|
Re: التدشين الرسمي للموقع الالكتروني لحملتي الانتخابيه (Re: وليد محمد المبارك)
|
بالتوفيق إن شاءالله
عمل جميل و جداً و فيه كل المعلومات اللي مفروض كل مواطني الدائرة إعرفوها عن المُرشح
و لو كان الموقع دا ظهر بدري شوية كان إكون أفضل علشان إشوفوهو كتيرين و أفتكر فيه
أشياء ممكن تأثر في رأي كتير من الناس المجهجهين عندهم صوت لكن ما عارفين إدوهو لي منو
التركيز على الشباب مهم
المساعدة من الإخوان مطلوبة علشان تصل لي هدفك
و الحمد لله الواحد مطمئن لي أفكارك و أرآك
و كدا أنا عن نفسي إطمأنيت لي إنو في مستقبل فعلاً لي سودانا
من كل قلبي بتمنى ليك التوفيق
و الله ما حا نقصر معاك لأنك فعلاً بتحمل كل أمنياتنا و آمالنا
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: جلال جبريل)
|
مرحب جلال جبريل يديك العافية
موقع المفوضية مليان معلومات لكن ما مرتب وما واضح وصعب جدا انك تبحر فيه
مشكلتهم بنوا استراتيجيتهم على الملفات ما على قواعد البانات وده مشكلة لانها بتريح المطورين والمصممين لكنها بتتعب الزبون ومن يبحر في الموقع
دي مشكلة قسم تقنية المعلومات في المفوضية اولا و ثانيا من صمم الموقع لانه المعلومات دي كلها يفترض انها تكون في قواعد بيانات وسيرشبل موش في PDF files
,]d
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: محمد كابيلا)
|
موقع جميل يا وليد وبالتوفيق
................. تواصل مع سكان الدائره..كل الدائرة-ما ناس الحله الجنبك بس,ولا تعتمد على الموقع كل الإعتماد..الإنتخابات ليست إسفيرية..لازم تمشى وتتكلم مع الناس بنفسك..عشان كدة درب نفسك على الخطابه(ما بأسلوب الجماعة الطيبين),عشان الناس أصابها الملل والقرف منو,وعارفين أنو ده إستهبال. وبعدين ياوليد عمرك ما توعد الناس بحاجة ما بتقدر تنفذها,يعنى الحاجات الى بكون القرار فيها عند ناس تانين.مثلا ممكن توعد الناس بأنك حتحفر مجرى لتصريف موية المطره,لأنك ممكن تجمع شباب الحى (نفير) لكن ماتوعد بأنك حتعمل كبرى,لأنو مهندس البلديه ما بتقدر تعمد عليه لتنفيذ وعودك.. أتمنى ليك التوفيق وتذكر ناس دائرتك ,بغض النظر عن إختلافتهم..والله يديك الصبر...
.................
طلعت فاره ..فى زول براهو يشيل نفسو هم قدر ده?
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: محمد أبوالعزائم أبوالريش)
|
يسمحوا لي الاخوان ارد على الهادي ودكتور بله لانهم فتحوا موضوع هام يجب الرد عليه
السبب الرئيسي لترشحي كما قلت سابقا يالهادي وبله هو التوعية والتنبيه والتغيير
التوعية لجيلي بان هذا وقتهم ومفروض يتتقدموا ويستلموا مهامهم وقلت قبل كده اعلم يقينا انه هنالك من هم افضل مني واكثر ملائمة لهذا الامر احجمهم الخوف او عدم الثقة او فقدان العشم
التنبية للاخرين باننا هنا جيل جديد يتشكل ويتخلق ومصر على استلام مسولاياته كاملة ولا يرضى بدور المتفرج يمارس ولا يمارس فه
التغيير ما حق اوباما ومن بين ذلك انه العملية الدمقراطية مشاركة ما منافسة نتشارك المنافسه عشان نفيد المواطن
يا دكتور بله والهادي انا قاعد في السودان وشايف التعتيم الممارس للانتخابات مافي زول عارف اي حاجة خلاف عن المترشحين للرئاسة المعلومات البرفع فيها دي غير مجمعة في مكان واحد لاهل دائرتي بتاتا وعشان تكون في عملية انتخابية تؤدي لدمقراطية حيقية يجب تمليك المعلومة كاملة للناخب الدولة او الاحزاب او بقية المرشحين ما قاموا بالامر ده مفروض يقوم بيه زول
شخصيا حا اقوم بيه في نطاق دائرتي ولو كان توفرت لي تفاصيل بيانات منافسيني كاملة سانشرها ولا الوي علي شي والمنتخب هو البحكم وبيناتنا البرنامج والسيرة الذاتية والتواصل الاجتماعي الخارجي
وهسع دي دعوه بقدمها لمنافسني الباقين جيبوا معلوماتكم وستنشر في الموقع بدون حزف او سنسرة
خالص الود
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: ارصد محمد جلال)
|
Quote: التوعية لجيلي بان هذا وقتهم ومفروض يتتقدموا ويستلموا مهامهم وقلت قبل كده اعلم يقينا انه هنالك من هم افضل مني واكثر ملائمة لهذا الامر احجمهم الخوف او عدم الثقة او فقدان العشم
التنبية للاخرين باننا هنا جيل جديد يتشكل ويتخلق ومصر على استلام مسولاياته كاملة ولا يرضى بدور المتفرج يمارس ولا يمارس فه
التغيير ما حق اوباما ومن بين ذلك انه العملية الدمقراطية مشاركة ما منافسة نتشارك المنافسه عشان نفيد المواطن |
من غيرنا يعطي لهذا الشعب معنىً أن يعيش وينتصر من غيرنا ليُقرر التاريخ والقيم الجديدةَ و السِير من غيرنا لصياغة الدنيا وتركيب الحياةِ القادمة جيل العطاءِ المستجيشُ ضراوةً ومصادمة المستميتُ على المبادئ مؤمنا المشرئبُ إلى النجوم لينتقي صدر السماءِ لشعبنا جيلي أنا... هدم الُمحالاتِ العتيقة وانتضى سيفَ الوثوقِ مُطاعنا ومشى لباحات الخلودِ عيونهُ مفتوحةٌ وصدوره مكشوفةٌ بجراحها متزينة متخيراً وعر الدروب.. وسائراً فوق الرصاص منافحا جيل العطاءِ لك البطولاتُ الكبيرةُ والجراحُ الصادحة ولك الحضورُ هنا بقلب العصر فوق طلوله المتناوحة ولك التفرّد فوق صهوات الخيول روامحا جيل العطاء لعزمنا ... حتماً ُيذلُّ المستحيل .. وننتصر وسنبدعُ الدنيا الجديدةَ وفقَ ما نهوى ونحمل عبءَ أن نبني الحياة ونبتكر
ـــــــ موقع بسيط وجميل ومجهود مقدر
بالتوفيق يا وليد ..
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: تيسير عووضة)
|
Quote: من غيرنا يعطي لهذا الشعب معنىً أن يعيش وينتصر من غيرنا ليُقرر التاريخ والقيم الجديدةَ و السِير من غيرنا لصياغة الدنيا وتركيب الحياةِ القادمة جيل العطاءِ المستجيشُ ضراوةً ومصادمة المستميتُ على المبادئ مؤمنا المشرئبُ إلى النجوم لينتقي صدر السماءِ لشعبنا جيلي أنا... |
بالتوفيق ياوليد
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: وليد عبد اللطيف)
|
** أبو محمد ود محمد المُبارك.. ** صباحك خير.. ** موقع مُتميز ,, ومجهود رائع ,, ولكن تحركك الميدانى هو المُهم ,, ياحبذا لو وزعت بورشورات بالموقع بمحلات تقديم خدمة الإنترنت فى نطاق دائرتك .. ** مع التوفيق بالنجاح وفعلاً إنها مرحلة التغيير .. (ودام الود بين الجميع) (ابو محمد فؤاد - دبى) - الماكيكى..
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: تيسير عووضة)
|
ازيك يا وليد .. في البدء بالتوفيق .. و نوريك عملنا شنو في الاول و بعدين الملاحظات ..
.. ..
تم ارسال اللنك الي المجموعات الاتية .. * مجموعة Sami-El-maghrabi و عضويتها ( 4288 عضو ) .. اعمار اكثر من 50% من العضوية يتراوح بين 25 - 34 .. و تمثل الفئة العمرية دي من مجموع العضوية الكلي حوالي 14% اناث و 39% ذكور .. * صفحة الفنانة Rasha و عضويتها اكثر من ( 1700 عضـو ) .. اغلبهم من فئة الشباب .. * صفحة SNTM وعضويتها اكثر من ( 7000 عضو ) 90% من فئة الشباب .. بالتعاون مع الاخ رشاد النميري ..
قمت بعمل لنك مباشر للموقع علي صفحة سامي و صفحة رشا كما توضح الصور
المشكلة يا وليد انه الناس بعد ما تدخل الموقع محتاجين تواصل معاك .. انا بقترح عمل صفحة في الفيس بوك و صفحة في الـ Twitter .. و تعتمد فيها علي الفيديو .. اضافة لقناة علي اليوتيوب و كلها انا مستعد اديرها ليك .. و لو في منتدى بسيط او اي طريقة ممكن الناس تتواصل معاك بيها يكون احسن .. لكن الحاجة المفروضة تختها في بالك انك مستهدف فئة معينة في منطقة جغرافية معينة .. عشان كدا بقترح عليك انه تطبع اللنك بتاع الموقع و توزعه في الدكاكين الفي الرقعة الجغرافية بتاعتك .. او تقيف انت بنفس في اشارة و توزع اسم الموقع للناس .. و تستعين بالشباب لادارة حملة علي مستوى الدائرة .. بالاضافة لانه ممكن تخصص يوم ذي يوم الجمعة تمشي للناس في بيتهم .. شوف ليك كم شاب كدا معاك .. و ادخلوا البيوت سلموا علي الناس ..
.. ..
لكن برضو ما حتفوز يا وليد انت زول عارض ..
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: osman righeem)
|
وليد
شغلك نضيف
عندي ليك وصية ركز علي الشباب ابدا من الفرد واولاد الحلة وبنات الحلة يعني اعمل ليك فريق عمل مصغر وحاول اعملوا اجتماعات مصغرة لادارة الحملة وتوزيع المهام وركز علي اخر يوم للحملة الانتخابية لانه ليهو دور كبير وكتر من الملصقات لانه هي الفيصل للمترددين والمستقلين وهم كثر
وبالتوفيق
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: humida)
|
حميده يا فرده ياخ
انا عندي نظرية بتقول اي زول جزمته نضيفه مخو نضيف
يديك العافية ياخ .. ياخ اي حاجة كويسة ممكن تتعمل اعملها موكلك توشك فكرة الفديو دي حلوه ( انور كنق ما يقوم يشتكيني ) لكن حقو نلعبها باحترافية بمعنى منتاج وكده اهو كلها في الاخر برامج
كدي خليني اعمل سامبل واشاورك فيه
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: احمد محمد بشير)
|
شوف يا سيد المرشح هلا هلا على الجد والجد هلا هلا عليهو انا طالبك كتاب دوبيت .. صح الكلام ده ولا غلط ؟
أها ده الوقت الفيهو الحساب ولد لو جبت لي الكتاب في خلال 27 ساعة بتلقى مني كل الدعم والمؤازرة ضد الخونة والعملاء والمرتزقة كمان :) ولو قعدت تلف وتدور انت ما زولي في المعركة دي .. وطوالي توريني اقوى منافس ليك في الدائرة عشان أقيف معاهو ضدك وضد كل الخونة والعملاء والمرتزقة
كلامى ده إبتزاز واضح وصريح الكتاب مقابل الدعم
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: الفاتح الجنيد)
|
Quote: كدي خليني اعمل سامبل واشاورك فيه |
انت اعمل الفيديو و انا بعمل ليك مونتاج في قناة الجزيرة ما في ذيو .. المهم تكون متهندم .. يا انك تكون لابس رسمي .. يا تكون لابس جلابية و عمة .. و الاضاءة تكون ممتازة جدا .. و تعمل ليك فيديو مع اولاد الحلة ( قعدة مسطبة ) كدا تخلي الشباب يتكلموا عن المشاكل بتاعت الشباب .. ممكن تستعين بســوباجو ( محمد البشير - عضو المنبر ) .. في المسالة بتاعت التصوير دي .. و برسل ليك تلفونه في الخاص .. ( صاحب ناذر شديد ) . و ساكن قريب منك في العاشرة .. بعد رسلها لي الخام و انا بعمل ليك المونتاج و يترفع في قناة مخصصة ..
.. ..
التجربة بتاعتك دي لو اتعاملنا معاها بجدية بتدينا كلنا خبرة كويسة .. بس محتاج نتواصل اكتر .. شوف ليك اسكاي بي و لا ماسنجر ..
| |
|
|
|
|
|
|
Re: التدشين الرسمي للموقع الالكتروني لحملتي الانتخابيه (Re: humida)
|
مع اني ما بدور الاسكاي بي ده لكن هسع بعمل ليه داون لود
بالنسبة للجدية انا جادي جدا يا حميده .. ممكن اعمل ليك التسجي ل مع اولاد الحلة على مستوين واحد يوم الجمعة في الحلة ونادي المهدية المساء الشباب كلهم بكونوا هناك ونسة وكشاتين وشاي والجو بكون مناسب التاني اقتراحي انه يكون بكره الاربع مع الشباب في الدافوري الدافوري شغال ونجيب واحد منهم مترب ومغبر يتكلم والخلفية الدافوري شغال
انا تسجيلي حا يكون في مكان مقفول عشان الصوت والاضاءة
نرسلهم ليك وانت عمل منهم التلاته حاجة
كيف معاك كده
| |
|
|
|
|
|
|
|