Post: #1
Title: لكن ما بالغت يا ميسي !!!!!!!
Author: خالد عبد الله محمود
Date: 03-22-2010, 03:48 PM
Parent: #0
ثمانية أهداف في أقل من أسبوع ؟؟؟؟؟
ياخ هيثم طمبل برضو مهاجم زيكـ و ليهو ثلاثة سنة ما جاب قون ؟؟ 
|
Post: #2
Title: Re: لكن ما بالغت يا ميسي !!!!!!!
Author: عمران حسن صالح
Date: 03-22-2010, 03:54 PM
Parent: #1
| Quote: ياخ هيثم طمبل برضو مهاجم زيكـ و ليهو ثلاثة سنة ما جاب قون ؟؟ |
لوووووووووووووول حمزاوي جاكـ بي عصاتو
ياخوي ده جنكيز وإتلحس
|
Post: #3
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-22-2010, 04:00 PM
Parent: #2
عمران يا عمكـ
ياخ حمزاوي زاتو نفض يدو من طمبل !!
حمزاوي ده زول ذواقة ياخ و بحب الكورة السمحة و لو خصصتو ليهو أنت و تمبس و معتصم ساعة من زمنكم كل يوم صدقني في أقل من شهر برجع للفطرة الهلالية ..
|
Post: #5
Title: Re: لكن ما بالغت يا ميسي !!!!!!!
Author: وليد عبد اللطيف
Date: 03-22-2010, 04:23 PM
Parent: #4
Quote: أسه عليكم الله شوفو الزول ده نصيح !!!!
قطع شكـ الزول ده من كوكب تاني |
ياخالد زولك ده خفيف
وعلاءالدين فيرا عاااااااااااااااادي بثبتوا
بوست موفق
---------------
واحد في حلتنا قبل كده قال ماردونا ماعندو حاجة بس يقفلوا ليهو شمالوا هههههههه
|
Post: #6
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-22-2010, 04:35 PM
Parent: #5
| Quote: وعلاءالدين فيرا عاااااااااااااااادي بثبتوا |
ولي يا عمكـ
دي على وزن عنتر كتلو أعمي و لا شنو ؟؟
|
Post: #7
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-22-2010, 04:46 PM
Parent: #6
تصريح ميسي بعد مباراة الأمس و بعد الثلاثة أهداف بما فيها الهدف اللوحة ده :
Quote: لقد كانت مباراة صعبة للغاية، خصوصا ً بـ الشوط الاول. سرقسطة عمل بقوة كبيرة، عشب الملعب كان مرتفع وذلك مما جعل اللقاء يكون ابطأ. لكننا كسبنا النقاط الثلاث وهذا هو الاهم".
" الاهداف دائما ً تكون الفارق للفريق، في الملعب جميعنا نلعب. لكن اليوم كنت محظوظا ً بـ التسجيل ".
" تركت ضربة الجزاء لـ ايبرا لأن الريح كانت عكسنا والمهاجم يحتاج لـ هدف ليكسر النحس الذي يرافقه ".
" لا اعلم ان كان الهدف الثاني جميل، كل شيء مر بشكل سريع جدا ً. يجب علي ان اراه بالتلفزيون كي احكم عليه ".
" لقد قدمت مستوى جيد، اعتقد ان الفريق اثبت مجددا ً بأنه قوية، وبأننا بالامكان ان نكسب الدوري، بالرغم من الضغط المدريدي ".
" مايهمني من الجوائز المتاحة هي الدوري ودوري الابطال وليس التميّز الفردي ".
" احب كرة القدم وانا احب الفوز، وكلما زدنا بالفوز كلما كان ذلك افضل ". |
|
Post: #8
Title: Re: لكن ما بالغت يا ميسي !!!!!!!
Author: Dalal Ezzaldin
Date: 03-22-2010, 09:36 PM
Parent: #7
Quote: ثمانية أهداف في أقل من أسبوع ؟؟؟؟؟
|
يا خالد ياخ ما تسحروا لي الزول دا .. يالله اقوم اولع بخور بالليل دا ولا شنو؟
|
Post: #9
Title: Re: لكن ما بالغت يا ميسي !!!!!!!
Author: مزاحم الضوي
Date: 03-22-2010, 11:06 PM
Parent: #8
انابتفرج كوره لى اربعين سنه
لكن زى البعمل فيهو مسى ده ماشفتو
معقول زول يغسل ويشر ويكوى اربع مرات فى كوره واحدة
|
Post: #10
Title: Re: لكن ما بالغت يا ميسي !!!!!!!
Author: Elmuiz Haggaz
Date: 03-22-2010, 11:20 PM
Parent: #9
خالد إزيك ...
زى ما تقول حبوبتى (تسوا لى الحنابر قنابر!!!) مسى شنو كمان?
زولك دا كان جا الدورى الإنجليزى تانى يوم بشيلوه كراعو
ويا دار ما دخلك شر..لاقى لى الأسبان الناعمين ديل ويتجدع فيهم
كدى نشوفوا مع أرسنال حا يعمل شنو..
|
Post: #11
Title: Re: لكن ما بالغت يا ميسي !!!!!!!
Author: حبيب نورة
Date: 03-22-2010, 11:26 PM
Parent: #10
مجنون الواد دة
|
Post: #12
Title: Re: لكن ما بالغت يا ميسي !!!!!!!
Author: عامر تيتاوى
Date: 03-23-2010, 00:17 AM
Parent: #11
| Quote: تركت ضربة الجزاء لـ ايبرا لأن الريح كانت عكسنا والمهاجم يحتاج لـ هدف ليكسر النحس الذي يرافقه ". |
شوف الادب ده كيف وقمة التواضع كمان
ياخالد عمايل ميسى بقت صعبة خلاص فقد سجل ثمانية اهداف من اخر تسعة اهداف
للبارشا
فعلا ميسى بالغ !!! ده خلى " سر " فى حتة ورمى " قسطة " فى البحر عديل
|
Post: #13
Title: Re: لكن ما بالغت يا ميسي !!!!!!!
Author: محمد عبد الماجد الصايم
Date: 03-23-2010, 06:18 AM
Parent: #12
بالغت يا عمكـ في قصة عنتر والأعمى دي!
عاوز تشرقنا بالقهوة من الصباح
|
Post: #15
Title: Re: لكن ما بالغت يا ميسي !!!!!!!
Author: abuguta
Date: 03-23-2010, 06:35 AM
Parent: #13
ياخالد,,دا لما كان صغير امه احضرته لاسبانيا
لانه عندو هشاشة عظام,,,
يقول عنده الاسطورة مردونا ,,لما كنت فى عمره لم اكن مثله
انه بديع وفنان,,,شكله كدا ناوى يعرس ليه بنتو الثانية
زى اولغيرا
قال طمبل قال
|
Post: #28
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 06:37 AM
Parent: #15
Quote: ياخالد,,دا لما كان صغير امه احضرته لاسبانيا
لانه عندو هشاشة عظام,,, |
أبقوتة يا صديق
ده حالتو عندو هشاشة عظام ؟؟ عندنا اللاعبين الواحد كلو عبارة عن عضام لكن بلا فايدة ..
|
Post: #27
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 06:30 AM
Parent: #12
Quote: شوف الادب ده كيف وقمة التواضع كمان
ياخالد عمايل ميسى بقت صعبة خلاص فقد سجل ثمانية اهداف من اخر تسعة اهداف
للبارشا
فعلا ميسى بالغ !!! ده خلى " سر " فى حتة ورمى " قسطة " فى البحر عديل |
أستاذنا عامر تيتاوي
ياخ كتر خير ميسي الجابكـ لينا ..
بالله شفت الود ده كيف ؟ كورة و ذوق و أدب و تواضع .. سبحان الله بس تقول موسي الزومة !
|
Post: #23
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-23-2010, 06:00 PM
Parent: #11
حبيب نورة
كدي أصبر لحدي بعد كأس العالم و الشافكـ قلبت بقيت ( حبيب ميسي ) ما كضب .. 
|
Post: #22
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-23-2010, 05:48 PM
Parent: #10
| Quote: زولك دا كان جا الدورى الإنجليزى تانى يوم بشيلوه كراعو |
المعز يا حبيبنا
عشان كده الدوري الإنجليزي ما فيهو متعة الدوري الأسباني ..
خليكـ مع المتعة و سيبكـ من الملاكمة بتاعة الدوري الإنجليزي المسيخة دي
|
Post: #16
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-23-2010, 07:10 AM
Parent: #9
Quote: انابتفرج كوره لى اربعين سنه
لكن زى البعمل فيهو مسى ده ماشفتو
معقول زول يغسل ويشر ويكوى اربع مرات فى كوره واحدة |
مزاحم يا عمكـ
تتابع لي ميسي ده ياما حتشوف كتير ...
الزول ده قال ليكـ لسه ما بدأ زاتو !!!!
للضمان كده عشان يرجع ليكـ التوازن الكروي أحضر كورة الأمل و الموردة الليلة
ما تخرب طبعكـ ساكت باللعب الطاعم بتاع الود ميسي ده !!
|
Post: #14
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-23-2010, 06:33 AM
Parent: #8
دلال
والله دي الحاجة الوحيدة الخايفين منها ..
خصوصاً عين ناس ريال مدريد الكافرة النصرانية دي !!
* ولعي البخور يا عمتكـ و لا يجرمنكم شنئان قوم على أن لا تولعوا البخور !
|
Post: #17
Title: Re: لكن ما بالغت يا ميسي !!!!!!!
Author: عمران حسن صالح
Date: 03-23-2010, 07:30 AM
Parent: #14
فوق
|
Post: #18
Title: Re: لكن ما بالغت يا ميسي !!!!!!!
Author: محمد عبد الماجد الصايم
Date: 03-23-2010, 07:41 AM
Parent: #17
النجيضة: بالغ الهكر والله!
|
Post: #19
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-23-2010, 08:32 AM
Parent: #18
ود الصايم
ياخ حد يصحي الريس قبل ما تحصل علينا نظرية عمكـ جحا !!
|
Post: #20
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-23-2010, 08:38 AM
Parent: #19
جحا قالو ليهم الهكر دخل بلدكم قال طالما بعيد من مدينتي ما لي دخل
قالو ليهو دخل مدينتكم قال طالما بعيد من حلتنا ما لي دخل
قالو ليهو دخل حلتكم قال طالما بعيد من بيتنا ما لي دخل
قالو ليهو دخل بيتكم قال طالما بعيد من كمبيوتري ما لي دخل
* عوير أنا عشان أقول ليكـ النص الأصلي يا ود الصايم ؟؟
|
Post: #21
Title: Re: لكن ما بالغت يا ميسي !!!!!!!
Author: وليد عبد اللطيف
Date: 03-23-2010, 12:23 PM
Parent: #20
Quote: ولي يا عمكـ
دي على وزن عنتر كتلو أعمي و لا شنو ؟؟ |
هههههههه
والله ياخالد نحن في كورتنا عندنا محن
وكل لاعب يطلقوا علية لقب ( علاء الدين فيرا ) ( ودندوني )
بالله بالمره كمان حاول مر على كاكا وعلى رونالدينو
ياخي في ناس لما تتفرج عليهم علي بالايمان نفسك يقوم
انت ياخالد عبد الله الناس ديل بشر زينا
بالله النجيضة ( على قول ود الصايم )
--------------
ياخالد زي ماقال واحد من الزوار لعبنا كورة واتفرجنا اربعين سنة زي دا ما شفنا تب (قال علاء الدين فيرا قال )
|
Post: #24
Title: Re: لكن ما بالغت يا ميسي !!!!!!!
Author: عبد اللطيف بكري أحمد
Date: 03-23-2010, 08:20 PM
Parent: #21
ياعريس سلام،،
النصيجة لله الولد يتحب،، بس كمان المدافعين دراويش!!
المشكلة انو قبل المباراة الأخيرة ولغاية قريب الصفارة
الناس بتشاورا الزول دا يلعب ولما يلعب؟؟
=
بس ياحبيب الخطورة حاصلة على برشلونة من تألق هذا الفتى!!
اليوم الذي يلحقه أذى فعلى البارشا السلام!!
=
مدريد هو من يصنع البهجة للدوري الإسباني لأنه ياإما بطل يامضايق
الناس!!! وبرشلونة عمره ستقضيه سعياً لتحطيم أرقام ريال مدريد،،
قبل الكلاسيكوياخالد سيكون الفارق 3 نقاط لصالح مدريد وبعده 6 ،،
سلام
|
Post: #25
Title: Re: لكن ما بالغت يا ميسي !!!!!!!
Author: حيدر بشير
Date: 03-24-2010, 00:04 AM
يا خالد انت عارف بهجة ميسى دى بى سبب المذيع بتاع المباراة
اسع لوجابوا ليه واحد من مذيعى الفضائية السودانية ديل كان بدّع بالصورة دى
ردوا الحقوق الى اهلها
لكن ميسى موووووووووووووووووبالغة
و لكم التحايا
|
Post: #32
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 06:59 AM
Parent: #25
| Quote: يا خالد انت عارف بهجة ميسى دى بى سبب المذيع بتاع المباراة |
حيدرنا ..
قصدكـ أيمن جادة ؟؟ ياخ ده زول كج و عارض معروف و جماهير برشلونة و ريال مدريد الأتنين بخافوا منو ؟؟
أنا ما حضرت الكورة من البداية لكن لما جيت لقيتو هو البعلق على الكورة ختيت يدي في قلبي ..
بعد شوية الكورة من 3/صفر بقت 3/2 عليكـ الله عارض أكتر من كده تاني يكون كيف ؟؟
غايتو أيمن جادة ده أخير منو ياسر مختار ..
على الأقل ياسر مختار بطمم بطنكـ و بخليكـ تقفل التلفزيون و ترتاح وبرضو في النهاية فريقكـ بفوز مش زي العارض ده ..
أنا بحب تعليق المصري محمد على و يوسف سيف و الكعبي و الشوالي . باقي معلقين الجزيرة ياهم زي حقينا ديل مافي فرق كبير
|
Post: #31
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 06:50 AM
Quote: بس ياحبيب الخطورة حاصلة على برشلونة من تألق هذا الفتى!!
اليوم الذي يلحقه أذى فعلى البارشا السلام!! |
و عليكم السلام يا عبد اللطيف يا صاحب
أبداً والله ..
ميسي يقدم مستوي ممتاز لكن برشلونة لا يعتمد عليه إعتماد كلي بل العكس مهارات لاعبي برشلونة هي ما ساعدت ميسي على تقديم هذا التميز و الدليل على ذلكـ عدم ظهور ميسي بنفس المستوي عندما يلعب للمنتخب الأرجنتيني
| Quote: قبل الكلاسيكوياخالد سيكون الفارق 3 نقاط لصالح مدريد وبعده 6 ،، |
يا زول إنتو ما أتعقدتوا من حكاية الستة دي ؟؟
|
Post: #29
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 06:42 AM
Parent: #21
وليد
والله أحلف صادق البنشوفوا في الدوري الأسباني و البنشوفوا في الدوري السوداني قطع شك ما حاجة واحدة
غايتو بتاعة الدوري الأسباني ديكـ أسمها كرة قدم لكن حقتنا دي إسمها شنو لسه العلماء مختلفين ..
|
Post: #26
Title: Re: لكن ما بالغت يا ميسي !!!!!!!
Author: Gaafar Ismail
Date: 03-24-2010, 01:25 AM
Parent: #20
| Quote: عوير أنا عشان أقول ليكـ النص الأصلي يا ود الصايم |
خالد
إنت الذّ زول
تحياتي
|
Post: #30
Title: Re: لكن ما بالغت يا ميسي !!!!!!!
Author: عثمان رضوان
Date: 03-24-2010, 06:42 AM
Parent: #26
الأخ خالد
تحياتي
Quote: مايهمني من الجوائز المتاحة هي الدوري ودوري الابطال وليس التميّز الفردي ".
|
ليت قومي يعلمون وهم:
اللاعبون
جيوش الإعلاميين الرياضيين
المدربون.
|
Post: #34
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 07:18 AM
Parent: #30
Quote: ليت قومي يعلمون وهم:
اللاعبون
جيوش الإعلاميين الرياضيين
المدربون. |
عثمان
تعرف الصحافة الرياضية في أسبانيا أسوأ من الصحافة الرياضية عندنا !!
تعصب ما عادي و شتيمة للحكام وإتهام بالتحيز يوماتي
لكن مافي زول شغال بالصحافة هناكـ بالذات اللاعبين و المدربين و الأهم منهم إدارات الأندية ..
نحن مشكلتنا إنو الصحفين هم من يديرون الأندية و لو بطريقة غير مباشرة ...
و هم من يسجل اللاعبين للأندية ....
و هم من يختار من يلعب أساسي و من يجلس على الدكة
وهم من يختار اللاعبين للمنتخب .....
.
.
.
ألخ
التطور الكروي في النهاية بيعتمد على الفكر الإداري و ده النحن متخلفين فيهو جداً ..
أيوة الصحافة الرياضية ليها دور لكن ليس بتلكـ الأهمية ..لن ينصلح حال الرياضة في السودان ما لم ينصلح حال إدارات الأندية
|
Post: #33
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 07:03 AM
Parent: #26
ياخ ده من ذوقكـ يا عم جعفر ..
ياخ كان أنا لذيذ ود الصايم ده يبقي شنو ؟؟ أسنكرز ؟؟
|
Post: #35
Title: Re: لكن ما بالغت يا ميسي !!!!!!!
Author: Gaafar Ismail
Date: 03-24-2010, 07:25 AM
Parent: #33
| Quote: ياخ كان أنا لذيذ ود الصايم ده يبقي شنو ؟؟ أسنكرز ؟؟ |
ود الصايم ده يا خالد (عجوة معطونة في عسل)
موش بستاهل بالله؟
|
Post: #36
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 07:44 AM
Parent: #35
كييييييف ياخ !! ود الصايم ده ميسي بتاع منبرنا !!
|
Post: #37
Title: Re: لكن ما بالغت يا ميسي !!!!!!!
Author: عصام علي أحمد
Date: 03-24-2010, 08:33 AM
Parent: #36
Quote: مدريد هو من يصنع البهجة للدوري الإسباني لأنه ياإما بطل يامضايق
الناس!!! وبرشلونة عمره ستقضيه سعياً لتحطيم أرقام ريال مدريد،، |
خالد تحياتي
يا عبداللطيف بهجة شنو البصنعها الريال
ياراجل حرام عليك
250 مليون يورو راحت شمار في مرقه
لا كاس الملك ولا كاس ابطال اوربا
خليكم فى المحلي يمكن البارسا يتنازل ليكم عنه
عليك الله ياعبداللطيف اليوم الاربعاء الساعة 10 مساء بتوقيت مكة
خت ليك كباية شاي واقعد قدام التلفزيون واستمتع بمباراة برشلونة واساسونا
|
Post: #38
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 08:46 AM
Parent: #37
Quote: عليك الله ياعبداللطيف اليوم الاربعاء الساعة 10 مساء بتوقيت مكة
خت ليك كباية شاي واقعد قدام التلفزيون واستمتع بمباراة برشلونة واساسونا |
والله يا عصام لو ما كلامكـ ده كانت راحت على المباراة دي ؟؟
مالهم لاعبين الدوري يوم الأربعاء المرة دي ؟؟
|
Post: #39
Title: Re: لكن ما بالغت يا ميسي !!!!!!!
Author: احمد التجانى احمد
Date: 03-24-2010, 09:18 AM
Parent: #38
| Quote: قصدكـ أيمن جادة ؟؟ ياخ ده زول كج و عارض معروف و جماهير برشلونة و ريال مدريد الأتنين بخافوا منو ؟؟ |
ياخالد محمود
اى زول بيشجع برشلونة يحتمل ان يصنف كرهط كروى
لكن لما يتضامنوا تشجيعك لبرشلونة مع رائك فى ايمن جادة
الاثنين بيتوجوك كقائد لكتائب الرهط الكروى بالمنبر
والعجب لو كنت مريخابى من عندى بديك رتبة جنرال
|
Post: #40
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 09:42 AM
Parent: #39
| Quote: والعجب لو كنت مريخابى من عندى بديك رتبة جنرال |
ود التجاني
يا زول أخير لي هلالابي عسكري بي شريط واحد من جنرال مريخابي ..
* تصدق لو ما كورة برشلونة دي الأسبوع بكون ما عندو أي طعم ..
أسه كورة الليلة دي نعمل فيها شنو ما عارفين ؟؟
الليلة في ندوة
و المرة عايزة تمشي عند أهلها
و أهلها ما ناس كورة
الدبارة كيف يا عمكـ ؟؟ نعمل شنو نخلي شنو ؟؟
|
Post: #41
Title: Re: لكن ما بالغت يا ميسي !!!!!!!
Author: وليد عبد اللطيف
Date: 03-24-2010, 09:42 AM
Parent: #39
Quote: ألخ
التطور الكروي في النهاية بيعتمد على الفكر الإداري و ده النحن متخلفين فيهو جداً ..
أيوة الصحافة الرياضية ليها دور لكن ليس بتلكـ الأهمية ..لن ينصلح حال الرياضة في السودان ما لم ينصلح حال إدارات الأندية |
فعلا اخي خالد
وهذا الكلام الذي نبحث عنه
وقبله لازم ينصلح حال البلد والاستقرار
وربنا يصلح الحال
|
Post: #42
Title: Re: لكن ما بالغت يا ميسي !!!!!!!
Author: عبد اللطيف بكري أحمد
Date: 03-24-2010, 05:16 PM
Parent: #41
Quote:
عليك الله ياعبداللطيف اليوم الاربعاء الساعة 10 مساء بتوقيت مكة
خت ليك كباية شاي واقعد قدام التلفزيون واستمتع بمباراة برشلونة واساسونا |
عصام ياحبيب ليك التحايا،،
الكورة انا بحضرها عند نسيبي وهو مدريدي متعصب وأولادو في التليفون مسجلم
راؤول ، وهيغوين ، والمكجنو داك مسميهو غوتي ولا ديارا ماعارف!!
المهم المباراة الفاتت لما البارشا جابت 3 نام وسب وسخط : دا ما بشر دا
دا alien وماعارف ايه عن ميسي :
قلت لولدو (راؤول - دا طبعا اصغر زول) ، ابوك دا كج وأخير تخلي نايم،،
وفعلا : (سر القشطة) جابو هدفين وماشين على الدرون ،، راؤول ما قدر يستحمل
يابوي الجماعة حيتعادلو : صحى مخلوع : أيوا ، أنا صاحي ،،
ميسي مسك الكورة خلط الجماعة : تاخ : ضربة جزاء،،
ياولدي انا ملقلت ليك ابوك دا خلي نايم،،
الدوري الاسباني فعلاً يقصر علينا الغربة ياناس،،
بس الريال هو بطل الليغا ولا جدال في ذلك،،
خالد تعال احضرا معانا في البرنابيو (بيت ابو النسب)،،، هههههه!!!
|
Post: #43
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 05:59 PM
Parent: #42
| Quote: خالد تعال احضرا معانا في البرنابيو (بيت ابو النسب)،،، هههههه!!! |
يا زول رتبت الأمور كويس ...
قبيل وديت المدام و قلت ليها أهم حاجة شيلي معاكـ كرت الجزيرة الرياضية ..
بعدين نسيبي الأيامات دي عندو ولدين ممتحنين شهادة سودانية و هو أصلاً محاضر لغة إنجليزية و ضافرهم ليك حصص إنجليزي لمن كرهوا روحهم زاتو يعني ما فاضي لي الليلة
أنت تعال أحضر معاي الكلاسيكو بعدين !
|
Post: #44
Title: Re: لكن ما بالغت يا ميسي !!!!!!!
Author: خالد عبد الله محمود
Date: 03-24-2010, 06:07 PM
Parent: #41
| Quote: وقبله لازم ينصلح حال البلد والاستقرار |
أراه حلماً بعيد المنال يا صديقي !!
|
|