Post: #1
Title: رئيس حزب الجبهة القومية الاسلامية..رجل يستحق التأييد .
Author: سيف النصر محي الدين محمد أحمد
Date: 03-24-2010, 08:57 PM
لا أدري ما هي الظروف و لا المسوغات التي بموجبها استولى السيد حسين سليمان عثماناب على مسمى الجبهة الاسلامية القومية ليستخدمه اسما لحزبه الذي يخوض به الانتخابات البرلمانية
هو و ثلاثة آخرين من اعضاء الحزب ، ولكني لا املك الا أن اسجل اعجابي بحماسه الطاغي و رغبته الواضحة في التغيير و ايضا بحديثه المباشر الذي لا حذلقة و لا تفلسف فيه بلكنته النوبية
اللطيفة و نبرته القوية المتحدية . البرلمان هو المكان المناسب لهذا الرجل و ارجو أن ينجح في الحصول على مقعده هناك .
|
Post: #2
Title: Re: رئيس حزب الجبهة القومية الاسلامية..رجل يستحق التأييد .
Author: مجدي عبدالرحيم فضل
Date: 03-24-2010, 11:51 PM
Parent: #1
óÇ ÃóíøõåóÇ ÇáøóÐöíäó ÂóãóäõæÇ ÊõæÈõæÇ Åöáóì Çááøóåö ÊóæúÈóÉð äóÕõæÍðÇ ÚóÓóì ÑóÈøõßõãú Ãóäú íõßóÝøöÑó Úóäúßõãú ÓóíøöÆóÇÊößõãú æóíõÏúÎöáóßõãú ÌóäøóÇÊò ÊóÌúÑöí ãöäú ÊóÍúÊöåóÇ ÇáúÃóäúåóÇÑõ íóæúãó áóÇ íõÎúÒöí Çááøóåõ ÇáäøóÈöíøó æóÇáøóÐöíäó ÂóãóäõæÇ ãóÚóåõ äõæÑõåõãú íóÓúÚóì Èóíúäó ÃóíúÏöíåöãú æóÈöÃóíúãóÇäöåöãú íóÞõæáõæäó ÑóÈøóäóÇ ÃóÊúãöãú áóäóÇ äõæÑóäóÇ æóÇÛúÝöÑú áóäóÇ Åöäøóßó Úóáóì ßõáøö ÔóíúÁò ÞóÏöíÑñ
الرجوع للحق فضيلة
يستحق التأييد والرجوع للمربع الأول كمان
سلام يا دوك
،،،،أبوقصي،،،،
|
Post: #3
Title: Re: رئيس حزب الجبهة القومية الاسلامية..رجل يستحق التأييد .
Author: البحيراوي
Date: 03-25-2010, 06:30 AM
Parent: #2
الأخ سيف النصر
تحياتي - بالله الزول كلامو واضح ومافية أي فلسفة زي ما قلت . والله حقو الحلقة دي يعيدوها لكافة المرشحين .
بحيراوي
|
Post: #4
Title: Re: رئيس حزب الجبهة القومية الاسلامية..رجل يستحق التأييد .
Author: سيف النصر محي الدين محمد أحمد
Date: 03-26-2010, 06:53 PM
Parent: #3
Quote: الرجوع للحق فضيلة
يستحق التأييد والرجوع للمربع الأول كمان |
سلامات يا ابو قصي
تعرف عمك عثماناب ده الحاجة الظريفة في موضوعو انو استولى على اسم الجبهة الاسلامية القومية و سجلوا
كاسم للحزب بتاعو رغم انو في برنامجو ما في اي طرح اسلامي واضح و لا مناداة بالشريعة او غير ذلك من
اللافتات التي يرفعها الاسلاميون في العادة ، و في نفس الوقت برنامجو الانتخابي برنامج مطلبي و يركز على معاناة الناس من اخفاقات الانقاذ و فسادها و سؤ ادارتها للأمور.
|
Post: #5
Title: Re: رئيس حزب الجبهة القومية الاسلامية..رجل يستحق التأييد .
Author: قيقراوي
Date: 03-26-2010, 07:16 PM
Parent: #4
و الله يا دكتور بالصدفة وقعت على عمك بتاع الجبهة الاسلامية القومية دا
كضبت السمعتو ! . .
لكن هو اداني فرصة للكضيب  . . كررها حتى قلنا ليته سكت
اها استعديت و استعدلت ليهو . . . متعة لكن
اشد ما جذبني ليهو ، مباشرتو و لكنة النوبيين المعتقة المحببة
يا زول دا زول اصلي
قال فيما قال : عاوزين نأهل المدارس و الاساتذة و الطلاب ذاتم . .
اسي تأهيل الطلاب دا بتلقاهو في برنامج مرشح تاني ؟
و تيب ؟
سلام يا زول و طولنا منكم ياخ
|
Post: #6
Title: Re: رئيس حزب الجبهة القومية الاسلامية..رجل يستحق التأييد .
Author: سيف النصر محي الدين محمد أحمد
Date: 03-26-2010, 07:27 PM
Parent: #5
| Quote: والله حقو الحلقة دي يعيدوها لكافة المرشحين . |
سلامات يا بحيراوي
السيد رئيس حزب الجبهة الاسلامية القومية في رأيي يعرف تحديدا لماذا هو يرغب في دخول البرلمان و هذا شئ يبدو غائبا لدى الكثير من المرشحين.
|
Post: #7
Title: Re: رئيس حزب الجبهة القومية الاسلامية..رجل يستحق التأييد .
Author: عمار عبدالله عبدالرحمن
Date: 03-26-2010, 07:31 PM
Parent: #4
دكتور سيف النصر
سبقتنا بالبوست ده ,,,
اللغة المباشرة هي ما ينقص بقية احزابنا ومرشيحنا ,,,
توقعته ان يتحدث عن المسكوت عنه من قبل المرشحين ,
عن أموال الدولة المنهوبة وكيفية محاسبة اللصوص ,,
ان شاء الله يفوز
|
Post: #8
Title: Re: رئيس حزب الجبهة القومية الاسلامية..رجل يستحق التأييد .
Author: سيف النصر محي الدين محمد أحمد
Date: 03-26-2010, 07:49 PM
Parent: #7
وين يا قيقا مشتاقين و الله
Quote: قال فيما قال : عاوزين نأهل المدارس و الاساتذة و الطلاب ذاتم . .
اسي تأهيل الطلاب دا بتلقاهو في برنامج مرشح تاني ؟ |
طيب سمعت حقت وزير الزراعة الولائي ال كل ما يزور حلفا الجديدة يضبحوا ليهو تلاتة خرفان؟
عمك اعترض على الحكاية دي بشدة و قال:بعدين هو بقى وزير كيف ..ما كان نايم في سريرو و صحا لقى
نفسو وزير ، جابتو ارادة شعبية؟؟.
شفت "ارادة شعبية" دي قوية كيف.
|
Post: #9
Title: Re: رئيس حزب الجبهة القومية الاسلامية..رجل يستحق التأييد .
Author: سيف النصر محي الدين محمد أحمد
Date: 03-28-2010, 07:15 AM
Parent: #8
اخونا عمار :سلام
غايتو كان ناس دائرتو ما فوزوه يكونوا اتلوموا لوم شديد..الزول ده خير من يمثلهم.
|
Post: #10
Title: Re: رئيس حزب الجبهة القومية الاسلامية..رجل يستحق التأييد .
Author: Elsanosi Badr
Date: 03-28-2010, 11:43 AM
Parent: #9
| Quote: رئيس حزب الجبهة القومية الاسلامية.. |
يا سيف هي الاسماء دي كملت ولا شنو ... جبهه ... واسلاميه ... وقوميه كمان ...
والله الناس ديل ما فضل ليهم شئ الا يشيلوا ليهم(خرطويه) ويلقطوا في بعر الترابي
|
Post: #11
Title: Re: رئيس حزب الجبهة القومية الاسلامية..رجل يستحق التأييد .
Author: جمال المنصوري
Date: 03-28-2010, 11:51 AM
Parent: #10
| Quote: يا سيف هي الاسماء دي كملت ولا شنو ... جبهه ... واسلاميه ... وقوميه كمان |
الأخ / السنوسي بدر
اهلنا النوبيون يتمتعون بذكاء حاد،، يا خوي عمك ده قرص ليهم البلاطة، يعني تاني ما بجي واحد زي الترابي واولاده يسجل الاسم ده، وبي كده يكون قفلها ليهم ، وقفل شرهم من تالا الاسلام والقومية ،وخلاهم يحوموا بي عند (مؤتمر)، وطبعا مؤتمر دي جاية من المؤامرة.. وبي كده يكون سلم علي كفر الهنادوة..
|
Post: #12
Title: Re: رئيس حزب الجبهة القومية الاسلامية..رجل يستحق التأييد .
Author: سيف النصر محي الدين محمد أحمد
Date: 03-29-2010, 05:39 PM
Parent: #11
| Quote: والله الناس ديل ما فضل ليهم شئ الا يشيلوا ليهم(خرطويه) ويلقطوا في بعر الترابي |
السنوسي سلام..
زي ما قال جمال المنصوري عمنا عثماناب لقى اسم مجدوع في الواطة و قام شالوا و قفل الطريق قدام
الجماعة عشان ما يرجعوا يستعملوا نفس الاسم مرة تانية و كمان يخلق بلبلة بين الناس و الناخبين ما يقدروا يفرزوا المؤتمر الوطني من الشعبي من ست الاسم الجبهة الاسلامية و عمك هو المستفيد على كل حال
بعدين يا اخوي انت ما دام قاعد في لندن لسه بتستعير في الصور البدوية مالك 
|
Post: #13
Title: Re: رئيس حزب الجبهة القومية الاسلامية..رجل يستحق التأييد .
Author: سيف النصر محي الدين محمد أحمد
Date: 03-30-2010, 01:45 PM
Parent: #12
| Quote: وقفل شرهم من تالا الاسلام والقومية ،وخلاهم يحوموا بي عند (مؤتمر)، وطبعا مؤتمر دي جاية من المؤامرة |
الأخ المنصوري سلامات
ممكن جدا تكون دي استراتيجية الحلفاوي قريبنا و غايتو كتر خيرو و بارك الله فيه.
|
|