عشريــن سنــة

عشرين سنة المشروع حقيقته مصابة
وعشرين سنة ما بين لصوص وعصابة
وعشرين سنة الناس هايمه وضهبانه
وعشرين سنة ام شعيفه هاريا كلانا
وعشرين سنة خلانا مو خلانا
وعشرين سنة لا محاريت لا فواريك لا الهندسة العاجبانا
وبعد عشرين سنة روينا والهدف أكلوا عشانا
وبعد عشرين سنة لباساً تحت العروض عريانا
وبعد عشرين سنة ادوبلنا واتسرطنا ومكسرنا شال عميانا
وبعد عشرين سنة اولادنا عاطلة وشهادات ضربانا
وعشرين سنة ختف ولفح وكروش طافحه ملانا
أوقت الحق نطق واتحللت اعصابا
سبعة ليال بس ود يوسف أضع الأمور في نصابا

ود يوسف و عبدالله محمد أحمد يجب ان يتحدا ضد الكيزان
وجزيرة بلا فئران

يا مولانا،
العشرين سنة مالا؟؟
في صراصر سووا ليكم مهبط للهليكوبتر،
بكاكم صوانيه تجي من الغراند أوتيل ،
جنايزكم تجي من الخرطوم
بي إسعاف سايقه لوا
لوا وكمان لوا مهندس.
اها إنت خلاص بفيت معانا؟
قلبت من الحوش رجعت لي صراصر؟؟
ألف مبروك مقدماً لود يوسف،
ود يوسف الحقَّ شيخ يوسف،
تحياتي لكما.