Post: #1
Title: البشير يتراجع ويتحدث عن ما بعد تأجيل الانتخابات ...قولو واحد
Author: Medhat Osman
Date: 03-24-2010, 00:00 AM
البشير يرفض تشكيل حكومة اذا تأجلت الانتخابات
وكالة الأنباء الكويتية - كونا
GMT 21:30:00 2010 الثلائاء 23 مارس
رفض البشير تأليف حكومة قومية بحال تأجلت الإنتخابات .
الخرطوم: اعلن الرئيس السوداني عمر حسن البشير الليلة رفضه القاطع تشكيل حكومة قومية اذا تاجلت الانتخابات المقرر اجراؤها الشهر المقبل مشددا على عدم وجود اي اتجاه للتأجيل.
واتهم البشير في كلمة القاها امام متقاعدي الجيش والشرطة قادة الاحزاب المعارضة بالفشل في الحصول على تاييد شعبي خلال ايام الحملة الانتخابية قائلا " ان قادة الاحزاب عندما شعروا انهم ليس لديهم قبول اخذوا يطالبون بتأجيل الانتخابات ويطعنون في حيادية مفوضية الانتخابات رغم انهم شاركوا في اختيارها ووافقوا علي عضويتها".وشدد على ان الانتخابات اذا تأجلت فان الحكومة الحالية ستبقى كما هى حتى تقوم حكومة منتخبه من قبل الشعب.
وكان تحالف احزاب المعارضة رفع مذكرة طالب فيها بتاجيل الانتخابات الي شهر نوفمبر الماضي واعلنت الحركة الشعبية المشاركة في الحكم ان المذكرة ستناقش في اجتماع للمؤسسة الرئاسة التي تضم البشير ونائبيه الاول سلفاكير ميارديت وعلي عثمان طه يوم الخميس المقبل.
ومن غير المرجح ان يصدر عن الاجتماع قرار التاجيل خاصة بعد ان اعلنت المفوضية القومية للانتخابات بعد اجتماع لها امس قيام الانتخابات في موعدها واكتمال كافة الاجراءات الفنية الخاصة بها . وتكتسب الانتخابات القادمة المقرر اجراؤها في أبريل المقبل اهمية كبيرة فهي الأولى التي تقام على أساس التعدد الحزبي منذ انتخابات عام 1986 كما يأتي اجراء هذه الانتخابات تنفيذا لاتفاقية السلام الشامل الموقعة بين حزب المؤتمر الوطني الحاكم والحركة الشعبية لتحرير السودان الحاكمة في الجنوب والتي أنهت عقدين من الحرب في البلاد
|
Post: #2
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: محمد المختار الزيادى
Date: 03-24-2010, 00:06 AM
Parent: #1
so fast
|
Post: #9
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: Medhat Osman
Date: 03-24-2010, 08:24 AM
Parent: #2
كلام الليل بيمسحو 3 صباحا يا زيادي.
|
Post: #3
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: Medhat Osman
Date: 03-24-2010, 00:09 AM
Parent: #1
المجنتر امبارح حلف انو الانتخابات ما حتتأجل ولو ساعة واحدة...
وهسي جابت ليها اذا واذا.
.
.
.
اذا ماجا جرجيرنا ينشف.
|
Post: #4
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: talha alsayed
Date: 03-24-2010, 00:22 AM
Parent: #3
واحد
وامسك الحساب كويس يا مدحت
كترت التصريحات بتخليه ينسى قال شنو
اهلنا بقولو كان بقيت كضاب ما تبقى نساي !!!
كامل مودتى
|
Post: #5
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: Moneim Malik
Date: 03-24-2010, 06:17 AM
Parent: #4
يكون اوباما اداه سلك
|
Post: #6
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: ibrahim alnimma
Date: 03-24-2010, 07:25 AM
Parent: #5
Quote: واحد
وامسك الحساب كويس يا مدحت
كترت التصريحات بتخليه ينسى قال شنو
اهلنا بقولو كان بقيت كضاب ما تبقى نساي !!!
كامل مودتى |
طلحة تحياتي
ولو عايز تملاء شبكتك وتضحك من جنس الكلام ده ، تابع
المباشر وواصيك باللقاءات المباشرة0000واليك طائفة من فوائد المباشر:
تحت جزمتي 0
بلو اشرب مويتو0
الطلاقات كلها كانت في اللقاءات المباشرة0
الاعتراف ببيوت الاشباح كانت قد تمت في لقاء مع مؤتمر الصحفين بالخارج
والان يمكن ان تستمتع في اللقاءات المباشرة ولكن اخ من الرقيص ده لانو
بضيع علينا الكثير 000
|
Post: #7
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: موسي عيسي
Date: 03-24-2010, 07:37 AM
Parent: #6
يا عمك طلحة الكذاب بطبعه نساي يفكه الكضبة بجاي
و ينساها في لحظتها و الله لو عايزين تعدو للبشير
كذباته ما ليها حد والشي التاني حددوا ليكم موعد
للبداية من زمان و لا من بداية الانتخابات و لا من الان
فصاعد افتكر بتكونوا محتاجين ليكم لكم محاسب شاطر
و فطن علشان ما تعدي عليه حاجة .
و الله دا المفروض يسموه ابو كضبة !!
|
Post: #8
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: حليمة محمد عبد الرحمن
Date: 03-24-2010, 07:43 AM
Parent: #6
مادام الموضوع دخل في اللولوة (لغة لو)، تاكد الانتخابات ماشة تتأجل..
بس الرئيس دا موش مرشح يا جماعة؟ اذا كانت الاجابة بنعم، البخليهو
يفتي في موضوع لسع ما مؤكد وضع في اجندة الاجتماع القادم ولا لا
و مفروض يتناقش بكرة، شنو كان ما القرارات كلها في ايدو؟
الفات دا نمرة واحد..
نجي لنمرة اتنين: مفوضية الانتخابات موش قبل كدا رفضت التأجيل وصرحت بكدا عدييييل،
هسع ح تسوي شنو؟ ح تعلل وتعلل وتعلل لما نعتل صاح؟
وهي ذاتها قاعدة تسوي شنو؟ تبصم بالعشرة؟
خلاصة الموضوع:الرئيس كان قلع الكاكي ولا بقى مرشح ، ياهو الرئيس!
---------
واحدة قريبتي اسمها السترة، وحسب التصغير اصبح الستيرة..
جاء خالها من البندر لقاها كبيرة وواعية، قال ليها خلاص
انا عايز اغير ليك اسمك بدل الستيرة دا اسميك سلمي.
وافقت البنية. طلع الخال شهادة التسنين كلو جديد في جديد
من الاسم للعمر.
مشى سافر وجاء راجع بعد فترة لقى سلمى رجعت الستيرة تاني.
اغتاظ قال ليها: اسمعي مخسراني قروش ومشاوير وزمن مالك؟
موش نحنا اتفقنا انو اسمك سلمى والبناديك بالاسم القديم
داك اصلك ما تلتفتي ليهو؟ موش كلمتك كدا؟ اها مالك ما سمعت الكلام دا ونفذتيهو.
ردت عليهو بهدوء زولن أدمن التعود وما اظن حاله او حال الحواليه ينصلح ويواكبوا
الاسم الجديد، الا بالمران الكتير والجلد والصبر الطويل:
يا خال كان بقيت سلمى ولا الستيرة ياني الستيرة وياني الستيرة!!
---
سلام يا مدحت..ياني الستيرة وياني الستيرة!
|
Post: #10
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: عاطف مكاوى
Date: 03-24-2010, 08:36 AM
Parent: #8
Quote:
اهلنا بقولو كان بقيت كضاب ما تبقى نساي !!! |
دى قوية يا طلحة !!!!!!!!!!!!!
كثيرا ما كنت أتساءل عن بماذا خرج طلحة من (تمبول)؟
والآن أشهد بأنك خرجت منها بالكثير...............الحكم !
|
Post: #11
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: talha alsayed
Date: 03-24-2010, 08:45 AM
Parent: #10
Quote:
كثيرا ما كنت أتساءل عن بماذا خرج طلحة من (تمبول)؟
والآن أشهد بأنك خرجت منها بالكثير...............الحكم ! |
اهم حاجه مرقت بيها من تمبول
العرجه لى مراحه
دحين الزول ده لمو على مراحو
وكلموا الراعى يقرعو
|
Post: #16
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: Medhat Osman
Date: 03-24-2010, 10:00 AM
Parent: #8
بس الرئيس دا موش مرشح يا جماعة؟ اذا كانت الاجابة بنعم، البخليهويفتي في موضوع لسع ما مؤكد
لكن ماالبشير البشير ياحليمة.
الراجل بيتحدث عن انو حيزور جنوب افريقا وفنزويلا بعد الانتخابات.
في تحدي جديد للمحكمة الجنائية وما قال بعد ما افوز بالانتخابات يعني كلام زول ضامن النتيجة.
ودي في لقاء معه قبل ايام في مجلة المانية.
غايتو نقول شنو..؟
في الرابط لقاء المجلة الالمانية.
البشير:الجنائية مؤامرة ونعم نحن ندعم حماس وحزب الله والمقاومة في العراق
|
Post: #12
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: Medhat Osman
Date: 03-24-2010, 08:59 AM
Parent: #4
Quote: وامسك الحساب كويس يا مدحت
كترت التصريحات بتخليه ينسى قال شنو
اهلنا بقولو كان بقيت كضاب ما تبقى نساي !!! |
طلحة.
تحياتي.
ياخي الراجل حالتو صعبة خلاص.
ما كنت متخيل حبل الكضب قصير للدرجة دي.
|
Post: #13
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: talha alsayed
Date: 03-24-2010, 09:13 AM
Parent: #12
يا مدحت يا خوى
ده بقى عليهو مثل اهلنا العرب
طاش طاش
يرعى فى الغباش
بعير ام الحسن
لا قيد لا رسن
|
Post: #15
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: الشفيع وراق عبد الرحمن
Date: 03-24-2010, 09:46 AM
Parent: #14
| Quote: مشددا على عدم وجود اي اتجاه للتأجيل |
ده مقتبس من كلامك يا مدحت!!!!
ح نطردهم اليوم قبل بكرة ، زي ما طردنا اخواتهم
Quote: هنا لامن قال:الداير يجي يساعنا مرحب بيهو والداير يجي يحكمنا ح ندوسو بالجزمة
هييييع يا ود الباوقة
الاسد النتر
يديك الجنة يا علاء |
|
Post: #17
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: Medhat Osman
Date: 03-24-2010, 10:16 AM
Parent: #15
| Quote: ده مقتبس من كلامك يا مدحت!!!! |
البشير يرفض تشكيل حكومة اذا تأجلت الانتخابات
يا شفيع
كلو الكلام من ناس كونا.
علي لسان البشير.
|
Post: #19
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: Medhat Osman
Date: 03-24-2010, 04:05 PM
Parent: #18
والبشير قاصد منو يا الشفيع.؟؟؟
|
Post: #20
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: Hashim Badr Eldin
Date: 03-24-2010, 06:00 PM
Parent: #19
هذا الرجل أكبر هراش على وجه الأرض:
قال لا يقبل مبادئ الايقاذ عاد وقبلها (بلعها ناشفة)
قال لا يقبل وثيقة ناكورو عاد وقبلها بالقطاعى فى نيفاشا
قال لا يقبل القوات الدولية عاد و(بلعها ناشفة)
قال بعد هجوم أمدرمان أنه لن يفاوض خليل عاد وفاوضه (وكمان جرى حضنه)
|
Post: #21
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: الفاتح الصادق حامد
Date: 03-24-2010, 09:19 PM
Parent: #20
السواى ما حداس
البشير راجل كضاب وخواف
لو داير تدوّرو جيب ليه 10 ناس خليهم يهتفوا ضد الغرب واستنى الاستمتاع بعد ذلك وفى اول مؤتمر خارجى بتحجج بعشرين حجة ( خوف ساااى من لاهاى ) ... هييييع رئيسنا الراقص الخواف الفاضحنا وشارط عينا
شوف الدموع قدام حسنى مبارك بالقاهرة
|
Post: #22
Title: Re: البشير يتراجع ويتحدث عن ما بعد تأجيل الانتخابات ...قولو واحد
Author: أبو ساندرا
Date: 03-24-2010, 10:33 PM
Parent: #21
الزول ده ركو على البيضغط شديد
رفض التأجيل
ثم لولوها وقال : إذا اجلناها مابنعمل حكومة قومية
وبكرة لمن يضغطوهو تاني
ح يقبل بالحكومة القومية
بس بقترح ان الضغط ده يتم من جماهير شعبنا
خاصة بعد ما أدركت ان الراقص الواجف
خايف
|
|