Post: #1
Title: مباركـ الفاضل :البشير سيحصل علي 700صوت فقط..
Author: بشير أحمد
Date: 03-18-2010, 07:47 PM
Parent: #0
**
|
Post: #2
Title: Re: مباركـ الفاضل :البشير سيحصل علي 700صوت فقط..
Author: بشير أحمد
Date: 03-18-2010, 07:49 PM
Parent: #1
والراجح هو قال 700الف صوت قبل انقسام الاسلاميين.
|
Post: #3
Title: Re: مباركـ الفاضل :البشير سيحصل علي 700صوت فقط..
Author: بشير أحمد
Date: 03-18-2010, 07:51 PM
Parent: #2
المعني يعني نص للترابي ونص للبشير
صفر معاكـ الواحد وننزل بالتلاته
يساوي 350الف صوت.
|
Post: #4
Title: Re: مباركـ الفاضل :البشير سيحصل علي 700صوت فقط..
Author: بشير أحمد
Date: 03-18-2010, 07:54 PM
Parent: #3
الحساب ده بحساب سنة دو ؛
يعني انتخابات 86م.
|
Post: #5
Title: Re: مباركـ الفاضل :البشير سيحصل علي 700صوت فقط..
Author: بشير أحمد
Date: 03-18-2010, 07:58 PM
Parent: #4
الاسلحة الكيماوية المفترضة ؛
قال عايزين يضربوا بيها الجنوبين وناس جبال النوبة.
|
Post: #6
Title: Re: مباركـ الفاضل :البشير سيحصل علي 700صوت فقط..
Author: بشير أحمد
Date: 03-18-2010, 08:09 PM
Parent: #5
بخصوص ضرب مصنع الشفاء لم يجاوب ؛بل اجاب بسؤال
للمنصة: ليه ما سالتو الرئيس/ حسني مباركـ ؟
|
Post: #15
Title: Re: مباركـ الفاضل :البشير سيحصل علي 700صوت فقط..
Author: عبدالمجيد الكونت
Date: 03-18-2010, 10:35 PM
Parent: #6
Quote: بخصوص ضرب مصنع الشفاء لم يجاوب ؛بل اجاب بسؤال
للمنصة: ليه ما سالتو الرئيس/ حسني مباركـ ؟ |
عشان عارفكم ما بتقدروا تسألوه
لو كنتوا بتقدروا تسألو مبارك كان سألتوه من حلايب
أو كنت سألتوه من مجزرة ميدان مصطفى محمود
|
Post: #18
Title: Re: مباركـ الفاضل :البشير سيحصل علي 700صوت فقط..
Author: بشير أحمد
Date: 03-19-2010, 12:25 PM
Parent: #15
الاخ/عبدالمجيد الكونت
تحياتي؛؛؛
Quote: عشان عارفكم ما بتقدروا تسألوه
|
علي الاقل كان يجاوب بدل تفجير قنابل الموية.
|
Post: #7
Title: Re: مباركـ الفاضل :البشير سيحصل علي 700صوت فقط..
Author: Mohamed Doudi
Date: 03-18-2010, 08:14 PM
Parent: #3
يابشير
مبارك عرى الانقاذ تماما
وزكر بان الجبهه الاسلاميه قد حصلت على 700 الف سوط قبل الانقسام فى اخر انتخابات واذا تم قسمت الاصوات بين جناح على والترابى فمصير البشير وعلى عثمان لا يزيد عن هذا العدد ال 350 الف
اخشى ان يتم وقف البرنامج غدا لان الغريق قدام كما يقول المثل؟؟؟؟
شكرا السيد مبارك ووفده لقد اوفيتم ...وفعلا انه مبارك الذى نعرف كان مصادما تحدث جل وقته عن فساد الانقاذ وبعدها عن الاسلام ورفضه التام لمزايدات حنين عن الدوله المدنيه والعلمانيه ومحاولته صرف مبارك عن قضايا المواطن من امن وجوع واستثراء قله على حساب الدوله
شكرا بنت الجميعابى على حديثك عن تمركز السلطه والثروه فى يد قله ورفضك لمداخله حنين وحديثه عن الدوله الدينه والعربيه وهو اس البلاء واساس انفراط العقد الاجتماعى فى السودان الانقاذ ....
غدا انشاء الله سوف يدق السيد الصادق ورهطه المسمار الاخير فى نعش الانقاذ السياسى والفكرى ويكشف خواء المشروع الحضارى وتحوله لمشروع نهب لموارد الدوله ومشروع لتفكيك الدوله...
كما قال الحبييب مبارك...لن يفوز البشير الا اذا استخدم امكانيات الدوله لاحداث تزووير
بركم من يعطى البشير صوته بدارفور؟؟ سكان معسكرات الجحيم ام عرب دارفور الذين قدر بهم ...ام اهالى كردفان والذين يستخرج البترول من قعر بيتهم وما زالت المجلد تشرب الماء عن طريق الحمير والكارو وسيادته ووزراءه واعضاء حزبه يتطاولون البناء من موارد الغلابى بكردفان والجنوب؟؟؟ ام مواطنى الجزيره الذين تمت تصفيه مشروعهم تحت ابصارهم...اما سكان حلفا وامرى و نازحو سد مروى فلهم الله وحده
دودى
|
Post: #8
Title: Re: مباركـ الفاضل :البشير سيحصل علي 700صوت فقط..
Author: بشير أحمد
Date: 03-18-2010, 08:25 PM
Parent: #7
الاخ/ Mohamed Doudi
تحياتي؛؛؛
Quote: شكرا السيد مبارك ووفده لقد اوفيتم ...وفعلا انه مبارك الذى نعرف كان مصادما تحدث جل وقته عن فساد الانقاذ وبعدها عن الاسلام ورفضه التام لمزايدات حنين عن الدوله المدنيه والعلمانيه ومحاولته صرف مبارك عن قضايا المواطن من امن وجوع واستثراء قله على حساب الدوله
|
مبارك الفاضل كان مستشار للبشير ؛وحينما سئل عن لماذا لم يقل ذلك
للرئيس لم يجب علي السؤال.
كلامو عن الفساد ؛زي كلام المناضلين في البورد كلام في الهواء وفي الاسافير .
| Quote: كما قال الحبييب مبارك...لن يفوز البشير الا اذا استخدم امكانيات الدوله لاحداث تزووير |
هو مقتنع انو البشير فايز فايز عيني عينك وبدون تزوير كمان؛
والله ح يكون اكتساح عديل كده زي ما بقول اخونا علاء الدين (تمبس)؛
وعزاء الاحزاب بعدين البكاء والنحيب والطرق علي وتر التزوير ؛
لتغطية فشلهم الزريع.
|
Post: #9
Title: Re: مباركـ الفاضل :البشير سيحصل علي 700صوت فقط..
Author: Mohamed Doudi
Date: 03-18-2010, 08:42 PM
Parent: #8
Quote: هو مقتنع انو البشير فايز فايز عيني عينك وبدون تزوير كمان؛
والله ح يكون اكتساح عديل كده زي ما بقول اخونا علاء الدين (تمبس)؛
وعزاء الاحزاب بعدين البكاء والنحيب والطرق علي وتر التزوير ؛
لتغطية فشلهم الزريع. |
يابشير
فى زول مقتنع بالديمقراطيه والتى هى احسن الطرق للتداول السلمى للسلطه...بيعمل انقلاب ويكنكش فى السطه بيديه ورجيله ولمده عشرون عاما ويحرم منها ربان سفينته وشيخه فى انقلاب ثانى داخلى (الترابى) وتجى تقول لى اكتساح...هوو ليه عمل انقلاب لو كان بيؤمن بالديمقراطيه...
البشير والانقاذ اجبروا جبرا على هذه الانتخابات يعنى مجبرا اخاك لا بطل....يااخى اذا نظرت بعين فاحصه لاركان البلاد الاربعه تجد الكل مقبون الا قله..او كما قال مبارك المهدى (اسوه بجمهور صدام قبل الغزو)
البشير وعصابته لا يسوون شيئا من غير السلطه
|
Post: #10
Title: Re: مباركـ الفاضل :البشير سيحصل علي 700صوت فقط..
Author: الشفيع وراق عبد الرحمن
Date: 03-18-2010, 09:04 PM
Parent: #9
يكون قاصد بالجديد يا دكتور
|
Post: #11
Title: Re: مباركـ الفاضل :البشير سيحصل علي 700صوت فقط..
Author: محمد عادل
Date: 03-18-2010, 09:55 PM
Parent: #10
يامبارك كلامك صاح دوس الوطنى عشان نرتاح
يابلدوزر كلامك صاح كسر الشجره عشان نرتاح
|
Post: #12
Title: Re: مباركـ الفاضل :البشير سيحصل علي 700صوت فقط..
Author: محمد البشرى الخضر
Date: 03-18-2010, 10:05 PM
Parent: #10
سلامات دكتور بشير Quote: بخصوص ضرب مصنع الشفاء لم يجاوب ؛بل اجاب بسؤال
للمنصة: ليه ما سالتو الرئيس/ حسني مباركـ ؟ |
بالعكس الحتة دي بالذات جاوب عليها و استرسل ولمّا الكلام جاب كلام بابكر حنين اتخرّت عديل و قال ليه خلينا نطلع من الحتة دي
|
Post: #13
Title: Re: مباركـ الفاضل :البشير سيحصل علي 700صوت فقط..
Author: الشفيع وراق عبد الرحمن
Date: 03-18-2010, 10:08 PM
Parent: #12
| Quote: بالعكس الحتة دي بالذات جاوب عليها و استرسل |
كدي يا ود البشرى ورينا قال شنو؟
انا والله للاسف ما حضرتها
|
Post: #14
Title: Re: مباركـ الفاضل :البشير سيحصل علي 700صوت فقط..
Author: محمد البشرى الخضر
Date: 03-18-2010, 10:29 PM
Parent: #13
فاتتك حلقة ممتعة يا الشفيع
بابكر حنين حاول يحرج مبارك الفاضل بموضوع الشفا و ذكر انو الصادق المهدي في تعليقه على الموضوع وصفه بانو خيانة
مبارك اتجاوز الحتة دي و دخل في الموضوع وقال ليه المعلومات مشت لأمريكا من أحد مدراء المصنع و هو من الاسلاميين و نال اللجوؤ في أمريكا بعد الحادث و القصة دي ناس الحكومة عارفنها و مطنشنها
وهو سال منها البشير وما رد عليه
بابكر قال ليه طيب دا زول خاين مبارك قال ليه خاين كيف انتو الكيماوي دا ح ضربو بيه اسرائيل ما مجهزنو للجنوبيين و جبال النوبة الراجل ضميرو صحى , بابكر هنا انفعل و قلع النضارة و قال انا مشيت بي نفسي بعد ساعة من الضربة وكنت واقف وسط الانقاض و الادوية وما لقيت كيماوي واحد - دي بابكر بالغ فيها هل كان متخيل ح يلقى ديباجة مكوب عليها سلاح كيميائي على حاويات مثلا - المهم قام بابكر قال ليه خلاص خلينا نطلع من الحتة دي ونرجع لبرنامجك
نعرف يا الشفيع بغض النظر عن نتيجة الانتخابات لكن الوضع بعدها ابدا لن يعود كما كان
لى الاقل ح نسمع الصوت الآخر في المنابر
|
Post: #16
Title: Re: مباركـ الفاضل :البشير سيحصل علي 700صوت فقط..
Author: امبدويات
Date: 03-19-2010, 00:51 AM
Parent: #14
والله اليشوف جديعكم دا عن الديمقراطية يقول يجيتوا عبر صناديق الانتخابات ، ما جيتوا بدبابات وجهاز أمن وتعذيب ,اعدامات وفساد ، وحكايات مخجلة,, جلد تحين ماعندكم احساس ، شوية قتلة بس
|
Post: #17
Title: Re: مباركـ الفاضل :البشير سيحصل علي 700صوت فقط..
Author: الشفيع وراق عبد الرحمن
Date: 03-19-2010, 08:10 AM
Parent: #14
تشكر يا ود البشرى
وان شاء الله تكون في اعادة ونحضرها
سؤال:
ألم يصرح مبارك الفاضل بي إنه هو من أبلغ الامريكان بوجود تصنيع اسلحة كيميائية في مصنع الشفاء؟
| Quote: قال انا مشيت بي نفسي بعد ساعة من الضربة |
بابكر راجل مثقف أكيد بكون قاصد إنو لو في اسلحة كيمائية الجو ح يكون ملوث ولن يستطيع احد الوقوف لفترة طويلة جداً
|
Post: #19
Title: Re: مباركـ الفاضل :البشير سيحصل علي 700صوت فقط..
Author: lana mahdi
Date: 03-19-2010, 12:29 PM
Quote: | Quote: Quote: قال انا مشيت بي نفسي بعد ساعة من الضربة |
بابكر راجل مثقف أكيد بكون قاصد إنو لو في اسلحة كيمائية الجو ح يكون ملوث ولن يستطيع احد الوقوف لفترة طويلة جداً |
يعني لو الجو ملوث حيقدر الزول يقيف لمدة كم كدي باعتباره مثقف؟(:
التبرير عملية ما بطالة شريطة يكون مقنع!
لنا
|
Post: #20
Title: Re: مباركـ الفاضل :البشير سيحصل علي 700صوت فقط..
Author: MOHAMMED ELSHEIKH
Date: 03-19-2010, 04:49 PM
Parent: #19
| Quote: وان شاء الله تكون في اعادة ونحضرها |
انت يا الشفيع تاني بعد الساعة 8 مساء ما تطلع من البيت .
المهم الولد كيف مع الأمتحانات. انا ماشي بعد يومين محل التزوير و الربة ذاتها
ودي للجميع
|
Post: #21
Title: Re: مباركـ الفاضل :البشير سيحصل علي 700صوت فقط..
Author: هاشم محمد الحسن عبدالله
Date: 03-20-2010, 06:18 AM
Parent: #2
دكتور بشير تحياتى ، انت ماعارف انو مبارك الفاضل فاضى ساكت وأهوج ، أرجع لتاريخه منذ فترة طويلة وتصرفاته الخرقاء وخاصة عندما كانوزيرا للداخلية فى الديمقراطية السابقة حينما تهجم بالضرب على أحد النواب لخلافه معه، البشير سيفوز بالأغلبية الساحقة ومن أول جولة ، وبعد داك نشوف ناس قرعيتى راحت ! مودتى .
|
Post: #22
Title: Re: مباركـ الفاضل :البشير سيحصل علي 700صوت فقط..
Author: Mustafa Mahmoud
Date: 03-20-2010, 06:03 PM
Parent: #21
الموهوم بشير احمد البطري
تتهمني بارسال ايميل نبذ لسعادتك
ما هي اهميتك كي افكر انا في ارسال ايميل لي واحد زيك
و اكرر
بشير البطري
اسمع دي
انا لا ارسل ايملات لامثالك من الكيزان ولا اعرف عنوانك
وانا لا اتشرف ان اتعامل مع من باع ضميرة للشيطان
احسن تمشي تفتش الزول الرسل ليك الايميل
وانا متاكدانو واحد من اصحابك بتوع الامن
و بالمناسبة انا عندي معلومات كفاية عن عمايل عيال قوش و محاولاتهم المستمرة في تهكير ايملاتي
و تاكد انا لن والف لا ارسل لك حتي التحية
فهمت و احسن تمشي تشوف ليك حمار تعالجو ولا نعجة تولدها
|
|