post: #3
Title: Re: غايتو جنس استعجـال وطرطـشة !! ما بعملوها كدا ..!
Author: osman righeem
Date: 03-25-2010, 05:51 AM
Parent: #1
سلام و تحايا
انا غايتو ما سمعتو يقول
ناس المفوضية موظفين عندي
لكن انا عارف انه هو العينهم
و بعدين
بس ما كلام مغلظ بالطلاق
هو اذا مغلظ بلعو
زي الكلام ده بلحسوا عادي
|
Post: #4
Title: Re: غايتو جنس استعجـال وطرطـشة !! ما بعملوها كدا ..!
Author: دينا خالد
Date: 03-25-2010, 06:10 AM
Parent: #3
يا عثمان !!
لا بلع لا غيروا بنفعنا اذا ما سارت
الامور كما هى عليه الان ...
اليك هذه الصورة المضحكة توضح ما ال اليه
الوضع الامنى فى باكستان !!
|
Post: #5
Title: Re: غايتو جنس استعجـال وطرطـشة !! ما بعملوها كدا ..!
Author: osman righeem
Date: 03-25-2010, 06:15 AM
Parent: #4
الاصم ده مش كان مدير كلية شنو كده في قاردن سيتي ؟؟؟
شايف الاسبوع الفات مجلس إدارة الكلية رفدوا من منصبه
كمدير في الكلية و ده شئ عادي .... لطن الما عادي
نشر الخبر في كل الجرايد..
غايتو المحيرني
الناس المنتظرين من ابل اللير حاجة
ناسين من جرب المجرب حصلت عليهو الندامة
|
Post: #6
Title: Re: غايتو جنس استعجـال وطرطـشة !! ما بعملوها كدا ..!
Author: عبدالله ود البوش
Date: 03-25-2010, 06:17 AM
Parent: #4
الاطرش ما شقي .... شقي البتكلم معاهو
|
Post: #7
Title: Re: غايتو جنس استعجـال وطرطـشة !! ما بعملوها كدا ..!
Author: دينا خالد
Date: 03-26-2010, 08:32 AM
Parent: #6
ماذا اذا لم تجرى الانتخابات فى بعض المناطق فى السودان
كما ذكر المراقبين ؟؟؟؟
برضو ح تفضل اسمها الانتخابات القومية ؟؟
هل سيكتفوا بتقرير امر البلد كلها بناس ويخلوا ناس ؟؟
ـــــــــــــــــــــــ
اها قوووول طردوا المراقبين !!! ثم ماذا بعد ؟
|
Post: #8
Title: Re: غايتو جنس استعجـال وطرطـشة !! ما بعملوها كدا ..!
Author: دينا خالد
Date: 03-26-2010, 09:16 AM
Parent: #7
ودى فرصة الواحد يسال (نفسو) طبعا
هل للمفوضية الياتها واساليبها وكادرها (البشرى طبعا) ...
لانو المادى داك قاااااعد !
هل لديها الامكانية لتقصى الحقائق والوقوف على كافة
المعلومات التى تجعلها ملمة بتطورات الموقف فى البلاد
ام انها تعتمد على التقارير الحكوميييه ؟؟؟
ــــــــــــــــ
خاصة وانو ناس الحكومة ديل كلهم مرشحين كان على
مستوى الرئاسة ولا البرلمان القومى او الولائى او الولاة !!
يعنى تقاريرهم بتكون مجييرة بوجهة نطرهم الحزبية حول هذه الانتخابات ..
|
Post: #9
Title: Re: غايتو جنس استعجـال وطرطـشة !! ما بعملوها كدا ..!
Author: كمال سالم
Date: 03-26-2010, 12:40 PM
Parent: #8
| Quote: اها قوووول طردوا المراقبين !!! ثم ماذا بعد ؟ |
ما مشلكه ,, يمكن تكوين لجنه مراقبه من منظمة الشهيد
ومنظمة نداء الوطن ومنظمة ( وداد ) ما متذكر إسمها !
على أن تكون منظمة حسن الخاتمه هى المشرف العام ,,
سلام
|
Post: #10
Title: Re: غايتو جنس استعجـال وطرطـشة !! ما بعملوها كدا ..!
Author: عزاز شامي
Date: 03-26-2010, 03:15 PM
Parent: #1
Quote: المفوضية والمفوضية فقط هى من تملك حق
تحذير المنظمات او طردها او قطع انوفها او ايديها
من خلاف ..
المفوضية مفروض هى التى تدير هذه العملية
ـــــــــــــــــــ
لماذا لا توقف المفوضية وتحذر كل من يتدخل
فى شئونها ....؟؟ هو (الاصم) دا ما بشوف ؟؟
ام انه ايضا يمارس القراءة بالاذنين ؟؟ |
سلامات يا دينا ... المفوضية عملها و تصريحات القائمين
عليها بقت مهاودة في حق ما يصدر عن المرشح عمر حسن
بحسب جريدة الشرق الاوسط اليوم، ده كلام على لسان رئيس المفوضية البروفيسور عبدالله احمد عبدالله
Quote: نفي عبدالله ان تكون المفوضية منحازة للمؤتمر الوطني و أن الحزب الحاكم مثله
مثل الآخرين "رفضنا له كثيرا من المطالب"، غير انه لا يستطيع ان يفتي إن كان
الرئيس عمر البشير يستغل النشاطات الحكومية وافتتاح المشروعات للترويج
لحملته الانتخابية.
وقال: "نحن نحاول التوفيق ولكن من الصغب التفريق بين نشاطات الدولة و
الفعاليات الانتخابية ..الرئيس مثلا يريد افتتاح مشروع ..والاذاعة و التلفزيون تقوم بالتغطية ..هل نوقفه". |
المصدر- جريدة الشرق الاوسط - 26 مارس 2010
سمح الكلام من خشم سيدو، اهو ئيس المفوضية قال ليك ما باقدر يفتي و غالبو يميز انو افتتاح مشاريع الدولة
في وقت الانتخابات و تسخير المؤتمر الوطني لها دعاية انتخابية ... وبالله ما تفوتك اللغة الاستعلائية مع المعارضة
و الطبطبة و لغة "اها يعني نعمل شنو" مع المرشح عمر حسن ... المفوضية مافتح الله عليهم يستهجنوا كلام فنان الدولة الكامل
بقطع انوف المراقبين الدولين لو اتدخلوا-- يعني لو قالو مافي نزاهة-- و ياها نخريهم الراحت في شمار في مرقة،
و باقي لي المفوضية شالت هم نخرين اعضاءها و فهموا الرسالة انو الاشارة انو "اقطع نخرين المراقبين و اعنيك يا مفوضية" ...
|
Post: #11
Title: Re: غايتو جنس استعجـال وطرطـشة !! ما بعملوها كدا ..!
Author: دينا خالد
Date: 03-27-2010, 06:47 AM
Parent: #10
كمال سالم ؟
Quote: ما مشلكه ,, يمكن تكوين لجنه مراقبه من منظمة الشهيد
ومنظمة نداء الوطن ومنظمة ( وداد ) ما متذكر إسمها !
على أن تكون منظمة حسن الخاتمه هى المشرف العام ,,
|
لوووووووووووووب والله انت عرفتهم عرفة ..
اها وكان راقبوها ديل الفوز ح يبقى اكتر من ,99,9
ــــــــــــــــــــ
ياخ الاشراف العام دا اخترت ليه
جهه انا لما اتكيفت ... لوووووول المشرف العام عندك والله
|
Post: #13
Title: Re: غايتو جنس استعجـال وطرطـشة !! ما بعملوها كدا ..!
Author: بدر الدين الأمير
Date: 03-27-2010, 07:05 AM
خالدينا
ممكن تكلمينا او تدينا فكرة عن نبات (العوير)
وسر عوارته
محاولة لحصر عوارات البشير
|
Post: #12
Title: Re: غايتو جنس استعجـال وطرطـشة !! ما بعملوها كدا ..!
Author: دينا خالد
Date: 03-27-2010, 06:52 AM
Parent: #10
عارفة يا عزوز
كلام نائب رئيس المفوضية الجبتيهو دا
بالضبط بعبر عن طرطشة المفوضية دى وقلة فهمها
قررررب يقول اها كمان رئيس الجمهورية ح نعمل ليه شنو ؟؟؟؟
ـــــــــــــــــــــــــ
لكن الماعارفاهو انتى يا عزوز انو قطيع الانوف وجديع
اليدين دا السوط وصلنا فيه اذ نحن من العاملين
عليها (هذه المنظمات الدولية) لوووووووووول .
|
Post: #14
Title: Re: غايتو جنس استعجـال وطرطـشة !! ما بعملوها كدا ..!
Author: محمد الأمين موسى
Date: 03-27-2010, 07:19 AM
Parent: #12
Quote: لكن الماعارفاهو انتى يا عزوز انو قطيع الانوف وجديع
اليدين دا السوط وصلنا فيه اذ نحن من العاملين
عليها (هذه المنظمات الدولية) لوووووووووول . |
نخرتك الخايف عليها ونحن ما خايف علينا...
|
Post: #15
Title: Re: غايتو جنس استعجـال وطرطـشة !! ما بعملوها كدا ..!
Author: HAYDER GASIM
Date: 03-27-2010, 07:50 AM
Parent: #12
دينا ... كيفنك,
تحميل مفوضية الإنتخابات عبء { تنظيف }
الساحة السياسية من الألغام والمتاريس
وعقابيل التجربة ... ما صاح. فما أزال
أثق في هذه المفوضية بمقدار عسر الإمتحان.
لتتحمل القوى السياسية المسئولية التاريخية
فيما يليها, وعلى جانبي الحكومة والمعارضة.
أملي ... في إحتياط من لدن التجربة, فإذا كانت
الإنقاذ وبكل سطوتها وسلطانها المزمن, ما تزال
تحتاج ليد عليا في الإعلام, وإلى المثابرة في
تفريخ مشاريع تنمية يقص شريط إفتتاحها البشير,
فهذا مؤشر ضعف بين. وإذا كانت المعارضة ما تزال
تحتاج لستة أشهر أخرى بعد إنقضاء خمس سنوات من
مهر إتفاقية تنص على الإنتخابات, فهذا أيضا مما
يشير لعدم إستعداد البديل.
فمافي حاجة كويسة غير هدوء شعب السودان, ومباشرته
لحياته الطبيعية, رغم إستثنائية الأوضاع من حواليه.
فلكون الواقع أضحى هو مؤشر المستقبل, فلتكن العدة
الأسلم والأنجز لإنتخابات 2014 , فالدورة دي لحظ التجربة
ولتحكيمها موضوعيا, وللتأسيس { الديمقراطي } لتفريعات
الحكم والتمرن عليها... أو ... كما أعتقد.
يهمنى في النهاية, أن تغلق نوافج الحروب والتمرد والإنقلاب
وحتى الثورة أو الإنتفاضة, لنتصالح مع منهاجية الحراك المدني
والتطور الدستوري من حيث نقف وإلى ما نتطلع... والعافية
درجات.
... لي قدام
|
Post: #16
Title: Re: غايتو جنس استعجـال وطرطـشة !! ما بعملوها كدا ..!
Author: دينا خالد
Date: 03-27-2010, 09:35 PM
Parent: #15
علييكم الله واحد يرد لى على حيدر دا ...
ولحد ما اجيك
خليك من عمل الاحزاب ... اصلو ما قلنا تشتغل شغل الاحزاب !!
شغلها هى المفروض تقوم بيه تجاه هذه الانتخابات
قامت بى ؟؟؟
|
Post: #17
Title: Re: غايتو جنس استعجـال وطرطـشة !! ما بعملوها كدا ..!
Author: tmbis
Date: 03-28-2010, 07:03 AM
Parent: #16
|
Post: #18
Title: Re: غايتو جنس استعجـال وطرطـشة !! ما بعملوها كدا ..!
Author: nazar hussien
Date: 03-28-2010, 07:22 AM
Parent: #17
المفوضية الفوضا منو؟
والاداها سلطاتها منو؟
والعينا منو؟
وما تنسي ان لعمر البشير صفتين...
رئيس هسي دي...
ومرشح لرئيس بعدين...
عايزاه يعني يستني ناس المفوضية الفوضم ينضموا
وهو رئيس حي يرزق؟؟؟
والله عايزاه يمرق من الملعب براه ويسلم شارة الكابتنية
لي ناس المفوضية ويمشي يسخن للماتش الجائي؟؟؟
هذا الوضع المعقد للاسف ارتضته الاحزاب المشاركة في الانتخابات
وعليها ان تبلع...اي تصريح للرئيس بصفته الحالية...
|
Post: #19
Title: Re: غايتو جنس استعجـال وطرطـشة !! ما بعملوها كدا ..!
Author: دينا خالد
Date: 03-29-2010, 05:24 AM
Parent: #18
نزار حسين لا فض فوك ياخ !!
كلامك ياهو ذاتووو ..
بدر الامير
دا ما بفتح اتهكر ولا شنو ؟
حيدر
اعجب من الناس ال بفتكروا انو السودان بعد الانتخابات
دى ح يصبح هو ذات السودان ويمكن للامور ان تتتعالج !!
هذه الانتخابات ح ينفصل اثر نتيجتها الجنوب
لن تخوضها دارفور !!
ستاتى برئيس مطلوب من العدالة الدولية ...
كل هذه النتائج ستفضى الى وضع لا يخفى عليك
فهل تحلم فى مثل هكذا اوضاع .. بوتيرة عاديه للحكم
انها ليست انتخابات يا عزيزى حيدر ...
|
Post: #20
Title: Re: غايتو جنس استعجـال وطرطـشة !! ما بعملوها كدا ..!
Author: tmbis
Date: 03-29-2010, 07:56 AM
Parent: #19
| Quote: فهل تحلم فى مثل هكذا اوضاع |
.. في مثل هكذا أوضاع ؟؟
دي طنقعة جديدة كمان ..؟
اكتبي لينا بالعربي .. وما شرط تحللي لانو الفيك اتعرفت ..
ــــ
|
Post: #21
Title: Re: غايتو جنس استعجـال وطرطـشة !! ما بعملوها كدا ..!
Author: nazar hussien
Date: 03-29-2010, 08:10 AM
Parent: #20
Quote: نزار حسين لا فض فوك ياخ !!
|
يا دينا لو تسمحي عايز افض فوهي...
الامر الواقع الآن هو...ان المفوضية تتعامل مع مهمتها من واقع
التعيين لا القانون....ولو تمسكت بالقانون فهي حاليا يفترض
ان تكون حكومة انتقالية عديييل كدي...وعليها ان تقرر وحدها
في كل امر يخص الانتخابات القادمة بدءا من التسجيل
وانتهاءا بالفرز ...وليس لاي جهة عداها سلطة في هذه المساحة
(ما بين التسجيل والفرز) بل ويجب الا يعتد باي جهة سواها...
|
|