Post: #1
Title: الاخوة الشيوعيين بالمنبر .. هل تصلون حاليا ؟
Author: عبدالله محمد احمد بلة
Date: 03-20-2010, 08:10 AM
العنوان شكلو فيهو اخطاء نحوية ...
وفي بوستات كدة بتكون مهيأة "للبلع" قبل ان تبدأ ...
ومع ذلك ساستمر
فاذا كان رأس الحزب للسؤال مجاوبا بصراحة
فشيمة اهل الحزب كلهم الصراحة
الاخوة الشيوعيون بالمنبر :
محمد هشام الجزولي
عاطف مكاوي
خدر
ابوساندرا
وبقية الشيوعيين بالمنبر ..،
هل تقيمون الصلاة حاليا ؟
|
Post: #2
Title: Re: الاخوة الشيوعيين بالمنبر .. هل تصلون حاليا ؟
Author: محمد الجزولي
Date: 03-20-2010, 08:20 AM
Parent: #1
النتأكد في الأول من الأسم ده بشكلو ده !
|
Post: #4
Title: Re: الاخوة الشيوعيين بالمنبر .. هل تصلون حاليا ؟
Author: عبدالله محمد احمد بلة
Date: 03-20-2010, 08:32 AM
Parent: #2
الاخ محمد الجزولي :
تحياتي ..
محمد هشام ده واحد تاني غيرك بس طالما وصلتنا هنا ما بنرجعك ساي
اها انت وصلت مرحلة صلاة الاصالة ولا لسع في صلاة التقليد ؟
|
Post: #5
Title: Re: الاخوة الشيوعيين بالمنبر .. هل تصلون حاليا ؟
Author: محمد الشيخ أرباب
Date: 03-20-2010, 08:34 AM
Parent: #2
Quote:
مرشح دائرة حلفا ..! (ما يهمناش اذا كان مهمد ساله شيوعي أو أزهري!! لأننا أساساً حنرسلو للخرطوم عشان يدخل البرلمان مش الجامع الكبير..)!ا |
|
Post: #3
Title: Re: الاخوة الشيوعيين بالمنبر .. هل تصلون حاليا ؟
Author: Faisal Mohammed Abdalla
Date: 03-20-2010, 08:27 AM
Parent: #1
فى الاول كدى جاوبنا إنت
هل حصل زنيت ؟
هل حصل سرقت؟
هل حصل كذبت؟
هل حصل قطعت فى زول؟
هل حصل ظلمت زول أو شاركت أو أيدت ظالما أو سارقا أو قاتلا؟
|
Post: #6
Title: Re: الاخوة الشيوعيين بالمنبر .. هل تصلون حاليا ؟
Author: عبدالله محمد احمد بلة
Date: 03-20-2010, 08:42 AM
Parent: #3
الاخ فيصل : تحياتي
اسئلتك دي فيها مصادرة لمهام منكر ونكير باعتبارها تدخل في اطار الوصف الوظيفي لهما
بس السؤال عن الصلاة اجاب عنه رئيس الحزب شخصيا ودي تشكل سابقة تجعلنا نتجرأ لنسأله لبقية اعضاء الحزب
|
Post: #7
Title: Re: الاخوة الشيوعيين بالمنبر .. هل تصلون حاليا ؟
Author: محمد الجزولي
Date: 03-20-2010, 08:43 AM
Parent: #3
| Quote: اها انت وصلت مرحلة صلاة الاصالة ولا لسع في صلاة التقليد ؟ |
وبماأنك من كوستي فأكيد عارف الفولة وقشرتها !!
لكن أنصحك بعدم السلك في هذا الدرب معي !!
فهو لك علقماً لا تستطيع معه صبرا ..
وتجنب القفز كفرقع لوز حتى تحافظ على (عضام الرقبة) !
|
Post: #8
Title: Re: الاخوة الشيوعيين بالمنبر .. هل تصلون حاليا ؟
Author: Abureesh
Date: 03-20-2010, 08:47 AM
Parent: #3
الأخ عبدالله،
أولا يسرنى أن أبشرك أن لا أخطاء نحوية فى العنوان: الأخوة الشيوعيين بالمنبر.
فتستطيـع القول "الأخوة الشيوعيين" أو "الأخوة الشيوعيون" الإتنين صاح
"الأخوة الشيوعيين" أصلها "الأخوة (أخص) الشيوعيين" إذاً فيها تخصيص وهى بذلك أبلغ لغويا من "الأخوة الشيوعيون"
بالنسبـة للسـؤال فأنا أفترض أى زول يقرأ البوست (حتى أنت) لا يصلى حالياً.. ولا يتوضأ ولا يحج ولا يذهب
للمسجـد ولا لصلاة العيـد حاليـاً.
والله يا أستاذ نقـد..
ما فضل إلا يقول لينا ولى فى الأرض ما ليس لله فى السمـاء (والبقرة خير من الله)
|
Post: #9
Title: Re: الاخوة الشيوعيين بالمنبر .. هل تصلون حاليا ؟
Author: عبدالله محمد احمد بلة
Date: 03-20-2010, 09:29 AM
Parent: #8
الاخ محمد الجزولي :
تحياتي
انت عارف الجمهوريين ديل عندي (منطقة عسكرية) ممنوع الاقتراب او التصوير ... اناكف كل تنظيمات الدنيا وايدولوجياتها(كدة صاح؟) .. الا الجمهوريين .. سألتك من باب المجاملة وقلت طالما جيتنا بالغلط ما نرجعك ساي ..
|
Post: #10
Title: Re: الاخوة الشيوعيين بالمنبر .. هل تصلون حاليا ؟
Author: عبدالكريم الامين احمد
Date: 03-20-2010, 09:35 AM
Parent: #9
انتو بكري ده عمل عضوية لنكير واحنا ما جايبين خبر ولاشنو..؟؟
|
Post: #11
Title: Re: الاخوة الشيوعيين بالمنبر .. هل تصلون حاليا ؟
Author: محمد عبد الماجد الصايم
Date: 03-20-2010, 09:36 AM
Parent: #9
هنيئا للإخوة الشيوعيين هذا البوست المقنّطر!
|
Post: #12
Title: Re: الاخوة الشيوعيين بالمنبر .. هل تصلون حاليا ؟
Author: بريمة محمد
Date: 03-20-2010, 09:39 AM
Parent: #11
الأخ عبدالله
فى البداية وضح للقارئ الكريم .. هل نقد قاعد يصلى أم لا؟
بريمة
|
Post: #16
Title: Re: الاخوة الشيوعيين بالمنبر .. هل تصلون حاليا ؟
Author: عاطف مكاوى
Date: 03-20-2010, 10:10 AM
Parent: #11
العزيز عبداللة (ودكوستي الجميلة)
تحياتي
أولا :
نشكرك علي نقلك المباشر لفعاليات الحزب الشيوعي بمدينة كوستي والتي ذكرت فيها
أن الميدان كان مليئا لدرجة أنك لم تجد فيه مكانا لتجلس عليه...فشكرا لك ولجماهير
كوستي الصامدة لاستقبالها الرائع هذا للقائد الفذ الأستاذ/محمد ابراهيم نقدوالوفد المرافق له.
ثانيا :
قلت أن الأستاذ كان صريحا... وهذه محمدة أظنك تتفق معي فيهااذ أنه وان أرجعناها للأحاديث
النبوية نجدها خصلة تضع صاحبها مع زمرة (المؤمنين) أكثر من زمر (العابدين الكاذبين)
اذ أن الحديث يقول فيما معناه أن المؤمن يمكن أن يسرق ويزني و...و... ولكنه (لا يكذب).
وقال الصحفي القدير مصطفي عبدالعزيز البطل في احدى مقالاته المقروءة التالي :
Quote:
لفت نظرى ما ذكره ملاسى عن زميل دراسته بحنتوب القائد الشيوعى محمد ابراهيم نقد،
فقد أشار الى ان نقد كان يتمتع بصوتٍ رائقٍ بديع وكان غناؤه شجياً. وقد عدّد صاحبنا
بعض الاغنيات التى كان نقد يغنيها. وإفادات ملاسى عن ملكات نقد الغنائية تعضدها عندى
أسانيد قوية. فأنا اذكر جيداً أن خالتى الاستاذة سعاد ابراهيم أحمد كانت قد ذكرت لى
شخصياً قبل ما يقرب من عقد ونصف من الزمان أنها، وزوجها الراحل المرحوم حامد الانصارى،
قضيا شهر العسل بعد زواجهما فى منتصف الستينات بفندق ملحق بنادى الجزيرة بمدينة مدنى.
وأضافت سعاد أن الاستاذ محمد ابراهيم نقد زارهما فى منتجعهما العسلى، وكانت هديته
للعروسين ان غنى لهما على مدى ليلة كاملة، بصوته العذب المتفرد، عدداً من أغنيات الحقيبة.
وكانت بعض المصادر قد اذاعت فى زمنٍ مضى أن الاستاذ نقد كان إبان أسره عقب انقلاب الانقاذ
فى العام 1989 قد أمّ للصلاة داخل سجن كوبر فى عددٍ من المرات السيدين الامام الصادق المهدى
والمرشد محمد عثمان الميرغنى. ولكن الذى لم تذكره المصادر هو انه غنى لهما أيضاً، من قبيل
دفع الغم وتفريج الهم، وهم حبوسٌ بغرفتهم المشتركة الخاصة داخل السجن. وبذا يكون نقُد أول
إمامٍ فى الاسلام يؤم المصلين ثم يغنى لهم، فاستحق عن جدارة لقب "الامام المغنّى". ويقال ان
السيدين طربا لاغنية " قدلة يا مولاى حافى حالق / بالطريق الشاقيه الترام" أيما طرب، وان
السيد الصادق المهدى، كان يؤازره باعادة ترديد المقطع الاخير من كل كوبليه، بينما اكتفى
الميرغنى بالاستحسان. |
http://www.sudaneseonline.com/ar1/publish/article_6273.shtml
وما ذكره الأستاذ البطل وما سمعته من آخرين يجعلني أقول أن الأستاذ نقد رد علي السؤال
الذى أراد سائله به احراجه في أنه في تلك اللحظة أو تلك الأيام (لا يهم) مقصرا في آداء
شعيرة الصلاة.... وهذا يعني لي بأنه (مصليا) ولكنه مقصرا في تلك اللحظات أو تلك الأيام.
وبالطبع كان من المفروض أن يرفض السؤال كما ذكر الكثيرون هنا... ولكنه آثر الاجابة التي
لا أعتقد أنها ستخصم من رصيده السياسي كثيرا بل من الممكن أن تضيف لمعرفة الجماهير له
عن صدقه (صدقا)..... فقد كانت سلاحا ذو حدين.... الحد السالب فيها هو (توقيت القول).
* أما عن نفسي وباعتبار أنك ذكرت اسمي من ضمن الذين ترغب في أن يجيبوك علي سؤالك :
فأقول لك بأنني سألتقيك يوما اذا أمد المولي في أعمارنا وستعلم لأنني كثيرا ما أذهب
الي كوستي حيث أهلي هناك....(آل المنصورى).
|
Post: #13
Title: Re: الاخوة الشيوعيين بالمنبر .. هل تصلون حاليا ؟
Author: عبدالله محمد احمد بلة
Date: 03-20-2010, 09:40 AM
Parent: #9
الاخ ابو الريش :
تحياتي
اشكرك جدا علي تصحيح العنوان
اذا كانت اجابة الاستاذ نقد علي السؤال تعتبر فاجعة باعتبار ان السائل ( لا ينعقد له الاختصاص) لمثل هذه الاسئلة (باعتبارها اسئلة حصرية لمنكر ونكير)
فأن محاولة الشيوعيين ايجاد تفسير(باطني) لكلمة(حاليا) تعتبر في نظري فاجعة اكبر
بالله يا ابو الريش حاول تكتب لينا بوست عن التشابه بين الصوفية والشيوعية بالسودان .. انا من زمان عندي احساس ان الحزب الشيوعي السوداني ده ما هو الا نسخة مطورة ومنقحة من الطرق الصوفية
|
Post: #14
Title: Re: الاخوة الشيوعيين بالمنبر .. هل تصلون حاليا ؟
Author: فيصل محمد خليل
Date: 03-20-2010, 09:54 AM
Parent: #13
نعم فوراً
خمسة دقائق و حنكون عندك
|
Post: #18
Title: Re: الاخوة الشيوعيين بالمنبر .. هل تصلون حاليا ؟
Author: محمد كابيلا
Date: 03-20-2010, 10:15 AM
Parent: #13
هل هذا السؤال
من دائرة إختصاصك !!؟؟
إذا كان الإجابة بلا يبقى شوف غيرها
أما إذا كان الإجابة بنعم يبدو كما
قال كيكى أن العضوية أصبحت تعطى لـ ..
|
Post: #15
Title: Re: الاخوة الشيوعيين بالمنبر .. هل تصلون حاليا ؟
Author: محمد الجزولي
Date: 03-20-2010, 09:58 AM
Parent: #9
| Quote: انت عارف الجمهوريين ديل عندي (منطقة عسكرية) ممنوع الاقتراب او التصوير |
وانت عارف انا عكسك تماماً .. عندي الأنسانية برمتها منطقة عسكرية بممنوعاتها .. إضافة عليها .....
ممنوع التفتيش في الضمائر والتلصص على عبادات البشر شكلياً ومضموناً ..
ممنوع أسئلة البشر أسئلة تتدخل في معتقداتهم وإماناتهم وحريتهم العقائيدية وعلاقة بخالق نشترك فيها كلنا العباد الصالحين والغير
ولا أحد يستطيع ان يُجزم انه الفائز !! ..
ممنوع أسئلة البشر في صلواتهم بمختلف طرائقها من شخص مثلهم يشاركهم الأرض وعنصر و عليه ان يعمل لما أمن به والله السائل الأوحد ..
وبرباك هل تعتقد بالتدخل في خاصية الرب وعباده
| Quote: اناكف كل تنظيمات الدنيا وايدولوجياتها |
مناكفتك كده لَبّعك كيف ياللخو ؟!!
فاقف مع نفسك للحظة ياأنارك الله ..
ــــ
ومجاملتك طاعمة لكن !
|
Post: #19
Title: Re: الاخوة الشيوعيين بالمنبر .. هل تصلون حاليا ؟
Author: محمد عبد الماجد الصايم
Date: 03-20-2010, 10:17 AM
Parent: #17
غايتو يا بلة .. لو ما رشيت بريمة دا
ح يقعد يحاحي ليكـ في البوست لمن تبلعو!
|
Post: #20
Title: Re: الاخوة الشيوعيين بالمنبر .. هل تصلون حاليا ؟
Author: عبد الحميد البرنس
Date: 03-20-2010, 12:21 PM
Parent: #19
الأخ عبدالله:
أتصور أن الصلاة، أية صلاة، هي علاقة خاصة بين الإنسان وبين ما يعتبره هذا الإنسان (مقدسا)، لكن الإشكالية تكمن غالبا وفق تصوراتي الخاصة كذلك في محاولة تعميم هذه العلاقة، بحيث يصبح وجودها، أودرجات كثافته، بمثابة معيار أومقياس لتحديد أهلية فر من الأفراد للقيام بوظيفة مجتمعية أوسياسية أوأخرى. تحياتي.
|
Post: #21
Title: Re: الاخوة الشيوعيين بالمنبر .. هل تصلون حاليا ؟
Author: محمد هشام
Date: 03-20-2010, 02:25 PM
Parent: #20
Quote: وفي بوستات كدة بتكون مهيأة "للبلع" قبل ان تبدأ ...
|
|
Post: #22
Title: Re: الاخوة الشيوعيين بالمنبر .. هل تصلون حاليا ؟
Author: عبدالله محمد احمد بلة
Date: 03-20-2010, 05:01 PM
Parent: #21
الاخ عاطف مكاوي :
شكرا للاجابة الراقية والوافية والمحترمة
آل المنصوري من العائلات الشهيرة بكوستي وساكنين قريب منا وانتظر لقائل بكوستي بأذن الله
|
Post: #23
Title: Re: الاخوة الشيوعيين بالمنبر .. هل تصلون حاليا ؟
Author: عبدالله محمد احمد بلة
Date: 03-20-2010, 05:09 PM
Parent: #22
الاخ : محمد هشام
تحياتي
البوست اصلا بوست انتحاري ومصمم خصيصا للبلع
بس انت جاوب علي السؤال كما جاوب رئيسك
|
Post: #24
Title: Re: الاخوة الشيوعيين بالمنبر .. هل تصلون حاليا ؟
Author: بشير أحمد
Date: 03-20-2010, 05:17 PM
Parent: #23
**
ان شاء الله بنجيك تاني بعد الزول ده يمشي(الهكر).
|
Post: #25
Title: Re: الاخوة الشيوعيين بالمنبر .. هل تصلون حاليا ؟
Author: Mustafa Mahmoud
Date: 03-20-2010, 05:54 PM
Parent: #24
الموهوم بشير احمد البطري
تتهمني بارسال ايميل نبذ لسعادتك
ما هي اهميتك كي افكر انا في ارسال ايميل لي واحد زيك
و اكرر
بشير البطري
اسمع دي
انا لا ارسل ايملات لامثالك من الكيزان ولا اعرف عنوانك
وانا لا اتشرف ان اتعامل مع من باع ضميرة للشيطان
احسن تمشي تفتش الزول الرسل ليك الايميل
وانا متاكدانو واحد من اصحابك بتوع الامن
و بالمناسبة انا عندي معلومات كفاية عن عمايل عيال قوش و محاولاتهم المستمرة في تهكير ايملاتي
و تاكد انا لن والف لا ارسل لك حتي التحية
فهمت و احسن تمشي تشوف ليك حمار تعالجو ولا نعجة تولدها
|
Post: #26
Title: Re: الاخوة الشيوعيين بالمنبر .. هل تصلون حاليا ؟
Author: محمد هشام
Date: 03-21-2010, 11:22 PM
Parent: #25
Quote: بس انت جاوب علي السؤال كما جاوب رئيسك
|
انت عارف انو واحدة من الحاجات البتميز الشيوعيين انو ما عندهم رئيس ؟
|
Post: #27
Title: Re: الاخوة الشيوعيين بالمنبر .. هل تصلون حاليا ؟
Author: قيقراوي
Date: 03-22-2010, 00:11 AM
Parent: #26
Quote:
فأن محاولة الشيوعيين ايجاد تفسير(باطني) لكلمة(حاليا) تعتبر في نظري فاجعة اكبر |
و الله يا بلدينا الا تشوف ابو الريش يخارجك بتفسير ( باطني ) من دي برضو 
غايتو لو الشغلة ما فيها ( إن ) و اسمها تكوجن لي بالاضافة دي ، كان افتينا ليك انو حكمه النصب ، و تبقى ( الشيوعيين ) تكنها صحيحة ، لكن دا ما المهم . . كدي شاور نفسك في حكاية ( الشيوعيين ) دي تاني !
يا اللخو ما سمعت بالتبعيض ؟
اسي في ي ي ي ذمتك دي ( الاخوة الشيوعيين بالمنبر ) كووووووووووولهوم الاعمى جا شايل المكسر و قاموا بمحاولة ( ايجاد تفسير(باطني) لكلمة(حاليا) ) ؟!
شفي يا راااااااقل !
هي محاولة انقلابية اصلو و لا محاولة ايجاد ساي ؟!
----------
ساكن وين في كوستي يا عُبد ؟
و يا مكاوي قرايبك ياتو ناس منصور . . ناس الفاتح خلف الله المنصوري ؟
كان ياهم ديل يبقى عبد الله دا يا ود جيرانا ، و لا يكون بصلبط ساي .
|
Post: #28
Title: Re: الاخوة الشيوعيين بالمنبر .. هل تصلون حاليا ؟
Author: عاطف مكاوى
Date: 03-22-2010, 00:30 AM
Parent: #27
Quote:
و يا مكاوي قرايبك ياتو ناس منصور . . ناس الفاتح خلف الله المنصوري ؟ |
المرحوم خلف الله محمد أحمد المنصورى جدى في (الحسبة) يا قيقراوى.
وهذا بيتا من عشرات البيوت التابعة (لآل المنصورى) بكوستي وكبيرهم جدنا المرحوم الشيخ المنصورى.
وبالمناسبة الاسم جايي من قريتنا المناصير المسماة علي الجد الأكبر (المنصور)
وهذه القرية لا علاقة لها بمناصير الشمال.... بل هي قرية بريفي المسلمية ... مركز الحصاحيصا (بالتسميات القديمة)
|
Post: #29
Title: Re: الاخوة الشيوعيين بالمنبر .. هل تصلون حاليا ؟
Author: سناء عبد السيد
Date: 03-22-2010, 00:38 AM
Parent: #28
الصلاة علاقة بين الرب و العبد ما بحاسبك على تركها غير رب العالمين
ميات الناس بصلوا الصلوات الخمس في الجامع و بزنوا و بسرقوا و بنموا ( من النميمة) صلاة للشوفانية
و لنيل المصالح , ماتدخل في حاجات ربنا دي عشان الله ما يسخطك الحاجات دي ما جوك و ما للسخرية و الهزل
لو عايز تسخر من الشيوعيين شوف ليك طريقة تانية غير الإستهتار بفرائض ربنا
|
Post: #30
Title: Re: الاخوة الشيوعيين بالمنبر .. هل تصلون حاليا ؟
Author: talha alsayed
Date: 03-22-2010, 00:42 AM
Parent: #28
الاخ عبدالله محمد احمد بلة
اسمح لى بسؤالين لك
1. لمن تصلى وان كنت تصلى لله هل لانسان اخر علاقه بذلك ؟
2. هل انتهيت من الفحشاء والمنكر ؟
قال تعالى: ان الصلاة تنهى عن الفحشاء والمنكر والبغي يعظكم لعلكم تتقون
كامل ودى
|
Post: #31
Title: Re: الاخوة الشيوعيين بالمنبر .. هل تصلون حاليا ؟
Author: awad hassan
Date: 03-22-2010, 00:49 AM
Parent: #28
بكرة حتماً إجينا راوي
الخبر أصبح حكاوي
في البيوتات والقهاوي
الشمارات بوخا لاوي
جنسوا الحلوف مساوي
إمكن الحلوف زغاوي
لا لا إمكن دنقلاوي
إمكن الحلوف حلاوي
اصلو عربي وجدو طاوي
البلد شبعت بلاوي
من حكاوي ومن فتاوي
لموا علماء الأتاوي
فتوة من بيت الكلاوي
لبسوا الحلوف دعاوي
قطعاً الحلو ف دا ناوي
علي المساجد والخلاوي
حلوف شيوعي وعطبراوي
جاي بي كمين ذريعة
جاي بأفكار مريعة
ضد قوانين الشريعة
مقطع من قصيدة حلوف التكينة وعلماء السودان
|
Post: #32
Title: Re: الاخوة الشيوعيين بالمنبر .. هل تصلون حاليا ؟
Author: جمال المنصوري
Date: 03-22-2010, 02:04 PM
Parent: #31
Quote: المرحوم خلف الله محمد أحمد المنصورى جدى في (الحسبة) يا قيقراوى.
وهذا بيتا من عشرات البيوت التابعة (لآل المنصورى) بكوستي وكبيرهم جدنا المرحوم الشيخ المنصورى.
وبالمناسبة الاسم جايي من قريتنا المناصير المسماة علي الجد الأكبر (المنصور)
وهذه القرية لا علاقة لها بمناصير الشمال.... بل هي قرية بريفي المسلمية ... مركز الحصاحيصا (بالتسميات القديمة) |
الأخ / عاطف مكاوي
تحية طيبة
لو بقي ليك علاقة بي ناس احمد التجاني، والمعتصم عبد الرحيم احمد، وازهري،، والجماعة بتاعين الحصا حيصا ، يبقي ليك علاقة بي مناصير الشمال، قول لي كيف، اوقل ليك الحكاية دي،،،
اولا الجماعة ديل جدهم جاي من ديم القراي،،، سمح..
في خلا ديم القراي والمنطقة الممتدة الي العلياب، يسكن مجموعة من المناصير الرحل، اصحاب الابل والشاة،، كويس...؟؟
اها في سنة 2003 كنت سائق حافلة حقتي اسمها (المنصورية 1) بين الخرطوم وعطبرة،، كويس ؟؟ اها كنت ماشي فاضي، ومقصدي اهلي في عطبرة،، كويس،، اها لمن جيت في الخلا الواقع بين كبوشية وديم القراي، لقيت ليك الارض دي مرشوعة جنس ناس، لمن تأمن،، منتظرين ليهم ترحيل،، اها اشروا لي ،، قمت وقفت،، حق الله بق الله ، ماشي وين، ماشي عطبرة، طيب يا خي وصلنا للعلياب،، كويس اتفقنا علي السعر، وركبوا الحافلة رجال ونساء،، اها في مرتين اتزاحمن عند الباب،، قوم واحدي قولي ( هوي انحن مناصير موقدين نار) اها اول مرة اشوف لي مناصير يتكلموا بي لهجة الجعليين،، ووشوهم دي ما شفتها قبل كدي في المناصير، من حدها لي حدها،، قمت سألتها، منصوريي من وين ؟؟ قامت قالت لي من مناصير الشمالية،، قلت ليها من وين في مناصير الشمالية،، قالت لي ماني عارفة الا جدي ده ممكن يوريك،، اها قمت سألت جدها، جدها ده عمرو 70 سنة، انتو من وين يا حاج ؟؟ قال لي انا من بيت البكوري، بي تعرفو؟؟ قلت ليهو بالحيل يا حاج، خليفة البكوري بي تعرفو ؟؟ قال لي ده خالي لزم،، قمت قلت ليهو خليفة ده ، جدي ابو امي خالو لزم ؟؟ الراجل طلع قريبي، اها سألتوا : انتز جيتو من وين وماشين لا وين، قال لي انا من يوم ما جيت الدنيا دي ساكن هني في الخلا الليل الزيداب ده، والناس ديل كلهم مناصير، ونحن جايين من عرس هولنا هني في ديم القراي,,, اها قمت سألتو بحكم معرفتي بالمعتصم عبد الرحيم امد المنصوري، قلت ليهو يا حاج داير اسألك سؤال: بي تعرف ناس المنصوري بتاعين الحصا حيصا، قال لي بالحيل، قلت ليهو ديل ليهم علاقة بي مناصيرنا،، قال لي بالحيل، جدهم منصوري مننا، وجدهم الكبير جاء من المناصير واتزوج من ديم القراي ده ، وبعداك واحد من ولادو رحل لي الحصاحيصا...
اها الكلام ده انا بنقلو ليك علي زمة الراجل داك بي ضبانتو.. يبقي بعد ده تطقس وتجيب لينا خبر الكبار يا زول..
لك مودتي
|
Post: #33
Title: Re: الاخوة الشيوعيين بالمنبر .. هل تصلون حاليا ؟
Author: amir jabir
Date: 03-22-2010, 03:42 PM
Parent: #32
يصلوا ما يصلوا ما تسال زول السؤال دة لأنو ربنا ما كلفك انته ولا غيرك بسؤال شخص انو بصلي وإلا لا , ماهى عقوبة تارك الصلاة هل هناك عقوبة فى الدنيا كقطع اليد الجلد الصلب ؟؟؟ بعدين انته مالك أصلا
توكيلا الهي ولا شنوا ؟؟
|
|