Post: #1
Title: ايداهور ما ت و اهلو شالو و دكاترتنا لي هسع مختلفين كان يخلو و الله يقلبو!!!
Author: الحاج حمد الحاج
Date: 03-19-2010, 02:16 PM
خلال برنامج صحة و عافية اليوم الجمعة استضاف الدكتور عمر محمود خالد الدكتورة صفاء محمد الحسن الطيب و طبيب آخر أخصائي في حالات الطوارئ و كان النقاش حول الاسعافات الأولية المطلوبة لانقاذ حياة المصابين مع التطرق لحالة وفاة اللاعب ادياهور و تحدث الطبيب الضيف و من ضمن حديثه قال أنه كان يفترض أن يتم بصورة عاجلة تعديل وضع ايداهور من حالة الرقاد على البطن و يرقد على ظهره و هنا تدخل دكتور عمر و قال ليهونحن سألنا بعض الدكاترة قالوا مفروض يترك في وضعه و البعض قال مفروض يرقدوهو على جنبه و هسع انت قلت مفروض يرقدو علي ضهرو عاوزين نعرف الصاح منو؟ و حقيقة استغربت لهذا الحديث ، فاذا كان ايداهو توفى ليهو كم يوم و لسع الدكاترة مختلفين حتى على الوضع الصحيح فكيف يتم اسعاف حالات قد تحدث في الميادين مستقبلا؟
النقطة التانية الاستغربت ليها ان الدكتور الضيف طلب عمل محاضرات للاعبين و الحكام عن الاسعافات الاولية و التعامل مع اصابات الملاعب قبل حضورالفريق الطبي و كانت المفاجأة انو الدكتورة صفاء محمد الحسن الطيب قالت للدكتور: انت بتتكلم عن الحكام و اللاعبين كدي أعمل مسح ح تلقى الكثير جدا من الاطباء لا يعرفون كيف يتعاملوا مع هذه الحالات!!! دا كلام شنو يا جماعة؟
|
Post: #2
Title: Re: ايداهور ما ت و اهلو شالو و دكاترتنا لي هسع مختلفين كان يخلو و الله يقلبو!!!
Author: خالد درق
Date: 03-19-2010, 11:04 PM
Parent: #1
الاخ / الحاج حمد ,,, تحياتى
ماتستغرب السودان فيه اشياء تحيرك بس الواحد بقول الله يحفظ اهلنا واخوانة وكل الاصدقاء فى السودان
تحياتى بوست موفق ....
|
Post: #3
Title: Re: ايداهور ما ت و اهلو شالو و دكاترتنا لي هسع مختلفين كان يخلو و الله يقلبو!!!
Author: Elfadil Sabeil
Date: 03-20-2010, 06:37 AM
Parent: #2
سلام صاحب البوست
و الله الحالة مزرية، فلا نملك إلا أن نقول ربنا يحفظ أهلنا في السودان
|
Post: #4
Title: Re: ايداهور ما ت و اهلو شالو و دكاترتنا لي هسع مختلفين كان يخلو و الله يقلبو!!!
Author: الحاج حمد الحاج
Date: 03-20-2010, 06:55 AM
Parent: #3
الأخ خالد درق
ربنا يحفظ أهلنا..شكرا لمرورك
|
Post: #5
Title: Re: ايداهور ما ت و اهلو شالو و دكاترتنا لي هسع مختلفين كان يخلو و الله يقلبو!!!
Author: الفاضل يسن عثمان
Date: 03-20-2010, 11:55 AM
Parent: #4
يا حاج حمد:
المسالة مترابطة،السياسي فاشل،لذلك فشل الثقافي والرياضي والتعليمي
بريطانيا لديها قرارات رفض لشهادات الطب التي تمنح في السودان
فيما سبق كان يدخل حامليها،امتحانات ممارسة المهنة ببريطانيا.
علي ذلك قس،كم نحتاج لتدريب الكوادر البشرية لتسير الدولة
وناسنا لسة يا امريكا لمي دجاجك،وزئيف الميل 40.
اليك مودتي ولاهلنا التغير الذي ينشد رخاهم وانسانيتهم.
مودتي
|
Post: #6
Title: Re: ايداهور ما ت و اهلو شالو و دكاترتنا لي هسع مختلفين كان يخلو و الله يقلبو!!!
Author: ABUHUSSEIN
Date: 03-20-2010, 04:12 PM
Parent: #5
*
|
|