Post: #1
Title: الشرعيه الفكريه ..... دي جديده كرت
Author: أبو عبيدة البصاص
Date: 03-19-2010, 09:04 PM
.
.
.
.
في مجهر سونا الصادق المهدي ذكر فيما ذكر
من صفات سمى بها نفسه في مواجهة المد الانتخابي
انه يملك ايضاً الشرعية الفكرية ..
كيفن يعني الشرعية الفكرية
الناس ديل كلهم بعد ما أدوك اصواتهم ودخلت البرلمان
شالوا امخاخهم وختوها في الدولاب
الشرعية الفكرية
الاخوه الاحباب واحد يساعدنا بالشرح لانو التلاته الجابوهم
مساعدين للصادق ذاتهم زاقوا من النقطة بتاعت الشرعية الفكرية دي
لكن بالجد انا جيت متاخر الزول ابوكرفته ده منو ؟
بمناسبة الشرعية الفكرية
يلا ايدكم معانا
البصاص
|
Post: #2
Title: Re: الشرعيه الفكريه ..... دي جديده كرت
Author: emad altaib
Date: 03-19-2010, 09:14 PM
Parent: #1
ــــ
| Quote: لكن بالجد انا جيت متاخر الزول ابوكرفته ده منو ؟ |
سلام يا البصاص
يأخي إنت كنت وين في متنصف التسعينيات وفي عز جبروت الإنقاذ؟!
طيب :
الزول أبو كرفته معظم الجامعات السودانية بالخرطوم بتعرفه
وبالتأكيد تعرفه زنازنين النظام الغاشم مرات ومرات
عرفتو ؟
|
Post: #3
Title: Re: الشرعيه الفكريه ..... دي جديده كرت
Author: emad altaib
Date: 03-19-2010, 09:18 PM
Parent: #2
ــــ
لك التحية والتقدير آيهاالصنديد.
|
Post: #4
Title: Re: الشرعيه الفكريه ..... دي جديده كرت
Author: أبو عبيدة البصاص
Date: 03-19-2010, 09:35 PM
Parent: #2
تتخيل في بلدنا بنسمع الرادي بس
ومنتصف التسعينات دي اكنت سارح بي غنمي
لان العرفتو منو انه جاي بي تكتيك استفزاز حنين
وحتى المداخله الاتقدم بيها اكانت تحصيل حاصل
برضو عشان العلم ممكن نعرفوا
يمكن في الوكت الظهر فيهو كنت بره السودان زي الفريق الامريكي ده
|
Post: #5
Title: Re: الشرعيه الفكريه ..... دي جديده كرت
Author: emad altaib
Date: 03-19-2010, 09:57 PM
Parent: #4
ـــ
| Quote: ومنتصف التسعينات دي اكنت سارح بي غنمي |
البيسرح بالغنم بنعرفه أولاً كان مريت عليهو وسلمت عليهو
برد السلام ,
لمن نقول إنتو ما بتعرفوا للدين إلا الإستغلال بتغالطوا...!!!
| Quote: برضو عشان العلم ممكن نعرفوا |
يا تو علم دا؟!
علي كل حال هذا الجسور (محمد فول) كادر خطابي وعلم في رأسه نار
|
Post: #6
Title: Re: الشرعيه الفكريه ..... دي جديده كرت
Author: أبو عبيدة البصاص
Date: 03-19-2010, 10:11 PM
Parent: #5
وعليكم السلام ورحمة الله وبركاته
ولك العتبى وكامل الاعتذار الذي ان تجاهلت دون قصد
رد السلام وذلك استحق عليه الزجر والترقيع ...
ولك العتبى حتى ترضى
وشكرا للمعلومه بخصوص (محمد فول)
ياريت كمان تعرج لينا على ( الشرعية الفكرية )
|
Post: #7
Title: Re: الشرعيه الفكريه ..... دي جديده كرت
Author: خالد عويس
Date: 03-20-2010, 07:28 PM
Parent: #6
الأخ أبوعبيدة
من صورتك السمحة وعمتك السمحة ديل واضح أنك شخص تجاوز الخمسين من العمر، لذا فلا تثريب عليك
| Quote: لكن بالجد انا جيت متاخر الزول ابوكرفته ده منو ؟ |
ده زول عايش زيو وزي 95% من السودانيين في بيت عااااادي، وما راكب عربية زي الجماعة بتاعينك مع انو يفوقهم مقدرات
زول نزيه جدا وأمين جدا وصادق في محبتو للسودان
ما أنحنى أبدا للطغيان..بتعرفو كويس زنازين كوبر وبيوت الأشباح
بيعرفوهو ضباط الأمن من كبيرهم لي صغيرهم
بيعرفوهو كل قادة الإنقاذ لأنو كان رقم أساسي من الأقرام الهزمتهم في الجامعات
اسمو : محمد فول
|
|