فرفشوا ... وأضحكوا مع الشعب المصري الشقيق على مبارك .....

أستلمت من أخ عزيز هذه الباقة من القفشات
اللطيفة عن حال مصر ... وأهلها....

الرئيس حسني مبارك بالطيارة قرر يرمي 100 جنيه
يفرح بها عائلة مصرية
قالت زوجته: خليهم خمسينتين وفرح عيلتين
قال ابنه: خليهم 25 وفرح 4 عائلات
قال كابتن الطيارة: يا عم أرم نفسك وفرح 70 مليون مصري.

------------ --------- --------- --------- --------- ----
علاء مبارك شارك في من سيربح المليون .....
وصل لآخر سؤال، السؤال: من هو أكبر حرامي في مصر ؟
طلب مساعدة صديق واتصل بأخوه جمال
رد عليه جمال: انسحب باللي كسبتوا وما تخسرش أبوك!!
------------ --------- --------- --------- --------- --

حسنى مبارك راح مدرسة ابتدائي فلماجت فترة الأسئلة ولد رفع ايده
مبارك سأله اسمك إيه ؟ قاله عبد السلام .. فقاله إيه سؤالك يا عبد السلام؟
عبد السلام: عندي 4 أسئلة
1. ليه انت رئيس بقالك 25 سنة؟
2. لسه معينتش نائب ليه؟
3. ليه ولادك ماسكين كل حاجة في البلد؟
4. ليه مصر حالتها الاقتصادية زفت وانت مبتعملش حاجة؟
ساعتها بالضبط رن جرس الراحة وبعد الراحة رجع مبارك وقال احنا كنا فين ياولاد؟
مين عنده سؤال؟
ولد صغير تاني رفع ايده فمبارك سأله اسمك ايه قاله عثمان حميدة فقاله سؤالك ايه يا عثمان؟
عثمان حميدة: انا عندي 6 أسئلة
1. ليه انت رئيس بقالك 25 سنة؟
2. لسه معينتش نائب ليه؟
3. ليه ولادك ماسكين كل حاجة في البلد؟
4... ليه مصر حالتها الاقتصادية زفت و انت مبتعملش حاجة؟
5. ليه جرس الراحة رن ربع ساعة بدري؟
6. وبعدين فين عبد السلام ؟؟؟؟؟؟ !!!!!
------------ --------- --------- --------- ------

مبارك: عارف يا ابليس ياخويا انا عاوز اعمل في الشعب المصري حركة تطلع من نافوخهم
أبليس: طب هات ودنك وخد الفكرة دي .... وش وش وش وش
مبارك: لا لا يا ابليس الفكرة دي مش نافعة عاوز حاجة أشد
أبليس: طب خد دي ...... وش وش وش وش
مبارك: لا لا برضه مش نافعة ايه ياابليس انت بقيت خرع كده ليه هات بقه ودنك وانااقولك انانويت اعمل فيهم ايه
وش وش وش وش وش
ابليس: اتقي الله يا راجل حرام عليك......

------------ --------- --------- --------- --------- -------

واحد واقف في زحمة المرور لقى واحد متطوع بيخبطله على شباك السيارة
فتح الشباك وسأله عايز ايه؟
قاله: الرئيس مبارك خطفوه والفدية 5 مليون دولار
ولو الفدية ماندفعتش .. الخاطفين هددوا يدلقوا عليه بنزين ويولعوا فيه
واحنا بنجمع تبرعات .. تحب تشارك؟
الرجل سأل: "وفي المتوسط الناس بتتبرع بكام"
المتطوع: "من 5 الى 10 لتر بنزين.
------------ --------- --------- --------- --------- ---
مبارك مد إيده في جيبه لقي 5 مليون جنيه !!
زعل قوي وخاف وقال: إيه الفلوس دي ؟!! الفلوس دي حرام؟
سأل أحد مساعديه فدله على طريق المرحوم الشيخ طنطاوي رئيس الأزهر
ما كدبش خبر وجري على طنطاوي وحكا له القصة
طنطاوي: 5 مليون بس .. إيه النزاهة دي؟
دي بسيطة خالص يا ريس ما تزعلش نفسك؟
كل اللي هتعمله حتروح تمشي بالأحياء الفقيرة،
كل ما تمشي 1 كيلو تتبرع بألف جنيه عن كل مليون جنيه وخلاص.
الريس راح يمشي، وهو ماشي لقي صفوت الشريف ماشي في نفس الشارع فقاله:
أنت بتعمل إيه هنا؟ أنت حتمشي كام؟
صفوت قاله 78 كيلو يا ريس.
الريس: يخرب بيتك؟!!! ده أنت نهبت البلد!!
صفوت: أنت جاي عليا وبتحاسبني؟ روح شوف علاء ابنك جايب موتوسيكل وبقاله 3 أيام ماشي بيه

------------ --------- --------- --------- --------- ----
حسني مبارك في سرير المرض وقاعد يلقي بوصاياه الأخيرة لوزيره احمد نظيف:
- وصيتك الحكم من بعدي يا احمد ...
- في رقبتي يا ريس ... كله تمام والسلطة هياخدهاجمال..
ثم راح في غيبوبة .. أفاق منها بعد قليل...
- وصيتك الشعب من بعدي يا احمد.
- ما تخافش يا ريس .. الشعب ياكل الزلط ...
ثم راح في غيبوبة .. أفاق منها بعد قليل....
- احمد ..
- نعم يا ريس؟
بس ما تنساش .. توكيل الزلط لعلاء
------------ --------- --------- --------- --------- ------
حسني مبارك بيخطب في الشعب
... كل شويه واحد يقوم ويقول ...
عاش حسني مبارك موحد الاديان ويقعد ..
يروح حسني مكمل كلامه وشويه ويقوم الراجل
... ويقول عاش حسني مبارك موحد الاديان ...
اتمسك من امن دوله وطاخ طاخ طاخ ..
قالوله ايه الي انت بتقوله ده ؟!!.... ازاي موحد الاديان ؟؟؟ .......
دي مصر فيها مسلمين ومسيحيين ويهود وطااااااخ ..
رد عليهم علشان كده يا باشا هوه موحد الأديان ...
علشان هوه اللي مكفرنا كلنا

------------ --------- --------- --------- --------- -----

واحد لقى الفانوس السحري ودعكه طلعله العفريت
و قالـــه: شبيك لبيك تطلب أيه ؟
قاله الراجل: أنا عايز كوبري بين القاهرة وأسوان
العفريت قاله: دي صعبة قوي .. شوف حاجه تانية
الراجل قاله: خلاص خلي حسني مبارك يسيب الحكم
العفريت قاله: أنت عايز الكوبري رايح جاي ولا رايح بس؟
------------ --------- --------- --------- --------- -

إخبرني بصراحة يا نظيف ولا داعي للمجاملة أو النفاق.
نظيف: أمرك يا ريس
الريس: أنا الأفضل ولا عبدالناصر؟
نظيف: انت طبعا يا ريس .. جمال مين دا اللي كان بيخاف من الروس!!
الريس: طيب أنا الأفضل ولا السادات ؟
نظيف: سادات مين دا ياريس اللي كان بيخاف من الأمريكان!!
الريس: طيب أنا الأفضل ولا عمر بن الخطاب؟
نظيف: انت طبعا يا ريس .. عمر بن الخطاب كان بيخاف من ربنا.....!!!