الجعليون لايصلحون لحكم السودان!

في هذا الظرف الحرج والمعقد علي الصعيد الداخلي والإقليمي والعالمي..

هل يصلح إختيار رئيس جعلي لحكم السودان في الفترة المقبلة!!

خاصة وأن أبرز مرشحين في الأنتخابات المقبلة والأوفر حظوظا ينتميان لهذه القبيلة!

هما عمر حسن البشير وياسر سعيد عرمان

Quote: في هذا الظرف الحرج والمعقد علي الصعيد الداخلي والإقليمي والعالمي.. هل يصلح إختيار رئيس جعلي لحكم السودان في الفترة المقبلة!!

؟؟؟؟؟؟؟؟؟؟
دي جديده لكن !! دايرنا نعاين للمرشحين من ناحية قبلية كمان

والهلالاب كذلك ..

Quote: هما عمر حسن البشير وياسر سعيد عرمان

أولاً خلطت خلط مريع بين رجل ضدالوطن كلو
ورجل مع الوطن كلو
ثم نمطهما في سربال قبلي

الله يعينك على القراءة الثاقبة

الاخ اسامة
تحياتي


لااوافقك الراي في ان تكون صلاحية الرئيس علي اسس قبيلته


مع العلم ان الرئيس البشير بديري وليس جعلي

آزول والله الجعليين يحكموا قارة بحالها. دا إذا كان الموضوع قبلى.

ولك ودى

نستورد صينين يعني ؟؟
محتاج شرح كتير حديسكـ ده يا عبااااااااااااااااس

التحية لصاحب البوست وزوّاره
اعتقد اني افهم وجة النظر المطروحه... رغم اني لا أوافق عليها....

جعلي بالصورة التقليدية للكلمة، ليس مشرح المهمّشين المناسب.. هذا صحيح، ولكن عرمان لا يمكن تصنيفه على هذا التصنيف ابداً... لأنه خرج من قيود القبيلية وحماقاتها.... ويكفي برنامجه الانتخابي شاهداً، وحياته الاجتماعية واسرته وتاريخه....

انا ضد إضافة القبيلية كأحد عوامل الاختيار في الرئيس، وما دمنا بعيدين من هذا التصنيف، سنكون بخير..... هل سأل أحدكم من أين كاكي؟ الذي رفع رأسنا، واحتفلنا بنصره التاريخي؟ حتى إيداهور الذي بكيناه، كان نيجيري قبل اقل من سنة!

having said that، كنت اعتقد قبل بروز عرمان، ان الاتجاه الامثل قد يكون في ان يكون الرئيس من اي من المهمّشين الذين لم يجدوا ابداً فرصة الحكم... سواءاً من قبائل غرب السودان، او الشرق، او الجنوب.. وكنت أرجّح الجنوب..ولكن عرمان ببرنامجه الشامل الذي يجمع السودان في بوتقه واحده، جعلني أعيد التفكير...

انت قايل الجعليين ديل منو؟؟؟


نقد: جعلي
عبدالعزيز خالد: جعلي
ياسر عرمان: جعلي
البشير: جعلي
الصادق المهدي: جعلي (خلي واحد من الانصار يجي ينكر)
الترابي: جعلي
علي عثمان: جعلي
جون قرنق الله يرحمو: كان جعلي
لام اكول: جعلي

طيب ...!!!
جعلية كيف ؟؟؟؟؟
و أكان ده الفهم
إخير لينا الاستعمار..!!!!!!!!!!!

دي نظرية جديدة

ابو حسين
ووليد محمد المبارك ديل الاتنين جعليين

يعني وليد ما يترشح؟؟؟

الاخ الفاضل اسامة البلال




يكفينا فخرا انو جد الجعليين هو العباس ،
عم الرسول عليه افضل السلام والتسليم ،
ارجع الي موسوعة التاريخ لتري ،
افضلية الجعليين في ان يحكموا العالم ،
الجعللين هم الذين استخرجوا البترول
وعموا الجسور والكباري ،
واناروا القري والحضر بالكهرباء ،
ونهضوا بامة السودان الي الافاق ،
الي اهداب النجوم ،،
ولا اري داعي للدعوة الي القبيلة والجهوية ،
فعالم الانتخاب ينظر بعين ثاقبة الي اجندة الاحزاب ،
وسوق الساسة ،
وقناديل الطموحات ،
دون الولوج الي عالم القبيلية النكراء ،
والافضلية الي القوي الامين ،،







عزالدين عباس الفحل
ابوظبي

رمتنا أوسلو بأظرّط ما عندها من مستعرضين..
___
وكت جبت سيرة القبائل، أها قبيلتك شنو يا البلال؟ وهل تصلح لحكم نفسها-خليك من السودان-؟

الاخ البلال
هذا البوست مع احترامنا لرأيك ، في نظري قمة في التسطيح ، لا يمكن المقارنة بين المرشحين على أساس قبلي ، فكما وضح لك أخونا عمر صديق أن البشير بديري دهمشي من ناحية والده وجعلي من ناحية امه والرجل ينسب إلى أبيه ، أما ياسر سعيد عرمان فهو جعلي الأب وحلاوي الأم ، وزوجته دينكاوية . الأخت مريم الحسين ذكرت نقطة مهمة وهي البرامج التي يحملها ياسر أكبر من عقلية البشير آلاف السنين الضوئية ، وكمراقب ومتابع لطريقة قيادة البشير للدولة أشبه ببائع سوبرماركت أصبح مدير له بين ليلة وضحاها واستعان بباعة لصوص تربطه بهم القرابة والمصلحة ...والسودان مليان قبايل بتاريخ ناصع قبايل كبيرة لا يستهان بها ..ولو عزف الناس على هذا الوتر لعرف كل فار جحره ومقداره ...ولكن الناس تراضوا على وطن متنوع في كل شي ،فليكن شعارنا السودان مع حق كل إثنية في التعايش والاعتزاز بتاريخها وثقافتها كالنموذج السويسري والأميركي .

Quote: هما عمر حسن البشير وياسر سعيد عرمان

الأخ أسامة
تحياتي
على اي أساس تسند كلامك واي مرجعية لا يصلح الجعليين ؟؟
عمر البشير ليس جعلي إنه بديري دهمشي
ياسر عرمان لم يمر بتجربة الحكم حتى تصبغ عليه تلك الصبغة
بل تعديتها للحكم على قبيلة كاملة

هل تحكمنا القبلية ؟؟؟

Quote: هل يصلح إختيار رئيس جعلي لحكم السودان في الفترة المقبلة

يازول هوى... بوستيك دا حرب قبلية عديييل, فى زول قال ليك نحنا ناقصين؟

انفد بى جلدك يا ابن عمى قبل ما تتمعط

متابعة .. لــــ هذا البوست الشيق

Quote: الجعليون لايصلحون لحكم السودان!

الراجل دا رمى الكلام دا و كب الزوغة

ما وضح ليه .. السبب شنو ....

إكونو ناس علم الجينات إكتشفو جينات في الجعليين بس بتثبت كلامو دا ؟؟؟

يا خي في ناس كدا الله مديهم قدرة على حرق دم الناس بي صورة ما عادية

تصدق و تآمن إنو إنت أصلح زول لحكم السودان



بس أوع تكون جعلي برضو ؟؟؟

شكرا لكل المتداخلين والذين مروا علي البوست

Quote: شكرا لكل المتداخلين والذين مروا علي البوست

و الله العظيم ما قصرت

اسف علي تأخري في الردود فقد كتبت البوست في وقت متأخر

سوف أرد علي الجميع فردا فردا ولكن قبل ذلك سوف أوضح ملابسات كتابة البوست وما المقصود من الصلاحية

Quote: يعني وليد ما يترشح؟؟؟

يا نزار ما تلخبت الكيمان

انا ما جعلي

انا دنقلاوي
يعني بحكم من زمن ترهاقو(ترهاقا ) وبيي (بعانخي )

جعلى .. نهى نهى ..

واحد متجعلن يا رسول الله

خبر يا البلال

أولا وقبل أن يشيلوا علي عكاكيزهم أود أن أرسل تحية وأحترام لأهلي الجعليين فهم مكون هام وفعال في النسيج السودان. أكثر قبائل السودان إنفتاحا وتقبلا للاخر في تواضع جم وكرم أصيل. منتشرين في كل بقاع السودان شرقا وغربا وجنوبالاتحدهم حدود وديارهم وطن صغير تتعايش فيه كل قبائل السودان في تواد وانسجام. الجعليون يؤثرون علي أنفسهم ولا يحابون أبناء قبيلتهم فهم قوميون بطبعهم. هذا ليس كسير تلج (رغم أعرف حبهم للشكر وتشهد علي ذلك أغاني حميراء والبطان:) أو بلع للبوست ولكنها الحقيقة.

ولكن رغم ذلك يبقي التساؤل قائما: هل يصلح الجعليون لحكم السودان؟

الاخ البلال
هذا البوست مع احترامنا لرأيك ، في نظري قمة في التسطيح ، لا يمكن المقارنة بين المرشحين على أساس قبلي ، فكما وضح لك أخونا عمر صديق أن البشير بديري دهمشي من ناحية والده وجعلي من ناحية امه والرجل ينسب إلى أبيه ، أما ياسر سعيد عرمان فهو جعلي الأب وحلاوي الأم ، وزوجته دينكاوية . الأخت مريم الحسين ذكرت نقطة مهمة وهي البرامج التي يحملها ياسر أكبر من عقلية البشير آلاف السنين الضوئية ، وكمراقب ومتابع لطريقة قيادة البشير للدولة أشبه ببائع سوبرماركت أصبح مدير له بين ليلة وضحاها واستعان بباعة لصوص تربطه بهم القرابة والمصلحة ...والسودان مليان قبايل بتاريخ ناصع قبايل كبيرة لا يستهان بها ..ولو عزف الناس على هذا الوتر لعرف كل فار جحره ومقداره ...ولكن الناس تراضوا على وطن متنوع في كل شي ،فليكن شعارنا السودان مع حق كل إثنية في التعايش والاعتزاز بتاريخها وثقافتها كالنموذج السويسري والأميركي .

قبل كل شئ أود أن أوكد أن هذا الكلام ليس قدحا ولا ذما شخصيا في المرشحين عمر البشير وياسر عرمان. فهما سودانيان أصيلان يحق لهما الترشح وليقل الشعب السوداني كلمته فيهما

حقيقة أنا تعرضت لهذا السؤال من عدد من الاصدقاء حيث أننا نعيش هنا كجالية تمثل سودانا مصغرا تجمع بينناالأخوة السودانويه الصادقة التي تتجاوز حدود القبيلة والإنتماء السياسي الضيق. ولكن كعادتنا كسودانيين لا تكاد تخلو لقاءاتنا من ونسة ساس يسوس وخاصة مع حمي الانتخابات والحراك السياسي في السودان رغم ان الجميع هنا لم يجد الفرصة للتسجيل للانتخابات ولذلك لا ناقة لنا ولا جمل فيها ولكن طق حنك بس وقد لا يحلو من الدعابة والمخاشنة من البعض.

وبما أنني أنتمي لقبيلة الجعليين أماوأبا وعدد الجعليين قليل جدا هنا فأصبحت رغما عني ممثلا لها ولذلك كل من لدية غبينة يجي يفكها في.

المهم هناك الكثيرين الذين يرون أن الجعليين معروفين بسرعة الانفعال ورد الفعل المتعجل في حال ما تعرضوا لمواقف شعروا أنها تقلل من شانهم أو تمس كرامتهم. بالإضافة لسماحتهم ومجاملتهم وتسامحهم إذا ما أسترضوا وطيب خاطرهم وأن الشكر بيمشي فيهم ولذلك يروا أنهم لا يصلحون للسياسة ومكرها والدبلوماسية وتملقها ولهم في ذلك أستدلالات من التاريخ القديم والبعيد

ورغم أن لي وجهة نظري في الموضوع لكن أردت أن أشرككم في الموضوع

البديرية + الشايقية + الجعليين ... إلخ ... كلهم نسب واحد ...

Quote: قبل كل شئ أود أن أوكد أن هذا الكلام ليس قدحا ولا ذما شخصيا في المرشحين عمر البشير وياسر عرمان. فهما سودانيان أصيلان يحق لهما الترشح وليقل الشعب السوداني كلمته فيهما

الكلام مفهوم يا البلال .. زماً وقدحاً فى الجعليين أنفسهم كقبيلة


جعلى .. نهى نهى




بريمة

سلام بريمة

بطل فتن

كتب مرتضي أحمد عبدالقادر

Quote: ؟؟؟؟؟؟؟؟؟؟ دي جديده لكن !! دايرنا نعاين للمرشحين من ناحية قبلية كمان

سلام مرتضي

أنا ضد الأختيار للمناصب القوميه علي أساس قبلي ولكن للأسف الحاصل في السودان القبلية عادت بقوة فصراع الهامش والوسط وحتي صراعات الوسط الوسط كلها أطلقت الصراعات القبلية والتخندق وراء القبيلة

Quote: والهلالاب كذلك ..

سلام المشرف
وأنا من زمان محتار شنو وجه الشبه بين الهلالاب والجعليين. عدا وجود الأرباب كعامل مشترك!

بالمناسبة أثناء تواجدي في السودان في 2007 حضرت مباراة للهلال في تصفيات أفريقيا ضد الأهلي المصري وكانت أول مباراة أحضرها لفريقي الهلال من سنين طويلة وكان الهلال في قمة تألقه وبرج سعده في وجود الثلاثي النيجري المتألق كلتشيو قوديون ويوسف محمد بالاضافة لكوكبة متألقه من اللاعبين المتألقين السودانيين علي راسهم هيثم مصطفي وعمر بخيت وأيضا المتألق المجنس داريوكان. لفت نظري مناداة الجمهور لداريوكان بالجعلي ولم أدري السبب هل لحرة قلبه أم أن هناك شرط في التجنيس أن ينتمي المجنس لقبيلة سودانية :)

عموماالتحية لقبيلتي الهلالاب والجعليين

Quote: Quote: هما عمر حسن البشير وياسر سعيد عرمان أولاً خلطت خلط مريع بين رجل ضدالوطن كلو ورجل مع الوطن كلو ثم نمطهما في سربال قبلي الله يعينك على القراءة الثاقبة

الله يعين الجميع علي القراءة الثاقبة والصبر يا ادم صيام

الذين إستفزوني بالسؤال لم يكن يفرق معهم عمر البشير والله ياسر عرمان بل كان سؤالهم هل يصلح من ينتمي لهذه القبيلة لحكم السودان

Quote: الاخ اسامة تحياتي لااوافقك الراي في ان تكون صلاحية الرئيس علي اسس قبيلته

سلام عمر صديق
وأنا أوافقك الرأي تماما أن الإختيار للمناصب القوميه يجب ألا يكون علي أساس قبلي أو طائفي

ارجو أن تكون وضحت الصورة من البوست

Quote: آزول والله الجعليين يحكموا قارة بحالها. دا إذا كان الموضوع قبلى. ولك ودى

ياراجل!! شفت جنس مبالغاتك دي ياها الجايبه ليناالهواء

تحياتي علي النعيم

كتب عمران

Quote: نستورد صينين يعني ؟؟ محتاج شرح كتير حديسكـ ده يا عبااااااااااااااااس

سلام عمران
في زمن العولمة كل شئ جائز
إنت قائل المبعوثين الخاصين ديل شنو! خاصة إذا البلد تربطك معاها مصالح اقتصادية كبيرة وتوفر لك الدعم سياسي في المحافل الدوليه
وزي المثل بقول أطعم الفم تستحي العين

سلام للجميع ...

Quote: وأنا أوافقك الرأي تماما أن الإختيار للمناصب القوميه يجب ألا يكون علي أساس قبلي أو طائفي

المناصب العليا والمسمية قومية في الدولة منذ عرف السودان بهذه الجغرافية والى لحظة كتابة مداخلتي هذه هى لاعراق بعينها والبقية كمبارس وبقية الوظائف الهامشية حتى الدستورية منها فهي مجرد وظائف صورية لاناس صور ...

كدي كل واحد يقعد مع نفسه وبرواقة يشوف منو ماسكين هذه المناصب القومية العليا !!!


مش قلت ليكم الناس تجيد نبذ العنصرية كتابة وتمارسها فعلاً ...

طيب لو امو شايقية و ابوهو جعلي
ينفع ؟

Quote: التحية لصاحب البوست وزوّاره اعتقد اني افهم وجة النظر المطروحه... رغم اني لا أوافق عليها.... جعلي بالصورة التقليدية للكلمة، ليس مشرح المهمّشين المناسب.. هذا صحيح، ولكن عرمان لا يمكن تصنيفه على هذا التصنيف ابداً... لأنه خرج من قيود القبيلية وحماقاتها.... ويكفي برنامجه الانتخابي شاهداً، وحياته الاجتماعية واسرته وتاريخه.... انا ضد إضافة القبيلية كأحد عوامل الاختيار في الرئيس، وما دمنا بعيدين من هذا التصنيف، سنكون بخير..... هل سأل أحدكم من أين كاكي؟ الذي رفع رأسنا، واحتفلنا بنصره التاريخي؟ حتى إيداهور الذي بكيناه، كان نيجيري قبل اقل من سنة! having said that، كنت اعتقد قبل بروز عرمان، ان الاتجاه الامثل قد يكون في ان يكون الرئيس من اي من المهمّشين الذين لم يجدوا ابداً فرصة الحكم... سواءاً من قبائل غرب السودان، او الشرق، او الجنوب.. وكنت أرجّح الجنوب..ولكن عرمان ببرنامجه الشامل الذي يجمع السودان في بوتقه واحده، جعلني أعيد التفكير...

شكرا مريم بنت الحسين علي المشاركه

وكما ذكرت سابقا من واجهوني بهذه التساؤلات ما كان يعنيهم من يكون المرشح بالأسم

Quote: انت قايل الجعليين ديل منو؟؟؟ نقد: جعلي عبدالعزيز خالد: جعلي ياسر عرمان: جعلي البشير: جعلي الصادق المهدي: جعلي (خلي واحد من الانصار يجي ينكر) الترابي: جعلي علي عثمان: جعلي جون قرنق الله يرحمو: كان جعلي لام اكول: جعلي

سلام نزار حسين

إلا الصادق المهدي لا الأنصار ولا الجعليين حيقبلوا عاوز تجيب لينا معركة متمة تانيه
وعلي عثمان برضو صعب وانت عارف مابين بني شايق وبني جعل ديل قالو الجنه مكن يتنازلوا ليهم منها
بالمناسبة جون قرنق ولام أكول ديل جعليين جوبا علي وزن عربي جوبا!

عموما لو النفوس تطايبت البلد تشيل كل هؤلاء

Quote: طيب ...!!! جعلية كيف ؟؟؟؟؟ و أكان ده الفهم إخير لينا الاستعمار..!!!!!!!!!!!

قول بسم الله إستعمار مرة واحده ياعثمان محي الدين!!إنتو الكلام الكبار دا بتجيبوهو من وين!

حسب علمي إنو الجعليين عندهم حبوبه أسمها الكنداكة كانت ملكة وقادت الجيوش من مروي القديمة (البجراوية حاليا) لغزو مصر

Quote: دي نظرية جديدة

اولا البركة فيكم ياودالحسين في إيداهور

ثانيا ومالو نجرب نظرية جديدة إمكن تنفع تطلعنا من الدائرة الجهنمية اللافين فيها

Quote: ابو حسين ووليد محمد المبارك ديل الاتنين جعليين يعني وليد ما يترشح؟؟؟

أهو يا نزار شايف وليد دق جرس ونفي الموضوع وهو طبعا اكيد مبسوط من موضوع البوست لانو حيشوت ليهو المرشحين الجعليين في دائرته

Quote: الراجل دا رمى الكلام دا و كب الزوغة ما وضح ليه .. السبب شنو .... إكونو ناس علم الجينات إكتشفو جينات في الجعليين بس بتثبت كلامو دا ؟؟؟ يا خي في ناس كدا الله مديهم قدرة على حرق دم الناس بي صورة ما عادية تصدق و تآمن إنو إنت أصلح زول لحكم السودان بس أوع تكون جعلي برضو ؟؟؟ [/QUOTE يازول انت ماك نصيح في جعلي بزوغ . امكن ما يصلح للحكم لكن الزوغه لا هههههه وبعدين اصلا طباع الناس ليها علاقات بي جيناتهم وبئياتهم رببنا يوفقك لو نازل في الانتخابات بس ورينا نازل وين امكن تطلع في دائرتنا

---

Post: #49 Title: Re: الجعليون لايصلحون لحكم السودان! Author: أسامة البلال Date: 03-18-2010, 04:13 PM Parent: #48 Quote: يا نزار ما تلخبت الكيمان انا ما جعلي انا دنقلاوي يعني بحكم من زمن ترهاقو(ترهاقا ) وبيي (بعانخي ) أخونا وليد الشفت الذي رمزه الجرس لو علي حكم الجدود فالجعليين حتي حبوباتم كانوا ملكات وتشهد اثار دولة مروي القديمة في البجراوية وكبوشية واثار النقعة والمصورات والاكتشافات الاخيرة في منطقة ديم القراي كل واهرامات مروي القديمه تعتبر الاقدم في السودان وحتي اقدم من اهرامات الفراعنة. لكن يبقي التساؤل قائماهل يصلحون للحكم الان علي العموم لو الحارة العاشرة واقعة ضمن دائرتك ممكن نضمن ليك أصوات الاسرة والجيران تدفع كم:)

---

Post: #50 Title: Re: الجعليون لايصلحون لحكم السودان! Author: captain Marial Date: 03-18-2010, 04:18 PM Parent: #49 Yasir tribe is all tribes of Sudan

---

Post: #51 Title: Re: الجعليون لايصلحون لحكم السودان! Author: أسامة البلال Date: 03-18-2010, 04:22 PM Parent: #49 Quote: الاخ الفاضل اسامة البلال يكفينا فخرا انو جد الجعليين هو العباس ، عم الرسول عليه افضل السلام والتسليم ، ارجع الي موسوعة التاريخ لتري ، افضلية الجعليين في ان يحكموا العالم ، الجعللين هم الذين استخرجوا البترول وعموا الجسور والكباري ، واناروا القري والحضر بالكهرباء ، ونهضوا بامة السودان الي الافاق ، الي اهداب النجوم ،، ولا اري داعي للدعوة الي القبيلة والجهوية ، فعالم الانتخاب ينظر بعين ثاقبة الي اجندة الاحزاب ، وسوق الساسة ، وقناديل الطموحات ، دون الولوج الي عالم القبيلية النكراء ، والافضلية الي القوي الامين ،، سلام ود الفحل إبن كبوشية نعم يجب النظر للبرنامج والشخص وليس القبيلة ولكن للاسف القبيلة والطائفة تلعب دور كبير في الانتخابات منذ الإستقلال ولازالت . ألم تسمع بالدوائر المقفولة. دي القفلا من! لكن هنا الموضوع مختلف

---

Post: #52 Title: Re: الجعليون لايصلحون لحكم السودان! Author: سيف اليزل برعي البدوي Date: 03-18-2010, 04:31 PM Parent: #51 Quote: ود المضوي كان بضوي كان ضوا في بيت امو. -------------------------------------------------------------------------------- قبل عقود وفي ايام الزمن السمح. كانت هنالك معركة طاولة في شارع الجمهورية منزل رقم 10 بين العمة مدينة بدري وزوجها البروفيسور ابراهيم قاسم مخير رحمة الله عليهم., وكان احد أبنائها يتدخل قائلا لوالده يا ابوي حرك ده .. ويا ابوي اعمل كده. وكان الابن قبلها قد مني بهزيمة شنيعة من والدته. فقالت له ود المضوي كان بضوي كان ضوا في بيت امو. الآن يتشنج البعض. ويصفون تقديم البشير للمحكمة الدولية كنوع من الخيانة الوطنية والجنون , ومناصرة الغرب والسقوط في مستنقع العمالة الصهيونية ,الغربية, والامبريالية. اول حاجة بعد نهاية الحرب العالمية الثانية واجازة دستور الامم المتحدة علي ما اذكر في اكتوبر 1945 . ثم تبع ذلك وثيقة حقوق الانسان في 1948 , صار هنالك نظام عالمي جديد. وكانت هنالك محاكمة نوريمبيرق. والامم المتحدة دي , انحنا مشينا ليها واشتكينا ليها الانجليز البطالين. وذهب جوليوس نايريري رئيس تنزايا وجومو كنياتا رئيس كينيا وكل الرؤساء الافارقة. وهرولنا لكي نكون اعضاءا فيها. مسخرة الاعتقاد بأن البشير يمكن ان يقدم لمحكمة في السودان., من اين نبعت؟ وأي فكر غريب هذا الذي يصدق أن في الامكان أن فراش البشير يمكن ان يقدم لمحاكمة. هل هذا هوان السودانيين؟ ام ان هذا رد علي المواضيع والاستفسارات الكثيرة التي كتبتها (هل السودان اضينة؟.) فلننسي بيوت الاشباح. ولننسي اهانة البشر وتعذيب المواطن. واعتقال الناس بقوائم قديمة. شملت من قضي نحبه ومن ترك السودان بدون رجعة. ولننسي الضباط الذين قتلوا ولم تشفع لهم زمالة السلاح. ولم يحظو حتي بدفن اسلامي يليق بكرامة المسلم. وحرم البشر من قبورهم. ولننسي ما سرقوه. ولننسي انهم كما قالوا بافواههم انهم قد تآمروا سرقوا السلطة بليل. وقد حنثوا باليمين الذي قطعوه للوطن وللقوات المسلحة. ولننسي حرب الجنوب. وساحات الفداء . وقتل الاسري من مقاتلي الحركة الشعبية. التي حرمها القانون العالمي والشرع الاسلامي. ولننسي ان البشير قد قال علي رؤوس الاشهاد وما ورد في كل محطات الاعلام العالمي. ما عاوز اسير ولا جريح. ولكن كيف ننسي. 1- البشير قاتل بيده. وقد يكون بسبب الاهمال . هنالك فقرة في قانون عقوبات السودان تتحدث عن القتل الغير عمد. لقد قتل البشير في عرس ثلاثة من الأنفس البريئة هم فتيات وصبي من المسيرية. لانه بكل غباء ورعونة, حاول ان يجاري فرسان المسيرية. واخذ رشاش احد حراسه, وأراد ان يطلق النار بيد واحدة. فأزهق ارواحا بريئة. ثم احتمى بكل جبن خلف حرسه. وتمترس بعدها في الثكنات العسكرية. ثم كانت الوساطات. فهو ضابط محسوب علي التيار الاسلامي. والجبهة كانت في الحكم. والصادق كان ولا يزال في جيب الجبهة. وفضل الله برمة كان وزيرا للدفاع وهو من المسيرية. وكلام سيده الصادق بالنسبة له كلام مقدس. لماذا لم يحاسب البشير في زمن الديمقراطية. ولماذا لم يواجه جريمته بشجاعة ويتقبل القصاص او العقاب. هنالك مثل سوداني يقول (اكتلو وامسك كراعو). وهذا يعني ان الانسان لا يهرب بعد القتل يقف ويثبت ويواجه القصاص. في كتاب ظلال علي الرمال يذكر المفتش الانجليزي قصة السوداني الذي اتي مسافرا علي جمله. وهو يحمل خطاب للمفتش. وعندما قرأ المفتش الخطاب. كان عبارة عن طلب شنق حامل الخطاب لأنه قد حكم عليه بالاعدام. ولعدم وجود مشنقة في بلدته ارسلوه للمفتش. وبالسؤال وضح ان حامل الرسالة عارف بمضمون الرسالة. وعندما استغرب المفتش الانجليزي عن عدم هروبه . كان السوداني مستغربا للسؤال. اذ كيف يهرب ويخجل اهله. صديقي محمد ألفي شقيق الفنانة حوا جاه الرسول(الطقطاقة) قتل صديقنا سالم. وحكم عليه بالاعدام. وكان ياتي بقهوة مهدي حامد لمقابلة شقيقه الاصغر الذ يكان يحضر ملابسه النظيفة واغراضه. وكان ينزل من كومر البوليس. ويدخل المطعم والمقهي والحلواني ويقوم بالدردشة مع بقية الملاكمين الذين يعملون كعجلاتية. ويذهب بعيدا عن البوليس. الي ان يناديه القصاص او الشاويش يا الفي .. يا الفي يلاكا يا اخي. ولم يفكر ابدا في الهرب والبوليس كان يعرف انه لن يهرب. ولهذا زغردت حوا عند شنقه. هكذا هم السودانيون. 2- اي عدالة تتوقعون من رجل, كانت ام مجدي في منزله تستجديه علي ان يبقي علي حياة ابنها. وتركها في منزله وخرج. ومجدي لم يكن مجرما. لان حيازة المال لا تعتبر جريمة حدية. وسبحانه وتعالي قال (المال والبنون زينة الحياة الدنيا), صدق الله العظيم . ولقد قدم سبحانه وتعالي المال علي البنين. والمال ليس بانتراكس او غاز الخردل او قنبلة ذرية. فلماذا يقتل بشر لحيازة المال. الرجل العظيم واستاذنا ووزير الخارجية السابق والمفكر محمد توفيق مات وفي حلقه قصة وهو مكسور الفؤاد. فلقد تذلل, وهو الرجل العظيم, لمن لا يستحق الاحترام لكي يبقوا علي حياة ابنه مجدي فضنوا عليه حتي بالرد. فترك السودان ومات في الغربة حزينا. اليست هذه جريمة؟. لقد تاجر رجال البشير بالمال وما قام به صلاح كرار ليس بخاف حتي علي الغافلين. ولماذا شنق جرجس الذي صرفت الدولة فلوسا علي تعليمه حتي صار طيارا. ولماذا يشنق الطالب اركانجلو لحيازة خمسة الف دولار ادخرها واقتطعها من اسرته لكي يذهب لخارج السودان ليدرس. الا تكفي هذه الجرائم فقط لمحاكمة البشير. تاجر العملة المعروف والذي كان في سجن كوبر واسمه مريود. كان محكوما عليه بالاعدام بنفس التهمة. وكان يتبختر في السجن ويقول انه لن يشنق. لأنه من حوش ود بانقا. وان اهله فرسان وهمباتة وما في زول بيقدر عليهم. ولم يشنق. وفي نفس تلك الفترة كان الدكتور الاخصائي مامون احمد حسين يواجه حكما بالاعدام. بسبب الاضراب. وكان قبلها قد تعرض للجلد والتعذيب, لدرجة ان الدكتور ابوصالح عندما زاره وراي آثار الجلد علي ظهره قال له اغفر لي يا مامون. ومامون بالرغم من طوله لم يكن وزنه يزيد عن ستين كيلوغراما. ولم يكن عليه من الشحم واللحم ما يجلد. ثم يأتي من يتشدق بالعدالة السودانية وامكانية تقديم البشيرلمحكمة داخل السودان. هذه صارت مضحكة مثل فكرة الفيران الذين قرروا ان يربطوا جرسا حول عنق القطة حتي يسمع (الفيران) الجرس. ويهربون. الي ان اكتشف عاقل من الفيران استحالة الموضوع . لانه ليس هنالك فأرا يجرؤ علي تعليق الجرس . برضو اهلنا قالوا كل آفة ليها صرافة. عبد الرحيم صاحب البطل الذي سرق. وتسببت سرقته في موت وخراب. نمرة البلاغ الفتحوهو ضدو شنو وكم؟. والقاضي الحاكمو حلتهم وين؟.والا مش قالوا استراحة محارب ورقوهو. طيب كوشيب وهارون ما حاكموهم جوه السودان ليه؟. ولا الشجاعة والعرضة والرقص ده بس قدام المساكين والعزل. ما اهو الكنغولي برأوهو. وما اي زول مشي محكمة العدل الدولية ادانوهو. ومافي اعدامات. الرجالة والبطولات دي ما يمشو يسوها هناك في محكمة العدل الدولية. من السهل جدا اللعب علي الشعور القومي والاباء والوطنية . ومال هتلر وموسليني ركبو علي السرج كيف ما بسبب العزف علي الشعور القومي واثارة الشوفينية والنتيجة 59 مليون ضحية. ود البضوي كان بيضوي كان ضوا في بيت امو. التحية, شوقي,

---

Post: #53 Title: Re: الجعليون لايصلحون لحكم السودان! Author: أسامة البلال Date: 03-18-2010, 04:32 PM Parent: #51 Quote: رمتنا أوسلو بأظرّط ما عندها من مستعرضين.. ___ وكت جبت سيرة القبائل، أها قبيلتك شنو يا البلال؟ وهل تصلح لحكم نفسها-خليك من السودان-؟ ياسر طيفور أخونا الذي في كندا والشهير بأبي تفه شايف زي ردة فعلك وكلامك دا ياهو الجايب لينا الكلامووصف الجعليين بالحماقة للجعليين أرجو أن تطول بالك وتقرأ باقي كلامي عن مبررات كتابة البوست وبطل حماقة جعليين:) ربنا يرجع ليك بشاشا وتراجي للمنبر تحياتي

---

Post: #54 Title: Re: الجعليون لايصلحون لحكم السودان! Author: أسامة البلال Date: 03-18-2010, 05:13 PM Parent: #53 Quote: طيب لو امو شايقية و ابوهو جعلي ينفع ؟ ينفع ونص ياخدر خاصة لو كان زول فنان... بالمناسبة نحن طالبنك حفلة في أوسلو تعويض عن حفلة العيد تحياتي للعائلة

---

Post: #55 Title: Re: الجعليون لايصلحون لحكم السودان! Author: ismeil abbas Date: 03-18-2010, 05:23 PM Parent: #48 أخى..اسامة...لك التحية..ومن حقك ان تسأل وهذا حق مشروع لك..فقط تجنب ألأسئلة لتى تقود للجهوية والتفرقة والتشتت....مع أحترامى لوجهة نظرك... شكرة اخى صبرى طه للمداخلة الثمينة بوضع شجرة العائلة لآهلنا الجعليين....وبصورو واضحة وجميلة..وشكرآ لمن اعدها..

---

Post: #56 Title: Re: الجعليون لايصلحون لحكم السودان! Author: سيف الدولة كامل Date: 03-18-2010, 06:22 PM Parent: #55 ضحكتني كتييييير يا ود المشرف,, يعني أنا أمشي وين ولااقبل وين, جعلي وهلالالالالالالالالالالالالالالالالالالابي ,,, يعني موت احمر ولا شنو؟ الاخ ياسر والله كلامك واضح لكن ابعد من القبلية أخيراك.

---

Post: #57 Title: Re: الجعليون لايصلحون لحكم السودان! Author: Osman Musa Date: 03-18-2010, 07:01 PM Parent: #56 والله بوستك يجيب ال DEPRESSION . يازول الله يبعد الفتنة . مالك ؟ وسببك شنو ؟

---

Post: #58 Title: Re: الجعليون لايصلحون لحكم السودان! Author: أمين محمد سليمان Date: 03-18-2010, 07:03 PM Parent: #56 كدي يا اخوانا فكرو ممكن أخونا البلال ده يكتب شنو و يردو ليه أكتر من خمسين زول ؟

---

Post: #59 Title: Re: الجعليون لايصلحون لحكم السودان! Author: KOSTA Date: 03-18-2010, 09:36 PM Parent: #58 Quote: هناك الكثيرين الذين يرون أن الجعليين معروفين بسرعة الانفعال ورد الفعل المتعجل في حال ما تعرضوا لمواقف شعروا أنها تقلل من شانهم أو تمس كرامتهم. بالإضافة لسماحتهم ومجاملتهم وتسامحهم إذا ما أسترضوا وطيب خاطرهم وأن الشكر بيمشي فيهم ولذلك يروا أنهم لا يصلحون للسياسة ومكرها والدبلوماسية وتملقها ولهم في ذلك أستدلالات من التاريخ القديم والبعيد الاخ اسامة البلال تحياتى و قبل: فان اطلاق الاحكام العامة على الاشياء ليس بمنطقى باعتبار استحالة ثبوت كل حكم عام على الواقع المعاش. كما ان ادخال القبلية و الجهوية - اياً كانت - فى اى امر من الامور خاصة السياسية منها شأن غير مقبول لان رسولنا الكريم قد امرنا بتركها ( دعوها فانها منتنة)، بالاضافة لحساسية و دقة المرحلة التى يمر بها السودان فى ظل الاستقطاب السياسى الحاد و التوتر الناجم عنه لقرب الانتخابات و تبعاتها. و بعد: اما ما ذهبت اليه فى الاقتباس اعلاه فهو حكم واعتقاد عام ليس بالضرورة ان يكون صفة يتصف بها كل من هو جعلى . فمثلاً هذا الاعتقاد الذى ذكرته عن الجعليين و عن الحماقة و حب الشكر صفة العديد من القبائل السودانية و لا تنطبق على الجعليين فقط ، كما ان هذه الصفات هى تراكمات فى الذاكرة الجمعية عن الجعليين و لم تثبت بدليل علمى او استقصاء اجتماعى بالطرق البحثية المعروفة و لذلك فان فى مصداقيتها نظر. كما ان هنالك العديد من الاعلام الجعليين الذين يضرب بهم المثل فى الرزانة و رجاحة العقل والحكمة مما ينسف المقولة اعلاه. ارجو اعادة النظر فيما ذهبت اليه و يجب ان لا نتأثر بما يقوله البعض و نستجيب لما يقولون بحيث نفتح موضوعاً خطيراً مثل الذى نناقشه . مع خالص الاحترام و التقدير لشخصكم.

---

Post: #60 Title: Re: الجعليون لايصلحون لحكم السودان! Author: أسامة البلال Date: 03-20-2010, 09:49 PM Parent: #59 الذين لم أتمكن من الرد عليهم, شكرا للمرور وسأعود لكم فردا فرد

---

Post: #61 Title: Re: الجعليون لايصلحون لحكم السودان! Author: nazar hussien Date: 03-21-2010, 07:54 AM Parent: #60 جعلي في أوسلو؟؟؟ موبالغة مش... لكن لو عارفين اوسلو عاملة ليكم شنو؟ موبالغة زي جعلية اوسلو يا اسامة: الصادق المهدي جعلي...ووليد الشفت بي دنقيلو دا برضو جعلي.. ما عليك من مفارقات السياسة...وفرز الكيمان... وبشاشا زاتو جعلي...العالم دي متملصين من اصلهم عشان لعبة الكراسي

---

Post: #62 Title: Re: الجعليون لايصلحون لحكم السودان! Author: سيف اليزل الماحي Date: 03-21-2010, 09:41 AM Parent: #61 . تحياتي أخي بلال، وضيوفك الكرام زمان جدنا عبد الله ودسعد عندما اتته الأخبار بقدوم الغادر لجيش "محمود ود أحمد" قال: من خلقنا ربنا يعدلها، نجيها نخربا، ربنا يعدلها، نجيها نخربها، عنها ما انعدلت .. فأخرج سيفه وخرج! والآن يابلال وكت ربنا عدلها، خلوها مستورة، باقي كلام جدنا ود سعد لازال حلقة في أذن أحفاده، فإن رأيت السيف في غمده فلا تحسبن أن الليث يبتسم! والسلام على طه سيف اليزل .

---

Post: #63 Title: Re: الجعليون لايصلحون لحكم السودان! Author: بريمة محمد Date: 03-21-2010, 01:14 PM Parent: #62 سيف Quote: تحياتي أخي بلال، وضيوفك الكرام زمان جدنا عبد الله ودسعد عندما اتته الأخبار بقدوم الغادر لجيش "محمود ود أحمد" قال: من خلقنا ربنا يعدلها، نجيها نخربا، ربنا يعدلها، نجيها نخربها، عنها ما انعدلت .. فأخرج سيفه وخرج! والآن يابلال وكت ربنا عدلها، خلوها مستورة، باقي كلام جدنا ود سعد لازال حلقة في أذن أحفاده، فإن رأيت السيف في غمده فلا تحسبن أن الليث يبتسم! والسلام على طه سيف اليزل وأحفاد الخليفه ومحمود ود أحمد أيضاً موجودين .. وإن رأيت أنياب الليث بارزة فلا تظنن أن الليث يبتسم. عنهم: بريمة البقارى

---

Post: #64 Title: Re: الجعليون لايصلحون لحكم السودان! Author: عمر سعد Date: 03-21-2010, 01:59 PM Parent: #63 البشير ليس جعليا الرجاء تصحيح المعلومه